Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasaka Dutiya
5. Sala Vagga

Sutta 100

Patisallana Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


[80]

[1][pts][bodh] Evam me sutam:|| ||

Ekam samayam Bhagava Savatthiyam viharati.|| ||

2. Tatra kho bhagava bhikkhu amantesi|| ||

"Bhikkhavo" ti.|| ||

"Bhadante" ti||
te bhikkhu bhagavato paccassosum.|| ||

3. Bhagava etad avoca:|| ||

Patisallanam bhikkhave yogam apajjatha||
patisallino bhikkhave bhikkhu yathabhutam pajanati.|| ||

Kinca yathabhutam pajanati?|| ||

'Cakkhum aniccan' ti yathabhutam pajanati.|| ||

'Rupa [81] anicca' ti yathabhutam pajanati.|| ||

'Cakkhu-vinnanam aniccan' ti yathabhutam pajanati.|| ||

'Cakkhu-samphasso anicco' ti yathabhutam pajanati.|| ||

'Yam pidam cakkhu-samphassa-paccaya uppajjati vedayitam||
sukham va||
dukkham va||
adukkha-m-asukham va||
tam pi aniccan' ti yathabhutam pajanati.|| ||

'Sotam aniccan' ti yathabhutam pajanati.|| ||

'Sadda anicca' ti yathabhutam pajanati.|| ||

'Sota-vinnanam aniccan' ti yathabhutam pajanati.|| ||

'Sota-samphasso anicco' ti yathabhutam pajanati.|| ||

'Yam pidam sota-samphassa-paccaya uppajjati vedayitam sukham va dukkham va adukkha-m-asukham va tam pi aniccan' ti yathabhutam pajanati.|| ||

'Ghanam aniccan' ti yathabhutam pajanati.|| ||

'Gandha anicca' ti yathabhutam pajanati.|| ||

'Ghana-vinnanam aniccan' ti yathabhutam pajanati.|| ||

'Ghana-samphasso anicco' ti yathabhutam pajanati.|| ||

'Yam pidam ghana-samphassa-paccaya uppajjati vedayitam sukham va dukkham va adukkha-m-asukham va tam pi aniccan' ti yathabhutam pajanati.|| ||

'Jivha anicca' ti yathabhutam pajanati.|| ||

'Rasa anicca' ti yathabhutam pajanati.|| ||

'Jivha-vinnanam aniccan' ti yathabhutam pajanati.|| ||

'Jivha-samphasso anicco' ti yathabhutam pajanati.|| ||

'Yam pidam jivha-samphassa-paccaya uppajjati vedayitam sukham va dukkham va adukkha-m-asukham va tam pi aniccan' ti yathabhutam pajanati.|| ||

'Kayo anicco' ti yathabhutam pajanati.|| ||

'Photthabba anicca' ti yathabhutam pajanati.|| ||

'Kaya-vinnanam aniccan' ti yathabhutam pajanati.|| ||

'Kaya-samphasso anicco' ti yathabhutam pajanati.|| ||

'Yam pidam kaya-samphassa-paccaya uppajjati vedayitam sukham va dukkham va adukkha-m-asukham va tam pi aniccan' ti yathabhutam pajanati.|| ||

'Mano anicco' ti yathabhutam pajanati.|| ||

'Dhamma anicca' ti yathabhutam pajanati.|| ||

'Mano-vinnanam aniccan' ti yathabhutam pajanati.|| ||

'Mano-samphasso anicco' ti yathabhutam pajanati.|| ||

'Yam pidam mano-samphassa-paccaya uppajjati vedayitam sukham va dukkham va adukkha-m-asukham va tam pi aniccan' ti yathabhutam pajanati.|| ||

Patisallanam bhikkhave yogam apajjatha||
patisallino bhikkhave bhikkhu yathabhutam pajanati" ti.|| ||

 


Contact:
E-mail
Copyright Statement