Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
II. Nidana Vagga
XII. Nidana Samyutta
VII. Maha Vagga

Sutta 65

Nagaram

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][wp][ati][bd] Savatthi|| ||

[2] Pubbe me bhikkhave, sambodha anabhisambuddhassa bodhisattass'eva sato etad ahosi:|| ||

Kiccham vatayam loko apanno jayati ca jiyati ca miyati ca cavati ca uppajjati ca||
Atha ca panimassa dukkhassa nissaranam na pajanati jaramaranassa.|| ||

Kudassu nama imassa dukkhassa nissaranam pannayissati jaramaranassa ti.|| ||

[3] Tassa mayham bhikkhave, etad ahosi:|| ||

Kimhi nu kho sati jara-maranam hoti,||
kimpaccaya jaramaranan ti.|| ||

[4] Tassa mayham bhikkhave, yoniso manasikara ahu pannaya abhisamayo|| ||

Jatiya kho sati jara-maranam hoti.||
Jatipaccaya jaramaranan ti.|| ||

[5] Tassa mayham bhikkhave, etad ahosi:|| ||

Kimhi nu kho sati jati hoti.||
Kim paccaya jati ti.|| ||

Tassa mayham bhikkhave, yoniso manasikara ahu pannaya abhisamayo||
Bhavo kho sati jatiya hoti.||
Bhavapaccaya jati ti.|| ||

Tassa mayham bhikkhave, etad ahosi:|| ||

Kimhi nu kho sati bhavo hoti.||
Kim paccaya bhavo ti.|| ||

Tassa mayham bhikkhave, yoniso manasikara ahu pannaya abhisamayo||
Upadane kho sati bhavo hoti.||
Upadanapaccaya bhavo ti.|| ||

Tassa mayham bhikkhave, etad ahosi:|| ||

Kimhi nu kho sati upadanam hoti.||
Kim paccaya upadanan ti.|| ||

Tassa mayham bhikkhave, yoniso manasikara ahu pannaya abhisamayo||
Tanha kho sati upadanam hoti.||
Tanhapaccaya upadanan ti.|| ||

Tassa mayham bhikkhave, etad ahosi:|| ||

Kimhi nu kho sati tanha hoti.||
Kim paccaya tanha ti.|| ||

Tassa mayham bhikkhave, yoniso manasikara ahu pannaya abhisamayo||
Vedana kho sati tanha hoti.||
Vedanapaccaya tanha ti.|| ||

Tassa mayham bhikkhave, etad ahosi:|| ||

Kimhi nu kho sati vedana hoti.||
Kim paccaya vedana ti.|| ||

Tassa mayham bhikkhave, yoniso manasikara ahu pannaya abhisamayo||
Phasse kho sati vedana hoti.||
Phassapaccaya vedana ti.|| ||

Tassa mayham bhikkhave, etad ahosi:|| ||

Kimhi nu kho sati phasso hoti.||
Kim paccaya phasso ti.|| ||

Tassa mayham bhikkhave, yoniso manasikara ahu pannaya abhisamayo||
Sa'ayatane kho sati phasso hoti.||
salayatanapaccaya phasso ti.|| ||

Tassa mayham bhikkhave, etad ahosi:|| ||

Kimhi nu kho sati salayatanam hoti.||
Kim paccaya salayatanan ti.|| ||

Tassa mayham bhikkhave, yoniso manasikara ahu pannaya abhisamayo||
Namarupe kho sati salayatanam hoti.||
Namarupapaccaya salayatanan ti.|| ||

Tassa mayham bhikkhave, etad ahosi:|| ||

Kimhi nu kho sati namarupam hoti.||
Kim paccaya namarupan ti.|| ||

[6] Tassa mayham bhikkhave, yoniso manasikara ahu pannaya abhisamayo||
Vinnane kho sati namarupam hoti.||
Vinnanapaccaya namarupan ti.|| ||

[7] Tassa mayham bhikkhave, etad ahosi:|| ||

Kimhi nu kho sati vinnanam hoti.||
Kimpaccaya vinnanan ti.|| ||

[8] Tassa mayham bhikkhave, yoniso manasikara ahu pannaya abhisamayo||
Namarupe kho sati vinnanam hoti.||
Namarupapaccaya vinnanan ti.|| ||

[9] Tassa mayham bhikkhave, etad ahosi:|| ||

Paccudavattati kho idam vinnanam, namarupamha naparam gacchati.||
Ettavata jiyetha va jayetha va mayetha va cavetha va upapajjetha va yad idam namarupapaccaya vinnanam,||
vinnanapaccaya namarupam,||
namarupapaccaya salayatanam,||
salayatanapaccaya phasso,||
phassa-paccaya vedana,||
vedanapaccaya tanha.||
Tanhapaccaya upadanam.||
Upadanapaccaya bhavo.||
Bhavapaccaya jati.||
Jatipaccaya jara-maranam,||
soka-parideva-dukkha-domanass'-upayasa sambhavanti.|| ||

[105] Evam etassa kevalassa dukkhakkhandhassa samudayo hoti ti.|| ||

[10] Samudayo, samudayo ti kho me bhikkhave, pubbe ananussutesu dhammesu cakkhum udapadi, nanam udapadi, panna udapadi, vijja udapadi, aloko udapadi.|| ||

[11] Tassa mayham bhikkhave, etad ahosi:|| ||

Kimhi nu kho asati jara-maranam na hoti.||
Kissa nirodha jaramarananirodho ti.|| ||

[12] Tassa mayham bhikkhave, yoniso manasikara ahu pannaya abhisamayo|| ||

Jatiya kho asati jara-maranam na hoti,||
jatinirodha jaramarananirodho ti.|| ||

[13] Tassa mayham bhikkhave, etad ahosi:|| ||

Kimhi nu kho asati jati na hoti.||
Kissa nirodha jatinirodho ti.|| ||

Tassa mayham bhikkhave, yoniso manasikara ahu pannaya abhisamayo||
bhavo kho asati jati na hoti,||
bhavanirodha jatinirodho ti.|| ||

Tassa mayham bhikkhave, etad ahosi:|| ||

Kimhi nu kho asati bhavo na hoti.||
Kissa nirodha bhavanirodho ti.|| ||

Tassa mayham bhikkhave, yoniso manasikara ahu pannaya abhisamayo||
upadane kho asati bhavo na hoti.||
Upadananirodha bhavanirodho ti.|| ||

Tassa mayaham bhikkhave, etad ahosi:|| ||

Kimhi nu kho asati upadanam na hoti.||
Kissa nirodha upadananirodho ti.|| ||

Tassa mayham bhikkhave, yoniso manasikara ahu pannaya abhisamayo||
tanha kho asati upadanam na hoti.||
Tanhanirodha upadananirodho ti.|| ||

Tassa mayham bhikkhave, etad ahosi:|| ||

Kimhi nu kho asati tanha na hoti.||
Kissa nirodha tanhanirodho ti.|| ||

Tassa mayham bhikkhave, yoniso manasikara ahu pannaya abhisamayo||
vedana kho asati tanha na hoti.||
Vedananirodha tanhanirodho ti.|| ||

Tassa mayham bhikkhave, etad ahosi:|| ||

Kimhi nu asati vedana na hoti.||
Kissa nirodha vedananirodho ti.|| ||

Tassa mayham bhikkhave, yoniso manasikara ahu pannaya abhisamayo||
phasse kho asati vedana na hoti,||
phassanirodha vedananirodho ti.|| ||

Tassa mayham bhikkhave, etad ahosi:|| ||

Kimhi nu kho asati phasso na hoti.||
Kissa nirodha phassanirodho ti.|| ||

Tassa mayham bhikkhave, yoniso manasikara ahu pannaya abhisamayo||
sa'ayatane kho asati phasso na hoti,||
salayatananirodha phassanirodho ti.|| ||

Tassa mayham bhikkhave, etad ahosi:|| ||

Kimhi nu kho asati salayatanam na hoti.||
Kissa nirodha salayatananirodho ti.|| ||

Tassa mayham bhikkhave, yoniso manasikara ahu pannaya abhisamayo||
namarupe kho asati salayatanam na hoti,||
namarupanirodha salayatananirodho ti.|| ||

Tassa mayham bhikkhave, etad ahosi:|| ||

Kimhi nu kho asati namarupam na hoti.||
Kissa nirodha namarupanirodho ti.|| ||

[14] Tassa mayham bhikkhave, yoniso manasikara ahu pannaya abhisamayo||
vinnane kho asati namarupam na hoti.||
Vinnananirodha namarupanirodho ti|| ||

[15] Tassa mayham bhikkhave, etad ahosi:|| ||

Kimhi nu kho asati vinnanam na hoti.||
Kissa nirodha vinnananirodho ti.|| ||

[16] Tassa mayham bhikkhave, yoniso manasikara ahu pannaya abhisamayo||
namarupe kho asati vinnanam na hoti,||
namarupanirodha vinnananirodho ti.|| ||

[17] Tassa mayham bhikkhave, etad ahosi:|| ||

Adhigato kho myayam maggo bodhaya yad idam namarupanirodha vinnananirodho.||
Vinnananirodha namarupanirodho.||
Namarupanirodha salayatananirodho.||
salayatananirodha phassanirodho.||
Phassanirodha vedananirodho.||
Vedananirodha tanhanirodho.||
Tanhanirodha upadananirodho.||
Upadananirodha bhavanirodho.||
Bhavanirodha jatinirodho.||
Jatinirodha jara-maranam,||
soka-parideva-dukkha-domanass'-upayasa nirujjhanti.|| ||

Evam etassa kevalassa dukkhakkhandhassa nirodho hoti ti.|| ||

[18] Nirodho, nirodho ti kho me bhikkhave, pubbe ananussutesu dhammesu cakkhum udapadi, nanam udapadi, panna udapadi, vijja udapadi, aloko udapadi.|| ||

[19] seyyatha pi, bhikkhave,, puriso aranne pavane caramano passeyya puranam maggam purananjasam pubbakehi manussehi anuyatam.||
So tam anugaccheyya, tam anugacchanto passeyya puranam nagaram, puranam rajadhanim [106] pubbakehi manussehi ajjhavuttham aramasampannam vanasampannam pokkharanisampannam uddapavantam ramaniyam.|| ||

[20] Atha kho so bhikkhave, puriso ranno va rajamahamattassa va aroceyya|| ||

Yagghe bhante, janeyyasi||
aham addasam aranne pavane caramano puranam maggam purananjasam pubbakehi manussehi anuyatam tam anugacchim.||
Tam anugacchanto addasam puranam nagaram, puranam rajadhanim pubbakehi manussehi ajjhavuttham aramasampannam vanasampannam pokkharanisampannam uddapamvantam ramaniyam.||
Tam bhante, nagaram mapehi ti.|| ||

[21] Atha kho bhikkhave, raja va rajamahamatto va tam nagaram mapeyya,||
tad assa nagaram aparena samayena iddhan ce'va phitan ca bahujannam akinnamanussam vuddhim vepullappattam.|| ||

Evam eva khvaham bhikkhave, addasam puranam maggam purananjasam pubbakehi Samma-sambuddhehi anuyatam.|| ||

[22] Katamo ca so bhikkhave, puranamaggo purananjaso pubbakehi Samma-sambuddhehi anuyato?|| ||

Ayam eva ariyo atthangiko maggo.||
Seyyathipi:||
sammaditthi||
sammasankappo||
sammavaca||
sammakammanto||
sammaajivo||
sammavayamo||
sammasati||
sammasamadhi.|| ||

Ayam kho so bhikkhave puranamaggo purananjaso pubbakehi Samma-sambuddhehi anuyato.|| ||

Tam anugacchim,||
tam anugacchanto jara-maranam abbhannasim,||
jaramarana samudayam abbhannasim,||
jaramarananirodham abbhannasim,||
jaramarananirodhagaminipatipadam abbhannasim.|| ||

[23] Tam anugacchim,||
tam anugacchanto jatim abbhannasim,||
jatisamudayam abbhannasim,||
jatinirodham abbhannasim,||
jatinirodhagaminipatipadam abbhannasim.|| ||

[24] Tam anugacchim,||
tam anugacchanto bhavam abbhannasim,||
bhavasamudayam abbhannasim,||
bhavanirodham abbhannasim,||
bhavanirodhagaminipatipadam abbhannasim.|| ||

[25] Tam anugacchim,||
tam anugacchanto, upadanam abbhannasim,||
upadanasamudayam abbhannasim,||
upadananirodham abbhannasim,||
upadananirodhagaminipatipadam abbhannasim.|| ||

[26] Tam anugacchim,||
tam anugacchanto tanham abbhannasim,||
tanhasamudayam abbhannasim,||
tanhanirodham abbhannasim,||
tanhanirodhagaminipatipadam abbhannasim.|| ||

[27] Tam anugacchim,||
tam anugacchanto vedanam abbhannasim,||
vedanadasamudayam abbhannasim,||
vedananirodham abbhannasim,||
vedananirodhagaminipatipadam abbhannasim.|| ||

[28] Tam anugacchim,||
tam anugacchanto phassam abbhannasim,||
phassasamudayam abbhannasim,||
phassanirodham abbhannasim,||
phassanirodhagaminipatipadam abbhannasim.|| ||

[29] Tam anugacchim,||
tam anugacchanto salayatanam abbhannasim,||
salayatanasamudayam abbhannasim,||
salayatananirodham abbhannasim,||
salayatananirodhagaminipatipadam abbhannasim.|| ||

[30] Tam anugacchim,||
tam anugacchanto namarupam abbhannasim,||
namarupasamudayam abbhannasim,||
namarupanirodham abbhannasim,||
namarupanirodhagaminipatipadam abbhannasim.|| ||

[31] Tam anugacchim,||
tam anugacchanto vinnanam abbhannasim,||
vinnanasamudayam abbhannasim,||
vinnananirodham abbhannasim,||
vinnananirodhagaminipatipadam aubbhannasim.|| ||

[32] Tam anugacchim,||
tam anugacchanto sankhare abbhannasim,||
sankharasamudayam abbhannasim,||
sankharanirodham abbhannasim,||
sankharanirodhagaminipatipadam abbhannasim.|| ||

[107] [33] Tad abhinna acikkhim bhikkhunam bhikkhuninam upasakanam upasikanam.||
Ta-y-idam, bhikkhave,, brahmacariyam iddhan c'eva phitan ca vittharikam bahujannam puthubhutam yavad eva manussehi suppakasitanti.|| ||


Contact:
E-mail
Copyright Statement