Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Sanyutta Nikaya,
V: MahaVagga
47. Satipatthana Sanyutta
2. Nalandavaggo

Sutta 11

Mahapurisa Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds][bodh] Evam me sutam:|| ||

Ekam samayam Bhagava Savatthiyam viharati
Jetavane Anathapindikassa arame.|| ||

2. Atha kho ayasma Sariputto yena Bhagava ten'upasankami.|| ||

Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho ayasma Sariputto Bhagavantam etad avoca:|| ||

3. "Mahapuriso mahapurisoti bhante, vuccati.|| ||

Kittavata nu kho:||
bhante, mahapuriso hoti" ti?|| ||

Vimuttacittatta kho'ham Sariputta||
mahapurisoti vadami.|| ||

Avimuttacittatta||
no mahapurisoti vadami.|| ||

Kathan ca Sariputta,||
vimuttacitto hoti?|| ||

4. Idha Sariputta, bhikkhu kaye kayanupassi viharati.|| ||

Atapi sampajano satima vineyya loke abhijjhadomanassam.|| ||

Tassa kaye kayanupassino viharato cittam virajjati,||
vimuccati,||
anupadaya asavehi.|| ||

Vedanasu vedananupassi viharati.|| ||

Atapi sampajano satima vineyya loke abhijjhadomanassam.|| ||

Tassa vedanasu vedananupassino viharato cittam virajjati,||
vimuccati,||
anupadaya asavehi.|| ||

Citte cittanupassi viharati.|| ||

Atapi sampajano satima vineyya loke abhijjhadomanassam.|| ||

Tassa citte cittanupassino viharato cittam virajjati,||
vimuccati,||
anupadaya asavehi.|| ||

Dhammesu dhammanupassi viharati.|| ||

Atapi sampajano satima vineyya loke abhijjhadomanassam.|| ||

Tassa dhammesu dhammanupassino viharato cittam virajjati,||
vimuccati,||
anupadaya asavehi.|| ||

Evam kho Sariputta, vimuttacitto hoti,||
vimuttacittatta kho'ham Sariputta,||
mahapurisoti vadami.|| ||

Avimuttacittatta no mahapurisoti vadami ti.|| ||

 


Contact:
E-mail
Copyright Statement