Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasa Catuttham
4. Asivisa Vagga

Sutta 199

Kummopama Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


[177]

[1][pts][than][bodh] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti||
te bhikkhu Bhagavato paccassosum.|| ||

Bhagava etad avoca:|| ||

"Bhutapubbam bhikkhave, kummo kacchapo||
sayanhasamayam anunaditire gocarapasuto ahosi;||
sigalo pi kho bhikkhave||
sayanhasamayam anunaditire gocarapasuto hoti.|| ||

Addasa kho bhikkhave kummo kacchapo||
sigalam durato va gocarapasutam,||
disvana sondi pancamani [178] angani sake kapale samodahitva appossukko tunhi bhuto samkasayati.|| ||

Sigalo pi kho bhikkhave addasa kummam kacchapa durato va.|| ||

Disvana yena kummo kacchapo ten'upasankami,||
upasankamitva kummam kacchapam paccupatthito ahosi|| ||

'Yadayam kummo kacchapo sonadipancamanam anganam annataram va annataram va angam abhininnamessati,||
tattheva nam gahetva uddalitva khadissami' ti.|| ||

Yada kho bhikkhave kummo kacchapo sondipancamanam anganam annataram va annataram va angam na abhininnamesi,||
atha sigalo kummamha nibbijja pakkami otaram alabhamano.|| ||

Evam eva kho bhikkhave tumhe pi Maro Pipama satatam samitam paccupatthito;|| ||

'Appevanamaham imesam||
cakkhuto va otaram labheyyam,||
sotato va otaram labheyyam,||
ghanato va otaram labheyyam,||
jivhato va otaram labheyyam,||
kayato va otaram labheyyam,||
manato va otaram labheyyam' nti.|| ||

Tasmat ihabhikkhave indriyesu guttadvara viharatha.|| ||

Cakkhuna rupam disva ma nimitataggahino ahuvattha, manuvyanjanaggahino,||
yatvadhikaranam enam cakkhundriyam asamvutam viharantam||
abhijjhadomanassa papaka akusala dhamma anvassaveyyum,||
tassa samvaraya patipajjatha,||
rakkhatha cakkhundriyam,||
cakkhundriye samvaram apajjatha.|| ||

Sotena saddam sutva ma nimitataggahino ahuvattha,||
manuvyanjanaggahino,||
yatvadhikaranam enam sotindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjatha,||
rakkhati sotandriyam,||
sotindriye samvaram apajjatha.|| ||

Ghanena gandham ghayitva ma nimitataggahino ahuvattha,||
manuvyanjanaggahino,||
yatvadhikaranam enam ghanindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjatha,||
rakkhati ghanindriyam,||
ghanandriye samvaram apajjatha.|| ||

Jivhaya rasam sayitva ma nimitataggahino ahuvattha,||
manuvyanjanaggahino,||
yatvadhikaranam enam jivhindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjatha,||
rakkhati jivhindriyam,||
jivhandriye samvaram apajjatha.|| ||

Kayena photthabbam phusitva ma nimitataggahino ahuvattha,||
manuvyanjanaggahino,||
yatvadhikaranam enam kayindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjatha,||
rakkhati kayindriyam,||
kayindriye samvaram apajjatha.|| ||

Manasa dhammam vinnaya ma nimitataggahino ahuvattha,||
manuvyanjanaggahino,||
yatvadhikaranam enam manindriyam asamvutam viharantam||
abhijjha domanassa papaka akusala dhamma anvassaveyyum,||
tassa samvaraya patipajjatha,||
rakkhati manindriyam,||
manindriye samvaram apajjatha.|| ||

Yato kho tumhe bhikkhave, indriyesu guttadvara viharissatha,||
atha tumhehi pi maro papima nibbijja pakkamissati otaram alabhamano kummambhava sigalo" ti.|| ||

 

[179] Kummova angani sake kapale||
Samodaham bhikkhu mano vitakko||
Anissito annam ahethayano||
Parinibbuto na upavadeyya kanci ti.|| ||

 


Contact:
E-mail
Copyright Statement