Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]


 

Digha Nikaya

Volume I

Suttas 1-13

Based on the edition by
T.W. Rhys Davids and J.E. Carpenter,
London: Pali Text Society 1890

This work is © Copyright the Pali Text Society and the Dhammakaya Foundation, 2015

This work is licensed under a
Creative Commons Attribution-ShareAlike 4.0 International License.
For details see Terms of Use.

Input by the Dhammakaya Foundation, Thailand, 1989-1996

 

Namo tassa Bhagavato arahato Samma-sambuddhassa

 

NOTICE: These files are provided by courtesy of the Pali Text Society for scholarly purposes only. In principle they represent a digital edition (without revision or correction) of the printed editions of the complete set of Pali canonical texts published by the PTS. While they have been subject to a process of checking, it should not be assumed that there is no divergence from the printed editions and it is strongly recommended that they are checked against the printed editions before quoting.

ALTERATIONS: Superficial re-formatting of headers, sutta titles, and page numbers adding 'ids,' and tag changes to make the file conform to HTML 5 standards. The lower-case mg [m] has been substituted throughout for the lowercase m-underdot [m]; the lower-case ng [n] has been substituted throughout for the lowercase n-overdot [n]. Content straddling page breaks has been moved to the preceding page. The notice of this change that appeared in the originals has been deleted. Both left- and right-hand-page Running heads have been eliminated as page numbers and internal headings make these redundant. Otherwise the internal text of the suttas remains untouched.

 


 

I. Brahmajala Sutta

1.1. Evam me sutam. Ekam samayam Bhagava antara ca Rajagaham antara ca Nalandam addhana-magga-patipanno hoti mahata bhikkhu-samghena saddhim pancamattehi bhikkhu-satehi. Suppiyo pi kho paribbajako antara ca Rajagaham antara ca Nalandam addhana-maggapatipanno hoti saddhim antevasina Brahmadattena manavena. Tatra sudam Suppiyo paribbajako aneka-pariyayena Buddhassa avannam bhasati Dhammassa avannam bhasati Samghassa avannam bhasati, Suppiyassa pana paribbajakassa antevasi Brahmadatto manavo aneka-pariyayena Buddhassa vannam bhasati Dhammassa vannam bhasati Samghassa vannam bhasati. Iti ha te ubho acariyantevasi annamannassa uju-vipaccanika-vada Bhagavantam pitthito pitthito anubaddha honti bhikkhu-samghan ca.

2. Atha kho Bhagava Ambalatthikayam rajagarake eka-ratti-vasam upaganchi saddhim bhikkhu-samghena.

Suppiyo pi kho paribbajako Ambalatthikayam rajagarake eka-ratti-vasam upaganchi saddhim antevasina Brahmadattena manavena. Tatra pi sudam Suppiyo paribbajako aneka-pariyayena Buddhassa avannam bhasati Dhammassa avannam bhasati Samghassa avannam bhasati, Suppiyassa pana paribbajakassa antevasi Brahmadatto manavo anekapariyayena Buddhassa vannam bhasati Dhammassa vannam bhasati Samghassa vannam bhasati.

[page 002]

Iti ha te ubho acariyantevasi annamannassa uju-vipaccanika-vada Bhagavantam pitthito pitthito anubaddha honti bhikkhusamghan ca.

3. Atha kho sambahulanam bhikkhunam rattiya paccusasamayam paccutthitanam mandala-male sannisinnanam sannipatitanam ayam sankhiya-dhammo udapadi: 'Acchariyam avuso abbhutam avuso yavan c' idam tena Bhagavata janata passata arahata samma-sambuddhena sattanam nanadhimuttikata suppatividita. Ayam hi Suppiyo paribbajako aneka-pariyayena Buddhassa avannam bhasati Dhammassa avannam bhasati Samghassa avannam bhasati, Suppiyassa pana paribbajakassa antevasi Brahmadatto manavo aneka-pariyayena Buddhassa vannam bhasati Dhammassa vannam bhasati Samghassa vannam bhasati.

Iti ha 'me ubho acariyantevasi annamannassa uju-vipaccanika-vada Bhagavantam pitthito pitthito anubaddha honti {bhikkhu-samghan} cati.'

4. Atha kho Bhagava tesam bhikkhunam imam sankhiyadhammam viditva, yena mandala-malo ten' upasamkami, upasamkamitva pannatte asane nisidi. Nisajja kho Bhagava bhikkhu amantesi: 'Kaya nu 'ttha bhikkhave etarahi kathaya sannisinna, ka ca pana vo antarakatha vippakata ti?' Evam vutte te bhikkhu Bhagavantam etad avocum: 'Idha bhante amhakam rattiya paccusa-samayam paccutthitanam mandala-male sannisinnanam sannipatitanam ayam sankhiya-dhammo udapadi "Acchariyam ... pe (3) ... anubaddha honti bhikkhu-samghan cati." Ayam kho no bhante antara katha vippakata atha Bhagava anuppatto ti.'

5. 'Mamam va bhikkhave pare avannam bhaseyyum Dhammassa va avannam bhaseyyum Samghassa va avannam bhaseyyum,

[page 003]

tatra tumhehi na aghato na appaccayo na cetaso anabhiraddhi karaniya. Mamam va bhikkhave pare avannam bhaseyyum Dhammassa va avannam bhaseyyum Samghassa va avannam bhaseyyum, tatra ce tumhe assatha kupita va anattamana va tumham yev' assa tena antarayo. Mamam va bhikkhave pare avannam bhaseyyum Dhammassa va avannam bhaseyyum Samghassa va avannam bhaseyyum, tatra ce tumhe assatha kupita va anattamana va api nu tumhe paresam subhasitam dubbhasitam ajaneyyathati?'

'No h' etam bhante.'

'Mamam va bhikkhave pare avannam bhaseyyum Dhammassa va avannam bhaseyyum Samghassa va avannam bhaseyyum, tatra tumhehi abhutam abhutato nibbethetabbam: "Iti pi etam abhutam, iti pi etam ataccham, n' atthi c' etam amhesu, na ca pan' etam amhesu samvijjatiti."'

6. 'Mamam va bhikkhave pare vannam bhaseyyum Dhammassa va vannam bhaseyyum Samghassa va vannam bhaseyyum, tatra tumhe na anando na somanassam na cetaso ubbillavitattam karaniyam. Mamam va bhikkhave pare vannam bhaseyyum Dhammassa va vannam bhaseyyum Samghassa va vannam bhaseyyum, tatra ce tumhe assatha anandino sumana ubbillavita tumham yev' assa tena antarayo. Mamam va bhikkhave pare vannam bhaseyyum Dhammassa va vannam bhaseyyum Samghassa va vannam bhaseyyum, tatra tumhehi bhutam bhutato patijanitabbam: "Iti p' etam bhutam, iti p' etam taccham, atthi c' etam amhesu, samvijjati ca pan' etam amhesuti."'

7. 'Appamattakam kho pan' etam bhikkhave oramattakam silamattakam yena puthujjano Tathagatassa vannam vadamano vadeyya. Kataman ca tam bhikkhave appamattakam oramattakam silamattakam yena puthujjano Tathagatassa vannam vadamano vadeyya?'

[page 004]

8.1 "'Panatipatam pahaya panatipata pativirato Samano Gotamo nihita-dando nihita-sattho lajji dayapanno sabbapana-bhuta-hitanukampi viharatiti." Iti va hi bhikkhave puthujjano Tathagatassa vannam vadamano vadeyya.

"'Adinnadanam pahaya adinnadana pativirato Samano Gotamo dinnadayi dinna-patikankhi athenena suci-bhutena attana viharatiti." Iti va hi bhikkhave puthujjano Tathagatassa vannam vadamano vadeyya.

"'Abrahmacariyam pahaya brahmacari Samano Gotamo ara-cari virato methuna gama-dhamma ti." Iti va hi bhikkhave puthujjano Tathagatassa vannam vadamano vadeyya.

9. "'Musa-vadam pahaya musa-vada pativirato Samano Gotamo sacca-vadi sacca-sandho theto paccayiko avisamvadako lokassati." Iti va hi bhikkhave puthujjano Tathagatassa vannam vadamano vadeyya.

"'{Pisuna-} vacam pahaya {pisunaya} vacaya pativirato Samano Gotamo, ito sutva na amutra akkhata imesam bhedaya, amutra va sutva na imesam akkhata amusam bhedaya. Iti bhinnanam va sandhata sahitanam va anuppadata samaggaramo samagga-rato samagga-nandi samagga-karanim vacam bhasita ti." Iti va hi bhikkhave puthujjano Tathagatassa vannam vadamano vadeyya.

"'Pharusa-vacam pahaya pharusaya vacaya pativirato Samano Gotamo, Ya sa vaca nela kanna-sukha pemaniya hadayam-gama pori bahujana-kanta bahujana-manapa tatha-rupim vacam bhasita ti." Iti va hi bhikkhave puthujjano Tathagatassa vannam vadamano vadeyya.

"'Samphappalapam pahaya samphappalapa pativirato Samano Gotamo kala-vadi bhuta-vadi attha-vadi dhammavadi vinaya-vadi nidhanavatim vacam bhasita kalena sapadesam pariyantavatim attha-samhitan ti."

[page 005]

Iti va hi bhikkhave puthujjano Tathagatassa vannam vadamano vadeyya.

10. "'Bijagama-bhutagama-samarambha pativirato Samano Gotamo. Eka-bhattiko Samano Gotamo rattuparato, vikala-bhojana pativirato Samano Gotamo. Nacca-gitavadita-visuka-dassana pativirato Samano Gotamo. Malagandha-vilepana-dharana-mandana-vibhusana-tthana pativirato Samano Gotamo. Uccasayana-mahasayana pativirato Samano Gotamo. Jatarupa-rajata-patiggahana pativirato Samano Gotamo. Amaka-dhanna-patiggahana pativirato Samano {Gotamo}. Amaka-{mamsa}-patiggahana pativirato Samano Gotamo. Itthi-kumarika-patiggahana pativirato Samano Gotamo. Dasi-dasa-patiggahana pativirato Samano Gotamo. {Ajelaka-patiggahana} pativirato Samano Gotamo. Kukkuta-sukara-patiggahana pativirato Samano Gotamo. Hatthi-gavassa-valava-patiggahana pativirato Samano Gotamo. Khetta-vatthu-patiggahana pativirato Samano Gotamo. Duteyya-pahina-gamananuyoga pativirato Samano Gotamo. Kaya-vikkaya pativirato Samano Gotamo. Tulakuta-kansakuta-manakuta pativirato Samano Gotamo. Ukkotana-vancana-nikatisaci-yoga pativirato Samano Gotamo. Chedana-vadhabandhana-viparamosa-alopa-sahasakara pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

Cula-Silam nitthitam.

11. "'Yatha va pan' eke bhonto samana-brahmana saddha-deyyani bhojanani bhunjitva te evarupam bijagama-bhutagama-samarambham anuyutta viharanti -- seyyathidam {mula-bijam} khandha-bijam phalu-bijam agga-bijam {bijabijam} eva pancamam -- iti evarupa bijagama-bhutagamasamarambha pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

[page 006]

12. "'Yatha va pan' eke bhonto samana-brahmana saddha-deyyani bhojanani bhunjitva te evarupam sannidhikara-paribhogam anuyutta viharanti -- seyyathidam annasannidhim pana-sannidhim vattha-sannidhim yana-sannidhim sayana-sannidhim gandha-sannidhim amisa-sannidhim -- iti va iti evarupa sannidhi-kara-paribhoga pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

13. "'Yatha va pan' eke bhonto samana-brahmana saddha-deyyani bhojanani bhunjitva te {evarupam} visukadassanam anuyutta viharanti -- seyyathidam naccam gitam vaditam pekkham akkhanam panissaram vetalam kumbhathunam Sobha-nagarakam candalam {vamsam} dhopanam hatthi-yuddham assa-yuddham mahisa-yuddham usabhayuddham aja-yuddham mendaka-yuddham kukkuta-yuddham vattaka-yuddham danda-yuddham mutthi-yuddham nibbuddham uyyodhikam balaggam sena-byuham anikadassanam -- iti va iti evarupa visuka-dassana pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

14. "'Yatha va pan' eke bhonto samana-brahmana saddha-deyyani bhojanani bhunjitva te evarupam juta-pamadatthananuyogam anuyutta viharanti -- seyyathidam atthapadam dasa-padam akasam parihara-patham santikam khalikam ghatikam salaka-hattham akkham pangaciram vankakam mokkhacikam cingulikam pattalhakam rathakam dhanukam akkharikam manesikam yatha-vajjam -- iti va iti evarupa juta-pamada-tthananuyoga pativirato Samano Gotamo ti."

[page 007]

Iti va hi bhikkhave puthujjano Tathagatassa vannam vadamano vadeyya.

15. "'Yatha va pan' eke bhonto samana-brahmana saddha-deyyani bhojanani bhunjitva te evarupam uccasayana-mahasayanam anuyutta viharanti -- seyyathidam asandim pallankam gonakam cittakam patikam patalikam tulikam vikatikam udda-lomim ekanta-lomim katthissam koseyyam kuttakam hatthattharam assattharam rathattharam ajina-ppavenim kadali-miga-pavara-paccattharanam sa-uttara-cchadam ubhato-lohitakupadhanam -- iti va iti evarupa uccasayana-mahasayana pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

16. "'Yatha va pan' eke bhonto samana-brahmana saddha-deyyani bhojanani bhunjitva te evarupam mandanavibhusana-tthananuyogam anuyutta viharanti -- seyyathidam ucchadanam parimaddanam nahapanam sambahanam adasam anjanam mala-vilepanam {mukha}-cunnakam {mukhalepanam} hattha-bandham sikha-bandham dandakam nalikam khaggam chattam citrupahanam {unhisam} manim vala-vijanim odatani vatthani digha-dasani -- iti va iti evarupa mandana-vibhusana-tthananuyoga pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

17. "'Yatha va pan' eke bhonto samana-brahmana saddha-deyyani bhojanani {bhunjitva} te evarupam tiracchana-katham anuyutta viharanti -- {seyyathidam} rajakatham cora-katham mahamatta-katham sena-katham bhaya-katham yuddha-katham anna-katham pana-katham vattha-katham sayana-katham mala-katham gandhakatham nati-katham yana-katham gama-katham nigamakatham nagara-katham janapada-katham itthi-katham [purisa-katham] sura-katham visikha-katham {kumbhatthana}-katham pubba-peta-katham nanatta-katham lokakkhayikam {samudda-kkhayikam} itibhavabhava-katham -- iti va iti evarupaya tiracchana-kathaya {pativirato} Samano Gotamo ti."

[page 008]

Iti va hi bhikkhave puthujjano Tathagatassa vannam vadamano vadeyya.

18. "'Yatha va pan' eke bhonto samana-brahmana saddha-deyyani bhojanani bhunjitva te evarupam viggahikakatham anuyutta viharanti -- seyyathidam: 'Na tvam imam dhamma-vinayam ajanasi, aham imam dhamma-{vinayam} ajanami, kim tvam imam dhamma-vinayam ajanissasi? -Miccha-patipanno tvam asi, aham asmi samma-patipanno -- Sahitam me, asahitan te -- Pure vacaniyam paccha avaca, paccha vacaniyampure avaca -- Avicinnan te viparavattam -{Aropito} te vado, niggahito 'si -- Cara {vada-ppamokkhaya,} nibbethehi va sace pahositi' -- iti va iti evarupaya viggahikakathaya pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

19. "'Yatha va pan' eke bhonto samana-brahmana saddha-deyyani bhojanani bhunjitva te evarupam duteyyapahina-gamananuyogam anuyutta viharanti -- seyyathidam rannam raja-mahamattanam khattiyanam {brahmananam} gahapatikanam {kumaranam} -- 'Idha gaccha, amutragaccha, idam hara, amutra idam aharati' -- iti va iti evarupa duteyyapahina-gamananuyoga pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

20. "'Yatha va pan' eke bhonto samana-brahmana saddha-deyyani {bhojanani} bhunjitva te kuhaka ca honti lapaka ca nemittika ca nippesika ca labhena ca labham nijigimsitaro -- iti evarupa kuhana-lapana pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

Majjhima-Silam Nitthitam.

[page 009]

21. "'Yatha va pan' eke bhonto samana-brahmana saddha-deyyani bhojanani bhunjitva te {evarupaya} tiracchanavijjaya micchajivenajivikam kappenti -- seyyathidam angam nimittam uppadam supinam lakkhanam musikacchinnam aggi-homam dabbi-homam thusa-homam kana-homam tandula-homam sappi-homam tela-homam mukha-homam lohita-homam anga-vijja vatthu-vijja khatta-vijja sivavijja bhuta-vijja bhuri-vijja ahi-vijja visa-vijja vicchika-vijja musika-vijja sakuna-vijja vayasa-vijja pakkajjhanam saraparittanam miga-cakkam -- iti va iti evarupaya tiracchanavijjaya pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

22. "'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam mani-lakkhanam danda-lakkhanam vattha-lakkhanam asilakkhanam usu-lakkhanam dhanu-lakkhanam ayudhalakkhanam itthi-lakkhanam purisa-lakkhanam kumaralakkhanam kumari-lakkhanam dasa-lakkhanam dasi-lakkhanam hatthi-lakkhanam assa-lakkhanam mahisa-lakkhanam usabha-lakkhanam go-lakkhanam aja-lakkhanam menda-lakkhanam kukkuta-lakkhanam vattaka-lakkhanam godha-lakkhanam kannika-lakkhanam kacchapalakkhanam miga-lakkhanam -- iti va iti evarupaya tiracchana-vijjaya pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

23. "'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam 'Rannam niyyanam bhavissati, rannam aniyyanam bhavissati -- Abbhantaranam rannam upayanam bhavissati, bahiranam rannam apayanam bhavissati -- {Bahiranam} rannam upayanam bhavissati,

[page 010]

abbhantaranam rannam apayanam bhavissati -- Abbhantaranam rannam jayo bhavissati, bahiranam rannam parajayo bhavissati -- Bahiranam rannam jayo bhavissati, abbhantaranam rannam parajayo bhavissati -- Iti imassa jayo bhavissati, imassa parajayo bhavissati' -- iti va iti evarupaya tiracchana-vijjaya micchajiva pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

24. "'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam 'Canda-ggaho bhavissati, suriya-ggaho bhavissati, nakkhatta-ggaho bhavissati. Candima-suriyanam patha-gamanam bhavissati, candima-suriyanam uppatha-gamanam bhavissati, nakkhattanam patha-gamanam bhavissati, nakkhattanam uppatha-gamanam bhavissati. Ukka-pato bhavissati. Disa-daho bhavissati. Bhumi-calo bhavissati.

Deva-dundubhi bhavissati. Candima-suriya-nakkhattanam uggamanam ogamanam samkilesam vodanam bhavissati. Evam-vipako canda-ggaho bhavissati, evamvipako suriya-ggaho bhavissati, evam-vipako nakkhattaggaho bhavissati, evam-vipako candima-suriyanam pathagamanam bhavissati, evam-vipako candima-suriyanam uppatha-gamanam bhavissati, evam-vipako nakkhattanam patha-gamanam bhavissati, evam-vipako nakkhattanam uppatha-gamanam bhavissati, evam-vipako ukkapato bhavissati, evam-vipako disa-daho bhavissati, evam-vipako bhumi-calo bhavissati, evam-vipako deva-dundubhi bhavissati, evam-vipakam candima-suriya-nakkhattanam uggamanam ogamanam samkilesam vodanam bhavissati' -- iti va iti evarupaya tiracchana-vijjaya micchajiva pativirato Samano Gotamo ti."

[page 011]

Iti va hi bhikkhave puthujjano Tathagatassa vannam vadamano vadeyya.

25. "'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam: 'Subbutthika bhavissati, dubbutthika bhavissati, subhikkham bhavissati, dubbhikkham bhavissati, khemam bhavissati, bhayam bhavissati, rogo bhavissati, arogyam bhavissati,' mudda, ganana, samkhanam, kaveyyam, lokayatam -- iti va iti evarupaya tiracchana-vijjaya micchajiva pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

26. "'Yatha va pan' eke bhonto samana-{brahmana} {saddha-deyyani} bhojanani bhunjitva te evarupaya tiracchanavijjaya micchajivena jivikam kappenti -- seyyathidam avahanam vivahanam samvadanam vivadanam samkiranam vikiranam subhaga-karanam dubbhaga-karanam viruddha-gabbha-karanam jivha-nittaddanam hanusamhananam hatthabhijappanam kanna-jappanam adasapanham kumari-panham deva-panham adiccupatthanam Mahat-upatthanam abbhujjalanam Sir' -avhayanam -- iti va iti evarupaya tiracchana-vijjaya micchajiva pativirato Samano Gotamo ti." Iti va hi bhikkhave puthujjano Tathagatassa {vannam} vadamano vadeyya.

[page 012]

27. "'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam santi-kammam panidhi-kammam bhuri-kammam vassa-kammam vossa-kammam vatthu-kammam vatthu-parikiranam acamanam nahapanam juhanam vamanam virecanam uddha-virecanam adho-virecanam sisa-virecanam kanna-telam netta-tappanam natthukammam anjanam paccanjanam salakiyam sallakattikam daraka-tikiccha mula-bhesajjanam anuppadanam osadhinam patimokkho -- iti va iti evarupaya tiracchana-vijjaya micchajiva pativirato Samano Gotamo ti." Iti va hi bhikkhave puthujjano Tathagatassa vannam vadamano vadeyya.

'Idam kho tam bhikkhave appamattakam oramattakam silamattakam yena puthujjano Tathagatassa vannam vadamano vadeyya.

Maha-Silam nitthitam.

28. 'Atthi bhikkhave ann' eva dhamma gambhira duddasa duranubodha santa panita atakkavacara nipuna pandita-vedaniya, ye Tathagato sayam abhinna sacchikatva pavedeti, yehi Tathagatassa yatha-bhuccam vannam samma vadamana vadeyyum.

'Katame ca pana te bhikkhave dhamma gambhira duddasa duranubodha santa panita atakkavacara nipuna pandita-vedaniya, ye Tathagato sayam abhinna sacchikatva pavedeti, yehi Tathagatassa yatha-bhuccam vannam samma vadamana vadeyyum?

29. 'Santi bhikkhave eke samana-brahmana pubbantakappika pubbantanuditthino, pubbantam arabbha anekavihitani adhivutti-padani abhivadanti {atthadasahi} vatthuhi.

[page 013]

Te ca bhonto samana-brahmana kim agamma kim arabbha pubbanta-kappika pubbantanuditthino pubbantam arabbha aneka-vihitani adhivutti-padani abhivadanti {atthadasahi} vatthuhi?

30. 'Santi bhikkhave eke samana-brahmana sassatavada, sassatam attanan ca lokan ca pannapenti catuhi vatthuhi. Te ca bhonto samana-brahmana kim agamma kim arabbha sassata-vada sassatam attanan ca lokan ca pannapenti catuhi vatthuhi?

31. 'Idha bhikkhave ekacco samano va brahmano va atappam anvaya padhanam anvaya anuyogam anvaya appamadam anvaya samma-manasikaram anvaya tatharupam ceto-samadhim phusati yatha samahite citte anekavihitam pubbe nivasam anussarati -- seyyathidam ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim pi jatiyo timsam pi jatiyo {cattarisam} pi jatiyo pannasam pi jatiyo jati-satam pi jatisahassam pi jati-sata-sahassam pi anekani pi jati-satani anekani pi jati-sahassani anekani pi jati-sata-sahassani. "Amutrasim evam-namo evam-gotto evam-vanno evamaharo evam-sukha-{dukkha}-patisamvedi evam-ayu-pariyanto.

So tato cuto amutra upapadim. Tatrapasim evam-namo evam-gotto evam-vanno evam-aharo evam-sukha-dukkhapatisamvedi evam-ayu-pariyanto. So tato cuto idhupapanno" ti iti sakaram sa-uddesam aneka-vihitam pubbe nivasam anussarati.

[page 014]

So evam aha: "Sassato atta ca loko ca vanjho kutattho esikatthayitthito, te ca satta sandhavanti samsaranti cavanti upapajjanti, atthi tveva sassatisamam. Tam kissa hetu? Aham hi atappam anvaya padhanam anvaya anuyogam anvaya appamadam anvaya samma manasikaram anvaya tatha-rupam ceto-samadhim phusami yatha samahite citte aneka-vihitam pubbe nivasam anussarami -- seyyathidam ekam pi jatim ... pe ... anekani pi jati-sata-sahassani. Amutrasim evam-namo ... pe ... idhupapanno ti iti sakaram sa-uddesam aneka-vihitam pubbe nivasam anussarami. Imina p' aham etam janami: yatha sassato atta ca loko ca vanjho kutattho esikatthayitthito, te ca satta sandhavanti samsaranti cavanti upapajjanti, atthi tveva sassati-saman ti."

Idam bhikkhave pathamam thanam yam agamma yam arabbha ekacce samana-brahmana sassata-vada sassatam attanan ca lokan ca pannapenti.

32. 'Dutiye ca bhonto samana-brahmana kim arabbha kim agamma sassata-vada sassatam attanan ca lokan ca pannapenti?

'Idha bhikkhave ekacco samano va brahmano va atappam anvaya padhanam anvaya anuyogam anvaya appamadam anvaya samma-manasikaram anvaya tatharupam ceto-samadhim phusati yatha samahite citte anekavihitam pubbe nivasam anussarati -- seyyathidam ekam pi samvatta-vivattam dve pi samvatta-vivattani tini pi samvatta-vivattani cattari pi samvatta-vivattani panca pi samvatta-vivattani dasa pi samvatta-vivattani. "Amutrasim evam-namo evam-gotto evam-vanno evam-aharo evamsukha-dukkha-patisamvedi evam-ayu-pariyanto.

[page 015]

So tato cuto amutra upapadim. Tatrapasim evam-namo evam-gotto evam-vanno evam-aharo evam-sukha-dukkha-patisamvedi evam-ayu-pariyanto. So tato cuto idhupapanno" ti iti {sakaram} sa-uddesam aneka-vihitam pubbe nivasam anussarati. So evam aha: "Sassato atta ca loko ca vanjho kutattho esikatthayitthito, te ca satta sandhavanti samsaranti cavanti upapajjanti, atthi tveva sassata-samam.

Tam kissa hetu? Aham hi atappam anvaya ... pe ... tatha-rupam ceto-samadhim phusami yatha samahite citte aneka-vihitam pubbe nivasam anussarami -- seyyathidam ekam pi ... pe ... dasa pi samvatta-vivattani. Amutrasim evam-namo ... pe ... idhupapanno ti iti sakaram sa-uddesam aneka-vihitam pubbe nivasam anussarami.

Imina p' aham etam janami: yatha sassato atta ca loko ca vanjho kutattho esikatthayitthito, te ca satta sandhavanti samsaranti cavanti upapajjanti, atthi tveva sassata-saman ti."

'Idam bhikkhave dutiyam thanam yam agamma yam arabbha eke samana-brahmana sassata-vada sassatam attanan ca lokan ca pannapenti.

33. 'Tatiye ca bhonto samana-brahmana kim agamma kim arabbha sassata-vada sassatam attanan ca lokan ca pannapenti?

'Idha bhikkhave ekacco samano va brahmano va atappam anvaya padhanam anvaya anuyogam anvaya appamadam anvaya samma-manasikaram anvaya tatharupam ceto-samadhim phusati yatha samahite citte aneka-vihitam pubbe nivasam anussarati -- seyyathidam dasa pi samvatta-vivattani visatim pi samvatta-vivattani timsam pi samvatta-vivattani cattarisam pi samvattavivattani. "Amutrasim evam-namo evam-gotto evamvanno evam-aharo evam-sukha-dukkha-{patisamvedi} evamayu-pariyanto. So tato cuto amutra upapadim. Tatrapasim evam-namo evam-gotto evam-vanno evam-aharo evam-sukha-dukkha-patisamvedi evam-ayu-pariyanto. So tato cuto idhupapanno" ti iti sakaram sa-uddesam pubbe nivasam anussarati. So evam aha: "Sassato atta ca loko ca vanjho kutattho esikatthayitthito,

[page 016]

te ca satta sandhavanti samsaranti cavanti upapajjanti, atthi tveva sassati-samam. Tam kissa hetu? Aham hi atappam anvaya ... pe ... tatha-rupam ceto-samadhim phusami yatha samahite citte aneka-vihitam pubbe nivasam anussarami -- seyyathidam dasa pi samvatta-vivattani ... pe ... cattarisam pi samvatta-vivattani. Amutrasim evam-namo ... pe ... idhupapanno ti iti sakaram sauddesam aneka-vihitam pubbe nivasam anussarami. Imina p' aham etam janami: yatha sassato atta ca loko ca vanjho kutattho esikatthayitthito, te ca satta sandhavanti samsaranti cavanti upapajjanti, atthitveva sassati-saman ti."

'Idam bhikkhave tatiyam thanam yam agamma yam arabbha eke samana-brahmana sassata-vada sassatam attanan ca lokan ca pannapenti.

34. 'Catutthe ca bhonto samana-brahmana kim agamma kim arabbha sassata-vada sassatam attanan ca lokan ca pannapenti?

'Idha bhikkhave ekacco samano va brahmano va takki hoti vimansi. So takka-pariyahatam vimansanucaritam sayam-patibhanam evam aha: "Sassato atta ca loka ca vanjho kutattho esikatthayitthito, te ca satta sandhayanti samsaranti cavanti upapajjanti, atthitveva sassati-saman ti."

'Idam bhikkhave catuttham thanam yam agamma yam arabbha eke samana-brahmana sassata-vada sassatam attanan ca lokan ca pannapenti.

35. 'Ime kho te bhikkhave samana-brahmana sassatavada sassatam attanan ca lokan ca pannapenti catuhi vatthuhi. Ye hi keci, bhikkhave, samana va brahmana va sassata-vada sassatam attanan ca lokan ca pannapenti, sabbe te imeh' eva catuhi vatthuhi etesam va annatarena, n' atthi ito bahiddha.

36. 'Tayidam bhikkhave Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati,

[page 017]

aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

37. 'Ime kho te bhikkhave dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

Pathama-bhanavaram.

2.1. 'Santi, bhikkhave, eke samana-brahmana ekaccasassatika ekacca-asassatika, ekaccam sassatam ekaccam asassatam attanan ca lokan ca pannapenti catuhi vatthuhi.

Te ca bhonto samana-brahmana kim agamma kim arabbha ekacca-sassatika ekacca-asassatika ekaccam sassatam ekaccam asassatam attanan ca lokan ca pannapenti catuhi vatthuhi?

2. 'Hoti kho so, bhikkhave, samayo yam kadaci karahaci dighassa addhuno accayena ayam loko samvattati. Samvattamano loko yebhuyyena satta Abhassara-samvattanika honti. Te tattha honti manomaya piti-bhakkha sayampabha antalikkha-cara subhatthayino, ciram digham addhanam titthanti.

3. 'Hoti kho so, bhikkhave, samayo yam kadaci karahaci dighassa addhuno accayena ayam loko vivattati. Vivattamane loke sunnam Brahma-vimanam patu-bhavati. Ath' annataro satto ayukkhaya va {punna-kkhaya} va Abhassarakaya cavitva sunnam Brahma-vimanam upapajjati. So tattha hoti manomayo piti-bhakkho sayam-pabho antalikkha-caro subhatthayi, ciram digham addhanam titthati.

4. 'Tassa tattha ekakassa digha-rattam nibbusitatta anabhirati paritassana uppajjati: "Aho vata anne pi satta itthattam agaccheyyun" ti. Atha annatare pi satta ayukkhaya va {punna-kkhaya} va Abhassara-kaya cavitva Brahmavimanam upapajjanti tassa sattassa sahavyatam.

[page 018]

Te pi tattha honti manomaya piti-bhakkha sayam-pabha antalikkhacara subhatthayino, ciram digham addhanam titthanti.

5. 'Tatra, bhikkhave, yo so satto pathamam upapanno tassa evam hoti: "Aham asmi Brahma Maha-brahma abhibhu anabhibhuto {annadatthu}-daso vasavatti issaro katta nimmata settho sanjita vasi pita bhuta-bhavyanam. Maya ime satta nimmita. Tam kissa hetu? Mamam hi pubbe etad ahosi: 'Aho vata anne pi satta itthattam agaccheyyun {ti.} Iti maman ca mano-panidhi, ime ca satta itthattam agata" ti. Ye pi te satta paccha upapanna tesam pi evam hoti: "Ayam kho bhavam Brahma Mahabrahma abhibhu anabhibhuto {annadatthu}-daso vasavatti issaro katta nimmata settho sanjita vasi pita bhutabhavyanam. Imina mayam bhota Brahmuna nimmita.

Tam kissa hetu? Imam mayam hi addasama idha pathamam upapannam, mayam pana amha paccha upapanna ti."

6. 'Tatra, bhikkhave, yo so satto pathamam upapanno so dighayukataro ca hoti vannavantataro ca mahesakkhataro ca. Ye pana te satta paccha upapanna te appayukatara ca honti dubbannatara ca appesakkhatara ca. Thanam kho pan' etam, bhikkhave, vijjati yam annataro satto tamha kaya cavitva itthattam agacchati. Itthattam agato samano agarasma anagariyam pabbajati. Agarasma anagariyam pabbajito samano atappam anvaya padhanam anvaya anuyogam anvaya appamadam anvaya sammamanasi-karam anvaya tatha-rupam ceto-samadhim phusati yatha samahite citte tam pubbe nivasam anussarati, tato param nanussarati. So evam aha: "Yo kho so bhavam Brahma Maha-brahma abhibhu anabhibhuto {annadatthu}daso vasavatti issaro katta nimmata settho sanjita vasi pita bhuta-bhavyanam yena mayam bhota Brahmuna nimmita, so nicco dhuvo sassato aviparinama-dhammo sassatisamam tath' eva thassati. Ye pana mayam ahumha tena Brahmuna nimmita te mayam anicca addhuva appayuka cavana-dhamma itthattam agata ti."

[page 019]

'Idam, bhikkhave, pathaman thanam yam agamma yam arabbha eke samana-{brahmana} ekacca-sassatika ekaccaasassatika ekaccam sassatam ekaccam asassatam attanan ca lokan ca pannapenti.

7. 'Dutiye ca bhonto samana-{brahmana} kim agamma kim arabbha ekacca-sassatika ekacca-asassatika ekaccam sassatam ekaccam asassatam attanan ca lokan ca pannapenti?

'Santi, bhikkhave, Khidda-padosika nama deva. Te ativelam hassa-khidda-rati-dhamma-samapanna viharanti.

Tesam ativelam hassa-khidda-rati-dhamma-samapannanam viharatam sati mussati, satiya sammosa te deva tamha kaya cavanti.

8. 'Thanam kho pan' etam, bhikkhave, vijjati yam annataro satto tamha kaya cavitva itthattam agacchati, itthattam agato samano agarasma {anagariyam} pabbajati. Agarasma anagariyam pabbajito samano atappam anvaya padhanam anvaya anuyogam anvaya appamadam anvaya sammamanasi-karam anvaya tatha-rupam ceto-samadhim phusati yatha samahite citte tam pubbe nivasam anussarati, tato param nanussarati.

9. 'So evam aha: "Ye kho te bhonto deva na Khiddapadosika te na ativelam hassa-khidda-rati-dhamma-samapanna viharanti. Tesam na ativelam hassa-khidda-ratidhamma-samapannanam viharatam sati na mussati, satiya asammosa te deva tamha kaya na cavanti, nicca dhuva sassata aviparinama-dhamma sassati-samam tath' eva thassanti.

[page 020]

Ye pana mayam ahumha Khidda-padosika te mayam ativelam hassa-khidda-rati-dhamma-samapanna viharimha. Tesam no ativelam hassa-khidda-rati-dhammasamapannanam viharatam sati mussati, satiya sammosa eva mayam tamha kaya cuta anicca addhuva appayuka cavana-dhamma itthattam agata ti."

'Idam, bhikkhave, dutiyam thanam yam agamma yam arabbha eke samana-brahmana ekacca-sassatika ekaccaasassatika ekaccam sassatam ekaccam asassatam attanan ca lokan ca pannapenti.

10. 'Tatiye ca bhonto samana-brahmana kim agamma kim arabbha ekacca-sassatika ekacca-asassatika ekaccam sassatam ekaccam asassatam attanan ca lokan ca pannapenti?

'Santi, bhikkhave, Mano-padosika nama deva. Te ativelam annamannam upanijjhayanti. Te ativelam annamannam upanijjhayanta annamannamhi cittani padusenti. Te annamannamhi paduttha-citta kilanta-kaya kilantacitta. Te deva tamha kaya cavanti.

11. 'Thanam kho pan' etam, bhikkhave, vijjati yam annataro satto tamha kaya cavitva itthattam agacchati, itthattam agato samano agarasma anagariyam pabbajati. Agarasma anagariyam pabbajito samano atappam anvaya padhanam {anvaya} anuyogam anvaya appamadam anvaya samma-manasikaram anvaya tatha-rupam ceto-samadhim phusati yatha samahite citte tam pubbe nivasam anussarati, tato param nanussarati.

12. 'So evam aha: "Ye kho te bhonto deva na Manopadosika te na ativelam annamannam upanijjhayanti, Te na ativelam annamannam upanijjhayanta annamannamhi cittani nappadusenti. Te annamannamhi apaduttha-citta akilanta-kaya akilanta-citta. Te deva tamha kaya na cavanti, nicca dhuva sassata aviparinama-dhamma sassati-samam tath' eva thassanti.

[page 021]

Ye pana mayam ahumha Mano-padosika te mayam ativelam annamannam upanijjhayimha. Te mayam ativelam annamannam upanijjhayanta annamannamhi cittani padusimha. Te mayam annamannamhi paduttha-citta kilanta-kaya kilanta-citta eva. Mayam tamha kaya cuta anicca addhuva appayuka cavana-dhamma itthattam agata ti."

'Idam, bhikkhave, tatiyam thanam yam agamma yam arabbha eke samana-brahmana ekacca-sassatika ekaccaasassatika ekaccam sassatam ekaccam asassatam attanan ca lokan ca pannapenti.

13. 'Catutthe ca bhonto samana-brahmana kim agamma kim arabbha ekacca-sassatika ekacca-asassatika ekaccam sassatam ekaccam asassatam attanan ca lokan ca pannapenti?

'Idha, bhikkhave, ekacco samano va brahmano va takki hoti vimansi. So takka-pariyahatam vimansanucaritam sayam-{patibhanam} evam aha: "Yam kho idam vuccati cakkhun ti pi sotan ti pi ghanan ti pi jivha ti pi kayo ti pi ayam atta anicco addhuvo asassato viparinama-dhammo.

Yan ca kho idam vuccati cittan ti va mano ti va vinnanan ti va ayam atta nicco dhuvo sassato aviparinama-dhammo sassati-samam tath' eva thassatiti."

'Idam, bhikkhave, catuttham thanam yam agamma yam arabbha eke samana-{brahmana} ekacca-sassatika ekaccaasassatika ekaccam sassatam ekaccam asassatam attanan ca lokan ca pannapenti.

14. 'Ime kho te, bhikkhave, samana-{brahmana} ekaccasassatika ekacca-asassatika ekaccam sassatam ekaccam asassatam attanan ca lokan ca pannapenti catuhi vatthuhi.

Ye hi keci, bhikkhave, samana va brahmana va ekaccasassatika ekacca-asassatika ekaccam sassatam ekaccam asassatam attanan ca lokan ca pannapenti, sabbe te imeh' eva catuhi vatthuhi etesam va annatarena, n' atthi ito bahiddha.

15. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti."

[page 022]

Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca {atthagaman} ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

16. 'Santi, bhikkhave, eke samana-brahmana antanantika, antanantam lokassa pannapenti catuhi vatthuhi. Te ca bhonto samana-brahmana kim agamma kim arabbha antanantika antanantam lokam pannapenti catuhi vatthuhi?

17. 'Idha, bhikkhave, ekacco samano va brahmano va atappam anvaya padhanam anvaya anuyogam anvaya appamadam anvaya samma-{manasikaram} anvaya tatharupam ceto-samadhim phusati yatha samahite citte antasanni lokasmim viharati. So evam aha: "Antava ayam loko parivatumo. Tam kissa hetu? Aham hi atappam anvaya ... pe ... tatha-rupam ceto-samadhim phusami yatha samahite citte anta-sanni lokasmim viharami.

{Imina paham} etam janami: yatha antava ayam loko parivatumo ti."

'Idam, bhikkhave, pathamam thanam yam agamma yam arabbha eke samana-brahmana antanantika antanantam lokassa pannapenti.

18. 'Dutiye ca bhonto samana-brahmana kim agamma kim arabbha antanantika antanantam lokassa pannapenti?

'Idha, bhikkhave, ekacco samano va brahmano va atappam anvaya padhanam anvaya anuyogam anvaya appamadam anvaya samma-manasi-karam anvaya tatha-rupam ceto-samadhim phusati yatha samahite citte ananta-sanni lokasmim viharati.

[page 023]

So evam aha: "Ananto ayam loko apariyanto. Ye te samana-brahmana evam ahamsu: 'Antava ayam loko parivatumo' ti tesam musa. Ananto ayam loko apariyanto. Tam kissa hetu? Aham hi atappam anvaya ... pe ... tatha-rupam ceto-samadhim phusami yatha samahite citte ananta-sanni lokasmim viharami. {Imina paham} etam janami: yatha ananto ayam loko apariyanto ti."

'Idam, bhikkhave, dutiyam thanam yam agamma yam arabbha eke samana-brahmana antanantika antanantam lokassa pannapenti.

19. 'Tatiye ca bhonto samana-brahmana kim agamma kim arabbha antanantika antanantam lokassa pannapenti?

'Idha, bhikkhave, ekacco samano va brahmano va atappam anvaya padhanam anvaya anuyogam anvaya appamadam anvaya samma-manasi-karam anvaya tatha-rupam ceto-samadhim phusati yatha samahite citte uddham-adho anta-sanni lokasmim viharati, tiriyam ananta-sanni. So evam aha: "Antava ca ayam loko ananto ca. Ye te samana-brahmana evam ahamsu: 'Antava ayam loko parivatumo' ti tesam musa. Ye pi te samana-brahmana evam ahamsu: 'Ananto ayam loko apariyanto' ti tesam pi musa.

Antava ca ayam loko ananto ca. Tam kissa hetu? Aham hi atappam anvaya ... pe ... tatha rupam ceto-samadhim phusami yatha {samahite} citte uddham-adho anta-sanni lokasmim viharami, tiriyam ananta-sanni. Imina {paham} etam janami: yatha antava ca ayam loko ananto cati."

'Idam, bhikkhave, tatiyam thanam yam agamma yam arabbha eke samana-brahmana antanantika antanantam lokassa pannapenti.

20. 'Catutthe ca bhonto samana-brahmana kim agamma kim arabbha antanantika antanantam lokassa pannapenti?

'Idha, bhikkhave, ekacco samano va brahmano va takki hoti vimansi. So takka-pariyahatam vimansanucaritam sayam-patibhanam evam aha: "N' evayam loko antava na panananto. Ye te samana-brahmana evam ahamsu: 'Antava ayam loko parivatumo' ti tesam musa. Ye pi te samanabrahmana evam ahamsu:

[page 024]

'Ananto ayam loko apariyanto' ti tesam pi musa. Ye pi te samana-brahmana evam ahamsu: 'Antava ca ayam loko ananto cati' tesam pi musa. N' evayam loko antava na panananto ti."

'Idam, bhikkhave, catuttham thanam yam agamma yam arabbha eke samana-brahmana antanantika antanantam lokassa pannapenti.

21. 'Ime kho te, bhikkhave, samana-brahmana antanantika antanantam lokassa pannapenti catuhi vatthuhi. Ye hi keci, bhikkhave, samana va brahmana va antanantika antanantam lokassa pannapenti, sabbe te imeh' eva catuhi vatthuhi etesam va annatarena, n' atthi ito bahiddha.

22. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

23. 'Santi, bhikkhave, eke samana-brahmana amaravikkhepika, tattha tattha panham puttha samana vacavikkhepam apajjanti amara-vikkhepam catuhi vatthuhi. Te ca bhonto samana-brahmana kim agamma kim arabbha amara-vikkhepika tattha tattha panham puttha samana vaca-vikkhepam apajjanti amara-vikkhepam catuhi vatthuhi?

24. 'Idha, bhikkhave, ekacco samano va brahmano va idam kusalan ti yatha-bhutam nappajanati, idam akusalan ti yatha-bhutam nappajanati. Tassa evam hoti: "Aham kho idam kusalan ti yatha-bhutam nappajanami, idam akusalan ti yatha-bhutam nappajanami.

[page 025]

Ahan c' eva kho pana idam kusalan ti yatha-bhutam appajananto, idam akusalan ti yatha-bhutam appajananto, idam kusalan ti va vyakareyyam idam akusalan ti va vyakareyyam, tattha me assa chando va rago va doso va patigho va. Yattha me assa chando va rago va doso va patigho va tam mam' assa musa. Yam mam' assa musa so mam' assa vighato. Yo mam' assa vighato so mam' assa antarayo ti." Iti so musa-vada-bhaya musa-vada-parijeguccha n' ev' idam kusalan ti vyakaroti, na pana idam akusalan ti vyakaroti, tattha tattha panham puttho samano vaca-vikkhepam apajjati amara-vikkhepam: "Evam pi me no. Tatha ti pi me no. Annatha ti pi me no. No ti pi me no. No no ti pi me no ti."

'Idam, bhikkhave, pathamam thanam yam agamma yam arabbha eke samana-brahmana amara-vikkhepika tattha tattha panham puttha samana vaca-vikkhepam apajjanti amara-vikkhepam.

25. 'Dutiye ca bhonto samana-brahmana kim agamma kim arabbha amara-vikkhepika tattha tattha panham puttha samana vaca-vikkhepam apajjanti amara-vikkhepam?

'Idha, bhikkhave, ekacco samano va brahmano va idam kusalan ti yatha-bhutam nappajanati, idam akusalan ti yatha-{bhutam} nappajanati. Tassa {evam} hoti: "Aham kho idam kusalan ti yatha-bhutam nappajanami, idam akusalan ti yatha-bhutam nappajanami. Ahan c' eva kho pana idam kusalan ti yatha-bhutam appajananto, idam akusalan ti yatha-bhutam appajananto, idam kusalan ti va vyakareyyam idam akusalan ti va vyakareyyam, tattha me assa chando va rago va doso va patigho va. Yattha me assa chando va rago va doso va patigho va tam mam' assa upadanam. Yam mam' assa upadanam, so mam' assa vighato. Yo mam' assa vighato so mam' assa antarayo ti." Iti so upadana-bhaya upadana-parijeguccha n' ev' idam kusalan ti vyakaroti na pana idam akusalan ti vyakaroti,

[page 026]

tattha tattha panham puttho samano vaca-vikkhepam apajjati amara-vikkhepam: "Evam pi me no. Tatha ti pi me no. Annatha ti pi me no. No ti pi me no. No no ti pi me no ti."

'Idam, bhikkhave, dutiyam thanam yam agamma yam arabbha eke samana-brahmana amara-vikkhepika tattha tattha panham puttha samana vaca-vikkhepam apajjanti amara-vikkhepam.

26. 'Tatiye ca bhonto samana-brahmana kim agamma kim arabbha amara-vikkhepika tattha tattha panham puttha samana vaca-vikkhepam apajjanti amara-vikkhepam?

'Idha, bhikkhave, ekacco samano va brahmano va idam kusalan ti yatha-bhutam nappajanati, idam akusalan ti yatha-bhutam {na ppajanati.} Tassa evam hoti: "Aham kho idam kusalan ti yatha-bhutam nappajanami, idam akusalan ti yatha-bhutam nappajanami. Ahan c' eva kho pana idam kusalan ti yatha-bhutam appajananto, idam akusalan ti yatha-bhutam appajananto, idam kusalan ti va vyakareyyam idam akusalan ti va vyakareyyam -- santi hi kho pana samana-brahmana pandita nipuna kata-parappavada vala-vedhi-rupa vobhindanta manne caranti pannagatena ditthi-gatani -- te mam tattha samanuyunjeyyum samanugaheyyum samanubhaseyyum. Ye mam tattha samanuyunjeyyum samanugaheyyum samanubhaseyyum tesaham na sampayeyyam. Yesaham na sampayeyyam so mam' assa vighato. Yo mam' assa vighato so mam' assa antarayo" ti. Iti so anuyoga-bhaya anuyoga-parijeguccha n' ev' idam kusalan ti vyakaroti, na pan' idam akusalan ti vyakaroti, tattha tattha panham puttho samano vaca-vikkhepam apajjati amara-vikkhepam: "Evam pi me no.

Tatha ti pi me no. Annatha ti pi me no. No ti pi me no.

No no ti pi me no ti."

'Idam, bhikkhave, tatiyam thanam yam agamma yam arabbha eke samana-brahmana amara-vikkhepika tattha tattha panham puttha samana vaca-vikkhepam apajjanti amara-vikkhepam.

[page 027]

27. 'Catutthe ca bhonto samana-brahmana kim agamma kim arabbha amara-vikkhepika tattha tattha panham puttha samana vaca-vikkhepam apajjanti amara-vikkhepam?

'Idha, bhikkhave, ekacco samano va brahmano va mando hoti momuho. So mandatta momuhatta tattha tattha panham puttho samano vaca-vikkhepam apajjati amara-vikkhepam: "'Atthi paro loko?' ti iti ce mam pucchasi, 'Atthi paro loko' ti iti ce me assa, 'atthi paro loko' ti iti te nam vyakareyyam. Evam pi me no. Tatha ti pi me no. Annatha ti pi me no. No ti pi me no. No no ti pi me no. 'N' atthi paro loko?' ti ... pe ... 'Atthi ca n' atthi ca paro loko? N' ev' atthi na n' atthi paro loko? -- Atthi satta opapatika? N' atthi satta opapatika?

Atthi ca n' atthi ca satta opapatika? N' ev' atthi na n' atthi satta opapatika? -- Atthi sukata-dukkatanam kammanam phalam vipako? N' atthi sukata-dukkatanam kammanam phalam vipako? Atthi ca n' atthi ca sukatadukkatanam kammanam phalam vipako? N' ev' atthi na n' atthi sukata-dukkatanam kammanam phalam vipako? -Hoti Tathagato param marana? Na hoti Tathagato param marana? Hoti ca na hoti ca Tathagato param marana?

N' eva hoti na na hoti Tathagato param marana?' ti iti ce mam pucchasi, 'n' eva hoti na na hoti Tathagato param marana' ti iti ce me assa, 'n' eva hoti na na hoti Tathagato param {marana'} ti iti te nam vyakareyyam. Evam pi me no. Tatha ti pi me no. Annatha ti pi me no. No ti pi me no. No no ti pi me no ti."

'Idam, bhikkhave, catuttham thanam yam agamma yam arabbha eke samana-brahmana amara-vikkhepika tattha tattha panham puttha samana vaca-vikkhepam apajjanti amara-vikkhepam.

28. Ime kho te, bhikkhave, samana-brahmana amaravikkhepika tattha tattha panham puttha samana vaca-vikkhepam apajjanti amara-vikkhepam catuhi vatthuhi.

[page 028]

Ye hi keci, bhikkhave, samana va brahmana va amara-vikkhepika tattha tattha panham puttha samana vaca-vikkhepam apajjanti amara-vikkhepam, sabbe te imeh' eva catuhi vatthuhi etesam va annatarena, n' atthi ito bahiddha.

29. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

30. Santi, bhikkhave, eke samana-brahmana adhiccasamuppannika, adhicca-samuppannam attanan ca lokan ca pannapenti dvihi vatthuhi. Te ca bhonto samana-brahmana kim agamma kim arabbha adhicca-samuppannika adhicca-samuppannam attanan ca lokan ca pannapenti?

31. 'Santi, bhikkhave, Asanna-satta nama deva, {sannuppada} ca pana te deva tamha kaya cavanti. Thanam kho pan' etam, bhikkhave, vijjati yam annataro satto tamha kaya cavitva itthattam agacchati, itthattam agato samano agarasma anagariyam pabbajati. Agarasma anagari{yam} pabbajito samano atappam anvaya padhanam anvaya anuyogam anvaya appamadam anvaya sammamanasi-karam anvaya tatha-rupam ceto-samadhim phusati yatha samahite citte sannuppadam anussarati, tato param nanussarati.

[page 029]

So evam aha: "Adhicca-samuppanno atta ca loko ca. Tam kissa hetu? Aham hi pubbe nahosim, so 'mhi etarahi ahutva sattattaya parinato ti."

'Idam, bhikkhave, pathamam thanam yam agamma yam arabbha eke samana-brahmana adhicca-samuppannika adhicca-samuppannam attanan ca lokan ca pannapenti.

32. Dutiye ca bhonto samana-brahmana kim agamma kim arabbha adhicca-samuppannika adhicca-{samuppannam} attanan ca lokan ca pannapenti?

'Idha, bhikkhave, ekacco samano va brahmano va takki hoti vimansi. So takka-pariyahatam vimansanucaritam sayam-patibhanam evam aha: "Adhicca-samuppanno atta ca loko cati."

'Idam, bhikkhave, dutiyam thanam yam agamma yam arabbha eke samana-brahmana adhicca-samuppannika adhicca-samuppannam attanan ca lokan ca pannapenti.

33. Ime kho te, bhikkhave, samana-brahmana adhiccasamuppannika adhicca-samuppannam attanan ca lokan ca pannapenti dvihi vatthuhi. Ye hi keci, bhikkhave, samana va brahmana va adhicca-samuppannika adhiccasamuppannam attanan ca lokan ca pannapenti, sabbe te imeh' eva dvihi vatthuhi etesam va annatarena, n' atthi ito bahiddha.

34. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti,

[page 030]

yehi Tathagatassa yatha-bhuccam vannam samma vadamana vadeyyum.

35. 'Ime kho te, bhikkhave, samana-brahmana pubbanta-kappika pubbantanuditthino pubbantam arabbha aneka-vihitani adhivutti-padani abhivadanti atthadasahi vatthuhi. Ye hi keci, bhikkhave, samana va brahmana va pubbanta-kappika pubbanuditthino pubbantam arabbha aneka-vihitani adhivutti-padani abhivadanti, sabbe te imeh' eva atthadasahi vatthuhi etesam va annatarena, n' atthi ito bahiddha.

36. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

37. 'Santi, bhikkhave, eke samana-brahmana aparantakappika aparantanuditthino, aparantam arabbha anekavihitani adhivutti-padani abhivadanti catu-cattarisaya vatthuhi. Te ca bhonto samana-brahmana kim agamma kim arabbha aparanta-kappika aparantanuditthino aparantam arabbha aneka-vihitani adhivutti-padani abhivadanti catu-cattarisaya vatthuhi?

38. 'Santi, bhikkhave, eke samana-brahmana uddhamaghatanika sanni-vada,

[page 031]

uddham aghatana sannim attanam pannapenti solasahi vatthuhi. Te ca bhonto samanabrahmana kim agamma kim arabbha uddham-aghatanika sanni-vada uddham aghatana sannim attanam pannapenti solasahi vatthuhi?

"'Rupi atta hoti arogo param marana sanni" ti nam pannapenti. "Arupi atta hoti arogo param marana {sanni}" ti nam pannapenti. "Rupi ca arupi ca ... pe ... "N' eva rupi narupi ... "Antava atta hoti ... "Anantava ... "Antava ca anantava ca ... "N' ev' antava nanantava ... "Ekatta-sanni atta hoti ... "Nanattasanni ... "Paritta-sanni ... "Appamana-sanni ... "Ekanta-sukhi atta hoti ... "Ekanta-dukkhi ... "Sukha-dukkhi ... "Adukkham-asukhi atta hoti arogo param marana sanni" ti nam pannapenti.

39. 'Ime kho te, bhikkhave, samana-brahmana uddhamaghatanika sanni-vada uddham aghatana sannim attanam pannapenti solasahi vatthuhi. Ye hi keci, bhikkhave, samana va brahmana va uddham-aghatanika sanni-vada uddham aghatana sannim attanam pannapenti, sabbe te imeh' eva solasahi vatthuhi etesam va annatarena, n' atthi ito bahiddha.

40. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti,

[page 032]

yehi Tathagatassa yatha-bhuccam vannam samma vadamana vadeyyum.

Dutiya-bhanavaram.

3.1. 'Santi, bhikkhave eke samana-brahmana uddhamaghatanika asanni-vada, uddham aghatana asannim {attanam} pannapenti atthahi vatthuhi. Te ca bhonto samana-brahmana kim agamma kim arabbha uddhamaghatanika asanni-vada uddham aghatana {asannim} attanam pannapenti atthahi vatthuhi?

2. "'Rupi atta hoti arogo param marana asanni" ti nam pannapenti. "Arupi ... pe ... "Rupi ca arupi ca ... "N' eva rupi narupi ... "Antava ca ... "Anantava ... "Antava ca anantava ca ... "N' ev' antava nanantava atta hoti arogo param marana asanni ti" nam pannapenti.

3. 'Ime kho te, bhikkhave, samana-brahmana uddhamaghatanika asanni-vada uddham aghatana asannim attanam pannapenti atthahi vatthuhi. Ye hi keci, bhikkhave, samana va brahmana va uddham-aghatanika asanni-vada uddham aghatana asannim attanam pannapenti, sabbe te imeh' eva atthahi vatthuhi etesam va annatarena, n' atthi ito bahiddha.

4. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti,

[page 033]

yehi Tathagatassa yatha-bhuccam vannam samma vadamana vadeyyum.

5. 'Santi, bhikkhave, eke samana-brahmana uddham-{agha-} tanika n' eva-sanni-nasanni-vada, uddham aghatana n' eva sannim nasannim attanam pannapenti atthahi vatthuhi.

Te ca bhonto samana-brahmana kim agamma kim arabbha uddham-aghatanika n' eva-sanni-nasanni-vada uddham aghatana n' eva sannim nasannim attanam pannapenti atthahi vatthuhi?

6. "'{Rupi} atta hoti arogo param marana n' eva sanni nasanni ti" nam pannapenti. "Arupi ... "Rupi ca arupi ca ... "N' eva rupi narupi ... "Antava ... "Anantava ... "Antava ca anantava ca ... "N' ev' antava nanantava atta hoti arogo param marana n' eva sanni nasanni" ti nam pannapenti.

7. 'Ime kho te, bhikkhave, samana-brahmana uddhamaghatanika n' eva-sanni-{nasanni}-vada uddham aghatana n' eva sannim nasannim attanam pannapenti atthahi vatthuhi. Ye hi keci, bhikkhave, samana va brahmana va uddham-aghatanika n' eva-sanni-nasanni-vada uddham aghatana n' eva sannim nasannim attanam pannapenti, sabbe te imeh' eva atthahi vatthuhi etesam va annatarena, n' atthi ito bahiddha.

8. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

[page 034]

9. 'Santi, bhikkhave, eke samana-{brahmana} ucchedavada, sattassa ucchedam vinasam vibhavam pannapenti sattahi vatthuhi. Te ca bhonto samana-brahmana kim agamma kim arabbha uccheda-vada sattassa ucchedam vinasam vibhavam pannapenti sattahi vatthuhi?

10. 'Idha, bhikkhave, ekacco samano va brahmano va evam-vadi hoti evam-ditthi: "Yato kho bho ayam atta rupi catum-maha-bhutiko mata-pettika-sambhavo, kayassa bheda ucchijjati vinassati, na hoti param marana, ettavata kho bho ayam atta samma samucchinno hotiti." Itth' eke sato sattassa ucchedam vinasam vibhavam pannapenti.

11. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. No ca kho bho ayam atta ettavata samma samucchinno hoti. Atthi kho bho anno atta dibbo rupi kamavacaro kabalinkarahara-bhakkho. Tam tvam na janasi na passasi. Tam aham janami passami. So kho bho atta yato kayassa bheda ucchijjati vinassati na hoti param marana, ettavata kho bho ayam atta samma samucchinno hotiti." Itth' eke sato sattassa ucchedam vinasam vibhavam pannapenti.

12. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. No ca kho bho ayam atta ettavata samma samucchinno hoti. Atthi kho bho anno atta dibbo rupi manomayo sabbanga-paccangi ahinindriyo. Tam tvam na janasi na passasi. Tam aham janami passami. So kho bho atta yato kayassa bheda ucchijjati vinassati na hoti param marana, ettavata kho bho ayam atta samma samucchinno hotiti." Itth' eke sato sattassa ucchedam vinasam vibhavam pannapenti.

13. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. Na ca kho bho ayam atta ettavata samma samucchinno hoti. Atthi kho bho anno atta sabbaso rupa-sannanam samatikkama patighasannanam attha-gama nanatta-sannanam amanasi-kara 'Ananto akaso' ti akasanancayatanupago. Tam tvam na janasi na passasi.

[page 035]

Tam aham janami passami. So kho bho atta yato kayassa bheda ucchijjati vinassati na hoti param marana, ettavata kho bho ayam atta samma samucchinno hotiti." Itth' eke sato sattassa ucchedam vinasam vibhavam pannapenti.

14. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. No ca kho bho ayam atta ettavata samma samucchinno hoti. Atthi kho bho anno atta sabbaso akasanancayatanam samatikkamma 'Anantam {vinnanan}' ti {vinnananancayatanupago}. Tam tvam na janasi na passasi. Tam aham janami passami.

So kho bho atta yato kayassa bheda ucchijjati vinassati na hoti param marana, ettavata kho bho ayam atta samma samucchinno hotiti." Itth' eke sato sattassa ucchedam vinasam vibhavam pannapenti.

15. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. No ca kho bho ayam atta ettavata samma samucchinno hoti. Atthi kho bho anno atta sabbaso vinnanancayatanam samatikkamma 'N' atthi kinciti' {akincannayatanupago}. Tam tvam na janasi na passasi. Tam aham janami passami. So kho bho atta yato kayassa bheda ucchijjati vinassati na hoti param marana, ettavata kho bho ayam atta samma samucchinno hotiti." Itth' eke sato sattassa ucchedam vinasam vibhavam pannapenti.

16. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. No ca kho bho ayam atta ettavata {samma} samucchinno hoti. Atthi kho bho anno atta sabbaso {akincannayatanam} samatikkamma 'Santam etam panitam etan' ti {n'eva}-sanna-nasannayatanupago.

Tam tvam na janasi na passasi. Tam aham janami passami. So kho bho atta yato kayassa bheda ucchijjati vinassati na hoti param marana, ettavata kho bho ayam atta samma samucchinno hotiti." Itth' eke sato sattassa ucchedam vinasam vibhavam pannapenti.

17. 'Ime kho te, bhikkhave, samana-brahmana ucchedavada sato sattassa ucchedam vinasam vibhavam pannapenti sattahi vatthuhi. Ye hi keci, bhikkhave, samana va brahmana va uccheda-vada sato sattassa ucchedam vinasam vibhavam pannapenti,

[page 036]

sabbe te imeh' eva sattahi vatthuhi etesam va annatarena, n' atthi ito bahiddha.

18. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

19. 'Santi, bhikkhave, eke samana-brahmana ditthadhamma-{nibbana}-vada, sato sattassa parama-ditthadhamma-nibbanam pannapenti pancahi vatthuhi. Te ca bhonto samana-brahmana kim agamma kim arabbha dittha-dhamma-nibbana-vada sato sattassa dittha-dhammanibbanam pannapenti pancahi vatthuhi?

20. 'Idha, bhikkhave, ekacco samano va brahmano va evam-vadi hoti evam-ditthi: "Yato kho bho ayam atta pancahi kama-gunehi samappito samangi-bhuto paricareti, ettavata kho bho ayam atta parama-dittha-dhamma-nibbanam patto hotiti." Itth' eke sato sattassa parama-ditthadhamma-nibbanam pannapenti.

21. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. No ca kho bho ayam atta ettavata parama-dittha-dhamma-nibbanappatto hoti. Tam kissa hetu? Kama hi bho anicca dukkha viparinama-dhamma, tesam viparinam-annatha-bhava uppajjanti soka-parideva-dukkha-domanass-upayasa. Yato kho bho ayam atta vivicc' eva kamehi vivicca akusaladhammehi savitakkam savicaram vivekajam piti-sukham pathamajjhanam upasampajja viharati,

[page 037]

ettavata kho bho ayam atta parama-dittha-dhamma-nibbanam patto hotiti." Itth' eke sato sattassa parama-dittha-dhamma-nibbanam pannapenti.

22. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. No ca kho bho ayam atta ettavata parama-dittha-dhamma-nibbanappatto hoti. Tam kissa hetu? Yad eva tattha vitakkitam vicaritam etena etam olarikam akkhayati. Yato kho bho ayam atta vitakka-{vicaranam} vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyajjhanam upasampajja viharati, ettavata kho bho ayam atta parama-dittha-dhamma-nibbanam patto hotiti." Itth' eke sato sattassa parama-ditthadhamma-nibbanam pannapenti.

23. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. No ca kho bho ayam atta ettavata parama-dittha-dhamma-nibbanappatto hoti. Tam kissa hetu? Yad eva tattha piti-gatam cetaso ubbillavitattam etena etam olarikam akkhayati. Yato kho bho ayam atta pitiya ca viraga {upekhako} ca viharati sato ca sampajano sukhan ca kayena patisamvedeti yan tam ariya acikkhanti 'upekhako satima sukha-{vihari}' ti tatiyajjhanam upasampajja viharati, ettavata kho bho ayam atta parama-dittha-dhamma-nibbanam patto hotiti." Itth' eke sato sattassa parama-dittha-dhamma-nibbanam pannapenti.

24. 'Tam anno evam aha: "Atthi kho bho eso atta yam tvam vadesi. N' eso n' atthiti vadami. No ca kho bho ayam atta ettavata parama-dittha-dhamma-nibbanappatto hoti. Tam kissa hetu? Yad eva tattha sukham iti cetaso abhogo etena etam olarikam akkhayati. Yato kho bho ayam atta sukhassa ca pahana dukkhassa ca pahana pubb' eva somanassa-domanassanam atthagama adukkham asukham upekha-sati-parisuddhim catutthajjhanam upasampajja viharati,

[page 038]

ettavata kho bho ayam atta paramadittha-dhamma-nibbanam patto hotiti." Itth' eke sato sattassa parama-dittha-dhamma-nibbanam pannapenti.

25. 'Ime kho te, bhikkhave, samana-brahmana ditthadhamma-{nibbana}-vada sato sattassa parama-ditthadhamma-nibbanam pannapenti pancahi vatthuhi. Ye hi keci, bhikkhave, samana va brahmana va dittha-dhammanibbana-vada sato sattassa parama-dittha-dhamma-nibbanam pannapenti, sabbe te imeh' eva pancahi vatthuhi etesam va annatarena, n' atthi ito bahiddha.

26. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

27. 'Ime kho te, bhikkhave, samana-brahmana aparantakappika aparantanuditthino aparantam arabbha anekavihitani adhivutti-padani abhivadanti catu-cattarisaya vatthuhi. Ye hi keci, bhikkhave samana va brahmana va aparanta-kappika aparantanuditthino aparantam arabbha aneka-vihitani adhivutti-padani abhivadanti, sabbe te imeh' eva catu-cattarisaya vatthuhi etesam va annatarena, n' atthi ito bahiddha.

28. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati,

[page 039]

aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

29. 'Ime kho te, bhikkhave, samana-brahmana pubbantakappika ca aparanta-kappika ca pubbantaparanta-kappika ca pubbantaparantanuditthino pubbantaparantam arabbha aneka-vihitani adhivutti-padani abhivadanti dva-satthiya vatthuhi. Ye hi keci, bhikkhave, samana va brahmana va pubbanta-kappika ca aparanta-kappika ca pubbantaparanta-kappika ca pubbantaparantanuditthino pubbantaparantam arabbha aneka-vihitani adhivutti-padani abhivadanti, sabbe te imeh' eva dva-satthiya vatthuhi etesam va annatarena, n' atthi ito bahiddha.

30. 'Tayidam, bhikkhave, Tathagato pajanati: "Ime ditthitthana evam-gahita evam-paramattha evam-gatika bhavissanti evam-abhisamparaya ti." Tan ca Tathagato pajanati, tato ca uttaritaram pajanati, tan ca pajananam na paramasati, aparamasato c' assa paccattam yeva nibbuti vidita, vedananam samudayan ca atthagaman ca assadan ca adinavan ca nissaranan ca yatha-bhutam viditva anupada vimutto, bhikkhave, Tathagato.

'Ime kho te, bhikkhave, dhamma gambhira duddasa duranubodha santa panita atakkavacara nipuna panditavedaniya ye Tathagato sayam abhinna sacchi-katva pavedeti, yehi Tathagatassa yatha-bhuccam vannam samma vadamana vadeyyum.

32. 'Tatra, bhikkhave, ye te samana-brahmana sassatavada sassatam attanan ca lokan ca pannapenti catuhi vatthuhi,

[page 040]

tad api tesam bhavatam samana-brahmananam ajanatam apassatam vedayitam tanha-gatanam paritasitavipphanditam eva.

33. 'Tatra, bhikkhave, ye te samana-brahmana ekaccasassatika ekacca-asassatika ekaccam sassatam ekaccam {asassatam} attanan ca lokan ca pannapenti catuhi vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasitavipphanditam eva.

34. 'Tatra, bhikkhave, ye te samana-brahmana antanantika antanantam lokassa pannapenti catuhi vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasita-vipphanditam eva.

35. 'Tatra, bhikkhave, ye te samana-brahmana amaravikkhepika tattha tattha panham puttha samana vacavikkhepam apajjanti amara-vikkhepam catuhi vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasita-vipphanditam eva.

36. 'Tatra, bhikkhave, ye te samana-brahmana adhiccasamuppannika adhicca-samuppannam attanan ca lokan ca pannapenti dvihi vatthuhi, tad api tesam bhavatam {samana}brahmananam ajanatam apassatam vedayitam tanha-gatanam paritasita-vipphanditam eva.

37. 'Tatra, bhikkhave, ye te samana-brahmana pubbanta-kappika pubbantanuditthino pubbantam arabbha aneka-vihitani adhivutti-padani abhivadanti atthadasahi vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasitavipphanditam eva.

38. 'Tatra, bhikkhave, ye te samana-brahmana uddhamaghatanika sanni-vada uddham aghatana sannim attanam pannapenti solasahi vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasita-vipphanditam eva.

[page 041]

39. 'Tatra, bhikkhave, ye te samana-brahmana uddhamaghatanika asanni-vada uddham aghatana asannim {attanam} pannapenti atthahi vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasita-vipphanditam eva.

40. 'Tatra, bhikkhave, ye te samana-brahmana uddhamaghatanika n' eva-sanni-nasanni-vada uddham aghatana n' eva sannim nasannim attanam pannapenti atthahi vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasitavipphanditam eva.

41. 'Tatra, bhikkhave, ye te samana-brahmana ucchedavada sato sattassa ucchedam vinasam vibhavam pannapenti sattahi vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasita-vipphanditam eva.

42. 'Tatra, bhikkhave, ye te samana-brahmana paramadittha-dhamma-nibbana-vada sato sattassa parama-ditthadhamma-nibbanam pannapenti pancahi vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasita-vipphanditam eva.

43. 'Tatra, bhikkhave, ye te samana-brahmana aparantakappika aparantanuditthino aparantam arabbha anekavihitani adhivutti-padani abhivadanti catu-cattarisaya vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasitavipphanditam eva.

44. 'Tatra, bhikkhave, ye te samana-brahmana pubbantakappika ca aparanta-kappika ca pubbantaparanta-kappika ca pubbantaparantanuditthino pubbantaparantam arabbha aneka-vihitam adhivutti-padani abhivadanti dva-satthiya vatthuhi, tad api tesam bhavatam samana-brahmananam ajanatam apassatam vedayitam tanha-gatanam paritasitavipphanditam eva.

45. 'Tatra, bhikkhave, ye te samana-brahmana sassatavada sassatam attanan ca lokan ca pannapenti catuhi vatthuhi,

[page 042]

tad api phassa-paccaya.

46. 'Tatra, bhikkhave, ye te samana-brahmana ekaccasassatika ekacca-asassatika ekaccam sassatam ekaccam asassatam attanan ca lokan ca pannapenti catuhi vatthuhi, tad api phassa-paccaya.

47. 'Tatra, bhikkhave, ye te samana-brahmana antanantika antanantam lokassa pannapenti catuhi vatthuhi, tad api phassa-paccaya.

48. 'Tatra, bhikkhave, ye te samana-brahmana amaravikkhepika tattha tattha panham puttha samana vacavikkhepam apajjanti amara-vikkhepam catuhi vatthuhi, tad api phassa-paccaya.

49. 'Tatra, bhikkhave, ye te samana-brahmana adhiccasamuppannika adhicca-samuppannam attanan ca lokan ca pannapenti dvihi vatthuhi, tad api phassa-paccaya.

50. 'Tatra, bhikkhave, ye te samana-brahmana pubbantakappika pubbantanuditthino pubbantam arabbha anekavihitani adhivutti-padani abhivadanti atthadasahi vatthuhi, tad api phassa-paccaya.

51. 'Tatra, bhikkhave, ye te samana-brahmana uddhamaghatanika sanni-vada uddham aghatana sannim attanam pannapenti solasahi vatthuhi, tad api phassa-paccaya.

52. 'Tatra, bhikkhave, ye te samana-brahmana uddhamaghatanika asanni-vada uddham aghatana asannim attanam pannapenti atthahi vatthuhi, tad api phassa-paccaya.

53. 'Tatra, bhikkhave, ye te samana-brahmana uddhamaghatanika n' eva-sanni-nasanni-vada uddham aghatana n' eva sannim nasannim attanam pannapenti atthahi vatthuhi, tad api phassa-paccaya.

54. 'Tatra, bhikkhave, ye te samana-brahmana ucchedavada sato sattassa ucchedam vinasam vibhavam pannapenti sattahi vatthuhi, tad api phassa-paccaya.

55. 'Tatra, bhikkhave, ye te samana-brahmana paramadittha-dhamma-nibbana-vada sato sattassa parama-ditthadhamma-nibbanam pannapenti pancahi vatthuhi, tad api phassa-paccaya.

56. 'Tatra, bhikkhave, ye te samana-brahmana aparantakappika aparantanuditthino aparantam arabbha anekavihitani adhivutti-padani abhivadanti catu-{cattarisaya} vatthuhi,

[page 043]

tad api phassa-paccaya.

57. 'Tatra, bhikkhave, ye te samana-brahmana pubbantakappika ca aparanta-kappika ca pubbantaparanta-kappika ca pubbantaparantanuditthino pubbantaparantam arabbha aneka-vihitani adhivutti-padani abhivadanti dva-satthiya vatthuhi, tad api phassa-paccaya.

58. 'Tatra, bhikkhave, ye te samana-brahmana sassatavada sassatam attanan ca lokan ca pannapenti catuhi vatthuhi, te vata annatra phassa patisamvedissantiti n' etam thanam vijjati.

59. 'Tatra, bhikkhave, ye te samana-brahmana ekaccasassatika ekacca-asassatika ekaccam sassatam ekaccam asassatam attanan ca lokan ca pannapenti catuhi vatthuhi, te vata annatra phassa patisamvedissantiti n' etam thanam vijjati.

60. 'Tatra, bhikkhave, ye te samana-brahmana antanantika antanantam lokassa pannapenti catuhi vatthuhi, te vata annatra phassa patisamvedissantiti n' etam thanam vijjati.

61. 'Tatra, bhikkhave, ye te samana-brahmana amaravikkhepika tattha tattha panham puttha samana vacavikkhepam apajjanti amara-vikkhepam catuhi vatthuhi, te vata annatra phassa patisamvedissantiti n' etam thanam vijjati.

62. 'Tatra, bhikkhave, ye te samana-brahmana adhiccasamuppannika adhicca-samuppannam attanan ca lokan ca pannapenti dvihi vatthuhi, te vata annatra phassa patisamvedissantiti n' etam thanam vijjati.

63. 'Tatra, bhikkhave, ye te samana-brahmana pubbantakappika pubbantanuditthino pubbantam arabbha anekavihitani adhivutti-padani abhivadanti atthadasahi vatthuhi, te vata annatra phassa patisamvedissantiti n' etam thanam vijjati.

64. 'Tatra, bhikkhave, ye te samana-brahmana uddhamaghatanika sanni-vada uddham aghatana sannim attanam pannapenti solasahi vatthuhi,

[page 044]

te vata annatra phassa patisamvedissantiti n' etam thanam {vijjati}.

65. 'Tatra, bhikkhave,ye te samana-brahmana uddhamaghatanika asanni-vada uddham aghatana asannim attanan pannapenti atthahi vatthuhi, te vata annatra phassa patisamvedissantiti n' etam thanam vijjati.

66. 'Tatra, bhikkhave, ye te samana-brahmana uddhamaghatanika n' eva-sanni-nasanni-vada uddham aghatana n' eva sannim nasannim attanam pannapenti atthahi vatthuhi, te vata annatra phassa patisamvedissantiti n' etam thanam vijjati.

67. 'Tatra, bhikkhave, ye te samana-brahmana ucchedavada sato sattassa ucchedam vinasam vibhavam pannapenti sattahi vatthuhi, te vata annatra phassa patisamvedissantiti n' etam thanam vijjati.

68. 'Tatra, bhikkhave, ye te samana-brahmana paramadittha-dhamma-nibbana-vada sato sattassa parama-ditthadhamma-nibbanam pannapenti pancahi vatthuhi, te vata annatra phassa patisamvedissantiti n' etam thanam vijjati.

69. 'Tatra, bhikkhave, ye te samana-brahmana aparantakappika aparantanuditthino aparantam arabbha anekavihitani adhivutti-padani abhivadanti catu-cattarisaya vatthuhi, te vata annatra phassa patisamvedissantiti n' etam thanam vijjati.

70. 'Tatra, bhikkhave, ye te samana-brahmana pubbantakappika ca aparanta-kappika ca pubbantaparanta-kappikaca pubbantaparantanuditthino pubbantaparantam arabbha aneka-vihitani adhivutti-padani abhivadanti dva-satthiya vatthuhi, te vata annatra phassa patisamvedissantiti n' etam thanam vijjati.

71. 'Tatra, bhikkhave, ye te {samana-brahmana} sassatavada sassatam attanan ca lokan ca pannapenti catuhi vatthuhi, ye pi te samana-brahmana ekacca-sassatika ekacca-asassatika, ye pi te samana-brahmana antanantika, ye pi te samana-brahmana amara-vikkhepika, ye pi te samana-brahmana adhicca-samuppannika,

[page 045]

ye pi te samanabrahmana pubbanta-kappika, ye pi te samana-brahmana uddham-aghatanika sanni-vada, ye pi te samanabrahmana uddham-aghatanika asanni-vada, ye pi te samanabrahmana uddham-aghatanika n' eva-sanni-nasanni-vada, ye pi te samana-brahmana uccheda-vada, ye pi te samanabrahmana dittha-dhamma-nibbana-vada, ye pi te samanabrahmana pubbanta-kappika, ye pi te samana-brahmana aparanta-kappika, ye pi te samana-brahmana pubbantakappika ca aparanta-kappika ca pubbantaparanta-kappika pubbantaparantanuditthino pubbantaparantam arabbha aneka-vihitani adhivutti-padani abhivadanti dva-satthiya vatthuhi, sabbe te chahi phassayatanehi phussa phussa patisamvedenti, tesam vedana-paccaya tanha, tanhapaccaya upadanam, upadana-paccaya bhavo, bhava-paccaya jati, jati-paccaya jara-maranam soka-parideva-dukkhadomanass' -upayasa sambhavanti. Yato kho, bhikkhave, bhikkhu channam phassayatananam samudayan ca atthagaman ca assadan ca adinavan ca nissaranan ca yathabhutam pajanati, ayam imehi sabbeh' eva uttaritaram pajanati.

72. 'Ye hi keci, bhikkhave, samana va brahmana va pubbanta-kappika va aparanta-kappika va pubbantaparantakappika va pubbantaparantanuditthino pubbantaparantam arabbha aneka-vihitani adhivutti-padani abhivadanti, sabbe te imeh' eva dva-satthiya vatthuhi anto-jali-kata, ettha sita va ummujjamana ummujjanti, ettha pariyapanna antojali-kata va ummujjamana ummujjanti.

'Seyyatha pi, bhikkhave, dakkho kevatto va kevattantevasi va sukhumacchikena jalena parittam udakadaham otthareyya, tassa evam assa: "Ye kho keci imasmim udaka-dahe olarika pana, sabbe te anto-jali-kata, ettha sita va ummujjamana ummujjanti, ettha pariyapanna anto-jali-kata va ummujjamana ummujjantiti"

[page 046]

-- evam eva kho, bhikkhave, ye hi keci samana va brahmana va pubbanta-kappika va aparanta-kappika va pubbantaparantakappika va pubbantaparantanuditthino pubbantaparantam arabbha aneka-vihitani adhivutti-padani abhivadanti, sabbe te imeh' eva dva-satthiya vatthuhi anto-jali-kata, ettha sita va ummujjamana ummujjanti, ettha pariyapanna anto-jalikata va ummujjamana ummujjanti.

1. 'Ucchinna-bhava-nettiko, bhikkhave, Tathagatassa kayo titthati. {Yav'} assa kayo thassati tava nam dakkhinti deva-manussa. Kayassa bheda uddham jivita-pariyadana na dakkhinti deva-manussa.

'Seyyatha pi, bhikkhave, amba-pindiya vantacchinnaya yani kanici ambani vantupanibandhanani, sabbani tani tad-anvayani bhavanti -- evam eva kho, bhikkhave, ucchinnabhava-nettiko Tathagatassa kayo titthati. Yav' assa kayo thassati tava nam dakkhinti deva-manussa. Kayassa bheda uddham jivita-pariyadana na dakkhinti deva-manussa ti.'

74. Evam vutte ayasma Anando Bhagavantam etad avoca: 'Acchariyam bhante, abbhutam bhante. Ko namo ayam, bhante, dhamma-pariyayo ti?'

'Tasmat iha tvam, Ananda, imam dhamma-pariyayam Attha-jalan ti pi nam dharehi, Dhamma-jalan ti pi nam dharehi, Brahma-jalan ti pi nam dharehi, Ditthi-jalan ti pi nam dharehi, Anuttaro sangama-vijayo ti pi nam dharehiti.'

Idam avoca Bhagava, attamana te bhikkhu Bhagavato bhasitam abhinandun ti. Imasmim ca pana veyyakaranasmim {bhannamane} sahassi loka-dhatu akampitthati.

BRAHMA-JALA-SUTTAM.

[page 047]

 


 

II. Samanna-Phala Sutta

1. Evam me sutam. Ekam samayam Bhagava Rajagahe viharati Jivakassa komarabhaccassa Amba-vane, mahata bhikkhu-samghena saddhim addha-{telasehi} bhikkhusatehi. Tena kho pana samayena raja Magadho Ajatasattu Vedehi-putto tadahu 'posathe {pannarase} Komudiya catumasiniya punnaya punnamaya rattiya rajamacca-parivuto upari-pasada-vara-gato nisinno hoti. Atha kho raja Magadho Ajatasattu Vedehi-putto tadahu 'posathe udanam udanesi: 'Ramaniya vata bho dosina ratti, abhirupa vata bho dosina ratti, dassaniya vata bho dosina ratti, pasadika vata bho dosina ratti, lakkhanna vata bho dosina ratti.

Kam nu kh' ajja samanam va brahmanam va payirupaseyyama, yam no payirupasato cittam pasideyyati?'

2. Evam vutte annataro rajamacco rajanam Magadham Ajatasattum Vedehi-puttam etad avoca: 'Ayam deva Purano Kassapo samghi c' eva gani ca ganacariyo ca nato yasassi titthakaro sadhu-sammato bahu-janassa rattannu cira-pabbajito addhagato vayo anuppatto. Tam devo Puranam Kassapam payirupasatu, app eva nama devassa Puranam Kassapam payirupasato cittam pasideyyati.' Evam vutte raja Magadho Ajatasattu Vedehi-putto tunhi ahosi.

3. Annataro pi kho rajamacco rajanam Magadham Ajatasattum Vedehi-puttam etad avoca: 'Ayam deva Makkhali-Gosalo samghi c' eva gani ca ganacariyo ca nato yasassi titthakaro sadhu-sammato bahu-janassa rattannu cira-pabbajito addhagato vayo anuppatto.

[page 048]

48 SAMANNA-PHALA-SUTTAM [D. ii. 3

Tam devo Makkhali-Gosalam payirupasatu, app eva nama devassa Makkhali-Gosalam payirupasato cittam pasideyyati.' Evam vutte raja Magadho Ajatasattu Vedehi-putto tunhi ahosi.

4. Annataro pi kho rajamacco rajanam Magadham Ajatasattum Vedehi-puttam etad avoca: 'Ayam deva Ajito Kesa-kambalo samghi c' eva gani ca ganacariyo ca nato yasassi titthakaro sadhu-sammato bahu-janassa rattannu cira-pabbajito addhagato vayo anuppatto. Tam devo Ajitam Kesa-kambalam payirupasatu, app eva nama devassa Ajitam Kesa-kambalam payirupasato cittam pasideyyati.' Evam vutte raja Magadho {Ajatasattu} Vedehi-putto tunhi ahosi.

5. Annataro pi kho rajamacco rajanam Magadham Ajatasattum Vedehi-puttam etad avoca: 'Ayam deva Pakudho Kaccayano samghi c' eva gani ca ganacariyo ca nato yasassi titthakaro sadhu-sammato bahu-janassa rattannu, cira-pabbajito addhagato vayo anuppatto. Tam devo Pakudham Kaccayanam payirupasatu, app eva nama devassa Pakudham Kaccayanam payirupasato cittam pasideyyati.' Evam vutte raja Magadho Ajatasattu Vedehi-putto tunhi ahosi.

6. Annataro pi kho rajamacco rajanam Magadham Ajatasattum Vedehi-puttam etad avoca: 'Ayam deva Sanjayo Belatthi-putto samghi c' eva gani ca ganacariyo ca nato yasassi titthakaro sadhu-sammato bahu-janassa rattannu cira-pabbajito addhagato vayo anuppatto. Tam devo {Sanjayam} Belatthi-puttam payirupasatu, app eva nama devassa Sanjayam Belatthi-puttam payirupasato cittam pasideyyati.' Evam vutte raja Magadho Ajatasattu Vedehi-putto tunhi ahosi.

7. Annataro pi kho rajamacco rajanam Magadham Ajatasattum Vedehi-puttam etad avoca: 'Ayam deva Nigantho Nata-putto samghi c' eva gani ca ganacariyo ca nato yasassi titthakaro sadhu-sammato bahu-janassa rattannu cira-pabbajito addhagato vayo anuppatto.

[page 049]

Tam devo Nigantham Nata-puttam payirupasatu, app eva nama devassa Nigantham Nata-puttam payirupasato cittam pasideyyati.' Evam vutte raja Magadho Ajatasattu Vedehi-putto tunhi ahosi.

8. Tena kho pana samayena Jivako komarabhacco ranno Magadhassa Ajatasattussa Vedehi-puttassa avidure tunhibhuto nisinno hoti. Atha kho raja Magadho Ajatasattu Vedehi-putto Jivakam komarabhaccam etad avoca: 'Tvam pana samma Jivaka kim tunhi ti?'

'Ayam deva Bhagava araham samma-sambuddho amhakam Amba-vane viharati, mahata bhikkhu-samghena saddhim addha-{telasehi} bhikkhu-satehi. Tam kho pana Bhagavantam Gotamam evam kalyano kitti-saddo abbhuggato: "Iti pi so Bhagava araham samma-sambuddho vijjacarana-sampanno sugato loka-vidu anuttaro purisa-dammasarathi, sattha deva-manussanam buddho bhagava ti." Tam devo Bhagavantam payirupasatu, app eva nama devassa Bhagavantam payirupasato cittam pasideyyati.'

'Tena hi samma Jivaka hatthi-yanani kappapehiti.'

9. 'Evam devati' kho Jivako komarabhacco ranno Magadhassa Ajatasattussa Vedehi-puttassa patissutva panca-mattani hatthinika-satani kappapetva, ranno ca arohaniyam nagam, ranno Magadhassa Ajatasattussa Vedehi-puttassa pativedesi: 'Kappitani kho te deva hatthiyanani yassa dani kalam mannasiti.' Atha kho raja Magadho Ajatasattu Vedehi-putto pancasu hatthinikasatesu pacceka itthiyo aropetva arohaniyam nagam abhiruhitva, ukkasu dhariyamanasu Rajagahamha niyyasi mahacca rajanubhavena, yena Jivakassa komarabhaccassa Amba-vanam tena payasi.

10. Atha kho ranno Magadhassa Ajatasattussa Vedehiputtassa avidure Amba-vanassa ahud eva bhayam, ahu chambhitattam, ahu lomahanso. Atha kho raja Magadho Ajatasattu Vedehi-putto bhito samviggo loma-hattha-jato Jivakam komarabhaccam etad avoca:

[page 050]

'Kacci mam samma Jivaka na vancesi? Kacci mam samma Jivaka na palambhesi? Kacci mam samma Jivaka na paccatthikanam desi? Katham hi nama tava mahato bhikkhu-samghassa addha-telasanam bhikkhu-satanam n' eva khipita-saddo bhavissati na ukkasita-saddo na nigghoso ti?'

'Ma bhayi maha-raja. Na tam deva vancemi, na tam deva palambhami, na tam deva paccatthikanam demi.

Abhikkama maha-raja. Abhikkama maha-raja. Ete mandala-male dipa jhayantiti.'

11. Atha kho raja Magadho Ajatasattu Vedehi-putto yavatika nagassa bhumi nagena gantva, naga paccorohitva pattiko va yena mandala-malassa dvaram ten' upasamkami, upasamkamitva Jivakam komarabhaccam etad avoca: 'Kaham pana samma Jivaka Bhagava ti?'

'Eso maha-raja Bhagava. Eso maha-raja Bhagava majjhimam thambham nissaya puratthabhimukho nisinno purakkhato bhikkhu-samghassati.'

12. Atha kho raja Magadho Ajatasattu Vedehi-putto yena Bhagava ten' upasamkami, upasamkamitva ekam antam atthasi, ekam antam thito kho raja Magadho Ajatasattu Vedehi-putto tunhi-bhutam tunhi-bhutam bhikkhu-samgham anuviloketva rahadam iva vippasannam udanam udanesi: 'Imina me upasamena Udayi-bhaddo kumaro samannagato hotu, yen' etarahi upasamena bhikkhusamgho samannagato ti.'

'Agama kho tvam maha-raja yatha peman ti?'

'Piyo me bhante Udayi-bhaddo kumaro. Imina me bhante upasamena Udayi-bhaddo kumaro samannagato hotu, yen' etarahi upasamena bhikkhu-samgho samannagato ti.'

13. Atha kho raja Magadho Ajatasattu Vedehi-putto Bhagavantam abhivadetva bhikkhu-samghassa anjalim panametva ekam antam nisidi,

[page 051]

ekam antam nisinno kho raja Magadho Ajatasattu Vedehi-putto Bhagavantam etad avoca: 'Puccheyyam' aham bhante Bhagavantam kancid eva desam, sace me Bhagava okasam karoti panhassa veyyakaranayati.'

'Puccha maha-raja yad akankhasiti.'

14. 'Yatha nu kho imani bhante puthu-sippayatanani -- seyyathidam hattharoha assaroha rathika dhanuggaha celaka calaka pinda-davika ugga raja-putta pakkhandino maha-naga sura camma-yodhino dasaka-putta alarika kappaka nahapaka suda mala-kara rajaka pesa-kara nalakara kumbha-kara ganaka muddika yani va pan' annani pi evam-gatani puthu-sippayatanani -- te {ditth eva} dhamme sanditthikam sippa-phalam upajivanti, te tena attanam sukhenti pinenti mata-pitaro sukhenti pinenti putta-daram sukhenti pinenti mittamacce sukhenti pinenti samanabrahmanesu uddhaggikam dakkhinam patitthapenti sovaggikam sukha-vipakam sagga-samvattanikam. Sakka nu kho bhante evam evam {ditth eva} dhamme {sanditthikam} samanna-phalam pannapetun ti?'

15. 'Abhijanasi no tvam maha-raja imam panham anne samana-brahmane pucchittho ti?'

'Abhijanam' aham bhante imam panham anne {samana-}

Brahmane pucchita ti.'

'Yatha katam pana te maha-raja vyakamsu, sace te agaru, bhasassuti.'

'Na kho me bhante garu yatth' assa Bhagava nisinno Bhagavanta-rupa va ti.'

[page 052]

'Tena hi, maha-raja, bhasassuti.'

16. 'Ekam idaham bhante samayam yena Purano Kassapo ten' upasamkamim. Upasamkamitva Puranena Kassapena saddhim sammodim sammodaniyam katham saraniyam vitisaretva ekam antam nisidim. Ekam antam nisinno kho aham bhante Puranam Kassapam etad avoca: Yatha nu kho imani bho Kassapa puthu-sippayatanani -- seyyathidam hattharoha assaroha rathika dhanuggaha celaka calaka pindadavika ugga raja-putta pakkhandino maha-naga sura camma-yodhino dasaka-putta alarika kappaka nahapaka suda mala-kara rajaka pesa-kara nala-kara kumbha-kara ganaka muddika yani va pan' annani pi evam-gatani puthu sippayatanani -- te {ditth eva} dhamme sanditthikam sippaphalam upajivanti, te tena attanam sukhenti pinenti matapitaro sukhenti pinenti putta-daram sukhenti pinenti mittamacce sukhenti pinenti samana-brahmanesu uddhaggikam dakkhinam patitthapenti sovaggikam sukha-vipakam saggasamvattanikam. Sakka nu kho bho Kassapa evam evam {ditth eva} dhamme sanditthikam samanna-phalam pannapetun ti?"'

17. 'Evam vutte bhante Purano Kassapo mam etad avoca: "Karato kho maha-raja karayato chindato chedapayato pacato pacayato socayato kilamayato phandato phandapayato panam atimapayato adinnam adiyato sandhim chindato nillopam harato ekagarikam karoto paripanthe titthato paradaram gacchato musa bhanato, karoto na kariyati papam. Khura-pariyantena ce pi cakkena yo imissa pathaviya pane eka-mamsa-khalam eka-mamsa-punjam kareyya, n' atthi tato-nidanam papam, n' atthi papassa agamo.

Dakkhinan ce pi Ganga-tiram agaccheyya hananto ghatento chindanto chedapento pacanto pacento, n' atthi tato nidanam papam, n' atthi papassa agamo. Uttaran ce pi Ganga-tiram gaccheyya dadanto dapento yajanto yajapento, n' atthi tato nidanam punnam, n' atthi punnassa agamo.

[page 053]

Danena damena samyamena sacca-vajjena n' atthi punnam, n' atthi punnassa agamo ti." Ittham kho me bhante Purano Kassapo sanditthikam samanna-phalam puttho samano akiriyam vyakasi. Seyyatha pi bhante ambam va puttho labujam vyakareyya, labujam va puttho ambam vyakareyya, evam eva kho bhante Purano Kassapo sanditthikam samanna-phalam puttho samano akiriyam vyakasi.

Tassa mayham bhante etad ahosi: "Katham hi nama madiso samanam va brahmanam va vijite vasantam apasadetabbam manneyyati?" So kho aham bhante Puranassa Kassapassa bhasitam n' eva abhinandim na patikkosim,

anabhinanditva appatikkositva anattamano anattamanavacam aniccharetva tam eva vacam anuganhanto anikkujjanto utthay' asana pakkamim.

19. 'Ekam idaham bhante samayam yena MakkhaliGosalo ten' upasamkamim, upasamkamitva MakkhaliGosalena saddhim sammodim sammodaniyam katham saraniyam vitisaretva ekam antam nisidim. Ekam antam nisinno kho aham bhante Makkhali-Gosalam etad avoca: "Yatha nu kho imani, bho Gosala, puthu-sippayatanani seyyathidam hattharoha ... pe [ 16] ... Sakka nu kho bho Gosala evam eva {ditth eva} dhamme sanditthikam samanna-phalam pannapetun ti?"

20. Evam vutte bhante Makkhali-Gosalo mam etad avoca: "N' atthi maha-raja hetu n' atthi paccayo sattanam samkilesaya, ahetu-apaccaya satta samkilissanti. N' atthi hetu, n' atthi paccayo sattanam visuddhiya, ahetu-apaccaya satta visujjhanti. N' atthi attakare n' atthi para-kare, n' atthi purisa-kare, n' atthi balam n' atthi viriyam, n' atthi purisa-thamo n' atthi purisa-parakkamo. Sabbe satta sabbe pana sabbe bhuta sabbe jiva avasa abala aviriya niyati-sangati-bhava-parinata chass' evabhijatisu sukha-dukkham patisamvedenti. Cuddasa kho pan' imani yoni-pamukha-sata-sahassani satthin ca satani cha ca satani,

[page 054]

panca ca kammuno satani panca ca kammani tini ca kammani kamme ca addha-kamme ca, dvatthi patipada, dvatth' antara-kappa, chalabhijatiyo, attha purisa-bhumiyo, ekuna-pannasa ajiva-sate, ekuna-pannasa paribbajaka-sate, ekuna-pannasa nagavasa-sate, {vise} indriya-sate, timse {niraya}-sate, chattimsa rajo-dhatuyo, satta sanni-gabbha, satta asanni-gabbha, satta niganthigabbha, satta deva, satta manusa, satta pesaca, satta sara, satta patuva, satta patuva-satani, satta papata, satta papata-satani, satta supina, satta supina-satani, cullasiti maha-kappuno sata-sahassani yani bale ca pandite ca sandhavitva samsaritva dukkhass' antam karissanti. Tattha n' atthi: 'Iminaham silena va vatena va tapena va brahmacariyena va aparipakkam va kammam paripacessami, paripakkam va kammam phussa phussa vyanti-karissamiti.' H' evam n' atthi dona-mite sukha-dukkhe pariyanta-kate samsare, n' atthi hayana-vaddhane n' atthi ukkamsavakkamse. Seyyatha pi nama sutta-gule khitte nibbethiyamanam eva {paleti}, evam eva bale ca pandite ca sandhavitva samsaritva dukkhass' antam karissantiti.'

21. 'Ittham kho me bhante Makkhali-Gosalo sanditthikam samanna-phalam puttho samano samsara-suddhim vyakasi. Seyyatha pi bhante ambam va puttho labujam vyakareyya labujam va puttho ambam vyakareyya, evam eva kho bhante Makkhali-Gosalo sanditthikam samannaphalam puttho samano samsara-suddhim vyakasi. Tassa mayham bhante etad ahosi: "Katham hi nama madiso samanam va brahmanam va vijite vasantam apasadetabbam manneyyati?" So kho aham bhante Makkhalissa Gosalassa bhasitam n' eva abhinandim na patikkosim,

[page 055]

anabhinanditva appatikkositva anattamano anattamanavacam aniccharetva tam eva vacam anuganhanto anikkujjanto utthay' asana pakkamim.

22. 'Ekam idaham bhante samayam yena Ajito Kesakambali ten' upasamkamim, upasamkamitva Ajitena Kesakambalina saddhim sammodim sammodaniyam katham saraniyam vitisaretva ekam antam nisidim. Ekam antam nisinno kho aham bhante Ajitam Kesa-kambalim etad avoca: Yatha nu kho imani bho Ajita puthu-sippayatanani seyyathidam hattharoha ... pe [ 16] ... Sakka nu kho bho Ajita evam eva {ditth eva} dhamme sanditthikam samanna-phalam pannapetun ti?"

23. 'Evam vutte bhante Ajito Kesa-kambali mam etad avoca: "N' atthi maha-raja dinnam n' atthi yittham n' atthi hutam, n' atthi sukata-dukkatanam kammanam phalam vipako, n' atthi ayam loko n' atthi paro loko, n' atthi mata n' atthi pita, n' atthi {satta opapatika,} n' atthi loke samana-brahmana sammaggata samma-{patipanna} ye iman ca lokam paran ca lokam sayam abhinna sacchikatva pavedenti. Catum-mahabhutiko ayam puriso, yada kalam karoti pathavi pathavi-kayam anupeti anupagacchati, apo apo-kayam anupeti anupagacchati, tejo tejokayam anupeti anupagacchati, vayo vayo-kayam anupeti anupagacchati, akasam indriyani sankamanti. Asandipancama purisa matam adaya gacchanti, yava alahana padani pannapenti, kapotakani atthini bhavanti, bhassantahutiyo. Dattu-pannattam yad idam danam, tesam tuccham musa vilapo ye keci atthika-vadam vadanti. Bale ca pandite ca kayassa bheda ucchijjanti vinassanti, na honti param marana ti."

24. 'Ittham kho me bhante Ajito Kesa-kambali sanditthikam samanna-phalam puttho samano uccheda-vadam vyakasi. Seyyatha pi bhante ambam va puttho labujam vyakareyya labujam va puttho ambam vyakareyya,

[page 056]

evam eva kho bhante Ajito Kesa-kambali sanditthikam samannaphalam puttho samano uccheda-vadam vyakasi. Tassa mayham bhante etad ahosi: "Katham hi nama madiso samanam va brahmanam va vijite vasantam apasadetabbam manneyyati?" So kho aham bhante Ajitassa Kesakambalissa bhasitam n' eva abhinandim na patikkosim, anabhinanditva appatikkositva anattamano anattamanavacam aniccharetva tam eva vacam anuganhanto anikkujjanto utthay' asana pakkamim.

25. 'Ekam idaham bhante samayam yena Pakudho Kaccayano ten' upasamkamim, upasamkamitva Pakudhena {Kaccayanena} saddhim sammodim sammodaniyam katham saraniyam vitisaretva ekam antam nisidim. Ekam antam nisinno kho aham bhante Pakudham Kaccayanam etad avoca: "Yatha nu kho imani bho Kaccayana puthu-sippayatanani seyyathidam hattharoha ... [pe 16] ... Sakka nu bho Kaccayana evam eva {ditth' eva} dhamme sanditthikam samanna-phalam pannapetun ti?"

26. 'Evam vutte bhante Pakudho Kaccayano mam etad avoca: "Satt' ime maha-raja kaya akata akata-vidha animmita animmata vanjha kutattha esikatthayitthita. Te na injanti na viparinamanti na annamannam vyabadhenti nalam annamannassa sukhaya va dukkhaya va sukha-dukkhaya va. Katame satta? Pathavi-kayo apo-kayo tejo-kayo vayo-kayo sukhe dukkhe jiva-sattame. Ime satta kaya akata akata-vidha animmita animmata vanjha kutattha esikatthayitthita. Te na injanti na viparinamanti na annam-annam vyabadhenti nalam annam-annassa sukhaya va dukkhaya va sukha-dukkhaya va. Tattha n' atthi hanta va ghateta va sota va saveta va vinnata va vinnapeta va.

Yo pi tinhena satthena sisam chindati na koci kinci jivita voropeti, sattannam yeva kayanam antarena satthavivaram anupatatiti."

[page 057]

27. 'Ittham kho me bhante Pakudho Kaccayano sanditthikam samanna-phalam puttho samano annena annam vyakasi. Seyyatha pi bhante ambam va puttho labujam vyakareyya labujam va puttho ambam vyakareyya, evam eva kho me bhante Pakudho Kaccayano sanditthikam samanna-phalam puttho samano annena annam vyakasi.

Tassa mayham bhante etad ahosi: "Katham hi nama madiso samana va brahmana va vijite vasantam apasadetabbam manneyyati?" So kho aham bhante Pakudhassa Kaccayanassa bhasitam n' eva abhinandim na patikkosim, anabhinanditva appatikkositva anattamano anattamanavacam aniccharetva tam eva vacam anuganhanto anikkujjanto utthay' asana pakkamim.

28. 'Ekam idaham bhante samayam yena Nigantho Nataputto ten' upasamkamim, upasamkamitva Niganthena Nata-puttena saddhim sammodim sammodaniyam katham saraniyam vitisaretva ekam antam nisidim. Ekam antam nisinno kho aham bhante Nigantham Nata-puttam etad avoca: "Yatha nu kho imani bho Aggi-vessana puthusippayatanani seyyathidam hattharoha ... [pe 16] ... Sakka nu kho bho Aggi-vessana evam eva {ditth eva} dhamme sanditthikam samanna-phalam pannapetun ti?

29. 'Evam vutte bhante Nigantho Nata-putto mam etad avoca: Idha maha-raja nigantho catu-yama-samvarasamvuto hoti. Kathan ca maha-raja nigantho catu-yamasamvara-samvuto hoti? Idha maha-raja nigantho sabbavari-varito ca hoti, sabba-vari-yuto ca, sabba-vari-dhuto ca, sabba-vari-phuttho ca. Evam kho maha-raja nigantho catu-yama-samvara-samvuto hoti. Yato kho maha-raja nigantho evam catu-yama-samvara-samvuto hoti, ayam vuccati maha-raja nigantho gatatto ca yatatto ca thitatto cati."

[page 058]

30. Ittham kho me bhante Nigantho Nata-putto sanditthikam samanna-phalam puttho samano catu-yama-samvaram vyakasi. Seyyatha pi bhante ambam va puttho labujam vyakareyya labujam va puttho ambam vyakareyya, evam eva kho bhante Nigantho Nataputto sanditthikam samanna-phalam puttho samano catu-yama-samvaram vyakasi. Tassa mayham bhante etad ahosi: "Katham hi nama madiso samanam va brahmanam va vijite vasantam apasadetabbam manneyyati?" So kho aham bhante Niganthassa Nataputtassa bhasitam n' eva abhinandim na patikkosim, anabhinanditva appatikkositva anattamano anattamana-vacam aniccharetva tam eva vacam anuganhanto anikkujjanto utthay' asana pakkamim.

31. 'Ekam idaham bhante samayam yena Sanjayo Belatthi-putto ten' upasamkamim, upasamkamitva Sanjayena Belattha-puttena saddhim sammodim sammodaniyam katham saraniyam vitisaretva ekam antam nisidim. Ekam antam nisinno kho aham bhante Sanjayam Belatthi-puttam etad avoca: "Yatha nu kho imani bho Sanjaya puthu-sippayatanani seyyathidam hattharoha ... [pe 16] ... Sakka nu kho bho Sanjaya evam eva {ditth eva} dhamme sanditthikam samanna-phalam pannapetun ti?"

32. 'Evam vutte bhante Sanjayo Belatthi-putto mam etad avoca: "'Atthi paro loko' ti iti ce tam pucchasi, 'atthi paro loko' ti iti ce me assa, 'atthi paro loko' ti iti te nam vyakareyyam. Evam pi me no. Tatha ti pi me no. Annatha ti pi me no. No ti pi me no. No no ti pi me no.

'N' atthi paro loko'? ti ... pe . . .'Atthi ca n' atthi ca paro loko? N' ev' atthi na n' atthi paro loko? -- Atthi satta opapatika? N' atthi satta opapatika? Atthi ca n' atthi ca satta {opapatika}? N' ev' atthi na n' atthi satta opapatika?

-- Atthi sukata-dukkatanam kammanam phalam vipako? N' atthi sukata-dukkatanam kammanam phalam vipako? Atthi ca n' atthi ca sukata-dukkatanam kammanam phalam vipako? N' ev' atthi na n' atthi sukata-dukkatanam kammanam phalam vipako? -- Hoti Tathagato param marana,

[page 059]

na hoti Tathagato param marana? Hoti ca na hoti ca Tathagato param marana? N' eva hoti na na hoti Tathagato param marana?' ti iti ce mam pucchasi, 'n' eva hoti na na hoti Tathagato param marana' ti iti ce me assa, 'N' eva hoti na na hoti Tathagato param marana' ti iti te nam vyakareyyam. Evam pi me no. Tatha ti pi me no.

Annatha ti pi me no. No ti pi me no. No no ti pi me no ti."

33. 'Ittham kho me bhante Sanjayo Belatthi-putto sanditthikam samanna-phalam puttho samano vikkhepam vyakasi. Seyyatha pi bhante ambam va puttho labujam vyakareyya labujam va puttho ambam vyakareyya, evam eva kho me bhante Sanjayo {Belatthi-putto} sanditthikam samanna-phalam puttho samano vikkhepam vyakasi. Tassa mayham bhante etad ahosi: "Ayan ca imesam samanabrahmananam sabba-balo sabba-mulho. Katham hi nama sanditthikam samanna-phalam puttho samano vikkhepam vyakarissatiti?" Tassa mayham bhante etad ahosi: "Katham hi nama madiso samanam va brahmanam va vijite vasantam apasadetabbam manneyyati?" So kho aham bhante Sanjayassa Belatthi-puttassa bhasitam n' eva abhinandim na patikkosim, anabhinanditva appatikkositva anattamano anattamana-vacam aniccharetva tam eva vacam {anuganhanto} anikkujjanto {utthay'} asana pakkamim.

34. 'So 'ham bhante Bhagavantam pi pucchami: "Yatha nu kho imani bhante puthu-sippayatanani -- seyyathidam hattharoha assaroha rathika dhanuggaha celaka calaka pinda-davika ugga rajaputta pakkhandino mahanaga sura camma-yodhino dasaka-putta alarika kappaka nahapaka suda mala-kara rajaka pesa-kara nala-kara kumbha-kara ganaka muddika yani va pan' annani pi evamgatani puthu-sippayatanani, -- te {ditth eva} dhamme sanditthikam sippa-phalam upajivanti, te tena attanam sukhenti pinenti mata-pitaro sukhenti pinenti putta-daram sukhenti pinenti mittamacce sukhenti pinenti samanabrahmanesu uddhaggikam dakkhinam patitthapenti sovaggikam sukha-vipakam sagga-samvattanikam. Sakka nu kho me bhante evam eva {ditth eva} dhamme sanditthikam samanna-phalam pannapetun ti?'

[page 060]

'Sakka nu kho maha-raja. Tena hi maha-raja tam yev' ettha patipucchissami, yatha te khameyya tatha nam vyakareyyasi.

35. 'Tam kim mannasi maha-raja? Idha te assa puriso daso kamma-karo pubbutthayi paccha-nipati kim-karapatissavi manapa-cari piya-vadi mukhullokako. Tassa evam assa: "Acchariyam vata bho abbhutam vata bho punnanam gati punnanam vipako. Ayam hi raja Magadho Ajatasattu. Vedehi-putto manusso, aham pi manusso.

Ayam hi raja Magadho Ajatasattu Vedehi-putto pancahi kama-gunehi samappito samangi-bhuto paricareti devo manne, aham pan' amhi 'ssa daso kamma-karo pubbutthayi paccha-nipati kim-kara-patissavi manapa-cari piya-vadi mukhullokako. So vat' assaham punnani kareyyam. Yan nunaham kesa-massum oharetva kasayani vatthani acchadetva agarasma anagariyam pabbajeyyan ti." So aparena samayena kesa-massum oharetva kasayani vatthani {acchadetva} agarasma anagariyam pabbajeyya. So evam pabbajito samano kayena samvuto vihareyya vacaya samvuto vihareyya manasa samvuto vihareyya ghasacchadana-paramataya santuttho abhirato paviveke. Tam ce te purisa evam aroceyyum: "Yagghe deva janeyyasi yo te puriso daso kammakaro pubbutthayi paccha-nipati kimkara-patissavi manapa-cari piya-vadi mukhullokako, so deva kesa-massum oharetva kasayani vatthani acchadetva agarasma anagariyam pabbajito. So evam pabbajito samano kayena samvuto viharati vacaya samvuto viharati manasa samvuto viharati ghasacchadana-paramataya santuttho abhirato paviveke ti." Api nu tvam evam vadeyyasi: "Etu me bho so puriso, punad eva hotu daso kamma-karo pubbutthayi paccha-nipati kim-kara-patissavi manapa-cari piya-vadi mukhullokako ti?"'

36. 'No h' etam bhante. Atha kho nam mayam eva abhivadeyyama pi paccuttheyyama pi asanena pi nimanteyyama abhinimanteyyama pi nam civara-pindapatasenasana-gilana-paccaya-bhesajja-parikkharehi dhammikam pi 'ssa rakkhavarana-guttim samvidaheyyamati.'

[page 061]

'Tam kim mannasi, maha-raja? Yadi evam sante hoti va sanditthikam samanna-phalam, no va ti?'

'Addha kho bhante evam sante hoti sanditthikam samanna-phalan ti.'

'Idam kho te maha-raja maya pathamam {ditth eva} dhamme sanditthikam samanna-phalam pannattan ti.'

37. 'Sakka pana bhante annam pi evam eva {ditth eva} dhamme sanditthikam samanna-phalam pannapetun ti?'

'Sakka maha-raja. Tena hi maha-raja tam yev' ettha patipucchissami, yatha te khameyya tatha nam vyakareyyasi. Tam kim mannasi maha-raja? Idha te assa puriso kassako gahapatiko kara-karako rasi-vaddhako.

Tassa evam assa: "Acchariyam vata bho abbhutam vata bho. Ayam hi raja Magadho Ajatasattu Vedehi-putto manusso, aham pi manusso. Ayam hi raja Magadho Ajatasattu Vedehi-putto pancahi kamagunehi samappito samangi-bhuto paricareti devo manne, aham pan' amhi 'ssa kassako gahapatiko kara-karako rasi-vaddhako. So {v' assaham} punnani kareyyam. Yan {nunaham} kesamassum oharetva kasayani vatthani acchadetva agarasma anagariyam pabbajeyyan ti." So aparena samayena appam va bhoga-kkhandham pahaya mahantam va bhogakkhandham pahaya, appam va nati-parivattam pahaya mahantam va nati-parivattam pahaya kesa-massum oharetva kasayani vatthani acchadetva agarasma anagariyam pabbajeyya. So evam pabbajito samano kayena samvuto vihareyya vacaya samvuto vihareyya manasa-samvuto vihareyya ghasacchadana-paramataya santuttho abhirato paviveke. Tam ce te purisa evam aroceyyum: "Yagghe deva janeyyasi, yo te puriso kassako gahapatiko karakarako rasi-vaddhako, so deva kesa-massum oharetva kasayani vatthani acchadetva agarasma anagariyam pabbajito. So evam pabbajito samano kayena samvuto viharati vacaya samvuto viharati manasa samvuto viharati ghasacchadana-paramataya santuttho abhirato paviveke ti."

[page 062]

Api nu tvam evam vadeyyasi: "Etu me bho so puriso, punad eva hotu kassako gahapatiko kara-karako rasivaddhako ti?"'

38. 'No h' etam bhante. Atha kho nam mayam eva abhivadeyyama pi paccuttheyyama pi asanena pi nimanteyyama abhinimanteyyama pi nam civara-pindapatasenasana-gilana-paccaya-bhesajja-parikkharehi dhammikam pi 'ssa rakkha-varana-guttim samvidaheyyamati.'

'Tam kim mannasi maha-raja? Yadi evam sante hoti va sanditthikam samanna-phalam, no va ti?'

'Addha kho mam bhante evam sante hoti sanditthikam samanna-phalan ti.'

'Idam kho te maha-raja dutiyam {ditth eva} dhamme sanditthikam samanna-phalam pannattan ti.'

39. 'Sakka pana bhante annam pi {ditth eva} dhamme sanditthikam samanna-phalam pannapetum imehi sanditthikehi samanna-phalehi {abhikkantataran} ca panitataran cati?'

'Sakka maha-raja. Tena hi maha-raja sunohi sadhukam manasikarohi bhasissamiti.'

'Evam bhante' ti kho raja Magadho Ajatasattu Vedehiputto Bhagavato paccassosi. Bhagava etad avoca:

40. 'Idha maha-raja Tathagato loke uppajjati, araham samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho bhagava. So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedeti. So dhammam deseti adi-kalyanam majjhe kalyanam pariyosana-kalyanam sattham savyanjanam, kevala-paripunnam parisuddham brahmacariyam pakaseti.

41. 'Tam dhammam sunati gahapati va gahapati-putto va annatarasmim va kule paccajato. So tam dhammam sutva Tathagate saddham patilabhati.

[page 063]

So tena saddhapatilabhena samannagato iti patisancikkhati: "Sambadho gharavaso rajo-patho, abbhokaso pabbajja. Na idam sukaram agaram ajjhavasata ekanta-paripunnam ekantaparisuddham samkha-likhitam brahmacariyam caritum.

Yan {nunaham} kesa-massum oharetva kasayani vatthani acchadetva agarasma anagariyam pabbajeyyan ti." So aparena samayena appam va bhoga-kkhandham pahaya mahantam va bhoga-kkhandham pahaya, appam va natiparivattam pahaya mahantam va nati-parivattam pahaya, kesa-massum {oharetva} kasayani vatthani acchadetva agarasma anagariyam pabbajati.

42. 'Evam pabbajito samano patimokkha-samvarasamvuto viharati acara-gocara-sampanno anumattesu vajjesu bhaya-dassavi samadaya sikkhati sikkhapadesu kaya-kamma-vaci-{kammena} samannagato kusalena parisuddhajivo sila-sampanno indriyesu gutta-dvaro satisampajannena samannagato santuttho.

43. 'Kathan ca maha-raja bhikkhu sila-sampanno hoti? Idha maha-raja bhikkhu panatipatam pahaya panatipata pativirato hoti, nihita-dando nihita-sattho lajji dayapanno sabba-pana-bhuta-hitanukampi viharati. Idam pi 'ssa hoti silasmim.

'Adinnadanam pahaya adinnadana pativirato hoti dinnadayi dinna-patikankhi athenena suci-bhutena attana viharati. Idam pi 'ssa hoti silasmim.

'Abrahmacariyam pahaya brahmacari hoti ara-cari virato methuna gama-dhamma. Idam pi 'ssa hoti silasmim.

44. 'Musa-vadam pahaya musa-vada pativirato Samano Gotamo sacca-vadi sacca-sandho theto paccayiko avisamvadako lokassa. Idam pi 'ssa hoti silasmim.

'Pisuna-vacam pahaya pisunaya vacaya pativirato hoti, ito sutva na amutra akkhata imesam bhedaya, amutra va sutva na imesam akkhata amusam bhedaya.

[page 064]

Iti bhinnanam va sandhata sahitanam va anuppadata samaggaramo samagga-rato samagga-nandi samagga-karanim vacam bhasita. Idam pi 'ssa hoti silasmim.

'Pharusa-vacam pahaya pharusaya vacaya pativirato hoti. Ya sa vaca nela kanna-sukha pemaniya hadayamgama pori bahujana-kanta bahujana-manapa tatharupim vacam bhasita hoti. Idam pi 'ssa hoti silasmim.

'Samphappalapam pahaya samphappalapa pativirato hoti kala-vadi bhuta-vadi attha-vadi dhammavadi vinayavadi, nidhanavatim vacam bhasita kalena sapadesam pariyantavatim attha-samhitam. Idam pi 'ssa hoti silasmim.

45 'Bijagama-bhutagama-samarambha pativirato hoti.

Eka-bhattiko hoti rattuparato, virato vikala-bhojana.

Nacca-gita-vadita-visuka-dassana pativirato hoti. Malagandha-vilepana-dharana-mandana-{vibhusana-tthana} pativirato hoti. Uccasayana-mahasayana pativirato hoti.

Jatarupa-rajata-patiggahana pativirato hoti. Amaka-dhanna-patiggahana pativirato hoti. Amaka-{mamsa}-patiggahana pativirato hoti. Itthi-kumarika-patiggahana pativirato hoti. Dasi-dasa-patiggahana pativirato hoti. Ajelaka-patiggahana pativirato hoti. Kukkuta-sukara-patiggahana pativirato hoti. Hatthi-gavassa-valava-patiggahana pativirato hoti. Khetta-vatthu-patiggahana pativirato hoti. Duteyya-pahina-gamananuyoga pativirato hoti.

Kaya-vikkaya pativirato hoti. Tulakuta-{kamsakuta}-manakuta pativirato hoti. Ukkotana-vancana-nikati-saci-yoga pativirato hoti. Chedana-vadha-bandhana-viparamosaalopa-sahasakara pativirato hoti. Idam pi 'ssa hoti silasmim.

46. 'Yatha va pan' eke bhonto samana-brahmana saddha-deyyani bhojanani bhunjitva te evarupam bijagama-bhutagama-samarambham anuyutta viharanti -- seyyathidam {mula-bijam} khandha-bijam phalu-bijam agga-bijam {bijabijam} eva pancamam -- iti evarupa bijagama-bhutagamasamarambha {pativirato} hoti.

[page 065]

Idam pi 'ssa hoti silasmim.

47. 'Yatha va pan' eke bhonto samana-brahmana saddha-deyyani bhojanani bhunjitva te evarupam sannidhikara-paribhogam anuyutta viharanti -- seyyathidam annasannidhim pana-sannidhim vattha-sannidhim yana-sannidhim sayana-sannidhim gandha-sannidhim amisa-sannidhim -- iti va iti evarupa sannidhi-kara-paribhoga pativirato hoti. Idam pi 'ssa hoti silasmim.

48. "'Yatha va pan' eke bhonto samana-brahmana saddha-deyyani bhojanani {bhunjitva} te evarupam visukadassanam anuyutta viharanti -- seyyathidam naccam gitam vaditam pekkham akkhanam panissaram vetalam kumbha-thunam Sobha-nagarakam candalam vansam dhopanam hatthi-yuddham assa-yuddham mahisa-yuddham usabha-yuddham aja-yuddham mendaka-yuddham kukkuta-yuddham vattaka-yuddham dandayuddham mutthi-yuddham nibbuddham uyyodhikam balaggam sena-byuham anika-dassanam -- iti va iti evarupa visuka-dassana pativirato hoti. Idam pi 'ssa hoti silasmim.

49. 'Yatha va pan' eke bhonto samana-brahmana saddha-deyyani bhojanani bhunjitva te evarupam juta-pamadatthananuyogam anuyutta viharanti -- seyyathidam atthapadam dasa-padam akasam parihara-patham santikam khalikam ghatikam salaka-hattham akkham pangaciram vankakam mokkhacikam cingulikam pattalhakam rathakam dhanukam akkharikam manesikam yatha-vajjam -- iti va iti evarupa juta-pamada-tthananuyoga pativirato hoti. Idam pi 'ssa hoti silasmim.

50. 'Yatha va pan' eke bhonto samana-brahmana saddha-deyyani bhojanani bhunjitva te evarupam uccasayana-mahasayanam anuyutta viharanti -- seyyathidam asandim pallankam gonakam cittakam patikam patalikam tulikam vikatikam udda-lomim ekanta-lomim katthissam koseyyam kuttakam hatthattharam assattharam rathattharam ajinappavenim kadali-miga-pavara-paccattharanam sa-uttara-cchadam ubhato-lohitakupadhanam -- iti va iti evarupa uccasayana-mahasayana pativirato hoti.

[page 066]

Idam pi 'ssa hoti silasmim.

51. 'Yatha va pan' eke bhonto samana-brahmana {saddha-deyyani} bhojanani bhunjitva te evarupam mandana{vibhusana-tthananuyogam} anuyutta viharanti -- seyyathidam ucchadanam parimaddanam nahapanam sambahanam adasam anjanam mala-vilepanam mukha-cunnakam mukhalepanam hattha-bandham sikha-bandham dandakam nalikam khaggam chattam citrupahanam unhisam manim vala-vijanim odatani vatthani digha-dasani -- iti va iti evarupa mandana-vibhusana-tthananuyoga pativirato hoti. Idam pi 'ssa hoti silasmim.

52. 'Yatha va pan' eke bhonto samana-brahmana saddha-deyyani bhojanani bhunjitva te evarupam tiracchana-katham anuyutta viharanti -- seyyathidam rajakatham cora-katham mahamatta-katham sena-katham bhaya-katham yuddha-katham anna-katham pana-katham vattha-katham sayana-katham mala-katham gandhakatham nati-katham yana-katham gama-katham nigamakatham nagara-katham janapada-katham itthi-katham [purisa-katham] sura-katham visikha-katham kumbhatthanakatham pubba-peta-katham nanatta-katham lokakkhayikam {samudda-kkhayikam} itibhavabhava-katham -- iti va iti evarupaya tiracchana-kathaya pativirato hoti. Idam pi 'ssa hoti silasmim.

53. 'Yatha va pan' eke bhonto samana-brahmana saddha-deyyani bhojanani bhunjitva te evarupam viggahikakatham anuyutta viharanti -- seyyathidam: "Na tvam imam dhamma-vinayam ajanasi, aham imam dhamma-vinayam ajanami, kim tvam imam dhamma-vinayam ajanissasi? -Miccha-patipanno tvam asi, aham asmi samma-patipanno -- Sahitam me, asahitan te -- Pure vacaniyam paccha avaca, paccha vacaniyam pure avaca -- Avicinnan te viparavattam -- Aropito te vado, niggahito 'si -- Cara {vada-ppamokkhaya}, nibbethehi va sace pahositi" -- iti va iti evarupaya viggahikakathaya pativirato hoti. Idam pi 'ssa hoti silasmim.

54. 'Yatha va pan' eke bhonto samana-brahmana saddha-deyyani bhojanani bhunjitva te evarupam duteyyapahina-gamananuyogam anuyutta viharanti -- seyyathidam rannam raja-mahamattanam khattiyanam brahmananam gahapatikanam {kumaranam} -- 'Idha gaccha,

[page 067]

amutragaccha, idam hara, amutra idam aharati' -- iti va iti evarupa duteyya-pahina-gamananuyoga pativirato hoti. Idam pi 'ssa hoti silasmim.

55. 'Yatha va pan' eke bhonto samana-brahmana saddha-deyyani {bhojanani} bhunjitva te kuhaka ca honti lapaka ca nemittika ca nippesika ca labhena ca labham nijigimsitaro -- iti evarupa kuhana-lapana pativirato hoti.

Idam pi 'ssa hoti silasmim.

56. 'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchanavijjaya micchajivena jivikam kappenti -- seyyathidam angam nimittam uppadam supinam lakkhanam musikacchinnam aggi-homam dabbi-homam thusa-homam kana-homam tandula-homam sappi-homam tela-homam mukha-homam lohita-homam anga-vijja vatthu-vijja khatta-vijja sivavijja bhuta-vijja bhuri-vijja ahi-vijja visa-vijja vicchika-vijja musika-vijja sakuna-vijja vayasa-vijja pakkajjhanam saraparittanam miga-cakkam -- iti va iti evarupaya tiracchanavijjaya pativirato hoti. Idam pi 'ssa hoti silasmim.

57. 'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam mani-lakkhanam danda-lakkhanam vattha-lakkhanam asilakkhanam usu-lakkhanam dhanu-lakkhanam ayudhalakkhanam itthi-lakkhanam purisa-lakkhanam kumaralakkhanam kumari-lakkhanam dasa-lakkhanam dasi-lakkhanam hatthi-lakkhanam assa-lakkhanam mahisa-lakkhanam usabha-lakkhanam go-lakkhanam aja-lakkhanam menda-lakkhanam kukkuta-lakkhanam vattaka-lakkhanam godha-lakkhanam kannika-lakkhanam kacchapalakkhanam miga-lakkhanam -- iti va iti evarupaya tiracchana-vijjaya pativirato hoti. Idam pi 'ssa hoti silasmim.

58. 'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam "Rannam niyyanam bhavissati,

[page 068]

rannam aniyyanam bhavissati -- Abbhantaranam rannam upayanam bhavissati, bahiranam rannam apayanam bhavissati -- Bahiranam rannam upayanam bhavissati, abbhantaranam rannam apayanam bhavissati -- Abbhantaranam rannam jayo bhavissati, bahiranam rannam parajayo bhavissati -- Bahiranam rannam jayo bhavissati, abbhantaranam rannam parajayo bhavissati -- Iti imassa jayo bhavissati, imassa parajayo bhavissati" -- iti va iti evarupaya tiracchanavijjaya micchajiva pativirato hoti. Idam pi 'ssa hoti silasmim.

59. 'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam "Canda-ggaho bhavissati, suriya-ggaho bhavissati, nakkhatta-ggaho bhavissati. Candima-suriyanam patha-gamanam bhavissati, candima-suriyanam uppatha-gamanam bhavissati, nakkhattanam patha-gamanam bhavissati, nakkhattanam uppatha-gamanam bhavissati. Ukka-pato bhavissati. Disa-daho bhavissati. Bhumi-calo bhavissati.

Deva-dundubhi bhavissati. Candima-suriya-nakkhattanam uggamanam ogamanam samkilesam vodanam bhavissati. Evam-vipako canda-ggaho bhavissati, evamvipako suriya-ggaho bhavissati, evam-vipako nakkhattaggaho bhavissati, evam-vipako candima-suriyanam pathagamanam bhavissati, evam-vipako candima-suriyanam uppatha-gamanam bhavissati, evam-vipako nakkhattanam patha-gamanam bhavissati, evam-vipako nakkhattanam uppatha-gamanam bhavissati, evam-vipako ukkapato bhavissati, evam-vipako disa-daho bhavissati, evam-vipako bhumi-calo bhavissati, evam-vipako deva-dundubhi bhavissati, evam-vipakam candima-suriya-nakkhattanam uggamanam ogamanam samkilesam vodanam bhavissati" -- iti va iti evarupaya tiracchana-vijjaya micchajiva pativirato hoti. Idam pi 'ssa hoti silasmim.

60. 'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam:

[page 069]

"Subbutthika bhavissati, dubbutthika bhavissati, subhikkham bhavissati, dubbhikkham bhavissati, khemam bhavissati, bhayam bhavissati, rogo bhavissati, arogyam bhavissati," mudda, ganana, samkhanam, kaveyyam, lokayatam -- iti va iti evarupaya tiracchana-vijjaya micchajiva pativirato hoti. Idam pi 'ssa hoti silasmim.

61. 'Yatha va pan' eke bhonto samana-{brahmana} saddha-deyyani bhojanani bhunjitva te evarupaya tiracchanavijjaya micchajivena jivikam kappenti -- seyyathidam avahanam vivahanam samvadanam vivadanam samkiranam vikiranam subhaga-karanam dubbhaga-karanam viruddha-gabbha-karanam jivha-nittaddanam hanusamhananam hatthabhijappanam kanna-jappanam adasapanham kumari-panham deva-panham adiccupatthanam Mahat-upatthanam abbhujjalanam Sir' -avhayanam -- iti va evarupaya tiracchana-vijjaya micchajiva pativirato hoti. Idam pi 'ssa hoti silasmim.

62. 'Yatha va pan' eke bhonto samana-brahmana saddha-deyyani bhojanani bhunjitva te evarupaya tiracchana-vijjaya micchajivena jivikam kappenti -- seyyathidam santi-kammam panidhi-kammam bhuri-kammam [bhuti-kammam] vassa-kammam vossa-kammam vatthu-kammam vatthu-patikiranam acamanam nahapanam juhanam vamanam virecanam uddha-virecanam adho-virecanam sisa-virecanam kanna-telam nettatappanam natthu-kammam anjanam paccanjanam salakiyam sallakattikam daraka-tikiccha mula-bhesajjanam anuppadanam osadhinam patimokkho -- iti va iti evarupaya tiracchana-vijjaya micchajiva pativirato hoti.

Idam pi 'ssa hoti silasmim.

63. 'Sa kho so maha-raja bhikkhu evam sila-sampanno na kuto ci bhayam samanupassati yad idam sila-samvarato.

Seyyatha pi maha-raja khattiyo muddhavasitto nihitapaccamitto na kuto ci bhayam samanupassati yad idam paccatthikato,

[page 070]

evam eva kho maha-raja bhikkhu evam sila-sampanno na kuto ci bhayam samanupassati yad idam sila-samvarato. So imina ariyena silakkhandhena samannagato ajjhattam anavajja-sukham patisamvedeti. Evam kho maharaja bhikkhu sila-sampanno hoti.

64. 'Kathan ca maha-raja bhikkhu indriyesu guttadvaro hoti? Idha maha-raja bhikkhu cakkhuna rupam disva na nimittaggahi hoti nanuvyanjanaggahi. Yatvadhikaranam enam cakkhundriyam asamvutam viharantam abhijjha-domanassa papaka akusala dhamma anvassaveyyum tassa samvaraya patipajjati, rakkhati cakkhundriyam, cakkhundriye samvaram apajjati. Sotena saddam sutva ... pe ... ghanena gandham ghayitva ... pe ... jivhaya rasam sayitva ... pe ... kayena photthabbam phusitva ... pe ... manasa dhammam vinnaya na nimittaggahi hoti {nanuvyanjanaggahi}. Yatvadhikaranam enam manindriyam asamvutam viharantam {abhijjha}-domanassa papaka akusala dhamma anvassaveyyum tassa samvaraya patipajjati, rakkhati manindriyam, manindriye samvaram apajjati. So imina ariyena indriya{samvarena} samannagato ajjhattam avyaseka-sukham patisamvedeti. Evam kho maha-raja bhikkhu indriyesu gutta-dvaro hoti.

65. 'Kathan ca maha-raja bhikkhu sati-sampajannena samannagato hoti? Idha maha-raja bhikkhu abhikkante patikkante sampajana-kari hoti, alokite vilokite sampajanakari hoti, samminjite pasarite sampajana-kari hoti, samghati-patta-civara-dharane sampajana-kari hoti, asite {pite} khayite sayite sampajana-kari hoti, uccara-passava-kamme sampajana-kari hoti, gate thite nisinne sutte jagarite bhasite tunhi-bhave sampajana-kari hoti. Evam kho maha-raja bhikkhu sati-sampajannena samannagato hoti.

[page 071]

66. 'Kathan ca maha-raja bhikkhu santuttho hoti?

Idha maha-raja bhikkhu santuttho hoti kaya-pariharikena civarena kucchi-pariharikena pinda-patena, so yena yen' eva pakkamati samaday' eva pakkamati. Seyyatha pi maha-raja pakkhi sakuno yena yen' eva deti sa-patta-bharo va deti, evam eva maha-raja bhikkhu santuttho hoti kayapariharikena civarena kucchi-pariharikena pinda-patena, so yena yen' eva pakkamati samaday' eva pakkamati. Evam kho maha-raja bhikkhu santuttho hoti.

67. 'So imina ca ariyena sila-kkhandhena samannagato imina ca ariyena indriya-{samvarena} samannagato imina ca ariyena sati-sampajannena samannagato imaya ca ariyaya santutthiya samannagato vivittam senasanam bhajati, arannam rukkha-mulam pabbatam kandaram giri-guham susanam vana-pattham abbhokasam palala-punjam. So pacchabhattam pindapata-patikkanto nisidati pallankam abhujitva ujum kayam panidhaya parimukham satim upatthapetva.

68. 'So abhijjham loke pahaya vigatabhijjhena cetasa viharati, abhijjhaya cittam parisodheti. Vyapada-padosam pahaya avyapanna-citto viharati, sabba-pana-bhuta-hitanukampi vyapada-padosa cittam parisodheti. Thinamiddham pahaya vigata-thina-middho viharati, aloka-sanni sato sampajano thina-middha cittam parisodheti. Uddhacca-kukkuccam pahaya anuddhato viharati, ajjhattam vupasanta-citto uddhacca-kukkucca cittam parisodheti.

Vicikiccham pahaya tinna-vicikiccho viharati, akathamkathi kusalesu dhammesu vicikicchaya cittam parisodheti.

69. 'Seyyatha pi maha-raja puriso inam adaya kammante payojeyya, tassa te kammanta samijjheyyum, so yani ca poranani ina-mulani tani ca vyanti-kareyya, siya c' assa uttarim avasittham darabharanaya. Tassa evam assa: "Aham kho pubbe inam adaya kammante payojesim, tassa me te kammanta samijjhimsu,

[page 072]

so 'ham yani ca poranani ina-mulani tani ca vyanti-akasim, atthi ca me uttarim avasittham darabharanayati." So tato-nidanam labhetha pamujjam adhigacche somanassam.

70. 'Seyyatha pi maha-raja puriso abadhiko assa dukkhito balha-gilano bhattan c' assa {na cchadeyya,} na c' assa kaye balamatta. So aparena samayena tamha abadha mucceyya bhattan c' assa chadeyya siya c' assa kaye balamatta. Tassa evam assa: "Aham kho pubbe abadhiko ahosim dukkhito balha-gilano {bhattan} ca me {na cchadesi} na ca me asi kaye balamatta, so 'mhi etarahi tamha abadha mutto bhattan ca me chadeti, atthi ca kaye balamatta ti." So tato-nidanam labhetha pamujjam adhigacche somanassam.

71. 'Seyyatha pi maha-raja puriso bandhanagare baddho assa. So {aparena} samayena tamha bandhana mucceyya sotthina avyayena, na c' assa kin ci bhoganam vayo.

Tassa evam assa: "Aham kho pubbe bandhanagare baddho ahosim, so 'mhi etarahi tamha bandhana mutto sotthina avyayena, n' atthi ca me kin ci bhoganam vayo ti." So tato-nidanam labhetha pamujjam adhigacche somanassam.

72. 'Seyyatha pi maha-raja puriso daso assa anattadhino paradhino na yena kamam gamo. So aparena samayena tamha dasavya mucceyya attadhino aparadhino bhujisso yena kamam gamo. Tassa evam assa: "Aham kho pubbe daso ahosim anattadhino paradhino na yena kamam gamo, so 'mhi etarahi tamha dasavya mutto {attadhino} aparadhino bhujisso yena kamam gamo ti." So tato-nidanam labhetha pamujjam adhigacche somanassam.

[page 073]

73. 'Seyyatha pi maha-raja puriso sadhano sabhogo kantaraddhanamaggam {patipajjeyya} dubbhikkham sappatibhayam. So aparena samayena tam kantaram nitthareyya, sotthina gamantam anupapuneyya khemam appatibhayam. Tassa evam assa: "Aham kho pubbe sadhano sabhogo kantaraddhanamaggam patipajjim dubbhikkham sappatibhayam, so 'mhi etarahi tam kantaram nitthinno, sotthina gamantam anuppatto khemam appatibhayan" ti. So tato-nidanam labhetha pamujjam adhigacche somanassam.

74. 'Evam eva kho maha-raja bhikkhu yatha inam yatha rogam yatha bandhanagaram yatha dasavyam yatha kantaraddhanamaggam ime panca nivarane appahine attani samanupassati. Seyyatha pi maha-raja ananyam yatha arogyam yatha bandhana mokkham yatha bhujissam yatha khemanta-bhumim, evam eva kho maha-raja bhikkhu ime panca nivarane pahine attani samanupassati.

75. Tass' ime panca nivarane pahine attani samanupassato pamujjam jayati, pamuditassa piti jayati, piti-manassa kayo passambhati, passaddha-kayo sukham vedeti, sukhino cittam samadhiyati. So vivicc' eva kamehi vivicca akusalehi dhammehi savitakkam savicaram vivekajam piti-sukham pathamajjhanam upasampajja viharati. So imam eva kayam vivekajena piti-sukhena abhisandeti parisandeti paripureti parippharati, nassa kinci sabbavato kayassa vivekajena piti-sukhena apphutam hoti.

[page 074]

76. 'Seyyatha pi maha-raja dakkho nahapako va nahapakantevasi va {kamsa-thale} nahaniya-cunnani akiritva udakena paripphosakam paripphosakam sanneyya, sa 'ssa nahaniya-pindi snehanugata sneha-pareta santara-bahira {phuta} sinehena, na ca paggharani; evam eva kho maharaja bhikkhu imam eva kayam vivekajena piti-sukhena abhisandeti parisandeti paripureti parippharati, nassa kinci sabbavato kayassa vivekajena piti-sukhena apphutam hoti.

'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

77. 'Puna ca param maha-raja bhikkhu vitakka-vicaranam vupasama ajjhattam sampasadanam cetaso ekodibhavam avitakkam avicaram samadhijam piti-sukham {dutiyajjhanam} upasampajja viharati. So imam eva kayam samadhijena piti-sukhena abhisandeti parisandeti paripureti parippharati, nassa kinci sabbavato kayassa samadhijena piti-sukhena apphutam hoti.

78. 'Seyyatha pi maha-raja udaka-rahado ubbhidodako, tassa n' ev' assa puratthimaya disaya udakass' aya-mukham, na pacchimaya disaya udakass' aya-mukham, na uttaraya disaya udakass' ayamukham, na dakkhinaya disaya udakass' aya-mukham, devo ca kalena kalam samma dharam anupaveccheyya. Atha kho tamha udaka-rahada sita-vari-dhara {ubbhijjitva} tam eva udaka-rahadam sitena varina abhisandeyya parisandeyya paripureyya paripphareyya, nassa kinci sabbavato udaka-rahadassa sitena varina apphutam assa. Evam eva kho maha-raja bhikkhu imam eva kayam samadhijena piti-sukhena abhisandeti parisandeti paripureti parippharati,

[page 075]

nassa kinci sabbavato kayassa samadhijena piti-sukhena apphutam hoti.

'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

79. 'Puna ca param maha-raja bhikkhu pitiya ca viraga ca upekhako ca viharati sato ca sampajano, sukhan ca kayena patisamvedeti yan tam ariya acikkhanti: "upekhako satima sukha-vihari" ti tatiyajjhanam upasampajja viharati. So imam eva kayam nippitikena sukhena abhisandeti parisandeti paripureti parippharati, nassa kinci sabbavato kayassa nippitikena sukhena apphutam hoti.

80. 'Seyyatha pi maha-raja uppaliniyam paduminiyam pundarikiniyam app ekaccani uppalani va padumani va pundarikani va udake-jatani udake-samvaddhani udaka 'nuggatani anto-nimugga-posini, tani yava c' agga yava ca mula sitena varina abhisannani parisannani paripurani paripphutthani, nassa kinci sabbavatam uppalanam va padumanam va pundarikanam va sitena varina apphutam assa. Evam eva kho maha-raja bhikkhu imam eva kayam nippitikena sukhena abhisandeti parisandeti paripureti parippharati, nassa kinci sabbavato kayassa nippitikena sukhena apphutam hoti.

'Idam pi kho maha-raja, sanditthikam samanna-phalam purimehi sanditthikehi samanna-phalehi abhikkantataran ca panitataran ca.

81. 'Puna ca param maha-raja bhikkhu sukhassa ca pahana dukkhassa ca pahana pubb' eva somanassadomanassanam atthagama adukkham asukham upekhasati-parisuddhim catutthajjhanam upasampajja viharati.

So imam eva kayam parisuddhena cetasa pariyodatena pharitva nisinno hoti,

[page 076]

nassa kinci sabbavato kayassa parisuddhena cetasa pariyodatena apphutam hoti.

82. 'Seyyatha pi maha-raja puriso odatena vatthena sa-sisam parupitva nisinno assa, nassa kinci sabbavato kayassa odatena {vatthena} apphutam assa, evam eva kho maha-raja bhikkhu imam eva kayam parisuddhena cetasa {pariyodatena} pharitva nisinno hoti, nassa kinci sabbavato kayassa parisuddhena cetasa pariyodatena apphutam hoti.

'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

83. 'So evam samahite citte parisuddhe pariyodate anangane vigatupakkilese {mudu-bhute} kammaniye thite anejjappatte nana-dassanaya cittam abhiniharati abhininnameti. So evam pajanati: "Ayam kho me kayo rupi catum-maha-bhutiko mata-pettika-sambhavo odana-kummas-upacayo anicc-ucchadana-parimaddana-bhedana-vid{dhamsana}-dhammo, idan ca pana me vinnanam ettha sitam ettha patibaddhan ti." . 'Seyyatha pi maha-raja mani veluriyo subho jatima atthanso suparikamma-kato accho vippasanno anavilo sabbakara-sampanno, tatra suttam avutam nilam va pitam va lohitam va odatam va pandu-suttam va. Tam eva cakkhuma puriso hatthe karitva paccavekkheyya: "Ayam kho mani veluriyo subho jatima atthamso suparikamma-kato accho vippasanno anavilo sabbakara-sampanno, tatr' idam suttam avutam nilam va pitam va lohitam va odatam va pandu-suttam va ti." Evam eva kho maha-raja bhikkhu evam samahite citte parisuddhe pariyodate anangane vigatupakkilese mudu-bhute kammaniye thite anejjappatte nana{dassanaya} cittam abhiniharati abhininnameti. So evam pajanati; "Ayam kho me kayo rupi catum-maha-bhutiko mata-pettika-sambhavo odana-kummas-upacayo anicc' ucchadana-parimaddana-bhedana-{viddhamsana}-dhammo, idan ca pana me vinnanam ettha sitam ettha patibaddhan ti."

[page 077]

'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

85. 'So evam samahite citte parisuddhe pariyodate anangane vigatupakkilese mudu-bhute kammaniye thite anejjappatte mano-mayam kayam abhinimminaya cittam abhiniharati abhininnameti. So imamha kaya annam kayam abhinimminati rupim manomayam sabbanga-paccangim ahinindriyam.

86. 'Seyyatha pi maha-raja puriso munjamha isikam pavaheyya. Tassa evam assa: "Ayam munjo ayam isika, anno munjo {anna isika,} munjamha tv eva isika pavalha ti." Seyyatha pi pana maha-raja, puriso asi kosiya pavaheyya. Tassa evam assa: "Ayam asi ayam kosi, anno asi anno kosi, kosiya tv eva asi pavalho ti." Seyyatha pi pana maha-raja puriso ahim karanda uddhareyya. Tassa evam assa: "Ayam ahi ayam karando anno ahi anno karando, karanda tv eva ahi ubbhato" ti.

Evam eva kho maha-raja bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte manomayam kayam abhinimminaya cittam abhiniharati abhininnameti. So imamha kaya annam kayam abhinimminati rupim manomayam {sabbanga}-paccangim ahinindriyam.

'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

487. 'So evam samahite citte parisuddhe pariyodate anangane vigatupakkilese mudu-bhute kammaniye thite anejjappatte iddhi-vidhaya cittam abhiniharati abhininnameti.

[page 078]

So aneka-vihitam iddhi-vidham paccanubhoti -- eko pi hutva bahudha hoti, bahudha pi hutva eko hoti, avibhavam tiro-bhavam tiro-kuddam tiro-pakaram tiro-pabbatam asajjamano gacchati seyyatha pi akase, {pathaviya} pi ummujja-nimmujjam karoti seyyatha pi udake, udake pi abhijjamano gacchati seyyatha pi pathaviyam, akase pi pallankena kamati seyyatha pi pakkhi sakuno, ime pi candima-suriye evam mahiddhike evam mahanubhave panina parimasati parimajjati, yava Brahma-loka pi kayena va samvatteti.

88. 'Seyyatha pi maha-raja dakkho kumbha-karo va kumbhakarantevasi va {suparikamma-kataya} mattikaya yam yad eva bhajana-vikatim akankheyya tam tad eva kareyya abhinipphadeyya. Seyyatha pi pana maha-raja dakkho danta-karo va dantakarantevasi va {suparikamma-katasmim} dantasmim yam yad eva danta-vikatim akankheyya tam tad eva kareyya abhinipphadeyya -- seyyatha pi pana maharaja dakkho suvanna-karo va suvannakarantevasi va {suparikamma-katasmim} suvannasmim yam yad eva suvannavikatim akankheyya tam tad eva kareyya {abhinipphadeyya,} evam eva kho maha-raja bhikkhu evam samahite citte parisuddhe pariyodate anangane vigatupakkilese mudubhute kammaniye thite anejjappatte iddhi-vidhaya cittam abhiniharati abhininnameti. So aneka-vihitam iddhividham paccanubhoti -- eko pi hutva bahudha hoti, bahudha pi hutva eko hoti, avi-bhavam tiro-bhavam tiro-kuddam tiropakaram tiro-pabbatam asajjamano gacchati seyyatha pi akase, {pathaviya} pi ummujja-nimmujjam karoti seyyatha pi udake, udake pi abhijjamano gacchati seyyatha pi pathaviyam, akase pi pallankena kamati seyyatha pi pakkhi sakuno, ime pi candima-suriye evam mahiddhike evam mahanubhave panina parimasati parimajjati,

[page 079]

yava Brahmaloka pi kayena va samvatteti.

'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

89. 'So evam samahite citte parisuddhe pariyodate anangane vigatupakkilese mudu-bhute kammaniye thite anejjappatte dibbaya sota-dhatuya cittam abhiniharati abhininnameti. So dibbaya sotadhatuya visuddhaya atikkanta-manusikaya ubho sadde sunati, dibbe ca manuse ca, ye dure santike ca.

90. 'Seyyatha pi maha-raja puriso addhana-maggapatipanno so suneyya bheri-saddam pi mutinga-saddam pi sankha-panava-dendima-saddam pi. Tassa evam assa: "Bheri-saddo" iti pi, "mutinga-saddo" iti pi "sankha-panava-dendima-saddo" iti pi. Evam eva kho maha-raja bhikkhu evam samahite citte parisuddhe pariyodate {anangane} vigatupakkilese mudu-bhute kammaniye thite anejjappatte dibbaya sota-dhatuya cittam abhiniharati abhininnameti. So dibbaya sota-dhatuya visuddhaya atikkanta-manusikaya ubho sadde sunati, dibbe ca manuse ca, ye dure santike ca.

'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

91. 'So evam samahite citte parisuddhe pariyodate anangane vigatupakkilese mudu-bhute kammaniye thite anejjappatte ceto-{pariya-nanaya} cittam abhiniharati abhininnameti. So para-sattanam para-puggalanam cetasa ceto paricca pajanati --

sa-ragam va cittam sa-ragam cittan ti pajanati,
vita-ragam va cittam vita-ragam cittan ti pajanati,

[page 080]

sa-dosam va cittam sa-dosam cittan ti pajanati,
vita-dosam va cittam vita-dosam cittan ti pajanati,
sa-moham va cittam sa-moham cittan ti pajanati,
vita-moham va cittam vita-moham cittan ti pajanati,
samkhittam va cittam samkhittam cittan ti pajanati,
vikkhittam va cittam vikkhittam cittan ti pajanati,
mahaggatam va cittam mahaggatam cittan ti pajanati,
amahaggatam va cittam amahaggatam cittan ti pajanati,
sa-uttaram va cittam sa-uttaram cittan ti pajanati,
anuttaram va cittam anuttaram cittan ti pajanati,
samahitam va cittam samahitam cittan ti pajanati,
asamahitam va cittam asamahitam cittan ti pajanati,
vimuttam va cittam vimuttam cittan ti pajanati,
avimuttam va cittam {avimuttam} cittan ti pajanati.|| ||

92. 'Seyyatha pi maha-raja itthi va puriso va daharo va yuva mandana-jatiko adase va parisuddhe pariyodate acche va udaka-patte sakam mukha-nimittam paccavekkhamano sakanikam va sakanikan ti janeyya akanikam va akanikan ti janeyya, evam eva kho maha-raja bhikkhu evam samahite citte parisuddhe pariyodate anangane vigatupakkilese mudu-bhute kammaniye thite anejjappatte ceto-{pariya-nanaya} cittam abhiniharati abhininnameti. So para-sattanam para-puggalanam cetasa ceto paricca pajanati --

sa-ragam va cittam sa-ragam cittan ti pajanati,
vita-ragam va cittam vita-ragam cittan ti pajanati,
sa-dosam va cittam sa-dosam cittan ti pajanati,
vita-dosam va cittam vita-dosam cittan ti pajanati,
sa-moham va cittam sa-moham cittan ti pajanati,
vita-moham va cittam vita-moham cittan ti pajanati,
samkhittam va cittam samkhittam cittan ti
vikkhittam va cittam vikkhittam cittan ti pajanati,
mahaggatam va cittam mahaggatam cittan ti pajanati,
amahaggatam va cittam amahaggatam cittan ti pajanati,
sa-uttaram va cittam sa-uttaram cittan ti pajanati,

[page 081]

anuttaram va cittam anuttaram cittan ti pajanati,
samahitam va cittam samahitam cittan ti pajanati,
asamahitam va cittam asamahitam cittan ti pajanati,
vimuttam va cittam vimuttam cittan ti pajanati,
avimuttam va cittam avimuttam cittan ti pajanati,
'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

93. 'So evam samahite citte parisuddhe pariyodate anangane vigatupakkilese mudu-bhute kammaniye thite anejjappatte pubbe-nivasanussati-nanaya cittam abhiniharati abhininnameti. So aneka-vihitam pubbe-nivasam anussarati seyyathidam ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim pi jatiyo timsam pi jatiyo {cattarisam} pi jatiyo pannasam pi jatiyo jati-satam pi jati-sahassam pi jati-satasahassam pi aneke pi samvatta-kappe aneke pi vivatta-kappe aneke pi samvatta-vivatta-kappe. Amutrasim evamnamo evam-gotto evam-vanno evam-aharo evam-sukha{dukkha}-patisamvedi evam-ayu-pariyanto. So tato cuto amutra upapadim. Tatrapasim evam-namo evam-gotto evam-vanno evam-aharo evam-sukha-dukkha-patisamvedi evam-ayu-pariyanto. So tato cuto idhupapanno" ti iti sakaram sa-uddesam aneka-vihitam pubbe nivasam anussarati.

94. 'Seyyatha pi maha-raja puriso sakamha gama annam gamam gaccheyya, tamha pi gama annam gamam gaccheyya, tamha pi gama sakam yeva gamam {paccagaccheyya.} Tassa evam assa: "Aham kho sakamha gama amum gamam {aganchim}, tatra evam atthasim evam nisidim evam abhasim evam tunhi ahosim, tamha pi gama amum gamam {aganchim}, tatrapi evam atthasim evam nisidim evam abhasim evam tunhi ahosim, so 'mhi tamha gama sakam yeva gamam paccagato ti."

[page 082]

Evam eva kho maha-raja bhikkhu evam samahite citte parisuddhe pariyodate anangane vigatupakkilese mudu-bhute kammaniye thite anejjappatte pubbe-nivasanussati-nanaya cittam abhiniharati abhininnameti. So aneka-vihitam pubbenivasam anussarati -- seyyathidam ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim pi jatiyo timsam pi jatiyo {cattarisam} pi jatiyo pannasam pi jatiyo jati-satam pi jati-sahassam pi jati-sata-sahassam pi aneke pi samvatta-kappe aneke pi vivatta-kappe aneke pi samvatta-vivatta-kappe. Amutrasim evam-namo evam-gotto evam-vanno evam-aharo evamsukha-{dukkha}-patisamvedi evam-ayu-pariyanto. So tato cuto amutra upapadim. Tatrapasim evam-namo evam-gotto evam-vanno evam-aharo evam-sukha-dukkha-patisamvedi evam-ayu-pariyanto. So tato cuto idhupapanno" ti iti sakaram sa-uddesam aneka-vihitam pubbe nivasam anussarati.

'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

95. 'So evam samahite citte parisuddhe pariyodate anangane vigatupakkilese mudu-bhute kammaniye thite anejjappatte sattanam cutupapata-nanaya cittam abhiniharati abhininnameti. So dibbena cakkhuna visuddhena atikkanta-manusakena satte passati cavamane upapajjamane, hine panite suvanne dubbanne sugate duggate yatha-kammupage satte pajanati: "Ime vata bhonto satta kaya-duccaritena samannagata vaci-duccaritena samannagata mano-duccaritena samannagata ariyanam upavadaka miccha-ditthika miccha-ditthi-kamma-samadana. Te kayassa bheda param marana apayam duggatim vinipatam nirayam upapanna. Ime va pana bhonto satta kaya-sucaritena samannagata vaci-sucaritena samannagata mano-sucaritena samannagata ariyanam anupavadaka samma-{ditthika} samma-ditthi-kamma-samadana, te kayassa bheda param marana sugatim saggam lokam upapanna ti." Iti dibbena cakkhuna visuddhena atikkanta-manusakena satte passati cavamane upapajjamane,

[page 083]

hine panite suvanne dubbanne sugate duggate yatha-kammupage satte pajanati.

96. 'Seyyatha pi maha-raja majjhe singhatake pasado, tattha cakkhuma puriso thito passeyya manusse geham pavisante pi nikkhamante pi rathiya vithi sancarante pi majjhe pi singhatake nisinne. Tassa evam assa: "Ete manussa geham pavisanti ete nikkhamanti ete rathiya vithi sancaranti ete majjhe singhatake nisinna ti." Evam eva kho maha-raja bhikkhu evam samahite citte parisuddhe pariyodate anangane vigatupakkilese mudu-bhute kammaniye thite anejjappatte sattanam cutupapata-nanaya cittam abhiniharati abhininnameti. So dibbena cakkhuna visuddhena atikkanta-manusakena satte passati cavamane upapajjamane, hine panite suvanne dubbanne sugate duggate {yatha-}kammupage satte pajanati: "Ime vata bhonto satta kaya-duccaritena samannagata vaci-duccaritena samannagata mano-duccaritena samannagata ariyanam upavadaka miccha-ditthika miccha-ditthi-kamma-samadana. Te kayassa bheda param marana apayam duggatim vinipatam nirayam upapanna. Ime va pana bhonto satta kaya-sucaritena samannagata vaci-sucaritena samannagata mano-sucaritena samannagata ariyanam anupavadaka samma-{ditthika} samma-ditthi-kamma-samadana, te kayassa bheda param marana sugatim saggam lokam upapanna ti." Iti dibbena cakkhuna visuddhena atikkanta-manusakena satte passati cavamane upapajjamane, hine panite suvanne dubbanne sugate duggate yatha-kammupage satte pajanati.

'Idam pi kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca.

97. 'So evam samahite citte parisuddhe pariyodate anangane vigatupakkilese mudu-bhute kammaniye thite anejjappatte asavanam khaya-nanaya cittam abhiniharati abhininnameti. So "idam dukkhan" ti yatha-bhutam pajanati,

[page 084]

"ayam dukkha-samudayo" ti yatha-bhutam pajanati, "ayam dukkha-nirodho" ti yatha-bhutam pajanati, "ayam dukkha-nirodha-gamini patipada" ti yatha-bhutam pajanati, "ime asava" ti yatha-bhutam pajanati, "ayam asava-samudayo" ti yatha-bhutam pajanati, "ayam asava-nirodho" ti yatha-bhutam pajanati, "ayam asava-nirodha-gamini patipada" ti yatha-bhutam pajanati. Tassa evam janato evam passato kamasava pi cittam vimuccati bhavasava pi cittam vimuccati avijjasava pi cittam vimuccati, "Vimuttasmim vimuttam" iti nanam hoti, "Khina jati vusitam brahmacariyam katam karaniyam naparam itthattayati" pajanati.

98. 'Seyyatha pi maha-raja pabbata-samkhepe udakarahado accho vippasanno anavilo, tattha cakkhuma puriso tire thito passeyya sippi-sambukam pi sakkharakathalam pi maccha-gumbam pi carantam pi titthantam pi. Tassa evam assa: "Ayam kho udaka-rahado accho vippasanno anavilo, tatr' ime sippi-sambuka pi sakkhara-kathala pi maccha-gumba pi caranti pi titthanti piti." Evam eva kho maha-raja bhikkhu samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhiniharati abhininnameti. So imam dukkhan" ti yatha-bhutam pajanati, ayam {dukkha}-samudayo" ti yatha-bhutam pajanati, "ayam dukkha-nirodho" ti yatha-bhutam pajanati, ayam dukkha-nirodha-gamini patipada" ti yatha-bhutam pajanati, "ime asava" ti yathabhutam pajanati, "ayam asava-samudayo" ti yatha-bhutam pajanati, "ayam asava-nirodho" ti yatha-bhutam pajanati, "ayam asava-nirodha-gamini patipada" ti yathabhutam pajanati. Tassa evam janato evam passato kamasava pi cittam vimuccati bhavasava pi cittam vimuccati avijjasava pi cittam vimuccati, Vimuttasmim vimuttam" iti nanam hoti, "Khina jati vusitam brahmacariyam katam karaniyam naparam itthattayati" pajanati.

[page 085]

'Idam kho maha-raja sanditthikam samanna-phalam purimehi sanditthikehi samanna-phalehi abhikkantataran ca panitataran ca. Imamha maha-raja sanditthikehi samanna-phalehi annam sanditthikam samanna-phalam uttaritaram va panitataram va n' atthiti.'

99. Evam vutte raja Magadho Ajatasattu Vedehi-putto Bhagavantam etad avoca: 'Abhikkantam bhante, abhikkantam bhante. Seyyatha pi bhante nikkujjitam va ukkujjeyya paticchannam va vivareyya mulhassa va maggam acikkheyya andhakare va tela-pajjotam dhareyya: cakkhumanto rupani dakkhintiti, evam eva Bhagavata aneka-pariyayena dhammo pakasito. So aham bhante Bhagavantam saranam gacchami dhamman ca bhikkhusamghan ca, upasakam mam Bhagava dharetu ajjatagge panupetam saranam gatam. Accayo mam bhante accagama yatha-balam yatha-mulham yatha-akusalam, so 'ham pitaram dhammikam dhamma-rajanam issariyassa karana jivita voropesim. Tassa me bhante Bhagava accayam accayato patiganhatu ayatim samvarayati.'

100. 'Taggha tvam maha-raja accayo accagama yathabalam yatha-mulham yatha-akusalam, yam tvam pitaram dhammikam dhamma-rajanam jivita voropesi. Yato ca kho tvam maha-raja accayam accayato disva yatha dhammam patikarosi, tan te mayam patiganhama. Vuddhi h' esa maha-raja ariyassa vinaye, yo accayam accayato disva yatha dhammam patikaroti ayatim samvaram apajjatiti.'

101. Evam vutte raja Magadho Ajatasattu Vedehi-putto Bhagavantam etad avoca: 'Handa ca dani mayam bhante gacchama, bahu-kicca mayam bahu-karaniya ti.'

'Yassa dani tvam maha-raja kalam mannasiti.' Atha kho raja Magadho Ajatasattu Vedehi-putto Bhagavato bhasitam abhinanditva anumoditva utthay' asana Bhagavantam abhivadetva padakkhinam katva pakkami.

102. Atha kho Bhagava acira-pakkantassa ranno Magadhassa Ajatasattu-Vedehi-puttassa bhikkhu amantesi:

[page 086]

"Khatayam bhikkhave raja, upahatayam bhikkhave raja.

Sacayam bhikkhave raja pitaram dhammikam dhammarajanam jivita na voropessatha, imasmim yeva asane virajam vita-malam dhamma-cakkhum uppajjissathati.'

Idam avoca Bhagava, attamana te bhikkhu Bhagavato bhasitam abhinandun ti.

SAMANNA-PHALA-SUTTAM.

[page 087]

 


 

III. Ambattha Sutta

1.1. Evam me sutam. Ekam samayam Bhagava Kosalesu carikam caramano mahata bhikkhu-samghena saddhim panca-mattehi bhikkhu-satehi yena Icchanankalam nama Kosalanam brahmana-gamo tad avasari. Tatra sudam Bhagava Icchanankale viharati Icchanankala-vana-sande.

Tena kho pana samayena Brahmano Pokkharasadi Ukkattham ajjhavasati sattussadam satinakatthodakam sadhannam raja-bhoggam ranna Pasenadi-kosalena dinnam rajadayam brahma-deyyam.

2. Assosi kho Brahmano Pokkharasadi: 'Samano khalu bho Gotamo Sakya-putto Sakya-kula pabbajito Kosalesu carikam caramano mahata bhikkhu-samghena saddhim panca-mattehi bhikkhu-satehi Icchanankalam anuppatto Icchanankale viharati Icchanankala-vana-sande. Tam kho pana bhavantam Gotamam evam kalyano kittisaddo abbhuggato: "Iti pi so Bhagava araham samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho bhagava." So imam lokam {sadevakam} samarakam sabrahmakam sassamana-brahmanim pajam {sadeva-manussam} sayam abhinna sacchikatva pavedeti. So dhammam deseti adi-kalyanam majjhe kalyanam pariyosana-kalyanam sattham savyanjanam, kevala-paripunnam parisuddham brahmacariyam pakaseti.

[page 088]

Sadhu kho pana tatha-rupanam arahatam dassanam hotiti.'

3. Tena kho pana samayena brahmanassa Pokkharasadissa Ambattho manavo antevasi hoti ajjhayako mantadharo tinnam vedanam paragu sanighandu-ketubhanam {sakkhara-ppabhedanam} itihasa-pancamanam padako veyyakarano lokayata-mahapurisa-lakkhanesu anavayo anunnata-patinnato sake acariyake tevijjake pavacane: 'Yam aham janami tam tvam janasi, yam tvam janasi tam aham janamiti.'

4. Atha kho brahmano Pokkharasadi Ambattham manavam amantesi: 'Ayam tata Ambattha samano Gotamo Sakyaputto Sakya-kula pabbajito Kosalesu carikam caramano mahata bhikkhu-samghena saddhim panca-mattehi bhikkhu-satehi Icchanankalam anuppatto Icchanankale viharati Icchanankala-vana-sande. Tam kho pana bhavantam Gotamam evam kalyano kittisaddo abbhuggato: "Iti pi so Bhagava araham samma-sambuddho" ... pe ... brahmacariyam pakaseti. Sadhu kho pana tatha-rupanam arahatam dassanam hotiti. Ehi tvam tata Ambattha yena samano Gotamo ten' {upasamkama}, upasamkamitva samanam Gotamam janahi yadi va tam bhavantam Gotamam tatha santam yeva saddo abbhuggato yadi va no tatha, yadi va so bhavam Gotamo tadiso yadi va na tadiso.

Tatha mayam tam bhavantam Gotamam vedissamati.'

5. 'Yatha katham panaham bho tam bhavantam Gotamam janissami yadi va tam bhavantam Gotamam tatha santam yeva saddo abbhuggato yadi va no tatha, yadi va so bhavam Gotamo tadiso yadi va na tadiso ti?'

'Agatani kho tata Ambattha amhakam mantesu dvattimsa mahapurisa-lakkhanani yehi samannagatassa mahapurisassa dve gatiyo bhavanti ananna. Sace agaram ajjhavasati raja hoti cakkavatti dhammiko dhamma-raja caturanto vijitavi janapadatthavariyappatto satta-ratana-samannagato.

[page 089]

Tass' imani satta ratanani bhavanti: seyyathidam cakka-ratanam hatthi-ratanam assa-ratanam maniratanam itthi-ratanam gahapati-ratanam parinayakaratanam eva sattamam. Paro sahassam kho pan' assa putta bhavanti sura viranga-rupa parasenappamaddana.

So imam pathavim sagara-pariyantam adandena asatthena dhammena abhivijiya ajjhavasati. Sace kho pana agarasma anagariyam pabbajati araham hoti samma-sambuddho loke vivattacchaddo. Aham kho pana tata Ambattha mantanam data, tvam mantanam patiggaheta ti.'

6. 'Evam bho ti' kho Ambattho manavo brahmanassa Pokkharasadissa patissutva, utthay' asana brahmanam Pokkharasadim abhivadetva padakkhinam katva valavaratham aruyha sambahulehi manavakehi saddhim yena Icchanankala-vana-sando tena payasi. Yavatika yanassa bhumi yanena gantva yana paccorohitva pattiko va aramam pavisi.

7. Tena kho pana samayena sambahula bhikkhu abbhokase cankamanti. Atha kho Ambattho manavo yena te bhikkhu ten' upasamkami, upasamkamitva te bhikkhu etad avoca: 'Kaham nu kho bho etarahi so bhavam Gotamo viharati? tam hi mayam bhavantam Gotamam dassanaya idh' upasamkanta ti.'

8. Atha kho tesam bhikkhunam etad ahosi: 'Ayam kho Ambattho manavo abhinnata-kolanno c' eva abhinnatassa ca brahmanassa Pokkharasadissa antevasi. Agaru kho pana Bhagavato evarupehi kula-puttehi saddhim kathasallapo hotiti.' Te Ambattham manavam etad avocum: 'Eso Ambattha viharo samvuta-dvaro, tena appa-saddo upasamkamitva ataramano alindam pavisitva ukkasitva aggalam akotehi. Vivarissati te Bhagava dvaran ti.'

9. Atha kho Ambattho manavo yena so viharo samvuta-dvaro tena appa-saddo upasamkamitva ataramano alindam pavisitva ukkasitva aggalam akotesi. Vivari Bhagava dvaram, pavisi Ambattho manavo. Manavaka pi pavisitva Bhagavata saddhim sammodimsu sammodaniyam katham saraniyam vitisaretva ekamantam nisidimsu. Ambattho pana manavo cankamanto pi nisinnena Bhagavata kanci kanci katham saraniyam vitisareti,

[page 090]

thito pi nisinnena Bhagavata kanci kanci katham saraniyam vitisareti.

10. Atha kho Bhagava Ambattha-manavam etad avoca: 'Evam nu kho te Ambattha brahmanehi vuddhehi mahallakehi acariya-pacariyehi saddhim katha-sallapo hoti yathayidam caram tittham nisinnena maya kanci kanci katham saraniyam vitisaresiti?'

'No h' idam bho Gotama. Gacchanto va hi bho Gotama gacchantena brahmano brahmanena saddhim sallapitum arahati, thito va hi bho {Gotama} thitena brahmano brahmanena saddhim sallapitum arahati, nisinno va hi bho Gotama nisinnena brahmano brahmanena saddhim sallapitum arahati, sayano va hi bho Gotama sayanena brahmano brahmanena saddhim sallapitum arahati. Ye ca kho te bho Gotama mundaka samanaka ibbha kinha bandhupadapacca tehi pi me saddhim evam katha-sallapo hoti yathariva bhota Gotamenati.'

11. 'Atthikavato kho pana te Ambattha idh' agamanam ahosi, yay' eva kho pan' atthaya agaccheyyatho tam eva attham sadhukam manasikareyyatho. Avusitava yeva kho pana Ambattho manavo, vusitava-mani kim annatra avusitatta ti.'

12. Atha kho Ambattho manavo Bhagavata avusitavadena vuccamano kupito anattamano, Bhagavantam yeva khumsento Bhagavantam yeva vambhento Bhagavantam yeva upavadamano: 'Samano ca me bho Gotamo papiko bhavissatiti' Bhagavantam etad avoca: 'Canda bho Gotama Sakya-jati, pharusa bho Gotama Sakya-jati, lahusa bho Gotama Sakya-jati,

[page 091]

rabhasa bho Gotama Sakya-jati.

Ibbha santa ibbha samana na brahmane sakkaronti na brahmane garukaronti na brahmane {manenti} na brahmane pujenti na brahmane apacayanti. Tayidam bho Gotama {na cchannam} tayidam {na ppatirupam} yadime Sakya ibbha santa ibbha samana na brahmane sakkaronti na brahmane garukaronti na brahmane manenti na brahmane pujenti na brahmane apacayantiti.' Iti ha Ambattho manavo idam pathamam Sakkesu ibbha-vadam nipatesi.

13. 'Kim pana te Ambattha Sakya aparaddhun ti?'

'Ekam idaham bho Gotama samayam acariyassa brahmanassa Pokkharasatissa kenacid eva karaniyena {Kapilavatthum} agamasim, yena Sakkanam santhagaram ten' upasamkamim. Tena kho pana samayena sambahula Sakya c' eva Sakya-kumara ca santhagare uccesu asanesu nisinna honti annamannam anguli-patodakena sanjagghanta sankilanta, annadatthu mamam yeva manne va anojagghanta, na mam koci asanena pi nimantesi. Tayidam bho Gotama {na cchannam} tayidam {na ppatirupam} yad ime Sakya ibbha santa ibbha samana na brahmane sakkaronti na brahmane garukaronti na brahmane manenti na brahmane pujenti na brahmane apacayantiti.' Iti ha Ambattho manavo idam dutiyam Sakkesu ibbha-vadam nipatesi.

14. 'Latukika pi kho Ambattha sakunika sake kulavake kamalapini hoti. Sakam kho pan' etam Ambattha Sakyanam yad idam Kapilavatthum, na arahati yasma Ambattho imaya appamattaya abhisajjitun ti.'

15. 'Cattaro 'me bho Gotama vanna, khattiya brahmana vessa sudda. Imesam hi bho Gotama {catunnam} vannanam tayo vanna khattiya ca vessa ca sudda ca annadatthu brahmanass' eva paricaraka sampajjanti. Tayidam bho Gotama nacchannam tayidam {na ppatirupam} yad ime Sakya ibbha santa ibbha samana na brahmane sakkaronti na brahmane garukaronti na brahmane manenti na brahmane pujenti na brahmane apacayantiti.'

[page 092]

Iti ha Ambattho manavo idam tatiyam Sakkesu ibbha-vadam nipatesi.

16. Atha kho Bhagavato etad ahosi: 'Atibalham kho ayam Ambattho manavo Sakkesu ibbha-vadena nimmadeti. Yan nunaham gottam puccheyyan ti.' Atha Kho Bhagava Ambattham manavam etad avoca: 'Kathamgotto 'si Ambatthati?'

'Kanhayano 'ham asmi bho Gotamati.'

{'Poranam} kho pana te Ambattha matapettikam namagottam anussarato ayya-putta Sakya bhavanti, dasi-putto tvam asi Sakyanam. Sakya kho pan' Ambattha rajanam Okkakam pitamaham dahanti. Bhuta-pubbam Ambattha raja Okkako ya sa mahesi piya manapa tassa puttassa rajjam parinametukamo jettha-kumare ratthasma pabbajesi, Okkamukham Karandum Hatthiniyam Sinipuram. Te ratthasma pabbajita yattha Himavanta-passe pokkharaniya tire maha saka-sando tattha vasam kappesum.

Te jati-sambheda-bhaya sakahi bhaginihi saddhim {samvasam} kappesum.

'Atha kho Ambattha raja Okkako amacce parisajje amantesi: "Kaham nu kho bho etarahi kumara sammantiti?"

"'Atthi deva Himavanta-passe pokkharaniya tire maha saka-sando tatth' etarahi kumara sammanti. Te jatisambheda-bhaya sakahi bhaginihi saddhim {samvasam} kappentiti."

'Atha kho Ambattha raja Okkako udanam udanesi:

[page 093]

"Sakya vata bho kumara, parama-sakya vata bho kumara ti."

'Tadagge kho pana Ambattha Sakya pannayanti. So va Sakyanam pubba-puriso. Ranno kho pana Ambattha Okkakassa Disa nama dasi ahosi. Sa kanham janesi.

Jato Kanho paccabhasi: "Dhopetha mam amma, nahapetha mam amma, imasma mam amma asucisma parimocetha, atthaya vo bhavissamiti." Yatha kho pana Ambattha etarahi manussa pisace pisaca ti sanjananti, evam eva kho Ambattha tena samayena manussa pisace pi Kanha ti sanjananti. Te evam ahamsu: "Ayam sanjato paccabhasi. Kanho jato pisaco jato ti." Tadagge kho pana Ambattha Kanhayana pannayanti. So ca Kanhayananam pubba-puriso. Iti kho te Ambattha poranam matapettikam nama-gottam anussarato ayya-putta Sakya bhavanti, dasi-putto tvam asi Sakyanan ti.'

17. Evam vutte te manavaka Bhagavantam etadavocum: 'Ma bhavam Gotama Ambattham manavam atibalham dasi-putta-vadena nimmadesi, sujato ca bho Gotama Ambattho manavo, kula-putto ca Ambattho manavo, bahussutoca Ambattho manavo, kalyana-vakkarano ca Ambattho manavo, pandito ca Ambattho manavo, pahoti ca Ambattho manavo bhota Gotamena saddhim asmim vacane patimantetun ti.'

18. Atha kho Bhagava te manavake etad avoca: 'Sace kho tumhakam manavaka evam hoti, "Dujjato ca Ambattho manavo, akula-putto ca Ambattho manavo, appassuto ca Ambattho manavo,

[page 094]

akalyana-vakkarano ca Ambattho manavo, duppanno ca Ambattho manavo, na ca pahoti Ambattho manavo samanena Gotamena saddhim asmim vacane patimantetun ti," titthatu Ambattho manavo, tumhe maya saddhim asmim vacane mantavho. Sace pana tumhakam manavaka evam hoti: "Sujato ca Ambattho manavo, kula-putto ca Ambattho manavo, bahussuto ca Ambattho manavo, kalyana-vakkarano ca Ambattho manavo, pandito ca Ambattho manavo, pahoti ca Ambattho manavo samanena Gotamena saddhim vacane patimantetun ti," titthatha tumhe, Ambattho manavo maya saddhim mantetuti.'

19. 'Sujato ca bho Gotama Ambattho manavo, {kulaputto} ca Ambattho manavo, bahussuto ca Ambattho manavo, kalyana-vakkarano ca Ambattho manavo, pandito ca Ambattho manavo, pahoti ca Ambattho manavo samanena Gotamena saddhim asmim vacane patimantetum.

Tunhi mayam bhavissama. Ambattho manavo bhota Gotamena saddhim asmim vacane patimantetuti.'

20. Atha kho Bhagava Ambattham manavam etad avoca: 'Ayam kho pana te Ambattha sahadhammiko panho agacchati, akama vyakatabbo. Sace na vyakarissasi annena va annam paticarissasi, tunhi va bhavissasi, pakkamissasi va, etth' eva te sattadha muddha phalissati.

Tam kim mannasi Ambattha? Kin ti te sutam brahmananam vuddhanam mahallakanam acariya-pacariyanam bhasamananam, kuto pabhutika Kanhayana, ko ca Kanhayananam pubba-puriso ti?'

Evam vutte Ambattho manavo tunhi ahosi. Dutiyam pi kho Bhagava Ambattham manavam etad avoca: 'Tam kim mannasi Ambattha? Kin ti te sutam brahmananam vuddhanam mahallakanam ... pe ... ko ca Kanhayananam pubba-puriso ti?'

[page 095]

Dutiyam pi kho Ambattho manavo tunhi ahosi.

Atha kho Bhagava Ambattham manavam etad avoca: 'Vyakarohi idani Ambattha, na danite tunhi-bhavassa kalo.

Yo kho Ambattha Tathagatena yava tatiyakam sahadhammikam panham puttho na vyakaroti, etth' ev' assa sattadha muddha phalissatiti.'

21. Tena kho pana samayena vajirapani yakkho mahantam ayo-kutam adaya adittam sampajjalitam {sajoti-bhutam} Ambatthassa manavassa upari vehasatthito hoti: 'Sacayam Ambattho manavo Bhagavata yava tatiyakam sahadhammikam panham puttho na vyakarissati etth' ev' assa sattadha muddham phalessamiti.' Tam kho pana vajirapanim yakkham Bhagava c' eva passati Ambattho ca manavo. Atha kho Ambattho manavo tam disva bhito samviggo loma-hattha-jato Bhagavantam yeva tanam gavesi Bhagavantam yevalenam gavesi Bhagavantam yeva saranam gavesi upanisiditva Bhagavantam etad avoca: 'Kim etam bhavam {Gotamo} aha? Puna bhavam Gotamo brumetuti.'

'Tam kim mannasi Ambattha? Kin ti te sutam brahmananam vuddhanam mahallakanam acariya-pacariyanam bhasamananam, kuto-pabhutika Kanhayana, ko ca Kanhayananam pubba-puriso ti?'

'Evam eva me bho Gotama sutam yath' eva bhavam Gotamo aha, tato-pabhutika Kanhayana, so ca Kanhayananam pubba-puriso ti.'

22. Evam vutte manavaka unnadino ucca-sadda mahasadda ahesum: 'Dujjato kira bho Ambattho manavo, akula-putto kira bho Ambattho {manavo}, dasi-putto kira bho Ambattho manavo Sakyanam, ayya-putta kira bho Ambatthassa manavassa Sakya bhavanti. Dhamma-vadim yeva kira mayam samanam Gotamam apasadetabbam amannimhati.'

23. Atha kho Bhagavato etad ahosi: 'Atibalham kho ime manavaka Ambattham manavam dasi-putta-vadena nimmadenti,

[page 096]

yan nunaham parimoceyyan ti.' Atha kho Bhagava te manavake etad avoca: 'Ma kho tumhe manavaka Ambattham manavam atibalham dasi-putta-vadena nimmadetha. Ularo so Kanho isi ahosi. So dakkhinam janapadam gantva, brahme mante adhiyitva rajanam Okkakam upasamkamitva Khuddarupim dhitaram yaci. Tassa raja Okkako "ko {n'eva} rem' ayam dasi-putto samano Khuddarupim dhitaram yacatiti" kupito anattamano khurappam sannayhi. So tam khurappam n' eva asakkhi muncitum no patisamharitum. Atha kho manavaka amacca parisajja Kanham isim upasamkamitva etad avocum: "'Sotthi bhadante hotu ranno, sotthi bhadante hotu ranno ti."

"'Sotthi bhavissati ranno api ca raja yadi adho khurappam muncissati, yavata ranno vijitam ettavata pathavim udriyissatiti."

"'Sotthi bhadante hotu ranno, sotthi janapadassati."

"'Sotthi bhavissati ranno sotthi janapadassa, api ca raja yadi uddham khurappam muncissati, yavata ranno vijitam ettavata satta vassani devo na vassissatiti."

"'Sotthi bhadante hotu ranno, sotthi janapadassa, devo ca vassatuti."

"'Sotthi bhavissati ranno, sotthi janapadassa, devo ca vassissati, api ca raja jettha-kumare khurappam patitthapetu, sotthi kumaro pallomo bhavissatiti."

'Atha kho manavaka amacca {Okkakassa} arocesum: "Okkako jettha-kumare khurappam patitthapetu, sotthi kumaro pallomo bhavissatiti." Atha kho raja Okkako jetthakumare khurappam patitthapesi, sotthi kumaro pallomo sambhavi. Atha kho tassa raja Okkako bhito brahmadandena tajjito Khuddarupim dhitaram adasi.

[page 097]

Ma kho tumhe manavaka {Ambattham} manavam atibalham dasiputta-vadena nimmadetha. Ularo so Kanho isi ahositi.'

24. Atha kho Bhagava Ambattham manavam amantesi: 'Tam kim mannasi Ambattha? Idha khattiya-kumaro brahmana-kannaya saddhim samvasam kappeyya. Tesam samvasam anvaya putto jayetha. Yo so khattiya-kumarena brahmana-kannaya putto uppanno api nu so labhetha brahmanesu asanam va udakam va ti?'

'{Labhetha} bho Gotama.'

'Api nu nam brahmana {bhojeyyum} saddhe va thalipake va yanne va pahune va ti?'

"Bhojeyyum bho Gotama.'

'Api nu nam brahmana mante vaceyyum va no va ti?'

'Vaceyyum bho Gotama.'

'Api nu 'ssa itthisu avatam va assa anavatam va ti?'

'Anavatam hi' ssa bho Gotama.'

'Api nu nam khattiya khattiyabhisekena abhisinceyyun ti?'

'No h' etam bho Gotama.'

'Tam kissa hetu?'

'Matito hi bho Gotama anuppanno ti.'

25. 'Tam kim mannasi Ambattha? Idha brahmanakumaro khattiya-kannaya saddhim samvasam kappeyya.

Tesam samvasam anvaya putto jayetha. Yo so brahmanakumarena khattiya-kannaya putto uppanno api nu so labhetha brahmanesu asanam va udakam va ti?'

'Labhetha bho Gotama.'

'Api nu nam brahmana bhojeyyum saddhe va thalipake va yanne va pahune va ti?'

'Bhojeyyum bho Gotama.'

'Api nu nam brahmana mante vaceyyum va no va ti?'

'Vaceyyum bho Gotama.'

[page 098]

'Api nu 'ssa itthisu avatam va assa anavatam va ti?' 'Anavatam hi 'ssa bho Gotama.'

'Api nu khattiya khattiyabhisekena abhisinceyyunti?'

'No h' etam bho Gotama.'

'Tam kissa hetu?'

'Pitito hi bho Gotama anuppanno ti.'

26. 'Iti kho Ambattha itthiya va itthim karitva purisena va purisam karitva khattiya va settha hina brahmana. Tam kim mannasi Ambattha? Idha brahmana brahmanam kismicid eva pakarane khura-mundam karitva assa-putena vadhitva rattha va nagara va pabbajeyyum. Api nu so labhetha brahmanesu asanam va udakam va ti?'

'No h' idam bho Gotama.'

'Api nu nam brahmana bhojeyyum saddhe va thalipake va yanne va pahune va ti?'

'No h' idam bho Gotama.'

Api nu nam brahmana mante vaceyyum va no va ti?'

'No h' idam bho Gotama.'

'Api nu 'ssa itthisu avatam va assa anavatam va ti?'

'Avatam hi 'ssa bho Gotama.'

27. 'Tam kim mannasi Ambattha? Idha khattiya khattiyam kismicid eva pakarane khura-mundam karitva assa-putena vadhitva rattha va nagara va pabbajeyyum.

Api nu so {labhetha} brahmanesu asanam va udakam va ti?'

'{Labhetha} bho Gotama.'

'Api nu nam brahmana bhojeyyum saddhe va thalipake va yanne va pahune va ti?'

'Bhojeyyum bho Gotama.'

'Api nu nam brahmana mante vaceyyum va no va ti?'

'Vaceyyum bho Gotama.'

'Api nu 'ssa itthisu avatam va assa anavatam va ti?'

'{Anavatam} hi 'ssa bho Gotama.'

'Ettavata kho Ambattha khattiyo parama-nihinatam patto hoti yad eva nam khattiya khura-mundam karitva assa-putena vadhitva rattha va nagara va pabbajenti.

[page 099]

Iti kho Ambattha yada pi khattiyo parama-nihinatam patto hoti tada pi khattiya va settha hina brahmana.

28. 'Brahmuna pi esa Ambattha {Sanamkumarena} gatha bhasita:

Khattiyo settho jane tasmim ye gotta-patisarino.
{Vijja-carana}-sampanno so settho deva-manuse ti.

Sa kho pan' esa Ambattha brahmuna Sanam-kumarena gatha sugita na duggita subhasita na dubbhasita atthasamhitana anattha-samhita anumata maya pi. Aham pi Ambattha evam vadami:

Khattiyo settho {jane tasmim} ye gotta-patisarino
{Vijja-carana}-sampanno so settho deva-manuse ti.'

Bhanavaram Pathamam.

2.1. 'Katamam pana tam bho Gotama {caranam}, katama sa vijja ti?'

'Na kho Ambattha anuttaraya vijja-carana-sampadaya jati-vado va vuccati, gotta-vado va vuccati, mana-vado va vuccati: "Arahasi va mam tvam na va mam tvam arahasiti." Yattha kho Ambattha avaho va hoti vivaho va hoti avaha-{vivaho} va hoti etth' etam vuccati jati-vado iti pi, gotta-vado iti pi, mana-vado iti pi: "Arahasi va mam tvam na va mam tvam arahasiti." Ye hi keci Ambattha jati-vada-vinibandha va gotta-vada-vinibandha va mana-vada-vinibandha va avaha-vivaha-vinibandha va, araka te anuttaraya vijja-carana-sampadaya. Pahaya kho Ambattha jati-vada-vinibandhan ca gotta-vadavinibandhan ca mana-vada-vinibandhan ca avaha-vivahavinibandhan ca anuttaraya vijja-carana-sampadaya sacchikiriya hotiti.'

[page 100]

2. 'Katamam pana tam bho Gotama caranam, katama sa vijja ti?'

'Idha Ambattha Tathagato loke uppajjati araham sammasambuddho ... pe ... [yatha {Samanna-phalam} evam vittharetabbam] ... evam kho Ambattha bhikkhu silasampanno hoti.'

' ... pe ... pathamajjhanam upasampajja viharati.

Idam pi 'ssa hoti caranasmim.' ... pe ... catutthajjhanam upasampajja viharati. Idam pi 'ssa hoti caranasmim. Idam kho tam Ambattha caranam.

' ... pe ... nana-dassanaya cittam abhiniharati abhininnameti ... pe ... Idam pi 'ssa hoti vijjaya ... pe ... naparam itthattayati pajanati. Idam pi 'ssa hoti vijjaya. Ayam kho sa Ambattha vijja.

'Ayam vuccati Ambattha bhikkhu vijja-sampanno iti pi carana-sampanno iti pi vijja-carana-sampanno iti pi. Imaya ca Ambattha vijja-carana-sampadaya anna vijjasampada carana-sampada uttaritara va panitatara va n' atthi.

3. 'Imaya kho Ambattha anuttaraya vijja-caranasampadaya cattari apaya-mukhani bhavanti.

[page 101]

Katamani cattari? Idha Ambattha ekacco samano va brahmano va imam yeva anuttaram vijja-carana-sampadam anabhisambhunamano khari-vividham adaya aranne vanam ajjhogahati "pavatta-phala-bhojano {bhavissamiti}." So annadatthu vijja-carana-sampannass' eva paricarako sampajjati. Imaya kho Ambattha anuttaraya vijja-caranasampadaya idam pathamam apaya-mukham bhavati.

'Puna ca param Ambattha idh' ekacco samano va brahmano va iman ca anuttaram vijja-carana-sampadam anabhisambhunamano, pavattaphala-bhojanatan ca anabhisambhunamano, kuddala-{pitakam} adaya aranne vanam ajjhogahati "kandamulaphala-bhojano bhavissamiti." So annadatthu vijja-carana-sampannass' eva paricarako sampajjati. Imaya kho Ambattha anuttaraya vijja-caranasampadaya idam dutiyam apaya-mukham bhavati.

'Puna ca param Ambattha idh' ekacco samano va brahmano va imam c' eva anuttaram vijja-carana-sampadam anabhisambhunamano, pavattaphala-bhojanatan ca anabhisambhunamano, kandamulaphala-bhojanatan ca anabhisambhunamano, gama-samantam va nigamasamantam va agyagaram karitva aggim paricaranto acchati. So annadatthu vijja-carana-sampannass' eva paricarako sampajjati. Imaya kho Ambattha anuttaraya vijja-carana-sampadaya idam tatiyam apaya-mukham bhavati.

'Puna ca param Ambattha idh' ekacco samano va brahmano va iman c' eva anuttaram vijja-carana-sampadam anabhisambhunamano, pavattaphala-bhojanatan ca anabhisambhunamano, kandamulaphala-bhojanatan ca anabhisambhunamano, aggi-paricariyan ca anabhisambhunamano, catummahapathe catudvaram agaram karitva acchati:

[page 102]

"Yo imahi catuhi disahi agamissati samano va brahmano va tam aham yatha sattim yatha balam patipujessamiti." So annadatthu vijja-carana-sampannass' eva paricarako sampajjati. Imaya kho Ambattha anuttaraya vijja-carana-sampadaya idam catuttham apaya-mukham bhavati.

'Imaya kho Ambattha anuttaraya vijja-carana-sampadaya imani {cattari} apaya-mukhani bhavanti.

4. 'Tam kim mannasi Ambattha? Api nu tvam imaya anuttaraya vijja-carana-sampadaya sandissasi sacariyako ti?'

'No h' idam bho Gotama. Ko caham bho Gotama sacariyako, ka ca anuttara vijja-carana-sampada? Arako 'ham bho Gotama anuttaraya vijja-carana-sampadaya sacariyako ti.'

'Tam kim mannasi Ambattha? Api nu tvam iman c' eva anuttaram vijja-carana-sampadam anabhisambhunamano khari-vividham adaya aranne vanam ajjhogahasi "sacariyako pavatta-phala-bhojano bhavissamati?"'

'No h' idam bho Gotama.'

'Tam kim mannasi Ambattha? Api nu tvam iman c' eva anuttaram vijja-carana-sampadam anabhisambhunamano pavattaphala-bhojanatan ca anabhisambhunamano kuddala-pitakam adaya aranne vanam ajjhogahasi "sacariyako kandamulaphala-bhojano bhavissamati."'

'No h' idam bho Gotama.'

'Tam kim mannasi Ambattha? Api nu tvam imam c' eva anuttaram vijja-carana-sampadam anabhisambhunamano, pavattaphala-bhojanatan ca anabhisambhunamano, kandamulaphala-bhojanatan ca anabhisambhunamano, gama-samantam va nigama-samantam va agyagaram karitva aggim paricaranto acchasi sacariyako ti?'

[page 103]

'No h' idam bho Gotama.'

'Tam kim mannasi Ambattha? Api nu tvam iman c' eva anuttaram vijja-carana-sampadam anabhisambhunamano, pavattaphala-bhojanatan ca anabhisambhunamano, kandamulaphala-bhojanatan ca anabhisambhunamano, aggi-paricariyan ca anabhisambhunamano, catummahapathe catudvaram agaram karitva acchasi sacariyako: "Yo imahi catuhi disahi agamissati samano va brahmano va tam mayam yatha sattim yatha balam patipujessamati"?'

'No h' idam bho Gotama.'

5. 'Iti kho Ambattha imaya c' eva tvam anuttaraya vijja-carana-sampadaya parihinako sacariyako, ye c' ime anuttaraya vijja-carana-sampadaya cattari apaya-mukhani bhavanti tato c' asi parihino sacariyako, bhasita kho pana te esa Ambattha acariyena brahmanena Pokkharasatina vaca: "Ke ca mundaka samanaka ibbha kinha bandhupadapacca, ka ca tevijjanam brahmananam sakaccha" ti attana apayiko pi aparipuramano. Pass' Ambattha yava aparaddhan ca te idam acariyassa brahmanassa Pokkharasatissa.

6. 'Brahmano kho pan' Ambattha Pokkharasadi ranno Pasenadissa Kosalassa dattikam {bhunjati}. Tassa raja Pasenadi Kosalo sammukhi-bhavam pi na dadati. Yada pi tena manteti tiro dussan tena manteti. Yassa kho pan' Ambattha dhammikam payatam bhikkham patiganheyya, katham tassa raja Pasenadi Kosalo sammukhi-bhavam pi na dadeyya? Pass' Ambattha yava aparaddhan ca te idam acariyassa brahmanassa Pokkharasatissa.

7. 'Tam kim mannasi Ambattha? Idha raja Pasenadi Kosalo hatthi-givaya va nisinno assapitthe va nisinno rathupatthare va thito uggehi va {rajannehi} va kancid eva mantanam manteyya.

[page 104]

So tamha padesa apakkamma ekamante tittheyya atha agaccheyya suddo va sudda-daso va. So tasmim padese thito tad eva mantanam manteyya: "Evam pi raja Pasenadi Kosalo abhasi." Api nu so raja-bhanitam va bhanati, raja-mantanam va manteti, tavata so assa raja va raja-matto va ti?'

'No h' idam bho Gotama.'

8. 'Evam eva kho tvam Ambattha: "Ye te ahesum brahmananam pubbaka isayo mantanam kattaro mantanam pavattaro yesam idam etarahi brahmana {poranam} mantapadam gitam pavuttam samihitam tad anugayanti tad anubhasanti bhasitam anubhasanti vacitam anuvacenti -seyyathidam Atthako Vamako Vamadevo Vessamitto Yamataggi Angiraso Bharadvajo Vasettho Kassapo Bhagu -- tyaham mante adhiyami sacariyako" ti tavata tvam bhavissasi isi va isittaya va patipanno ti n' etam thanam vijjati.

9. 'Tam kim mannasi Ambattha? Kinti te sutam brahmananam vuddhanam mahallakanam acariya-pacariyanam bhasamananam? Ye te ahesum brahmananam pubbaka isayo mantanam kattaro mantanam pavattaro yesam idam etarahi brahmana poranam manta-padam gitam pavuttam samihitam tad anugayanti tad anubhasanti bhasitam anubhasanti vacitam anuvacenti -- seyyathidam Atthako Vamako {Vamadevo} Vessamitto Yamataggi Angiraso Bharadvajo Vasettho Kassapo Bhagu -- evam su te sunahata suvilitta kappita-kesa-massu amutta-malabharana odata-vattha-vasana pancahi kamagunehi samappita samangi-bhuta paricarenti seyyatha pi tvam etarahi sacariyako ti?'

[page 105]

'No h' idam bho Gotama.'

10. 'Evam su te salinam odanam vicita-kalakam anekasupam aneka-byanjanam paribhunjanti seyyatha pi tvam etarahi sacariyako ti?'

'No h' idam bho Gotama.'

' Evam su te vethaka-nata-passahi narihi paricarenti seyyatha pi tvam etarahi sacariyako ti?'

'No h' idam bho Gotama.'

' Evam su te kutta-valehi valava-ratheni dighahi patoda-latthihi vahane vitudanta vicaranti seyyatha pi tvam etarahi sacariyako ti?'

'No h' idam bho Gotama.'

' Evam su te ukkinna-parikhasu okkhitta-palighasu nagarupakarikasu dighasi-baddhehi purisehi rakkhapenti seyyatha pi tvam etarahi sacariyako ti?'

'No h' idam bho Gotama.'

' Iti kho Ambattha n' eva tvam isi na pana isittaya patipanno sacariyako. Yassa kho pana Ambattha mayi kankha va vimati va, so mam panhena, aham veyyakaranena sobhissamiti.'

11. Atha kho Bhagava vihara nikkhamma cankamam abbhutthasi. Ambattho pi manavo vihara nikkhamma cankamam abbhutthasi. Atha kho Ambattho manavo Bhagavantam cankamantam anucankamamano Bhagavato kaye dvattimsa mahapurisa-lakkhanani sammannesi. Addasa kho Ambattho manavo Bhagavato kaye dvattimsa mahapurisa-lakkhanani yebhuyyena thapetva dve.

[page 106]

Dvisu mahapurisa-lakkhanesu kankhati vicikicchati nadhimuccati na sampasidati, kosohite ca vattha-guyhe pahuta-jivhataya ca.

12. Atha kho Bhagavato etad ahosi: 'Passati kho me ayam Ambattho manavo dvattimsa mahapurisa-lakkhanani yebhuyyena thapetva dve. Dvisu mahapurisa-lakkhanesu kankhati vicikicchati nadhimuccati na sampasidati, kosohite ca vattha-guyhe pahuta-jivhataya cati.'

Atha kho Bhagava tatharupam iddhabhisamkharam abhisamkhasi yatha addasa Ambattho manavo Bhagavato kosohitam vattha-guyham. Atha kho Bhagava jivham ninnametva ubho pi kanna-sotani anumasi patimasi, ubho pi nasika-sotani anumasi patimasi, kevalam pi nalatamandalam jivhaya chadesi.

Atha kho Ambatthassa manavassa etad ahosi:-'Samannagato kho samano Gotamo dvattimsa mahapurisalakkhanehi paripunnehi no aparipunnehiti.' Bhagavantam etad avoca: 'Handa ca dani mayam bho Gotama gacchama, bahu-kicca mayam bahu-karaniya ti.'

'Yassa dani tvam Ambattha kalam mannasiti.'

Atha kho Ambattho {manavo} valava-ratham aruyha pakkami.

13. Tena kho pana samayena brahmano Pokkharasadi Ukkatthaya nikkhamitva mahata brahmana-ganena saddhim sake arame nisinno hoti, Ambattham yeva manavam patimanento. Atha kho Ambattho manavo yena sako aramo tena payasi. Yavatika yanassa bhumi yanena {gantva} yana paccorohitva pattiko va yena brahmano Pokkharasadi ten' upasamkami, upasamkamitva brahmanam Pokkharasadim abhivadetva ekamantam nisidi. Ekamantam nisinnam kho {Ambattham} manavam brahmano Pokkharasadi etad avoca:--

14. 'Kacci tata Ambattha addasa tam bhavantam Gotaman ti?'

'Addasama kho mayam bho tam bhavantam Gotaman ti.'

'Kacci tata Ambattha tam bhavantam Gotamam tathasantam yeva saddo abbhuggato,

[page 107]

no annatha? Kacci pana so bhavam Gotamo tadiso, no annadiso ti?'

'Tatha-santam yeva bho tam bhavantam Gotamam tatha saddo abbhuggato, no annatha. Tadiso ca bho so bhavam Gotamo, no annadiso. Samannagato ca bho so bhavam Gotamo dvattimsa mahapurisa-lakkhanehi paripunnehi no aparipunnehiti.'

'Ahu pana te tata Ambattha samanena Gotamena saddhim kocid eva katha-sallapo ti?'

'Ahu me bho samanena Gotamena saddhim kocid eva katha-sallapo ti.'

'Yatha katham pana te tata Ambattha ahu samanena Gotamena saddhim kocid eva katha-sallapo ti?'

Atha kho Ambattho manavo yavatako ahosi Bhagavata saddhim katha-sallapo tam sabbam brahmanassa Pokkharasadissa arocesi.

15. Evam vutte brahmano Pokkharasadi Ambattham manavam etad avoca: 'Aho vata re amhakam panditaka, aho vata re amhakam bahussutaka, aho vata re amhakam tevijjaka! Evarupena kira bho puriso atthacarakena kayassa bheda param marana apayam duggatim vinipatam nirayam uppajjeyya. Yad eva kho tvam Ambattha tam bhavantam Gotamam evam asajja asajja avacasi, atha kho so bhavam Gotamo amhehi pi evam upaniyya upaniyya avaca. Aho vata re amhakam panditaka, aho vata re amhakam bahussutaka, aho vata re amhakam tevijjaka ! Evarupena kira bho puriso atthacarakena kayassa bheda param marana apayam duggatim vinipatam nirayam uppajjeyyati.'

So kupito anattamano Ambattham manavam padasa yeva pavattesi, icchati ca tavad eva Bhagavantam dassanaya upasamkamitum.

[page 108]

16. Atha kho te brahmana brahmanam Pokkharasadim etad avocum: 'Ativikalo kho bho ajja samanam Gotamam dassanaya upasamkamitum, sve dani bhavam Pokkharasadi samanam Gotamam dassanaya upasamkamissatiti.'

Evam kho brahmano Pokkharasadi sake nivesane {panitam} khadaniyam bhojaniyam patiyadetva yanesu aropetva ukkasu dhariyamanasu Ukkatthaya niyyasi, yena Icchanankala-vana-sando tena payasi. Yavatika yanassa bhumi yanena gantva, yana paccorohitva pattiko va yena Bhagava ten' upasamkami. Upasamkamitva {Bhagavata} saddhim sammodi sammodaniyam katham saraniyam vitisaretva, ekamantam nisidi. Ekamantam nisinno kho brahmano Pokkharasadi Bhagavantam etad avoca:--

17. 'Agama nuvidha bho Gotama amhakam antevasi Ambattho manavo ti?'

'Agama kho te idha brahmana antevasi Ambattho manavo ti.'

'Ahu pana te bho Gotama Ambatthena manavena saddhim koci katha-sallapo ti?'

'Ahu kho me brahmana Ambatthena manavena saddhim kocid eva katha-sallapo ti.'

'Yatha katham pana te bho Gotama ahu Ambatthena manavena saddhim kocid eva katha-sallapo ti?'

Atha kho Bhagava yavatiko ahosi Ambatthena manavena saddhim katha-sallapo tam sabbam brahmanassa Pokkharasatissa arocesi.

Evam vutte brahmano Pokkharasati Bhagavantam etad avoca: 'Balo bho Gotama Ambattho manavo. Khamatam bhavam Gotamo Ambatthassa manavassati.'

'Sukhi hotu brahmana Ambattho manavo ti.'

[page 109]

18. Atha kho brahmano Pokkharasadi Bhagavato kaye dvattimsa mahapurisa-lakkhanani sammannesi. Addasa kho brahmano Pokkharasadi Bhagavato kaye dvattimsa mahapurisa-lakkhanani yebhuyyena thapetva dve. Dvisu mahapurisa-lakkhanesu kankhati vicikicchati nadhimuccati na sampasidati, kosohite ca vattha-guyhe pahuta-jivhataya ca.

19. Atha kho Bhagavato etad ahosi: 'Passati kho me ayam brahmano Pokkharasadi dvattimsa mahapurisalakkhanani yebhuyyena thapetva dve. Dvisu mahapurisalakkhanesu kankhati vicikicchati nadhimuccati na sampasidati kosohite ca vattha-guyhe pahuta-jivhataya cati.'

Atha kho Bhagava tatharupam iddhabhisamkharam abhisamkhasi yatha addasa brahmano Pokkharasadi Bhagavato kosohitam vattha-guyham. Atha kho Bhagava jivham ninnametva ubho pi kanna-sotani anumasi patimasi, ubho pi nasika-sotani anumasi patimasi, kevalam pi nalata-mandalam jivhaya chadesi.

Atha kho brahmanassa Pokkharasadissa etad ahosi: 'Samannagato bho samano Gotamo dvattimsa mahapurisalakkhanehi paripunnehi no aparipunnehiti.' Bhagavantam etad avoca: 'Adhivasetu me bhavam Gotamo ajjatanaya bhattam saddhim bhikkhu-samghenati.' Adhivasesi Bhagava tunhi-bhavena.

20. Atha kho brahmano Pokkharasadi Bhagavato adhivasanam viditva Bhagavato kalam arocesi: 'Kalo bho Gotama, nitthitam bhattan ti.' Atha kho Bhagava pubbanha-samayam nivasetva patta-civaram adaya saddhim bhikkhu-samghena yena brahmanassa Pokkharasadissa parivesana ten' upasamkami, upasamkamitva pannatte asane nisidi. Atha kho brahmano Pokkharasadi Bhagavantam panitena khadaniyena bhojaniyena sahattha santappesi sampavaresi, manavaka ca bhikkhu-samgham. Atha kho brahmano Pokkharasadi Bhagavantam bhuttavim onita-patta-panim annataram nicam asanam gahetva ekamantam nisidi.

21. Ekamantam nisinnassa kho brahmanassa Pokkharasadissa Bhagava anupubbikatham kathesi seyyathidam danakatham silakatham {sagga-katham,}

[page 110]

kamanam {adinavam} okaram samkilesam nekkhamme anisamsam pakasesi.

Yada Bhagava annasi brahmanam Pokkharasadim kallacittam mudu-cittam vinivarana-cittam udagga-cittam pasanna-cittam atha ya buddhanam samukkamsika dhamma-desana tam pakasesi: dukkham samudayam nirodham maggam. Seyyatha pi nama suddham vattham apagata-kalakam sammad eva rajanam patiganheyya, evam eva brahmanassa Pokkharasadissa tasmim yeva asane virajam vitamalam dhamma-cakkhum udapadi: "yam kinci samudaya-dhammam sabban tam nirodhadhamman ti."

22. Atha kho brahmano Pokkharasadi dittha-dhammo patta-dhammo vidita-dhammo pariyogalha-dhammo tinnavicikiccho vigata-kathamkatho {vesarajja-ppatto} aparapaccayo satthu sasane Bhagavantam etad avoca:--

'Abhikkantam bho Gotama, abhikkantam bho Gotama ! Seyyatha pi bho Gotama nikkujjitam va ukkujjeyya, paticchannam va vivareyya, mulhassa va maggam acikkheyya, andhakare va tela-{pajjotam} dhareyya "cakkhumanto rupani dakkhintiti," evam eva bhota Gotamena {aneka-pariyayena} dhammo pakasito. Esaham kho bho Gotama saputto sabhariyo sapariso samacco bhagavantam Gotamam saranam gacchami dhamman ca {bhikkhu-samghan} ca. Upasakam mam bhavam Gotamo dharetu ajjatagge panupetam saranam gatam. Yatha ca bhavam Gotamo Ukkatthayam annani upasaka-kulani upasamkamati, evam eva bhavam Gotamo Pokkharasadi-kulam upasamkamatu. Tattha ye te manavaka va {manavika} va bhagavantam Gotamam abhivadissanti va paccutthassanti va asanam va udakam va dassanti cittam va pasadessanti, tesam tam bhavissati digharattam hitaya sukhayati.'

'{Kalyanam} vuccati brahmanati.'

AMBATTHA-SUTTAM TATIYAM.

[page 111]

 


 

IV. Sonadanda Sutta

1. Evam me sutam. Ekam samayam Bhagava Angesu carikam caramano mahata bhikkhu-samghena saddhim panca-mattehi bhikkhu-satehi yena Campa tad avasari.

Tatra sudam Bhagava Campayam viharati Gaggaraya Pok{kharaniya} tire. Tena kho pana samayena Sonadando Brahmano Campam ajjhavasati sattussadam satinakatthodakam sadhannam raja-bhoggam ranna Magadhena Seniyena Bimbisarena dinnam raja-dayam brahma-deyyam.

2. Assosum kho Campeyyaka brahmana-gahapatika: 'Samano khalu bho Gotamo Sakya-putto Sakya-kula pabbajito Angesu carikam caramano mahata bhikkhusamghena saddhim panca-mattehi bhikkhu-satehi Campam anuppatto Campayam viharati Gaggaraya pokkharaniya tire. Tam kho pana Bhagavantam Gotamam evam kalyano kittisaddo abbhuggato: "Iti pi so Bhagava araham samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho bhagava." So imam lokam sadevakam samarakam sabrahmakam sassamana-brahmanim pajam {sadeva-manussam} sayam abhinna sacchikatva pavedeti. So dhammam deseti adi-kalyanam majjhe kalyanam pariyosana-kalyanam sattham {savyanjanam}, kevala-paripunnam parisuddham brahmacariyam pakaseti. Sadhu kho pana tatha-rupanam arahatam dassanam hotiti.'

[page 112]

Atha kho Campeyyaka brahmana-gahapatika Campayam nikkhamitva samgha samghi gani-bhuta yena Gaggara pokkharani ten' upasamkamanti.

3. Tena kho pana samayena Sonadando brahmano uparipasade diva-seyyam upagato hoti. Addasa kho Sonadando brahmano Campeyyake brahmana-gahapatike Campaya nikkhamitva samgha samghi gani-bhute yena Gaggara pokkharani ten' upasamkamante. Disva khattam amantesi:

'Kin nu kho bho khatte Campeyyaka brahmana-gahapatika Campaya nikkhamitva samgha samghi gani-bhuta yena Gaggara pokkharani ten' upasamkamantiti?'

'Atthi samano Gotamo Sakya-putto Sakya-kula pabbajito. Angesu carikam caramano mahata bhikkhu-samghena saddhim panca-mattehi bhikkhu-satehi Campam anuppatto {Campayam} viharati {Gaggaraya} pokkharaniya tire. Tam kho pana Bhagavantam Gotamam evam kalyano kittisaddo abbhuggato: "Iti pi so Bhagava araham sammasambuddho vijja-carana-sampanno sugato lokavidu anuttaro purisa-damma-sarathi sattha deva-manussanam buddho {bhagava} ti." Tam ete bhavantam Gotamam dassanaya upasamkamantiti.'

'Tena hi bho khatte yena Campeyyaka brahmana-gahapatika ten' upasamkama, {upasamkamitva} Campeyyake brahmana-gahapatike evam vadehi; Sonadando brahmano evam aha: "Agamentu kira bhavanto, Sonadando pi brahmano samanam Gotamam dassanaya upasamkamissatiti."'

'Evam bho' ti kho so khatta Sonadandassa brahmanassa patissutva yena Campeyyaka brahmana-gahapatika ten' upasamkami, upasamkamitva Campeyyake brahmana-gahapatike etad avoca:

[page 113]

'Sonadando bho brahmano evam aha: "Agamentu kira bhavanto, Sonadando pi brahmano samanam Gotamam dassanaya upasamkamissatiti."'

4. Tena kho pana samayena nana-verajjakanam brahmananam panca-mattani brahmana-satani Campayam pativasanti kenacid eva karaniyena. Assosum bho te brahmana: 'Sonadando kira brahmano samanam Gotamam dassanaya upasamkamissatiti.' Atha kho te brahmana yena Sonadando brahmano ten' upasamkamimsu, upasamkamitva Sonadandam brahmanam etad avocum:

"Saccam kira bhavam Sonadando samanam Gotamam dassanaya upasamkamissatiti?'

'Evam kho me bho hoti, aham pi samanam Gotamam dassanaya {upasamkamissamiti}.'

'Ma bhavam Sonadando samanam Gotamam dassanaya upasamkami, na arahati bhavam Sonadando samanam Gotamam dassanaya upasamkamitum. Sace bhavam Sonadando samanam Gotamam dassanaya upasamkamissati, bhoto Sonadandassa yaso hayissati, samanassa Gotamassa yaso abhivaddhissati. Yam pi bhoto Sonadandassa yaso hayissati samanassa Gotamassa yaso abhivaddhissati, imina p' angena na arahati bhavam Sonadando samanam Gotamam dassanaya upasamkamitum, samano tveva Gotamo arahati bhavantam Sonadandam dassanaya upasamkamitum. Bhavam hi Sonadando ubhato sujato matito ca pitito ca samsuddha-gahaniko yava sattama pitamaha-yuga akkhitto anupakkuttho jati-vadena. Yam pi bhavam Sonadando ubhato sujato matito ca pitito samsuddha-gahaniko yava sattama pitamaha-yuga akkhitto anupakkuttho jativadena, imina p' angena na arahati bhavam Sonadando samanam Gotamam dassanaya upasamkamitum, samano tveva Gotamo arahati bhavantam Sonadandam dassanaya upasamkamitum. Bhavam hi Sonadando addho mahaddhano mahabhogo ... pe ... Bhavam hi Sonadando ajjhayako mantadharo tinnam vedanam paragu sanighanduketubhanam sakkhara-ppabhedanam itihasa-pancamanam padako veyyakarano lokayata-mahapurisa-lakkhanesu anavayo.

[page 114]

Bhavam hi Sonadando abhirupo dassaniyo pasadiko paramaya vanna-pokkharataya samannagato brahma-vanni brahma-vaccasi akkhuddavakaso dassanaya. Bhavam hi Sonadando silava vuddha-sili vuddha-silena samannagato.

Bhavam hi Sonadando kalyana-vaco kalyana-{vakkarano} poriya vacaya samannagato vissatthaya anelagalaya atthassa vinnapaniya. Bhavam hi Sonadando bahunnam acariya-pacariyo tini manavaka-satani mante vaceti, bahu kho pana nana-disa nana-janapada manavaka agacchanti bhoto Sonadandassa santike mantatthika mante adhiyitukama. Bhavam hi Sonadando jinno vuddho mahallako addhagato vayo anuppatto, samano Gotamo taruno c' eva taruna-paribbajako ca. Bhavam hi Sonadando ranno Magadhassa Seniyassa Bimbisarassa sakkato garukato manito pujito apacito. Bhavam hi Sonadando brahmanassa Pokkharasadissa sakkato garukato manito pujito apacito.

Bhavam hi Sonadando Campam ajjhavasati sattussadam satinakatthodakam sadhannam raja-bhoggam ranna Magadhena Seniyena Bimbisarena dinnam raja-dayam brahma-deyyam. Yam pi bhavam Sonadando Campam ajjhavasati sattussadam satinakatthodakam sadhannam raja-bhoggam ranna Magadhena Seniyena Bimbisarena dinnam raja-dayam brahma-deyyam, imina p' angena na arahati bhavam Sonadando samanam Gotamam dassanaya upasamkamitum, samano tveva Gotamo arahati bhavantam Sonadandam dassanaya upasamkamitun ti.'

6. Evam vutte {Sonadando} brahmano te brahmane etad avoca:

[page 115]

'Tena hi bho mama pi sunatha, yatha mayam eva arahama tam bhavantam Gotamam dassanaya upasamkamitum, na tv' eva arahati so bhavam Gotamo amhakam dassanaya upasamkamitum. Samano khalu bho Gotamo ubhato sujato matito ca pitito ca samsuddha-gahaniko yava sattama pitamaha-yuga akkhitto anupakkuttho jati-vadena. Yam pi bho samano Gotamo ubhato sujato matito ca pitito ca samsuddha-gahaniko yava sattama pitamaha-yuga akkhitto anupakkuttho jati-vadena, imina p' angena na arahati so bhavam Gotamo amhakam dassanaya upasamkamitum, atha kho mayam eva arahama tam bhavantam Gotamam dassanaya upasamkamitum. Samano Gotamo mahantam nati-samgham ohaya pabbajito. Samano khalu bho Gotamo pahutam hiranna-suvannam ohaya pabbajito bhumi-gatan ca vehasatthan ca. Samano khalu bho Gotamo daharo va samano susukala-keso bhadrena yobbanena samannagato pathamena vayasa agarasma anagariyam pabbajito.

Samano khalu bho Gotamo akamakanam mata-pitunnam assu-mukhanam rudantanam kesa-massum oharetva kasayani vatthani acchadetva agarasma anagariyam pabbajito.

Samano khalu bho Gotamo abhirupo dassaniyo pasadiko paramaya vanna-pokkharataya samannagato brahma-vanni brahma-vaccasi akkhuddavakaso dassanaya. Samano khalu bho Gotamo silava ariya-sili kusala-sili kusala-silena samannagato. Samano khalu bho Gotamo kalyana-vaco kalyana-vakkarano poriya vacaya samannagato vissatthaya anelagalaya atthassa vinnapaniya. Samano khalu bho Gotamo bahunnam acariya-pacariyo. Samano khalu bho Gotamo khina-kama-rago vigata-capallo. Samano khalu bho Gotamo kamma-vadi kiriya-vadi apapa-purekkharo brahmannaya pajaya. Samano khalu bho Gotamo ucca kula pabbajito adinakkhattiya-kula. Samano khalu bho Gotamo addha-kula pabbajito mahaddhana maha-bhoga.

[page 116]

Samanam khalu bho Gotamam tiro rattha tiro janapada sampucchitum agacchanti. Samanam khalu bho Gotamam anekani devata-sahassani panehi saranam gatani. Samanam khalu bho Gotamam evam kalyano kittisaddo abbhuggato: "Iti pi so bhagava araham sammasambuddho vijjacarana-sampanno sugato loka-vidu anuttaro purisa-dammasarathi sattha deva-manussanam buddho bhagava ti." Samano khalu bho Gotamo dvattimsa-mahapurisa-lakkhanehi samannagato. Samano khalu bho Gotamo ehisagata-vadi sakhilo sammodako abbhakutiko uttanamukho pubba-bhasi. Samano khalu bho Gotamo catunnam parisanam sakkato garukato manito pujito apacito.

Samane khalu bho Gotame bahu deva manussa ca abhippasanna. Samano khalu bho Gotamo yasmim game va nigame va pativasati na tasmim game va nigame va amanussa manusse vihethenti. Samano khalu bho Gotamo samghi gani ganacariyo puthu-tittha-karanam aggam akkhayati. Yatha kho pana bho ekesam samana-brahmananam yatha va tatha va yaso samudagacchati na h' evam samanassa Gotamassa yaso samudagato, atha kho anuttaraya vijja-carana-sampadaya samanassa Gotamassa yaso samudagato. Samanam khalu bho Gotamam raja Magadho Seniyo Bimbisaro saputto sabhariyo sapariso samacco panehi saranam gato. Samanam khalu bho Gotamam raja Pasenadi Kosalo saputto sabhariyo sapariso samacco panehi saranam gato. Samanam khalu bho Gotamam brahmano Pokkharasadi saputto sabhariyo sapariso samacco panehi saranam gato. Samano khalu bho Gotamo ranno Magadhassa Seniyassa Bimbisarassa sakkato garukato manito pujito apacito. Samano khalu bho Gotamo ranno Pasenadi-Kosalassa sakkato garukato manito pujito apacito. Samano khalu bho Gotamo brahmanassa Pokkharasadissa sakkato garukato manito pujito apacito.

[page 117]

Samano khalu bho Gotamo Campam anuppatto Campayam viharati Gaggaraya pokkharaniya tire. Ye kho pana keci samana va brahmana va amhakam {gamakkhettam} agacchanti atithi no te honti. Atithi pi kho pan' amhehi sakkatabba garukatabba manetabba pujetabba apacetabba. Yam pi bho samano Gotamo Campam anuppatto Campayam viharati Gaggaraya pokkharaniya tire, atith' amhakam samano Gotamo. Atithi kho pan' amhehi sakkatabbo garukatabbo manetabbo pujetabbo apacetabbo. Imina p' angena na {arahati so} bhavam Gotamo amhakam dassanaya upasamkamitum, atha kho mayam eva arahama tam bhavantam Gotamam dassanaya upasamkamitum. Ettake kho aham bho tassa bhoto Gotamassa vanne pariyapunami, no ca kho so bhavam Gotamo ettaka-vanno, aparimanavanno hi so bhavam Gotamo ti.'

7. Evam vutte te brahmana Sonadandam brahmanam etad avocum: 'Yatha kho bhavam Sonadando samanassa Gotamassa vanne bhasati ito ce pi so bhavam Gotamo yojana-sate viharati alam eva saddhena kula-puttena dassanaya upasamkamitum api {putamsenapi}. Tena hi bho sabbe va samanam Gotamam dassanaya upasamkamissamati.'

Atha kho Sonadando brahmano mahata brahmanaganena saddhim yena Gaggara pokkharani ten' upasamkami.

8. Atha kho Sonadandassa brahmanassa tiro-vana-sandagatassa evam cetasa parivitakko udapadi:

'Aham ce va kho pana samanam Gotamam panham puccheyyam, tatra ce mam samano Gotamo evam vadeyya: "Na c' esa brahmana panho evam pucchitabbo, evam nam' esa brahmana panho pucchitabbo" ti tena mam ayam parisa paribhaveyya: "Balo Sonadando brahmano avyatto, nasakkhi samanam Gotamam yoniso panham pucchitun ti."

[page 118]

Yam kho panayam parisa paribhaveyya yaso pi tassa hayetha, yassa kho pana yaso hayetha bhoga pi tassa hayeyyum, yaso-laddha kho pan' amhakam bhoga. Mam ce va kho pana samano Gotamo panham puccheyya, tassa caham panhassa veyyakaranena cittam na aradheyyam. Tatra ce mam samano Gotamo evam vadeyya, "Na c' esa brahmana panho evam vyakatabbo, evam nam' esa brahmana panho vyakatabbo" ti tena mam ayam parisa paribhaveyya: "Balo Sonadando brahmano avyatto, nasakkhi samanassa Gotamassa panhassa veyyakaranena cittam aradhetun ti." Yam kho panayam parisa paribhaveyya yaso pi tassa hayetha, yassa kho pana yaso hayetha bhoga pi tassa hayeyyum, yaso-laddha kho pan' amhakam bhoga. Aham ce va kho pana evam samipa-gato samano adisva samanam Gotamam nivatteyyam tena mam ayam parisa paribhaveyya: "Balo Sonadando brahmano avyatto manatthaddho bhito ca, no visahi samanam Gotamam dassanaya upasamkamitum, katham hi nama evam samipa-gato samano adisva samanam Gotamam nivattissatiti?" Yam kho panayam parisa paribhaveyya yaso pi tassa hayetha, yassa kho pana yaso hayetha bhoga pi tassa hayeyyum, yaso-laddha kho pan' amhakam bhoga ti.'

9. Atha kho Sonadando brahmano yena Bhagava ten' upasamkami, upasamkamitva Bhagavata saddhim sammodi sammodaniyam katham saraniyam vitisaretva ekamantam nisidi. Campeyyaka pi kho brahmana-gahapatika app ekacce Bhagavantam abhivadetva ekamantam nisidimsu, app ekacce Bhagavata saddhim sammodimsu sammodaniyam katham saraniyam vitisaretva ekamantam nisidimsu, app ekacce yena Bhagava ten' anjalim panametva ekamantam nisidimsu, app ekacce nama-gottam savetva ekamantam nisidimsu, app ekacce tunhi-bhuta ekamantam nisidimsu.

[page 119]

10. Tatra pi sudam Sonadando brahmano bahulam anuvitakkento nisinno hoti:--

'Aham ce va kho pana samanam Gotamam panham puccheyyam, tatra ce mam samano Gotamo evam vadeyya: "Na c' esa brahmana panho evam pucchitabbo, evam nam' esa brahmana panho pucchitabbo" ti tena mam ayam parisa paribhaveyya: "Balo Sonadando brahmano avyatto, nasakkhi samanam Gotamam yoniso panham pucchitun ti." Yam kho panayam parisa paribhaveyya yaso pi tassa hayetha, yassa kho pana yaso hayetha bhoga pi tassa hayeyyum, yaso-laddha kho pan' amhakam bhoga. Mam ce va kho pana samano Gotamo panham puccheyya, tassa caham panhassa veyyakaranena cittam na aradheyyam, tatra ce mam samano Gotamo evam vadeyya: "Na c' esa brahmana panho evam vyakatabbo, evam nam' esa brahmana panho vyakatabbo" ti tena mam ayam parisa paribhaveyya: "Balo Sonadando brahmano avyatto, nasakkhi samanassa Gotamassa panhassa veyyakaranena cittam aradhetun ti." Yam kho panayam parisa paribhaveyya yaso pi tassa hayetha, yassa pana yaso hayetha bhoga pi tassa hayeyyum, yaso-laddha kho pan' amhakam bhoga.

Aho vata mam samano Gotamo sake acariyake tevijjake panham puccheyya. Addha vat' assaham cittam aradheyyam panhassa veyyakaranenati!

11. Atha kho Bhagavato Sonadandassa brahmanassa cetasa ceto-parivitakkam annaya etad ahosi: 'Vihannati kho ayam Sonadando brahmano sakena cittena. Yan nunaham Sonadandam brahmanam sake acariyake tevijjake panham puccheyyan ti.'

Atha kho Bhagava Sonadandam brahmanam etad avoca: 'Katihi pana brahmana angehi samannagatam brahmana brahmanam pannapenti, 'Brahmano 'smiti' ca vadamano samma vadeyya na ca pana musa-vadam apajjeyyati?'

12. Atha kho Sonadandassa brahmanassa etad ahosi:

[page 120]

'Yam vata no ahosi icchitam yam akankhitam yam adhippetam yam adhipatthitam -- "Aho vata mam samano Gotamo sake acariyake tevijjake panham puccheyya, addha vat' assaham cittam aradheyyam panhassa veyyakaranenati" -- tatra mam samano Gotamo sake acariyake tevijjake panham pucchati. Addha vat' assaham cittam aradhessami panhassa veyyakaranenati.'

13. Atha kho Sonadando brahmano abbhunnametva kayam anuviloketva parisam Bhagavantam etad avoca: 'Pancahi bho Gotama angehi samannagatam brahmana brahmanam pannapenti, 'Brahmano 'smiti' ca vadamano samma vadeyya na ca pana musa-vadam apajjeyya. Katamehi pancahi? Idha bho brahmano ubhato sujato hoti matito ca pitito ca samsuddha-gahaniko yava sattama pitamaha-yuga akkhitto anupakkuttho jati-vadena. Ajjhayako hoti manta-dharo tinnam vedanam paragu sanighanduketubhanam {sakkhara-ppabhedanam} itihasa-pancamanam padako veyyakarano lokayata-mahapurisa-lakkhanesu anavayo. Abhirupo hoti dassaniyo pasadiko paramaya vannapokkharataya samannagato brahma-vanni brahma-vaccasi {akkhuddavakaso} dassanaya. Silava hoti vuddha-sili vuddha-silena samannagato. Pandito ca hoti medhavi pathamo va dutiyo va sujam pagganhantanam. Imehi kho bho Gotama pancahi angehi samannagatam brahmana brahmanam pannapenti, 'Brahmano 'smiti' ca vadamano samma vadeyya na ca pana musa-vadam apajjeyyati.'

14. 'Imesam pana brahmana pancannam anganam sakka ekam angam thapayitva catuhi angehi samannagatam brahmanam pannapetum, 'Brahmano 'smiti' ca vadamano samma vadeyya na ca pana musa-vadam apajjeyyati?'

'Sakka bho Gotama. Imesam hi bho Gotama pancannam anganam vannam thapayama. Kim hi vanno karissati? Yato kho bho brahmano ubhato sujato hoti matito ca {pitito} ca samsuddha-gahaniko yava sattama pitamaha-yuga akkhitto anupakkuttho jati-vadena,

[page 121]

ajjhayako ca hoti manta-dharo tinnam vedanam paragu sanighandu-ketubhanam {sakkhara-ppabhedanam} itihasa-pancamanam padako veyyakarano lokayata-mahapurisa-lakkhanesu anavayo, silava ca hoti vuddha-sili vuddha-silena samannagato, pandito ca hoti medhavi pathamo va dutiyo va sujam pagganhantanam -- imehi kho bho Gotama catuh' angehi samannagatam brahmana brahmanam pannapenti, 'Brahmano 'smiti' ca vadamano samma vadeyya na ca pana musa-vadam apajjeyyati.'

15. 'Imesam pana brahmana catunnam anganam sakka ekam angam {thapayitva} tihi angehi samannagatam brahmanam pannapetum, "Brahmano 'smiti" ca vadamano samma vadeyya na ca pana musa-vadam apajjeyyati?'

'Sakka bho Gotama. Imesam hi bho Gotama catunnam anganam mante {thapayama}. Kim hi manta karissanti? Yato kho bho brahmano ubhato sujato hoti matito ca pitito ca samsuddha-gahaniko yava sattama pitamaha-yuga akkhitto anupakkuttho jati-vadena, silava ca hoti vuddhasili vuddha-silena samannagato, pandito ca hoti medhavi pathamo va dutiyo va sujam pagganhantanam -- imehi kho bho Gotama tih' angehi samannagatam brahmana brahmanam pannapenti, "Brahmano 'smiti" ca vadamano samma vadeyya na ca pana musa-vadam apajjeyyati.'

16. 'Imesam pana brahmana tinnam anganam sakka ekam angam {thapayitva} dvih' angehi samannagatam brahmanam pannapetum, "Brahmano 'smiti" ca vadamano samma vadeyya na ca pana musa-vadam apajjeyyati?'

'Sakka bho Gotama. Imesam hi bho Gotama tinnam anganam jatim {thapayama}. Kim hi jati karissati? Yato kho bho brahmano silava ca hoti vuddha-sili vuddhasilena samannagato, pandito ca hoti medhavi pathamo va dutiyo va sujam {pagganhantanam} -- imehi kho bho Gotama dvih' angehi samannagatam brahmana brahmanam pannapenti, "Brahmano 'smiti" ca vadamano samma vadeyya na ca pana musa-vadam apajjeyyati.'

[page 122]

17. Evam vutte te brahmana Sonadandam brahmanam etad avocum:

'Ma bhavam Sonadando evam avaca ! Ma bhavam {Sonadando} evam avaca ! Apavadat' eva bhavam {Sona-} dando vannam apavadati mante apavadati jatim, ekansena bhavam Sonadando samanass' eva Gotamassa vadam anupakkhandatiti.'

18. Atha kho Bhagava te {brahmane} etad avoca: 'Sace kho tumhakam brahmana evam hoti, "Appassuto ca Sonadando brahmano, akalyana-vakkarano ca Sonadando brahmano, duppanno ca Sonadando brahmano, na ca pahoti Sonadando brahmano samanena Gotamena saddhim asmim vacane patimantetun ti," titthatu Sonadando brahmano, tumhe maya saddhim mantavho. Sace pana tumhakam brahmana evam hoti: Bahussuto ca Sonadando brahmano, kalyana-vakkarano ca Sonadando brahmano, pandito ca Sonadando brahmano, pahoti ca Sonadando brahmano samanena Gotamena saddhim asmim vacane patimantetun ti," titthatha tumhe, Sonadando brahmano maya saddhim mantetuti.'

19. Evam vutte Sonadando brahmano Bhagavantam etad avoca: 'Titthatu bhavam Gotamo, tunhi bhavam Gotamo hotu, aham eva tesam saha dhammena pativacanam karissamiti.'

Atha kho Sonadando brahmano te brahmane etad avoca: 'Ma bhavanto evam avacuttha, ma bhavanto evam avacuttha -- "Apavadat' eva bhavam Sonadando vannam apavadati mante apavadati jatim, {ekamsena} bhavam Sonadando samanass' eva Gotamassa vadam anupakkhandatiti."

[page 123]

Naham bho apavadami vannam va mante va jatim va ti.'

20. Tena kho pana samayena Sonadandassa brahmanassa bhagineyyo Angako nama manavako tassam {parisayam} nisinno hoti. Atha kho Sonadando brahmano te brahmane etad avoca: 'Passanti no bhonto imam Angakam manavakam amhakam bhagineyyan ti.'

'Evam bho.'

'Angako kho bho manavako abhirupo dassaniyo pasadiko paramaya vanna-pokkharataya samannagato brahma-vanni brahma-vaccasi akkhuddavakaso dassanaya, nassa imissa parisaya samasamo atthi vannena {thapetva} {samanam} Gotamam. Angako kho bho manavako ajjhayako manta-dharo tinnam vedanam paragu sanighandu-ketubhanam {sakkhara-ppabhedanam} itihasa-pancamanam padako veyyakarano lokayata-mahapurisa-lakkhanesu anavayo. Aham assa mante vaceta. Angako kho bho manavako ubhato sujato matito ca pitito ca samsuddhagahaniko yava sattama pitamaha-yuga akkhitto anupakkuttho jati-vadena. Aham assa mata-pitaro janami. Angako kho bho manavako panam pi haneyya adinnam pi adiyeyya paradaram pi gaccheyya musa pi bhaneyya majjam pi piveyya, ettha dani bho kim vanno karissati, kim mantam, kim jati? Yato kho bho brahmano silava ca hoti vuddha-sili vuddha-silena samannagato, pandito ca hoti medhavi pathamo va dutiyo va sujam pagganhantanam, imehi kho bho dvih' angehi samannagatam brahmana brahmanam pannapenti, "Brahmano 'smiti" ca vadamano samma vadeyya na ca pana musa-vadam apajjeyyati.'

21. 'Imesam pana brahmana dvinnam anganam sakka ekam angam {thapayitva} ekena angena samannagatam brahmanam pannapetum, "Brahmano 'smiti" ca vadamano samma vadeyya na ca pana musa-vadam apajjeyyati?'

[page 124]

'No h' idam bho Gotama. Sila-paridhota hi bho Gotama panna, {panna}-paridhotam silam, yattha silam tattha panna, yattha panna tattha silam, silavato panna pannavato silam, sila-{pannanan} ca pana lokasmim aggam akkhayati. Seyyatha pi bho Gotama hatthena va hattham dhopeyya, padena va padam dhopeyya, evam eva kho bho Gotama silaparidhota panna, panna-paridhotam silam, yattha silam tattha panna, yattha panna tattha silam, silavato panna pannavato silam, sila-{pannanan} ca pana lokasmim aggam akkhayatiti.'

22. 'Evam etam brahmana. Sila-paridhota hi brahmana panna, panna-paridhotam silam, yattha silam tattha panna, yattha panna tattha silam, silavato panna pannavato silam, sila-{pannanan} ca pana lokasmim aggam akkhayati. Katamam pana tam brahmana silam, katama sa panna ti?'

'Ettaka-parama va mayam bho Gotama etasmim atthe.

Sadhu vata bhavantam yeva bho Gotamam patibhatu etassa bhasitassa attho ti.'

23. 'Tena hi brahmana sunahi, sadhukam manasikarohi, bhasissamiti.'

'Evam bho' ti kho Sonadando brahmano Bhagavato paccassosi.

Bhagava etad avoca:

'Idha brahmana Tathagato loke uppajjati araham samma-sambuddho ... yatha Samanna-phale evam vittharetabbam] . . .. Evam kho brahmana bhikkhu silasampanno hoti. Idam pi kho tam brahmana silam.

' ... pe ... pathamajjhanam upasampajja viharati ... pe ... dutiyajjhanam ... pe ... tatiyajjhanam ... catutthajjhanam upasampajja viharati ... pe ... {nana}-dassanaya cittam abhiniharati abhininnameti ... pe ... idam pi 'ssa hoti pannaya ... pe ... naparam {itthattayati} pajanati. Idam pi 'ssa hoti pannaya. Ayam kho sa brahmana panna ti.'

24. Evam vutte Sonadando brahmano Bhagavantam etad avoca: 'Abhikkantam bho Gotama, abhikkantam bho Gotama.

[page 125]

Seyyatha pi bho Gotama nikkujjitam va ukkujjeyya, paticchannam va vivareyya, mulhassa va maggam acikkheyya, andhakare va tela-{pajjotam} dhareyya: "cakkhumanto rupani dakkhintiti," evam eva bhota Gotamena aneka-pariyayena dhammo pakasito. Esaham Bhagavantam Gotamam saranam gacchami dhamman ca bhikkhusamghan ca, upasakam mam bhavam Gotamo dharetu ajjatagge panupetam saranam gatam. Adhivasetu ca me bhavam Gotamo svatanaya bhattam saddhim bhikkhusamghenati.'

Adhivasesi Bhagava tunhi-bhavena. Atha kho {Sonadando} brahmano Bhagavato adhivasanam viditva utthay' asana Bhagavantam abhivadetva padakkhinam katva pakkami. Atha kho Sonadando brahmano tassa rattiya accayena sake nivesane panitam khadaniyam bhojaniyam patiyadapetva Bhagavato kalam arocapesi: 'Kalo bho Gotama, nitthitam bhattan ti.'

25 Atha kho Bhagava pubbanha-samayam nivasetva patta-civaram adaya saddhim bhikkhu-samghena yena {Sonadandassa} brahmanassa nivesanam ten' upasamkami, upasamkamitva pannatte asane nisidi. Atha kho Sonadando brahmano Buddha-pamukham bhikkhu-samgham panitena khadaniyena bhojaniyena sahattha santappesi sampavaresi.

Atha kho Sonadando brahmano Bhagavantam bhuttavim onita-patta-panim annataram nicam asanam gahetva ekamantam nisidi. Ekamantam nisinno kho Sonadando brahmano Bhagavantam etad avoca:

26. 'Ahan ce va kho pana bho Gotama parisa-gato samano asana vutthahitva Bhagavantam Gotamam abhivadeyyam, tena mam sa parisa paribhaveyya. Yam kho pana sa parisa paribhaveyya yaso pi tassa hayetha, yassa kho pana yaso hayetha bhoga pi tassa hayeyyum, yasoladdha kho pan' amhakam bhoga. Ahan ce va kho pana bho Gotama parisa-gato samano anjalim pagganheyyam, asana me tam bhavam Gotamo paccutthanam dharetu. Ahan ce va kho pana bho Gotama parisa-gato samano vethanam omunceyyam,

[page 126]

sirasa me tam bhavam Gotamo abhivadanam dharetu. -- Ahan ce va kho pana bho Gotama yana-gato samano yana paccorohitva Bhagavantam Gotamam abhivadeyyam, tena mam sa parisa paribhaveyya. Yam kho pana sa parisa paribhaveyya, yaso pi tassa hayetha, yassa kho pana yaso hayetha bhoga pi tassa hayeyyum, yasoladdha kho pan' {amhakam} bhoga. Ahan ce va kho pana bho Gotama yana-gato samano patoda-latthim {abbhunnameyyam}, yana me tam bhavam Gotamo paccorohanam dharetu. Ahan ce va kho pana bho Gotama yanagato samano hattham apanameyyam, sirasa me tam bhavam Gotamo abhivadanam dharetuti.'

27. Atha kho Bhagava Sonadandam brahmanam dhammiya kathaya sandassetva samadapetva samuttejetva sampahamsetva utthayasana pakkamiti.

SONADANDA-SUTTAM.

[page 127]

 


 

V. Kutadanta Sutta

1. Evam me sutam. Ekam samayam Bhagava Magadhesu carikam caramano mahata bhikkhu-samghena saddhim panca-mattehi bhikkhu-satehi yena Khanumatam nama Magadhanam Brahmana-gamo tad avasari. Tatra sudam Bhagava Khanumate viharati Ambalatthikayam.

Tena kho pana samayena Kutadanto brahmano Khanumatam ajjhavasati sattussadam satinakatthodakam sadhannam raja-bhoggam ranna Magadhena Seniyena Bimbisarena dinnam raja-dayam brahma-deyyam. Tena kho pana samayena Kutadantassa brahmanassa maha yanno upakkhato hoti, satta ca usabha-satani satta ca vacchatarasatani satta ca {vacchatari}-satani satta ca aja-satani satta ca urabbha-satani {thunupanitani} honti yannatthaya.

2. Assosum kho Khanumataka brahmana-gahapatika: 'Samano khalu bho Gotamo Sakya-putto Sakya-kula pabbajito Magadhesu carikam caramano mahata bhikkhu-samghena saddhim panca-mattehi bhikkhu-satehi Khanumatam anuppatto Khanumate viharati Ambalatthikayam. Tam kho pana Bhagavantam Gotamam evam kalyano kittisaddo abbhuggato: "Iti pi so Bhagava araham samma-{sambuddho} vijja-carana-sampanno sugato loka-vidu anuttaro purisadamma-sarathi sattha deva-manussanam buddho bhagava ti."

[page 128]

So imam lokam sadevakam samarakam sabrahmakam sassamana-brahmanim pajam {sadeva-manussam} sayam abhinna sacchikatva pavedeti. So dhammam deseti adikalyanam majjhe kalyanam pariyosana-kalyanam sattham savyanjanam, kevala-paripunnam parisuddham brahmacariyam pakaseti. {Sadhu} kho pana tatha-rupanam arahatam dassanam hotiti.' Atha kho Khanumataka {brahmana}gahapatika Khanumata nikkhamitva samgha samghi ganibhuta yena Ambalatthika ten' upasamkamanti.

3. Tena kho pana samayena Kutadanto brahmano uparipasade diva-seyyam upagato hoti. Addasa kho Kutadanto brahmano Khanumatake {brahmana}-gahapatike Khanumata nikkhamitva samgha samghi gani-bhute yena Ambalatthika ten' upasamkamante. Disva khattam amantesi:

'Kin nu kho bho khatte Khanumataka brahmana-gahapatika Khanumata nikkhamitva samgha samghi gani-bhuta yena Ambalatthika ten' upasamkamantiti?'

'Atthi kho bho samano Gotamo Sakya-putto Sakyakula pabbajito. Magadhesu carikam caramano mahata bhikkhu-samghena saddhim panca-mattehi bhikkhu-satehi Khanumatam anuppatto Khanumate viharati Ambalatthikayam. Tam kho pana Bhagavantam Gotamam evam kalyano kittisaddo abbhuggato: "Iti pi so Bhagava araham samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho bhagava ti." Tam ete Bhagavantam Gotamam dassanaya upasamkamantiti.'

4. Atha kho Kutadantassa brahmanassa etad ahosi: 'Sutam kho pana me tam: "Samano Gotamo tividhayanna-sampadam solasa-parikkharam janatiti." Na kho panaham janami tividha-yanna-sampadam solasa-parikkharam, icchami caham maha-yannam yajitum. Yan {nuna-} ham samanam Gotamam upasamkamitva tividha-yannasampadam solasa-parikkharam puccheyyan ti.'

[page 129]

Atha kho Kutadanto Brahmano tam khattam amantesi: 'Tena hi bho khatte yena Khanumataka brahmana-gahapatika ten' upasamkama, upasamkamitva Khanumatake brahmana-gahapatike evam vadehi: "Kutadanto bho brahmano evam aha: Agamentu kira bhavanto, Kutadanto pi brahmano samanam Gotamam dassanaya upasamkamissatiti."'

'Evam bho' ti kho so khatta Kutadantassa brahmanassa patissutva yena Khanumataka brahmana-gahapatika ten' upasamkami, upasamkamitva Khanumatake brahmanagahapatike etad avoca: 'Kutadanto bho brahmano evam aha: "Agamentu kira bhavanto, Kutadanto pi brahmano samanam Gotamam dassanaya upasamkamissatiti."'

5. Tena kho pana samayena anekani brahmana-satani Khanumate pativasanti: 'Kutadantassa brahmanassa maha-yannam anubhavissamati.' Assosum kho te brahmana: 'Kutadanto kira brahmano samanam Gotamam dassanaya upasamkamissatiti.' Atha kho te brahmana yena Kutadanto brahmano ten' upasamkamimsu, upasamkamitva Kutadantam brahmanam etad avocum:

'Saccam kira bhavam Kutadanto samanam Gotamam dassanaya upasamkamissatiti?'

'Evam kho me bho hoti, aham pi samanam Gotamam dassanaya upasamkamissamiti.'

6. 'Ma bhavam Kutadanto samanam Gotamam dassanaya upasamkami, na arahati bhavam Kutadanto samanam Gotamam dassanaya upasamkamitum. Sace bhavam Kutadanto samanam Gotamam dassanaya upasamkamissati, bhoto Kutadantassa yaso hayissati, samanassa Gotamassa yaso abhivaddhissati. Yam pi bhota Kutadantassa yaso hayissati, samanassa Gotamassa yaso abhivaddhissati, imina p' angena na arahati bhavam Kutadanto samanam Gotamam dassanaya upasamkamitum. Samano tveva Gotamo arahati bhavantam Kutadantam dassanaya upasankamitum.

[page 130]

Bhavam hi Kutadanto ubhato sujato matito ca pitito ca samsuddha-gahaniko yava sattama pitamahayuga akkhitto anupakkuttho jati-vadena. Yam pi bhavam Kutadanto ubhato sujato matito ca pitito ca samsuddhagahaniko yava sattama pitamaha-yuga akkhitto anupakkuttho jati-vadena, imina p' angena na arahati bhavam Kutadanto samanam Gotamam dassanaya upasamkamitum, samano tveva Gotamo arahati bhavantam Kutadantam dassanaya upasamkamitum. Bhavam hi Kutadanto addho mahaddhano maha-bhogo ... pe ... Bhavam hi Kutadanto ajjhayako manta-dharo tinnam vedanam paragu sanighanduketubhanam sakkhara-ppabhedanam itihasa-pancamanam padako veyyakarano lokayata-mahapurisa-lakkhanesu anavayo. Bhavam hi Kutadanto abhirupo dassaniyo pasadiko paramaya vanna-pokkharataya samannagato brahma-vanni brahma-vaccasi akkhuddavakaso dassanaya. Bhavam hi Kutadanto silava vuddha-sili vuddha-silena samannagato.

Bhavam hi Kutadanto kalyana-vaco kalyana-vakkarano poriya vacaya samannagato vissatthaya anelagalaya atthassa vinnapaniya. Bhavam hi Kutadanto bahunnam acariya-pacariyo tini manavaka-satani mante vaceti, bahu kho pana nana-disa nana-janapada manavaka agacchanti bhoto Kutadantassa santike mantatthika mante adhiyitukama. Bhavam hi Kutadanto jinno vuddho mahallako addhagato vayo anuppatto, samano Gotamo taruno c' eva taruna-paribbajako ca. Bhavam hi Kutadanto ranno Magadhassa Seniyassa Bimbisarassa sakkato garukato manito pujito apacito. Bhavam hi Kutadanto brahmanassa Pokkharasadissa sakkato garukato manito pujito apacito.

[page 131]

Bhavam hi Kutadanto Khanumatam ajjhavasati sattussadam satinakatthodakam sadhannam raja-bhoggam ranna Magadhena Seniyena Bimbisarena dinnam raja-dayam brahmadeyyam. Yam pi bhavam Kutadanto Khanumatam ajjhavasati sattussadam satinakatthodakam sadhannam rajabhoggam ranna Magadhena Seniyena Bimbisarena dinnam raja-dayam brahma-deyyam, imina p' angena na arahati bhavam Kutadanto samanam Gotamam dassanaya upasamkamitum, samano tveva Gotamo arahati bhavantam Kutadantam dassanaya upasamkamitun ti.'

7. Evam vutte Kutadanto brahmano te brahmane etad avoca:

'Tena hi bho mama pi sunatha, yatha mayam eva arahama tam bhavantam Gotamam dassanaya upasamkamitum, na tveva arahati so bhavam Gotamo amhakam dassanaya upasamkamitum. Samano khalu bho Gotamo ubhato sujato matito ca pitito ca samsuddha-gahaniko yava sattama pitamaha-yuga akkhitto anupakkuttho {jati}-vadena.

Yam pi bho samano {Gotamo} ubhato sujato matito ca pitito ca samsuddha-gahaniko yava sattama pitamaha-yuga akkhitto anupakkuttho jati-vadena, imina p' angena na arahati so bhavam Gotamo amhakam dassanaya upasamkamitum, atha kho mayam eva arahama tam bhavantam Gotamam dassanaya upasamkamitum. Samano khalu bho Gotamo mahantam nati-samgham ohaya pabbajito. Samano khalu bho Gotamo pahutam hiranna-suvannam ohaya pabbajito bhumi-gatan ca vehasatthan ca. Samano khalu bho Gotamo daharo va samano susukala-keso bhadrena yobbanena samannagato pathamena vayasa agarasma anagariyam pabbajito. Samano khalu bho Gotamo akamakanam matapitunnam assu-mukhanam rudantanam kesa-massum oharetva kasayani vatthani acchadetva agarasma anagariyam pabbajito. Samano khalu bho Gotamo abhirupo dassaniyo pasadiko paramaya vanna-pokkharataya samannagato brahma-vanni brahma-vaccasi akkhuddavakaso dassanaya.

[page 132]

Samano khalu bho Gotamo silava ariya-sili kusala-sili kusala-silena samannagato. Samano khalu bho Gotamo kalyana-vaco kalyana-vakkarano poriya vacaya samannagato vissatthaya anelagalaya atthassa vinnapaniya. Samano khalu bho Gotamo bahunnam acariyapacariyako. Samano khalu bho Gotamo khina-kama-rago vigata-capallo. Samano khalu bho Gotamo kamma-vadi kiriya-vadi apapa-purekkharo brahmannaya pajaya. Samano khalu bho Gotamo ucca kula pabbajito adinakkhattiyakula. Samano khalu bho Gotamo addha-kula pabbajito mahaddhana maha-bhoga. Samanam khalu bho Gotamam tiro rattha tiro janapada sampucchitum agacchanti. Samanam khalu bho Gotamam anekani devata-sahassani panehi saranam gatani. Samanam khalu bho Gotamam evam kalyano kittisaddo abbhuggato: "Iti pi so Bhagava araham samma-sambuddho vijja-carana-sampanno sugato loka-vidu anuttaro purisa-damma-sarathi sattha devamanussanam buddho bhagava ti." Samano khalu bho Gotamo dvattimsa mahapurisa-lakkhanehi samannagato.

Samano khalu bho Gotamo ehi-sagata-vadi sakhilo sammodako abbhakutiko uttana-mukho pubba-bhasi. Samano khalu bho Gotamo catunnam parisanam sakkato garukato manito pujito apacito. Samane khalu bho Gotame bahu deva ca manussa ca abhippasanna. Samano khalu bho Gotamo yasmim game va nigame va pativasati na tasmim game va nigame va amanussa manusse vihethenti. Samano khalu bho Gotamo samghi gani ganacariyo puthu-titthakaranam aggam akkhayati. Yatha kho pana bho ekesam samana-brahmananam yatha va tatha va yaso samudagacchati na h' eva samanassa Gotamassa yaso samudagato, atha kho anuttaraya vijja-carana-sampadaya samanassa Gotamassa yaso samudagato. Samanam khalu bho Gotamam raja Magadho Seniyo Bimbisaro saputto sabhariyo sapariso samacco panehi saranam gato.

[page 133]

Samanam khalu bho Gotamam raja Pasenadi Kosalo saputto sabhariyo sapariso samacco panehi saranam gato. Samanam khalu bho Gotamam brahmano Pokkharasadi saputto sabhariyo sapariso samacco panehi saranam gato. Samano khalu bho Gotamo ranno Magadhassa Seniyassa Bimbisarassa sakkato garukato manito pujito apacito. Samano khalu bho Gotamo ranno Pasenadissa Kosalassa sakkato garukato manito pujito apacito. Samano khalu bho Gotamo Brahmanassa Pokkharasadissa sakkato garukato manito pujito apacito. Samano khalu bho Gotamo Khanumatam anuppatto Khanumate viharati Ambalatthikayam. Ye kho pana keci samana va brahmana va amhakam gamakkhettam agacchanti atithi no te honti. Atithi kho pan' amhehi sakkatabba garukatabba manetabba pujetabba apacetabba.

Yam pi bho samano Gotamo Khanumatam anuppatto Khanumate viharati Ambalatthikayam atith' amhakam samano Gotamo. Atithi kho pan' amhehi sakkatabbo garukatabbo manetabbo pujetabbo apacetabbo. Imina p' angena na arahati so bhavam Gotamo amhakam dassanaya upasamkamitum, atha kho mayam eva arahama tam bhavantam Gotamam dassanaya upasamkamitum.

Ettake kho aham bho tassa bhoto Gotamassa vanne pariyapunami, no ca kho so bhavam Gotamo ettaka-vanno, aparimana-vanno hi so bhavam Gotamo ti.'

8. Evam vutte te brahmana Kutadantam brahmanam etad avocum: 'Yatha kho bhavam Kutadanto samanassa Gotamassa vanne bhasati ito ce pi so bhavam Gotamo yojana-sate viharati alam eva saddhena kula-puttena dassanaya upasamkamitum api {putamsenapi}. Tena hi bho sabbe va samanam Gotamam dassanaya upasamkamissamati.'

Atha kho Kutadanto brahmano mahata brahmanaganena saddhim yena Ambalatthika yena Bhagava ten' upasamkami, upasamkamitva Bhagavata saddhim sammodim sammodaniyam katham saraniyam vitisaretva ekamantam nisidi.

[page 134]

Khanumataka pi kho brahmana-gahapatika app ekacce Bhagavantam abhivadetva ekamantam nisidimsu, app ekacce Bhagavata saddhim sammodimsu sammodaniyam katham saraniyam vitisaretva ekamantam nisidimsu, {app} ekacce yena Bhagava ten' anjalim panametva ekamantam nisidimsu, app ekacce nama-gottam savetva ekamantam nisidimsu, app ekacce tunhi-bhuta ekamantam nisidimsu.

9. Ekamantam nisinno kho Kutadanto brahmano Bhagavantam etad avoca:

'Sutam me tam bho Gotama: "Samano Gotamo tividhayanna-sampadam solasa-parikkharam janatiti." Na kho panaham janami tividha-yanna-sampadam solasa-parikkharam, icchami caham maha-yannam yajitum. Sadhu me bhavam Gotamo tividha-yanna-sampadam solasa-parikkharam desetuti.' 'Tena hi brahmana sunohi, sadhukam manasi-karohi, bhasissamiti.'

'Evam bho ' ti kho Kutadanto brahmano Bhagavato paccassosi. Bhagava etad avoca:

10. 'Bhuta-pubbam brahmana raja Maha-vijito nama ahosi addho mahaddhano maha-bhogo pahuta-jatarupa-rajato pahuta-vittupakarano pahuta-dhana-dhanno paripunnakosa-kotthagaro. Atha kho brahmana ranno Maha-vijitassa {rahogatassa} {patisallinassa} evam cetaso parivitakko udapadi: "Adhigata kho me vipula manusaka bhoga, mahantam pathavi-mandalam abhivijiya ajjhavasami. Yan nunaham maha-yannam yajeyyam yam mama assa digharattam hitaya sukhayati." Atha kho brahmana raja Mahavijito purohitam brahmanam amantapetva etad avoca: "Idha mayham brahmana {rahogatassa} {patisallinassa} evam cetaso parivitakko udapadi: 'Adhigato me vipula manusaka bhoga,

[page 135]

mahantam pathavi-mandalam abhivijiya ajjhavasami. Yan nunaham maha-yannam yajeyyam, yam mama assa digha-rattam hitaya sukhayati.' Iccham' aham brahmana maha-yannam yajitum. Anusasatu mam bhavam yam mama assa digha-rattam hitaya sukhayati."

11. 'Evam vutte brahmana purohito brahmano rajanam Maha-vijitam etad avoca: "Bhoto kho ranno janapado sakantako sa-upapilo, gama-ghata pi dissanti [nigamaghata pi dissanti] nagara-ghata pi dissanti pantha-duhana pi dissanti. Bhavan ce kho pana raja evam sakantake janapade sa-upapile balim uddhareyya, akicca-kari assa tena bhavam raja. Siya kho pana bhoto ranno evam assa: 'Aham etam dassu-khilam vadhena va bandhena va janiya va garahaya va pabbajanaya va samuhanissamiti,' na kho pan' etassa dassu-khilassa evam samma samugghato hoti. Ye te hatavasesaka bhavissanti, te paccha {ranno} janapadam vihethessanti. Api ca kho idam samvidhanam agamma evam etassa dassu-khilassa samma {samugghato} hoti. Tena hi bhavam raja ye bhoto ranno janapade ussahanti kasi-gorakkhe tesam bhavam raja bijabhattam anuppadetu, ye bhoto ranno janapade ussahanti vanijjaya tesam bhavam raja pabhatam anuppadetu, ye bhoto ranno janapade ussahanti raja-porise tesam bhavam raja bhatta-vetanam pakappetu, te ca manussa sa-kammapasuta ranno janapadam na vihethessanti, maha ca ranno rasiko bhavissati, khematthita janapada akantaka anupapila, manussa ca muda modamana ure putte naccenta aparuta-ghara manne viharissantiti."

"'Evam bho" ti kho brahmana raja Maha-vijito purohitassa brahmanassa patissutva, ye ranno janapade ussahimsu kasi-{gorakkhe} tesam bhavam raja {Maha}-vijito bijabhattam anuppadesi,

[page 136]

ye ranno janapade ussahimsu vanijjaya tesam raja Maha-vijito pabhatam anuppadesi, ye ranno janapade ussahimsu raja-porise, tesam raja Maha-vijito bhatta-vetanam pakappesi, te ca manussa sa-kamma-pasuta ranno janapadam na vihethesum, maha ca ranno rasiko ahosi, khematthita janapada akantaka anupapila, manussa ca muda modamana ure putte naccenta aparuta-ghara manne viharimsu.

12. 'Atha kho brahmana raja Maha-vijito purohitam brahmanam amantapetva etad avoca: "Samuhato kho me bho dassu-khilo, bhoto samvidhanam agamma maha ca me rasiko khematthita janapada akantaka anupapila manussa ca muda modamana ure putte naccenta aparuta-ghara manne viharimsu. Iccham' aham brahmana mahayannam yajitum. Anusasatu mam bhavam yam mama assa digha-rattam hitaya sukhayati."

"'Tena hi bhavam raja ye bhoto ranno janapade khattiya anuyutta negama c' eva janapada ca te bhavam raja amantayatam: 'Iccham' aham bho maha-yannam yajitum, anujanantu me bhonto yam mama assa digha-rattam hitaya sukhayati.' Ye bhoto ranno janapade amacca parisajja negama c' eva janapada ca ... pe ... brahmana-mahasala negama c' eva janapada ca ... pe ... gahapati-necayika negama c' eva janapada ca, te bhavam raja amantayatam: 'Iccham' aham bho maha-yannam yajitum, anujanantu me bhavanto yam mama assa digharattam hitaya sukhayati."'

"'Evam bho" ti kho brahmana raja Maha-vijito purohitassa brahmanassa patissutva ye ranno janapade khattiya anuyutta negama c' eva janapada ca, te raja Maha-vijito amantesi:

[page 137]

"Iccham' aham bho maha-yannam yajitum, anujanantu me bhavanto yam mama assa digha-rattam hitaya sukhayati." "Yajatam bhavam raja yannam, yanna-kalo maha-rajati."

'Ye ranno janapade amacca parisajja negama c' eva janapada ca ... pe ... brahmana-mahasala negama c' eva janapada ca, gahapati-necayika negama c' eva janapada ca, te raja Maha-vijito amantesi: "Iccham' aham bho maha-yannam yajitum, anujanantu me bhavanto yam mama assa digha-rattam hitaya sukhayati." "Yajatam bhavam raja yannam, yanna-kalo maha-rajati."

'Iti 'me cattaro anumati-pakkha tass' eva yannassa parikkhara bhavanti.

13. 'Raja Maha-vijito atthangehi samannagato -Ubhato sujato matito ca pitito ca samsuddha-gahaniko yava sattama pitamaha-yuga akkhitto anupakkuttho jati-vadena -- Abhirupo {dassaniyo} pasadiko paramaya vanna-pokkharataya samannagato brahma-vanni brahma-vaccasi akkhuddavakaso dassanaya -- Addho {mahaddhano} mahabhogo pahuta-jatarupa-rajato pahuta-vittupakarano pahutadhana-dhanno paripunna-kosa-kotthagaro -- Balava caturanginiya senaya samannagato assavaya ovada-patikaraya patapati manne paccatthike yasasa -- Saddho dayako dana-pati anavata-dvaro samana-brahmana-kapaniddhika-vanibbaka-yacakanam opana-bhuto punnani karoti -- Bahussuto tassa tass' eva {suta-jatassa} -- Tassa tass' eva kho pana bhasitassa attham janati: "Ayam imassa bhasitassa attho, ayam imassa bhasitassa attho" ti -Pandito viyatto medhavi patibalo atitanagata-paccuppanne atthe cintetum. Raja Maha-vijito imehi atthangehi samannagato. Iti imani pi atthangani tass' eva yannassa parikkhara bhavanti.

[page 138]

14. Purohito brahmano catuh' angehi samannagato -Ubhato sujato matito ca pitito ca samsuddha-gahaniko yava sattama pitamaha-yuga akkhitto anupakkuttho jativadena -- Ajjhayako manta-dharo tinnam vedanam paragu sanighandu-ketubhanam sakkhara-ppabhedanam itihasapancamanam padako veyyakarano lokayata-mahapurisalakkhanesu anavayo -- Silava vuddha-sili vuddha-silena samannagato -- Pandito viyatto medhavi pathamo va dutiyo va sujam pagganhantanam. Purohito brahmano imehi catuh' angehi samannagato. Iti imani pi cattar' angani tass' eva yannassa parikkhara bhavanti.

15. 'Atha kho brahmana purohito brahmano ranno Maha-vijitassa pubbe va yanna tisso vidha desesi: "Siya kho pana bhoto ranno maha-yannam yitthu-kamassa kocid eva vippatisaro: 'Maha vata me bhogakkhandho vigacchissatiti,' so bhota ranna vippatisaro na karaniyo. Siya kho pana bhoto ranno maha-yannam yajamanassa kocid eva vippatisaro: "Maha vata me bhogakkhandho vigacchatiti," so bhota ranna vippatisaro na karaniyo. Siya kho pana bhoto ranno maha-yannam yitthassa kocid eva vippatisaro: "Maha vata me bhogakkhandho vigato" ti. so bhota ranna vippatisaro na karaniyo ti."

'Ima kho brahmana purohito brahmano ranno Mahavijitassa pubbe va yanna tisso vidha desesi.'

16. 'Atha kho brahmana purohito brahmano ranno Maha-vijitassa pubbe va yanna dasah' akarehi patiggahakesu vippatisaram pativinodetum: "Agamissanti kho bhoto yannam panatipatino pi panatipata pativirata. Ye tattha panatipatino tesam yeva tena, ye tattha panatipata pativirata te arabbha yajatam bhavam modatam bhavam cittam eva bhavam antaram pasadetu. Agamissanti kho bhoto yannam adinnadayino pi adinnadana pativirata ... pe ... kamesu micchacarino pi kamesu micchacara pativirata, musa-vadino pi musa-vada pativirata, {pisuna}vaca pi {pisuna}-vacaya pativirata, pharusa-vaca pi pharusavacaya pativirata, samphappalapino pi, samphappalapa pativirata,

[page 139]

abhijjhaluno pi anabhijjhaluno pi, vyapannacitta pi avyap anna-citta pi, miccha-ditthika pi sammaditthika pi. Ye tattha miccha-ditthika tesam yeva tena, ye tattha samma-ditthika te arabbha yajatam bhavam modatam bhavam cittam eva bhavam antaram pasadetuti." Imehi kho brahmana purohito brahmano ranno Mahavijitassa pubbe va yanna dasah' akarehi patiggahakesu vippatisaram pativinodesi.

17. 'Atha kho brahmana purohito brahmano ranno Maha-vijitassa maha-yannam yajamanassa solasehi akarehi cittam sandassesi samadapesi samuttejesi sampahamsesi.

"Siya kho pana bhoto ranno maha-yannam yajamanassa kocid eva vatta: 'Raja kho Maha-vijito maha-yannam yajati, no ca khvassa amantita khattiya anuyutta negama c' eva janapada ca atha ca pana bhavam raja evarupam maha-yannam yajatiti.' Evam pi bhoto ranno vatta dhammato n' atthi, bhoto kho pana ranno amantita khattiya anuyutta negama c' eva janapada ca, imina ca p' etam bhavam raja janatu: 'Yajatam bhavam modatam bhavam cittam eva bhavam antaram pasadetu.' -- Siya kho pana bhoto ranno maha-{yannam} yajamanassa kocid eva vatta: 'Raja kho Maha-vijito maha-yannam yajati, no ca khvassa amantita amacca parisajja negama c' eva janapada ca ... pe ... brahmana-mahasala negama c' eva janapada ca ... pe ... gahapati-necayika negama c' eva janapada ca atha ca pana bhavam raja evarupam yannam yajatiti.' Evam pi bhoto ranno vatta dhammato n' atthi, bhoto pana ranno amantita gahapati-necayika negama c' eva janapada ca, imina p' etam bhavam raja janatu: 'Yajatam bhavam modatam bhavam cittam eva bhavam antaram pasadetu.' -- Siya kho pana bhoto ranno mahayannam yajamanassa kocid eva vatta: 'Raja kho Mahavijito maha-yannam yajati, no ca kho ubhato sujato matito ca pitito ca samsuddha-gahaniko ca yava sattama pitamahayuga akkhitto anupakkuttho jati-vadena,

[page 140]

atha ca pana bhavam raja evarupam maha-yannam yajatiti.' Evam pi kho bhoto ranno vatta dhammato n' atthi, bhavam kho pana raja ubhato sujato matito ca pitito ca samsuddhagahaniko ca yava sattama pitamaha-yuga akkhitto anupakkuttho {jati-vadena}, imina p' etam bhavam raja janatu: 'Yajatam bhavam, modatam bhavam, cittam eva bhavam antaram pasadetu.' -- Siya kho pana bhoto ranno mahayannam yajamanassa kocid eva vatta: 'Raja kho Mahavijito maha-yannam yajati, no ca kho abhirupo dassaniyo pasadiko paramaya vanna-pokkharataya samannagato brahma-vanni brahma-vaccasi akkhuddavakaso dassanaya ... pe ... no ca kho addho mahaddhano mahabhogo pahuta-jatarupa-rajato pahuta-vittupakarano pahutadhana-dhanno paripunna-kosa-kotthagaro ... pe ... no ca kho balava caturanginiya senaya samannagato assavaya ovada-patikaraya patapati manne paccatthike yasasa ... pe ... no ca kho {saddho} dayako dana-pati anavata-dvaro samana-brahmana-{kappaniddhika}-{vanibbaka}-yacakanam opana-{bhuto} punnani karoti ... pe ... no ca kho bahussuto tassa tassa suta-jatassa, ... pe ... no ca kho tassa tass' eva kho pana bhasitassa attham janati: 'Ayam imassa bhasitassa attho, ayam imassa bhasitassa attho ti.' ... pe ... no ca kho pandito viyatto medhavi patibalo atitanagata-{paccuppanne} atthe cintetum ... pe ... atha ca pana bhavam raja evarupam maha-yannam yajatiti.' Evam pi bhoto ranno vatta dhammato n' atthi, bhavam kho pana raja pandito viyatto medhavi patibalo atitanagata-paccuppanne atthe cintetum, imina p' etam bhavam raja janatu: 'Yajatam bhavam, modatam bhavam, cittam eva bhavam antaram pasadetu.' -- Siya kho pana bhoto ranno maha-yannam yajamanassa kocid eva vatta: 'Raja kho Maha-vijito maha-yannam yajati, no ca kho tassa purohito brahmano ubhato sujato matito ca pitito ca samsuddha-gahaniko yava sattama pitamaha-yuga akkhitto anupakkuttho jati-vadena, atha ca pana bhavam raja evarupam yannam yajatiti.'

[page 141]

Evam pi bhoto ranno vatta dhammato n' atthi, bhoto kho ranno purohito brahmano ubhato sujato matito ca pitito ca samsuddha-gahaniko yava sattama pitamaha-yuga akkhitto anupakkuttho jati-vadena, imina p' etam bhavam raja janatu: 'Yajatam bhavam, modatam bhavam, cittam eva bhavam antaram pasadetu ... pe ... Siya kho pana bhoto ranno maha-yannam yajamanassa kocid eva vatta; 'Raja kho Maha-vijito maha-yannam yajati, no ca khv assa purohito brahmano ajjhayako manta-dharo tinnam vedanam paragu sanighandu ketubhanam sakkhara-ppabhedanam itihasa-pancamanam padako veyyakarano lokayata-mahapurisa-lakkhanesu anavayo ... pe ... no ca khvassa purohito brahmano silava vuddha-sili vuddhasilena samannagato ... pe ... no ca khvassa purohito brahmano pandito viyatto medhavi pathamo va dutiyo va sujam pagganhantanam, atha ca pana bhavam raja evarupam maha-yannam yajatiti.' Evam pi bhoto ranno vatta dhammato n' atthi, bhoto kho pana ranno purohito brahmano pandito viyatto medhavi pathamo va dutiyo va sujam pagganhantanam, imina p' etam bhavam raja janatu: 'Yajatam bhavam, modatam bhavam, cittam eva bhavam {antaram} pasadetuti."

'Imehi kho brahmana purohito brahmano ranno Mahavijitassa maha-yannam yajamanassa solasehi akarehi cittam sandassesi samadapesi samuttejesi sampahamsesi.

18. 'Tasmim kho brahmana yanne n' eva gavo hannimsu na ajelaka hannimsu na kukkuta-sukara hannimsu, na vividha pana samghatam apajjimsu, na rukkha chijjimsu yupatthaya, na dabbha luyimsu barihisatthaya, ye pi 'ssa ahesum dasa ti va pessa ti va kammakara ti va te pi na danda-tajjita na bhaya-tajjita, na assu-mukha rudamana parikammani akamsu. Atha kho ye icchimsu te akamsu, ye na icchimsu te na akamsu, yam icchimsu tam akamsu, yam na icchimsu, na tam akamsu. Sappi-tela-navanitadadhi-madhu-phanitena c' eva so yanno nitthanam agamasi.

[page 142]

19. 'Atha kho brahmana khattiya anuyutta negama c' eva janapada ca, amacca parisajja negama c' eva janapada ca, brahmana-mahasala negama c' eva janapada ca, gahapati-necayika negama c' eva janapada ca pahutam sapateyyam adaya rajanam Maha-vijitam upasamkamitva evam ahamsu; "Idam, deva, pahutam sapateyyam devam yeva uddissa abhatam, tam devo patiganhatuti."

"Alam bho mama pi idam pahutam sapateyyam dhammikena [balina] abhisamkhittam. Tan ca vo hotu, ito ca bhiyo harathati."

'Te ranna patikkhitta ekamantam apakkamma evam sammantesum: "Na kho etam amhakam patirupam mayam imani sapateyyani punad eva sakani {gharani} patihareyyama. Raja kho Maha-vijito maha-yannam yajati, hand' assa mayam anuyagino homati."

20. 'Atha kho brahmana puratthimena yannavatassa khattiya anuyutta negama c' eva janapada ca danani patthapesum, dakkhinena yannavatassa amacca parisajja negama c' eva janapada ca danani patthapesum, pacchimena yannavatassa brahmana-mahasala negama c' eva janapada ca danani patthapesum, uttarena yannavatassa gahapati-necayikanegama c' eva janapada ca danani patthapesum. Tesu pi brahmana yannesu n' eva gavo hannimsu na ajelaka hannimsu na kukkuta-sukara {hannimsu}, na vividha pana samghatam apajjimsu, na rukkha chijjimsu yupatthaya, na dabbha luyimsu barihisatthaya, ye pi tesam ahesum dasa ti va pessa ti va {kammakara} ti va te pi na danda-tajjita na bhaya-tajjita na assu-mukha rudamana parikammani akamsu. Atha kho ye icchimsu te akamsu, ye na icchimsu na te akamsu, yam icchimsu tam akamsu, yam na icchimsu na tam akamsu. Sappi-tela-navanitadadhi-madhu-phanitena c' eva te yanna nitthanam agamamsu.

[page 143]

'Iti cattaro ca anumati-pakkha, raja Maha-vijito atthangehi samannagato, purohito brahmano catuh' angehi samannagato, tisso ca vidha. Ayam vuccati brahmana tividha yanna-sampada solasa-parikkhara ti.'

21. Evam vutte te brahmana unnadino ucca-sadda maha-sadda ahesum: 'Aho yanno, aho yanna-sampada ti.' Kutadanto pana brahmano tunhi-bhuto va nisinno hoti.

Atha kho te brahmana Kutadantam brahmanam etad avocum:

'Kasma pana bhavam Kutadanto samanassa Gotamassa subhasitam subhasitato nabbhanumodatiti.'

'Naham bho samanassa Gotamassa subhasitam subhasitato nabbhanumodami, muddha pi tassa vipateyya yo samanassa Gotamassa subhasitam subhasitato nabbhanumodeyya. Api ca me bho evam hoti: "Samano Gotamo na evam aha: 'Evam me sutan' ti va, 'Evam arahati bhavitun' ti va, api ca samano Gotamo 'Evan tada asi, ittham tada asi,' tveva abhasi." Tassa mayham bho evam hoti: "Addha samano Gotamo tena samayena raja va ahosi Maha-vijito yanna-sami, purohito va brahmano tassa yannassa yajeta ti." Abhijanati pana bhavam Gotamo {evarupam} yannam yajitva va yajetva va kayassa bheda param marana sugatim saggam lokam {upapajjita} ti?'

'Abhijanam' aham brahmana evarupam yannam yajitva va yajetva va kayassa-bheda param marana sugatim saggam lokam {upapajjita}. Ahan tena samayena purohito brahmano ahosim tassa yannassa yajeta ti.'

22. 'Atthi pana bho Gotama anno yanno imaya ti-vidhaya yanna-sampadaya solasa-parikkharaya appatthataro ca appa-samarabbhataro ca mahapphalataro ca mahanisamsataro cati?'

[page 144]

'Atthi kho brahmana anno yanno imaya ti-vidhaya yanna-sampadaya solasa-parikkharaya appatthataro ca appasamarabbhataro ca mahapphalataro ca mahanisamsataro cati.'

'Katamo pana so bho Gotama yanno imaya ti-vidhaya yanna-sampadaya solasa-parikkharaya appatthataro ca panitataro ca appa-samarabbhataro ca mahapphalataro ca mahanisamsataro cati?'

'Yani kho tani brahmana nicca-danani anukula-yannani silavante pabbajite uddissa diyanti, ayam kho brahmana yanno imaya ti-vidhaya yanna-sampadaya solasa-parikkharaya appatthataro ca appa-samarabbhataro ca mahapphalataro ca mahanisamsataro cati.'

23. 'Ko nu kho bho Gotama hetu ko paccayo yena tam nicca-danam anukula-yannam imaya ti-vidhaya yannasampadaya solasa-parikkharaya appatthataran ca appasamarabbhataran ca mahapphalataran ca mahanisamsataran cati?'

'Na kho brahmana evarupam yannam upasamkamanti arahanto va arahanta-maggam va samapanna. Tam kissa hetu? Dissanti h' ettha brahmana dandappahara pi galaggaha pi. Tasma evarupam yannam na upasamkamanti arahanto va arahanta-maggam va samapanna. Yani kho pana tani nicca-danani anukula-yannani silavante pabbajite uddissa diyanti, evarupam kho brahmana yannam upasankamanti arahanto va arahanta-maggam va samapanna.

Tam kissa hetu? Na h' ettha brahmana dissanti dandappahara pi galaggaha pi. Tasma evarupam yannam upasankamanti arahanto va arahanta-maggam va samapanna.

Ayam kho brahmana hetu ayam paccayo yen' etam niccadanam anukula-yannam imaya ti-vidhaya yanna-sampadaya solasa-parikkharaya appatthataran ca appa-samarabbhataran ca mahapphalataran ca mahanisamsataran cati.'

24. 'Atthi pana bho Gotama anno yanno imaya ca tividhaya yanna-sampadaya solasa-parikkharaya imina ca nicca-danena anukula-yannena appatthataro ca appa-samarabbhataro ca mahapphalataro ca mahanisamsataro cati?'

[page 145]

'Atthi kho brahmana anno yanno imaya ca ti-vidhaya yanna-sampadaya solasa-parikkharaya imina ca niccadanena anukula-yannena appatthataro ca appa-samarabbhataro ca mahapphalataro ca mahanisamsataro cati.

'Katamo pana so bho Gotama yanno imaya ca ti-vidhaya yanna-sampadaya solasa-parikkharaya imina ca niccadanena anukula-yannena appatthataro ca appa-samarabbhataro ca mahapphalataro ca mahanisamsataro cati?'

'Yo kho brahmana catuddisam samgham uddissa viharam karoti, ayam kho brahmana yanno imaya ca tividhaya yanna-sampadaya solasa-parikkharaya imina ca nicca-danena anukula-yannena appatthataro ca appasamarabbhataro ca mahapphalataro ca mahanisamsataro cati.

25. 'Atthi pana bho Gotama anno yanno imaya ca tividhaya yanna-sampadaya solasa-parikkharaya imina ca nicca-danena anukula-yannena imina ca vihara-danena appatthataro ca appa-samarabbhataro ca mahapphalataro mahanisamsataro cati?'

'Atthi kho brahmana anno yanno imaya ca ti-vidhaya yanna-sampadaya solasa-parikkharaya imina ca niccadanena anukula-yannena imina ca vihara-danena appatthataro ca appa-samarabbhataro ca mahapphalataro ca mahanisamsataro cati.'

'Katamo pana so bho Gotama anno yanno imaya ca tividhaya yanna-sampadaya solasa-parikkharaya imina ca nicca-danena anukula-yannena imina ca vihara-danena appatthataro ca appa-samarabbhataro ca mahapphalataro ca mahanisamsataro cati?'

'Yo kho brahmana pasanna-citto Buddham saranam gacchati Dhammam saranam gacchati Samgham saranam gacchati, ayam brahmana yanno imaya ca ti-vidhaya yanna-sampadaya solasa-parikkharaya imina ca niccadanena anukula-yannena imina ca vihara-danena appatthataro ca appa-samarabbhataro ca mahapphalataro ca mahanisamsataro cati.

[page 146]

26. 'Atthi pana bho Gotama anno yanno imaya ca tividhaya yanna-sampadaya solasa-parikkharaya imina ca nicca-danena anukula-yannena imina ca vihara-danena imehi ca saranagamanehi appatthataro ca appa-samarabbhataro ca mahapphalataro ca mahanisamsataro cati?'

'Atthi kho, brahmana, anno yanno imaya ca ti-vidhaya yanna-sampadaya solasa-parikkharaya imina ca niccadanena anukula-yannena imina ca vihara-danena imehi ca saranagamanehi appatthataro ca appa-samarabbhataro ca mahapphalataro ca mahanisamsataro cati.'

'Katamo pana so bho Gotama anno yanno imaya ca tividhaya yanna-sampadaya solasa-parikkharaya imina ca nicca-danena anukula-yannena imina ca {vihara}-danena imehi ca saranagamanehi appatthataro ca appa-samarabbhataro ca mahapphalataro ca mahanisamsataro cati?'

'Yo kho brahmana pasanna-citto sikkha-padani samadiyati, -- panatipata veramani, adinnadana veramani, kamesu micchacara veramani, musa-vada veramani, sura-merayamajja-pamadatthana veramani -- ayam kho brahmana yanno imaya ca ti-vidhaya yanna-sampadaya solasa-parikkharaya imina ca nicca-danena anukula-yannena imina ca viharadanena imehi ca saranagamanehi appatthataro ca appasamarabbhataro ca mahapphalataro ca mahanisamsataro cati.'

27. 'Atthi pana bho Gotama anno yanno imaya ca ti-vidhaya yanna-sampadaya solasa-parikkharaya imina ca nicca-danena anukula-yannena imina ca vihara-danena imehi ca saranagamanehi imehi ca sikkha-padehi appatthataro ca appa-samarabbhataro ca mahapphalataro ca mahanisamsataro cati?'

'Atthi kho brahmana anno yanno imaya ca ti-vidhaya yanna-sampadaya solasa-parikkharaya imina ca niccadanena anukula-yannena imina ca vihara-danena imehi ca saranagamanehi imehi ca sikkha-padehi appatthataro ca appa-samarabbhataro ca mahapphalataro ca mahanisamsataro cati.'

[page 147]

'Katamo so bho Gotama yanno imaya ca ti-vidhaya yanna-sampadaya solasa-parikkharaya imina ca niccadanena anukula-yannena imina ca vihara-danena imehi ca saranagamanehi imehi ca sikkha-padehi appatthataro ca appa-samarabbhataro ca mahapphalataro ca mahanisamsataro cati?'

'Idha brahmana Tathagato loke uppajjati araham sammasambuddho ... yatha Samanna-phale evam vittharetabbam ... pe ... Evam kho brahmana bhikkhu sila-sampanno hoti.

... pe ... pathamajjhanam upasampajja viharati.

Ayam kho brahmana yanno purimehi yannehi appatthataro ca appa-samarabbhataro ca mahapphalataro ca mahanisamsataro ca.

... pe ... dutivajjhanam ... tatiyajjhanam . . .

catutthajjhanam upasampajja viharati. Ayam pi kho brahmana yanno purimehi yannehi appatthataro ca appasamarabbhataro ca mahapphalataro ca mahanisamsataro ca.

... pe ... nana-dassanaya cittam abhiniharati abhi-

ninnameti. Ayam pi kho brahmana yanno purimehi yannehi appatthataro ca appa-samarabbhataro ca mahapphalataro ca mahanisamsataro ca.

... pe ... "naparam itthattayati" pajanati. Ayam kho

brahmana yanno purimehi yannehi appatthataro ca appasamarabbhataro ca mahapphalataro ca mahanisamsataro ca. Imaya ca brahmana yanna-sampadaya anna yannasampada uttaritara va panitatara va n' atthiti.'

28. Evam vutte Kutadanto brahmano Bhagavantam etad avoca: 'Abhikkantam bho Gotama, abhikkantam bho Gotama. Seyyatha pi bho Gotama nikkujjitam va ukkujjeyya, paticchannam va vivareyya, mulhassa va maggam acikkheyya, andha-kare va tela-pajjotam dhareyya: "cakkhumanto rupani dakkhintiti," evam eva bhota Gotamena aneka-pariyayena dhammo pakasito. Esaham Bhagavantam Gotamam saranam gacchami, dhamman ca bhikkhusamghan ca, upasakam mam bhavam Gotamo dharetu ajjatagge panupetam saranam gatam. Esaham bho {Gotama} satta ca usabha-satani satta ca vacchatara-satani satta ca vacchatari-satani satta ca aja-satani satta ca urabbha-satani muncapemi,

[page 148]

jivitam demi, haritani c' eva tinani khadantu sitani ca paniyani pivantu, sito ca nesam vato upavayatan ti.'

29. Atha kho Bhagava Kutadantassa brahmanassa anupubbikatham kathesi seyyathidam dana-katham silakatham sagga-katham kamanam adinavam okaram samkilesam, nekkhamme anisamsam pakasesi. Yada Bhagava annasi Kutadantam brahmanam kalla-cittam mudu-cittam vinivarana-cittam udagga-cittam pasanna-cittam, atha ya Buddhanam samukkamsika dhamma-desana tam pakasesi: dukkham samudayam nirodham maggam. Seyyatha pi nama suddham vattham apagata-kalakam sammad eva rajanam patiganheyya, evam eva Kutadantassa brahmanassa tasmim yeva asane virajam vita-malam dhamma-cakkhum udapadi: 'yam kinci samudaya-dhammam sabban tam nirodha-dhamman ti.'

30. Atha kho Kutadanto brahmano dittha-dhammo pattadhammo vidita-dhammo pariyogalha-dhammo tinna-vicikiccho vigata-kathamkatho {vesarajja-ppatto} aparappaccayo satthu sasane Bhagavantam etad avoca: 'Adhivasetu me bhavam Gotamo svatanaya bhattam saddhim bhikkhusamghenati.'

Adhivasesi Bhagava tunhi-bhavena. Atha kho Kutadanto brahmano Bhagavato adhivasanam viditva, utthay' asana Bhagavantam abhivadetva padakkhinam katva pakkami.

Atha kho Kutadanto brahmano tassa rattiya accayena sake yannavate panitam khadaniyam bhojaniyam patiyadetva Bhagavato kalam arocapesi: 'Kalo bho Gotama, nitthitam bhattan ti.'

Atha kho Bhagava pubbanha-samayam nivasetva pattacivaram adaya saddhim bhikkhu-samghena yena Kutadantassa brahmanassa yannavato ten' upasamkami, upasamkamitva pannatte asane nisidi. Atha kho Kutadanto brahmano Buddha-pamukham bhikkhu-samgham panitena khadaniyena bhojaniyena sahattha santappesi sampavaresi.

[page 149]

Atha kho Kutadanto brahmano Bhagavantam bhuttavim onita-patta-panim annataram nicam asanam gahetva ekamantam nisidi. Ekamantam nisinnam kho Kutadantam {brahmanam} Bhagava dhammiya kathaya sandassetva samadapetva samuttejetva {sampahamsetva} utthay' asana pakkamiti.

KUTADANTA-SUTTAM.

[page 150]

 


 

VI. Mahali Sutta

1. Evam me sutam. Ekam samayam Bhagava Vesaliyam viharati Mahavane {kutagara-}salayam. Tena kho pana samayena sambahula Kosalaka ca brahmana-duta Magadhaka ca brahmana-duta Vesaliyam pativasanti kenacid eva karaniyena. Assosum kho te Kosalaka ca brahmanaduta Magadhaka ca brahmana-duta: 'Samano khalu bho Gotamo Sakya-putto Sakya-kula pabbajito Vesaliyam viharati Mahavane kutagara-salayam. Tam kho pana Bhagavantam Gotamam evam kalyano kittisaddo abbhuggato: "Iti pi so Bhagava araham sammasambuddho vijja-carana-{sampanno} sugato loka-vidu anuttaro purisadamma-sarathi sattha deva-manussanam buddho bhagava." So imam lokam sadevakam samarakam sabrahmakam sassamana-brahmanim pajam {sadeva-manussam} sayam abhinna sacchikatva pavedeti. So dhammam deseti adi-kalyanam majjhe kalyanam pariyosana-kalyanam sattham savyanjanam, kevala-paripunnam parisuddham brahma-cariyam pakaseti. Sadhu kho pana tatha-rupanam arahatam dassanam hotiti."'

2. Atha kho te Kosalaka ca brahmana-duta Magadhaka ca brahmana-duta yena Mahavanam kutagara-sala ten' upasamkamimsu. Tena kho pana samayena ayasma Nagito Bhagavato upatthako hoti. Atha kho te Kosalaka ca brahmana-duta Magadhaka ca brahmana-duta yen' ayasma Nagito ten' upasamkamimsu, upasamkamitva ayasmantam Nagitam etad avocum: 'Kahan nu kho bho Nagita etarahi so bhavam Gotama viharati, dassana-kama hi mayam tam Gotaman ti?'

[page 151]

'Akalo kho avuso Bhagavantam dassanaya, patisallino Bhagava ti.' Atha kho te Kosalaka ca brahmana-duta Magadhaka ca brahmana-duta tatth' eva ekamantam nisidimsu: 'Disva va mayam tam Bhagavantam Gotamam gamissamati.'

3. Otthaddho pi Licchavi mahatiya Licchavi-parisaya saddhim yena Mahavanam kutagara-sala yen' ayasma Nagito ten' upasamkami, upasamkamitva ayasmantam Nagitam abhivadetva ekamantam atthasi. Ekamantam thito kho Otthaddho Licchavi ayasmantam Nagitam etad avoca: 'Kahan nu kho bhante Nagita etarahi so Bhagava viharati araham samma-sambuddho, dassana-kama hi mayam tam Bhagavantam arahantam samma-{sambud-} dhanti?'

'Akalo kho Mahali Bhagavantam dassanaya, patisallino Bhagava' ti. Otthaddho pi Licchavi tatth' eva ekamantam nisidi: 'Disva v' ahan tam Bhagavantam gamissami arahantam samma-sambuddhan ti.'

4. Atha kho Siho samanuddeso yen' ayasma Nagito ten' upasamkami, upasamkamitva ayasmantam Nagitam abhi{vadetva} ekamantam atthasi. Ekamantam thito kho Siho samanuddeso ayasmantam Nagitam etad avoca: 'Ete bhante Kassapa sambahula Kosalaka ca brahmana-duta Magadhaka ca brahmana-duta idh' upasamkanta Bhagavantam dassanaya. Otthaddho pi Licchavi mahatiya Licchaviparisaya saddhim idh' upasamkanto Bhagavantam dassanaya. Sadhu bhante Kassapa labhatam esa janata dassanayati.'

'Tena hi Siha tvam yeva Bhagavato arocehiti.'

'Evam bhante' ti kho Siho samanuddeso ayasmato Nagitassa patissutva yena Bhagava ten' upasamkami, upasankamitva Bhagavantam abhivadetva ekamantam atthasi.

Ekamantam thito kho Siho samanuddeso Bhagavantam etad avoca: 'Ete bhante sambahula Kosalaka ca brahmanaduta Magadhaka ca brahmana-duta idh' upasamkanta Bhagavantam dassanaya. Otthaddho pi Licchavi mahatiya Licchavi-parisaya saddhim idh' upasamkanto Bhagavantam dassanaya.

[page 152]

Sadhu bhante labhatam esa janata Bhagavantam dassanayati.'

'Tena hi Siha vihara-pacchayaya asanam pannapehiti.'

'Evam bhante' ti kho Siho samanuddeso Bhagavato patissutva vihara-pacchayaya asanam pannapesi. Atha kho Bhagava vihara nikkhamma vihara-pacchayaya pannatte asane nisidi.

5. Atha kho te Kosalaka ca brahmana-duta Magadhaka ca brahmana-duta yena Bhagava ten' upasamkamimsu.

Upasamkamitva Bhagavata saddhim sammodimsu sammodaniyam katham saraniyam vitisaretva ekamantam nisidimsu. Otthaddho pi Licchavi mahatiya Licchavi-parisaya saddhim yena Bhagava ten' upasamkami, upasamkamitva Bhagavantam abhivadetva ekamantam nisidi. Ekamantam nisinno kho Otthaddho Licchavi Bhagavantam etad avoca:

'Purimani bhante divasani purimatarani Sunakkhatto Licchavi-putto yenaham ten' upasamkami, upasamkamitva mam etad avoca: "Yad agge aham Mahali Bhagavantam upanissaya viharissami na ciram tini vassani, dibbani hi kho {rupani} passami piya-rupani kamupasamhitani rajaniyani, no ca kho dibbani saddani sunami piya-rupani kamupasamhitani rajaniyaniti." Santan' eva nu kho bhante Sunakkhatto Licchavi-putto dibbani saddani nassosi piya-rupani kamupasamhitani rajaniyani, no udahu asantaniti?'

'Santan' eva kho Mahali Sunakkhatto Licchavi-putto dibbani saddani nassosi piya-rupani kamupasamhitani rajaniyani no asantaniti.'

6. 'Ko nu kho bhante hetu, ko paccayo, yena santan' eva Sunakkhatto Licchavi-putto dibbani saddani nassosi piya-rupani kamupasamhitani rajaniyani no asantaniti?'

[page 153]

'Idha Mahali bhikkhuno puratthimaya disaya ekamsabhavito samadhi hoti dibbanam {rupanam} dassanaya piyarupanam kamupasamhitanam rajaniyanam, no ca kho dibbanam saddanam savanaya piya-rupanam {kamupasamhitanam} rajaniyanam. So puratthimaya disaya ekamsabhavite samadhimhi dibbanam rupanam dassanaya piyarupanam kamupasamhitanam rajaniyanam, no ca kho dibbanam saddanam savanaya piya-rupanam kamupasamhitanam {rajaniyanam}, puratthimaya disaya dibbani rupani passati piya-rupani kamupasamhitani rajaniyani, no ca kho dibbani saddani sunati piya-rupani kamupasamhitani rajaniyani. Tam kissa hetu? Evam h' etam Mahali hoti bhikkhuno puratthimaya disaya ekamsa-bhavite samadhimhi dibbanam {rupanam} dassanaya piya-rupanam kamupasamhitanam rajaniyanam, no ca kho dibbanam saddanam savanaya piya-rupanam kamupasamhitanam rajaniyanam.

7. 'Puna ca param Mahali bhikkhuno ... pe ... {dakkhinaya} disaya ... pacchimaya disaya ... uttaraya disaya ... uddham adho tiriyam ekamsa-bhavito samadhi hoti dibbanam rupanam dassanaya piya-rupanam kamupasamhitanam rajaniyanam, no ca kho dibbanam saddanam savanaya piya-rupanam kamupasamhitanam rajaniyanam.

So uddham adho tiriyam ekamsa-bhavite samadhimhi dibbanam rupanam dassanaya piya-rupanam kamupasamhitanam rajaniyanam, no ca kho dibbanam saddanam savanaya piya-rupanam kamupasamhitanam rajaniyanam, uddham adho tiriyam dibbani rupani passati piya-rupani kamupasamhitani {rajaniyani}, no ca kho dibbani saddani sunati piya-rupani kamupasamhitani rajaniyani. Tam kissa hetu?

Evam h' etam Mahali hoti bhikkhuno uddham adho tiriyam ekamsa-bhavite samadhimhi dibbanam rupanam dassanaya piya-rupanam kamupasamhitanam rajaniyanam, no ca kho dibbanam saddanam savanaya piya-rupanam kamupasamhitanam rajaniyanam.

[page 154]

8. 'Idha Mahali bhikkhuno puratthimaya disaya ekamsabhavito samadhi hoti dibbanam saddanam savanaya piyarupanam kamupasamhitanam rajaniyanam, no ca kho dibbanam rupanam dassanaya piya-rupanam kamupasamhitanam rajaniyanam. So puratthimaya disaya ekamsabhavite samadhimhi dibbanam saddanam savanaya piyarupanam kamupasamhitanam rajaniyanam, no ca kho dibbanam rupanam dassanaya piya-rupanam kamupasamhitanam rajaniyanam, puratthimaya disaya dibbani saddani sunati piya-rupani kamupasamhitani rajaniyani, no ca kho dibbani rupani passati piya-rupani kamupasamhitani rajaniyani. Tam kissa hetu? Evam h' etam Mahali hoti bhikkhuno puratthimaya disaya ekamsa-bhavite samadhimhi dibbanam saddanam savanaya piya-rupanam kamupasamhitanam rajaniyanam, no ca kho dibbanam rupanam dassanaya piya-rupanam kamupasamhitanam rajaniyanam.

9. 'Puna ca param Mahali bhikkhuno dakkhinaya disaya ... pacchimaya disaya ... uttaraya disaya ... uddham adho tiriyam ekamsa-bhavito samadhi hoti dibbanam saddanam savanaya piya-rupanam kamupasamhitanam rajaniyanam, no ca kho dibbanam rupanam dassanaya piyarupanam kamupasamhitanam rajaniyanam. So uddham adho tiriyam ekamsa-bhavite samadhimhi dibbanam saddanam savanaya piya-rupanam kamupasamhitanam rajaniyanam, no ca kho dibbanam rupanam dassanaya piya-rupanam kamupasamhitanam rajaniyanam, uddham adho tiriyam dibbani saddani sunati piya-rupani kamupasamhitani rajaniyani, no ca kho dibbani rupani passati piya-rupani kamupasamhitani rajaniyani. Tam kissa hetu? Evam h' etam Mahali hoti {bhikkhuno} uddham adho tiriyam ekamsa-bhavite samadhimhi dibbanam saddanam savanaya piya-rupanam kamupasamhitanam rajaniyanam, no ca kho dibbanam rupanam dassanaya piyarupanam kamupasamhitanam rajaniyanam.

10. 'Idha Mahali bhikkhuno puratthimaya disaya ubhayamsa-bhavito samadhi hoti dibbanan ca rupanam dassanaya piya-rupanam kamupasamhitanam rajaniyanam dibbanam saddanam savanaya piya-rupanam kamupasamhitanam rajaniyanam.

[page 155]

So {puratthimaya} disaya ubhayamsa-bhavite samadhimhi dibbanam rupanam dassanaya piya-rupanam kamupasamhitanam rajaniyanam, dibbanan ca saddanam savanaya piya-rupanam kamupasamhitanam rajaniyanam, puratthimaya disaya dibbani ca rupani passati piya-rupani kamupasamhitani rajaniyani, dibbani saddani sunati piya-rupani kamupasamhitani rajaniyani.

Tam kissa hetu? Evam h' etam Mahali hoti bhikkhuno puratthimaya disaya ubhayamsa-bhavite samadhimhi dibbanam saddanam dassanaya piya-rupanam kamupasamhitanam rajaniyanam, dibbanan ca saddanam savanaya piya-rupanam kamupasamhitanam rajaniyanam.

11. 'Puna ca param Mahali bhikkhuno {dakkhinaya} disaya ... pe ... pacchimaya disaya ... uttaraya disaya ... uddham adho tiriyam ubhayamsa-bhavito samadhi hoti dibbanan ca rupanam dassanaya piyarupanam kamupasamhitanam rajaniyanam, dibbanan ca saddanam savanaya piya-rupanam kamupasamhitanam rajaniyanam. So uddham adho tiriyam ubhayamsa-bhavite samadhimhi dibbanan ca {rupanam} dassanaya piya-rupanam kamupasamhitanam rajaniyanam, dibbanan ca saddanam savanaya piya-rupanam kamupasamhitanam rajaniyanam, uddham adho tiriyam dibbani rupani passati piya-rupani kamupasamhitani rajaniyani, dibbani ca saddani sunati piya-rupani kamupasamhitani rajaniyani. Tam kissa hetu? Evam h' etam Mahali hoti bhikkhuno uddham adho tiriyam ubhayamsa-bhavite samadhimhi dibbanan ca rupanam dassanaya piya-rupanam kamupasamhitanam rajaniyanam, dibbanan ca saddanam savanaya piya-rupanam kamupasamhitanam rajaniyanam.

'Ayam kho Mahali hetu, ayam paccayo, yena santan' eva Sunakkhatto Licchavi-putto dibbani saddani nassosi piya-rupani kamupasamhitani rajaniyani, no asantaniti.'

12. 'Etasam nuna bhante samadhi-bhavananam sacchikiriya-hetu bhikkhu Bhagavati brahmacariyam carantiti?'

'Na kho Mahali etasam samadhi-bhavananam sacchikiriya-hetu bhikkhu mayi brahmacariyam caranti.

[page 156]

Atthi kho Mahali anne ca dhamma uttaritara ca panitatara ca yesam sacchikiriya-hetu bhikkhu mayi brahmacariyam carantiti.'

13. 'Katame pana te bhante dhamma uttaritara ca panitatara ca yesam sacchikiriya-hetu bhikkhu Bhagavati brahmacariyam caranti?'

'Idha Mahali bhikkhu tinnam samyojananam parikkhaya sotapanno hoti avinipata-dhammo niyato sambodhi-parayano. Ayam pi kho Mahali dhammo uttaritaro ca panitataro ca yassa sacchikiriya-hetu bhikkhu mayi brahmacariyam caranti.

'Puna ca param Mahali bhikkhu tinnam samyojananam parikkhaya raga-dosa-mohanam tanutta sakadagami hoti, sakid eva imam lokam agantva dukkhass' antam karoti.

Ayam pi kho Mahali dhammo uttaritaro ca panitataro ca yassa sacchikiriya-hetu bhikkhu mayi brahmacariyam caranti.

'Puna ca param Mahali bhikkhu pancannam orambhagiyanam samyojananam parikkhaya opapatiko hoti tatthaparinibbayi anavatti-dhammo tasma loka. Ayam pi kho Mahali dhammo uttaritaro ca panitataro ca yassa sacchikiriya-hetu bhikkhu mayi brahmacariyam caranti.

'Puna ca param Mahali bhikkhu asavanam khaya anasavam {ceto}-vimuttim panna-vimuttim ditthe va dhamme sayam abhinna sacchikatva upasampajja viharati. Ayam pi kho Mahali dhammo uttaritaro ca panitataro ca yassa sacchikiriya-hetu bhikkhu mayi brahmacariyam caranti.

'Ime kho Mahali dhamma uttaritara ca panitatara ca yesam sacchikiriya-hetu bhikkhu mayi brahmacariyam carantiti.'

14. 'Atthi pana bhante maggo, atthi patipada etesam dhammanam sacchikiriyayati?'

'Atthi kho Mahali maggo, atthi patipada etesam dhammanam sacchikiriyayati.'

[page 157]

'Katamo pana bhante maggo, katamo patipada, etesam dhammanam sacchikiriyayati?'

'Ayam eva ariyo atthangiko maggo seyyathidam samma-ditthi samma-sankappo samma-vaca samma-kammanto samma-ajivo samma-vayamo samma-sati samma-samadhi.

Ayam kho Mahali maggo, ayam patipada etesam dhammanam sacchikiriyaya.

15. 'Ekam idaham Mahali samayam Kosambiyam viharami Ghositarame. Atha kho dve pabbajita Mandisso ca paribbajako Jaliyo ca darupattik-{antevasi} yenaham ten' upasamkamimsu, upasamkamitva mama saddhim sammodimsu, sammodaniyam katham saraniyam vitisaretva ekamantam atthamsu. Ekamantam thita kho dve pabbajita mam etad avocum:

"'Kin nu kho avuso bho {Gotama} tam jivam tam sariram udahu annam jivam annam sariran ti?"

"'Tena h' avuso sunatha sadhukam manasikarotha bhasissamiti."

"'Evam avuso" ti kho te dve pabbajita mama paccassosum. Atha kho caham etad avocam:

16. 'Idh' avuso Tathagato loke uppajjati araham sammasambuddho ... pe ... yatha Samanna-phale evam vittharetabbam. ... Evam kho avuso bhikkhu sila-sampanno hoti.

... pe ... pathamajjhanam upasampajja viharati.

Yo nu kho avuso bhikkhu evam janati evam passati, kallan nu kho tass' etam vacanaya "tam jivam tam sariran" ti va "annam jivam annam sariran" ti va ti?'

'Yo so avuso bhikkhu evam janati evam passati kallam tass' etam vacanaya "tam jivam tam sariran" ti va "annam jivam annam sariran" ti va ti.'

'Aham kho pan' etam avuso evam janami evam passami.

Atha ca panaham na vadami "tam jivam tam sariran" ti va "annam jivam annam sariran" ti va.

17. 'Dutiyajjhanam ... pe ... tatiyajjhanam ... catutthajjhanam upasampajja viharati.

[page 158]

Yo nu kho avuso bhikkhu evam janati evam passati, kallan nu kho tass' etam vacanaya "tam jivam tam sariran" ti va "annam jivam annam sariran" ti va ti?'

'Yo so avuso bhikkhu evam janati evam passati, kallam tass' etam vacanaya "tam jivam tam sariran" ti va "annam jivam annam sariran" ti va ti.'

'Aham kho pan' etam avuso evam janami evam passami, atha ca panaham na vadami "tam jivam tam sariran" ti va "annam jivam annam sariran" ti va.

18. 'Nana-dassanaya cittam abhiniharati abhininnameti. Yo nu kho avuso bhikkhu evam janati evam passati, kallan nu kho tass' etam vacanaya "tam jivam tam sariran" ti va "annam jivam annam sariran" ti va ti?'

'Yo so avuso bhikkhu evam janati evam passati kallam tass' etam vacanaya "tam jivam tam sariran" ti va "annam jivam annam sariran" ti va ti.'

'Aham kho pan' etam avuso evam janami evam passami, atha ca panaham na vadami "tam jivam tam sariran" ti va "annam jivam annam sariran" ti va.

19. "'Naparam {itthattayati}" pajanati. Yo nu kho avuso bhikkhu evam {janati} evam passati, kallan nu kho tass' etam vacanaya "tam jivam tam sariran" ti va "annam jivam annam sariran" ti va ti?

'Yo so avuso bhikkhu evam janati evam passati, na kallam tass' etam vacanaya "tam jivam tam sariran" ti va "annam jivam annam sariran" ti va ti.'

'Aham kho pan' etam avuso evam janami evam passami, atha ca panaham na vadami "tam jivam tam sariran" ti va "annam jivam annam sariran" ti va ti.'

Idam avoca Bhagava. Attamano Otthaddho Licchavi Bhagavato bhasitam abhinanditi.

MAHALI SUTTANTAM.

[page 159]

 


 

VII. Jaliya Sutta

1. Evam me sutam. Ekam samayam Bhagava Kosambiyam viharati Ghositarame. Atha kho dve pabbajita Mandisso ca paribbajako Jaliyo ca darupattik-antevasi yena Bhagava ten' upasamkamimsu. Upasamkamitva Bhagavata saddhim sammodimsu, sammodaniyam katham {saraniyam} {vitisaretva} ekamantam atthamsu. Ekamantam {thita kho te dve pabbajita Bhagavantam etad avocum:

'Kin nu kho avuso Gotama tam jivam tam sariram udahu annam jivam annam sariran ti?'

'Tena h' avuso sunatha sadhukam manasikarotha bhasissamiti.'

'Evam avuso' ti kho te dve pabbajita Bhagavato paccassosum. Bhagava etad avoca:

2. 'Idh' avuso Tathagato loke uppajjati araham sammasambuddho . . .pe ... yatha Samanna-phale evam vitthare tabbam ... Evam kho avuso bhikkhu silasampanno hoti.

. . .pe ... pathamajjhanam upasampajja viharati.

Yo nu kho avuso bhikkhu evam janati evam passati, kallan nu kho tass' etam vacanaya "tam jivam tam sariran" ti va "annam jivam annam sariran" ti va ti?'

'Yo so avuso bhikkhu evam janati evam passati, kallam tass' etam vacanaya "tam jivam tam sariran" ti va "annam jivam annam sariran" ti va ti.'

'Aham kho pan' etam avuso evam janami evam passami.

Atha ca panaham na vadami "tam jivam tam sariran" ti va "annam jivam annam sariran" ti va.

[page 160]

3. 'Dutiyajjhanam ... pe ... tatiyajjhanam ... catutthajjhanam upasampajja viharati. Yo nu kho avuso bhikkhu evam janati evam passati, kallan nu kho tass' etam vacanaya "tam jivam tam sariran" ti va "annam jivam annam sariran" ti va ti?'

'Yo so avuso bhikkhu evam janati evam passati, kallam tass' etam vacanaya "tam jivam tam sariran" ti va "annam jivam annam sariran" ti va ti.'

'Aham kho pan' etam avuso evam janami evam passami, atha ca panaham na vadami "tam jivam tam sariran" ti va "annam jivam annam sariran" ti va.

4. 'Nana-dassanaya cittam abhiniharati abhininnameti. Yo nu kho avuso bhikkhu evam janati evam passati, kallan nu kho tass' etam vacanaya "tam jivam tam sariran" ti va "annam jivam annam sariran" ti va ti?'

'Yo so avuso bhikkhu evam janati evam passati, kallan tass' etam vacanaya "tam jivam tam sariran" ti va "annam jivam annam sariran" ti va ti.'

'Aham kho pan' etam avuso evam janami evam passami, atha ca panaham na vadami "tam jivam tam sariran" ti va "annam jivam annam sariran" ti va.

5. "'Naparam itthattayati" pajanati. Yo nu kho avuso bhikkhu evam janati evam passati, kallan nu kho tass' etam vacanaya "tam jivam tam sariran" ti va "annam jivam annam sariran" ti va ti?"

'Yo so avuso bhikkhu evam janati evam passati, na kallam tass' etam vacanaya "tam jivam tam sariran" ti va "annam jivam annam sariran" ti va ti.'

'Aham kho pan' etam avuso evam janami evam passami, atha ca panaham na vadami "tam jivam tam sariran" ti va "annam jivam annam sariran" ti va ti.'

Idam avoca Bhagava. Attamana te dve pabbajita Bhagavato bhasitam abhinandun ti.

JALIYA-SUTTANTAM.

[page 161]

 


 

VIII. Kassapa Sihanada Sutta

1. Evam me sutam. Ekam samayam Bhagava Ujunnayam viharati Kannakatthale miga-daye. Atha kho acelo Kassapo yena Bhagava ten' upasamkami, upasamkamitva Bhagavata saddhim sammodi, sammodaniyam katham saraniyam vitisaretva ekamantam atthasi. Ekamantam thito kho acelo Kassapo Bhagavantam etad avoca:

2. 'Sutam m' etam bho Gotama: "Samano Gotamo sabban tapam garahati, sabban tapassim lukhajivim ekamsena upakkosati upavadatiti." Ye te bho Gotama evam ahamsu: "Samano Gotamo sabban tapam garahati, sabban tapassim lukhajivim ekamsena upakkosati upavadatiti," kacci te bho Gotamassa vutta-vadino, na ca Bhagavantam Gotamam abhutena abbhacikkhanti, dhammassa canudhammam vyakaronti, na ca koci sahadhammiko vadanuvado garayham thanam agacchati? Anabbhakkhatukama hi mayam bhavantam Gotaman ti.'

3. 'Ye te Kassapa evam ahamsu: "Samano Gotamo sabban tapam garahati, sabban tapassim lukhajivim ekamsena upakkosati upavadatiti," na me te vutta-vadino, abbhacikkhanti ca pana man te asata abhutena. Idhaham Kassapa ekaccan tapassim lukhajivim passami, dibbena cakkhuna visuddhena atikkanta-manusakena

[page 162]

... pe ... kayassa bheda param marana apayam duggatim vinipatam nirayam uppannam. Idha panaham Kassapa ekaccam tapassim lukhajivim passami dibbena cakkhuna visuddhena atikkanta-manusakena ... pe ... kayassa bheda param marana sugatim saggam lokam uppannam.

Idhaham Kassapa ekaccam tapassim appa-dukkha-viharim passami dibbena cakkhuna visuddhena atikkanta-manusakena ... pe ... kayassa bheda param marana apayam duggatim vinipatam nirayam uppannam. Idha panaham Kassapa ekaccam tapassim appa-dukkha-viharim passami dibbena cakkhuna visuddhena atikkanta-manusakena ... pe ... kayassa bheda param marana sugatim saggam lokam uppannam. {Yo 'ham} Kassapa imesam tapassinam evam agatin ca gatin ca cutin ca uppattin ca yathabhutam pajanami, so 'ham kim sabbam tapam garahissami, sabbam tapassim lukhajivim ekamsena upakkosissami upavadissami?

4. 'Santi Kassapa eke samana-brahmana pandita nipuna kata-para-ppavada vala-vedhirupa vobhindanta manne caranti panna-gatena ditthi-gatani. Tehi pi me saddhim ekaccesu thanesu sameti, ekaccesu thanesu na sameti.

Yan te ekaccam vadenti "sadhuti," mayam pi tam ekaccam vadema "sadhuti." Yan te ekaccam vadenti "na sadhuti," mayam pi tam ekaccam vadema "na sadhuti." Yan te ekaccam vadenti "sadhuti," mayan tam ekaccam vadema "na sadhuti." Yan te ekaccam vadenti "na sadhuti," mayan tam ekaccam vadema "sadhuti." Yam mayam ekaccam vadema "sadhuti," pare pi tam ekaccam vadenti "sadhuti." Yam mayam ekaccam vadema "na sadhuti," pare pi tam ekaccam vadenti "na sadhuti."

[page 163]

Yam mayam ekaccam vadema "sadhuti," pare pi tam ekaccam vadenti "na sadhuti." Yam mayam ekaccam vadema "na sadhuti," pare pi tam ekaccam vadenti "sadhuti."

5. 'Tyaham upasamkamitva evam vadami: "Yesu no avuso thanesu na sameti, titthantu tani thanani. Yesu thanesu sameti, tattha vinnu samanuyunjantam samanugahantam samanubhasantam satthara va sattharam samghena va samgham: 'Ye imesam bhavatam dhamma akusala akusala-{samkhata}, savajja savajja-samkhata asevitabba asevitabba-samkhata nalam-ariya nalamariya-samkhata kinha kinha-samkhata, ko ime dhamme {anavasesam} pahaya vattati, samano va Gotamo pare va pana bhonto ganacariya ti?' "

6. 'Thanam kho pan' etam Kassapa vijjati yam vinnu samanuyunjanta samanugahanta samanubhasanta evam vadeyyum: "Ye imesam bhavatam dhamma akusala akusala-samkhata savajja savajja-samkhata asevitabba asevitabba-samkhata nalam-ariya nalamariya-samkhata kinha kinha-samkhata, samano Gotamo ime dhamme {anavesasam} pahaya vattati, yam va pana bhonto pare ganacariya ti." Iti ha Kassapa vinnu samanuyunjanta samanugahanta samanubhasanta amhe va tattha yebhuyyena {pasamseyyum.}

7. 'Aparam pi no Kassapa vinnu samanuyunjantam samanugahantam samanubhasantam satthara va sattharam samghena va samgham: "Ye imesam bhavatam dhamma kusala kusala-samkhata anavajja anavajja-samkhata sevitabba sevitabba-samkhata alam-ariya alamariya-samkhata sukka sukka-samkhata, ko ime dhamme anavasesam samadaya vattati, samano va Gotamo, pare va pana bhonto ganacariya ti?"

8. 'Thanam kho pan' etam Kassapa vijjati yam vinnu samanuyunjanta samanugahanta samanubhasanta evam vadeyyum:

[page 164]

"Ye imesam bhavatam dhamma kusala kusala-samkhata anavajja anavajja-samkhata sevitabba sevitabba-samkhata alam-ariya alamariya-samkhata sukka sukka-samkhata, samano Gotamo ime dhamme anavasesam samadaya vattati, yam va pana bhonto pare ganacariya ti." Iti ha Kassapa vinnu samanuyunjanta samanugahanta samanubhasanta amhe va tattha yebhuyyena {pasam}seyyum.

9 'Aparam pi no Kassapa {vinnu} samanuyunjantam samanugahantam samanubhasantam satthara va sattharam samghena va samgham: "Ye imesam bhavatam dhamma akusala akusala-samkhata savajja savajja-samkhata asevitabba asevitabba-samkhata nalam-ariya nalamariya-samkhata kinha kinha-samkhata, ko ime dhamma {anavasesam} pahaya vattati, Gotama-savaka-samgho va, pare va pana bhonto ganacariya-savaka-samgha ti?"

10. 'Thanam kho pan' etam Kassapa vijjati yam vinnu samanuyunjanta samanugahanta samanubhasanta evam {vadeyyum}: "Ye imesam bhavatam dhamma akusala akusala-samkhata savajja savajja-samkhata asevitabba asevitabba-samkhata nalam-ariya nalamariya-samkhata kinha kinha-samkhata, Gotama-savaka-samgho ime dhamme anavasesam pahaya vattati, yam va pana bhonto pare ganacariya-savaka-samgha ti." Iti ha Kassapa vinnu samanuyunjanta samanugahanta samanubhasanta amhe va tattha yebhuyyena {pasamseyyum.}

11. 'Aparam pi no Kassapa vinnu samanuyunjantam samanugahantam samanubhasantam satthara va {sattharam} samghena va samgham:

[page 165]

"Ye imesam bhavatam dhamma kusala kusala-samkhata anavajja anavajja-samkhata sevitabba sevitabba-samkhata alam-ariya alamariya-samkhata sukka sukka-samkhata, ko ime dhamme anavasesam samadaya vattati, Gotama-savaka-samgho va pare va pana bhonto ganacariya-savaka-samgha ti?"

12. 'Thanam kho pan' etam Kassapa vijjati yam vinnu samanuyunjanta samanugahanta samanubhasanta evam vadeyyum: "Ye imesam bhavatam dhamma kusala kusala-samkhata anavajja anavajja-samkhata sevitabba sevitabba-samkhata alam-ariya alamariya-samkhata sukka sukka-samkhata, Gotama-savaka-samgho ime dhamme anavasesam samadaya vattati, yam va pana bhonto pare va ganacariya-savaka-samgha ti." Iti ha Kassapa vinnu samanuyunjanta samanugahanta samanubhasanta amhe va tattha yebhuyyena {pasamseyyum}.

13. 'Atthi Kassapa maggo, atthi patipada, yatha patipanno samam yeva nassati samam {dakkhiti}: "Samano Gotamo kala-vadi bhuta-vadi attha-vadi dhamma-vadi vinaya-vadi ti." Katamo ca Kassapa maggo, katama patipada, yatha patipanno samam yeva nassati samam {dakkhiti}: "Samano va Gotamo kala-vadi bhuta-vadi attha-vadi dhamma-vadi vinaya-vadi ti"? Ayam eva Ariyo Atthangiko Maggo, seyyathidam samma-ditthi samma-sankappo samma-vaca samma-kammanto samma-ajivo samma-vayamo samma-sati samma-samadhi. Ayam kho Kassapa maggo, ayam patipada, yatha patipanno samam yeva nassati samam {dakkhiti}: "Samano va Gotamo kala-vadi bhuta-vadi atthavadi dhamma-vadi vinaya-vadi ti."'

14. Evam vutte acelo Kassapo Bhagavantam etad avoca: 'Ime kho avuso Gotama tapo-pakkama ekesam samanabrahmananam samanna-samkhata ca brahmanna-samkhata ca.

[page 166]

Acelako hoti muttacaro hatthapalekhano, na-ehibhadantiko, na-tittha-bhadantiko, nabhihatam na uddissakatam na nimantanam sadiyati. So na kumbhi-mukha patiganhati, na kalopi-mukha patiganhati, na elakamantaram na dandamantaram na musalamantaram, na dvinnam bhunjamananam, na gabbhiniya na payamanaya na purisantara-gataya, na samkittisu, na yattha sa upatthito hoti, na yattha makkhika sanda-sanda-carini, na maccham na {mamsam,} na suram na merayam na thusodakam pivati. So ekagariko va hoti ekalopiko, dvagariko va hoti dvalopiko, sattagariko va hoti sattalopiko. Ekissa pi dattiya yapeti, dvihi pi dattihi yapeti, sattahi pi dattihi yapeti. Ekahikam pi aharam ahareti, dvihikam pi aharam ahareti, sattahikam pi aharam ahareti, iti evarupam addha-masikam pi pariyaya-bhatta-bhojananuyogam anuyutto viharati.

Ime hi kho avuso Gotama tapo-pakkama ekesam samana-brahmananam samanna-samkhata ca brahmannasamkhata ca. Saka-bhakkho va hoti, samaka-bhakkho va hoti, nivara-bhakkho va hoti, daddula-bhakkho va hoti, hata-bhakkho va hoti, kana-bhakkho va hoti, acama-bhakkho va hoti, pinnaka-bhakkho va hoti, tinabhakkho va hoti, gomaya-bhakkho va hoti, vana-mulaphalaharo yapeti pavatta-phala-bhoji.

Ime hi kho avuso Gotama tapo-pakkama ekesam samanabrahmananam samanna-samkhata ca brahmanna-samkhata ca. Sanani pi dhareti, masanani pi dhareti, chava-dussani pi dhareti, pansu-kulani pi dhareti, tiritani pi dhareti,

[page 167]

ajinani pi dhareti, ajinakkhipam pi dhareti, kusaciram pi dhareti vaka-ciram pi dhareti, phalaka-ciram pi dhareti, kesa-kambalam pi dhareti, vala-kambalam pi dhareti, uluka-pakkham pi dhareti. Kesa-massu-locako pi hoti kesa-massu-locananuyogam anuyutto, ubbhatthako pi hoti asana-patikkhitto, ukkutiko pi hoti {ukkutika-ppadhanam} anuyutto, kantakapassayiko pi hoti kantakapassaye seyyam kappeti, phalaka-seyyam pi kappeti, thandila-seyyam pi kappeti, ekapassayiko pi hoti rajojalladhare, abbhokasiko pi hoti yathasanthatiko, vekatiko pi hoti vikata-bhojananuyogam anuyutto, apanako pi hoti apanakattam anuyutto, saya-tatiyakam pi udakorohananuyogam anuyutto viharatiti.'

15. 'Acelako ce pi Kassapa hoti muttacaro hatthapalekhano ... pe ... iti evarupam addha-masikam pi pariyaya-bhatta-bhojananuyogam anuyutto viharati, tassa cayam sila-sampada citta-sampada panna-sampada abhavita hoti asacchikata, atha kho so araka va samanna, araka va brahmanna. Yato kho Kassapa bhikkhu averam avyapajjham metta-cittam bhaveti, asavanan ca khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati, ayam vuccati Kassapa bhikkhu Samano iti pi Brahmano iti pi. Saka-bhakkho ce pi Kassapa hoti, samaka-bhakkho ce pi Kassapa hoti, nivara-bhakkho ... pe ... vana-mula-phalaharo yapeti pavatta-phala-bhoji, tassa cayam sila-sampada citta-sampada panna-sampada abhavita hoti asacchikata, atha kho so araka va samanna araka va brahmanna. Yato kho Kassapa bhikkhu averam avyapajjham metta-cittam bhaveti, asavanan ca khaya anasavam ceto-vimuttim panna-vimuttim ditthe va dhamme sayam {abhinna} sacchikatva upasampajja viharati,

[page 168]

ayam vuccati Kassapa bhikkhu Samano iti pi Brahmano iti pi. {Sanani} ce pi Kassapa dhareti, {masanani} pi dhareti ... pe ... saya-tatiyakam pi udakorohananuyogam anuyutto viharati, tassa cayam silasampada citta-sampada panna-sampada abhavita hoti asacchikata, atha kho so araka va samanna araka va brahmanna. Yato kho Kassapa bhikkhu averam avyapajjham metta-cittam bhaveti, asavanan ca khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati, ayam vuccati Kassapa bhikkhu Samano iti pi Brahmano iti piti.'

16. Evam vutte acelo Kassapo Bhagavantam etad avoca: 'Dukkaram bho Gotama samannam, dukkaram brahmannan ti.'

'Pakati kho esa Kassapa lokasmim "Dukkaram samannam dukkaram brahmannan" ti. Acelako ce pi Kassapa hoti, muttacaro hatthapalekhano ... pe ... iti evarupam addha-masikam pi pariyaya-bhatta-bhojananuyogam anuyutto viharati, imaya ca Kassapa mattaya imina ca tapo-pakkamena samannam va abhavissa brahmannam va dukkaram sudukkaram, n' etam abhavissa kallam vacanaya "Dukkaram samannam dukkaram brahmannan ti." Sakka ca pan' etam abhavissa katum gahapatina va gahapati-puttena va antamaso kumbha-dasiya pi: "Handaham acelako homi muttacaro hatthapalekhano ... pe ... iti evarupam addha-masikam pi pariyaya-bhatta-bhojananuyogam anuyutto viharamiti." Yasma ca kho Kassapa annatr' eva imaya mattaya annatra imina tapo-pakkamena samannam va hoti brahmannam va dukkaram sudukkaram, tasma etam kallam vacanaya "Dukkaram samannam dukkaram brahmannan ti." Yato kho Kassapa bhikkhu averam avyapajjham metta-cittam bhaveti, asavanan ca khaya anasavam ceto-vimuttim panna-vimuttim {ditthe} va dhamme sayam abhinna sacchikatva upasampajja viharati, ayam vuccati Kassapa bhikkhu Samano iti pi Brahmano iti pi.

[page 169]

Saka-bhakkho ce pi Kassapa hoti, samaka-bhakkho ... pe ... vana-mula-phalaharo yapeti pavatta-phala-bhoji, imaya ca Kassapa mattaya imina ca tapo-pakkamena samannam va abhavissa brahmannam va dukkaram sudukkaram, n' etam abhavissa kallam vacanaya "Dukkaram samannam dukkaram brahmannan ti." Sakka ca pan' etam abhavissa katum gahapatina va gahapati-puttena va antamaso kumbha-dasiya pi: "Handaham saka-bhakkho va homi samaka-bhakkho ... pe ... vana-mula-phalaharo yapemi pavatta-phalabhoji ti." Yasma ca kho Kassapa annatr' eva imaya mattaya annatra imina tapo-pakkamena samannam va hoti brahmannam va dukkaram sudukkaram, tasma etam kallam vacanaya "Dukkaram {samannam} dukkaram brahmannan ti." Yato kho Kassapa bhikkhu averam avyapajjham metta-cittam bhaveti, asavanan ca khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati, ayam vuccati Kassapa bhikkhu Samano iti pi Brahmano iti pi.

{Sanani} ce pi Kassapa dhareti, {masanani} pi dhareti ... pe ... saya-tatiyakam pi udakorohananuyogam anuyutto viharati, imaya ca Kassapa mattaya imina tapo-pakkamena samannam va abhavissa brahmannam va dukkaram sudukkaram, n' etam abhavissa kallam vacanaya "Dukkaram samannam dukkaram brahmannan ti." Sakka ca pan' etam abhavissa katum gahapatina va gahapati-puttena va antamaso kumbha-dasiya pi: "Handaham {sanani} pi dharemi, {masanani} pi dharemi ... pe ... saya-tatiyakam pi udakorohananuyogam anuyogo {viharamiti}." Yasma ca kho Kassapa annatr' eva imaya mattaya annatra imina tapo-pakkamena samannam va hoti brahmannam va dukkaram sudukkaram, tasma etam kallam vacanaya "Dukkaram samannam, dukkaram brahmannan ti." Yato kho Kassapa bhikkhu averam avyapajjham metta-cittam bhaveti, asavanan ca khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati, ayam vuccati Kassapa bhikkhu Samano iti pi Brahmano iti piti.'

[page 170]

17. Evam vutte acelo Kassapo Bhagavantam etad avoca: 'Dujjano bho Gotama samano, dujjano brahmano ti.'

'Pakati kho esa Kassapa lokasmim "Dujjano samano, dujjano brahmano ti." Acelako ce pi Kassapa hoti, muttacaro hatthapalekhano ... pe ... iti evarupam addhamasikam pi pariyaya-bhatta-bhojananuyogam anuyutto viharati, imaya ca Kassapa mattaya imina tapo-pakkamena samano va abhavissa brahmano va dujjano sudujjano, n' etam abhavissa kallam vacanaya "Dujjano samano, dujjano brahmano ti." Sakka ca pan' eso abhavissa natum gahapatina va gahapati-puttena va antamaso kumbha-dasiya pi: "ayam acelako muttacaro hatthapalekhano ... pe ... iti evarupam addha-masikam pi pariyaya-bhatta-bhojananuyogam anuyutto viharatiti." Yasma ca kho Kassapa annatr' eva imaya mattaya annatra imina tapo-pakkamena samano va hoti brahmano va dujjano sudujjano, tasma etam kallam vacanaya "Dujjano samano, dujjano brahmano ti." Yato kho Kassapa bhikkhu averam avyapajjham metta-cittam bhaveti, asavanan ca khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati, ayam vuccati Kassapa bhikkhu Samano iti pi Brahmano iti pi. Saka-bhakkho ce pi Kassapa hoti, samaka-bhakkho ... pe ... vana-mula-phalaharo yapeti pavatta-phalabhoji, imaya ca Kassapa mattaya imina tapo-pakkamena samano va abhavissa brahmano va dujjano sudujjano, n' etam abhavissa kallam vacanaya "Dujjano samano, dujjano brahmano ti." Sakka ca pan' eso abhavissa natum gahapatina va gahapati-puttena va antamaso kumbha-dasiya pi, "ayam saka-bhakkho samaka-{bhakkho} ... pe ... vana-mula-phalaharo yapeti pavatta-phalabhoji ti." Yasma ca kho Kassapa annatr' eva imaya mattaya {annatra} imina tapo-pakkamena samano va hoti brahmano va dujjano sudujjano, tasma etam kallam vacanaya "Dujjano samano, dujjano brahmano ti." Yato kho Kassapa bhikkhu averam avyapajjham metta-cittam bhaveti,

[page 171]

asavanan ca khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati, ayam vuccati Kassapa bhikkhu Samano iti pi Brahmano iti pi. {Sanani} ce pi Kassapa dhareti, {masanani} pi dhareti ... pe ... sayatatiyakam pi udakorohananuyogam anuyutto viharati, imaya ca Kassapa mattaya imina tapo-pakkamena samano va brahmano va abhavissa dujjano sudujjano, n' etam abhavissa kallam vacanaya "Dujjano samano dujjano brahmano ti." Sakka ca pan' eso abhavissa natum gahapatina va gahapati-puttena va antamaso kumbhadasiya pi: "Ayam {sanani} pi dhareti {masanani} pi dhareti ... pe ... saya-tatiyakam pi udakorohananuyogam anuyutto viharatiti." Yasma ca kho Kassapa annatr' eva imaya mattaya annatra imina tapo-pakkamena samano va hoti brahmano va dujjano sudujjano, tasma etam kallam vacanaya "Dujjano samano, dujjano brahmano ti." Yato kho Kassapa bhikkhu averam avyapajjham metta-cittam bhaveti, asavanan ca khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati, ayam vuccati Kassapa bhikkhu Samano iti pi Brahmano {iti} piti.'

18. Evam vutte acelo Kassapo Bhagavantam etad avoca: 'Katama pana sa bho Gotama sila-sampada, katama citta-sampada, katama panna-sampada ti?'

'Idha Kassapa Tathagato loke uppajjati araham sammasambuddho ... pe ... bhaya-dassavi, samadaya sikkhati sikkha-padesu, kayakamma-{vaci-kammena} samannagato kusalena, parisuddhajivo sila-sampanno, indriyesu gutta-dvaro, sati-sampajannena samannagato, santuttho.

'Kathan ca Kassapa bhikkhu sila-sampanno hoti? Idha Kassapa bhikkhu {panatipatam} pahaya panatipata pativirato hoti, nihita-dando, nihita-sattho lajji dayapanno sabbapanabhuta-hitanukampi viharati. Idam pi 'ssa hoti sila-sampadaya [yatha Samanna-phale evam vittharetabbam]

[page 172]

... 'Yatha va pan' eke bhonto samana-brahmana saddha-deyyani bhojanani bhunjitva, te eva-rupaya tiracchana-vijjaya miccha-jivena jivikam kappenti, seyyathidam santi-kammam panidhi-kammam ... pe ... osadhinam patimokkho iti va iti evarupaya tiracchanavijjaya miccha-jiva pativirato hoti. Idam assa hoti {sila-} sampadaya.

'Sa kho so Kassapa bhikkhu evam sila-sampanno na kutoci bhayam samanupassati, yad idam sila-samvarato.

Seyyatha pi Kassapa raja khattiyo muddhavasitto nihitapaccamitto na kutoci bhayam samanupassati, yad idam paccatthikato, evam eva kho Kassapa bhikkhu evam silasampanno na kutoci bhayam samanupassati, yad idam sila-samvarato. So imina ariyena sila-kkhandhena samannagato ajjhattam anavajja-sukham patisamvedeti. Evam kho Kassapa bhikkhu sila-sampanno hoti. Ayam kho sa Kassapa sila-sampada.

19. 'Kathan ca Kassapa bhikkhu indriyesu gutta-dvaro hoti? Idha Kassapa bhikkhu cakkhuna rupam disvana nimittaggahi hoti ... pe ... manindriyam asamvutam viharantam abhijjha domanassa papaka akusala dhamma anvassaveyyum tassa samvaraya patipajjati rakkhati manindriyam, manindriyam samvaram apajjati. So imina ariyena indriya-samvarena samannagato ajjhattam avyaseka-sukham patisamvedeti. Evam kho Kassapa bhikkhu indriyesu gutta-{dvaro} hoti ... pe ... tass' ime panca nivarane pahine attani samanupassato pamojjam jayati, pamuditassa piti jayati, piti-manassa kayo passambhati, passaddha-kayo sukham vedeti, sukhino cittam samadhiyati, so vivicc' eva kamehi vivicca akusalehi dhammehi savitakkam savicaram vivekajam piti-sukham {pathama}-jjhanam upasampajja viharati.

[page 173]

So imam eva kayam vivekajena piti-sukhena abhisandeti parisandeti paripureti parippharati, nassa kinci sabbavato kayassa vivekajena piti-sukhena apphutam hoti. {Seyyatha} pi Kassapa dakkho nahapako va nahapakantevasi va {kamsa-}thale nahaniya-{cunnani} akiritva, udakena paripphosakam paripphosakam sanneyya, sa h' assa nahaniya-pindi snehanugata sneha-pareta santara-bahira phuta snehena, na ca paggharani -- evam eva kho Kassapa bhikkhu imam eva kayam vivekajena piti-sukhena abhisandeti parisandeti paripureti parippharati, nassa kinci sabbavato kayassa vivekajena piti-sukhena apphutam hoti. Idam pi 'ssa hoti citta-sampadaya.

'Puna ca param Kassapa bhikkhu vitakka-vicaranam vupasama ajjhattam sampasadanam cetaso ekodi-bhavam avitakkam avicaram samadhijam piti-sukham dutiyajjhanam ... pe ... tatiyajjhanam ... pe ... catutthajjhanam upasampajja viharati ... pe ... Idam pi 'ssa hoti citta-sampadaya. Ayam kho sa Kassapa cittasampada.

20. 'So evam samahite citte parisuddhe pariyodate {anangane} vigatupakkilese mudu-bhute kammaniye thite {anejjappatte} nana-dassanaya cittam abhiniharati abhininnameti. So evam pajanati: "Ayam kho me kayo rupi catummahabhutiko mata-pettika-sambhavo odata-kummasupacayo aniccucchadana-parimaddana-bhedana-{viddhamsana}-dhammo, idan ca pana me {vinnanam} ettha sitam ettha patibaddhan ti."

'Seyyatha pi Kassapa mani veluriyo subho jatima atthanso suparikamma-kato accho vippasanno sabbakarasampanno, tatr' idam suttam avutam nilam va pitam va lohitam va odatam va pandu-suttam va ti. Evam eva kho Kassapa bhikkhu evam samahite citte parisuddhe pariyodate {anangane} vigatupakkilese mudu-bhute kammaniye thite {anejjappatte} nana-dassanaya cittam abhiniharati abhininnameti.

[page 174]

So evam pajanati: "Ayam kho me kayo rupi catummahabhutiko mata-pettika-sambhavo odatakummasupacayo aniccucchadana-parimaddana-bhedana{viddhamsana}-dhammo, idan ca pana me {vinnanam} ettha sitam ettha patibaddhan ti." Idam pi 'ssa hoti pannasampadaya ... pe ... "naparam itthattayati" pajanati.

Idam pi 'ssa hoti panna-sampadaya. Ayam kho sa Kassapa panna-sampada.

Imaya ca Kassapa sila-sampadaya citta-sampadaya panna-sampadaya anna sila-sampada citta-sampada pannasampada {uttaritara} va panitatara va n' atthi.

21. 'Santi Kassapa eke samana-brahmana sila-vada.

Te aneka-pariyayena silassa vannam bhasanti. Yavata Kassapa ariyam paramam silam, naham tattha attano sama-samam samanupassami kuto bhiyyo. Atha kho aham eva tattha bhiyyo yadidam adhisilam.

'Santi Kassapa eke samana-brahmana tapo-jigucchavada. Te aneka-pariyayena tapo-jigucchaya vannam bhasanti. Yavata Kassapa ariya parama tapo-jiguccha naham tattha attano sama-samam samanupassami kuto bhiyyo. Atha kho aham eva tattha bhiyyo yadidam adhijeguccham.

'Santi Kassapa eke samana-brahmana panna-vada. Te aneka-pariyayena pannaya vannam bhasanti. Yavata Kassapa ariya parama panna, naham tattha attano samasamam {samanupassami} kuto bhiyyo. Atha kho aham eva tattha bhiyyo yadidam adhipanna.

'Santi Kassapa eke samana-brahmana vimutti-vada.

Te aneka-pariyayena vimuttiya vannam bhasanti. Yavata Kassapa ariya parama vimutti, naham tattha attano samasamam samanupassami kuto bhiyyo. Atha kho aham eva tattha bhiyyo yadidam adhimutti.

[page 175]

22. 'Thanam kho pan' etam Kassapa vijjati yam annatitthiya paribbajaka evam vadeyyum: "Siha-nadam kho Samano Gotamo nadati, tan ca kho sunnagare nadati no parisasuti." Te "Ma h' evan" ti assu vacaniya. "Sihanadan ca Samano Gotamo nadati, parisasu ca nadatiti," evam assu Kassapa vacaniya. Thanam kho pan' etam Kassapa vijjati yam anna-titthiya paribbajaka evam vadeyyum: "Siha-nadan ca Samano Gotamo nadati, parisasu ca nadati, na ca kho visarado nadati." . . ..visarado ca nadati -- ... pe ... "na ca kho nam panham pucchanti ... panhan ca nam pucchanti, -- ... pe ... "na ca kho pan' etam panham puttho vyakaroti" ... "panhan ca nesam puttho vyakaroti" -- ... pe ... "na ca kho panhassa veyyakaranena cittam aradheti" ... "panhassa ca veyyakaranena cittam aradheti" -- ... pe ... "na ca kho sotabbam assa mannanti" ... "sotabbam c' assa mannanti" -- ... pe ... "na ca kho sutva pasidanti" ... "sutva c' assa pasidanti" -- ... pe ... na ca kho pasanna pasannakaram karonti" ... "pasanna pasannakaran ca karonti" -- ... pe ... "na ca kho tathattaya patipajjanti" ... "tathattaya ca patipajjanti" -. . . pe ... "na ca kho patipanna aradhentiti." Te "Ma h' evan" ti 'ssu vacaniya. "Siha-nadan ca Samano Gotamo nadati, parisasu ca nadati, visarado ca nadati, panhan ca nam pucchanti, panhan ca nesam puttho vyakaroti, panhassa veyyakaranena cittam aradheti, sotabban c' assa mannanti, sutva ca pasidanti, pasanna ca pasannakaram karonti, tathattaya ca patipajjanti, {patipanna} ca aradhentiti," evam assu Kassapa vacaniya.

23. 'Ekam idaham Kassapa samayam Rajagahe viharami Gijjha-kute pabbate. Tatra mam annataro tapasa-brahmacari Nigrodho nama adhijegucche panham pucchi.

[page 176]

Tassaham adhijegucche panham puttho vyakasim. Vyakate ca pana me attamano ahosi, param viya mattayati.'

'Ko hi bhante Bhagavato dhammam sutva na attamano assa param viya mattaya? Aham pi bhante Bhagavato dhammam sutva attamano param viya mattaya. Abhikkantam bhante, abhikkantam bhante. Seyyatha pi bhante nikkujjitam va ukkujjeyya, paticchannam va vivareyya, mulhassa va maggam acikkheyya, andhakare va tela-pajjotam dhareyya: "Cakkhumanto rupani dakkhintiti," -- evam evam Bhagavata aneka-pariyayena dhammo pakasito. Esaham bhante Bhagavantam saranam gacchami dhamman ca bhikkhu-samghan ca. Labheyyaham bhante Bhagavato santike pabbajjam, labheyyam upasampadan ti.'

24. 'Yo kho Kassapa anna-titthiya-pubbo imasmim dhamma-vinaye akankhati {pabbajjam} akankhati upasampadam so cattaro mase parivasati, catunnam masanam accayena araddha-citta bhikkhu pabbajenti upasampadenti bhikkhu-bhavaya. Api ca m' ettha puggala-vemattata vidita ti.'

'Sace bhante anna-titthiya-pubba imasmim dhammavinaye akankhanta {pabbajjam} akankhanta upasampadam cattaro mase parivasanti, catunnam masanam accayena araddha-citta bhikkhu pabbajenti upasampadenti bhikkhubhavaya, aham cattari vassani parivasissami, catunnam vassanam accayena araddha-citta bhikkhu pabbajentu upasampadentu bhikkhu-bhavayati.'

Alattha kho acelo Kassapo Bhagavato santike pabbajjam,

[page 177]

alatthupasampadam. Acirupasampanno kho pan' ayasma Kassapo eko vupakattho appamatto atapi pahitatto viharanto, na cirass' eva yass' atthaya kula-putta sammad eva agarasma {anagariyam} pabbajanti tad anuttaram brahma-cariya-pariyosanam ditthe va {dhamme} sayam abhinna sacchikatva upasampajja vihasi: '{Khina} jati, vusitam brahmacariyam, katam karaniyam, naparam {itthattayati}' abbhannasi. Annataro ca kho pan' ayasma Kassapo arahatam ahositi.

Kassapa-Sihanada-Suttantam.

[page 178]

 


 

IX. Potthapada Sutta

1. Evam me sutam. Ekam samayam Bhagava Savatthiyam viharati Jetavane Anathapindikassa arame. Tena kho pana samayena Potthapado paribbajako samayappavadake tindukacire eka-salake Mallikaya arame {pativasati} mahatiya paribbajaka-parisaya saddhim timattehi paribbajaka-satehi.

2. Atha kho Bhagava pubbanha-samayam nivasetva, patta-civaram adaya Savatthim pindaya pavisi. Atha kho Bhagavato etad ahosi: 'Atippago kho tava Savatthiyam pindaya caritum, yan nunaham yena samayappavadako tindukaciro eka-salako Mallikaya aramo yena Potthapado paribbajako ten' upasamkameyyan ti.' Atha kho Bhagava yena samayappavadako tindukaciro eka-{salako} Mallikaya aramo ten' upasamkami.

3. Tena kho pana samayena Potthapado paribbajako mahatiya paribbajaka-parisaya saddhim nisinno hoti unnadiniya uccasadda-mahasaddaya aneka-vihitam tiracchanakatham kathentiya, seyyathidam raja-katham cora-katham mahamatta-katham sena-katham bhaya-katham yuddhakatham anna-katham pana-katham vattha-katham sayanakatham mala-katham gandha-katham nati-katham yanakatham gama-katham nigama-katham nagara-katham janapada-katham itthi-katham sura-katham visikhakatham kumbhatthana-katham pubba-peta-katham nanattakatham lokakkhayikam {samudda-kkhayikam} itibhavabhavakatham iti va iti.

[page 179]

4. Addasa kho Potthapado paribbajako Bhagavantam durato va agacchantam, disva sakam parisam santhapesi:

'Appasadda bhonto hontu, ma bhonto saddam akattha.

Ayam Samano Gotamo agacchati, appasadda-kamo kho pana so ayasma appasaddassa vanna-vadi, appeva nama appasaddam parisam viditva {upasamkamitabbam} manneyyati.'

Evam vutte te paribbajaka tunhi ahesum.

5. Atha kho Bhagava yena Potthapado paribbajako ten' upasamkami. Atha kho Potthapado paribbajako Bhagavantam etad avoca:

'Etu kho bhante Bhagava, sagatam bhante Bhagavato, cirassam kho bhante Bhagava imam pariyayam akasi yadidam idh' agamanaya, nisidatu bhante Bhagava, idam asanam pannattan ti.'

Nisidi Bhagava pannatte asane. Potthapado kho paribbajako annataram nicam asanam {gahetva}, ekamantam nisidi. Ekamantam nisinnam kho Potthapadam paribbajakam Bhagava etad avoca:

'Kaya nu 'ttha Potthapada etarahi kathaya sannisinna, ka ca pana vo antara katha vippakata ti?'

6. Evam vutte Potthapado paribbajako Bhagavantam etad avoca:

'Titthat' esa bhante katha yaya mayam etarahi kathaya sannisinna, n' esa bhante katha Bhagavato dullabha bhavissati paccha pi savanaya. Purimani bhante divasani purimatarani nana-titthiyanam {samana-brahmananam} kutuhala-salaya sannisinnanam sannipatitanam abhisannanirodhe katha udapadi:

[page 180]

"Kathan nu kho bho abhisannanirodho hotiti?" Tatr' ekacce evam ahamsu: "Ahetuapaccaya purisassa sanna uppajjanti pi nirujjhanti pi.

Yasmim samaye uppajjanti sanni tasmim samaye hoti, yasmim samaye nirujjhanti, asanni tasmim samaye hotiti." Itth' eke abhisanna-nirodham pannapenti. Tam anno evam aha: "Na kho nam' etam bho evam bhavissati.

Sanna hi bho purisassa atta, sa ca kho upeti pi apeti pi.

Yasmim samaye upeti sanni tasmim samaye hoti, {yasmim} samaye apeti asanni tasmim samaye hotiti." Itth' eke abhisanna-nirodham pannapenti. Tam anno evam aha: "Na kho nam' etam bho evam bhavissati. Santi hi bho samana-{brahmana} mahiddhika mahanubhava. Te imassa purisassa sannam upakaddhanti pi apakaddhanti pi.

Yasmim samaye upakaddhanti sanni tasmim samaye hoti, yasmim samaye apakaddhanti asanni tasmim samaye hotiti." Itth' eke abhisanna-nirodham pannapenti. Tam anno evam aha: "Na kho nam' etam bho evam bhavissati.

Santi hi bho devata mahiddhika mahanubhava. Te imassa purisassa sannam upakaddhanti pi apakaddhanti pi.

Yasmim samaye upakaddhanti sanni tasmim samaye hoti, yasmim samaye apakaddhanti asanni tasmim samaye hotiti." Itth' eke abhisanna-nirodham pannapenti. Tassa mayham bhante Bhagavantam yeva arabbha sati udapadi: "Aho nuna Bhagava aho nuna Sugato, yo imesam dhammanam sukusalo ti." Bhagava pakatannu abhisannanirodhassa. Kathan nu kho bhante abhisanna-nirodho hotiti?'

7. 'Tatra Potthapada ye te samana-brahmana evam ahamsu: "Ahetu-appaccaya purisassa sanna uppajjanti pi nirujjhanti piti" adiso va tesam aparaddham. Tam kissa hetu? Sahetu hi Potthapada sappaccaya purisassa sanna uppajjanti pi nirujjhanti pi.

[page 181]

Sikkha eka sanna uppajjanti, sikkha eka sanna nirujjhanti.

'Ka ca sikkha?' ti Bhagava avoca. 'Idha Potthapada Tathagato loke uppajjati, araham samma-sambuddho ... pe ... kaya-kamma-vaci-kammena samannagato kusalena parisuddhajivo sila-sampanno indriyesu gutta-dvaro sati-sampajannena samannagato santuttho. Kathan ca Potthapada bhikkhu sila-sampanno hoti? Idha Potthapada bhikkhu {panatipatam} pahaya panatipata pativirato hoti, nihita-dando nihita-sattho lajji dayapanno sabbapanabhuta-hitanukampi viharati. Idam pi 'ssa hoti silasmim ... pe ... Yatha va pan' eke bhonto samana-brahmana saddha-deyyani bhojanani bhunjitva, te evarupaya tiracchana-vijjaya miccha-jivena jivikam kappenti, seyyathidam santi-kammam, panidhi-kammam ... pe ... osadhinam patimokkho; iti va iti evarupaya tiracchana-vijjaya micchajiva pativirato hoti. Idam pi 'ssa hoti silasmim.

8. 'Sa kho Potthapada evam sila-sampanno na kuto ci bhayam samanupassati yadidam sila-samvarato. Seyyatha pi Potthapada raja khattiyo {muddhavasitto} nihita-paccamitto na kuto ci bhayam samanupassati yadidam paccatthikato, evam eva kho Potthapada bhikkhu evam sila-sampanno na kuto ci bhayam samanupassati yadidam sila-samvarato. So imina ariyena silakkhandhena samannagato ajjhattam anavajja-{sukham} patisamvedeti. Evam kho Potthapada bhikkhu sila-sampanno hoti.

9. 'Kathan ca Potthapada bhikkhu indriyesu gutta-dvaro hoti? Idha Potthapada bhikkhu cakkhuna rupam disva na nimittaggahi hoti nanuvyanjanaggahi. Yatvadhikaranam enam cakkhundriyam asamvutam viharantam abhijjhadomanassa papaka akusala dhamma anvassaveyyum, tassa {samvaraya} patipajjati, rakkhati cakkhundriyam, cakkhundriye samvaram apajjati.

[page 182]

Sotena saddam sutva ... pe ... ghanena gandham ghayitva, jivhaya rasam sayitva, kayena potthabbam phusitva, manasa dhammam vinnaya, na nimittaggahi hoti nanuvyanjanaggahi. Yatvadhikaranam enam manindriyam asamvutam viharantam abhijjha-domanassa papaka akusala dhamma anvassaveyyum tassa samvaraya patipajjati, rakkhati manindriyam, manindriye samvaram apajjati. So imina ariyena indriyasamvarena samannagato ajjhattam avyaseka-sukham patisamvedeti. Evam kho Potthapada bhikkhu indriyesu gutta-dvaro hoti. ... pe [D. ii.-] . . .

10. 'Tass' ime panca nivarane pahine attani samanupassato pamujjam jayati, pamuditassa piti jayati, pitimanassa kayo passambhati, passaddha-kayo sukham vedeti, sukhino cittam samadhiyati. So vivicc' eva kamehi vivicca akusalehi dhammehi savitakkam savicaram vivekajam piti-sukham pathamajjhanam upasampajja viharati.

Tassa ya purima kama-sanna sa nirujjhati. Vivekaja-pitisukha-sukhuma-sacca-sanna tasmim samaye hoti, vivekaja-{piti-sukha}-sukhuma-sacca-sanni yeva tasmim samaye hoti. Evam pi sikkha eka sanna uppajjanti, sikkha eka sanna nirujjhanti. Ayam sikkha' ti Bhagava avoca.

11. 'Puna ca param Potthapada bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam piti-sukham dutiyajjhanam upasampajja viharati. Tassa ya purima vivekajam piti-sukham sukhuma-sacca-sanna sa nirujjhati.

Samadhija-{piti-sukha}-sukhuma-sacca-sanna tasmim samaye hoti,

[page 183]

samadhija-{piti-sukha}-sukhuma-sacca-sanni yeva tasmim samaye hoti. Evam pi sikkha eka sanna uppajjanti, sikkha eka sanna nirujjhanti. Ayam sikkha ti' Bhagava avoca.

12. 'Puna ca param Potthapada bhikkhu pitiya ca viraga upekhako ca viharati sato ca sampajano, sukhan ca kayena {patisamvedeti} yan tam ariya acikkhanti: "Upekhako satima sukha-vihari ti," tatiyajjhanam upasampajja viharati. Tassa ya purima samadhijam piti-sukham sukhuma-sacca-sanna sa nirujjhati. Upekha-sukha-sukhumasacca-sanna tasmim samaye hoti, upekha-sukha-sukhumasacca-sanni yeva tasmim samaye hoti. Evam pi sikkha eka sanna uppajjanti, sikkha eka sanna nirujjhanti. Ayam sikkha' ti Bhagava avoca.

13. 'Puna ca param Potthapada bhikkhu sukhassa ca pahana dukkhassa ca pahana pubb' eva somanassa-domanassanam atthagama {adukkha-m-asukham} upekha-sati-parisuddhim catutthajjhanam upasampajja viharati. Tassa ya purima upekha-sukha-sukhuma-sacca-sanna sa nirujjhati. {Adukkha-m-asukha}-sukhuma-sacca-sanna tasmim samaye hoti, {adukkha-m-asukha}-sukhuma-sacca-sanni yeva tasmim samaye hoti. Evam pi sikkha eka sanna uppajjanti, sikkha eka sanna nirujjhanti. Ayam sikkha' ti Bhagava avoca.

14. 'Puna ca param Potthapada bhikkhu sabbaso rupasannanam samatikkama patigha-sannanam atthagama nanatta-sannanam amanasi-kara "ananto akaso ti" akasanancayatanam upasampajja viharati. Tassa ya purima rupasanna sa nirujjhati. Akasanancayatana-sukha-sukhumasacca-sanna tasmim samaye hoti, akasanancayatanasukhuma-sacca-sanni yeva tasmim samaye hoti. Evam pi sikkha eka sanna uppajjanti, sikkha eka sanna nirujjhanti. Ayam sikkha' ti Bhagava avoca.

15. 'Puna ca param Potthapada bhikkhu sabbaso akasanancayatanam samatikkamma "anantam {vinnanan} ti" {vinnanancayatanam} upasampajja viharati.

[page 184]

Tassa ya purima akasanancayatana-sukhuma-sacca-sanna, sa nirujjhati.

{Vinnanancayatana}-sukhuma-sacca-sanna tasmim samaye hoti, {vinnanancayatana}-sukhuma-sacca-sanni yeva tasmim samaye hoti. Evam pi sikkha eka sanna uppajjanti, sikkha eka sanna nirujjhanti. Ayam sikkha' ti Bhagava avoca.

16. 'Puna ca param Potthapada bhikkhu sabbaso {vinnanancayatanam} samatikkamma "n' atthi kinciti" akincannayatanam upasampajja viharati. Tassa ya purima {vinnanancayatana}-sukhuma-sacca-sanna, sa nirujjhati. Akincannayatana-sukhuma-sacca-sanna tasmim samaye hoti, akincannayatana-sukhuma-sacca-sanni yeva tasmim samaye hoti. Evam pi sikkha eka sanna uppajjanti, sikkha eka sanna nirujjhanti. Ayam sikkha' ti Bhagava avoca.

17. 'Yato kho Potthapada bhikkhu idha saka-sanni hoti, so tato amutra tato amutra anupubbena sannaggam phusati. Tassa sannagge thitassa evam hoti: "Cetayamanassa me papiyo, acetayamanassa me seyyo. Ahan ce va kho pana ceteyyam {abhisankhareyyam}, ima ca me sanna nirujjheyyum, anna ca olarika sanna uppajjeyyum. Yan nunaham na ceteyyam na abhisamkhareyyanti." So na c' eva ceteti na abhisamkharoti. Tassa acetayato anabhisamkharoto ta c' eva sanna nirujjhanti, anna ca olarika sanna na uppajjanti. So nirodham phusati. Evam kho Potthapada anupubbabhisanna-nirodha-sampajana-samapatti hoti.

18. 'Tam kim mannasi, Potthapada? Api nu te ito pubbe evarupa anupubbabhisanna-nirodha-sampajana-samapatti suta-pubba ti?'

'No h' etam bhante. Evam kho aham bhante Bhagavato bhasitam ajanami:-- "Yato kho Potthapada bhikkhu idha saka-sanni hoti, so tato amutra tato amutra anupubbena sannaggam phusati. Tassa sannagge thitassa evam hoti: 'Cetayamanassa me papiyo,

[page 185]

acetayamanassa me seyyo.

Ahan ce va kho pana ceteyyam {abhisankhareyyam}, ima ca me sanna nirujjheyyum, anna ca olarika sanna uppajjeyyum.

Yan nunaham na ceteyyam na abhisamkhareyyan ti?' So na c' eva ceteti, na abhisamkharoti. Tassa acetayato anabhisamkharoto ta c' eva sanna nirujjhanti, anna ca olarika sanna na uppajjanti. So nirodham phusati. Evam kho Potthapada anupubbabhisanna-nirodha-sampadanasamapatti hotiti."'

'Evam kho Potthapadati.'

19. 'Ekam yeva nu kho bhante Bhagava sannaggam pannapeti, udahu puthu pi sannagge pannapetiti?'

'Ekam pi kho aham Potthapada sannaggam pannapemi, puthu pi sannagge pannapemiti.'

'Yatha katham pana bhante Bhagava ekam pi sannaggam pannapeti, puthu pi sannagge pannapetiti?'

'Yatha yatha kho Potthapada nirodham phusati, tatha tatha 'ham sannaggam pannapemi, evam kho aham Potthapada ekam pi sannaggam pannapemi, puthu pi sannagge pannapemiti.'

20. 'Sanna nu kho bhante pathamam uppajjati, paccha nanam, udahu pathamam nanam uppajjati, paccha sanna, udahu sanna ca nanan ca apubbam acarimam uppajjantiti?'

'Sanna kho Potthapada pathamam uppajjati, paccha nanam, sannuppada ca pana nanuppado hoti. So evam pajanati: "Idappaccaya kira me nanam udapaditi." Imina p' etam Potthapada pariyayena veditabbam yatha sanna pathamam uppajjati paccha nanam, sannuppada ca pana nanuppado hotiti.'

21. 'Sanna nu kho bhante purisassa atta, udahu anna sanna, anno atta ti?'

'Kim pana tvam Potthapada attanam paccesiti?'

[page 186]

'Olarikam kho aham bhante attanam paccemi rupim catummahabhutikam {kabalinkarahara}-bhakkhan ti.'

'Olariko ca hi te Potthapada atta abhavissa rupi {catummahabhutiko} kabalinkarahara-bhakkho, evam santam kho te Potthapada anna va sanna bhavissati anno atta. Tad imina p' etam Potthapada pariyayena veditabbam, yatha anna va sanna bhavissati anno atta.

Titthat' evayam Potthapada olariko atta rupi catummahabhutiko kabalinkarahara-bhakkho, atha imassa purisassa anna va sanna uppajjanti, anna va sanna {nirujjhanti}.

Imina pi kho etam Potthapada pariyayena veditabbam, yatha anna va sanna bhavissati, anno atta ti.'

22. 'Manomayam kho aham bhante attanam paccemi sabbanga-paccangim ahinindriyan' ti.

'Manomayo ca hi te Potthapada atta abhavissa sabbanga-paccangi ahinindriyo evam santam pi kho te Potthapada anna va sanna bhavissati anno atta. Tad imina p' etam Potthapada pariyayena veditabbam, yatha anna va sanna bhavissati anno atta. {Titthat'} evayam Potthapada manomayo {atta} sabbanga-paccangi ahinindriyo, atha imassa purisassa anna va sanna uppajjanti anna va sanna nirujjhanti. Imina pi kho etam Potthapada pariyayena veditabbam yatha anna va sanna bhavissati anno atta ti.'

[page 187]

23. 'Arupim kho aham bhante attanam paccemi sannamayan ti.'

'Arupi ca hi te Potthapada atta abhavissa sannamayo, evam santam pi kho te Potthapada anna va sanna bhavissati anno atta. Tad imina p' etam Potthapada pariyayena veditabbam yatha anna va sanna bhavissati anno atta.

Titthat' evayam Potthapada arupi atta sannamayo, atha imassa purisassa anna va sanna uppajjanti, anna va sanna nirujjhanti. Imina pi kho etam Potthapada pariyayena veditabbam yatha anna va sanna bhavissati anno atta ti.'

24. 'Sakka pan' etam bhante maya natum: "Sanna purisassa atta" ti va, "anna sanna anno atta" ti va?'

'Dujjanam kho etam Potthapada taya anna-ditthikena anna-khantikena anna-rucikena annatrayogena annatthacariyakena: "Sanna purisassa atta" ti va, "anna sanna anno atta" ti va.'

25. 'Sac' etam bhante maya dujjanam anna-ditthikena anna-khantikena anna-rucikena annatrayogena annatthacariyakena: "Sanna purisassa atta" ti va, "anna sanna anno atta" ti va, kim pana bhante, sassato loko? Idam eva saccam mogham annan ti?'

'Avyakatam kho Potthapada maya: "Sassato loko, idam eva saccam mogham annan ti."'

'Kim pana bhante, asassato loko? Idam eva saccam mogham annan ti?'

'Etam pi kho Potthapada avyakatam maya: "Asassato loko, idam eva saccam mogham annan ti."'

'Kim pana bhante, antava loko? Idam eva saccam mogham annanti?'

'Avyakatam kho etam Potthapada maya: "Antava loko, idam eva saccam mogham annan' ti.

'Kim pana bhante, anantava loko? Idam eva saccam mogham annan ti?'

[page 188]

'Etam pi kho Potthapada maya avyakatam: "Anantava loko, idam eva saccam mogham annan ti."'

26. 'Kim pana bhante, tam jivam tam sariram? Idam eva saccam mogham annan ti?'

'Avyakatam kho etam Potthapada maya: "Tam jivam tam sariram, idam eva saccam mogham annan ti."'

'Kim pana bhante, annam jivam annam sariran ti?

Idam eva saccam mogham annan ti?'

'Etam pi kho Potthapada maya avyakatam: "Annam jivam annam sariran. Idam eva saccam mogham annan ti."'

27. 'Kim pana bhante, hoti Tathagato param marana?

Idam eva saccam mogham annan ti?'

'Avyakatam kho etam Potthapada maya: "Hoti Tathagato param marana. Idam eva saccam mogham annan ti."'

'Kim pana bhante, na hoti Tathagato param marana?

Idam eva saccam mogham annan ti?'

'Etam pi kho Potthapada maya avyakatam: "Na hoti Tathagato param marana. Idam eva saccam mogham annan ti."'

'Kim pana bhante, hoti ca na ca hoti Tathagato param marana? Idam eva saccam mogham annan ti?'

'Avyakatam kho etam Potthapada maya: "Hoti ca na ca hoti Tathagato param marana. Idam eva saccam mogham annan ti."'

'Kim pana bhante, n' eva hoti na na hoti Tathagato param marana? Idam eva saccam mogham annan ti?'

'Etam pi kho Potthapada maya avyakatam: "N' eva hoti na na hoti Tathagato param {marana}. Idam eva saccam mogham annan ti."'

28. 'Kasma bhante Bhagavata avyakatan' ti?

'Na h' etam Potthapada attha-samhitam na dhammasamhitam na adibrahmacariyakam,

[page 189]

na nibbidaya na {vira gaya}na nirodhaya na upasamaya na abhinnaya na sambodhaya na nibbanaya samvattati. Tasma tam maya avyakatan ti.'

29. 'Kim pana bhante Bhagavata vyakatan ti?'

"'Idam dukkhan" ti Potthapada maya vyakatam.

"Ayam dukkha-samudayo" ti kho Potthapada maya vyakatam. "Ayam dukkha-nirodho" ti kho Potthapada maya vyakatam. "Ayam dukkha-nirodha-gamini {patipada}" ti kho Potthapada maya vyakatan ti.'

30. 'Kasma pan' etam bhante Bhagavata vyakatan ti?'

'Etam hi kho Potthapada attha-samhitam etam dhamma-samhitam etam adibrahmacariyakam, etam nibbidaya viragaya nirodhaya upasamaya abhinnaya sambodhaya nibbanaya samvattati. Tasmatam maya vyakatan ti.'

'Evam etam Bhagava, evam etam Sugata. Yassa dani bhante Bhagava kalam mannatiti.'

Atha kho Bhagava utthay' asana pakkami.

31. Atha kho te paribbajaka acira-pakkantassa Bhagavato Potthapadam paribbajakam samantato vacaya sannitodakena sanjambhariyam akamsu: 'Evam eva panayam Potthapado yam yad eva Samano Gotamo bhasati tam tad ev' assa abbhanumodati: "Evam etam Bhagava evam etam Sugatati." Na kho pana mayam kinci Samanassa Gotamassa ekamsikam dhammam desitam ajanama "Sassato loko" ti va, "Asassato loko" ti va, "Antava loko" ti va, "Anantava loko" ti va, "Tam jivam tam sariran" ti va, "Annam jivam annam sariran" ti va, "Hoti Tathagato param marana" ti va, "Na hoti Tathagato param marana" ti va,

[page 190]

"Hoti ca na ca hoti Tathagato param marana" ti va, "N' eva hoti na na hoti Tathagato param marana" ti va ti.'

Evam vutte Potthapado paribbajako te paribbajake etad avoca: 'Aham pi kho bho na kinci Samanassa Gotamassa ekamsikam dhammam desitam ajanami "Sassato loko" ti va, "Asassato loko" ti va ... pe ... "N' eva hoti na na hoti Tathagato param marana ti" va. Api ca Samano Gotamo bhutam taccham tatham patipadam pannapeti dhammatthitam dhamma-niyamakam. Bhutam kho pana taccham tatham patipadam pannapentassa dhammatthitam dhamma-niyamakam katham hi nama madiso vinnu Samanassa Gotamassa subhasitam subhasitato nabbhanumodeyyati?'

32. Atha kho dviha-tihassa accayena Citto ca {Hatthisari putto} Potthapado ca paribbajako yena Bhagava ten' upasamkamimsu. Upasamkamitva Citto {Hatthisariputto} Bhagavantam abhivadetva ekamantam nisidi, Potthapado pana paribbajako Bhagavata saddhim sammodi, sammodaniyam katham saraniyam katham {vitisaretva} ekamantam nisidi. Ekamantam nisinno kho Potthapado paribbajako Bhagavantam etad avoca:

'Tada mam bhante paribbajaka acira-pakkantassa Bhagavato samantato vacaya sannitodakena sanjambhariyam akamsu: "Evam eva panayam Potthapado yam yad eva Samano Gotamo bhasati, tam tad ev' assa abbhanumodati: 'Evam etam Bhagava evam etam Sugatati.' Na kho pana mayam kinci Samanassa Gotamassa {ekamsikam} dhammam desitam ajanama: 'Sassato loko' ti va, 'Asassato loko' ti va, 'Antava loko' ti va, 'Anantava loko' ti va, 'Tam jivam tam sariran' ti va, 'Annam jivam annam sariran' ti va, 'Hoti Tathagato param marana' ti va, 'Na hoti Tathagato param marana' ti va, 'Hoti ca na ca hoti Tathagato param marana' ti va,

[page 191]

'N' eva hoti na na hoti Tathagato param marana' ti va." Evam vuttaham bhante te paribbajake etad avocam: "Aham pi kho bho na kinci Samanassa Gotamassa {ekamsikam} dhammam desitam ajanami, 'Sassato loko' ti va, 'Asassato loko' ti va ... pe ... 'N' eva hoti na na hoti Tathagato param marana' ti va. Api ca Samano Gotamo bhutam taccham tatham patipadam pannapeti dhamma-tthitam dhamma-niyamakam. Katham hi nama madiso vinnu Samanassa Gotamassa subhasitam subhasitato nabbhanumodeyyati?"'

33. 'Sabbe va kho ete Potthapada paribbajaka andha acakkhuka, tvam yeva nesam eko cakkhuma, {ekamsika} pi hi Potthapada maya dhamma desita pannatta, {anekamsika} pi hi kho Potthapada maya dhamma desita pannatta.

Katame ca te Potthapada maya {anekamsika} dhamma desita pannatta? "Sassato loko" ti va Potthapada maya ane{kamsiko} dhammo desito pannatto, "Asassato loko" ti kho Potthapada maya {anekamsiko} dhammo desito pannatto "Antava loko" ti kho Potthapada maya ... pe ... "Anantava loko" ti kho Potthapada ... "Tam jivam tam sariran" ti kho Potthapada ... "Annam jivam annam sariran" ti kho Potthapada ... "Hoti Tathagato param marana" ti kho Potthapada ... "Na hoti Tathagato param {marana}" ti kho Potthapada ... "Hoti ca na hoti Tathagato param marana" ti kho Potthapada ... "N' eva hoti na na hoti Tathagato param marana" ti kho Potthapada maya {anekamsiko} dhammo desito pannatto.

'Kasma ca te Potthapada maya {anekamsika} dhamma desita pannatta? Na h' ete Potthapada attha-samhita, na dhamma-samhita, na adibrahmacariyaka, na nibbidaya na viragaya na nirodhaya na upasamaya na abhisannaya na sambodhaya na nibbanaya samvattanti. Tasma te maya {anekamsika} dhamma desita pannatta.

'Katame ca te Potthapada maya {ekamsika} dhamma desita pannatta? "Idam dukkhan" ti kho Potthapada maya {ekamsiko} dhammo desito pannatto.

[page 192]

"Ayam dukkha-samudayo" ti kho Potthapada maya {ekamsiko} dhammo desito pannatto. "Ayam dukkha-nirodho" ti kho Potthapada maya {ekamsiko} dhammo desito pannatto. "Ayam dukkhanirodha-gamini patipada" ti kho Potthapada maya {ekamsiko} dhammo desito pannatto.

'Kasma ca te Potthapada maya {ekamsika} dhamma desita pannatta? Ete Potthapada attha-samhita ete dhammasamhita ete adibrahmacariyaka, ete nibbidaya viragaya nirodhaya upasamaya abhinnaya sambodhaya nibbanaya samvattanti. Tasma te maya {ekamsika} dhamma desita pannatta.

34. 'Santi Potthapada eke samana-{brahmana} evamvadino evam-ditthino: "Ekanta-sukhi atta hoti arogo param marana ti." Tyaham upasamkamitva evam vadami: "Saccam kira tumhe ayasmanto evam vadino evam ditthino: 'Ekanta-sukhi atta hoti arogo param marana' ti?" Te ce me evam puttha amo ti patijananti. Tyaham evam vadami: "Api pana tumhe ayasmanto ekanta-sukham lokam janam passam viharathati"? Iti puttha no ti vadanti. Tyaham evam vadami: "Api pana tumhe ayasmanto ekam va rattim ekam va divasam upaddham va rattim upaddham va divasam ekanta-{sukhim} attanam sanjanathati?" Iti puttha no ti vadanti. Tyaham evam vadami: "Api pana tumhe ayasmanto janatha: 'Ayam maggo ayam patipada ekanta-sukhassa lokassa sacchikiriyayati'?" Iti puttha no ti vadanti. Tyaham evam {vadami}: "Api pana tumhe ayasmanto ya ta devata ekantasukham lokam {uppanna} tasam bhasamananam saddam sunatha: 'Suppatipann' attha marisa ujupatipann' attha marisa ekanta-sukhassa lokassa sacchikiriyaya, mayam pi hi marisa evam pi patipanna ekanta-sukham lokam uppanna' ti?"

[page 193]

Iti puttha no ti vadanti. Tam kim mannasi Potthapada? Na nu evam sante tesam samana-brahmananam appatihirakatam bhasitam sampajjatiti?' . 'Seyyatha pi puriso evam vadeyya: "Aham ya imasmim janapade janapada-kalyani tam icchami tam kamemiti." Tam enam evam vadeyyum: "Ambho purisa, yan tvam janapada-kalyanim icchasi kamesi, janasi tam janapada-kalyanim Khatti va Brahmani va Vessi va Suddi va ti?" Iti puttho no ti vadeyya. Tam enam evam vadeyyum: "Ambho purisa yam tvam janapada-kalyanim icchasi kamesi, janasi tam janapada-kalyanim evam-nama evam-gotta ti va, digha va rassa va majjhima ti va, kali va sama va mangura-cchavi va ti, amukasmim game va nigame va nagare va ti?" Iti puttho no ti vadeyya. Tam enam evam vadeyyum: "Ambho purisa yan tvam na janasi na passasi, tam tvam icchasi kamesiti?" Iti puttho amo ti vadeyya. Tam kim mannasi Potthapada? Na nu evam sante tassa purisassa appatihirakatam bhasitam sampajjatiti'?

'Addha kho bhante, evam sante tassa purisassa appatihirakatam bhasitam sampajjatiti.'

36. 'Evam eva kho Potthapada, ye te samana-brahmana evam vadino evam ditthino: "Ekanta-sukhi atta hoti arogo param marana ti," tyaham upasamkamitva evam vadami: "Saccam kira tumhe ayasmanto evamvadino evam-ditthino: 'Ekanta-sukhi atta hoti arogo param marana ti?' Te ca me evam puttha amo ti patijananti. Tyaham evam vadami: "Api pana tumhe ayasmanto ekanta-sukham lokam janam passam viharathati?" Iti puttha no ti vadanti.

[page 194]

Tyaham evam vadami: "Api pana tumhe ayasmanto ekam va rattim ekam va divasam, upaddham va rattim upaddham va divasam, ekanta-sukhim attanam sanjanathati?" Iti puttha no ti vadanti. Tyaham evam vadami; "Api pana tumhe ayasmanto janatha: 'Ayam maggo ayam patipada ekanta-sukhassa lokassa sacchikiriyayati'?" Iti puttha no ti vadanti. Tyaham evam vadami; "Api pana tumhe ayasmanto ya ta devata ekantasukham lokam uppanna tasam bhasamananam saddam sunatha: 'Supatipann' attha marisa uju-{patipann}' attha marisa ekanta-sukhassa lokassa sacchikiriyaya, mayam pi hi marisa evam patipanna ekanta-sukham lokam uppanna' ti?" Iti puttha no ti vadanti. Tam kim mannasi Potthapada? Na nu evam sante tesam samana-brahmananam appatihira-katam bhasitam sampajjatiti?'

'Addha kho bhante evam sante tesam samana-brahmananam appatihira-katam bhasitam sampajjatiti.'

37. 'Seyyatha pi Potthapada puriso catummahapathe nissenim kareyya pasadassa arohanaya. Tam enam evam vadeyyum: "Ambho purisa yassa tvam pasadassa arohanaya nissenim karosi, janasi tam pasadam puratthimaya va disaya, pacchimaya va disaya, uttaraya va disaya, dakkhinaya va disaya, ucco va nico va majjhimo va ti?" Iti puttho va no ti vadeyya. Tam enam evam vadeyyum: "Ambho purisa yan tvam na janasi na passasi, tassa tvam pasadassa arohanaya nissenim karositi." Iti puttho {amo} ti vadeyya.

Tam kim mannasi Potthapada? Na nu evam sante tassa purisassa appatihirakatam bhasitam sampajjatiti?'

'Addha kho bhante evam sante tassa purisassa appatihirakatam bhasitam sampajjatiti.'

38. 'Evam eva kho Potthapada ye te samana-brahmana evam-vadino evam-ditthino: "Ekanta-sukhi atta hoti arogo param marana ti," tyaham upasamkamitva evam vadami: "Saccam kira tumhe ayasmanto evam-vadino evam-ditthino: 'Ekanta-sukhi atta hoti arogo param marana' ti?"

[page 195]

Te ce me evam puttha amo ti patijananti.

Tyaham evam vadami: "Api pana tumhe ayasmanto ekanta-sukham lokam janam passam viharathati?" Iti puttha no ti vadanti. Tyaham evam vadami: "Api pana tumhe ayasmanto ekam va rattim ekam va divasam, upaddham va rattim upaddham va divasam, ekanta-sukhim attanam sanjanathati?" Iti puttha no ti vadanti. Tyaham evam vadami: "Api pana tumhe ayasmanto janatha: "Ayam maggo, ayam patipada ekanta-sukhassa lokassa sacchikiriyayati'?" Iti puttha no ti vadanti. Tyaham evam vadami: "Api pana tumhe ayasmanto ya ta devata ekantasukham lokam uppanna, tasam bhasamananam saddam sunatha: 'Supatipann' attha marisa uju-patipann' attha marisa ekanta-sukhassa lokassa sacchikiriyaya, mayam pi hi marisa evam patipanna ekanta-sukham lokam uppanna' ti?" Iti puttha no ti vadanti. Tam kim mannasi Potthapada? Na nu evam sante tesam samana-brahmananam appatihirakatam bhasitam sampajjatiti?'

'Addha kho bhante evam sante tesam samana-brahmananam appatihirakatam bhasitam sampajjatiti.'

39. 'Tayo kho 'me Potthapada atta-patilabha, olariko atta-patilabho, manomayo atta-patilabho, arupo atta-patilabho. Katamo ca Potthapada olariko atta-patilabho?

Rupi catummahabhutiko {kabalinkarahara}-bhakkho, ayam olariko atta-patilabho. Katamo manomayo atta-patilabho? Rupi manomayo sabbanga-paccangi ahinindriyo, ayam manomayo atta-patilabho. Katamo ca arupo atta-patilabho? Arupi sannamayo, ayam arupo atta-patilabho.

40. 'Olarikassa kho aham Potthapada atta-patilabhassa pahanaya dhammam desemi, yatha patipannanam vo samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissathati.

[page 196]

Siya kho pana te Potthapada evam assa: "Samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissati, dukkho ca kho viharo ti." Na kho pan' etam Potthapada evam datthabbam. Samkilesika c' eva dhamma {pahiyissanti}, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissati, pamujjam c' eva bhavissati piti ca passaddhi ca sati ca sampajannan ca, sukho ca viharo.

41. 'Manomayassa pi kho aham Potthapada atta-patilabhassa pahanaya dhammam desemi yatha patipannanam vo samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissathati. Siya kho {pana} te Potthapada evam assa: "Samkilesika dhamma pahiyissanti, vodaniya dhamma abhivaddhissanti, {panna}-paripurim vepullatan ca {ditthe} va dhamme sayam abhinna sacchikatva upasampajja viharissati, dukkho ca kho viharo cati." Na kho pan' etam Potthapada evam datthabbam. Samkilesika c' eva dhamma pahiyissanti, vodaniya dhamma abhivaddhissanti, panna-paripurim {vepullatan} ca ditthe va dhamme sayam abhinna sacchikatva upasampajja viharissati, pamujjam c' eva bhavissati piti ca passaddhi ca sati ca sampajannan ca, sukho ca viharo.

42. 'Arupassa pi kho aham Potthapada atta-patilabhassa pahanaya dhammam desemi yatha patipannanam vo samkilesika dhamma pahiyissanti, vodaniya dhamma abhivaddhissanti,

[page 197]

panna-paripurim vepullatan ca ditthe va dhamme sayam abhinna sacchikatva upasampajja viharissathati. Siya kho pana te Potthapada evam assa:

Samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissati, dukkho ca kho viharo ti." Na kho pan' etam Potthapada evam datthabbam. Samkilesika c' eva dhamma pahiyissanti, vodaniya dhamma abhivaddhissanti, pannaparipurim vepullatan ca ditthe va dhamme sayam abhinna sacchikatva upasampajja viharissati, pamujjam c' eva bhavissati piti ca passaddhi ca sati ca sampajannan ca, sukho ca viharo.

43. 'Pare ce Potthapada amhe evam puccheyyum: "Katamo pana so avuso olariko atta-patilabho yassa tumhe pahanaya dhammam desetha yatha patipannanam vo samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissathati?" tesam mayam evam puttha evam vyakareyyama: "Ayam va so avuso olariko atta-patilabho yassa mayam pahanaya dhammam desema yatha patipannanam vo samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissathati.' "

44. 'Pare ce Potthapada amhe evam puccheyyum: "Katamo pana so avuso manomayo atta-patilabho yassa tumhe pahanaya dhammam desetha {yatha} patipannanam vo samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissathati?" tesam mayam evam puttha evam vyakareyyama: "Ayam va so avuso manomayo atta-patilabho yassa mayam pahanaya dhammam desema yatha patipannanam vo samkilesika dhamma pahiyissanti, vodaniya dhamma abhivaddhissanti,

[page 198]

panna-paripurim vepullatan ca ditthe va dhamme sayam abhinna sacchikatva upasampajja viharissathati.' "

45. 'Pare ce {Potthapada} amhe evam puccheyyum: "Katamo pana so avuso arupo atta-patilabho yassa tumhe pahanaya dhammam desetha yatha patipannanam vo samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissathati'?" tesam mayam evam puttha evam vyakareyyama: "Ayam va so avuso arupo atta-patilabho yassa mayam pahanaya dhammam desema, yatha patipannanam vo samkilesika dhamma pahiyissanti, vodaniya dhamma {abhivaddhissanti}, panna-paripurim vepullatan ca ditthe va dhamme sayam abhinna sacchikatva upasampajja viharissathati.' "

'Tam kim mannasi Potthapada? Nanu evam sante sappatihirakatam bhasitam sampajjatiti'?

'Addha kho bhante evam sante sappatihirakatam bhasitam sampajjatiti.'

46. 'Seyyatha pi Potthapada puriso nissenim kareyya pasadassa arohanaya, tass' eva pasadassa {hettha}. Tam enam evam {vadeyyum}: "Ambho purisa yassa tvam pasadassa arohanaya nissenim karosi, janasi tam pasadam puratthimaya va disaya, dakkhinaya va disaya, pacchimaya va disaya, uttaraya va disaya, ucco va nico va majjho va ti?" So ce evam vadeyya: "Ayam va so avuso pasado yassaham {arohanaya} nissenim karomi tass' eva pasadassa {hettha} ti." Tam kim mannasi Potthapada? nanu evam sante tassa purisassa sappatihirakatam bhasitam sampajjatiti'?

'Addha kho bhante evam sante tassa purisassa sappatihirakatam bhasitam sampajjatiti.'

[page 199]

47. 'Evam eva kho Potthapada pare ce amhe evam puccheyyum: "Katamo pana so avuso {olariko} atta-patilabho"? ... pe ... "Katamo pana so avuso manomayo atta-patilabho?" ... pe ... Pare ce Potthapada amhe evam puccheyyum: "Katamo pana so avuso arupo attapatilabho yassa tumhe pahanaya dhammam desetha yatha patipannanam vo samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme abhinna sacchikatva upasampajja viharissathati?" tesam mayam evam puttha evam vyakareyyama: "Ayam va so avuso arupo atta-patilabho yassa mayam pahanaya dhammam desema yatha {patipannanam} vo samkilesika dhamma pahiyissanti, vodaniya dhamma abhivaddhissanti, panna-paripurim vepullatan ca ditthe va dhamme sayam abhinna sacchikatva upasampajja viharissathati."'

'Tam kim mannasi Potthapada? Na nu evam sante sappatihirakatam bhasitam sampajjatiti?'

'Addha kho bhante evam sante sappatihirakatam bhasitam sampajjatiti.'

48. Evam vutte Citto Hatthisari-putto Bhagavantam etad avoca:

'Yasmim bhante samaye olariko atta-patilabho hoti, mogh' assa tasmim samaye manomayo atta-patilabho hoti, mogho arupo atta-patilabho hoti. Olariko assa attapatilabho tasmim samaye sacco hoti. Yasmim bhante samaye manomayo atta-patilabho hoti, mogh' assa tasmim samaye olariko atta-patilabho hoti, mogho arupo attapatilabho hoti. Manomayo assa atta-{patilabho} tasmim samaye sacco hoti. Yasmim bhante samaye arupo attapatilabho hoti, mogh' assa tasmim samaye olariko attapatilabho hoti, mogho manomayo atta-patilabho hoti.

Arupo assa atta-patilabho tasmim samaye sacco hotiti.'

49. 'Yasmim Citta samaye olariko atta-patilabho hoti, n' eva tasmim samaye manomayo atta-patilabho ti sankham gacchati,

[page 200]

na arupo atta-patilabho ti sankham gacchati, olariko atta-patilabho tveva tasmim samaye {sankham} gacchati. Yasmim Citta samaye manomayo atta-patilabho hoti, n' eva tasmim samaye olariko atta-patilabho ti sankham gacchati, na arupo atta-patilabho ti sankham gacchati, manomayo atta-patilabho tveva tasmim samaye sankham gacchati. Yasmim Citta samaye arupo attapatilabho hoti, n' eva tasmim samaye olariko atta-patilabho ti sankham gacchati, na manomayo atta-patilabho ti sankham gacchati, arupo atta-patilabho tveva tasmim samaye sankham gacchati. Sace tam Citta evam puccheyyum: "Ahosi tvam atitam addhanam, na tvam na ahosi, bhavissasi tvam anagatam addhanam, na tvam na bhavissasi, atthi tvam etarahi, na tvam n' atthiti?", evam puttho tvam Citta kin ti vyakareyyasiti?'

'Sace mam bhante evam puccheyyum: "Ahosi tvam atitam addhanam na tvam na ahosi, bhavissasi tvam anagatam addhanam, na tvam na bhavissasi, atthi tvam etarahi, na tvam n' atthiti?" evam puttho aham bhante evam vyakareyyam: "Ahos' aham atitam addhanam naham nahosim, bhavissam' aham anagatam addhanam naham {na} bhavissami, atthaham etarahi naham {n' atthiti.}" Evam puttho aham bhante evam vyakareyyan ti.'

50. 'Sace pana tam Citta evam puccheyyum: "Yo te ahosi atito atta-patilabho, sveva te atta-patilabho sacco, mogho anagato mogho paccuppanno? Yo va te bhavissati anagato atta-patilabho, sveva te atta-patilabho sacco, mogho anagato mogho paccuppanno? Yo {va} te etarahi paccuppanno atta-patilabho, sveva te atta-patilabho sacco, mogho atito mogho anagato ti?", evam puttho tvam Citta kin ti vyakareyyasiti?'

'Sace pana mam bhante evam puccheyyum: "Yo te ahosi atito atta-patilabho,

[page 201]

sveva te atta-patilabho sacco, mogho anagato mogho paccuppanno? Yo va te bhavissati anagato atta-patilabho, sveva te atta-patilabho sacco, mogho atito mogho paccuppanno? Yo va te etarahi paccuppanno atta-patilabho, sveva te atta-patilabho sacco, mogho atito mogho anagato ti?", evam puttho aham bhante evam vyakareyyam: "Yo me ahosi atito atta-patilabho sveva me atta-patilabho tasmim samaye sacco ahosi, mogho anagato mogho paccuppanno. Yo va me bhavissati anagato attapatilabho, sveva me atta-patilabho tasmim samaye sacco bhavissati, mogho atito bhavissati mogho paccuppanno.

Yo me etarahi paccuppanno atta-patilabho, sveva me attapatilabho sacco, mogho atito mogho anagato ti." Evam puttho aham bhante vyakareyyan ti.'

51. 'Evam eva kho Citta yasmim samaye olariko attapatilabho hoti, n' eva tasmim samaye manomayo attapatilabho ti sankham gacchati, na arupo atta-patilabho ti sankham gacchati, olariko atta-patilabho tveva tasmim samaye sankham gacchati. Yasmim Citta samaye manomayo atta-patilabho hoti ... pe ... Yasmim Citta samaye arupo atta-patilabho hoti, n' eva tasmim samaye olariko atta-patilabho ti sankham gacchati, na {manomayo} atta-patilabho ti sankham gacchati, arupo atta-patilabho tveva tasmim samaye sankham gacchati.

52. 'Seyyatha pi Citta gava khiram, khiramha dadhi, dadimha navanitam, navanitamha sappi, sappimha sappimando, yasmim samaye khiram hoti n' eva tasmim samaye dadhiti sankham gacchati, na navanitan ti sankham gacchati, na sappiti sankham gacchati, na sappi-mando ti sankham gacchati, khiran tveva tasmim samaye sankham gacchati; yasmim samaye dadhi hoti ... navanitam hoti ... sappi hoti ... sappi-mando hoti, n' eva tasmim samaye khiran ti sankham gacchati, na dadhiti sankham gacchati, na navanitan ti sankham gacchati, na sappiti sankham gacchati, sappi-mando tveva tasmim samaye sankham gacchati.

[page 202]

53. 'Evam eva kho Citta yasmim samaye olariko attapatilabho hoti ... pe ... {Yasmim} Citta samaye manomayo atta-patilabho hoti ... pe ... Yasmim Citta samaye arupo atta-patilabho hoti, n' eva tasmim samaye olariko atta-patilabho ti sankham gacchati, na manomayo atta-patilabho ti sankham gacchati, arupo atta-patilabho tveva tasmim samaye sankham gacchati. Itima kho Citta loka-samanna loka-niruttiyo loka-vohara loka-pannattiyo yahi Tathagato voharati aparamasan ti.'

54. Evam vutte Potthapado paribbajako Bhagavantam etad avoca:

'Abhikkantam bhante, abhikkantam bhante. Seyyatha pi bhante nikkujjitam va ukkujjeyya, paticchannam va vivareyya, mulhassa va maggam {acikkheyya}, andha-kare va tela-pajjotam dhareyya: cakkhumanto rupani dakkhintiti -- evam evam Bhagavata aneka-pariyayena dhammo pakasito. Esaham bhante Bhagavantam saranam gacchami dhamman ca bhikkhu-samghan ca. Upasakam mam Bhagava dharetu ajjatagge panupetam saranam gatan ti.'

55. Citto pana Hatthisari-putto Bhagavantam etad avoca:

'Abhikkantam bhante, abhikkantam bhante. Seyyatha pi bhante nikkujjitam va ukkujjeyya, paticchannam va vivareyya, mulhassa va maggam acikkheyya, andhakare va tela-pajjotam dhareyya: cakkhumanto rupani dakkhintiti -- evam evam Bhagavata aneka-pariyayena dhammo pakasito. Esaham bhante Bhagavantam saranam gacchami dhamman ca bhikkhu-samghan ca. Labheyyaham bhante Bhagavato santike pabbajjam, labheyyam upasampadan ti.'

56. Alattha kho Citto Hatthisari-putto Bhagavato santike pabbajjam, alattha upasampadam. Acirupasampanno kho pan' ayasma Citto Hatthisari-putto eko vupakattho appamatto atapi pahitatto viharanto, na cirass' eva yass' atthaya kula-putta sammad eva agarasma anagariyam {pabbajanti} tad anuttaram brahmacariyam pariyosanam ditthe va dhamme sayam abhinna sacchikatva upasampajja vihasi,

[page 203]

'{khina} jati, vusitam brahmacariyam, katam karaniyam, naparam itthattayati' abbhannasi. Annataro kho pan' ayasma Citto Hatthisari-putto arahatam ahositi.

POTTHAPADA-SUTTANTAM.

[page 204]

 


 

X. Subha Sutta

1.1. Evam me sutam. Ekam samayam ayasma Anando Savatthiyam viharati Jetavane Anathapindikassa arame, acira-parinibbute Bhagavati. Tena kho pana samayena Subho manavo Todeyya-putto Savatthiyam pativasati kenacid eva karaniyena.

2. Atha kho Subho manavo Todeyya-putto annataram manavakam amantesi: 'Ehi tvam manavaka, yena samano Anando ten' upasamkama, upasamkamitva mama vacanena samanam Anandam appabadham appatankam {lahu-tthanam} balam phasu-viharam puccha: "Subho manavo Todeyya-putto bhavantam Anandam appabadham appatankam {lahu-tthanam} balam phasu-viharam pucchatiti," evan ca vadehi: "Sadhu kira bhavam Anando yena Subhassa manavassa Todeyya-puttassa nivesanam ten' upasamkamatu anukampam upadayati."'

3. 'Evam bho' ti kho so manavako Subhassa manavassa Todeyya-puttassa patissutva yen' ayasma Anando ten' upasamkami, upasamkamitva ayasmata Anandena saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho so manavako ayasmantam Anandam etad avoca:

'Subho manavo Todeyya-putto bhavantam Anandam appabadham appatankam {lahu-tthanam} balam phasuviharam pucchati, evan ca vadeti: "Sadhu kira bhavam Anando yena Subhassa manavassa Todeyyaputtassa nivesanam ten' upasamkamatu anukampam upadayati."'

[page 205]

4. Evam vutte ayasma Anando tam manavakam etad avoca:

'Akalo kho manavaka, atthi me ajja bhesajja-matta pita, {app} eva nama sve pi upasamkameyyama, kalan ca samayan ca upadayati.'

Atha kho so manavako utthay' asana yena Subho manavo Todeyya-putto ten' upasamkami, upasamkamitva Subham manavam Todeyya-puttam etad avoca:

'Avocumha kho mayam bhoto vacanena tam bhavantam Anandam: "Subho manavo Todeyya-putto bhavantam Anandam appabadham appatankam {lahu-tthanam} balam phasu-viharam pucchati, evan ca vadeti: 'Sadhu kira bhavam Anando yena Subhassa manavassa Todeyyaputtassa nivesanam ten' upasamkamatu anukampam upadayati.' " Evam vutte bho samano Anando mam etad avoca: "Akalo kho manavaka, atthi me ajja bhesajjamatta pita, {app} eva nama sve pi upasamkameyyama kalan ca samayan ca upadayati." Ettavata pi kho bho katam' eva etam yato kho so bhavam Anando okasam akasi svatanaya pi upasamkamanayati.'

5. Atha kho ayasma Anando tassa rattiya accayena pubbanha-samayam nivasetva patta-civaram adaya Cetakena bhikkhuna paccha samanena yena Subhassa manavassa Todeyya-puttassa nivesanam ten' upasamkami, upasamkamitva pannatte asane nisidi. Atha kho Subho manavo Todeyya-putto yen' ayasma Anando ten' {upasamkami}, upasamkamitva ayasmata Anandena saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho Subho manavo Todeyya-putto ayasmantam Anandam etad avoca:

[page 206]

'Bhavam hi Anando tassa bhoto Gotamassa digharattam upatthako santikavacaro samipa-cari. Bhavam etam Anando janeyya yesam so bhavam Gotamo dhammanam vanna-vadi ahosi, yattha ca imam janatam samadapesi nivesesi patitthapesi. Katamesanam kho bho Ananda dhammanam so bhavam Gotamo vanna-vadi ahosi, kattha ca imam janatam samadapesi nivesesi patitthapesiti?'

6. 'Tinnam kho manava khandhanam so Bhagava vanna-vadi ahosi, ettha ca imam janatam samadapesi nivesesi patitthapesi. Katamesam tinnam? Ariyassa silakkhandhassa, ariyassa samadhikkhandhassa, ariyassa pannakkhandhassa. Imesam kho manava tinnam khandhanam so Bhagava vanna-vadi ahosi, ettha ca imam janatam samadapesi nivesesi patitthapesiti.'

'Katamo pana so bho Ananda ariyo silakkhandho yassa so bhavam Gotamo vanna-vadi ahosi yattha ca imam janatam samadapesi nivesesi patitthapesiti?'

47. 'Idha manava Tathagato loke uppajjati araham samma-sambuddho ... evam kho manava bhikkhu silasampanno hoti.

[See Samanna-Phala-Sutta, 40-63.]

30. 'Ayam kho so manava ariyo silakkhandho yassa so Bhagava vanna-vadi ahosi, ettha ca imam janatam samadapesi nivesesi patitthapesi. Atthi c' ev' ettha uttarim karaniyan ti.'

'Acchariyam bho Ananda, abbhutam bho Ananda. So cayam bho Ananda ariyo silakkhandho paripunno no aparipunno, evam paripunnam vaham bho Ananda ariyam silakkhandham ito {bahiddha} annesu samana-brahmanesu na samanupassami.

[page 207]

Evam paripunnam ca bho Ananda ariyam silakkhandham ito {bahiddha} anne samana-{brahmana} attani samanupasseyyum, te tavataken' eva attamana assu: "Alam ettavata katam ettavata anuppatto no samannattho, n' atthi no kinci uttarim karaniyan ti"? Atha ca pana bhavam Anando evam aha: 'Atthi c' ev' ettha uttarim karaniyan ti.'

Subha-Suttamhi Pathamaka-{Bhanavaram}.

2.1. 'Katamo pana so bho Ananda ariyo samadhikkhandho yassa so bhavam Gotamo vanna-vadi ahosi, yattha ca imam janatam samadapesi nivesesi patitthapesiti'?

'Kathan ca manava bhikkhu indriyesu gutta-dvaro hoti? ... nassa kinci sabbavato kayassa vivekajena piti-sukhena apphutam hoti.

[Samanna-Phala-Sutta, 64-76.]

13. 'Yam pi manava bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamajjhanam upasampajja viharati, so imam eva kayam vivekajena piti-sukhena abhisandeti, parisandeti {paripureti} parippharati, nassa kinci sabbavato kayassa vivekajena piti-sukhena apphutam hoti. Idam pi 'ssa hoti samadhismim.

14. 'Puna ca param manava bhikkhu vitakka-{vicara}nam ... apphutam hoti.

[Samanna-Phala-Sutta, 77,78.]

[page 208]

... pe ... Idam pi 'ssa hoti samadhismim.

16. 'Puna ca param manava bhikkhu pitiya ca viraga upekhako viharati ... apphutam hoti.

[Samanna-Phala-Sutta, 79-82.]

... pe ... Idam pi 'ssa hoti samadhismim.

19. 'Ayam kho so manava ariyo samadhikkhandho yassa so Bhagava vanna-vadi ahosi, ettha ca imam janatam samadapesi nivesesi patitthapesi. Atthi c' ev' ettha uttarim karaniyan' ti.

'Acchariyam bho Ananda, abbhutam bho Ananda. So cayam bho Ananda ariyo samadhikkhandho paripunno no aparipunno, evam paripunnam 'vaham bho Ananda ariyam samadhikkhandham ito bahiddha annesu samanabrahmanesu na samanupassami. Evam paripunnan ca bho Ananda ariyam samadhikkhandham ito bahiddha anne samana-brahmana attani samanupasseyyum, te tavataken' eva attamana assu: "Alam ettavata katam ettavata anuppatto samannattho, n' atthi no kinci uttarim karaniyan ti." Atha ca pana bhavam Anando evam aha: 'Atthi c' ev' ettha uttarim karaniyan ti.'

20. 'Katamo pana so bho Ananda ariyo {pannakhandho} yassa so bhavam Gotamo vanna-vadi ahosi, yattha ca imam janatam samadapesi nivesesi patitthapesiti?'

'So evam samahite citte parisuddhe pariyodate ... ettha patibaddham.

[Samanna-Phala-Sutta, 83,84.]

22. 'Yam pi manava bhikkhu evam samahite citte parisuddhe pariyodate {anangane} vigatupakkilese mudu-bhute kammaniye thite anejjappatte nana-dassanaya cittam abhiniharati abhininnameti,

[page 209]

so evam pajanati: "Ayam kayo rupi catummahabhutiko mata-pettika-sambhavo odanakummas-upacayo anicc-ucchadana-parimaddana-bhedana{viddhamsana}-dhammo, idan ca pana me {vinnanam} ettha sitam ettha paribaddhan ti." Idam pi 'ssa hoti pannaya.

23. 'So evam samahite citte ... ahinindriyam.

[Samanna-Phala-Sutta, 85,86.]

Idam pi 'ssa hoti pannaya.

25. 'So evam samahite citte ... naparam itthattayati {pajanati}.

[Samanna-Phala-Sutta, 87-98.]

36. 'Yam pi manava bhikkhu evam samahite citte parisuddhe pariyodate {anangane} vigatupakkilese mudu-bhute kammaniye thite anejjappatte asavanam khaya nanaya cittam abhiniharati abhininnameti, so "Idam dukkhan" ti yathabhutam pajanati, "Ayam dukkha-samudayo" ti yathabhutam pajanati, "Ayam dukkha-nirodho" ti yathabhutam pajanati, "Ayam dukkha-nirodha-gamini-patipada" ti yathabhutam pajanati; "Ime asava" ti yathabhutam pajanati, "Ayam asava-samudayo" ti yathabhutam pajanati, "Ayam asava-nirodho" ti yathabhutam pajanati, "Ayam asava-nirodha-gamini-patipada" ti yathabhutam pajanati. Tassa evam janato evam passato kamasava pi cittam vimuccati, bhavasava pi cittam vimuccati, avijjasava pi cittam vimuccati, vimuttasmim vimuttam iti nanam hoti, "{khina} jati, vusitam brahmacariyam, katam karaniyam, naparam itthattayati" pajanati. Idam pi 'ssa hoti pannaya.

37. 'Ayam kho so manava ariyo {pannakhandho} yassa so Bhagava vanna-vadi ahosi, ettha ca imam janatam samadapesi nivesesi patitthapesi. N' atthi c' ev' ettha uttarim karaniyan ti.'

[page 210]

'Acchariyam bho Ananda, abbhutam bho Ananda.So cayam bho Ananda ariyo pannakkhandho paripunno no aparipunno, evam paripunnam caham bho Ananda ariyam pannakkhandham ito bahiddha annesu samana-brahmanesu na samanupassami. N' atthi c' ev' ettha uttarim karaniyan ti. Abhikkantam bho Ananda, abhikkantam bho Ananda. Seyyatha pi bho Ananda nikkujjitam va ukkujjeyya, paticchannam va vivareyya, mulhassa va maggam acikkheyya, andhakare va tela-pajjotam dhareyya: cakkhumanto rupani dakkhintiti -- evam eva bhota Anandena aneka-pariyayena dhammo pakasito. Esaham bho Ananda Bhagavantam Gotamam saranam gacchami dhamman ca bhikkhu-samghan ca. Upasakam mam bhavam Anando dharetu, ajjatagge panupetam saranam gatan ti.'

SUBHA-SUTTANTAM.

[page 211]

 


 

XI. Kevaddha Sutta

1. Evam me sutam. Ekam samayam Bhagava Nalandayam viharati Pavarikambavane. Atha kho Kevaddho gahapati-putto yena Bhagava ten' upasamkami, upasamkamitva Bhagavantam abhivadetva ekamantam nisidi. Ekamantam nisinno kho Kevaddho gahapati-putto Bhagavantam etad avoca:

'Ayam bhante Nalanda iddha c' eva phita ca bahujana akinna-manussa Bhagavati abhippasanna. Sadhu bhante Bhagava ekam bhikkhum samadisatu, yo uttari-manussadhamma iddhi-patihariyam karissati. Evayam Nalanda {bhiyyoso mattaya} Bhagavati abhippasidissatiti.'

Evam vutte Bhagava Kevaddham gahapati-puttam etad avoca: 'Na kho aham Kevaddha bhikkhunam evam dhammam desemi: "Etha tumhe bhikkhave gihinam odatavasananam uttari-manussa-dhamma iddhi-patihariyam karothati."'

2. Dutiyam pi kho Kevaddho gahapati-putto Bhagavantam etad avoca:

'Naham bhante Bhagavantam {dhamsemi}. Api ca evam vadami: "Ayam bhante Nalanda iddha {c' eva} phita ca bahujana akinna-manussa Bhagavati abhippasanna. Sadhu bhante Bhagava ekam bhikkhum samadisatu yo uttarimanussa-dhamma iddhi-patihariyam karissati.

[page 212]

Evayam Nalanda {bhiyyoso mattaya} Bhagavati abhipasidissatiti.'

Dutiyam pi kho Bhagava Kevaddham gahapati-puttam etad avoca: 'Na kho aham Kevaddha bhikkhunam evam dhammam desemi: "Etha tumhe bhikkhave gihinam odata-vasananam uttari-manussa-dhamma iddhi-patihariyam karothati."'

3. Tatiyam pi kho Kevaddho gahapati-putto Bhagavantam etad avoca:

'Naham bhante Bhagavantam {dhamsemi}. Api ca evam vadami: "Ayam bhante Nalanda iddha c' eva phita ca bahujana akinna-manussa Bhagavati abhippasanna. Sadhu bhante Bhagava ekam bhikkhum samadisatu yo uttarimanussa-dhamma iddhi-patihariyam karissati. Evayam Nalanda {bhiyyoso mattaya} Bhagavati abhippasidissatiti.'

'Tini kho imani Kevaddha patihariyani maya sayam abhinna sacchikatva paveditani. Katamani {tini}? Iddhipatihariyam adesana-patihariyam anusasani-patihariyam.

4. 'Kataman ca Kevaddha iddhi-{patihariyam}? Idha Kevaddha bhikkhu aneka-vihitam iddhi-vidham paccanubhoti.

Eko pi hutva bahudha hoti, bahudha pi hutva eko hoti.

Avi-bhavam tiro-bhavam tiro-kuddam tiro-pakaram tiropabbatam asajjamano gacchati seyyatha pi akase, pathaviya pi ummujja-nimujjam karoti seyyatha pi udake, udake pi abhijjamano gacchati seyyatha pi pathaviyam, akase pi pallankena kamati seyyatha pi pakkhi sakuno, ime pi candima-suriye evam mahiddhike evam mahanubhave panina parimasati parimajjati, yava Brahma-loka pi kayena va samvatteti. Tam enam annataro saddho pasanno passati tam bhikkhum aneka-vihitam iddhi-vidham paccanubhontam eko pi hutva bahudha bhontam, bahudha pi hutva eko bhontam, avi-bhavam tiro-bhavam tiro-kuddam tiropakaram tiro-pabbatam asajjamanam gacchantam seyyatha pi akase, pathaviya pi ummujja-nimujjam karontam seyyatha pi udake,

[page 213]

udake pi abhijjamanam gacchantam seyyatha pi pathaviyam, akase pi pallankena kamantam seyyatha pi pakkhi sakuno, ime pi candima-suriye evam mahiddhike evam mahanubhave panina parimasantam parimajjantam, yava Brahma-loka pi kayena va samvattentam.

5. 'Tam enam so saddho pasanno annatarassa {assaddhassa} appasannassa aroceti: "Acchariyam vata bho, abbhutam vata bho, samanassa mahiddhikata mahanubhavata.

Amaham bhikkhum addasam aneka-vihitam iddhi-vidham paccanubhontam, eko pi hutva bahudha bhontam ... pe ... yava Brahma-loka pi kayena va samvattentan ti."

Tam enam so assaddho appasaddho tam saddham pasannam evam vadeyya: "Atthi kho bho Gandhari nama vijja.

Taya so bhikkhu aneka-vihitam iddhi-vidham paccanubhoti. Eko pi hutva bahudha hoti ... pe ... yava Brahma-loka pi kayena va samvattetiti." Tam kim mannasi Kevaddha? Api nu so assaddho appasanno tam saddham pasannam evam vadeyyati?'

'Vadeyya bhante ti.'

'Imam kho aham Kevaddha iddhi-patihariye adinavam sampassamano iddhi-patihariyena attiyami harayami jigucchami.

6. 'Kataman ca Kevaddha adesana-patihariyam? Idha Kevaddha bhikkhu parasattanam parapuggalanam cittam pi adisati cetasikam pi adisati vitakkitam pi adisati vicaritam pi adisati: "Evam pi te mano ittham pi te mano iti pi te cittan ti." Tam enam annataro saddho pasanno passati tam bhikkhum parasattanam parapuggalanam cittam pi adisantam cetasikam pi adisantam vitakkitam pi adisantam vicaritam pi adisantam: "Evam pi te mano ittham pi te mano iti pi te cittan ti."

7. 'Tam enam so saddho pasanno annatarassa assaddhassa appasannassa aroceti: 'Acchariyam vata bho,

[page 214]

abbhutam vata bho, samanassa mahiddhikata mahanubhavata. Amaham bhikkhum addasam parasattanam parapuggalanam cittam pi adisantam cetasikam pi adisantam vitakkitam pi adisantam vicaritam pi adisantam: "Evam pi te mano ittham pi te mano iti pi te cittan ti." Tam enam so assaddho appasanno tam saddham pasannam evam vadeyya: "Atthi kho bho Maniko nama vijja. Taya so bhikkhu parasattanam parapuggalanam cittam pi adisati cetasikam pi adisati ... pe ... evam pi te mano ittham pi te mano iti pi te cittan ti." Tam kim mannasi Kevaddha? Api nu so assaddho appasanno tam saddham pasannam evam vadeyyati?'

'Vadeyya bhante ti.'

'Imam kho aham Kevaddha adesana-patihariye adinavam sampassamano adesana-patihariyena attiyami harayami jigucchami.

8. 'Kataman ca Kevaddha anusasani-patihariyam?

Idha Kevaddha bhikkhu evam anusasati: "Evam vitakketha ma evam vitakkayittha, evam manasikarotha ma {evam} manasakattha, idam pajahatha idam upasampajja viharathati." Idam pi vuccati Kevaddha anusasani-patihariyam.

9. 'Puna ca param Kevaddha idha Tathagato loke uppajjati araham sammasambuddho ... pe ... yatha {Samanna-phale} evam vittharetabbam . . .

44. 'Tass' ime panca nivarane pahine attani samanupassato pamojjam jayati, pamuditassa piti jayati, pitimanassa kayo passambhati, {passaddha}-kayo sukham vedeti, {sukhino} cittam samadhiyati. So vivicc' eva kamehi vivicca akusalehi dhammehi savitakkam savicaram vivekajam pitisukham pathamajjhanam upasampajja viharati. So imam eva kayam vivekajena piti-sukhena abhisandeti parisandeti paripureti parippharati,

[page 215]

nassa kinci sabbavato kayassa vivekajena piti-sukhena {apphutam} hoti.

45. 'Seyyatha pi Kevaddha dakkho nahapako va nahapakantevasi va {kamsa-thale} nahaniya-cunnani akiritva udakena paripphosakam paripphosakam sanneyya, sa 'ssa nahaniya-pindi snehanugata sneha-pareta santara-bahira phuta sinehena na ca paggharani -- evam eva Kevaddha bhikkhu imam eva kayam vivekajena piti-sukhena abhisandeti parisandeti paripureti parippharati, nassa kinci sabbavato kayassa vivekajena piti-sukhena apphutam hoti. Idam pi vuccati Kevaddha anusasani-patihariyam.

50. ... 'catutthajjhanam upasampajja viharati ... pe ... Idam pi vuccati Kevaddha anusasani-patihariyam.

52. 'So evam samahite citte parisuddhe pariyodate {anangane} vigatupakkilese mudu-bhute kammaniye thite anejjappatte nana-dassanaya cittam abhiniharati ... pe ... Idam pi vuccati Kevaddha anusasani-patihariyam.

53. ... naparam itthattayati pajanati. Idam vuccati Kevaddha anusasani-patihariyam.

67. 'Imani kho Kevaddha tini patihariyani maya sayam abhinna sacchikatva paveditani. Bhutapubbam Kevaddha imasmim yeva bhikkhu-samghe annatarassa bhikkhuno evam cetaso parivitakko udapadi: "Kattha nu kho ime cattaro mahabhuta aparisesa nirujjhanti, seyyathidam pathavi-dhatu apo-dhatu tejo-dhatu vayo-dhatuti?" Atha kho so Kevaddha bhikkhu tatha-rupam samadhim samapajji yatha samahite citte devayaniyo maggo patur ahosi.

68. 'Atha kho so Kevaddha bhikkhu yena Catummaharajika deva ten' upasamkami, upasamkamitva Catummaharajike deve etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavidhatu apo-dhatu tejo-dhatu vayo-dhatuti?"

'Evam vutte Kevaddha {Catummaharajika} deva tam bhikkhum etad avocum:

[page 216]

"Mayam pi kho bhikkhu na janama yatth' ime cattaro mahabhuta aparisesa nirujjhanti, seyyathidam pathavi-dhatu apo-dhatu, tejo-dhatu, vayo-dhatu. Atthi kho bhikkhu cattaro Maharaja amhehi abhikkantatara ca panitatara ca. Te kho evam janeyyum yatth' ime cattaro mahabhuta aparisesa nirujjhanti, seyyathidam pathavi-dhatu apo-dhatu tejo-dhatu vayo-dhatuti."'

69. 'Atha kho so Kevaddha bhikkhu yena cattaro Maharaja ten' upasamkami, upasamkamitva cattaro Maharaje etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu apo-dhatu tejo-dhatu vayo-{dhatuti}?"

'Evam vutte Kevaddha cattaro Maharaja tam bhikkhum etad avocum: "Mayam pi kho bhikkhu na janama yatth' ime cattaro mahabhuta aparisesa nirujjhanti, seyyathidam pathavi-{dhatu} apo-dhatu tejo-dhatu vayo-dhatu. Atthi kho bhikkhu {Tavatimsa} nama deva amhehi abhikkantatara ca panitatara ca. Te kho evam janeyyum yatth' ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti."

70. 'Atha kho so Kevaddha bhikkhu yena Tavatinsa deva ten' upasamkami, upasamkamitva Tavatinse deve etad avoca: "Kattha nu kho avuso ime cattaro {mahabhuta} aparisesa nirujjhanti, seyyathidam pathavi-dhatu ... pe ... vayo-dhatuti?"

'Evam vutte Kevaddha Tavatinsa deva tam bhikkhum etad avocum: "Mayam pi kho bhikkhu na janama yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-{dhatu}. Atthi kho bhikkhu Sakko nama devanam indo amhehi abhikkantataro ca panitataro ca. So kho etam janeyya yatth' ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti."

[page 217]

71. 'Atha kho so Kevaddha bhikkhu yena Sakko devanam indo ten upasamkami, upasamkamitva Sakkam devanam indam etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti?"

'Evam vutte Kevaddha Sakko devanam indo tam bhikkhum etad avoca: "Aham pi kho bhikkhu na janami yatth' ime cattaro mahabhuta aparisesa nirujjhanti, sey{yathidam} pathavi-dhatu ... pe ... vayo-dhatu. Atthi kho bhikkhu Yama nama deva amhehi abhikkantatara ca panitatara ca. Te kho etam janeyyum yatth' ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti."

72. 'Atha kho so Kevaddha bhikkhu yena Yama deva ten' upasamkami, upasamkamitva Yame deve etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu ... pe ... vayodhatuti?"

"Evam vutte Kevaddha Yama deva tam bhikkhum etad avocum: "Mayam pi kho bhikkhu na janama yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatu. Atthi kho bhikkhu Suyamo nama deva-putto amhehi abhikkantataro ca panitataro ca. So kho etam janeyya yatth' ime cattaro mahabhuta aparisesa nirujjhanti, seyyathidam {pathavi}dhatu ... pe ... vayo-dhatuti."

73. 'Atha kho so Kevaddha bhikkhu yena Suyamo devaputto ten' upasamkami, upasamkamitva Suyamam devaputtam etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti?"

'Evam vutte Kevaddha Suyamo deva-putto tam bhikkhum etad avoca: "Aham pi kho bhikkhu na janami yatth' ime cattaro mahabhuta aparisesa nirujjhanti, seyyathidam pathavi-dhatu

[page 218]

... pe ... vayo-dhatu. Atthi kho bhikkhu Tusita nama deva amhehi abhikkantatara ca panitatara ca. Te kho etam janeyyum yatth' ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti."

74. 'Atha kho so Kevaddha bhikkhu yena Tusita deva ten' upasamkami, upasamkamitva Tusite deve etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu ... pe ... vayodhatuti?"

'Evam vutte Kevaddha Tusita deva tam bhikkhum etad avocum: "Mayam pi kho bhikkhu na janama yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatu. Atthi kho bhikkhu Santusito nama deva-putto amhehi abhikkantataro ca panitataro ca. So kho etam janeyya yatth' ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti."

75. 'Atha kho so Kevaddha bhikkhu yena Santusito deva-putto ten' upasamkami, upasamkamitva Santusitam deva-puttam etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatuti?"

'Evam vutte Kevaddha Santusito deva-putto tam bhikkhum etad avoca: "Aham pi kho bhikkhu na janami yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatu. Atthi kho bhikkhu Nimmanarati nama deva amhehi abhikkantatara ca panitatara ca. Te kho etam janeyyum yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatuti."

76. 'Atha kho so Kevaddha bhikkhu yena Nimmanarati deva ten' upasamkami, upasamkamitva Nimmanarati deve etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti?"

[page 219]

'Evam vutte Kevaddha Nimmanarati deva tam bhikkhum etad {avocum}: Mayam pi kho bhikkhu na janama yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatu. Atthi kho Sunimmito nama deva-putto amhehi abhikkantataro ca panitataro ca. So kho etam janeyya yatth' ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti."

77. 'Atha kho so Kevaddha bhikkhu yena Sunimmito deva-putto ten' upasamkami, upasamkamitva Sunimittam deva-puttam etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatuti?"

'Evam vutte Kevaddha Sunimmito deva-putto tam bhikkhum etad avoca: "Aham pi kho bhikkhu na janami yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatu. Atthi kho bhikkhu Paranimmita-Vasavatti nama deva amhehi abhikkantatara ca panitatara ca. Te kho etam janeyyum yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatuti."

78. 'Atha kho so Kevaddha bhikkhu yena ParanimmitaVasavatti deva ten' upasamkami, upasamkamitva Paranimmita-Vasavatti deve etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu ... vayo-dhatuti?"

'Evam vutte Kevaddha Paranimmita-Vasavatti deva tam bhikkhum etad avocum: "Mayam pi kho bhikkhu na janama yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatu. Atthi kho bhikkhu Vasavatti nama deva-putto amhehi abhikkantataro ca panitataro ca. So kho etam janeyya yatth' ime cattaro mahabhuta aparisesa nirujjhanti seyyathidam pathavi-dhatu ... pe ... vayo-dhatuti."

79. 'Atha kho so Kevaddha bhikkhu yena Vasavatti deva-putto ten' upasamkami, upasamkamitva Vasavattim deva-puttam etad avoca:

[page 220]

"Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatuti?"

'Evam vutte Kevaddha Vasavatti deva-putto tam bhikkhum etad avoca: "Aham pi kho bhikkhu na janami yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatu. Atthi kho bhikkhu Brahma-kayika nama deva amhehi abhikkantatara ca panitatara ca. Te kho etam janeyyum yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatuti."

80. 'Atha kho so Kevaddha bhikkhu tatha-rupam samadhim samapajji yatha samahite citte Brahma-yaniyo maggo patur ahosi. Atha kho so Kevaddha bhikkhu yena Brahma-kayika deva ten' upasamkami, upasamkamitva Brahma-kayike deve etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatuti?"

'Evam vutte Kevaddha Brahma-kayika deva tam bhikkhum etad avocum: "Mayam pi kho bhikkhu na janama yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatu. Atthi kho bhikkhu Brahma Maha-brahma abhibhu anabhibhuto annadatthu-daso {vasavatti} issaro katta nimmata settho sanjita vasi pita bhuta-bhavyanam amhehi abhikkantataro ca panitataro ca. So kho etam janeyya yatth' ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti."

"'Kaham pan' avuso etarahi so Maha-brahma ti?"

"'Mayam pi kho bhikkhu na janama yattha va Brahma yena va Brahma {yahim} va Brahma. Api ca bhikkhu yatha nimitta dissanti aloko sanjayati obhaso patu bhavati Brahma patu {bhavissati}. {Brahmuno} etam pubbe nimittam patubhavaya yad idam aloko sanjayati obhaso patu bhavatiti."

81. 'Atha kho so Kevaddha Maha-brahma na cirass' eva patur ahosi.

[page 221]

Atha kho so Kevaddha bhikkhu yena so Maha-brahma ten' upasamkami, upasamkamitva Brah{manam} etad avoca: "Kattha nu kho avuso ime cattaro mahabhuta aparisesa nirujjhanti, seyyathidam pathavidhatu ... pe ... vayo-dhatuti?"

'Evam vutte Kevaddha so Maha-brahma tam bhikkhum etad avoca:--

"'Aham asmi bhikkhu Brahma Maha-brahma abhibhu anabhibhuto annadatthu-daso vasavatti issaro katta nimmata settho sanjita vasi pita bhuta-bhavyanan ti."

82. 'Dutiyam pi kho Kevaddha so bhikkhu tam Brah{manam} etad avoca: "Na kho ahan tam avuso evam pucchami: 'Tvam 'si Brahma Maha-brahma abhibhu anabhibhuto annadatthu-daso vasavatti issaro katta nimmata settho sanjita vasi pita bhuta-bhavyanan ti?' Evan ca kho ahan tam avuso pucchami: "Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatuti?"

'Dutiyam pi kho Kevaddha so Maha-brahma tam bhikkhum etad avoca: "Aham asmi bhikkhu Brahma Mahabrahma abhibhu anabhibhuto annadatthu-daso vasavatti issaro katta nimmata settho sanjita vasi pita bhuta-bhavyanan ti."

83. 'Tatiyam pi kho Kevaddha so bhikkhu tam Mahabrahmanam etad avoca: "Na kho ahan tam avuso evam pucchami: 'Tvam 'si Brahma Maha-brahma abhibhu anabhibhuto annadatthu-daso vasavatti issaro katta nimmata settho sanjita vasi pita bhuta-bhavyanan ti?" Evan ca kho ahan tam avuso pucchami: "Kattha nu kho avuso ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatuti?"'

'Atha kho so Kevaddha Maha-brahma tam bhikkhum bahayam gahetva ekamantam apanetva tam bhikkhum etad avoca:

[page 222]

"Idha bhikkhu Brahma-kayika deva evam jananti: 'N' atthi kinci Brahmuno {adittham}, n' atthi kinci {Brahmuno} aviditam, n' atthi kinci Brahmuno asacchikatan ti.' Tasma aham tesam sammukha na vyakasim.

Aham pi kho bhikkhu na janami yatth' ime cattaro mahabhuta aparisesa nirujjhanti, seyyathidam pathavi-dhatu ... pe ... vayo-dhatu. Tasmat iha bhikkhu tumh' ev' etam dukkatam, tumh' ev' etam aparaddham, yam tvam tam Bhagavantam atisitva bahiddha pariyetthim apajjasi imassa panhassa veyyakaranaya. Gaccha tvam bhikkhu tam eva Bhagavantam upasamkamitva imam panham puccha, yatha ca te Bhagava vyakaroti tatha nam dhareyyasiti."

84. 'Atha kho so Kevaddha bhikkhu seyyatha pi nama balava puriso samminjitam va baham pasareyya, pasaritam va baham samminjeyya, evam eva Brahma-loke antarahito mama purato patur ahosi. Atha kho Kevaddha bhikkhu mam abhivadetva ekamantam nisidi. Ekamantam nisinno kho Kevaddha so bhikkhu mam etad avoca: "Kattha nu kho bhante ime cattaro mahabhuta aparisesa nirujjhanti, seyyathidam pathavi-dhatu apo-dhatu tejo-dhatu vayodhatuti?"

85. 'Evam vutte aham Kevaddha tam bhikkhum etad avoca: "Bhutapubbam bhikkhu samuddika vanija tiradassim sakunam gahetva navaya samuddam ajjhogahanti.

Te atira-dakkhiniya navaya tira-dassim sakunam muncanti.

So gacchat' eva puratthimam disam, gacchati dakkhinam disam, gacchati pacchimam disam, gacchati uttaram disam, gacchati uddham, gacchati anudisam. Sace so samanta tiram passati, tatha gatako va hoti. Sace pana so samanta tiram na passati, tam eva navam pacchagacchati. Evam eva kho tvam bhikkhu yava yato yava Brahma-loka pariyesamano imassa panhassa veyyakaranam najjhaga,

[page 223]

atha mam yeva santike paccagato. Na kho eso bhikkhu panho evam pucchitabbo: 'Kattha nu kho bhante ime cattaro mahabhuta aparisesa nirujjhanti, seyyathidam pathavi-dhatu apo-dhatu tejo-dhatu vayo-dhatuti?' Evan ca kho eso bhikkhu panho pucchitabbo:

Kattha apo ca pathavi tejo vayo na gadhati?

Kattha dighan ca rassan ca {anum} thulam subhasubham?

Kattha naman ca rupan ca asesam uparujjhatiti?

Tatra veyyakaranam bhavati:

{Vinnanam} anidassanam anantam {sabbato-paham}.

Ettha apo ca pathavi tejo vayo na gadhati,

Ettha dighan ca rassan ca {anum} thulam subhasubham,

Ettha naman ca rupan ca asesam uparujjhati,

Vinnanassa nirodhena etth' etam uparujjhatiti."'

Idam avoca Bhagava. Attamano Kevaddho gahapatiputto bhasitam abhinanditi.

KEVADDHA-SUTTANTAM.

[page 224]

 


 

XII. Lohicca Sutta

1. Evam me sutam. Ekam samayam Bhagava Kosalesu carikam caramano mahata bhikkhu-samghena saddhim panca-mattehi bhikkhu-sattehi yena Salavatika tad avasari.

Tena kho pana samayena Lohicco brahmano Salavatikam ajjhavasati sattussadam satinakatthodakam sadhannam raja-bhoggam ranna Pasenadi-Kosalena dinnam rajadayam brahma-deyyam.

2. Tena kho pana samayena Lohiccassa brahmanassa evarupam papakam ditthi-gatam uppannam hoti: 'Idha samano va {brahmano} va kusalam dhammam adhigaccheyya, kusalam dhammam adhigantva na parassa aroceyya, kim hi paro parassa karissati? Seyyatha pi nama puranam bandhanam chinditva annam navam bandhanam kareyya, evam-sampadam idam papakam lobha-dhammam vadami.

Kim hi paro parassa karissatiti.'

3. Assosi kho Lohicco Brahmano: 'Samano khalu bho Gotamo Sakya-putto Sakya-kulo pabbajito Kosalesu carikam caramano mahata bhikkhu-samghena saddhim pancamattehi bhikkhu-satehi Salavatikam anuppatto. Tam kho pana Bhagavantam Gotamam evam kalyano kitti-saddo abbhuggato: "Iti pi so Bhagava araham samma-sambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam buddho bhagava. So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedeti.

[page 225]

So dhammam deseti adi-kalyanam majjhe kalyanam pariyosana-{kalyanam} sattham savyanjanam kevala-paripunnam parisuddham brahmacariyam pakaseti. Sadhu kho pana tatha-rupanam arahatam dassanam hotiti."'

4. Atha kho Lohicco brahmano Bhesikam nahapitam amantesi: 'Ehi tvam samma Bhesike, yena Samano Gotamo ten' upasamkama, upasamkamitva mama vacanena samanam Gotamam appabadham appatankam {lahu-tthanam} balam phasu-viharam puccha: "Lohicco bho Gotama {brahmano} bhagavantam Gotamam appabadham appatankam lahutthanam balam phasu-viharam pucchatiti"; evan ca vadehi: "Adhivasetu kira bhavam Gotamo Lohiccassa brahmanassa svatanaya bhattam saddhim bhikkhu-samghenati."'

5. 'Evam bhante' ti kho Bhesiko nahapito Lohiccassa brahmanassa patissutva yena Bhagava ten' upasamkami, upasamkamitva Bhagavantam abhivadetva ekamantam nisidi. Ekamantam nisinno kho Bhesiko nahapito Bhagavantam etad avoca:

'Lohicco bhante brahmano Bhagavantam appabadham appatankam {lahu-tthanam} balam phasu-viharam pucchati, evan ca vadeti: "Adhivasetu kira bhante Bhagava Lohiccassa brahmanassa svatanaya bhattam saddhim bhikkhusamghenati."'

Adhivasesi Bhagava tunhi-bhavena.

6. Atha kho Bhesiko nahapito Bhagavato adhivasanam viditva utthay' asana Bhagavantam abhivadetva padakkhinam katva yena Lohicco brahmano ten' upasamkami, upasamkamitva Lohiccam brahmanam etad avoca:--

'Avocumha bho mayam bhante tava vacanena tam bhagavantam: "Lohicco bhante brahmano Bhagavantam appabadham appatankam {lahu-tthanam} balam phasu-viharam pucchati,

[page 226]

evan ca vadeti: "Adhivasetu kira bhante Bhagava Lohiccassa brahmanassa svatanaya bhattam saddhim bhikkhu-samghenati." Adhivatthan ca pana tena bhagavata ti.'

7. Atha kho Lohicco Brahmano tassa rattiya accayena sake nivesane panitam khadaniyam bhojaniyam patiyadetva, Bhesikam nahapitam amantesi:

'Ehi tvam samma Bhesike yena samano Gotamo ten' upasamkama, upasamkamitva samanassa Gotamassa kalam arocehi: "Kalo bho Gotama, nitthitam bhattan ti."'

'Evam bhante' ti kho Bhesiko nahapito Lohiccassa {brahmanassa} patissutva, yena Bhagava ten' upasamkami, upasamkamitva Bhagavantam abhivadetva ekamantam atthasi. Ekamantam thito kho Bhesiko nahapito Bhagavato kalam arocesi: 'Kalo bhante, nitthitam bhattan ti.' Atha kho Bhagava pubbanha-samayam nivasetva patta-civaram adaya saddhim bhikkhu-samghena yena Salavatika ten' upasamkami.

8. Tena kho pana samayena Bhesiko nahapito Bhagavantam pitthito pitthito anubaddho hoti. Atha kho Bhesiko nahapito Bhagavantam etad avoca:

'Lohiccassa brahmanassa evarupam papakam ditthigatam uppannam: "Idha samano va brahmano va kusalam dhammam adhigaccheyya, kusalam dhammam adhigantva na parassa aroceyya, kim hi paro parassa karissati?

Seyyatha pi nama puranam bandhanam chinditva annam navam bandhanam kareyya, evam-sampadam idam papakam lobha-dhammam vadami. Kim hi paro parassa karissati?" Sadhu bhante Bhagava Lohiccam brahmanam etasma papaka {ditthigata} vivecetuti.'

'{App} eva nama siya Bhesike, {app} eva nama siya Bhesike ti.'

9. Atha kho Bhagava yena Lohiccassa brahmanassa nivesanam ten' {upasamkami}, upasamkamitva pannatte asane nisidi.

[page 227]

Atha kho Lohicco brahmano Buddha-pamukham bhikkhu-samgham {panitena khadaniyena} bhojaniyena sahattha santappesi sampavaresi. Atha kho Lohicco brahmano Bhagavantam bhuttavim onita-patta-panim annataram nicam asanam gahetva ekamantam nisidi, ekamantam nisinnam kho Lohiccam Brahmanam Bhagava etad avoca:

'Saccam kira te Lohicca evarupam papakam ditthi-gatam uppannam: "Idha samano va brahmano va kusalam dhammam adhigaccheyya, kusalam dhammam adhigantva na parassa aroceyya. Kim hi paro parassa karissati? Seyyatha pi nama puranam bandhanam chinditva annam navam bandhanam kareyya, evam-sampadam idam papakam lobha-dhammam vadami. Kim hi paro parassa karissatiti"?'

'Evam bho Gotama.'

10. 'Tam kim mannasi Lohicca? Nanu tvam Salavatikam ajjhavasi ti?'

'Evam bho Gotama.'

'Yo nu kho Lohicca evam vadeyya: "Lohicco brahmano Salavatikam ajjhavasati, ya Salavatikaya samudaya-sanjati Lohicco va tam brahmano ekako paribhunjeyya, na annesam dadeyyati," evam-vadi so ye tam upajivanti tesam antaraya-karo va hoti, no va ti?'

'Antaraya-karo bho Gotama.'

'Antaraya-karo samano Lohicca hitanukampi va tesam hoti, ahitanukampi va'? ti.

'Ahitanukampi bho Gotama.'

'Ahitanukampissa mettam va tesu cittam paccupatthitam hoti, sapattakam va ti?'

'Sapattakam bho Gotama.'

'Sapattake citte paccupatthite miccha-ditthi va hoti, samma-ditthi va ti?'

'Miccha-ditthi bho Gotama.'

[page 228]

'Miccha-ditthissa kho aham Lohicca dvinnam gatinam annataram gatim vadami, nirayam va tiracchana-yonim va.

11. 'Tam kim mannasi Lohicca? Nanu raja PasenadiKosalo Kasi-Kosalam ajjhavasatiti?'

'Evam bho Gotama.'

'Yo nu kho Lohicca evam vadeyya: "Raja PasenadiKosalo Kasi-Kosalam ajjhavasati, ya Kasi-Kosale samudayasanjati raja va tam Pasenadi-Kosalo ekako paribhunjeyya, na annesam dadeyyati," evam-vadi so ye rajanam PasenadiKosalam upajivanti, tumhe c' eva anne ca, tesam antarayakaro va hoti, no va ti?'

'Antaraya-karo bho Gotama.'

'Antaraya-karo samano, hitanukampi va tesam hoti, ahitanukampi va ti?'

'Ahitanukampi bho Gotama.'

'Ahitanukampissa mettam va tesu cittam paccupatthitam hoti, sapattakam va ti?'

'Sapattakam bho Gotama.'

'Sapattake citte paccupatthite, miccha-ditthi va hoti, samma-ditthi va ti'?

'Miccha-ditthi bho Gotama.'

'Miccha-ditthissa kho aham Lohicca dvinnam gatinam annataram gatim vadami, nirayam va tiracchana-yonim va.

12. 'Iti kira Lohicca yo evam vadeyya: "Lohicco brahmano Salavatikam ajjhavasati, ya Salavatikaya samudayasanjati Lohicco va tam brahmano ekako paribhunjeyya, na annesam dadeyyati," evam-vadi so ye tam upajivanti, tesam antaraya-karo hoti, antaraya-karo samano ahitanukampi hoti, ahitanukampissa sapattakam cittam paccupatthitam hoti, sapattake citte paccupatthite miccha-ditthi hoti.'

13. 'Evam eva kho Lohicca yo evam vadeyya: "Idha samano va brahmano va kusalam dhammam adhigaccheyya, kusalam dhammam adhigantva na parassa aroceyya, kim hi paro parassa karissati? Seyyatha pi nama puranam bandhanam chinditva, annam navam bandhanam kareyya, evam-sampadam idam papakam lobha-dhammam vadami.

[page 229]

Kim hi paro parassa karissatiti?" evam-vadi so ye te kulaputta Tathagatappaveditam Dhamma-Vinayam agamma evarupam ularam visesam adhigacchanti -- sotapattiphalam pi sacchikaronti, sakadagami-phalam pi sacchikaronti, anagami-phalam pi sacchikaronti, arahattam pi sacchikaronti -- ye keci 'me dibba gabbha paripacenti dibbanam bhavanam abhinibbattiya, tesam antaraya-karo hoti, antaraya-karo samano ahitanukampi hoti, ahitanukampissa sapattakam cittam paccupatthitam hoti, sapattake citte paccupatthite miccha-ditthi hoti. Miccha-ditthissa kho aham Lohicca dvinnam gatinam annataram gatim vadami, nirayam va tiracchana-yonim va.

14. 'Iti kira Lohicca yo evam vadeyya: "Raja PasenadiKosalo Kasi-Kosalam ajjhavasati. Ya Kasi-Kosale samudaya-sanjati raja va tam Pasenadi-Kosalo ekako paribhunjeyya, na annesam dadeyyati," evam-vadi so ye rajanam Pasenadi-Kosalam upajivanti, tumhe c' eva anne ca, tesam antaraya-karo hoti, antaraya-karo samano ahitanukampi hoti, ahitanukampissa sapattakam cittam paccupatthitam hoti, sapattake citte paccupatthite miccha-{ditthi} hoti.

15. 'Evam eva kho Lohicca yo evam vadeyya: "Idha samano va brahmano va kusalam dhammam adhigaccheyya, kusalam dhammam adhigantva na parassa aroceyya, kim hi paro parassa karissati? Seyyatha pi nama puranam bandhanam chinditva annam navam bandhanam kareyya, evam-sampadam idam papakam lobha-dhammam vadami, kim hi paro parassa karissatiti?" evam-vadi so ye te kula-putta Tathagatappaveditam Dhamma-Vinayam agamma evarupam ularam vivesam adhigacchanti -- sotapatti-phalam pi sacchikaronti, sakadagami-phalam pi sacchikaronti, anagami-phalam pi sacchikaronti, arahattam pi sacchikaronti -- ye keci 'me dibba gabbha paripacenti dibbanam bhavanam abhinibbattiya, tesam antaraya-karo hoti, antaraya-karo samano ahitanukampi hoti,

[page 230]

ahitanukampissa sapattakam cittam paccupatthitam hoti, sapattake citte paccupatthite miccha-ditthi hoti. Miccha-ditthissa kho aham Lohicca dvinnam gatinam annataram gatim vadami, nirayam va tiracchana-yonim va.

16. 'Tayo kho 'me Lohicca sattharo ye loke codanaraha, yo ca pan' evarupe sattharo codeti, sa codana bhuta taccha dhammika anavajja. Katame tayo? Idha Lohicca ekacco sattha yass' atthaya agarasma anagariyam pabbajito hoti svassa samannattho ananuppatto hoti. So tam samannattham ananupapunitva savakanam dhammam deseti: "Idam vo hitaya, idam vo sukhayati." Tassa te savaka na sussusanti, na sotam odahanti, na anna cittam upatthapenti, vokkamma ca satthu sasana vattanti. So evam assa codetabbo: "Ayasma kho yass' atthaya agarasma anagariyam pabbajito so te samannattho nanuppatto, tam tvam samannattham ananupapunitva savakanam dhammam desesi: 'Idam vo hitaya, idam vo sukhayati.' Tassa te savaka na sussusanti, na sotam odahanti, na anna cittam upatthapenti, vokkamma ca satthu sasana vattanti.

Seyyatha pi nama ossakkantiya va ussukkeyya, parammukhim va alingeyya, evam-sampadam idam papakam lobha-dhammam vadami, kim hi paro parassa karissatiti?"

'Ayam Lohicca pathamo sattha yo loke codanaraho, yo ca pan' evarupam sattharam codeti, sa codana bhuta taccha dhammika anavajja.

17. 'Puna ca param Lohicca idh' ekacco sattha yass' atthaya agarasma anagariyam pabbajito hoti svassa samannattho ananuppatto hoti. So tam samannattham ananupapunitva savakanam dhammam deseti: "Idam vo hitaya, idam vo sukhayati." Tassa te savaka sussusanti, sotam odahanti,

[page 231]

anna cittam upatthapenti, na ca vokkamma satthu sasana vattanti. So evam assa codetabbo: "Ayasma kho yass' atthaya agarasma anagariyam pabbajito so te samannattho ananuppatto, tam tvam samannattham ananupapunitva savakanam dhammam desesi: 'Idam vo hitaya, idam vo sukhayati.' Tassa te savaka sussusanti, sotam odahanti, anna cittam upatthapenti, na ca vokkamma satthu sasana vattanti. Seyyatha pi nama sakam khettam ohaya param khettam niddayitabbam manneyya, evam-sampadam idam papakam lobha-dhammam vadami, kim hi paro parassa karissatiti?"

'Ayam kho Lohicca dutiyo sattha yo loke codanaraho, yo ca pan' evarupam sattharam codeti, sa codana bhuta taccha dhammika anavajja.

18. 'Puna ca param Lohicca idh' ekacco sattha yass' atthaya agarasma anagariyam pabbajito hoti svassa samannattho anuppatto hoti. So tam samannattham anupapunitva savakanam dhammam deseti: "Idam vo hitaya, idam vo sukhayati." Tassa te savaka na sussusanti, na sotam odahanti, na anna cittam upatthapenti, na ca vokkamma satthu sasana vattanti. So evam assa codetabbo: "Ayasma kho yass' atthaya agarasma anagariyam pabbajito so te samannattho anuppatto, tam tvam samannattham anupapunitva savakanam dhammam desesi: 'Idam vo hitaya, idam vo sukhayati."' Tassa te savaka na sussusanti, na sotam odahanti, na anna cittam upatthapenti, vokkamma ca satthu sasana vattanti. Seyyatha pi nama puranam bandhanam chinditva annam navam bandhanam kareyya, evam-sampadam idam papakam lobha-dhammam vadami, kim hi paro parassa karissatiti?"

'Ayam kho Lohicca tatiyo sattha yo loke codanaraho, yo ca pan' evarupam sattharam codeti, sa codana bhuta taccha dhammika anavajja.

[page 232]

'Ime kho Lohicca tayo sattharo ye loke codanaraha, yo ca pan' evarupe sattharo codeti, sa codana bhuta taccha dhammika anavajja ti.'

19. Evam vutte Lohicco Brahmano Bhagavantam etad avoca: 'Atthi pana bho Gotama koci sattha yo loke na codanaraho ti?'

'Atthi kho Lohicca sattha yo loke na codanaraho ti.'

'Katamo pana so bho Gotama sattha yo loke na codanaraho ti?'

'Idha Lohicca Tathagato loke uppajjati araham sammasambuddho vijja-carana-sampanno sugato loka-vidu anuttaro {purisa}-damma-sarathi sattha deva-manussanam Buddho Bhagava ... yatha Samanna-phale evam vittharetabbam.

54. 'Tass' ime panca nivarane pahine attani samanupassato pamujjam jayati, pamuditassa piti jayati, pitimanassa kayo passambhati, passaddha-kayo sukham vedeti, sukhino cittam samadhiyati. So vivicc' eva kamehi vivicca akusalehi dhammehi savitakkam savicaram vivekajam piti-sukham pathamajjhanam upasampajja viharati. So imam eva kayam vivekajena piti-sukhena abhisandeti parisandeti paripureti parippharati, nassa kinci sabbavato kayassa vivekajena piti-sukhena {apphutam} hoti.

55. 'Seyyatha pi Lohicca dakkho nahapako va nahapakantevasi va {kamsa-thale} nahaniya-cunnani akiritva udakena paripphosakam paripphosakam sanneyya, sa 'ssa nahaniya-pindi snehanugata sneha-pareta santara-bahira phuta sinehena na ca paggharani -- evam eva kho Lohicca bhikkhu imam eva kayam vivekajena piti-sukhena abhisandeti parisandeti paripureti parippharati,

[page 233]

nassa kinci sabbavato kayassa vivekajena piti-sukhena apphutam hoti.

'Yasmim kho Lohicca satthari savako evarupam ularam vivesam adhigacchati, ayam pi kho Lohicca sattha yo loke na codanaraho. Yo ca pan' evarupam sattharam codeti, sa codana abhuta ataccha adhammika savajja.

56. 'Puna ca param Lohicca bhikkhu vitakka-vicaranam {vupasama} ajjhattam sampasadanam cetaso ekodi-bhavam avitakkam avicaram samadhijam piti-sukham dutiyajjhanam ... pe ... tatiyajjhanam ... catutthajjhanam upasampajja viharati.

'Yasmim kho Lohicca satthari savako evarupam ularam visesam adhigacchati, ayam pi kho Lohicca sattha yo loke na codanaraho. Yo ca pan' evarupam sattharam codeti sa codana abhuta ataccha adhammika savajja.

62. 'So evam {samahite} citte parisuddhe pariyodate {anangane} vigatupakkilese mudu-bhute kammaniye anejjappatte nana-dassanaya cittam abhiniharati abhininnameti.

'Yasmim kho Lohicca satthari savako evarupam ularam vivesam adhigacchati, ayam pi kho Lohicca sattha yo loke na codanaraho. Yo ca pan' evarupam sattharam codeti, sa codana abhuta ataccha adhammika savajja.

... Pe . . .

76. 'So evam samahite citte parisuddhe pariyodate {anangane} vigatupakkilese mudu-bhute kammaniye thite anejjappatte asavanam khaya-nanaya cittam abhiniharati abhininnameti. So "Idam dukkhan" ti yatha-bhutam paja{nati} ... naparam itthattayati pajanati.

'Yasmim kho Lohicca satthari savako evarupam ularam visesam adhigacchati, ayam kho Lohicca sattha yo loke na codanaraho.

[page 234]

Yo ca pan' evarupam sattharam codeti, sa codana abhuta ataccha adhammika savajja ti.'

78. Evam vutte Lohicco Brahmano Bhagavantam etad avoca:--

'Seyyatha pi bho Gotama puriso purisam naraka-papatam papatantam kesesu gahetva uddharitva thale patitthapeyya, evam evam bhota Gotamena naraka-papatam papatanto uddharitva thale patitthapito. Abhikkantam bho Gotama, abhikkantam bho Gotama. Seyyatha pi bho Gotama nikkujjitam va ukkujjeyya, paticchannam va vivareyya, mulhassa va maggam acikkheyya, andhakare va tela-pajjotam dhareyya: "{cakkhumanto} rupani dakkhintiti," evam evam bhota Gotamena aneka-pariyayena dhammo pakasito. Esaham Bhagavantam Gotamam saranam gacchami, dhamman ca {bhikkhu-sanghan} ca. Upasakam mam bhavam Gotamo dharetu, ajjatagge {panupetam} saranam gatan ti.'

LOHICCA-SUTTANTAM.

[page 235]

 


 

XIII. Tevijja Sutta

1. Evam me sutam. Ekam samayam Bhagava Kosalesu carikam caramano mahata bhikkhu-samghena saddhim panca-mattehi bhikkhu-satehi yena Manasakatam nama Kosalanam brahmana-gamo tad avasari. Tatra sudam Bhagava Manasakate viharati uttarena Manasakatassa Aciravatiya nadiya tire amba-vane.

2. Tena kho pana samayena sambahula abhinnata abhinnata brahmana-mahasala {Manasakate} pativasanti, seyyathidam Canki brahmano Tarukkho brahmano Pokkharasati brahmano Janussoni brahmano, TodeyyaBrahmano, anne ca abhinnata abhinnata brahmanamahasala.

3. Atha kho Vasettha-Bharadvajanam jangha-viharam anucankamantanam anuvicarantanam maggamagge katha udapadi.

4. Vasettho manavo evam aha: 'Ayam eva uju-maggo, ayam anjasayano niyyaniko niyyati takkarassa Brahmasahavyataya, svayam akkhato brahmanena Pokkharasatina ti.'

5. Bharadvajo manavo evam aha: 'Ayam eva uju-maggo, ayam anjasayano niyyaniko niyyati takkarassa Brahmasahavyataya,

[page 236]

svayam akkhato Brahmanena Tarukkhenati.'

6. {N'eva} kho asakkhi Vasettho manavo Bharadvajam manavam sannapetum, na pana asakkhi Bharadvajo manavo Vasettham manavam sannapetum.

7. Atha kho Vasettho manavo Bharadvajam manavam amantesi:

'Ayam kho Bharadvaja Samano Gotamo Sakya-putto Sakya-kula pabbajito Manasakate viharati uttarena Manasakatassa Aciravatiya nadiya tire amba-vane. Tam kho pana bhavantam Gotamam evam kalyano kitti-saddo abbhuggato: "Iti pi so Bhagava araham samma-sambuddho vijja-carana-sampanno sugato loka-vidu anuttaro purisadamma-sarathi, sattha deva-manussanam buddho bhagava ti." Ayama bho Bharadvaja yena Samano Gotamo ten' {upasamkamissama}, upasamkamitva etam attham Samanam Gotamam pucchissama. Yatha no Samano Gotamo vyakarissati, tatha nam dharessamati.'

'Evam bho' ti kho Bharadvajo manavo Vasetthassa manavassa paccassosi.

8. Atha kho Vasettha-Bharadvaja manava yena Bhagava ten' upasamkamimsu. Upasamkamitva Bhagavata saddhim sammodimsu, sammodaniyam katham saraniyam vitisaretva ekamantam nisidimsu. Ekamantam nisinno kho Vasettho manavo Bhagavantam etad avoca:--

'Idha bho Gotama amhakam jangha-viharam anucankamantanam anuvicarantanam maggamagge katha udapadi.

Aham evam vadami: "Ayam eva uju-maggo, ayam anjasayano niyyaniko niyyati takkarassa Brahma-sahavyataya, svayam akkhato Brahmanena Pokkharasatina ti." Bharadvajo manavo evam aha: "Ayam eva uju-maggo, ayam anjasayano niyyaniko niyyati takkarassa Brahma-sahavyataya, svayam akkhato Brahmanena Tarukkhenati." Ettha bho Gotama atth' eva viggaho, atthi vivado, atthi nanavado ti.'

[page 237]

9. 'Iti kira Vasettha tvam evam vadesi: "Ayam eva uju-maggo, ayam anjasayano niyyaniko niyyati takkarassa Brahma-sahavyataya, svayam akkhato Brahmanena Pokkharasatina ti." Bharadvajo manavo evam aha: "Ayam eva uju-maggo, ayam anjasayano niyyaniko niyyati takkarassa Brahma-sahavyataya, svayam akkhato Brahmanena Tarukkhenati." Atha kismim pana vo Vasettha viggaho, kismim vivado, kismim {nana-vado} ti?'

10. 'Maggamagge bho Gotama. Kincapi bho Gotama brahmana nana-magge pannapenti -- Addhariya brahmana, Tittiriya brahmana, Chandoka brahmana, Chandava brahmana, {Brahmacariya} brahmana -- atha kho sabbani tani niyyanikani niyyanti takkarassa Brahma-sahavyataya?

Seyyatha pi bho Gotama gamassa va nigamassa va avidure bahuni ce pi nana-maggani bhavanti, atha kho sabbani tani gama-samosaranani bhavanti, evam eva kho bho Gotama kincapi brahmana nana-magge pannapenti -Addhariya brahmana, Tittiriya brahmana, Chandoka brahmana, Chandava brahmana, Brahmacariya brahmana -- atha kho sabbani tani niyyanikani niyyanti takkarassa Brahma-sahavyatayati?'

11. "'Niyyantiti" Vasettha vadesi?'

"'Niyyantiti" bho Gotama vadami.'

"'Niyyantiti" Vasettha vadesi?'

"'Niyyantiti" bho Gotama vadami.'

"'Niyyantiti" Vasettha vadesi.'

"'Niyyantiti" bho Gotama vadami.'

[page 238]

12. 'Kim pana Vasettha? atthi koci {tevijjanam} brahmananam eka-brahmano pi yena Brahma sakkhi-dittho ti?'

'No h' idam bho Gotama.'

'Kim pana Vasettha? atthi koci tevijjanam brahmananam ekacariyo pi yena Brahma sakkhi-dittho ti?'

'No h' idam bho Gotama.'

'Kim pana Vasettha? atthi koci tevijjanam brahmananam ekacariya-pacariyo pi yena Brahma sakkhi-dittho ti?'

'No h' idam bho Gotama.'

'Kim pana Vasettha? atthi koci tevijjanam brahmananam yava sattama acariya-mahayuga yena Brahma sakkhidittho ti?'

'No h' idam bho Gotama.'

13. 'Kim pana, Vasettha? ye pi tevijjanam brahmananam pubbaka isayo, mantanam kattaro mantanam pavattaro, yesam idam etarahi tevijja brahmana poranam mantapadam gitam pavuttam samihitam tad anugayanti tad anubhasanti, bhasitam anubhasanti vacitam anuvacenti -- seyyathidam Atthako, Vamako, Vamadevo, Vessamitto, Yamataggi, Angiraso, Bharadvajo, Vasettho, Kassapo, Bhagu -- te pi evam ahamsu: "Mayam etam janama mayam etam passama yattha va Brahma yena va Brahma yahim va Brahma ti?"'

'No h' idam bho Gotama.'

14. 'Iti kira Vasettha n' atthi koci tevijjanam brahmananam eka-brahmano pi yena Brahma sakkhi-dittho, n' atthi koci tevijjanam brahmananam ekacariyo pi yena Brahma sakkhi-dittho, n' atthi koci tevijjanam brahmananam ekacariya-pacariyo pi yena Brahma sakkhi-dittho, n' atthi koci tevijjanam brahmananam yava sattama acariyamahayuga yena Brahma sakkhi-dittho.

[page 239]

Ye pi kira tevijjanam brahmananam pubbaka isayo, mantanam kattaro mantanam pavattaro, yesam idam etarahi tevijja brahmana poranam mantapadam gitam pavuttam samihitam tad anugayanti tad anubhasanti, bhasitam anubhasanti vacitam anuvacenti -- seyyathidam Atthako Vamako Vamadevo Vessamitto Yamataggi Angiraso Bharadvajo Vasettho Kassapo Bhagu -- te pi na evam ahamsu: "Mayam etam janama mayam etam passama yattha va Brahma yena va Brahma yahim va Brahma ti." Te vata tevijja brahmana evam ahamsu: "Yam na janama yam na passama tassa sahavyataya maggam desema, ayam eva uju-maggo ayam anjasayano niyyaniko niyyati takkarassa Brahma-sahavyatayati."

'Tam kim mannasi Vasettha? Nanu evam sante tevijjanam brahmananam appatihirakatam bhasitam sampajjatiti'?

'Addha kho bho Gotama evam sante tevijjanam brahmananam appatihirakatam bhasitam sampajjatiti.'

15. 'Te vata Vasettha tevijja brahmana yam na jananti yam {na} passanti tassa sahavyataya maggam desessanti: "Ayam eva uju-maggo ayam anjasayano niyyaniko niyyati takkarassa Brahma-sahavyatayati," n' etam thanam vijjati.

Seyyatha pi Vasettha andha-veni parampara samsatta purimo pi na passati majjhimo pi na passati pacchimo pi na passati -- evam eva kho Vasettha andha-venupamam yeva tevijjanam brahmananam bhasitam, purimo pi na passati majjhimo pi na passati pacchimo pi na passati.

[page 240]

Tesam idam tevijjanam brahmananam bhasitam hassakam yeva sampajjati, namakam yeva sampajjati, rittakam yeva sampajjati tucchakam yeva sampajjati.

16. 'Tam kim mannasi Vasettha? Passanti tevijja brahmana candima-suriye, anno va pi bahujano, yato ca candima-suriya uggacchanti yattha ca ogacchanti ayacanti thomayanti panjalika namassamana anuparivattantiti'?

'Evam bho Gotama. Passanti tevijja brahmana candima-suriye, anno va pi bahujano, yato ca candimasuriya uggacchanti yattha ca ogacchanti ayacanti thomayanti panjalika namassamana anuparivattantiti.'

17. 'Tam kim mannasi Vasettha? Yam passanti tevijja brahmana candima-suriye, anno va pi bahujano, yato candima-suriya uggacchanti yattha ca ogacchanti ayacanti thomayanti panjalika namassamana anuparivattanti -- pahonti candima-suriyanam sahavyataya maggam desetum: "Ayam eva uju-maggo, ayam anjasayano niyyaniko niyyati takkarassa candima-suriyanam sahavyatayati"?'

'No h' idam bho Gotama.'

18. 'Iti kira Vasettha yam passanti tevijja brahmana candima-suriye, anno va pi bahujano, yato ca candimasuriya uggacchanti yattha ca ogacchanti ayacanti thomayanti panjalika namassamana anuparivattanti -- tesam pi {na ppahonti} candima-suriyanam sahavyataya maggam desetum: "Ayam eva uju-maggo, ayam anjasayano niyyaniko niyyati takkarassa candima-suriyanam sahavyatayati." Kim pana na kira tevijjehi brahmanehi Brahma sakkhi-dittho, na pi kira tevijjanam brahmananam acariyehi Brahma sakkhi-dittho, na pi kira tevijjanam brahmananam acariya-pacariyehi Brahma sakkhi-dittho,

[page 241]

na pi kira tevijjanam brahmananam yava sattamacariyamahayugehi Brahma sakkhi-dittho. Ye pi kira tevijjanam brahmananam pubbaka isayo, mantanam kattaro mantanam pavattaro, yesam idam etarahi tevijja brahmana poranam manta-padam gitam pavuttam samihitam tad anugayanti tad anubhasanti, bhasitam anubhasanti vacitam anuvacenti -- seyyathidam Atthako Vamako Vamadevo Vessamitto Yamataggi Angiraso Bharadvajo Vasettho Kassapo Bhagu -- te pi na evam ahamsu: "Mayam etam janama mayam etam passama yattha va Brahma yena va Brahma yahim va Brahma ti." Te vata tevijja brahmana evam ahamsu: "Yam na janama, yam na passama, tassa sahavyataya maggam desema: "Ayam eva ujumaggo, ayam anjasayano niyyaniko niyyati takkarassa Brahma-sahavyatayati."' Tam kim mannasi Vasettha?

Nanu evam sante tevijjanam brahmananam appatihirakatam bhasitam sampajjatiti?'

'Addha bho Gotama evam sante tevijjanam brahmananam appatihirakatam bhasitam sampajjatiti.'

'Sadhu Vasettha. Te vata Vasettha tevijja brahmana yam na jananti yam na passanti tassa sahavyataya maggam desessanti: "Ayam eva uju-maggo, ayam anjasayano niyyaniko niyyati takkarassa Brahma-sahavyatayati," n' etam thanam vijjati.

19. 'Seyyatha pi Vasettha puriso evam vadeyya: "Aham ya imasmim janapade janapada-kalyani tam icchami tam kamemiti." Tam enam evam vadeyyum: "Ambho purisa yam tvam janapada-kalyanim icchasi kamesi, janasi tam janapada-kalyanim Khattiyi va Brahmani va Vessi va Suddi va?' Iti puttho no ti vadeyya.

Tam enam evam vadeyyum: "Ambho purisa yam tvam janapada-kalyanim icchasi kamesi, janasi tam janapadakalyanim evam-nama evam-gotta ti va,

[page 242]

digha va rassa va kali va sama va {mangura-cchavi} va ti, amukasmim game va nigame va nagare va ti?" Iti puttho no ti vadeyya.

Tam enam evam vadeyyum: "Ambho purisa yam tvam na janasi na passasi, tam tvam icchasi kamesiti?" Iti puttho amo ti vadeyya. Tam kim mannasi Vasettha?

Nanu evam sante tassa purisassa appatihirakatam bhasitam sampajjatiti'?

'Addha kho bho Gotama evam sante tassa purisassa appatihirakatam bhasitam sampajjatiti.'

20. 'Evam eva kho Vasettha, na kira tevijjehi brahmanehi Brahma sakkhi-dittho, na pi kira tevijjanam brahmananam acariyehi Brahma sakkhi-dittho, na pi kira tevijjanam brahmananam acariya-pacariyehi Brahma sakkhi-dittho, na pi kira tevijjanam brahmananam yava sattamacariya-mahayugehi Brahma {sakkhi-} dittho. Ye pi kira tevijjanam brahmananam pubbaka isayo, mantanam kattaro mantanam pavattaro, yesam idam etarahi tevijja brahmana poranam mantapadam gitam pavuttam samihitam, tad anugayanti tad anubhasanti, bhasitam anubhasanti vacitam anuvacenti -- seyyathidam Atthako Vamako Vamadevo Vessamitto Yamataggi Angiraso Bharadvajo Vasettho Kassapo Bhagu -- te pi na evam ahamsu: "Mayam etam janama mayam etam passama yattha va Brahma yena va Brahma yahim va Brahma ti." Te vata tevijja brahmana evam ahamsu -- "Yam na janama, yam na passama, tassa sahavyataya maggam desema: 'Ayam eva uju-maggo, ayam anjasayano niyyaniko niyyati takkarassa Brahma-sahavyatayati."' Tam kim mannasi Vasettha?

Nanu evam sante tevijjanam brahmananam appatihirakatam bhasitam sampajjatiti?'

'Addha kho bho Gotama evam sante tevijjanam brahmananam appatihirakatam bhasitam sampajjatiti.'

'Sadhu Vasettha. Te vata Vasettha tevijja brahmana yam na jananti, yam na passanti, tassa sahavyataya maggam desessanti:

[page 243]

"Ayam eva uju-maggo, ayam anjasayano niyyaniko niyyati takkarassa Brahma-sahavyatayati," n' etam thanam vijjati.

21. 'Seyyatha pi Vasettha puriso catummahapathe nissenim kareyya pasadassa arohanaya. Tam enam evam vadeyyum: "Ambho purisa, yassa pasadassa {arohanaya} nissenim karosi, janasi tam pasadam puratthimaya disaya, dakkhinaya disaya, pacchimaya disaya, uttaraya disaya, ucco va nico va majjho va ti?" Iti puttho no ti vadeyya. Tam enam evam vadeyyum: "Ambho purisa, yam tvam na janasi na passasi, tassa tvam pasadassa arohanaya nissenim karositi?" Iti puttho amo ti vadeyya.

Tam kim mannasi, Vasettha? Nanu evam sante tassa purisassa appatihirakatam bhasitam sampajjatiti?'

'Addha kho bho Gotama evam sante tassa purisassa appatihirakatam bhasitam sampajjatiti.'

22. 'Evam eva kho Vasettha, na kira tevijjehi brahmanehi Brahma sakkhi-dittho, na pi kira tevijjanam brahmananam acariyehi Brahma sakkhi-dittho, na pi kira tevijjanam brahmananam acariya-pacariyehi Brahma sakkhi-dittho, na pi kira tevijjanam brahmananam yava sattamacariya-mahayugehi brahmanehi Brahma sakkhidittho. Ye pi kira tevijjanam brahmananam pubbaka isayo, mantanam kattaro mantanam pavattaro, yesam idam etarahi tevijja brahmana poranam mantapadam gitam pavuttam samihitam tad anugayanti tad anubhasanti, bhasitam anubhasanti vacitam anuvacenti -- seyyathidam Atthako Vamako Vamadevo Vessamitto Yamataggi Angiraso Bharadvajo Vasettho Kassapo Bhagu -- te pi na evam ahamsu: "Mayam etam janama mayam etam passama yattha va Brahma yena va Brahma yahim va Brahma ti." Te vata tevijja brahmana evam ahamsu: "Yam na janama, yam na passama, tassa sahavyataya maggam desema:

[page 244]

'Ayam eva uju-maggo, ayam anjasayano niyyaniko niyyati takkarassa Brahma-sahavyatayati."' Tam kim mannasi Vasettha? Nanu evam sante tevijjanam brahmananam appatihirakatam bhasitam sampajjatiti'?

'Addha kho bho Gotama evam sante tevijjanam brahmananam appatihirakatam bhasitam sampajjatiti.'

23. 'Sadhu Vasettha. Te vata Vasettha tevijja brahmana yam na jananti, yam na passanti, tassa sahavyataya maggam desessanti: "Ayam eva uju-maggo, ayam anjasayano niyyaniko niyyati takkarassa Brahma-sahavyatayati," n' etam thanam vijjati.

24. 'Seyyatha pi Vasettha ayam Aciravati nadi pura udakassa samatittika kakapeyya atha puriso agaccheyya paratthiko [para-gavesi] para-gami paran taritu-kamo. So orima-tire thito parimam tiram avheyya: "Ehi para param, ehi para paran ti." Tam kim mannasi Vasettha?

Api nu tassa purisassa avhayana-hetu va ayacana-hetu va patthana-hetu va abhinandana-hetu va Aciravatiya nadiya pariman tiram oriman tiram agaccheyyati?'

'No h' idam bho Gotama.'

25. 'Evam eva kho Vasettha tevijja brahmana ye dhamma brahmana-karana te dhamme pahaya vattamana, ye dhamma abrahmanakarana te dhamme samadaya vattamana, evam ahamsu: "Indam avhayama, Somam avhayama, Varunam avhayama, Isanam avhayama, Pajapatim avhayama, Brahmam avhayama, Mahiddhim avhayama, Yamam avhayamati." Te vata Vasettha tevijja brahmana ye dhamma brahmana-karana te dhamme pahaya vattamana,

[page 245]

ye dhamma abrahmanakarana te dhamme samadaya vattamana, avhayana-hetu va ayacana-hetu va patthana-hetu va abhinandana-hetu va kayassa bheda param marana {Brahmanam} sahavyupaga bhavissantiti -n' etam thanam vijjati.

26. 'Seyyatha pi Vasettha ayam Aciravati nadi pura udakassa samatittika kakapeyya atha puriso agaccheyya paratthiko [para-gavesi] para-gami paran taritu-kamo. So orima-tire dalhaya anduya paccha-baham galha-bandhanam baddho. Tam kim mannasi Vasettha? Api nu so puriso Aciravatiya nadiya orima-tira pariman tiram gaccheyyati?'

'No h' idam bho Gotama.'

27. 'Evam eva kho Vasettha panc' ime kama-guna ariyassa vinaye anduti pi vuccanti, bandhanan ti pi vuccanti. Katame panca? Cakkhu-vinneyya rupa ittha kanta manapa piya-rupa kamupasamhita rajaniya, sotavinneyya sadda ... pe ... ghana-vinneyya gandha ... jivha-vinneyya rasa ... kaya-vinneyya potthabba ittha kanta manapa piya-rupa kamupasamhita rajaniya. Ime kho Vasettha panca kama-guna ariyassa vinaye anduti pi vuccanti, bandhanan ti pi vuccanti. Ime kho Vasettha panca kama-gune tevijja brahmana gathita mucchita ajjhapanna anadinava-dassavi anissarana-panna paribhunjanti.

28. 'Te vata Vasettha tevijja brahmana ye dhamma brahmana-karana te dhamma pahaya vattamana, ye dhamma abrahmanakarana te dhamme samadaya vattamana,

[page 246]

panca kama-gune gathita mucchita ajjhapanna anadinava-dassavi anissarana-panna paribhunjanta kamaanubandhana-baddha kayassa bheda param marana {Brahmanam} sahavyupaga bhavissantiti -- n' etam thanam vijjati.

29. 'Seyyatha pi Vasettha ayam Aciravati nadi pura udakassa samatittika kakapeyya atha puriso agaccheyya paratthiko [para-gavesi] para-gami pariman taritu-kamo.

So orime tire sasisam parupitva nipajjeyya. Tam kim mannasi Vasettha? Api nu so puriso Aciravatiya nadiya orima-tira parimam tiram gaccheyyati'?

'No h' idam bho Gotama.'

30. 'Evam eva kho Vasettha panc' ime nivarana ariyassa vinaye avarana ti pi vuccanti, nivarana ti pi vuccanti, onaha ti pi vuccanti, pariyonaha ti pi vuccanti. Katame panca?

Kamacchanda-nivaranam vyapada-nivaranam thina-middha-nivaranam uddhacca-kukkucca-nivaranam vicikiccha{nivaranam}. Ime kho Vasettha panca nivarana ariyassa vinaye avarana ti pi vuccanti, nivarana ti pi vuccanti, onaha ti pi vuccanti, pariyonaha ti pi vuccanti. Imehi kho Vasettha panca nivaranehi tevijja brahmana avata nivuta ophuta pariyonaddha. Te vata Vasettha tevijja brahmana ye dhamma {brahmana}-karana te dhamme pahaya vattamana, ye dhamma abrahmanakarana te dhamme samadaya vattamana, panca nivaranehi avata nivuta ophuta pariyonaddha kayassa bheda param marana Brahmanam sahavyupaga bhavissantiti

[page 247]

-- n' etam thanam vijjati.

31. 'Tam kim mannasi Vasettha? Kinci te sutam brahmananam vuddhanam mahallakanam acariya-pacariyanam bhasamananam? Sapariggaho va Brahma apariggaho va ti?'

'Apariggaho bho Gotama.'

'Savera-citto va avera-citto va ti?'

'Avera-citto bho Gotama.'

'Savyapajjha-citto va avyapajjha-citto va ti?'

'Avyapajjha-citto bho Gotama.'

'Samkilittha-citto va asamkilittha-citto va ti?'

'Asamkilittha-citto bho Gotama.'

'Vasavatti va avasavatti va ti?'

'Vasavatti bho Gotama.'

32. Tam kim mannasi Vasettha? Sapariggaha va tevijja brahmana apariggaha va ti?'

'Sapariggaha bho Gotama.'

'Savera-citta va avera-citta va ti?'

'Savera-citta bho Gotama.'

'Savyapajjha-citta va avyapajjha-citta va ti?'

'Savyapajjha-citta bho Gotama.'

'Samkilittha-citta va asamkilittha-citta va ti?'

'Samkilittha-citta bho Gotama.'

'Vasavatti va avasavatti va ti?'

'Avasavatti bho Gotama.'

33. 'Iti kira Vasettha sapariggaha tevijja {brahmana}, apariggaho Brahma. Api nu kho sapariggahanam tevijjanam brahmananam apariggahena Brahmuna saddhim samsandati sametiti'?

'No h' idam bho Gotama.'

34. 'Sadhu Vasettha. Te vata Vasettha sapariggaha tevijja brahmana kayassa bheda param marana apariggahassa Brahmuno sahavyupaga bhavissantiti

[page 248]

-- n' etam thanam vijjatiti.

35. 'Iti kira Vasettha savera-citta tevijja brahmana, avera-citto Brahma ... pe ... savyapajjha-citta tevijja brahmana, avyapajjha-citto Brahma ... pe ... samkilittha-citta tevijja brahmana, asamkilittha-citto Brahma ... pe ... avasavatti tevijja brahmana, vasavatti Brahma. Api nu kho avasavattinam tevijjanam brahmananam vasavattina Brahmuna saddhim samsandati sametiti'?

'No h' idam bho Gotama.'

36. 'Sadhu Vasettha. Te vata Vasettha avasavatti tevijja brahmana kayassa bheda param marana vasavattissa Brahmuno sahavyupaga bhavissantiti -- n' etam thanam vijjati. Idha kho pana Vasettha tevijja brahmana asiditva samsidanti samsiditva visadam va papunanti {sukha}taram manne pataranti. Tasma idam tevijjanam brahmananam tevijja-irinan ti pi vuccati, tevijja-vipinan ti pi vuccati, tevijja-vyasanan ti pi vuccatiti.'

37. Evam vutte Vasettho manavo Bhagavantam etad avoca: 'Sutam m' etam bho Gotama: "Samano Gotamo Brahmanam sahavyataya maggam janatiti."'

'Tam kim mannasi Vasettha? Asanne ito Manasakatam, na yito dure Manasakatan ti?'

'Evam bho Gotama asanne ito Manasakatam, na yito dure Manasakatan ti.'

'Tam kim mannasi Vasettha? Idh' assa puriso Manasakate jato vaddho. Tam enam Manasakatato tavad eva avassatam Manasakatassa maggam puccheyyum.

[page 249]

Siya nu kho Vasettha tassa purisassa Manasakate jata-vaddhassa Manasakatassa maggam putthassa dandhayitattam va vitthayitattam va ti?'

'No h' idam bho Gotama. Tam kissa hetu? Asu hi bho Gotama puriso Manasakate jato vaddho, tassa sabban' eva Manasakatassa maggani suviditaniti.'

38. 'Siya kho Vasettha tassa purisassa Manasakate jata-vaddhassa Manasakatassa maggam putthassa dandhayitattam va vitthayitattam va, no tveva Tathagatassa Brahma-loke va Brahmaloka-gaminiya va patipadaya putthassa dandhayitattam va vitthayitattam va. Brahmanam p' aham Vasettha pajanami Brahma-lokan ca Brahmalokagaminin ca patipadam, yatha patipanno ca Brahma-lokam uppanno tan ca pajanamiti.'

39. Evam vutte Vasettho manavo Bhagavantam etad avoca: 'Sutam m' etam bho Gotama: "Samano Gotamo Brahmanam sahavyataya maggam desetiti." Sadhu no bhavam Gotamo Brahmanam sahavyataya maggam desetu, ullumpatu bhavam Gotamo {Brahmanim} pajan ti.'

'Tena hi Vasettha sunahi, sadhukam manasikarohi, bhasissamiti.'

'Evam bho' ti kho Vasettho manavo Bhagavato paccassosi. Bhagava etad avoca:

40. 'Idha Vasettha Tathagato loke uppajjati araham samma-sambuddho vijja-carana-sampanno sugato lokavidu anuttaro purisa-damma-sarathi sattha deva-manussanam buddho bhagava.

[page 250]

So imam lokam sadevakam samarakam sabrahmakam sassamana-brahmanim pajam {sadeva-manussam} sayam abhinna sacchikatva pavedeti.

So dhammam deseti adi-kalyanam majjhe kalyanam pariyosane kalyanam sattham savyanjanam, kevala-paripunnam parisuddham brahmacariyam pakaseti.

41. 'Tam dhammam sunati {gahapati} va gahapati-putto va annatarasmim va kule paccajato. So tam dhammam sutva Tathagate saddham patilabhati. So tena saddha-patilabhena samannagato iti patisancikkhati: "Sambadho gharavaso rajapatho,"abbhokaso pabbajja. Na sukaram agaram ajjhavasata ekanta-{paripunnam} ekanta-parisuddham sankhalikhitam brahmacariyam caritum. Yan nunaham kesamassum oharetva kasayani vatthani acchadetva agarasma anagariyam pabbajeyyan ti." So aparena samayena appam va bhoga-kkhandham pahaya mahantam va bhogakkhandham pahaya, appam va nati-parivattam pahaya mahantam va nati-parivattam pahaya, kesamassum oharetva kasayani vatthani acchadetva agarasma anagariyam pabbajati.

42. 'So evam pabbajito samano Patimokkha-samvarasamvuto viharati acara-gocara-sampanno anumattesu vajjesu bhaya-dassavi samadaya sikkhati sikkha-padesu kayakamma-{vaci-kammena} samannagato kusalena parisuddhajivo sila-sampanno indriyesu gutta-dvaro sati-sampajannena samannagato santuttho.

43. 'Kathan ca Vasettha bhikkhu sila-sampanno hoti?

'Idha Vasettha bhikkhu panatipatam pahaya panatipata pativirato hoti ... pe ... sukhino cittam samadhiyati ... pe . . .

76. 'So metta-sahagatena cetasa ekam disam pharitva viharati,

[page 251]

tatha dutiyam, tatha tatiyam, tatha catuttham.

Iti uddham adho tiriyam sabbadhi sabbattataya sabbavantam lokam metta-sahagatena cetasa vipulena mahaggatena appamanena {averena} avyapajjhena pharitva viharati.

77. 'Seyyatha pi Vasettha balava sankha-dhamo appakasiren' eva catuddisa vinnapeyya,evam bhavitaya kho Vasettha mettaya ceto-vimuttiya yam pamana-katam kammam na tam tatravasissati na tam tatravatitthati.

Ayam pi kho Vasettha {Brahmanam} sahavyataya maggo.

78. 'Puna ca param Vasettha bhikkhu karuna-sahagatena cetasa ... pe ... mudita-sahagatena cetasa ... pe ... upekha-sahagatena cetasa ekam disam pharitva viharati, tatha dutiyam, tatha tatiyam, tatha catuttham.

Iti uddham adho tiriyam sabbadhi sabbattataya sabbavantam lokam upekha-sahagatena cetasa vipulena mahaggatena appamanena averena avyapajjhena pharitva viharati.

79. 'Seyyatha pi Vasettha balava sankha-dhamo appakasiren' eva catuddisa vinnapeyya, evam bhavitaya kho Vasettha upekhaya ceto-vimuttiya yam pamana-katam kammam na tam tatravasissati na tam tatravatitthati.

Ayam pi kho Vasettha Brahmanam sahavyataya maggo.

80. 'Tam kim mannasi Vasettha? Evam-vihari bhikkhu sapariggaho va apariggaho va ti?'

'Apariggaho bho Gotama.'

'Savera-citto va avera-citto va ti?'

'Avera-citto bho Gotama.'

'Savyapajjha-citto va avyapajjha-citto va ti?'

'Avyapajjha-citto bho Gotama.'

'Samkilittha-citto va asamkilittha-citto va ti?'

'Asamkilittha-citto bho Gotama.'

'Vasavatti va avasavatti va ti?'

'Vasavatti bho Gotama.'

[page 252]

81. 'Iti kira Vasettha apariggaho bhikkhu, apariggaho Brahma. Api nu kho apariggahassa bhikkhuno apariggahena Brahmuna saddhim samsandati sametiti?'

'Evam bho Gotama.'

'Sadhu Vasettha. So vata Vasettha apariggaho bhikkhu kayassa bheda param marana apariggahassa {Brahmuno} sahavyupago bhavissatiti -- thanam etam vijjati.

'Iti kira Vasettha avera-citto bhikkhu, avera-citto Brahma ... pe ... avyapajjha-citto bhikkhu, avyapajjha-citto Brahma ... pe ... asamkilittha-citto bhikkhu, asamkilittha-citto Brahma; vasavatti bhikkhu, vasavatti Brahma. Api nu kho vasavattissa bhikkhuno vasavattina Brahmuna saddhim samsandati sametiti?'

'Evam bho Gotama.'

'Sadhu Vasettha. So vata Vasettha vasavatti bhikkhu kayassa bheda param marana vasavattissa Brahmuno sahavyupago {bhavissatiti} -- thanam etam vijjatiti.'

82. Evam vutte Vasettha-Bharadvaja manava Bhagavantam etad avocum:

'Abhikkantam bho Gotama, abhikkantam bho Gotama.

Seyyatha pi bho Gotama nikkujjitam va ukkujjeyya, paticchannam va vivareyya, mulhassa va maggam acikkheyya, andha-kare va tela-pajjotam dhareyya: cakkhumanto rupani dakkhintiti -- evam eva bhota Gotamena anekapariyayena dhammo pakasito. Ete mayam bhavantam Gotamam saranam gacchama dhamman ca bhikkhusamghan ca. Upasake no bhavam Gotamo dharetu ajjatagge panupetam saranam gate' ti.

TEVIJJA-SUTTANTAM.

SiLAKKHANDHA-VAGGO.

[page 253]

Brahma-Samanna-Ambattha-Sona-Kuta-Maha-Jala-Siha-Pottha-Subha-Kevaddha-Lohicca-Tevijja-terasa-ti.


Contact:
E-mail
Copyright Statement   Webmaster's Page