Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Sanyutta Nikaya,
V: MahaVagga
51. Iddhipada Sanyutta
III. Ayogula-vaggo

Sutta 29

Pathama Sambahula Bhikkhu Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evam me sutam:|| ||

Savatthiyam:|| ||

2. Atha kho sambahula bhikkhu yena Bhagava ten'upasankamimsu.|| ||

Upasankamitva Bhagavantam abhivadetva eka-m-antam nisidimsu.|| ||

2. Eka-m-antam nisinna kho te bhikkhu Bhagavantam etad avocum:|| ||

Katama nu kho bhante, iddhi?|| ||

Katamo iddhipado?|| ||

Katama iddhipadabhavana?|| ||

Katama iddhipadabhavanagamini patipada? ti.|| ||

3. Idha bhikkhave, bhikkhu aneka-vihitam iddhividham paccanubhoti:|| ||

"Eko pi hutva bahudha hoti bahudha pi hutva eko hoti.|| ||

Avibhavam tirobhavam tirokuddam tiropakaram tiropabbatam asajjamanova gacchati,||
seyyatha pi akase.|| ||

Pathaviya pi ummujjanimujjam karoti seyyatha pi udake.|| ||

Udake pi abhijjamano gacchati seyyatha pi pathaviyam.|| ||

Akase pi pallankena kamati seyyatha pi pakkhi sakuno.|| ||

Ime pi candimasuriye evam mahiddhike evam mahanubhave panina paramasati,||
parimajjati.|| ||

Yava brahmaloka pi kayena vasam vatteti.|| ||

Ayam vuccati bhikkhave, iddhi.|| ||

4. Katamo ca bhikkhave, iddhipado?|| ||

Yo bhikkhave, maggo ya patipada iddhilabhaya iddhipatilabhaya sanvattati.|| ||

Ayam vuccat bhikkhave, iddhipado.|| ||

5. Katama ca bhikkhave, iddhipadabhavana?|| ||

Idha, bhikkhave, bhikkhu chanda-samadhi-padhana-sankhara-samannagatam iddhipadam bhaveti.|| ||

Viriya-samadhi-padhana-sankhara-samannagatam iddhipadam bhaveti:|| ||

Citta-samadhi-padhana-sankhara-samannagatam iddhipadam bhaveti:|| ||

Vimamsa-samadhi-padhana-sankhara-samannagatam iddhipadam bhaveti:|| ||

Ayam vuccati bhikkhave, iddhipadabhavana.|| ||

6. Katama ca bhikkhave, iddhipadabhavanagamini patipada?|| ||

Ayam eva ariyo atthangiko maggo.|| ||

Seyyathidam:|| ||

Sammaditthi,||
sammasankappo,||
sammavaca,||
sammakammanko,||
sammaajivo,||
sammavayamo,||
sammasati,||
sammasamadhi.|| ||

Ayam vuccati bhikkhave, iddhipadabhavanagamini patipada ti.|| ||


Contact:
E-mail
Copyright Statement