Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as ASCII (aiumnntdnl). Alternatives:
[ IAST Unicode (āīūṃṅñṭḍṇḷ) | Velthuis (aaiiuu.m'n~n.t.d.n.l) ]

 

Sanyutta Nikaya,
V: MahaVagga
56. Sacca Sanyutta
I. Samadhi Vaggo

Sutta 7

Vitakka Suttam

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutam:|| ||

Ekam samayam Bhagava Savatthiyam viharati||
Jetavane Anathapindikassa arame.|| ||

Tatra kho Bhagava bhikkhu amantesi:|| ||

"Bhikkhavo" ti.|| ||

"Bhadante" ti te bhikkhu Bhagavato paccassosum.|| ||

Bhagava etad avoca:|| ||

"Ma bhikkhave, papake akusale vitakke vitakkeyyatha.|| ||

Seyyathidam:|| ||

Kama-vitakkam||
vyapada-vitakkam||
vihinsavitakkam.|| ||

Tam kissa hetu?|| ||

N'ete bhikkhave, vitakka atthasanhita||
n'adibrahmacariyaka||
[418] na nibbidaya||
na viragaya||
na nirodhaya||
na upasamaya||
na abhinnaya||
na sambodhaya||
na nibbanaya sanvattanti.|| ||

Vitakkento ca kho tumhe bhikkhave,||
'idam dukkhan' ti vitakkeyyatha,||
'ayam dukkha-samudayo' ti vitakkeyyatha,||
'ayam dukkha-nirodho' ti vitakkeyyatha,||
'ayam dukkha-nirodha-gamini patipada' ti vitakkeyyatha.|| ||

Tam kissa hetu?|| ||

Ete bhikkhave, vitakka atthasanhita ete adibrahmacariyaka||
ete nibbidaya||
viragaya||
nirodhaya||
upasamaya||
abhinnaya||
sambodhaya||
nibbanaya sanvattanti. || ||

Tasma ti ha bhikkhave,||
'idam dukkhan' ti yogo karaniyo,||
'ayam dukkha-samudayo' ti yogo karaniyo,||
'ayam dukkha-nirodho' ti yogo karaniyo,||
'ayam dukkha-nirodha-gamini patipada' ti yogo karaniyo" ti.|| ||

 


Contact:
E-mail
Copyright Statement