Saṃyutta Nikāya
5. Mahā-Vagga
48. Indriya Saṃyutta
3. Chaḷ-Indriya Vagga
Sutta 30
Dutiya Samaṇa-Brāhmaṇā Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Ye hi keci, bhikkhave, samaṇā vā brāhmaṇā vā||
cakkhu'ndriyaṃ na pajānanti,||
cakkhu'ndriya-samudayaṃ na pajānanti,||
cakkhu'ndriya-nirodhaṃ na pajānanti,||
cakkhu'ndriya-nirodha-gāminī-paṭipadaṃ na pajānanti;|| ||
Sot'indriyaṃ na pajānanti,||
sot'indriya-samudayaṃ na pajānanti,||
sot'indriya-nirodhaṃ na pajānanti,||
sot'indriya-nirodha-gāminī-paṭipadaṃ na pajānanti;|| ||
Ghān'indriyaṃ na pajānanti,||
ghān'indriya-samudayaṃ na pajānanti,||
ghān'indriya-nirodhaṃ na pajānanti,||
ghān'indriya-nirodha-gāminī-paṭipadaṃ na pajānanti;|| ||
Jivh'indriyaṃ na pajānanti,||
jivh'indriya-samudayaṃ na pajānanti,||
jivh'indriya-nirodhaṃ na pajānanti,||
jivh'indriya-nirodha-gāminī-paṭipadaṃ na pajānanti;|| ||
Kāy'indriyaṃ na pajānanti,||
kāy'indriya-samudayaṃ na pajānanti,||
kāy'indriya-nirodhaṃ na pajānanti,||
kāy'indriya-nirodha-gāminī-paṭipadaṃ na pajānanti;|| ||
Man'indriyaṃ na pajānanti,||
man'indriya-samudayaṃ na pajānanti,||
man'indriya-nirodhaṃ na pajānanti,||
man'indriya-nirodha-gāminī-paṭipadaṃ na pajānanti;|| ||
na me te bhikkhave samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
na ca pana te āyasmanto sāmaññ'atthaṃ vā brahmaññ'atthaṃ vā||
diṭṭhe'va dhamme sayaṃ abhiññā sacchi-katvā upasampajja viharanti.|| ||
§
"Ye ca kho keci, bhikkhave, samaṇā vā brāhmaṇā vā||
cakkhu'ndriyaṃ pajānanti,||
cakkhu'ndriya-samudayaṃ pajānanti,||
cakkhu'ndriya-nirodhaṃ pajānanti,||
cakkhu'ndriya-nirodha-gāminī-paṭipadaṃ pajānanti;|| ||
Sot'indriyaṃ pajānanti,||
sot'indriya-samudayaṃ pajānanti,||
sot'indriya-nirodhaṃ pajānanti,||
sot'indriya-nirodha-gāminī-paṭipadaṃ pajānanti;|| ||
Ghān'indriyaṃ pajānanti,||
ghān'indriya-samudayaṃ pajānanti,||
ghān'indriya-nirodhaṃ pajānanti,||
ghān'indriya-nirodha-gāminī-paṭipadaṃ pajānanti;|| ||
Jivh'indriyaṃ pajānanti,||
jivh'indriya-samudayaṃ pajānanti,||
jivh'indriya-nirodhaṃ pajānanti,||
jivh'indriya-nirodha-gāminī-paṭipadaṃ pajānanti;|| ||
Kāy'indriyaṃ pajānanti,||
kāy'indriya-samudayaṃ pajānanti,||
kāy'indriya-nirodhaṃ pajānanti,||
kāy'indriya-nirodha-gāminī-paṭipadaṃ pajānanti;|| ||
Man'indriyaṃ pajānanti,||
man'indriya-samudayaṃ pajānanti,||
man'indriya-nirodhaṃ pajānanti,||
man'indriya-nirodha-gāminī-paṭipadaṃ pajānanti;|| ||
[207] Ye ca kho kici bhikkhave, samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
te ca pan'āyasmanto sāmaññ'atthaṃ vā brahmaññ'atthaṃ vā||
diṭṭhe'va dhamme sayaṃ abhiññā-sacchi-katvā upasampajja viharantī" ti.|| ||
