Digha Nikaya


[Site Map]  [Home]  [Sutta Indexes]  [Glossology]  [Site Sub-Sections]


 

Digha Nikaya

Volume III

Suttas 24-34

Based on the edition by
T.W. Rhys Davids and J.E. Carpenter,
London: Pali Text Society 1911

This work is © Copyright the Pali Text Society and the Dhammakaya Foundation, 2015

This work is licensed under a
Creative Commons Attribution-ShareAlike 4.0 International License.
For details see Terms of Use.

Input by the Dhammakaya Foundation, Thailand, 1989-1996

 

NOTICE: These files are provided by courtesy of the Pali Text Society for scholarly purposes only. In principle they represent a digital edition (without revision or correction) of the printed editions of the complete set of Pali canonical texts published by the PTS. While they have been subject to a process of checking, it should not be assumed that there is no divergence from the printed editions and it is strongly recommended that they are checked against the printed editions before quoting.

ALTERATIONS: Superficial re-formatting of headers, sutta titles, and page numbers adding 'ids,' and tag changes to make the file conform to HTML 5 standards. The lower-case mg [m] has been substituted throughout for the lowercase m-underdot [m]; the lower-case ng [n] has been substituted throughout for the lowercase n-overdot [n]. Content straddling page breaks has been moved to the preceding page. The notice of this change that appeared in the originals has been deleted. Both left- and right-hand-page Running heads have been eliminated as page numbers and internal headings make these redundant. Otherwise the internal text of the suttas remains untouched.

 


[page 001]

XXIV. Patika Suttanta

Evam me sutam.

1.1. Ekam samayam Bhagava Mallesu viharati. Anupiyam nama Mallanam nigamo. Atha kho Bhagava pubbanha-samayam nivasetva patta-civaram adaya Anupiyam pindaya pavisi. Atha kho Bhagavato etad ahosi: 'Atippago kho tava Anupiyaya pindaya caritum, yan nunaham yena Bhaggava-gottassa paribbajakassa aramo yena Bhaggavagotto paribbajako ten' upasamkameyyan ti.' Atha kho Bhagava yena Bhaggava-gottassa paribbajakassa aramo yena Bhaggava-gotto paribbajako ten' upasamkami.

[page 002]

1. Atha kho Bhaggava-gotto paribbajako Bhagavantam etad avoca:

'Etu kho bhante Bhagava, sagatam bhante Bhagavato, cirassam kho bhante Bhagava imam pariyayam akasi yadidam idh' agamanaya. Nisidatu bhante Bhagava, idam asanam pannattan ti.'

Nisidi Bhagava pannatte asane. Bhaggava-gotto pi kho paribbajako annatara nicam asanam gahetva ekamantam nisidi. Ekamantam nisinno kho Bhaggava-gotto paribbajako Bhagavantam etad avoca:

'Purimani bhante divasani purimatarani Sunakkhatto Licchavi-putto yenaham ten' upasamkami, upasamkamitva mam etad avoca: 'Paccakkhato dani maya Bhaggava Bhagava. Na danaham Bhaggava Bhagavantam uddissa viharamiti.' Kacc' etam bhante tath' eva yatha Sunakkhatto Licchavi-putto avacati?'

'Tath' eva kho etam Bhaggava yatha Sunakkhatto Licchavi-putto avaca.'

3. Purimani Bhaggava divasani purimatarani Sunakkhatto Licchavi-putto yenaham ten' upasamkami. Upasamkamitva mam abhivadetva ekamantam nisidi, ekamantam nisinno kho Bhaggava Sunakkhatto Licchavi-putto mam etad avoca: 'Paccakkhami danaham bhante Bhagavantam, na danaham bhante Bhagavantam uddissa viharissamiti.'

Evam vutte aham Bhaggava Sunakkhattam Licchavi-puttam etad avocam: 'Api nunaham Sunakkhatta evam {avacam} -- Ehi tvam Sunakkhatta, mamam uddissa viharahiti?

'No h' etam bhante.'

[page 003]

'Tvam va pana mam evam avaca -- Aham bhante Bhagavantam uddissa viharissamiti?'

'No h' etam bhante.'

'Iti kira Sunakkhatta n' evahan tam vadami -- Ehi tvam Sunakkhatta mamam uddissa viharahiti; na pi kira mam tvam vadesi -- Aham bhante Bhagavantam uddissa viharissamiti. Evam sante mogha-purisa ko santo kam paccacikkhasi? Passa mogha-purisa yavan ca te idam aparaddhan ti.'

4. 'Na hi pana me bhante Bhagava uttari-manussadhamma iddhi-patihariyam karotiti.'

'Api nu taham Sunakkhatta evam avacam -- Ehi tvam Sunakkhatta, mamam uddissa viharahi, ahan te uttarimanussa-dhamma iddhi-patihariyam karissamiti?'

'No h' etam bhante.'

'Tvam va pana mam evam avaca -- Aham bhante Bhagavantam uddissa viharissami, Bhagava me uttari-manussadhamma iddhi-patihariyam karissatiti?'

'No h' etam bhante.'

'Iti kira Sunakkhatta {n'evahan} tam vadami -- Ehi tvam Sunakkhatta mamam uddissa viharahi, ahan te uttarimanussa-dhamma iddhi-patihariyam karissamiti; na pi kira mam tvam vadesi -- Aham bhante Bhagavantam uddissa viharissami, Bhagava me uttari-manussa-dhamma iddhi-patihariyam karissatiti. Evam sante mogha-purisa ko santo kam paccacikkhasi? Tam kim mannasi Sunakkhatta? Kate va uttari-manussa-dhamma iddhi-patihariye akate va uttari-manussa-dhamma iddhi-patihariye, yass' atthaya maya dhammo desito so niyyati takkarassa sammadukkha-kkhayayati?'

[page 004]

'Kate va bhante uttari-manussa-dhamma iddhi-patihariye akate va uttari-manussa-dhamma iddhi-patihariye, yass' atthaya Bhagavata dhammo desito so niyyati takkarassa samma-dukkha-kkhayayati.'

'Iti kira Sunakkhatta kate va uttari-manussa-dhamma iddhi-patihariye akate va uttari-manussa-dhamma iddhipatihariye, yass' atthaya maya dhammo desito so niyyati takkarassa samma-dukkha-kkhayaya. Tatra Sunakkhatta kim uttari-manussa-dhamma iddhi-patihariyam katam karissati? Passa mogha-purisa yavan ca te idam aparaddhan ti.'

5. 'Na hi pana me bhante Bhagava aggannam panna{petiti.}'

'Api nu taham Sunakkhatta evam avacam -- Ehi tvam Sunakkhatta mamam uddissa viharahi, aham te aggannam pannapessamiti?'

'No h' etam bhante.'

'Tvam va pana mam evam avaca -- Aham bhante Bhagavantam uddissa viharissami, Bhagava me aggannam pannapessatiti?'

'No h' etam bhante.'

'Iti kira Sunakkhatta {n'evahan} tam vadami -- Ehi tvam Sunakkhatta mamam uddissa viharahi, ahan te aggannam pannapessamiti; na pi kira mam tvam vadesi -- Aham bhante Bhagavantam uddissa viharissami, Bhagava me aggannam pannapessatiti. Evam sante mogha-purisa ko santo kam paccacikkhasi? Tam kim mannasi Sunakkhatta? Pannatte va agganne apannatte va agganne, yass' atthaya maya dhammo desito so niyyati takkarassa samma-dukkha-kkhayayati?'

'Pannatte va bhante agganne apannatte va agganne, yass' atthaya Bhagavata dhammo desito so niyyati takkarassa samma-dukkha-kkhayayati.'

[page 005]

'Iti kira Sunakkhatta pannatte va agganne apannatte va agganne yass' atthaya maya dhammo desito so niyyati takkarassa samma-dukkha-kkhayaya. Tatra Sunakkhatta kim pannattam aggannam karissati? Passa mogha-purisa yavan ca te idam aparaddham.

6. 'Aneka-pariyayena kho te Sunakkhatta mama vanno bhasito Vajji-game -- Iti pi so Bhagava araham SammaSambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam Buddho Bhagava ti. Iti kho te Sunakkhatta aneka-pariyayena mama vanno bhasito Vajji-game.

'Aneka-pariyayena kho te Sunakkhatta Dhammassa vanno bhasito Vajji-game -- Svakkhato Bhagavata Dhammo sanditthiko akaliko ehi-passiko opanayiko paccattam veditabbo vinnuhiti. Iti kho te Sunakkhatta aneka-pariyayena Dhammassa vanno bhasito Vajji-game.

'{Aneka}-pariyayena kho te Sunakkhatta Samghassa vanno bhasito Vajji-game -- Supatipanno Bhagavato savaka-samgho, uju-patipanno Bhagavato savaka-samgho, naya-patipanno Bhagavato savaka-samgho, samici-patipanno Bhagavato savaka-samgho, yadidam cattari purisayugani attha-purisa-puggala, esa Bhagavato savaka-samgho ahuneyyo pahuneyyo dakkhineyyo anjali-karaniyo anuttaram punna-kkhettam lokassati. Iti kho te Sunakkhatta aneka-pariyayena Samghassa vanno bhasito Vajji-game.

'Arocayami kho te Sunakkhatta, pativedayami kho te Sunakkhatta, bhavissanti kho te Sunakkhatta vattaro -No visahi Sunakkhatto Licchavi-putto Samane Gotame brahmacariyam caritum, so avisahanto sikkham paccakkhaya hinay' avatto ti. Iti kho te Sunakkhatta bhavissanti vattaro ti.'

[page 006]

Evam pi kho Bhaggava Sunakkhatto Licchavi-putto maya vuccamano apakkam' eva imasma dhamma-vinaya yatha tam apayiko nerayiko.

7. Ekam idaham Bhaggava samayam Bumusu viharami, Uttaraka nama Bumunam nigamo. Atha kho 'ham Bhaggava pubbanha-samayam nivasetva patta-civaram adaya Sunakkhattena Licchavi-puttena paccha-samanena Uttarakam pindaya pavisim. Tena kho pana samayena acelo Korakkhattiyo kukkuravatiko catukundiko chamanikkinnam bhakkhasam mukhen' eva khadati mukhen' eva bhunjati.

Addasa kho Bhaggava Sunakkhatto Licchavi-putto acelam Korakkhattiyam kukkuravatikam catukundikam chama-{nikkinnam} bhakkhasam mukhen' eva khadantam mukhen' eva bhunjantam. Disvan' assa etad ahosi:

'Sadhu-rupo vata bho araham samano catukundiko chamanikkinnam bhakkhasam mukhen' eva khadati mukhen' eva bhunjatiti.'

Atha kho aham Bhaggava Sunakkhattassa Licchaviputtassa cetasa ceto-parivitakkam annaya {Sunakkhat tam} Licchavi-puttam etad avocam:

'Tvam pi nama mogha-purisa Sakya-puttiyo patijanissasiti?'

'Kim pana mam bhante Bhagava evam aha --

[page 007]

Tvam pi nama mogha-purisa Sakya-puttiyo patijanissasiti?'

'Na nu te Sunakkhatta imam acelam Korakkhattiyam kukkuravatikam catukundikam chama-nikkinnam bhakkhasam mukhen' eva khadantam mukhen' eva bhunjantam disvana etad ahosi -- Sadhu-rupo vata bho araham samano catukundiko chama-nikkinnam bhakkhasam mukhen' eva khadati mukhen' eva bhunjati?'

'Evam bhante. Kim pana bhante Bhagava arahattassa maccharayatiti?'

'Na kho aham mogha-purisa arahattassa maccharayami. Api ca tuyh' ev' etam papakam ditthi-gatam upapannam, tam pajaha, ma te ahosi digha-rattam ahitaya dukkhaya. Yam kho pan' etam Sunakkhatta mannasi acelam Korakkhattiyam -- Sadhu-rupo araham samano ti, so sattama-divasam alasakena kalam karissati, kalakato ca Kalakanja nama asura sabba-nihino asura-kayo tatra upapajjissati, kalakatan ca nam birana-tthambhake susane chaddessanti. Akankhamano ca tvam Sunakkhatta acelam Korakkhattiyam upasamkamitva puccheyyasi -- Janasi avuso Korakkhattiya attano gatim ti? Thanam kho pan' etam Sunakkhatta {vijjati}, yan te acelo Korakkhattiyo vyakarissati -- Janami avuso Sunakkhatta attano gatim, Kalakanja nama asura sabba-nihino asura-kayo tatr' amhi upapanno ti.'

8. Atha kho Bhaggava Sunakkhatto Licchavi-putto yena acelo Korakkhattiyo ten' upasamkami, upasamkamitva acelam Korakkhattiyam etad avoca: 'Vyakato kho 'si avuso Korakkhattiya Samanena Gotamena -- Acelo Korakkhattiyo sattama-divasam alasakena kalam karissati, kalakato ca Kalakanja nama asura sabba-nihino asura-kayo tatra upapajjissati,

[page 008]

kalakatan ca nam birana-tthambhake susane chaddessantiti. Yena tvam avuso Korakkhattiya mattam mattam ca bhattam bhunjeyyasi, mattam mattam ca paniyam piveyyasi, yatha Samanassa Gotamassa miccha assa vacanan ti.'

Atha kho Bhaggava Sunakkhatto eka-dvihikaya sattarattindivani ganesi yatha tam Tathagatassa asaddahamano.

Atha kho Bhaggava acelo Korakkhattiyo sattama-divasam alasakena kalam akasi, kalakato Kalakanja nama asura sabba-nihino asura-kayo tatra upapajji, kalakatan ca tam birana-tthambhake susane chaddesum.

9. Assosi kho Bhaggava Sunakkhatto -- Acelo Korakkhattiyo alasakena kalakato birana-tthambhake susane chaddito ti. Atha kho Bhaggava Sunakkhatto Licchaviputto yena birana-tthambhakam susanam yena acelo Korakkhattiyo ten' upasamkami, upasamkamitva acelam Korakkhattiyam tikkhattum panina akotesi -- 'Janasi avuso Korakkhattiya attano gatin ti?'

Atha kho Bhaggava acelo Korakkhattiyo panina pitthim paripunjanto vutthasi -- 'Janami avuso Sunakkhatta attano gatim, Kalakanja nama asura sabba-nihino asura-kayo tatr' amhi upapanno ti' vatva tatth' eva uttano papati.

10. Atha kho Bhaggava Sunakkhatto Licchavi-putto yenaham ten' upasamkami, upasamkamitva mam abhivadetva ekamantam nisidi. Ekamantam nisinnam kho aham Bhaggava Sunakkhattam Licchavi-puttam etad avocam:

'Tam kim mannasi Sunakkhatta? Yath' eva te aham acelam Korakkhattiyam arabbha vyakasim, tath' eva tam vipakam annatha va ti?'

'Yath' eva me bhante Bhagava acelam Korakkhattiyam arabbha vyakasi, tath' eva tam vipakam no annatha ti.'

[page 009]

'Tam kim mannasi Sunakkhatta? Yadi evam sante katam va hoti uttari-manussa-dhamma iddhi-patihariyam akatam va ti?'

'Addha kho bhante evam sante katam hoti uttarimanussa-dhamma iddhi-patihariyam no akatan ti.'

'Evam pi kho mam tvam mogha-purisa uttari-manussadhamma iddhi-patihariyam karontam evam vadesi -- Na hi pana me bhante Bhagava uttari-manussa-dhamma iddhipatihariyam karotiti. Passa mogha-purisa yavan ca te idam aparaddhan ti.'

Evam pi kho Bhaggava Sunakkhatto Licchavi-putto maya vuccamano apakkam' eva imasma dhamma-vinaya, yatha tam apayiko nerayiko.

11. Ekam idaham Bhaggava samayam Vesaliyam viharami Maha-vane kutagara-salayam. Tena kho pana samayena acelo Kandaramasuko Vesaliyam pativasati labhagga-ppatto c' eva yasagga-ppatto ca Vajji-game. Tassa satta vatta-padani samattani samadinnani honti -- 'Yavajivam acelako assam, na vattham paridaheyyam: yavajivam brahmacari assam, na methunam dhammam patiseveyyam: yava-jivam sura-mamsen' eva yapeyyam, na odana-kummasam bhunjeyyam: puratthimena Vesaliyam Udenam nama cetiyam tam natikkameyyam: dakkhinena Vesaliyam Gotamakam nama cetiyam tam natikkameyyam: pacchimena Vesaliyam Sattambam nama cetiyam tam natikkameyyam:

[page 010]

uttarena Vesaliyam Bahuputtam nama cetiyam tam natikkameyyan ti.' So imesam sattannam vatta-padanam {samadana}-hetu labhagga-ppatto c' eva yasagga-ppatto ca Vajji-game.

12. Atha kho {Bhaggava} Sunakkhatto Licchavi-putto yena acelo Kandaramasuko ten' upasamkami, upasamkamitva acelam Kandaramasukam panham apucchi. Tassa acelo Kandaramasuko panham puttho na sampayasi, asampayanto kopan ca dosan ca appaccayan ca patvakasi. Atha kho Bhaggava Sunakkhattassa Licchavi-puttassa {etad} ahosi -- 'Sadhu-rupam vata bho arahantam samanam asadimhase, ma vata no ahosi digha-rattam ahitaya dukkhayati.'

13. Atha kho Bhaggava Sunakkhatto Licchavi-putto yenaham ten' upasamkami upasamkamitva mam abhivadetva ekamantam nisidi, ekamantam nisinnam kho aham Bhaggava Sunakkhattam Licchavi-puttam etad avocam:

'Tvam pi nama mogha-purisa Sakya-puttiyo patijanissasiti?'

'Kim pana mam bhante Bhagava evam aha -- Tvam pi nama mogha-purisa Sakya-puttiyo patijanissasiti?'

'Nanu tvam Sunakkhatta acelam Kandaramasukam upasamkamitva panham apucchi? Tassa te acelo Kandaramasuko panham puttho na sampayasi, asampayanto kopan ca dosan ca appaccayan ca patvakasi. Tassa te etad ahosi -- Sadhu-rupam vata bho arahantam samanam asadimhase, ma vata no ahosi digha-rattam ahitaya dukkhayati.'

'Evam bhante. Kim pana bhante Bhagava arahattassa maccharayatiti?'

[page 011]

'Na kho p' aham mogha-purisa arahattassa maccharayami. Api ca tuyh' ev' etam papakam ditthi-gatam uppannam, tam pajaha, ma te ahosi digha-rattam ahitaya dukkhaya. Yam kho pan' etam Sunakkhatta mannasi acelam Kandaramasukam -- Sadhu-rupo araham samano ti, so na cirass' eva parihito sanucariyo vicaranto odana-kummasam bhunjamano sabban' eva Vesaliyani cetiyani samatikkamitva yasa nikkinno kalam karissatiti.'

Atha kho Bhaggava acelo Kandaramasuko na cirass' eva parihito sanucariyo vicaranto odana-kummasam bhunjamano sabban' eva Vesaliyani cetiyani samatikkamitva yasa nikkinno kalam akasi.

14. Assosi kho Sunakkhatto Licchavi-putto -- Acelo kira Kandaramasuko parihito sanucariyo vicaranto odana-kummasam bhunjamano sabban' eva Vesaliyani cetiyani samatikkamitva yasa nikkinno kalam karoti. Atha kho Bhaggava Sunakkhatto yenaham ten' {upasamkami}, upasamkamitva mam abhivadetva ekamantam nisidi, ekamantam nisinnam kho aham Bhaggava Sunakkhattam Licchaviputtam etad avocam:

'Tam kim mannasi Sunakkhatta? Yath' eva te aham acelam Kandaramasukam arabbha vyakasim, tath' eva tam vipakam annatha va ti?'

'Yath' eva me bhante Bhagava acelam Kandaramasukam arabbha vyakasi, tath' eva tam vipakam no annatha ti.'

'Tam kim mannasi Sunakkhatta? Yadi evam sante katam va hoti uttari-manussa-dhamma iddhi-patihariyam,

[page 012]

akatam va ti?'

'Addha kho bhante evam sante katam hoti uttarimanussa-dhamma iddhi-patihariyam, no akatan ti.'

'Evam pi kho mam tvam mogha-purisa uttari-manussadhamma iddhi-patihariyam karontam evam vadesi -- Na hi pana me bhante Bhagava uttari-manussa-dhamma iddhipatihariyam karotiti. Passa mogha-purisa yavan ca te idam aparaddhan ti.'

Evam pi kho Bhaggava Sunakkhatto Licchavi-putto maya vuccamano apakkam' eva imasma dhamma-vinaya, yatha tam apayiko nerayiko.

15. Ekam idaham Bhaggava samayam tatth' eva Vesaliyam viharami Maha-vane kutagara-salayam. Tena kho pana samayena acelo Patika-putto Vesaliyam pativasati labhagga-ppatto c' eva yasagga-ppatto ca Vajji-game. So Vesaliyam parisati evam vacam bhasati:

'Samano pi Gotamo nana-vado, aham pi nana-vado, nana-vado kho pana nana-vadena arahati uttari-manussadhamma iddhi-patihariyam dassetum. Samano Gotamo upaddha-patham agaccheyya, aham ca upaddha-patham gaccheyyam. Te tattha ubho uttari-manussa-dhamma iddhi-patihariyam kareyyama. Ekam ce Samano Gotamo uttari-manussa-dhamma iddhi-patihariyam karissati, dvaham karissami. Dve ce Samano Gotamo uttarimanussa-dhamma iddhi-patihariyani karissati, cattaraham karissami.

[page 013]

Cattari ce Samano Gotamo uttari-manussadhamma iddhi-patihariyani karissati, atthaham karissami.

Iti yavatakam yavatakam Samano Gotamo uttari-manussadhamma iddhi-patihariyam karissati, tad-digunam taddigunaham karissamiti.'

16. Atha kho Bhaggava Sunakkhatto Licchavi-putto yenaham ten' upasamkami, upasamkamitva mam abhivadetva ekamantam nisidi. Ekamantam nisinno kho Bhaggava Sunakkhatto Licchavi-putto mam etad avoca:

'Acelo bhante Patika-putto Vesaliyam pativasatilabhaggappatto c' eva yasagga-ppatto ca Vajji-game. So Vesaliyam parisati evam vacam bhasati -- Samano pi Gotamo nanavado, aham pi nana-vado, nana-vado kho pana nana-vadena arahati uttari-manussa-dhamma iddhi-patihariyam dassetum. Samano ca Gotamo upaddha-patham agaccheyya, aham pi upaddha-patham gaccheyyam. Te tattha ubho uttari-manussa-dhamma iddhi-patihariyam kareyyama.

Ekam ce Samano Gotamo uttari-manussa-dhamma iddhipatihariyam karissati ... pe ... tad-digunam taddigunaham karissamiti.'

Evam vutte aham Bhaggava Sunakkhattam Licchaviputtam etad avocam:

'Abhabbo kho Sunakkhatta acelo Patika-putto tam vacam appahaya tam cittam appahaya tam ditthim appatinissajjitva mama sammukhi-bhavam agantum. Sace pi 'ssa evam assa -- Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan ti, -- muddha pi tassa vipateyyati.'

17. 'Rakkhat' etam bhante Bhagava vacam, rakkhat' etam Sugato vacan ti.'

[page 014]

'Kim pana mam tvam Sunakkhatta evam vadesi -- Rakkhat' etam bhante Bhagava vacam, rakkhat' etam Sugato vacan ti?'

'Bhagavata c' assa bhante esa vaca ekamsena ovadita: -- Abhabbo acelo Patika-putto tam vacam appahaya tam cittam appahaya tam ditthim appatinissajjitva mama sammukhi-bhavam agantum: sace pi 'ssa evam assa -- Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan ti -- muddha pi tassa vipateyyati. Acelo ca bhante Patika-putto virupa-rupena Bhagavato sammukhibhavam agaccheyya, tad assa Bhagavato musa ti.'

18. 'Api nu Sunakkhatta Tathagato tam vacam bhaseyya ya sa vaca dvaya-gamini ti?'

'Kim pana bhante Bhagavata acelo Patika-putto cetasa ceto paricca vidito -- Abhabbo acelo Patika-putto tam vacam appahaya tam cittam appahaya tam ditthim appatinissajjitva mama sammukhi-bhavam agantum, sace pi 'ssa evam assa -- Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan ti, muddha pi tassa vipateyyati? Udahu devata {Tathagatassa} etam attham arocesum -Abhabbo bhante acelo Patika-putto tam vacam appahaya ... pe ... muddha pi tassa vipateyyati?'

'Cetasa ceto paricca vidito c' eva Sunakkhatta acelo Patika-putto -- Abhabbo acelo Patika-putto tam vacam appahaya tam cittam appahaya ... pe ... muddha pi tassa vipateyyati, devata pi mama etam attham arocesum:

[page 015]

"Abhabbo bhante acelo Patika-putto tam vacam appahaya ... pe ... muddha pi tassa vipateyyati." Ajito pi nama Licchavinam senapati adhuna kala-kato Tavatimsakayam upapanno. So pi mam upasamkamitva evam arocesi:

"Alajji bhante acelo Patika-putto, musa-vadi bhante acelo Patika-putto, mam pi bhante acelo Patika-putto vyakasi Vajji-game -- Ajito Licchavinam senapati maha-nirayam upapanno ti. Na kho panaham bhante maha-nirayam upapanno, Tavatimsamhi kayam upapanno, alajji bhante acelo Patika-putto, musa-vadi bhante acelo Patika-putto, abhabbo bhante acelo Patika-putto tam vacam appahaya ... pe ... muddha pi tassa vipateyyati." Iti kho Sunakkhatta cetasa ceto paricca vidito c' eva me acelo Patika-putto -- Abhabbo acelo Patika-putto tam vacam appahaya tam cittam appahaya tam ditthim appatinissajjitva mama sammukhi-bhavam agantum, sace pi 'ssa evam assa -- Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan ti -- muddha pi tassa vipateyyati. Devata pi me etam attham arocesum: "Abhabbo bhante acelo Patika-putto tam vacam appahaya tam cittam appahaya tam ditthim appatinissajjitva Bhagavato sammukhi-bhavam agantum, sace pi 'ssa evam assa -- Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhi-bhavam gaccheyyan ti -- muddha pi tassa vipateyyati."

'So kho panaham Sunakkhatta Vesaliyam pindaya caritva paccha-bhattam pindapata-patikkanto yena acelassa Patika-puttassa aramo ten' upasamkamissami divaviharaya. Yassa dani tvam Sunakkhatta icchasi, tassa arocehiti.'

[page 016]

19. Atha kho 'ham Bhaggava pubbanha-samayam nivasetva patta-civaram adaya Vesaliyam pindaya pavisim.

Vesaliyam pindaya caritva paccha-bhattam pindapatapatikkanto yena acelassa Patika-puttassa aramo ten' upasamkamim diva-viharaya. Atha kho Bhaggava Sunakkhatto Licchavi-putto taramana-rupo Vesalim pavisitva yena abhinnata abhinnata Licchavi ten' upasamkami, {upasamkamitva} abhinnate abhinnate Licchavi etad avoca:

'Es' avuso Bhagava Vesaliyam pindaya caritva pacchabhattam pindapata-patikkanto yena acelassa Patikaputtassa aramo ten' upasamkami diva-viharaya. Abhikkamath' ayasmanto abhikkamath' ayasmanto, sadhurupanam {Samananam} uttari-manussa-dhamma iddhipatihariyam bhavissatiti.'

Atha kho Bhaggava abhinnatanam abhinnatanam Licchavinam etad ahosi: 'Sadhu-rupanam kira bho Samananam uttari-manussa-dhamma iddhi-patihariyam bhavissati, handa vata bho gacchamati.'

Yena ca abhinnata abhinnata Brahmana-mahasala gahapati-necayika nana-titthiya Samana-Brahmana ten' {upasamkami}, upasamkamitva abhinnate abhinnate nanatitthiye Samana-Brahmane etad avoca:

'Es' avuso Bhagava Vesaliyam pindaya caritva paccha-bhattam pindapata-patikkanto yena acelassa Patika-puttassa aramo ten' upasamkami diva-viharaya.

Abhikkamath' ayasmanto abhikkamath' ayasmanto, sadhu-rupanam Samananam uttari-manussa-dhamma iddhi-patihariyam bhavissatiti.'

Atha kho Bhaggava abhinnatanam abhinnatanam nanatitthiyanam Samana-Brahmananam etad ahosi: 'Sadhurupanam kira bho Samananam uttari-manussa-dhamma iddhi-patihariyam bhavissati, handa vata bho gacchamati.'

[page 017]

Atha kho Bhaggava abhinnata abhinnata Licchavi abhinnata abhinnata ca Brahmana-mahasala gahapatinecayika nana-titthiya Samana-Brahmana yena acelassa Patika-puttassa aramo ten' upasamkamimsu. Sa esa Bhaggava parisa hoti aneka-sata aneka-sahassa.

20. Assosi kho Bhaggava acelo Patika-putto: 'Abhikkanta kira abhinnata abhinnata Licchavi, abhikkanta abhinnata ca Brahmana-mahasala gahapati-necayika nanatitthiya Samana-Brahmana, Samano pi Gotamo mayham arame diva-viharam nisinno ti.' Sutvan' assa bhayam chambhitattam lomahamso udapadi. Atha kho Bhaggava acelo Patika-putto bhito samviggo lomahattha-jato yena Tindukkhanu-paribbajakaramo ten' upasamkami.

Assosi kho Bhaggava sa parisa: 'Acelo kira Patika-putto bhito samviggo lomahattha-jato yena Tindukkhanu-paribbajakaramo ten' upasamkamanto ti.' Atha kho Bhaggava sa parisa annataram purisam amantesi:

'Ehi tvam bho purisa, yena Tindukkhanu-paribbajakaramo yena acelo Patika-putto ten' upasamkama, upasamkamitva acelam Patika-puttam evam vadehi -- Abhikkam' avuso Patika-putta, abhikkanta abhinnata abhinnata Licchavi, abhikkanta abhinnata abhinnata ca Brahmana-mahasala gahapati-necayika nana-titthiya SamanaBrahmana, Samano pi Gotamo ayasmato arame diva-viharam nisinno. Bhasita kho pana te es' avuso Patika-putta Vesaliyam parisati vaca: "Samano pi Gotamo nana-vado aham pi nana-vado, nana-vado kho pana nana-vadena arahati uttari-manussa-dhamma iddhi-patihariyam dassetum.

[page 018]

Samano Gotamo upaddha-patham agaccheyya, aham upaddha-patham gaccheyyam. Te tattha ubho uttarimanussa-dhamma iddhi-patihariyam kareyyama. Ekan ce Samano Gotamo uttari-manussa-dhamma iddhi-patihariyam karissati. dvaham karissami. Dve ce Samano Gotamo uttari-manussa-dhamma iddhi-patihariyani karissati, cattaraham karissami. Cattari ce Samano Gotamo uttarimanussa-dhamma iddhi-{patihariyani} karissati, atthaham karissami. Iti yavatakam yavatakam Samano Gotamo uttari-manussa-dhamma iddhi-patihariyam karissati, taddigunam tad-{digunaham} karissamiti." Abhikkama yeva kho avuso Patika-putta {upaddha}-patham, sabba-pathamam yeva agantva Samano Gotamo ayasmato arame diva-viharam nisinno ti.'

21. 'Evam bho ti' kho Bhaggava so puriso tassa parisaya patissutva yena Tindukkhanu-paribbajakaramo yena acelo Patika-putto ten' upasamkami, upasamkamitva acelam Patika-puttam etad avoca:

'Abhikkam' avuso Patika-putta, abhikkanta abhinnata abhinnata Licchavi ... pe ... Samano Gotamo ayasmato arame diva-viharam nisinno. Bhasita kho pana te es' avuso Patika-putta Vesaliyam parisati vaca: "Samano pi Gotamo nana-vado aham pi nana-vado ... pe ... taddigunam tad-digunaham karissamiti." Abhikkama yeva kho avuso Patika-putto upaddha-{patham}, sabba-pathamam yeva agantva Samano Gotamo ayasmato arame diva-viharam nisinno ti.'

Evam vutte Bhaggava acelo Patika-putto 'Ayami avuso ayami avuso ti' vatva tatth' eva samsappati,

[page 019]

na sakkoti asana pi vutthatum. Atha kho so Bhaggava puriso acelam Patika-puttam etad avoca:

'Kim su nama te avuso Patika-putta? pavala su nama te pithakasmim allina, pithakam su nama te pavalasu allinam? "Ayami avuso ayami avuso ti" vatva tatth' eva samsappasi, na sakkosi asana pi vutthatun ti.'

Evam pi kho Bhaggava vuccamano acelo Patika-putto 'Ayami avuso ayami avuso ti' vatva tatth' eva samsappati, na sakkoti asana pi vutthatum.

22. Yada kho so Bhaggava puriso annasi -- Parabhutarupo ayam acelo Patika-putto, 'Ayami avuso ayami avuso ti' vatva tatth' eva samsappati, na sakkoti asana pi vutthatun ti, -- atha tam parisam agantva evam arocesi:

'Parabhuta-rupo acelo Patika-putto, "Ayami avuso ayami avuso ti" vatva tatth' eva samsappati, na sakkoti asana pi vutthatun ti.'

Evam vutte aham Bhaggava tam parisam etad avocam:

'Abhabbo kho avuso acelo Patika-putto tam vacam appahaya tam cittam appahaya tam ditthim appatinissajjitva mama sammukhi-bhavam agantum. Sace pi 'ssa evam assa -Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhibhavam gaccheyyan ti -- muddha pi tassa vipateyyati.'

Pathamaka-bhanavaram.

2. . Atha kho Bhaggava annataro Licchavi-mahamatto utthay' asana tam parisam etad avoca:

'Tena hi bho muhuttam tava agametha yavaham gacchami,

[page 020]

app eva nama aham pi sakkuneyyam acelam Patika-puttam imam parisam anetun ti.'

Atha kho so Bhaggava Licchavi-mahamatto yena Tindukkhanu-paribbajakaramo yena acelo Patika-putto ten' upasamkami, upasamkamitva acelam Patika-puttam etad avoca:

'Abhikkam' avuso Patika-putta, abhikkantam te seyyo, abhikkanta abhinnata abhinnata Licchavi, abhikkanta abhinnata abhinnata ca Brahmana-mahasala gahapati-necayika nana-titthiya Samana-Brahmana, Samano pi Gotamo ayasmato arame diva-viharam nisinno. Bhasita kho pana te es' avuso Patika-putta Vesaliyam parisati vaca -- "Samano pi Gotamo nana-vado, aham pi nana-vado ... pe ... taddigunam tad-digunaham karissamiti." Abhikkama yeva kho avuso Patika-putta upaddha-patham, sabba-pathamam yeva agantva Samano Gotamo ayasmato arame divaviharam nisinno. Bhasita kho pana te esa avuso Patikaputta Samanena Gotamena parisati vaca: "Abhabbo acelo Patika-putto tam vacam appahaya ... pe ... sace pi 'ssa evam assa -- Ahan tam vacam appahaya ... pe ... Samanassa Gotamassa sammukhi-bhavam gaccheyyan ti -- muddha pi tassa vipateyyati." Abhikkam' avuso Patika-putta, abhikkamanen' eva te jayam karissama, Samanassa Gotamassa parajayan ti.'

2. Evam vutte Bhaggava acelo Patika-putto 'Ayami avuso {ayami} avuso ti' vatva tatth' eva samsappati, na sakkoti asana pi vutthatum.

[page 021]

Atha kho so Bhaggava Licchavi-mahamatto acelam Patika-puttam etad avoca:

'Kim su nama te avuso Patika-putta, pavala su nama te pithakasmim allina, pithakam su nama te pavalasu allinam? "Ayami avuso ayami avuso ti" vatva tatth' eva samsappasi, na sakkosi asana pi vutthatun ti.'

Evam pi kho Bhaggava vuccamano acelo Patika-putto 'Ayami avuso ayami avuso ti' vatva tatth' eva samsappati, na sakkoti asana pi vutthatum.

3. Yada kho so Bhaggava Licchavi-mahamatto annasi -- Parabhuta-rupo ayam acelo Patika-putto, 'Ayami avuso ayami avuso ti' vatva tatth' eva samsappati, na sakkoti asana pi vutthatun ti, -- atha tam parisam agantva evam arocesi:

'Parabhuta-rupo so acelo Patika-putto, "Ayami avuso ayami avuso ti" vatva tatth' eva samsappati, na sakkoti asana pi vutthatun ti.'

Evam vutte aham Bhaggava tam parisam etad avocam:

'Abhabbo kho avuso acelo Patika-putto tam vacam appahaya ... pe ... muddha pi tassa vipateyya. Sace pi ayasmantanam Licchavinam evam assa -- Mayam acelam Patika-puttam varattahi bandhitva go-yugehi avijjheyyamati, -- ta varatta chijjeram Patika-putto va. Abhabbo pana acelo Patika-putto tam vacam appahaya . . .

[page 022]

pe ... sace {pi 'ssa} evam assa -- Aham tam vacam appahaya ... pe ... muddha pi tassa vipateyyati.'

4. Atha kho Bhaggava Jaliyo darupattik-antevasi utthay' asana tam parisam etad avoca:

'Tena hi bho muhuttam tava agametha yavaham gacchami, app eva nama aham pi sakkuneyyam acelam Patika-puttam imam parisam anetun ti.'

Atha kho Bhaggava Jaliyo darupattik-antevasi yena Tindukkhanu-paribbajakaramo yena acelo Patika-putto ten' upasamkami, upasamkamitva acelam Patika-puttam etad avoca:

'Abhikkam' avuso Patika-putta, abhikkantam te seyyo, abhikkanta abhinnata ca Licchavi ... pe ... Samano pi Gotamo ayasmato arame diva-viharam nisinno. Bhasita kho pana te esa avuso Patika-putta Vesaliyam parisati vaca: "Samano pi Gotamo nana-vado ... pe ... taddigunam tad-digunaham karissamiti." Abhikkama yeva avuso Patika-putta upaddha-{patham}, sabba-pathamam yeva agantva Samano Gotamo ayasmato arame diva-viharam nisinno. Bhasita kho pana te es' avuso Patika-putta Samanena Gotamena parisati vaca: "Abhabbo acelo Patika-putto tam vacam appahaya ... pe ... Sace pi 'ssa evam assa -- Aham tam vacam appahaya ... pe ... Samanassa Gotamassa sammukhi-bhavam gaccheyyan ti, -- muddha pi tassa vipateyya." Sace ayasmantanam Licchavinam evam assa -- Mayam acelam Patika-puttam varattahi bandhitva go-yugehi avijjheyyamati, -- ta varatta chijjeram Patika-putto va. Abhabbo pana acelo Patikaputto tam vacam appahaya ... pe ... sace pi 'ssa evam assa -- Aham tam vacam appahaya ... pe ... muddha pi tassa vipateyyati. Abhikkam' avuso Patika-putta, abhikkamanen' eva te jayam karissama, Samanassa Gotamassa parajayan ti.'

[page 023]

5. Evam vutte Bhaggava acelo Patika-putto 'Ayami avuso ayami avuso ti' vatva tatth' eva samsappati, na sakkoti asana pi vutthatum. Atha kho Bhaggava Jaliyo darupattik-antevasi acelam Patika-puttam etad avoca:

'Kim su nama te avuso Patika-putto, pavala su nama te pithakasmim allina, pithakam su nama te pavalasu allinam. "Ayami avuso ayami avuso ti" vatva tatth' eva samsappasi, na sakkosi asana pi vutthatun ti.'

Evam pi kho Bhaggava vuccamano acelo Patika-putto 'Ayami avuso ayami avuso ti' vatva tatth' eva samsappati, na sakkoti asana pi vutthatum.

6. Yada kho Bhaggava Jaliyo darupattik-antevasi annasi -- Parabhuta-rupo ayam acelo Patika-putto, 'Ayami avuso ayami avuso ti' vatva tatth' eva samsappati, na sakkoti asana pi vutthatun ti -- atha nam etad avoca:

'Bhuta-pubbam avuso Patika-putta Sihassa miga-ranno etad ahosi: "Yan nunaham annataram vana-sandam nissaya asayam kappeyyam, tatr' asayam kappetva sayanhasamayam asaya nikkhameyyam, asaya nikkhamitva vijambheyyam, vijambhitva samanta catuddisa anuvilokeyyam, samanta catuddisa anuviloketva tikkhattum siha-nadam nadeyyam, tikkhattum siha-nadam naditva go-caraya pakkameyyam; so varam varam miga-samghe vadhitva mudu-mamsani mudu-mamsani bhakkhayitva tam eva asayam ajjhupeyyan ti."

'Atha kho so avuso Siho miga-raja annataram vanasandam nissaya asayam kappesi, tatr' asayam kappetva sayanha-samayam asaya nikkhami, asaya nikkhamitva vijambhi, vijambhitva samanta catuddisa anuvilokesi, samanta catuddisa anuviloketva tikkhattum siha-nadam nadi, tikkhattum siha-nadam naditva go-caraya pakkami, so varam varam miga-samghe vadhitva mudu-mamsani mudu-mamsani bhakkhayitva tam eva asayam ajjhupesi.

[page 024]

7. 'Tass' eva kho avuso Patika-putta Sihassa migaranno vighase samvaddho Jara-sigalo ditto c' eva balava ca. Atha kho avuso tassa Jara-sigalassa etad ahosi: "Ko {caham} ko Siho miga-raja? Yan nunaham pi annataram vana-sandam nissaya asayam kappeyyam, tatr' asayam kappetva sayanha-samayam asaya nikkhameyyam, asaya nikkhamitva vijambheyyam, vijambhitva samanta catuddisa anuvilokeyyam, samanta catuddisa anuviloketva tikkhattum siha-nadam nadeyyam, tikkhattum siha-nadam naditva go-caraya pakkameyyam; so varam varam miga-samghe vadhitva mudu-mamsani mudu-mamsani bhakkhayitva tam eva asayam ajjhupeyyan ti."

'Atha kho so avuso Jara-sigalo annataram vana-sandam nissaya asayam kappesi, tatr' asayam kappetva sayanhasamayam asaya nikkhami, asaya nikkhamitva vijambhi, vijambhitva samanta catuddisa anuviloketi, samanta catuddisa anuviloketva "Tikkhattum siha-nadam nadissamiti" sigalakam yeva anadi, bherandakam yeva anadi, "Ke ca chave sigale, ke pana siha-nade ti?"

'Evam eva kho tvam avuso Patika-putta Sugatapadanesu jivamano Sugatatirittani bhunjamano Tathagate arahante Samma-Sambuddhe asadetabbam mannasi -- Ke ca chave Patika-putte, ka ca Tathagatanam arahantanam SammaSambuddhanam asadana ti?'

8. Yato kho Bhaggava Jaliyo darupattik-antevasi imina opammena n' eva asakkhi acelam Patika-puttam tamha asana cavetum, atha nam etad {avoca}:

[page 025]

'Siho ti attanam samekkhiyanam manni kotthu "Migaraja 'ham asmi,"
Tath' eva so sigalakam anadi, "Ke ca chave sigale, ke pana siha-nade ti?"

'Evam eva kho tvam avuso Patika-putta Sugatapadanesu jivamano Sugatatirittani bhunjamano Tathagate arahante Samma-Sambuddhe asadetabbam mannasi -- Ke ca chave Patika-putte, ka ca Tathagatanam arahantanam SammaSambuddhanam asadana ti?'

9. Yato kho Bhaggava Jaliyo darupattik-antevasi imina pi opammena n' eva asakkhi acelam Patika-puttam tamha asana cavetum, atha nam etad avoca:

'Annam anucankamanam attanam vighase samekkhiya
Yav' attanam na passati kotthu tava "vyaggho" ti mannati,
Tath' eva so sigalakam anadi, "Ke ca chave sigale ke pana siha-nade ti?"

'Evam eva kho tvam avuso Patika-putta Sugatapadanesu jivamano Sugatatirittani bhunjamano Tathagate arahante Samma-Sambuddhe asadetabbam mannasi -- Ke ca chave Patika-putte, ka ca Tathagatanam arahantanam SammaSambuddhanam asadana ti?'

10. Yato kho Bhaggava Jaliyo darupattik-antevasi imina pi opammena n' eva asakkhi acelam Patika-puttam tamha asana cavetum,

[page 026]

atha nam etad avoca:

'Bhutvana bheke khala-musikayo {katasisu} khittani ca konapani.
Maha-vane Sunna-vane vivaddho amanni kotthu "Migaraja 'ham asmi,"
Tath' eva so sigalakam anadi, "Ke ca chave sigale, ke pana siha-nade ti?"

'Evam eva kho tvam avuso Patika-putta Sugatapadanesu jivamano Sugatatirittani bhunjamano Tathagate arahante Samma-Sambuddhe asadetabbam mannasi -- Ke ca chave Patika-putte, ka ca Tathagatanam arahantanam SammaSambuddhanam asadana ti?'

11. Yato kho Bhaggava Jaliyo darupattik-antevasi imina pi opammena n' eva asakkhi acelam Patika-puttam tamha asana cavetum, atha tam parisam agantva evam arocesi:

'Parabhuta-rupo bho acelo Patika-putto, "Ayami avuso ayami avuso ti" vatva tatth' eva samsappati, na sakkoti asana pi vutthatun ti.'

12. Evam vutte aham Bhaggava tam parisam etad avocam:

'Abhabbo kho avuso acelo Patika-putto tam vacam appahaya tam cittam appahaya tam ditthim appatinissajjitva mama sammukhi-bhavam agantum. Sace pi 'ssa evam assa -- Aham tam vacam appahaya tam cittam appahaya tam ditthim appatinissajjitva Samanassa Gotamassa sammukhibhavam gaccheyyan ti, -- muddha pi tassa vipateyya.

Sace p' ayasmantanam Licchavinam evam assa -- Mayam acelam Patika-puttam varattahi bandhitva go-yugehi avijjheyyamati

[page 027]

-- ta varatta chijjeram Patika-putto va.

Abhabbo pana acelo Patika-putto tam vacam appahaya ... pe ... mama sammukhi-bhavam agantum. Sace pi 'ssa evam assa -- Aham tam vacam appahaya ... pe ... Samanassa Gotamassa sammukhi-bhavam gaccheyyan ti, -- muddha pi tassa vipateyyati.'

13. Atha kho 'ham Bhaggava tam parisam dhammiya kathaya sandassesim samadapesim samuttejesim sampahamsesim, tam parisam dhammiya kathaya sandassetva samadapetva samuttejetva sampahamsetva maha-bandhana mokkham karitva, caturasiti-pana-sahassani maha-vidugga uddharitva, tejo-dhatum samapajjitva, satta-talam vehasam abbhuggantva, annam satta-talam pi accim abhinimminitva jaletva dhupayitva Mahavane kutagara-salayam paccutthasim. Atha kho Bhaggava Sunakkhatto Licchavi-putto yenaham ten' upasamkami, upasamkamitva mam abhivadetva ekamantam nisidi. Ekamantam nisinnam kho aham Bhaggava Sunakkhattam Licchavi-puttam etad avocam:

'Tam kim mannasi Sunakkhatta? Yath' evaham te acelam Patika-puttam arabbha vyakasim, tath' eva tam vipakam no annatha ti?'

'Yath' eva me bhante Bhagava acelam Patika-puttam arabbha vyakasi, tath' eva tam vipakam no annatha ti.'

'Tam kim mannasi Sunakkhatta? Yadi evam sante katam va hoti uttari-manussa-dhamma iddhi-patihariyam akatam va ti?'

'Addha kho bhante evam sante katam hoti uttarimanussa-dhamma iddhi-patihariyam no akatan ti.'

'Evam pi kho mam tvam mogha-purisa uttari-manussadhamma iddhi-patihariyam karontam evam vadesi:

[page 028]

"Na hi pana me bhante Bhagava uttari-manussa-dhamma iddhipatihariyam karotiti." Passa mogha-purisa yavan ca te idam aparaddhan ti.'

Evam pi kho Bhaggava Sunakkhatto Licchavi-putto maya vuccamano apakkam' eva imasma dhamma-vinaya yatha tam apayiko nerayiko.

14. Aggannan caham Bhaggava pajanami, tan ca pajanami, tato ca uttaritaram pajanami, tan ca pajananam na paramasami, aparamasato me paccattam yeva nibbuti vidita yad abhijanam Tathagato no anayam apajjati. Santi Bhaggava eke Samana-Brahmana Issara-kuttam Brahmakuttam acariyakam aggannam pannapenti. Te 'ham upasamkamitva evam vadami: 'Saccam kira tumhe ayasmanto Issara-kuttam Brahma-kuttam acariyakam aggannam pannapethati?' Te ca me evam puttha -- 'Amo ti' patijananti. Te 'ham evam vadami: 'Katham vihitakam pana tumhe ayasmanto Issara-kuttam Brahma-kuttam acariyakam aggannam pannapethati?' Te maya puttha na sampayanti. Asampayanta mam anne va patipucchanti.

Tesaham puttho vyakaromi:

15. 'Hoti kho so avuso samayo yam kadaci karahaci dighassa addhuno accayena ayam loko samvattati, samvattamane loke yebhuyyena satta Abhassara-samvattanika honti. Te tattha honti mano-maya piti-bhakkha sayam-pabha antalikkha-cara subha-tthayino, ciram digham addhanam titthanti. Hoti kho so avuso samayo yam kadaci karahaci dighassa addhuno accayena ayam loko vivattati, vivattamane loke sunnam Brahma-vimanam {patu-bhavati}. Atha annataro satto ayu-kkhaya va punna-kkhaya va Abhassarakaya cavitva sunnam Brahma-vimanam upapajjati.

[page 029]

So tattha hoti mano-mayo piti bhakkho sayam-pabho antalikkhacaro subha-tthayi, ciram digham addhanam titthati. Tassa tattha ekakassa digha-rattam nibbusitatta anabhirati paritassana uppajjati: "aho vata anne pi satta itthattam agaccheyyun ti." Atha anne pi satta ayu-kkhaya va punna-kkhaya va Abhassara-kaya cavitva sunnam Brahmavimanam upapajjanti tassa sattassa sahavyatam. Te pi tattha honti mano-maya piti-bhakkha sayam-pabha antalikkha-cara subha-tthayino, ciram digham addhanam titthanti.

16. 'Tatr' avuso yo so satto pathamam upapanno, tassa evam hoti: "Aham asmi Brahma Maha-brahma abhibhu anabhibhuto {annadatthu}-daso vasavatti issaro katta nimmata settho sanjita vasi pita bhuta-bhavyanam.

Maya ime satta nimmita. Tam kissa hetu? Mamam hi pubbe etad ahosi -- Aho vata anne pi satta itthattam agaccheyyun ti. Iti maman ca mano-panidhi, ime ca satta itthattam agata ti." Ye pi te satta paccha upapanna, tesam pi evam hoti -- "Ayam kho bhavam Brahma Mahabrahma abhibhu anabhibhuto {annadatthu}-daso vasavatti issaro katta nimmata settho sanjita vasi pita bhutabhavyanam. Imina mayam bhota {Brahmuna} nimmita.

Tam kissa hetu? Imam hi mayam addasama idha pathamam upapannam, mayam pan' amha paccha upapanna ti."

[page 030]

17. 'Tatr' avuso yo so satto pathamam upapanno, so dighayukataro ca hoti vannavantataro ca mahesakkhataro ca. Ye pana te satta paccha upapanna, te appayukatara ca honti dubbannatara ca appesakkhatara ca. Thanam kho pan' etam avuso vijjati yam annataro satto tamha kaya cavitva itthattam agacchati. Itthattam agato samano agarasma anagariyam pabbajati. Agarasma anagariyam pabbajito samano atappam anvaya padhanam anvaya anuyogam anvaya appamadam anvaya samma-manasikaram anvaya {tatharupam} ceto-samadhim phusati yatha samahite citte tam pubbe nivasam anussarati, tato param nanussarati. So evam aha: "Yo kho so bhavam Brahma Maha-brahma abhibhu anabhibhuto annad-atthu-daso vasavatti issaro katta nimmata settho sanjita vasi pita bhutabhavyanam yena mayam bhota {Brahmuna} nimmita, so nicco dhuvo sassato aviparinama-dhammo sassati-samam tath' eva thassati. Ye pana mayam ahumha tena bhota {Brahmuna} nimmita, te mayam anicca addhuva appayuka cavana-dhamma itthattam agata ti." Evam vihitakam bho tumhe ayasmanto Issara-kuttam Brahma-kuttam acariyakam aggannam pannapethati.'

Te evam ahamsu: 'Evam kho no avuso Gotama sutam yath' ev' ayasma Gotamo ahati.' Aggannan caham Bhaggava pajanami ... pe ... yad abhijanam Tathagato no anayam apajjati.

18. Santi Bhaggava eke Samana-Brahmana khiddapadusikam acariyakam aggannam pannapenti. Te 'ham upasamkamitva evam vadami: 'Saccam kira tumhe ayasmanto khidda-padusikam acariyakam aggannam pannapethati?' Te ca me evam puttha -- 'Amo ti' patijananti.

[page 031]

Te 'ham evam vadami: 'Katham vihitakam pana tumhe ayasmanto khidda-padusikam acariyakam aggannam pannapethati?' Te maya puttha na sampayanti. Asampayanta mam' anne va patipucchanti. {Tesaham} puttho vyakaromi:

'Sant' avuso khidda-padusika nama deva. Te ativelam hassa-khidda-rati-dhamma-samapanna viharanti. Tesam ativelam hassa-khidda-rati-dhamma-samapannanam viharatam sati sammussati, satiya sammosa te deva tamha kaya cavanti. Thanam kho pan' etam avuso vijjati, yam annataro satto tamha kaya cavitva itthattam agacchati, itthattam agato samano agarasma anagariyam pabbajati.

Agarasma anagariyam samano pabbajito samano atappam anvaya ... pe ... tatharupam ceto-samadhim phusati yatha samahite citte tam pubbe-nivasam anussarati, tato param nanussarati. So evam aha: "Ye kho te bhonto deva na khidda-padusika te na ativelam hassa-khidda-ratidhamma-samapanna viharanti. Tesam nativelam hassakhidda-rati-dhamma-samapannanam viharatam sati na sammussati, satiya asammosa te deva tamha kaya na cavanti, nicca dhuva sassata aviparinama-dhamma sassatisamam tath' eva thassanti. Ye pana mayam ahumha khidda-padusika te mayam ativelam hassa-khiddarati-dhamma-samapanna viharimha. Tesam no ativelam.

hassa-khidda-rati-dhamma-samapannanam viharatam sati sammussati, satiya sammosa eva mayam tamha kaya cuta anicca addhuva asassata appayuka cavana-dhamma itthattam agata ti." Evam vihitakam bho tumhe ayasmanto khidda-padusikam acariyakam aggannam pannapethati?'

[page 032]

Te evam ahamsu: 'Evam kho no avuso Gotama sutam yath' ev' ayasma Gotamo ahati.' Aggannam caham Bhaggava pajanami ... pe ... yad abhijanam Tathagato no anayam apajjati.

19. Santi Bhaggava eke Samana-Brahmana mano-padusikam acariyakam aggannam pannapenti. Te 'ham upasamkamitva {evam} vadami: 'Saccam kira tumhe ayasmanto mano-padusikam acariyakam aggannam pannapethati?' Te ca me evam puttha -- 'Amo ti' patijananti. Te 'ham evam vadami: 'Katham {vihitakam} pana tumhe ayasmanto mano-padusikam acariyakam aggannam pannapethati?' Te maya puttha na sampayanti. Asampayanta maman neva patipucchanti. Tesaham puttho vyakaromi:

'Sant' avuso mano-padusika nama deva. Te ativelam annamannam upanijjhayanti. Te ativelam annamannam upanijjhayanta annamannamhi cittani padusenti. Te annamannam paduttha-citta kilanta-kaya kilanta-citta.

Te deva tamha kaya cavanti. Thanam kho pan' etam {avuso} vijjati yam annataro satto tamha kaya cavitva itthattam agacchati, itthattam agato samano agarasma anagariyam pabbajati. Agarasma anagariyam pabbajito samano atappam anvaya ... pe ... tatharupam ceto-samadhim phusati yatha samahite citte tam pubbe-nivasam anussarati, tato param nanussarati. So evam aha: "Ye kho te bhonto deva na mano-padusika te nativelam annamannam upanijjhayanti. Te nativelam annamannam upanijjhayanta annamannamhi cittani nappadusenti. Te annamannam appaduttha-citta akilanta-kaya akilanta-citta. Te deva tamha kaya na cavanti,

[page 033]

nicca dhuva sassata aviparinamadhamma sassati-samam tath' eva thassanti. Ye pana mayam ahumha mano-padusika te mayam ativelam anna mannam upanijjhayimha. Te mayam ativelam {annamannam} upanijjhayanta annamannamhi cittani padusimha. Te mayam annamannam paduttha-citta kilanta-kaya kilantacitta eva, mayam tamha kaya cuta anicca addhuva appayuka cavana-dhamma itthattam agata ti." Evam vihitakam bho tumhe ayasmanto mano-padusikam acariyakam aggannam pannapethati.'

Te evam ahamsu: 'Evam kho no avuso Gotama sutam yath' ev' ayasma Gotamo ahati.' Aggannam caham Bhaggava pajanami ... pe ... yad abhijanam Tathagato no anayam apajjati.

20. Santi Bhaggava eke Samana-Brahmana adhicca-samuppannam acariyakam aggannam pannapenti. Te 'ham upasamkamitva evam vadami: 'Saccam kira tumhe {ayasmanto} adhicca-samuppannam acariyakam aggannam pannapethati?' Te ca me evam puttha -- 'Amo ti' patijananti.

Te 'ham evam vadami: 'Katham vihitakam pana tumhe ayasmanto adhicca-samuppannam acariyakam aggannam pannapethati?' Te maya puttha na sampayanti. Asampayanta maman neva patipucchanti. Tesaham puttho vyakaromi:

'Sant' avuso asanna-satta nama deva, sannuppada ca pana te deva tamha kaya cavanti. Thanam kho pan' etam avuso vijjati, yam annataro satto tamha kaya cavitva itthattam agacchati, itthattam agato samano agarasma anagariyam pabbajati. Agarasma anagariyam pabbajito samano atappam anvaya ... pe ... tatharupam ceto-samadhim phusati yatha samahite citte tam sannuppadam anussarati, tato param nanussarati. So evam aha:

"Adhicca-samuppanno atta ca loko ca. Tam kissa hetu?

[page 034]

Aham hi pubbe nahosim, so 'mhi etarahi ahutva sattattaya parinato ti.' Evam vihitakam bho tumhe ayasmanto adhicca-samuppannam acariyakam aggannam pannapethati.'

Te evam ahamsu: 'Evam kho no avuso Gotama sutam yath' ev' ayasma Gotamo ahati.' Aggannam caham Bhaggava janami, tan ca pajanami, tato ca uttaritaram pajanami tan ca pajananam na paramasami, aparamasato ca me {paccattam} yeva nibbuti vidita yad abhijanam Tathagato no anayam apajjati.

21. Evam-vadim kho mam Bhaggava evam akkhayim eke Samana-Brahmana asata tuccha musa abhutena abbhacikkhanti: 'Viparito Samano Gotamo bhikkhavo ca.

Samano Gotamo evam aha:-- Yasmim samaye subham vimokham upasampajja viharati, sabbam tasmim samaye asubhan t' eva sanjanatiti.' Na kho panaham Bhaggava evam vadami: 'Yasmim samaye subham vimokham upasampajja viharati, sabbam tasmim samaye asubhan t' eva sanjanatiti.' Evan ca kho aham Bhaggava vadami:

'Yasmim samaye subham vimokham upasampajja viharati, subhan t' eva tasmim samaye sanjanatiti.'

Te ca bhante viparita ye Bhagavantam viparitato dahanti bhikkhavo ca, 'Evam pasanno aham Bhagavati, pahoti me Bhagava {tatha dhammam} desetum yatha aham subham vimokham upasampajja vihareyyan ti.'

[page 035]

'Dukkaram kho evam Bhaggava taya anna-ditthikena anna-khantikena anna-rucikena annatr' ayogena annatr' acariyakena subham vimokham upasampajja viharitum.

Ingha tvam Bhaggava, yo ca te ayam mayi pasado, tam eva tvam sadhukam anurakkhati.'

'Sac' etam bhante maya dukkaram anna-ditthikena anna-khantikena anna-rucikena annatr' ayogena annatr' acariyakena subham vimokham upasampajja viharitum, yo ca me ayam bhante Bhagavati pasado, tam evaham sadhukam anurakkhissamiti.'

Idam avoca Bhagava. Attamano Bhaggava-gotto paribbajako Bhagavato bhasitam abhinanditi.

Patika-Suttantam Pathamam.

[page 036]

 


 

XXV. Udumbarika-Sihanada Suttanta

Evam me sutam.

1. Ekam samayam Bhagava Rajagahe viharati Gijjhakute pabbate. Tena kho pana samayena Nigrodho paribbajako Udumbarikaya paribbajakarame pativasati mahatiya paribbajaka-parisaya saddhim timsa-mattehi paribbajaka-satehi. Atha kho Sandhano gahapati divadivass' eva Rajagaha nikkhami Bhagavantam dassanaya.

Atha kho Sandhanassa gahapatissa etad ahosi: 'Akalo kho tava Bhagavantam dassanaya, patisallino Bhagava, manobhavaniyanam pi bhikkhunam asamayo dassanaya, patisallina mano-bhavaniya bhikkhu; yan nunaham yena Udumbarikaya paribbajakaramo yena Nigrodho paribbajako ten' upasamkameyyan ti.' Atha kho Sandhano gahapati yena Udumbarikaya paribbajakaramo yena Nigrodho paribbajako ten' upasamkami.

2. Tena kho pana samayena Nigrodho paribbajako mahatiya paribbajaka-parisaya saddhim nisinno hoti unnadiniya uccasadda-mahasaddaya aneka-vihitam tiracchanakatham kathentiya -- seyyathidam raja-katham corakatham mahamatta-katham sena-katham bhaya-katham yuddha-katham anna-katham pana-katham vattha-katham sayana-katham mala-katham gandha-katham nati-katham yana-katham gama-katham nigama-katham nagarakatham janapada-katham itthi-katham purisa-katham sura-katham visikha-katham kumbatthana-katham pubbapeta-katham nanatta-katham lokakkhayikam katham {samudda-kkhayikam} katham iti-bhavabhava-katham iti va.

[page 037]

3. Addasa kho Nigrodho paribbajako Sandhanam gahapatim durato va agacchantam, disva sakam parisam santhapesi:

'Appa-sadda bhonto hontu, ma bhonto saddam akattha, ayam Samanassa Gotamassa savako agacchati Sandhano gahapati. Yavata kho pana Samanassa Gotamassa savaka gihi odata-vasana Rajagahe pativasanti, ayam tesam annataro Sandhano gahapati. Appasadda-kama kho pan' ete ayasmanto, appasadda-vinita appasaddassa vannavadino, app eva nama appasaddam parisam viditva upasamkamitabbam manneyyati.'

Evam vutte te paribbajaka tunhi ahesum.

4. Atha kho Sandhano gahapati yena Nigrodho paribbajako ten' upasamkami, upasamkamitva Nigrodhena paribbajakena saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho Sandhano gahapati Nigrodham paribbajakam etad avoca:

'Annatha kho ime bhonto anna-titthiya paribbajaka sangamma samagamma unnadino uccasadda-mahasadda aneka-vihitam tiracchana-katham kathenta viharanti -- seyyathidam raja-katham

[page 038]

... pe ... {iti-} bhavabhavakatham iti va. Annatha ca pana so Bhagava aranne vanapatthani pantani senasanani patisevati, appasaddani appa-nigghosani vijana-vatani manussa-{rahaseyyakani} patisallana-saruppaniti.'

5. Evam vutte Nigrodho paribbajako Sandhanam gahapatim etad avoca:

'Yagghe gahapati janeyyasi kena Samano Gotamo saddhim sallapati? kena sakaccham samapajjati?kena panna-veyyattiyam apajjati? Sunnagara-hata Samanassa Gotamassa panna, aparisavacaro Samano Gotamo, nalam sallapaya, so antamantan' eva sevati. Seyyatha pi nama gokana pariyanta-carini antamantan' eva sevati, evam eva sunnagara-hata Samanassa Gotamassa panna, aparisavacaro Samano Gotamo, nalam sallapaya, so antamantan' eva sevati. Ingha gahapati, Samano Gotamo imam parisam agaccheyya, eka-panhen' eva nam samsadeyyama, tuccha-kumbhi va nam manne orodheyyamati.'

6. Assosi kho Bhagava dibbaya sota-dhatuya visuddhaya atikkanta-manusikaya Sandhanassa gahapatissa Nigrodhena paribbajakena saddhim imam katha-sallapam.

Atha kho Bhagava Gijjha-kuta pabbata-orohitva yena Sumagadhaya tire Mora-nivapo ten' upasamkami,

[page 039]

upasamkamitva Sumagadhaya tire Mora-nivape abbhokase cankami.

Addasa kho Nigrodho paribbajako Bhagavantam Sumagadhaya {tire} Mora-nivape abbhokase cankamantam, disva sakam parisam {santhapesi}:

'Appasadda bhonto hontu, ma bhonto saddam akattha.

Ayam Samano Gotamo Sumagadhaya tire Mora-nivape abbhokase cankamati. Appasadda-kamo kho pana so ayasma, appasaddassa vanna-vadi, app eva nama appasaddam parisam viditva upasamkamitabbam manneyya.

Sace Samano Gotamo imam parisam agaccheyya, imam tam panham puccheyyama -- Ko nama so bhante Bhagavato dhammo yena Bhagava savake vineti, yena Bhagavata savaka vinita assasa-ppatta patijananti ajjhasayam adibrahmacariyan ti?'

Evam vutte te paribbajaka {tunhi} ahesum.

7. Atha kho Bhagava yena Nigrodho paribbajako ten' upasamkami. Atha kho Nigrodho paribbajako Bhagavantam etad avoca:

'Etu kho bhante Bhagava, sagatam bhante Bhagavato, cirassam kho bhante Bhagava imam pariyayam akasi yadidam idh' agamanaya, nisidatu bhante Bhagava, idam asanam pannattan ti.'

Nisidi Bhagava pannatte asane. Nigrodho pi kho paribbajako annataram nicam asanam gahetva ekamantam nisidi. Ekamantam nisinnam kho Nigrodham paribbajakam Bhagava etad avoca:

'Kaya nu 'ttha Nigrodha etarahi kathaya sannisinna, ka ca pana vo antara-katha vippakata ti?'

Evam vutte Nigrodho paribbajako Bhagavantam etad avoca:

'Idha mayam bhante addasama Bhagavantam Sumagadhaya tire Mora-nivape abbhokase cankamantam, disva evam avocumha:

[page 040]

"Sace Samano Gotamo imam parisam agaccheyya, imam tam panham puccheyyama -Ko nama so bhante Bhagavato dhammo yena Bhagava savaka vineti, yena Bhagavata savaka vinita assasa-ppatta patijananti ajjhasayam adi-brahmacariyan ti?" Ayam kho no bhante antara-katha vippakata atha Bhagava anuppatto ti.'

'Dujjanam kho etam Nigrodha taya anna-ditthikena {anna}-khantikena anna-rucikena annatr' ayogena annatr' acariyakena yenaham savake vinemi, yena maya savaka vinita assasa-ppatta patijananti ajjhasayam adi-brahmacariyam. Ingha tvam mam Nigrodha sake acariyake adhijegucche panham puccha -- Katham sante nu kho bhante tapo-jiguccha paripunna hoti, katham aparipunna ti?'

Evam vutte te paribbajaka unnadino uccasadda-mahasadda ahesum, 'Acchariyam vata bho abbhutam vata bho Samanassa Gotamassa mahiddhikata mahanubhavata, yatra-hi nama saka-vadam thapessati, para-vadena pavaressatiti.'

8. Atha kho Nigrodho paribbajako te paribbajake appasadde katva, Bhagavantam etad avoca:

'Mayam kho bhante tapo-jiguccha-vada tapo-jigucchasara tapo-jiguccha-allina viharama. Katham sante nu kho bhante tapo-jiguccha paripunna hoti, katham aparipunna ti?'

'Idha Nigrodha tapassi acelako hoti muttacaro hatthapalekhano, na-ehi-bhadantiko na-tittha-bhadantiko, nabhihatam na uddissa-katam na nimantanam sadiyati.

[page 041]

So na kumbhi-mukha patiganhati, na kalopi-mukha patiganhati, na elakam-antaram, na udukkhalam-antaram, na dandam-antaram, na musalam-antaram, na dvinnam bhunjamananam, na gabbhiniya, na payamanaya, na purisantara-gataya, na samkittisu, na yattha sa upatthito hoti, na yattha makkhika sanda-sanda-carini, na maccham na mamsam na suram na merayam na thusodakam pivati.

So ekagariko va hoti ekalopiko, dvagariko va hoti dvalopiko, sattagariko va hoti sattalopiko. Ekissapi dattiya yapeti, dvihi pi dattihi yapeti, sattahi pi dattihi yapeti.

Ekahikam pi aharam ahareti, dvihikam pi aharam ahareti, sattahikam pi {aharam} ahareti -- iti evarupam addhamasikam pi pariyaya-bhatta-bhojananuyogam anuyutto viharati.

So saka-bhakkho va hoti, samaka-bhakkho va hoti, nivarabhakkho va hoti, daddula-bhakkho va hoti, hata-bhakkho va hoti, kana-bhakkho va hoti, acama-bhakkho va hoti, pinnaka-bhakkho va hoti, tina-bhakkho va hoti, gomayabhakkho va hoti, vana-mula-phalaharo yapeti, pavattaphala-bhoji. So sanani pi dhareti, masanani pi dhareti, chava-dussani pi dhareti, pamsu-kulani pi dhareti, {tiritani} pi dhareti, ajinani pi dhareti, ajina-kkhipam pi dhareti, kusa-ciram pi dhareti, vaka-ciram pi dhareti, phalaka-ciram pi dhareti, kesa-kambalam pi dhareti, vala-kambalam pi dhareti, uluka-pakkhikam pi dhareti. Kesa-massu-locako pi hoti kesa-massu-locananuyogam anuyutto,

[page 042]

ubbhatthako pi hoti asana-patikkhitto, ukkutiko pi hoti ukkutika-ppadhanam anuyutto, kantakapassayiko pi hoti, kantaka-passaye seyyam kappeti, phalakaseyyam pi kappeti, thandila-seyyam pi kappeti, eka-passayiko pi hoti rajojalla-dharo, abbhokasiko pi hoti yathasanthatiko, vekatiko pi hoti vikata-bhojananuyogam anuyutto, apanako pi hoti apanakattam anuyutto, saya-tatiyakam pi udak-orohananuyogam anuyutto viharati. Tam kim mannasi Nigrodha? Yadi evam sante tapo-jiguccha paripunna va hoti aparipunna va ti?'

'Addha kho bhante evam sante tapo-jiguccha paripunna hoti no aparipunna ti.'

'Evam paripunnaya pi kho aham Nigrodha tapo-jigucchaya aneka-vihite upakkilese vadamiti.'

9. 'Yatha-katham pana bhante Bhagava evam-paripunnaya tapo-jigucchaya aneka-vihite upakkilese vadatiti?'

'Idha Nigrodha tapassi tapam samadiyati. So tena tapasa attamano hoti paripunna-samkappo. Yam pi kho Nigrodha tapassi tapam samadiyati, so tena tapasa attamano hoti paripunna-samkappo, ayam pi kho Nigrodha tapassino upakkileso hoti.

'Puna ca param Nigrodha tapassi tapam samadiyati. So tena tapasa attan-ukkamseti param vambheti. Yam pi Nigrodha tapassi tapam samadiyati, so tena tapasa attanukkamseti, param vambheti, ayam pi kho Nigrodha tapassino upakkileso hoti.

'Puna ca param Nigrodha tapassi tapam samadiyati. So tena tapasa majjati mucchati pamadam apajjati. Yam pi Nigrodha tapassi tapam samadiyati, so tena tapasa majjati mucchati pamadam apajjati,

[page 043]

ayam pi kho Nigrodha tapassino upakkileso hoti.

10. 'Puna ca param Nigrodha tapassi tapam samadiyati.

So tena tapasa labha-sakkara-silokam abhinibbatteti. So tena labha-sakkara-silokena attamano hoti paripunna-samkappo. Yam pi Nigrodha tapassi tapam samadiyati, so tena tapasa labha-sakkara-silokam abhinibbatteti, so tena labha-sakkara-silokena attamano hoti paripunnasamkappo, ayam pi kho Nigrodha tapassino upakkileso hoti.

'Puna ca param Nigrodha tapassi tapam samadiyati. So tena tapasa labha-sakkara-silokam abhinibbatteti. So tena labha-sakkara-silokena attan-ukkamseti param vambheti.

Yam pi Nigrodha tapassi tapam samadiyati, so tena tapasa labha-sakkara-silokam abhinibbatteti, so tena labha-sakkara-silokena attan-ukkamseti param vambheti, ayam pi kho Nigrodha tapassino upakkileso hoti.

'Puna ca param Nigrodha tapassi tapam samadiyati. So tena tapasa labha-sakkara-silokam abhinibbatteti. So tena labha-sakkara-silokena majjati mucchati pamadam apajjati.

Yam pi Nigrodha tapassi tapam samadiyati, so tena tapasa labha-sakkara-silokam abhinibbatteti, so tena labha-sakkara-silokena majjati mucchati pamadam apajjati, ayam pi kho Nigrodha tapassino upakkileso hoti.

'Puna ca param Nigrodha tapassi tapam samadiyati, bhojanesu vodasam apajjati -- "Idam me khamati, idam me na-kkhamatiti." So yam hi kho 'ssa na-kkhamati tam sapekho pajahati, yam pan' assa khamati tam gathito mucchito ajjhapanno anadinava-{dassavi} anissarana-panno paribhunjati ... pe ... Ayam pi kho Nigrodha upakkileso hoti.

[page 044]

'Puna ca param Nigrodha tapassi tapam samadiyati labha-sakkara-siloka-nikanti-hetu -- "Sakkarissanti mam rajano raja-mahamatta khattiya brahmana gahapatika titthiya ti." Ayam pi kho Nigrodha tapassino upakkileso hoti.

11. 'Puna ca param Nigrodha tapassi annataram Samanam va Brahmanam va apasadeta hoti: "Kim panayam bahulajivo sabbam sambhakkheti? Seyyathidam, mula-bijam khandha-bijam phalu-bijam agga-bijam bijabijam eva pancamam, asani-vicakkam danta-kutam samanappavadenati" ... pe ... Ayam pi kho Nigrodha tapassino upakkileso hoti.

'Puna ca param Nigrodha tapassi passati annataram Samanam va Brahmanam va kulesu sakkariyamanam garukariyamanam maniyamanam pujiyamanam. Disva tassa evam hoti -- "Imam hi nama bahulajivam kulesu sakkaronti garukaronti manenti pujenti, mam pana tapassim lukhajivim kulesu na sakkaronti na garukaronti na manenti na pujentiti." Iti so issa-macchariyam kulesu uppadeta hoti

. . . pe ... Ayam pi kho Nigrodha tapassino upakkileso hoti.

'Puna ca param Nigrodha tapassi apathaka-{nisadi} hoti.

Yam pi kho Nigrodha tapassi apathaka-{nisadi} hoti, ayam pi kho Nigrodha tapassino upakkileso hoti.

'Puna ca param Nigrodha tapassi attanam adassayamano kulesu carati -- "Idam pi me tapasmim, idam pi me tapasmin ti" ... pe ... Ayam pi kho Nigrodha tapassino upakkileso hoti.

[page 045]

'Puna ca param Nigrodha tapassi kincid eva paticchannam sevati. So "Khamati te idan ti?" puttho samano, akkhamamanam aha "Khamatiti," khamamanam aha "Na-kkhamatiti." Iti so sampajana-musa bhasita hoti ... pe ... Ayam pi kho Nigrodha tapassino upakkileso hoti.

12. 'Puna ca param Nigrodha tapassi Tathagatassa va Tathagata-savakassa va dhammam desentassa santam yeva pariyayam anunneyyam nanujanati. Ayam pi kho Nigrodha tapassino upakkileso hoti.

'Puna ca param Nigrodha tapassi kodhano hoti upanahi.

Yam pi Nigrodha tapassi kodhano hoti upanahi, ayam pi kho Nigrodha tapassino upakkileso hoti.

'Puna ca param Nigrodha tapassi makkhi hoti palasi, issuki hoti macchari, satho hoti mayavi, thaddho hoti atimani, papiccho hoti papakanam icchanam vasam gato, miccha-ditthiko hoti anta-gahikaya ditthiya samannagato, sanditthi-paramasi hoti adhana-gahi duppatinissaggi.

8 Yam pi kho Nigrodha tapassi sanditthi-{paramasi} hoti adhana-gahi duppatinissaggi, ayam pi kho Nigrodha tapassino upakkileso hoti.

'Tam kim mannasi Nigrodha? Yadi 'me tapo-jiguccha upakkilesa va anupakkilesa va ti?'

'Addha kho ime bhante tapo-jiguccha upakkilesa no anupakkilesa. Thanam kho pan' etam bhante vijjati, yam idh' ekacco tapassi sabbeh' eva imehi upakkilesehi samannagato assa, ko pana vado annatar-annatarenati?'

13. 'Idha Nigrodha tapassi tapam samadiyati. So tena tapasa na attamano hoti na paripunna-samkappo. Yam pi Nigrodha tapassi tapam samadiyati, so tena tapasa na attamano hoti na paripunna-samkappo,

[page 046]

evam so tasmim thane parisuddho hoti.

'Puna ca param Nigrodha tapassi tapam samadiyati. So tena tapasa na attan-ukkamseti, na param vambheti ... pe ... Evam so tasmim thane parisuddho hoti.

'Puna ca param Nigrodha tapassi tapam samadiyati. So tena tapasa na majjati na mucchati na pamadam apajjati ... pe ... Evam so tasmim thane parisuddho hoti.

'Puna ca param Nigrodha tapassi tapam samadiyati.

So tena tapasa labha-sakkara-silokam abhinibbatteti. So tena labha-sakkara-silokena na attamano hoti na paripunnasamkappo. Yam pi Nigrodha tapassi ... pe ... Evam so tasmim thane parisuddho hoti.

'Puna ca param Nigrodha tapassi tapam samadiyati. So tena tapasa labha-sakkara-silokam abhinibbatteti. So tena labha-sakkara-silokena na attan-ukkamseti na param vambheti. Yam pi Nigrodha tapassi ... pe ... evam so tasmim thane parisuddho hoti.

'Puna ca param Nigrodha tapassi tapam samadiyati. So tena tapasa labha-sakkara-silokam abhinibbatteti. So tena labha-sakkara-silokena na majjati na mucchati na pamadam apajjati. Yam pi Nigrodha tapassi ... pe ... evam so tasmim thane parisuddho hoti.

'Puna ca param Nigrodha tapassi tapam samadiyati, bhojanesu na vodasam apajjati -- "Idam me khamati, idam me na-kkhamatiti." So yam hi kho 'ssa na-kkhamati tam anapekho pajahati, yam pan' assa khamati tam agathito amucchito anajjhapanno adinava-dassavi nissarana-panno paribhunjati. Evam so tasmim thane parisuddho hoti.

'Puna ca param Nigrodha tapassi tapam samadiyati.

4 Na so "Labha-sakkara-siloka-nikanti-hetu sakkarissanti mam rajano raja-mahamatta khattiya {brahmana} gahapatika titthiya ti." Evam so tasmim thane parisuddho hoti.

14. 'Puna ca param Nigrodha tapassi annataram Samanam va Brahmanam va na apasadeta hoti: "Kim panayam bahulajivo sabbam sambhakkheti?

[page 047]

Seyyathidam, mulabijam khandha-bijam phalu-bijam agga-bijam bija-bijam eva pancamam asani-vicakkam danta-kutam samana-ppavadenati." Evam so tasmim {thane} parisuddho hoti.

'Puna ca param Nigrodha tapassi passati annataram Samanam va Brahmanam va kulesu sakkariyamanam garukariyamanam maniyamanam pujiyamanam. Tassa na evam hoti -- "Imam hi nama bahulajivam kulesu sakkaronti garukaronti manenti pujenti, mam pana tapassim lukhajivim kulesu na sakkaronti na garukaronti na manenti na pujentiti." Iti so issa-macchariyam kulesu na uppadeta hoti. Evam so tasmim thane parisuddho hoti.

'Puna ca param Nigrodha tapassi apathaka-{nisadi} hoti.

Evam so tasmim thane parisuddho hoti.

'Puna ca param Nigrodha tapassi na attanam adassayamano kulesu carati -- "Idam pi me tapasmim, idam pi me tapasmin ti." Evam so tasmim thane parisuddho hoti.

'Puna ca param Nigrodha tapassi na kincid eva paticchannam sevati. So "Khamati te idan ti?" puttho samano, akkhamamanam aha "Na-kkhamatiti," khamamanam aha "Khamatiti." Iti so sampajana-musa na bhasita hoti. Evam so tasmim thane parisuddho hoti.

15. 'Puna ca param Nigrodha tapassi Tathagatassa va Tathagata-savakassa va dhammam desentassa santam yeva pariyayam anunneyyam anujanati. Evam so tasmim thane parisuddho hoti.

'Puna ca param Nigrodha tapassi akodhano hoti anupanahi. Yam pi Nigrodha tapassi akodhano hoti anupanahi, evam so tasmim thane parisuddho hoti.

'Puna ca param Nigrodha tapassi amakkhi hoti apalasi anissuki hoti amacchari, asatho hoti amayavi, athaddo hoti {anatimani},

[page 048]

na papiccho hoti na papikanam icchanam vasam gato, na miccha-ditthiko hoti ananta-ggahikaya ditthiya samannagato, asanditthi-paramasi hoti anadhana-gahi suppatinissaggi. Yam pi Nigrodha tapassi asanditthiparamasi hoti anadhana-gahi suppatinissaggi, evam so tasmim thane parisuddho hoti.

'Tam kim mannasi Nigrodha? Yadi evam sante tapojiguccha parisuddha hoti aparisuddha va ti?'

'Addha kho bhante evam sante tapo-jiguccha parisuddha hoti no aparisuddha, agga-ppatta ca sara-ppatta cati.'

'Na kho Nigrodha ettavata tapo-jiguccha agga-ppatta va hoti sara-ppatta va, api ca kho papatika-patta hotiti.'

16. 'Kittavata pana bhante tapo-jiguccha agga-ppatta ca hoti sara-ppatta ca? Sadhu me bhante Bhagava tapojigucchaya aggam yeva papetu saram yeva papetuti.'

'Idha Nigrodha tapassi catu-yama-samvara-samvuto hoti. Kathan ca Nigrodha tapassi catu-yama-samvarasamvuto hoti? Idha Nigrodha tapassi na panam atipapeti, na panam atipatayati, na panam atipatayato samanunno hoti;

[page 049]

na adinnam adiyati, na adinnam adiyapeti, na adinnam adiyato samanunno hoti; na musa bhanati, na musa bhanapeti, na musa bhanato samanunno hoti; na bhavitam asimsati, na bhavitam asimsapeti, na bhavitam asimsato samanunno hoti. Evam kho Nigrodha tapassi catuyama-samvara-samvuto hoti. Yato kho Nigrodha tapassi evam catu-yama-samvara-samvuto hoti, adun c' assa hoti tapassitaya, so abhiharati no hinay' avattati. So vivittam senasanam bhajati, arannam rukkha-mulam pabbatam kandaram giri-guham susanam vanapattham abbhokasam palala-punjam. So paccha-bhattam pindapata-patikkanto nisidati pallankam abhujitva, ujum kayam panidhaya, parimukham satim upatthapetva. So abhijjham loke pahaya vigatabhijjhena cetasa viharati, abhijjhaya cittam parisodheti; vyapada-dosam pahaya avyapanna-citto viharati, sabba-panabhuta-hitanukampi vyapada-padosa cittam parisodheti; thina-middham pahaya vigata-thina-middho viharati, aloka-sanni sato sampajano thina-middha cittam parisodheti; uddhacca-kukkuccam pahaya anuddhato viharati, ajjhattam vupasanta-citto uddhacca-kukkucca cittam parisodheti; vicikiccham pahaya tinna-vicikiccho viharati, {akathamkathi} kusalesu dhammesu vicikicchaya cittam parisodheti.

17. 'So ime panca nivarane pahaya cetaso upakkilese pannaya dubbali-karane metta-sahagatena cetasa ekam disam pharitva viharati, tatha dutiyam, tatha tatiyam, tatha catuttham. Iti uddham adho tiriyam sabbadhi sabbattataya sabbavantam lokam metta-sahagatena cetasa vipulena mahaggatena appamanena averena avyapajjhena pharitva viharati.

[page 050]

Karuna-sahagatena cetasa ... mudita-sahagatena cetasa ... upekha-sahagatena cetasa ekam disam pharitva viharati, tatha dutiyam, tatha tatiyam, tatha catuttham.

Iti uddham adho tiriyam sabbadhi sabbattataya sabbavantam lokam upekha-sahagatena cetasa vipulena mahaggatena appamanena averena avyapajjhena pharitva viharati. Tam kim mannasi Nigrodha? Yadi evam sante tapo-jiguccha parisuddha va hoti aparisuddha va ti?'

'Addha kho bhante evam sante tapo-jiguccha parisuddha hoti no aparisuddha, aggappatta ca {sara-ppatta} cati.'

'Na kho Nigrodha ettavata tapo-jiguccha aggappatta va hoti sarappatta va, api ca kho taca-ppatta hotiti.'

18. 'Kittavata pana bhante tapo-jiguccha aggappatta ca hoti sarappatta ca? Sadhu me bhante Bhagava tapojigucchaya aggam yeva papetu saram yeva papetuti.'

'Idha Nigrodha tapassi catu-yama-samvara-samvuto hoti.

Kathan ca ... pe ... evam kho Nigrodha tapassi catuyama-samvara-samvuto hoti. Yato ca kho Nigrodha tapassi catu-yama-samvara-samvuto hoti, adun c 'assa hoti tapassitaya, so abhiharati no hinay' avattati. So vivittam senasanam bhajati ... pe ... So ime panca nivarane pahaya cetaso upakkilese pannaya dubbali-karane mettasahagatena cetasa ... pharitva viharati. ... So anekavihitam pubbe-nivasam anussarati, seyyathidam ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim pi jatiyo timsam pi jatiyo cattarisam pi jatiyo pannasam pi jatiyo jati-satam pi jatisahassam pi jati-sata-sahassam pi,

[page 051]

aneke pi samvattakappe aneke pi vivatta-kappe aneke pi samvatta-vivattakappe -- "Amutr' asim evam-namo evam-gotto evam-vanno evam-aharo evam-sukha-dukkha-patisamvedi evam-ayupariyanto. So tato cuto amutra upapadim. Tatra p' asim evam-namo evam-gotto evam-vanno evam-aharo evamsukha-dukkha-patisamvedi evam-ayu-pariyanto. So tato cuto idhupapanno ti" iti sakaram sa-uddesam aneka-vihitam pubbe-nivasam anussarati.

'Tam kim mannasi Nigrodha? Yadi evam sante tapojiguccha parisuddha va hoti aparisuddha va ti?'

'Addha kho pana bhante evam sante tapo-jiguccha parisuddha hoti no aparisuddha, aggappatta ca sarappatta cati?'

'Na kho Nigrodha ettavata tapo-jiguccha aggappatta ca hoti sarappatta ca, api ca kho pheggu-ppatta hotiti.'

19. 'Kittavata pana bhante tapo-jiguccha aggappatta ca hoti sarappatta? Sadhu me bhante Bhagava tapo-jigucchaya aggam yeva papetu saram yeva papetuti.'

'Idha Nigrodha tapassi catu-yama-samvara-samvuto hoti. Kathan ca ... pe ... evam kho Nigrodha tapassi catu-yama-samvara-samvuto hoti. Yato kho Nigrodha tapassi evam catu-yama-samvara-samvuto hoti, adun c' assa hoti tapassitaya, so abhiharati no hinay' avattati.

So vivittam senasanam bhajati ... pe ... So ime panca nivarane pahaya cetaso upakkilese pannaya dubbali-karane metta-sahagatena cetasa ... pe ... pathamam vittharetabbam ... upekha-sahagatena cetasa vipulena mahaggatena appamanena averena avyapajjhena pharitva viharati. So aneka-vihitam pubbe nivasam {anussarati}, seyyathidam ekam pi jatim dve pi jatiyo ... pe ... Iti sakaram sauddesam aneka-vihitam pubbe-nivasam anussarati.

[page 052]

So dibbena cakkhuna visuddhena atikkanta-manusakena satte passati cavamane upapajjamane, hine panite suvanne dubbanne sugate duggate yatha-kammupage satte pajanati -- "Ime vata bhonto satta kaya-duccaritena samannagata vaci-duccaritena samannagata mano-duccaritena samannagata, ariyanam upavadaka miccha-ditthika micchaditthi-kammasamadana.

Te kayassa bheda param marana apayam duggatim vinipatam nirayam upapanna. Ime va pana bhonto satta kaya-sucaritena samannagata vaci-sucaritena samannagata mano-sucaritena samannagata ariyanam anupavadaka samma-ditthika {samma-ditthi}-kammasamadana, te kayassa bheda param marana sugatim saggam lokam upapanna ti." Iti dibbena cakkhuna visuddhena attikkanta-manusakena satte passati cavamane upapajjamane, hine panite suvanne dubbanne sugate duggate yatha-kammupage satte pajanati.

'Tam kim mannasi Nigrodha? Yadi evam sante tapojiguccha parisuddha va hoti aparisuddha va ti?'

'Addha kho bhante evam sante tapo-jiguccha parisuddha hoti no aparisuddha aggappatta ca sarappatta cati.'

'Ettavata Nigrodha tapo-jiguccha aggappatta ca hoti sarappatta ca. Iti kho Nigrodha yam mam tvam abhasi "Ko nama so bhante Bhagavato dhammo yena Bhagava savake vineti, yena Bhagavata savaka vinita assasapatta patijananti ajjhasayam adibrahmacariyan ti?" iti kho tam Nigrodha thanam uttaritaran ca panitataran ca yenaham savake vinemi, yena maya savaka vinita assasapatta patijananti ajjhasayam adibrahmacariyan ti.'

Evam vutte te paribbajaka unnadino uccasadda-mahasadda ahesum 'Ettha mayam anassama sacariyaka, na mayam ito bhiyyo uttaritaram pajanamati.'

[page 053]

20. Yada annasi Sandhano gahapati -- 'Annadatthu kho dan' ime anna-{titthiya} paribbajaka Bhagavato bhasitam sussusanti, sotam odahanti, anna-cittam upatthapentiti', atha Nigrodham paribbajakam etad avoca:

'Iti kho bhante Nigrodha yam mam tvam avacasi, "Yagghe gahapati janeyyasi kena Samano Gotamo saddhim sallapati? kena sakaccham samapajjati?kena panna-veyyattiyam apajjati? Sunnagara-hata Samanassa Gotamassa panna, aparisavacaro Samano Gotamo, nalam sallapaya, so antamantan' eva sevati. Seyyatha pi nama go-kana pariyanta-carini antamantan' eva sevati, evam eva sunnagara-hata Samanassa Gotamassa panna, aparisavacaro Samano Gotamo, nalam sallapaya, so antamantan eva sevati. Ingha gahapati Samano Gotamo imam parisam agaccheyya, eka-panhen' eva nam samsadeyyama, tucchakumbhi va nam manne orodheyyamati." Ayam kho so bhante Bhagava araham Samma-Sambuddho idhanuppatto, aparisavacaram pana nam karotha, go-kanam pariyantacarinim karotha, eka-panhen' eva nam samsadetha, tucchakumbhi va nam manne orodethati.'

Evam vutte Nigrodho paribbajako tunhi-bhuto mankubhuto patta-kkhandho adhomukho pajjhayanto appatibhano nisidi.

21. Atha kho Bhagava Nigrodham paribbajakam tunhibhutam manku-bhutam patta-kkhandham adhomukham pajjhayantam appatibhanam viditva Nigrodham paribbajakam etad avoca:

'Saccam Nigrodha bhasita te esa vaca ti?'

[page 054]

'Saccam bhante bhasita me esa vaca yatha-balena yathamulhena yatha-akusalenati.'

'Tam kim mannasi Nigrodha? Kin ti te sutam paribbajakanam vuddhanam mahallakanam acariya-pacariyanam bhasamananam -- "Ye te ahesum atitam addhanam arahanto Samma-Sambuddha, evam su te Bhagavanto sangamma samagamma unnadino uccasadda-mahasadda aneka-vihitam tiracchana-katham anuyutta viharimsu, seyyathidam raja-katham cora-katham ... pe ... {iti-} bhavabhava-katham iti va, seyyatha pi tvam etarahi sacariyako? udahu evam su te Bhagavanto aranne vanapatthani pantani senasanani patisevanti appa-saddani appa-nigghosani vijana-vatani manussa-rahaseyyakani patisallanasaruppani seyyatha paham etarahiti?"'

'Sutam me tam bhante paribbajakanam vuddhanam mahallakanam acariya-pacariyanam bhasamananam -- "Ye te ahesum atitam addhanam arahanto Samma-Sambuddha, nassu te Bhagavanto sangamma samagamma unnadino uccasadda-mahasadda aneka-vihitam tiracchana-katham anuyutta viharanti, seyyathidam raja-katham ... pe ... {iti-} bhavabhava-katham iti va, seyyatha paham etarahi sacariyako, evam su te Bhagavanto aranne vanapatthani pantani senasanani patisevanti appa-saddani appa-nigghosani vijana-vatani manussa-rahaseyyakani patisallanasaruppani seyyatha pi Bhagava etarahiti."'

'Tassa te Nigrodha vinnussa sato mahallakassa na etad ahosi: "Buddho so Bhagava bodhaya dhammam deseti, danto so Bhagava damathaya dhammam deseti, santo so Bhagava samathaya dhammam deseti, tinno so Bhagava taranaya dhammam deseti,

[page 055]

parinibbuto so Bhagava parinibbanaya dhammam desetiti.'

22. Evam vutte Nigrodho paribbajako Bhagavantam etad avoca:

'Accayo mam bhante accagama yatha-balam yathamulham yatha-akusalam, so 'ham Bhagavantam evam avacasim. Tassa me bhante Bhagava accayam accayato patiganhatu ayatim samvarayati.'

'Taggha tam Nigrodha accayo accagama yatha-balam yatha-mulham yatha-akusalam, yam mam tvam evam avacasi, yato ca kho tvam Nigrodha accayam accayato disva yatha-kammam patikarosi, tan te mayam patiganhama. Vuddhi h' esa Nigrodha Ariyassa vinaye, yo accayam accayato disva yatha-dhammam patikaroti, ayatim samvaram apajjati. Aham kho pana Nigrodha evam vadami: "Etu vinnu puriso asatho amayavi uju-jatiko, aham anusasami, aham dhammam desemi. Yathanusittham tatha patipajjamano yass' atthaya kula-putta sammad eva agarasma anagariyam pabbajanti, tad-anuttaram brahmacariyam pariyosanam ditthe va dhamme sayam abhinna sacchikatva upasampajja viharissati satta vassani. Titthantu Nigrodha satta vassani. Etu vinnu puriso asatho amayavi uju-jatiko, aham anusasami, aham dhammam desemi. Yathanusittham tatha patipajjamano yass' atthaya kula-putta sammad eva agarasma anagariyam pabbajanti, tad-anuttaram brahmacariyam pariyosanam ditthe va dhamme sayam abhinna sacchikatva upasampajja viharissati cha vassani, panca vassani, cattari vassani, tini vassani, dve vassani, ekam vassam ... pe ... upasampajja viharissati satta masani ... pe ... viharissati cha masani, panca masani,

[page 056]

cattari masani, tini masani, dve masani, ekam masam, addha-masam. Titthatu Nigrodha adda-maso.

Etu vinnu puriso asatho amayavi uju-jatiko, aham anusasami, aham dhammam desemi, yathanusittham tatha patipajjamano yass' atthaya kula-putta sammad eva agarasma anagariyam pabbajanti, tad-anuttaram brahmacariyam pariyosanam ditthe va dhamme sayam abhinna sacchikatva upasampajja viharissati sattaham.

23. 'Siya kho pana te Nigrodha evam assa, -- 'Antevasikamyata no Samano Gotamo evam ahati,' na kho pan' etam Nigrodha evam datthabbam, yo eva vo acariyo so eva vo acariyo hotu. Siya kho pana te Nigrodha evam assa, -- 'Uddesa no cavetu-kamo Samano Gotamo evam ahati,' na kho pan' etam Nigrodha evam datthabbam, yo eva vo uddeso, so eva vo uddeso hotu. Siya kho pana te Nigrodha evam assa, -- 'Ajiva no cavetu-kamo Samano Gotamo evam ahati,' na kho pan' etam Nigrodha evam datthabbam, yo eva vo ajivo so eva vo ajivo hotu. Siya kho pana te Nigrodha evam assa, -- 'Ye no dhamma akusala akusala-samkhata sacariyakanam, tesu patitthapetu-kamo Samano Gotamo evam ahati,' na kho pan' etam Nigrodha evam datthabbam, akusala c' eva vo te dhamma hontu akusala-samkhata sacariyakanam. Siya kho pana te Nigrodha evam assa, -- 'Ye no dhamma kusala-kusalasamkhata sacariyakanam, tehi vivicetu-kamo Samano Gotamo evam ahati,' na kho pan' etam Nigrodha evam datthabbam, kusala c' eva vo te dhamma hontu kusala-samkhata sacariyakanam. Iti kho 'ham Nigrodha n' eva antevasi-kamyata evam vadami, na pi uddesa cavetu-kamo evam vadami,

[page 057]

na pi ajiva cavetu-kamo evam vadami, na pi ye vo dhamma akusala akusala-samkhata sacariyakanam tesu patitthapetu-kamo evam vadami, na pi ye vo dhamma kusala kusala-samkhata sacariyakanam tehi vivecetu-kamo evam vadami. Santi ca kho Nigrodha akusala dhamma appahina samkilesika ponobhavika saddara dukkha-vipaka ayatim jati-jara-maraniya, yesaham pahanaya dhammam desemi, {yatha}-patipannanam vo samkilesika dhamma pahiyissanti, vodaniya dhamma abhivaddhissanti, pannaparipurim vepullatan ca ditthe va dhamme sayam abhinna sacchikatva upasampajja viharissathati.'

24. Evam vutte te paribbajaka tunhi-bhuta {manku-bhuta} patta-kkhandha adho-mukha pajjhayanta appatibhana nisidimsu, yatha tam Marena pariyutthita-citta.

Atha kho Bhagavato etad ahosi: 'Sabbe p' ime moghapurisa phuttha Papimata, yatra hi nama ekassa pi na evam bhavissati -- "Handa mayam annanattham pi Samane Gotame brahmacariyam carama, kim karissati sattaho ti?"'

Atha kho Bhagava Udumbarikaya paribbajakarame sihanadam naditva, vehasam abbhuggantva, Gijjha-kute pabbate paccutthasi. Sandhano gahapati tavad eva Rajagaham pavisiti.

Udumbarika-Sihanada-Suttantam Dutiyam.

[page 058]

 


 

XXVI. Cakkavatti-Sihanada Suttanta

Evam me sutam.

1. Ekam samayam Bhagava Magadhesu viharati Matulayam. Tatra kho Bhagava bhikkhu amantesi 'Bhikkhavo ti.' 'Bhadante ti' te bhikkhu Bhagavato paccassosum.

Bhagava etad avoca:

'Atta-dipa bhikkhave viharatha atta-sarana anannasarana, dhamma-dipa dhamma-sarana ananna-sarana.

'Kathan ca pana bhikkhave bhikkhu atta-dipo viharati atta-sarano ananna-sarano, dhamma-dipo dhamma-sarano ananna-sarano?

'Idha bhikkhave bhikkhu kaye kayanupassi viharati, atapi sampajano satima, vineyya loke abhijjha-domanassam, vedanasu ... pe ... cittesu ... dhammesu dhammanupassi viharati, atapi sampajano satima, vineyya loke abhijjha-domanassam. Evam kho bhikkhave bhikkhu atta-dipo viharati atta-sarano ananna-sarano, dhammadipo dhamma-sarano ananna-sarano.

'Gocare bhikkhave caratha sake pettike visaye. Gocare bhikkhave caratam sake pettike visaye na lacchati Maro {otaram}, na lacchati Maro arammanam. Kusalanam bhikkhave dhammanam samadana-hetu evam idam punnam pavaddhatiti.'

[page 059]

2. Bhuta-pubbam bhikkhave raja Dalhanemi nama ahosi cakkavatti dhammiko dhamma-raja catur-anto vijitavi janapada-tthavariya-ppatto satta-ratana-samannagato.

Tass' imani satta ratanani ahesum, seyyathidam cakkaratanam, hatthi-ratanam, assa-ratanam, mani-ratanam, itthi-ratanam, gahapati-ratanam, parinayaka-ratanam eva sattamam. {Paro-} sahassam kho pan' assa putta ahesum sura viranga-rupa parasena-ppamaddana. So imam pathavim sagara-pariyantam adandena asatthena dhammena abhivijiya ajjhavasi.

3. Atha kho bhikkhave raja Dalhanemi bahunnam vassanam bahunnam vassa-satanam bahunnam vassa-sahassanam accayena annataram purisam amantesi:

'Yada tvam ambho purisa passeyyasi dibbam cakkaratanam osakkitam thana cutam, atha me aroceyyasiti.'

'Evam devati' kho bhikkhave so puriso ranno Dalhanemikassa paccassosi.

'Addasa kho bhikkhave so puriso bahunnam vassanam bahunnam vassa-satanam bahunnam vassa-sahassanam accayena dibbam cakka-ratanam osakkitam thana cutam.

Disva yena raja Dalhanemi ten' upasamkami, upasamkamitva rajanam Dalhanemim etad avoca:

'Yagghe deva janeyyasi dibbam te cakka-ratanam osakkitam thana cutan ti?'

Atha kho bhikkhave raja Dalhanemi jettha-puttam kumaram amantapetva etad avoca:

'Dibbam kira me tata kumara cakka-ratanam osakkitam thana cutam. Sutam kho pana m' etam -- "Yassa ranno cakkavattissa dibbam cakka-ratanam osakkati thana cavati;

na dani tena ranna ciram jivitabbam hotiti." Bhutta kho pana me manusaka kama,

[page 060]

samayo dibbe kame pariyesitum. Ehi tvam tata kumara imam samudda-pariyantam pathavim patipajja. Aham pana kesa-massum oharetva, kasayani vatthani acchadetva, agarasma anagariyam pabbajissamiti.'

Atha kho bhikkhave raja Dalhanemi jettha-puttam kumaram sadhukam rajje samanusasitva, kesa-massum oharetva, kasayani vatthani {acchadetva}, agarasma anagariyam pabbaji. Sattaha-pabbajite kho pana bhikkhave rajisimhi dibbam cakka-ratanam antaradhayi.

4. Atha kho bhikkhave annataro puriso yena raja khattiyo muddhavasitto ten' upasamkami, upasamkamitva rajanam khattiyam muddhavasittam etad avoca:

'Yagghe deva janeyyasi dibbam cakka-ratanam antarahitan ti?'

Atha kho {bhikkhave} raja khattiyo muddhavasitto dibbe cakka-ratane antarahite anattamano ahosi, anattamanatan ca patisamvedesi. So yena ca rajisi ten' upasamkami, {upasamkamitva} rajisim etad avoca:

'Yagghe deva janeyyasi dibbam cakka-ratanam antarahitan ti?'

Evam vutte bhikkhave rajisi rajanam khattiyam muddhavasittam etad avoca:

'Ma kho tvam tata dibbe cakka-ratane antarahite anattamano ahosi anattamanatan ca patisamvedesi. Na hi te tata dibbam cakka-ratanam pettikam dayajjam. Ingha tvam tata ariye cakkavatti-vatte vattahi. Thanam kho pan' etam vijjati yan te ariye cakkavatti-vatte vattamanassa tadahu 'posathe pannarase sisam nahatassa uposathikassa upari-pasada-vara-gatassa dibbam cakkaratanam {patu} bhavissati sahassaram sanemikam sanabhikam sabbakara-paripuran ti.'

[page 061]

5. 'Katamam pan' etam deva ariyam cakkavatti-vattan ti?'

'Tena hi tvam tata dhammam yeva nissaya dhammam sakkaronto dhammam garukaronto dhammam manento dhammam pujento dhammam apacayamano, dhammaddhajo dhamma-ketu dhammadhipateyyo dhammikam rakkhavarana-guttim samvidahassu anto-janasmim bala-kayasmim khattiyesu anuyuttesu brahmana-gahapatikesu negama-janapadesu Samana-Brahmanesu miga-pakkhisu. Ma ca te tata vijite adhamma-karo pavattittha. Ye ca te tata vijite adhana assu, tesan ca dhanam anuppadajjeyyasi. Ye ca te tata vijite Samana-Brahmana mada-ppamada pativirata khanti-soracce nivittha ekam attanam damenti, ekam attanam samenti, ekam attanam parinibbapenti, te kalena kalam upasamkamitva paripuccheyyasi -- "Kim bhante kusalam kim akusalam, kim savajjam kim anavajjam. kim sevitabbam kim na sevitabbam, kim me kayiramanam digharattam ahitaya dukkhaya assa, kim va pana me kayiramanam digha-rattam hitaya sukhaya assati?" Tesam sutva yam akusalam tam abhinivajjeyyasi, yam kusalam tam samadaya vatteyyasi. Idam kho tata tam ariyam cakkavatti-vattan ti.'

'Evam devati' kho bhikkhave raja khattiyo muddhavasitto rajisissa patissutva ariye cakkavatti-vatte vatti. Tassa ariye cakkavatti-vatte vattamanassa tadahu 'posathe pannarase sisam nahatassa uposathikassa upari-pasada-varagatassa dibbam cakka-ratanam patur ahosi sahassaram sanemikam sanabhikam sabbakara-paripuram. Disva ranno khattiyassa muddhavasittassa etad ahosi: 'Sutam kho pana me tam -- "Yassa ranno khattiyassa muddhavasittassa tadahu 'posathe pannarase sisam nahatassa uposathikassa upari-pasada-vara-gatassa dibbam cakka-ratanam patu bhavati sahassaram sanemikam sanabhikam sabbakara-paripuram,

[page 062]

so hoti cakkavattiti." Assam nu kho aham raja cakkavattiti.'

6. Atha kho bhikkhave raja khattiyo muddhavasitto utthay' asana, ekamsam uttarasangam karitva, vamena hatthena bhimkaram gahetva, dakkhinena hatthena cakkaratanam abbhukkiri: 'Pavattatu bhavam cakka-ratanam, abhivijinatu bhavam cakka-ratanan ti.' Atha kho tam bhikkhave cakka-ratanam puratthimam disam pavatti, anvad eva raja cakkavatti saddhim caturanginiya senaya.

Yasmim kho pana bhikkhave padese cakka-ratanam patitthasi, tattha raja cakkavatti vasam upagacchi saddhim caturanginiya senaya. Ye kho pana bhikkhave puratthimaya disaya patirajano, te rajanam cakkavattim upasamkamitva evam ahamsu:

'Ehi kho Maharaja, sagatam Maharaja, sakan te Maharaja, anusasa Maharajati.'

Raja cakkavatti evam aha: 'Pano na hantabbo. Adinnam n' adatabbam. Kamesu miccha na caritabba. Musa na bhasitabba. Majjam na patabbam. Yatha-bhuttan ca bhunjathati.'

Ye kho pana bhikkhave puratthimaya disaya patirajano, te ranno cakkavattissa anuyutta ahesum.

7. Atha kho tam bhikkhave cakka-ratanam puratthimam samuddam ajjhogahetva {paccuttaritva} dakkhinam disam pavatti ... pe ... anuyutta ahesum. Atha kho tam bhikkhave cakka-ratanam dakkhinam samuddam ajjhogahetva paccuttaritva pacchimam disam pavatti ... pe ... anuyutta ahesum.

[page 063]

Atha kho tam bhikkhave cakka-ratanam pacchimam samuddam ajjhogahetva paccuttaritva uttaram disam pavatti, anvad eva raja cakkavatti saddhim caturanginiya senaya. Yasmim kho pana bhikkhave padese cakkaratanam {patitthasi}, tattha raja cakkavatti vasam upagacchi saddhim caturanginiya senaya. Ye kho pana bhikkhave uttaraya disaya patirajano, te rajanam cakkavattim upasamkamitva evam ahamsu:

'Ehi kho Maharaja, sagatam Maharaja, sakan te Maharaja, anusasa Maharajati.'

Raja cakkavatti evam aha: 'Pano na hantabbho. Adinnam n' adatabbam. Kamesu miccha na caritabba. Musa na bhasitabba. Majjam na patabbam. Yatha-bhuttan ca bhunjathati.'

Ye kho pana bhikkhave uttaraya disaya patirajano, te ranno cakkavattissa anuyutta ahesum.

Atha kho tam bhikkhave cakka-ratanam samudda-pariyantam pathavim abhivijinitva tam eva rajadhanim paccagantva ranno cakkavattissa antepura-dvare attha-karanapamukhe akkhahatam manne atthasi ranno cakkavattissa antepuram upasobhayamanam.

8. Dutiyo pi kho bhikkhave raja cakkavatti ... Tatiyo pi kho bhikkhave raja cakkavatti. ... Catuttho pi kho bhikkhave raja cakkavatti. ... Pancamo pi kho bhikkhave raja cakkavatti. ... Chattho pi kho bhikkhave raja cakkavatti. ... Sattamo pi kho bhikkhave raja cakkavatti bahunnam vassanam bahunnam vassa-satanam bahunnam vassa-sahassanam accayena annataram purisam amantesi:

'Yada kho tvam ambho purisa passeyyasi dibbam cakkaratanam osakkitam thana cutam, atha me aroceyyasiti.'

'Evam devati' kho bhikkhave so puriso ranno cakkavattissa paccassosi.

Addasa kho bhikkhave so puriso bahunnam vassanam bahunnam vassa-satanam bahunnam vassa-sahassanam accayena dibbam cakka-ratanam osakkitam thana cutam.

Disva yena raja cakkavatti ten' upasamkami, upasamkamitva rajanam cakkavattim etad avoca:

[page 064]

'Yagghe deva janeyyasi dibban te cakka-ratanam osakkitam thana cutan ti?'

Atha kho bhikkhave raja cakkavatti jettha-puttam kumaram amantapetva etad avoca:

'Dibbam kira me tata kumara cakka-ratanam osakkitam thana cutam. Sutam kho pana me tam -- "Yassa ranno cakkavattissa dibbam cakka-ratanam osakkati thana cavati, na dani tena ranna ciram jivitabbam hotiti." Bhutta kho pana me manusaka kama, samayo dibbe kame pariyesitum. Ehi tvam tata kumara, imam samudda-pariyantam pathavim patipajja. Aham pana kesa-massum oharetva, kasayani vatthani acchadetva agarasma anagariyam pabbajissamiti.'

'Atha kho bhikkhave raja cakkavatti jettha-puttam kumaram sadhukam rajje samanusasitva, kesa-massum oharetva, kasayani vatthani acchadetva agarasma anagariyam pabbaji. Sattaha-pabbajite kho pana bhikkhave rajisimhi dibbam cakka-ratanam antaradhayi.

9. Atha kho bhikkhave annataro puriso yena raja khattiyo muddhavasitto ten' upasamkami, upasamkamitva rajanam khattiyam muddhavasittam etad avoca:

'Yagghe deva janeyyasi dibbam cakka-ratanam antarahitan ti?'

Atha kho bhikkhave raja khattiyo muddhavasitto dibbe cakka-ratane antarahite anattamano ahosi, anattamanatan ca patisamvedesi, no ca kho rajisim upasamkamitva ariyam cakkavatti-vattam pucchi. So samaten' eva sudam janapadam pasasati, tassa samatena janapadam pasasato na pubbe naparam janapada pabbanti yatha tam pubbakanam rajunam ariye cakkavatti-vatte vattamananam.

Atha kho bhikkhave amacca parisajja ganaka-mahamatta anikattha dovarika mantass' ajivino sannipatitva rajanam khattiyam muddhavasittam upasamkamitva etad avocum:

[page 065]

'Na kho te deva samatena janapadam pasasato pubbe naparam janapada pabbanti yatha tam pubbakanam rajunam ariye cakkavatti-vatte vattamanamam. Samvijjanti kho te deva vijite amacca parisajja ganaka-mahamatta anikattha dovarika mantass' ajivino, mayan c' eva anne ca ye mayam ariyam cakkavatti-vattam dharema, {ingha} tvam deva amhe ariyam cakkavatti-vattam puccha, tassa te mayam ariyam cakkavatti-vattam puttha vyakarissamati.'

10. Atha kho bhikkhave raja khattiyo {muddhavasitto} amacce parisajje ganaka-mahamatte anikatthe dovarike mantass' ajivino sannipatapetva ariyam cakkavatti-vattam pucchi. Tassa te ariyam cakkavatti-vattam puttha vyakarimsu. Tesam sutva dhammikam hi kho rakkhavaranaguttim samvidahi, no ca kho adhananam dhanam anuppadasi, adhananam dhane {ananuppadiyamane} daliddiyam vepullam agamasi. Daliddiye vepulla-gate annataro puriso paresam adinnam theyya-samkhatam adiyi. Tam etam aggahesum, gahetva ranno khattiyassa muddhavasittassa dassesum -- 'Ayam deva puriso paresam adinnam theyyasamkhatam adiyiti.'

Evam vutte bhikkhave raja khattiyo muddhavasitto tam purisam etad avoca:

'Saccam kira tvam ambho purisa paresam adinnam theyya-samkhatam adiyiti?'

'Saccam devati.'

'Kim karana ti?'

'Na hi deva jivamiti.'

[page 066]

Atha kho bhikkhave raja khattiyo muddhavasitto tassa purisassa dhanam anuppadasi -- 'Imina tvam ambho purisa dhanena attana ca jivahi, mata-pitaro ca posehi, putta-daran ca posehi, kammante ca payojehi, samanesu brahmanesu uddhaggikam dakkhinam patitthapehi sovaggikam sukha-vipakam sagga-samvattanikan ti.'

'Evam devati' kho bhikkhave so puriso ranno khattiyassa muddhavasittassa paccassosi.

11. Annataro pi kho bhikkhave puriso paresam adinnam theyya-samkhatam adiyi. Tam enam aggahesum, gahetva.

ranno khattiyassa {muddhavasittassa} dassesum -- 'Ayam deva puriso paresam adinnam theyya-samkhatam adiyiti.'

Evam vutte bhikkhave raja khattiyo muddhavasitto purisam etad avoca:

'Saccam kira tvam ambho purisa paresam adinnam theyya-samkhatam adiyiti?'

'Saccam devati.'

'Kim karana ti?'

'Na hi deva jivamiti.'

Atha kho bhikkhave raja khattiyo muddhavasitto tassa purisassa dhanam anuppadasi -- 'Imina tvam ambho purisa dhanena attana ca upajivahi, mata-pitaro ca posehi, puttadaran ca posehi, kammante ca payojehi, samanesu brahmanesu uddhaggikam dakkhinam patitthapehi, sovaggikam sukha-vipakam sagga-samvattanikan ti.'

'Evam devati' kho so bhikkhave puriso ranno khattiyassa muddhavasittassa paccassosi.

12. Assosum kho bhikkhave manussa: 'Ye kira bho paresam adinnam theyya-samkhatam adiyanti, tesam raja dhanam anuppadesiti.' Sutvana tesam etad ahosi -- 'Yan nuna mayam pi paresam adinnam theyya-samkhatam adiyeyyamati.'

Atha kho bhikkhave annataro puriso paresam adinnam theyya-samkhatam adiyi. Tam enam aggahesum, gahetva ranno khattiyassa muddhavasittassa dassesum -- 'Ayam deva puriso paresam adinnam theyya-samkhatam adiyiti.'

[page 067]

Evam vutte bhikkhave raja khattiyo muddhavasitto tam purisam etad avoca:

'Saccam kira tvam ambho purisa paresam adinnam theyya-samkhatam adiyiti?'

'Saccam devati.'

'Kim karana ti?'

'Na hi deva jivamiti.'

Atha kho bhikkhave ranno khattiyassa muddhavasittassa etad ahosi: 'Sace kho aham yo yo paresam adinnam theyyasamkhatam adiyissati, tassa tassa dhanam anuppadami, evam idam adinnadanam pavaddhissati. Yan nunaham imam purisam sunisedham nisedheyyam, mula-ghaccam kareyyam, sisam assa chindeyyan ti.'

Atha kho bhikkhave raja khattiyo muddhavasitto purise anapesi: 'Tena hi bhane imam purisam dalhaya rajjuya paccha-baham galha-bandhanam bandhitva, khuramundam karitva, kharassarena panavena rathiyaya rathiyam singhatakena singhatakam parinetva, dakkhinena dvarena nikkhamitva, dakkhinato nagarassa sunisedham nisedhetha, mulaghaccam karotha, sisam assa chindathati.'

'Evam devati' kho bhikkhave te purisa ranno khattiyassa muddhavasittassa patissutva tam purisam dalhaya rajjuya paccha-baham galha-bandhanam bandhitva, khura-mundam karitva, kharassarena panavena rathiyaya rathiyam singhatakena singhatakam parinetva, dakkhinena dvarena nikkhamitva, dakkhinato nagarassa sunisedham nisedhesum, mula-ghaccam akamsu, sisam assa chindimsu.

13. Assosum kho bhikkhave manussa, -- 'Ye kira bho paresam adinnam theyya-samkhatam adiyanti, te raja sunisedham nisedheti, mula-ghaccam karoti, sisani tesam chindatiti.' Sutvana tesam etad ahosi: 'Yan nuna mayam pi tinhani satthani karapeyyama, tinhani satthani karapetva yesam adinnam theyya-samkhatam adiyissama, te sunisedham nisedhessama,

[page 068]

mula-ghaccam karissama, sisani tesam chindissamati.'

Te tinhani satthani karapesum, tinhani satthani karapetva gama-ghatam pi upakkamimsu katum, nigama-ghatam pi upakkamimsu katum, nagara-ghatam pi upakkamimsu katum, pantha-duhanam pi upakkamimsu katum. Te yesam adinnam theyya-samkhatam adiyanti, te sunisedham nisedhenti, mula-ghaccam karonti, sisani tesam chindanti.

14. Iti kho bhikkhave adhananam dhane ananuppadiyamane daliddiyam vepullam agamasi, daliddiye vepulla-gate adinnadanam vepullam agamasi, adinnadane vepulla-gate sattham vepullam agamasi, satthe vepulla-gate panatipato vepullam agamasi, panatipate vepulla-gate musa-vado vepullam agamasi, musa-vade vepulla-gate tesam sattanam ayu pi parihayi, vanno pi parihayi; tesam ayuna pi parihayamananam vannena pi parihayamananam asiti-vassasahassayukanam manussanam cattarisam vassa-sahassayuka putta ahesum.

Cattarisam vassa-sahassayukesu bhikkhave manussesu annataro puriso paresam adinnam theyya-samkhatam adiyi. Tam enam aggahesum, gahetva ranno khattiyassa muddhavasittassa dassesum -- 'Ayam deva puriso paresam adinnam theyya-samkhatam adiyiti.'

Evam vutte bhikkhave raja khattiyo muddhavasitto tam purisam etad avoca:

'Saccam kira tvam ambho purisa paresam adinnam theyya-samkhatam adiyiti?'

'Na hi devati' avaca, sampajana-musa 'bhasi.

15. Iti kho bhikkhave adhananam dhane ananuppadiyamane daliddiyam vepullam agamasi, daliddiye vepulla-gate adinnadanam vapullam agamasi, adinnadane vepulla-gate sattham vepullam agamasi, satthe vepulla-gate panatipato vepullam agamasi, panatipate vepulla-gate musa-vado vepullam agamasi,

[page 069]

musa-vade vepulla-gate tesam sattanam ayu pi parihayi vanno pi parihayi, ayuna pi parihaya{mananam} vannena pi parihayamananam cattarisam vassasahassayukanam manussanam visati-vassa-sahassayuka putta ahesum.

Visati-vassa-sahassayukesu bhikkhave manussesu annataro puriso paresam adinnam theyya-samkhatam adiyi.

Tam enam annataro puriso ranno khattiyassa muddhavasittassa arocesi: 'Itthannamo deva puriso paresam adinnam theyya-samkhatam adiyiti' pesunnam akasi.

16. Iti kho bhikkhave adhananam dhane na anuppadiyamane daliddiyam vepullam agamasi, daliddiye vepullagate adinnadanam vepullam agamasi ... pe ... {pisunaya} vacaya vepulla-gataya tesam sattanam ayu pi parihayi vanno pi parihayi, tesam ayuna pi parihayamananam vannena pi parihayamananam visati-vassa-sahassayukanam {manussanam} dasa-vassa-sahassayuka putta ahesum.

Dasa-vassa-sahassayukesu bhikkhave manussesu ek' idam satta vannavanto honti, ek' idam satta dubbanna, tattha ye te satta dubbanna te vannavante satte abhijjhayanta paresam daresu carittam apajjimsu.

17. Iti kho bhikkhave adhananam dhane ananuppadiyamane daliddiyam vepullam agamasi, daliddiye vepullagate {adinnadanam} vepullam agamasi ... pe ... kamesu micchacaro vepullam agamasi, kamesu micchacare vepullagate tesam sattanam ayu pi parihayi vanno pi parihayi, tesam ayuna pi parihayamananam vannena pi parihayamananam dasa-vassa-sahassayukanam manussanam panca-vassa-sahassayuka putta ahesum.

Panca-vassa-sahassayukesu bhikkhave manussesu dve dhamma vepullam agamamsu, pharusa vaca samphappalapo ca, dvisu dhammesu vepulla-gatesu tesam sattanam ayu pi parihayi vanno pi parihayi, tesam ayuna pi parihayamananam vannena pi parihayamananam pancavassa-sahassayukanam manussanam app ekacce addhateyya-vassa-sahassayuka app ekacce dve vassa-sahassayuka putta ahesum.

[page 070]

Addhateyya-vassa-sahassayukesu bhikkhave manussesu abhijjha-vyapado vepullam agamasi, abhijjha-vyapade vepulla-gate tesam sattanam ayu pi parihayi vanno pi parihayi, tesam ayuna pi parihayamananam vannena pi parihayamananam addhateyya-vassa-sahassayukanam manussanam vassa-sahassayuka putta ahesum.

Vassa-sahassayukesu bhikkhave manussesu miccha-ditti vepullam agamasi, miccha-ditthiya vepulla-gataya tesam sattanam ayu pi parihayi vanno pi parihayi, tesam ayuna pi parihayamananam vannena pi parihayamananam vassasahassayukanam manussanam panca-vassa-satayuka putta ahesum.

Panca-vassa-satayukesu bhikkhave manussesu tayo dhamma vepullam agamamsu adhamma-rago visama-lobho miccha-dhammo, tisu dhammesu vepulla-gatesu tesam sattanam ayu pi parihayi vanno pi parihayi, tesam ayuna pi parihayamananam vannena pi parihayamananam pancavassa-satayukanam manussanam app ekacce addhateyyavassa-satayuka app ekacce dve-vassa-satayuka putta ahesum.

Addhateyya-vassa-satayukesu bhikkhave manussesu ime dhamma vepullam agamamsu amatteyyata apetteyyata asamannata abrahmannata na-kule-jetthapacayita.

18. Iti kho bhikkhave adhananam dhane ananuppadiyamane daliddiyam vepullam agamasi, daliddiye vepullagate adinnadanam vepullam agamasi, adinnadane vepullagate sattham vepullam agamasi, satthe vepulla-gate panatipato vepullam agamasi, {panatipate} vepulla-gate musavado vepullam agamasi, musa-vade vepulla-gate {pisuna} vaca vepullam agamasi, {pisunaya} vacaya vepulla-gataya kamesu micchacaro vepullam agamasi, kamesu micchacare vepulla-gate dve dhamma vepullam agamamsu pharusa vaca samphappalapo ca.

[page 071]

Dvisu dhammesu vepulla-gatesu abhijjha-vyapado vepullam agamasi, abhijjha-vyapade vepulla-gate miccha-ditthi vepullam agamasi, miccha-ditthiya vepulla-gataya tayo dhamma vepullam agamamsu adhamma-rago visama-lobho miccha-dhammo, tisu dhammesu vepulla-gatesu ime dhamma vepullam agamamsu amatteyyata apetteyyata asamannata abrahmannata nakule-jetthapacayita, imesu dhammesu vepulla-gatesu tesam sattanam ayu pi parihayi vanno pi parihayi, tesam ayuna pi parihayamananam vannena pi parihayamananam {addhateyya}-vassa-satayukanam manussanam vassa-satayuka putta ahesum.

19. Bhavissati bhikkhave so samayo, yam imesam manussanam dasa-vassayuka putta bhavissanti. Dasa-vassayukesu bhikkhave manussesu panca-vassika kumarika alam-pateyya bhavissanti. Dasa-vassayukesu bhikkhave manussesu imani rasani antaradhayissanti, seyyathidam sappi navanitam telam {madhu-pphanitam} lonam. Dasavassayukesu bhikkhave manussesu kudrusako aggam bhojananam bhavissati. Seyyatha pi bhikkhave etarahi sali-mamsodano aggam {bhojananam}, evam eva kho bhikkhave {dasa-vassayukesu} manussesu kudrusako aggam bhojananam bhavissati. Dasa-vassayukesu bhikkhave manussesu dasa kusala-kamma-patha sabbena sabbam antaradhayissanti, dasa akusala-kamma-patha ativiya dippissanti, dasa-vassayukesu bhikkhave manussesu 'Kusalan' ti pi na bhavissati. Kuto pana kusalassa karako? Dasavassayukesu bhikkhave manussesu ye te bhavissanti amatteyya {apetteyya} asamanna abrahmanna na-kule-jetthapacayino,

[page 072]

te pujja ca bhavissanti pasamsa ca. Seyyatha pi bhikkhave etarahi {matteyya} petteyya samanna brahmanna kule-jetthapacayino, te {pujja} ca pasamsa ca, evam eva kho bhikkhave dasa-vassayukesu manussesu ye te bhavissanti amatteyya apetteyya asamanna abrahmanna na-kule-jetthapacayino, te {pujja} ca bhavissanti pasamsa ca.

20. Dasa-vassayukesu bhikkhave manussesu na bhavissati mata ti va matuccha ti va matulani ti va acariyabhariya ti va garunam dara ti va, sambhedam loko gamissati yatha ajelaka kukkuta-sukara sona-sigala. Dasa-vassayukesu bhikkhave manussesu tesam sattanam annamannamhi tibbo aghato paccupatthito bhavissati, tibbo vyapado, tibbo mano-padoso, tibbam vadhaka-cittam, matu pi puttamhi, puttassa pi matari, pitu pi puttamhi, puttassa pi pitari, bhatu pi bhatari, bhatu pi bhaginiya, bhaginiya pi bhatari tibbo aghato paccupatthito bhavissati tibbo vyapado tibbo mano-padoso tibbam vadhaka-cittam. Seyyatha pi bhikkhave magavikassa migam disva tibbo aghato paccupatthito hoti tibbo viyapado tibbo mano-padoso tibbam vadhaka-cittam, evam eva kho bhikkhave dasa-vassayukesu manussesu tesam sattanam annamannamhi tibbo aghato paccupatthito bhavissati tibbo vyapado tibbo mano-padoso tibbam vadhaka-cittam, matu pi puttamhi, puttassa pi matari, pitu pi puttamhi, puttassa pi pitari, bhatu pi bhatari, bhatu pi bhaginiya, bhaginiya pi bhatari tibbo aghato paccupatthito bhavissati tibbo vyapado tibbo manopadoso tibbam vadhaka-cittam.

[page 073]

21. Dasa-vassayukesu bhikkhave manussesu sattaham satthantarakappo bhavissati, te annamannam miga-sannam patilabhissanti, tesam tinhani satthani hatthesu patubhavissanti, te tinhena satthena -- 'Esa migo esa migo ti' -- annamannam jivita voropessanti. Atha kho tesam bhikkhave sattanam ekaccanam evam bhavissati, -- 'Ma ca mayam kanci, ma c' amhe koci, yan nuna mayam tinagahanam va vana-gahanam va rukkha-gahanam va nadividuggam va pabbata-visamam va pavisitva vana-mulaphalahara yapeyyamati.' Te tina-gahanam vana-gahanam rukkha-gahanam nadi-viduggam pabbata-visamam pavisitva sattaham vana-mula-phalahara yapeyyanti. Te tassa sattahassa accayena tina-gahana vana-gahana rukkhagahana nadi-vidugga pabbata-visama nikkhamitva annamannam alingitva sabha gayissanti samassasissanti -'Dittha bho satta jivasi, dittha bho satta jivasiti.' Atha kho tesam bhikkhave sattanam evam bhavissati -- 'Mayam kho akusalanam dhammanam samadana-hetu ayatam {nati-kkhayam} patta, yan nuna mayam kusalam kareyyama.

Kim kusalam kareyyama? Yan nuna mayam panatipata virameyyama, idam kusalam dhammam samadaya vatteyyamati.' Te panatipata viramissanti, idam kusalam dhammam samadaya vattissanti. Te kusalanam dhammanam samadana-hetu ayuna pi vaddhissanti vannena pi vaddhissanti.

[page 074]

Tesam ayuna pi vaddhamananam vannena pi vaddhamananam dasa-vassayukanam manussanam visativassayuka putta bhavissanti.

22. Atha kho tesam bhikkhave sattanam evam bhavissati, -- 'Mayam kho kusalanam dhammanam samadana-hetu ayuna pi vaddhama vannena pi vaddhama, yan nuna mayam bhiyyoso-mattaya kusalam kareyyama. Yan nuna mayam adinnadana virameyyama, kamesu micchacara virameyyama, musa-vada virameyyama, {pisunaya} vacaya virameyyama, pharusaya vacaya virameyyama, samphappalapa virameyyama, abhijjham pajaheyyama, vyapadam pajaheyyama, miccha-ditthim pajaheyyama, tayo dhamme pajaheyyama adhamma-ragam visama-lobham micchadhammam; yan nuna mayam matteyya assama petteyya samanna brahmanna kule-jetthapacayino, idam kusalam dhammam samadaya {vatteyyamati}.'

Te matteyya bhavissanti petteyya samanna brahmanna kule-jetthapacayino, idam kusalam dhammam samadaya vattissanti. Te kusalanam dhammanam samadana-hetu ayuna pi vaddhissanti, vannena pi vaddhissanti, tesam ayuna pi vaddhamananam vannena pi vaddhamananam visati-vassayukanam manussanam cattarisa-vassayuka putta bhavissanti. Cattarisa-vassayukanam manussanam asitivassayuka putta bhavissanti. Asiti-vassayukanam manussanam satthi-vassa-satayuka putta bhavissanti. Satthivassa-satayukanam manussanam visam-tini-vassa-satayuka putta bhavissanti. Visam-tini-vassa-satayukanam manussanam cattarisam-chabbassa-satayuka putta bhavissanti.

Cattarisam-chabbassa-satayukanam manussanam dve-vassasahassayuka putta bhavissanti. Dve-vassa-sahassayukanam manussanam cattari-vassa-sahassayuka putta bhavissanti.

Cattari-vassa-sahassayukanam manussanam attha-vassasahassayuka putta bhavissanti. Attha-vassa-sahassayukanam manussanam visati-vassa-sahassayuka putta bhavissanti. Visati-vassa-sahassa yukanam manussanam cattarisamvassa-sahassayuka putta bhavissanti.

[page 075]

Cattarisam-vassasahassayukanam manussanam asiti-vassa-sahassayuka putta bhavissanti.

23. Asiti-vassa-sahassayukesu bhikkhave manussesu panca-vassa-satika kumarika alampateyya bhavissanti.

Asiti-vassa-sahassayukesu bhikkhave manussesu tayo abadha bhavissanti iccha anasanam jara. Asiti-vassasahassayukesu bhikkhave manussesu ayam Jambudipo iddho c' eva bhavissati phito ca, kukkuta-sampatika gamanigama-rajadhaniyo. Asiti-vassa-sahassayukesu bhikkhave manussesu ayam Jambudipo Avici manne phuto bhavissati manussehi seyyatha pi nala-vanam va sara-vanam va.

Asiti-vassa-sahassayukesu bhikkhave manussesu ayam Baranasi Ketumati nama raja-dhani bhavissati iddha c' eva phita ca bahujana ca akinna-manussa ca subhikkha ca.

Asiti-vassa-sahassayukesu bhikkhave manussesu imasmim Jambudipe caturasiti-nagara-sahassani bhavissanti Ketumati-rajadhani-pamukhani.

24. Asiti-vassa-sahassayukesu bhikkhave manussesu Ketumatiya rajadhaniya Samkho nama raja uppajjissati cakkavatti dhammiko dhamma-raja caturanto {vijitavi} janapadatthavariyappatto satta-ratana-samannagato. Tass' imani {satta} ratanani bhavissanti, seyyathidam cakka-ratanam hatthi-ratanam assa-ratanam mani-ratanam itthiratanam gahapati-ratanam parinayaka-ratanam eva sattamam. {Paro-}sahassam kho pan' assa putta bhavissanti sura viranga-rupa parasenappamaddana. So imam pathavim sagara-pariyantam adandena asatthena dhammena abhivijiya ajjhavasissati.

25. Asiti-vassa-sahassayukesu bhikkhave manussesu Metteyyo nama Bhagava loke uppajjissati araham SammaSambuddho vijja-carana-sampanno sugato loka-vidu anuttaro purisa-damma-sarathi sattha deva-manussanam Buddho Bhagava,

[page 076]

seyyatha pi 'ham etarahi loke uppanno araham Samma-Sambuddho vijja-carana-sampanno sugato loka-vidu anuttaro purisa-damma-sarathi sattha devamanussanam Buddho Bhagava. So imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedessati, seyyatha pi 'ham etarahi imam lokam sadevakam samarakam sabrahmakam sassamana-brahmanim pajam sadeva-manussam sayam abhinna sacchikatva pavedemi.

So dhammam desissati adi-kalyanam majjhe-kalyanam pariyosana-kalyanam sattham savyanjanam kevala-paripunnam parisuddham brahmacariyam pakasessati, seyyatha pi 'ham etarahi dhammam desemi adi-kalyanam majjhe-kalyanam pariyosana-kalyanam sattham savyanjanam kevala-paripunnam parisuddham brahmacariyam pakasemi. So aneka-sahassam bhikkhu-samgham pariharissati, seyyatha pi 'ham etarahi aneka-satam bhikkhusamgham pariharami.

26. Atha kho bhikkhave Samkho nama raja yen' assa yupo ranna Maha-Panadena karapito, tam yupam ussapetva ajjhavasitva daditva vissajjetva samana-brahmanakapaniddhika-vanibbaka-yacakanam danam datva Metteyyassa Bhagavato arahato Samma-Sambuddhassa santike kesa-massum oharetva kasayani vatthani acchadetva agarasma anagariyam pabbajissati. So evam pabbajito samano eko vupakattho appamatto atapi pahitatto viharanto na cirass' eva yass' atthaya kula-putta sammad eva agarasma anagariyam pabbajanti,

[page 077]

tad anuttaram brahmacariyam pariyosanam ditthe va dhamme sayam abhinna sacchikatva upasampajja viharissati.

27. 'Atta-dipa bhikkhave viharatha atta-sarana anannasarana, dhamma-dipa dhamma-sarana ananna-sarana.

Kathan ca bhikkhave bhikkhu atta-dipo viharati attasarano ananna-sarano, dhamma-dipo dhamma-sarano ananna-sarano? Idha bhikkhave bhikkhu kaye kayanupassi viharati atapi sampajano satima vineyya loke abhijjha-domanassam, vedanasu ... citte ... dhammesu dhammanupassi viharati atapi sampajano satima, vineyya loke abhijjha-domanassam. Evam kho bhikkhave bhikkhu atta-dipo viharati atta-sarano ananna-sarano dhamma-dipo dhamma-sarano ananna-sarano.

28. 'Gocare bhikkhave caratha sake pettike visaye.

Gocare bhikkhave caranta sake pettike visaye ayuna pi vaddhissatha, vannena pi vaddhissatha, sukhena pi vaddhissatha, bhogena pi vaddhissatha, balena pi vaddhissatha.

'Kin ca bhikkhave bhikkhuno ayusmim? Idha bhikkhave bhikkhu chanda-samadhi-padhana-samkhara-samannagatam iddhipadam bhaveti, viriya-samadhi ... pe ... citta-samadhi ... vimamsa-samadhi-padhana-samkharasamannagatam iddhipadam bhaveti. So imesam catunnam iddhipadanam bhavitatta bahulikatatta akankhamano kappam va tittheyya kappavasesam va. Idam kho bhikkhave bhikkhuno ayusmim vadami.

'Kin ca bhikkhave bhikkhuno vannasmim? Idha bhikkhave bhikkhu silava hoti, Patimokkha-samvarasamvuto viharati acara-gocara-sampanno anumattesu vajjesu bhaya-dassavi,

[page 078]

samadaya sikkhati sikkhapadesu.

Idam kho bhikkhave bhikkhuno vannasmim.

'Kin ca bhikkhave bhikkhuno sukhasmim? Idha bhikkhave bhikkhu vivicc' eva kamehi vivicca akusaladhammehi savitakkam savicaram vivekajam piti-sukham pathama-jjhanam upasampajja viharati, vitakka-vicaranam vupasama ajjhattam sampasadanam cetaso {ekodibhavam} avitakkam avicaram samadhijam piti-sukham dutiyajjhanam ... pe ... tatiya-jjhanam ... pe ... catutthajjhanam upasampajja viharati. Idam kho bhikkhave bhikkhuno sukhasmim.

'Kin ca bhikkhave bhikkhuno bhogasmim? Idha bhikkhave bhikkhu metta-sahagatena cetasa ekam disam pharitva viharati, tatha dutiyam, tatha tatiyam, tatha catuttham. Iti uddham adho tiriyam sabbadhi sabbattataya sabbavantam lokam metta-sahagatena cetasa vipulena mahaggatena appamanena averena avyapajjhena pharitva viharati. Karuna-{sahagatena} cetasa ... mudita-sahagatena cetasa ... upekha-sahagatena cetasa vipulena mahaggatena appamanena {averena} avyapajjhena pharitva viharati. Idam kho bhikkhave bhikkhuno bhogasmim.

'Kin ca bhikkhave bhikkhuno balasmim. Idha bhikkhave bhikkhu asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati. Idam kho bhikkhave bhikkhuno balasmim.

'Naham bhikkhave annam eka-balam pi samanupassami evam duppasaham yathayidam bhikkhave Mara-balam, kusalanam bhikkhave dhammanam samadana-hetu evam idam punnam pavaddhatiti.'

[page 079]

Idam avoca Bhagava. Attamana te bhikkhu Bhagavato bhasitam abhinandun ti.

Cakkavatti-Sihanada-Suttantam Tatiyam.

[page 080]

 


 

XXVII. Agganna Suttanta

Evam me sutam.

1. Ekam samayam Bhagava Savatthiyam viharati Pubbarame Migara-matu pasade. Tena kho pana samayena Vasettha-Bharadvaja bhikkhusu parivasanti bhikkhubhavam akankhamana. Atha kho Bhagava sayanhasamayam patisallana vutthito pasada orohitva pasadapacchayayam abbhokase cankamati.

2. Addasa kho Vasettho Bhagavantam sayanha-samayam patisallana vutthitam pasada orohitva pasada-{pacchayayam} abbhokase cankamantam. Disva Bharadvajam amantesi:

'Ayam avuso Bharadvaja Bhagava sayanha-samayam patisallana vutthito pasada orohitva pasada-pacchayayam abbhokase cankamati. Ayam' avuso Bharadvaja yena Bhagava ten' upasamkamissama. App eva nama labheyyama Bhagavato santika dhammim katham savanayati.'

'Evam avuso ti' kho Bharadvajo Vasetthassa paccassosi.

Atha kho Vasettha-Bharadvaja yena Bhagava ten' upasamkamimsu, upasamkamitva Bhagavantam abhivadetva Bhagavantam cankamantam anucankamimsu.

3. Atha kho Bhagava Vasettham amantesi:

[page 081]

'Tumhe khv attha Vasettha brahmana-jacca brahmanakulina brahmana-kula agarasma anagariyam pabbajita.

Kacci vo Vasettha brahmana na akkosanti na paribhasantiti?'

'Taggha no bhante brahmana akkosanti paribhasanti atta-rupaya paribhasaya paripunnaya no aparipunnayati.'

'Yatha-katham pana vo Vasettha brahmana akkosanti paribhasanti atta-rupaya paribhasaya paripunnaya no aparipunnayati?'

'Brahmana bhante evam ahamsu: "Brahmano va settho vanno, hino anno vanno; brahmano va sukko vanno, kanho anno vanno; brahmana va sujjhanti no abrahmana; brahmana va Brahmuno putta orasa mukhato jata Brahma-ja Brahma-nimmita Brahma-dayada. Te tumhe settham vannam hitva hinam attha vannam {ajjhupagata}, yadidam mundake samanake ibbhe kanhe bandhupadapacce. Tayidam na sadhu, tayidam nappatirupam, yam tumhe settham vannam hitva hinam attha vannam ajjhupagata, yadidam mundake samanake ibbhe kanhe bandhu-padapacce ti." Evam kho no bhante brahmana akkosanti paribhasanti atta-rupaya paribhasaya paripunnaya no aparipunnayati.'

4. 'Taggha vo Vasettha brahmana poranam assaranta evam ahamsu: "Brahmano va settho vanno, hino anno vanno; brahmano va sukko vanno, kanho anno vanno;

brahmana va sujjhanti no abrahmana; brahmana va Brahmuno putta orasa mukhato jata Brahma-ja Brahmanimmita Brahma-dayada" ti. Dissanti kho pana Vasettha brahmananam brahmaniyo utuniyo pi gabbhiniyo pi vijayamana pi payamana pi,

[page 082]

te ca brahmana yonija va samana evam ahamsu: "Brahmano va settho vanno ... pe ... Brahma-dayada ti." Te Brahmanan c' eva abbhacikkhanti musa ca bhasanti bahun ca apunnam pasavanti.'

5. 'Cattaro 'me Vasettha vanna, Khattiya Brahmana Vessa Sudda. Khattiyo pi kho Vasettha idh' ekacco panatipati hoti, adinnadayi hoti, kamesu miccha-cari hoti, musa-vadi hoti, pisuna-vaco hoti, pharusa-vaco hoti, samphappalapi hoti, abhijjhalu hoti, vyapanna-citto hoti, miccha-ditthi hoti. Iti kho Vasettha ye 'me dhamma akusala akusala-samkhata, savajja savajja-samkhata, asevitabba asevitabba-samkhata, nalam-ariya nalam-ariyasankhata, kanha kanha-vipaka vinnu-garahita, Khattiye pi te idh' ekacce sandissanti. Brahmano pi kho Vasettha ... pe ... Vesso pi kho Vasettha ... pe ... Suddo pi kho Vasettha idh' ekacco panatipati ... pe ... micchaditthi hoti. Iti kho Vasettha ye 'me dhamma akusala akusala-samkhata ... pe ... kanha kanha-vipaka vinnugarahita, Sudde pi te idh' ekacce sandissanti.

6. 'Khattiyo pi kho Vasettha idh' ekacco panatipata pativirato hoti, adinnadana pativirato hoti, kamesu micchacara pativirato hoti, musa-vada pativirato hoti, pisunaya vacaya pativirato hoti, pharusaya vacaya pativirato hoti, samphappalapa pativirato hoti, anabhijjhalu hoti, avyapannacitto hoti, samma-ditthi hoti. Iti kho Vasettha ye 'me dhamma kusala kusala-samkhata anavajja anavajja-samkhata sevitabba sevitabba-samkhata alam-ariya alam-ariya-sankhata sukka sukka-vipaka vinnuppasattha, khattiye pi te idh' ekacce sandissanti. Brahmano pi kho Vasettha ... pe ... Vesso pi kho Vasettha, ... pe ... Suddo pi kho Vasettha idh' ekacco panatipata pativirato hoti ... pe

[page 083]

. . . anabhijjhalu hoti, avyapanna-citto hoti, samma-ditthi

hoti. Iti kho Vasettha ye 'me dhamma kusala kusalasamkhata anavajja anavajja-samkhata sevitabba sevitabbasamkhata alam-ariya alam-ariya-samkhata sukka sukkavipaka vinnuppasattha, Sudde pi te idh' ekacce sandissanti.

7. 'Imesu kho Vasettha catusu vannesu evam ubhayavokinnesu vattamanesu kanha-sukkesu dhammesu vinnugarahitesu c' eva vinnu-pasatthesu ca yad ettha brahmana evam ahamsu: "Brahmano va settho vanno, hino anno vanno; brahmano va sukko vanno, kanho anno vanno;

brahmana va sujjhanti no abrahmana, brahmana va Brahmuno putta orasa mukhato jata Brahma-ja Brahmanimmita Brahma-dayada ti" -- tam tesam vinnu nanujananti. Tam kissa hetu? Imesam hi Vasettha catunnam vannanam yo hoti bhikkhu araham khinasavo vusitava kata-karaniyo ohita-bharo anuppatta-sadattho parikkhinabhava-samyojano sammad-anna vimutto, so tesam aggam akkhayati dhammen' eva no adhammena. Dhammo hi Vasettha settho jane tasmim ditthe c' eva dhamme abhisamparayan ca.

8. 'Tadamina p' etam Vasettha pariyayena veditabbam yatha dhammo settho jane tasmim ditthe c' eva dhamme abhisamparayan ca.

'Janati kho Vasettha raja Pasenadi-Kosalo: "Samano Gotamo anuttaro Sakya-kula pabbajito" ti. Sakya kho pana Vasettha ranno Pasenadi-Kosalassa anuyutta bhavanti. Karonti kho Vasettha Sakya ranne Pasenadimhi Kosale nipaccakaram abhivadanam paccutthanam anjalikammam samici-kammam. Iti kho Vasettha yam karonti Sakya ranne Pasenadimhi Kosale nipaccakaram abhivadanam paccutthanam anjali-kammam samici-kammam, karoti tam raja Pasenadi-Kosalo Tathagate nipaccakaram abhivadanam paccutthanam anjali-kammam samicikammam

[page 084]

-- "Nanu sujato Samano Gotamo? Dujjato 'ham asmi; balava Samano Gotamo, dubbalo 'ham asmi;

pasadiko Samano Gotamo, dubbanno 'ham asmi; mahesakkho Samano Gotamo, appesakkho 'ham asmiti." Atha kho tam dhammam yeva sakkaronto dhammam garukaronto dhammam manento dhammam pujento dhammam apacayamano, evam raja Pasenadi-Kosalo Tathagate nipaccakaram karoti abhivadanam paccutthanam anjalikammam samici-kammam. Imina kho etam Vasettha pariyayena veditabbam yatha dhammo settho jane tasmim ditthe c' eva dhamme abhisamparayan ca.

9. 'Tumhe khv attha Vasettha nana-jacca nana-nama nana-gotta nana-kula agarasma anagariyam pabbajita.

"Ke tumhe ti?" puttha samana, "Samana Sakya-puttiy' {amhati}" patijanatha. Yassa kho pan' assa Vasettha Tathagate saddha nivittha mula-jata patitthita dalha asamharika samanena va brahmanena va devena va Marena va Brahmuna va kenaci va lokasmim, tass' etam kallam vacanaya: "Bhagavato 'mhi putto oraso mukhato jato dhamma-jo dhamma-nimmito dhamma-dayado" ti.

Tam kissa hetu? Tathagatassa h' etam Vasettha adhivacanam -- "Dhamma-kayo iti pi Brahma-kayo iti pi, Dhamma-bhuto iti pi Brahma-bhuto iti piti."

10. 'Hoti kho so Vasettha {samayo} yam kadaci karahaci dighassa addhuno accayena ayam loko samvattati. Samvattamane loke yebhuyyena satta Abhassara-samvattanika honti. Te tattha honti manomaya piti-bhakkha sayampabha antalikkha-cara subhatthayino ciram {digham} addhanam titthanti. Hoti kho so Vasettha samayo yam kadaci karahaci dighassa addhuno accayena ayam loko vivattati. Vivattamane loke yebhuyyena satta Abhassarakaya cavitva itthattam agacchanti.

[page 085]

Te ca honti manomaya piti-bhakkha sayam-pabha antalikkha-cara subhatthayino, ciram digham addhanam titthanti.

11. 'Ekodaki-bhutam kho pana Vasettha tena samayena hoti andha-karo andhakara-timisa. Na candima-suriya pannayanti, na nakkhattani taraka-rupani pannayanti, na rattin-diva pannayanti, na masaddha-masa pannayanti, na utu-samvacchara pannayanti, na itthi-puma pannayanti. Satta satta tv eva sankhyam gacchanti. Atha kho tesam Vasettha sattanam kadaci karahaci dighassa addhuno accayena rasa-pathavi udakasmim samatani. Seyyatha pi nama {payaso} tattassa nibbayamanassa upari santanakam hoti, evam evam patur ahosi. Sa ahosi vanna-sampanna gandha-sampanna rasa-sampanna, seyyatha pi nama sampannam va sappi, sampannam va navanitam, evam vanna ahosi; seyyatha pi nama khuddamadhu anelakam evam assada ahosi.

12. 'Atha kho Vasettha annataro satto lola-jatiko, "Ambho kim ev' idam bhavissatiti?" rasa-pathavim anguliya sayi. Tassa rasa-pathavim anguliya sayato acchadesi, tanha c' assa okkami. Annatare pi kho Vasettha satta tassa sattassa ditthanugatim apajjamana rasa-pathavim anguliya sayimsu. Tesam rasa-pathavim anguliya sayatam acchadesi, tanha ca tesam {okkami}.

Atha kho te Vasettha satta rasa-pathavim hatthehi alumpa-karakam upakkamimsu paribhunjitum. Yato kho Vasettha satta rasa-pathavim hatthehi alumpakarakam upakkamimsu paribhunjitum,

[page 086]

atha tesam sattanam sayam-pabha antaradhayi. Sayam-pabhaya antarahitaya candima-suriya patur ahamsu. Candimasuriyesu patu-bhutesu, nakkhattani taraka-rupani patur ahamsu. Nakkhattesu taraka-rupesu patu bhutesu, rattindiva pannayimsu. Rattin-divesu pannayamanesu, masaddha-masa pannayimsu. Masaddha-masesu pannayamanesu, utu-samvacchara pannayimsu. Ettavata kho Vasettha ayam loko puna vivatto hoti.

13. 'Atha kho te Vasettha satta rasa-pathavim paribhunjanta tam-bhakkha tad-{ahara} ciram digham addhanam atthamsu. Yatha yatha kho te Vasettha satta rasapathavim paribhunjanta tam-bhakkha tad-{ahara} ciram digham addhanam atthamsu, tatha tatha tesam sattanam kharattan c' eva kayasmim okkami, vanna-vevannata ca pannayittha. Ek' idam satta vannavanto honti, ek' idam dubbanna. Tattha ye te satta vannavanto, te dubbanne satte atimannanti, -- "Mayam etehi vannavantatara, amheh' ete dubbannatara ti." Tesam vannatimana-paccaya manatimana-jatikanam rasa-pathavi antaradhayi. Rasaya pathaviya antarahitaya sannipatimsu, sannipatitva anutthunimsu, -- "Aho rasam, aho rasan ti." Tad etarahi pi manussa kincid eva sadhu rasam labhitva evam ahamsu, "Aho rasam, aho rasan ti." Tad eva poranam aggannam akkharam anupatanti, na tv ev' assa attham ajananti.

14. 'Atha kho tesam Vasettha sattanam rasaya pathaviya antarahitaya bhumi-pappatako patur ahosi.

[page 087]

Seyyatha pi nama ahicchattako, evam evam patur ahosi. So ahosi vanna-sampanno gandha-sampanno rasa-sampanno. Seyyatha pi nama sampannam va sappi sampannam va navanitam, evam-vanno ahosi. Seyyatha pi nama khuddam madhum anelakam, evam assado ahosi. Atha kho te Vasettha satta bhumi-pappatakam upakkamimsu paribhunjitum. Te tam paribhunjanta tam-bhakkha tadahara ciram digham addhanam atthamsu. Yatha yatha kho te Vasettha satta bhumi-pappatakam paribhunjanta tam-bhakkha tad-ahara ciram {digham} addhanam atthamsu, tatha tatha tesam sattanam bhiyyoso-mattaya kharattan c' eva kayasmim okkami, vanna-vevannata ca pannayittha.

Ek' idam satta vannavanto honti, ek' idam satta dubbanna.

Tattha ye te satta vannavanto, te dubbanne satte atimannanti, -- "Mayam etehi vannavantatara, amheh' ete dubbannatara ti." Tesam vannatimana-paccaya manatimanajatikanam bhumi-pappatako antaradhayi. Bhumi-pappatake antarahite badalata patur ahosi. Seyyatha pi nama kalambuka, evam evam patur ahosi. Sa ahosi vannasampanna gandha-sampanna rasa-sampanna. Seyyatha pi nama sampannam va sappi sampannam va navanitam, evam-vanna ahosi. Seyyatha pi nama khudda-madhuanelakam, evam assada ahosi.

15. 'Atha kho te Vasettha satta badalatam upakkamimsu paribhunjitum. Te tam paribhunjanta tam-bhakkha tad-ahara ciram digham addhanam atthamsu. Yatha yatha kho te Vasettha satta badalatam paribhunjanta tambhakkha tad-ahara ciram digham addhanam {atthamsu}, tatha-tatha tesam sattanam bhiyyoso-mattaya kharattan c' eva kayasmim okkami vanna-vevannata ca pannayittha.

[page 088]

Ek' idam satta vannavanto honti, ek' idam satta dubbanna.

Tattha ye te satta vannavanto, te dubbanne satte atimannanti, -- "Mayam etehi vannavantatara, amheh' ete dubbannatara ti." Tesam vannatimana-paccaya manatimana-jatikanam badalata antaradhayi. Badalataya antarahitaya sannipatimsu, sannipatitva {anutthunimsu}, -"Ahu vata no, ahayi vata no badalata ti." Tad etarahi pi manussa kenacid eva dukkha-dhammena puttha evam ahamsu: "Ahu vata no, ahayi vata no ti." Tad eva poranam aggannam akkharam anupatanti, na tv ev' assa attham ajananti.

16. 'Atha kho tesam Vasettha sattanam badalataya antarahitaya akattha-pako sali patur ahosi, akano athuso sugandho tandula-pphalo. Yan tam sayam sayam-asaya aharanti, pato tam hoti pakkam pativirulham. Yan tam pato patar-asaya aharanti sayam tam hoti pakkam pativirulham, napadanam pannayati. Atha kho te Vasettha satta akattha-pakam salim paribhunjanta tam-bhakkha tadahara ciram digham addhanam atthamsu. Yatha yatha kho te Vasettha satta akattha-pakam salim paribhunjanta tam-bhakkha tad-{ahara} ciram digham addhanam atthamsu, tatha tatha tesam sattanam bhiyyoso-mattaya kharattan c' eva kayasmim okkami, vanna-vevannata ca pannayittha.

Itthiya ca itthi-lingam patur ahosi, purisassa purisa-lingam.

Itthi ca sudam ativelam purisam upanijjhayati, puriso ca itthim. Tesam ativelam annam annam upanijjhayatam sarago udapadi, parilaho kayasmim okkami. Te parilahapaccaya methunam dhammam patisevimsu. Ye kho pana te Vasettha tena samayena satta passanti methunam dhammam patisevante, anne pamsum khipanti, anne setthim khipanti,

[page 089]

anne gomayam khipanti, -- "Nassa asuci, nassa asuciti. Katham hi nama satto sattassa evarupam karissatiti?" Tad etarahi pi manussa ekaccesu janapadesu vadhuya nibbuyhamanaya anne pamsum khipanti, anne setthim khipanti, anne gomayam khipanti. Tad eva poranam aggannam akkharam anupatanti, na tv ev' assa attham ajananti.

17. 'Adhamma-sammatam kho pana Vasettha tena samayena hoti, tad etarahi dhamma-sammatam. Ye kho pana Vasettha tena samayena satta methunam dhammam patisevanti, te masam pi dve-masam pi na labhanti gamam va nigamam va pavisitum. Yato kho Vasettha te satta tasmim samaye asaddhamme ativelam patavyatam apajjimsu, atha agarani upakkamimsu katum tass' eva asaddhammassa paticchadanattham. Atha kho Vasettha annatarassa sattassa alasa-jatikassa etad ahosi: "Ambho kim evaham vihannami salim aharanto sayam sayam-asaya pato patar-asaya? Yannunaham salim ahareyyam sakid eva saya-patar-asayati." Atha kho so Vasettha satto salim ahasi sakid eva saya-patar-asaya. Atha kho Vasettha annataro satto yena so satto ten' upasamkami, upasamkamitva tam sattam etad avoca: "Ehi bho satta salaharam gamissamati." "Alam bho satta ahato me sali sakid eva saya-patar-asayati." Atha kho so Vasettha satto tassa sattassa ditthanugatim apajjamano salim ahasi sakid eva dvihaya, "Evam pi kira bho sadhuti." Atha kho {Vasettha} annataro satto yena so satto ten' upasamkami, upasamkamitva tam sattam etad avoca:

[page 090]

"Ehi bho satta salaharam gamissamati." "Alam bho satta ahato me sali sakid eva dvihayati." Atha kho so Vasettha satto tassa sattassa ditthanugatim apajjamano salim ahasi sakid eva catuhaya, "Evam pi kira bho sadhuti." Atha kho Vasettha annataro satto yena so satto ten' upasamkami, upasamkamitva tam sattam etad avoca: "Ehi bho satta salaharam gamissamati." "Alam bho satta ahato me sali sakid eva catuhayati." Atha kho so Vasettha satto tassa sattassa ditthanugatim apajjamano salim ahasi sakid eva atthahaya, "Evam pi kira bho sadhuti." Yato kho te Vasettha satta sannidhi-karakam salim upakkamimsu paribhunjitum, atha kano pi tandulam pariyonandhi, thuso pi tandulam pariyonandhi, lunam pi nappativirulham apadanam pannayittha, sanda-sanda saliyo atthamsu.

18. 'Atha kho te Vasettha satta sannipatimsu, sannipatitva anutthunimsu, -- "Papaka vata bho dhamma sattesu patu bhuta, mayam hi pubbe manomaya ahumha pitibhakkha sayam-pabha antalikkha-cara subhatthayino, ciram digham addhanam atthamha. Tesam no amhakam kadaci karahaci dighassa addhuno accayena rasa-pathavi udakasmim samatani. Sa ahosi vanna-sampanna gandhasampanna rasa-sampanna. Te mayam rasa-pathavim hatthehi alumpa-karakam upakkamimha paribhunjitum, tesam no rasa-pathavim hatthehi alumpa-karakam upakkamatam paribhunjitum sayam-pabha antaradhayi.

12 Sayam-pabhaya antarahitaya, candima-suriya patur ahamsu. Candima-suriyesu patu bhutesu nakkhattani taraka-rupani patur ahamsu.

[page 091]

Nakkhattesu taraka-rupesu patu bhutesu rattim-diva pannayimsu. Rattim-divesu pannayamanesu masaddha-masa pannayimsu. Masaddhamasesu pannayamanesu utu-samvacchara pannayimsu. Te mayam rasa-pathavim paribhunjanta tam-bhakkha tadahara ciram digham addhanam atthamha, tesam no papakanam neva akusalanam dhammanam patu-bhava rasapathavi antaradhayi. Rasa-pathaviya antarahitaya bhumipappatako patur ahosi. So ahosi vanna-sampanno gandhasampanno rasa-sampanno. Te mayam bhumi-pappatakam upakkamimha paribhunjitum. Te mayam tam paribhunjanta tam-bhakkha tad-ahara ciram digham addhanam atthamha. Tesam no papakanam neva akusalanam dhammanam patu-bhava bhumi-pappatako antaradhayi. Bhumipappatake antarahite badalata patur ahosi. Sa ahosi vanna-sampanna gandha-sampanna rasa-sampanna. Te mayam badalatam upakkamimha paribhunjitum. Te mayam tam paribhunjanta tam-bhakkha tad-ahara ciram digham addhanam atthamha. Tesam no papakanam neva akusalanam dhammanam patu-bhava badalata antaradhayi.

Badalataya antarahitaya akattha-pako sali patur ahosi, akano athuso suddho sugandho tandula-pphalo. Yan tam sayam sayam-asaya aharama pato tam hoti pakkam pativirulham. Yan tam pato patar-asaya aharama, sayan tam hoti pakkam pativirulham, napadanam pannayittha. Te mayam akattha-pakam salim paribhunjanta tam-bhakkha tad-ahara ciram digham addhanam atthamha. Tesam no papakanam neva akusalanam dhammanam patu-bhava kano pi tandulam pariyonandhi, thuso pi tandulam pariyonandhi, lunam pi na pativirulham, apadanam pannayittha, sandasanda saliyo thita.

[page 092]

Yan nuna mayam salim vibhajeyyama, mariyadam thapeyyamati."

'Atha kho te Vasettha satta salim vibhajimsu, mariyadam thapesum.

19. 'Atha kho Vasettha annataro satto lolajatiko sakam bhagam parirakkhanto annataram bhagam adinnam adiyitva paribhunji. Tam enam aggahesum, gahetva etad avocum: "Papakam vata bho satta karosi, yatra hi nama sakam bhagam parirakkhanto annataram bhagam adinnam adiyitva paribhunjasi. Ma ssu bho satta puna pi evarupam akasiti." "Evam bho ti" kho Vasettha so satto tesam sattanam paccassosi. Dutiyam pi kho Vasettha so satto ... pe ... Tatiyam pi kho Vasettha so satto sakam bhagam parirakkhanto annataram bhagam adinnam {adiyitva} paribhunji. Tam enam aggahesum, aggahetva etad avocum: "Papakam vata bho satta karosi, yatra hi nama sakam bhagam parirakkhanto annataram bhagam adinnam adiyitva paribhunjasi. Ma ssu bho satta puna pi evarupam akasiti." Anne panina paharimsu, anne ledduna paharimsu, anne dandena paharimsu. Tadagge kho pana Vasettha adinnadanam pannayati, garaha pannayati, musavado pannayati, dandadanam pannayati.

20. 'Atha kho te Vasettha satta sannipatimsu, sannipatitva anutthunimsu, -- "Papaka vata bho dhamma sattesu patu bhuta, yatra hi nama adinnadanam pannayissati, garaha pannayissati, musa-vado pannayissati, dandadanam pannayissati, yan nuna mayam ekam sattam sammanneyyama. So no samma-khiyitabbam khiyeyya, samma-garahitabbam garaheyya, samma-pabbajetabbam pabbajeyya.

Mayam pan' assa {salinam} bhagam anuppadassamati."

[page 093]

Atha kho te Vasettha satta yo nesam satto abhirupataro ca dassaniyataro ca pasadikataro ca mahesakkhataro ca, tam sattam upasamkamitva etad avocum: "Ehi bho satta, samma-khiyitabbam khiyi, samma-garahitabbam garahi, samma-pabbajetabbam pabbajehi. Mayam pana te salinam bhagam anuppadassamati." "Evam bho ti" kho Vasettha so satto tesam sattanam patissutva, samma-khiyitabbam khiyi, samma-garahitabbam garahi, samma-pabbajetabbam pabbajesi. Te pan' assa salinam bhagam anuppadamsu.

21. 'Mahajana-sammato ti kho Vasettha maha-sammato, maha-sammato tv eva pathamam akkharam upanibbattam.

Khettanam patiti kho Vasettha khattiyo, khattiyo tv eva dutiyam akkharam upanibbattam. Dhammena pare ranjetiti kho Vasettha raja, raja tv eva tatiyam akkharam upanibbattam. Iti kho Vasettha evam etassa khattiyamandalassa poranena aggannena akkharena abhinibbatti ahosi. Tesam neva sattanam anannesam sadisanam neva no asadisanam dhammen' eva no adhammena. Dhammo hi Vasettha settho jane tasmim ditthe c' eva dhamme abhisamparayan ca.

22. 'Tesam neva kho Vasettha sattanam ekaccanam etad ahosi: "Papaka vata bho dhamma sattesu patu bhuta, yatra hi nama adinnadanam pannayissati, garaha pannayissati, musa-vado pannayissati, dandadanam pannayissati, pabbajanam pannayissati. Yan nuna mayam papake akusale dhamme baheyyamati." Te papake akusale dhamme {bahesum}.

[page 094]

"Papake akusale dhamme bahentiti" kho Vasettha Brahmana, Brahmana tv eva pathamam akkharam upanibbattam. Te arannayatane panna-kutiyo karitva panna-kutisu jhayanti, vitangara vita-dhuma panna-musala sayam sayam-asaya pato patar-asaya gama-nigama-rajadhaniyo osaranti ghasam esana. Te ghasam patilabhitva punad eva arannayatane panna-kutisu jhayanti. Tam enam manussa disva evam ahamsu: "Ime kho bho satta arannayatane panna-kutiyo karitva panna-kutisu jhayanti, vitangara vita-dhuma panna-musala sayam sayam-asaya pato patar-asaya gama-nigama-rajadhaniyo osaranti ghasam esana. Te ghasam patilabhitva punad eva arannayatane panna-kutisu jhayanti. "Jhayantiti" kho pana Vasettha jhayaha, jhayaka tv eva dutiyam akkharam upanibbattam.

23. 'Tesam neva kho Vasettha sattanam ekacce satta arannayatane panna-kutisu tam jhanam {anabhisambhunamana} gama-samantam nigama-{samantam} osaritva ganthe karonta acchenti. Tam enam manussa disva evam ahamsu: "Ime kho bho satta arannayatane pannakutisu tam jhanam {anabhisambhunamana} gama-samantam nigama-samantam osaritva ganthe karonta acchenti. Na dan' ime jhayanti. "Na dan' ime jhayantiti" kho Vasettha {ajjhayaka}, ajjhayaka tv eva tatiyam akkharam upanibbattam. Hina-sammatam kho pana Vasettha tena samayena hoti. Tad etarahi settha-sammatam. Iti kho Vasettha evam etassa Brahmana-mandalassa poranena aggannena akkharena abhinibbatti ahosi. Tesam neva sattanam anannesam sadisanam neva no asadisanam dhammen' eva no adhammena.

[page 095]

Dhammo hi Vasettha settho jane tasmim ditthe c' eva dhamme abhisamparayan ca.

24. 'Tesam neva kho Vasettha sattanam ekacce satta methuna-dhammam samadaya vissuta-kammante payojesum. "Methuna-dhammam samadaya vissuta-kammante payojentiti" kho Vasettha Vessa, Vessa tv eva akkharam upanibbattam. Iti kho Vasettha evam etassa Vessamandalassa poranena aggannena akkharena abhinibbatti ahosi. Tesam neva sattanam anannesam sadisanam neva no asadisanam dhammen' eva no adhammena. Dhammo hi Vasettha settho jane tasmim ditthe c' eva dhamme abhisamparayan ca.

25. 'Tesam neva kho Vasettha sattanam ye te satta avasesa te luddacara ahesum. "Luddacara khuddacara ti" kho Vasettha Sudda, Sudda tv eva akkharam upanibbattam.

Iti kho Vasettha evam etassa Sudda-mandalassa poranena aggannena akkharena abhinibbatti ahosi. Tesam neva sattanam anannesam sadisanam neva no asadisanam dhammen' eva no adhammena. Dhammo hi Vasettha settho jane tasmim ditthe c' eva dhamme abhisamparayan ca.

26. 'Ahu kho so Vasettha samayo yam khattiyo pi sakam dhammam garahamano agarasma anagariyam pabbajati, -- "Samano bhavissamiti." Brahmano pi sakam dhammam garahamano agarasma anagariyam pabbajati, -"Samano bhavissamiti." Vesso pi sakam dhammam garahamano agarasma anagariyam pabbajati,

[page 096]

-- "Samano bhavissamiti." Suddo pi sakam dhammam garahamano agarasma anagariyam pabbajati, -- "Samano bhavissamiti." Imehi kho Vasettha catuhi mandalehi Samana-mandalassa {abhinibbatti} ahosi. Tesam neva sattanam anannesam sadisanam neva no asadisanam dhammen' eva no adhammena.

Dhammo hi Vasettha settho jane tasmim ditthe c' eva dhamme abhisamparayan ca.

27. 'Khattiyo pi kho Vasettha kayena duccaritam caritva, vacaya duccaritam caritva, manasa duccaritam caritva, miccha-ditthiko, miccha-ditthi-kamma-samadana-hetu kayassa bheda param marana apayam duggatim vinipatam nirayam upapajjati. Brahmano pi kho Vasettha ... pe ... Vesso pi kho Vasettha ... pe ... Suddo pi kho Vasettha ... pe ... Samano pi kho Vasettha kayena duccaritam caritva, vacaya duccaritam caritva, manasa duccaritam caritva, miccha-ditthiko, miccha-ditthi-kammasamadana-hetu kayassa bheda param marana apayam duggatim vinipatam nirayam upapajjati.

28. 'Khattiyo pi kho Vasettha kayena sucaritam caritva, vacaya sucaritam caritva, manasa sucaritam caritva, sammaditthiko samma-ditthi-kamma-samadana-hetu kayassa bheda param marana sugatim saggam lokam upapajjati.

Brahmano pi kho Vasettha ... pe ... Vesso pi kho Vasettha ... pe ... Suddo pi kho Vasettha ... pe ... Samano pi kho Vasettha kayena sucaritam caritva, vacaya sucaritam caritva, manasa sucaritam caritva, samma-ditthiko, sammaditthi-kamma-samadana-hetu kayassa bheda param marana sugatim saggam lokam upapajjati.

29. 'Khattiyo pi kho Vasettha kayena dvaya-kari, vacaya dvaya-kari, manasa dvaya-kari, vitimissa-ditthiko, vitimissa-ditthi-kamma-samadana-hetu kayassa bheda param marana sukha-dukkha-patisam vedi hoti. Brahmano pi kho Vasettha

[page 097]

... pe ... Vesso pi kho Vasettha ... pe ... Suddo pi kho Vasettha ... pe ... Samano pi kho Vasettha kayena dvaya-kari, vacaya dvaya-kari, manasa dvaya-kari vitimissa-ditthiko vitimissa-ditthi-kamma-{samadana-hetu} kayassa bheda param marana sukha-dukkha-patisamvedi hoti.

30. 'Khattiyo pi kho Vasettha kayena samvuto, vacaya samvuto, manasa samvuto, satannam bodhi-pakkhiyanam dhammanam bhavanam anvaya ditthe va dhamme parinibbayati. Brahmano pi kho Vasettha ... pe ... Vesso pi kho Vasettha ... pe ... Suddo pi kho Vasettha ... pe ... Samano pi kho Vasettha kayena samvuto, vacaya samvuto, manasa samvuto, sattannam bodhi-pakkhiyanam dhammanam bhavanam anvaya ditthe va dhamme parinibbayati.

31. 'Imesam hi Vasettha catunnam vannanam yo hoti bhikkhu araham khinasavo kata-karaniyo ohita-bharo anuppatta-sadattho parikkhina-bhava-samyojano sammadanna vimutto, so nesam aggam akkhayati dhammen' eva no adhammena. Dhammo hi Vasettha settho jane tasmim ditthe c' eva dhamme abhisamparayan ca.

32. 'Brahmuna p' esa Vasettha {Sanamkumarena} gatha bhasita:

"'Khattiyo settho jane tasmim ye gotta-{patisarino},
Vijja-carana-sampanno so settho deva-manuse ti."

'Sa kho pan' esa Vasettha Brahmuna {Sanamkumarena} gatha sugita no duggita, subhasita no dubbhasita atthasamhita no anattha-samhita anumata maya. Aham pi Vasettha evam vadami:

[page 098]

"'Khattiyo settho jane tasmim ye gotta-patisarino,
Vijja-carana-sampanno settho deva-manuse ti."'

Idam avoca Bhagava. Attamana Vasettha-Bharadvaja Bhagavato bhasitam abhinandun ti.

Agganna-Suttantam Nitthitam Catuttham.

[page 099]

 


 

XXVIII. Sampasadaniya Suttanta

Evam me sutam.

1. Ekam samayam Bhagava Nalandayam viharati Pavarikambavane. Atha kho ayasma Sariputto yena Bhagava ten' upasamkami, upasamkamitva Bhagavantam abhivadetva ekamantam nisidi. Ekamantam nisinno kho ayasma Sariputto Bhagavantam etad avoca:

'Evam pasanno aham bhante Bhagavati, na cahu na ca bhavissati na c' etarahi vijjati anno Samano va Brahmano va Bhagavata bhiyyo 'bhinnataro yadidam sambodhiyan ti.'

'Ulara kho te ayam Sariputta asabhi vaca bhasita, ekamso gahito, siha-nado nadito: "Evam pasanno aham bhante Bhagavati, na cahu na ca bhavissati na c' etarahi vijjati anno Samano va Brahmano va Bhagavata bhiyyo 'bhinnataro yadidam sambodhiyan ti." Kin nu Sariputta ye te ahesum atitam addhanam arahanto Samma-Sambuddha, sabbe te Bhagavanto cetasa ceto paricca vidita, -Evam-sila te Bhagavanto ahesum iti pi, evam-dhamma

[page 100]

. . . evam-panna ... evam-vihari ... evam vimutta te Bhagavanto ahesum iti piti?'

'No h' etam bhante.'

'Kim pana Sariputta ye te bhavissanti anagatam addhanam arahanto Samma-Sambuddha, sabbe te Bhagavanto cetasa ceto paricca vidita, -- Evam-sila te Bhagavanto bhavissanti iti pi, evam-dhamma ... evam-panna ... evam-vihari ... evam-vimutta te Bhagavanto bhavissanti iti piti?'

'No h' etam bhante.'

'Kim pana Sariputta aham te etarahi araham SammaSambuddho cetasa ceto paricca vidito -- Evam-silo Bhagava iti pi, evam dhammo ... evam-panno ... evam-vihari ... evam-vimutto Bhagava iti piti?'

'No h' etam bhante.'

'Ettha carahi te Sariputta atitanagata-paccuppannesu arahantesu Samma-Sambuddhesu ceto-pariya-nanam n' atthi. Atha kin carahi te ayam Sariputta ulara asabhi vaca bhasita, ekamso gahito, siha-nado nadito -- Evam pasanno aham bhante Bhagavati, na cahu na ca bhavissati na c' etarahi vijjati anno Samano va Brahmano va Bhagavata bhiyyo 'bhinnataro yadidam sambodhiyan ti?'

2. 'Na kho me bhante atitanagata-paccuppannesu arahantesu Samma-Sambuddhesu ceto-pariya-nanam atthi.

Api ca me bhante dhammanvayo vidito. Seyyatha pi bhante ranno paccantimam nagaram dalhuddapam dalhapakara-toranam eka-dvaram,

[page 101]

tatr' assa dovariko pandito viyatto medhavi annatanam nivareta, natanam paveseta.

So tassa nagarassa samanta anupariyaya patham anukkamante na passeyya pakara-sandhim va pakaravivaram va {antamaso} bilala-nissakkana-mattam pi.

Tassa evam assa, -- "Ye kho keci olarika pana imam nagaram pavisanti va nikkhamanti va, sabbe te imina va dvarena pavisanti va nikkhamanti va ti." Evam eva kho me bhante dhammanvayo vidito. Ye te ahesum atitam addhanam arahanto Samma-Sambuddha, sabbe te Bhagavanto panca nivarane pahaya, cetaso upakkilese pannaya dubbali-karane, catusu satipatthanesu supatitthita-citta, satta bojjhange yatha-bhutam bhavetva anuttaram sammasambodhim abhisambujjhimsu. Ye pi te bhante bhavissanti anagatam addhanam arahanto Samma-Sambuddha, sabbe te Bhagavanto panca nivarane pahaya, cetaso upakkilese pannaya dubbali-karane, catusu satipatthanesu supatitthita-citta, satta bojjhange yatha-bhutam bhavetva, anuttaram samma-{sambodhim} abhisambujjhissanti. Bhagava pi bhante etarahi araham Samma-Sambuddho panca nivarane pahaya, cetaso upakkilese pannaya dubbalikarane, catusu satipatthanesu supatitthita-citto, satta bojjhange yatha-bhutam bhavetva, anuttaram sammasambodhim abhisambuddho. Idhaham bhante yena Bhagava ten' upasamkamim dhamma-savanaya.

[page 102]

Tassa me bhante Bhagava dhammam desesi uttaruttarim panita-panitam kanha-sukka-sappatibhagam. Yatha yatha me bhante Bhagava dhammam desesi uttaruttarim panita-panitam kanha-sukka-sappatibhagam, tatha tatha 'ham tasmim dhamme abhinna idh' ekaccam dhammam dhammesu nittham agamam, satthari pasidim, -- "SammaSambuddho Bhagava, svakkhato Bhagavata Dhammo, supatipanno Samgho ti."

3. 'Aparam pana bhante etad anuttariyam, yatha Bhagava dhammam deseti kusalesu dhammesu. Tatr' ime kusala dhamma, seyyathidam cattaro satipatthana, cattaro {samma-ppadhana}, cattaro iddhipada, panc' indriyani, panca balani, satta bojjhanga, ariyo atthangiko maggo. Idha bhante bhikkhu asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati. Etad anuttariyam bhante kusalesu dhammesu. Tam Bhagava asesam abhijanati. Tam Bhagavato asesam abhijanato uttarim abhinneyyam n' atthi, yad abhijanam anno Samano va Brahmano va Bhagavata bhiyyo 'bhinnataro assa yadidam kusalesu dhammesu.

4. 'Aparam pana bhante etad anuttariyam, yatha Bhagava dhammam deseti ayatana-pannattisu. Chay imani bhante ajjhattika-bahirani ayatanani, cakkhum c' eva rupa ca, sotan c' eva sadda ca, ghanan c' eva gandha ca, jivha c' eva rasa ca, kayo c' eva photthabba ca, mano c' eva dhamma ca. Etad {anuttariyam} bhante ayatanapannattisu. Tam Bhagava asesam abhijanati. Tam Bhagavato asesam abhijanato uttarim abhinneyyam n' atthi, yad abhijanam anno Samano va Brahmano va Bhagavata bhiyyo 'bhinnataro assa yadidam ayatana-pannattisu.

[page 103]

5. 'Aparam pana bhante etad anuttariyam, yatha Bhagava dhammam deseti gabbhavakkantisu. Catasso ima bhante gabbhavakkantiyo. Idha bhante ekacco asampajano c' eva matu kucchim okkamati, asampajano matu kucchismim thati, asampajano matu kucchisma nikkhamati. Ayam pathama gabbhavakkanti. Puna ca param bhante idh' ekacco sampajano pi kho matu kucchim okkamati, asampajano matu kucchismim thati, asampajano matu kucchisma nikkhamati. Ayam dutiya gabbhavakkanti. Puna ca param bhante idh' ekacco sampajano matu kucchim okkamati, sampajano matu kucchismim thati, asampajano matu kucchisma nikkhamati. Ayam tatiya gabbhavakkanti. Puna ca param bhante idh' ekacco sampajano c' eva matu-kucchim okkamati, sampajano matu kucchismim thati, sampajano matu kucchisma nikkhamati. Ayam catuttha gabbhavakkanti.

Etad anuttariyam bhante gabbhavakkantisu.

6. 'Aparam pana bhante etad anuttariyam, yatha Bhagava dhammam deseti adesana-vidhasu. Catasso ima bhante adesana-vidha. Idha bhante ekacco nimittena adisati -- Evam pi te mano, ittham pi te mano, iti pi te cittan ti. So bahum ce pi adisati -- Tath' eva tam hoti, no annatha, ayam pathama adesana-vidha. Puna ca param bhante idh' ekacco na h' eva kho nimittena adisati, api ca kho manussanam va amanussanam va devatanam va saddam sutva adisati -- Evam pi te mano, ittham pi te mano, iti pi te cittan ti. So bahun ce pi adisati -- Tath' eva tam hoti no annatha, ayam dutiya adesana-vidha. Puna ca param bhante idh' ekacco na h' eva kho nimittena adisati, na pi manussanam va amanussanam va devatanam va saddam sutva adisati, api ca kho vitakkayato vicarayato vitakka-vipphara-saddam sutva adisati -- Evam pi te mano,

[page 104]

ittham pi te mano, iti pi te cittan ti. So bahun ce pi adisati -- Tath' eva tam hoti no annatha, ayam tatiya adesana-vidha. Puna ca param bhante idh' ekacco na h' eva kho nimittena adisati, na pi manussanam va amanussanam va devatanam va saddam sutva adisati, na pi vitakkayato vicarayato vitakkavipphara-saddam sutva adisati, api ca kho avitakkam avicaram samadhim samapannassa cetasa ceto paricca pajanati -- Yatha imassa bhoto mano-samkhara panihita, tatha imassa cittassa anantara amum nama vitakkam vitakkessatiti. So bahun ce pi adisati -- Tath' eva tam hoti no annatha, ayam catuttha adesana-vidha. Etad anuttariyam bhante adesana-vidhasu.

7. 'Aparam pana bhante etad anuttariyam yatha Bhagava dhammam deseti dassana-samapattisu. Catasso ima bhante dassana-samapattiyo. Idha bhante ekacco Samano va Brahmano va atappam anvaya padhanam anvaya anuyogam anvaya appamadam anvaya sammamanasikaram anvaya tatha-rupam ceto-samadhim phusati yatha samahite citte imam eva kayam uddham pada-tala adho kesa-matthaka taca-pariyantam puram nanappakarassa asucino paccavekkhati:-- Atthi imasmim kaye kesa loma nakha danta taco mamsam naharu atthi atthi-minja vakkam hadayam yakanam kilomakam pihakam papphasam antam anta-gunam udariyam karisam pittam semham pubbo lohitam sedo medo assu vasa khelo singhanika lasika muttan ti. Ayam pathama dassana-samapatti. Puna ca param bhante idh' ekacco Samano va Brahmano va atappam anvaya padhanam anvaya anuyogam anvaya appamadam anvaya samma-manasikaram anvaya tatharupam ceto-samadhim phusati,

[page 105]

yatha samahite citte imam eva kayam uddham pada-tala adho kesa-matthaka tacapariyantam puram nanappakarassa asucino paccavekkhati:-- Atthi imasmim kaye kesa loma nakha danta taco mamsam naharu atthi atthi-minja vakkam hadayam yakanam kilomakam pihakam papphasam antam antagunam udariyam karisam pittam semham pubbo lohitam sedo medu assu vasa {khelo} singhanika lasika muttam. Atikkamma ca purisassa chavi-mamsa-lohitam atthim paccavekkhati. Ayam dutiya dassana-samapatti Puna ca param bhante ... pe ... atikkamma ca purisassa chavi-mamsa-lohitam atthim paccavekkhati, purisassa ca vinnana-sotam pajanati ubhayato abbocchinnam idha-loke patitthitan ca {paraloke} patitthitan ca.

Ayam tatiya dassana-samapatti. Puna ca param bhante ... pe ... atikkamma ca purisassa chavimamsa-lohitam atthim paccavekkhati, purisassa ca vinnanasotam pajanati ubhayato abbocchinnam idha-loke appatitthitan ca {paraloke} appatitthitan ca. Ayam catuttha dassana-samapatti. Etad anuttariyam bhante dassanasamapattisu.

8. 'Aparam pana bhante etad anuttariyam yatha Bhagava dhammam deseti puggala-pannattisu. Satt' ime bhante puggala, ubhato-bhaga-vimutto, panna-vimutto, kaya-{sakkhi}, ditthi-ppatto, saddha-vimutto, dhammanusari, saddhanusari. Etad anuttariyam bhante puggala-pannattisu.

9. 'Aparam pana bhante etad anuttariyam yatha Bhagava dhammam deseti padhanesu.

[page 106]

Satt' ime bhante bojjhanga, sati-sambojjhango, dhamma-vicaya-sambojjhango, viriyasambojjhango, piti-sambojjhango, passaddhi-sambojjhango, samadhi-sambojjhango, upekha-sambojjhango. Etad anuttariyam bhante padhanesu.

10. 'Aparam pana bhante etad anuttariyam yatha Bhagava dhammam deseti patipadasu. Catasso ima bhante patipada, dukkha patipada dandhabhinna, dukkha patipada khippabhinna, sukha patipada dandhabhinna, sukha patipada khippabhinna. Tatra bhante yayam patipada dukkha dandhabhinna, ayam bhante patipada ubhayen' eva hina akkhayati dukkhatta ca dandhatta ca. Tatra bhante yayam patipada dukkha khippabhinna, ayam bhante patipada dukkhatta hina akkhayati. Tatra bhante yayam patipada sukha dandhabhinna, ayam bhante patipada dandhatta hina akkhayati. Tatra bhante yayam patipada sukha khippabhinna, ayam bhante patipada ubhayen' eva panita akkhayati sukhatta ca khippatta ca.

Etad anuttariyam bhante patipadasu.

11. 'Aparam pana bhante etad anuttariyam, yatha Bhagava dhammam deseti bhassa-samacare. Idha bhante ekacco na c' eva musavadupasamhitam vacam bhasati, na ca vebhutiyam na ca {pesuniyam} na ca sarambhajam jayapekkho, manta manta vacam bhasati nidhanavatim kalena. Etad anuttariyam bhante bhassa-samacare.

12. 'Aparam pana bhante etad anuttariyam, yatha Bhagava dhammam deseti purisa-sila-samacare. Idha bhante ekacco sacco c' assa saddho ca, na ca kuhako, na ca lapako, na ca nemittiko, na ca nippesiko, na ca labhena labham nijigimsita,

[page 107]

indriyesu gutta-dvaro, bhojane mattannu, sama-kari, jagariyanuyogam anuyutto, atandito araddha-viriyo, nayi, satima, kalyanapatibhano, gatima, dhitima, mutima, na ca kamesu giddho, sato ca nipako ca. Etad anuttariyam bhante purisa-sila-samacare.

13. 'Aparam pana bhante etad anuttariyam yatha Bhagava dhammam deseti anusasana-vidhasu. Catasso ima bhante anusasana-vidha. Janati bhante Bhagava {parapuggalam} paccattam yoniso-manasikara, -- Ayam puggalo yathanusittham tatha patipajjamano, tinnam samyojananam parikkhaya sotapanno bhavissati avinipatadhammo niyato sambodhi-parayano ti. Janati bhante Bhagava {parapuggalam} paccattam yoniso-manasikara, -- Ayam puggalo yathanusittham tatha patipajjamano, tinnam samyojananam parikkhaya raga-dosamohanam tanutta {sakadagami} bhavissati, sakid eva imam lokam agantva dukkhass' antam karissatiti. Janati bhante Bhagava {parapuggalam} paccattam yoniso-manasikara, -- Ayam puggalo yathanusittham tatha patipajjamano, pancannam orambhagiyanam samyojananam parikkhaya opapatiko bhavissati, tattha parinibbayi anavattidhammo tasma loka ti. Janati bhante Bhagava {parapuggalam} paccattam yoniso-manasikara, -- Ayam puggalo {yathanusittham} tatha patipajjamano asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharissatiti. Etad anuttariyam bhante {anusasani}-vidhasu.

[page 108]

14. 'Aparam pana bhante etad anuttariyam yatha Bhagava dhammam deseti para-puggala-vimutti-nane.

Janati bhante Bhagava para-puggalam paccattam yonisomanasikara -- Ayam puggalo tinnam samyojananam parikkhaya sotapanno bhavissati avinipata-dhammo niyato sambodhi-parayano ti. Janati bhante Bhagava parapuggalam paccattam yoniso-manasikara, -- Ayam puggalo tinnam samyojananam parikkhaya raga-dosa-mohanam tanutta sakadagami sakid eva imam lokam agantva dukkhass' antam karissatiti. Janati bhante Bhagava param puggalam paccattam yoniso-manasikara, -- Ayam puggalo pancannam orambhagiyanam samyojananam parikkhaya opapatiko tattha parinibbayi anavatti-dhammo tasma loka ti. Janati bhante Bhagava param puggalam paccattam yoniso-manasikara, -- Ayam puggalo asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharissatiti. Etad anuttariyam bhante param puggalam vimutti-nane.

15. 'Aparam pana bhante etad anuttariyam yatha Bhagava dhammam deseti sassata-vadesu. Tayo 'me bhante sassata-vada. Idha bhante ekacco Samano va Brahmano va atappam anvaya padhanam anvaya anuyogam anvaya appamadam anvaya samma-manasikaram anvaya tatha-rupam ceto-samadhim phusati, yatha samahite citte aneka-vihitam pubbe-nivasam anussarati -- seyyathidam ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim pi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jati-sata-sahassam pi anekani pi jati-satani anekani pi jati-sahassani anekani pi jati-sata-sahassani. "Amutrasim evam-namo evamgotto evam-vanno evam-aharo evam-sukha-dukkha-patisamvedi evam-ayu-pariyanto.

[page 109]

So tato cuto amutra upapadim. Tatrapasim evam-namo evam-gotto evam-vanno evamaharo evam-sukha-dukkha-patisamvedi evam-ayu-pariyanto.

So tato cuto idhupapanno ti" -- iti sakaram sa-uddesam aneka-vihitam pubbe-nivasam anussarati. So evam aha:

"Atitam {p' aham} addhanam janami, samvatti va loko vivatti va ti, -- anagatam {p' aham} addhanam na janami, {samvattissati} va loko vivattissati va ti. Sassato atta ca loko ca vanjho kutattho esika-tthayi-tthito, te ca satta sandhavanti samsaranti cavanti upapajjanti, atthi tv eva sassati-saman ti." Ayam pathamo sassata-vado. Puna ca param bhante idh' ekacco Samano va Brahmano va atappam anvaya padhanam anvaya anuyogam anvaya appamadam anvaya samma-manasikaram anvaya tatharupam ceto-samadhim phusati yatha samahite citte anekavihitam pubbe-nivasam anussarati -- seyyathidam ekam pi samvatta-vivattam dve pi samvatta-vivattani tini pi samvatta-vivattani cattari pi samvatta-vivattani panca pi samvatta-vivattani dasa pi samvatta-vivattani visam pi samvatta-vivattani. "Amutrasim evam-namo evam-gotto evam-vanno evam-aharo evam-sukha-dukkha-patisamvedi evam-ayu-pariyanto. So tato cuto amutra upapadim.

Tatrapasim evam-namo evam-gotto evam-vanno evamaharo evam-sukha-dukkha-patisamvedi evam-ayu-pariyanto.

So tato cuto idhupapanno ti" -- iti sakaram sa-uddesam aneka-vihitam pubbe-nivasam anussarati. So evam aha:

"Atitam kho aham addhanam janami, samvatti pi loko vivatti pi loko, anagatam ca kho aham addhanam janami samvattissati va loko vivattissati va ti.

[page 110]

Sassato atta ca loko ca vanjho kutattho esikatthayitthito, te ca satta sandhavanti samsaranti cavanti upapajjanti, atthi tv eva sassati-saman ti." Ayam dutiyo sassata-vado. Puna ca param bhante idh' ekacco Samano va Brahmano va atappam anvaya ... pe ... tatha-rupam ceto samadhim phusati yatha samahite citte aneka-vihitam pubbe-nivasam anussarati -- seyyathidam dasa pi samvattavivattani visatim pi samvatta-vivattani timsam pi samvatta-vivattani cattarisam pi samvatta-vivattani. "Amutrasim evam-namo evam-gotto evam-vanno evam-aharo evam-sukha-dukkha-patisamvedi evam-ayu-pariyanto. So tato cuto amutra upapadim. Tatrapasim evam-namo evamgotto evam-vanno evam-aharo evam-sukha-dukkha-patisamvedi evam-ayu-pariyanto. So tato cuto idhupapanno ti" -- iti sakaram sa-uddesam aneka-vihitam pubbe-nivasam anussarati. So evam aha: "Atitam {p' aham} addhanam janami samvatti pi loko vivatti pi loko, anagatam {p' aham} addhanam janami samvattissati pi loko vivattissati pi loko ti. Sassato atta ca loko ca vanjho kutattho esikatthayitthito. te ca satta sandhavanti samsaranti cavanti upapajjanti, atthi tv eva sassati-saman ti." Ayam tatiyo sassatavado. Etad anuttariyam bhante sassata-vadesu.

16. 'Aparam pana bhante etad anuttariyam yatha Bhagava dhammam deseti pubbe-nivasanussati-nane.

Idha bhante ekacco Samano va Brahmano va atappam anvaya ... pe ... tatha-rupam ceto-samadhim phusati yatha samahite citte aneka-vihitam pubbe-{nivasam} anussarati -- seyyathidam ekam pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim pi jatiyo timsam pi jatiyo cattarisam pi jatiyo pannasam pi jatiyo jati-satam pi jati-sahassam pi jatisata-sahassam pi aneke pi samvatta-kappe aneke pi vivatta-kappe aneke pi samvatta-vivatta-kappe.

[page 111]

"{Amutrasim} evam-namo evam-gotto evam-vanno evam-aharo evam-sukha-dukkha-patisamvedi evam-ayu-pariyanto. So tato cuto amutra upapadim. Tatrapasim evam-namo evamgotto evam-vanno evam-aharo evam-sukha-dukkha-patisamvedi evam-ayu-pariyanto. So tato cuto idhupapanno ti" -- iti sakaram sa-uddesam aneka-vihitam pubbe-nivasam anussarati. Santi bhante deva yesam na sakka gananaya va samkhato va ayum samkhatum, api ca yasmim yasmim atta-bhave abhinivuttha-pubbam hoti yadi va rupisu yadi va arupisu yadi va sannisu yadi va asannisu yadi va nevasanni-nasannisu, iti sakaram sa-uddesam pubbe-nivasam anussarati. Etad anuttariyam bhante pubbe-nivasanussatinane.

17. 'Aparam pana bhante etad anuttariyam yatha Bhagava dhammam deseti sattanam cutupapata-nane.

Idha bhante ekacco Samano va Brahmano va atappam anvaya padhanam anvaya ... pe ... tatha-rupam cetosamadhim phusati yatha samahite citte dibbena cakkhuna visuddhena atikkanta-manusakena satte passati cavamane uppajjamane hine panite suvanne dubbanne sugate duggate yatha-kammupage satte pajanati: "Ime vata bhonto satta kaya-duccaritena samannagata vaci-duccaritena samannagata mano-duccaritena samannagata ariyanam upavadaka miccha-ditthika miccha-ditthi-kamma-samadana, te kayassa bheda param marana apayam duggatim vinipatam nirayam upapanna. Ime va pana bhonto satta kaya-sucaritena samannagata vaci ... pe ... manosucaritena samannagata ariyanam anupavadaka sammaditthika samma-ditthi-kamma-samadana, te kayassa bheda param marana sugatim saggam lokam upapanna ti."

[page 112]

Iti dibbena cakkhuna visuddhena atikkanta-manusakena satte passati cavamane upapajjamane hine panite suvanne dubbanne sugate duggate yatha-kammupage satte pajanati.

Etad {anuttariyam} bhante sattanam cutupapata-nane.

18. 'Aparam pana bhante etad anuttariyam yatha Bhagava dhammam deseti iddhi-vidhasu. Dve 'ma bhante iddhiyo. Atthi bhante iddhi ya sasava sa-upadhika "no ariya ti" vuccati. Atthi bhante iddhi ya anasava anupadhika "ariya ti" vuccati. Katama ca bhante iddhi ya sasava sa-upadhika "no ariya ti" vuccati? Idha bhante ekacco Samano va Brahmano va atappam anvaya padhanam anvaya anuyogam anvaya appamadam anvaya samma-manasikaram anvaya tatha-rupam ceto-samadhim phusati yatha-samahite citte aneka-vihitam iddhi-vidham paccanubhoti. Eko pi hutva bahudha hoti, bahudha pi hutva eko hoti, avibhavam tiro-bhavam tiro-kuddam tiropakaram tiro-pabbatam asajjaman gacchati seyyatha pi akase, pathaviya pi ummujja-nimujjam karoti seyyatha pi udake, udake pi abhijjamano gacchati seyyatha pi pathaviyam, akase pi pallankena kamati seyyatha pi pakkhi-sakuno, ime pi candima-suriye evam-mahiddhike evam-mahanubhave panina parimasati parimajjati, yava Brahma-loka pi kayena vasam vatteti. Ayam bhante iddhi ya sasava sa-upadhika "no ariya ti" vuccati. Katama ca bhante iddhi ya anasava anupadhika "ariya ti" vuccati? Idha bhante bhikkhu sace akankhati -- "Patikkule appatikkula-sanni vihareyyan ti," appatikkulasanni tattha viharati. Sace akankhati -- "Appatikkule patikkula-sanni vihareyyan ti,"

[page 113]

patikkula-sanni tattha viharati. Sace akankhati -- "Patikkule ca appatikkule ca appatikkula-sanni vihareyyan ti," appatikkula-sanni tattha viharati. Sace akankhati -- "{Appatikkule} ca patikkule ca patikkula-sanni vihareyyan ti," patikkula-sanni tattha viharati. Sace akankhati -- "Patikkulan ca appatikkulan ca tad ubhayam abhinivajjetva upekhako vihareyyam sato sampajano ti," upekhako tattha viharati sato sampajano. Ayam bhante iddhi anasava anupadhika "ariya ti" vuccati.

'Etad anuttariyam bhante iddhi-vidhasu. Tam Bhagava asesam abhijanati. Tam Bhagavato asesam abhijanato uttarim abhinneyyam n' atthi yad abhijanam anno Samano va Brahmano va Bhagavata bhiyyo 'bhinnataro assa yadidam iddhi-vidhasu.

20. 'Yan tam bhante saddhena kula-puttena pattabbam araddha-viriyena thamavata purisa-thamena purisa-viriyena purisa-parakkamena purisa-dhorayhena, anuppattam tam Bhagavata. Na ca bhante Bhagava kamesu kamasukhallikanuyoga-yutto hinam gammam pothujjanikam anariyam anattha-samhitam, na ca atta-kilamathanuyogam anuyutto dukkham anariyam anattha-samhitam, catunnam Bhagava jhananam abhicetasikanam dittha-dhammasukha-viharanam nikama-labhi akiccha-labhi akasira-labhi.

Sace mam bhante evam puccheyya -- "Kin nu kho avuso Sariputta, ahesum atitam addhanam anne Samana va Brahmana va Bhagavata bhiyyo 'bhinnatara sambodhiyan ti?" Evam puttho aham bhante "No ti" vadeyyam. "Kim pan' avuso Sariputta bhavissanti anagatam addhanam anne Samana va Brahmana va Bhagavata bhiyyo 'bhinnatara sambodhiyan ti?" Evam puttho aham bhante "No ti" vadeyyam.

[page 114]

"Kim pan' avuso Sariputta, atth' etarahi anno Samano va Brahmano va Bhagavata bhiyyo '{bhinnataro} sambodhiyan ti?" Evam puttho aham bhante "No ti" vadeyyam. Sace pana mam bhante evam puccheyya -- "Kin nu kho avuso Sariputta ahesum atitam addhanam anne Samana va Brahmana va Bhagavata samasama sambodhiyan ti?" Evam puttho aham bhante "Evan ti" vadeyyam. "Kim pan' avuso Sariputta, bhavissanti anagatam addhanam anne Samana va Brahmana va Bhagavata samasama sambodhiyan ti?" Evam puttho aham bhante "Evan" ti vadeyyam. "Kim pan' avuso Sariputta atth' etarahi anno Samano va Brahmano Bhagavata samasamo sambodhiyan ti?" Evam puttho aham bhante "No ti" vadeyyam. Sace pana mam bhante evam puccheyya -- "Kasma pan' ayasma Sariputto ekaccam abbhanujanati ekaccam nabbhanujanatiti?" Evam puttho aham bhante evam vyakareyyam -- "Sammukha me tam avuso Bhagavato sutam, sammukha patiggahitam:

'Ahesum atitam addhanam arahanto Samma-Sambuddha maya samasama sambodhiyan ti.' Sammukha me tam avuso Bhagavato sutam, sammukha patiggahitam: 'Bhavissanti anagatam addhanam arahanto Samma-Sambuddha maya samasama sambodhiyan ti.' Sammukha me tam avuso Bhagavato sutam, sammukha patiggahitam: 'Atthanam etam anavakaso yam ekissa loka-dhatuya dve arahanto Samma-Sambuddha apubbam acarimam uppajjeyyum. N' etam thanam vijjatiti.' " Kaccaham bhante evam puttho evam vyakaramano vutta-vadi c' eva Bhagavato homi,

[page 115]

na ca Bhagavantam abhutena abbhacikkhami, dhammassa canudhammam vyakaromi, na ca koci sahadhammiko vadanuvado garayham thanam agacchatiti.'

'Taggha tvam Sariputta evam puttho evam vyakaramano vutta-vadi c' eva mama hosi, na ca mam abhutena abbhacikkhasi, dhammassa canudhammam vyakarosi, na ca koci sahadhammiko vadanuvado garayham thanam agacchatiti.'

21. Evam vutte ayasma Udayi Bhagavantam etad avoca:

'Acchariyam bhante abbhutam bhante Tathagatassa appicchata santutthita sallekhata, yatra hi nama Tathagato evam mahiddhiko evam mahanubhavo, atha ca pana na attanam {patu-karissati}. Ekamekan ce pi ito bhante dhammam anna-titthiya paribbajaka attani samanupasseyyum, te tavataken' eva patakam parihareyyum.

Acchariyam bhante abbhutam bhante Tathagatassa appicchata santutthita sallekhata, yatra hi nama Tathagato evam mahiddhiko evam mahanubhavo, atha ca pana na attanam {patu-karissatiti}.'

'Passa kho tvam Udayi: "Tathagatassa appicchata santutthita sallekhata, yatra hi nama Tathagato evam mahiddhiko evam mahanubhavo, atha ca pana na attanam {patu-karissatiti}." Ekamekan ce pi ito Udayi dhammam anna-titthiya paribbajaka attani samanupasseyyum, te tavataken' eva {patakam} parihareyyum. Passa kho tvam Udayi: "Tathagatassa appicchata santutthita sallekhata, yatra hi nama Tathagato evam mahiddhiko evam mahanubhavo, atha ca pana na attanam {patu-karissatiti}."

[page 116]

22. Atha kho Bhagava ayasmantam Sariputtam amantesi: 'Tasmat iha tvam Sariputta imam dhamma-pariyayam abhikkhanam bhaseyyasi bhikkhunam bhikkhuninam upasakanam upasikanam. Yesam pi hi Sariputta moghapurisanam bhavissati Tathagate kankha va vimati va, tesam pi imam dhamma-pariyayam sutva ya Tathagate kankha va vimati va sa pahiyissatiti.'

Iti h' idam ayasma Sariputto Bhagavato sammukha sampasadam pavedesi. Tasma imassa veyyakaranassa 'Sampasadaniyan' t' eva adhivacanan ti.

Sampasadaniya-Suttantam

Pancamam.

[page 117]

 


 

XXIX. Pasadika Suttanta

Evam me sutam.

1. Ekam samayam Bhagava Sakkesu viharati. (Vedhanna nama Sakya, tesam ambavane pasade). Tena kho pana samayena Nigantho Nathaputto Pavayam adhuna kalakato hoti. Tassa kalakiriyaya bhinna Nigantha dvedhikajata bhandana-jata kalaha-jata vivadapanna annamannam mukha-sattihi vitudanta viharanti -- 'Na tvam imam dhamma-vinayam ajanasi, aham imam dhammavinayam ajanami, kim tvam imam dhamma-vinayam ajanissasi? -- Miccha-patipanno tvam asi, aham asmi samma-patipanno, -- Sahitam me, asahitan te, -- Pure vacaniyam paccha avaca, {paccha} vacaniyam pure avaca, -Avicinnan te viparavattam -- Aropito te vado, niggahito 'si -- Cara vadappamokkhaya, nibbethehi va sace pahositi.' Vadho yeva kho manne Niganthesu Nathaputtiyesu vattati. Ye pi Niganthassa Nathaputtassa savaka gihi odata-vasana,

[page 118]

te pi Niganthesu Nathaputtiyesu nibbinnarupa viratta-rupa pativana-rupa, yatha tam durakkhate dhamma-vinaye duppavedite aniyyanike anupasamasamvattanike {asamma-sambuddha}-ppavedite bhinna-thupe appatisarane.

2. Atha kho Cundo Samanuddeso Pavayam vassam vuttho, yena Samagamo yen' ayasma Anando ten' upasamkami, upasamkamitva ayasmantam Anandam abhivadetva ekamantam nisidi. Ekamantam nisinno kho Cundo Samanuddeso ayasmantam Anandam etad avoca:

'Nigantho bhante Nathaputto Pavayam adhuna kalakato.

Tassa kalakiriyaya bhinna Nigantha dvedhika-jata ... pe ... bhinna-thupe appatisarane ti.'

Evam vutte ayasma Anando Cundam Samanuddesam etad avoca: 'Atthi kho idam avuso Cunda katha-pabhatam Bhagavantam dassanaya, ayam' avuso Cunda, yena Bhagava ten' upasamkamissama, upasamkamitva etam attham Bhagavato arocessamati.'

'Evam bhante ti' kho Cundo Samanuddeso ayasmato Anandassa paccassosi.

3. Atha kho ayasma ca Anando Cundo ca Samanuddeso yena Bhagava ten' {upasamkamimsu}, upasamkamitva Bhagavantam abhivadetva ekamantam {nisidimsu.} Ekamantam nisinno kho ayasma Anando Bhagavantam etad avoca:

'Ayam bhante Cundo Samanuddeso evam aha -- Nigantho Nathaputto Pavayam adhuna kalakato. Tassa kalakiriyaya bhinna Nigantha dvedhika-jata ... pe ... bhinna-thupe appatisarane ti.

'Evam h' etam Cunda hoti durakkhate dhamma-vinaye duppavedite aniyyanike anupasama-samvattanike asammasambuddha-ppavedite.

[page 119]

4. Idha Cunda sattha ca hoti asamma-sambuddho;

dhammo ca durakkhato duppavedito aniyyaniko anupasamasamvattaniko asammasambuddha-ppavedito; savako ca tasmim dhamme na dhammanudhamma-{patipanno} viharati na samici-patipanno na anudhamma-cari, vokkamma ca tamha dhamma vattati. So evam assa vacaniyo -- 'Tassa te avuso labha, tassa te suladdham, sattha ca te asammasambuddho, dhammo ca durakkhato duppavedito {aniyyaniko} anupasama-samvattaniko asammasambuddha-ppavedito, tvan ca tasmim dhamme na dhammanudhammapatipanno viharasi na samici-patipanno na anudhammacari, vokkamma ca tamha dhamma vattasiti.' Iti kho Cunda {sattha} pi tattha garayho, dhammo pi tattha garayho, savako ca tattha evam pasamso. Yo kho Cunda evarupam savakam evam vadeyya -- 'Et' ayasma tatha patipajjatu yatha te satthara dhammo desito pannatto ti,' yo ca samadapeti yan ca samadapeti yo ca samadapito tathattaya patipajjati, sabbe te bahum apunnam pasavanti.

Tam kissa hetu? Evam h' etam Cunda hoti durakkhate dhamma-vinaye duppavedite aniyyanike anupasama-samvattanike asammasambuddha-ppavedite.

5. Idha pana Cunda sattha ca hoti asamma-sambuddho, dhammo ca durakkhato duppavedito aniyyaniko anupasamasamvattaniko asammasambuddha-ppavedito, {savako} ca tasmim dhamme dhammanudhamma-patipanno viharati samici-patipanno anudhamma-cari, samadaya tam dhammam vattati. So evam assa vacaniyo -- 'Tassa te avuso alabha, tassa te dulladdham, sattha ca te asammasambuddho,

[page 120]

dhammo ca durakkhato duppavedito aniyyaniko anupasama-samvattaniko asammasambuddha-ppavedito, tvan ca tasmim dhamme dhammanudhammapatipanno viharasi samici-patipanno anudhamma-cari, samadaya tam dhammam vattasiti.' Iti kho Cunda sattha pi tattha garayho, dhammo pi tattha garayho, savako pi tattha evam garayho. Yo kho Cunda evarupam savakam evam vadeyya -- 'Addha yasma naya-patipanno nayam aradhessatiti,' yo ca pasamsati yan ca pasamsati yo ca pasattho bhiyyoso-mattaya viriyam arabhati, sabbe te bahum apunnam pasavanti. Tam kissa hetu? Evam h' etam Cunda hoti durakkhate dhamma-vinaye duppavedite aniyyanike anupasama-samvattanike {asamma-sambuddha}ppavedite.

6. Idha pana Cunda sattha ca hoti Samma-Sambuddho dhammo ca svakkhato suppavedito niyyaniko upasamasamvattaniko SammaSambuddha-ppavedito, savako ca tasmim dhamme na dhammanudhamma-patipanno viharati na samici-patipanno na anudhamma-cari, vokkamma ca tamha dhamma vattati. So evam assa vacaniyo -- 'Tassa te avuso alabha, tassa te dulladdham, sattha ca te SammaSambuddho, dhammo ca svakkhato suppavedito niyyaniko upasama-samvattaniko SammaSambuddha-ppavedito, tvan ca tasmim dhamme na dhammanudhamma-patipanno viharasi na samici-patipanno na anudhamma-cari, vokkamma ca tamha dhamma vattasiti.' Iti kho Cunda sattha pi tattha pasamso, dhammo pi tattha pasamso, savako ca tattha evam garayho. Yo kho Cunda evarupam savakam evam vadeyya -- 'Et' ayasma tatha patipajjatu yatha te satthara dhammo desito pannatto ti,' yo ca samadapeti yan ca samadapeti yo ca samadapito tathattaya patipajjati, sabbe te bahum punnam pasavanti. Tam kissa hetu? Evam h' etam Cunda hoti svakkhate dhammavinaye suppavedite niyyanike upasama-samvattanike SammaSambuddha-ppavedite.

[page 121]

7. Idha pana Cunda sattha ca hoti Samma-Sambuddho, dhammo ca svakkhato suppavedito niyyaniko upasamasamvattaniko SammaSambuddha-ppavedito, savako ca tasmim dhamme dhammanudhamma-patipanno viharati samici-patipanno anudhamma-cari, samadaya tam dhammam vattati. So evam assa vacaniyo -- 'Tassa te avuso labha, tassa te suladdham, sattha ca te araham {Samma-} Sambuddho dhammo ca svakkhato suppavedito niyyaniko upasama-samvattaniko SammaSambuddha-ppavedito, tvan ca tasmim dhamme dhammanudhamma-patipanno viharasi, samici-patipanno anudhamma-cari, samadaya tam dhammam vattasiti.' Iti kho Cunda sattha pi tattha pasamso, dhammo pi tattha pasamso, savako pi tattha evam pasamso. Yo kho Cunda evarupam savakam evam vadeyya -- 'Addha yasma naya-patipanno {nayam} aradhessatiti,' yo ca pasamsati yan ca pasamsati, yo ca pasattho bhiyyosomattaya viriyam arabhati, sabbe te bahum punnam pasavanti. Tam kissa hetu? Evam h' etam Cunda hoti svakkhate dhamma-vinaye suppavedite niyyanike upasamasamvattanike SammaSambuddha-ppavedite.

8. Idha pana Cunda sattha ca loke udapadi araham Samma-Sambuddho, dhammo ca svakkhato suppavedito niyyaniko upasama-samvattaniko SammaSambuddha-ppavedito, avinnapitattha c' assa honti savaka saddhamme, na ca tesam kevalam paripuram brahmacariyam avikatam hoti uttani-katam sabba-sangaha-pada-katam sappatihirakatam yavad eva manussehi suppakasitam,

[page 122]

atha nesam satthuno antaradhanam hoti. Evarupo kho Cunda sattha savakanam kalakato anutappo hoti. Tam kissa hetu? 'Sattha ca no loke udapadi araham SammaSambuddho, dhammo ca svakkhato suppavedito niyyaniko upasama-samvattaniko SammaSambuddha-ppavedito, avinnapitattha c' amha saddhamme, na ca no kevalam paripuram brahmacariyam avikatam hoti uttani-katam sabbasangaha-pada-katam sappatihira-katam yavad eva manussehi suppakasitam, atha no satthuno antaradhanam hotiti.' Evarupo kho Cunda sattha savakanam kalakato anutappo hoti.

9. Idha pana Cunda sattha ca loke udapadi araham Samma-Sambuddho, dhammo ca svakkhato suppavedito niyyaniko upasama-samvattaniko SammaSambuddha-ppavedito, vinnapitattha c' assa honti savaka saddhamme, kevalan ca tesam paripuram brahmacariyam avikatam hoti uttani-katam sabba-sangaha-pada-katam sappatihira-katam yavad eva manussehi suppakasitam, atha nesam satthuno antaradhanam hoti. Evarupo kho Cunda sattha savakanam kalakato ananutappo hoti. Tam kissa hetu? 'Sattha ca no loke udapadi araham Samma-Sambuddho, dhammo ca svakkhato suppavedito niyyaniko upasamasamvattaniko SammaSambuddha-ppavedito, vinnapitattha c' amha saddhamme, kevalan ca no paripuram brahmacariyam avikatam hoti uttani-katam sabba-sangaha-padakatam sappatihira-katam yavad eva manussehi suppakasitam,

[page 123]

atha no satthuno antaradhanam hotiti.' Evarupo kho Cunda sattha savakanam kalakato ananutappo hoti.

10. Etehi ce pi Cunda angehi samannagatam brahmacariyam hoti, no ca kho sattha hoti thero rattannu cirapabbajito addha-gato vayo anuppatto, evam tam brahmacariyam aparipuram hoti ten' angena. Yato ca kho Cunda etehi c' eva angehi samannagatam brahmacariyam hoti, sattha ca hoti thero rattannu cira-pabbajito addhagato vayo anuppatto, evan tam brahmacariyam paripuram hoti ten' angena.

11. Etehi ce pi Cunda angehi samannagatam brahmacariyam hoti, sattha ca hoti thero rattannu cira-pabbajito addha-gato vayo anuppatto, no ca kho assa thera bhikkhu savaka honti vyatta vinita visarada patta-yogakkhema, alam samakkhatum saddhammassa, alam uppannam parappavadam sahadhammena suniggahitam niggahetva sappatihariyam dhammam desetum; evam tam brahmacariyam aparipuram hoti ten' angena.

12. Yato ca kho Cunda etehi c' eva angehi samannagatam brahmacariyam hoti, sattha ca hoti thero rattannu cira-pabbajito addha-gato vayo anuppatto, thera c' assa bhikkhu savaka honti ... pe ... no ca khv assa majjhima bhikkhu savaka honti ... pe ... majjhima 'ssa bhikkhu savaka honti ... pe ... no ca khv assa nava bhikkhu savaka honti ... pe ... nava c' assa bhikkhu savaka honti ... pe ... no ca khv assa thera bhikkhuniyo savika honti ... pe ... thera c' assa bhikkhuniyo savika honti ... pe ... no ca khv assa majjhima bhikkhuniyo savika honti

[page 124]

... pe ... majjhima c' assa {bhikkhuniyo} savika honti ... pe ... no ca khv assa nava bhikkhuniyo savika honti ... pe ... nava c' assa bhikkhuniyo savika honti ... pe ... no ca khv assa upasaka savaka honti gihi odata-vasana brahmacarino

. . . pe ... upasaka c' assa savaka honti gihi odatavasana brahmacarino ... pe ... no ca khv assa upasaka savaka honti gihi odata-vasana kama-bhogino ... pe ... upasaka c' assa savaka honti gihi odata-vasana kamabhogino ... pe ... no ca khv assa upasika savika honti gihiniyo odata-vasana brahmacariniyo ... pe ... upasika c' assa savika honti gihiniyo odata-vasana brahmacariniyo ... pe ... no ca khv assa upasika savika honti gihiniyo odata-vasana kama-bhoginiyo ... pe ... upasika c' assa savika honti gihiniyo odata-vasana kamabhoginiyo ... pe ... no ca khv assa brahmacariyam iddhan c' eva hoti phitan ca vittharikam bahu-jannam

puthu-bhutam yavad eva-manussehi suppakasitam ... pe

. . . brahmacariyam c' assa hoti iddhan c' eva phitan ca vittharikam bahu-jannam puthu-bhutam yavad eva manussehi suppakasitam, no ca kho labhagga-yasagga-ppattam, evan tam brahmacariyam aparipuram hoti ten' {angena}.

13. Yato ca kho Cunda etehi c' eva angehi {samannagatam} brahmacariyam hoti sattha ca hoti thero rattannu cirapabbajito addha-gato vayo anuppatto, thera c' assa bhikkhu savaka honti vyatta vinita ... pe ... sappatihariyam dhammam desetum, majjhima c' assa bhikkhu savaka honti, nava c' assa bhikkhu savaka honti, thera c' assa bhikkhuniyo savika honti, majjhima c' assa bhikkhuniyo savika honti, nava c' assa bhikkhuniyo savika honti, upasaka c' assa savaka honti gihi odata-vasana brahmacarino,

[page 125]

upasaka c' assa savaka honti gihi odata-vasana kama-bhogino, upasika c' assa savika honti gihiniyo odatavasana brahmacariniyo, upasika c' assa savika honti gihiniyo odata-vasana kama-bhoginiyo, brahmacariyam c' assa hoti iddhan c' eva phitan ca vittharikam bahujannam puthu-bhutam yavad eva manussehi suppakasitam labhagga-yasagga-ppattan ca, evam tam brahmacariyam paripuram hoti ten' angena.

14. Aham kho pana Cunda etarahi sattha loke uppanno araham Samma-Sambuddho, dhammo ca svakkhato suppavedito niyyaniko upasama-samvattaniko SammaSambuddha-ppavedito, vinnapitattha ca me savaka saddhamme, kevalan ca tesam paripuram brahmacariyam avikatam uttani-katam sangaha-pada-katam sappatihirakatam yavad eva manussehi suppakasitam. Aham kho pana Cunda etarahi sattha thero rattannu cira-pabbajito addha-gato vayo anuppatto.

15. Santi kho pana me Cunda etarahi thera bhikkhu savaka vyatta vinita visarada patta-yoga-kkhema, alam samakkhatum saddhammassa, alam uppannam parappavadam sahadhammena suniggahitam niggahetva sappatihariyam dhammam desetum. Santi kho pana me Cunda majjhima bhikkhu savaka vyatta. Santi kho pana me Cunda etarahi nava bhikkhu savaka. Santi kho pana me Cunda etarahi thera bhikkhuniyo savika. Santi kho pana me Cunda etarahi majjhima bhikkhuniyo savika.

Santi kho pana me Cunda etarahi nava bhikkhuniyo savika. Santi kho pana me Cunda etarahi upasaka savaka gihi odata-vasana brahmacarino. Santi kho pana me Cunda etarahi upasaka savaka gihi odata-vasana kamabhogino. Santi kho pana me Cunda etarahi upasika savika gihiniyo odata-vasana brahmacariniyo. Santi kho pana me Cunda etarahi upasika savika gihiniyo odatavasana kama-bhoginiyo

[page 126]

... pe ... etarahi kho pana me Cunda brahmacariyam iddhan ca phitan ca vittharikam bahu-jannam puthu-bhutam {yavad} eva manussehi suppakasitam.

16. Yavata kho Cunda etarahi sattharo loke uppanna, naham Cunda annam ekam sattharam pi samanupassami evam labhagga-yasagga-ppattam yatharivaham. Yavata kho Cunda etarahi samgha va gana loke uppanna, naham Cunda annam ekam samgham pi samanupassami evam labhagga-yasagga-ppattam yathariva Cunda bhikkhusangho. Yam kho tam Cunda samma-vadamano vadeyya -- 'Sabbakara-sampannam sabbakara-paripuram anunam anadhikam svakkhatam kevala-paripuram brahmacariyam suppakasitan ti,' idam eva tam samma-vadamano vadeyya -- 'Sabbakara-sampannam ... pe ... brahmacariyam suppakasitan ti.' Uddako sudam Cunda Ramaputto evam vacam bhasati: 'Passan na passatiti.' Kin ca passan na passatiti? Khurassa sadhu-nisitassa talam assa passati, dharan ca kho tassa na passati. Idam vuccati Cunda -'Passan na passatiti.' Tam kho pan' etam Cunda -Uddakena Ramaputtena bhasitam hinam gammam pothujjanikam anariyam anattha-samhitam khuram eva sandhaya. Yan ca tam Cunda samma-vadamano vadeyya --

[page 127]

'Passam na passatiti,' idam eva tam samma-vadamano vadeyya -- 'Passam na passatiti.' {Kin ca} passam na passatiti? Evam sabbakara-sampannam sabbakara-paripuram anunam anadhikam svakkhatam kevala-paripuram brahmacariyam suppakasitan ti. Iti h' etam passati, idam ettha apakaddheyya, evan tam parisuddhataram assati. Iti h' etam na passati, idam ettha upakaddheyya, evan tam paripuram assati. Iti h' etam na passati, idam vuccati -'Passam na passatiti.' Yam kho tam Cunda sammavadamano vadeyya -- 'Sabbakara-sampannam ... pe ... brahmacariyam suppakasitan ti,' idam etam sammavadamano vadeyya -- 'Sabbakara-sampannam sabbakaraparipuram anunam anadhikam svakkhatam kevala-paripuram brahmacariyam suppakasitan ti.'

17. Tasmat iha Cunda ye vo maya dhamma abhinna desita, tattha sabbeh' eva sangamma samagamma atthena attham vyanjanena vyanjanam sangayitabbam na vivaditabbam, yathayidam brahmacariyam addhaniyam assa cira-tthitikam, tad assa bahujana-hitaya bahujana-sukhaya lokanukampaya atthaya hitaya sukhaya deva-manussanam.

Katame ca te Cunda maya dhamma abhinna desita yattha sabbeh' eva sangamma samagamma atthena attham vyanjanena vyanjanam sangayitabbam na vivaditabbam, yathayidam brahmacariyam addhaniyam assa cira-tthitikam, tad assa bahujana-hitaya bahujana-sukhaya {lokanukampaya} atthaya hitaya sukhaya deva-manussanam? Seyyathidam cattaro satipatthana, cattaro samma-{ppadhana,} cattaro iddhi-pada, panc' indriyani, panca balani, satta bojjhanga,

[page 128]

ariyo atthangiko Maggo. Ime kho te Cunda dhamma maya abhinna desita, yattha sabbeh' eva samgamma samagamma atthena attham vyanjanena vyanjanam sangayitabbam na vivaditabbam, yathayidam brahmacariyam addhaniyam assa cira-{tthitikam}, tad assa bahujana-hitaya bahujana-sukhaya lokanukampaya atthaya hitaya sukhaya deva-manussanam.

18. Tesan ca vo Cunda samagganam sammodamananam avivadamananam sikkhitabbam, annataro sabrahmacari sanghe dhammam bhaseyya. Tatra ce tumhakam evam assa -- 'Ayam kho ayasma atthan c' eva miccha {ganhati}, vyanjanani ca miccha ropetiti,' tassa n' eva abhinanditabbam na patikkositabbam. Anabhinanditva appatikkositva so evam assa vacaniyo -- 'Imassa nu kho avuso atthassa imani va vyanjanani etani va vyanjanani, katamani opayikatarani; imesam va vyanjananam ayam va attho eso va attho, katamo opayikataro ti?' So ce evam vadeyya -- 'Imassa kho avuso atthassa iman' eva vyanjanani opayikatarani yani c' eva etani, imesam vyanjananam ayam eva attho opayikataro yo c' eva eso ti,' so n' eva ussadetabbo na apasadetabbo. Anussadetva na apasadetva so va sadhukam sannapetabbo, tassa ca atthassa tesan ca vyanjananam nisantiya.

19. Aparo pi ce Cunda sabrahmacari sanghe dhammam bhaseyya. Tatra ce tumhakam evam assa -- 'Ayam kho ayasma attham hi kho miccha ganhati, vyanjanani samma ropetiti,'

[page 129]

tassa n' eva abhinanditabbam na patikkositabbam. Anabhinanditva appatikkositva so evam assa vacaniyo -- 'Imesam nu kho avuso vyanjananam ayam va attho eso va attho, katamo opayikataro ti?' So ce evam vadeyya -- 'Imesam kho avuso vyanjananam ayam eva attho opayikataro, yo c' eva eso ti,' so n' eva ussadetabbo na apasadetabbo. Anussadetva anapasadetva so yeva sadhukam sannapetabbo tass' ev' atthassa nisantiya.

20. Aparo pi ce Cunda sabrahmacari sanghe dhammam bhaseyya, tatra ce tumhakam evam assa -- 'Ayam kho ayasma attham hi kho samma ganhati, vyanjanani miccha ropetiti,' tassa n' eva abhinanditabbam na patikkositabbam.

Anabhinanditva appatikkositva so evam assa vacaniyo -'Imassa nu kho avuso atthassa imani ca vyanjanani etani va vyanjanani, katamani opayikataraniti?' So ce evam vadeyya -- 'Imassa nu kho avuso atthassa iman' eva vyanjanani opayikatarani, yani c' eva etaniti,' so n' eva ussadetabbo na apasadetabbo. Anussadetva anapasadetva so yeva sadhukam sannapetabbo tesam neva vyanjananam nisantiya.

21. Aparo pi ce Cunda sabrahmacari sanghe dhammam bhaseyya, tatra ce tumhakam evam assa -- 'Ayam kho ayasma attham neva samma ganhati, vyanjanani samma ropetiti,' tassa 'Sadhuti' bhasitam abhinanditabbam anumoditabbam. Tassa 'Sadhuti' bhasitam abhinanditva anumoditva so evam assa vacaniyo -- 'Labha no avuso, suladdham no avuso, ye mayam ayasmantam tadisam sabrahmacarim passama evam atthupetam vyanjanupetan ti.'

22. Navam aham Cunda dittha-dhammikanam yeva asavanam samvaraya dhammam desemi.

[page 130]

Na panaham Cunda samparayikanam yeva asavanam patighataya dhammam desemi, dittha-dhammikanam c' evaham Cunda asavanam samvaraya dhammam desemi samparayikanan ca asavanam patighataya. Tasmat iha Cunda yam vo maya civaram anunnatam, alam vo tam yavad eva sitassa patighataya, unhassa patighataya, damsa-makasa-vatatapasirimsapa-samphassanam patighataya yavad eva hirikopina-paticchadanattham. Yo vo maya pindapato anunnato, alam vo so yavad eva imassa kayassa thitiya yapanaya vihimsuparatiya brahmacariyanuggahaya -- 'Iti puranan ca vedanam patihankhami navan ca vedanam na {uppadessami}, yatra ca me bhavissati anavajjata ca phasuviharo cati.' Yam vo maya senasanam anunnatam, alam vo tam yavad eva sitassa patighataya unhassa patighataya damsa-makasa-{vatatapa}-sirimsapa-samphassanam patighataya yavad eva utu-parissaya-vinodakam patisallanaramattham. Yo vo maya {gilana-paccaya}-bhesajja-parikkharo anunnato, alam vo so yavad eva uppannanam veyyabadhikanam vedananam patighataya abyapajjhaparamatayati.

23. Thanam kho pan' etam Cunda vijjati, yam anna-titthiya paribbajaka evam vadeyyum -- 'Sukhallikanuyogam anuyutta Samana Sakya-puttiya viharantiti.' Evam vadino Cunda anna-titthiya paribbajaka evam assu vacaniya -- 'Katamo so avuso sukhallikanuyogo? Sukhallikanuyoga pi hi bahu aneka-vihita nana-ppakaraka ti.' Cattaro 'me Cunda sukhallikanuyoga hina gamma pothujjanika anariya anattha-samhita na nibbidaya na viragaya na nirodhaya na upasamaya na abhinnaya na sambodhaya na nibbanaya samvattanti. Katame cattaro? Idha Cunda ekacco balo pane vadhitva attanam sukheti pineti, ayam pathamo sukhallikanuyogo. Puna ca param Cunda idh' ekacco adinnam adiyitva attanam sukheti pineti,

[page 131]

ayam dutiyo sukhallikanuyogo. Puna ca param Cunda idh' ekacco musa-bhanitva attanam sukheti pineti, ayam tatiyo sukhallikanuyogo. Puna ca param Cunda idh' ekacco pancahi kama-gunehi samappito samangi-bhuto parivareti, ayam catuttho sukhallikanuyogo. Ime kho Cunda cattaro sukhallikanuyoga hina gamma pothujjanika anariya anattha-samhita na nibbidaya na viragaya na nirodhaya na upasamaya na abhinnaya na sambodhaya na nibbanaya samvattanti.

24. Thanam kho pan' etam Cunda vijjati, yam annatitthiya evam puccheyyum -- 'Ime cattaro sukhallikanuyoge anuyutta Samana Sakya-puttiya viharantiti?' Te 'Ma h' evan 'ti 'ssu vacaniya, na vo te samma {vadamana} vadeyyum, abbhacikkheyyum vo te asata abhutena.

Cattaro 'me Cunda sukhallikanuyoga ekanta-nibbidaya viragaya nirodhaya upasamaya abhinnaya sambodhaya nibbanaya samvattanti. Katame cattaro? Idha Cunda bhikkhu vivicc' eva kamehi vivicca akusalehi dhammehi savitakkam {savicaram} vivekajam piti-sukham pathamajjhanam upasampajja viharati. Ayam pathamo sukhallikanuyogo. Puna ca param Cunda bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam piti-sukham dutiya-jjhanam upasampajja viharati. Ayam dutiyo sukhallikanuyogo. Puna ca param Cunda bhikkhu pitiya ca viraga ... pe ... ayam tatiyo sukhallikanuyogo.

Puna ca param Cunda bhikkhu sukhassa ca pahana . . .

[page 132]

pe ... ayam catuttho sukhallikanuyogo. Ime kho Cunda cattaro sukhallikanuyoga ekanta-nibbidaya viragaya nirodhaya upasamaya abhinnaya sambodhaya nibbanaya samvattanti. Thanam kho pan' etam Cunda vijjati yam annatitthiya paribbajaka evam vadeyyum -- 'Ime cattaro sukhallikanuyoge anuyutta Samana Sakya-puttiya viharantiti.' Te 'Evan' ti 'ssu vacaniya, samma vo te vadamana vadeyyum, na vo te abbhacikkheyyum asata abhutena.

25. Thanam kho pan' etam Cunda vijjati yam anna titthiya paribbajaka evam vadeyyum -- 'Ime pana avuso cattaro sukhallikanuyoge anuyuttanam viharatam kati phalani kat' anisamsa patikankha ti?' {Evam-vadino} Cunda anna-titthiya paribbajaka evam assu vacaniya -'Ime kho avuso cattaro sukhallikanuyoge anuyuttanam viharatam cattari phalani cattaro anisamsa patikankha.

Katame cattaro? Idh' avuso bhikkhu tinnam samyojananam parikkhaya sotapanno hoti avinipata-dhammo niyato sambodhi-parayano. Idam pathamam phalam pathamo anisamso. Puna ca param avuso bhikkhu tinnam samyojananam parikkhaya raga-dosa-mohanam tanutta {sakadagami} hoti sakid eva imam lokam agantva dukkhass' antam karoti. Idam dutiyam phalam dutiyo anisamso. Puna ca param avuso bhikkhu pancannam orambhagiyanam samyojananam parikkhaya opapatiko hoti tattha parinibbayi anavatti-dhammo tasma loka. Idam tatiyam phalam tatiyo anisamso. Puna ca param avuso bhikkhu asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati. Idam catuttham phalam catuttho anisamso. Ime kho avuso cattaro sukhallikanuyoge anuyuttanam viharatam imani cattari phalani cattaro anisamsa patikankha ti.'

26. Thanam kho pan' etam Cunda vijjati yam annatitthiya paribbajaka evam vadeyyum

[page 133]

-- 'Atthita-dhamma Samana Sakya-puttiya viharantiti.' {Evam-vadino} Cunda anna-titthiya paribbajaka evam assu vacaniya -- 'Atthi kho avuso tena Bhagavata janata passata arahata SammaSambuddhena savakanam dhamma desita pannatta {yava-} jivam anatikkamaniya. Seyyatha pi avuso inda-khilo va ayo-khilo va gambhira-nemo sunikhato acalo asampavedhi, evam eva kho avuso tena Bhagavata janata passata arahata Samma-Sambuddhena savakanam dhamma desita pannatta {yava-}jivam anatikkamaniya. Yo so avuso bhikkhu araham khinasavo vusitava kata-karaniyo ohita-bharo anuppattasadattho {parikkhina}-bhava-samyojano sammad-anna vimutto, abhabbo so nava thanani ajjhacaritum.

Abhabbo avuso khinasavo bhikkhu sancicca panam jivita voropetum. Abhabbo khinasavo bhikkhu adinnam theyyasamkhatam adatum. Abhabbo khinasavo bhikkhu methunam dhammam patisevitum. Abhabbo khinasavo bhikkhu sampajana-musa bhasitum. Abhabbo khinasavo bhikkhu sannidhi-karakam kame paribhunjitum, seyyatha pi pubbe agariya-bhuto. Abhabbo khinasavo bhikkhu chandagatim gantum. Abhabbo khinasavo bhikkhu dosagatim gantum. Abhabbo khinasavo bhikkhu mohagatim gantum. Abhabbo khinasavo bhikkhu bhayagatim gantum.

Yo so avuso bhikkhu araham khinasavo vusitava katakaraniyo ohita-bharo anuppatta-sadattho parikkhina-bhavasamyojano sammad-anna vimutto, abhabbo so imani nava thanani ajjhacaritun ti.'

[page 134]

27. Thanam kho pan' etam Cunda vijjati yam annatitthiya paribbajaka evam vadeyyum -- 'Atitam kho addhanam arabbha Samano Gotamo atirakam nana-dassanam pannapeti, no ca kho anagatam addhanam arabbha atirakam nana-dassanam pannapeti; tayidam kim su tayidam katham suti?' Ten' eva anna-titthiya paribbajaka anna-vihitakena nana-dassanena anna-vihitakam nanadassanam pannapetabbam mannanti, yatheriva bala avyatta. Atitam kho Cunda addhanam arabbha Tathagatassa satanusari-vinnanam hoti. So yavatakam akankhati tavatakam anussarati. Anagatan ca kho addhanam arabbha Tathagatassa bodhijam nanam uppajjati -- 'Ayam antima jati, n' atthi dani punabbhavo ti.'

28. Atitan ce pi Cunda hoti abhutam ataccham anatthasamhitam, na tam Tathagato vyakaroti. Atitam ce pi Cunda hoti bhutam taccham anattha-samhitam, tam pi Tathagato na vyakaroti. Atitam ce pi Cunda hoti bhutam taccham attha-samhitam, tatra kalannu hoti Tathagato tassa panhassa veyyakaranaya. Anagatam ce pi Cunda hoti abhutam ataccham anattha-samhitam, na tam Tathagato vyakaroti. Anagatam ce pi Cunda hoti bhutam taccham anattha-samhitam, tam pi Tathagato na vyakaroti.

Anagatam ce pi Cunda hoti bhutam taccham atthasamhitam tatra kalannu hoti Tathagato tassa panhassa veyyakaranaya samkhittam. Paccuppannam ce pi Cunda hoti abhutam ataccham anattha-samhitam, na tam Tathagato vyakaroti. Paccuppannam ce pi Cunda hoti bhutam taccham anattha-samhitam,

[page 135]

tam pi Tathagato na vyakaroti.

{Paccuppannam} ce pi Cunda hoti bhutam taccham atthasamhitam, tatra kalannu hoti Tathagato tassa panhassa veyyakaranaya. Iti kho Cunda atitanagata-paccuppannesu dhammesu Tathagato kala-vadi bhuta-vadi attha-vadi dhamma-vadi vinaya-vadi. Tasma Tathagato ti vuccati.

29. Yam kho Cunda sadevakassa lokassa samarakassa sabrahmakassa sassamana-brahmaniya pajaya sadevamanussaya dittham sutam mutam vinnatam pattam pariyesitam anuvicaritam manasa, sabbam Tathagatena abhisambuddham. Tasma Tathagato ti vuccati. Yan ca Cunda rattim Tathagato anuttaram samma-sambodhim abhisambujjhati, yan ca rattim anupadisesaya nibbanadhatuya parinibbayati, yam etasmim antare bhasati lapati niddisati, sabbam tam tath' eva hoti no annatha. Tasma Tathagato ti vuccati. Yatha-vadi Cunda Tathagato tathakari, yatha-kari tatha-vadi. Iti yatha-vadi tatha-kari, yatha-kari tatha-vadi, tasma Tathagato ti vuccati. Sadevake loke samarake sabrahmake sassamana-brahmaniya pajaya sadeva-manussaya Tathagato abhibhu anabhibhuto annadatthu-daso vasavatti. Tasma Tathagato ti vuccati.

30. Thanam kho pan' etam Cunda vijjati yam annatitthiya paribbajaka evam vadeyyum -- 'Kin nu kho avuso hoti Tathagato param marana? idam eva saccam, mogham annan ti?' {Evam-vadino} Cunda anna-titthiya paribbajaka evam assu vacaniya -- 'Avyakatam kho avuso Bhagavata:

[page 136]

Hoti Tathagato param marana, idam eva saccam, mogham annan ti.' Thanam kho pan' etam Cunda vijjati, yam anna-titthiya paribbajaka evam vadeyyum -'Kim pan' avuso na hoti Tathagato param marana? idam eva saccam, mogham annan ti?' {Evam-}vadino Cunda anna-titthiya paribbajaka evam assu vacaniya -- 'Etam pi kho avuso Bhagavata avyakatam: Na hoti Tathagato param marana, idam eva saccam, mogham annan ti.' Thanam kho pan' etam Cunda vijjati, yam anna-titthiya paribbajaka {evam} vadeyyum -- 'Kin nu kho avuso hoti ca na hoti ca Tathagato param marana ... pe ... n' eva hoti na na hoti Tathagato param marana, idam eva saccam, mogham annan ti?' {Evam-vadino} Cunda anna-titthiya paribbajaka evam assu vacaniya -- 'Etam pi kho avuso Bhagavata avyakatam: N' eva hoti na na hoti Tathagato param marana, idam eva saccam, mogham annan ti.'

31. Thanam kho pan' etam Cunda vijjati yam annatitthiya paribbajaka evam vadeyyum -- 'Kasma pan' etam avuso Samanena Gotamena avyakatan ti?' {Evam-vadino} Cunda anna-titthiya paribbajaka evam assu vacaniya -'Na h' etam avuso attha-samhitam na dhamma-samhitam na adibrahmacariyakam na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati. Tasma tam Bhagavata avyakatan ti.'

32. Thanam kho pan' etam Cunda vijjati yam anna-titthiya paribbajaka evam vadeyyum -- 'Kim pan' avuso Samanena Gotamena vyakatan ti?' {Evam-vadino} Cunda annatitthiya paribbajaka evam assu {vacaniya} -- 'Idam dukkhan ti kho avuso Bhagavata vyakatam, Ayam dukkha-samudayo ti kho avuso Bhagavata vyakatam, Ayam dukkha-nirodha ti kho avuso Bhagavata vyakatam, Ayam dukkha-nirodhogamini patipada ti kho avuso Bhagavata vyakatan ti.'

[page 137]

33. Thanam kho pan' etam Cunda vijjati yam anna-titthiya paribbajaka evam vadeyyum -- 'Kasma pan' etam avuso Samanena Gotamena vyakatan ti?' {Evam-vadino} Cunda anna-titthiya paribbajaka evam assu vacaniya -- 'Etam hi avuso attha-samhitam, etam dhamma-samhitam, etam adi-brahmacariyakam, ekanta-nibbidaya viragaya nirodhaya upasamaya abhinnaya sambodhaya nibbanaya samvattati. Tasma tam Bhagavata vyakatan ti.'

34. Ye pi te Cunda pubbanta-sahagata ditthi-nissaya, te pi vo maya vyakata yatha te vyakattabba, yatha ca kho te na vyakattabba, kim no aham tatha vyakarissami? Ye pi te Cunda aparanta-sahagata ditthi-nissaya, te pi vo maya vyakata yatha te vyakattabba, yatha ca kho te na vyakattabba, kim vo aham te tatha vyakarissami?

Katame te Cunda pubbanta-sahagata ditthi-nissaya ye vo maya vyakata yatha te vyakattabba yatha ca te na vyakattabba? Santi Cunda eke Samana-Brahmana evam-vadino evam-ditthino -- 'Sassato atta ca loko ca, idam eva saccam mogham annan ti.' Santi pana Cunda eke Samana-Brahmana evam-vadino evam-ditthino --

'Asassato atta ca loko ca ... pe . . .
Sassato ca asassato ca atta ca loko ca ... pe . . .
N' eva sassato nasassato atta ca loko ca ... pe . . .
Sayam-kato atta ca loko ca ... pe . . .
Param-kato atta ca loko ca ... pe . . .
Sayam-kato ca param-kato ca atta ca loko ca ... pe . . .

[page 138]

Asayam-karo aparam-karo adhicca-samuppanno atta ca loko ca. Idam eva saccam, {mogham} annan ti.'

'Sassatam sukha-dukkham:
Asassatam sukha-dukkham:
Sassatan ca asassatan ca sukha-dukkham:
N' eva sassatam nasassatam sukha-dukkham:
Sayam-katam sukha-dukkham:
Param-katam sukha-dukkham:
Sayam-katan ca param-katan ca sukha-dukkham.

Asayam-karam aparam-karam adhicca-samuppannam sukha-dukkham. Idam eva saccam, mogham annan ti.

35. Tatra Cunda ye te Samana-Brahmana evam-vadino evam-ditthino -- 'Sassato atta ca loko ca, idam eva saccam, mogham annan ti,' tyaham upasamkamitva {evam} vadami -Atthi nu kho idam, avuso, vuccati 'Sassato atta ca loko cati?' Yan ca kho te evam ahamsu -- 'Idam eva saccam, mogham annan ti,' tam tesam nanujanami. Tam kissa hetu? Annatha-sannino pi h' ettha Cunda sant' eke satta. Imaya pi kho aham Cunda pannattiya n' eva attano sama-samam samanupassami kuto bhiyyo, atha kho aham eva tattha bhiyyo yadidam adhippannatti.

36. Tatra Cunda ye te Samana-Brahmana evam-vadino evam-ditthino --

'Asassato atta ca loko ca:
Sassato ca asassato ca atta ca loko ca:
N' eva sassato nasassato atta ca loko ca:
Sayam-kato atta ca loko ca:
Param-kato atta ca loko ca:
Sayam-kato ca param-kato ca atta ca loko ca:
Asayam-karo ca aparam-karo ca adhicca-samuppanno atta ca loko ca:
Sassatam sukha-dukkham:

[page 139]

Asassatam sukha-dukkham:
Sassatan ca asassatan ca sukha-dukkham:
N' eva sassatam nasassatam sukha-dukkham:
Sayam-katam sukha-dukkham:
Param-katam sukha-dukkham:
Sayam-katan ca param-katan ca sukha-dukkham:
Asayam-karam aparam-karam adhicca-samuppannam sukha-dukkham. Idam eva saccam, mogham annan ti: '

Tyaham upasamkamitva evam vadami -- Atthi kho idam, avuso, vuccati 'Asayam-karam aparam-{karam} adhiccasamuppannam sukha-dukkhan ti?' Yan ca kho te evam ahamsu, -- 'Idam eva saccam, mogham annan ti,' tam tesam nanujanami. Tam kissa hetu? Annatha-sannino pi h' ettha Cunda sant' eke satta. Imaya pi kho aham Cunda pannattiya n' eva attano sama-samam samanupassami kuto bhiyyo, atha kho aham eva tattha bhiyyo yadidam adhippannatti. Ime kho te Cunda pubbantasahagata ditthi-nissaya, ye vo maya vyakata yatha te vyakattabba, yatha ca te na vyakattabba, kim vo aham te tattha vyakarissami?

37. Katame ca te Cunda aparanta-sahagata ditthinissaya ye vo maya vyakata yatha te vyakattabba yatha ca te na vyakattabba?

Santi Cunda eke Samana-Brahmana evam-vadino evamditthino -- 'Rupi atta hoti arogo param marana, idam eva saccam, mogham annan ti.'

Santi pana Cunda eke Samana-Brahmana evam-vadino evam-ditthino -- 'Arupi atta hoti. . . .

Rupi ca arupi ca atta hoti. . . .

N' eva rupi narupi atta hoti. . . .

[page 140]

Sanni atta {hoti}. . . .

Asanni atta hoti. . . .

N' eva sanni nasanni atta hoti. . . .

Atta ucchijjati vinassati, na hoti param marana, idam eva saccam, mogham annan ti.'

38. Tatra Cunda ye te Samana-Brahmana evam-vadino evam-ditthino -- 'Rupi atta hoti arogo param marana, idam eva saccam, mogham annan ti,' tyaham upasamkamitva evam vadami -- Atthi kho idam, avuso, vuccati 'Rupi atta hoti arogo param marana ti?' Yan ca kho te evam ahamsu 'Idam eva saccam, mogham annan ti,' tam tesam nanujanami. Tam kissa hetu? Annatha-sannino pi h' ettha Cunda sant' eke satta. Imaya pi kho aham Cunda pannattiya n' eva attano sama-samam samanupassami kuto bhiyyo, atha kho Cunda aham eva tattha bhiyyo yadidam adhippannatti.

39. Tatra Cunda ye te Samana-Brahmana evam-vadino evam-ditthino --

Arupi atta hoti ... pe. . . .

Rupi ca arupi ca atta hoti. . . .

N' eva rupi narupi atta hoti. . . .

Sanni atta hoti. . . .

Asanni atta hoti. . . .

N' eva sanni nasanni atta hoti. . . .

Atta ucchijjati vinassati, na hoti param marana, idam eva saccam, mogham annan ti: '

Tyaham upasamkamitva evam vadami -- Atthi kho idam, avuso, vuccati 'Atta ucchijjati vinassati, na hoti param marana ti?' Yan ca kho te Cunda evam ahamsu -- 'Idam eva saccam, mogham annan ti,' tam tesam nanujanami.

Tam kissa hetu? Annatha sannino pi h' ettha Cunda sant' eke satta. Imaya pi kho aham Cunda pannattiya n' eva attano sama-samam samanupassami kuto bhiyyo, atha kho aham eva tattha bhiyyo yadidam adhippannatti. Ime kho Cunda aparanta-sahagata ditthi-nissaya ye vo maya vyakata,

[page 141]

yatha te vyakattabba; yatha ca te na vyakattabba, kim vo aham te tatha vyakarissami?

40. Imesan ca Cunda pubbanta-sahagatanam ditthinissayanam imesan ca aparanta-sahagatanam {ditthi}-nissayanam pahanaya samatikkamaya evam maya cattaro satipatthana desita pannatta. Katame cattaro? Idha Cunda bhikkhu kaye kayanupassi viharati atapi sampajano satima, vineyya loke abhijjha-domanassam, vedanasu ... citte ... dhammesu dhammanupassi viharati atapi sampajano satima, vineyya loke abhijjha-domanassam. Imesan ca Cunda pubbanta-sahagatanam ditthi-nissayanam imesan ca aparanta-sahagatanam ditthi-nissayanam pahanaya samatikkamaya evam maya ime cattaro satipatthana desita pannatta ti.

41. Tena kho pana samayena ayasma Upavano Bhagavato pitthito thito hoti Bhagavantam vijayamano. Atha kho ayasma Upavano Bhagavantam etad avoca:

'Acchariyam bhante, abbhutam bhante, pasadiko vatayam bhante dhamma-pariyayo, atipasadiko vatayam bhante dhamma-pariyayo. Ko namo ayam bhante dhamma-pariyayo ti?'

'Tasmat iha tvam Upavana imam dhamma-pariyayam "Pasadiko" ti eva nam dharehiti.'

Idam avoca Bhagava. Attamano ayasma Upavano Bhagavato bhasitam abhinanditi.

Pasadika-Suttantam Chattham.

[page 142]

 


 

XXX. Lakkhana Suttanta

Evam me sutam.

1. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi 'Bhikkhavo' ti. 'Bhadante' ti te bhikkhu Bhagavato paccassosum. Bhagava etad avoca:

'Dvattims' imani bhikkhave MahaPurisassa MahaPurisa-lakkhanani yehi samannagatassa MahaPurisassa dve gatiyo bhavanti ananna. Sace agaram ajjhavasati, Raja hoti Cakkavatti dhammiko dhamma-raja caturanto vijitavi janapada-tthavariya-ppatto satta-ratana-samannagato. Tass' imani satta ratanani bhavanti, seyyathidam cakka-ratanam hatthi-ratanam assa-ratanam mani-ratanam itthi-ratanam gahapati-ratanam parinayaka-ratanam eva sattamam. {Paro-} sahassam kho pan' assa putta bhavanti sura viranga-rupa parasena-ppamaddana. So imam pathavim sagara-pariyantam adandena asatthena dhammena abhivijiya ajjhavasati. Sace kho pana agarasma anagariyam pabbajati araham hoti Samma-Sambuddho loke vivatta-cchaddo.

2. 'Katamani ca tani bhikkhave MahaPurisassa dvattimsa MahaPurisa-lakkhanani yehi samannagatassa MahaPurisassa dve gatiyo honti ananna?

[page 143]

Sace agaram ajjhavasati, Raja hoti Cakkavatti ... pe. ... Sace kho pana agarasma anagariyam pabbajati, araham hoti SammaSambuddho loke vivatta-cchaddo.

'Idha bhikkhave MahaPuriso suppatitthita-pado hoti.

Yam pi bhikkhave MahaPuriso suppatitthita-pado hoti, idam pi bhikkhave MahaPurisassa MahaPurisa-lakkhanam bhavati.

'Puna ca param bhikkhave MahaPurisassa {hettha} pada-talesu cakkani jatani honti sahassarani sanemikani sanabhikani sabbakara-paripurani {suvibhattantarani}. Yam pi bhikkhave MahaPurisassa ... pe ... idam pi bhikkhave MahaPurisassa {MahaPurisa}-lakkhanam bhavati.

'Puna ca param bhikkhave MahaPuriso ayata-panhi hoti ... pe . . .

'Digh-anguli hoti ... pe . . .

'Mudu-taluna-hattha-pado hoti ... pe . . .

'Jala-hattha-pado hoti ... pe . . .

'Ussankha-pado hoti ... pe . . .

'Eni-jangho hoti ... pe . . .

'{Thitako} va anonamanto ubhohi pani-talehi jannukani parimasati parimajjati ... pe . . .

'Kosohita-vattha-guyho hoti ... pe . . .

'Suvanna-vanno hoti kancana-sannibha-ttaco ... pe . . .

'Sukhuma-cchavi hoti sukhumatta chaviya rajojallam kaye na upalippati ... pe . . .

[page 144]

'Ekeka-lomo hoti, ekekani lomani loma-kupesu jatani

. . . pe . . .

'Uddhagga-lomo hoti, uddhaggani lomani jatani nilani anjana-vannani kundala-vattani padakkhinavattakajatani ... pe . . .

'{Brahmujju}-gatto hoti ... pe . . .

'{Sattussado} hoti ... pe . . .

'Siha-pubbaddha-kayo hoti ... pe . . .

'Cit-antaramso hoti ... pe . . .

'Nigrodha-parimandalo hoti, yavatakv assa kayo tavatakv assa vyamo, yavatakv assa vyamo tavatakv assa kayo

. . . pe . . .

'Samavatta-kkhandho hoti ... pe . . .

'Rasaggas-aggi hoti ... pe . . .

'Siha-hanu hoti ... pe . . .

'Cattarisa-danto hoti ... pe . . .

'Sama-danto hoti ... pe . . .

'Avivara-danto hoti ... pe . . .

'Susukka-datho hoti ... pe . . .

'Pahuta-jivho hoti ... pe . . .

'Brahma-ssaro hoti ... pe . . .

'Karavika-bhani hoti ... pe . . .

'Abhinila-netto hoti ... pe . . .

'Go-pakhumo hoti ... pe . . .

'Unna bhamuk-antare jata hoti odata mudu-tulasannibha. Yam pi bhikkhave MahaPurisassa unna bhamuk-antare jata hoti odata mudu-tula-sannibha, idam pi bhikkhave {MahaPurisassa} MahaPurisa-lakkhanam bhavati.

[page 145]

'Puna ca param bhikkhave MahaPuriso unhisa-siso hoti.

Yam pi bhikkhave MahaPuriso unhisa-siso hoti, idam pi bhikkhave MahaPurisassa MahaPurisa-lakkhanam bhavati.

3. 'Imani kho tani bhikkhave dvattimsa MahaPurisassa MahaPurisa-lakkhanani yehi samannagatassa MahaPurisassa dve gatiyo bhavanti ananna. Sace agaram ajjhavasati, Raja hoti Cakkavatti dhammiko dhammaraja caturanto vijitavi janapada-tthavariya-ppatto sattaratana-samannagato. Tass' imani satta ratanani bhavanti:

seyyathidam cakka-ratanam hatthi-ratanam assa-ratanam mani-ratanam itthi-ratanam gahapati-ratanam {parinayaka}ratanam eva sattamam. {Paro-}sahassam kho pan' assa putta bhavanti sura vir-anga-rupa parasena-ppamaddana.

So imam pathavim sagara-pariyantam adandena asatthena dhammena abhivijiya ajjhavasati. Sace kho panagarasma anagariyam pabbajati, araham hoti SammaSambuddho loke vivatta-cchaddo. Imani kho te bhikkhave MahaPurisassa dvattimsa MahaPurisa-lakkhanani bahiraka pi isayo dharenti, no ca kho te jananti "Imassa kammassa katatta idam lakkhanam patilabhatiti."

4. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano dalha-samadano ahosi kusalesu dhammesu avatthita-samadano, kaya-sucarite vaci-sucarite manosucarite, dana-samvibhage sila-samadane uposathupavase matteyyataya petteyyataya samannataya brahmannataya kule jetthapacayitaya annatarannataresu ca adhikusalesu dhammesu:

[page 146]

so tassa kammassa katatta upacitatta ussannatta vipulatta kayassa bheda param marana sugatim saggam lokam uppajjati. So tattha anne deve dasahi thanehi adhiganhati, dibbena ayuna dibbena vannena dibbena sukhena dibbena yasena dibbena adhipateyyena dibbehi rupehi dibbehi saddehi dibbehi gandhehi dibbehi rasehi dibbehi photthabbehi. So tato cuto itthattam agato samano imam MahaPurisa-lakkhanam patilabhati, suppatitthita-pado hoti, samam padam bhumiyam nikkhipati, samam uddharati, samam sabbavantehi pada-talehi bhumim phusati.

5. 'So tena lakkhanena samannagato sace agaram ajjhavasati Raja hoti Cakkavatti dhammiko dhamma-raja caturanto vijitavi janapada-tthavariya-ppatto satta-ratanasamannagato. Tass' imani satta ratanani bhavanti, seyyathidam cakka-ratanam hatthi-ratanam assa-ratanam mani-ratanam itthi-ratanam gahapati-ratanam parinayakaratanam eva sattamam. {Paro-}sahassam kho pan' assa putta bhavanti sura vir-anga-rupa parasena-ppamaddana.

So imam pathavim sagara-pariyantam akhilam animittam akantakam iddham phitam khemam sivam nirabbudam adandena asatthena dhammena abhivijiya ajjhavasati.

Raja samano kim labhati? Avikkhambhiyo hoti kenaci manussa-bhutena paccatthikena pacamittena. Raja samano idam labhati. Sace kho panagarasma anagariyam pabbajati, araham hoti Samma-Sambuddho loke vivattacchaddo. Buddho samano kim labhati? Avikkhambhiyo hoti abbhantarehi va bahirakehi va paccatthikehi va paccamittehi ragena va dosena va mohena va Samanena va Brahmanena va Devena va Marena va Brahmuna va kenaci va lokasmim.

[page 147]

Buddho samano idam labhati.'

Etam attham Bhagava avoca.

6. Tatth' etam vuccati:

Sacce ca dhamme ca dame ca samyame
soceyya-silalay-uposathesu ca,
Dane ahimsaya asahase rato
dalham samadaya samattam acari
So tena kammena divam samakkami,
sukhan ca khidda-ratiyo ca anubhi.
Tato cavitva punar agato idha
samehi padehi phusi {vasundharam}.
Vyakamsu veyyanjanika samagata:
'Samappatitthassa na hoti khambhana,
Gihissa va pabbajitassa va puna
tam lakkhanam bhavati tadattha-jotakam.
Akkhambhiyo hoti agaram avasam
parabhibhu sattubhi sattu-maddano,
Manussa-bhutena na hoti kenaci,
sukhambhiyo tassa phalena kammuno.
Sace ca pabbajjam upeti tadiso
nekkhamma-chandabhirato {vicakkhano},
Aggo na so gacchati jatu gabbham
nar-uttamo, esa hi tassa dhammata ti.'

7. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano bahujana-sukhaya ahosi,

[page 148]

ubbegam uttasam bhayam apanudita dhammikan ca rakkhavarana-guttim samvidhata saparivaran ca danam adasi, so tassa kammassa katatta upacitatta ussannatta vipulatta kayassa bheda param marana sugatim saggam lokam uppajjati ... pe ... So tato cuto itthattam agato samano imam MahaPurisalakkhanam patilabhati. {Hettha} pada-talesu cakkani jatani honti sahassarani sanemikani sanabhikani sabbakaraparipurani suvibhattantarani.

8. 'So tena lakkhanena samannagato, sace agaram ajjhavasati Raja hoti Cakkhavatti ... pe ... Raja samano kim labhati? Maha-parivaro hoti, maha 'ssa hoti parivaro brahmana-gahapatika negama-janapada ganakamahamatta anikattha dovarika amacca parisajja rajano bhogiya kumara. Raja samano idam labhati. Sace pana agarasma anagariyam pabbajati, araham hoti Samma-Sambuddho loke vivatta-cchaddo. Buddho samano kim labhati? Maha-parivaro hoti, maha 'ssa hoti parivaro bhikkhu bhikkhuniyo upasaka upasikayo deva manussa asura naga gandhabba. Buddho samano idam labhati.'

Etam attham Bhagava avoca.

9. Tatth' etam vuccati:

Pure purattha purimasu jatisu,
manussa-bhuto bahunnam sukhavaho,
Ubbega-uttara-bhayapanudano
guttisu rakkhavaranesu ussuko.

[page 149]

So tena kammena divam samakkami,
sukhan ca khidda-ratiyo ca anubhi.
Tato cavitva punar agato idha,
cakkani padesu duvesu vindati,
Samanta-nemini sahassarani ca.
Vyakamsu veyyanjanika samagata,
Disva kumaram sata-punna-lakkhanam,
'Parivarava hessati sattu-maddano,
Tatha hi cakkani samanta-nemini.
Sace na pabbajam upeti tadiso,
Vatteti cakkam pathavim pasasati,
tassanuyutta idha bhavanti khattiya,
Maha-yasam samparivarayanti nam.
Sace ca pabbajjam upeti tadiso
Nekkhamma-chandabhirato {vicakkhano}
deva-manussasura-sakka-rakkhasa
Gandhabba-naga vihaga catu-ppada,
anuttaram deva-manussa-pujitam
Maha-yasam samparivarayanti nan ti.'

10. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano panatipatam pahaya panatipata pativirato ahosi, nihita-dando nihita-sattho lajji dayapanno sabba-panabhuta-hitanukampi vihasi, so tassa kammassa katatta upacitatta ussannatta {vipulatta} kayassa bheda param marana sugatim saggam lokam uppajjati ... pe ... So tato cuto itthattam agato samano imani tini MahaPurisalakkhanani patilabhati,

[page 150]

ayata-panhi ca hoti digh-anguli ca {Brahmujju-gatto} ca.

11. 'So tehi lakkhanehi samannagato, sace agaram ajjhavasati, Raja hoti Cakkavatti ... pe ... Raja samano kim labhati? Dighayuko hoti ciratthitiko, digham ayum paleti, na sakka hoti antara jivita voropetum kenaci manussa-bhutena paccatthikena paccamittena. Raja samano idam labhati ... pe ... Buddho samano kim labhati? Dighayuko hoti ciratthitiko, digham ayum paleti, na sakka hoti antara jivita voropetum paccatthikehi paccamittehi Samanena va Brahmanena va Devena va Marena va Brahmuna va kenaci va lokasmim. Buddho samano idam labhati.'

Etam attham Bhagava avoca.

12. Tatth' etam vuccati:

Marana-vadha-bhayattano viditva
pativirato param maranay' ahosi.
Tena sucaritena saggam agama,
sukata-phala-vipakam anubhosi.
Caviya punar idh' agato samano,
patilabhati idha tini lakkhanani,
Bhavati vipula-digha-paniko
Brahma viy' ujju subho sujata-gatto,
Subhujo susu {susanthito}14 sujato.
Mudu-{talun-anguliy'} assa honti digha,

[page 151]

Tihi purisa-varagga-lakkhanehi
cira-yapanaya kumaram adisanti.
Bhavati yadi gihi ciram yapeti,
cirataram pabbajati yadi tato hi,
Yapayati vas-iddhi-bhavanaya
iti dighayukataya tan nimittan ti.

13. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano data ahosi panitanam rasitanam khadaniyanam bhojaniyanam sayaniyanam lehaniyanam pananam, so tassa kammassa katatta upacitatta ussannatta {vipulatta} kayassa bheda param marana sugatim saggam lokam {uppajjati} ... pe ... So tato cuto itthattam agato samano imam MahaPurisa-lakkhanam patilabhati, sattussado hoti. Satt' ussada honti, ubhosu hatthesu ussada honti, ubhosu padesu ussada honti, ubhosu {amsa}kutesu ussada honti, khandhe ussado hoti.

14. 'So tena lakkhanena {samannagato} sace agaram ajjhavasati Raja hoti Cakkavatti ... pe ... Raja samano kim labhati? Labhi hoti panitanam rasitanam khadaniyanam bhojaniyanam sayaniyanam lehaniyanam pananam. Raja samano idam labhati ... pe ... Buddho samano kim labhati? Labhi hoti panitanam rasitanam khadaniyanam bhojaniyanam sayaniyanam lehaniyanam pananam. Buddho samano idam labhati.'

[page 152]

Etam attham Bhagava avoca.

15. Tatth' etam vuccati:

Khajja-bhojjam atha leyya-sayiyam
uttamagga-rasa-dayako ahu.
Tena so sucaritena kammuna
Nandane ciram abhippamodati.
Satta-v-ussade idhadhigacchati,
hattha-pada-mudutan ca vindati.
Ahu vyanjana-nimitta-kovida
khajja-bhojja-rasa-labhitaya.
Na tam gihissa pi tadattha-jotakam,
pabbajjam pi tad adhigacchati,
Khajja-bhojja-rasa-{labhi-r-uttamam}
ahu sabba-gihi-bandhana-cchidan ti.

16. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano catuhi sangaha-vatthuhi janam sangahita ahosi danena peyya-vacena attha-cariyaya samanattataya, so tassa kammassa katatta upacitatta ussannatta vipullatta kayassa bheda param marana sugatim saggam lokam upapajjati. So tato cuto itthattam agato samano imani dve MahaPurisa-lakkhanani patilabhati,

[page 153]

mudu-taluna-hatthapado hoti jala-hattha-pado ca.

17. 'So tehi lakkhanehi samannagato, sace agaram ajjhavasati, Raja hoti Cakkavatti ... pe ... Raja samano kim labhati? Susangahita-parijano hoti, susangahita 'ssa honti brahmana-gahapatika negama-janapada ganaka-mahamatta anikattha dovarika amacca parisajja rajano bhogiya kumara. Raja samano idam labhati ... pe ... Buddho samano kim labhati? Susangahitaparijano hoti, susangahita 'ssa honti bhikkhu bhikkhuniyo upasaka upasikayo deva manussa asura naga gandhabba.

Buddho samano idam labhati.'

Etam attham Bhagava avoca.

18. Tatth' etam vuccati:

Danam pi ca attha-cariyatam pi ca
piya-vadatan ca samana-chandatan ca
Kariya cariya susangaham bahunnam
anavamatena gunena yati saggam.
Caviya punar idhagato samano
kara-carana-mudutan ca jalino ca,
Atirucira-suvaggu-dassaneyyam
patilabhati daharo susu kumaro.

[page 154]

Bhavati parijanassa vo vidheyyo,
mahimam avasiko susangahito,
Piya-vadu hita-sukhatam jigimsamano
abhirucitani gunani acarati.
Yadi ca jahati sabba-kama-guna-bhogam
kathayati dhamma-katham Jino janassa,
Vacana-ppatikarassabhippasanna
sutva dhammanudhammam acarantiti.

19. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano bahuno janassa atthupasamhitam dhammupasamhitam vacam bhasita ahosi, bahujanam nidamseti, paninam hita-sukhavaho ahu dhamma-yagi, so tassa kammassa {katatta} upacitatta ... pe ... So tato cuto itthattam agato samano imani dve MahaPurisa-lakkhanani patilabhati, ussankha-pado ca hoti uddhagga-lomo ca.

20. 'So tehi lakkhanehi samannagato, sace agaram ajjhavasati, Raja hoti Cakkavatti ... pe ... Raja samano kim labhati? Aggo ca hoti settho ca pamokkho ca uttamo ca pavaro ca kama-bhoginam. Raja samano idam labhati ... pe ... Buddho samano kim labhati? Aggo ca hoti settho ca pamokkho ca uttamo ca pavaro ca sabba-sattanam. Buddho samano idam labhati.'

Etam attham Bhagava avoca.

21. Tatth' etam vuccati:

[page 155]

Attha-dhamma-sahitam pure giram
erayam bahujanam nidamsayi
Paninam hita-sukhavaho ahu
dhamma-yagam assaji amacchari.
Tena so sucaritena kammuna
sugatim vajati tattha modati,
Lakkhanani ca dve idh' agato
uttama-sukhani samvindati.
Ubbham uppatita-loma-vasaso
pada-ganthi-r-ahu sadhu santhita,
Mamsa-lohitacita tacotata
upari ca pana {sobhana} ahu.
Geham avasati ce tatha-vidho
aggatam vajati kama-bhoginam.
Tena uttaritaro na vijjati,
Jambudipam abhibhuyya iriyati.

[page 156]

Pabbajam pi ca anoma-nikkamo
aggatam vajati sabba-paninam.
Tena uttaritaro na vijjati,
sabbam lokam abhibhuyya viharatiti.

22. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano sakkaccam vaceta ahosi sippam va vijjam va caranam va kammam va, "Kinti me khippam ajaneyyum, khippam vijaneyyum, khippam sampatipajjeyyum, na ciram kilisseyyun ti," so tassa kammassa katatta upacitatta ... pe ... So tato cuto itthattam agato samano imam MahaPurisa-lakkhanam patilabhati, eni-jangho hoti.

23. 'So tena lakkhanena samannagato, sace agaram ajjhavasati Raja hoti Cakkavatti. Raja samano kim labhati? Yani etani rajarahani raj-angani rajupabhogani rajanucchavikani, tani khippam patilabhati. Raja samano idam labhati ... pe ... Buddho samano kim labhati? Yani tani samanarahani samanangani samanupabhogani samananucchavikani, tani khippam patilabhati.

Buddho samano idam labhati.'

Etam attham Bhagava avoca.

24. Tatth' etam vuccati:

Sippesu vijja-caranesu kammasu
'Katham vijaneyya lahuti?' icchati,

[page 157]

Yatupaghataya na hoti kassaci
vaceti khippam, na ciram kilissati.
Tam kammam katva kusalam sukhudrayam
jangha manunna labhate susanthita,
Vatta sujata anupubbam uggata
uddhagga-loma sukhuma-ttac' otthata.
Eneyya-jangho ti tam ahu puggalam,
sampattiya khippam idh' ahu lakkhanam,
Ekeka-lomani yadabhikankhati,
apabbajam khippam idhadhigacchati.
Sace ca pabbajjam upeti tadiso
nekkhamma-chandabhirato vicakkhano,
Anucchavikassa yadanulomikam
tam vindati khippam anoma-nikkamo ti.

25. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano Samanam va Brahmanam va upasamkamitva paripucchita ahosi: "Kim bhante kusalam, kim akusalam? Kim savajjam, kim anavajjam? Kim sevitabbam, kim na sevitabbam? Kim me kayiramanam digha-rattam ahitaya dukkhaya assa? Kim va pana me kayiramanam digha-rattam hitaya sukhaya assati?", so tassa kammassa katatta upacitatta ... pe ... So tato cuto itthattam agato samano idam MahaPurisa-lakkhanam patilabhati, sukhuma-cchavi hoti,

[page 158]

sukhumatta chaviya rajojallam kaye na upalippati.

26. 'So tena {lakkhanena} samannagato, sace agaram ajjhavasati, Raja hoti Cakkavatti ... pe ... Raja samano kim labhati? Maha-panno hoti, nassa hoti koci pannaya sadiso va visittho va kama-bhoginam. Raja samano idam labhati ... pe ... Buddho samano kim labhati? Maha-panno hoti puthu-panno hasu-panno javana-panno tikkha-panno nibbedhika-panno, nassa hoti koci pannaya sadiso va visittho va sabba-sattanam. Buddho samano idam labhati.'

Etam attham Bhagava avoca.

27. Tatth' {etam} vuccati:

Pure purattha purimasu jatisu
annatu-{kamo} paripucchita ahu,
Sussusita pabbajitam upasita
atthantaro atthakatham nisamayi.
Panna-patilabha-katena kammuna
manussa-bhuto sukhuma-cchavi ahu.
Vyakamsu uppada-nimitta-kovida,
'Sukhumani atthani avecca dakkhati.
Sace na pabbajjam upeti tadiso,
vatteti cakkam pathavim pasasati,
Atthanusitthisu pariggahesu ca
na tena seyyo sadiso va vijjati.

[page 159]

Sace pabbajjam upeti tadiso
nekkhamma-chandabhirato vicakkhano,
Panna-visittham labhate anuttaram
pappoti bodhim vara-bhuri-medhaso ti.'

28. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano akkodhano ahosi anupayasa-bahulo, bahum pi vutto samano nabhisajji na kuppi na vyapajji na patitthayi, na kopan ca dosan ca appaccayan ca patvakasi, data ca ahosi sukhumanam mudukanam attharananam papurananam khoma-sukhumanam kappasika-sukhumanam koseyyasukhumanam kambala-sukhumanam, so tassa kammassa ... pe ... So tato cuto itthattam agato samano imam MahaPurisa-lakkhanam patilabhati, suvanna-vanno hoti kancana-sannibha-ttaco hoti.

29. 'So tena lakkhanena samannagato, sace agaram ajjhavasati, Raja hoti Cakkavatti. Raja samano kim labhati? Labhi hoti sukhumanam mudukanam attharananam papurananam khoma-sukhumanam kappasika-sukhumanam koseyya-sukhumanam kambala-{sukhumanam}.

Raja samano idam labhati ... pe ... Buddho samano kim labhati? Labhi hoti sukhumanam mudukanam attharananam papurananam khoma-sukhumanam kappasikasukhumanam koseyya-sukhumanam kambala-sukhumanam.

Buddho samano idam labhati.'

Etam attham Bhagava avoca.

30. Tatth' etam vuccati:

Akkodhan ca adhitthahi adasi ca
danam vatthani ca sukhumani succhavini.

[page 160]

Purimatara-bhave thito abhivissajji
mahim iva suro abhivassam.
Tam katvana ito cuto dibbam
upapajja sukata-phala-vipakam,
Anubhotva kanaka-tanu-sannibho
idha bhavati sura-varataro-r-iva indo.
Geham avasati naro apabbajja
miccham mahati-mahim anusasati,
Pasayha abhivasana-varataram patilabhati
vipulam sukhuman ca succhavin ca.
Labhi acchadana-vattha-mokkha-papurananam
bhavati yadi anagariyatam upeti,
Sahi purima-kata-phalam anubhavati,
na bhavati katassa panaso ti.

31. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano cira-ppanatthe sucira-ppavasino nati-mitte suhajje sakhino samaneta ahosi, mataram pi puttena samaneta ahosi, puttam pi matara samaneta ahosi, pitaram pi puttena samaneta ahosi,

[page 161]

puttam {pi} pitara samaneta ahosi, bhataram pi bhatara samaneta ahosi, bhataram pi bhaginiya samaneta ahosi, bhaginim pi bhatara samaneta ahosi, samaggim katva ca abbhanumodita ahosi, so tassa kammassa katatta ... pe ... So tato cuto itthattam agato samano imam MahaPurisa-lakkhanam patilabhati, kosohita-vattha-guyho hoti.

32. 'So tena lakkhanena samannagato sace agaram ajjhavasati Raja hoti Cakkavatti. Raja samano kim labhati? Pahuta-putto hoti, {paro-}sahassam kho pan' assa putta bhavanti sura vir-anga-rupa parasena-ppamaddana.

Raja samano idam labhati ... pe ... Buddho samano kim labhati? Pahuta-putto hoti, aneka-sahassam kho pan' assa putta bhavanti, sura vir-anga-rupa parasena-ppamaddana. Buddho samano idam labhati.'

Etam attham Bhagava avoca.

33. Tatth' etam vuccati:

'Pure purattha purimasu jatisu
cira-ppanatthe sucira-ppavasino
Nati-suhajje sakhino samanayi,
samaggi-katva c' anumodita ahu.
So tena kammena divam samakkami,
sukhan ca khidda-ratiyo ca anubhi.
Tato cavitva puna-r-agato idha
kosohitam vindati vattha-chadiyam.

[page 162]

Pahuta-putto bhavati tatha-vidho,
{paro-}sahassassa bhavanti atuja,
Sura ca vira ca amitta-tapana
gihissa piti-janana piyam vada.
Bahuttara pabbajitassa iriyato
putta bhavanti vacananucarino,
Gihissa va pabbajitassa va puna,
tam lakkhanam bhavati tadattha-jotakan ti.

Pathamaka-{Bhanavaram}.

2. . 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano mahajana-sangaham samekkhamano samjanati, samam janati, purisam janati, purisa-visesam janati: " Ayam idam arahati, ayam idam arahatiti," tattha tattha purisa-visesa-karo ahosi, so tassa kammassa katatta ... pe ... So tato cuto itthattam agato samano imani dve MahaPurisa-lakkhanani patilabhati, nigrodhaparimandalo ca hoti thitako ca anonamanto ubhohi pani-talehi jannukani parimasati parimajjati.

2. 'So tehi lakkhanehi samannagato sace agaram ajjhavasati Raja hoti Cakkavatti ... pe ... Raja samano kim labhati?

[page 163]

Addho hoti mahaddhano maha-bhogo pahutajatarupa-rajato pahuta-vittupakarano pahuta-dhanadhanno paripunnako sakotthagaro. Raja samano idam labhati ... pe ... Buddho samano kim labhati? Addho hoti mahaddhano maha-bhogo. Tass' imani dhanani honti, seyyathidam saddha-dhanam sila-dhanam hiridhanam ottappa-dhanam suta-dhanam caga-dhanam panna-dhanam. Buddho samano idam labhati.'

Etam attham Bhagava avoca.

3. Tatth' etam vuccati:

Tulaya paviceyya cintayitva
mahajana-sangahatam samekkhamano,
'Ayam idam arahatiti' tattha tattha
purisa-visesa-karo pure ahosi.
Sa hi ca pana thito anonamanto
phusati karehi ubhohi jannukani,
Mahiruha-parimandalo ahosi
sucarita-kamma-vipaka-sesakena.
Bahu-vividha-nimitta-lakkhanannu
abhinipuna manuja vyakarimsu:
'Bahu-vividha-gihinam arahani
patilabhati daharo susu kumaro,

[page 164]

Idha mahi-patissa kama-bhoga
gihi patirupaka bahu bhavanti,
Yadi ca jahati sabbam kama-bhogam,
labhati anuttaram uttamam dhanaggan ti.'

4. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano bahuno janassa attha-kamo ahosi hita-kamo phasu-kamo yogakkhema-kamo -- "kinti 'me saddhaya vaddheyyum, silena vaddheyyum, sutena vaddheyyum, cagena vaddheyyum, dhammena vaddheyyum, pannaya vaddheyyum, dhana-dhannena vaddheyyum, khetta-vatthuna vaddheyyum, dipada-catuppadehi vaddheyyum, putta-darehi vaddheyyum, {dasa-kammakara}-porisehi vaddheyyum, natihi vaddheyyum, mittehi vaddheyyum, bandhavehi vaddheyyun ti," -- so tassa kammassa katatta upacitatta ussannatta vipulatta kayassa bheda param marana sugatim saggam lokam uppajjati ... pe ... So tato cuto itthattam agato samano imani tini MahaPurisa-lakkhanani patilabhati, siha-pubbaddha-kayo ca hoti citantaramso ca samavatta-kkhando ca.

5. 'So tehi lakkhanehi samannagato sace agaram ajjhavasati Raja hoti Cakkavatti. Raja samano kim labhati? Aparihana-dhammo hoti,

[page 165]

na parihayati dhana-dhannena khetta-vatthuna dipada-catuppadehi putta-darehi dasakammakara-porisehi nati-mittehi bandhavehi, na parihayati sabba-sampattiya. Raja samano idam labhati ... pe ... Buddho samano kim labhati? Aparihana-dhammo hoti, na parihayati saddhaya silena sutena cagena pannaya, na parihayati sabba-sampattiya. Buddho samano idam labhati.'

Etam attham Bhagava avoca.

6. Tatth' etam vuccati:

Saddhaya silena sutena buddhiya cagena dhammena bahuhi sadhuhi,
Dhanena dhannena ca khetta-vatthuna puttehi darehi catuppadehi ca,
Natihi mittehi ca bandhavehi balena vannena sukhena cubhayam,
'Katham na hayeyyum pare ti' icchati attha-{ssamiddhi} ca panabhikankhati.
Sasiha-pubbaddha-susanthito ahu samavatta-kkhandho ca cit-antaramso,
Pubbe sucinnena katena kammuna ahaniya pubba-nimittamassatam.
Gihi pi dhannena dhanena vaddhati puttehi darehi catuppadehi ca,
Akincano pabbajito p' anuttaram pappoti bodhim asahana-dhammatan ti.

[page 166]

7. 'Yam pi bhikkhave Tathagato purimam jatim purimam bhavam purimam niketam pubbe-manussa-bhuto samano, sattanam avihethaka-jatiko ahosi panina va ledduna va dandena va satthena va, so tassa kammassa katatta upacitatta ussannatta vipulatta kayassa bheda param marana sugatim saggam lokam uppajjati ... pe ... So tato cuto itthattam agato samano imam MahaPurisalakkhanam patilabhati, rasaggas-aggi hoti, uddhaggassa rasa-haraniyo givaya jata honti samabhivahiniyo.

8. 'So tena lakkhanena samannagato sace agaram ajjhavasati Raja hoti Cakkavatti. Raja samano kim labhati? Appabadho hoti appatanko sama-vepakiniya gahaniya samannagato natisitaya naccunhaya. Raja samano idam labhati ... pe ... Buddho samano kim labhati? Appabadho hoti appatanko sama-vepakiniya gahaniya samannagato natisitaya naccunhaya majjhimaya padhana-kkhamaya. Buddho samano idam labhati.'

Etam attham Bhagava avoca.

9. Tatth' etam vuccati:

Na panina na ca pana danda-ledduna satthena va marana-vadhena va puna,
Ubbadhanaya paritajjanaya va na hethayi jantum ahethako ahu.
Ten' eva so sugatim upecca modati sukha-pphalam kariyasukhani vindati,

[page 167]

Sampajjasa rasa-harani susanthita idh' agato labhati rasaggas-aggitam.
Ten' ahu nam abhinipuna vicakkhana: 'Ayan naro sukhabahulo bhavissati,
Gihissa va pabbajitassa va puna tam lakkhanam bhavati tadattha-jotakan ti.'

10. 'Yam pi bhikkhave Tathagato ... pe ... pubbe manussa-bhuto samano na visatam na ca visacitam na pana viceyya-pekkhita uju tatha pasatam udu-mano piya-cakkhuna bahujanam udikkhita ahosi, so tassa kammassa katatta upacitatta ussannatta vipulatta kayassa bheda param marana sugatim saggam lokam uppajjati ... pe ... So tato cuto itthattam agato samano imani dve MahaPurisa-lakkhanani patilabhati, abhinila-netto ca hoti go-pakhumo ca.

11. 'So tehi lakkhanehi samannagato, sace agaram ajjhavasati Raja hoti Cakkavatti. Raja samano kim labhati? Piya-dassano hoti bahuno janassa, piyo hoti manapo brahmana-gahapatikanam negama-janapadanam ganaka-mahamattanam anikattha-dovarikanam amaccanam parisajjanam rajunam bhogiyanam kumaranam.

[page 168]

Raja samano idam labhati ... pe ... Buddho samano kim labhati? Piya-dassano hoti bahuno janassa, piyo hoti manapo bhikkhunam bhikkhuninam upasakanam upasikanam devanam manussanam asuranam naganam gandhabbanam. Buddho samano idam labhati.'

Etam attham Bhagava avoca.

12. Tatth' etam vuccati:

Na ca visatam na ca visacitam
na ca pana viceyya-pekkhita
Uju tatha pasatam udu-mano
piya-cakkhuna bahujanam udikkhita.
Sugatisu so phala-vipakam
anubhavati tattha modati,
Idha ca pana bhavati go-pakhumo
abhinilanetta-nayano sudassano.
Abhiyogino ca nipuna
bahu pana nimitta-kovida
Sukhuma-nayana-kusala manuja
'piya-dassano' ti abhiniddisanti {nam}.
Piya-dassano gihi pi santo
bhavati bahunnam piyayito,

[page 169]

Yadi ca na bhavati gihi Samano hoti
piyo bahunnam soka-nasano ti.'

13. 'Yam pi bhikkhave Tathagato ... pe ... pubbe manussa-bhuto samano bahujana-pubbangamo ahosi kusalesu dhammesu bahujana-pamokkho kaya-sucarite vacisucarite mano-sucarite dana-samvibhage sila-samadane uposathupavase metteyyataya petteyyataya samannataya brahmannataya kule-jetthapacayitaya annatar-annataresu adhikusalesu dhammesu, so tassa kammassa katatta upacitatta ussannatta vipulatta kayassa bheda param marana sugatim saggam lokam uppajjati ... pe ... So tato cute itthattam agato samano imam MahaPurisa-lakkhanam patilabhati, unhisa{-siso} hoti.

14. 'So tena lakkhanena samannagato sace agaram ajjhavasati Raja hoti Cakkavatti. Raja samano kim labbhati? Maha 'ssa jano anvayiko hoti, brahmana-gahapatika negama-janapada ganaka-mahamatta anikattha dovarika amacca parisajja rajano bhogiya kumara. Raja samano idam labhati ... pe ... Buddho samano kim labhati? Maha 'ssa jano anvayiko hoti {bhikkhu} bhikkhuniyo upasaka upasikayo deva manussa asura naga gandhabba.

Buddho samano idam labhati.'

Etam attham Bhagava avoca.

15. Tatth' etam vuccati:

Pubbangamo sucaritesu ahu
dhammesu dhammacariyabhirato,
Anvayiko bahujanassa ahu,
saggesu vedayittha punna-phalam.

[page 170]

Veditva so sucaritassa phalam
unhisa-sisattam idh' ajjhagama,
Vyakamsu vyanjana-nimitta-dhara,
'Pubbangamo bahunnam hessatayam.
Patibhogiyani manujesu idha
pubbe va tassa abhiharanti tada.
Yadi khattiyo bhavati bhumi-pati
patiharakam bahujane labhati.
Atha ce pi pabbajati so manujo
dhammesu hoti paguno visavi.
Tassanusasani gunabhirato
anvayiko bahujano bhavatiti.'

16. 'Yam pi bhikkhave Tathagato ... pe ... pubbe manussa-bhuto samano musa-vadam pahaya musa-vada pativirato ahosi sacca-vadi sacca-sandho theto paccayiko avisamvadako lokassa, so tassa kammassa katatta upacitatta ussannatta vipulatta ... pe ... So tato cuto itthattam agato samano imani dve MahaPurisa-lakkhanani patilabhati, ekeka-lomo ca hoti unna ca bhamuk-antare jata hoti odata mudutula-sannibha.

17. 'So tehi lakkhanehi samannagato sace agaram ajjhavasati Raja hoti Cakkavatti. Raja samano kim labhati? Maha 'ssa jano upavattati brahmana-gahapatika negamajanapada ganaka-mahamatta anikattha dovarika amacca parisajja rajano bhogiya kumara.

[page 171]

Raja samano idam labhati ... pe ... Buddho samano kim labhati? Maha 'ssa jano upavattati bhikkhu bhikkhuniyo upasaka upasikayo deva manussa asura naga gandhabba. Buddho samano idam labhati.'

Etam attham Bhagava avoca.

18. Tatth' etam vuccati:

'{Sacca-ppatinno} purimasu jatisu
advejjha-vaco alikam vivajjayi,
Na so visamvadayita pi kassaci
bhutena tacchena tathena tosayi.
Seta susukka mudu-tula-sannibha
unna sujata bhamuk-antare ahu,
Na loma-kupesu duve ajayisum,
ekeka-lomupacit-angava ahu.
Tam lakkhanannu bahavo samagata
vyakamsu uppada-nimitta-kovida:
'Unna ca loma ca yatha susanthita
upavattati edisakam bahujjano.
Gihim pi santam upavattati jano
bahu purattha pakatena kammuna,
Akincanam pabbajitam anuttaram
Buddham pi santam upavattati jano ti.'

19. 'Yam pi bhikkhave Tathagato purimam jatim ... pe ... pubbe manussa-bhuto samano {pisuna}-vacam pahaya {pisunaya} vacaya pativirato ahosi, ito sutva na amutra akkhata imesam bhedaya, amutra va sutva na-y-imesam akkhata amusam bhedaya, iti bhinnanam va sandhata sahitanam va anuppadata samaggaramo samagga-rato samagga-nandi samagga-karanim vacam bhasita ahosi,

[page 172]

so tassa kammassa katatta upacitatta ussannatta vipulatta kayassa bheda param marana sugatim saggam lokam uppajjati. ... pe ... So tato cuto itthattam agato samano imani dve MahaPurisa-lakkhanani patilabhati, cattarisadanto hoti avivara-danto ca.

20. 'So tehi lakkhanehi samannagato sace agaram ajjhavasati Raja hoti Cakkavatti. Raja samano kim labhati? Abhejja-pariso hoti abhejja 'ssa honti brahmana-gahapatika negama-janapada ganaka-mahamatta anikattha dovarika amacca parisajja rajano bhogiya kumara. Raja samano idam labhati ... pe ... Buddho {samano} kim labhati? Abhejja-pariso hoti abhejja 'ssa honti {bhikkhu} bhikkhuniyo upasaka upasikayo deva manussa asura naga gandhabba. Buddho samano idam labhati.'

Etam attham Bhagava avoca.

21. Tatth' etam vuccati:

Vebhutiyam sahita-bheda-karim
bheda-ppavaddhana-vivada-karim
Kalaha-pavaddhana-akicca-karim
sahitanam bheda-jananim n' {abhani}.
Avivada-vaddhana-karim ciram
bhinnanusandhi-jananim {abhani},

[page 173]

Kalaham janassa panudi samangi
sahitehi nandati modati ca.
Sugatisu so phala-vipakam
anubhavati tattha modati,
Danta idha honti avivara sahita
caturo dasa 'ssa mukhaja susanthita.
Yadi khattiyo bhavati bhumi-pati,
avihethiya 'ssa parisa bhavanti,
Samano ca hoti virajo vimalo,
parisa 'ssa hoti anugata acala ti.'

22. 'Yam pi bhikkhave ... pe ... pubbe manussabhuto samano pharusam vacam pahaya pharusaya vacaya pativirato ahosi, ya sa vaca nela kanna-sukha pemaniya hadayam-gama pori bahujana-kanta bahujana-manapa, tatha-rupam vacam bhasita ahosi, so tassa kammassa katatta upacitatta ussannatta vipulatta kayassa bheda param marana sugatim saggam lokam uppajjati ... pe ... So tato cuto itthattam agato samano imani dve MahaPurisa-{lakkhanani} patilabhati, pahuta jivho ca hoti brahmassaro ca karavika-{bhani}.

23. 'So tehi lakkhanehi samannagato sace agaram ajjhavasati Raja hoti Cakkavatti. Raja samano kim labhati? Adeyya-vaco hoti, adiyanti 'ssa vacanam brahmana-gahapatika negama-janapada ganaka-mahamatta anikattha dovarika amacca parisajja rajano bhogiya kumara. Raja samano idam labhati ... pe ... Buddho samano kim labhati? Adeyya-vaco hoti,

[page 174]

adiyanti 'ssa vacanam bhikkhu bhikkhuniyo upasaka {upasikayo} deva manussa asura naga gandhabba. Buddho samano idam labhati.'

Etam attham Bhagava avoca.

24. Tatth' etam vuccati:

Akkosa-bhandana-vihesa-karim
ubbayikam bahujana-pamaddanam,
Abalham giram so na 'bhani pharusam,
madhuram bhani susamhitam sakhilam.
Manaso piya hadayam-gaminiyo
vaca. So erayati kanna-sukha,
Vaca sucinna-phalam anubhavi,
saggesu vedayatha punna-phalam.
Veditva so sucaritassa phalam
brahma-ssarattam idha-m-ajjhagama,
Jivha 'ssa hoti vipula thula,
adeyya-vakya-vacano bhavati.
Gihino pi ijjhati yatha {bhanato},
atha ce pi pabbajati so manujo,

[page 175]

Adiyanti 'ssa vacanam janata
bahuno bahum bhanitam bhanato ti.

25. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano samphappalapam pahaya samphappalapa pativirato ahosi, kala-vadi bhuta-vadi attha-vadi dhamma-vadi vinaya-vadi nidhana-vatim vacam bhasita ahosi kalena sapadesam pariyantavatim attha-samhitam, so tassa kammassa katatta upacitatta ussannatta vipulatta kayassa bheda param marana sugatim saggam lokam uppajjati ... pe ... So tato cuto itthattam agato samano imam MahaPurisa-lakkhanam patilabhati, siha-hanu hoti.

26. 'So tena {lakkhanena} samannagato sace agaram ajjhavasati Raja hoti Cakkavatti. Raja samano kim labhati? Appadhamsiko hoti kenaci manussa-bhutena paccattatthikena paccamittena. {Raja} samano idam labhati ... pe ... Buddho samano kim labhati? Appadhamsiko hoti abbhantarehi va bahirehi va paccatthikehi paccamittehi ragena va dosena va mohena va Samanena va Brahmanena va Devena va Marena va {Brahmuna} va kenaci va lokasmim. Buddho samano idam labhati.'

Etam attham Bhagava avoca.

27. Tatth' etam vuccati:

Na samphappalapam na muddhatam
avikinna-vacana-vyappatho va ahosi,
Ahitam pi ca apanudi hitam pi ca
bahujana-sukhan ca {abhani}.

[page 176]

Tam katvana ito cuto dibbam upapajji,
sukata-phala-vipakam anubhosi,
Caviya punar idh' agato samano
dvidu-gama-varatara-hanuttam alattha.
Raja hoti suduppadhamsiyo manuj-indo
manujanadhipati mahanubhavo,
Tidiva-pura-vara-samo bhavati
sura-varataro-r-iva indo.
Gandhabbasura-sakka-rakkhasehi
surehi na hi bhavati suppadhamsiyo.
Tathatto yadi bhavati gihi tatha-vidho
idha disa ca patidisa ca vidisa cati.'

28. 'Yam pi bhikkhave Tathagato purimam jatim purimam bhavam purimam niketam pubbe manussa-bhuto samano micchajivam pahaya samma-ajivena jivikam kappesi tulakuta-kamsakuta-manakuta-ukkotana-vancana-nikati-saci-yoga chedana-vadha-bandhana-viparamosa-alopa-sahasakara pativirato ahosi, so tassa kammassa katatta upacitatta

[page 177]

... pe ... So tato cuto itthattam agato samano imani dve MahaPurisa-lakkhanani patilabhati, sama-danto ca hoti susukka-datho ca.

29. 'So tehi lakkhanehi samannagato sace agaram ajjhavasati Raja hoti Cakkavatti dhammiko dhamma-raja caturanto vijitavi janapada-tthavariya-ppatto satta-ratanasamannagato. Tass' imani satta ratanani bhavanti, seyyathidam cakka-ratanam hatthi-ratanam assa-ratanam {mani}-ratanam itthi-ratanam gahapati-ratanam parinayakaratanam eva sattamam. {Paro-}sahassam kho pan' assa putta bhavanti sura vir-anga-rupa parasena-ppamaddana.

So imam pathavim sagara-pariyantam akhilam animittam akantakam iddham phitam khemam sivam nirabbudam adandena asatthena dhammena abhivijiya ajjhavasati.

Raja samano kim labhati? Suci-parivaro hoti, suci 'ssa honti parivara brahmana-gahapatika negama-janapada ganaka-mahamatta anikattha dovarika amacca parisajja rajano bhogiya kumara. Raja samano idam labhati.

30. 'Sace kho pana agarasma anagariyam pabbajati, araham hoti Samma-Sambuddho loke vivatta-cchaddo.

Buddho samano kim labhati? Suci-parivaro hoti, suci 'ssa honti parivara bhikkhu bhikkhuniyo upasaka upasikayo deva manussa asura naga gandhabba. Buddho samano idam labhati.'

Etam attham Bhagava avoca.

31. Tatth' etam vuccati:

Micchajivan ca avassaji samena
vuttim sucina so janayittha dhammikena,

[page 178]

Ahitam pi ca apanudi hitam pi ca
bahujana-sukhan ca acari.
Sagge vedayati naro sukha-pphalani
karitva nipunehi viduhi samabhi-
Vannitani tidiva-pura-vara-samo
abhiramati rati-khidda-samangi.
Laddha manusakam bhavam tato caviya
na sukata-phala-vipaka-sesakena,
Patilabhati lapanajam samam api
16 suvisuddham suvisukkam.
Tam veyyanjanika samagata bahavo
vyakamsu {nipuna}-sammata manuj-inda:
'Suci-jana-parivara-gano bhavati
dija-sama-sukka-suci-sobhana-danto.
Ranno hoti bahujano suci-parivaro
mahati-mahim anusasato.

[page 179]

Pasayha na ca janapada-tudanam
hitam pi ca bahujana-sukham caranti.
Atha ce pabbajati bhavati vipapo samano
samita-rajo vivatta-cchaddo,
Vigata-daratha-kilamatho
imam pi ca param pi ca passati lokam.
Tass' ovada-kara bahu-gihi ca pabbajita ca
asucim vigarahitam dhunanti papam.
Sa hi suci-parivuto bhavati,
mala-khila-kali-kilese 'panudetiti.'

Lakkhana-Suttantam Nitthitam.

[page 180]

 


 

XXXI. Singalovada Suttanta

Evam me sutam.

1. Ekam samayam Bhagava Rajagahe viharati Velu-vane Kalandaka-nivape. Tena kho pana samayena Singalako gahapati-putto kalass' eva vutthaya, Rajagaha nikkhamitva, alla-vattho alla-keso panjaliko puthud Disa namassati puratthimam Disam dakkhinam Disam pacchimam Disam uttaram Disam hetthimam Disam uparimam Disam.

2. Atha kho Bhagava pubbanha-samayam nivasetva patta-civaram adaya Rajagaham pindaya pavisi. Addasa kho Bhagava Singalakam gahapati-puttam kalass' eva vutthaya Rajagaha nikkhamitva alla-vattham alla-kesam panjalikam puthuddisa namassantam puratthimam disam dakkhinam disam pacchimam disam uttaram disam hetthimam disam uparimam disam. Disva Singalakam gahapatiputtam etad avoca:

'Kin nu tvam gahapati-putta kalass' eva vutthaya Rajagaha nikkhamitva alla-vattho alla-keso panjaliko puthuddisa namassasi puratthimam disam

[page 181]

... pe ... uparimam disan ti?'

'Pita mam bhante kalam karonto avaca -- "Disa tata namasseyyasiti." So kho aham bhante pitu vacanam sakkaronto {garukaronto} manento pujento kalass' eva vutthaya Rajagaha nikkhamitva alla-vattho alla-keso panjaliko puthuddisa namassami puratthimam disam ... pe ... uparimam disan ti.'

'Na kho gahapati-putta Ariyassa vinaye evam chaddisa namassitabba ti.'

'Yatha katham pana bhante Ariyassa vinaye chaddisa namassitabba? Sadhu me bhante Bhagava tatha dhammam desetu yatha Ariyassa vinaye chaddisa namassitabba ti.'

'Tena hi gahapati-putta sunahi sadhukam manasikarohi, bhasissamiti.'

'Evam bhante ti' kho Singalako gahapati-putto Bhagavato paccassosi. Bhagava etad avoca:

3. 'Yato kho gahapati-putta ariya-savakassa cattaro kamma-kilesa pahina honti, catuhi ca thanehi papakammam na karoti, cha ca bhoganam apaya-mukhani na sevati, so evam cuddasa papaka 'pagato, chaddisa paticchadi, ubho-loka-vijayaya patipanno hoti, tassa ayan c' eva loko araddho hoti paro ca loko. Kayassa bheda param marana sugatim saggam lokam uppajjati.

'Katam' assa cattaro kamma-kilesa pahina honti? Panatipato kho gahapati-putta kamma-kileso, adinnadanam kamma-kileso, kamesu micchacaro kamma-kileso, musavado kamma-kileso. Imassa cattaro kamma-kilesa pahina hontiti.'

Idam avoca Bhagava.

4. Idam vatva Sugato, athaparam etad avoca Sattha:

[page 182]

'Panatipato adinnadanam musa-vado ca vuccati,
Para-dara-gamanan c' eva nappasamsanti pandita ti.'

5. 'Katamehi {catuhi} thanehi papa-kammam na karoti? Chandagatim gacchanto papa-kammam karoti, dosagatim gacchanto papa-kammam karoti, mohagatim gacchanto papa-kammam karoti, bhayagatim gacchanto papa-kammam karoti. Yato kho gahapati-putta Ariya-savako n' eva chandagatim gacchati, na dosagatim gacchati, na mohagatim gacchati, na bhayagatim gacchati, imehi catuhi thanehi papa-kammam na karotiti.'

Idam avoca Bhagava.

6. Idam vatva Sugato athaparam etad avoca Sattha.

'Chanda dosa bhaya moha
yo dhammam ativattati,
Nihiyati tassa {yaso}
kala-pakkhe va candima
Chanda dosa bhaya moha
yo dhammam nativattati,
Apurati tassa yaso
sukka-pakkhe va candima ti.'

7. 'Katamani cha bhoganam apaya-mukhani na sevati? Sura-meraya-majja-pamada-tthananuyogo kho gahapatiputta bhoganam apaya-mukham. Vikala-visikha-cariyanuyogo bhoganam apaya-mukham. Samajjabhicaranam bhoganam apaya-mukham. Juta-ppamada-tthananuyogo bhoganam apaya-mukham. Papa-mittanuyogo bhoganam apaya-mukham. Alassanuyogo bhoganam apaya-mukham.

8. Cha kho 'me gahapati-putta adinava sura-merayamajja-pamada-tthananuyoge: sanditthika dhananjani, kalaha-ppavaddhani, roganam ayatanam, akitti-sanjanani, kopina-niddamsani,

[page 183]

pannaya dubbali-karani tv eva chattham padam bhavati. Ime kho gahapati-putta cha adinava sura-meraya-majja-pamada-tthananuyogo.

9. Cha kho 'me gahapati-putta adinava vikala-visikhacariyanuyoge: atta pi 'ssa agutto {arakkhito} hoti, putta-daro pi 'ssa agutto arakkhito hoti, sapateyyam pi 'ssa aguttam arakkhitam hoti, samkiyo ca hoti papakesu thanesu, abhutam vacanan ca tasmim ruhati, bahunnan ca dukkha-dhammanam purakkhato hoti. Ime kho gahapatiputta cha adinava vikala-visikha-cariyanuyoge.

10. 'Cha kho 'me gahapati-putta adinava samajjabhicarane: "Kuvam naccam, kuvam gitam, kuvam vaditam, kuvam akkhanam, kuvam panissaram, kuvam kumbhathunan ti?" Ime kho gahapati-putta cha adinava samajjabhicarane.

11. 'Cha kho 'me gahapati-putta adinava juta-ppamadatthananuyoge: jayam veram pasavati, jino vittam anusocati, sanditthika dhananjani, sabha-gatassa vacanam na ruhati, mittamaccanam paribhuto hoti, avaha-vivahakanam apatthito hoti, akkha-dhutto purisa-puggalo nalam darabharanayati. Ime kho gahapati-putta cha adinava jutappamada-tthananuyoge.

12. 'Cha kho 'me gahapati-putta adinava papa-mittanuyoge: ye dhutta, ye sonda, ye pipasa, ye nekatika, ye vancanika, ye sahasika, tyassa mitta honti, te sahaya.

[page 184]

Ime kho gahapati-putta cha adinava papa-mittanuyoge.

13. 'Cha kho 'me gahapati-putta adinava alassanuyoge:

"Ati-sitan ti" kammam na karoti, "Ati-unhan ti" kammam na karoti, "Ati-sayan ti" kammam na karoti, "Atipato ti" kammam na karoti, "Ati-chato 'smiti" kammam na karoti, "Ati-dhato 'smiti" kammam na karoti. Tassa evam kiccapadesa-bahulassa viharato anuppanna c' eva bhoga n' uppajjanti, uppanna ca bhoga parikkhayam gacchanti. Ime kho gahapati-putta cha adinava alassanuyoge ti.'

Idam avoca Bhagava.

14. Idam vatva Sugato athaparam etad avoca Sattha:

'Hoti pana-sakha nama,
hoti sammiya-sammiyo,
Yo ca atthesu jatesu
sahayo hoti, so sakha.
Ussura-seyya para-dara-sevana
vera-ppasango ca anatthata ca,
Papa ca mitta su-kadariyata ca,
ete cha thana purisam dhamsayanti.
Papa-mitto papa-sakho
papacara-gocaro,
Asma loka paramha ca
ubhaya dhamsate naro.
Akkh-itthiyo varuni nacca-gitam
diva-{suppam} paricariya akalam,
Papa ca mitta su-kadariyata ca,
ete cha thana purisam dhamsayanti.
Akkhehi dibbanti, suram pivanti,
yant' itthiyo panasama paresam,

[page 185]

Nihina-sevi na ca vuddha-sevi,
nihiyati kala-pakkhe va cando.
Yo varuni adhano akincano
pipaso pibam papagato,
Udakam iva inam vigahati,
akulam kahati khippam attano.
Na diva suppana-silena
ratti-n-utthana-dassina
Niccam mattena sondena
sakka avasitum gharam.
"Ati-sitam ati-unham
ati-sayam," idam ahu,
Iti vissattha-kammanto,
attha accenti manave.
Yo ca sitan ca unhan ca
tina bhiyyo na mannati
Karam purisa-kiccani,
so sukha na vihayatiti.'

15. 'Cattaro 'me {gahapati-putta} amitta mitta-patirupaka veditabba. Annadatthu-haro amitto mitta-patirupako veditabbo: vaci-paramo amitto mitta-patirupako veditabbo:

anuppiya-bhani amitto mitta-patirupako veditabbo: apayasahayo amitto mitta-patirupako veditabbo.

16. 'Catuhi kho gahapati-putta thanehi annadatthu-haro amitto mitta-patirupako veditabbo.

[page 186]

Annadatthu-haro hoti:

appena bahum icchati: bhayassa kiccam karoti: sevati attha-karana. Imehi kho gahapati-putta catuhi thanehi annadatthu-haro amitto mitta-patirupako veditabbo.

17. 'Catuhi kho gahapati-putta thanehi vaci-paramo amitto mitta-patirupako veditabbo. Atitena patisantharati: anagatena patisantharati: niratthakena sanganhati: paccuppannesu kiccesu vyasanam dasseti. Imehi kho gahapatiputta catuhi thanehi vaci-paramo amitto mitta-patirupako veditabbo.

18. 'Catuhi kho gahapati-putta thanehi anuppiya-bhani amitto mitta-patirupako veditabbo. Papakam pi 'ssa anujanati: kalyanam pi 'ssa nanujanati: sammukha 'ssa vannam bhasati: parammukha 'ssa avannam bhasati.

Imehi kho gahapati-putta catuhi thanehi anuppiya-bhani amitto mitta-patirupako veditabbo.

19. 'Catuhi kho gahapati-putta thanehi apaya-sahayo amitto mitta-patirupako veditabbo. Sura-meraya-majjapamada-tthananuyoge sahayo hoti: vikala-visikha-cariyanuyoge sahayo hoti: samajjabhicarane sahayo hoti: jutappamada-tthananuyoge sahayo hoti. Imehi kho gahapatiputta catuhi thanehi apaya-sahayo amitto mitta-patirupako veditabbo ti.

Idam avoca Bhagava.

20. Idam vatva Sugato, athaparam etad avoca Sattha:

'{Annadatthu-}haro mitto,
yo ca mitto vaci-paro,
Anuppiyan ca yo aha,
apayesu ca yo sakha,
Ete amitte cattaro
iti vinnaya pandito
Araka parivajjeyya
maggam patibhayam yatha ti.'

[page 187]

21. 'Cattaro 'me gahapati-putta mitta suhada veditabba.

Upakaro mitto suhado veditabbo: samana-sukha-dukkho mitto suhado veditabbo: atth-akkhayi mitto suhado veditabbo: anukampako mitto suhado veditabbo.

22. 'Catuhi kho gahapati-putta thanehi upakaro mitto suhado veditabbo. Pamattam rakkhati: pamattassa sapateyyam rakkhati: bhitassa saranam hoti: uppannesu kicca-karaniyesu tad digunam bhogam anuppadeti. Imehi kho gahapati-putta catuhi thanehi upakaro mitto suhado veditabbo.

23. 'Catuhi kho gahapati-putta thanehi samana-sukhadukkho mitto suhado veditabbo. Guyham assa acikkhati:

guyham assa pariguhati: apadasu na vijahati: jivitam pi 'ssa atthaya pariccattam hoti. Imehi kho gahapati-putta catuhi thanehi samana-sukha-dukkho mitto suhado veditabbo.

24. 'Catuhi kho gahapati-putta thanehi atth-akkhayi mitto suhado veditabbo. Papa nivareti: kalyane niveseti: assutam saveti: saggassa maggam acikkhati. Imehi kho gahapati-putta catuhi thanehi atth-akkhayi mitto suhado veditabbo.

25. 'Catuhi kho gahapati-putta thanehi anukampako mitto suhado veditabbo. Abhaven' assa na nandati:

bhaven' assa nandati: avannam bhanamanam nivareti:

vannam bhanamanam pasamsati. Imehi kho gahapatiputta catuhi thanehi anukampako mitto suhado veditabbo ti.'

Idam avoca Bhagava.

26. Idam vatva Sugato, athaparam etad avoca Sattha:

[page 188]

'Upakaro ca yo mitto,
1 yo ca mitto sukhe dukkhe,
Atth-akkhayi ca yo mitto,
yo ca mittanukampako,
Ete pi mitte cattaro
iti vinnaya pandito
Sakkaccam payirupaseyya,
mata puttam va orasam.
Pandito sila-sampanno
jalam aggiva bhasati.
Bhoge samharamanassa
bhamarass' eva iriyato,
Bhoga sannicayam yanti,
vammiko v' upaciyati.
Evam bhoge samahantva,
alam-attho kule gihi.
Catudha vibhaje bhoge,
save mittani ganthati,
Ekena bhoge bhunjeyya,
dvihi kammam payojaye,
Catutthan ca nidhapeyya,
apadasu bhavissatiti.'

27. 'Kathan ca gahapati-putta ariya-savako chaddisa paticchadi hoti? Cha-y-ima gahapati-putta disa veditabba. Puratthima disa mata-pitaro veditabba. Dakkhina disa acariya veditabba.

[page 189]

Pacchima disa puttadara veditabba. Uttara disa mittamacca veditabba. Hetthima disa dasa-kammakara porisa veditabba. Uparima disa Samana-Brahmana veditabba.

28. 'Pancahi kho gahapati-putta thanehi puttena puratthima disa mata-pitaro paccupatthatabba. "Bhato nesam bharissami, kiccam nesam karissami, kula-vamsam thapessami, dayajjam patipajjami, atha ca pana petanam kalakatanam dakkhinam anuppadassamiti." Imehi kho gahapati-putta pancahi thanehi puttena puratthima disa matapitaro paccupatthita pancahi thanehi puttam anukampanti.

Papa nivarenti, kalyane nivesenti, sippam sikkhapenti, patirupena darena samyojenti, samaye dayajjam niyyadenti. Imehi kho gahapati-putta pancahi thanehi puttena puratthima disa mata-pitaro paccupatthita imehi pancahi thanehi puttam anukampanti. Evam assa esa puratthima disa paticchanna hoti khema appatibhaya.

29. 'Pancahi kho gahapati-putta thanehi antevasina dakkhina disa acariya paccupatthatabba: utthanena, upatthanena, sussusaya, paricariyaya, sakkaccam sippa-patiggahanena. Imehi kho gahapati-putta pancahi thanehi antevasina dakkhina disa acariya paccupatthita pancahi thanehi antevasim anukampanti. Suvinitam vinenti, suggahitam gahapenti, sabba-sippa-sutam samakkhayino bhavanti, mittamaccesu parivedenti, disasu parittanam karonti. Imehi kho gahapati-putta pancahi thanehi ante{vasina} dakkhina disa acariya paccupatthita imehi pancahi thanehi antevasim anukampanti.

[page 190]

Evam assa esa dakkhina disa paticchanna hoti khema appatibhaya.

30. 'Pancahi kho gahapati-putta thanehi samikena pacchima disa bhariya paccupatthatabba: sammananaya, avimananaya, anaticariyaya, issariya-vossaggena, alamkaranuppadanena. Imehi kho gahapati-putta pancahi thanehi samikena pacchima disa bhariya paccupatthita pancahi thanehi samikam anukampati. Susamvihita-kammanta ca hoti, susangahita-parijana ca, anaticarini ca, sambhatam anurakkhati, dakkha ca hoti analasa sabbakiccesu. Imehi kho gahapati-putta pancahi thanehi samikena pacchima disa bhariya paccupatthita imehi pancahi thanehi samikam anukampati. Evam assa esa pacchima disa paticchanna hoti khema appatibhaya.

31. 'Pancahi kho gahapati-putta thanehi kula-puttena uttara disa mittamacca paccupatthatabba: danena, peyyavajjena, attha-cariyaya, samanattataya, avisamvadanataya Imehi kho gahapati-putta pancahi thanehi kula-puttena uttara disa mittamacca paccupatthita pancahi thanehi kulaputtam anukampanti. Pamattam rakkhanti, pamattassa sapateyyam rakkhanti, bhitassa saranam honti, apadasu na vijahanti, apara-pajam ca pi 'ssa patipujenti. Imehi kho gahapati-putta pancahi thanehi kula-puttena uttara disa mittamacca paccupatthita imehi pancahi thanehi kulaputtam anukampanti. Evam assa esa uttara disa paticchanna hoti khema appatibhaya.

32. 'Pancahi kho gahapati-putta thanehi ayirakena hetthima disa dasa-kammakara paccupatthatabba:

[page 191]

yathabalam kammanta-samvidhanena, bhatta-vettananuppadanena, {gilanupatthanena}, acchariyanam rasanam samvibhagena, samaye vossaggena. Imehi kho gahapati-putta pancahi thanehi ayirakena hetthima disa dasa-kammakara paccupatthita pancahi thanehi ayirakam anukampanti.

Pubbutthayino ca honti, paccha-nipatino ca, dinna-dayino ca, sukata-kamma-karaka, kitti-vanna-hara ca. Imehi kho gahapati-putta pancahi thanehi ayirakena hetthima disa dasa-kammakara paccupatthita imehi pancahi thanehi ayirakam anukampanti. Evam assa esa hetthima disa paticchanna hoti khema appatibhaya.

33. 'Pancahi kho gahapati-putta thanehi kala-puttena uparima disa Samana-Brahmana paccupatthatabba: mettena kaya-kammena, mettena vaci-kammena, mettena mano-kammena, anavata-dvarataya amisanuppadanena.

Imehi kho gahapati-putta pancahi thanehi kula-puttena uparima disa Samana-Brahmana paccupatthita chahi thanehi kula-puttam anukampanti. Papa nivarenti, kalyane nivesenti, kalyana-manasa anukampanti, assutam saventi, sutam pariyodapenti, saggassa maggam {acikkhanti}.

Imehi kho gahapati-putta pancahi thanehi kula-puttena uparima disa Samana-Brahmana paccupatthita imehi chahi thanehi kula-puttam anukampanti. Evam assa esa uparima disa paticchanna hoti khema appatibhaya ti.'

Idam avoca Bhagava.

34. Idam vatva Sugato, athaparam etad avoca Sattha:

'Mata-pita disa pubba,
acariya dakkhina disa,

[page 192]

Putta-dara disa paccha,
mittamacca ca uttara,
Dasa-kammakara hettha,
uddham Samana-Brahmana,
Eta disa namasseyya
alam-attho kule gihi.
Pandito sila-sampanno,
sanho ca patibhanava,
Nivata-vutti atthaddho,
tadiso labhate yasam.
Utthanako analaso,
apadasu na vedhati,
Acchidda-vutti medhavi,
tadiso labhate yasam.
Sangahako mitta-karo,
vadannu vita-maccharo,
Neta vineta anuneta,
tadiso labhate yasam.
Danan ca peyya-vajjan ca,
attha-cariya ca ya idha,
Samanattata ca dhammesu,
tattha tattha yatha 'raham.
Ete kho sangaha loke,
rathass' aniva yayato,
Ete ca sangaha n' assu,
na mata putta-karana
Labhetha manam pujam va,
pita va putta-karana.
Yasma ca sangahe ete
samavekkhanti pandita,

[page 193]

Tasma mahattam papponti,
pasamsa ca bhavanti te ti.'

35. Evam vutte Singalako gahapati-putto Bhagavantam etad avoca:

'Abhikkantam bhante, abhikkantam bhante. Seyyatha pi bhante nikkujjitam va ukkujjeyya, paticchannam va vivareyya, mulhassa va maggam acikkheyya, andha-kare va tela-pajjotam dhareyya "Cakkhumanto rupani dakkhintiti": evam evam {Bhagavata} aneka-pariyayena dhammo pakasito. Esaham bhante Bhagavantam saranam gacchami, Dhamman ca bhikkhu-Samghan ca. Upasakam mam Bhagava dharetu ajjatagge panupetam saranam gatan ti.'

Singalovada-Suttantam.

[page 194]

 


 

XXXII. Atanatiya Suttanta

Evam me sutam.

1. Ekam samayam Bhagava Rajagahe viharati Gijjhakute pabbate. Atha kho cattaro Maharaja mahatiya ca Yakkha-senaya mahatiya ca Gandhabba-senaya mahatiya ca Kumbhanda-senaya mahatiya ca Naga-senaya, catuddisam rakkham thapetva, catuddisam gumbam thapetva, catuddisam ovaranam thapetva, abhikkantaya rattiya abhikkanta-vanna kevala-kappam Gijjha-kutam obhasetva, yena Bhagava ten' upasamkamimsu, upasamkamitva Bhagavantam abhivadetva ekamantam nisidimsu. Te pi kho Yakkha app ekacce Bhagavantam abhivadetva ekamantam nisidimsu: app ekacce Bhagavata saddhim sammodimsu, sammodaniyam katham saraniyam vitisaretva ekamantam nisidimsu: {app} ekacce yena Bhagava ten' anjalim panametva ekamantam nisidimsu: app ekacce nama-gottam savetva ekamantam nisidimsu: app ekacce tunhi-bhuta ekamantam {nisidimsu.}

2. Ekamantam nisinno kho Vessavano Maharaja Bhagavantam etad avoca:

'Santi hi bhante ulara Yakkha Bhagavato appasanna, santi hi bhante ulara Yakkha Bhagavato pasanna: santi hi bhante majjhima Yakkha Bhagavato appasanna,

[page 195]

santi hi bhante majjhima Yakkha Bhagavato pasanna: santi hi bhante nica Yakkha Bhagavato appasanna, santi hi bhante nica Yakkha Bhagavato pasanna. Yebhuyyena kho pana bhante Yakkha appasanna yeva Bhagavato. Tam kissa hetu? Bhagava hi bhante panatipata veramaniya dhammam deseti, adinnadana veramaniya dhammam deseti, kamesu micchacara veramaniya dhammam deseti, musa-vada veramaniya dhammam deseti, sura-merayamajja-pamadatthana veramaniya dhammam deseti. Yebhuyyena kho pana bhante Yakkha appativirata yeva panatipata, appativirata adinnadana, appativirata kamesu micchacara, appativirata musa-vada, appativirata surameraya-majja-pamadatthana. Tesam tam hoti appiyam amanapam. Santi hi bhante Bhagavato savaka, aranne vanapatthani pantani senasanani patisevanti appassaddani appa-nigghosani vijana-vatani manussa-rahaseyyakani patisallana-saruppani. Tattha santi ulara Yakkha nivasino ye imasmim Bhagavato pavacane appasanna. Tesam pasadaya ugganhatu bhante Bhagava Atanatiyam rakkham bhikkhunam bhikkhuninam upasakanam upasikanam guttiya rakkhaya avihimsaya phasuviharayati.'

Adhivasesi Bhagava tunhi-bhavena.

3. Atha kho Vessavano Maharaja Bhagavato adhivasanam viditva tayam velayam imam Atanatiyam rakkham abhasi:

'Vipassissa nam' atthu
cakkhumantassa sirimato.
Sikhissa pi nam' atthu
sabba-{bhutanukampino}.
Vessabhussa nam' atthu
nahatakassa tapassino.

[page 196]

Nam' atthu Kakusandhassa
Mara-sena pamaddino.
Konagamanassa nam' atthu
brahmanassa vusimato.
Kassapassa nam' atthu
vippamuttassa sabbadhi.
Angirasassa nam' atthu
Sakya-puttassa sirimato,
Yo imam dhammam adesesi
sabba-dukkhapanudanam.
Ye capi nibbuta loke
yathabhutam vipassisum,
Te jana apisuna
mahanta vita-sarada.
Hitam deva-manussanam
yam namassanti Gotamam
Vijja-{carana}-sampannam.
mahantam vita-saradam.
4. 'Yato uggacchati suriyo
adicco mandali maha,
Yassa c' uggacchamanassa
samvari pi nirujjhati,
Yassa c' uggate suriye
"Divaso" ti pavuccati,
Rahado pi tattha gambhiro
samuddo saritodako.
Evan tam tattha jananti
"Samuddo saritodako."

[page 197]

Ito "sa purima disa"
iti nam acikkhati jano.
Yam disam abhipaleti
Maharaja yassassi so
Gandhabbanam adhipati,
"Dhatarattho" iti nama so,
Ramati nacca-gitehi
Gandhabbehi purakkhato.
Putta pi tassa bahavo,
eka-nama ti me sutam,
Asiti dasa eko ca
Inda-nama mahabbala.
Te capi Buddham disvana,
Buddham adicca-bandhunam,
Durato va namassanti
mahantam vita-saradam.
Namo te purisajanna!
Namo te purisuttama!
Kusalena samekkhasi,
amanussa pi tam vadanti!
Sutam n' etam abhinhaso,
tasma evam vademase,
"Jinam vandatha Gotamam,
Jinam vandama Gotamam,
Vijja-carana-sampannam
Buddham vadama Gotamam"
5. 'Yena Peta pavuccanti
pisuna pitthi-mamsika
Panatipatino luddha
cora nekatika jana,

[page 198]

Ito "sa dakkhina disa"
iti nam acikkhati jano.
Yam disam abhipaleti
Maharaja yasassi so
Kumbhandanam adhipati,
"Virulho" iti nama so
Ramati nacca-gitehi,
Kumbhandehi purakkhato.
Putta pi tassa bahavo
eka-nama ti me sutam,
Asiti dasa eko ca
Inda-nama mahabbala.
Te capi Buddham disvana,
Buddham adicca-bandhunam,
Durato va namassanti
mahatam vita-saradam.
Namo te purisajanna!
Namo te purisuttama!
Kusalena samekkhasi,
amanussa pi tam vandanti!
Sutam n' etam abhinhaso,
tasma evam vademase,
"Jinam vadatha Gotamam,
Jinam vandama Gotamam,
Vijja-carana-sampannam
Buddham vandama Gotamam."
6. 'Yattha c' oggacchati suriyo
adicco mandali maha,
Yassa c' oggacchamanassa
divaso pi nirujjhati,
Yassa c' oggate suriye
"{Samvari}" ti pavuccati,
Rahado pi tattha gambhiro
samuddo saritodako.
Evan tam tattha jananti
"Samuddo saritodako."
Ito "sa pacchima disa"
iti nam acikkhati jano.

[page 199]

Yam disam abhipaleti
Maharaja yasassi so
Naganam adhipati,
"Virupakkho" iti nama so
Ramati nacca-gitehi,
Nagehi purakkhato.
Putta pi tassa bahavo
eka-nama ti me sutam,
Asiti dasa eko ca
Inda-nama mahabbala.
Te capi Buddham disvana,
Buddham adicca-bandhunam,
Durato va namassanti
mahantam vita-saradam.
Namo te purisajanna!
Namo te purisuttama!
Kusalena samekkhasi,
amanussa pi tam vandanti!
Sutam n' etam abhinhaso,
tasma evam vademase,
"Jinam vandatha Gotamam,
Jinam vandama Gotamam,
Vijja-carana-sampannam
Buddham vandama Gotamam."
7. 'Yena Uttara-kuru ramma
Maha-Neru sudassano
Manussa tattha jayanti
amama apariggaha.
Na te bijam pavapanti,
na pi niyanti nangala,
Akattha-pakimam salim
paribhunjanti manusa.
Akanam athusam suddham
sugandham tandula-pphalam

[page 200]

Tundi-kire pacitvana,
tato bhunjati bhojanam.
Gavim eka-khuram katva
anuyanti diso disam,
Pasum eka-khuram katva
anuyanti diso disam,
Itthi-vahanam katva
anuyanti diso disam,
Purisa-vahanam katva
anuyanti diso disam,
Kumari-vahanam katva
anuyanti diso disam,
Kumara-vahanam katva
anuyanti diso disam,
Te yane abhiruhitva
sabba disa anupariyanti
Pacara tassa rajino.
Hatthi-yanam assa-yanam
dibbam yanam upatthitam,
Pasada sivika c' eva
Maharajassa yasassino.
Tassa ca nagara ahu
antalikkhe sumapita,
Atanata Kusinata
Parakusinata
Natapuriya
Parakusitanata.

[page 201]

Uttarena Kapivanto,
Janogham aparena ca,
Navanatiyo
Ambara-Ambaravatiyo,
Alakamanda nama raja-dhani.
Kuverassa kho pana
Marisa, Maharajassa
Visana nama raja-dhani.
Tasma Kuvero Maharaja
"Vessavano" ti pavuccati.
Paccesanto pakasenti
Tatola Tattala Tatotala
Ojasi Tejasi Tatojasi
Suro raja Arittho Nemi.
Rahado pi tattha Dharani nama
yato megha pavassanti,
Vassa yato patayanti.
Sabha pi tattha Bhagalavati nama
yattha Yakkha payirupasanti.
Tattha nicca-phala rukkha
nana-dija-ganayuta
Mayura-koncabhiruda
kokilabhihi vaggubhi.
Jivam jivaka-sadd' ettha
atho otthava-cittaka

[page 202]

Kukutthaka kuliraka
vane pokkhara-sataka.
Suka-salika-sadd' ettha
danda-manavakani ca,
Sobhati sabba-kalam sa
Kuvera-nalini sada.
Ito "sa uttara disa"
iti nam acikkhati jano.
Yam disam abhipaleti,
Magaraja yasassi so
Yakkhanam adhipati,
"Kuvero" iti nama so
Ramati nacca-gitehi,
yakkhehi purakkhato.
Putta pi tassa bahavo
eka-nama ti me sutam,
Asiti dasa eko ca
Inda-nama mahabbala.
Te capi Buddham disvana,
Buddham adicca-bandhunam,
Durato va namassanti
mahantam vita-saradam.
Namo te purisajanna!
Namo te purisuttama!
Kusalena samekkhasi
amanussa pi tam vadanti!
Sutam n' etam {abhinhaso},
tasma evam vademase,
"Jinam vandatha Gotamam,
Jinam vandama Gotamam,
Vijja-carana-sampannam
Buddham vandama Gotaman" ti.'

[page 203]

8. 'Ayam kho sa Marisa Atanatiya rakkha bhikkhunam bhikkhuninam upasakanam upasikanam guttiya rakkhaya avihimsaya phasu-viharayati.'

'Yassa kassaci Marisa bhikkhussa va bhikkhuniya va upasakassa va upasikaya ayam Atanatiya rakkha suggahita bhavissati samatta pariyaputa, tan ce amanusso Yakkho va Yakkhini va Yakkha-potako va Yakkha-potika va Yakkha-mahamatto va Yakkha-parisajjo va Yakkhapacaro va, Gandhabbo va Gandhabbi va ... pe ... Kumbhando va ... pe ... Nago va ... pe ... paduttha-citto bhikkhum va bhikkhunim va upasakam va upasikam va gacchantam va anugaccheyya, thitam va upatittheyya, nisinnam va upanisideyya, nipannam va upanipajjeyya, na me so Marisa amanusso labheyya gamesu va nigamesu va sakkaram va {garu-karam} va. Na me so Marisa amanusso labheyya Alakamandaya raja-dhaniya vatthum va vasam va. Na me so Marisa amanusso labheyya Yakkhanam samitim gantum Api ssu nam Marisa amanussa anavayham pi nam kareyyum avivayham.

Api ssu nam Marisa amanussa attahi pi {paripunnahi} paribhasahi paribhaseyyum. Api ssu nam Marisa amanussa rittam pi pattam sise nikkujjeyyum. Api ssu nam Marisa amanussa sattadha pi 'ssa muddham phaleyyum.

9. 'Santi hi Marisa amanussa canda rudda rabhasa.

Te n' eva Maharajanam adiyanti, na Maharajanam purisakanam adiyanti, na Maharajanam purisakanam purisakanam adiyanti. te kho te Marisa amanussa Maharajanam avaruddha nama vuccanti.

[page 204]

Seyyathapi Marisa ranno Magadhassa vijite maha-cora, te n' eva ranno Magadhassa adiyanti, na ranno Magadhassa purisakanam adiyanti, na ranno Magadhassa purisakanam purisakanam adiyanti, te kho te Marisa maha-cora ranno Magadhassa avaruddha nama vuccanti, -- evam eva kho Marisa santi amanussa canda {rudda} rubhasa. Te n' eva Maharajanam adiyanti, na Maharajanam purisakanam adiyanti, na Maharanam purisakanam purisakanam adiyanti. Te kho te Marisa amanussa maharajanam avaruddha nama vuccanti. Yo hi koci Marisa amanusso Yakkho va Yakkhini va ... pe ... paduttha-citto bhikkhum va bhikkhunim va upasakam va upasikam va gacchantam va anugaccheyya, thitam va upatittheyya nisinnam va upanisideyya, nipannam va {upanipajjeyya}, imesam Yakkhanam Maha-Yakkhanam Senapatinam Maha-Senapatinam ujjhapetabbam vikkanditabbam viravitabbam -- "Ayam Yakkho ganhati, ayam Yakkho avisati, ayam Yakkho hetheti, ayam Yakkho vihetheti, ayam Yakkho himsati, ayam Yakkho vihimsati, ayam Yakkho na muncatiyi."

10. 'Katamesam Yakkhanam Maha-Yakkhanam Senapatinam Maha-Senapatinam?

Indo Somo Varuno ca
Bharadvajo Pajapati,
Candano Kamasettho ca
Kinnughandu Nighandu ca,
Panado Opamanno ca
Devasuto ca Matali,
Cittaseno ca Gandhabbo
Nalo raja Janesabho,
Satagiro Hemavato
Punnako Karatiyo Gulo,

[page 205]

Sivako Mucalido ca
Vessamitto Yugandharo
Gopalo Suppagedho ca
Hiri Netti ca Mandiyo
Pancala-cando Alavako
Pajjunno Sumano Sumukho
Dadhimukho Mani Manicaro Digho
Atho Serissako saha.

'Imesam Yakkhanam Maha-Yakkhanam Senapatinam Maha-Senapatinam ujjhapetabbam vikkanditabbam viravitabbam -- "Ayam Yakkho ganhati, ayam Yakkho {avisati}, ayam Yakkho hetheti, ayam Yakkho vihetheti, ayam Yakkho himsati, ayam Yakkho vihimsati, ayam yakkho na muncatiti."

11. 'Ayam kho sa Marisa Atanatiya rakkha bhikkhunam bhikkhuninam upasakanam upasikanam guttiya rakkhaya avihimsaya phasu-viharayati.'

'Handa ca dani mayam Marisa gacchama, bahu-kicca mayam, bahu-karaniya ti.'

'Yassa dani tumhe Maharajano kalam mannathati.'

Atha kho cattaro Maharaja utthay' asana Bhagavantam abhivadetva padakkhinam katva tatth' ev' antaradhayimsu.

Te pi kho Yakkha utthay' asana app ekacce Bhagavantam abhivadetva padakkhinam katva tatth' eva anatradhayimsu:

app ekacce Bhagavata saddhim sammodimsu, sammodaniyam katham {saraniyam} katham {vitisaretva}, tatth' ev' antaradhayimsu:

[page 206]

app ekacce yena Bhagava ten' anjalim panametva tatth' ev' antaradhayimsu: app ekacce namagottam savetva tatth' ev' {antaradhayimsu}: app ekacce tunhi-bhuta tatth' ev' antaradhayimsu

12. Atha kho Bhagava tassa rattiya accayena bhikkhu amantesi:

'Imam bhikkhave rattim cattaro Maharaja mahatiya ca Yakkha-senaya ...

Vipassissa nam' atthu cakkhumantassa sirimato!
Sikhissa pi nam' atthu sabba-bhutanukampino.
So yeva purima-peyyalena vittharetabbo.

'Ayam kho sa Marisa Atanatiya rakkha ... antaradhayimsu.

13. 'Ugganhatha bhikkhave Atanatiyam rakkham, pariyapunatha bhikkhave Atanatiyam rakkham, dharetha bhikkhave Atanatiyam rakkham, attha-samhita 'yam bhikkhave Atanatiya rakkha bhikkhunam bhikkhuninam upasakanam upasikanam guttiya rakkaya avihimsaya phasu-viharayati.'

Idam avoca Bhagava. Attamana te bhikkhu Bhagavato bhasitam abhinadun ti.

Atanatiya-Suttantam Navamam.

[page 207]

 


 

XXXIII. Sangiti Suttanta

Evam me sutam.

1. Ekam samayam Bhagava Mallesu carikam caramano mahata bhikkhu-samghena saddhim panca-mattehi bhikkhu-satehi yena Pava nama Mallanam nagaram tad avasari. Tatra sudam Bhagava Pavayam viharati Cundassa kammara-puttassa amba-vane.

2. Tena kho pana samayena Paveyyakanam Mallanam Ubbhatakam nama navam {santhagaram} acira-karitam hoti anajjhavuttham Samanena va Brahmanena va kenaci va manussa-bhutena. Assosum kho Paveyyaka Malla -'Bhagava kira Mallesu carikam caramano mahata bhikkhusaghena saddhim panca-mattehi bhikkhu-satehi Pavam anuppatto Pavayam viharati Cundassa kammara-puttassa amba-vane ti.' Atha kho Paveyyaka Malla yena Bhagava ten' {upasamkamimsu}, {upasamkamitva} Bhagavantam abhivadetva ekamantam nisidimsu. Ekamantam nisinna kho Paveyyaka Malla Bhagavantam etad avocum:

'Idha bhante Paveyyakanam Mallanam {Ubbhatakam} nama navam santhagaram acira-karitam anajjhavuttham Samanena va Brahmanena va kenaci va manussa-bhutena.

[page 208]

Tam bhante Bhagava pathamam paribhunjatu, Bhagavata pathamam paribhuttam paccha Paveyyakanam Mallanam digha-rattam hitaya sukhayati.'

Adhivasesi Bhagava tunhi-bhavena.

3. Atha kho Paveyyaka Malla Bhagavato adhivasanam viditva, utthay' asana Bhagavatam abhivadetva, padakkhinam katva yena santhagaram ten' upasamkamimsu, upasamkamitva sabba-santharim santhagaram santharapetva, asanani pannapetva, udaka-manikam patitthapetva, telappadipam aropetva, yena Bhagava ten' upasamkamimsu.

Upasamkamitva Bhagavatam abhivadetva, ekamantam atthamsu. Ekamantam thita kho Paveyyaka Malla Bhagavantam etad avocum:

'Sabba-santharim santhatam bhante santhagaram.

asanani pannattani, udaka-maniko patitthapito, telappadipo aropito, yassa dani bhante Bhagava kalam mannatiti.'

4. Atha kho Bhagava nivasetva patta-civaram adaya saddhim bhikkhu-samghena yena santhagaram ten' upasamkami. Upasamkamitva pade pakkhaletva, santhagaram pavisitva majjhima-tthambham nissaya puratthabhimukho nisidi. Bhikkhu-samgho pi pade pakkhaletva santhagaram pavisitva pacchimam bhittim nissaya puratthabhimukho nisidi Bhagavantam yeva purakkhatva.

[page 209]

Paveyyaka pi kho Malla pade pakkhaletva santhagaram pavisitva puratthimam bhittim nissaya pacchabhimukha nisidimsu Bhagavatam yeva purakkhatva. Atha kho Bhagava Paveyyake Malle bahud eva rattim dhammiya kathaya sandassetva samadepetva samuttejetva sampahamsetva uyyojesi:

'Abhikkanta kho Vasettha ratti, yassa dani tumhe kalam mannathati.'

'Evam bhante ti' kho Paveyyaka Malla Bhagavato patissutva utthay' asana Bhagavantam abhivadetva padakkhinam katva pakkamimsu.

5. Atha kho Bhagava acira-pakkantesu Mallesu tunhibhutam tunhi-bhutam bhikkhu-samgham anuviloketva ayasmantam Sariputtam amantesi:

'Vigata-thina-middho kho Sariputta bhikkhu-samgho, patibhatu tam Sariputta bhikkhunam dhammi-katha. Pitthi me agilayati, tam aham ayamissamiti.'

'Evam bhante ti' kho ayasma Sariputto Bhagavato paccassosi.

Atha kho Bhagava catuggunam samghatim pannapetva dakkhinena passena siha-seyyam kappesi, pade padam accadhaya sato sampajano utthana-sannam manasi-karitva.

6. Tena kho pana samayena Nigantho Natha-putto Pavayam adhuna kalakato hoti.

[page 210]

Tassa kala-kiriyaya bhinna Nigantha dvedhika-jata bhandana-jata kalahajata vivadapanna annamannam mukha-sattihi vitudanta virahanti -- 'Na tvam imam dhamma-vinayam ajanasi! Aham imam dhamma-vina-vinayam ajanami! kim tvam imam dhamma-vinayam ajanissasi? Miccha-patipanno tvam asi, aham asmi samma-patipanno, sahitam me asahitan te, pure vacaniyam paccha avaca, paccha vacaniyam pure avaca, {avicinnan} te viparavattam, aropito te vado, niggahito 'si cara, vada-ppamokkhaya nibbethehi va sace pahositi.' Vadho yeva kho manne Niganthesu Natha-puttiyesy vattati. Ye pi te niganthassa Nathaputtassa savaka gihi odata-vasana, te pi Niganthesu Natha-puttiyesu nibbinna-rupa pativana-rupa, yatha tam durakkhate dhamma-vinaye duppavedite aniyyanike anupasama-samvattanike asammasambuddha-ppavedite bhinna-thupe appatisarane.

7. Atha kho ayasma Sariputto bhikkhu amantesi:

Nigantho avuso Natha-putto Pavayam adhuna {kalakato.} Tassa kala-kiriyaya bhinna Nigantha dvedhika-jata ... pe ... bhinna-thupe appatisarane. Evam h' etam avuso durakkhate dhamma-vinaye duppavedite aniyyanike anupasama-samvattanike asammasambuddha-ppavedite.

[page 211]

Ayam kho pan' avuso asmakam Bhagavata dhammo svakkhato suppavedito niyyaniko upasama-samvattaniko SammaSambuddha-ppavedito. Tattha sabbeh' eva samgayitabbam na vivaditabbam, yathayidam brahmacariyam addhaniyam assa cira-tthitikam, tad assa bahujana-hitaya bahujana-sukhaya lokanukampaya atthaya hitaya sukhaya deva-manussanam.

Katamo c' avuso asmakam Bhagavata dhammo svakkhato suppavedito niyyaniko upasama-samvattaniko SammaSambuddha-ppavedito, yattha sabbeh' eva sangayitabbam na vivaditabbam yathayidam brahmacariyam addhaniyam assa cira-tthitikam, tad assa bahujana-hitaya bahujanasukhaya lokanukampaya atthaya hitaya sukhaya devamanussanam?

Atthi kho avuso tena Bhagavata janata passata arahata Samma-Sambuddhena eko dhammo sammad-akkhato.

Tattha sabbeh' eva sangayitabbam na vivaditabbam, yathayidam brahmacariyam addhaniyam assa cira-tthitikam, tad assa bahujana-hitaya bahujana-sukhaya lokanukampaya atthaya hitaya sukhaya deva-manussanam.

8. Katamo eko dhammo?

Sabbe satta ahara-tthitika, sabbe satta samkharatthitika. Ayam kho avuso tena Bhagavata janata passata arahata Samma-Sambuddhena eko dhammo sammadakkhato. Tattha sabbeh' eva sangayitabbam na vivaditabbam,

[page 212]

yathayidam brahmacariyam addhaniyam assa cira-tthitikam, tad assa bahujana-hitaya bahujana-sukhaya lokanukampaya atthaya hitaya sukhaya deva-manussanam.

9. Atthi kho avuso tena Bhagavata janata passata arahata Samma-Sambuddhena dve dhamma sammadakkhata. Tattha sabbeh' eva sangayitabbam ... pe ... atthaya hitaya sukhaya deva-manussanam.

Katame dve?

(i) Naman ca rupan ca.

(ii) Avijja ca bhava-tanha ca.

(iii) Bhava-ditthi ca vibhava-ditthi ca.

(iv) Ahirikan ca anottappan ca.

(v) Hiri ca ottappan ca.

(vi) Dovacassata ca papa-mittata ca.

(vii) Sovacassata ca kalyana-mittata ca.

(viii) Apatti-kusalata ca apatti-vutthana-kusalata ca.

(ix) Samapatti-kusalata ca samapatti-vutthana-kusalata ca.

(x) Dhatu-kusalata ca manasikara-kusalata ca.

(xi) Ayatana-kusalata ca paticcasamuppada-kusalata ca.

(xii) Thana-kusalata ca atthana-kusalata ca.

[page 213]

(xiii) Ajjavan ca lajjavan ca.

(xiv) Khanti ca soraccan ca.

(xv) Sakhalyan ca patisantharo ca.

(xvi) Avihimsa ca soceyyan ca.

(xvii) Mutthasaccan ca asampajannan ca.

(xviii) Sati ca sampajannan ca.

(xix) Indriyesu agutta-dvarata ca bhojane amattannuta ca.

(xx) Indriyesu gutta-dvarata ca bhojane mattannuta ca.

(xxi) Patisamkhana-balan ca bhavana-balan ca.

(xxii) Sati-balan ca samadhi-balan ca.

(xxiii) Samatho ca vipassana ca.

(xxiv) Samatha-nimittan ca paggaha-nimittan ca.

(xxv) Paggaho ca avikkhepo ca.

(xxvi) Sila-sampada ca ditthi-sampada ca.

(xxvii) Sila-vipatti ca ditthi-vipatti ca.

[page 214]

(xxviii) Sila-visuddhi ca ditthi-visuddhi ca.

(xxix) Ditthi-visuddhi kho pana yatha ditthissa ca padhanam.

(xxx) Samvego ca samvejaniyesu thanesu samviggassa ca yoniso padhanam.

(xxxi) {Asantutthita} ca kusalesu dhammesu appativanita ca padhanasmim.

(xxxii) Vijja ca vimutti ca.

(xxxiii) Khaye nanam anuppade nanam.

Ime kho avuso tena Bhagavata janata passata arahata Samma-Sambuddhena dve dhamma sammad-akkhata.

Tattha sabbeh' eva sangayitabbam ... pe ... sukhaya deva-manussanam.

10. Atthi kho avuso tena Bhagavata janata passata arahata Samma-Sambuddhena tayo dhamma sammadakkhata. Tattha sabbeh' eva sangayitabbam ... pe ... atthaya hitaya sukhaya deva-manussanam. Katame tayo?

(i) Tini akusala-mulani. Lobho akusala-mulam, doso akusala-mulam, moho akusala-mulam.

(ii) Tini kusala-mulani. Alobho kusala-mulam, adoso kusala-mulam, amoho kusala-mulam.

(iii) Tini duccaritani. Kaya-duccaritam, vaci-duccaritam, mano-duccaritam.

[page 215]

(iv) Tini sucaritani. Kaya-sucaritam, vaci-sucaritam, mano-sucaritam.

(v) Tayo akusala-vitakka. Kama-vitakko, vyapadavitakko, vihimsa-vitakko.

(vi) Tayo kusala-vitakka. Nekkhamma-vitakko, avyapada-vitakko, avihimsa-vitakko.

(vii) Tayo akusala-samkappa. Kama-samkappo, vyapada-samkappo, vihimsa-samkappo.

(viii) Tayo kusala-samkappa. Nekkhamma-samkappo, avyapada-samkappo, avihimsa-samkappo.

(ix) Tisso akusala-sanna. Kama-sanna, vyapada-sanna, vihimsa-sanna.

(x) Tisso kusala-sanna. Nekkhamma-sanna, avyapadasanna, avihimsa-sanna.

(xi) Tisso akusala-dhatuyo. Kama-dhatu, vyapada-dhatu, vihimsa-dhatu.

(xii) Tisso kusala-dhatuyo. Nekkhamma-dhatu, avyapada-dhatu, avihimsa-dhatu.

(xiii) Apara pi tisso dhatuyo. Kama-dhatu, rupa-dhatu, arupa-dhatu.

(xiv) Apara pi tisso dhatuyo. Rupa-dhatu, arupa-dhatu, nirodha-dhatu.

(xv) Apara pi tisso dhatuyo. Hina dhatu, majjhima dhatu, panita dhatu.

[page 216]

(xvi) Tisso tanha. Kama-tanha, bhava-tanha, vibhavatanha.

(xvii) Apara pi tisso tanha. Kama-tanha, rupa-tanha, arupa-tanha.

(xviii) Apara pi tisso tanha. Rupa-tanha, arupa-tanha, nirodha-tanha.

(xix) Tini samyojanani. Sakkaya-ditthi, vicikiccha, silabbata-paramaso.

(xx) Tayo asava. Kamasavo, bhavasavo, avijjasavo.

(xxi) Tayo bhava. Kama-bhavo, rupa-bhavo, arupabhavo.

(xxii) Tisso esana. Kamesana, bhavesana, brahmacariyesana.

(xxiii) Tisso vidha. 'Seyyo 'ham asmiti' vidha, 'Sadiso 'ham asmiti' vidha. 'Hino 'ham asmiti' vidha.

(xxiv) Tayo addha. Atito addha, anagato addha, paccuppanno addha.

(xxv) Tayo anta. Sakkayo anto, sakkaya-samudayo anto, sakkaya-nirodho anto.

(xxvi) Tisso vedana. Sukha vedana, dukkha vedana, adukkha-m-asukha vedana.

(xxvii) Tisso dukkhata. Dukkha-dukkhata, samkharadukkhata, viparinama-dukkhata.

[page 217]

(xxviii) Tayo rasi. Micchatta-niyato rasi, sammattaniyato rasi, aniyato rasi.

(xxix) Tisso kankha. Atitam va addhanam arabbha kankhati vicikicchati nadhimuccati na sampasidati. Anagatam va addhanam arabbha kankhati vicikicchati nadhimuccati ca sampasidati. Etarahi va paccuppannam addhanam arabbha kankhati vicikicchati nadhimuccati na sampasidati.

(xxx) Tini Tathagatassa arakkheyyani. Parisuddhakaya-samacaro avuso Tathagato, n' atthi Tathagatassa kaya-duccaritam yam Tathagato rakkheyya 'Ma me idam paro annasiti.' Parisuddha-vaci-samacaro avuso Tathagato, n' atthi Tathagatassa vaci-duccaritam yam Tathagato rakkheyya 'Ma me idam paro annasiti.' Parisuddhamano-samacaro avuso Tathagato, n' atthi Tathagatassa mano-duccaritam yam Tathagato rakkheyya 'Ma me idam paro annasiti.'

(xxxi) Tayo kincana. Rago kincanam, doso kincanam, moho kincanam.

(xxxii) Tayo aggi. Ragaggi; dosaggi, mohaggi.

(xxxiii) Apare pi tayo aggi. Ahuneyyaggi, gahapataggi, dakkhineyyaggi.

(xxxiv) Tividhena rupa-sangaho. Sanidassana-sappatigham rupam, anidassana-sappatigham rupam, anidassanaappatigham rupam.

(xxxv) Tayo samkhara. Punnabhisamkharo, apunnabhisamkharo, anenjabhisamkharo.

[page 218]

(xxxvi) Tayo puggala. Sekho puggalo, asekho puggalo, n' eva sekho nasekho puggalo.

(xxxvii) Tayo thera. Jati-thero, dhamma-thero, sammuti-thero.

(xxxviii) Tini punna-kiriya-vatthuni. Dana-mayam punna-kiriya-vatthu, sila-mayam punna-kiriya-vatthu, bhavana-mayam punna-kiriya-vatthu.

(xxxix) {Tini} codana-vatthuni. Ditthena, sutena, parisamkaya.

(xl) Tisso kamupapattiyo. Sant' avuso satta, paccupatthita-kama, te paccupatthitesu kamesu vasam vattenti seyyatha pi manussa ekacce ca deva ekacce ca vinipatika.

Ayam pathama kamupapatti. Sant' avuso satta nimmita-kama, te nimmetva nimmetva kamesu vasam vattenti seyyatha pi deva Nimmana-rati. Ayam dutiya kamupapatti. Sant' avuso satta para-nimmita-kama, te paranimmitesu kamesu vasam vattenti, seyyatha pi deva Paranimmita-vasavatti. Ayam tatiya kamupapatti.

(xli) Tisso sukhupapattiyo. Sant' avuso satta uppadetva uppadetva sukham viharanti, seyyatha pi deva Brahma-kayika. Ayam pathama sukhupapatti. Sant' avuso satta sukhena abhisanna parisanna paripura paripphuta, te kadaci karahaci udanam udanenti 'Aho sukham aho sukhan ti,' seyyatha pi deva Abhassara. Ayam dutiya sukhupapatti. Sant' avuso satta sukhena abhisanna parisanna paripura paripphuta, tesan tam yeva tusita sukham {patisamvedenti},

[page 219]

seyyatha pi deva Subha-kinna. Ayam tatiya sukhupapatti.

(xlii) Tisso panna. Sekha panna, asekha panna, n' eva sekha nasekha panna.

(xliii) Apara pi tisso panna. Cinta-maya panna, sutamaya panna, bhavana-maya panna.

(xliv) Tin' avudhani. Sutavudham, pavivekavudham, pannavudham.

(xlv) Tin' indriyani. Anannatam-nassamitindriyam, annindriyam, annatavindriyam.

(xlvi) Tini cakkhuni. Mamsa-cakkhu, dibba-cakkhu, panna-cakkhu.

(xlvii) Tisso sikkha. Adhisila-sikkha, adhicitta-sikkha, adhipanna-sikkha.

(xlviii) Tisso bhavana. Kaya-bhavana, citta-bhavana, panna-bhavana.

(xlix) Tinanuttariyani. Dassananuttariyam, patipadanuttariyam, vimuttanuttariyam.

(l) Tayo samadhi. Savitakko savicaro samadhi, avitakko vicara-matto samadhi, avitakko avicaro samadhi.

(li) Apare pi tayo samadhi. Sunnato samadhi, animitto samadhi, appanihito samadhi.

(lii) Tini soceyyani. Kaya-soceyyam, vaci-soceyyam, mano-soceyyam

[page 220]

(liii) Tini moneyyani. Kaya-moneyyam, vaci-moneyyam, mano-moneyyam.

(liv) Tini kosallani. Aya-kosallam, apaya-kosallam, upaya-kosallam.

(lv) Tayo mada. Arogya-mado, yobbana-mado, jivitamado.

(lvi) Tinadhipateyyani. Attadhipateyyam, lokadhipateyyam, dhammadhipateyyam.

(lvii) Tini katha-vatthuni. Atitam va addhanam arabbha katham katheyya -- 'Evam ahosi atitam addhanan ti.' Anagatam va addhanam arabbha katham katheyya -- 'Evam bhavissati anagatam addhanan ti.' Etarahi va paccuppannam addhanam arabbha katham katheyya -'Evam hoti etarahi paccuppannan ti.'

(lviii) Tisso vijja. Pubbe-nivasanussati-nanam vijja, sattaram cutupapate nanam vijja, asavanam khaye nanam vijja.

(lix) Tayo vihara. Dibbo viharo, Brahma-viharo, ariyo viharo.

(lx) Tini patihariyani. Iddhi-patihariyam, adesanapatihariyam, anusasani-patihariyam.

Ime kho avuso tena Bhagavata janata passata arahata Samma-Sambuddhena tayo dhamma sammad-akkhata.

Tattha sabbeh' eva sangayitabbam na vivaditabbam ... pe ... atthaya hitaya sukhaya deva-manussanam.

[page 221]

11. Atthi kho avuso tena Bhagavata janata passata arahata Samma-Sambuddhena cattaro dhamma sammadakkhata. Tattha sabbeh' eva sangayitabbam na vivaditabbam, yathayidam brahmacariyam ... pe ... Katame cattaro?

(i) Cattaro satipatthana. Idh' avuso bhikkhu kaye kayanupassi viharati atapi sampajano satima, vineyya loke abhijjha-domanassam, vedanasu ... citte ... dhammesu dhammanupassi viharati atapi sampajano satima, vineyya loke abhijjha-domanassam.

(ii) Cattaro {samma-ppadhana.} Idh' {avuso} bhikkhu anuppannanam papakanam akusalanam dhammanam anuppadaya chandam janeti vayamati viriyam arabhati cittam pagganhati padahati. Uppannanam papakanam akusalanam dhammanam pahanaya chandam janeti vayamati viriyam arabhati cittam pagganhati padahati. Anuppannanam kusalanam dhammanam uppadaya chandam janeti vayamati viriyam arabhati cittam pagganhati padahati. Uppannanam kusalanam dhammanam thitiya asammosaya {bhiyyo}-bhavaya vepullaya bhavanaya paripuriya chandam janeti vayamati viriyam arabhati cittam pagganhati padahati.

(iii) Cattaro iddhipada. Idh' avuso bhikkhu chandasamadhi-padhana-samkhara-samannagatam iddhipadam bhaveti. Citta-samadhi-padhana-samkhara-samannagatam iddhipadam bhaveti. Viriya-samadhi-padhanasamkhara-samannagatam iddhipadam bhaveti.

[page 222]

Vimamsa-samadhi-padhana-samkhara-samannagatam iddhipadam bhaveti.

(iv) Cattari jhanani. Idh' avuso bhikkhu vivicc' eva kamehi vivicca akusalehi dhammehi savitakkam savicaram vivekajam piti-sukham pathama-jjhanam upasampajja viharati. Vitakka-{vicaranam} vupasama ajjhattam sampasadanam cetaso ekodibhavam avitakkam avicaram samadhijam piti-sukham dutiya-jjhanam upasampajja viharati. Pitiya ca viraga upekhako ca viharati sato ca sampajano sukhan ca kayena patisamvedeti, yan tam ariya acikkhanti -- 'Upekhako satima sukha-vihari ti' tatiya-jjhanam upasampajja viharati. Sukhassa ca pahana dukkhassa ca pahana pubbe va somanassa-domanassanam atthangama {adukkha-m-asukham} upekha-satiparisuddhim catuttha-jjhanam upasampajja viharati.

(v) Catasso samadhi-bhavana. Atth' avuso samadhibhavana bhavita bahuli-kata ditthadhamma-sukhaviharaya samvattati. Atth' avuso samadhi-bhavana bhavita bahuli-kata nana-dassana-patilabhaya samvattati. Atth' avuso samadhi-bhavana bhavita bahulikata sati-sampajannaya samvattati. Atth' avuso samadhi-bhavana bhavita bahuli-kata asavanam khayaya samvattati.

Katam' avuso samadhi-bhavana bhavita bahuli-kata ditthadhamma-sukha-viharaya samvattati? Idh' avuso bhikkhu vivicc' eva kamehi vivicca akusalehi dhammehi pathamajjhanam ... pe ... dutiyajjhanam ... tatiyajjhanam ... catutthajjhanam upasampajja viharati. Ayam avuso samadhi-bhavana bhavita bahuli-kata ditthadhamma-sukha-viharaya samvattati.

[page 223]

Katama ca avuso samadhi-bhavana bhavita bahuli-kata nana-dassanapatilabhaya samvattati? Idh' avuso bhikkhu alokasannam manasi-karoti, diva-sannam adhitthati yatha diva tatha rattim, yatha rattim tatha diva, iti vivatena cetasa apariyonaddhena sappabhasam cittam bhaveti. Ayam avuso samadhi-bhavana bhavita bahuli-kata nana-dassanapatilabhaya samvattati. Katama ca avuso samadhibhavana bhavita bahuli-kata sati-sampajannaya samvattati? Idh' avuso bhikkhuno vidita vedana uppajjanti, vidita upatthahanti, vidita abbhattham gacchanti; vidita sanna uppajjanti, vidita upatthahanti, vidita abbhattham gacchanti; vidita vitakka uppajjanti, vidita upatthahanti, vidita abbhattham gacchanti. Ayam avuso samadhibhavana bhavita bahuli-kata sati-sampajannaya samvattati. Katama ca avuso samadhi-bhavana bhavita bahuli-kata asavanam khayaya samvattati? Idh' avuso bhikkhu pancas' upadana-kkhandhesu udayabbayanupassi viharati -- 'Iti rupam, iti rupassa samudayo, iti rupassa atthagamo, iti vedana ... iti sanna ... iti samkhara ... iti vinnanam, iti vinnanassa samudayo, iti vinnanassa atthagamo ti.' Ayam avuso samadhi-bhavana bhavita bahuli-kata asavanam khayaya samvattati.

(vi) Catasso appamannayo. Idh' avuso bhikkhu metta sahagatena cetasa ekam disam pharitva viharati, tatha dutiyam, tatha tatiyam, tatha catutthim. Iti uddham adho tiriyam sabbadhi sabbattataya sabbavantam lokam metta-sahagatena cetasa vipulena mahaggatena appamanena averena avyapajjhena pharitva viharati.

[page 224]

Karunasahagatena cetasa ... Mudita-sahagatena cetasa ... Upekha-sahagatena cetasa ekam disam pharitva viharati, tatha dutiyam, tatha tatiyam, tatha catutthim, iti uddham adho tiriyam sabbadhi {sabbattataya} sabbavantam lokam upekha sahagatena cetasa vipulena mahaggatena appamanena averena avyapajjhena pharitva viharati.

(vii) Cattaro arupa. Idh' avuso bhikkhu sabbaso rupa-sannanam samatikkama patigha-sannanam atthagama nanatta-sannanam amanasikara 'Ananto akaso ti' akasanancayatanam upasampajja viharati. Sabbaso akasanancayatanam samatikkamma 'Anantam vinnanan ti' vinnanancayatanam upasampajja viharati. Sabbaso vinnanancayatanam samatikkamma 'Natthi kinciti' akincannayatanam upasampajja viharati. Sabbaso akincannayatanam samatikkamma nevasanna-nasannayatanam upasampajja viharati.

(viii) Cattari apassenani. Idh' avuso bhikkhu samkhay' ekam patisevati, samkhay' ekam adhivaseti, samkhay' ekam parivajjeti, samkhay' ekam vinodeti.

(ix) Cattaro ariya-vamsa. Idh' avuso bhikkhu santuttho hoti itaritarena civarena, itaritara-civara-santutthiya ca vanna-vadi, na ca civara-hetu anesanam appatirupam apajjati, aladdha ca civaram na paritassati, laddha ca civaram agathito amucchito anajjhapanno adinava-dassavi nissarana-panno paribhunjati, taya ca pana itaritara-civarasantutthiya n' ev' attan-ukkamseti na param vambheti.

Yo hi tattha dakkho analaso sampajano patissato, yam vuccat' avuso bhikkhu porane agganne ariya-vamse thito.

[page 225]

Puna ca param avuso bhikkhu santutto hoti itaritarena pindapatena, itaritara-pindapata-santutthiya ca vanna-vadi, na ca pindapata-hetu anesanam appatirupam apajjati, aladdha ca pindapatam na paritassati laddha ca pindapatam agathito amucchito anajjhapanno adinavadassavi nissarana-panno paribhunjati, taya ca pana itaritara-pindapata-santutthiya n' eva attan-ukkamseti na param vambheti. Yo hi tattha dakkho hoti analaso samapajano patissato, ayam vuccat' avuso bhikkhu porane agganne ariya-vamse thito. Puna ca param avuso bhikkhu santutto hoti itaritarena senasanena, itaritarasenasana-{santutthiya} ca vanna-vadi, na ca senasana-hetu anesanam appatirupam apajjati, aladdha ca senasanam na paritassati laddha ca senasanam agathito amucchito anajjhapanno adinava-dassavi nissarana-panno paribhunjati, taya ca pana itaritara-senasana-santutthiya n' eva attan-ukkamseti na param vambheti. Yo hi tattha dakkho hoti analaso sampajano patissato, ayam vuccat' avuso bhikkhu porane agganne ariya-vamse thito. Puna ca param avuso bhikkhu pahanaramo hoti pahana-rato, bhavanaramo hoti bhavana-rato, taya ca pana pahanaramataya pahana-ratiya bhavanaramataya bhavana-ratiya n' eva attan-ukkamseti na param vambheti. Yo hi tattha dakkho analaso sampajano patissato, ayam vuccat' avuso bhikkhu porane agganne ariya-vamse thito.

(x) Cattari padhanani. Samvara-padhanam, pahanapadhanam, bhavana-padhanam, anurakkhana-padhanam.

Kataman c' avuso samvara-padhanam? Idh' avuso bhikkhu cakkhuna rupam disva na nimitta-ggahi hoti nanuvyanjanaggahi, yatvadhikaranam etam cakkhindriyam asamvutam viharantam abhijjha-domanassa papaka akusala dhamma {anvay'assaveyyum},

[page 226]

tassa samvaraya patipajjati, rakkhati cakkhindriyam, cakkhindriye samvaram apajjati.

Sotena saddam sutva ... pe ... ghanena gandham ghayitva ... jivhaya rasam sayitva ... kayena photthabbam phusitva ... manasa dhammam vinnaya na nimittaggahi hoti nanuvyanjanaggahi, yatvadhikaranam etam manindriyam asamvutam viharantam abhijjha domanassa papaka akusala dhamma anvaya-ssaveyyum, tassa samvaraya patipajjati, rakkhati manindriyam, manindriye samvaram apajjati. Idam vuccat' avuso samvara-padhanam. Kataman c' avuso pahana-padhanam? Idh' avuso bhikkhu uppannam kama-vitakkam nadhivaseti pajahati vinodeti byantikaroti anabhavam gameti, uppannam vyapada-vitakkam ... uppannam vihimsa-vitakkam ... uppannuppanne papake akusale dhamme nadhivaseti pajahati vinodeti byantikaroti anabhavam gameti. Idam vuccat' avuso pahana-padhanam. Kataman c' avuso bhavana-padhanam? Idh' avuso bhikkhu sati-sambojjhangam bhaveti viveka-nissitam viraga-nissitam nirodhanissitam vossagga-parinamim; dhamma-vicaya-sambojjhangam bhaveti ... pe ... viriya-sambojjhangam bhaveti ... piti-sambojjhangam bhaveti ... passaddhisambojjhangam bhaveti ... samadhi-sambojjhangam bhaveti ... upekha-sambojjhangam bhaveti vivekanissitam viraga-nissitam nirodha-nissitam vossagga-parinamim. Idam vuccat' avuso bhavana-padhanam. Kataman c' avuso anurakkhana-padhanam? Idh' avuso bhikkhu uppannam bhaddakam samadhi-nimittam anurakkhati atthika-sannam pulavaka-sannam vinilaka-sannam vicchiddaka-sannam uddhumataka-sannam. Idam vuccat' avuso anurakkhana-padhanam.

(xi) Cattari nanani. Dhamme nanam, anvaye nanam, paricchede nanam, sammuti-nanam.

[page 227]

(xii) Aparani pi cattari nanani. Dukkhe {nanam}, samudaye nanam, nirodhe nanam, magge nanam.

(xiii) Cattari sotapattiyangani. Sappurisa-samsevo, saddhamma-savanam, yoniso-manasikaro, dhammanudhamma-patipatti.

(xiv) Cattari sotapannassa angani. Idh' avuso ariyasavako Buddhe avecca-ppasadena samannagato hoti -- 'Iti pi so Bhagava araham Samma-Sambuddho vijja-caranasampanno sugato loka-vidu anuttaro purisa-damma-sarathi sattha deva-manussanam Buddho Bhagava ti.' Dhamme avecca-ppasadena samannagato hoti -- 'Svakkhato Bhagavata Dhammo sanditthiko akaliko ehi-passiko opanayiko paccattam veditabbo vinnuhiti.' Samghe {avecca-ppasadena} samannagato hoti -- 'Supatipanno Bhagavato savakaSamgho, uju-patipanno Bhagavato savaka-samgho, nayapatipanno Bhagavato savaka-samgho, samici-patipanno Bhagavato savaka-samgho yadidam cattari purisa-yugani, attha purisa-puggala, eso Bhagavato savaka-samgho ahuneyyo pahuneyyo dakkhineyyo anjali-karaniyo anuttaram punna-kkhettam lokassati.' Ariya-kantehi silehi samannagato hoti akhandehi acchiddehi {asabalehi} akammasehi bhujissehi vinnuppasatthehi {aparamatthehi} samadhi-samvattanikehi.

(xv) Cattari samanna-phalani. Sotapatti-phalam, sakadagami-phalam, anagami-phalam, arahatta-phalam.

[page 228]

(xvi) Catasso dhatuyo. Pathavi-dhatu, apo-dhatu, tejodhatu vayo-{dhatu}.

(xvii) Cattaro ahara. Kabalinkaro aharo olariko va sukhumo va, phasso dutiyo, mano-sancetana tatiya, vinnanam catuttham.

(xviii) Catasso vinnana-tthitiyo. Rupupayam va avuso vinnanam titthamanam titthati, ruparammanam rupappatittham nandupavesanam vuddhim {virulhim} vepullam apajjati. Vedanupayam va avuso vinnanam ... Sannupayam va ... Samkharupayam va avuso vinnanam titthamanam titthati, samkhararammanam samkharappatittham nandupavesanam vuddhim virulhim vepullam apajjati.

(xix) Cattari agati-gamanani. Chandagatim gacchati, dosagatim gacchati, mohagatim gacchati, bhayagatim gacchati.

(xx) Cattaro tanhuppada. Civara-hetu va avuso bhikkhuno tanha uppajjamana uppajjati. Pindapatahetu va avuso bhikkhuno tanha uppajjamana uppajjati. Senasana-hetu va avuso bhikkhuno tanha uppajjamana uppajjati. {Iti-} bhavabhava-hetu va avuso bhikkhuno tanha uppajjamana uppajjati.

(xxi) Catasso patipada. Dukkha patipada dandhabhinna, dukkha patipada khippabhinna, sukha patipada dandhabhinna, sukha patipada khippabhinna.

[page 229]

(xxii) Apara pi catasso patipada. Akkhama patipada, khama patipada, dama patipada, sama patipada.

(xxiii) Cattari dhamma-padani. Anabhijjha dhammapadam, avyapado dhamma-padam, samma-sati dhammapadam, samma-samadhi dhamma-padam.

(xxiv) Cattari dhamma-samadanani. Atth' avuso dhamma-samadanam paccuppannam dukkhan c' eva ayatin ca dukkha-vipakam. Atth' avuso dhamma-samadanam paccuppannam dukkham ayatin ca sukha-vipakam. Atth' avuso dhamma-samadanam paccuppannam sukham ayatin ca dukkha-vipakam. Atth' avuso dhamma-samadanam paccuppannam sukhan c' eva ayatin ca sukha-vipakam.

(xxv) Cattaro dhamma-kkhandha. Sila-kkhandho, samadhi-kkhandho, {panna-}kkhandho, vimutti-kkhandho.

(xxvi) Cattari balani. Viriya-balam, sati-balam, samadhi-balam, panna-balam.

(xxvii) Cattari adhitthanani. Panna-adhitthanam, saccadhitthanam, cagadhitthanam, upasamadhitthanam.

(xxviii) Cattaro panha-vyakarana. Ekamsa-vyakaraniyo panho, vibhajja-vyakaraniyo panho, patipuccha-vyakaraniyo panho, thapaniyo panho.

[page 230]

(xxix) Cattari kammani. Atth' avuso kammam kanham kanha-vipakam. Atth' avuso kammam sukkam sukkavipakam. Atth' avuso kammam kanha-sukkam kanhasukka-vipakam. Atth' avuso kammam akanham asukkam akanha-asukka-vipakam, kammakkhayaya samvattati.

(xxx) Cattaro sacchikaraniya dhamma. Pubbenivaso satiya sacchikaraniyo. Cutupapato cakkhuna sacchikaraniyo. Attha vimokha kayena sacchikaraniya. Asavanam khayo pannaya sacchikaraniyo.

(xxxi) Cattaro ogha. Kamogho, bhavogho, ditthogho, avijjogho.

(xxxii) Cattaro yoga. Kama-yogo, bhava-yogo, ditthiyogo, avijja-yogo.

(xxxiii) Cattaro visamyoga. Kamayoga-visamyogo, bhavayoga-visamyogo, ditthiyoga-visamyogo, avijjayogavisamyogo.

(xxxiv) Cattaro gantha. Abhijjha kaya-gantho, vyapado kaya-gantho, silabbata-paramaso kaya-gantho, idam-saccabhiniveso kaya-gantho.

(xxxv) Cattari upadanani. Kamupadanam, ditthupadanam, silabbatupadanam, attavadupadanam.

(xxxvi) Catasso yoniyo. Andaja-yoni, jalabuja-yoni, samsedaja-yoni, opapatika-yoni.

[page 231]

(xxxvii) Catasso gabbhavakkantiyo. Idh' avuso ekacco asampajano c' eva matu kucchiyam okkamati, asampajano matu kucchismim thati, asampajano matu kucchisma nikkhamati. Ayam pathama gabbhavakkanti. Puna ca param avuso idh' ekacco sampajano hi kho matu kucchismim okkamati, asampajano matu-kucchismim thati, asampajano matu kucchisma nikkhamati. Ayam dutiya gabbhavakkanti. Puna ca param avuso idh' ekacco sampajano matu kucchismim okkamati, sampajano matu kucchismim thati, asampajano matu kucchisma nikkhamati. Ayam tatiya gabbhavakkanti. Puna ca param avuso idh' ekacco sampajano c' eva matu kucchismim okkamati, sampajano matu kucchismim thati, sampajano matu kucchisma nikkhamati. Ayam catuttha gabbhavakkanti.

(xxxviii) Cattaro attabhava-patilabha. Atth' avuso attabhava-patilabho yasmim attabhava-patilabhe attasamcetana yeva kamati no para-samcetana. Atth' avuso attabhava-patilabho yasmim attabhava-patilabhe para-samcetana yeva kamati no atta-samcetana. Atth' avuso attabhava-patilabho yasmim attabhava-patilabhe atta-samcetana c' eva kamati para-samcetana ca. Atth' avuso attabhava-patilabho yasmim attabhava-patilabhe n' eva atta samcetana kamati no para-samcetana.

(xxxix) Catasso dakkhina-visuddhiyo. Atth' avuso dakkhina dayakato visujjhati no patiggahakato. Atth' avuso dakkhina patiggahakato visujjhati no dayakato. Atth' avuso dakkhina n' eva dayakato visujjhati no patiggahakato.

[page 232]

Atth' avuso dakkhina dayakato c' eva visujjhati patiggahakato ca.

(xl) Cattari sangaha-vatthuni. Danam, peyyavajjam, attha-cariya, samanattata.

(xli) Cattaro anariya-vohara. Musa-vado, pisuna vaca, pharusa vaca, samphappalapo.

(xlii) Cattaro ariya-vohara. Musa-vada veramani, pisunaya vacaya veramani, pharusaya vacaya veramani, samphappalapa veramani.

(xliii) Apare pi cattaro anariya-vohara. Aditthe ditthavadita, assute suta-vadita, amute muta-vadita, avinnate vinnata-vadita.

(xliv) Apare pi cattaro ariya-vohara. Aditthe aditthavadita, assute assuta-vadita, amute amuta-vadita, avinnate avinnata-vadita.

(xlv) Apare pi cattaro anariya-vohara. Ditthe aditthavadita, sute assuta-vadita, mute amuta-vadita, vinnate avinnata-vadita.

(xlvi) Apare pi cattaro ariya-vohara. Ditthe ditthavadita, sute suta-vadita, mute muta-vadita, vinnate vinnatavadita.

(xlvii) Cattaro puggala. Idh' avuso ekacco puggalo attan-tapo hoti atta-paritapananuyogam anuyutto. Idh' avuso ekacco puggalo paran-tapo hoti para-paritapananuyogam anuyutto. Idh' avuso ekacco puggalo attantapo ca hoti atta-paritapananuyogam anuyutto, parantapo ca para-paritapananuyogam anuyutto. Idh' avuso ekacca puggalo n' eva attan-tapo hoti na attaparitapananuyogam anuyutto na paran-tapo na paraparitapananuyogam anuyutto. So anattan-tapo aparantapo ditthe va dhamme nicchato nibbuto siti-bhuto sukhapatisamvedi brahma-bhutena attana viharati.

[page 233]

(xlviii) Apare pi cattaro puggala. Idh' avuso ekacco puggalo atta-hitaya patipanno hoti no para-hitaya. Idha pan' avuso ekacco puggalo para-hitaya patipanno hoti no atta-hitaya. Idh' avuso ekacco puggalo n' eva atta-hitaya patipanno hoti no para-hitaya. Idha pan' avuso ekacco puggalo atta-hitaya c' eva patipanno hoti para-hitaya ca.

(xlix) Apare pi cattaro puggala. Tamo tama-parayano, tamo joti-parayano, joti tama-parayano, joti joti-parayano.

(l) Apare pi cattaro puggala. Samana-m-acalo, samanapadumo, samana-pundariko, samana-sukhumalo.

Ime kho avuso tena Bhagavata janata passata arahata Samma-Sambuddhena cattaro dhamma sammad-akkhata.

Tattha sabbeh' eva sangayitabbam na vivaditabbam ... pe ... atthaya hitaya sukhaya deva-manussanam.

7 Pathamaka-{bhanavaram} nitthitam.

2. . Atthi kho avuso tena Bhagavata janata passata arahata Samma-Sambuddhena panca dhamma sammadakkhata. Tattha sabbeh' eva sangayitabbam na vivaditabbam ... pe ... atthaya hitaya sukhaya deva-manussanam. Katame panca?

(i) {Panca }kkhandha. Rupa-kkhandho, vedanakkhandho, sanna-kkhandho, samkhara-kkhandho, vinnanakkhandho.

(ii) Pancupadana-kkhandha. Rupupadana-kkhandho, vedanupadana-kkhandho,

[page 234]

sannupadana-kkhandho, samkharupadana-kkhandho, vinnanupadana-kkhandho.

(iii) Panca kama-guna. Cakkhu-vinneyya rupa ittha kanta manapa piya-rupa kamupasamhita rajaniya, sotavinneyya sadda ... ghana-vinneyya gandha ... jivha-vinneyya rasa ... kaya-vinneyya photthabba ittha kanta manapa piya-rupa kamupasamhita rajaniya.

(iv) Panca gatiyo. Nirayo, tiracchana-yoni, pettivisayo, manussa, deva.

(v) Panca macchariyani. Avasa-macchariyam, kulamacchariyam, labha-macchariyam, vanna-macchariyam, dhamma-macchariyam.

(vi) Panca nivaranani. Kamacchanda-nivaranam, vyapada-nivaranam, thina-middha-nivaranam, uddhaccakukkucca-nivaranam, vicikiccha-nivaranam.

(vii) Panc' oram-bhagiyani samyojanani. Sakkayaditthi, vicikiccha, silabbata-paramaso, kamacchando, vyapado.

(viii) Panc' uddham-bhagiyani samyojanani. Ruparago, arupa-rago, mano, uddhaccam, avijja.

[page 235]

(ix) Panca sikkhapadani. Panatipata veramani, adinnadana veramani, kamesu micchacara veramani, musa-vada veramani, sura-meraya-majja-pamadatthana veramani.

(x) Panca abhabba-tthanani. Abhabbo avuso khinasavo bhikkhu sancicca panam jivita voropetum. Abhabbo khinasavo bhikkhu adinnam theyya-samkhatamadatum. Abhabbo khinasavo bhikkhu methunam dhammam patisevitum. Abhabbo khinasavo bhikkhu sampajana-musa bhasitum. Abhabbo khinasavo bhikkhu sannidhi-karakam kame paribhunjitum, seyyatha pi pubbe agariya-bhuto.

(xi) Panca vyasanani. Nati-vyasanam, bhoga-vyasanam, roga-vyasanam, sila-vyasanam, ditthi-vyasanam.

N' avuso satta nati-vyasana-hetu va bhoga-vyasana-hetu va roga-vyasana-hetu va kayassa bheda param marana apayam duggatim vinipatam nirayam uppajjanti. Silavyasana-hetu va avuso satta ditthi-vyasana-hetu va kayassa bheda param marana ... pe ... nirayam upapajjanti.

(xii) Panca sampada. Nati-sampada, bhoga-sampada, arogya-sampada, sila-sampada, ditthi-sampada. N' avuso satta nati-sampada-hetu va bhoga-sampada-hetu va arogyasampada-hetu va kayassa bheda param {marana} sugatim saggam lokam uppajjanti. Sila-sampada-hetu va avuso satta ditthi-sampada-hetu va kayassa bheda param marana sugatim saggam lokam upapajjanti.

(xiii) Panca adinava dussilassa sila-vipattiya. Idh' avuso dussilo sila-vipanno pamadadhikaranam mahatim bhoga-janim nigacchati.

[page 236]

Ayam pathamo adinavo dussilassa sila-vipattiya. Puna ca param avuso dussilassa vipannassa papako kitti-saddo abbhuggacchati. Ayam dutiyo adinavo {dussilassa} sila-vipattiya. Puna ca param avuso dussilo sila-vipanno yam yad eva parisam upasamkamati, yadi khattiya-parisam yadi brahmana-parisam yadi gahapati-parisam yadi samana-parisam, avisarado upasamkamati manko-bhuto. Ayam tatiyo adinavo dussilassa silavipattiya. Puna ca param avuso dussilo sila-vipanno sammulho kalam karoti. Ayam catuttho adinavo dussilassa sila-vipattiya. Puna ca param avuso dussilo silavipanno kayassa bheda param marana apayam duggatim vinipatam nirayam uppajjati. Ayam pancamo adinavo dussilassa sila-vipattiya.

(xiv) Panca anisamsa silavato sila-sampadaya. Idh' avuso silava sila-sampanno {appamadadhikaranam} mahatim {bhoga-kkhandham} adhigacchati. Ayam pathamo anisamso silavato sila-sampadaya. Puna ca param avuso silavato sila-sampannassa kalyano kitti-saddo abbhuggacchati.

Ayam dutiyo anisamso silavato sila-sampadaya. Puna ca param avuso silava sila-sampanno yam yad eva parisam upasamkamati, yadi khattiya-parisam yadi {brahmana}-parisam yadi gahapati-parisam yadi samana-parisam, visarado upasamkamati amanku-bhuto. Ayam tatiyo anisamso silavato sila-sampadaya. Puna ca param avuso silava sila-sampanno asammulho kalam karoti. Ayam catuttho anisamso silavato sila-sampadaya. Puna ca param avuso silava sila-sampanno kayassa bheda param marana sugatim saggam lokam uppajjati. Ayam pancamo anisamso silavato sila-sampadaya.

(xv) Codakena avuso bhikkhuna param codetu-kamena panca dhamme ajjhattam upatthapetva paro codetabbo:-'Kalena vakkhami no akalena, bhutena vakkhami no abhutena, sanhena vakkhami no pharusena, attha-samhitena vakkhami no anattha-samhitena,

[page 237]

metta-cittena vakkhami no dosantarenati.' Codakena avuso bhikkhuna param codetu-kamena ime panca dhamme ajjhattam upatthapetva paro codetabbo.

(xvi) Panca padhaniyangani. Idh' avuso bhikkhu saddho hoti, saddahati Tathagatassa bhodhim:-- 'Iti pi so Bhagava araham Samma-Sambuddho vijja-carana-sampanno sugato loka-vidu anuttaro purisa-damma-sarathi sattha devamanussanam Buddho Bhagava ti.' Appabadho hoti appatanko sama-vepakiniya {gahaniya} samannagato natisitaya naccunhaya majjhimaya padhana-kkhamaya. Asatho hoti amayavi yathabhutam attanam avikatta Satthari va vinnusu va sabrahmacarisu. Araddha-viriyo viharati akusalanam dhammanam pahanaya kusalanam dhammanam upasampadaya thamava dalha-parakkamo anikkhitta-dhuro kusalesu dhammesu. Pannava hoti udayattha-gaminiya pannaya samannagato ariyaya nibbedhikaya samma-dukkha-kkhaya-gaminiya.

(xvii) Panca suddhavasa. Aviha, Atappa, Sudassa, Sudassi, Akanittha.

(xviii) Panca anagamino. Antara-parinibbayi, upahacca-parinibbayi, asamkhara-parinibbayi, sasamkharaparinibbayi, uddhamsoto Akanittha-gami.

(xix) Panca ceto-khila. Idh' avuso bhikkhu Satthari kankhati vicikicchati nadhimuccati na sampasidati.

[page 238]

Yo so avuso bhikkhu Satthari kankhati vicikicchati nadhimuccati na sampasidati, tassa cittam na namati atappaya anuyogaya sataccaya padhanaya. Yassa cittam na namati atappaya anuyogaya sataccaya padhanaya, ayam pathamo cetokhilo. Puna ca param avuso bhikkhu Dhamme kankhati vicikicchati ... pe ... Samghe kankhati vicikicchati ... sikkhaya kankhati vicikicchati ... sabrahmacarisu kupito hoti anattamano ahata-citto khila-jato. Yo so avuso bhikkhu sabrahmacarisu kupito hoti anattamano ahata-citto khila-jato, tassa cittam na namati atappaya anuyogaya sataccaya padhanaya. Ayam pancamo ceto-khilo.

(xx) Panca cetaso vinibandha. Idh' avuso bhikkhu kame avigata-rago hoti avigata-chando avigata-pemo avigata-pipaso avigata-parilaho avigata-tanho. Yo so avuso bhikkhu kame avigata-rago hoti avigata-chando avigata-pemo avigata-pipaso avigata-parilaho avigata-tanho, tassa cittam na namati atappaya anuyogaya sataccaya padhanaya. Yassa cittam na namati ... pe ... ayam pathamo cetaso vinibandho. Puna ca param avuso bhikkhu kaye avigata-rago hoti ... pe ... ayam dutiyo cetaso vinibandho. Rupe avigata-rago hoti ... pe ... ayam tatiyo cetaso vinibandho. Yavadattham udaravadehakam bhunjitva seyya-sukham phassa-sukham middhasukham anuyutto viharati. Puna ca param avuso bhikkhu annataram deva-nikayam panidhaya brahmacariyam carati -- 'Imina 'ham vatena va silena va tapena va brahmacariyena va devo va bhavissami devannataro va ti.'

[page 239]

Yo so avuso bhikkhu annataram deva-nikayam panidhaya brahmacariyam carati -- 'Imina 'ham silena va vatena va tapena va brahmacariyena va devo bhavissami devannataro va ti,' tassa cittam na namati atappaya anuyogaya sataccaya padhanaya. Yassa ... pe ... ayam pancamo cetaso vinibandho.

(xxi) Panc' indriyani. Cakkhundriyam, sotindriyam, ghanindriyam, jivhindriyam, kayindriyam.

(xxii) Aparani pi panc' indriyani. Sukhindriyam, dukkhindriyam, somanassindriyam, domanassindriyam, upekhindriyam.

(xxiii) Aparani pi panc' indriyani. Saddhindriyam, viriyindriyam, satindriyam, samadhindriyam, pannindriyam.

(xxiv) Panca {nissaraniya} dhatuyo. Idh' avuso bhikkhuno kame manasikaroto kamesu cittam na pakkhandati nappasidati na santitthati na vimuccati, nekkhammam kho pan' assa manasikaroto nekkhamme cittam pakkhandati pasidati santitthati vimuccati, tassa tam cittam sugatam subhavitam suvutthitam suvimuttam visamyuttam kamehi,

[page 240]

ye ca kama-paccaya uppajjanti asava vighata parilaha, mutto so tehi, na so tam vedanam vedeti, idam akkhatam kamanam nissaranam. Puna ca param avuso bhikkhuno vyapadam manasikaroto vyapade cittam na pakkhandati nappasidati na santitthati na vimuccati, avyapadam kho pan' assa manasikaroto avyapade cittam pakkhandati pasidati santitthati vimuccati, tassa tam cittam sugatam subhavitam suvutthitam suvimuttam visamyuttam vyapadena, ye ca vyapada-paccaya uppajjanti asava vighata parilaha, mutto so tehi, na so tam vedanam vedeti, idam akkhatam vyapadassa nissaranam. Puna ca param avuso bhikkhuno vihesam manasikaroto vihesaya cittam na pakkhandati nappasidati na santitthati na vimuccati, avihesam kho pan' assa manasikaroto avihesaya cittam pakkhandati pasidati santitthati vimuccati, tassa tam cittam sugatam subhavitam suvutthitam suvimuttam visamyuttam vihesaya, ye ca vihesa-paccaya uppajjanti asava vighata parilaha, mutto so tehi, na so tam vedanam vedeti, idam akkhatam vihesaya nissaranam. Puna ca param avuso bhikkhuno rupam manasikaroto rupesu cittam na pakkhandati nappasidati na santitthati na vimuccati, arupam kho pan' assa manasikaroto arupesu cittam pakkhandati pasidati santitthati vimuccati, tassa tam cittam sugatam subhavitam suvutthitam suvimuttam visamyuttam rupehi, ye ca rupapaccaya uppajjanti asava vighata parilaha, mutto so tehi, na so tam vedanam vedeti, idam akkhatam rupanam nissaranam. Puna ca param avuso bhikkhuno sakkayam manasikaroto sakkaye cittam na pakkhandati nappasidati na santitthati na vimuccati, sakkaya-nirodham kho pan' assa manasikaroto sakkaya-nirodhe cittam pakkhandati pasidati santitthati vimuccati, tassa tam cittam sugatam subhavitam suvutthitam suvimuttam visamyuttam sakkayena, ye ca sakkaya-paccaya uppajjanti asava vighata parilaha, mutto so tehi,

[page 241]

na so tam vedanam vedeti, idam akkhatam sakkayanissaranam.

(xxv) Panca vimuttayatanani. Idh' avuso bhikkhuno Sattha dhammam deseti annataro va garutthaniko sabrahmacari. Yatha yatha avuso bhikkhuno Sattha dhammam deseti annataro va garutthaniko sabrahmacari, tatha so tasmim dhamme attha-patisamvedi ca hoti dhammapatisamvedi ca. Tassa attha-patisamvedino dhammapatisamvedino pamojjam jayati, pamuditassa piti jayati, piti-manassa kayo passambhati, passaddha-kayo sukham vedeti, sukhino cittam samadhiyati. Idam pathamam vimuttayatanam. Puna ca param avuso bhikkhuno na h' eva kho Sattha dhammam deseti annataro va garutthaniko sabrahmacari, api ca kho yatha-sutam yatha-pariyattam dhammam vittharena paresam deseti. Yatha yatha avuso bhikkhu yatha-sutam yatha-pariyattam dhammam vittharena paresam deseti, tatha tatha so tasmim dhamme atthapatisamvedi ca hoti dhamma-patisamvedi ca. Tassa atthapatisamvedino dhamma-patisamvedino pamojjam jayati, pamuditassa piti jayati, piti-manassa kayo passambhati, {passaddha}-kayo sukham vedeti, sukhino cittam samadhiyati.

Idam dutiyam vimuttayatanam. Puna ca param avuso bhikkhuno na h' eva kho Sattha dhammam deseti annataro va garutthaniko sabrahmacari, na pi yathasutam yatha-pariyattam dhammam vittharena paresam deseti, api ca kho yatha-sutam yatha-pariyattam dhammam vittharena sajjhayam karoti. Yatha yatha 'vuso bhikkhu yatha-sutam yatha-pariyattam dhammam vittharena sajjhayam karoti, tatha tatha so tasmim dhamme attha-patisamvedi ca hoti dhamma-patisamvedi ca. Tassa atthapatisamvedino dhamma-patisamvedino pamojjam jayati, {pamuditassa} piti jayati, piti-manassa kayo passambhati, passaddha-kayo sukham vedeti,

[page 242]

sukhino cittam samadhiyati.

Idam tatiyam vimuttayatanam. Puna ca param avuso bhikkhuno na h' eva kho Sattha dhammam deseti annataro va garutthaniko sabrahmacari, na pi yatha-sutam yatha-pariyattam dhammam vittarena paresam deseti, na pi yatha-sutam yatha-pariyattam dhammam vittharena sajjhayam karoti, api ca kho yatha-sutam yatha-pariyattam dhammam cetasa anuvitakketi anuvicareti manasa 'nupekkhati. Yatha yatha avuso bhikkhu yatha-sutam yathapariyattam dhammam cetasa anuvitakketi anuvicareti manasa 'nupekkhati, tatha tatha so tasmim dhamme attha{patisamvedi} ca hoti dhamma-patisamvedi ca. Tassa atthapatisamvedino dhamma-patisamvedino pamojjam jayati, pamuditassa piti jayati, piti-manassa kayo passambhati, passaddha-kayo sukham vedeti, sukhino cittam samadhiyati. Idam catuttham vimuttayatanam. Puna ca param avuso bhikkhuno na h' eva kho Sattha dhammam deseti annataro va garutthaniko sabrahmacari, na pi yathasutam yatha-pariyattam dhammam vittharena paresam deseti, na pi yatha-sutam yatha-pariyattam dhammam vittharena sajjhayam karoti, na pi yatha-sutam yathapariyattam dhammam cetasa anuvitakketi anuvicareti manasa 'nupekkhati, api ca kho assa annataram samadhinimittam suggahitam hoti sumanasikatam supadharitam suppatividdham pannaya. Yatha yatha avuso bhikkhuno annataram samadhi-nimittam suggahitam hoti sumanasikatam supadharitam suppatividdham pannaya, tatha tatha so tasmim dhamme attha-patisamvedi ca hoti dhammapatisamvedi ca. Tassa attha-patisamvedino dhammapatisamvedino pamojjam jayati, pamuditassa piti jayati, piti-manassa kayo passambhati, passaddha-kayo sukham vedeti,

[page 243]

sukhino cittam samadhiyati. Idam pancamam vimuttayatanam.

(xxvi) Panca vimutti-paripacaniya sanna. Anicca-sanna, anicce dukkha-sanna, dukkhe anatta-sanna, pahana-sanna, viraga-sanna.

Ime kho avuso tena Bhagavata janata passata arahata Samma-Sambuddhena panca dhamma sammad-akkhata.

Tattha sabbeh' eva sangayitabbam na vivaditabbam ... pe ... atthaya hitaya sukhaya deva-manussanam.

2. Atthi kho avuso tena Bhagavata janata passata arahata Samma-Sambuddhena cha dhamma sammad-akkhata.

Tattha sabbeh' eva sangayitabbam ... pe ... atthaya hitaya sukhaya deva-manussanam. Katame cha?

(i) Cha ajjhattikani ayatanani. Cakkhayatanam, sotayatanam, ghanayatanam, jivhayatanam, kayayatanam, manayatanam.

(ii) Cha bahirani ayatanani. Rupayatanam, saddayatanam, gandhayatanam, rasayatanam, {photthabbayatanam}, dhammayatanam.

(iii) Cha vinnana-kaya. Cakkhu-vinnanam, sota-vinnanam, ghana-vinnanam, jivha-vinnanam, kaya-vinnanam, mano-vinnanam.

(iv) Cha phassa-kaya. Cakkhu-samphasso, sota-samphasso, ghana-samphasso, jivha-samphasso, kaya-samphasso, mano-samphasso.

(v) Cha vedana-kaya. Cakkhu samphassaja vedana, sota-samphassaja vedana,

[page 244]

ghana-samphassaja vedana, jivhasamphassaja vedana, kaya-samphassaja vedana, manosamphassaja vedana.

(vi) Cha sanna-kaya. Rupa-sanna, sadda-sanna, {gandha-sanna}, rasa-sanna, photthabba-sanna, dhamma-sanna.

(vii) Cha sancetana-kaya. Rupa-sancetana, sadda-sancetana, gandha-sancetana, rasa-sancetana, photthabbasancetana, dhamma-sancetana.

(viii) Cha tanha-kaya. Rupa-tanha, sadda-tanha, gandha-tanha, rasa-tanha, photthabba-tanha, dhammatanha.

(ix) Cha agarava. Idh' avuso bhikkhu Satthari agaravo viharati appatisso, Dhamme agaravo viharati appatisso, Samghe agaravo viharati appatisso, sikkhaya agaravo viharati appatisso, appamade agaravo viharati appatisso, patisanthare agaravo viharati appatisso.

(x) Cha garava. Idh' avuso bhikkhu Satthari sagaravo viharati sappatisso, Dhamme sagaravo viharati sappatisso, Samghe sagaravo viharati sappatisso, sikkhaya sagaravo viharati sappatisso, appamade sagaravo viharati sappatisso, patisanthare sagaravo viharati sappatisso.

(xi) Cha somanassupavicara. Cakkhuna rupam disva somanassa-tthaniyam rupam upavicarati. Sotena saddam sutva ... ghanena gandham ghayitva ... jivhaya rasam sayitva ... kayena photthabbam phusitva ... manasa dhammam vinnaya somanassa-tthaniyam dhammam upavicarati.

[page 245]

(xii) Cha domanassupavicara. Cakkhuna rupam disva domanassa-tthaniyam rupam upavicarati ... pe ... manasa dhammam vinnaya domanassa-tthaniyam dhammam upavicarati.

(xiii) Cha upekkhupavicara. Cakkhuna rupam disva upekhatthaniyam rupam upavicarati. Sotena saddham sutva ... ghanena gandham ghayitva ... jivhaya rasam sayitva

. . . kayena photthabbam phusitva ... manasa dhammam vinnaya upekha-tthaniyam dhammam upavicarati.

(xiv) Cha saraniya dhamma. Idh' avuso bhikkhuno mettam kaya-kammam paccupatthitam hoti sabrahmacarisu avi c' eva raho ca, ayam pi dhammo saraniyo piyakarano {garukarano} sangahaya avivadaya samaggiya ekibhavaya samvattati. Puna ca param avuso bhikkhuno mettam vaci-kammam ... mettam mano-kammam paccupatthitam hoti sabrahmacarisu {avi} c' eva raho ca, ayam pi dhammo saraniyo piya-karano {garukarano} sangahaya avivadaya samaggiya eki-bhavaya samvattati. Puna ca param avuso bhikkhu ye te labha dhammika dhammaladdha antamaso patta-pariyapanna-mattam pi, tatharupehi labhehi appativibhatta-bhogi hoti silavantehi sabrahmacarihi sadharana-bhogi, ayam pi dhammo saraniyo piyakarano {garukarano} sangahaya avivadaya samaggiya ekibhavaya samvattati. Puna ca param avuso bhikkhu yani tani silani akhandani acchiddani asabalani akammasani bhujissani vinnuppasatthani aparamatthani samadhisamvattanikani, {tatharupesu} silesu sila-samanna-gato viharati sabrahmacarihi avi c' eva raho ca,

[page 246]

ayam pi dhammo saraniyo piya-karano garu-karano sangahaya avivadaya samaggiya eki-bhavaya samvattati. Puna ca param avuso bhikkhu ya 'yam ditthi ariya niyyanika niyyati takkarassa samma-dukkhakkhayaya tatha-rupaya ditthiya ditthi-samanna-gato viharati sabrahmacarihi avi c' eva raho ca, ayam pi dhammo saraniyo piya-karano garu-karano sangahaya avivadaya samaggiya eki-bhavaya samvattati.

(xv) Cha vivada-mulani. Idh' avuso bhikkhu kodhano hoti upanahi. Yo so avuso bhikkhu kodhano hoti upanahi, so Satthari pi agaravo viharati appatisso, Dhamme pi agaravo viharati appatisso, Samghe pi agaravo viharati appatisso, sikkhaya pi na paripura-kari hoti. Yo so avuso bhikkhu Satthari agaravo viharati appatisso, Dhamme agaravo viharati appatisso, Samghe agaravo viharati appatisso, sikkhaya na paripura-kari, so Samghe vivadam janeti.

Yo so hoti vivado bahujana-ahitaya bahujana-asukhaya bahu-janassa anatthaya ahitaya dukkhaya deva-manussanam. Evarupan ce tumhe avuso vivada-mulam ajjhattam va bahiddha va samanupasseyyatha, tatra tumhe avuso tass' eva papakassa vivada-mulassa pahanaya vayameyyatha.

Evarupan ce tumhe avuso vivada-mulam ajjhattam va bahiddha va na samanupasseyyatha, tatra tumhe avuso tass' eva papakassa vivada-mulassa ayatim anavassavaya patipajjeyyatha. Evam etassa papakassa vivada-mulassa pahanam hoti, evam etassa papakassa vivada-mulassa ayatim anavassavo hoti. Puna ca param avuso bhikkhu makkhi hoti palasi ... issuki hoti macchari ... satho hoti mayavi ... papiccho hoti miccha-ditthi . . .

[page 247]

sanditthi-paramasi hoti adhana-gahi duppatinissaggi. Yo so avuso bhikkhu sanditthi-paramasi hoti adhana-gahi duppatinissaggi, so Satthari pi agaravo viharati appatisso, Dhamme pi agaravo viharati appatisso, Samghe ... pe

. . . sikkhaya na paripura-kari hoti. Yo so avuso bhikkhu Satthari agaravo viharati {appatisso}, Dhamme ... Sanghe ... sikkhaya na paripura-kari, so Samghe vivadam janeti. Yo so hoti vivado bahujana-ahitaya bahujanaasukhaya bahujanassa anatthaya ahitaya dukkhaya devamanussanam. Evarupan ce tumhe avuso vivada-mulam ajjhattam va bahiddha va samanupasseyyatha, tatra tumhe avuso tass' eva papakassa vivada-mulassa pahanaya vayameyyatha. Evarupan ce tumhe avuso vivada-mulam ajjhattam va bahiddha va na samanupasseyyatha, tatra tumhe avuso tass' eva papakassa vivada-mulassa ayatim anavassavaya patipajjeyyatha. Evam etassa papakassa vivada-mulassa pahanam hoti, evam etassa papakassa vivada-mulassa ayatim anavassavo hoti.

(xvi) Cha dhatuyo. Pathavi-dhatu, apo-dhatu, tejodhatu, vayo-dhatu, akasa-dhatu, vinnana-dhatu.

(xvii) Cha {nissaraniya} dhatuyo. Idh' avuso bhikkhu evam vadeyya:-- 'Metta hi kho me ceto-vimutti bhavita bahuli-kata yani-kata vatthu-kata anutthita paricita susamaraddha.

[page 248]

Atha ca pana me vyapado cittam pariyadaya titthatiti.' So 'Ma h' evan ti' 'ssa vacaniyo, 'Ma 'yasma evam avaca, ma Bhagavantam abbhacikkhi, na hi sadhu Bhagavato abbhakkhanam, na hi Bhagava evam vadeyya.' Atthanam etam avuso anavakaso. Yam mettaya ceto-vimuttiya bhavitaya bahuli-kataya yani-kataya vatthukataya anutthitaya paricitaya susamaraddhaya, atha ca pan' assa vyapado cittam pariyadaya thassatiti, n' etam thanam vijjati. Nissaranam h' etam avuso vyapadassa, yadidam metta ceto-vimutti. Idha pana avuso bhikkhu evam vadeyya -- 'Karuna hi kho me ceto-vimutti bhavita bahuli-kata yani-kata vatthu-kata anutthita paricita susamaraddha. Atha ca pana me vihesa cittam pariyadaya titthatiti.' So 'Ma h' evan ti' 'ssa vacaniyo, 'Ma 'yasma evam avaca, ma Bhagavantam abbhacikkhi, na hi sadhu Bhagavato abbhakkhanam, na hi Bhagava evam vadeyya.' Atthanam etam avuso anavakaso. Yam karunaya cetovimuttiya bhavitaya bahuli-kataya yani-kataya vatthukataya anutthitaya paricitaya susamaraddhaya, atha ca pan' assa vihesa cittam pariyadaya thassatiti, n' etam thanam vijjati. Nissaranam h' etam avuso vihesaya, yadidam karuna ceto-vimutti. Idha pan' avuso bhikkhu evam vadeyya -- 'Mudita hi kho me ceto-vimutti bhavita bahuli-kata yani-kata vatthu-kata anutthita paricita susamaraddha. Atha ca pana me arati cittam pariyadaya titthatiti.' So 'Ma h' evan ti' 'ssa vacaniyo, 'Ma 'yasma evam avaca, ma Bhagavantam abbhacikkhi, na hi sadhu Bhagavato abbhakkhanam, na hi Bhagava evam vadeyya.' Atthanam etam avuso anavakaso. Yam muditaya cetovimuttiya bhavitaya bahuli-kataya yani-kataya vatthukataya anutthitaya paricitaya susamaraddhaya,

[page 249]

atha ca pan' assa arati cittam pariyadaya thassatiti, n' etam thanam vijjati. Nissaranam h' etam avuso aratiya, yadidam mudita ceto-vimutti. Idha pan' avuso bhikkhu evam vadeyya -- 'Upekha hi kho me ceto-vimutti bhavita bahuli-kata yani-kata vatthu-kata anutthita paricita susamaraddha.

Atha ca pana me rago cittam pariyadaya titthatiti.' So 'Ma h' evan ti' 'ssa vacaniyo, 'Ma 'yasma evam avaca, ma Bhagavantam abbhacikkhi, na hi sadhu Bhagavato abbhakkhanam, na hi Bhagava evam vadeyya.' Atthanam etam avuso anavakaso. Yam upekhaya ceto-vimuttiya bhavitaya bahuli-kataya yani-kataya vatthu-kataya {anutthitaya} paricitaya susamaraddhaya, atha ca pan' assa rago cittam pariyadaya thassatiti, n' etam thanam vijjati. Nissaranam h' etam avuso ragassa, yadidam upekha ceto-vimutti. Idha pan' avuso bhikkhu evam vadeyya -- 'Animitta hi kho me ceto-vimutti bhavita bahuli-kata yani-kata vatthu-kata anutthita paricita susamaraddha. Atha ca pana me nimittanusari vinnanam hotiti.' So 'Ma h' evan ti' 'ssa vacaniyo, 'Ma 'yasma evam avaca, ma Bhagavantam abbhacikkhi, na hi sadhu Bhagavato abbhakkhanam, na hi Bhagava evam vadeyya.' Atthanam etam avuso anavakaso.

Yam animmitaya ceto-vimuttiya bhavitaya bahuli-kataya yani-kataya vatthu-kataya anutthitaya paricitaya susamaraddhaya, atha ca pan' assa nimittanusari vinnanam bhavissatiti, n' etam thanam vijjati. Nissaranam h' etam avuso sabba-nimittanam, yadidam animitta ceto-vimutti. Idha pan' avuso bhikkhu evam vadeyya -- "'Asmiti" kho me vighatam, "ayam aham asmiti" na samanupassami. Atha ca pana me vicikiccha-kathankatha-sallam cittam pariyadaya titthatiti.' So 'Ma h' evan ti' 'ssa vacaniyo, 'Ma 'yasma evam avaca, ma Bhagavantam abbhacikkhi, na hi sadhu Bhagavato abbhakkhanam,

[page 250]

na hi Bhagava evam vadeyya.' Atthanam etam avuso anavakaso. Yam 'asmiti' vighate 'ayam aham asmiti' asamanupassato, atha ca pan' assa vicikiccha-kathankatha-sallam cittam pariyadaya thassatiti, n' etam thanam vijjati. Nissaranam h' etam avuso vicikiccha-kathankatha-sallassa, yadidam 'asmiti' mana-samugghato.

(xviii) Cha anuttariyani. Dassananuttariyam, savananuttariyam, labhanuttariyam, sikkhanuttariyam, paricariyanuttariyam, anussutanuttariyam.

(xix) Cha anussati-tthanani. Buddhanussati, Dhammanussati, Samghanussati, silanussati, caganussati, devatanussati.

(xx) Cha satata-vihara. Idh' avuso bhikkhu cakkhuna rupam disva n' eva sumano hoti na dummano, upekhako viharati sato sampajano; sotena saddam sutva ... ghanena gandham ghayitva ... jivhaya rasam sayitva ... kayena photthabbam phusitva ... manasa dhammam vinnaya n' eva sumano hoti na dummano, upekhako viharati sato sampajano.

(xxi) Chal abhijatiyo. Idh' avuso ekacco kanhabhijatiko samano kanham dhammam abhijayati.

[page 251]

Idh' avuso ekacco kanhabhijatiko samano sukkam dhammam abhijayati. Idh' avuso ekacco kanhabhijatiko samano akanham asukkam nibbanam abhijayati. Idha pan' avuso ekacco sukkabhijatiko samano sukkam dhammam abhijayati. Idh' avuso ekacco sukkabhijatiko samano kanham dhammam abhijayati. Idha pan' avuso ekacco sukkabhijatiko samano akanham asukkam nibbanam abhijayati.

(xxii) Cha nibbedha-bhagiya-sanna. Anicca-sanna, anicce dukkha-sanna, dukkhe anatta sanna, pahana-sanna, viraga-sanna, nirodha-sanna.

Ime kho avuso tena Bhagavata janata passata arahata Samma-Sambuddhena cha dhamma sammad-akkhata.

Tattha sabbeh' eva sangayitabbam ... pe ... atthaya hitaya sukhaya deva-manussanam.

3. Atthi kho avuso tena Bhagavata janata passata arahata Samma-Sambuddhena satta dhamma sammad-akkhata.

Tattha sabbeh' eva sangayitabbam ... pe ... atthaya hitaya sukhaya deva-manussanam. Katame satta?

(i) Satta dhanani. Saddha-dhanam, sila-dhanam, hiridhanam, ottappa-dhanam, suta-dhanam, caga-dhanam, {panna}-dhanam.

(ii) Satta sambojjhanga. Sati-sambojjhango, dhammavicaya-sambojjhango,

[page 252]

viriya-sambojjhango, piti-sambojjhango, passaddhi-sambojjhango, samadhi-sambojjhango, upekha-sambojjhango.

(iii) Satta samadhi-parikkhara. Samma-ditthi, sammasamkappo, samma-vaca, samma-kammanto, samma-ajivo, samma-vayamo, samma-sati.

(iv) Satta asaddhamma. Idh' avuso bhikkhu asaddho hoti, ahiriko hoti, anottappi hoti, appassuto hoti, kusito hoti, muttha-ssati hoti, duppanno hoti.

(v) Satta saddhamma. Idh' avuso bhikkhu saddho hoti, hirima hoti, ottappi hoti, bahussuto hoti, araddhaviriyo hoti, upatthita-sati hoti, pannava hoti.

(vi) Satta sappurisa-dhamma. Idh' avuso bhikkhu dhammannu ca hoti, atthannu ca, attannu ca, mattannu ca, kalannu ca, parisannu ca, puggalannu ca.

(vii) Satta niddesa-vatthuni. Idh' avuso bhikkhu sikkha-samadane tibbacchando hoti ayatin ca sikkha-samadane avigata-pemo. Dhamma-nisantiya tibbacchando hoti ayatin ca dhamma-nisantiya avigata-pemo. Icchavinaye tibbacchando hoti ayatin ca iccha-vinaye avigatapemo. Patisallane tibbacchando hoti ayatin ca patisallane avigata-pemo. Viriyarambhe tibbacchando hoti ayatin ca viriyarambhe avigata-pemo. Sati-nepakke tibbacchando hoti ayatin ca sati-nepakke avigatapemo.

[page 253]

Ditthi-pativedhe tibbacchando hoti ayatin ca ditthi-pativedhe avigata-pemo.

(viii) Satta sanna. Anicca-sanna, anatta-sanna, asubhasanna, adinava-sanna, pahana-sanna, viraga-sanna, nirodhasanna.

(ix) Satta balani. Saddha-balam, viriya-balam, hiribalam, ottappa-balam, sati-balam, samadhi-balam, pannabalam.

(x) Satta vinnana-tthitiyo. Sant' avuso satta nanattakaya nanatta-sannino, seyyatha pi manussa ekacce ca deva ekacce ca vinipatika. Ayam pathama vinnanatthiti. Sant' avuso satta nanatta-kaya ekatta-sannino seyyatha pi deva Brahma-kayika pathamabhinibbatta.

Ayam dutiya vinnana-tthiti. Sant' avuso satta ekattakaya nanatta-sannino, seyyatha pi deva Abhassara. Ayam tatiya vinnana-tthiti. Sant' avuso satta ekatta-kaya ekatta-sannino, seyyatha pi deva Subhakinha. Ayam catuttha vinnana-tthiti. Sant' avuso satta sabbaso rupa-sannanam samatikkama, patigha-sannanam atthagama, nanatta-sannanam amanasikara, 'Ananto akaso ti' akasanancayatanupaga. Ayam pancami vinnana-tthiti. Sant' avuso satta sabbaso {akasanancayatanam} samatikkamma 'Anantam vinnanan ti' vinnanancayatanupaga. Ayam chatthi vinnana-tthiti. Sant' avuso satta sabbaso {vinnanancayatanam} samatikkamma 'N' atthi kinciti' akincannayatanupaga. Ayam sattami vinnana-tthiti.

(xi) Satta puggala dakkhineyya. Ubhato bhaga-vimutto,

[page 254]

panna-vimutto, kaya-sakkhi, ditthi-ppatto, saddhavimutto, dhammanusari, saddhanusari.

(xii) Satta anusaya. Kamaraganusayo, patighanusayo, ditthanusayo, vicikicchanusayo, mananusayo, bhavaraganusayo, avijjanusayo.

(xiii) Satta samyojanani. Anunaya-samyojanam, patighasamyojanam, ditthi-samyojanam, vicikiccha-samyojanam, mana-samyojanam, bhavaraga-samyojanam, avijja-samyojanam.

(xiv) Satta adhikarana-samatha uppannuppannanam adhikarananam samathaya vupasamaya. Sammukhavinayo databbo, sati-vinayo databbo, amulha-vinayo databbo, patinnaya karetabbam, yebhuyyasika, tassa-papiyyasika, tinavattharako.

Ime kho avuso tena Bhagavata janata passata arahata Samma-Sambuddhena satta dhamma sammad-akkhata.

Tattha sabbeh' eva sangayitabbam ... pe ... atthaya hitaya sukhaya deva-manussanam.

Dutiyaka-bhanavaram.

3. . Atthi kho tena Bhagavata janata passata arahata Samma-Sambuddhena attha dhamma sammad-akkhata.

Tattha sabbeh' eva sangayitabbam ... pe ... atthaya hitaya sukhaya deva-manussanam. Katame attha?

(i) Attha micchatta. Miccha-ditthi, miccha-samkappo, miccha-vaca, miccha-kammanto, miccha-ajivo, micchavayamo, miccha-sati, miccha-samadhi.

[page 255]

(ii) Attha sammatta. Samma-ditthi ... pe ... samma-samadhi.

(iii) Attha puggala dakkhineyya. Sotapanno sotapattiphala-sacchikiriyaya patipanno, {sakadagami} sakadagamiphala-sacchikiriyaya patipanno, {anagami} anagami-phalasacchikiriyaya patipanno, araha arahattaya patipanno.

(iv) Attha kusita-vatthuni. Idh' avuso bhikkhuna kammam kattabbam hoti. Tassa evam hoti -- 'Kammam kho me kattabbam bhavissati, kammam kho pana me karontassa kayo kilamissati, handaham nipajjamiti.' So nipajjati, na viriyam arabhati appattassa pattiya anadhigatassa adhigamaya asacchikatassa sacchikiriyaya. Idam pathamam kusita-vatthum. Puna ca param avuso bhikkhuna kammam katam hoti. Tassa evam hoti -'Aham kho kammam akasim, kammam kho pana me karontassa kayo kilanto, handaham nipajjamiti.' So nipajjati, na viriyam arabhati ... pe ... Idam dutiyam kusita-vatthum. Puna ca param avuso bhikkhuna maggo gantabbo hoti. Tassa evam hoti -- 'Maggo kho me gantabbo bhavissati, maggam kho pana me gacchantassa kayo kilamissati, handaham nipajjamiti.' So nipajjati, na viriyam arabhati. ... Idam tatiyam kusita-vatthum. Puna ca param avuso bhikkhuna maggo gato hoti. Tassa evam hoti -- 'Aham kho maggam agamasim, maggam kho pana me gacchantassa kayo kilanto, handaham nipajjamiti.' So nipajjati, na viriyam arabhati. ... Idam catuttham kusita-vatthum. Puna ca param avuso bhikkhu gamam va nigamam va pindaya caranto na labhati lukhassa va panitassa va bhojanassa yavadattham paripurim.

Tassa evam hoti -- 'Aham kho gamam va nigamam va pindaya caranto nalattham lukhassa va panitassa va bhojanassa yavadattham paripurim,

[page 256]

tassa me kayo kilanto akammanno, handaham nipajjamiti.' So nipajjati,na viriyam arabhati. ... Idam pancamam kusita-vatthum. Puna ca param avuso bhikkhu gamam va nigamam va pindaya caranto labhati lukhassa va panitassa va bhojanassa yavadattham paripurim. Tassa evam hoti -- 'Aham kho gamam va nigamam va pindaya caranto alattham lukhassa va panitassa va bhojanassa yavadattham paripurim, tassa me kayo garuko akammanno masacitam manne, handaham nipajjamiti.' So {nipajjati}, na viriyam arabhati. ... Idam chattham kusita-vatthum. Puna ca param avuso bhikkhuno uppanno hoti appamattako abadho. Tassa evam hoti -- 'Uppanno kho me appamattako {abadho}, atthi kappo nipajjitum, handaham nipajjamiti.' So nipajjati, na viriyam arabhati. ... Idam sattamam kusita-vatthum. Puna ca param avuso bhikkhu gilana vutthito hoti acira-vutthito gelanna. Tassa evam hoti -- 'Aham kho gilana vutthito acira-vutthito gelanna, tassa me kayo dubbalo akammanno, handaham nipajjamiti.' So nipajjati, na viriyam arabhati appattassa pattiya anadhigatassa adhigamaya asacchikatassa sacchikiriyaya. Idam atthamam kusita-vatthum.

(v) Attha arabbha-vatthuni. Idh' avuso bhikkhuna kammam kattabbam hoti. Tassa evam hoti -- 'Kammam kho me kattabbam bhavissati, kammam kho pana me karontena na sukaram Buddhanam sasanam manasikatum, handaham viriyam arabhami appattassa pattiya anadhigatassa adhigamaya asacchikatassa sacchikiriyayati.' So viriyam arabhati appattassa pattiya anadhigatassa adhigamaya asacchikatassa sacchikiriyaya. Idam pathamam arabbha-vatthum. Puna ca param avuso bhikkhuna kammam katam hoti.

[page 257]

Tassa evam hoti -- 'Aham kho kammam akasim, kammam kho panaham karonto nasakkhim Buddhanam sasanam manasikatum, handaham viriyam arabhami ... pe . . .' So viriyam arabhati. ... Idam dutiyam arabbha-vatthum. Puna ca param avuso bhikkhuna maggo gantabbo hoti. Tassa evam hoti -'Maggo kho me gantabbo bhavissati, maggam kho pana me gacchantena na sukaram Buddhanam sasanam manasikatum, handaham viriyam arabhami ... pe . . .' So viriyam arabhati. ... Idam tatiyam arabbha-vatthum. Puna ca param avuso bhikkhuna maggo gato hoti. Tassa evam hoti -- 'Aham kho maggam agamasim, maggam kho panaham gacchanto nasakkhim Buddhanam sasanam manasikatum, handaham viriyam arabhami ... pe . . .' So viriyam arabhati. ... Idam catuttham arabbha-vatthum. Puna ca param avuso bhikkhu gamam va nigamam va pindaya caranto na labhati lukhassa va panitassa va bhojanassa yavadattham paripurim. Tassa evam hoti -- 'Aham kho gamam va nigamam va pindaya caranto nalattham lukhassa va panitassa va bhojanassa yavadattham paripurim, tassa me kayo lahuko kammanno handaham viriyam arabhami ... pe . . .' So viriyam arabhati ... Idam pancamam arabbha-vatthum. Puna ca param avuso bhikkhu gamam va nigamam va pindaya caranto labhati lukhassa va panitassa va bhojanassa yavadattham paripurim. Tassa evam hoti -- 'Aham kho gamam va nigamam va pindaya caranto alattham lukhassa va panitassa va bhojanassa yavadattham paripurim, tassa me kayo balava kammanno, handaham viriyam {arabhami} ... pe . . .' So viriyam arabhati. ... Idam chattham arabbha-vatthum. Puna ca param avuso bhikkhuno uppanno hoti appamattako abadho. Tassa evam hoti -'Uppanno kho me ayam appamattako abadho, thanam kho pan' etam vijjati yam me abadho vaddheyya, handaham viriyam arabhami ... pe . . .' So viriyam arabhati . . .

[page 258]

Idam sattamam arabbha-vatthum. Puna ca param avuso bhikkhu gilana vutthito hoti acira-vutthito gelanna.

Tassa evam hoti -- 'Aham kho gilana vutthito acira-vutthito gelanna, thanam kho pan' etam vijjati yam me abadho paccudavatteyya, handaham viriyam arabhami appattassa pattiya anadhigatassa adhigamaya asacchikatassa sacchikiriyayati.' So viriyam arabhati appattassa pattiya anadhigatassa adhigamaya asacchikatassa sacchikiriyaya.

Idam atthamam arabbha-vatthum.

(vi) Attha dana-vatthuni. Asajja danam deti. Bhaya danam deti. 'Adasi me' ti danam deti. 'Dassati me ti' danam deti. 'Sahu danan ti' danam deti. 'Aham pacami, ime na pacanti, narahami pacanto apacantanam danam adatun ti' danam deti. 'Idam me danam dadato kalyano {kitti-saddo} abbhuggacchatiti' danam deti. Cittalamkaracittaparikkharattham danam deti.

(vii) Attha danuppattiyo. Idh' avuso ekacco danam deti Samanassa va Brahmanassa va annam panam vattham yanam mala-gandha-vilepanam seyyavasatha-padipeyyam.

So yam deti tam paccasimsati. So passati khattiyamahasalam va brahmana-mahasalam va gahapati-mahasalam va pancahi kama-gunehi samappitam {samangi-bhutam} paricarayamanam. Tassa evam hoti -- 'Aho vataham kayassa bheda param marana khattiya-mahasalanam va brahmana-mahasalanam va gahapati-mahasalanam va sahavyatam uppajjeyyan ti.' So tam cittam dahati, tam cittam adhitthati, tam cittam bhaveti. Tassa tam cittam hine vimuttam uttarim abhavitam tatr' uppattiya samvattati.

[page 259]

Tan ca kho silavato vadami no dussilassa. Ijjhat' avuso silavato ceto-panidhi suddhatta. Puna ca param avuso idh' ekacco danam deti Samanassa va Brahmanassa va annam panam vattham yanam malagandha-vilepanam seyyavasatha-padipeyyam. So yam deti tam paccasimsati. Tassa sutam hoti -- 'Catummaharajika deva dighayuka vannavanto sukha-bahula ti.' Tassa evam hoti -- 'Aho {vataham} kayassa bheda param marana Catummaharajikanam devanam sahavyatam uppajjeyyan ti.' So tam cittam dahati, tam cittam adhitthati, tam cittam bhaveti. Tassa tam cittam hine vimuttam uttarim abhavitam tatr' uppattiya samvattati. Tan ca kho silavato vadami no dussilassa. Ijjhat' avuso ceto-panidhi suddhatta. Puna ca param avuso idh' ekacco danam deti Samanassa va Brahmanassa va annam panam vattham yanam mala-gandha-vilepanam seyyavasatha-padipeyyam.

So yam deti tam paccasimsati. Tassa sutam hoti -'Tavatimsa deva. ... Yama deva. ... Tusita deva. ... Nimmana-rati deva. ... Paranimmita-vasavatti deva dighayuka vannavanto sukha-bahula ti.' Tassa evam hoti -- 'Aho vatayam kayassa bheda param marana Paranimmita-vasavattinam devanam sahavyatam uppajjeyyan ti.' So tam cittam dahati, tam cittam adhitthati, tam cittam bhaveti. Tassa tam cittam hine vimuttam uttarim abhavitam tatr' uppattiya {samvattati}. Tan ca kho silavato vadami no dussilassa. Ijjhat' avuso silavato ceto-panidhi suddhatta. Puna ca param avuso idh' ekacco danam deti Samanassa va Brahmanassa va annam panam vattham yanam mala-gandha-vilepanam seyyavasatha-padipeyyam.

So yam deti tam {paccasimsati}. Tassa sutam hoti -'Brahmakayika deva dighayuka vannavanto sukha-bahula ti.' Tassa evam hoti -- 'Aho vataham kayassa bheda param marana Brahmakayikanam devanam sahavyatam uppajjeyyan ti.' So tam cittam dahati, tam cittam adhitthati, tam cittam bhaveti. Tassa tam cittam hine vimuttam uttarim abhavitam tatr' uppattiya samvattati. Tan ca kho silavato {vadami} no dussilassa vitaragassa no saragassa.

[page 260]

Ijjhat' avuso silavato ceto-panidhi vitaragatta.

(viii) Attha parisa. Khattiya-parisa, Brahmana-parisa, Gahapati-parisa, Samana-parisa, Catummaharajika-parisa, Tavatimsa-parisa, Mara-parisa, Brahma-parisa.

(ix) Attha loka-dhamma. Labho ca alabho ca yaso ca ayaso ca ninda ca pasamsa ca sukhanca dukkhanca.

(x) Attha abhibhayatanani. Ajjhattam rupa-sanni eko bahiddha rupani passati parittani suvanna-dubbannani, tani abhibhuyya 'Janami passamiti' evam-sanni hoti.

Idam pathamam abhibhayatanam. Ajjhattam rupasanni eko bahiddha rupani passati appamanani suvannadubbannani, tani abhibhuyya 'Janami passamiti' evamsanni hoti. Idam dutiyam abhibhayatanam. Ajjhattam arupa-sanni eko bahiddha rupani passati parittani suvanna-dubbannani, tani abhibhuyya 'Janami passamiti' evam-sanni hoti. Idam tatiyam abhibhayatanam. Ajjhattam arupa-sanni eko bahiddha rupani passati appamanani suvanna-dubbannani, tani abhibhuyya 'Janami passamiti' evam-sanni hoti. Idam catuttham abhibhayatanam. Ajjhattam arupa-sanni eko bahiddha rupani passati nilani nila-vannani nila-nidassanani nilanibhasani seyyatha pi nama umma-puppham nilam nilavannam nila-nidassanam nila-nibhasam seyyatha va pana tam vattham {Baranaseyyakam} ubhato bhaga-vimattham nilam nila-vannam nila-nidassanam nila-nibhasam evam eva ajjhattam arupa-sanni eko bahiddha rupani passati nilani nila-vannani nila-nidassanani nila-nibhasani,

[page 261]

tani abhibhuyya 'Janami passamiti' evam-sanni hoti. Idam pancamam abhibhayatanam. Ajjhattam arupa-sanni eko bahiddha rupani passati pitani pita-vannani pitanidassanani pita-nibhasani -- seyyatha pi nama kanikarapuppham pitam pita-vannam pita-nidassanam pita-nibhasam -- seyyatha va pana tam vattham Baranaseyyakam ubhato-bhaga-vimattham pitam pita-vannam pita-nidassanam pita-nibhasam -- evam eva ajjhattam arupa-sanni eko bahiddha rupani passati pitani pita-vannani pitanidassanani pita-nibhasani, tani abhibhuyya 'Janami passamiti' evam-sanni hoti. Idam chattham abhibhayatanam. Ajjhattam arupa-sanni eko bahiddha rupani passati lohitakani lohitaka-vannani lohitaka-nidassanani lohitaka-nibhasani -- seyyatha pi nama bandhujivakapuppham lohitakam lohitaka-vannam lohitaka-nidassanam lohitaka-nibhasam -- seyyatha va pana tam vattham Baranaseyyakam ubhato-bhaga-vimattham lohitakam lohitakavannam lohitaka-nidassanam lohitaka-nibhasam -- evam eva ajjhattam arupa-sanni eko bahiddha rupani passati lohitakani lohitaka-vannani lohitaka-nidassanani lohitakanibhasani, tani abhibhuyya 'Janami passamiti' evam-sanni hoti. Idam sattamam abhibhayatanam. Ajjhattam arupa-sanni eko bahiddha rupani passati odatani odatavannani odata-nidassanani odata-nibhasani seyyatha pi nama osadhi-taraka odata odata-vanna odata-nidassana odata-nibhasa seyyatha va pana tam vattham Baranaseyyakam ubhato bhaga-vimattham odatam odata-vannam odata-nidassanam odata-nibhasam evam eva ajjhattam arupa-sanni eko bahiddha rupani passati odatani odatavannani odata-nidassanani odata-nibhasani, tani abhibhuyya 'Janami passamiti' evam-sanni hoti. Idam atthamam abhibhayatanam.

(xi) Attha vimokha. Rupi rupani passati. Ayam pathamo vimokho. Ajjhattam arupa-sanni eko bahiddha rupani passati.

[page 262]

Ayam dutiyo vimokho. 'Subhan' t' eva adhimutto hoti. Ayam tatiyo vimokho. Sabbaso rupa-sannanam samatikkama, patighasannanam atthagama, nanatta-sannanam amanasikara 'Ananto akaso' ti akasanancayatanam upasampajja viharati. Ayam catuttho vimokho. Sabbaso akasanancayatanam samatikkamma 'Anantam vinnanan' ti vinnanancayatanam upasampajja viharati. Ayam pancamo vimokho. Sabbaso vinnanancayatanam samatikkamma 'N' atthi kinciti' akincannayatanam {upasampajja} viharati.

Ayam chattho vimokho. Sabbaso akincannayatanam samatikkamma nevasanna-nasannayatanam upasampajja viharati. Ayam sattamo vimokho. Sabbaso {n'evasanna}-nasannayatanam samatikkamma sanna-vedayitanirodham upasampajja viharati. Ayam atthamo vimokho.

Ime kho avuso tena Bhagavata janata passata arahata Samma-Sambuddhena attha dhamma sammad-akkhata.

Tattha sabbeh' eva samgayitabbam na vivaditabbam yathayidam brahmacariyam ... atthaya hitaya sukhaya devamanussanam.

2. Atthi kho avuso tena Bhagavata janata passata arahata Samma-Sambuddhena nava dhamma sammad-akkhata.

Tattha sabbeh' eva samgayitabbam ... pe ... atthaya hitaya sukhaya deva-manussanam. Katame nava?

(i) Nava aghata-vatthuni. 'Anattham me acariti' aghatam bandhati. 'Anattham me caratiti' {aghatam} bandhati. 'Anattham me carissatiti' aghatam bandhati.

'Piyassa me manapassa anattham acari ... anattham carati ... anattham carissatiti' aghatam bandhati.

'Appiyassa me amanapassa attham acari ... attham carati ... attham carissatiti' aghatam bandhati.

(ii) Nava aghata-pativinaya. 'Anattham me acari, tam kut' ettha labbha ti?' aghatam pativineti. 'Anattham me carati,

[page 263]

tam kut' ettha labbha ti?' aghatam pativineti.

'Anattham me carissatiti' 'tam kut' ettha labbha ti?' aghatam pativineti. 'Piyassa me manapassa anattham acari ... anattham carati ... anattham carissatiti' 'tam kut' ettha labbha ti?' aghatam pativineti. 'Appiyassa me amanapassa attham acari ... attham carati ... attham carissatiti,' 'tam kut' ettha labbha ti?' aghatam pativineti.

(iii) Nava sattavasa. Sant' avuso satta nanatta-kaya nanatta-sannino seyyatha pi manussa ekacce ca deva ekacce ca vinipatika. Ayam pathamo sattavaso. Sant' avuso satta nanatta-kaya ekatta-sannino seyyatha pi deva Brahmakayika pathamabhinibbatta. Ayam dutiyo sattavaso. Sant' avuso satta ekatta-kaya nanatta-sannino seyyatha pi deva Abhassara. Ayam tatiyo sattavaso. Sant' avuso satta ekatta-kaya ekatta-sannino, seyyatha pi deva Subha-kinha. Ayam catuttho sattavaso. Sant' avuso satta asannino appatisamvedino seyyatha pi deva Asanna-satta. Ayam pancamo sattavaso. Sant' avuso satta sabbaso rupa-sannanam samatikkama, patigha-sannanam atthagama, nanattasannanam amanasikara, 'Ananto akaso ti' akasanancayatanupaga. Ayam chattho sattavaso. Sant' avuso satta sabbaso akasanancayatanam samatikkamma 'Anantam vinnanan ti' vinnanancayatanupaga. Ayam sattamo sattavaso. Sant' avuso satta sabbaso vinnanancayatanam samatikkamma 'N' atthi kinciti' akincannayatanupaga. Ayam atthamo sattavaso. Sant' avuso satta sabbaso akincannayatanam samatikkamma nevasannanasannayatanupaga. Ayam navamo sattavaso.

(iv) Nava akkhana asamaya brahmacariya-vasaya.

[page 264]

Idh' avuso Tathagato ca loke uppanno hoti araham Samma-Sambuddho, Dhammo ca desiyati opasamiko parinibbaniko sambodha-gami sugata-ppavedito; ayan ca puggalo nirayam uppanno hoti. Ayam pathamo akkhano asamayo brahmacariya-vasaya. Puna ca param avuso Tathagato ca loke uppanno hoti araham Samma-Sambuddho, Dhammo ca desiyati opasamiko parinibbaniko sambodha-gami sugata-ppavedito; ayan ca puggalo tiracchana-yonim uppanno hoti. Ayam dutiyo {akkhano} asamayo brahmacariya-vasaya ... pe ... petti-visayam uppanno hoti ... asura-kayam uppanno hoti ... pe ... dighayukam deva-nikayam uppanno hoti ... pe ... paccantimesu janapadesu paccajato hoti milakkhusu avinnataresu {yattha} n' atthi gati bhikkhunam bhikkhuninam upasakanam upasikanam. Ayam chattho akkhano asamayo brahmacariya-vasaya. Puna ca param avuso Tathagato ca loke uppanno hoti araham Samma-Sambuddho, Dhammo ca desiyati opasamiko parinibbaniko sambodhagami sugata-ppavedito, ayan ca puggalo majjhimesu janapadesu paccajato hoti, so ca hoti miccha-ditthiko viparita-dassano -- 'N' atthi dinnam, n' atthi {yittham}, n' atthi hutam. n' atthi sukata-dukkatanam kammanam phalam vipako, n' atthi ayam loko n' atthi para-loko, n' atthi mata n' atthi pita,

[page 265]

n' atthi satta opapatika, n' atthi loke Samana-{brahmana}-sammaggata samma-patipanna ye iman ca lokam paran ca lokam sayam abhinna sacchikatva pavedentiti.' Ayam sattamo akkhano asamayo brahmacariya-vasaya. Puna ca param avuso Tathagato ca loke uppanno hoti araham Samma-Sambuddho, Dhammo ca desiyati opasamiko parinibbaniko sambodha-gami sugatappavedito; ayan ca puggalo majjhimesu janapadesu paccajato hoti, so ca hoti duppanno jalo elamugo na patibalo subhasita-dubbhasitanam attham annatum. Ayam atthamo akkhano asamayo brahmacariya-vasaya. Puna ca param avuso Tathagato ca loke anuppanno hoti araham Samma-Sambuddho, Dhammo ca na desiyati opasamiko parinibbaniko sambodha-gami sugata-ppavedito;

ayan ca puggalo majjhimesu janapadesu paccajato hoti, so ca hoti pannava ajalo anelamugo patibalo subhasitadubbhasitanam attham annatum. Ayam navamo akkhano asamayo brahmacariya-vasaya.

(v) Nava anupubba-vihara. Idh' avuso bhikkhu vivicc' eva kamehi vivicca akusalehi dhammehi savitakkam savicaram vivekajam piti-sukham pathamajjhanam upasampajja viharati. Vitakka-vicaranam vupasama ... pe ... dutiyajjhanam ... tatiyajjhanam ... {catutthajjhanam} upasampajja viharati. Sabbaso rupa-sannanam samatikkama, patigha-sannanam atthagama, nanatta-sannanam amanasikara, 'Ananto akaso ti' akasanancayatanam upasampajja viharati. Sabbaso akasanancayatanam samatikkamma 'Anantam vinnanan ti' vinnanancayatanam upasampajja viharati. Sabbaso vinnanancayatanam samatikkamma 'N' atthi kinciti' akincannayatanam upasampajja viharati.

[page 266]

Sabbaso akincannayatanam samatikkamma nevasanna-nasannayatanam upasampajja viharati. Sabbaso nevasanna-nasannayatanam samatikkamma sanna-vedayitanirodham upasampajja viharati.

(vi) Nava anupubba-nirodha. Pathamajjhanam samapannassa kama-sanna niruddha hoti. Dutiyajjhanam samapannassa vitakka-vicara niruddha honti. Tatiyajjhanam samapannassa piti niruddha hoti. Catutthajjhanam samapannassa assasa-passasa niruddha honti. Akasanancayatanam samapannassa rupa-sanna niruddha hoti.

{Vinnanancayatanam} samapannassa akasanancayatana-sanna niruddha hoti. Akincannayatanam samapannassa vinnanancayatana-sanna niruddha hoti. Nevasanna-nasannayatanam samapannassa akincannayatana-sanna niruddha hoti. Sanna-vedayita-nirodham samapannassa sanna ca vedana ca niruddha honti.

Ime kho avuso tena Bhagavata janata passata arahata Samma-Sambuddhena nava dhamma sammad-akkhata.

Tattha sabbeh' eva sangayitabbam ... pe ... atthaya hitaya sukhaya deva-manussanam.

3. Atthi kho avuso tena Bhagavata janata passata arahata Samma-Sambuddhena dasa dhamma sammadakkhata. Tattha sabbeh' eva sangayitabbam ... pe ... atthaya hitaya sukhaya deva-manussanam. Katame dasa?

(i) Dasa natha-karana dhamma. Idh' avuso bhikkhu silava hoti,patimokkha-samvara-samvuto viharati, acaragocara-sampanno anumattesu vajjesu bhaya-dassavi samadaya sikkhati sikkhapadesu. Yam p' avuso bhikkhu silava hoti,

[page 267]

patimokkha-samvara-samvuto viharati, acaragocara-sampanno anumattesu vajjesu bhaya-dassavi samadaya sikkhati sikkhapadesu, ayam pi dhammo nathakarano. Puna ca param avuso bhikkhu bahussuto hoti suta-dharo suta-sannicayo. Ye te dhamma adikalyana majjhe-kalyana pariyosana-kalyana sattham savyanjanam kevala-{paripunnam} parisuddham brahmacariyam abhivadanti, tatha-rupassa dhamma bahussuta honti dhata vacasa paricita manasanupekkhita ditthiya suppatividdha. Yam p' avuso bhikkhu bahussuto hoti ... pe ... ditthiya suppatividdha, ayam pi dhammo natha-karano. Puna ca param avuso bhikkhu kalyanamitto hoti kalyana-sahayo kalyana-sampavanko. Yam p' avuso bhikkhu kalyana-mitto hoti kalyana-sahayo kalyanasampavanko, ayam pi dhammo natha-karano. Puna ca param avuso bhikkhu subbaco hoti sovacassa-karanehi dhammehi samannagato khamo padakkhina-ggahi anusasanim. Yam p' avuso bhikkhu subbaco hoti ... pe ... padakkhina-ggahi anusasanim, ayam pi dhammo nathakarano. Puna ca param avuso bhikkhu yani tani sabrahmacarinam uccavacani kinkaraniyani, tattha dakkho hoti analaso tatrupayaya vimamsaya samannagato, alam katum alam samvidhatum. Yam p' avuso bhikkhu yani tani sabrahmacarinam ... pe ... alam samvidhatum, ayam pi dhammo natha-karano. Puna ca param avuso bhikkhu dhamma-kamo hoti piya-samudaharo abhidhamme abhivinaye ulara-pamujjo. Yam p' avuso bhikkhu dhamma-kamo hoti ... pe ... ulara-pamujjo, ayam pi dhammo natha-karano. Puna ca param avuso bhikkhu santuttho hoti itaritara-civara-pindapatasenasana-gilana-paccaya-bhesajja-parikkharehi.

[page 268]

Yam p' avuso bhikkhu santuttho hoti ... pe ... parikkharehi, ayam pi dhammo natha-karano. Puna ca param avuso bhikkhu araddha-viriyo viharati, akusalanam dhammanam pahanaya, kusalanam dhammanam upasampadaya thamava dalha-parakkamo anikkhitta-dhuro kusalesu dhammesu. Yam p' avuso bhikkhu araddhaviriyo viharati ... pe ... anikkhitta-dhuro kusalesu dhammesu, ayam pi dhammo natha-karano. Puna ca param avuso bhikkhu satima hoti paramena sati-nepakkena samannagato cira-katam pi cira-bhasitam pi sarita anussarita. Yam p' avuso bhikkhu satima hoti ... pe ... sarita anussarita, ayam pi dhammo natha-karano. Puna ca param avuso bhikkhu pannava hoti udayattha-gaminiya pannaya samannagato ariyaya nibbedhikaya sammadukkhakkhaya-gaminiya. Yam p' avuso bhikkhu pannava hoti ... pe ... samma-dukkhakkhaya-gaminiya, ayam pi dhammo natha-karano.

(ii) Dasa kasinayatanani. Pathavi-kasinam eko sanjanati uddham adho tiriyam advayam appamanam. Apokasinam eko sanjanati ... tejo-kasinam eko sanjanati ... vayo-kasinam eko sanjanati ... nila-kasinam eko sanjanati ... pita-kasinam eko sanjanati ... lohitakasinam eko sanjanati ... odata-kasinam eko sanjanati ... akasa-kasinam eko sanjanati ... vinnana-kasinam eko sanjanati uddham adho tiriyam advayam appamanam.

[page 269]

(iii) Dasa akusala-kammapatha. Panatipato, adinnadanam, kamesu micchacaro, musa-vado, pisuna vaca, pharusa vaca, samphappalapo, abhijjha, vyapado, micchaditthi.

(iv) Dasa kusala-kammapatha. Panatipata veramani, adinnadana veramani, kamesu micchacara veramani,musavada veramani, pisunaya vacaya veramani, pharusaya vacaya veramani, samphappalapa veramani, anabhijjha, avyapado, samma-ditthi.

(v) Dasa ariya-vasa. Idh' avuso bhikkhu pancangavippahino hoti chalanga-samannagato ekarakkho caturapasseno panunna-pacceka-sacco samavaya-satthesano anavila-samkappo passaddha-kaya-samkharo suvimuttacitto suvimutta-panno. Kathan c' avuso bhikkhu pancangavippahino hoti? Idh' avuso bhikkhuno kamacchando pahino hoti, vyapado pahino hoti, thina-middham pahinam hoti, uddhacca-kukkuccam pahinam hoti, vicikiccha pahina hoti. Evam kho avuso bhikkhu pancanga-vippahino hoti. Kathan c' avuso bhikkhu chalanga-samannagato hoti? Idh' avuso bhikkhu cakkhuna rupam disva n' eva sumano hoti na dummano, upekkhako ca viharati sato sampajano. Sotena saddam sutva. ... Ghanena gandham ghayitva. ... Jivhaya rasam sayitva ... Kayena photthabbam phusitva. ... Manasa dhammam vinnaya n' eva sumano hoti na dummano, upekkhako ca viharati sato sampajano. Evam kho avuso bhikkhu chalangasamannagato hoti. Kathan c' avuso bhikkhu ekarakkho hoti? Idh' avuso bhikkhu satarakkhena cetasa samannagato hoti. Evam kho avuso bhikkhu ekarakkho hoti.

[page 270]

Kathan c' avuso bhikkhu catur-apasseno hoti? Idh' avuso bhikkhu samkhay' ekam patisevati, samkhay' ekam adhivaseti, samkhay' ekam vinodeti, samkhay' ekam parivajjeti. Evam kho avuso bhikkhu catur-apasseno hoti. Kathan c' avuso bhikkhu panunna-paccekasacco hoti? Idh' avuso bhikkhuno yani tani puthusamana-brahmananam puthu-pacceka-saccani sabbani 'ssa tani nunnani honti panunnani cattani vantani muttani pahinani patinissatthani. Evam kho avuso bhikkhu panunna-pacceka-sacco hoti. Kathan c' avuso bhikkhu samavaya-satthesano hoti. Idh' avuso bhikkhuno kamesana pahina hoti, bhavesana pahina hoti, brahmacariyesana patippassaddha. Evam kho avuso bhikkhu samavayasatthesano hoti. Kathan c' avuso bhikkhu anavilasamkappo hoti? Idh' avuso bhikkhuno kama-samkappo pahino hoti, vyapada-samkappo pahino hoti, vihimsasamkappo pahino hoti. Evam kho avuso bhikkhu anavilasamkappo hoti. Kathan c' avuso bhikkhu passaddhakaya-samkharo hoti? Idh' avuso bhikkhu sukhassa ca pahana dukkhassa ca pahana pubbe va somanassadomanassanam atthagama {adukkha-m-asukham} upekhasati-parisuddhim catutthajjhanam upasampajja viharati.

Evam kho avuso bhikkhu passaddha-kaya-samkharo hoti. Kathan c' avuso bhikkhu suvimutta-citto hoti? Idh' avuso bhikkhuno raga cittam vimuttam hoti, dosa cittam vimuttam hoti, moha cittam vimuttam hoti. Evam kho avuso bhikkhu suvimutta-citto hoti. Kathan c' avuso bhikkhu suvimutta-panno hoti? Idh' avuso bhikkhu 'Rago me pahino ucchinna-mulo tala-vatthukato anabhavam gato ayatim anuppada-dhammo ti' pajanati, 'Doso me pahino ucchinna-mulo tala-vatthukato anabhavam gato ayatim anuppada-dhammo ti' pajanati,

[page 271]

'Moho me pahino ucchinna-mulo tala-vatthukato anabhavam gato ayatim anuppada-dhammo ti' pajanati. Evam kho avuso bhikkhu suvimutta-panno hoti.

(vi) Dasa asekha dhamma. Asekha samma-ditthi, asekho samma-samkappo, asekha samma-vaca, asekho samma-kammanto, asekho samma-ajivo, asekho sammavayamo, asekha samma-sati, asekha samma-samadhi, asekham samma-nanam, asekha samma-vimutti.

Ime kho avuso tena Bhagavata janata passata arahata Samma-Sambuddhena dasa dhamma sammad-akkhata.

Tattha sabbeh' eva samgayitabbam na vivaditabbam yathayidam brahmacariyam addhaniyam assa cira-tthitikam, tad assa bahujana-hitaya bahujana-sukhaya lokanukampaya atthaya hitaya sukhaya deva-manussanan ti.

4. Atha kho Bhagava vutthahitva ayasmantam Sariputtam amantesi -- 'Sadhu sadhu Sariputta, sadhu kho tvam Sariputta bhikkhunam Samgiti-pariyayam abhasiti.'

Idam avoca ayasma Sariputto. Samanunno Sattha ahosi. Attamana ca te bhikkhu ayasmato Sariputtassa bhasitam abhinandun ti.

Sangiti-Suttantam samattam.

[page 272]

 


 

XXIV. Dasuttara Suttanta

Evam me sutam.

1. Ekam samayam Bhagava Campayam viharati Gaggaraya pokkharaniya tire mahata bhikkhu samghena saddhim pancamattehi bhikkhu-satehi. Tatra kho ayasma Sariputto bhikkhu amantesi 'Avuso bhikkhave ti.

'Avuso ti' kho te bhikkhu ayasmato Sariputtassa paccassosum. Ayasma Sariputto etad avoca:

'Dasuttaram pavakkhami Dhammam nibbana-pattiya

Dukkhass' antakiriyaya sabba-gantha-ppamocanam.'

2. Eko avuso dhammo bahu-karo, eko dhammo bhavetabbo, eko dhammo parinneyyo, eko dhammo pahatabbo, eko dhammo hana-bhagiyo, eko dhammo visesa-bhagiyo, eko dhammo duppativijjho, eko dhammo uppadetabbo, eko dhammo abhinneyyo, eko dhammo sacchikatabbo.

(i) Katamo eko dhammo bahu-karo? Appamado kusalesu dhammesu. Ayam eko dhammo bahu-karo.

(ii) Katamo eko dhammo bhavetabbo? Kaya-gata sati sata-sahagata. Ayam eko dhammo bhavetabbo.

(iii) Katamo eko dhammo parinneyyo? Phasso sasavo upadaniyo. Ayam eko dhammo parinneyyo.

[page 273]

(iv) Katamo eko dhammo pahatabbo? Asmi-mano. Ayam eko dhammo pahatabbo.

(v) Katamo eko dhammo hana-bhagiyo? Ayonisomanasikaro. Ayam eko dhammo hana-bhagiyo.

(vi) Katamo eko dhammo visesa-bhagiyo? Yonisomanasikaro. Ayam eko dhammo visesa-bhagiyo.

(vii) Katamo eko dhammo duppativijjho? Anantariko ceto-samadhi. Ayam eko dhammo duppativijjho.

(viii) Katamo eko dhammo uppadetabbo? Akuppam nanam. Ayam eko dhammo uppadetabbo.

(ix) Katamo eko dhammo abhinneyyo? Sabbe satta ahara-tthitika. Ayam eko dhammo abhinneyyo.

(x) Katamo eko dhammo sacchikatabbo? Akuppa cetovimutti. Ayam eko dhammo sacchikatabbo.

It' ime dasa dhamma bhuta taccha tatha avitatha anannatha samma Tathagatena abhisambuddha.

3. Dve dhamma bahu-kara, dve dhamma bhavetabba, dve dhamma parinneyya, dve dhamma pahatabba, dve dhamma hana-bhagiya, dve dhamma visesa-bhagiya, dve dhamma duppativijjha, dve dhamma uppadetabba, dve dhamma abhinneyya, dve dhamma sacchikatabba.

(i) Katame dve dhamma bahu-kara? Sati ca sampajannan ca. Ime dva dhamma bahu kara.

(ii) Katame dve dhamma bhavetabba? Samatho ca vipassana ca. Ime dve dhamma bhavetabba.

(iii) Katame dve dhamma parinneyya? Naman ca rupan ca. Ime dve dhamma parinneyya.

[page 274]

(iv) Katame dve dhamma pahatabba? Avijja ca bhavatanha ca. Ime dve dhamma pahatabba.

(v) Katame dve dhamma hana-bhagiya? Dovacassata ca papa-mittata ca. Ime dve dhamma hana-bhagiya.

(vi) Katame dve dhamma visesa-bhagiya? Sovacassata ca kalyana-mittata ca. Ime dve dhamma visesa-bhagiya.

(vii) Katame dve dhamma duppativijjha? Yo ca hetu yo ca paccayo sattanam samkilesaya, yo ca hetu yo ca paccayo sattanam visuddhiya. Ime dve dhamma duppativijjha.

(viii) Katame dve dhamma uppadetabba? Khaye nanam, anuppade nanam. Ime dve dhamma uppadetabba.

(ix) Katame dve dhamma abhinneyya? Dve dhatuyo, samkhata ca {dhatu} asamkhata ca dhatu. Ime dve dhamma abhinneyya.

(x) Katame dve dhamma sacchikatabba? Vijja ca vimutti ca. Ime dve dhamma sacchikatabba.

It' ime visati dhamma bhuta taccha tatha avitatha anannatha samma Tathagatena abhisambuddha.

4. Tayo dhamma bahu-kara, tayo dhamma bhavetabba, ... pe ... tayo dhamma sacchikatabba.

(i) Katame tayo dhamma bahu-kara? Sappurisasamsevo, saddhamma-savanam, dhammanudhammapatipatti. Ime tayo dhamma bahu-kara.

(ii) Katame tayo dhamma bhavetabba? Tayo samadhi, savitakko savicaro samadhi, avitakko vicaramatto samadhi, avitakko avicaro samadhi. Ime tayo dhamma bhavetabba.

[page 275]

(iii) Katame tayo dhamma parinneyya? Tisso vedana, sukha vedana, dukkha vedana, adukkha-m-asukha vedana.

Ime tayo dhamma parinneyya.

(iv) Katame tayo dhamma pahatabba? Tisso tanha, kama-tanha, bhava-tanha, vibhava-tanha. Ime tayo dhamma pahatabba.

(v) Katame tayo dhamma hana-bhagiya? Tini akusalamulani, lobho akusala-mulam, doso akusala-mulam, moho akusala-mulam. Ime tayo dhamma hana-bhagiya.

(vi) Katame tayo dhamma visesa-bhagiya? Tini kusalamulani, alobho kusala-mulam, adoso kusala-mulam, amoho kusala-mulam. Ime tayo dhamma visesa-bhagiya.

(vii) Katame tayo dhamma duppativijjha? Tisso {nissaraniya} dhatuyo, kamanam etam nissaranam yadidam nekkhammam, rupanam etam nissaranam yadidam aruppam, yam kho pana kinci bhutam samkhatam paticcasamuppannam nirodho tassa nissaranam. Ime tayo dhamma duppativijjha.

(viii) Katame tayo dhamma uppadetabba? Tini nanani, atitamse nanam, anagatamse nanam, paccuppannamse nanam. Ime tayo dhamma uppadetabba.

(ix) Katame tayo dhamma abhinneyya? Tisso dhatuyo, kama-dhatu, rupa-dhatu, arupa-dhatu. Ime tayo dhamma abhinneyya.

(x) Katame tayo dhamma sacchikatabba? Tisso vijja, pubbe-nivasanussati-nanam vijja, sattanam cutupapate nanam vijja, asavanam khaye nanam vijja. Ime tayo dhamma sacchikatabba.

[page 276]

It' ime timsa dhamma bhuta taccha tatha avitatha anannatha samma Tathagatena abhisambuddha.

5. Cattaro dhamma bahu-kara, cattaro dhamma bhavetabba ... pe ... cattaro dhamma sacchikatabba.

(i) Katame cattaro dhamma bahu-kara? Cattari cakkani, patirupa-desa-vaso, sappurisupassayo, atta{samma-panidhi}, pubbe ca kata-punnata. Ime cattaro dhamma bahu-kara.

(ii) Katame cattaro dhamma bhavetabba? Cattaro satipatthana. Idh' avuso bhikkhu kaye kayanupassi viharati atapi sampajano satima, vineyya loke abhijjhadomanassam; vedanasu ... citte ... dhammesu dhammanupassi viharati atapi sampajano satima, vineyya loke abhijjha-domanassam. Ime cattaro dhamma bhavetabba.

(iii) Katame cattaro dhamma parinneyya? Cattaro ahara, kabalinkaro aharo olariko va sukhumo va, phasso dutiyo, mano-sancetana tatiya, vinnanam catuttham. Ime kho cattaro dhamma parinneyya.

(iv) Katame cattaro dhamma pahatabba? Cattaro ogha, kamogho, bhavogho, ditthogho, avijjogho. Ime cattaro dhamma pahatabba.

(v) Katame cattaro dhamma hana-bhagiya? Cattaro yoga, kama-yogo, bhava-yogo, ditthi-yogo, avijja-yogo. Ime cattaro dhamma hana-bhagiya.

(vi) Katame cattaro dhamma visesa-bhagiya? Cattaro visamyoga, kamayoga-visamyogo, bhavayoga-visamyogo, ditthiyoga-visamyogo, avijjayoga-visamyogo. Ime cattaro dhamma visesa-bhagiya.

[page 277]

(vii) Katame cattaro dhamma duppativijjha? Cattaro samadhi, hana-bhagiyo samadhi, thiti-bhagiyo samadhi, visesa-bhagiyo samadhi, nibbedha-bhagiyo samadhi. Ime cattaro dhamma duppativijjha.

(viii) Katame cattaro dhamma uppadetabba? Cattari nanani, dhamme nanam, anvaye nanam, paricce nanam, sammuti-nanam. Ime cattaro dhamma uppadetabba.

(ix) Katame cattaro dhamma abhinneyya? Cattari ariya-saccani, dukkham ariya-saccam, dukkha-samudayam ariya-saccam, dukkha-nirodham ariya-saccam, dukkhanirodha-gamini {patipada} ariya-saccam. Ime cattaro dhamma abhinneyya.

(x) Katame cattaro dhamma sacchikatabba? Cattari samanna-phalani, sotapatti-phalam, sakadagami-phalam, anagami-phalam, arahatta-phalam. Ime cattaro dhamma sacchikatabba.

It' ime cattarisam dhamma bhuta taccha tatha avitatha anannatha samma Tathagatena abhisambuddha.

6. Panca dhamma bahu-kara, panca dhamma bhavetabba, ... pe ... panca dhamma sacchikatabba.

(i) Katame panca dhamma bahu-kara? Panca padhaniyangani. Idh' avuso bhikkhu saddho hoti ... [Text as in xxxiii. 2.1 (xvi), ante,237] ... Ime panca dhamma bahu-kara.

(ii) Katame panca dhamma bhavetabba? Pancangiko samma-samadhi, piti-pharanata, sukha-pharanata, cetopharanata,

[page 278]

aloka-pharanata, paccavekkhana-nimittam. Ime panca dhamma bhavetabba.

(iii) Katame panca dhamma parinneyya? Panc' upadana-kkhandha, seyyathidam {rupupadana-kkhandho} vedanupadana-kkhandho sannupadana-kkhandho samkharupadana-kkhandho vinnanupadana-kkhandho. Ime panca dhamma parinneyya.

(iv) Katame panca dhamma pahatabba? Panca nivaranani, kamacchanda-nivaranam, vyapada-nivaranam, thina-middha-nivaranam, uddhacca-{kukkucca}-nivaranam, vicikiccha-nivaranam. Ime panca dhamma pahatabba.

(v) Katame panca dhamma hana-bhagiya? Panca ceto-khila. Idh' avuso bhikkhu Satthari kankhati ... [Text as in xxxiii. 2.1 (xix), ante,237] ... Ime panca dhamma hana-bhagiya.

(vi) Katame panca dhamma visesa-bhagiya? Panc' indriyani, saddhindriyam, viriyindriyam, satindriyam, samadhindriyam, pannindriyam. Ime panca dhamma visesa-bhagiya.

(vii) Katame panca dhamma duppativijjha? Panca {nissaraniya} dhatuyo. Idh' avuso bhikkhuno kamam manasikaroto ... [Text as in xxxiii. 2.1 (xxiv), ante, 239] ... Ime panca dhamma duppativijjha.

(viii) Katame panca dhamma uppadetabba? Pancananiko samma-samadhi. 'Ayam samadhi paccuppannasukho c' eva ayatin ca sukha-vipako ti' paccattam yeva nanam uppajjati. 'Ayam samadhi ariyo niramiso' ti paccattam yeva nanam uppajjati.

[page 279]

'Ayam samadhi akapurisa-sevito ti' paccattam yeva nanam {uppajjati}. 'Ayam samadhi santo panito patippassaddha-laddho ekodibhavadhigato na ca sasamkhara-niggayha-varitavato ti' paccattam yeva nanam uppajjati. 'So kho panaham imam samadhim sato va samapajjami, sato vutthahamiti' paccattam yeva nanam uppajjati. Ime panca dhamma uppadetabba.

(ix) Katame panca dhamma abhinneyya? Panca vimuttayatanani. Idh' avuso bhikkhuno Sattha dhammam deseti annataro va garutthaniko sabrahmacari ... [Text as in xxxiii. 2.1 (xxv), ante,241] ... Ime panca dhamma abhinneyya.

(x) Katame panca dhamma sacchikatabba? Panca dhamma-kkhandha, sila-kkhandho, samadhi-kkhandho, panna-kkhandho, vimutti-kkhandho, vimutti-nana-dassanakkhandho. Ime panca dhamma sacchikatabba.

It' ime pannasa dhamma bhuta taccha tatha avitatha anannatha samma Tathagatena abhisambuddha.

7. Cha dhamma bahu-kara, cha dhamma bhavetabba ... pe ... cha dhamma sacchikatabba.

(i) Katame cha dhamma bahu-kara? Cha {saraniya} dhamma. Idh' avuso bhikkhuno mettam kaya-kammam paccupatthitam hoti

[page 280]

... [Text as in xxxiii. 2.2 (xiv), ante,245] ... Ime cha dhamma bahu-kara.

(ii) Katame cha dhamma bhavetabba? Cha anussatitthanani, Buddhanussati, Dhammanussati, Samghanussati, silanussati, caganussati, devatanussati. Ime cha dhamma bhavetabba.

(iii) Katame cha dhamma parinneyya? Cha ajjhattikani ayatanani, cakkhayatanam, sotayatanam, ghanayatanam, jivhayatanam, kayayatanam, {manayatanam}. Ime cha dhamma parinneyya.

(iv) Katame cha dhamma pahatabba? Cha tanha-kaya, rupa-tanha, sadda-tanha, gandha-tanha, rasa-tanha, photthabba-tanha, dhamma-tanha. Ime cha dhamma pahatabba.

(v) Katame cha dhamma hana-bhagiya? Cha agarava, Idh' avuso bhikkhu Satthari agaravo viharati appatisso, Dhamme ... Samghe ... sikkhaya ... appamade ... patisanthare agaravo viharati appatisso. Ime cha dhamma hana-bhagiya.

(vi) Katame cha dhamma visesa-bhagiya? Cha garava. Idh' avuso bhikkhu Satthari sagaravo viharati sappatisso, Dhamme ... Samghe ... sikkhaya ... appamade ... patisanthare sagaravo viharati sappatisso. Ime cha dhamma visesa-bhagiya.

(vii) Katame cha dhamma duppativijjha? Cha nissaraniya dhatuyo. Idh' avuso bhikkhu evam vadeyya:-'Metta hi kho me ceto-vimutti bhavita ... [Text as in xxxiii. 2.2 (xvii), ante,247] ... Ime cha dhamma duppativijjha.

[page 281]

(viii) Katame cha dhamma uppadetabba? Cha satatavihara. Idh' avuso bhikkhu cakkhuna rupam disva n' eva sumano hoti na dummano, upekhako viharati sato sampajano. Sotena saddam sutva ... pe ... Ghanena gandham ghayitva ... Jivhaya rasam sayitva ... Kayena photthabbam phusitva ... Manasa dhammam vinnaya n' eva sumano hoti na dummano, upekhako viharati sato sampajano. Ime cha dhamma uppadetabba.

(ix) Katame cha dhamma abhinneyya? Cha anuttariyani, dassananuttariyam, savananuttariyam, labhanuttariyam, sikkhanuttariyam, paricariyanuttariyam, anussutanuttariyam. Ime cha dhamma abhinneyya.

(x) Katame cha dhamma sacchikatabba? Cha abhinna.

Idh' avuso bhikkhu aneka-vihitam iddhi-vidham paccanubhoti ... pe ... yava Brahmaloka pi kayena vasam vatteti: dibbaya sota-dhatuya visuddhaya atikkantamanusikaya ubho sadde sunati dibbe ca manuse ca, ye dure santike ca: para-sattanam para-puggalanam cetasa ceto paricca pajanati, saragam va cittam ... pe ... avimuttam va cittam avimuttam cittan ti pajanati: aneka-vihitam pubbe-nivasam anussarati seyyathidam ekam pi jatim dve pi jatiyo ... pe ... iti sakaram sa-uddesam anekavihitam pubbe-nivasam anussarati: dibbena cakkhuna visuddhena atikkanta-manusakena ... pe ... yathakammupage satte pajanati: asavanam khaya anasavam ceto-vimuttim panna-vimuttim ditthe va dhamme sayam abhinna sacchikatva upasampajja viharati. Ime cha dhamma sacchikatabba.

Iti ime satthi dhamma bhuta taccha tatha avitatha anannatha samma Tathagatena abhisambuddha.

[page 282]

8. Satta dhamma bahu-kara, satta dhamma bhavetabba ... pe ... satta dhamma sacchikatabba.

(i) Katame satta dhamma bahu-kara? Satta dhanani, saddha-dhanam, sila-dhanam, hiri-dhanam, ottappadhanam, suta-dhanam, caga-dhanam, panna-dhanam. Ime satta dhamma bahu-kara.

(ii) Katame satta dhamma bhavetabba? Satta bojjhanga, sati-sambojjhango, dhamma-vicaya-sambojjhango, viriyasambojjhango, piti-sambojjhango, passaddhi-sambojjhango, samadhi-sambojjhango, upekha-sambojjhango. Ime satta dhamma bhavetabba.

(iii) Katame satta dhamma parinneyya? Satta vinnanatthitiyo. Sant' avuso satta nanatta-kaya nanatta-sannino ... [Text as in xxxiii. 2.3 (x), ante,253] ... Ime satta dhamma parinneyya.

(iv) Katame satta dhamma pahatabba? Sattanusaya, kamaraganusayo, patighanusayo, ditthanusayo, vicikicchanusayo, mananusayo, bhavaraganusayo, avijjanusayo.

Ime satta dhamma pahatabba.

(v) Katame satta dhamma hana-bhagiya? Satta asaddhamma. Idh' avuso bhikkhu asaddho hoti, ahiriko hoti, anottappi hoti, appa-ssuto hoti, kusito hoti, muttha-ssati hoti, duppanno hoti. Ime satta dhamma hana-bhagiya.

(vi) Katame satta dhamma visesa-bhagiya? Satta saddhamma. Idh' avuso bhikkhu saddho hoti, hirima hoti, ottapi hoti, bahu-ssuto hoti, araddha-viriyo hoti, upatthitasati hoti, pannava hoti. Ime satta dhamma visesabhagiya.

[page 283]

(vii) Katame satta dhamma duppativijjha? Satta sappurisa-dhamma. Idh' avuso bhikkhu dhammannu ca hoti, atthannu ca, attannu ca, mattannu ca, {kalannu} ca, parisannu ca, puggalannu ca. Ime satta dhamma duppativijjha.

(viii) Katame satta dhamma uppadetabba? Satta sanna, anicca-sanna, anatta-sanna, asubha-sanna, adinava-sanna, pahana-sanna, viraga-sanna, nirodha-sanna. Ime satta dhamma uppadetabba.

(ix) Katame satta dhamma abhinneyya? Satta niddesavatthuni. Idh' avuso bhikkhu sikkha-samadane tibbacchando hoti ... [Text as in xxxiii. 2.3 (vii), ante,252]

. . . Ime satta dhamma abhinneyya.

(x) Katame satta dhamma sacchikatabba? Satta khinasavabalani. Idh' avuso khinasavassa bhikkhuno aniccato sabbe samkhara yathabhutam {samma-ppannaya} sudittha honti. Yam p' avuso khinasavassa bhikkhuno aniccato sabbe samkhara yathabhutam {samma-ppannaya} sudittha honti, idam pi khinasavassa bhikkhuno balam hoti, yam balam agamma khinasavo bhikkhu asavanam khayam patijanati 'Khina me asava ti.' Puna ca param avuso khinasavassa bhikkhuno angarakasupama kama yathabhutam {samma-ppannaya} sudittha honti ... pe ... 'Khina me asava ti.' Puna ca param avuso khinasavassa bhikkhuno viveka-ninnam cittam hoti vivekaponam viveka-pabbharam vivekattham nekkhammabhiratam vyanti-bhutam sabbaso asava-tthaniyehi dhammehi.

Yam p' avuso khinasavassa bhikkhuno ... pe ... 'Khina me asava ti.' Puna ca param avuso khinasavassa bhikkhuno cattaro satipatthana bhavita honti subhavita.

[page 284]

Yam p' avuso ... pe ... 'Khina me asava ti.' Puna ca param avuso khinasavassa bhikkhuno panc' indriyani bhavitani honti subhavitani. Yam p' avuso

. . . pe ... 'Khina me asava ti.' Puna ca param avuso khinasavassa bhikkhuno satta bojjhanga bhavita honti subhayita. Yam p' avuso ... pe ... 'Khina me asava ti.' Puna ca param avuso khinasavassa bhikkhuno Ariyo Atthangiko Maggo bhavito hoti subhavito. Yam p' avuso khinasavassa bhikkhuno Ariyo {Atthangiko} Maggo bhavito hoti subhavito, idam pi khinasavassa bhikkhuno balam hoti, yam balam agamma khinasavo bhikkhu asavanam khayam {patijanati} 'Khina me asava ti.' Ime satta dhamma sacchikatabba.

Iti ime sattati dhamma bhuta taccha tatha avitatha anannatha samma Tathagatena abhisambuddha.

Pathamaka-bhanavaram nitthitam.

2. . Attha dhamma bahu-kara ... pe ... attha dhamma sacchikatabba.

(i) Katame attha dhamma bahu-kara? Attha hetu attha paccaya adibrahmacariyakaya pannaya appatiladdhaya patilabhaya patiladdhaya bhiyyo-bhavaya vepullaya bhavanaya paripuriya samvattanti. Idh' avuso Sattharam upanissaya viharati annataram va garutthaniyam sabrahmacarim, yatth' assa tibbam hirottappam paccupatthitam hoti peman ca garavo ca. Ayam pathamo hetu pathamo paccayo adibrahmacariyakaya pannaya appatiladdhaya patilabhaya patiladdhaya bhiyyo-bhavaya vepullaya bhavanaya paripuriya samvattati.

[page 285]

Tam kho pana Sattharam upanissaya viharati annataram va garutthaniyam sabrahmacarim yatth' assa tibbam hirottappam paccupatthitam hoti peman ca garavo ca, te kalena kalam upasamkamitva paripucchati paripanhati 'Idam bhante katham? Imassa ko attho ti?' Tassa te ayasmanto avivatan c' eva vivaranti anuttani-katan ca uttani-karonti, aneka-vihitesu ca kankha-{tthaniyesu} dhammesu kankham pativinodenti. Ayan dutiyo hetu dutiyo paccayo adibrahmacariyakaya pannaya appatiladdhaya patilabhaya patiladdhaya bhiyyo-bhavaya vepullaya bhavanaya paripuriya samvattati. Tam kho pana dhammam sutva dvayena vupakasena sampadeti, kaya-vupakasena ca citta-vupakasena ca. Ayam tatiyo hetu tatiyo paccayo ... pe ... samvattati. Puna ca param avuso bhikkhu silava hoti, patimokkha-samvara-samvuto viharati acara-gocara-sampanno, anumattesu vajjesu bhaya-dassavi samadaya sikkhati sikkhapadesu. Ayam catuttho hetu catuttho paccayo ... pe ... samvattati. Puna ca param avuso bhikkhu bahu-ssuto hoti suta-dharo suta-sannicayo, ye te dhamma adi-kalyana majjhe-kalyana pariyosana-kalyana sattha savyanjana kevala-{paripunnam} parisuddham brahmacariyam abhivadanti, tatharupassa dhamma bahu-ssuta hontidhata vacasa paricita manasanupekkhita ditthiya suppatividdha. Ayam pancamo hetu pancamo paccayo ... pe ... samvattati. Puna ca param avuso bhikkhu araddha-viriyo viharati akusalanam dhammanam pahanaya kusalanam dhammanam upasampadaya thamava dalhaparakkamo anikkhitta-dhuro kusalesu dhammesu. Ayam chattho hetu chattho paccayo

[page 286]

... pe ... samvattati. Puna ca param avuso bhikkhu satima hoti paramena sati-nepakkena samannagato cira-katam pi cira-bhasitam pi sarita anussarita. Ayam sattamo hetu sattamo paccayo ... pe ... samvattati. Puna ca param avuso bhikkhu pancasu upadana-kkhandhesu udayavyayanupassi viharati -- 'Iti rupam, iti rupassa samudayo, iti rupassa atthagamo, iti vedana ... iti sanna

. . . iti samkhara ... iti vinnanam, iti vinnanassa samudayo, iti vinnanassa atthagamo ti.' Ayam atthamo hetu atthamo paccayo adibrahmacariyakaya pannaya appatiladdhaya patilabhaya patiladdhaya bhiyyo-bhavaya vepullaya bhavanaya paripuriya samvattati. Ime attha dhamma bahu-kara.

(ii) Katame attha dhamma bhavetabba? Ariyo Atthangiko Maggo, seyyathidam samma-ditthi, samma-samkappo, samma-vaca, samma-kammanto, samma-ajivo, sammavayamo, samma-sati, samma-samadhi. Ime attha dhamma bhavetabba.

(iii) Katame attha dhamma parinneyya? Attha lokadhamma, labho ca alabho ayaso ca yaso ca ninda ca pasamsa ca sukhan ca dukkhan ca. Ime attha dhamma parinneyya.

(iv) Katame attha dhamma pahatabba? Attha micchatta,

[page 287]

miccha-ditthi, miccha-samkappo, miccha-vaca, miccha-kammanto, miccha-ajivo, miccha-vayamo, micchasati, miccha-samadhi. Ime attha dhamma pahatabba.

(v) Katame attha dhamma hana-bhagiya? Attha kusitavatthuni. Idh' avuso bhikkhuna kammam kattabbam hoti ... [Text as in xxxiii. 3.1 (iv), ante,255] ... Ime attha dhamma hana-bhagiya.

(vi) Katame attha dhamma visesa-bhagiya? Attha arabbha-vatthuni ... [Text as in xxxiii. 3.1 (v), ante, 256] ... Ime attha dhamma visesa-bhagiya.

(vii) Katame attha dhamma duppativijjha? Atth' akkhana asamaya brahmacariya-vasaya ... [Text as in the nine akkhanas, xxxiii. 3.2 (iv), ante, 263, reduced to eight by the omission of the soction asura-kayam uppanno hoti] ... Ime attha dhamma duppativijjha.

(viii) Katame attha dhamma uppadetabba? Attha MahaPurisa-vitakka -- 'Appicchassa ayam dhammo, nayam dhammo mahicchassa: santutthassa ayam dhammo, nayam dhammo asantutthassa: pavivittassa ayam dhammo, nayam dhammo samganikaramassa: araddha-viriyassa ayam dhammo, nayam dhammo kusitassa: upatthitasatissa ayam dhammo, nayam dhammo muttha-ssatissa:

samahitassa ayam dhammo, nayam dhammo asamahitassa:

pannavato ayam dhammo, nayam dhammo duppannassa:

nippapancaramassa ayam dhammo nippapanca-ratino, nayam dhammo papancaramassa papanca-ratino ti.' Ime attha dhamma uppadetabba.

(ix) Katame attha dhamma abhinneyya? Attha abhibhayatanani ... [Text as in xxxiii. 3.1 (x), ante,260] ... Ime attha dhamma abhinneyya.

[page 288]

(x) Katame attha dhamma sacchikatabba? Attha vimokha ... [Text as in xxxiii. 3.1 (x), ante,261] ... Ime attha dhamma sacchikatabba.

Iti ime asiti dhamma bhuta taccha tatha avitatha anannatha samma Tathagatena abhisambuddha.

2. Nava dhamma bahu-kara ... pe ... nava dhamma sacchikatabba.

(i) Katame nava dhamma bahu-kara? Nava yonisomanasikara-mulaka dhamma. Yoniso-manasikaroto pamojjam jayati, pamuditassa piti jayati, piti-manassa kayo passambhati, passaddha-kayo sukham vedeti, sukhino cittam samadhiyati, {samahitena} cittena yatha-rupam pajanati passati, yatha-bhutam janam passam nibbindati, nibbindam virajjati, viraga vimuccati. Ime nava dhamma bahu-kara.

(ii) Katame nava dhamma bhavetabba? Nava parisuddhi-padhaniyangani, sila-visuddhi parisuddhi-padhaniyangam, citta-visuddhi parisuddhi-padhaniyangam, ditthivisuddhi parisuddhi-padhaniyangam, kankha-vitaranavisuddhi parisuddhi-padhaniyangam, maggamagga-nanadassana-visuddhi parisuddhi-padhaniyangam, patipadanana-dassana-visuddhi parisuddhi-padhaniyangam, nanadassana-visuddhi parisuddhi-padhaniyangam, panna-visuddhi parisuddhi-padhaniyangam, vimutti-visuddhi parisuddhi-padhaniyangam. Ime nava dhamma bhavetabba.

(iii) Katame nava dhamma parinneyya? Nava sattavasa ... [Text as in xxxiii.. (iii),] ... Ime nava dhamma parinneyya.

(iv) Katame nava dhamma pahatabba? Nava tanhamulaka dhamma:

[page 289]

tanham paticca pariyesana; pariyesanam paticca labho; labham paticca vinicchayo;

vinicchayam {paticca} chanda-rago; chanda-ragam paticca ajjhosanam; ajjhosanam paticca pariggaho; pariggaham paticca macchariyam; macchariyam paticca arakkho;

arakkhadhikaranam paticca dandadana-satthadana-kalahaviggaha-vivada-tuvamtuva-pesunna-musavada aneke papaka akusala dhamma sambhavanti. Ime nava dhamma pahatabba.

(v) Katame nava dhamma hana-bhagiya? Nava aghata-vatthuni ... [Text as in xxxiii. 3.2 (i), ante, 262.] ... Ime nava dhamma hana-bhagiya.

(vi) Katame nava dhamma visesa-bhagiya? Nava aghata-pativinaya ... [Text as in xxxiii. 3.2 (ii), ante, 262.] ... Ime nava dhamma visesa-bhagiya.

(vii) Katame nava dhamma duppativijjha? Nava nanatta;

dhatu-nanattam paticca uppajjati phassa-nanattam;

phassa-nanattam paticca uppajjati vedana-nanattam;

vedana-nanattam paticca uppajjati sanna-nanattam;

sanna-nanattam paticca uppajjati samkappa-nanattam;

samkappa-nanattam paticca uppajjati chanda-nanattam;

chanda-nanattam paticca uppajjati parilaha-nanattam;

parilaha-nanattam paticca uppajjati pariyesana-nanattam;

pariyesana-nanattam paticca uppajjati labha-nanattam.

Ime nava dhamma duppativijjha.

(viii) Katame nava dhamma uppadetabba? Nava sanna: asubha-sanna, marana-sanna, ahare patikkula-sanna, sabbaloke anabhirati-sanna, anicca-sanna, anicce dukkha-sanna, dukkhe anatta-sanna,

[page 290]

pahana-sanna, viraga-sanna. Ime nava dhamma uppadetabba.

(ix) Katame nava dhamma abhinneyya? Nava anupubba-vihara ... [Text as in xxxiii. 3.2 (v), ante, 265] ... Ime nava dhamma abhinneyya.

(x) Katame nava dhamma sacchikatabba? Nava anupubba-nirodha ... [Text as in xxxiii. 3.2 (vi),266] ... Ime nava dhamma sacchikatabba.

It' ime navuti dhamma bhuta taccha tatha avitatha anannatha samma Tathagatena abhisambuddha.

3. Dasa dhamma bahu-kara ... pe ... dasa dhamma sacchikatabba.

(i) Katame dasa dhamma bahu-kara? Dasa nathakarana-dhamma ... [Text as in xxxiii. 3.3 (i),266] ... Ime dasa dhamma bahu-kara.

(ii) Katame dasa dhamma bhavetabba? Dasa kasinayatanani ... [Text as in xxxiii. 3.3 (ii),268] ... Ime dasa dhamma bhavetabba.

(iii) Katame dasa dhamma parinneyya? Das' ayatanani: cakkhayatanam, rupayatanam, sotayatanam, saddayatanam, ghanayatanam, gandhayatanam, jivhayatanam, rasayatanam, kayayatanam, photthabbayatanam. Ime dasa dhamma parinneyya.

(iv) Katame dasa dhamma pahatabba? Dasa micchatta: miccha-ditthi, miccha-samkappo, miccha-vaca, micchakammanto, miccha-ajivo, miccha-vayamo, miccha-sati, miccha-samadhi, miccha-nanam, miccha-vimutti. Ime dasa dhamma pahatabba.

(v) Katame dasa dhamma hana-bhagiya? Dasa akusalakammapatha ... [Text as in xxxiii. 3.3 (iii).269]

. . . Ime dasa dhamma hana-bhagiya.

[page 291]

(vi) Katame dasa dhamma visesa-bhagiya? Dasa kusalakammapatha ... [Text as in xxxiii. 3.3 (iv),269]

. . . Ime dasa dhamma visesa-bhagiya.

(vii) Katame dasa dhamma duppativijjha? Dasa ariyavasa ... [Text as in xxxiii. 3.3 (v),269] Ime dasa dhamma duppativijjha.

(viii) Katame dasa dhamma uppadetabba? Dasa sanna: asubha-sanna, marana-sanna, ahare patikkula-sanna, sabbaloke anabhirati-sanna, anicca-sanna, anicce dukkha-sanna, dukkhe anatta-sanna, pahana-sanna, viraga-sanna, nirodhasanna. Ime dasa dhamma uppadetabba.

(ix) Katame dasa dhamma abhinneyya? Dasa nijjaravatthuni. Samma-ditthissa miccha-ditthi nijjinna hoti, ye ca micchaditthi-paccaya aneke papaka akusala dhamma sambhavanti, te c' assa nijjinna honti, sammaditthipaccaya ca aneke kusala dhamma bhavana-paripurim gacchanti. Samma-samkappassa miccha-samkappo ... pe ... Samma-vacassa miccha-vaca ... pe ... Sammakammantassa miccha-kammanto ... pe ... Sammaajivassa miccha-ajivo ... pe ... Samma-vayamassa miccha-vayamo ... pe ... Samma-satissa miccha-sati

. . . pe ... Samma-samadhissa miccha-samadhi ... pe

. . . Samma-nanassa miccha-nanam ... pe ... Sammavimuttissa miccha-vimutti nijjinna hoti, ye ca micchavimutti-paccaya aneke papaka akusala dhamma sambhavanti, te c' assa nijjinna honti, samma-vimutti paccaya ca aneke kusala dhamma bhavana-paripurim gacchanti. Ime dasa dhamma abhinneyya.

[page 292]

(x) Katame dasa dhamma sacchikatabba? Dasa asekha dhamma ... [Text as in xxxiii. 3. 3 (vi), 271] ... Ime dasa dhamma sacchikatabba.

It' ime satam dhamma bhuta taccha tatha avitatha anannatha samma Tathagatena abhisambuddha ti.

Idam avoca ayasma Sariputto. Attamana te bhikkhu ayasmato Sariputtassa bhasitam abhinandun ti.

Dasuttara-Suttantam.

Patika-Vaggo.

Patiko-d-Umbari c'eva Cakkavatti Aggannakam

[page 293]

Sampasadan ca Pasadam MahaPurisa-Lakkhanam
Sigalatanatiyakam Sangitin ca Dasuttaram,
Ekadasahi Suttehi Patika-Vaggo ti vuccati.

Pahatum sakalam dukkham,
Vinitum sakalam sukham,
Pappotum amatam khemam,
Dhamma-rajassa santike ti.

DIGHA-NIKAYAM NITTHITAM


Contact:
E-mail
Copyright Statement   Webmaster's Page