Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasa Catuttham
3. Samudda Vagga

Sutta 191

Kotthiko

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][ati][bd] Evam me sutam:|| ||

Ekam samayam ayasma ca Sariputto ayasma ca Maha-Kotthiko Baranasiyam viharanti||
Isipatane Migadaye.|| ||

[2] Atha kho ayasma Maha-Kotthiko sayanhasamayam patisallana vutthito yen ayasma Sariputto ten'upasankami.|| ||

Upasankamitva ayasmata Sariputto saddhim sammodi,||
sammodaniyam katham saraniyam vitisaretva eka-m-antam nisidi.|| ||

[3] Eka-m-antam nisinno kho ayasma Maha-Kotthiko ayasmantam Sariputto etad avoca:|| ||

"Kin nu kho avuso Sariputto||
cakkhu rupanam sanyojanam rupa cakkhussa sanyojanam?

Sotam saddanam sanyojanam||
sadda sotassa sanyojanam?

Ghanam gandhanam sanyojanam||
gandha ghanassa sanyojanam?

Jivha rasanam sanyojanam||
rasa jivhaya [163] sanyojanam?

Kayo photthabbanam sanyojanam||
photthabba kayassa sanyojanam?

Mano dhammanam sanyojanam||
dhamma manassa sanyojanan" ti?|| ||

[4] "Na kho avuso Kotthiko,||
cakkhu rupanam sanyojanam,||
na rupa cakkhussa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Sota saddanam sanyojanam,||
na sadda sotassa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Ghana ghandhanam sanyojanam,||
na gandha ghanassa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Jivha rasanam sanyojanam,||
na rasa jivhaya sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Kayo photthabbanam sanyojanam,||
na photthabba kayassa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Mano dhammanam sanyojanam,||
na dhamma manassa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

[5] Seyyatha pi avuso kalo ca balivaddo||
odato ca balivaddo||
ekena damena va||
yottena va samyuttaassu.|| ||

Yo nu kho evam vadeyya:||
kalo balivaddo odatassa balivaddassa sanyojanam,||
odato balivaddo kalassa balivaddassa sanyojanan ti||
samma nu kho so vadamano vadeyya" ti?|| ||

"No h'etam avuso."|| ||

"Na kho avuso kalo balivaddo||
odatassa balivaddassa sanyojanam,||
na pi odato balivaddo kalassa||
balivaddassa sanyojanam,||
yena ca kho te ekena damena va||
yottena va samyutta,||
tam tattha sanyojanam.|| ||

Evam eva kho avuso na cakkhu rupanam sanyojanam,||
na rupa cakkhussa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Na sotam saddanam sanyojanam,||
na sadda sotassa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Na ghanam gandhanam sanyojanam,||
na gandha ghanassa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Na jivha rasanam sanyojanam,||
na rasa jivhaya sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Na kayo photthabbanam sanyojanam,||
na photthabba kayassa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

Na mano dhammanam sanyojanam,||
na dhamma manassa sanyojanam.|| ||

Yan ca tattha tad ubhayam paticca uppajjati chanda-rago||
tam tattha sanyojanam.|| ||

 


 

[6] Cakkhum va avuso rupanam sanyojanam abhavissa,||
rupa va cakkhussa sanyojanam,||
na idam brahmacariyavaso pannayetha samma dukkhakkhayaya.|| ||

Yasma ca kho avuso||
na cakkhu rupanam sanyojanam||
na rupa cakkhussa [164] sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam,||
tasma brahmacariyavaso pannayati samma dukkhayaya.|| ||

Sotam va avuso saddanam sanyojanam abhavissa,||
sadda va sotassa sanyojanam,||
na idam brahmacariyavaso pannayetha samma dukkhakkhayaya.|| ||

Yasma ca kho avuso||
na sota saddanam sanyojanam||
na sadda sotassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam,||
tasma brahmacariyavaso pannayati samma dukkhayaya.|| ||

Ghanam va avuso gandhanam sanyojanam abhavissa,||
gandha va ghanassa sanyojanam,||
na idam brahmacariyavaso pannayetha samma dukkhakkhayaya.|| ||

Yasma ca kho avuso||
na ghanam gandhanam sanyojanam||
na gandha ghanassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam,||
tasma brahmacariyavaso pannayati samma dukkhayaya.|| ||

Jivha va avuso rasanam sanyojanam abhavissa,||
rasa va jivhaya sanyojanam,||
na idam brahmacariyavaso pannayetha samma dukkhakkhayaya.|| ||

Yasma ca kho avuso||
na jivha rasanam sanyojanam||
na rasa jivhaya sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam,||
tasma brahmacariyavaso pannayati samma dukkhayaya.|| ||

Kayo va avuso photthabbanam sanyojanam abhavissa,||
photthabba va kayassa sanyojanam,||
na idam brahmacariyavaso pannayetha samma dukkhakkhayaya.|| ||

Yasma ca kho avuso||
na kayo photthabbanam sanyojanam||
na photthabba kayassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam,||
tasma brahmacariyavaso pannayati samma dukkhayaya.|| ||

Mano va avuso dhammanam sanyojanam abhavissa,||
dhamma va manassa sanyojanam,||
na idam brahmacariyavaso pannayetha samma dukkhakkhayaya.|| ||

Yasma ca kho avuso||
na mano dhammanam sanyojanam||
na dhamma manassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam,||
tasma brahmacariyavaso pannayati samma dukkhayaya.|| ||

 


 

[7] Imina petam avuso pariyayena veditabbam:||
yatha na cakkhu rupanam sanyojanam,||
na rupa cakkhussa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na sota saddanam sanyojanam,||
na sadda sotassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na ghana gandhanam sanyojanam,||
na gandha ghanassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na jivha rasanam sanyojanam,||
na rasa jivhaya sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na kayo photthabbanam sanyojanam,||
na photthabba kayassa,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na mano dhammanam sanyojanam,||
na dhamma manassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

 


 

[8] Samvijjati kho avuso Bhagavato cakkhu,||
passati Bhagava cakkhuna rupam,||
chanda-rago Bhagavato n'atthi,||
su-vimutta-citto Bhagava.|| ||

Samvijjati kho avuso Bhagavato sota,||
passati Bhagava sotena saddam,||
chanda-rago Bhagavato n'atthi,||
su-vimutta-citto Bhagava.|| ||

Samvijjati kho avuso Bhagavato ghana,||
passati Bhagava ghanena gandham,||
chanda-rago Bhagavato n'atthi,||
su-vimutta-citto Bhagava.|| ||

Samvijjati kho avuso Bhagavato jivha,||
sayati Bhagava jivhaya rasam,||
chanda-rago Bhagavato n'atthi,||
su-vimutta-citto Bhagava.|| ||

Samvijjati kho avuso Bhagavato kayo,||
sayati Bhagava kayo photthabbanam,||
chanda-rago Bhagavato n'atthi,||
su-vimutta-citto Bhagava.|| ||

Samvijjati kho avuso Bhagavato mano,||
janati Bhagava [165] manasa dhammam,||
chanda-rago Bhagavato n'atthi,||
su-vimutta-citto Bhagava.|| ||

 


 

[9] Imina kho etam avuso pariyayena veditabbam:||
yatha na cakkhu rupanam sanyojanam,||
na rupa cakkhussa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na sota saddanam sanyojanam,||
na sadda sotassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na ghana gandhanam sanyojanam,||
na gandha ghanassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na jivha rasanam sanyojanam,||
na rasa jivhaya sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na kayo photthabbanam sanyojanam,||
na photthabba kayassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojanam.|| ||

Na mano dhammanam sanyojanam,||
na dhamma manassa sanyojanam,||
yan ca tattha tad ubhayam paticca uppajjati chanda-rago||
tam tattha sanyojananti.

 


Contact:
E-mail
Copyright Statement