Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasaka Dutiya
3. Gilana Vagga

Sutta 80

Dutiya Avijja Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than][olds][bodh] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Atha kho annataro bhikkhu yena bhagava tenupasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho so bhikkhu Bhagavantam etad avoca:|| ||

"Atthi nu kho bhante, eko dhammo yassa pahana bhikkhuno||
avijja pahiyati||
vijja uppajjati" ti?|| ||

"Atthi kho bhikkhu eko dhammo yassa pahana bhikkhuno||
avijja pahiyati||
vijja uppajjati" ti.|| ||

"Katamo pana bhante, eko dhammo yassa pahana bhikkhuno||
avijja pahiyati||
vijja uppajjati" ti?|| ||

"Idha bhikkhu, bhikkhuno sutam hoti|| ||

'Sabbe dhamma nalam abhinivesaya' ti.|| ||

Evan ce tam bhikkhu,||
bhikkhuno sutam hoti|| ||

'Sabbe dhamma nalam abhinivesaya,' ti;|| ||

so sabbam dhammam abhijanati,||
sabbam dhammam abhinnaya,||
sabbam dhammam parijanati||
sabbam dhammam parinnaya||
sabba-nimittani annato passati.|| ||

Cakkhum annato passati,||
rupe annato passati,||
cakkhu-vinnanam annato passati,||
cakkhu-samphassam annato passati,||
yampidam cakkhu-samphassa-paccaya uppajjati||
sukham va||
dukkham va||
adukkha-m-asukham va||
tam pi annato passati.|| ||

Sotam annato passati,||
sadde annato passati,||
sota-vinnanam annato passati,||
sota-samphassam annato passati,||
yampidam sota-samphassa-paccaya uppajjati||
sukham va||
dukkham va||
adukkha-m-asukham va||
tam pi annato passati.|| ||

Ghanam annato passati,||
gandhe annato passati,||
ghana-vinnanam annato passati,||
ghana-samphassam annato passati,||
yampidam ghana-samphassa-paccaya uppajjati||
sukham va||
dukkham va||
adukkha-m-asukham va||
tam pi annato passati.|| ||

Jivha annato passati,||
rase annato passati,||
jivha-vinnanam annato passati,||
jivha-samphassam annato passati,||
yampidam jivha-samphassa-paccaya uppajjati||
sukham va||
dukkham va||
adukkha-m-asukham va||
tam pi annato passati.|| ||

Kayo annato passati,||
photthabbe annato passati,||
kaya-vinnanam annato passati,||
kaya-samphassam annato passati,||
yampidam kaya-samphassa-paccaya uppajjati||
sukham va||
dukkham va||
adukkha-m-asukham va||
tam pi annato passati.|| ||

Mano annato passati,||
dhamme annato passati,||
mano-vinnanam annato passati,||
mano-samphassam annato passati,||
yampidam mano-samphassa-paccaya uppajjati||
sukham va||
dukkham va||
adukkha-m-asukham va||
tam pi annato passati.|| ||

Evam kho bhikkhu janato evam passato bhikkhuno||
avijja pahiyati||
vijja uppajjati" ti.|| ||

 


Contact:
E-mail
Copyright Statement