Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasaka Tatiya
3. Gahapati Vagga

Sutta 133

Verahaccani Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds][bodh] Evam me sutam:|| ||

Ekam samayam ayasma Udayi Kamandayam viharati Todeyyassa brahmanassa Ambavane.|| ||

Atha kho Verahaccanigottaya brahmaniya antevasi manavako yenayasma Udayi ten'upasankami.|| ||

Upasankamitva ayasmata Udayina saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinnam kho tam manavakam ayasma Udayi dhammiya kathaya sandessesi samadapesi samuttejesi sampahamsesi.|| ||

Atha kho so manavako ayasmata Udayina dhammiya kathaya sandassito samadapito samuttejito sampahamsito utthay asana yena Verahaccanigotta brahmani ten'upasankami.|| ||

Upasankamitva Verahaccanigottam brahmanim etad avoca:|| ||

"Yagghe bhoti janeyya samano Udayi dhammam deseti adi-kalyanam||
majjhe-kalyanam||
pariyosana-ka-[122] lyanam sattham savyanjanam kevalaparipunnam parisuddham brahmacariyam pakaseti" ti.|| ||

"Tena hi tvam manavaka,||
mama vacanena samanam Udayim nimantehi svatanaya bhattena" ti.|| ||

"Evam bhoti" ti kho so manavako Verahaccanigottaya brahmaniya patissutva yenayasma Udayi ten'upasankami.|| ||

Upasankamitva ayasmantam Udayim etad avoca:|| ||

"Adhivasetu kira bhavam Udayi amhakam acariyabhariyaya Verahaccanigottaya brahmaniya svatanaya bhattan" ti.|| ||

Adhivasesi kho ayasma Udayi tunhibhavena.|| ||

Atha kho ayasma Udayi tassa rattiya accayena pubbanhasamayam nivasetva pattacivaram adaya yena Verahaccanigottaya brahmaniya nivesanam ten'upasankami.

Upasankamitva pannatte asane nisidi.|| ||

Atha kho Verahaccanigotta brahmani ayasmantam Udayim panitena khadaniyena bhojaniyena sahattha santappesi sampavaresi.|| ||

Atha kho Verahaccanigotta brahmani ayasmantam Udayim bhuntavim onitapattapanim paduka arohitva ucce asane nisiditva sisam ogunthita ayasmantam Udayim etad avoca:|| ||

"Bhana samana, dhamman" ti.|| ||

"Bhavissati bhagini samayo" ti vatva utthay asana pakkami.|| ||

 


 

Dutiyam pi kho so manavako yenayasma Udayi ten'upasankami.|| ||

Upasankamitva ayasmata Udayina saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinnam kho tam manavakam ayasma Udayi dhammiya kathaya sandessesi samadapesi samuttejesi sampahamsesi.|| ||

Dutiyam pi kho so manavako ayasmata Udayina dhammiya kathaya sandassito samadapito samuttejito sampahamsito utthay asana yena Verahaccanigotta brahmani ten'upasankami.|| ||

Upasankamitva Verahaccanigottam brahmanim etad avoca:|| ||

"Yagghe hoti janeyyasi,||
samano Udayi dhammam deseti adikalayanam||
majjhe kalyanam||
[123] pariyosana-kalyanam||
sattham savyanjanam kevalaparipunnam parisuddham brahmacariyam pakaseti" ti.|| ||

"Evam evam pana tvam manavaka samanassa Udayissa vannam bhasasi,||
samano pan'Udayi||
'Bhana samana dhamman' ti||
vutto samano||
'Bhavissati bhagini samayo' ti||
vatva utthay asana viharam pakkanto" ti.|| ||

"Tatha hi pana tvam hoti paduka arohitva ucce asane nisiditva sisam ogunthita etad avoca:||
'Bhana samana dhamman' ti,||
dhammagaruno hi te bhavanto dhammagarava" ti.|| ||

"Tena hi tvam manavaka,||
mama vacanena samanam Udayim nimantehi svatanaya bhattena" ti.|| ||

"Evam bhoti" ti kho so manavako Verahaccanigottaya brahmaniya patissutva yenayasma Udayi ten'upasankami.|| ||

Upasankamitva ayasmantam Udayim etad avoca:|| ||

"Adhivasesi kira bhavam Udayi amhakam acariyabhariyaya Verahaccanigottaya brahmaniya svatanaya bhattan" ti.|| ||

Adhivasesi kho ayasma Udayi tunhibhavena.|| ||

Atha kho ayasma Udayi tassa rattiya accayena pubbanhasamayam nivasetva pattacivaram adaya yena Verahaccanigottaya brahmaniya nivesanam ten'upasankami.|| ||

Upasankamitva pannatte asane nisidi.|| ||

Atha kho Verahaccanigotta brahmani ayasmantam Udayim panitena khadaniyena bhojaniyena sahattha santappesi, sampavaresi.|| ||

Atha kho Verahaccanigotta brahmani ayasmantam Udayim bhuttavim onitapattapanim paduka oruhitva nice asane nisiditva sisam vivaritva ayasmantam Udayim etad avoca:|| ||

"Kismin nu kho bhante,||
sati arahanto sukha-dukkham pannapenti?|| ||

Kismim asati arahanto sukha-dukkham na pannapenti" ti?|| ||

"Cakkhusmim kho bhagini sati arahanto sukha-dukkham pannapenti,||
cakkhusmim asati arahanto sukha-dukkham [124] na pannapenti.|| ||

Sotasmim kho bhagini sati arahanto sukha-dukkham pannapenti,||
sotasmim asati arahanto sukha-dukkham na pannapenti.|| ||

Ghanasmim kho bhagini sati arahato sukha-dukkham pannapenti,||
ghanasmim asati arahato sukha-dukkham na pannapenti.|| ||

Jivhasmim kho bhagini sati arahato sukha-dukkham pannapenti,||
jivhasmim asati arahato sukha-dukkham na pannapenti.|| ||

Kayasmim kho bhagini sati arahanto sukha-dukkham pannapenti, kayasmim asati arahanto sukha-dukkham na pannapenti.|| ||

Manasmim kho bhagini sati arahanto sukha-dukkham pannapenti,||
manasmim asati arahanto sukha-dukkham na pannapenti" ti.|| ||

Evam vutte Verahaccanigotta brahmani ayasmantam Udayim etad avoca:|| ||

"Abhikkantam bhante!|| ||

Abhikkantam bhante!|| ||

Seyyatha pi bhante nikkujjitam va ukkujjeyya,||
paticchannam va vivareyya,||
mulhassa va maggam acikkheyya,||
andhakare va telapajjotam dhareyya cakkhumanto rupani dakkhinti ti.|| ||

Evam evam ayyena Udayina aneka-pariyayena dhammo pakasito,||
esaham ayya Udayi tam Bhagavantam saranam gacchami||
dhamman ca||
bhikkhu-sanghan ca,||
upasikam mam ayyo Udayi dharetu ajjatagge panupetam saranam gatanti.|| ||

Gahapativaggo terasamo.

 


Contact:
E-mail
Copyright Statement