Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya:
IV. Salayatana Vagga:
41: Citta Samyuttam

Sutta 5

Pathama Kamabhu Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


[291]

[1][pts][niza] Evam me sutam:|| ||

Ekam samayam ayasma Kamabhu Macchikasande viharati Ambatakavane.|| ||

Atha kho Citto gahapati yen'ayasma Kamabhu ten'upasankami.|| ||

Upasankamitva ayasmantam kamabhum abhivadetva eka-m-antam nisidi.|| ||

Eka-m-antam nisinnam kho cittam gahapatim ayasma kamabhu etad avoca:|| ||

"Vuttam idam gahapati:|| ||

Nelango setapacchado||
ekaro vattati ratho|| ||

Anigham passa ayantam||
chinnasotam abandhananti.|| ||

Imassa kho gahapati sankhittena bhasitassa katham vittharena attho datthabbo" ti?|| ||

"Kin nu kho etam bhante Bhagavata bhasitan" ti?|| ||

"Evam gahapati" ti.|| ||

"Tena hi bhante muhuttam agamehi yavassa attham pekkhami" ti.|| ||

Atha kho Citto gahapati muhuttam tunhi hutva ayasmantam Kamabhum etad avoca:|| ||

[292] "'Nelangan' ti kho bhante silanam etam adhivacanam.|| ||

'Setapacchado' ti kho bhante vimuttiya etam adhivacanam.|| ||

'Ekaro' ti kho bhante satiya etam adhivacanam.|| ||

'Vattati' ti kho bhante abhikkama patikkamassetam adhivacanam.|| ||

'Ratho' ti kho bhante imassetam catummahabhutikassa kayassa adhivacanam||
mata-petti-kasambhavassa||
odana-kummasupacayassa||
aniccucchadana-parimaddana-bhedana-viddhamsana dhammassa.|| ||

Rago kho bhante nigho||
doso nigho||
moho nigho,||
te khinasavassa bhikkhuno pahina ucchinnamula talavatthukata anabhavakata ayatim anuppadadhamma,||
tasma khinasavo bhikkhu anigho ti vuccati.|| ||

Ayantanti kho bhante arahato etam adhivacanam.|| ||

'Soto' ti kho bhante tanhaya etam adhivacanam,||
sa khinasavassa bhikkhuno pahina ucchinnamula talavatthukata anabhavakata ayatim anuppadadhamma,||
tasma khinasavo bhikkhu chinnasoto ti vuccati.|| ||

Rago kho bhante bandhanam,||
doso bandhanam,||
moho bandhanam,||
te khinasavassa bhikkhuno pahina ucchinnamula talavatthukata anabhavakata ayatim anuppadadhamma,||
tasma khinasavo bhikkhu abandhanoti vuccati.|| ||

Iti kho bhante yan tam Bhagavata vuttam:|| ||

Nelango setapacchado||
ekaro vattati ratho|| ||

Anigham passa ayantam||
chinnasotam abandhananti.|| ||

Imassa khvaham bhante Bhagavata sankhittena bhasitassa evam vittharena attham ajanami" ti.|| ||

"Labha vata te gahapati,||
suladdhante gahapati,||
yassa te gambhire buddhavacane pannacakkhu kamati" ti.|| ||

 


Contact:
E-mail
Copyright Statement