Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasaka Dutiya
3. Gilana Vagga

Sutta 81

Sambahula-bhikkhu Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutam:|| ||

Ekam samayam Bhagava Savatthi yam viharati Jetavane Anathapindikassa arame.|| ||

Atha kho sambahula bhikkhu yena bhagava ten'upasamkamimsu.|| ||

Upasamkamitva Bhagavantam abhivadetva eka-m-antam nisidimsu.|| ||

Eka-m-antam nisinno kho te bhikkhu Bhagavantam [51] etad avocum.|| ||

"Idha no bhante, annatitthiya paribbajaka amhe evam pucchanti:|| ||

'Kim atthi yam avuso samane Gotame brahmacariyam vussati' ti?|| ||

Evam puttha mayam bhante,||
tesam annatitthiyanam paribbajakanam evam vyakaroma:|| ||

'Dukkhassa kho avuso parinnattham Bhagavati brahmacariyam vussati' ti.|| ||

Kacci mayam bhante,||
evam puttha evam vyakaramana vuttavadino||
ve Bhagavato homa||
na ca Bhagavantam abhutena abbhacikkhama,||
dhammassa canudhammam vyakaroma,||
na ca koci sahadhammiko vadanuvado garayham thanam agacchati" ti?|| ||

"Taggha tumhe bhikkhave, evam puttha||
evam vyakaramana||
vuttavadino ceva me hotha||
na ca mam abhutena abbhacikkhatha,||
dhammassa canudhammam vyakarotha,||
na ca koci sahadhammiko vadanuvado garayham thanam agacchati,||
dukkhassa hi bhikkhave,||
parinnattham mayi brahmacariyam vussati.|| ||

Sace vo bhikkhave, annatitthiya paribbajaka evam puccheyyum:|| ||

'Katamam pana tam avuso dukkham yassa parinnaya samane Gotame brahmacariyam vussati' ti?|| ||

Evam puttha tumhe bhikkhave,||
tesam annatitthiyanam paribbajakanam evam vyakareyyatha:|| ||

'Cakkhum kho avuso dukkham||
tassa parinnaya Bhagavati brahmacariyam vussati,||
rupam dukkham||
tassa parinnaya Bhagavati brahmacariyam vussati,||
cakkhu-vinnanam dukkham tassa parinnaya Bhagavati brahmacariyam vussati,||
cakkhu-samphasso dukkho||
tassa parinnaya Bhagavati brahmacariyam vussati,||
yampidam cakkhu-samphassa-paccaya uppajjati vedayitam||
sukham va||
dukkham va||
adukkha-m-asukham va||
tam pi dukkham,||
tassa parinnaya Bhagavati brahmacariyam vussati.|| ||

Sotam dukkham||
tassa parinnaya Bhagavati brahmacariyam vussati,||
saddam dukkham||
tassa parinnaya Bhagavati brahmacariyam vussati,||
sota-vinnanam dukkham||
tassa parinnaya Bhagavati brahmacariyam vussati,||
sota-samphasso dukkho||
tassa parinnaya Bhagavati brahmacariyam vussati,||
yampidam sota-samphassa-paccaya uppajjati vedayitam||
sukham va||
dukkham va||
adukkha-m-asukham va||
tam pi dukkham,||
tassa parinnaya Bhagavati brahmacariyam vussati.|| ||

Jivha dukkha||
tassa parinnaya Bhagavati brahmacariyam vussati,||
rasam dukkham tassa parinnaya Bhagavati brahmacariyam vussati,||
jivha-vinnanam dukkham||
tassa parinnaya Bhagavati brahmacariyam vussati,||
jivha-samphasso dukkho||
tassa parinnaya Bhagavati brahmacariyam vussati,||
yampidam jivha-samphassa-paccaya uppajjati vedayitam||
sukham va||
dukkham va||
adukkha-m-asukham va||
tam pi dukkham,||
tassa parinnaya Bhagavati brahmacariyam vussati.|| ||

Kayo dukkho||
tassa parinnaya Bhagavati brahmacariyam vussati,||
photthabba dukkha||
tassa parinnaya Bhagavati brahmacariyam vussati,||
kaya-vinnanam dukkham||
tassa parinnaya Bhagavati brahmacariyam vussati,||
kaya-samphasso dukkho||
tassa parinnaya Bhagavati brahmacariyam vussati,||
yampidam kaya-samphassa-paccaya uppajjati vedayitam||
sukham va||
dukkham va||
adukkha-m-asukham va||
tam pi dukkham,||
tassa parinnaya Bhagavati brahmacariyam vussati.|| ||

Mano dukkho||
tasasa parinnaya Bhagavati brahmacariyam vussati,||
dhamma dukkha||
tassa parinnaya Bhagavati brahmacariyam vussati,||
mano-vinnanam dukkham||
tassa parinnaya Bhagavati brahmacariyam vussati,||
mano-samphasso dukkho||
tassa parinnaya Bhagavati brahmacariyam vussati,||
yampidam mano-samphassa-paccaya uppajjati vedayitam||
sukham va||
dukkham va||
adukkha-m-asukham va||
tam pi dukkham,||
tassa parinnaya Bhagavati brahmacariyam vussati.|| ||

[52] Evam puttha tumhe bhikkhave, tesam annatitthiyanam paribbajakanam evam vyakareyyatha" ti.|| ||

 


Contact:
E-mail
Copyright Statement