Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya:
V. MahaVagga
52. Anuruddha Sanyutta
2. Sahassa Vaggo

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 11

Sahassa Suttam

[11.1][pts] Evam me sutam:|| ||

Ekam samayam ayasma Anuruddho Savatthiyam viharati Jetavane Anathapindikassa arame.|| ||

2. Atha kho sambahula bhikkhu yenayasma Anuruddho ten'upasankamimsu.|| ||

Upasankamitva ayasmata anuruddhena saddhim sammodimsu sammodaniyam katham saraniyam vitisaretva eka-m-antam nisidimsu.|| ||

Eka-m-antam nisinna kho te bhikkhu ayasmantam Anuruddham etad avocum:|| ||

3. "Katamesan ayasma Anuruddho dhammanam bhavitatta bahulikatatta mahabhinnatam patto" ti?|| ||

4. Catunnam khvaham avuso, satipatthananam bhavitatta bahulikatatta mahabhinnatam patto.|| ||

Katamesan catunnam?|| ||

Idhaham avuso kaye kayanupassi viharami,||
atapi sampajano satima vineyya loke abhijjhadomanassam.|| ||

Vedanasu vedananupassi viharami||
atapi sampajano satima vineyya loke abhijjhadomanassam.|| ||

Citte cittanupassi viharami||
atapi sampajano satima vineyya loke abhijjhadomanassam.|| ||

Dhammesu dhammanupassi viharami atapi sampajano satima vineyya loke abhijjhadomanassam.|| ||

Imesam khvaham avuso catunnam satipatthananam bhavitatta bahulikatatta mahabhinnatam patto.|| ||

5. Imesan ca panaham avuso,||
catunnam satipatthananam bhavitatta bahulikatatta kappasahassan anussarami ti.|| ||

 


 

Sutta 12

Iddhividha [Iddhi 1] Suttam

[12.1][pts] Imesan ca panaham avuso,||
catunnam satipatthananam||
bhavitatta bahulikatatta||
aneka-vihitam iddhividham paccanubhomi:|| ||

"Ekopi hutva bahudha homi,||
bahudha pi hutva eko homi,||
avibhavam tirobhavam tirokuddam tiropakaram tiropabbatam asajjamano gacchami seyyatha pi akase.||
Pathaviya pi ummujjanimujjam karomi seyyatha pi udake.||
Udake pi abhijjamano gacchami seyyatha pi pathaviyam.||
Akase pi pallankena kamami seyyatha pi pakkhisakuno.||
Ime pi candimasuriye evammahiddhike evammahanubhave panina paramasami parimajjami.||
Yava brahmaloka pi kayena vasan vattemi" ti.|| ||

 


[304]

Sutta 13

Dibbasota [Iddhi 2] Suttam

[13.1][pts] Imesan ca panaham avuso,||
catunnam satipatthananam||
bhavitatta bahulikatatta||
dibbaya sotadhatuya visuddhaya atikkantamanusikaya ubho sadde sunami dibbe ca manuse ca ye dure santike ca ti.|| ||

 


 

Sutta 14

Cetopariya [Cetoparicca] Suttam

[14.1][pts] Imesan ca panaham avuso,||
catunnam satipatthananam||
bhavitatta bahulikatatta||
parasattanam parapuggalanam cetesa ceto paricca pajanami:|| ||

Saragam va cittam saragam cittanti pajanami,||
vitaragam va cittam vitaragam cittanti pajanami,||
sadosan va cittam sadosa cittanti pajanami,||
vitadosan va cittam vitadosan cittanti pajanami,||
samoham va cittam samoham cittanti pajanami,||
vitamoham va cittam vitamoham cittanti pajanami,||
sankhittam cittam sankhittam cittanti pajanami,||
vikkhittam va cittam vikkhittam cittanti pajanami,||
mahaggatam va cittam mahaggatam cittanti pajanami,||
amahaggatam va cittam amahaggatam cittanti pajanami,||
sauttaram va cittam sauttaram cittanti pajanami,||
anuttaram va cittam anuttaram cittanti pajanami,||
samahitam va cittam samahitam cittanti pajanami,||
asamahitam va cittam asamahitam cittanti pajanami,||
vimuttam va cittam vimuttam cittanti pajanami,||
avimuttam va cittam avimuttam cittanti pajanami,||
vimuttamva cittam vimuttam cittanti pajanami ti.|| ||

 


 

Sutta 15

Thana Suttam

[15.1][pts] Imesan ca panaham avuso,||
catunnam satipatthananam||
bhavitatta bahulikatatta||
thanan ca thanato atthanan ca atthanato yatha-bhutam pajanami ti.|| ||

 


 

Sutta 16

Kamma [Thana 2(?)] Suttam

[16.1][pts] Imesan ca panaham avuso,||
catunnam satipatthananam||
bhavitatta bahulikatatta||
atitanagatapaccuppannanam kammasamadananam thanaso hetuso vipakam yatha-bhutam pajanami ti.|| ||

 


 

Sutta 17

Sabbatthagamini [Patipada] Suttam

[17.1][pts] Imesan ca panaham avuso,||
catunnam satipatthananam||
bhavitatta bahulikatatta||
sabbatthagaminim patipadam yatha-bhutam pajanami ti.|| ||

 


 

Sutta 18

Anekadhatu [Loka] Suttam

[18.1][pts] Imesan ca panaham avuso,||
catunnam satipatthananam||
bhavitatta bahulikatatta||
anekadhatum nanadhatum lokam yatha-bhutam pajanami ti.|| ||

 


[305]

Sutta 19

Nanadhimuttika [Nanadhimutti] Suttam

[19.1][pts] Imesan ca panaham avuso,||
catunnam satipatthananam||
bhavitatta bahulikatatta||
sattanam nanadhimuttikam yatha-bhutam pajanami ti.|| ||

 


 

Sutta 20

Indriya Suttam

[20.1][pts] Imesan ca panaham avuso,||
catunnam satipatthananam||
bhavitatta bahulikatatta||
parasattanam parapuggalanam indriyaparopariyattam yatha-bhutam pajanami ti.|| ||

 


 

Sutta 21

Jhana Suttam

[21.1][pts] Imesan ca panaham avuso,||
catunnam satipatthananam||
bhavitatta bahulikatatta||
jhana-vimokkha-samadhi-samapattinam sankilesam vodanam vutthanam yatha-bhutam pajanami ti.|| ||

 


 

Sutta 22

Pubbenivasa [Vijja 1] Suttam

[22.1][pts] Imesan ca panaham avuso,||
catunnam satipatthananam||
bhavitatta bahulikatatta||
aneka-vihitam pubbe nivasam anussarami.|| ||

Seyyathidam:|| ||

"Ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visampi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jati-sata-sahassam pi aneke pi sanvattakappe aneke pi vivattakappe aneke pi sanvatta-vivattakappe.|| ||

Amutrasim evam-namo,||
evam-gotto evam-vanno evam-aharo evam-sukha-dukkha-patisanvedi evam-ayu-pariyanto.|| ||

So tato cuto amutra upapadim,||
tatrapasim evam-namo evam-gotto evam-vanno evam-aharo evam-sukha-dukkha-patisanvedi evam-ayu-pariyanto so tato cuto idhupapanno ti.|| ||

Iti sakaram sa-uddesam aneka-vihitam pubbe nivasam anussarami ti.|| ||

 


 

Sutta 23

Dibbacakkhu [Vijja 2] Suttam

[23.1][pts] Imesan ca panaham avuso,||
catunnam satipatthananam||
bhavitatta bahulikatatta||
dibbena cakkhuna visuddhena atikkantamanusakena satte passami:|| ||

Cavamane uppajjamane hine panite suvanne dubbanne sugate duggate yathakammupage satte pajanami:||
ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana.|| ||

Te kayassa bheda param marana apayam duggatim vinipatam nirayam upapanna.|| ||

Ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana.|| ||

Te kayassa bheda param marana sugatim saggam lokam upapanna ti.|| ||

Iti dibbena cakkhuna visuddhena atikkantamanusakena satte passami:|| ||

Cavamane uppajjamane hine panite suvanne dubbanne sugate duggate yathakammupage satte pajanami ti.|| ||

 


 

Sutta 24

Asavakkhaya [Vijja 3] Suttam

[24.1][pts] Imesan ca panaham avuso,||
catunnam satipatthananam||
bhavitatta bahulikatatta||
asavanam khaya anasavam cetovimuttim pannavimuttim [306] ditthe va dhamme sayam abhinna sacjikatva upasampajja viharami ti.|| ||

 


Contact:
E-mail
Copyright Statement