Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya:
IV. Salayatana Vagga
35: Salayatana Samyutta
Pannasam Catuttham
1. Nandikkhaya Vagga

Sutta 165

Sakkaya-ditthi Pahana Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutam:|| ||

Ekam samayam Bhagava Rajagahe viharati Jivakambavane.|| ||

Atha kho annataro bhikkhu yena Bhagava ten'upasankami.|| ||

Upasankamitva eka-m-antam nisidi.|| ||

Eka-m-antam nisinno kho so bhikkhu Bhagavantam etad avoca:|| ||

"Kathannu kho bhante janato katham passato sakkaya-ditthi pahiyati"ti?|| ||

"Cakkhum kho bhikkhu anatta janato passato sakkaya-ditthi pahiyati.|| ||

Rupe anatta janato passato sakkaya-ditthi pahiyati.|| ||

Cakkhu-vinnanam anatta janato passato sakkaya-ditthi pahiyati.|| ||

Cakkhu-samphassam anatta janato passato sakkaya-ditthi pahiyati.|| ||

Yam pidam cakkhu-samphassa-paccaya uppajjati vedayitam||
sukham va dukkham va adukkha-m-asukham va||
tam pi anatta janato passato sakkaya-ditthi pahiyati.|| ||

Sotam anatta janato passato sakkaya-ditthi pahiyati.|| ||

Sadde anatta janato passato sakkaya-ditthi pahiyati.|| ||

Sota-vinnanam anatta janato passato sakkaya-ditthi pahiyati.|| ||

Sota-samphassam anatta janato passato sakkaya-ditthi pahiyati.|| ||

Yam pidam sota-samphassa-paccaya uppajjati vedayitam||
sukham va dukkham va adukkha-m-asukham va||
tam pi anatta janato passato sakkaya-ditthi pahiyati.|| ||

Ghanam anatta janato passato sakkaya-ditthi pahiyati.|| ||

Gandhe anatta janato passato sakkaya-ditthi pahiyati.|| ||

Ghanavinnanam anatta janato passato sakkaya-ditthi pahiyati.|| ||

Ghana-samphassam anatta janato passato sakkaya-ditthi pahiyati.|| ||

Yam pidam ghana-samphassa-paccaya uppajjati vedayitam||
sukham va dukkham va adukkha-m-asukham va||
tam pi anatta janato passato sakkaya-ditthi pahiyati.|| ||

Jivham anatta janato passato sakkaya-ditthi pahiyati.|| ||

Rase anatta janato passato sakkaya-ditthi pahiyati.|| ||

Jivha-vinnanam anatta janato passato sakkaya-ditthi pahiyati.|| ||

Jivha-samphassam anatta janato passato sakkaya-ditthi pahiyati.|| ||

Yam pidam jivha-samphassa-paccaya uppajjati vedayitam||
sukham va dukkham va adukkha-m-asukham va||
tam pi anatta janato passato sakkaya-ditthi pahiyati.|| ||

Kayam anatta janato passato sakkaya-ditthi pahiyati.|| ||

Photthabbe anatta janato passato sakkaya-ditthi pahiyati.|| ||

Kaya-vinnanam anatta janato passato sakkaya-ditthi pahiyati.|| ||

Kaya-samphassam anatta janato passato sakkaya-ditthi pahiyati.|| ||

Yam kaya-samphassa-paccaya uppajjati vedayitam||
sukham va dukkham va adukkha-m-asukham va||
tam pi anatta janato passato sakkaya-ditthi pahiyati.|| ||

Manam anatta janato passato sakkaya-ditthi pahiyati.|| ||

Dhamme anatta janato passato sakkaya-ditthi pahiyati.|| ||

Mano-vinnanam anatta janato passato sakkaya-ditthi pahiyati.|| ||

Mano-samphassam anatta janato passato sakkaya-ditthi pahiyati.|| ||

Yam pidam mano-samphassa-paccaya uppajjati vedayitam||
sukham va dukkham va adukkha-m-asukham va||
tam pi anatta janato passato sakkaya-ditthi pahiyati.|| ||

Evam kho bhikkhu janato evam passato sakkaya-ditthi pahiyati" ti.|| ||

 


Contact:
E-mail
Copyright Statement