Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasaka Tatiya
4. Devadaha Vagga

Sutta 142

Bahira-Anicca aka Hetuna Bahira Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutam:|| ||

Ekam samayam Bhagava sakkesu viharati devadaham nama Sakyanam nigamo.|| ||

2. Tatra kho bhagava bhikkhu amantesi|| ||

"Bhikkhavo" ti.|| ||

"Bhadante" ti||
te bhikkhu bhagavato paccassosum.|| ||

3. Bhagava etad avoca:|| ||

"Rupa bhikkhave aniccam,||
yo pi hetu||
yo pi paccayo||
rupanam uppadaya||
so pi anicco.|| ||

Anicca-sambhutam bhikkhave||
rupa kuto niccam bhavissati?|| ||

Sadda aniccam,||
yo pi hetu||
yo pi paccayo||
saddanam uppadaya so pi anicco.|| ||

Anicca-sambhutam bhikkhave||
sadda kuto niccam bhavissati?|| ||

Gandha aniccam,||
yo pi hetu||
yo pi paccayo||
gandhanam uppadaya so pi anicco.|| ||

Anicca-sambhutam bhikkhave||
gandha kuto niccam bhavissati?|| ||

Rasa anicca,||
yo pi hetu||
yo pi paccayo||
rasanam uppadaya so pi anicco.|| ||

Anicca-sambhuta bhikkhave||
rasa kuto nicca bhavissati?|| ||

Photthabba anicco,||
yo pi hetu||
yo pi paccayo||
photthabbanam uppadaya so pi anicco.|| ||

Anicca-sambhuto bhikkhave||
photthabba kuto nicco bhavissati?|| ||

Dhamma anicco,||
yo pi hetu||
yo pi paccayo||
dhammanam uppadaya so pi anicco.

Anicca-sambhuto bhikkhave||
dhamma kuto nicco bhavissati ti?|| ||

 


 

Evam passam bhikkhave sutava ariyasavako cakkhusmim pi nibbindati,||
rupesu pi nibbindati,||
cakkhu-vinnane pi nibbindati,||
cakkhu-samphasse pi nibbindati.|| ||

Yam pidam cakkhu-samphassa-paccaya uppajjati vedayitam sukham va dukkham va adukkha-m-asukham va tasmim pi nibbindati.|| ||

Evam passam bhikkhave sutava ariyasavako sotasmim pi nibbindati,||
sadda pi nibbindati,||
sota-vinnane pi nibbindati,||
sota-samphasse pi nibbindati.|| ||

Yam pidam sota-samphassa-paccaya uppajjati vedayitam sukham va dukkham va adukkha-m-asukham va tasmim pi nibbindati.|| ||

Evam passam bhikkhave sutava ariyasavako ghanasmim pi nibbindati,||
gandha pi nibbindati,||
ghana-vinnane pi nibbindati,||
ghana-samphasse pi nibbindati.|| ||

Yam pidam ghana-samphassa-paccaya uppajjati vedayitam sukham va dukkham va adukkha-m-asukham va tasmim pi nibbindati.|| ||

Evam passam bhikkhave sutava ariyasavako jivhaya pi nibbindati,||
rasesu pi nibbindati,||
jivha-vinnane pi nibbindati,||
jivha-samphasse pi nibbindati.|| ||

Yam pidam jivha-samphassa-paccaya uppajjati vedayitam sukham va dukkham va adukkha-m-asukham va tasmim pi nibbindati.|| ||

Evam passam bhikkhave sutava ariyasavako kayasmim photthabba pi nibbindati,||
kaya-vinnane pi nibbindati,||
kaya-samphasse pi nibbindati.|| ||

Yam pidam kaya-samphassa-paccaya uppajjati vedayitam sukham va dukkham va adukkha-m-asukham va tasmim pi nibbindati.|| ||

Evam passam bhikkhave sutava ariyasavako manasmim pi nibbindati,||
dhammesu pi nibbindati||
mano-vinnane pi nibbindati,||
mano-samphasse pi nibbindati.|| ||

Yam pidam mano-samphassa-paccaya uppajjati vedayitam sukham va dukkham va adukkha-m-asukham va tasmim pi nibbindati.|| ||

Nibbindam virajjati viraga vimuccati,||
vimuttasmim vimuttamiti nanam hoti:|| ||

Khina jati,||
vusitam brahmacariyam,||
katam karaniyam||
naparam itthattayati pajanati" ti.|| ||

 


Contact:
E-mail
Copyright Statement