Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasaka Tatiya
2. Lokakamaguna Vagga

Sutta 116

Pathama Loka-Kama-Guna Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


[93]

[1][pts][bodh] Evam me sutam:|| ||

Ekam samayam Bhagava bhikkhu amantesi|| ||

"Bhikkhavo" ti.|| ||

"Bhadante" ti||
te bhikkhu bhagavato paccassosum.|| ||

Bhagava etad avoca:|| ||

"Naham bhikkhave gamanena lokassa antam nateyyam dattheyyam patteyyan ti vadami||
na ca panaham bhikkhave appatva lokassa antam dukkhassa antakiriyam vadami" ti.|| ||

Idam vatva Bhagava utthay asana viharam pavisi.|| ||

3. Atha kho tesam bhikkhunam acirapakkantassa Bhagavato etad ahosi:|| ||

"Idam kho no avuso Bhagava sankhittena uddesam uddisitva vittharena attham avibhajitva utthay asana viharam pavittho:|| ||

"Naham bhikkhave gamanena lokassa antam nateyyam dattheyyam patteyyan ti vadami||
na ca panaham bhikkhave appatva lokassa antam dukkhassa antakiriyam vadami" ti.|| ||

Ko nu kho imassa Bhagavata sankhittena uddesassa udditthassa vittharena attham avibhattassa vittharena attham vibhajeyya" ti?|| ||

Atha kho tesam bhikkhunam etad ahosi:|| ||

"Ayam kho ayasma Anando satthu ceva samvannito,||
sambhavito ca vinnunam sabrahmacarinam.|| ||

Pahoti ca ayasma Anando imassa Bhagavata sankhittena uddesassa udditthassa vittharena attham vibhajitum. || ||

Yam nuna mayam yena yasma Anando tenupasankameyyama.|| ||

Upasankamitva ayasmantam Anandam etam attham patipuccheyyama" ti.|| ||

Atha kho te bhikkhu yenayasma Anando tenupasankamimsu.|| ||

Upasankamitva ayasmata Anandena saddhim sammodimsu.|| ||

Sammodaniyam katham saraniyam vitisaretva eka-m-antam nisidimsu.|| ||

Eka-m-antam nisinna kho te bhikkhu ayasmantam [94] [\q 94/] Anandam etad avocum:|| ||

"Idam kho no avuso Bhagava sankhittena uddesam uddisitva vittharena attham avibhajitva utthay asana viharam pavittho:|| ||

"Naham bhikkhave gamanena lokassa antam nateyyam dattheyyam patteyyan ti vadami||
na ca panaham bhikkhave appatva lokassa antam dukkhassa antakiriyam vadami" ti.|| ||

Tesam no avuso amhakam acirapakkantassa Bhagavato etad ahosi:|| ||

'Idam kho no avuso Bhagava sankhittena uddesam uddisitva vittharena attham avibhajitva utthay asana viharam pavittho:|| ||

"Naham bhikkhave gamanena lokassa antam nateyyam dattheyyam patteyyan ti vadami||
na ca panaham bhikkhave appatva lokassa antam dukkhassa antakiriyam vadami' ti.|| ||

Ko nu kho imassa Bhagavata sankhittena uddesassa udditthassa vittharena attham avibhattassa vittharena attham vibhajeyya" ti?|| ||

Atha kho tesam bhikkhunam etad ahosi:|| ||

"Ayam kho ayasma Anando satthu ceva samvannito,||
sambhavito ca vinnunam sabrahmacarinam.|| ||

Pahoti ca ayasma Anando imassa Bhagavata sankhittena uddesassa udditthassa vittharena attham vibhajitum. || ||

Yannuna mayam yenayasma Anando tenupasankameyyama.|| ||

Upasankamitva ayasmantam Anandam etam attham patipuccheyyamati.|| ||

Vibhajatayasma Anando" ti.|| ||

"Seyyatha pi avuso puriso saratthiko saragavesi sarapariyesanam caramano mahato rukkhassa titthato saravato atikkammeva mulam atikkamma khandham sakhapalase saram pariyesitabbam manneyya evam sampadam idam.|| ||

Ayasmantanam satthari sammukhibhute tam Bhagavantam atisitva amhe etam attham patipucchitabbam mannatha.|| ||

So avuso Bhagava||
janam janati||
passam passati||
cakkhubhuto||
nanabhuto||
dhammabhuto||
brahmabhuto||
vatta pavatta atthassa ninneta amatassa data dhammassami Tathagato.|| ||

So ceva panetassa kalo ahosi,||
yam Bhagavantam yeva etam attham patipucchey- [95] yatha,||
yatha vo Bhagava vyakareyya tatha tam dhareyyatha" ti.|| ||

"Addhavuso Ananda Bhagava||
janam janati||
passam passati||
cakkhubhuto||
nanabhuto||
dhammabhuto||
brahmabhuto||
vatta pavatta atthassa ninneta amatassa data dhammassami Tathagato.|| ||

So ceva panetassa kalo ahosi yam Bhagavantam yeva etam attham patipuccheyyama,||
yatha no Bhagava vyakareyya tatha nam dhareyyama.|| ||

Api cayasma Anando satthu ceva samvannito sambhavito ca vinnunam sabrahmacarinam,||
pahoti cayasma Anando imassa Bhagavata sankhittena uddesassa udditthassa vittharena attham avibhattassa vittharena attham vibhajitum,||
vibhajatayasma Anando agarum karitva" ti.|| ||

"Tena havuso sunatha,||
sadhukam manasikarotha,||
bhasissami" ti.|| ||

"Evam avuso" ti kho te bhikkhu ayasmato Anandassa paccassosum.|| ||

Ayasma Anando etad avoca:|| ||

"Yam kho vo avuso Bhagava sankhittena uddesam uddisitva vittharena attham avibhajitva utthay asana viharam pavittho:|| ||

"Naham bhikkhave gamanena lokassa antam nateyyam dattheyyam patteyyan ti vadami||
na ca panaham bhikkhave appatva lokassa antam dukkhassa antakiriyam vadami" ti.|| ||

Imassa khvaham avuso Bhagavata sankhittena uddesassa udditthassa vittharena attham avibhattassa evam vittharena attham ajanami:|| ||

Yena kho avuso lokasmim lokasanni hoti lokamani, ayam vuccati ariyassa vinaye loko. Kena cavuso lokasmim lokasanni hoti lokamani?|| ||

Cakkhuna kho avuso lokasmim lokasanni hoti lokamani,||
sotena kho avuso lokasmim lokasanni hoti lokamani,||
ghanena kho avuso lokasmim lokasanni hoti lokamani,||
jivhaya kho avuso lokasmim lokasanni hoti lokamani,||
kayena kho avuso lokasmim lokasanni hoti lokamani,||
manena kho avuso lokasmim lokasanni hoti lokamani.|| ||

Yena kho avuso lokasmim lokasanni hoti lokamani||
ayam vuccati ariyassa vinaye loko.|| ||

[96] Yam kho vo avuso Bhagava sankhittena uddesam uddisitva vittharena attham avibhajitva utthay asana viharam pavittho|| ||

"Naham bhikkhave gamanena lokassa antam nateyyam dattheyyam patteyyan ti vadami||
na ca panaham bhikkhave appatva lokassa antam dukkhassa antakiriyam vadami" ti.|| ||

Imassa khvaham avuso Bhagavata sankhittena uddesassa udditthassa vittharena attham avibhattassa evam vittharena attham ajanami.|| ||

Akankhamana ca pana tumhe ayasmanto, Bhagavantam yeva upasankamitva etam attham patipuccheyyatha.|| ||

Yatha vo Bhagava vyakaroti tatha nam dhareyyatha" ti.|| ||

"Evam avuso" ti kho te bhikkhu ayasmato Anandassa patissutava utthay asana yena Bhagava tenupasankamimsu,||
upasankamitva Bhagavantam abhivadetva eka-m-antam nisidimsu.|| ||

Eka-m-antam nisinna kho te bhikkhu Bhagavantam etad avocum:|| ||

Yam kho no bhante, Bhagava sankhittena uddesam uddisitva vittharena attham avibhajitva utthay asana viharam pavittho:|| ||

"Naham bhikkhave gamanena lokassa antam nateyyam dattheyyam patteyyan ti vadami||
na ca panaham bhikkhave appatva lokassa antam dukkhassa antakiriyam vadami" ti.|| ||

Tesam no bhante amhakam acirapakkantassa Bhagavato etad ahosi:|| ||

Idam kho no avuso, Bhagava sankhittena uddesam uddisitva vittharena attham avibhajitva utthay asana viharam pavittho|| ||

"Naham bhikkhave gamanena lokassa antam nateyyam dattheyyam patteyyan ti vadami||
na ca panaham bhikkhave appatva lokassa antam dukkhassa antakiriyam vadami" ti.|| ||

Ko nu kho imassa Bhagavata sankhittena uddesassa udditthassa vittharena attham avibhattassa vittharena attham vibhajeyya" ti.|| ||

Tesam no bhante amhakam etad ahosi:|| ||

"Ayam [97] kho ayasma Anando satthuceva samvannito sambhavito ca vinnunam sabrahmacarinam,||
pahoti cayasma Anando imassa Bhagavata sankhittena uddesassa udditthassa vittharena attham avibhattassa vittharena attham vibhajitum.|| ||

Yan nuna mayam yenayasma Anando tenupasankameyyama,||
upasankamitva ayasmantam Anandam etam attham patipuccheyyamati.|| ||

Atha kho mayam bhante yenayasma Anando tenupasankamimha||
upasankamitva ayasmantam Anandam etam attham patipucchimha.|| ||

Tesam no h'etam bhante, ayasmata Anandena imehi akarehi imehi padehi imehi vyanjanehi attho vibhatto" ti.|| ||

Pandito bhikkhave Anando, mahapanno bhikkhave Anando,||
mam ce pi tumhe bhikkhave etam attham patipuccheyyatha,||
aham pi ca tam evam eva vyakareyyam,||
yatha tam Anandena vyakatam.|| ||

Eso ce va tassa attho,||
evam ca tam dhareyyatha" ti.|| ||

 


Contact:
E-mail
Copyright Statement