Paṭhama Samudayo Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evaṃ me sutaṃ.|| ||

Ekaṃ samayaṃ Bhagavā Sāvatthiyaṃ viharati.|| ||

"A-s-sutavā bhikkhave, puthujjano||
rūpassa samudayañ ca||
attha-gamaṃ ca||
nissaraṇañ ca||
yathā-bhūtaṃ na-p-pajānāti.|| ||

Vedanāya samudayañ ca||
attha-gamaṃ ca||
nissaraṇañ ca||
yathā-bhūtaṃ na-p-pajānāti.|| ||

Saññāya samudayañ ca||
attha-gamaṃ ca||
nissaraṇañ ca||
yathā-bhūtaṃ na-p-pajānāti.|| ||

Saṅkhārānaṃ samudayañ ca||
attha-gamaṃ ca||
nissaraṇañ ca||
yathā-bhūtaṃ na-p-pajānāti.|| ||

Viññāṇassa samudayañ ca||
attha-gamaṃ ca||
nissaraṇañ ca||
yathā-bhūtaṃ na-p-pajānāti.|| ||

Sutavā ca kho bhikkhave ariya-sāvako||
rūpassa samudayañ ca||
attha-gamaṃ ca||
nissaraṇañ ca||
yathā-bhūtaṃ pajānāti.|| ||

Vedanāya samudayañ ca||
attha-gamaṃ ca||
nissaraṇañ ca||
yathā-bhūtaṃ pajānāti.|| ||

Saññāya samudayañ ca||
attha-gamaṃ ca||
nissaraṇañ ca||
yathā-bhūtaṃ pajānāti.|| ||

Saṅkhārānaṃ samudayañ ca||
attha-gamaṃ ca||
nissaraṇañ ca||
yathā-bhūtaṃ pajānāti.|| ||

Viññāṇassa samudayañ ca||
attha-gamaṃ ca||
nissaraṇañ ca||
yathā-bhūtaṃ pajānā" ti.|| ||