Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
35: Salayatana Samyutta
Pannasa Catuttham
4. Asivisa Vagga

Sutta 205

Vinopama Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


[195]

[1][pts][than][bodh] Evam me sutam:|| ||

Ekam samayam Bhagava Savatthiyam viharati Jetavane Anathapindikassa arame.|| ||

2. Tatra kho bhagava bhikkhu amantesi:|| ||

"Bhikkhavo" ti.|| ||

"Bhadante" ti||
te bhikkhu bhagavato paccassosum.|| ||

3. Bhagava etad avoca:|| ||

"Yassa kassa ci bhikkhave bhikkhussa va bhikkhuniya va cakkhu-vinneyyesu rupesu uppajjeyya||
chando va||
rago va||
doso va||
moho va||
patigham va cetaso,||
tato cittam nivaraye.|| ||

Sabhayo ceso maggo||
sappatibhayo ca||
sakantako ca||
sagahano ca||
ummaggo ca||
kummaggo ca||
dubhitiko ca,||
asappurisasevito ceso maggo||
na ceso maggo sappurisehi sevito,||
na tvam arahasiti tato cittam||
nivaraye cakkhu-vinneyyehi rupehi.|| ||

Yassa kassa ci bhikkhave bhikkhussa va bhikkhuniya va sota-vinneyyesu saddesu uppajjeyya||
chando va||
rago va||
doso va||
moho va||
patigham va cetaso,||
tato cittam nivaraye.|| ||

Sabhayo ceso maggo||
sappatibhayo ca||
sakantako ca||
sagahano ca||
ummaggo ca||
kummaggo ca||
dubhitiko ca,||
asappurisasevito ceso maggo||
na ceso maggo sappurisehi sevito,||
na tvam arahasiti tato cittam||
nivaraye sota-vinneyyehi saddehi.|| ||

Yassa kassa ci bhikkhave bhikkhussa va bhikkhuniya va ghana-vinneyyesu gandhesu uppajjeyya||
chando va||
rago va||
doso va||
moho va||
patigham va cetaso,||
tato cittam nivaraye.|| ||

Sabhayo ceso maggo||
sappatibhayo ca||
sakantako ca||
sagahano ca||
ummaggo ca||
kummaggo ca||
dubhitiko ca,||
asappurisasevito ceso maggo||
na ceso maggo sappurisehi sevito,||
na tvam arahasiti tato cittam||
nivaraye ghana-vinneyyehi gandhesu.|| ||

Yassa kassa ci bhikkhave bhikkhussa va bhikkhuniya va jivha-vinneyyesu rasesu uppajjeyya||
chando va||
rago va||
doso va||
moho va||
patigham va cetaso,||
tato cittam nivaraye.|| ||

Sabhayo ceso maggo||
sappatibhayo ca||
sakantako ca||
sagahano ca||
ummaggo ca||
kummaggo ca||
dubhitiko ca,||
asappurisasevito ceso maggo||
na ceso maggo sappurisehi sevito,||
na tvam arahasiti tato cittam||
nivaraye jivha-vinneyyehi rasesu.|| ||

Yassa kassa ci bhikkhave bhikkhussa va bhikkhuniya va kaya-vinneyyesu photthabbesu uppajjeyya||
chando va||
rago va||
doso va||
moho va||
patigham va cetaso,||
tato cittam nivaraye.|| ||

Sabhayo ceso maggo||
sappatibhayo ca||
sakantako ca||
sagahano ca||
ummaggo ca||
kummaggo ca||
dubhitiko ca,||
asappurisasevito ceso maggo||
na ceso maggo sappurisehi sevito,||
na tvam arahasiti tato cittam||
nivaraye kaya-vinneyyehi photthabbehi.|| ||

Yassa kassa ci bhikkhave bhikkhussa va bhikkhuniya va mano-vinneyyesu dhammesu uppajjeyya||
chando va||
rago va||
doso va||
moho va||
patigham va cetaso,||
tato cittam nivaraye.|| ||

Sabhayo ceso maggo||
sappatibhayo ca||
sakantako ca||
sagahano ca||
ummaggo ca||
kummaggo ca||
dubhitiko ca,||
asappurisasevito ceso maggo||
na ceso maggo sappurisehi sevito,||
na tvam arahasiti tato cittam||
nivaraye mano-vinneyyehi dhammehi.|| ||

 


 

Seyyatha pi, bhikkhave, kittham sampannam,||
kittharakkhako ca pamatto||
gono ca kitthado adum kittham [196] otaritva yavadattham madam apajjeyya.|| ||

Evam eva kho, bhikkhave, assutava puthujjano chasu phassayatanesu asamvutakari pancasu kamagunesu yavadattham madam apajjati.|| ||

Seyyatha pi, bhikkhave, kittham sampannam kittharakkhako ca appamatto||
gono ca kitthado adum kittham otareyya.|| ||

Tam enam kittharakkhako nasaya suggahitam ganheyya,||
nasaya suggahitam gahetva upari ghatayam suniggahitam nigganheyya,||
upari ghatayam suniggahitam niggahetva dandena sutalitam taleyya,||
dandena sutalitam taletva ossajeyya.|| ||

Dutiyam pi kho bhikkhave gono kitthado adum kittham otareyya,||
tam enam kittharakkhako nasaya suggahitam ganheyya,||
nasaya suggahitam gahetva upari ghatayam suniggahitam nigganaheyya,||
upari ghatayam suniggahitam niggahetva dandena sutalitam taleyya,||
dandena sutalitam taletva ossajyeya.|| ||

Tatiyam pi kho bhikkhave gono kitthado adum kittham otareyya,||
tam enam kittharakkhako nasaya suggahitam ganheyya,||
nasaya suggahitam gahetva upari ghatayam suniggahitam nigganaheyya,||
upari ghatayam suniggahitam niggahetva dandena sutalitam taleyya,||
dandena sutalitam taletva ossajyeya.|| ||

Evam hi so bhikkhave gono kitthado gamagato va arannagato va thana bahulo va assa nisajjabahulo,||
na tam kittham puna otareyya||
tam eva purimam dandasamphassam samanussaranto.|| ||

Evam eva kho bhikkhave yato bhikkhuno chasu phassayatanesu cittam udujjitam hoti sudujjitam ajjhattam eva santitthati sannisidati ekodi hoti samadhiyati.|| ||

Seyyatha pi, bhikkhave, ranno va||
rajamahamattassa va||
vinaya saddo assutapubbo assa,||
so vinasaddam suneyya,||
so evam vadeyya:|| ||

'Ambho kissa nu kho eso saddo||
evam rajaniyo||
evam kamaniyo||
evam mada- [197] niyo||
evam mucchaniyo||
evam bandhaniyo' ti?|| ||

Tam enam evam vadeyyum:|| ||

'Esa kho bhante vina nama yassa eso sadde||
evam rajaniyo||
evam kamaniyo||
evam madaniyo||
evam mucchaniyo||
evam bandhaniyo' ti.|| ||

So evam vadeyya:|| ||

'Gacchatha me bho tam vinam aharatha' ti.|| ||

Tassa tam vinam aharayyem,||
tam enam evam vadeyyum:|| ||

'Ayam kho sa bhante vina yassa eso saddo||
evam rajaniyo||
evam kamaniyo||
evam mucchaniyo||
evam bandhaniyo' ti.|| ||

So evam vadeyya:|| ||

'Alam me bho taya vinaya,||
tam eva me saddam aharatha' ti.|| ||

Tam enam evam vadeyyum:|| ||

'Ayam kho bhante vina nama||
anekasambhara||
mahasambhara,||
anekehi||
sambharehi||
samaraddha vada' ti.|| ||

Seyyathidam?|| ||

Donin ca||
paticca camman ca||
paticca dandan ca||
paticca upavenan ca||
paticca tantiyo ca||
paticca konan ca||
paticca purisassa ca||
tajjam vayamam paticca evayam bhante vina nama||
anekasambhara||
mahasambhara,||
anekehi sambharehi||
samaraddha vadati' ti.|| ||

So tam vinam dasadha va||
satadha va phaleyya,||
dasadha va||
satadha tam va phaletva||
sakalikam sakalikam kareyya||
sakalikam sakalikam karitva aggina daheyya,||
aggina dahetva masim kareyya,||
masim karitva mahavate va opuneyya,||
nadiya va sighasotaya pavaheyya.|| ||

So evam vadeyya:|| ||

'Asakirayam bho vina nama,||
yathevam yam kinci vina nama,||
ettha ca mahajano ativelam pamatto palalito ti.|| ||

Evam eva kho bhikkhave bhikkhu||
rupam samantesati yavata rupassa gati.|| ||

Vedana samantesati yavata vedanaya gati.|| ||

Sannam samantesati yavata sannaya gati.|| ||

Sankhare samantesati yavata sankharanam gati.|| ||

Vinnanam samantesati yavata vinnanassa gati.|| ||

Tassa rupam samantesato yavata rupassa gati.|| ||

Vedanam samantesato yavata vedanassa gati.|| ||

Sannam samantesato yavata sannanassa gati.|| ||

Sankhare samantesato yavata sankharassa gati.|| ||

Vinnanam samannesato yavata vinnanassa gati.|| ||

Yam pissa tam [198] hoti:||
'Ahan' ti va||
'maman' ti va||
'asami' ti va||
tam pi tassa na hoti" ti.|| ||

 


Contact:
E-mail
Copyright Statement