Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasa Catuttham
4. Asivisa Vagga

Sutta 198

Rathupama Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti||
te bhikkhu Bhagavato paccassosum.|| ||

Bhagava etad avoca:|| ||

"Tihi bhikkhave, dhammehi samannagato bhikkhu ditthe va dhamme sukhasomanassabahulo viharati,||
yoni cassa araddha hoti asavanam khayaya.|| ||

Katamehi tihi?|| ||

Indriyesu guttadvaro hoti, bhojane mattannu, jagariyam anuyutto.|| ||

[176] Kathan ca bhikkhave bhikkhu indriyesu guttadvaro hoti?|| ||

Idha bhikkhave, bhikkhu cakkhuna rupam disva na nimitataggahi hoti nanuvyanjanaggahi,||
yatvadhikaranam enam cakkhundriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjati,||
rakkhati cakkhundriyam,||
cakkhundriye samvaram apajjati.|| ||

Sotena saddam sutva na nimitataggahi hoti nanuvyanjanaggahi,||
yatvadhikaranam enam sotindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjati,||
rakkhati sotandriyam,||
sotindriye samvaram apajjati.|| ||

Ghanena gandham ghayitva na nimitataggahi hoti nanuvyanjanaggahi,||
yatvadhikaranam enam ghanindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjati,||
rakkhati ghanindriyam,||
ghanindriye samvaram apajjati.|| ||

Jivhaya rasam sayitva na nimitataggahi hoti nanuvyanjanaggahi,||
yatvadhikaranam enam jivhindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjati,||
rakkhati jivhindriyam,||
jivhatindriye samvaram apajjati.|| ||

Kayena phottabbam sayitva na nimitataggahi hoti nanuvyanjanaggahi,||
yatvadhikaranam enam kayindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjati,||
rakkhati kayindriyam,||
kayindriye samvaram apajjati.|| ||

Manasa dhammam vinnaya na nimitataggahi hoti nanuvyanjanaggahi,||
yatvadhikaranam enam manindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjati,||
rakkhati manindriyam,||
manindriye samvaram apajjati.|| ||

Seyyatha pi bhikkhave, subhumiyam catummahapathe ajannaratho yutto assa.|| ||

Odhastapatodo:

Tam enam dakkho yoggacariyo assadammasarathi||
abhiruhitva vamena hatthena rasmiyo||
gahetva dakkhinena hatthena patodam||
gahetva yenicchakam yadicchakam||
sareyya pi paccasareyya pi.|| ||

Evam eva kho bhikkhave, bhikkhu imesam channam indriyanam arakkhaya sikkhati||
sannamaya sikkhati,||
damaya sikkhati,||
upasamaya sikkhati.|| ||

Evam kho bhikkhave, bhikkhu indriyesu guttadvaro hoti.|| ||

 


 

Kathan ca bhikkhave, bhikkhu bhojane mattannu hoti?|| ||

Idha bhikkhave bhikkhu patisankha yoniso aharam ahareti:|| ||

N'eva davaya||
na madaya||
na mandanaya||
na vibhusanaya,||
yavadeva imassa kayassa thitiya||
yapanaya vihimsuparatiya brahmacariyanuggahaya,||
'iti puranan ca vedanam patihankhami,||
navan ca vedanam na uppadessami,||
yatra ca me bhavissati||
anavajjata ca phasuviharo ca' ti.|| ||

[177] Seyyatha pi bhikkhave, puriso vanam alimpeyya||
yavadeva ropanatthaya.|| ||

Seyyatha va pana akkham abbhanjeyya||
yavadeva bharassa nitranatthaya.|| ||

Evam kho bhikkhave bhikkhu patisankhayoniso aharam ahareti:|| ||

N'eva davaya||
na madaya||
na mandanaya,||
na vibhusanaya,||
yavadeva imassa kayassa thitiya||
yapanaya vihimsuparatiya brahmacariyanuggahaya,||
'iti puranan ca vedanam patihankhami,||
navan ca vedanam na uppadessimi,||
yatra ca me bhavissati||
anavajjata ca phasuviharo ca' ti.|| ||

Evam kho bhikkhave, bhikkhu bhojane mattannu hoti.|| ||

 


 

Kathan ca bhikkhave, bhikkhu jagariyam anuyutto hoti?|| ||

Idha bhikkhave, bhikkhu divasam cankamena nisajjaya avaraniyehi dhammehi cittam parisodheti.|| ||

Rattiya pathamam yamam cankamena nissajjaya avaraniyehi dhammehi cittam parisodheti.|| ||

Rattiya majjhimam yamam dakkhinena passena sihaseyyam kappeti||
pade padam||
accadhaya sato sampajano||
utthanasannam manasikaritva.|| ||

Rattiya pacchimam yamam paccutthaya cankamena nisajjaya avaraniyehi dhammehi cittam parisodheti.|| ||

Evam kho bhikkhave, bhikkhu jagariyam anuyutto hoti.|| ||

Imehi kho bhikkhave, tihi dhammehi samannagato bhikkhu||
ditthe va dhamme sukhasomanassabahulo viharati;||
yoni cassa araddha hoti asavanam khayaya" ti.|| ||

 


Contact:
E-mail
Copyright Statement