Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasa Catuttham
4. Asivisa Vagga

Sutta 201

Dutiya Darukkhandhopama Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


[181]

[1][pts][bodh] Evam me sutam:|| ||

Ekam samayam Bhagava Kimbilayam viharati Gangaya nadiya tire.|| ||

Addasa kho Bhagava mahantam darukkhandham Gangaya nadiya sotena vuyhamanam,||
disvana bhikkhu amantesi:|| ||

"Passatha no tumhe bhikkhave amum ma- [182] hantam darukkhandham Gangaya nadiya sotena vuyhamanan" ti?|| ||

"Evam bhante".|| ||

"Sace kho bhikkhave darukkhandho na orimam tiram upagacchati,||
na parimam tiram upagacchati,||
na majjhe samsidissati,||
na thale ussidissati||
na manussaggaho bhavissati,||
na amanussaggaho bhavissati,||
na avattaggaho bhavissati,||
na antoputi bhavissati:||
evam hi so bhikkhave darukkhandho||
samudda-ninno bhavissati,||
samudda-pono||
samudda-pabharo.|| ||

Tam kissa hetu?|| ||

Samudda-ninno bhikkhave, Gangaya nadiya soto,||
samudda-pono,||
samudda-pabbharo.|| ||

Evam eva kho bhikkhave sace tumhe pi||
na orimam tiram upagacchatha||
na parimam tiram upagacchatha||
na majjhe samsidissatha,||
na thale ussidissatha,||
na manussaggaha hessatha||
na amanussaggaha hessatha,||
na avattaggaha hessatha,||
na antoputi bhavissatha.|| ||

Evam tumhe bhikkhave nibbana-ninna bhavissatha,||
nibbana-pona||
nibbana-pabbhara.|| ||

Tam kissa hetu?|| ||

Nibbana-ninna bhikkhave sammaditthi,||
nibbana-pona,||
nibbana-pabbhara" ti.|| ||

Evam vutte ayasma Kimbilo Bhagavantam etad avoca:|| ||

"Kim nu kho bhante orimamtiram?|| ||

Kim parimamtiram?|| ||

Ko majjhe samsado?|| ||

Ko thale ussado?|| ||

Ko manussaggaho?|| ||

Ko amanussaggaho?|| ||

Ko avattaggaho?|| ||

Ko antoputibhavo" ti?|| ||

"'Orimamtiran' ti kho Kimbila,||
chann'etam ajjhattikanam ayatananam adhivacanam.|| ||

'Parimamtiran' ti kho Kimbila||
chann'etam bahiranam ayatananam adhivacanam.|| ||

'Majjhe samsado' ti kho Kimbila,||
nandiragassetam adhivacanam.|| ||

'Thale ussado' ti kho Kimbila||
asmimanassetam adhivacanam.|| ||

Katamo ca Kimbila manussaggaho?|| ||

Idha Kimbila bhikkhu gihihi samsattho viharati||
sahanandi||
sahasoki||
sukhitesu||
sukhito||
dukkhitesu||
dukkhito uppannesu||
kicca karaniyesu||
attana tesu yogam apajjati,||
ayam vuccati bhikkhu,||
manussaggaho.|| ||

Katamo ca Kimbila, amanussaggaho?|| ||

Idha Kimbila bhikkhu ekacco annataram devanikayam panidhaya brahmacariyam carati:|| ||

'Iminaham silena va||
vatena va||
tapena va||
brahmacariyena va||
devo va||
bhavissami devannataro va' ti.|| ||

Ayam vuccati Kimbila amanussaggaho.|| ||

Avattagaho ti kho bhikkhu,||
pancann'etam kamagunanam adhivacanam.|| ||

Katamo ca Kimbila antoputibhavo?|| ||

Idha Kimbila bhikkhu annataram sankilittham apanno hoti yatharupaya apattiya vutthanam pannayati|| ||

Ayam vuccati Kimbila, antoputibhavo" ti.|| ||

 


Contact:
E-mail
Copyright Statement