Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Samyutta Nikaya
V. Maha Vagga
55. Sotapatti Sanyutta
III. Saranani Vagga

Sutta 21

Pathama Mahanama Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than] Evam me sutam:|| ||

[369] Ekam samayam Bhagava Sakkesu viharati Kapilavatthusmim Nigrodharame. Atha kho Mahanamo Sakko yena Bhagava ten'upasankami. Upasankamitva Bhagavantam abhivadetva eka-m-antam nisidi.|| ||

Eka-m-antam nisinno kho Mahanamo Sakko Bhagavantam etad avoca: "idam bhante, Kapilavatthu iddhanc'eva phitan ca bahujannam akinnamanussam sambadhabyuham. So khvaham bhante, Bhagavantam payirupasitva manobhavaniyam va bhikkhum, sayanhasamayam Kapilavatthum pavisanto bhantenapi hatthina samagacchami. Bhantenapi assena samagacchami. Bhantenapi purisena samagacchami. Tassa mayham bhante, tasmim samaye mussateva Bhagavantam arabbha sati. Mussati dhammam arabbha sati mussati sangham arabbha sati. Tassa mayham bhante, evam hoti: "imehi caham samaye kalam kareyyam ka mam'assa gati, ko abhisamparayo" ti.|| ||

Ma bhayi Mahanama, ma bhayi Mahanama apapakam te maranam bhavissati, apapika kalakiriya. Yassa kassaci Mahanama, digha-rattam saddhaparibhavitam cittam, silaparibhavitam cittam, sutaparibhavitam cittam, cagaparibhavitam cittam, pannaparibhavitam cittam, tassa yo hi khvayam kayo rupi catum-maha-bhutiko mata- [370] pettika-sambhavo odanakummasupacayo aniccucchadana-parimaddana-bhedana-viddhamsanadhammo, tam idh'eva kaka va khadanti, gijjha va khadanti, kulala va khadanti, supana va khadanti, sigala va khadanti, vividha va panakajata khadanti, yan ca khvassa cittam digha-rattam saddhaparibhavitam, silaparibhavitam, sutaparibhavitam, cagaparibhavitam, pannaparibhavitam, tam uddhamgami hoti visesagami.|| ||

seyyatha pi Mahanama, balava puriso sappikumbham va telakumbham va gambhiram udakarahadam ogahetva bhindeyya, tatra yassa1 sakkhara va kathala va sa adhogami assa. Yan ca khvassa tatra sappi va telam va tam uddhangami assa visesagami. Evam eva kho Mahanama, yassa kassaci digha-rattam saddhaparibhavitam cittam silaparibhavitam cittam, sutaparibhavitam cittam, cagaparibhavitam cittam, pannaparibhavitam cittam, tassa yo hi khvayam kayo rupi catum-maha-bhutiko matapettikasambhavo odanakummasupacayo aniccucchadana-parimaddana-bhedana-viddhamsanadhammo, tam idh'eva kaka va khadanti, gijjha va khadanti, kulala va khadanti, supana va khadanti, sigala va khadanti, vividha va panakajata khadanti, yan ca khvassa cittam saddhaparibhavitam, silaparibhavitam, sutaparibhavitam, cagaparibhavitam, pannaparibhavitam cittam tam uddhangami hoti visesagami. Tuyham kho pana Mahanama, digha-rattam saddhaparibhavitam cittam silaparibhavitam, sutaparibhavitam, cagaparibhavitam, pannaparibhavitam. Ma bhayi Mahanama, ma bhayi Mahanama, apapakam te maranam bhavissati. Apapika kalakiriyati.|| ||

 


Contact:
E-mail
Copyright Statement