Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya:
IV. Salayatana Vagga
35: Salayatana Samyutta
Pannasako Dutiyo
2. Migajala Vagga

Sutta 69

Upasena Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


[40]

[1][pts][than][bodh] Evam me sutam:|| ||

Ekam samayam ayasma ca Sariputto ayasma ca Upaseno Rajagahe viharanti||
sitavane sappasondika pabbhare.|| ||

Tena kho pana samayena ayasmato upasenassa kaye asiviso patito hoti.|| ||

Atha kho ayasma upaseno bhikkhu amantesi:|| ||

"Etha me avuso,||
imam kayam mancakam aropetva bahiddha niharatha,||
purayam kayo idh'eva vikirati||
seyyatha pi bhusamutthi" ti.|| ||

Evam vutte ayasma Sariputto ayasmantam Upasenam etad avoca:|| ||

"Na kho pana mayam passama ayasmato Upasenassa kayassa va annathattam indriyanam va viparinamam.|| ||

Atha panayasma Upaseno evam aha:|| ||

"Etha me avuso imam kayam mancakam aropetva bahiddha niharatha,||
purayam kayo idh'eva vikirati||
seyyatha pi bhusamutthi ti.|| ||

Yassa nuna avuso Sariputta evam assa:|| ||

'Aham cakkhun' ti va||
'mama cakkhun' ti va,||
'aham sotan' ti va||
'mama sotan' ti va,||
'aham ghanan' ti va||
'mama ghanan' ti va,||
'aham jivha' ti va||
'mama jivha' ti va,||
'aham kayo' ti va||
'mama kayo' ti va,||
'aham mano' ti va||
'mama mano' ti va,||
tassa nuna avuso Sariputta siya kayassa va||
annathattam indriyanam va||
viparinamo.|| ||

Mayhan ca kho avuso Sariputta na evam hoti:|| ||

[41] 'Aham cakkhun' ti va||
'mama cakkhun' ti va,||
'aham sotan' ti va||
'mama sotan' ti va,||
'aham ghanan' ti va||
'mama ghanan' ti va,||
'aham jivha' ti va||
'mama jivha' ti va,||
'aham kayo' ti va||
'mama kayo' ti va,||
'aham mano' ti va||
'mama mano' ti va,||
tassa mayham avuso Sariputta kim kayassa va||
annathattam bhavissati indriyanam va||
viparinamo" ti?|| ||

"Tatha hi panayasmato Upasenassa digha-rattam aham-kara-mamim-kara-mananusaya susamuhata,||
tasma yasmato Upasenassa na evam hoti:|| ||

'Aham cakkhun' ti va||
'mama cakkhun' ti va,||
'aham sotan' ti va||
'mama sotan' ti va,||
'aham ghanan' ti va||
'mama ghanan' ti va,||
'aham jivha' ti va||
'mama jivha' ti va,||
'aham kayo' ti va||
'mama kayo' ti va,||
'aham mano' ti va||
'mama mano' ti va" ti.|| ||

Atha kho te bhikkhu ayasmato Upasenassa kayam mancakam aropetva bahiddha niharimsu.|| ||

Atha kho ayasmato upasenassa kayo tattheva vikiri||
seyyatha pi bhusamutthi ti.|| ||

 


Contact:
E-mail
Copyright Statement