Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Sanyutta Nikaya,
V: MahaVagga
46. Bojjhanga Sanyutta
IV. Nivarana-Vaggo

Sutta 33

Pathama Kilesa Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


[92]

[1][pts][bodh] Evam me sutam:|| ||

Ekam samayam Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Panc'ime bhikkhave, jatarupassa upakkilesa.|| ||

Ye hi upakkilesehi upakkilittham jatarupam na c'eva mudu hoti.|| ||

Na ca kammaniyam||
na ca pabhassaram pabhangu ca,||
na ca samma upeti kammaya.|| ||

Katame panca?|| ||

Ayo bhikkhave, jatarupassa upakkileso,||
yena upakkilesena upakkilittham jatarupam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca samma upeti kammaya.|| ||

Loham bhikkhave, jatarupassa upakkileso,||
yena upakkilesena upakkilittham jatarupam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca samma upeti kammaya.|| ||

Tipu bhikkhave,, jatarupassa upakkileso,||
yena upakkilesena upakkilittham jatarupam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca samma upeti kammaya.|| ||

Sisan bhikkhave, jatarupassa upakkileso,||
yena upakkilesena upakkilittham jatarupam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca samma upeti kammaya.|| ||

Sajjhu bhikkhave,, jatarupassa upakkileso,||
yena upakkilesena upakkilittham jatarupam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca samma upeti kammaya.|| ||

Ime kho bhikkhave, panca jatarupassa upakkilesa,||
yehi upakkilesehi upakkilittham jatarupam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca samma upeti kammaya.|| ||

 


 

Evam eva kho bhikkhave, pancime cittassa upakkilesa.|| ||

Ye hi upakkilesehi upakkilittham cittam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca sammasamadhiyati asavanam khayaya.|| ||

Katame panca?|| ||

Kamacchando bhikkhave, cittassa upakkileso||
yena upakkilesena upakkilittham cittam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca sammasamadhiyati asavanam khayaya.|| ||

Vyapado bhikkhave, cittassa upakkileso||
yena upakkilesena upakkilittham cittam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca sammasamadhiyati asavanam khayaya.|| ||

Thina-middham bhikkhave, cittassa upakkileso||
yena upakkilesena upakkilittham cittam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca sammasamadhiyati asavanam khayaya.|| ||

Uddhacca-kukkuccam bhikkhave, cittassa upakkileso||
yena upakkilesena upakkilittham cittam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca sammasamadhiyati asavanam khayaya.|| ||

Vicikiccha bhikkhave, cittassa upakkileso||
yena upakkilesena upakkilittham cittam||
na c'eva mudu hoti||
na ca kammaniyam||
na ca pabhassaram||
pabhangu ca,||
na ca sammasamadhiyati asavanam khayaya.|| ||

[93] Ime kho bhikkhave, panca cittassa upakkilesa,||
yehi upakkilesehi upakkilittham cittam||
na c'eva mudu hoti,||
na ca kammaniyam,||
na ca pabhassaram,||
pabhangu ca,||
na ca samma-samadhiyati asavanam khayaya" ti.|| ||

 


Contact:
E-mail
Copyright Statement