Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
IV. Salayatana Vagga
40. Moggallana Samyutta

Sutta 9

Animitta Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evam me sutam:|| ||

Ekam samayam ayasma Maha Moggallano Savatthiyam viharati Jetavane Anathapindikassa arame.|| ||

Tatra kho ayasma Maha Moggallano bhikkhu amantesi:|| ||

"Avuso bhikkhavo" ti.|| ||

"Avuso" ti kho te bhikkhu ayasmato Maha Moggallanassa paccassosum.|| ||

Ayasma Maha Moggallano etad avoca:|| ||

"Idha mayham avuso rahogatassa patisallinassa
evam cetaso parivitakko udapadi:|| ||

'"Animitto ceto-samadhi,||
animitto cetosamadhi" ti vuccati.|| ||

Katamam nu kho animitto cetosamadhi' ti?|| ||

[267] Tassa mayham avuso etad ahosi:|| ||

Idha bhikkhu||
[269] sabba nimittanam amanasikara||
animittam ceto-samadhim upasampajja viharati.|| ||

Idam vuccati animitto cetosamadhi ti.|| ||

So khvaham avuso||
sabba nimittanam amanasikara||
animittam ceto-samadhim upasampajja viharami,||
tassa mayham avuso||
imina viharena viharato||
nimittanusari vinnanam hoti.|| ||

Atha kho mam avuso Bhagava iddhiya upasankamitva etad avoca:|| ||

"Moggallana!|| ||

Moggallana!|| ||

Ma brahmana,||
animittam ceto-samadhim pamado,||
animittena ceto-samadhismim cittam santhapehi,||
animittena ceto-samadhismim cittam ekodim-karohi,||
animittena ceto-samadhismim cittam samadaha" ti.|| ||

So khvaham avuso||
aparena samayena||
sabba nimittanam amanasikara||
animittam ceto-samadhim upasampajja vihasim.|| ||

Yam hi tam avuso sammavadamano vadeyya:|| ||

"Sattharanuggahito savako mahabhinnatam patto" ti,|| ||

mamantam sammavadamano vadeyya,|| ||

"Sattharanuggahito savako mahabhinnatam patto" ti.|| ||

 


Contact:
E-mail
Copyright Statement