Saṃyutta Nikāya
II. Nidāna Vagga
20. Opamma-Saṃuttaṃ
Sutta 12
Dutiya Sigālaka Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayaṃ Bhagavā Sāvatthiyaṃ viharati.||
Jetavane Anāthapiṇḍikassa ārāme.|| ||
[2] "Assuttha no tumhe bhikkhave,||
rattiyā paccūsa-samayaṃ sigālassa vassamānassā" ti?|| ||
"Evaṃ bhante" ti.|| ||
[3] "Siyā kho bhikkhave,||
tasmiṃ jarasigāle yā kāci kataññutā kata-veditā,||
na tv'eva idh'ekacce Sakya-puttiya-paṭiññe pi yā kāci kataññutā kata-veditā.|| ||
[4] Tasmāt ti ha bhikkhave,||
evaṃ sikkhitabbaṃ:|| ||
'Kataññuno bhavissāma kata-vedino,||
amhesu appakam pi kataṃ mā nassissatī' ti.|| ||
Evaṃ hi vo bhikkhave, sikkhitabban" ti.|| ||
Opamma Saṃyuttaṃ Samattaṃ