Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Sanyutta Nikaya,
V: MahaVagga
48. Indriya Sanyutta
V. Jara-vagga

Sutta 42

Unnabho Brahmana Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evam me sutam:|| ||

Ekam samayam Bhagava Savatthiyam viharati Pubbarame Migaramatupasade.|| ||

Atha kho unnabho brahmano yena Bhagava ten'upasankami.|| ||

Upasankamitva Bhagavata saddhim sammodi.|| ||

Sammodaniyam katham saraniyam vitisaretva eka-m-antam nisidi.|| ||

Eka-m-antam nisinno kho unnabho brahmano Bhagavantam etad avoca:|| ||

"Pancimani bho Gotama, indriyani||
nanavisayani||
nanagocarani||
na annam annassa gocara-visayam paccanubhonti.|| ||

Katamani panca?|| ||

Cakkhu'ndriyam||
sot'indriyam||
ghan'indriyam||
jivh'indriyam||
kay'indriyam.|| ||

[218] Imesan nu kho bho Gotama, pancannam indriyanam||
nanavisayanam||
nanagocaranam||
na annam annassa gocara-visayam paccanubhontanam||
kim patisaranam||
ko ca nesan gocara-visayam paccanubhoti" ti?|| ||

"Panc'imani brahmana, indriyani||
nanavisayani||
nanagocarani||
na annam annassa gocara-visayam paccanubhonti.|| ||

Katamani panca?|| ||

Cakkhu'ndriyam||
sot'indriyam||
ghan'indriyam||
jivh'indriyam||
kay'indriyam.|| ||

Imesam kho brahmana, pancannam indriyanam||
nana-visayanam||
nana-gocaranam||
na annam annassa gocara-visayam paccanubhontanam||
mano patisaranam||
mano ca nesan gocara-visayam paccanubhoti" ti.|| ||

"Manassa pana bho Gotama||
kim patisaranam||
ko ca nesan gocara-visayam paccanubhoti" ti?|| ||

"Manassa kho brahmana,||
sati patisaranan||
sati ca nesan gocara-visayam paccanubhoti" ti.|| ||

"Satiya pana bho Gotama,||
kim patisaranam||
ko ca nesan gocara-visayam paccanubhoti" ti?|| ||

"Satiya kho brahmana,||
vimutti patisaranan||
vimutti ca nesan gocara-visayam paccanubhoti" ti.|| ||

"Vimuttiya pana bho Gotama||
kim patisaranam||
ko ca nesan gocara-visayam paccanubhoti" ti?|| ||

"Vimuttiya kho brahmana,||
nibbanam patisaranan||
nibbanam ca nesan gocara-visayam paccanubhoti" ti.|| ||

"Nibbanassa pana bho Gotama,||
kim patisaranam||
ko ca nesan gocara-visayam paccanubhoti" ti?|| ||

"Accasara brahmana, panham.|| ||

Nasakkhi panhassa pariyan tam gahetum.

Nibbanogadham hi brahmana brahmacariyam vussati||
nibbana-parayanam||
nibbana-pariyosanan" ti.|| ||

Atha kho Unnabho brahmano Bhagavato bhasitam abhinanditva anumoditva utthay asana Bhagavantam abhivadetva padakkhinam katva pakkami.|| ||

Atha kho Bhagava acirapakkante Unnabhe brahmane bhikkhu amantesi:|| ||

"Seyyatha pi bhikkhave, kutagare va||
kutagara-salayam va||
pacinavatapana suriye uggacchante||
vatapanena rasmiyo pavisitva kaya patitthita" ti?|| ||

"Pacchimaya bhante bhittiyan" ti.|| ||

[219] "Evam eva kho, bhikkhave, Unnabhassa brahmanassa Tathagate saddha nivittha,||
mulajata||
patitthita||
dalha||
asanhariya samanena va||
brahmanena va||
devena va||
marena va||
Brahmuna va||
kenaci va lokasmim.|| ||

Imamhi ce bhikkhave, samaye Unnabho brahmano kalam kareyya,||
n'atthi tam sanyojanam yena sanyojanena sanyutto||
Unnabho brahmano puna imam lokam agaccheyya" ti.|| ||

 


Contact:
E-mail
Copyright Statement