Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasaka Dutiya
3. Gilana Vagga

Sutta 78

Anatta Suttam (aka: Radha Suttam (iii))

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Atha kho ayasma Radho yena bhagava ten'upasamkami.|| ||

Upasamkamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Radho Bhagavantam etad avoca:|| ||

"Sadhu me bhante, bhagava sankhittena dhammam desetu,||
yam aham Bhagavato dhammam sutva eko vupakattho appamatto atapi pahitatto vihareyyan" ti.|| ||

"Yam kho Radha, anatta||
tatra te chando pahatabbo.|| ||

Kin ca Radha, anatta?|| ||

Cakkhum kho Radha, anatta,||
tatra te chando pahatabbo.|| ||

Rupa anatta,||
tatra te chando pahatabbo.|| ||

Cakkhu-vinnanam anatta,||
tatra te chando pahatabbo.|| ||

Cakkhu-samphasso anatta,||
tatra te chando pahatabbo.|| ||

Yampidam cakkhu-samphassa-paccaya uppajjati vedayitam||
sukham va||
dukkhm va||
adukkha-m-asukham va||
tam pi anatta,||
tatra te chando pahatabbo.|| ||

Sotam anatta,||
tatra te chando pahatabbo.|| ||

Sadda anatta,||
tatra te chando pahatabbo.|| ||

Sota-vinnanam anatta,||
tatra te chando pahatabbo.|| ||

Sota-samphasso anatta,||
tatra te chando pahatabbo.|| ||

Yampidam sota-samphassa-paccaya uppajjati vedayitam||
sukham va||
dukkhm va||
adukkha-m-asukham va||
tam pi anatta,||
tatra te chando pahatabbo.|| ||

Ghanam anatta,||
tatra te chando pahatabbo.|| ||

Gandha anatta,||
tatra te chando pahatabbo.|| ||

Ghana-vinnanam anatta,||
tatra te chando pahatabbo.|| ||

Ghana-samphasso anatta,||
tatra te chando pahatabbo.|| ||

Yampidam ghana-samphassa-paccaya uppajjati vedayitam||
sukham va||
dukkhm va||
adukkha-m-asukham va||
tam pi anatta,||
tatra te chando pahatabbo.|| ||

Jivha anatta,||
tatra te chando pahatabbo.|| ||

Rasa anatta,||
tatra te chando pahatabbo.|| ||

Jivha-vinnanam anatta,||
tatra te chando pahatabbo.|| ||

Jivha-samphasso anatta,||
tatra te chando pahatabbo.|| ||

Yampidam jivha-samphassa-paccaya uppajjati vedayitam||
sukham va||
dukkhm va||
adukkha-m-asukham va||
tam pi anatta,||
tatra te chando pahatabbo.|| ||

Kayo anatta,||
tatra te chando pahatabbo.|| ||

Photthabba anatta,||
tatra te chando pahatabbo.|| ||

Kaya-vinnanam anatta,||
tatra te chando pahatabbo.|| ||

Kaya-samphasso anatta,||
tatra te chando pahatabbo.|| ||

Yampidam kaya-samphassa-paccaya uppajjati vedayitam||
sukham va||
dukkhm va||
adukkha-m-asukham va||
tam pi anatta,||
tatra te chando pahatabbo.|| ||

Mano anatta,||
tatra te chando pahatabbo.|| ||

Dhamma anatta,||
tatra te chando pahatabbo.|| ||

Manovinnanam anatta,||
tatra te chando pahatabbo.|| ||

Manosamphasso anatta,||
tatra te chando pahatabbo.|| ||

Yampidam mano-samphassa-paccaya uppajjati vedayitam||
sukham va||
dukkhm va||
adukkha-m-asukham va||
tam pi anatta,||
tatra te chando pahatabbo.|| ||

Yam kho Radha anatta,||
tatra te chando pahatabbo" ti.|| ||

 


Contact:
E-mail
Copyright Statement