Majjhima Nikaya


[Site Map]  [Home]  [Sutta Indexes]  [Glossology]  [Site Sub-Sections]


 

Majjhima Nikaya

Volume I

Suttas 1-76

Based on Vol. I,
ed. by V. Trenckner,
London: Pali Text Society 1888

This work is © Copyright the Pali Text Society and the Dhammakaya Foundation, 2015

This work is licensed under a
Creative Commons Attribution-ShareAlike 4.0 International License.
For details see Terms of Use.

Input by the Dhammakaya Foundation, Thailand, 1989-1996

 

Namo tassa Bhagavato arahato Samma-sambuddhassa

 

NOTICE: These files are provided by courtesy of the Pali Text Society for scholarly purposes only. In principle they represent a digital edition (without revision or correction) of the printed editions of the complete set of Pali canonical texts published by the PTS. While they have been subject to a process of checking, it should not be assumed that there is no divergence from the printed editions and it is strongly recommended that they are checked against the printed editions before quoting.

ALTERATIONS: Superficial re-formatting of headers, sutta titles, and page numbers adding 'ids,' and tag changes to make the file conform to HTML 5 standards. The lower-case mg [m] has been substituted throughout for the lowercase m-underdot [m]; the lower-case ng [n] has been substituted throughout for the lowercase n-overdot [n]. Content straddling page breaks has been moved to the preceding page. The notice of this change that appeared in the originals has been deleted. Both left- and right-hand-page Running heads have been eliminated as page numbers and internal headings make these redundant. Otherwise the internal text of the suttas remains untouched.

 


[page 001]

Mula-Pannasa-Pali

Mulapariyaya Vagga

I. Mulapariyaya Suttam

Evam-me sutam. Ekam samayam Bhagava Ukkatthayam viharati Subhagavane salarajamule. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Sabbadhammamulapariyayam vo bhikkhave desessami, tam sunatha sadhukam manasikarotha, bhasissamiti. Evambhante ti kho te bhikkhu Bhagavato paccassosum. Bhagava etad-avoca:

Idha bhikkhave assutava puthujjano ariyanam adassavi ariyadhammassa akovido ariyadhamme avinito sappurisanam adassavi sappurisadhammassa akovido sappurisadhamme avinito pathavim pathavito sanjanati, pathavim pathavito sannatva pathavim mannati, pathaviya mannati, pathavito mannati, pathavim-me ti mannati, pathavim abhinandati; tam kissa hetu: aparinnatam tassati vadami. Apam apato sanjanati, apam apato sannatva apam mannati, apasmim mannati, apato mannati, apam-me ti mannati, apam abhinandati; tam kissa hetu: aparinnatam tassati vadami. Tejam tejato sanjanati, tejam tejato sannatva tejam mannati, tejasmim mannati, tejato mannati, tejam-me ti mannati, tejam abhinandati; tam kissa hetu: aparinnatam tassati vadami.

Vayam vayato sanjanati, vayam vayato sannatva vayam mannati, vayasmim mannati, vayato mannati, vayam-me ti mannati, vayam abhinandati; tam kissa hetu: aparinnatam tassati vadami.

[page 002]

Bhute bhutato sanjanati, bhute bhutato sannatva bhute mannati, bhutesu mannati, bhutato mannati, bhute me ti mannati, bhute abhinandati; tam kissa hetu: aparinnatam tassati vadami. Deve devato sanjanati, deve devato sannatva deve mannati, devesu mannati, devato mannati, deve me ti mannati, deve abhinandati; tam kissa hetu: aparinnatam tassati vadami. Pajapatim Pajapatito sanjanati, Pajapatim Pajapatito sannatva Pajapatim mannati, Pajapatismim mannati, Pajapatito mannati, Pajapatim-me ti mannati, Pajapatim abhinandati; tam kissa hetu: aparinnatam tassati vadami. Brahmam Brahmato sanjanati, Brahmam Brahmato sannatva Brahmam mannati, Brahmani mannati, Brahmato mannati, Brahmam-me ti mannati, Brahmam abhinandati; tam kissa hetu: aparinnatam tassati vadami.

Abhassare Abhassarato sanjanati, Abhassare Abhassarato sannatva Abhassare mannati, Abhassaresu mannati, Abhassarato mannati, Abhassare me ti mannati, Abhassare abhinandati; tam kissa hetu: aparinnatam tassati vadami. Subhakinne Subhakinnato sanjanati, Subhakinne Subhakinnato sannatva Subhakinne mannati, Subhakinnesu mannati, Subhakinnato mannati, Subhakinne me ti mannati, Subhakinne abhinandati; tam kissa hetu: aparinnatam tassati vadami. Vehapphale Vehapphalato sanjanati, Vehapphale Vehapphalato sannatva Vehapphale mannati, Vehapphalesu mannati, Vehapphalato mannati, Vehapphale me ti mannati, Vehapphale abhinandati; tam kissa hetu: aparinnatam tassati vadami.

Abhibhum Abhibhuto sanjanati, Abhibhum Abhibhuto sannatva Abhibhum mannati, Abhibhusmim mannati, Abhibhuto mannati, Abhibhum-me ti mannati, Abhibhum abhinandati; tam kissa hetu: aparinnatam tassati vadami.

Akasanancayatanam akasanancayatanato sanjanati, akasanancayatanam akasanancayatanato sannatva akasanancayatanam mannati, akasanancayatanasmim mannati, akasanancayatanato mannati, akasanancayatanam-me ti mannati, akasanancayatanam abhinandati; tam kissa hetu: aparinnatam tassati vadami. Vinnanancayatanam vinnanancayatanato sanjanati, vinnanancayatanam vinnanancayatanato sannatva vinnanancayatanam mannati,

[page 003]

vinnanancayatanasmim mannati, vinnanancayatanato mannati, vinnanancayatanam-me ti mannati, vinnanancayatanam abhinandati; tam kissa hetu:

aparinnatam tassati vadami. Akincannayatanam akincannayatanato sanjanati, akincannayatanam akincannayatanato sannatva akincannayatanam mannati, akincannayatanasmim mannati akincannayatanato mannati, akincannayatanam-me ti mannati, akincannayatanam abhinandati; tam kissa hetu:

aparinnatam tassati vadami. Nevasannanasannayatanam nevasannanasannayatanato sanjanati, nevasannanasannayatanam nevasannanasannayatanato sannatva nevasannanasannayatanam mannati, nevasannanasannayatanasmim mannati, nevasannanasannayatanato mannati, nevasannanasannayatanam-me ti mannati, nevasannanasannayatanam abhinandati; tam kissa hetu: aparinnatam tassati vadami. Dittham ditthato sanjanati, dittham ditthato sannatva dittham mannati, ditthasmim mannati, ditthato mannati, dittham-me ti mannati, dittham abhinandati; tam kissa hetu: aparinnatam tassati vadami. Sutam sutato sanjanati, sutam sutato sannatva sutam mannati, sutasmim mannati, sutato mannati, sutam-me ti mannati, sutam abhinandati; tam kissa hetu: aparinnatam tassati vadami. Mutam mutato sanjanati, mutam mutato sannatva mutam mannati, mutasmim mannati, mutato mannati, mutam-me ti mannati, mutam abhinandati; tam kissa hetu: aparinnatam tassati vadami. Vinnatam vinnatato sanjanati, vinnatam vinnatato sannatva vinnatam mannati, vinnatasmim mannati, vinnatato mannati, vinnatam-me ti mannati, vinnatam abhinandati; tam kissa hetu: aparinnatam tassati vadami. Ekattam ekattato sanjanati, ekattam ekattato sannatva ekattam mannati, ekattasmim mannati, ekattato mannati, ekattam-me ti mannati, ekattam abhinandati; tam kissa hetu: aparinnatam tassati vadami. Nanattam nanattato sanjanati, nanattam nanattato sannatva nanattam mannati, nanattasmim mannati, nanattato mannati, nanattam-me ti mannati, nanattam abhinandati; tam kissa hetu: aparinnatam tassati vadami. Sabbam sabbato sanjanati, sabbam sabbato sannatva sabbam mannati, sabbasmim mannati,

[page 004]

sabbato mannati, sabbam-me ti mannati, sabbam abhinandati; tam kissa hetu: aparinnatam tassati vadami.

Nibbanam nibbanato sanjanati. nibbanam nibbanato sannatva nibbanam mannati, nibbanasmim mannati, nibbanato mannati, nibbanam-me ti mannati, nibbanam abhinandati; tam kissa hetu: aparinnatam tassati vadami.

Yo pi so bhikkhave bhikkhu sekho appattamanaso anuttaram yogakkhemam patthayamano viharati, so pi pathavim pathavito abhijanati, pathavim pathavito abhinnaya pathavim ma {manni}, pathaviya ma {manni}, pathavito ma {manni}, pathavim-me ti ma {manni}, pathavim ma {abhinandi}; tam kissa hetu: parinneyyam tassati vadami. Apam --pe-tejam - vayam - bhute - deve - Pajapatim - Brahmam - Abhassare - Subhakinne - Vehapphale - Abhibhum - akasanancayatanam - vinnanancayatanam - akincannayatanam - nevasannanasannayatanam - dittham -sutam - mutam - vinnatam - ekattam - nanattam -sabbam - nibbanam nibbanato abhijanati, nibbanam nibbanato abhinnaya nibbanam ma manni, nibbanasmim ma {manni}, nibbanato ma {manni}, nibbanam-me ti ma {manni}, nibbanam ma {abhinandi}; tam kissa hetu: parinneyyam tassati vadami.

Yo pi so bhikkhave bhikkhu araham khinasavo vusitava katakaraniyo ohitabharo anuppattasadattho parikkhinabhavasamyojano samma-d-anna vimutto, so pi pathavim pathavito abhijanati, pathavim pathavito abhinnaya pathavim na mannati, pathaviya na mannati, pathavito na mannati, pathavim-me ti na mannati, pathavim nabhinandati; tam kissa hetu: parinnatam tassati vadami. Apam - pe - tejam - pe - nibbanam nibbanato abhijanati, nibbanam nibbanato abhinnaya nibbanam na mannati, nibbanasmim na mannati, nibbanato na mannati, nibbanam-me ti na mannati, nibbanam nabhinandati; tam kissa hetu: parinnatam tassati vadami.

Yo pi so bhikkhave bhikkhu araham khinasavo vusitava katakaraniyo ohitabharo anuppattasadattho parikkhinabhavasamyojano samma-d-anna vimutto, so pi pathavim pathavito abhijanati,

[page 005]

pathavim pathavito abhinnaya pathavim na mannati, pathaviya na mannati, pathavito na mannati, pathavim-me ti na mannati, pathavim nabhinandati; tam kissa hetu: khaya ragassa vitaragatta. Apam - pe - tejam -pe - nibbanam nibbanato abhijanati, nibbanam nibbanato abhinnaya nibbanam na mannati, nibbanasmim na mannati, nibbanato na mannati, nibbanam-me ti na mannati, nibbanam nabhinandati; tam kissa hetu: khaya ragassa vitaragatta.

Yo pi so bhikkhave bhikkhu araham khinasavo vusitava katakaraniyo ohitabharo anuppattasadattho parikkhinabhavasamyojano samma-d-anna vimutto, so pi pathavim pathavito abhijanati, pathavim pathavito abhinnaya pathavim na mannati, pathaviya na mannati, pathavito na mannati, pathavim-me ti na mannati, pathavim nabhinandati; tam kissa hetu: khaya dosassa vitadosatta. Apam - pe - tejam -pe - nibbanam nibbanato abhijanati, nibbanam nibbanato abhinnaya nibbanam na mannati, nibbanasmim na mannati, nibbanato na mannati, nibbanam-me ti na mannati, nibbanam nabhinandati; tam kissa hetu: khaya dosassa vitadosatta.

Yo pi so bhikkhave bhikkhu araham khinasavo vusitava katakaraniyo ohitabharo anuppattasadattho parikkhinabhavasamyojano samma-d-anna vimutto, so pi pathavim pathavito abhijanati, pathavim pathavito abhinnaya pathavim na mannati, pathaviya na mannati, pathavito na mannati, pathavim-me ti na mannati, pathavim nabhinandati; tam kissa hetu: khaya mohassa vitamohatta. Apam - pe - tejam - pe. - nibbanam nibbanato abhijanati. nibbanam nibbanato abhinnaya nibbanam na mannati, nibbanasmim na mannati, nibbanato na mannati, nibbanam-me ti na mannati, nibbanam nabhinandati; tam kissa hetu: khaya mohassa vitamohatta.

Tathagato pi bhikkhave araham sammasambuddho pathavim pathavito abhijanati, pathavim pathavito abhinnaya pathavim na mannati, pathaviya na mannati, pathavito na mannati, pathavim-me ti na mannati, pathavim nabhinandati;

[page 006]

tam kissa hetu: parinnatam Tathagatassati vadami.

Apam - pe - tejam - pe - nibbanam nibbanato abhijanati, nibbanam nibbanato abhinnaya nibbanam na mannati, nibbanasmim na mannati, nibbanato na mannati, nibbanam-me ti na mannati, nibbanam nabhinandati; tam kissa hetu: parinnatam Tathagatassati vadami.

Tathagato pi bhikkhave araham sammasambuddho pathavim pathavito abhijanati, pathavim pathavito abhinnaya pathavim na mannati, pathaviya na mannati, pathavito na mannati, pathavim-me ti na mannati, pathavim nabhinandati; tam kissa hetu: nandi dukkhassa mulan ti iti viditva.

bhava jati, bhutassa jaramaranan-ti. Tasmatiha bhikkhave Tathagato sabbaso tanhanam khaya viraga nirodha caga patinissagga anuttaram sammasambodhim abhisambuddho ti vadami. Apam - pe - tejam - pe - nibbanam nibbanato abhijanati, nibbanam nibbanato abhinnaya nibbanam na mannati, nibbanasmim na mannati, nibbanato na mannati, nibbanam-me ti na mannati, nibbanam nabhinandati; tam kissa hetu: nandi dukkhassa mulan-ti iti viditva, bhava jati, bhutassa jaramaranan-ti. Tasmatiha bhikkhave Tathagato sabbaso tanhanam khaya viraga nirodha caga patinissagga anuttaram sammasambodhim abhisambuddho ti vadamiti.

Idam-avoca Bhagava. Attamana te bhikkhu Bhagavato bhasitam abhinandun-ti.

MULAPARIYAYASUTTAM PATHAMAM.

 


 

II. Sabbasava Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca: Sabbasavasamvarapariyayam vo bhikkhave desessami, tam sunatha sadhukam manasikarotha,

[page 007]

bhasissamiti. Evam-bhante ti kho te bhikkhu Bhagavato paccassosum. Bhagava etadavoca:

Janato aham bhikkhave passato asavanam khayam vadami, no ajanato no apassato. Kin-ca bhikkhave janato kim passato asavanam khayo hoti: yoniso ca manasikaram ayoniso ca manasikaram. Ayoniso bhikkhave manasikaroto anuppanna c' eva asava uppajjanti uppanna ca asava pavaddhanti, yoniso ca bhikkhave manasikaroto anuppanna c' eva asava na uppajjanti uppanna ca asava pahiyanti. Atthi bhikkhave asava dassana pahatabba, atthi asava samvara pahatabba, atthi asava patisevana pahatabba, atthi asava adhivasana pahatabba, atthi asava parivajjana pahatabba, atthi asava vinodana pahatabba, atthi asava bhavana pahatabba.

Katame ca bhikkhave asava dassana pahatabba: Idha bhikkhave assutava puthujjano ariyanam adassavi ariyadhammassa akovido ariyadhamme avinito sappurisanam adassavi sappurisadhammassa akovido sappurisadhamme avinito manasikaraniye dhamme na-ppajanati amanasikaraniye dhamme na-ppajanati; so manasikaraniye dhamme appajananto amanasikaraniye dhamme appajananto ye dhamma na manasikaraniya te dhamme manasikaroti, ye dhamma manasikaraniya te dhamme na manasikaroti. Katame ca bhikkhave dhamma na manasikaraniya ye dhamme manasikaroti: Y-assa bhikkhave dhamme manasikaroto anuppanno va kamasavo uppajjati uppanno va kamasavo pavaddhati, anuppanno va bhavasavo uppajjati uppanno va bhavasavo pavaddhati, anuppanno va avijjasavo uppajjati uppanno va avijjasavo pavaddhati, ime dhamma na manasikaraniya ye dhamme manasikaroti. Katame ca bhikkhave dhamma manasikaraniya ye dhamme na manasikaroti: Y-assa bhikkhave dhamme manasikaroto anuppanno va kamasavo na uppajjati uppanno va kamasavo pahiyati, anuppanno va bhavasavo na uppajjati uppanno va bhavasavo pahiyati, anuppanno va avijjasavo na uppajjati uppanno va avijjasavo pahiyati, ime dhamma manasikaraniya ye dhamme na manasikaroti. Tassa amanasikaraniyanam dhammanam manasikara manasikaraniyanam dhammanam amanasikara anuppanna c' eva asava uppajjanti uppanna ca asava pavaddhanti.

[page 008]

So evam ayoniso manasikaroti: Ahosin-nu kho aham atitam-addhanam, na nu kho ahosim atitam-addhanam, kin-nu kho ahosim atitamaddhanam, kathan-nu kho ahosim atitam-addhanam, kim hutva kim ahosim nu kho aham atitam-addhanam; bhavissami nu kho aham anagatam-addhanam, na nu kho bhavissami anagatam-addhanam, kin-nu kho bhavissami anagatam-addhanam, kathan-nu kho bhavissami anagatamaddhanam, kim hutva kim bhavissami nu kho aham anagatam-addhanan-ti. Etarahi va paccuppannam-addhanam ajjhattam kathamkathi hoti: Ahan-nu kho 'smi, no nu kho 'smi, kin-nu kho 'smi, kathan-nu kho 'smi, ayam nu kho satto kuto agato, so kuhimgami bhavissatiti. Tassa evam ayoniso manasikaroto channam ditthinam annatara ditthi uppajjati: Atthi me atta ti va 'ssa saccato thetato ditthi uppajjati, {na-tthi} me atta ti va 'ssa saccato thetato ditthi uppajjati, attana va attanam sanjanamiti va 'ssa saccato thetato ditthi uppajjati, attana va anattanam sanjanamiti va 'ssa saccato thetato ditthi uppajjati, anattana va attanam sanjanamiti va 'ssa saccato thetato ditthi uppajjati. Atha va pan' assa evam ditthi hoti: Yo me ayam atta vado vedeyyo tatra tatra kalyanapapakanam kammanam vipakam patisamvedeti, so kho pana me ayam atta nicco dhuvo sassato aviparinamadhammo sassatisamam tath' eva thassatiti. Idam vuccati bhikkhave ditthigatam ditthigahanam ditthikantaram ditthivisukam ditthivipphanditam ditthisamyojanam. Ditthisamyojanasamyutto bhikkhave assutava puthujjano na parimuccati jatiya jaramaranena sokehi paridevehi dukkhehi domanassehi upayasehi, na parimuccati dukkhasma ti vadami. Sutava ca kho bhikkhave ariyasavako ariyanam dassavi ariyadhammassa kovido ariyadhamme suvinito sappurisanam dassavi sappurisadhammassa kovido sappurisadhamme suvinito manasikaraniye dhamme pajanati amanasikaraniye dhamme pajanati; so manasikaraniye dhamme pajananto amanasikaraniye dhamme pajananto ye dhamma na manasikaraniya te dhamme na manasikaroti,

[page 009]

ye dhamma manasikaraniya te dhamme manasikaroti. Katame ca bhikkhave dhamma na manasikaraniya ye dhamme na manasikaroti: Y-assa bhikkhave dhamme manasikaroto anuppanno va kamasavo uppajjati uppanno va kamasavo pavaddhati, anuppanno va bhavasavo - pe - avijjasavo uppajjati uppanno va avijjasavo pavaddhati, ime dhamma na manasikaraniya ye dhamme na manasikaroti. Katame ca bhikkhave dhamma manasikaraniya ye dhamme manasikaroti:

Y-assa bhikkhave dhamme manasikaroto anuppanno va kamasavo na uppajjati uppanno va kamasavo pahiyati, anuppanno va bhavasavo - pe - avijjasavo na uppajjati uppanno va avijjasavo pahiyati, ime dhamma manasikaraniya ye dhamme manasikaroti. Tassa amanasikaraniyanam dhammanam amanasikara manasikaraniyanam dhammanam manasikara anuppanna c' eva asava na uppajjanti uppanna ca asava pahiyanti. So: idam dukkhan-ti yoniso manasikaroti, ayam dukkhasamudayo ti yoniso manasikaroti, ayam dukkhanirodho ti yoniso manasikaroti, ayam dukkhanirodhagamini patipada ti yoniso manasikaroti. Tassa evam manasikaroto tini samyojanani pahiyanti: sakkayaditthi vicikiccha silabbataparamaso. Ime vuccanti bhikkhave asava dassana pahatabba.

Katame ca bhikkhave asava samvara pahatabba: Idha bhikkhave bhikkhu patisankha yoniso cakkhundriyasamvarasamvuto viharati. Yam hi 'ssa bhikkhave cakkhundriyasamvaram asamvutassa viharato uppajjeyyum asava vighataparilaha, cakkhundriyasamvaram samvutassa viharato evam-sa te asava vighataparilaha na honti. Patisankha yoniso sotindriyasamvarasamvuto viharati - pe - ghanindriyasamvarasamvuto viharati - jivhindriyasamvarasamvuto viharati -kayindriyasamvarasamvuto viharati - patisankha yoniso manindriyasamvarasamvuto viharati. Yam hi 'ssa bhikkhave manindriyasamvaram asamvutassa viharato uppajjeyyum asava vighataparilaha, manindriyasamvaram samvutassa viharato evam-sa te asava vighataparilaha na honti. Yam hi 'ssa bhikkhave samvaram asamvutassa viharato uppajjeyyum asava vighataparilaha,

[page 010]

samvaram samvutassa viharato evam-sa te asava vighataparilaha na honti. Ime vuccanti bhikkhave asava samvara pahatabba.

Katame ca bhikkhave asava patisevana pahatabba: Idha bhikkhave bhikkhu patisankha yoniso civaram patisevati, yavad-eva sitassa patighataya unhassa patighataya damsamakasa-vatatapa-sirimsapasamphassanam patighataya, yavadeva hirikopinapaticchadanattham; patisankha yoniso pindapatam patisevati, n' eva davaya na madaya na mandanaya na vibhusanaya, yavad-eva imassa kayassa thitiya yapanaya, vihimsuparatiya brahmacariyanuggahaya: iti purananca vedanam patihankhami navan-ca vedanam na uppadessami, yatra ca me bhavissati anavajjata ca phasuviharo cati; patisankha yoniso senasanam patisevati, yavad-eva sitassa patighataya unhassa patighataya damsa-makasa-vatatapa-sirimsapasamphassanam patighataya, yavad-eva utuparissayavinodanam patisallanaramattham; patisankha yoniso gilanapaccayabhesajjaparikkharam patisevati, yavadeva uppannanam veyyabadhikanam vedananam patighataya, abyabajjhaparamataya. Yam hi 'ssa bhikkhave apatisevato uppajjeyyum asava vighataparilaha, patisevato evam-sa te asava vighataparilaha na honti. Ime vuccanti bhikkhave asava patisevana pahatabba.

Katame ca bhikkhave asava adhivasana pahatabba:

Idha bhikkhave bhikkhu patisankha yoniso khamo hoti sitassa unhassa jighacchaya pipasaya damsa-makasa-vatatapasirimsapasamphassanam, duruttanam duragatanam vacanapathanam, uppannanam saririkanam vedananam dukkhanam tippanam kharanam katukanam asatanam amanapanam panaharanam adhivasakajatiko hoti. Yam hi 'ssa bhikkhave anadhivasayato uppajjeyyum asava vighataparilaha, adhivasayato evam-sa te asava vighataparilaha na honti. Ime vuccanti bhikkhave asava adhivasana pahatabba.

Katame ca bhikkhave asava parivajjana pahatabba:

Idha bhikkhave bhikkhu patisankha yoniso candam hatthim parivajjeti, candam assam parivajjeti, candam gonam parivajjeti, candam kukkuram parivajjeti, ahim khanum kantakadhanam sobbham papatam candanikam oligallam;

[page 011]

yatharupe anasane nisinnam yatharupe agocare carantam yatharupe papake mitte bhajantam vinnu sabrahmacari papakesu thanesu okappeyyum, so tan-ca anasanam tan-ca agocaram te ca papake mitte patisankha yoniso parivajjeti.

Yam hi 'ssa bhikkhave aparivajjayato uppajjeyyum asava vighataparilaha, parivajjayato evam-sa te asava vighataparilaha na honti. Ime vuccanti bhikkhave asava parivajjana pahatabba.

Katame ca bhikkhave asava vinodana pahatabba: Idha bhikkhave bhikkhu patisankha yoniso uppannam kamavitakkam nadhivaseti pajahati vinodeti byantikaroti anabhavam gameti, uppannam byapadavitakkam nadhivaseti pajahati vinodeti byantikaroti anabhavam gameti, uppannam vihimsavitakkam nadhivaseti pajahati vinodeti byantikaroti anabhavam gameti, uppannuppanne papake akusale dhamme nadhivaseti pajahati vinodeti byantikaroti anabhavam gameti. Yam hi 'ssa bhikkhave avinodayato uppajjeyyum asava vighataparilaha, vinodayato evam-sa te asava vighataparilaha na honti.

Ime vuccanti bhikkhave asava vinodana pahatabba.

Katame ca bhikkhave asava bhavana pahatabba: Idha bhikkhave bhikkhu patisankha yoniso satisambojjhangam bhaveti vivekanissitam viraganissitam nirodhanissitam vossaggaparinamim, patisankha yoniso dhammavicayasambojjhangam bhaveti - pe - viriyasambojjhangam bhaveti - pitisambojjhangam bhaveti - passaddhisambojjhangam bhaveti -samadhisambojjhangam bhaveti - upekhasambojjhangam bhaveti vivekanissitam viraganissitam nirodhanissitam vossaggaparinamim. Yam hi 'ssa bhikkhave abhavayato uppajjeyyum asava vighataparilaha, bhavayato evam-sa te asava vighataparilaha na honti. Ime vuccanti bhikkhave asava bhavana pahatabba.

Yato kho bhikkhave bhikkhuno ye asava dassana pahatabba te dassana pahina honti, ye asava samvara pahatabba te samvara pahina honti, ye asava patisevana pahatabba te patisevana pahina honti, ye asava adhivasana pahatabba te adhivasana pahina honti, ye asava parivajjana pahatabba te parivajjana pahina honti,

[page 012]

ye asava vinodana pahatabba te vinodana pahina honti, ye asava bhavana pahatabba te bhavana pahina honti, ayam vuccati bhikkhave bhikkhu sabbasavasamvarasamvuto viharati, acchecchi tanham, vavattayi samyojanam, samma manabhisamaya antamakasi dukkhassati.

Idam-avoca Bhagava. Attamana te bhikkhu Bhagavato bhasitam abhinandun-ti.

SABBASAVASUTTAM DUTIYAM.

 


 

III. Dhamma-Dayada Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Dhammadayada me bhikkhave bhavatha ma amisadayada; atthi me tumhesu anukampa: kinti me savaka dhammadayada bhaveyyum no amisadayada ti. Tumhe ca me bhikkhave amisadayada bhaveyyatha no dhammadayada, tumhe pi tena adissa bhaveyyatha: amisadayada Satthu savaka viharanti no dhammadayada ti, aham-pi tena adisso bhaveyyam: amisadayada Satthu savaka viharanti no dhammadayada ti. Tumhe ca me bhikkhave dhammadayada bhaveyyatha no amisadayada, tumhe pi tena na adissa bhaveyyatha:

dhammadayada Satthu savaka viharanti no amisadayada ti, aham-pi tena na adisso bhaveyyam: dhammadayada Satthu savaka viharanti no amisadayada ti. Tasmatiha me bhikkhave dhammadayada bhavatha ma amisadayada; atthi me tumhesu anukampa: kinti me savaka dhammadayada bhaveyyum no amisadayada ti.

Idhaham bhikkhave bhuttavi assam pavarito paripunno pariyosito suhito yavadattho, siya ca me pindapato atirekadhammo chaddiyadhammo, atha dve bhikkhu agaccheyyum jighacchadubbalyapareta.

[page 013]

Tyaham evam vadeyyam: Aham kho 'mhi bhikkhave bhuttavi pavarito paripunno pariyosito suhito yavadattho, atthi ca me ayam pindapato atirekadhammo chaddiyadhammo, sace akankhatha bhunjatha, sace tumhe na bhunjissatha idanaham appaharite va chaddessami appanake va udake opilapessamiti. Tatr' ekassa bhikkhuno evam-assa: Bhagava kho bhuttavi pavarito paripunno pariyosito suhito yavadattho, atthi cayam Bhagavato pindapato atirekadhammo chaddiyadhammo, sace mayam na bhunjissama idani Bhagava appaharite va chaddessati appanake va udake opilapessati; vuttam kho pan' etam Bhagavata: Dhammadayada me bhikkhave bhavatha ma amisadayada ti; amisannataram kho pan' etam yadidam pindapato, yan-nunaham imam pindapatam abhunjitva imina jighacchadubballena evam imam rattindivam vitinameyyan-ti. So tam pindapatam abhunjitva ten' eva jighacchadubballena evam tam rattindivam vitinameyya. Atha dutiyassa bhikkhuno evam-assa:

Bhagava kho bhuttavi pavarito paripunno pariyosito suhito yavadattho, atthi cayam Bhagavato pindapato atirekadhammo chaddiyadhammo, sace mayam na bhunjissama idani Bhagava appaharite va chaddessati appanake va udake opilapessati, yan-nunaham imam pindapatam bhunjitva jighacchadubballam pativinetva evam imam rattindivam vitinameyyan-ti.

So tam pindapatam bhunjitva jighacchadubballam pativinetva evam tam rattindivam vitinameyya. Kincapi so bhikkhave bhikkhu tam pindapatam bhunjitva jighacchadubballam pativinetva evam tam rattindivam vitinameyya, atha kho asu yeva me purimo bhikkhu pujjataro ca pasamsataro ca; tam kissa hetu: tam hi tassa bhikkhave bhikkhuno digharattam appicchataya santutthiya sallekhaya subharataya viriyarambhaya samvattissati. Tasmatiha me bhikkhave dhammadayada bhavatha ma amisadayada; atthi me tumhesu anukampa:

kinti me savaka dhammadayada bhaveyyum no {amisadayada} ti.

Idam-avoca Bhagava, idam vatva Sugato utthay' asana viharam pavisi.

Tatra kho ayasma Sariputto acirapakkantassa Bhagavato bhikkhu amantesi: Avuso bhikkhavo ti. Avuso ti kho te bhikkhu ayasmato Sariputtassa paccassosum.

[page 014]

Ayasma Sariputto etad-avoca: Kittavata nu kho avuso Satthu pavivittassa viharato savaka vivekam nanusikkhanti, kittavata ca pana Satthu pavivittassa viharato savaka vivekam-anusikkhantiti. - Durato pi kho mayam avuso agaccheyyama ayasmato Sariputtassa santike etassa bhasitassa atthamannatum, sadhu vat' ayasmantam yeva Sariputtam patibhatu etassa bhasitassa attho, ayasmato Sariputtassa sutva bhikkhu dharessantiti. - Tena h' avuso sunatha sadhukam manasikarotha, bhasissamiti. Evam-avuso ti kho te bhikkhu ayasmato Sariputtassa paccassosum. Ayasma Sariputto etad-avoca:

Idh' avuso Satthu pavivittassa viharato savaka vivekam nanusikkhanti, yesan-ca dhammanam Sattha pahanam-aha te ca dhamme na-ppajahanti, bahulika ca honti sathalika, okkamane pubbangama paviveke nikkhittadhura.

Tatr' avuso thera bhikkhu tihi thanehi garayha bhavanti:

Satthu pavivittassa viharato savaka vivekam nanusikkhantiti, imina pathamena thanena thera bhikkhu garayha bhavanti. Yesan-ca dhammanam Sattha pahanam-aha te ca dhamme na-ppajahantiti, imina dutiyena thanena thera bhikkhu garayha bhavanti. Bahulika ca sathalika, okkamane pubbangama paviveke nikkhittadhura ti, imina tatiyena thanena thera bhikkhu garayha bhavanti. Thera h' avuso bhikkhu imehi tihi thanehi garayha bhavanti. Tatr' avuso majjhima bhikkhu - pe - nava bhikkhu tihi thanehi garayha bhavanti: Satthu pavivittassa viharato savaka vivekam nanusikkhantiti, imina pathamena thanena nava bhikkhu garayha bhavanti. Yesan-ca dhammanam Sattha pahanam-aha te ca dhamme na-ppajahantiti, imina dutiyena thanena nava bhikkhu garayha bhavanti. Bahulika ca sathalika, okkamane pubbangama paviveke nikkhittadhura ti, imina tatiyena thanena nava bhikkhu garayha bhavanti. Nava h' avuso bhikkhu imehi tihi thanehi garayha bhavanti. Ettavata kho avuso Satthu pavivittassa viharato savaka vivekam nanusikkhanti.

Kittavata ca pana Satthu pavivittassa viharato savaka vivekam-anusikkhanti:

[page 015]

Idh' avuso Satthu pavivittassa viharato savaka vivekam-anusikkhanti, yesan-ca dhammanam Sattha pahanam-aha te ca dhamme pajahanti, na ca bahulika honti na sathalika, okkamane nikkhittadhura paviveke pubbangama. Tatr' avuso thera bhikkhu tihi thanehi pasamsa bhavanti: Satthu pavivittassa viharato savaka vivekam-anusikkhantiti, imina pathamena thanena thera bhikkhu pasamsa bhavanti. Yesan-ca dhammanam Sattha pahanam-aha te ca dhamme pajahantiti, imina dutiyena thanena thera bhikkhu pasamsa bhavanti. Na ca bahulika na sathalika, okkamane nikkhittadhura paviveke pubbangama ti, imina tatiyena thanena thera bhikkhu pasamsa bhavanti. Thera h' avuso bhikkhu imehi tihi thanehi pasamsa bhavanti. Tatr' avuso majjhima bhikkhu - pe - nava bhikkhu tihi thanehi pasamsa bhavanti: Satthu pavivittassa viharato savaka vivekamanusikkhantiti, imina pathamena thanena nava bhikkhu pasamsa bhavanti. Yesan-ca dhammanam Sattha pahanamaha te ca dhamme pajahantiti, imina dutiyena thanena nava bhikkhu pasamsa bhavanti. Na ca bahulika na sathalika, okkamane nikkhittadhura paviveke pubbangama ti, imina tatiyena thanena nava bhikkhu pasamsa bhavanti. Nava h' avuso bhikkhu imehi tihi thanehi pasamsa bhavanti. Ettavata kho avuso Satthu pavivittassa viharato savaka vivekamanusikkhanti.

Tatr' avuso lobho ca papako doso ca papako, lobhassa ca pahanaya dosassa ca pahanaya atthi majjhima patipada cakkhukarani nanakarani upasamaya abhinnaya sambodhaya nibbanaya samvattati. Katama ca sa avuso majjhima patipada cakkhukarani nanakarani upasamaya abhinnaya sambodhaya nibbanaya samvattati: Ayam-eva ariyo atthangiko maggo, seyyathidam: sammaditthi sammasankappo sammavaca sammakammanto sammaajivo sammavayamo sammasati sammasamadhi. Ayam kho sa avuso majjhima patipada cakkhukarani ... nibbanaya samvattati. Tatr' avuso kodho ca papako upanaho ca papako - makkho ca papako palaso ca papako - issa ca papika maccheran-ca papakam - maya ca papika satheyyan-ca papakam - thambho ca papako sarambho ca papako

[page 016]

- mano ca papako atimano ca papako - mado ca papako pamado ca papako, madassa ca pahanaya pamadassa ca pahanaya atthi majjhima patipada cakkhukarani ... nibbanaya samvattati. Katama ca sa avuso majjhima patipada cakkhukarani ... nibbanaya samvattati:

Ayam-eva ariyo atthangiko maggo, seyyathidam: sammaditthi sammasankappo sammavaca sammakammanto sammaajivo sammavayamo sammasati sammasamadhi. Ayam kho sa avuso majjhima patipada cakkhukarani nanakarani upasamaya abhinnaya sambodhaya nibbanaya samvattatiti.

Idam-avoca ayasma Sariputto. Attamana te bhikkhu ayasmato Sariputtassa bhasitam abhinandun-ti.

DHAMMADAYADASUTTAM TATIYAM.

 


 

IV. Bhaya-Bherava Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho Janussoni brahmano yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho Janussoni brahmano Bhagavantam etadavoca: Ye 'me bho Gotama kulaputta bhavantam Gotamam uddissa saddha agarasma anagariyam pabbajita bhavam tesam Gotamo pubbangamo, bhavam tesam Gotamo bahukaro, bhavam tesam Gotamo samadapeta, bhoto ca pana Gotamassa sa janata ditthanugatim apajjatiti. - Evam-etam brahmana, evam-etam brahmana: ye te brahmana kulaputta mamam uddissa saddha agarasma anagariyam pabbajita aham tesam pubbangamo, aham tesam bahukaro, aham tesam samadapeta, maman-ca pana sa janata ditthanugatim apajjatiti. - Durabhisambhavani hi bho Gotama aranne-vanapatthani pantani senasanani, dukkaram pavivekam, durabhiramam ekatte, haranti manne mano vanani samadhim alabhamanassa bhikkhuno ti.

[page 017]

- Evam-etam brahmana, evam-etam brahmana: durabhisambhavani hi brahmana aranne-vanapatthani pantani senasanani, dukkaram pavivekam, dhurabhiramam ekatte, haranti manne mano vanani samadhim alabhamanassa bhikkhuno ti.

Mayham-pi kho brahmana pubbe va sambodha anabhisambuddhassa bodhisattass' eva sato etad-ahosi: Durabhisambhavani hi kho aranne-vanapatthani pantani senasanani, dukkaram pavivekam, durabhiramam ekatte, haranti manne mano vanani samadhim alabhamanassa bhikkhuno ti.

Tassa mayham brahmana etad-ahosi: Ye kho keci samana va brahmana va aparisuddhakayakammanta aranne-vanapatthani pantani senasanani patisevanti, aparisuddhakayakammanta-sandosahetu have te bhonto samanabrahmana akusalam bhayabheravam avhayanti; na kho panaham aparisuddhakayakammanto aranne-vanapatthani pantani senasanani patisevami, parisuddhakayakammanto 'ham-asmi, ye hi vo ariya parisuddhakayakammanta aranne-vanapatthani pantani senasanani patisevanti tesam-aham annatamo. Etam-aham brahmana parisuddhakayakammantatam attani sampassamano bhiyyo pallomam-apadim aranne viharaya. Tassa mayham brahmana etad-ahosi: Ye kho keci samana va brahmana va aparisuddhavacikammanta - pe - aparisuddhamanokammanta - aparisuddhajiva aranne-v. p. s. patisevanti, aparisuddhajiva-sandosahetu have te bhonto samanabrahmana akusalam bhayabheravam avhayanti; na kho panaham aparisuddhajivo aranne-v. p. s. patisevami, parisuddhajivo 'hamasmi, ye hi vo ariya parisuddhajiva aranne-v. p. s. patisevanti tesam-aham annatamo. Etam-aham brahmana parisuddhajivatam attani sampassamano bhiyyo pallomam-apadim aranne viharaya. Tassa mayham brahmana etad-ahosi:

Ye kho keci samana va brahmana va abhijjhalu kamesu tibbasaraga aranne-v. p. s. patisevanti, abhijjhalu kamesu tibbasaraga-sandosahetu have te bhonto samanabrahmana akusalam bhayabheravam avhayanti; na kho panaham abhijjhalu kamesu tibbasarago aranne-v. p. s. patisevami, anabhijjhalu 'ham-asmi, ye hi vo ariya anabhijjhalu aranne-v. p. s.

[page 018]

patisevanti tesam-aham annatamo. Etam-aham brahmana anabhijjhalutam attani sampassamano bhiyyo pallomam-apadim aranne viharaya. Tassa mayham brahmana etad-ahosi:

Ye kho keci samana va brahmana va byapannacitta padutthamanasankappa aranne-v. p. s. patisevanti, byapannacittapadutthamanasankappa-sandosahetu have te bhonto samanabrahmana akusalam bhayabheravam avhayanti; na kho panaham byapannacitto padutthamanasankappo aranne-v. p. s.

patisevami, mettacitto 'ham-asmi, ye hi vo ariya mettacitta aranne-v. p. s. patisevanti tesam-aham annatamo. Etamaham brahmana mettacittam attani sampassamano bhiyyo pallomam-apadim aranne viharaya. Tassa mayham brahmana etad-ahosi: Ye kho keci samana va brahmana va thinamiddhapariyutthita aranne-v. p. s. patisevanti, thinamiddhapariyutthana-sandosahetu have te bhonto samanabrahmana akusalam bhayabheravam avhayanti; na kho panaham thinamiddhapariyutthito aranne-v. p. s. patisevami, vigatathinamiddho 'ham-asmi, ye hi vo ariya vigatathinamiddha aranne-v. p. s. patisevanti tesam-aham annatamo.

Etam-aham brahmana vigatathinamiddhatam attani sampassamano bhiyyo pallomam-apadim aranne viharaya. Tassa mayham brahmana etad-ahosi: Ye kho keci samana va brahmana va uddhata avupasantacitta aranne-v. p. s. patisevanti, uddhatavupasantacitta-sandosahetu have te bhonto samanabrahmana akusalam bhayabheravam avhayanti; na kho panaham uddhato avupasantacitto aranne-v. p. s. patisevami, vupasantacitto 'ham-asmi, ye hi vo ariya vupasantacitta aranne-v. p. s. patisevanti tesam-aham annatamo.

Etam-aham brahmana vupasantacittam attani sampassamano bhiyyo pallomam-apadim aranne viharaya. Tassa mayham brahmana etad-ahosi: Ye kho keci samana va brahmana va kankhi vecikicchi aranne-v. p. s. patisevanti, kankhi-vecikicchisandosahetu have te bhonto samanabrahmana akusalam bhayabheravam avhayanti; na kho panaham kankhi vecikicchi aranne-v. p. s. patisevami, tinnavicikiccho 'ham-asmi, ye hi vo ariya tinnavicikiccha aranne-v. p. s. patisevanti tesam-aham annatamo. Etam-aham brahmana tinnavicikicchatam attani sampassamano bhiyyo pallomam-apadim aranne viharaya.

[page 019]

Tassa mayham brahmana etad-ahosi: Ye kho keci samana va brahmana va attukkamsaka paravambhi aranne-v. p. s. patisevanti, attukkamsana-paravambhana-sandosahetu have te bhonto samanabrahmana akusalam bhayabheravam avhayanti; na kho panaham attukkamsako paravambhi aranne-v. p. s. patisevami, anattukkamsako aparavambhi 'ham-asmi, ye hi vo ariya anattukkamsaka aparavambhi aranne-v. p. s. patisevanti tesam-aham annatamo. Etam-aham brahmana anattukkamsakatam aparavambhitam attani sampassamano bhiyyo pallomam-apadim aranne viharaya. Tassa mayham brahmana etad-ahosi: Ye kho keci samana va brahmana va chambhi bhirukajatika aranne-v. p. s. patisevanti, chambhi-bhirukajatikasandosahetu have te bhonto samanabrahmana akusalam bhayabheravam avhayanti; na kho panaham chambhi bhirukajatiko aranne-v. p. s. patisevami, vigatalomahamso 'hamasmi, ye hi vo ariya vigatalomahamsa aranne-v. p. s. patisevanti tesam-aham annatamo. Etam-aham brahmana vigatalomahamsatam attani sampassamano bhiyyo pallomamapadim aranne viharaya. Tassa mayham brahmana etadahosi: Ye kho keci samana va brahmana va labhasakkarasilokam {nikamayamana} aranne-v. p. s. patisevanti, labhasakkarasilokanikama-sandosahetu have te bhonto samanabrahmana akusalam bhayabheravam avhayanti; na kho panaham labhasakkarasilokam nikamayamano aranne-v. p. s. patisevami, appiccho 'ham-asmi, ye hi vo ariya appiccha aranne-v. p. s.

patisevanti tesam-aham annatamo. Etam-aham brahmana appicchatam attani sampassamano bhiyyo pallomam-apadim aranne viharaya. Tassa mayham brahmana etad-ahosi: Ye kho keci samana va brahmana va kusita hinaviriya aranne-v.

p. s. patisevanti, kusita-hinaviriya-sandosahetu have te bhonto samanabrahmana akusalam bhayabheravam avhayanti; na kho panaham kusito hinaviriyo aranne-v. p. s. patisevami, araddhaviriyo 'ham-asmi, ye hi vo ariya araddhaviriya aranne-v. p. s.

patisevanti tesam-aham annatamo. Etam-aham brahmana araddhaviriyatam attani sampassamano bhiyyo pallomam-apadim aranne viharaya. Tassa mayham brahmana etad-ahosi:

[page 020]

Ye kho keci samana va brahmana va mutthassati asampajana aranne-v. p. s. patisevanti, mutthassati-asampajana-sandosahetu have te bhonto samanabrahmana akusalam bhayabheravam avhayanti; na kho panaham mutthassati asampajano aranne-v. p. s. patisevami, upatthitasati 'ham-asmi, ye hi vo ariya upatthitasati aranne-v. p. s. patisevanti tesam-aham annatamo. Etam-aham brahmana upatthitasatitam attani sampassamano bhiyyo pallomam-apadim aranne viharaya.

Tassa mayham brahmana etad-ahosi: Ye kho keci samana va brahmana va asamahita vibbhantacitta aranne-v. p. s. patisevanti, asamahita-vibbhantacitta-sandosahetu have te bhonto samanabrahmana akusalam bhayabheravam avhayanti; na kho panaham asamahito vibbhantacitto aranne-v. p. s. patisevami, samadhisampanno 'ham-asmi, ye hi vo ariya samadhisampanna aranne-v. p. s. patisevanti tesam-aham annatamo.

Etam-aham brahmana samadhisampadam attani sampassamano bhiyyo pallomam-apadim aranne viharaya. Tassa mayham brahmana etad-ahosi: Ye kho keci samana va brahmana va duppanna elamuga aranne-v. p. s. patisevanti, duppanna-elamuga-sandosahetu have te bhonto samanabrahmana akusalam bhayabheravam avhayanti; na kho panaham duppanno elamugo aranne-v. p. s. patisevami, pannasampanno 'ham-asmi, ye hi vo ariya pannasampanna aranne-v. p. s. patisevanti tesam-aham annatamo. Etamaham brahmana pannasampadam attani sampassamano bhiyyo pallomam-apadim aranne viharaya.

Tassa mayham brahmana etad-ahosi: Yan-nunaham ya ta rattiyo abhinnata abhilakkhita, catuddasi pancadasi atthami ca pakkhassa, tatharupasu rattisu yani tani aramacetiyani vanacetiyani rukkhacetiyani bhimsanakani salomahamsani tatharupesu senasanesu vihareyyam, app-eva nama tam bhayabheravam passeyyan-ti. So kho aham brahmana aparena samayena ya ta rattiyo abhinnata abhilakkhita, catuddasi pancadasi atthami ca pakkhassa, tatharupasu rattisu yani tani aramacetiyani vanacetiyani rukkhacetiyani bhimsanakani salomahamsani tatharupesu senasanesu viharami.

Tatra ca me brahmana viharato mago va agacchati moro va kattham pateti vato va pannasatam ereti;

[page 021]

tassa mayham evam hoti: etam nuna tam bhayabheravam agacchatiti. Tassa mayham brahmana etad-ahosi: Kin-nu kho aham annadatthu bhayapatikankhi viharami; yan-nunaham yathabhutam yathabhutassa me tam bhayabheravam agacchati tathabhutam tathabhuto va tam bhayabheravam pativineyyan-ti. Tassa mayham brahmana cankamantassa tam bhayabheravam agacchati. So kho aham brahmana n' eva tava titthami na nisidami na nipajjami yava cankamanto va tam bhayabheravam pativinemi. Tassa mayham brahmana thitassa tam bhayabheravam agacchati. So kho aham brahmana n' eva tava cankamami na nisidami na nipajjami yava thito va tam bhayabheravam pativinemi. Tassa mayham brahmana nisinnassa tam bhayabheravam agacchati. So kho aham brahmana n' eva tava nipajjami na titthami na cankamami yava nisinno va tam bhayabheravam pativinemi. Tassa mayham brahmana nipannassa tam bhayabheravam agacchati. So kho aham brahmana n' eva tava nisidami na titthami na cankamami yava nipanno va tam bhayabheravam pativinemi.

Santi kho pana brahmana eke samanabrahmana rattim yeva samanam diva ti sanjananti, diva yeva samanam rattiti sanjananti; idam-aham tesam samanabrahmananam sammohaviharasmim vadami. Aham kho pana brahmana rattim yeva samanam rattiti sanjanami, diva yeva samanam diva ti sanjanami. Yam kho tam brahmana samma vadamano vadeyya: asammohadhammo satto loke uppanno bahujanahitaya bahujanasukhaya lokanukampaya atthaya hitaya sukhaya devamanussanan-ti, mam-eva tam samma vadamano vadeyya: asammohadhammo satto loke uppanno bahujanahitaya bahujanasukhaya lokanukampaya atthaya hitaya sukhaya devamanussanan-ti. Araddham kho pana me brahmana viriyam ahosi asallinam, upatthita sati asammuttha, passaddho kayo asaraddho, samahitam cittam ekaggam. So kho aham brahmana vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja vihasim; vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja vihasim;

[page 022]

pitiya ca viraga upekhako ca vihasim sato ca sampajano sukhan-ca kayena patisamvedesim yantam ariya acikkhanti: upekhako satima sukhavihari ti tatiyam jhanam upasampajja vihasim; sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja vihasim.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhininnamesim. So anekavihitam pubbenivasam anussarami, seyyathidam: ekam-pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim-pi jatiyo timsam-pi jatiyo cattarisam-pi jatiyo pannasam-pi jatiyo jatisatam-pi jatisahassam-pi jatisatasahassam-pi, aneke pi samvattakappe aneke pi vivattakappe aneke pi samvattavivattakappe; amutr' asim evannamo evamgotto evamvanno evamaharo evam sukhadukkhapatisamvedi evamayupariyanto, so tato cuto amutra udapadim, tatra p' asim evannamo evamgotto evamvanno evamaharo evam sukhadukkhapatisamvedi evamayupariyanto, so tato cuto idhupapanno ti. Iti sakaram sa-uddesam anekavihitam pubbenivasam anussarami. Ayam kho me brahmana rattiya pathame yame pathama vijja adhigata. avijja vihata vijja uppanna, tamo vihato aloko uppanno, yatha tam appamattassa atapino pahitattassa viharato.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnamesim.

So dibbena cakkhuna visuddhena atikkantamanusakena satte passami cavamane upapajjamane, hine panite suvanne dubbanne sugate duggate, yathakammupage satte pajanami: ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana, te kayassa bheda param-marana apayam duggatim vinipatam nirayam upapanna; ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana,

[page 023]

te kayassa bheda param-marana sugatim saggam lokam upapanna ti. Iti dibbena cakkhuna visuddhena atikkantamanusakena satte passami cavamane upapajjamane, hine panite suvanne dubbanne sugate duggate, yathakammupage satte pajanami. Ayam kho me brahmana rattiya majjhime yame dutiya vijja adhigata, avijja vihata vijja uppanna, tamo vihato aloko uppanno, yatha tam appamattassa atapino pahitattassa viharato.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhininnamesim. So:

idam dukkhan-ti yathabhutam abbhannasim, ayam dukkhasamudayo ti yathabhutam abbhannasim. ayam dukkhanirodho ti yathabhutam abbhannasim. ayam dukkhanirodhagamini patipada ti yathabhutam abbhannasim; ime asava ti yathabhutam abbhannasim, ayam asavasamudayo ti yathabhutam abbhannasim, ayam asavanirodho ti yathabhutam abbhannasim, ayam asavanirodhagamini patipada ti yathabhutam abbhannasim. Tassa me evam janato evam passato kamasava pi cittam vimuccittha. bhavasava pi cittam vimuccittha.

avijjasava pi cittam vimuccittha, vimuttasmim vimuttam-iti nanam ahosi; khina jati, vusitam brahmacariyam, katam karaniyam naparam itthattayati abbhannasim. Ayam kho me brahmana rattiya pacchime yame tatiya vijja adhigata, avijja vihata vijja uppanna, tamo vihato aloko uppanno, yatha tam appamattassa atapino pahitattassa viharato.

Siya kho pana te brahmana evam-assa: Ajjapi nuna samano Gotamo avitarago avitadoso avitamoho, tasma aranne-vanapatthani pantani senasanani patisevatiti. Na kho pan' etam brahmana evam datthabbam. Dve kho aham brahmana atthavase sampassamano aranne-vanapatthani pantani senasanani patisevami: attano ca ditthadhammasukhaviharam sampassamano pacchiman-ca janatam anukampamano ti.

Anukampitarupa 'yam bhota Gotamena pacchima janata,

[page 024]

yatha tam arahata sammasambuddhena. Abhikkantam bho Gotama, abhikkantam bho Gotama. Seyyatha pi bho Gotama nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam bhota Gotamena anekapariyayena dhammo pakasito. Esaham bhavantam Gotamam saranam gacchami dhamman-ca bhikkhusanghan-ca. Upasakam-mam bhavam Gotamo dharetu ajjatagge panupetam saranagatan-ti.

BHAYABHERAVASUTTAM CATUTTHAM.

 


 

V. Anangana Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho ayasma Sariputto bhikkhu amantesi: Avuso bhikkhavo ti.

Avuso ti kho te bhikkhu ayasmato Sariputtassa paccassosum.

Ayasma Sariputto etad-avoca:

Cattaro 'me avuso puggala santo samvijjamana lokasmim, katame cattaro: Idh' avuso ekacco puggalo sangano va samano: atthi me ajjhattam anganan-ti yathabhutam nappajanati; idha pan' avuso ekacco puggalo sangano va samano: atthi me ajjhattam anganan-ti yathabhutam pajanati.

Idh' avuso ekacco puggalo anangano va samano: na-tthi me ajjhattam anganan-ti yathabhutam na-ppajanati; idha pan' avuso ekacco puggalo anangano va samano: na-tthi me ajjhattam anganan-ti yathabhutam pajanati. Tatr' avuso yvayam puggalo sangano va samano: atthi me ajjhattam anganan-ti yathabhutam na-ppajanati. ayam imesam dvinnam puggalanam sangananam yeva satam hinapuriso akkhayati. Tatr' avuso yvayam puggalo sangano va samano:

atthi me ajjhattam anganan-ti yathabhutam pajanati, ayam imesam dvinnam puggalanam sangananam yeva satam setthapuriso akkhayati. Tatr' avuso yvayam puggalo anangano va samano:

[page 025]

na-tthi me ajjhattam anganan-ti yathabhutam na-ppajanati, ayam imesam dvinnam puggalanam anangananam yeva satam hinapuriso akkhayati. Tatr' avuso yvayam puggalo anangano va samano: na-tthi me ajjhattam anganan-ti yathabhutam pajanati, ayam imesam dvinnam puggalanam anangananam yeva satam setthapuriso akkhayatiti.

Evam vutte ayasma Mahamoggallano ayasmantam Sariputtam etad-avoca: Ko nu kho avuso Sariputta hetu ko paccayo yen' imesam dvinnam puggalanam sangananam yeva satam eko hinapuriso akkhayati, eko setthapuriso akkhayati; ko pan' avuso Sariputta hetu ko paccayo yen' imesam dvinnam puggalanam anangananam yeva satam eko hinapuriso akkhayati, eko setthapuriso akkhayatiti.

Tatr' avuso yvayam puggalo sangano va samano: atthi me ajjhattam anganan-ti yathabhutam na-ppajanati. tass' etam patikankham: na chandam janessati, na vayamissati, na viriyam arabhissati tass' anganassa pahanaya, so sarago sadoso samoho sangano sankilitthacitto kalam karissati. Seyyatha pi avuso kamsapati abhata apana va kammarakula va rajena ca malena ca pariyonaddha, tam-enam samika na c' eva paribhunjeyyum na ca pariyodapeyyum, rajapathe ca nam nikkhipeyyum, evam hi sa avuso kamsapati aparena samayena sankilitthatara assa malaggahita ti. - Evam-avuso ti. - Evam-eva kho avuso yvayam puggalo sangano va samano: atthi me ajjhattam anganan-ti yathabhutam na-ppajanati, tass' etam patikankham: na chandam janessati, na vayamissati, na viriyam arabhissati tass' anganassa pahanaya, so sarago sadoso samoho sangano sankilitthacitto kalam karissati. Tatr' avuso yvayam puggalo sangano va samano:

atthi me ajjhattam anganan-ti yathabhutam pajanati, tass' etam patikankham: chandam janessati, vayamissati, viriyam arabhissati tass' anganassa pahanaya, so arago adoso amoho anangano asankilitthacitto kalam karissati. Seyyatha pi avuso kamsapati abhata apana va kammarakula va rajena ca malena ca pariyonaddha, tam-enam samika paribhunjeyyun-c' eva pariyodapeyyun-ca, na ca nam rajapathe nikkhipeyyum.

[page 026]

evam hi sa avuso kamsapati aparena samayena parisuddhatara assa pariyodata ti. - Evam-avuso ti. - Evam-eva kho avuso yvayam puggalo sangano va samano: atthi me ajjhattam anganan-ti yathabhutam pajanati, tass' etam patikankham: chandam janessati, vayamissati, viriyam arabhissati tass' anganassa pahanaya, so arago adoso amoho anangano asankilitthacitto kalam karissati. Tatr' avuso yvayam puggalo anangano va samano: na-tthi me ajjhattam anganan-ti yathabhutam na-ppajanati. tass' etam patikankham: subhanimittam manasikarissati, tassa subhanimittassa manasikara rago cittam anuddhamsessati, so sarago sadoso samoho sangano sankilitthacitto kalam karissati. Seyyatha pi avuso kamsapati abhata apana va kammarakula va parisuddha pariyodata, tam-enam samika na c' eva paribhunjeyyum na ca pariyodapeyyum, rajapathe ca nam nikkhipeyyum, evam hi sa avuso kamsapati aparena samayena sankilitthatara assa malaggahita ti. -Evam-avuso ti. - Evam-eva kho avuso yvayam puggalo anangano va samano: na-tthi me ajjhattam anganan-ti yathabhutam na-ppajanati, tass' etam patikankham: subhanimittam manasikarissati, tassa subhanimittassa manasikara rago cittam anuddhamsessati, so sarago sadoso samoho sangano sankilitthacitto kalam karissati. Tatr' avuso yvayam puggalo anangano va samano: na-tthi me ajjhattam anganan-ti yathabhutam pajanati, tass' etam patikankham: subhanimittam na manasikarissati, tassa subhanimittassa amanasikara rago cittam nanuddhamsessati, so arago adoso amoho anangano asankilitthacitto kalam karissati. Seyyatha pi avuso kamsapati abhata apana va kammarakula va parisuddha pariyodata, tam-enam samika paribhunjeyyun-c' eva pariyodapeyyun-ca, na ca nam rajapathe nikkhipeyyum, evam hi sa avuso kamsapati aparena samayena parisuddhatara assa pariyodata ti.

-- Evam-avuso ti. - Evam-eva kho avuso yvayam puggalo anangano va samano: na-tthi me ajjhattam anganan-ti yathabhutam pajanati, tass' etam patikankham: subhanimittam na manasikarissati, tassa subhanimittassa amanasikara rago cittam nanuddhamsessati, so arago adoso amoho anangano asankilitthacitto kalam karissati. Ayam kho avuso Moggallana hetu ayam paccayo yen' imesam dvinnam puggalanam sangananam yeva satam eko hinapuriso akkhayati,

[page 027]

eko setthapuriso akkhayati; ayam pan' avuso Moggallana hetu ayam paccayo yen' imesam dvinnam puggalanam anangananam yeva satam eko hinapuriso akkhayati, eko setthapuriso akkhayatiti.

Anganam anganan-ti avuso vuccati, kissa nu kho etam avuso adhivacanam yadidam anganan-ti. - Papakanam kho etam avuso akusalanam icchavacaranam adhivacanam yadidam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Apattin-ca vata apanno assam, na ca mam bhikkhu janeyyum: apattim apanno ti; thanam kho pan' etam avuso vijjati yan-tam bhikkhum bhikkhu janeyyum: apattim apanno ti; jananti mam bhikkhu: apattim apanno ti. iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Apattin-ca vata apanno assam, anuraho mam bhikkhu codeyyum no sanghamajjhe ti; thanam kho pan' etam avuso vijjati yan-tam bhikkhum bhikkhu sanghamajjhe codeyyum no anuraho; sanghamajjhe mam bhikkhu codenti no anuraho ti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya:

Apattin-ca vata apanno assam, sappatipuggalo mam codeyya no appatipuggalo ti; thanam kho pan' etam avuso vijjati yan-tam bhikkhum appatipuggalo codeyya no sappatipuggalo; appatipuggalo mam codeti no sappatipuggalo ti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata mam-eva Sattha patipucchitva patipucchitva bhikkhunam dhammam deseyya, na annam bhikkhum Sattha patipucchitva patipucchitva bhikkhunam dhammam deseyyati; thanam kho pan' etam avuso vijjati yam annam bhikkhum Sattha p. p. bh. dh. deseyya, na tam bhikkhum Sattha

[page 028]

p. p. bh. dh. deseyya; annam bhikkhum Sattha p. p. bh. dh. deseti. na mam Sattha p. p. bh. dh.

desetiti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata mam-eva bhikkhu purakkhatva purakkhatva gamam bhattaya paviseyyum, na annam bhikkhum bhikkhu purakkhatva purakkhatva gamam bhattaya paviseyyun-ti; thanam kho pan' etam avuso vijjati yam annam bhikkhum bhikkhu p. p. g. bhattaya paviseyyum, na tam bhikkhum bhikkhu p. p. g. bhattaya paviseyyum; annam bhikkhum bhikkhu p. p. g. bhattaya pavisanti. na mam bhikkhu p. p. g. bhattaya pavisantiti, iti so kupito hoti appatito. Yo c' eva kho avuso kopo yo ca appaccayo ubhayametam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata aham-eva labheyyam bhattagge aggasanam aggodakam aggapindam, na anno bhikkhu labheyya bhattagge aggasanam aggodakam aggapindan-ti; thanam kho pan' etam avuso vijjati yam anno bhikkhu labheyya bhattagge a. a. a., na so bhikkhu labheyya bhattagge a. a. a.; anno bhikkhu labhati bhattagge a. a. a., naham labhami bhattagge a. a. aggapindan-ti.

iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata aham-eva bhattagge bhuttavi anumodeyyam, na anno bhikkhu bhattagge bhuttavi anumodeyyati; thanam kho pan' etam avuso vijjati yam anno bhikkhu bh.

bh. anumodeyya, na so bhikkhu bh. bh. anumodeyya; anno bhikkhu bh. bh. anumodati, naham bh. bh. anumodamiti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata aham-eva aramagatanam bhikkhunam dhammam deseyyam, na anno bhikkhu aramagatanam bhikkhunam dhammam deseyyati; thanam kho pan' etam avuso vijjati yam anno bhikkhu a. bh. dh. deseyya, na so bhikkhu

[page 029]

a. bh. dh. deseyya; anno bhikkhu a. bh. dh. deseti, naham a. bh. dh. desemiti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam.

Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata aham-eva aramagatanam bhikkhuninam dhammam deseyyam --pe-upasakanam dhammam deseyyam - pe - upasikanam dhammam deseyyam, na anno bhikkhu aramagatanam upasikanam dhammam deseyyati; thanam kho pan' etam avuso vijjati yam anno bhikkhu aramagatanam upasikanam dhammam deseyya, na so bhikkhu a. u. dh. deseyya; anno bhikkhu a.

u. dh. deseti, naham a. u. dh. desemiti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata mam-eva bhikkhu sakkareyyum garukareyyum maneyyum pujeyyum, na annam bhikkhum bhikkhu sakkareyyum garukareyyum maneyyum pujeyyun-ti; thanam kho pan' etam avuso vijjati yam annam bhikkhum bhikkhu s. g. m.

pujeyyum, na tam bhikkhum bhikkhu s. g. m. pujeyyum; annam bhikkhum bhikkhu sakkaronti garukaronti manenti pujenti, na mam bhikkhu s. g. m. pujentiti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata mam-eva bhikkhuniyo - pe - upasaka - pe - upasika s. g. m. pujeyyum, na annam bhikkhum upasika s. g. m. pujeyyun-ti; thanam kho pan' etam avuso vijjati yam annam bhikkhum upasika s. g. m. pujeyyam, na tam bhikkhum upasika s. g. m. pujeyyum; annam bhikkhum upasika s. g. m. pujenti, na mam upasika s. g. m.

pujentiti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata aham-eva labhi assam panitanam civaranam, na anno bhikkhu labhi assa panitanam civaranan-ti; thanam kho pan' etam avuso vijjati yam anno bhikkhu labhi assa panitanam civaranam,

[page 030]

na so bhikkhu labhi assa panitanam civaranam; anno bhikkhu labhi panitanam civaranam. naham labhi panitanam civaranan-ti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Thanam kho pan' etam avuso vijjati yam idh' ekaccassa bhikkhuno evam iccha uppajjeyya: Aho vata aham-eva labhi assam panitanam pindapatanam - pe - panitanam senasananam - panitanam gilanapaccayabhesajjaparikkharanam, na anno bhikkhu labhi assa panitanam gilanapaccayabhesajjaparikkharanan-ti; thanam kho pan' etam avuso vijjati yam anno bhikkhu labhi assa p. g., na so bhikkhu labhi assa p. g.; anno bhikkhu labhi p. g., naham labhi p. gilanapaccayabhesajjaparikkharanan-ti, iti so kupito hoti appatito. Yo c' eva kho avuso kopo yo ca appaccayo ubhayam-etam anganam. Imesam kho etam avuso papakanam akusalanam icchavacaranam adhivacanam yadidam anganan-ti.

Yassa kassaci avuso bhikkhuno ime papaka akusala icchavacara appahina dissanti c' eva suyanti ca, kincapi so hoti arannako pantasenasano, pindapatiko sapadanacari, pamsukuliko lukhacivaradharo, atha kho nam sabrahmacari na sakkaronti na garukaronti na manenti na pujenti; tam kissa hetu: te hi tassa ayasmato papaka akusala icchavacara appahina dissanti c' eva suyanti ca. Seyyatha pi avuso kamsapati abhata apana va kammarakula va parisuddha pariyodata, tam-enam samika ahikunapam va kukkurakunapam va manussakunapam va racayitva annissa kamsapatiya patikujjitva antarapanam patipajjeyyum, tam-enam jano disva evam vadeyya: Ambho, kim-ev' idam hariyati jannajannam viyati; tam-enam utthahitva apapuritva olokeyya, tassa saha dassanena amanapata ca santhaheyya pitikulyata ca santhaheyya jegucchita ca santhaheyya, jighacchitanam-pi na bhottukamyata assa, pag-eva suhitanam; evam-eva kho avuso yassa kassaci bhikkhuno ime papaka akusala icchavacara appahina dissanti c' eva suyanti ca, kincapi so hoti arannako pantasenasano, pindapatiko sapadanacari, pamsukuliko lukhacivaradharo, atha kho nam sabrahmacari na sakkaronti na garukaronti na manenti na pujenti;

[page 031]

tam kissa hetu: te hi tassa ayasmato papaka akusala icchavacara appahina dissanti c' eva suyanti ca.

Yassa kassaci avuso bhikkhuno ime papaka akusala icchavacara pahina dissanti c' eva suyanti ca, kincapi so hoti gamantavihari nemantaniko gahapaticivaradharo, atha kho nam sabrahmacari sakkaronti garukaronti manenti pujenti; tam kissa hetu: te hi tassa ayasmato papaka akusala icchavacara pahina dissanti c' eva suyanti ca. Seyyatha pi avuso kamsapati abhata apana va kammarakula va parisuddha pariyodata, tam-enam samika salinam odanam vicitakalakam anekasupam anekabyanjanam racayitva annissa kamsapatiya patikujjitva antarapanam patipajjeyyum, tam-enam jano disva evam vadeyya: Ambho, kim-ev' idam hariyati jannajannam viyati; tam-enam utthahitva apapuritva olokeyya, tassa saha dassanena manapata ca santhaheyya appatikulyata ca santhaheyya ajegucchita ca santhaheyya, suhitanam-pi bhottukamyata assa, pag-eva jighacchitanam; evam-eva kho avuso yassa kassaci bhikkhuno ime papaka akusala icchavacara pahina dissanti c' eva suyanti ca, kincapi so hoti gamantavihari nemantaniko gahapaticivaradharo, atha kho nam sabrahmacari sakkaronti garukaronti manenti pujenti; tam kissa hetu: te hi tassa ayasmato papaka akusala icchavacara pahina dissanti c' eva suyanti cati.

Evam vutte ayasma Mahamoggallano ayasmantam Sariputtam etad-avoca: Upama mam avuso Sariputta patibhatiti. - Patibhatu tam avuso Moggallanati. - Ekam-idaham avuso samayam Rajagahe viharami Giribbaje. Atha khvaham avuso pubbanhasamayam nivasetva pattacivaram adaya Rajagaham pindaya pavisim. Tena kho pana samayena Samiti yanakaraputto rathassa nemim tacchati, tam-enam Panduputto ajiviko puranayanakaraputto paccupatthito hoti.

Atha kho avuso Panduputtassa ajivikassa puranayanakaraputtassa evam cetaso parivitakko udapadi: Aho vatayam Samiti yanakaraputto imissa nemiya iman-ca vankam imanca jimham iman-ca dosam taccheyya, evayam nemi apagatavanka apagatajimha apagatadosa suddha 'ssa sare patitthita ti.

[page 032]

Yatha yatha kho avuso Panduputtassa ajivikassa puranayanakaraputtassa cetaso parivitakkitam hoti, tatha tatha Samiti yanakaraputto tassa nemiya tan-ca vankam tanca jimham tan-ca dosam tacchati. Atha kho avuso Panduputto ajiviko puranayanakaraputto attamano attamanavacam niccharesi: Hadaya hadayam manne annaya tacchatiti.

Evam-eva kho avuso ye te puggala assaddha jivikattha na saddha agarasma anagariyam pabbajita, satha mayavino ketubhino, uddhata unnala, capala mukhara vikinnavaca, indriyesu aguttadvara, bhojane amattannuno, jagariyam ananuyutta, samanne anapekhavanto, sikkhaya na tibbagarava, bahulika sathalika, okkamane pubbangama paviveke nikkhittadhura, kusita hinaviriya, mutthassati asampajana, asamahita vibbhantacitta, duppanna elamuga, tesam ayasma Sariputto imina dhammapariyayena hadaya hadayam manne annaya tacchati. Ye pana te kulaputta saddha agarasma anagariyam pabbajita, asatha amayavino aketubhino, anuddhata anunnala, acapala amukhara avikinnavaca, indriyesu guttadvara, bhojane mattannuno, jagariyam anuyutta, samanne apekhavanto, sikkhaya tibbagarava, na bahulika na sathalika, okkamane nikkhittadhura paviveke pubbangama, araddhaviriya pahitatta, upatthitasati sampajana, samahita ekaggacitta, {pannavanto} anelamuga, te ayasmato Sariputtassa imam dhammapariyayam sutva pipanti manne ghasanti manne vacasa c' eva manasa ca, sadhu vata bho sabrahmacari akusala vutthapetva kusale patitthapeti. Seyyatha pi avuso itthi va puriso va daharo yuva mandanakajatiko sisam nahato uppalamalam va vassikamalam va atimuttakamalam va labhitva ubhohi hatthehi patiggahetva uttamange sirasmim patitthapeyya, evam-eva kho avuso ye te kulaputta saddha agarasma anagariyam pabbajita, asatha ... ., sadhu vata bho sabrahmacari akusala vutthapetva kusale patitthapetiti.

Itiha te ubho mahanaga annamannassa subhasitam samanumodimsuti.

ANANGANASUTTAM PANCAMAM.

[page 033]

 


 

VI. Akankheyya Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Sampannasila bhikkhave viharatha sampannapatimokkha, patimokkhasamvarasamvuta viharatha acaragocarasampanna, anumattesu vajjesu bhayadassavi, samadaya sikkhatha sikkhapadesu. Akankheyya ce bhikkhave bhikkhu: sabrahmacarinam piyo c' assam manapo garu bhavaniyo cati, silesv-ev' assa paripurakari ajjhattam cetosamatham-anuyutto anirakatajjhano vipassanaya samannagato bruheta sunnagaranam.

Akankheyya ce bhikkhave bhikkhu: labhi assam civara-pindapata-senasana-gilanapaccayabhesajjaparikkharanan-ti, silesv-ev' assa paripurakari ajjhattam cetosamatham-anuyutto anirakatajjhano vipassanaya samannagato bruheta sunnagaranam. Akankheyya ce bhikkhave bhikkhu: yesaham civarapindapata-senasana-gilanapaccayabhesajjaparikkharam paribhunjami tesam te kara mahapphala assu mahanisamsa ti, silesv-ev' assa paripurakari - pe - bruheta sunnagaranam.

Akankheyya ce bhikkhave bhikkhu: ye me natisalohita peta kalakata pasannacitta anussaranti tesam tam mahapphalam assa mahanisamsan-ti, silesv-ev' assa - pe - bruheta sunnagaranam. Akankheyya ce bhikkhave bhikkhu: aratiratisaho assam na ca mam arati saheyya, uppannam aratim abhibhuyya abhibhuyya vihareyyan-ti, silesv-ev' assa paripurakari - pe - bruheta sunnagaranam. Akankheyya ce bhikkhave bhikkhu: bhayabheravasaho assam na ca mam bhayabheravam saheyya, uppannam bhayabheravam abhibhuyya abhibhuyya vihareyyan-ti, silesv-ev' assa paripurakari --pe-b. s. Akankheyya ce bhikkhave bhikkhu: catunnam jhananam abhicetasikanam ditthadhammasukhaviharanam nikamalabhi assam akicchalabhi akasiralabhi ti, silesv-ev' assa paripurakari - pe - b. s. Akankheyya ce bhikkhave bhikkhu: ye te santa vimokha atikkamma rupe aruppa te kayena phassitva vihareyyan-ti, silesv-ev' assa paripurakari - pe - b. s.

[page 034]

Akankheyya ce bhikkhave bhikkhu: tinnam samyojananam parikkhaya sotapanno assam avinipatadhammo niyato sambodhiparayano ti, silesv-ev' assa paripurakari - pe - b. s.

Akankheyya ce bhikkhave bhikkhu: tinnam samyojananam parikkhaya ragadosamohanam tanutta sakadagami assam, sakideva imam lokam agantva dukkhass' antam kareyyan-ti, silesvev' assa paripurakari - pe - b. s. Akankheyya ce bhikkhave bhikkhu: pancannam orambhagiyanam samyojananam parikkhaya opapatiko assam tatthaparinibbayi anavattidhammo tasma loka ti, silesv-ev' assa paripurakari - pe - b. s. Akankheyya ce bhikkhave bhikkhu: anekavihitam iddhividham paccanubhaveyyam, eko pi hutva bahudha assam, bahudha pi hutva eko assam, avibhavam tirobhavam tirokuddam tiropakaram tiropabbatam asajjamano gaccheyyam seyyatha pi akase, pathaviya pi ummujjanimujjam kareyyam seyyatha pi udake, udake pi abhijjamane gaccheyyam seyyatha pi pathaviyam, akase pi pallankena kameyyam seyyatha pi pakkhi sakuno, ime pi candimasuriye evam mahiddhike evam mahanubhave panina parimaseyyam parimajjeyyam, yava brahmaloka pi kayena vasam vatteyyan-ti, silesv-ev' assa paripurakari -pe - b. s. Akankheyya ce bhikkhave bhikkhu: dibbaya sotadhatuya visuddhaya atikkantamanusikaya ubho sadde suneyyam, dibbe ca manuse ca, ye dure santike cati, silesvev' assa paripurakari - pe - b. s. Akankheyya ce bhikkhave bhikkhu: parasattanam parapuggalanam cetasa ceto paricca pajaneyyam; saragam va cittam: saragam cittan-ti pajaneyyam, vitaragam va cittam: vitaragam cittan-ti pajaneyyam, sadosam va cittam: sadosam cittan-ti pajaneyyam, vitadosam va cittam: vitadosam cittan-ti pajaneyyam, samoham va cittam: samoham cittan-ti pajaneyyam, vitamoham va cittam: vitamoham cittan-ti pajaneyyam, sankhittam va cittam: sankhittam cittan-ti pajaneyyam, vikkhittam va cittam:

vikkhittam cittan-ti pajaneyyam, mahaggatam va cittam:

mahaggatam cittan-ti pajaneyyam, amahaggatam va cittam:

amahaggatam cittan-ti pajaneyyam, sa-uttaram va cittam:

sa-uttaram cittan-ti pajaneyyam, anuttaram va cittam: anuttaram cittan-ti pajaneyyam, samahitam va cittam: samahitam cittan-ti pajaneyyam,

[page 035]

asamahitam va cittam: asamahitam cittan-ti pajaneyyam, vimuttam va cittam: vimuttam cittan-ti pajaneyyam, avimuttam va cittam: avimuttam cittan-ti pajaneyyan-ti, silesv-ev' assa paripurakari --pe-b. s. Akankheyya ce bhikkhave bhikkhu: anekavihitam pubbenivasam anussareyyam, seyyathidam: ekam-pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim-pi jatiyo timsam-pi jatiyo {cattalisampi} jatiyo pannasam-pi jatiyo jatisatam-pi jatisahassam-pi jatisatasahassam-pi, aneke pi samvattakappe aneke pi vivattakappe aneke pi samvattavivattakappe; amutr' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto amutra udapadim, tatrap' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto idhupapanno ti. iti sakaram sa-uddesam anekavihitam pubbenivasam anussareyyan-ti, silesv-ev' assa paripurakari - pe - b. s. Akankheyya ce bhikkhave bhikkhu: dibbena cakkhuna visuddhena atikkantamanusakena satte passeyyam cavamane upapajjamane, hine panite suvanne dubbanne sugate duggate yathakammupage satte pajaneyyam: ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana, te kayassa bheda param-marana apayam duggatim vinipatam nirayam upapanna, ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana, te kayassa bheda param-marana sugatim saggam lokam upapanna ti, iti dibbena cakkhuna visuddhena atikkantamanusakena satte passeyyam cavamane upapajjamane, hine panite suvanne dubbanne sugate duggate yathakammupage satte pajaneyyan-ti, silesv-ev' assa paripurakari ajjhattam cetosamatham-anuyutto anirakatajjhano vipassanaya samannagato bruheta sunnagaranam. Akankheyya ce bhikkhave bhikkhu: asavanam khaya anasavam cetovimuttim pannavimuttim ditthe va dhamme sayam abhinnaya sacchikatva upasampajja vihareyyan-ti,

[page 036]

silesv-ev' assa paripurakari ajjhattam cetosamatham-anuyutto anirakatajjhano vipassanaya samannagato bruheta sunnagaranam.

Sampannasila bhikkhave viharatha sampannapatimokkha, patimokkhasamvarasamvuta viharatha acaragocarasampanna, anumattesu vajjesu bhayadassavi, samadaya sikkhatha sikkhapadesuti, iti yan-tam vuttam idam-etam paticca vuttan-ti.

Idam-avoca Bhagava. Attamana te bhikkhu Bhagavato bhasitam abhinandun-ti.

AKANKHEYYASUTTAM CHATTHAM.

 


 

VII. Vatthupama Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Seyyatha pi bhikkhave vattham sankilittham malaggahitam, tam-enam rajako yasmim yasmim rangajate upasamhareyya, yadi nilakaya yadi pitakaya yadi lohitakaya yadi manjetthakaya, durattavannam-ev' assa, aparisuddhavannamev' assa; tam kissa hetu: aparisuddhatta bhikkhave vatthassa; evam-eva kho bhikkhave citte sankilitthe duggati patikankha. Seyyatha pi bhikkhave vattham parisuddham pariyodatam, tam-enam rajako yasmim yasmim rangajate upasamhareyya, yadi nilakaya yadi pitakaya yadi lohitakaya yadi manjetthakaya, surattavannam-ev' assa, parisuddhavannamev' assa; tam kissa hetu: parisuddhatta bhikkhave vatthassa; evam-eva kho bhikkhave citte asankilitthe sugati patikankha.

Katame ca bhikkhave cittassa upakkilesa: Abhijjhavisamalobho cittassa upakkileso, byapado cittassa upakkileso, kodho c. u., upanaho c. u., makkho c. u., palaso c. u., issa c. u., macchariyam c. u., maya c. u., satheyyam c. u., thambho c. u., sarambho c. u., mano c. u., atimano c. u., mado c. u.,

[page 037]

pamado cittassa upakkileso. Sa kho so bhikkhave bhikkhu: abhijjhavisamalobho cittassa upakkileso ti iti viditva abhijjhavisamalobham cittassa upakkilesam pajahati, byapado cittassa upakkileso ti iti viditva byapadam cittassa upakkilesam pajahati, kodho ... ., upanaho ... ., makkho ... ., palaso ... ., issa ... ., macchariyam ... ., maya ... ., satheyyam ... ., thambho ... ., sarambho ... ., mano ... ., atimano ... ., mado ... ., pamado cittassa upakkileso ti iti viditva pamadam cittassa upakkilesam pajahati. Yato kho bhikkhave bhikkhuno: abhijjhavisamalobho cittassa upakkileso ti iti viditva abhijjhavisamalobho cittassa upakkileso pahino hoti, byapado ... ., kodho ... ., upanaho ... ., makkho ... ., palaso ... ., issa ... ., macchariyam ... ., maya ... ., satheyyam ... ., thambho ... ., sarambho ... ., mano ... ., atimano ... ., mado ... ., pamado cittassa upakkileso ti iti viditva pamado cittassa upakkileso pahino hoti, so Buddhe aveccappasadena samannagato hoti: Iti pi so Bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava ti; dhamme aveccappasadena samannagato hoti: Svakkhato Bhagavata dhammo sanditthiko akaliko ehipassiko opanayiko paccattam veditabbo vinnuhiti; sanghe aveccappasadena samannagato hoti: Supatipanno Bhagavato savakasangho, ujupatipanno Bhagavato savakasangho, nayapatipanno Bhagavato savakasangho samicipatipanno Bhagavato savakasangho, yadidam cattari purisayugani attha purisapuggala esa, Bhagavato savakasangho ahuneyyo pahuneyyo dakkhineyyo anjalikaraniyo, anuttaram punnakkhettam lokassati. Yathodhi kho pan' assa cattam hoti vantam muttam pahinam patinissattham. So: Buddhe aveccappasadena samannagato 'mhiti labhati atthavedam, labhati dhammavedam, labhati dhammupasamhitam pamujjam. pamuditassa piti jayati, pitimanassa kayo passambhati, passaddhakayo sukham vedeti, sukhino cittam samadhiyati; dhamme aveccappasadena samannagato 'mhiti labhati atthavedam, labhati dhammavedam, labhati dhammupasamhitam pamujjam, pamuditassa piti jayati, pitimanassa kayo passambhati, passaddhakayo sukham vedeti, sukhino cittam samadhiyati;

[page 038]

sanghe aveccappasadena samannagato 'mhiti labhati atthavedam, labhati dhammavedam, labhati dhammupasamhitam pamujjam, pamuditassa piti jayati, pitimanassa kayo passambhati, passaddhakayo sukham vedeti, sukhino cittam samadhiyati. Yathodhi kho pana me cattam vantam muttam pahinam patinissatthan-ti labhati atthavedam, labhati dhammavedam, labhati dhammupasamhitam pamujjam, pamuditassa piti jayati, pitimanassa kayo passambhati,passaddhakayo sukham vedeti, sukhino cittam samadhiyati.

Sa kho so bhikkhave bhikkhu evamsilo evamdhammo evampanno salinan-ce pi pindapatam bhunjati vicitakalakam anekasupam anekabyanjanam n' ev' assa tam hoti antarayaya. Seyyatha pi bhikkhave vattham sankilittham malaggahitam accham udakam agamma parisuddham hoti pariyodatam, ukkamukham va pan' agamma jatarupam parisuddham hoti pariyodatam, evam-eva kho bhikkhave bhikkhu evamsilo evamdhammo evampanno salinan-ce pi pindapatam bhunjati vicitakalakam anekasupam anekabyanjanam n' ev' assa tam hoti antarayaya.

So mettasahagatena cetasa ekam disam pharitva viharati, tatha dutiyam, tatha tatiyam, tatha catutthim, iti uddhamadho tiriyam sabbadhi sabbatthataya sabbavantam lokam mettasahagatena cetasa vipulena mahaggatena appamanena averena abyabajjhena pharitva viharati. Karunasahagatena cetasa - pe - muditasahagatena cetasa - upekhasahagatena cetasa ekam disam pharitva viharati, tatha dutiyam, tatha tatiyam, tatha catutthim, iti uddham-adho tiriyam sabbadhi sabbatthataya sabbavantam lokam upekhasahagatena cetasa vipulena mahaggatena appamanena averena abyabajjhena pharitva viharati.

So: Atthi idam, atthi hinam atthi panitam, atthi imassa sannagatassa uttarim nissaranan-ti pajanati. Tassa evam janato evam passato kamasava pi cittam vimuccati, bhavasava pi cittam vimuccati, avijjasava pi cittam vimuccati, vimuttasmim vimuttam-iti nanam hoti; khina jati, vusitam brahmacariyam, katam karaniyam naparam itthattayati pajanati.

[page 039]

Ayam vuccati bhikkhave bhikkhu sinato antarena sinanenati.

Tena kho pana samayena Sundarikabharadvajo brahmano Bhagavato avidure nisinno hoti. Atha kho Sundarikabharadvajo brahmano Bhagavantam etad-avoca: Gacchati pana bhavam Gotamo Bahukam nadim sinayitun-ti. -Kim brahmana Bahukaya nadiya, kim Bahuka nadi karissatiti. - Mokkhasammata hi bho Gotama Bahuka nadi bahujanassa, punnasammata hi bho Gotama Bahuka nadi bahujanassa, Bahukaya ca pana nadiya bahujano papam katam kammam pavahetiti. Atha kho Bhagava Sundarikabharadvajam brahmanam gathahi ajjhabhasi:

Bahukam Adhikakkan-ca, Gayam Sundarikam-api,
Sarassatim Payagan-ca, atho Bahumatim nadim
Niccam-pi balo pakkhanno kanhakammo na sujjhati,
kim Sundarika karissati, kim-Payago, kim-Bahuka nadi.
Verim katakibbisam naram
na hi nam sodhaye papakamminam;
suddhassa ye sada phaggu, suddhass' uposatho sada,
suddhassa sucikammassa sada sampajjate vatam.
Idh' eva sinahi brahmana,
sabbabhutesu karohi khematam;
sace musa na bhanasi, sace panam na himsasi,
Sace adinnam n' adiyasi, saddahano amacchari,
kim kahasi Gayam gantva, udapano pi te Gaya ti.

Evam vutte Sundarikabharadvajo brahmano Bhagavantam etad-avoca: Abhikkantam bho Gotama, abhikkantam bho Gotama. Seyyatha pi bho Gotama nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam bhota Gotamena anekapariyayena dhammo pakasito. Esaham bhavantam Gotamam saranam gacchami dhamman-ca bhikkhusanghan-ca. Labheyyaham bhoto Gotamassa santike pabbajjam, labheyyam upasampadan-ti. Alattha kho Sundarikabharadvajo brahmano Bhagavato santike pabbajjam, alattha upasampadam. Acirupasampanno kho pan' ayasma Bharadvajo eko vupakattho appamatto atapi pahitatto viharanto nacirass' eva yass' atthaya kulaputta samma-d-eva agarasma anagariyam pabbajanti tad-anuttaram brahmacariyapariyosanam ditthe va dhamme sayam abhinnaya sacchikatva upasampajja vihasi;

[page 040]

khina jati, vusitam brahmacariyam, katam karaniyam naparam itthattayati abbhannasi, annataro kho pan' ayasma Bharadvajo arahatam ahositi.

VATTHUPAMASUTTAM SATTAMAM.

 


 

VIII. Sallekha Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho ayasma Mahacundo sayanhasamayam patisallana vutthito yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho ayasma Mahacundo Bhagavantam etad-avoca: Ya ima bhante anekavihita ditthiyo loke uppajjanti attavadapatisamyutta va lokavadapatisamyutta va, adim-eva nu kho bhante bhikkhuno manasikaroto evam-etasam ditthinam pahanam hoti, evam-etasam ditthinam patinissaggo hotiti.

Ya ima Cunda anekavihita ditthiyo loke uppajjanti attavadapatisamyutta va lokavadapatisamyutta va, yattha c' eta ditthiyo uppajjanti yattha ca anusenti yattha ca samudacaranti, tam: n' etam mama, n' eso 'ham-asmi, na meso atta ti evam-etam yathabhutam sammappannaya passato evam-etasam ditthinam pahanam hoti, evam-etasam ditthinam patinissaggo hoti. Thanam kho pan' etam Cunda vijjati yam idh' ekacco bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja vihareyya; tassa evam-assa: sallekhena viharamiti. Na kho pan' ete Cunda ariyassa vinaye sallekha vuccanti, ditthadhammasukhavihara ete ariyassa vinaye vuccanti.

[page 041]

Thanam kho pan' etam Cunda vijjati yam idh' ekacco bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja vihareyya; tassa evam-assa: sallekhena viharamiti.

Na kho pan' ete ... vuccanti. Thanam kho pan' etam Cunda vijjati yam idh' ekacco bhikkhu pitiya ca viraga upekhako ca vihareyya sato ca sampajano sukhan-ca kayena patisamvedeyya yan-tam ariya acikkhanti: upekhako satima sukhavihari ti tatiyam jhanam upasampajja vihareyya; tassa evam-assa: sallekhena viharamiti. Na kho pan' ete ... vuccanti. Thanam kho pan' etam Cunda vijjati yam idh' ekacco bhikkhu sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja vihareyya; tassa evam-assa: sallekhena viharamiti.

Na kho pan' ete Cunda ariyassa vinaye sallekha vuccanti ditthadhammasukhavihara ete ariyassa vinaye vuccanti.

Thanam kho pan' etam Cunda vijjati yam idh' ekacco bhikkhu sabbaso rupasannanam samatikkama patighasannanam atthagama nanattasannanam amanasikara ananto akaso ti akasanancayatanam upasampajja vihareyya; tassa evam-assa:

sallekhena viharamiti. Na kho pan' ete Cunda ariyassa vinaye sallekha vuccanti, santa ete vihara ariyassa vinaye vuccanti. Thanam kho pan' etam Cunda vijjati yam idh' ekacco bhikkhu sabbaso akasanancayatanam samatikkamma anantam vinnanan-ti vinnanancayatanam upasampajja vihareyya; tassa evam-assa: sallekhena viharamiti. Na kho pan' ete Cunda ... vuccanti. Thanam kho pan' etam Cunda vijjati yam idh' ekacco bhikkhu sabbaso vinnanancayatanam samatikkamma na-tthi kinciti akincannayatanam upasampajja vihareyya; tassa evam-assa: sallekhena viharamiti.

Na kho pan' ete Cunda ... vuccanti. Thanam kho pan' etam Cunda vijjati yam idh' ekacco bhikkhu sabbaso akincannayatanam samatikkamma nevasannanasannayatanam upasampajja vihareyya; tassa evam-assa: sallekhena viharamiti.

[page 042]

Na kho pan' ete Cunda ariyassa vinaye sallekha vuccanti, santa ete vihara ariyassa vinaye vuccanti.

Idha kho pana vo Cunda sallekho karaniyo: Pare vihimsaka bhavissanti, mayam-ettha avihimsaka bhavissamati sallekho karaniyo. Pare panatipati bhavissanti, mayam-ettha panatipata pativirata bhavissamati sallekho karaniyo. Pare adinnadayi bhavissanti, mayam-ettha adinnadana pativirata bhavissamati s. k. Pare abrahmacari bhavissanti, mayamettha brahmacari bhavissamati s. k. Pare musavadi bhavissanti, mayam-ettha musavada pativirata bhavissamati s. k.

Pare pisunavaca bhavissanti, mayam-ettha pisunaya vacaya pativirata bhavissamati s. k. Pare pharusavaca bhavissanti, mayam-ettha pharusaya vacaya pativirata bhavissamati s. k.

Pare samphappalapi bhavissanti, mayam-ettha samphappalapa pativirata bhavissamati s. k. Pare abhijjhalu bhavissanti, mayam-ettha anabhijjhalu bhavissamati s. k. Pare byapannacitta bhavissanti, mayam-ettha abyapannacitta bhavissamati s. k. Pare micchaditthi bhavissanti, mayam-ettha sammaditthi bhavissamati s. k. Pare micchasankappa bhavissanti, mayamettha sammasankappa bhavissamati s. k. Pare micchavaca bhavissanti, mayam-ettha sammavaca bhavissamati s. k. Pare micchakammanta bhavissanti, mayam-ettha sammakammanta bhavissamati s. k. Pare micchaajiva bhavissanti, mayam-ettha sammaajiva bhavissamati s. k. Pare micchavayama bhavissanti, mayam-ettha sammavayama bhavissamati s. k.

Pare micchasati bhavissanti, mayam-ettha sammasati bhavissamati s. k. Pare micchasamadhi bhavissanti, mayamettha sammasamadhi bhavissamati s. k. Pare micchanani bhavissanti, mayam-ettha sammanani bhavissamati s. k.

Pare micchavimutti bhavissanti, mayam-ettha sammavimutti bhavissamati s. k. Pare thinamiddhapariyutthita bhavissanti, mayam-ettha vigatathinamiddha bhavissamati s. k. Pare uddhata bhavissanti, mayam-ettha anuddhata bhavissamati s. k. Pare vecikicchi bhavissanti, mayam-ettha tinnavicikiccha bhavissamati s. k. Pare kodhana bhavissanti, mayam-ettha akkodhana: bhavissamati s. k. Pare upanahi bhavissanti, mayam-ettha anupanahi bhavissamati s. k.

[page 043]

Pare makkhi bhavissanti, mayam-ettha amakkhi bhavissamati s. k. Pare palasi bhavissanti, mayam-ettha apalasi bhavissamati s. k. Pare issuki bhavissanti, mayam-ettha anissuki bhavissamati s. k. Pare macchari bhavissanti, mayam-ettha amacchari bhavissamati s. k. Pare satha bhavissanti, mayam-ettha asatha bhavissamati s. k. Pare mayavi bhavissanti, mayam-ettha amayavi bhavissamati s. k.

Pare thaddha bhavissanti, mayam-ettha atthaddha bhavissamati s. k. Pare atimani bhavissanti, mayam-ettha anatimani bhavissamati s. k. Pare dubbaca bhavissanti, mayamettha suvaca bhavissamati s. k. Pare papamitta bhavissanti. mayam-ettha kalyanamitta bhavissamati s. k. Pare pamatta bhavissanti, mayam-ettha appamatta bhavissamati s. k. Pare assaddha bhavissanti, mayam-ettha saddha bhavissamati s. k. Pare ahirika bhavissanti, mayam-ettha hirimana bhavissamati s. k. Pare anottapi bhavissanti, mayam-ettha ottapi bhavissamati s. k. Pare appassuta bhavissanti, mayam-ettha bahussuta bhavissamati s. k. Pare kusita bhavissanti, mayam-ettha araddhaviriya bhavissamati s. k. Pare mutthassati bhavissanti, mayam-ettha upatthitasati bhavissamati s. k. Pare duppanna bhavissanti, mayamettha pannasampanna bhavissamati s. k. Pare sanditthiparamasi-adhanagahi-duppatinissaggi bhavissanti, mayam-ettha asanditthiparamasi-anadhanagahi-suppatinissaggi bhavissamati sallekho karaniyo.

Cittuppadam-pi kho aham Cunda kusalesu dhammesu bahukaram vadami, ko pana vado kayena vacaya anuvidhiyanasu. Tasmatiha Cunda: Pare vihimsaka bhavissanti, mayam-ettha avihimsaka bhavissamati cittam uppadetabbam.

Pare panatipati bhavissanti, mayam-ettha panatipata pativirata bhavissamati cittam uppadetabbam --pe--. Pare sanditthiparamasi-adhanagahi-duppatinissaggi bhavissanti, mayam-ettha asanditthiparamasi-anadhanagahi-suppatinissaggi bhavissamati cittam uppadetabbam.

Seyyatha pi Cunda visamo maggo, tassassa anno samo maggo parikkamanaya, seyyatha pi pana Cunda visamam tittham, tassassa annam samam tittham parikkamanaya, evam-eva kho Cunda vihimsakassa purisapuggalassa avihimsa hoti parikkamanaya,

[page 044]

panatipatissa purisapuggalassa panatipata veramani hoti parikkamanaya, adinnadayissa p.

adinnadana veramani h. p., abrahmacarissa p. brahmacariyam h. p., musavadissa p. musavada veramani h. p., pisunavacassa p. pisunaya vacaya veramani h. p., pharusavacassa p. pharusaya vacaya veramani h. p., samphappalapissa p.

samphappalapa veramani h. p., abhijjhalussa p. anabhijjha h. p., byapannacittassa p. abyapado h. p., micchaditthissa p.

sammaditthi h. p., micchasankappassa p. sammasankappo h. p., micchavacassa p. sammavaca h. p., micchakammantassa p.

sammakammanto h. p., micchaajivassa p. sammaajivo h. p., micchavayamassa p. sammavayamo h. p., micchasatissa p.

sammasati h. p., micchasamadhissa p. sammasamadhi h. p., micchananissa p. sammananam h. p., micchavimuttissa p.

sammavimutti h. p., thinamiddhapariyutthitassa p. vigatathinamiddhata h. p., uddhatassa p. anuddhaccam h. p., vecikicchissa p. tinnavicikicchata h. p., kodhanassa p. akkodho h. p., upanahissa p. anupanaho h. p., makkhissa p. amakkho h. p., palasissa p. apalaso h. p., issukissa p. anissa h.p., maccharissa p. amacchariyam h. p., sathassa p. asatheyyam h. p., mayavissa p. amaya h. p., thaddhassa p. atthaddhiyam h. p., atimanissa p. anatimano h. p., dubbacassa p. sovacassata h. p., papamittassa p. kalyanamittata h. p., pamattassa p. appamado h. p., assaddhassa p. saddha h. p., ahirikassa p. hiri h. p., anottapissa p. ottappam h. p., appassutassa p.

bahusaccam h. p., kusitassa p. viriyarambho h. p., mutthassatissa p. upatthitasatita h. p., duppannassa p. pannasampada h. p., sanditthiparamasi-adhanagahi-duppatinissaggissa purisapuggalassa asanditthiparamasi-anadhanagahi-suppatinissaggita hoti parikkamanaya.

Seyyatha pi cunda ye keci akusala dhamma sabbe te adhobhavangamaniya. ye keci kusala dhamma sabbe te uparibhavangamaniya. evam-eva kho Cunda vihimsakassa purisapuggalassa avihimsa hoti uparibhavaya, panatipatissa purisapuggalassa panatipata veramani hoti uparibhavaya, adinnadayissa - pe - sanditthiparamasi-adhanagahi-duppatinissaggissa purisapuggalassa asanditthiparamasi-anadhanagahi-suppatinissaggita hoti uparibhavaya.

[page 045]

So vata Cunda attana palipapalipanno param palipapalipannam uddharissatiti n' etam thanam vijjati. So vata Cunda attana apalipapalipanno param palipapalipannam uddharissatiti thanam-etam vijjati. So vata Cunda attana adando avinito aparinibbuto param damessati vinessati parinibbapessatiti n' etam thanam vijjati. So vata Cunda attana danto vinito parinibbuto param damessati vinessati parinibbapessatiti thanam-etam vijjati. Evam-eva kho Cunda vihimsakassa purisapuggalassa avihimsa hoti parinibbanaya, panatipatissa purisapuggalassa panatipata veramani hoti parinibbanaya. adinnadayissa p. adinnadana veramani h. p., abrahmacarissa p. brahmacariyam h. p., musavadissa p. musavada veramani h. p., pisunavacassa p. pisunaya vacaya veramani h. p., pharusavacassa p. pharusaya vacaya veramani h. p., samphappalapissa p. samphappalapa veramani h. p., abhijjhalussa p. anabhijjha h. p., byapannacittassa p.

abyapado h. p., micchaditthissa p. sammaditthi h. p., micchasankappassa p. sammasankappo h. p., micchavacassa p. sammavaca h. p., micchakammantassa p. sammakammanto h. p., micchaajivassa p. sammaajivo h. p., micchavayamassa p.

sammavayamo h. p., micchasatissa p. sammasati h. p., micchasamadhissa p. sammasamadhi h. p., micchananissa p. sammananam h. p., micchavimuttissa p. sammavimutti h. p. thinamiddhapariyutthitassa p. vigatathinamiddhata h. p., uddhatassa p. anuddhaccam h. p., vecikicchissa p. tinnavicikicchata h. p., kodhanassa p. akkodho h. p., upanahissa p. anupanaho h. p., makkhissa p. amakkho h. p ., palasissa p. apalaso h. p., issukissa p. anissa h. p., maccharissa p. amacchariyam h. p., sathassa p. asatheyyam h. p., mayavissa p. amaya h. p., thaddhassa p. atthaddhiyam h. p., atimanissa p. anatimano h. p., dubbacassa p. sovacassata h. p., papamittassa p. kalyanamittata h. p ., pamattassa p. appamado h. p ., assaddhassa p.

saddha h. p., ahirikassa p. hiri h. p., anottapissa p. ottappam h. p., appassutassa p. bahusaccam h. p., kusitassa p. viriyarambho h. p., mutthassatissa upatthitasatita h. p., duppannassa

[page 046]

p. pannasampada h. p., sanditthiparamasi-adhanagahi-duppatinissaggissa purisapuggalassa asanditthiparamasi-anadhanagahi-suppatinissaggita hoti parinibbanaya.

Iti kho Cunda desito maya sallekhapariyayo, desito cittuppadapariyayo, desito parikkamanapariyayo, desito uparibhavapariyayo, desito parinibbanapariyayo. Yam kho Cunda satthara karaniyam savakanam hitesina anukampakena anukampam upadaya katam vo tam maya. Etani Cunda rukkhamulani, etani sunnagarani. Jhayatha Cunda, ma pamadattha, ma paccha vippatisarino ahuvattha, ayam vo amhakam anusasani ti.

Idam-avoca Bhagava. Attamano ayasma Mahacundo Bhagavato bhasitam abhinanditi.

SALLEKHASUTTAM ATTHAMAM.

 


 

IX. Sallekha Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho ayasma Sariputto bhikkhu amantesi: Bhikkhavo ti. Avuso ti kho te bhikkhu ayasmato Sariputtassa paccassosum.

Ayasma Sariputto etad-avoca:

Sammaditthi sammaditthiti avuso vuccati. Kittavata nu kho avuso ariyasavako sammaditthi hoti, ujugata 'ssa ditthi, dhamme aveccappasadena samannagato, agato imam saddhamman-ti. - Durato pi kho mayam avuso agaccheyyama ayasmato Sariputtassa santike etassa bhasitassa attham-annatum, sadhu vat' ayasmantam yeva Sariputtam patibhatu etassa bhasitassa attho, ayasmato Sariputtassa sutva bhikkhu dharessantiti. - Tena h' avuso sunatha, sadhukam manasikarotha, bhasissamiti. Evam-avuso ti kho te bhikkhu ayasmato Sariputtassa paccassosum. Ayasma Sariputto etad-avoca:

Yato kho avuso ariyasavako akusalan-ca pajanati akusalamulan-ca pajanati, kusalan-ca pajanati kusalamulan-ca pajanati,

[page 047]

ettavata pi kho avuso ariyasavako sammaditthi hoti, ujugata 'ssa ditthi, dhamme aveccappasadena samannagato, agato imam saddhammam. Katamam pan' avuso akusalam, katamam akusalamulam, katamam kusalam, katamam kusalamulam: Panatipato kho avuso akusalam, adinnadanam akusalam, kamesu micchacaro akusalam, musavado akusalam, pisuna vaca akusalam, pharusa vaca akusalam, samphappalapo akusalam, abhijjha akusalam, byapado akusalam, micchaditthi akusalam. Idam vuccat' avuso akusalam. Kataman-c' avuso akusalamulam: Lobho akusalamulam, doso akusalamulam.

moho akusalamulam. Idam vuccat' avuso akusalamulam.

Kataman-c' avuso kusalam: Panatipata veramani kusalam, adinnadana veramani kusalam, kamesu micchacara veramani kusalam, musavada veramani kusalam, pisunaya vacaya veramani kusalam, pharusaya vacaya veramani kusalam, samphappalapa veramani kusalam, anabhijjha kusalam, abyapado kusalam, sammaditthi kusalam. Idam vuccat' avuso kusalam.

Kataman-c' avuso kusalamulam: Alobho kusalamulam, adoso kusalamulam, amoho kusalamulam. Idam vuccat' avuso kusalamulam. Yato kho avuso ariyasavako evam akusalam pajanati evam akusalamulam pajanati, evam kusalam pajanati evam kusalamulam pajanati, so sabbaso raganusayam pahaya patighanusayam pativinodetva asmiti ditthimananusayam samuhanitva avijjam pahaya vijjam uppadetva ditthe va dhamme dukkhass' antakaro hoti. Ettavata pi kho avuso ariyasavako sammaditthi hoti ujugata 'ssa ditthi, dhamme aveccappasadena samannagato. agato imam saddhamman-ti.

Sadh' avuso ti kho te bhikkhu ayasmato Sariputtassa bhasitam abhinanditva anumoditva ayasmantam Sariputtam uttarim panham apucchum: Siya pan' avuso anno pi pariyayo yatha ariyasavako sammaditthi hoti, ujugata 'ssa ditthi, dhamme aveccappasadena samannagato, agato imam saddhamman-ti. - Siya avuso. Yato kho avuso ariyasavako aharan-ca pajanati aharasamudayan-ca pajanati aharanirodhan-ca pajanati aharanirodhagamini-patipadan-ca pajanati, ettavata pi kho avuso ariyasavako sammaditthi hoti, ujugata 'ssa ditthi, dhamme aveccappasadena samannagato, agato imam saddhammam.

[page 048]

Katamo pan' avuso aharo, katamo aharasamudayo, katamo aharanirodho, katama aharanirodhagamini-patipada: Cattaro 'me avuso ahara bhutanam va sattanam thitiya sambhavesinam va anuggahaya. katame cattaro: Kabalimkaro aharo olariko va sukhumo va, phasso dutiyo, manosancetana tatiyo, vinnanam catuttho. Tanhasamudaya aharasamudayo, tanhanirodha aharanirodho, ayameva ariyo atthangiko maggo aharanirodhagamini-patipada, seyyathidam: sammaditthi sammasankappo sammavaca sammakammanto sammaajivo sammavayamo sammasati sammasamadhi. Yato kho avuso ariyasavako evam aharam pajanati, evam aharasamudayam pajanati, evam aharanirodham pajanati, evam aharanirodhagamini-patipadam pajanati, so sabbaso raganusayam pahaya patighanusayam pativinodetva asmiti ditthimananusayam samuhanitva avijjam pahaya vijjam uppadetva ditthe va dhamme dukkhass' antakaro hoti.

Ettavata pi kho avuso ariyasavako sammaditthi hoti, ujugata 'ssa ditthi, dhamme aveccappasadena samannagato, agato imam saddhamman-ti.

Sadh' avuso ti kho te bhikkhu ayasmato Sariputtassa bhasitam abhinanditva anumoditva ayasmantam Sariputtam uttarim panham apucchum: Siya pan' avuso anno pi pariyayo yatha ariyasavako sammaditthi hoti - pe - agato imam saddhamman-ti. - Siya avuso. Yato kho avuso ariyasavako dukkhan-ca pajanati dukkhasamudayan-ca pajanati dukkhanirodhan-ca pajanati dukkhanirodhagamini-patipadan-ca pajanati. ettavata pi kho avuso ariyasavako sammaditthi hoti, ujugata 'ssa ditthi, dhamme aveccappasadena samannagato, agato imam saddhammam. Katamam pan' avuso dukkham, katamo dukkhasamudayo, katamo dukkhanirodho, katama dukkhanirodhagamini-patipada. Jati pi dukkha, jara pi dukkha, byadhi pi dukkha, maranam-pi dukkham, sokaparidevadukkhadomanassupayasa pi dukkha, yam-p' iccham na labhati tam-pi dukkham, sankhittena panc' upadanakkhandha dukkha. Idam vuccat' avuso dukkham. Katamo c' avuso dukkhasamudayo: Ya 'yam tanha ponobhavika nandiragasahagata tatratatrabhinandini, seyyathidam: kamatanha bhavatanha vibhavatanha,

[page 049]

ayam vuccat' avuso dukkhasamudayo.

Katamo c' avuso dukkhanirodho: Yo tassa yeva tanhaya asesaviraganirodho cago patinissaggo mutti analayo, ayam vuccat' avuso dukkhanirodho. Katama c' avuso dukkhanirodhagamini-patipada: Ayam-eva ariyo atthangiko maggo dukkhanirodhagamini-patipada, seyyathidam: sammaditthi -pe - sammasamadhi. Yato kho avuso ariyasavako evam dukkham pajanati, evam dukkhasamudayam pajanati, evam dukkhanirodham pajanati, evam dukkhanirodhagamini-patipadam pajanati, so sabbaso raganusayam pahaya patighanusayam pativinodetva --pe--. Ettavata pi kho ... saddhamman-ti.

Sadh' avuso ti kho ... apucchum: Siya pan' avuso anno pi pariyayo yatha ariyasavako sammaditthi hoti - pe - agato imam saddhamman-ti. - Siya avuso. Yato kho avuso ariyasavako jaramaranan-ca pajanati jaramaranasamudayan-ca pajanati jaramarananirodhan-ca pajanati jaramarananirodhagamini-patipadan-ca pajanati, ettavata pi kho ... saddhammam. Katamam pan' avuso jaramaranam, katamo jaramaranasamudayo, katamo jaramarananirodho, katama jaramarananirodhagamini-patipada: Ya tesam tesam sattanam tamhi tamhi sattanikaye jara jiranata khandiccam paliccam valittacata, ayuno samhani indriyanam paripako, ayam vuccat' avuso jara. [Kataman-c' avuso maranam:] Yam tesam tesam sattanam tamha tamha sattanikaya cuti cavanata bhedo antaradhanam maccumaranam kalakiriya, khandhanam bhedo kalebarassa nikkhepo, idam vuccat' avuso maranam. Iti ayan-ca jara idan-ca maranam idam vuccat' avuso jaramaranam.

Jatisamudaya jaramaranasamudayo, jatinirodha jaramarananirodho, ayam-eva ariyo atthangiko maggo jaramarananirodhagamini-patipada, seyyathidam: sammaditthi - pe - sammasamadhi. Yato kho avuso ariyasavako evam jaramaranam pajanati, evam jaramaranasamudayam pajanati, evam jaramarananirodham pajanati, evam jaramarananirodhagaminipatipadam pajanati, so sabbaso raganusayam pahaya patighanusayam pativinodetva --pe--. Ettavata pi kho ... saddhamman-ti.

Sadh' avuso ti kho ... apucchum: Siya pan' avuso -pe --.

[page 050]

- Siya avuso. Yato kho avuso ariyasavako jatin-ca pajanati jatisamudayan-ca pajanati jatinirodhan-ca pajanati jatinirodhagamini-patipadan-ca pajanati, ettavata pi kho ... saddhammam. Katama pan' avuso jati, katamo jatisamudayo, katamo jatinirodho, katama jatinirodhagamini-patipada: Ya tesam tesam sattanam tamhi tamhi sattanikaye jati sanjati okkanti abhinibbatti, khandhanam patubhavo ayatananam patilabho, ayam vuccat' avuso jati. Bhavasamudaya jatisamudayo, bhavanirodha jatinirodho, ayam-eva ariyo atthangiko maggo jatinirodhagamini-patipada, seyyathidam: sammaditthi - pe - sammasamadhi. Yato kho avuso ariyasavako evam jatim pajanati, evam jatisamudayam pajanati, evam jatinirodham pajanati, evam jatinirodhagamini-patipadam pajanati, so sabbaso raganusayam pahaya --pe--. Ettavata pi kho ... saddhamman-ti.

Sadh' avuso ti kho ... apucchum: Siya pan' avuso -pe --. - Siya avuso. Yato kho avuso ariyasavako bhavanca pajanati bhavasamudayan-ca pajanati bhavanirodhan-ca pajanati bhavanirodhagamini-patipadan-ca pajanati, ettavata pi kho ... saddhammam. Katamo pan' avuso bhavo, katamo bhavasamudayo, katamo bhavanirodho, katama bhavanirodhagamini-patipada: Tayo 'me avuso bhava: kamabhavo rupabhavo arupabhavo. Upadanasamudaya bhavasamudayo upadananirodha bhavanirodho, ayam-eva ariyo atthangiko maggo bhavanirodhagamini-patipada, seyyathidam:

sammaditthi - pe - sammasamadhi. Yato kho avuso ariyasavako evam bhavam pajanati, evam bhavasamudayam pajanati, evam bhavanirodham pajanati, evam bhavanirodhagamini-patipadam pajanati, so sabbaso raganusayam pahaya --pe--. Ettavata pi kho ... saddhamman-ti.

Sadh' avuso ti kho ... apucchum: Siya pan' avuso -pe --. - Siya avuso. Yato kho avuso ariyasavako upadanan-ca pajanati upadanasamudayan-ca pajanati upadananirodhan-ca pajanati upadananirodhagamini-patipadan-ca pajanati, ettavata pi kho ... saddhammam. Katamam pan' avuso upadanam, katamo upadanasamudayo, katamo upadananirodho, katama upadananirodhagamini-patipada: Cattaro 'me avuso upadana:

[page 051]

kamupadanam ditthupadanam silabbatupadanam attavadupadanam. Tanhasamudaya upadanasamudayo, tanhanirodha upadananirodho, ayam-eva ariyo atthangiko maggo upadananirodhagamini-patipada, seyyathidam: sammaditthi - pe - sammasamadhi. Yato kho avuso ariyasavako evam upadanam pajanati, evam upadanasamudayam pajanati, evam upadananirodham pajanati, evam upadananirodhagamini-patipadam pajanati, so sabbaso raganusayam pahaya --pe--.

Ettavata pi kho ... saddhamman-ti.

Sadh' avuso ti kho ... apucchum: Siya pan' avuso -pe --. - Siya avuso. Yato kho avuso ariyasavako tanhanca pajanati tanhasamudayan-ca pajanati tanhanirodhan-ca pajanati tanhanirodhagamini-patipadan-ca pajanati, ettavata pi kho ... saddhammam. Katama pan' avuso tanha, katamo tanhasamudayo, katamo tanhanirodho, katama tanhanirodhagamini-patipada: Cha-y-ime avuso tanhakaya: rupatanha saddatanha gandhatanha rasatanha photthabbatanha dhammatanha. Vedanasamudaya tanhasamudayo, vedananirodha tanhanirodho, ayam-eva ariyo atthangiko maggo tanhanirodhagamini-patipada, seyyathidam: sammaditthi - pe - sammasamadhi. Yato kho avuso ariyasavako evam tanham pajanati, evam tanhasamudayam pajanati, evam tanhanirodham pajanati, evam tanhanirodhagamini-patipadam pajanati, so sabbaso raganusayam pahaya --pe--. Ettavata pi kho ... saddhamman-ti.

Sadh' avuso ti kho ... apucchum: Siya pan' avuso -pe --. - Siya avuso. Yato kho avuso ariyasavako vedanan-ca pajanati vedanasamudayan-ca pajanati vedananirodhan-ca pajanati vedananirodhagamini-patipadan-ca pajanati, ettavata pi kho ... saddhammam. Katama pan' avuso vedana, katamo vedanasamudayo, katamo vedananirodho, katama vedananirodhagamini-patipada: Cha-y-ime avuso vedanakaya: cakkhusamphassaja vedana, sotasamphassaja vedana, ghanasamphassaja vedana, jivhasamphassaja vedana, kayasamphassaja vedana, manosamphassaja vedana. Phassasamudaya vedanasamudayo, phassanirodha vedananirodho, ayam-eva ariyo atthangiko maggo vedananirodhagaminipatipada, seyyathidam: sammaditthi - pe - sammasamadhi.

[page 052]

Yato kho avuso ariyasavako evam vedanam pajanati, evam vedanasamudayam pajanati, evam vedananirodham pajanati, evam vedananirodhagamini-patipadam pajanati, so sabbaso raganusayam pahaya --pe--. Ettavata pi kho ... saddhamman-ti.

Sadh' avuso ti kho ... apucchum: Siya pan' avuso -pe --. - Siya avuso. Yato kho avuso ariyasavako phassan-ca pajanati phassasamudayan-ca pajanati phassanirodhan-ca pajanati phassanirodhagamini-patipadan-ca pajanati, ettavata pi kho ... saddhammam. Katamo pan' avuso phasso, katamo phassasamudayo, katamo phassanirodho, katama phassanirodhagamini-patipada: Cha-y-ime avuso phassakaya: cakkhusamphasso sotasamphasso ghanasamphasso jivhasamphasso kayasamphasso manosamphasso.

Salayatanasamudaya phassasamudayo, salayatananirodha phassanirodho, ayam-eva ariyo atthangiko maggo phassanirodhagamini-patipada, seyyathidam: sammaditthi --pe-sammasamadhi. Yato kho avuso ariyasavako evam phassam pajanati, evam phassasamudayam pajanati, evam phassanirodham pajanati, evam phassanirodhagamini-patipadam pajanati, so sabbaso raganusayam pahaya --pe--. Ettavata pi kho ... saddhamman-ti.

Sadh' avuso ti kho ... apucchum: Siya pan' avuso -pe --. - Siya avuso. Yato kho avuso ariyasavako salayatanan-ca pajanati salayatanasamudayan-ca pajanati salayatananirodhan-ca pajanati salayatananirodhagamini-patipadan-ca pajanati, ettavata pi kho ... saddhammam.

Katamam pan' avuso salayatanam, katamo salayatanasamudayo, katamo salayatananirodho, katama salayatananirodhagamini-patipada: Cha-y-imani avuso ayatanani: cakkhayatanam sotayatanam ghanayatanam jivhayatanam kayayatanam manayatanam. Namarupasamudaya salayatanasamudayo, namarupanirodha salayatananirodho, ayam-eva ariyo atthangiko maggo salayatananirodhagamini-patipada, seyyathidam: sammaditthi - pe - sammasamadhi. Yato kho avuso ariyasavako evam salayatanam pajanati, evam salayatanasamudayam pajanati, evam salayatananirodham pajanati,

[page 053]

evam salayatananirodhagamini-patipadam pajanati, so sabbaso raganusayam pahaya --pe--. Ettavata pi kho ... saddhamman-ti.

Sadh' avuso ti kho ... apucchum: Siya pan' avuso -pe --. - Siya avuso. Yato kho avuso ariyasavako namarupan-ca pajanati namarupasamudayan-ca pajanati namarupanirodhan-ca pajanati namarupanirodhagamini-patipadan-ca pajanati, ettavata pi kho ... saddhammam. Katamam pan' avuso namarupam, katamo namarupasamudayo, katamo namarupanirodho, katama namarupanirodhagaminipatipada: Vedana sanna cetana phasso manasikaro, idam vuccat' avuso namam; cattari ca mahabhutani catunnan-ca mahabhutanam upadaya rupam, idam vuccat' avuso rupam; iti idan ca namam idan-ca rupam idam vuccat' avuso namarupam. Vinnanasamudaya namarupasamudayo, vinnananirodha namarupanirodho, ayam-eva ariyo atthangiko maggo namarupanirodhagamini-patipada, seyyathidam: sammaditthi -pe - sammasamadhi. Yato kho avuso ariyasavako evam namarupam pajanati, evam namarupasamudayam pajanati, evam namarupanirodham pajanati, evam namarupanirodhagamini-patipadam pajanati, so sabbaso raganusayam pahaya --pe--. Ettavata pi kho ... saddhamman-ti.

Sadh' avuso ti kho ... apucchum: Siya pan' avuso -pe --. - Siya avuso. Yato kho avuso ariyasavako vinnanan-ca pajanati vinnanasamudayan-ca pajanati vinnananirodhan-ca pajanati vinnananirodhagamini-patipadan-ca pajanati, ettavata pi kho ... saddhammam. Katamam pan' avuso vinnanam, katamo vinnanasamudayo, katamo vinnananirodho, katama vinnananirodhagamini-patipada: Cha-y-ime avuso vinnanakaya: cakkhuvinnanam sotavinnanam ghanavinnanam jivhavinnanam kayavinnanam manovinnanam.

Sankharasamudaya vinnanasamudayo, sankharanirodha vinnananirodho, ayam-eva ariyo atthangiko maggo vinnananirodhagamini-patipada, seyyathidam: sammaditthi - pe - sammasamadhi. Yato kho avuso ariyasavako evam vinnanam pajanati, evam vinnanasamudayam pajanati, evam vinnananirodham pajanati, evam vinnananirodhagamini-patipadam pajanati,

[page 054]

so sabbaso raganusayam pahaya --pe--. Ettavata pi kho ... saddhamman-ti --pe--.

Siya pan' avuso --pe--. - Siya avuso. Yato kho avuso ariyasavako sankharan-ca pajanati sankharasamudayanca pajanati {sankharanirodhan-ca} pajanati sankharanirodhagamini-patipadan-ca pajanati, ettavata pi kho ... saddhammam. Katame pan' avuso sankhara, katamo sankharasamudayo, katamo sankharanirodho, katama sankharanirodhagamini-patipada: Tayo 'me avuso sankhara: kayasankharo vacisankharo cittasankharo. Avijjasamudaya sankharasamudayo, avijjanirodha sankharanirodho. ayam-eva ariyo atthangiko maggo sankharanirodhagamini-patipada, seyyathidam:

sammaditthi - pe - sammasamadhi. Yato kho avuso ariyasavako evam sankharam pajanati, evam sankharasamudayam pajanati, evam sankharanirodham pajanati, evam sankharanirodhagamini-patipadam pajanati, so sabbaso raganusayam pahaya --pe--. Ettavata pi kho ... saddhamman-ti --pe--.

Siya pan' avuso --pe--. - Siya avuso. Yato kho avuso ariyasavako avijjan-ca pajanati avijjasamudayan-ca pajanati avijjanirodhan-ca pajanati avijjanirodhagamini-patipadan-ca pajanati, ettavata pi kho ... saddhammam. Katama pan' avuso avijja, katamo avijjasamudayo, katamo avijjanirodho, katama avijjanirodhagamini-patipada: Yam kho avuso dukkhe annanam dukkhasamudaye annanam dukkhanirodhe annanam dukkhanirodhagamini-patipadaya annanam, ayam vuccat' avuso avijja. Asavasamudaya avijjasamudayo, asavanirodha avijjanirodho, ayam-eva ariyo atthangiko maggo avijjanirodhagamini-patipada, seyyathidam: sammaditthi - pe - sammasamadhi. Yato kho avuso ariyasavako evam avijjam pajanati, evam avijjasamudayam pajanati, evam avijjanirodham pajanati, evam avijjanirodhagamini-patipadam pajanati, so sabbaso raganusayam pahaya --pe--. Ettavata pi kho ... saddhamman-ti.

Sadh' avuso ti kho te bhikkhu ayasmato Sariputtassa bhasitam abhinanditva anumoditva ayasmantam Sariputtam uttarim panham apucchum: Siya pan' avuso anno pi pariyayo yatha ariyasavako sammaditthi hoti,

[page 055]

ujugata 'ssa ditthi dhamme aveccappasadena samannagato, agato imam saddhamman-ti. - Siya avuso. Yato kho avuso ariyasavako asavan-ca pajanati asavasamudayan-ca pajanati asavanirodhan-ca pajanati asavanirodhagamini-patipadan-ca pajanati, ettavata pi kho avuso ariyasavako sammaditthi hoti, ujugata 'ssa ditthi, dhamme aveccappasadena samannagato, agato imam saddhammam. Katamo pan' avuso asavo, katamo asavasamudayo, katamo asavanirodho katama asavanirodhagamini-patipada: Tayo 'me avuso asava: kamasavo bhavasavo avijjasavo. Avijjasamudaya asavasamudayo, avijjanirodha asavanirodho, ayam-eva ariyo atthangiko maggo asavanirodhagamini-patipada, seyyathidam: sammaditthi sammasankappo sammavaca sammakammanto sammaajivo sammavayamo sammasati sammasamadhi. Yato kho avuso ariyasavako evam asavam pajanati, evam asavasamudayam pajanati, evam asavanirodham pajanati, evam asavanirodhagamini-patipadam pajanati, so sabbaso raganusayam pahaya patighanusayam pativinodetva asmiti ditthimananusayam samuhanitva avijjam pahaya vijjam uppadetva ditthe va dhamme dukkhass' antakaro hoti. Ettavata pi kho avuso ariyasavako sammaditthi hoti, ujugata 'ssa ditthi, dhamme aveccappasadena samannagato, agato imam saddhamman-ti.

Idam-avoca ayasma Sariputto. Attamana te bhikkhu ayasmato Sariputtassa bhasitam abhinandun-ti.

SAMMADITTHISUTTAM NAVAMAM.

 


 

X. Satipatthana Suttam

Evam-me sutam. Ekam samayam Bhagava Kurusu viharati; Kammassadhamman-nama Kurunam nigamo. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Ekayano ayam bhikkhave maggo sattanam visuddhiya sokapariddavanam samatikkamaya dukkhadomanassanam atthagamaya nayassa adhigamaya nibbanassa sacchikiriyaya,

[page 056]

yadidam cattaro satipatthana, katame cattaro: Idha bhikkhave bhikkhu kaye kayanupassi viharati atapi sampajano satima vineyya loke abhijjhadomanassam, vedanasu vedananupassi viharati atapi sampajano satima vineyya loke abhijjhadomanassam, citte cittanupassi viharati atapi sampajano satima vineyya loke abhijjhadomanassam, dhammesu dhammanupassi viharati atapi sampajano satima vineyya loke abhijjhadomanassam.

Kathan-ca bhikkhave bhikkhu kaye kayanupassi viharati: Idha bhikkhave bhikkhu arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva. So sato va assasati, sato passasati. Digham va assasanto: digham assasamiti pajanati, digham va passasanto: digham passasamiti pajanati; rassam va assasanto: rassam assasamiti pajanati, rassam va passasanto: rassam passasamiti pajanati.

Sabbakayapatisamvedi assasissamiti sikkhati, sabbakayapatisamvedi passasissamiti sikkhati. Passambhayam kayasankharam assasissamiti sikkhati, passambhayam kayasankharam passasissamiti sikkhati. Seyyatha pi bhikkhave dakkho bhamakaro va bhamakarantevasi va digham va anchanto: digham anchamiti pajanati, rassam va anchanto; rassam anchamiti pajanati, evam-eva kho bhikkhave bhikkhu digham va assasanto: digham assasamiti pajanati - pe - passambhayam kayasankharam passasissamiti sikkhati. Iti ajjhattam va kaye kayanupassi viharati, bahiddha va kaye kayanupassi viharati, ajjhattabahiddha va kaye kayanupassi viharati; samudayadhammanupassi va kayasmim viharati, vayadhammanupassi va kayasmim viharati, samudayavayadhammanupassi va kayasmim viharati. Atthi kayo ti va pan' assa sati paccupatthita hoti yavad-eva nanamattaya patissatimattaya, anissito ca viharati na ca kinci loke upadiyati. Evam-pi bhikkhave bhikkhu kaye kayanupassi viharati.

Puna ca param bhikkhave bhikkhu gacchanto va: gacchamiti pajanati, thito va: thito 'mhiti pajanati, nisinno va nisinno 'mhiti pajanati,

[page 057]

sayano va: sayano 'mhiti pajanati, yatha yatha va pan' assa kayo panihito hoti tatha tatha nam pajanati.

Iti ajjhattam va kaye kayanupassi viharati ... upadiyati. Evampi bhikkhave bhikkhu kaye kayanupassi viharati.

Puna ca param bhikkhave bhikkhu abhikkante patikkante sampajanakari hoti, alokite vilokite sampajanakari hoti, saminjite pasarite s. h., sanghatipattacivaradharane s. h., asite pite khayite sayite s. h., uccarapassavakamme s. h., gate thite nisinne sutte jagarite bhasite tunhibhave sampajanakari hoti. Iti ajjhattam va kaye kayanupassi viharati ... upadiyati. Evam-pi bhikkhave bhikkhu kaye kayanupassi viharati.

Puna ca param bhikkhave bhikkhu imam-eva kayam uddham padatala adho kesamatthaka tacapariyantam purannanappakarassa asucino paccavekkhati: Atthi imasmim kaye kesa loma nakha danta taco mamsam naharu atthi atthiminja vakkam hadayam yakanam kilomakam pihakam papphasam antam antagunam udariyam karisam, pittam semham pubbo lohitam sedo medo assu vasa khelo singhanika lasika muttan-ti. Seyyatha pi bhikkhave ubhatomukha mutoli pura nanavihitassa dhannassa, seyyathidam:

salinam vihinam mugganam masanam tilanam tandulanam, tam-enam cakkhuma puriso muncitva paccavekkheyya: ime sali, ime vihi, ime mugga, ime masa ime tila ime tandula ti, evam-eva kho bhikkhave bhikkhu imam-eva kayam uddham padatala adho kesamatthaka tacapariyantam purannanappakarassa asucino paccavekkhati: Atthi imasmim kaye kesa loma nakha danta taco mamsam naharu atthi atthiminja vakkam hadayam yakanam kilomakam pihakam papphasam antam antagunam udariyam karisam, pittam semham pubbo lohitam sedo medo assu vasa khelo singhanika lasika muttan-ti. Iti ajjhattam va kaye kayanupassi viharati ... upadiyati. Evam-pi bhikkhave bhikkhu kaye kayanupassi viharati.

Puna ca param bhikkhave bhikkhu imam-eva kayam yathathitam yathapanihitam dhatuso paccavekkhati: Atthi imasmim kaye pathavidhatu apodhatu tejodhatu vayodhatuti.

[page 058]

Seyyatha pi bhikkhave dakkho goghatako va goghatakantevasi va gavim vadhitva catummahapathe bilaso pativibhajitva nisinno assa, evam-eva kho bhikkhave bhikkhu imam-eva kayam yathathitam yathapanihitam dhatuso paccavekkhati:

Atthi imasmim kaye pathavidhatu apodhatu tejodhatu vayodhatuti. Iti ajjhattam va kaye kayanupassi viharati ... upadiyati. Evam-pi bhikkhave bhikkhu kaye kayanupassi viharati.

Puna ca param bhikkhave bhikkhu seyyatha pi passeyya sariram sivathikaya chadditam ekahamatam va dvihamatam va tihamatam va uddhumatakam vinilakam vipubbakajatam, so imam-eva kayam upasamharati: Ayam-pi kho kayo evamdhammo evambhavi etam anatito ti. Iti ajjhattam va kaye kayanupassi viharati ... upadiyati. Evam-pi bhikkhave bhikkhu kaye kayanupassi viharati. Puna ca param bhikkhave bhikkhu seyyatha pi passeyya sariram sivathikaya chadditam kakehi va khajjamanam kulalehi va khajjamanam gijjhehi va khajjamanam supanehi va khajjamanam sigalehi va khajjamanam vividhehi va panakajatehi khajjamanam, so imam-eva kayam upasamharati: Ayam-pi kho kayo evamdhammo evambhavi etam anatito ti. Iti ajjhattam va k. k.

viharati ... upadiyati. Evam-pi bhikkhave bhikkhu k. k. viharati. Puna ca param bhikkhave bhikkhu seyyatha pi passeyya sariram sivathikaya chadditam, atthikasankhalikam samamsalohitam naharusambandham, - atthikasankhalikam nimmamsa-lohitamakkhitam naharusambandham, - atthikasankhalikam apagatamamsalohitam naharusambandham, -atthikani apagatasambandhani disavidisa vikkhittani, annena hatthatthikam annena padatthikam annena janghatthikam annena uratthikam annena katatthikam annena pitthikantakam annena sisakataham, so imam-eva kayam upasamharati: Ayam-pi kho kayo evamdhammo evambhavi etam anatito ti. Iti ajjhattam va k. k. viharati ... upadiyati.

Evam-pi bhikkhave bhikkhu k. k. viharati. Puna ca param bhikkhave bhikkhu seyyatha pi passeyya sariram sivathikaya chadditam, atthikani setani sankhavannupanibhani, -atthikani punjakitani terovassikani. - atthikani putini cunnakajatani,

[page 059]

so imam-eva kayam upasamharati: Ayam-pi kho kayo evamdhammo evambhavi etam anatito ti. Iti ajjhattam va k. k. viharati, bahiddha va k. k. viharati, ajjhattabahiddha va k. k. viharati; samudayadhammanupassi va kayasmim viharati, vayadhammanupassi va kayasmim viharati, samudayavayadhammanupassi va kayasmim viharati. Atthi kayo ti va pan' assa sati paccupatthita hoti yavad-eva nanamattaya patissatimattaya, anissito ca viharati na ca kinci loke upadiyati. Evam kho bhikkhave bhikkhu kaye kayanupassi viharati.

Kathan-ca bhikkhave bhikkhu vedanasu vedananupassi viharati: Idha bhikkhave bhikkhu sukham vedanam vediyamano: sukham vedanam vediyamiti pajanati, dukkham vedanam vediyamano: dukkham v. v. pajanati, adukkham-asukham vedanam vediyamano: adukkham-asukham v. v. pajanati; samisam va sukham vedanam vediyamano: samisam sukham vedanam vediyamiti pajanati, niramisam va sukham ... ., samisam va dukkham ... ., niramisam va dukkham ... ., samisam va adukkham-asukham ... ., niramisam va adukkhamasukham vedanam vediyamano: niramisam adukkham-asukham vedanam vediyamiti pajanati. Iti ajjhattam va vedanasu vedananupassi viharati, bahiddha va v. v. viharati, ajjhattabahiddha va v. v. viharati; samudayadhammanupassi va vedanasu viharati, vayadhammanupassi va v. v., samudayavayadhammanupassi va v. v. Atthi vedana ti va pan' assa sati paccupatthita hoti yavad-eva nanamattaya patissatimattaya, anissito ca viharati na ca kinci loke upadiyati.

Evam kho bhikkhave bhikkhu vedanasu vedananupassi viharati.

Kathan-ca bhikkhave bhikkhu citte cittanupassi viharati: Idha bhikkhave bhikkhu saragam va cittam saragam cittan-ti pajanati, vitaragam va cittam vitaragam cittan-ti pajanati, sadosam ... ., vitadosam ... ., samoham ... ., vitamoham ... ., sankhittam ... ., vikkhittam ... ., mahaggatam ... ., amahaggatam ... ., sa-uttaram ... ., anuttaram ... ., samahitam ... ., asamahitam ... ., vimuttam ... ., avimuttam va cittam avimuttam cittan-ti pajanati. Iti ajjhattam va citte cittanupassi viharati, bahiddha va c. c. viharati, ajjhattabahiddha va c. c. viharati; samudayadhammanupassi va cittasmim viharati,

[page 060]

vayadhammanupassi va cittasmim viharati, samudayavayadhammanupassi va cittasmim viharati. Atthi cittan-ti va pan' assa sati paccupatthita hoti yavad-eva nanamattaya patissatimattaya, anissito ca viharati na ca kinci loke upadiyati. Evam kho bhikkhave bhikkhu citte cittanupassi viharati.

Kathan-ca bhikkhave bhikkhu dhammesu dhammanupassi viharati: Idha bhikkhave bhikkhu dhammesu dhammanupassi viharati pancasu nivaranesu. Kathan-ca bhikkhave bhikkhu dhammesu dhammanupassi viharati pancasu nivaranesu: Idha bhikkhave bhikkhu santam va ajjhattam kamacchandam: atthi me ajjhattam kamacchando ti pajanati, asantam va ajjhattam kamacchandam: na-tthi me ajjhattam kamacchando ti pajanati, yatha ca anuppannassa kamacchandassa uppado hoti tan-ca pajanati, yatha ca uppannassa kamacchandassa pahanam hoti tan-ca pajanati, yatha ca pahinassa kamacchandassa ayatim anuppado hoti tan-ca pajanati. Santam va ajjhattam byapadam: atthi me ajjhattam byapado ti ... pajanati. Santam va ajjhattam thinamiddham: atthi me ajjhattam thinamiddhan-ti ... pajanati. Santam va ajjhattam uddhaccakukkuccam: atthi me ajjhattam uddhaccakukkuccan-ti ... pajanati. Santam va ajjhattam vicikiccham: atthi me ajjhattam vicikiccha ti pajanati, asantam va ajjhattam vicikiccham: na-tthi me ajjhattam vicikiccha ti pajanati, yatha ca anuppannaya vicikicchaya uppado hoti tan-ca pajanati yatha ca uppannaya vicikicchaya pahanam hoti tan-ca pajanati, yatha ca pahinaya vicikicchaya ayatim anuppado hoti tan-ca pajanati. Iti ajjhattam va dhammesu dhammanupassi viharati, bahiddha va dh. dh. viharati, ajjhattabahiddha va dh. dh. viharati; samudayadhammanupassi va dhammesu viharati vayadhammanupassi va dh. v., samudayavayadhammanupassi va dh. v. Atthi dhamma ti va pan' assa sati paccupatthita hoti yavad-eva nanamattaya patissatimattaya, anissito ca viharati na ca kinci loke upadiyati. Evam kho bhikkhave bhikkhu dhammesu dhammanupassi viharati pancasu nivaranesu.

Puna ca param bhikkhave bhikkhu dhammesu dhammanupassi viharati pancas' upadanakkhandhesu.

[page 061]

Kathan-ca bhikkhave bhikkhu dhammesu dhammanupassi viharati pancas' upadanakkhandesu: Idha bhikkhave bhikkhu: iti rupam, iti rupassa samudayo, iti rupassa atthagamo; iti vedana, iti vedanaya s., iti vedanaya a.; iti sanna, iti sannaya s., iti sannaya a.; iti sankhara. iti sankharanam s., iti sankharanam a.; iti vinnanam, iti vinnanassa samudayo, iti vinnanassa atthagamo ti, iti ajjhattam va dhammesu dhammanupassi viharati ... upadiyati. Evam kho bhikkhave bhikkhu dhammesu dhammanupassi viharati pancas' upadanakkhandhesu.

Puna ca param bhikkhave bhikkhu dhammesu dhammanupassi viharati chasu ajjhattikabahiresu ayatanesu.

Kathan-ca bhikkhave bhikkhu dhammesu dhammanupassi viharati chasu ajjhattikabahiresu ayatanesu: Idha bhikkhave bhikkhu cakkhun-ca pajanati rupe ca pajanati, yan-ca tadubhayam paticca uppajjati samyojanam tan-ca pajanati, yatha ca anuppannassa samyojanassa uppado hoti tan-ca pajanati, yatha ca uppannassa samyojanassa pahanam hoti tan-ca pajanati, yatha ca pahinassa samyojanassa ayatim anuppado hoti tan-ca pajanati; sotan-ca pajanati sadde ca pajanati - pe - ghanan-ca pajanati gandhe ca pajanati -jivhan-ca pajanati rase ca pajanati - kayan-ca pajanati photthabbe ca pajanati - manan-ca pajanati dhamme ca pajanati, yan-ca tad-ubhayam paticca uppajjati samyojanam tan-ca pajanati, yatha ca anuppannassa samyojanassa uppado hoti tan-ca pajanati, yatha ca uppannassa samyojanassa pahanam hoti tan-ca pajanati, yatha ca pahinassa samyojanassa ayatim anuppado hoti tan-ca pajanati. Iti ajjhattam va dhammesu dhammanupassi viharati ... upadiyati. Evam kho bhikkhave bhikkhu dhammesu dhammanupassi viharati chasu ajjhattikabahiresu ayatanesu.

Puna ca param bhikkhave bhikkhu dhammesu dhammanupassi viharati sattasu bojjhangesu. Kathan-ca bhikkhave bhikkhu dhammesu dhammanupassi viharati sattasu bojjhangesu: Idha bhikkhave bhikkhu santam va ajjhattam satisambojjhangam: atthi me ajjhattam satisambojjhango ti pajanati, asantam va ajjhattam satisambojjhangam: na-tthi me ajjhattam satisambojjhango ti pajanati,

[page 062]

yatha ca anuppannassa satisambojjhangassa uppado hoti tan-ca pajanati, yatha ca uppannassa satisambojjhangassa bhavanaparipuri hoti tan-ca pajanati. Santam va ajjhattam dhammavicayasambojjhangam ... Santam va ajjhattam viriyasambojjhangam ... Santam va ajjhattam pitisambojjhangam ... Santam va ajjhattam passaddhisambojjhangam ... Santam va ajjhattam samadhisambojjhangam ... Santam va ajjhattam upekhasambojjhangam: atthi me ajjhattam upekhasambojjhango ti pajanati, asantam va ajjhattam upekhasambojjhangam: na-tthi me ajjhattam upekhasambojjhango ti pajanati, yatha ca anuppannassa upekhasambojjhangassa uppado hoti tan-ca pajanati, yatha ca uppannassa upekhasambojjhangassa bhavanaparipuri hoti tan-ca pajanati. Iti ajjhattam va dhammesu dhammanupassi viharati ... upadiyati. Evam kho bhikkhave bhikkhu dhammesu dhammanupassi viharati sattasu bojjhangesu.

Puna ca param bhikkhave bhikkhu dhammesu dhammanupassi viharati catusu ariyasaccesu. Kathan-ca bhikkhave bhikkhu dhammesu dhammanupassi viharati catusu ariyasaccesu: Idha bhikkhave bhikkhu: idam dukkhan-ti yathabhutam pajanati, ayam dukkhasamudayo ti yathabhutam pajanati, ayam dukkhanirodho ti yathabhutam pajanati,ayam dukkhanirodhagamini patipada ti yathabhutam pajanati. Iti ajjhattam va dhammesu dhammanupassi viharati, bahiddha va dh. dh. viharati, ajjhattabahiddha va dh. dh. viharati; samudayadhammanupassi va dhammesu viharati, vayadhammanupassi va dhammesu viharati, samudayavayadhammanupassi va dhammesu viharati. Atthi dhamma ti va pan' assa sati paccupatthita hoti yavad-eva nanamattaya patissatimattaya, anissito ca viharati na ca kinci loke upadiyati.

Evam kho bhikkhave bhikkhu dhammesu dhammanupassi viharati catusu ariyasaccesu.

Yo hi koci bhikkhave ime cattaro satipatthane evam bhaveyya satta vassani, tassa dvinnam phalanam annataram phalam patikankham: ditthe va dhamme anna, sati va upadisese anagamita. Titthantu bhikkhave satta vassani, yo hi koci bhikkhave ime cattaro satipatthane evam bhaveyya cha vassani panca vassani cattari vassani tini vassani dve vassani ekam vassam

[page 063]

- titthatu bhikkhave ekam vassam, yo hi koci bhikkhave ime cattaro satipatthane evam bhaveyya satta masani, tassa dvinnam phalanam annataram phalam patikankham: ditthe va dhamme anna, sati va upadisese anagamita. Titthantu bhikkhave satta masani, yo hi koci bhikkhave ime cattaro satipatthane evam bhaveyya cha masani panca masani cattari masani tini masani dve masani masam addhamasam - titthatu bhikkhave addhamaso, yo hi koci bhikkhave ime cattaro satipatthane evam bhaveyya sattaham, tassa dvinnam phalanam annataram phalam patikankham: ditthe va dhamme anna, sati va upadisese anagamita.

Ekayano ayam bhikkhave maggo sattanam visuddhiya sokapariddavanam samatikkamaya dukkhadomanassanam atthagamaya nayassa adhigamaya nibbanassa sacchikiriyaya, yadidam cattaro satipatthana ti, iti yan-tam vuttam idametam paticca vuttan-ti.

Idam-avoca Bhagava. Attamana te bhikkhu Bhagavato bhasitam abhinandun-ti.

SATIPATTHANASUTTAM DASAMAM.

MULAPARIYAYAVAGGO PATHAMO.

 


 

2. Sihanada Vagga

XI. Cula-Sihanada Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Idh' eva bhikkhave samano, idha dutiyo samano, idha tatiyo samano, idha catuttho samano, sunna parappavada samanehi anne ti,

[page 064]

evam-etam bhikkhave samma sihanadam nadatha. Thanam kho pan' etam bhikkhave vijjati yam idha annatitthiya paribbajaka evam vadeyyum: Ko pan' ayasmantanam assaso kim balam yena tumhe ayasmanto evam vadetha: idh' eva samano, idha dutiyo samano, idha tatiyo samano, idha catuttho samano, sunna parappavada samanehi anne ti. Evamvadino bhikkhave annatitthiya paribbajaka evam-assu vacaniya: Atthi kho no avuso tena Bhagavata janata passata arahata sammasambuddhena cattaro dhamma akkhata ye mayam attani sampassamana evam vadema: idh' eva samano ... samanehi anne ti; katame cattaro: Atthi kho no avuso Satthari pasado, atthi dhamme pasado, atthi silesu paripurakarita, sahadhammika kho pana no piya manapa gahattha c' eva pabbajita ca. Ime kho no avuso tena Bhagavata janata passata arahata sammasambuddhena cattaro dhamma akkhata ye mayam attani sampassamana evam vadema: idh' eva samano ... samanehi anne ti. Thanam kho pan' etam bhikkhave vijjati yam annatitthiya paribbajaka evam vadeyyum: Amhakam-pi kho avuso atthi satthari pasado, so amhakam sattha, amhakam-pi atthi dhamme pasado, so amhakam dhammo, mayam-pi silesu paripurakarino yani amhakam silani, amhakam-pi sahadhammika piya manapa gahattha c' eva pabbajita ca; idha no avuso ko viseso ko adhippayo kim nanakaranam yadidam tumhakan-c' eva amhakan-cati. Evamvadino bhikkhave annatitthiya paribbajaka evam-assu vacaniya: Kim-pan' avuso eka nittha udahu puthu nittha ti. Samma byakaramana bhikkhave annatitthiya paribbajaka evam byakareyyum: Eka h' avuso nittha, na puthu nittha ti. Sa pan' avuso nittha saragassa udahu vitaragassati. Samma byakaramana bhikkhave annatitthiya paribbajaka evam byakareyyum: Vitaragass' avuso sa nittha, na sa nittha saragassati. Sa pan' avuso nittha sadosassa udahu vitadosassati. Samma ... byakareyyum: Vitadosass' avuso sa nittha, na sa nittha sadosassati. Sa pan' avuso nittha samohassa udahu vitamohassati. Samma ... byakareyyum: Vitamohass' avuso sa nittha na sa nittha samohassati. Sa pan' avuso nittha satanhassa udahu vitatanhassati.

[page 065]

Samma ... byakareyyum: Vitatanhass' avuso sa nittha, na sa nittha satanhassati. Sa pan' avuso nittha sa-upadanassa udahu anupadanassati. Samma ... byakareyyum: Anupadanass' avuso sa nittha, na sa nittha sa-upadanassati. Sa pan' avuso nittha viddasuno udahu aviddasuno ti. Samma ... byakareyyum: Viddasuno avuso sa nittha, na sa nittha aviddasuno ti. Sa pan' avuso nittha anuruddha-pativiruddhassa udahu ananuruddha-appativiruddhassati. Samma ... byakareyyum: Ananuruddha-appativiruddhass' avuso sa nittha, na sa nittha anuruddha-pativiruddhassati. Sa pan' avuso nittha papancaramassa papancaratino udahu nippapancaramassa nippapancaratino ti. Samma byakaramana bhikkhave annatitthiya paribbajaka evam byakareyyum: Nippapancaramass' avuso sa nittha nippapancaratino, na sa nittha papancaramassa papancaratino ti.

Dve 'ma bhikkhave ditthiyo: bhavaditthi ca vibhavaditthi ca. Ye hi keci bhikkhave samana va brahmana va bhavaditthim allina bhavaditthim upagata bhavaditthim ajjhosita, vibhavaditthiya te pativiruddha. Ye hi keci bhikkhave samana va brahmana va vibhavaditthim allina vibhavaditthim upagata vibhavaditthim ajjhosita, bhavaditthiya te pativiruddha. Ye hi keci bhikkhave samana va brahmana va imasam dvinnam ditthinam samudayan-ca atthagaman-ca assadan-ca adinavan-ca nissaranan-ca yathabhutam nappajananti, te saraga te sadosa te samoha te satanha te sa-upadana te aviddasuno te anuruddha-pativiruddha te papancarama papancaratino, te na parimuccanti jatiya jaraya maranena sokehi paridevehi dukkhehi domanassehi upayasehi, na parimuccanti dukkhasma ti vadami. Ye ca kho keci bhikkhave samana va brahmana va imasam dvinnam ditthinam samudayan-ca atthagaman-ca assadan-ca adinavan-ca nissaranan-ca yathabhutam pajananti, te vitaraga te vitadosa te vitamoha te vitatanha te anupadana te viddasuno te ananuruddha-appativiruddha te nippapancarama nippapancaratino, te parimuccanti jatiya jaraya maranena sokehi paridevehi dukkhehi domanassehi upayasehi, parimuccanti dukkhasma ti vadami.

[page 066]

Cattar' imani bhikkhave upadanani, katamani cattari:

kamupadanam ditthupadanam silabbatupadanam attavadupadanam. Santi bhikkhave eke samanabrahmana sabbupadanaparinnavada patijanamana te na samma sabbupadanaparinnam pannapenti: kamupadanassa parinnam pannapenti, na ditthupadanassa parinnam pannapenti, na silabbatupadanassa p. p., na attavadupadanassa p. p.; tam kissa hetu:

imani hi te bhonto samanabrahmana tini thanani yathabhutam na-ppajananti, tasma te bhonto samanabrahmana sabbupadanaparinnavada patijanamana te na samma sabbupadanaparinnam pannapenti: kamupadanassa parinnam pannapenti, na ditthupadanassa p. p., na silabbatupadanassa p. p., na attavadupadanassa p. p. Santi bhikkhave eke samanabrahmana sabbupadanaparinnavada patijanamana te na samma sabbupadanaparinnam pannapenti: kamupadanassa p. p., ditthupadanassa p. p., na silabbatupadanassa p. p., na attavadupadanassa p. p.; tam kissa hetu: imani hi te bhonto samanabrahmana dve thanani yathabhutam na-ppajananti, tasma te bhonto samanabrahmana sabbupadanaparinnavada patijanamana te na samma sabbupadanaparinnam pannapenti: kamupadanassa p. p., ditthupadanassa p. p., na silabbatupadanassa p. p., na attavadupadanassa p. p. Santi bhikkhave eke samanabrahmana sabbupadanaparinnavada patijanamana te na samma sabbupadanaparinnam pannapenti: kamupadanassa p. p., ditthupadanassa p. p., silabbatupadanassa p. p., na attavadupadanassa p. p.; tam kissa hetu: imam hi te bhonto samanabrahmana ekam thanam yathabhutam na-ppajananti, tasma te bhonto samanabrahmana sabbupadanaparinnavada patijanamana te na samma sabbupadanaparinnam pannapenti: kamupadanassa p. p. ditthupadanassa p. p., silabbatupadanassa p.p., na attavadupadanassa parinnam pannapenti. Evarupe kho bhikkhave dhammavinaye yo satthari pasado so na sammaggato akkhayati, yo dhamme pasado so na sammaggato akkhayati ya silesu paripurakarita sa na sammaggata akkhayati, ya sahadhammikesu piyamanapata sa na sammaggata akkhayati; tam kissa hetu: evam h' etam bhikkhave hoti yatha tam durakkhate dhammavinaye duppavedite aniyyanike anupasamasamvattanike asammasambuddhappavedite.

[page 067]

Tathagato ca kho bhikkhave araham sammasambuddho sabbupadanaparinnavado patijanamano samma sabbupadanaparinnam pannapeti: kamupadanassa parinnam pannapeti, ditthupadanassa p. p., silabbatupadanassa p.p., attavadupadanassa parinnam pannapeti. Evarupe kho bhikkhave dhammavinaye yo satthari pasado so sammaggato akkhayati. yo dhamme pasado so sammaggato akkhayati, ya silesu paripurakarita sa sammaggata akkhayati, ya sahadhammikesu piyamanapata sa sammaggata akkhayati; tam kissa hetu:

evam h' etam bhikkhave hoti yatha tam svakkhate dhammavinaye suppavedite niyyanike upasamasamvattanike sammasambuddhappavedite.

Ime ca bhikkhave cattaro upadana kimnidana kimsamudaya kimjatika kimpabhava: ime cattaro upadana tanhanidana tanhasamudaya tanhajatika tanhapabhava. Tanha cayam bhikkhave kimnidana k. k. kimpabhava: tanha vedananidana v. v. vedanapabhava. Vedana cayam bhikkhave kimnidana k. k. kimpabhava: vedana phassanidana ph. ph.

phassapabhava. Phasso cayam bhikkhave kimnidano k. k.

kimpabhavo:: phasso salayatananidano s. s. salayatanapabhavo.

Salayatanan-c' idam bhikkhave kimnidanam k. k. kimpabhavam: salayatanam namarupanidanam n. n. namarupapabhavam. Namarupan-c' idam bhikkhave kimnidanam k. k.

kimpabhavam: namarupam vinnananidanam v. v. vinnanapabhavam. Vinnanan-c' idam bhikkhave kimnidanam k. k.

kimpabhavam: vinnanam sankharanidanam s. s. sankharapabhavam. Sankhara c' ime bhikkhave kimnidana kimsamudaya kimjatika kimpabhava: sankhara avijjanidana avijjasamudaya avijjajatika avijjapabhava. Yato ca kho bhikkhave bhikkhuno avijja pahina hoti vijja uppanna, so avijjaviraga vijjuppada n' eva kamupadanam upadiyati, na ditthupadanam upadiyati, na silabbatupadanam upadiyati, na attavadupadanam upadiyati; anupadiyam na paritassati, aparitassam paccattam yeva parinibbayati; khina jati, vusitam brahmacariyam, katam karaniyam naparam itthattayati pajanatiti.

[page 068]

Idam-avoca Bhagava. Attamana te bhikkhu Bhagavato bhasitam abhinandun-ti.

CULASIHANADASUTTAM PATHAMAM.

 


 

XII. Maha Sihanada Suttam

Evam-me sutam. Ekam samayam Bhagava Vesaliyam viharati bahinagare avarapure vanasande. Tena kho pana samayena Sunakkhatto Licchaviputto acirapakkanto hoti imasma dhammavinaya; so Vesaliyam parisatim etam vacam bhasati: Na-tthi samanassa Gotamassa uttarim manussadhamma alamariyananadassanaviseso, takkapariyahatam samano Gotamo dhammam deseti vimamsanucaritam sayampatibhanam, yassa ca khvassa atthaya dhammo desito so niyyati takkarassa samma dukkhakkhayayati. Atha kho ayasma Sariputto pubbanhasamayam nivasetva pattacivaram adaya Vesalim pindaya pavisi. Assosi kho ayasma Sariputto Sunakkhattassa Licchaviputtassa Vesaliyam parisatim etam vacam bhasamanassa: Na-tthi samanassa Gotamassa uttarim manussadhamma alamariyananadassanaviseso, takkapariyahatam samano Gotamo dhammam deseti vimamsanucaritam sayampatibhanam, yassa ca khvassa atthaya dhammo desito so niyyati takkarassa samma dukkhakkhayayati.

Atha kho ayasma Sariputto Vesaliyam pindaya caritva pacchabhattam pindapatapatikkanto yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho ayasma Sariputto Bhagavantam etad-avoca: Sunakkhatto bhante Licchaviputto acirapakkanto imasma dhammavinaya, so Vesaliyam parisatim etam vacam bhasati: Na-tthi samanassa Gotamassa ... so niyyati takkarassa samma dukkhakkhayayati.

Kodhano Sariputta Sunakkhatto moghapuriso, kodha ca pan' assa esa vaca bhasita. Avannam bhasissamiti so Sariputta Sunakkhatto moghapuriso vannam yeva Tathagatassa bhasati.

[page 069]

Vanno h' eso Sariputta Tathagatassa yo evam vadeyya: yassa ca khvassa atthaya dhammo desito so niyyati takkarassa samma dukkhakkhayayati.

Ayam-pi hi nama Sariputta Sunakkhattassa moghapurisassa mayi dhammanvayo na bhavissati: Iti pi so Bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava ti. Ayam-pi hi nama Sariputta Sunakkhattassa moghapurisassa mayi dhammanvayo na bhavissati: Iti pi so Bhagava anekavihitam iddhividham paccanubhoti: eko pi hutva bahudha hoti, bahudha pi hutva eko hoti, avibhavam tirobhavam tirokuddam tiropakaram tiropabbatam asajjamano gacchati seyyatha pi akase, pathaviya pi ummujjanimujjam karoti seyyatha pi udake, udake pi abhijjamane gacchati seyyatha pi pathaviyam, akase pi pallankena kamati seyyatha pi pakkhi sakuno, ime pi candimasuriye evam mahiddhike evam mahanubhave panina parimasati parimajjati, yava Brahmaloka pi kayena vasam vattetiti. Ayam-pi hi nama Sariputta Sunakkhattassa moghapurisassa mayi dhammanvayo na bhavissati: Iti pi so Bhagava dibbaya sotadhatuya visuddhaya atikkantamanusikaya ubho sadde sunati dibbe ca manuse ca ye dure santike cati.

Ayam-pi hi nama Sariputta Sunakkhattassa moghapurisassa mayi dhammanvayo na bhavissati: Iti pi so Bhagava parasattanam parapuggalanam cetasa ceto paricca pajanati: saragam va cittam saragam cittan-ti pajanati, vitaragam va cittam vitaragam cittan-ti pajanati - pe - sankhittam ... ., vikkhittam ... ., mahaggatam ... ., amahaggatam ... sa-uttaram ... ., anuttaram ... ., samahitam ... ., asamahitam ... vimuttam ... ., avimuttam va cittam avimuttam cittan-ti pajanatiti.

Dasa kho pan' imani Sariputta Tathagatassa Tathagatabalani yehi balehi samannagato Tathagato asabhan-thanam patijanati, parisasu sihanadam nadati, brahmacakkam pavatteti, katamani dasa: Idha Sariputta Tathagato thanan-ca thanato atthanan-ca atthanato yathabhutam pajanati. Yampi Sariputta Tathagato thanan-ca thanato atthanan-ca atthanato yathabhutam pajanati, idam-pi Sariputta Tathagatassa Tathagatabalam hoti yam balam agamma Tathagato asabhan-thanam patijanati,

[page 070]

parisasu sihanadam nadati, brahmacakkam pavatteti. Puna ca param Sariputta Tathagato atitanagatapaccuppannanam kammasamadananam thanaso hetuso vipakam yathabhutam pajanati. Yam-pi Sariputta Tathagato atitanagatapaccuppannanam ... pavatteti.

Puna ca param Sariputta Tathagato sabbatthagaminim patipadam yathabhutam pajanati. Yam-pi Sariputta ... pavatteti. Puna ca param Sariputta Tathagato anekadhatunanadhatu-lokam yathabhutam pajanati. Yam-pi Sariputta ... pavatteti. Puna ca param Sariputta Tathagato sattanam nanadhimuttikatam yathabhutam pajanati. Yam-pi Sariputta ... pavatteti. Puna ca param Sariputta Tathagato parasattanam parapuggalanam indriyaparopariyattam yathabhutam pajanati. Yam-pi Sariputta ... pavatteti. Puna ca param Sariputta Tathagato jhana-vimokha-samadhi-samapattinam sankilesam vodanam vutthanam yathabhutam pajanati. Yam-pi Sariputta ... pavatteti. Puna ca param Sariputta Tathagato anekavihitam pubbenivasam anussarati, seyyathidam: ekam-pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim-pi jatiyo timsam-pi jatiyo cattarisam-pi jatiyo pannasam-pi jatiyo jatisatam-pi jatisahassam-pi jatisatasahassam-pi, aneke pi samvattakappe aneke pi vivattakappe aneke pi samvattavivattakappe, amutr' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto amutra udapadim, tatrap' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto idhupapanno ti, iti sakaram sauddesam anekavihitam pubbenivasam anussarati. Yam-pi Sariputta ... pavatteti. Puna ca param Sariputta Tathagato dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate, yathakammupage satte pajanati:

ime vata bhonto satta kayaduccaritena samannagata vaciduccaritena s. manoduccaritena s. ariyanam upavadaka micchaditthika micchaditthikammasamadana, te kayassa bheda param-marana apayam duggatim vinipatam nirayam upapanna,

[page 071]

ime va pana bhonto satta kayasucaritena samannagata vacisucaritena s. manosucaritena s. ariyanam anupavadaka sammaditthika sammaditthikammasamadana, te kayassa bheda param-marana sugatim saggam lokam upapanna ti, iti dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate, yathakammupage satte pajanati. Yam-pi Sariputta ... pavatteti. Puna ca param Sariputta Tathagato asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharati. Yam-pi Sariputta Tathagato asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharati, idam-pi Sariputta Tathagatassa Tathagatabalam hoti yam balam agamma Tathagato asabhan-thanam patijanati, parisasu sihanadam nadati, brahmacakkam pavatteti.

Imani kho Sariputta dasa Tathagatassa Tathagatabalani yehi balehi samannagato Tathagato asabhan-thanam patijanati, parisasu sihanadam nadati, brahmacakkam pavatteti. Yo kho mam Sariputta evam janantam evam passantam evam vadeyya: Na-tthi samanassa Gotamassa uttarim manussadhamma alamariyananadassanaviseso, takkapariyahatam samano Gotamo dhammam deseti vimamsanucaritam sayampatibhanan-ti, tam Sariputta vacam appahaya tam cittam appahaya tam ditthim appatinissajitva yathabhatam nikkhitto evam niraye. Seyyatha pi Sariputta bhikkhu silasampanno samadhisampanno pannasampanno ditthe va dhamme annam aradheyya, evamsampadam-idam Sariputta vadami: tam vacam appahaya tam cittam appahaya tam ditthim appatinissajitva yathabhatam nikkhitto evam niraye.

Cattar' imani Sariputta Tathagatassa vesarajjani yehi vesarajjehi samannagato Tathagato asabhan-thanam patijanati, parisasu sihanadam nadati, brahmacakkam pavatteti, katamani cattari: Sammasambuddhassa te patijanato ime dhamma anabhisambuddha ti, tatra vata mam samano va brahmano va devo va Maro va Brahma va koci va lokasmim saha dhammena paticodessatiti nimittam etam Sariputta na samanupassami.

[page 072]

Etam p' aham Sariputta nimittam asamanupassanto khemappatto abhayappatto vesarajjappatto viharami.

Khinasavassa te patijanato ime asava aparikkhina ti, tatra vata mam ... na samanupassami. Etam p' aham ... viharami. Ye kho pana te antarayika dhamma vutta te patisevato nalam antarayayati, tatra vata mam ... na samanupassami. Etam p' aham ... viharami. Yassa kho pana te atthaya dhammo desito so na niyyati takkarassa samma dukkhakkhayayati, tatra vata mam samano va brahmano va devo va Maro va Brahma va koci va lokasmim saha dhammena paticodessatiti nimittam-etam na samanupassami. Etam p' aham Sariputta nimittam asamanupassanto khemappatto abhayappatto vesarajjappatto viharami.

Imani kho Sariputta cattari Tathagatassa vesarajjani yehi ... pavatteti. Yo kho mam Sariputta evam janantam ... evam niraye.

Attha kho ima Sariputta parisa, katama attha: khattiyaparisa brahmanaparisa gahapatiparisa samanaparisa Catummaharajikaparisa Tavatimsaparisa Maraparisa Brahmaparisa.

Ima kho Sariputta attha parisa. Imehi kho Sariputta catuhi vesarajjehi samannagato Tathagato ima attha parisa upasankamati ajjhogahati. Abhijanami kho panaham Sariputta anekasatam khattiyaparisam upasankamita, tatra pi maya sannisinnapubban-c' eva sallapitapubban-ca sakaccha ca samapajjitapubba. Tatra vata mam bhayam va sarajjam va okkamissatiti nimittam-etam Sariputta na samanupassami.

Etam p' aham Sariputta nimittam asamanupassanto khemappatto abhayappatto vesarajjappatto viharami. Abhijanami kho panaham Sariputta anekasatam brahmanaparisam - pe - gahapatiparisam - samanaparisam - Catummaharajikaparisam - Tavatimsaparisam - Maraparisam - Brahmaparisam upasankamita, tatra pi maya sannisinnapubban-c' eva sallapitapubban-ca sakaccha ca samapajjitapubba. Tatra vata mam bhayam va sarajjam va okkamissatiti nimittam-etam Sariputta na samanupassami. Etam p' aham Sariputta nimittam asamanupassanto khemappatto abhayappatto vesarajjappatto viharami.

[page 073]

Yo kho mam Sariputta evam janantam ... evam niraye.

Catasso kho ima Sariputta yoniyo, katama catasso: andaja yoni, jalabuja yoni, samsedaja yoni, opapatika yoni.

Katama ca Sariputta andaja yoni: Ye kho te Sariputta satta andakosam abhinibbhijja jayanti, ayam vuccati Sariputta andaja yoni. Katama ca Sariputta jalabuja yoni: Ye kho te Sariputta satta vatthikosam abhinibbhijja jayanti, ayam vuccati Sariputta jalabuja yoni. Katama ca Sariputta samsedaja yoni: Ye kho te Sariputta satta putimacche va jayanti putikunape va putikummase va candanikaya va oligalle va jayanti, ayam vuccati Sariputta samsedaja yoni.

Katama ca Sariputta opapatika yoni: Deva nerayika ekacce ca manussa ekacce ca vinipatika, ayam vuccati Sariputta opapatika yoni.

Ima kho Sariputta catasso yoniyo. Yo kho mam Sariputta evam janantam ... evam niraye.

Panca kho ima Sariputta gatiyo, katama panca: nirayo tiracchanayoni pittivisayo manussa deva. Nirayan-caham Sariputta pajanami nirayagamin-ca maggam nirayagamininca patipadam, yathapatipanno ca kayassa bheda param-marana apayam duggatim vinipatam nirayam upapajjati tan-ca pajanami. Tiracchanayonin-caham Sariputta pajanami tiracchanayonigamin-ca maggam tiracchanayonigaminin-ca patipadam, yathapatipanno ca kayassa bheda param-marana tiracchanayonim upapajjati tan-ca pajanami. Pittivisayancaham Sariputta pajanami pittivisayagamin-ca maggam pittivisayagaminin-ca patipadam, yathapatipanno ca kayassa bheda param-marana pittivisayam upapajjati tan-ca pajanami. Manusse caham Sariputta pajanami manussalokagamin-ca maggam manussalokagaminin-ca patipadam, yathapatipanno ca kayassa bheda param-marana manussesu upapajjati tan-ca pajanami. Deve caham Sariputta pajanami devalokagamin-ca maggam devalokagaminin-ca patipadam, yathapatipanno ca kayassa bheda param-marana sugatim saggam lokam upapajjati tan-ca pajanami. Nibbanan-caham Sariputta pajanami nibbanagamin-ca maggam nibbanagaminin-ca patipadam,

[page 074]

yathapatipanno ca asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharati tan-ca pajanami.

Idhaham Sariputta ekaccam puggalam evam cetasa ceto paricca pajanami: Tatha 'yam puggalo patipanno tatha ca iriyati tan-ca maggam samarulho yatha kayassa bheda param-marana apayam duggatim vinipatam nirayam upapajjissatiti; tam-enam passami aparena samayena dibbena cakkhuna visuddhena atikkantamanusakena kayassa bheda param-marana apayam duggatim vinipatam nirayam upapannam ekantadukkha tippa katuka vedana vediyamanam. Seyyatha pi Sariputta angarakasu sadhikaporisa pur' angaranam vitaccikanam vitadhumanam, atha puriso agaccheyya ghammabhitatto ghammapareto kilanto tasito pipasito ekayanena maggena tam-eva angarakasum panidhaya, tam-enam cakkhuma puriso disva evam vadeyya: Tatha 'yam bhavam puriso patipanno tatha ca iriyati tan-ca maggam samarulho yatha imam yeva angarakasum agamissatiti; tam-enam passeyya aparena samayena tassa angarakasuya patitam ekantadukkha tippa katuka vedana vediyamanam; evam-eva kho aham Sariputta idh' ekaccam puggalam evam cetasa ceto paricca pajanami: Tatha 'yam puggalo patipanno tatha ca iriyati tan-ca maggam samarulho yatha kayassa bheda param-marana apayam duggatim vinipatam nirayam upapajjissatiti; tam-enam passami aparena samayena dibbena cakkhuna visuddhena atikkantamanusakena kayassa bheda param-marana apayam duggatim vinipatam nirayam upapannam ekantadukkha tippa katuka vedana vediyamanam.

Idha panaham Sariputta ekaccam puggalam evam cetasa ceto paricca pajanami: Tatha 'yam puggalo patipanno tatha ca iriyati tan-ca maggam samarulho yatha kayassa bheda param-marana tiracchanayonim upapajjissatiti; tam-enam passami aparena samayena dibbena cakkhuna visuddhena atikkantamanusakena kayassa bheda param-marana tiracchanayonim upapannam dukkha tippa katuka vedana vediyamanam. Seyyatha pi Sariputta guthakupo sadhikaporiso puro guthassa, atha puriso agaccheyya ghammabhitatto ghammapareto kilanto tasito pipasito ekayanena maggena tam-eva guthakupam panidhaya,

[page 075]

tam-enam cakkhuma puriso disva evam vadeyya: Tatha 'yam bhavam puriso patipanno tatha ca iriyati tan-ca maggam samarulho yatha imam yeva guthakupam agamissatiti; tam-enam passeyya aparena samayena tasmim guthakupe patitam dukkha tippa katuka vedana vediyamanam; evam-eva kho aham Sariputta idh' ekaccam puggalam ... vediyamanam.

Idhaham Sariputta ekaccam puggalam evam cetasa ceto paricca pajanami: Tatha 'yam puggalo ... param-marana pittivisayam upapajjissatiti; tam-enam passami ... pittivisayam upapannam dukkhabahula vedana vediyamanam. Seyyatha pi Sariputta rukkho visame bhumibhage jato tanupattapalaso kabaracchayo, atha puriso agaccheyya ghammabhitatto ghammapareto kilanto tasito pipasito ekayanena maggena tam-eva rukkham panidhaya, tam-enam cakkhuma puriso disva evam vadeyya: Tatha 'yam bhavam puriso patipanno tatha ca iriyati tan-ca maggam patipanno yatha imam yeva rukkham agamissatiti; tam-enam passeyya aparena samayena tassa rukkhassa chayaya nisinnam va nipannam va dukkhabahula vedana vediyamanam; evam-eva kho aham Sariputta idh' ekaccam puggalam ... vediyamanam.

Idha panaham Sariputta ekaccam puggalam evam cetasa ceto paricca pajanami: Tatha 'yam puggalo ... param-marana manussesu upapajjissatiti; tam-enam passami ... manussesu upapannam sukhabahula vedana vediyamanam. Seyyatha pi Sariputta rukkho same bhumibhage jato bahalapattapalaso sandacchayo, atha puriso agaccheyya ghammabhitatto ghammapareto kilanto tasito pipasito ekayanena maggena tam-eva rukkham panidhaya, tam-enam cakkhuma puriso disva evam vadeyya: Tatha 'yam bhavam puriso patipanno tatha ca iriyati tan-ca maggam samarulho yatha imam yeva rukkham agamissatiti; tam-enam passeyya aparena samayena tassa rukkhassa chayaya nisinnam va nipannam va sukhabahula vedana vediyamanam; evam-eva kho aham Sariputta idh' ekaccam puggalam ... vediyamanam.

[page 076]

Idhaham Sariputta ekaccam puggalam evam cetasa ceto paricca pajanami: Tatha 'yam puggalo ... param-marana sugatim saggam lokam upapajjissatiti; tam-enam passami ... sugatim saggam lokam upapannam ekantasukha vedana vediyamanam. Seyyatha pi Sariputta pasado, tatr' assa kutagaram ullittavalittam nivatam phassitaggalam pihitavatapanam, tatr' assa pallanko gonakatthato patikatthato patalikatthato kadalimigapavarapaccattharano sa-uttaracchado ubhatolohitakupadhano, atha puriso agaccheyya ghammabhitatto ghammapareto kilanto tasito pipasito ekayanena maggena tam-eva pasadam panidhaya, tam-enam cakkhuma puriso disva evam vadeyya: Tatha 'yam bhavam puriso patipanno tatha ca iriyati tan-ca maggam samarulho yatha imam yeva pasadam agamissatiti; tam-enam passeyya aparena samayena tasmim pasade tasmim kutagare tasmim pallanke nisinnam va nipannam va ekantasukha vedana vediyamanam; evam-eva kho aham Sariputta idh' ekaccam puggalam ... vediyamanam.

Idha panaham Sariputta ekaccam puggalam evam cetasa ceto paricca pajanami: Tatha 'yam puggalo patipanno tatha ca iriyati tan-ca maggam samarulho yatha asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharissatiti; tam-enam passami aparena samayena asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharantam ekantasukha vedana vediyamanam. Seyyatha pi Sariputta pokkharani acchodaka satodaka sitodaka setaka supatittha ramaniya, avidure c' assa tibbo vanasando, atha puriso agaccheyya ghammabhitatto ghammapareto kilanto tasito pipasito ekayanena maggena tam-eva pokkharanim panidhaya, tam-enam cakkhuma puriso disva evam vadeyya: Tatha 'yam bhavam puriso patipanno tatha ca iriyati tan-ca maggam samarulho yatha imam yeva pokkharanim agamissatiti; tam-enam passeyya aparena samayena tam pokkharanim ogahitva nahatva ca pivitva ca sabbadarathakilamathaparilaham patippassambhetva paccuttaritva tasmim vanasande nisinnam va nipannam va ekantasukha vedana vediyamanam;

[page 077]

evam-eva kho aham Sariputta idh' ekaccam puggalam evam cetasa ceto paricca pajanami: Tatha 'yam puggalo patipanno tatha ca iriyati tan-ca maggam samarulho yatha asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharissatiti; tamenam passami aparena samayena asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharantam ekantasukha vedana vediyamanam.

Ima kho Sariputta panca gatiyo. Yo kho mam Sariputta evam janantam evam passantam evam vadeyya: Na-tthi samanassa Gotamassa uttarim manussadhamma alamariyananadassanaviseso, takkapariyahatam samano Gotamo dhammam deseti vimamsanucaritam sayampatibhanan-ti, tam Sariputta vacam appahaya tam cittam appahaya tam ditthim appatinissajitva yathabhatam nikkhitto evam niraye. Seyyatha pi Sariputta bhikkhu silasampanno samadhisampanno pannasampanno ditthe va dhamme annam aradheyya, evamsampadam-idam Sariputta vadami: tam vacam appahaya tam cittam appahaya tam ditthim appatinissajitva yathabhatam nikkhitto evam niraye.

Abhijanami kho panaham Sariputta caturangasamannagatam brahmacariyam carita: tapassi sudam homi paramatapassi, lukhas-sudam homi paramalukho, jegucchi sudam homi paramajegucchi, pavivittas-sudam homi paramapavivitto.

Tatra-ssu me idam Sariputta tapassitaya hoti: acelako homi muttacaro hatthapalekhano, na ehibhadantiko na titthabhadantiko, nabhihatam na uddissakatam na nimantanam sadiyami; so na kumbhimukha patiganhami, na kalopimukha patiganhami, na elakamantaram na dandamantaram na musalamantaram, na dvinnam bhunjamananam na gabbhiniya, na payamanaya, na purisantaragataya, na sankittisu, na yattha sa upatthito hoti, na yattha makkhika sandasandacarini, na maccham na mamsam na suram na merayam na thusodakam pivami. So ekagariko va homi ekalopiko, dvagariko va homi dvalopiko

[page 078]

- sattagariko va homi sattalopiko.

Ekissa pi dattiya yapemi, dvihi pi dattihi yapemi - sattahi pi dattihi yapemi. Ehahikam-pi aharam aharemi, dvihikam-pi aharam aharemi - sattahikam-pi aharam aharemi.

Iti evarupam addhamasikam-pi pariyayabhattabhojananuyogam-anuyutto viharami. So sakabhakkho va homi, samakabhakkho va homi, nivarabhakkho ... ., daddulabhakkho ... ., hatabhakkho ... ., kanabhakkho ... ., acamabhakkho ... ., pinnakabhakkho ... ., tinabhakkho ... ., gomayabhakko va homi; vanamulaphalaharo yapemi pavattaphalabhoji. So sanani pi dharemi, masanani pi dharemi, chavadussani pi dh., pamsukulani pi dh., tiritani pi dh., ajinam-pi dh., ajinakkhipam-pi dh., kusaciram-pi dh., vakaciram-pi dh., phalakaciram-pi dh., kesakambalam-pi dh., valakambalam-pi dh., ulukapakkham-pi dharemi. Kesamassulocako pi homi kesamassulocananuyogam-anuyutto, ubbhatthako pi homi asanapatikkhitto, ukkutiko pi homi ukkutikappadhanam-anuyutto, kantakapassayiko pi homi kantakapassaye seyyam kappemi, sayatatiyakam-pi udakorohananuyogam-anuyutto viharami.

Iti evarupam anekavihitam kayassa atapanaparitapananuyogam-anuyutto viharami. Idam su me Sariputta tapassitaya hoti.

Tatra-ssu me idam Sariputta lukhasmim hoti: nekavassaganikam rajojallam kaye sannicitam hoti papatikajatam.

Seyyatha pi Sariputta tindukakhanu nekavassaganiko sannicito hoti papatikajato, evam-eva-ssu me Sariputta nekavassaganikam rajojallam kaye sannicitam hoti papatikajatam.

Tassa mayham Sariputta na evam hoti: Aho vataham imam rajojallam panina parimajjeyyam, anne va pana me imam rajojallam panina parimajjeyyun-ti. Evam-pi me Sariputta na hoti. Idam su me Sariputta lukhasmim hoti.

Tatra-ssu me idam Sariputta jegucchismim hoti: so kho aham Sariputta sato va abhikkamami sato patikkamami, yava udabindumhi pi me daya paccupatthita hoti: ma 'ham khuddake pane visamagate sanghatam apadessan-ti.

Idam su me Sariputta jegucchismim hoti.

Tatra-ssu me idam Sariputta pavivittasmim hoti: so kho aham Sariputta annataram arannayatanam ajjhogahitva viharami,

[page 079]

yada passami gopalakam va pasupalakam va tinaharakam va katthaharakam va vanakammikam va, vanena vanam gahanena gahanam ninnena ninnam thalena thalam papatami, tam kissa hetu: ma mam te addasamsu ahan-ca ma te addasan-ti. Seyyatha pi Sariputta arannako migo manusse disva vanena vanam gahanena gahanam ninnena ninnam thalena thalam papatati, evam-eva kho aham Sariputta yada passami gopalakam va pasupalakam va tinaharakam va katthaharakam va vanakammikam va, vanena vanam gahanena gahanam ninnena ninnam thalena thalam papatami, tam kissa hetu: ma mam te addasamsu ahan-ca ma te addasan-ti. Idam su me Sariputta pavivittasmim hoti.

So kho aham Sariputta ye te gottha patthitagavo apagatagopalaka tattha catukundiko upasankamitva yani tani vacchakanam tarunakanam dhenupakanam gomayani tani sudam aharemi. Yava kivan-ca me Sariputta sakam muttakarisam apariyadinnam hoti, sakam yeva sudam muttakarisam aharemi. Idam su me Sariputta mahavikatabhojanasmim hoti.

So kho aham Sariputta annataram bhimsanakam vanasandam ajjhogahitva viharami. Tatra sudam Sariputta bhimsanakassa vanasandassa bhimsanakatasmim hoti: yo koci avitarago tam vanasandam pavisati yebhuyyena lomani hamsanti.

So kho aham Sariputta ya ta rattiyo sita hemantika antaratthake himapatasamaye tatharupasu rattisu rattim abbhokase viharami diva vanasande, gimhanam pacchime mase diva abbhokase viharami rattim vanasande. Api-ssu mam Sariputta ayam anacchariya gatha patibhasi pubbe assutapubba:

So tatto so sino, eko bhimsanake vane,
naggo na c' aggim-asino, esanapasuto muniti.

So kho aham Sariputta susane seyyam kappemi chavatthikani upadhaya. Api-ssu mam Sariputta gomandala upasankamitva otthubhanti pi omuttenti pi, pamsukena okiranti pi, kannasotesu pi salakam pavesenti. Na kho panaham Sariputta abhijanami tesu papakam cittam uppadeta.

Idam su me Sariputta upekhaviharasmim hoti.

[page 080]

Santi kho pana Sariputta eke samanabrahmana evamvadino evamditthino: aharena suddhiti; te evam ahamsu:

kolehi yapemati. te kolam-pi khadanti, kolacunnam-pi khadanti, kolodakam-pi pivanti, anekavihitam-pi kolavikatim paribhunjanti. Abhijanami kho panaham Sariputta ekam yeva kolam aharam aharita. Siya kho pana te Sariputta evam-assa: maha nuna tena samayena kolo ahositi. Na kho pan' etam Sariputta evam datthabbam, tada pi etaparamo yeva kolo ahosi seyyatha pi etarahi. Tassa mayham Sariputta ekam yeva kolam aharam aharayato adhimattakasimanam patto kayo hoti: seyyatha pi nama asitikapabbani va kalapabbani va evam-eva-ssu me angapaccangani bhavanti tay' ev' appaharataya, seyyatha pi nama otthapadam evameva-ssu me anisadam hoti tay' ev' appaharataya, seyyatha pi nama vattanavali evam-eva-ssu me pitthikantako unnatavanato hoti tay' ev' appaharataya, seyyatha pi nama jarasalaya gopanasiyo oluggavilugga bhavanti evam-eva-ssu me phasuliyo oluggavilugga bhavanti tay' ev' appaharataya, seyyatha pi nama gambhire udapane udakataraka gambhiragata okkhayika dissanti evam-eva-ssu me akkhikupesu akkhitaraka gambhiragata okkhayika dissanti tay' ev' appaharataya, seyyatha pi nama tittakalabu amakacchinno vatatapena samputito hoti sammilato evam-eva-ssu me sisacchavi samputita hoti sammilata tay' ev' appaharataya. So kho aham Sariputta:

udaracchavim parimasissamiti pitthikantakam yeva pariganhami, pitthikantakam parimasissamiti udaracchavim yeva pariganhami, yava-ssu me Sariputta udaracchavi pitthikantakam allina hoti tay' ev' appaharataya. So kho aham Sariputta:

vaccam va muttam va karissamiti tatth' eva avakujjo papatami tay' ev' appaharataya. So kho aham Sariputta tam-eva kayam assasento panina gattani anomajjami, tassa mayham Sariputta panina gattani anomajjato putimulani lomani kayasma papatanti tay' ev' appaharataya.

Santi kho pana Sariputta eke samanabrahmana evamvadino evamditthino: aharena suddhiti; te evam-ahamsu:

muggehi yapema - pe - tilehi yapema - tandulehi yapemati, te tandulam-pi khadanti, tandulacunnam-pi khadanti, tandulodakam-pi pivanti,

[page 081]

anekavihitam-pi tandulavikatim paribhunjanti. Abhijanami kho panaham Sariputta ekam yeva tandulam aharam aharita. Siya kho pana te Sariputta evamassa: maha nuna tena samayena tandulo ahositi. Na kho pan' etam Sariputta evam datthabbam, tada pi etaparamo yeva tandulo ahosi seyyatha pi etarahi. Tassa mayham Sariputta ekam yeva tandulam aharam aharayato adhimattakasimanam patto kayo hoti: seyyatha pi nama asitikapabbani va kalapabbani va evam-eva-ssu me angapaccangani bhavanti tay' ev' appaharataya, seyyatha pi nama otthapadam evam-eva-ssu me anisadam hoti tay' ev' appaharataya, seyyatha pi nama vattanavali evam-eva-ssu me pitthikantako unnatavanato hoti tay' ev' appaharataya, seyyatha pi nama jarasalaya gopanasiyo oluggavilugga bhavanti evam-eva-ssu me phasuliyo oluggavilugga bhavanti tay' ev' appaharataya, seyyatha pi nama gambhire udapane udakataraka gambhiragata okkhayika dissanti evam-eva-ssu me akkhikupesu akkhitaraka gambhiragata okkhayika dissanti tay' ev' appaharataya, seyyatha pi nama tittakalabu amakacchinno vatatapena samputito hoti sammilato evam-eva-ssu me sisacchavi samputita hoti sammilata tay' ev' appaharataya. So kho aham Sariputta: udaracchavim parimasissamiti pitthikantakam yeva pariganhami, pitthikantakam parimasissamiti udaracchavim yeva pariganhami, yava-ssu me Sariputta udaracchavi pitthikantakam allina hoti tay' ev' appaharataya. So kho aham Sariputta:

vaccam va muttam va karissamiti tatth' eva avakujjo papatami tay' ev' appaharataya. So kho aham Sariputta tameva kayam assasento panina gattani anomajjami, tassa mayham Sariputta panina gattani anomajjato putimulani lomani kayasma papatanti tay' ev' appaharataya. Taya pi kho aham Sariputta iriyaya taya patipadaya taya dukkarakarikaya najjhagamam uttarim manussadhamma alamariyananadassanavisesam, tam kissa hetu: imissa yeva ariyaya pannaya anadhigama ya 'yam ariya panna adhigata ariya niyyanika niyyati takkarassa samma dukkhakkhayaya.

Santi kho pana Sariputta eke s. e. e.: samsarena suddhiti. Na kho pana so Sariputta samsaro sulabharupo yo maya asamsaritapubbo imina dighena addhuna,

[page 082]

annatra Suddhavasehi devehi; Suddhavase caham Sariputta deve samsareyyam, na-y-imam lokam punar-agaccheyyam. Santi kho pana Sariputta eke s. e. e.: upapattiya suddhiti. Na kho pana sa Sariputta upapatti sulabharupa ya maya anupapannapubba imina dighena addhuna, annatra Suddhavasehi devehi; Suddhavase caham Sariputta deve upapajjeyyam, na-y-imam lokam punar-agaccheyyam. Santi kho pana Sariputta eke s. e. e.: avasena suddhiti. Na kho pana so Sariputta avaso sulabharupo yo maya anavutthapubbo imina dighena addhuna, annatra Suddhavasehi devehi; Suddhavase caham Sariputta deve vaseyyam, na-y-imam lokam punar-agaccheyyam. Santi kho pana Sariputta eke s. e. e.:

Yannena suddhiti. Na kho pana so Sariputta yanno sulabharupo yo maya ayitthapubbo imina dighena addhuna, tan-ca kho ranna va sata khattiyena muddhavasittena brahmanena va mahasalena. Santi kho pana Sariputta eke s. e. e.:

aggiparicariyaya suddhiti. Na kho pana so Sariputto aggi sulabharupo yo maya aparicinnapubbo imina dighena addhuna.

tan-ca kho ranna va sata khattiyena muddhavasittena brahmanena va mahasalena.

Santi kho pana Sariputta eke samanabrahmana evamvadino evamditthino: yavad-evayam bhavam puriso daharo hoti yuva susu kalakeso bhadrena yobbanena samannagato pathamena vayasa, tavad-eva paramena pannaveyyattiyena samannagato hoti; yato ca kho ayam bhavam puriso jinno hoti vuddho mahallako addhagato vayo anuppatto. asitiko va navutiko va vassasatiko va jatiya, atha tamha pannaveyyattiya parihayatiti. Na kho pan, etam Sariputta evam datthabam. Aham kho pana Sariputta etarahi jinno vuddho mahallako addhagato vayo anuppatto, asitiko me vayo vattati. Idha me assu Sariputta cattaro savaka vassasatayukavassasatajivino paramaya satiya ca gatiya ca dhitiya ca samannagata paramena ca pannaveyyattiyena; seyyatha pi Sariputta dalhadhammo dhanuggaho sikkhito katahattho katupasano lahukena asanena appakasiren' eva tiriyam talacchayam; atipateyya, evam adhimattasatimanto evam adhimattagatimanto evam adhimattadhitimanto evam paramena pannaveyyattiyena samannagata.

[page 083]

Te mam catunnam satipatthananam upaday' upadaya panham puccheyyum. puttho puttho caham tesam byakareyyam, byakatan-ca me byakatato dhareyyum, na ca mam dutiyakam uttarim paripuccheyyum, annatra asita-pitakhayita-sayita, annatra uccarapassavakamma, annatra niddakilamathapativinodana. Apariyadinna yev' assa Sariputta Tathagatassa dhammadesana, apariyadinnam yev' assa Tathagatassa dhammapadabyanjanam, apariyadinnam yev' assa Tathagatassa panhapatibhanam, atha me te cattaro savaka vassasatayuka vassasatajivino vassasatassa accayena kalam kareyyum. Mancakena ce pi mam Sariputta pariharissatha n' ev' atthi Tathagatassa pannaveyyattiyassa annathattam.

Yam kho tam Sariputta samma vadamano vadeyya: asammohadhammo satto loke uppanno bahujanahitaya bahujanasukhaya lokanukampaya atthaya hitaya sukhaya devamanussanan-ti, mam-eva tam samma vadamano vadeyya: asammohadhammo ... devamanussanan-ti.

Tena kho pana samayena ayasma Nagasamalo Bhagavato pitthito thito hoti Bhagavantam vijayamano. Atha kho ayasma Nagasamalo Bhagavantam etad-avoca: Acchariyam bhante, abbhutam bhante, api ca me bhante imam dhammapariyayam sutva lomani hatthani. Konamo ayam bhante dhammapariyayo ti. - Tasmatiha tvam Nagasamala imam dhammapariyayam Lomahamsanapariyayo t' eva nam dharehiti.

Idam-avoca Bhagava. Attamano ayasma Nagasamalo Bhagavato bhasitam abhinanditi.

MAHASIHANADASUTTAM DUTIYAM.

 


 

XIII. Maha Dukkhakkhandha Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho sambahula bhikkhu pubbanhasamayam nivasetva pattacivaram adaya Savatthim pindaya pavisimsu.

[page 084]

Atha kho tesam bhikkhunam etad-ahosi: Atippago kho tava Savatthiyam pindaya caritum, yan-nuna mayam yen' annatitthiyanam paribbajakanam aramo ten' upasankameyyamati. Atha kho te bhikkhu yen' annatitthiyanam paribbajakanam aramo ten' upasankamimsu, upasankamitva tehi annatitthiyehi paribbajakehi saddhim sammodimsu, sammodaniyam katham saraniyam vitisaretva ekamantam nisidimsu. Ekamantam nisinne kho te bhikkhu te annatitthiya paribbajaka etad-avocum: Samano avuso Gotamo kamanam parinnam pannapeti, mayam-pi kamanam parinnam pannapema; samano avuso Gotamo rupanam parinnam pannapeti, mayam-pi rupanam parinnam pannapema; samano avuso Gotamo vedananam parinnam pannapeti, mayam-pi vedananam parinnam pannapema; idha no avuso ko viseso ko adhippayo kim nanakaranam samanassa va Gotamassa amhakam va, yadidam dhammadesanaya va dhammadesanam anusasaniya va anusasanin-ti.

Atha kho te bhikkhu tesam annatitthiyanam paribbajakanam bhasitam n' eva abhinandimsu na patikkosimsu, anabhinanditva appatikkositva utthay' asana pakkamimsu: Bhagavato santike etassa bhasitassa attham ajanissamati.

Atha kho te bhikkhu Savatthiyam pindaya caritva pacchabhattam pindapatapatikkanta yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinna kho te bhikkhu Bhagavantam etad-avocum: Idha mayam bhante pubbanhasamayam nivasetva pattacivaram adaya Savatthim pindaya pavisimha, tesam no bhante amhakam etad-ahosi: Atippago kho tava Savatthiyam pindaya caritum, yan-nuna mayam yen' annatitthiyanam paribbajakanam aramo ten' upasankameyyamati. Atha kho mayam bhante yen' annatitthiyanam paribbajakanam aramo ten' upasankamimha, upasankamitva tehi annatitthiyehi paribbajakehi saddhim sammodimha, sammodaniyam katham saraniyam vitisaretva ekamantam nisidimha. Ekamantam nisinne kho bhante te annatitthiya paribbajaka amhe etad-avocum: Samano avuso Gotamo kamanam parinnam pannapeti, mayam-pi kamanam parinnam pannapema;

[page 085]

samano avuso Gotamo rupanam p. p., mayampi rupanam p. p., samano avuso Gotamo vedananam p. p., mayam-pi vedananam p. p.; idha no avuso ko viseso ko adhippayo kim nanakaranam samanassa va Gotamassa amhakam va, yadidam dhammadesanaya va dhammadesanam anusasaniya va anasasanin-ti. Atha kho mayam bhante tesam annatitthiyanam paribbajakanam bhasitam n' eva abhinandimha na patikkosimha, anabhinanditva appatikkositva utthay' asana pakkamimha: Bhagavato santike etassa bhasitassa attham ajanissamati.

Evamvadino bhikkhave annatitthiya paribbajaka evamassu vacaniya: Ko pan' avuso kamanam assado ko adinavo kim nissaranam, ko rupanam assado ko adinavo kim nissaranam, ko vedananam assado ko adinavo kim nissaranan-ti.

Evam puttha bhikkhave annatitthiya paribbajaka na c' eva sampayissanti uttarin-ca vighatam apajjissanti, tam kissa hetu: yatha tam bhikkhave avisayasmim. Nahan-tam bhikkhave passami sadevake loke samarake sabrahmake sassamanabrahmaniya pajaya sadevamanussaya yo imesam panhanam veyyakaranena cittam aradheyya annatra Tathagatena va Tathagatasavakena va ito va pana sutva.

Ko ca bhikkhave kamanam assado: Panc' ime bhikkhave kamaguna, katame panca: cakkhuvinneyya rupa ittha kanta manapa piyarupa kamupasamhita rajaniya, sotavinneyya sadda - pe - ghanavinneyya gandha - jivhavinneyya rasa - kayavinneyya photthabba ittha kanta manapa piyarupa kamupasamhita rajaniya. Ime kho bhikkhave panca kamaguna. Yam kho bhikkhave ime panca kamagune paticca uppajjati sukham somanassam, ayam kamanam assado.

Ko ca bhikkhave kamanam adinavo: Idha bhikkhave kulaputto yena sippatthanena jivikam kappeti, yadi muddaya yadi gananaya yadi sankhanena yadi kasiya yadi vanijjaya yadi gorakkhena yadi issatthena yadi rajaporisena yadi sippannatarena, sitassa purakkhato unhassa purakkhato, damsamakasa-vatatapa-sirimsapasamphassehi rissamano, khuppipasaya miyamano, ayam-pi bhikkhave kamanam adinavo sanditthiko dukkhakkhandho kamahetu kamanidanam kamadhikaranam kamanam-eva hetu.

[page 086]

Tassa ce bhikkhave kulaputtassa evam utthahato ghatato vayamato te bhoga nabhinipphajjanti, so socati kilamati paridevati, urattalim kandati, sammoham apajjati: mogham vata me utthanam, aphalo vata me vayamo ti. Ayam-pi bhikkhave k. a. sanditthiko ... kamanam-eva hetu. Tassa ce bhikkhave kulaputtassa evam utthahato ghatato vayamato te bhoga abhinipphajjanti, so tesam bhoganam arakkhadhikaranam dukkham domanassam patisamvedeti: kinti me bhoge n' eva rajano hareyyum na cora hareyyum na aggi daheyya na udakam vaheyya na appiya dayada hareyyun-ti. Tassa evam arakkhato gopayato te bhoge rajano va haranti cora va haranti aggi va dahati udakam va vahati appiya va dayada haranti. So socati kilamati paridevati, urattalim kandati, sammoham apajjati:

yam-pi me ahosi tam-pi no na-tthiti. Ayam-pi bhikkhave k. a. sanditthiko ... kamanam-eva hetu. Puna ca param bhikkhave kamahetu kamanidanam kamadhikaranam kamanam-eva hetu rajano pi rajuhi vivadanti, khattiya pi khattiyehi v., brahmana pi brahmanehi v., gahapati pi gahapatihi vivadanti, mata pi puttena vivadati, putto pi matara v., pita pi puttena v., putto pi pitara v., bhata pi bhatara v., bhata pi bhaginiya v., bhagini pi bhatara v., sahayo pi sahayena vivadati. Te tattha kalaha-viggaha-vivadam-apanna annamannam panihi pi upakkamanti, ledduhi pi u., dandehi pi u., satthehi pi upakkamanti; te tattha maranam-pi nigacchanti maranamattam-pi dukkham. Ayam-pi bhikkhave k. a. sanditthiko ... kamanam-eva hetu. Puna ca param bhikkhave kamahetu k. k. kamanam-eva hetu asicammam gahetva dhanukalapam sannayhitva ubhatoviyulham sangamam pakkhandanti ususu pi khippamanesu sattisu pi khippamanasu asisu pi vijjotalantesu; te tattha usuhi pi vijjhanti, sattiya pi vijjhanti, asina pi sisam chindanti, te tattha maranam-pi nigacchanti maranamattam-pi dukkham. Ayam-pi bhikkhave k. a. sanditthiko ... kamanam-eva hetu. Puna ca param bhikkhave kamahetu k. k. kamanam-eva hetu asicammam gahetva dhanukalapam sannayhitva addavalepana upakariyo pakkhandanti ususu pi khippamanesu sattisu pi khippamanasu asisu pi vijjotalantesu;

[page 087]

te tattha usuhi pi vijjhanti sattiya pi vijjhanti pakkatthiya pi osincanti abhivaggena pi omaddanti asina pi sisam chindanti; te tattha maranam-pi nigacchanti maranamattam-pi dukkham. Ayampi bhikkhave k. a. sanditthiko ... kamanam-eva hetu. Puna ca param bhikkhave kamahetu k. k. kamanam-eva hetu sandhim-pi chindanti, nillopam-pi haranti, ekagarikam-pi karonti, paripanthe pi titthanti, paradaram-pi gacchanti; tamenam rajano gahetva vividha kammakarana karonti: kasahi pi talenti, vettehi pi talenti, addhadandakehi pi talenti.

hattham-pi chindanti, padam-pi ch., hatthapadam-pi ch., kannam-pi ch., nasam-pi ch., kannanasam-pi chindanti.

bilangathalikam-pi karonti, sankhamundikam-pi k., Rahumukham-pi k., jotimalikam-pi k., hatthapajjotikam-pi k., erakavattikam-pi k., cirakavasikam-pi k., eneyyakam-pi k., balisamamsikam-pi k., kahapanakam-pi k., kharapatacchikam-pi k., palighaparivattikam-pi k., palalapithakam-pi karonti, tattena pi telena osincanti, sunakhehi pi khadapenti.

jivantam-pi sule uttasenti, asina pi sisam chindanti; te tattha maranam-pi nigacchanti maranamattam-pi dukkham.

Ayam-pi bhikkhave k. a. sanditthiko ... kamanam-eva hetu. Puna ca param bhikkhave kamahetu kamanidanam kamadhikaranam kamanam-eva hetu kayena duccaritam caranti, vacaya, d. c., manasa d. c.; te kayena duccaritam caritva vacaya d. c. manasa d. c. kayassa bheda param-marana apayam duggatim vinipatam nirayam upapajjanti. Ayam bhikkhave kamanam adinavo samparayiko dukkhakkhandho kamahetu kamanidanam kamadhikaranam kamanam-eva hetu.

Kin-ca bhikkhave kamanam nissaranam: Yo kho bhikkhave kamesu chandaragavinayo chandaragappahanam. idam kamanam nissaranam.

Ye hi keci bhikkhave samana va brahmana va evam kamanam assadan-ca assadato adinavan-ca adinavato nissaranan-ca nissaranato yathabhutam na-ppajananti, te vata samam va kame parijanissanti param va tathattaya samadapessanti yathapatipanno kame parijanissatiti n' etam thanam vijjati. Ye ca kho keci bhikkhave samana va brahmana va evam kamanam assadam assadato adinavan-ca adinavato nissaranan-ca nissaranato yathabhutam pajananti,

[page 088]

te vata samam va kame parijanissanti param va tathattaya samadapessanti yathapatipanno kame parijanissatiti thanametam vijjati.

Ko ca bhikkhave rupanam assado: Seyyatha pi bhikkhave khattiyakanna va brahmanakanna va gahapatikanna va pannarasavassuddesika va solasavassuddesika va natidigha natirassa natikisa natithula natikali na accodata, parama sa bhikkhave tasmim samaye subha vannanibha ti.

-- Evam-bhante - Yam kho bhikkhave subham vannanibham paticca uppajjati sukham somanassam ayam rupanam assado.

Ko ca bhikkhave rupanam adinavo: Idha bhikkhave tam-eva bhaginim passeyya aparena samayena asitikam va navutikam va vassasatikam va jatiya, jinnam gopanasivankam bhoggam dandaparayanam pavedhamanam gacchantim, aturam gatayobbanam khandadantim palitakesim vilunam khalitasiram valinam tilakahatagattim, tam kim-mannatha bhikkhave: ya purima subha vannanibha sa antarahita, adinavo patubhuto ti. - Evam-bhante. - Ayam-pi bhikkhave rupanam adinavo. Puna ca param bhikkhave tam-eva bhaginim passeyya abadhikam dukkhitam balhagilanam sake muttakarise palipannam semanam annehi vutthapiyamanam annehi samvesiyamanam, tam kim-mannatha bhikkhave: ya purima subha vannanibha sa antarahita, adinavo patubhuto ti. - Evam-bhante. - Ayam-pi bhikkhave rupanam adinavo. Puna ca param bhikkhave tam-eva bhaginim passeyya, sariram sivathikaya chadditam ekahamatam va dvihamatam va tihamatam va, uddhumatakam vinilakam vipubbakajatam, tam kim-mannatha bhikkhave: ya purima subha vannanibha sa antarahita, adinavo patubhuto ti. -Evam-bhante. - Ayam-pi bhikkhave rupanam adinavo.

Puna ca param bhikkhave tam-eva bhaginim passeyya, sariram sivathikaya chadditam kakehi va khajjamanam kulalehi va kh. gijjhehi va kh. supanehi va kh. sigalehi va kh.

vividhehi va panakajatehi khajjamanam; tam kim-mannatha bhikkhave:

[page 089]

ya purima subha vannanibha sa antarahita, adinavo patubhuto ti. - Evam-bhante. - Ayam-pi bhikkhave rupanam adinavo. Puna ca param bhikkhave tam-eva bhaginim passeyya, sariram sivathikaya chadditam atthikasankhalikam samamsalohitam naharusambandham, - atthikasankhalikam nimmamsalohitamakkhitam naharusambandham, -atthikasankhalikam apagatamamsalohitam naharusambandham, - atthikani apagatasambandhani disavidisa vikkhittani, annena hatthatthikam annena padatthikam annena janghatthikam annena uratthikam annena katatthikam annena pitthikantakam annena sisakataham; tam kim-mannatha bhikkhave:

ya purima subha vannanibha sa antarahita, adinavo patubhuto ti. - Evam-bhante. - Ayam-pi bhikkhave rupanam adinavo. Puna ca param bhikkhave tam-eva bhaginim passeyya, sariram sivathikaya chadditam, atthikani setani sankhavannupanibhani, - atthikani punjakitani terovassikani, -atthikani putini cunnakajatani; tam kim-mannatha bhikkhave: ya purima subha vannanibha sa antarahita, adinavo patubhuto ti. - Evam-bhante. - Ayam-pi bhikkhave rupanam adinavo.

Kin-ca bhikkhave rupanam nissaranam: Yo bhikkhave rupesu chandaragavinayo chandaragappahanam, idam rupanam nissaranam.

Ye hi keci bhikkhave samana va brahmana va evam rupanam assadan-ca assadato adinavan-ca adinavato nissaranan-ca nissaranato yathabhutam na-ppajananti, te vata samam va rupe parijanissanti param va tathattaya samadapessanti yathapatipanno rupe parijanissatiti n' etam thanam vijjati. Ye ca kho keci bhikkhave samana va brahmana va evam rupanam ... yathabhutam pajananti ... thanam-etam vijjati.

Ko ca bhikkhave vedananam assado: Idha bhikkhave bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. Yasmim samaye bhikkhave bhikkhu vivicc' eva ... upasampajja viharati, n' eva tasmim samaye attabyabadhaya ceteti na parabyabadhaya ceteti na ubhayabyabadhaya ceteti,

[page 090]

abyabajjham yeva tasmim samaye vedanam vedeti. Abyabajjhaparamaham bhikkhave vedananam assadam vadami. Puna ca param bhikkhave bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam - tatiyam jhanam - catuttham jhanam upasampajja viharati. Yasmim samaye bhikkhave bhikkhu sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharati, n eva tasmim samaye attabyabadhaya ceteti na parabyabadhaya ceteti na ubhayabyabadhaya ceteti. abyabajjham yeva tasmim samaye vedanam vedeti. Abyabajjhaparamaham bhikkhave vedananam assadam vadami.

Ko ca bhikkhave vedananam adinavo: Yam bhikkhave vedana anicca dukkha viparinamadhamma, ayam vedananam adinavo.

Kin-ca bhikkhave vedananam nissaranam: Yo bhikkhave vedanasu chandaragavinayo chandaragappahanam, idam vedananam nissaranam.

Ye hi keci bhikkhave samana va brahmana va evam vedananam assadan-ca assadato adinavan-ca adinavato nissaranan-ca nissaranato yathabhutam na-ppajananti, te vata samam va vedana parijanissanti param va tathattaya samadapessanti yathapatipanno vedana parijanissatiti n' etam thanam vijjati. Ye ca kho keci bhikkhave samana va brahmana va evam vedananam assadan-ca assadato adinavan-ca adinavato nissaranan-ca nissaranato yathabhutam pajananti, te vata samam va vedana parijanissanti param va tathattaya samadapessanti yathapatipanno vedana parijanissatiti thanam-etam vijjatiti.

Idam-avoca Bhagava. Attamana te bhikkhu Bhagavato bhasitam abhinandun-ti.

MAHADUKKHAKKHANDHASUTTAM. TATIYAM.

[page 091]

 


 

XIV. Cula Dukkhakkhandha Suttam

Evam-me sutam. Ekam samayam Bhagava Sakkesu viharati Kapilavatthusmim Nigrodharame. Atha kho Mahanamo Sakko yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho Mahanamo Sakko Bhagavantam etadavoca: Digharattaham bhante Bhagavata evam dhammam desitam ajanami: Lobho cittassa upakkileso, doso cittassa upakkileso, moho cittassa upakkileso ti. Evam caham bhante Bhagavata dhammam desitam ajanami: Lobho cittassa upakkileso, doso c. u., moho c. u. ti, atha ca pana me ekada lobhadhamma pi cittam pariyadaya titthanti, dosadhamma pi cittam pariyadaya titthanti, mohadhamma pi cittam pariyadaya titthanti. Tassa mayham bhante evam hoti: Ko su nama me dhammo ajjhattam appahino yena me ekada lobhadhamma pi cittam pariyadaya titthanti, dosadhamma pi c. p.

titthanti, mohadhamma pi c. p. titthantiti.

So eva kho te Mahanama dhammo ajjhattam appahino yena te ekada lobhadhamma pi cittam pariyadaya titthanti.

dosadhamma pi c. p. titthanti, mohadhamma pi c. p. titthanti.

So ca hi te Mahanama dhammo ajjhattam pahino abhavissa, na tvam agaram ajjhavaseyyasi, na kame paribhunjeyyasi.

Yasma ca kho te Mahanama so eva dhammo ajjhattam appahino, tasma tvam agaram ajjhavasasi, kame paribhunjasi.

Appassada kama bahudukkha bahupayasa, adinavo ettha bhiyyo ti iti ce pi Mahanama ariyasavakassa yathabhutam sammappannaya sudittham hoti. So ca annatr' eva kamehi annatra akusalehi dhammehi pitisukham nadhigacchati annam va tato santataram, atha kho so n' eva tava anavatti kamesu hoti. Yato ca kho Mahanama ariyasavakassa:

appassada kama bahudukkha bahupayasa, adinavo ettha bhiyyo ti evam-etam yathabhutam sammappannaya sudittham hoti, so ca annatr' eva kamehi annatra akusalehi dhammehi pitisukham adhigacchati annan-ca tato santataram, atha kho so anavatti kamesu hoti. Mayham-pi kho Mahanama pubbe va sambodha anabhisambuddhassa bodhisattass' eva sato:

[page 092]

appassada kama bahudukkha bahupayasa, adinavo ettha bhiyyo ti evam-etam yathabhutam sammappannaya sudittham ahosi, so ca annatr' eva kamehi annatra akusalehi dhammehi pitisukham najjhagamam annam va tato santataram, atha khvaham n' eva tava anavatti kamesu paccannasim. Yato ca kho me Mahanama: appassada kama bahudukkha bahupayasa, adinavo ettha bhiyyo ti evam-etam yathabhutam sammappannaya sudittham ahosi, so ca annatr' eva kamehi annatra akusalehi dhammehi pitisukham ajjhagamam annan-ca tato santataram, athaham anavatti kamesu paccannasim.

Ko ca Mahanama kamanam assado: Panc' ime Mahanama kamaguna, katame panca: cakkhuvinneyya rupa ittha kanta manapa piyarupa kamupasamhita rajaniya, sotavinneyya sadda - pe - ghanavinneyya gandha - jivhavinneyya rasa - kayavinneyya photthabba ittha kanta manapa piyarupa kamupasamhita rajaniya. Ime kho Mahanama panca kamaguna. Yam kho Mahanama ime panca kamagune paticca uppajjati sukham somanassam, ayam kamanam assado.

Ko ca Mahanama kamanam adinavo ... (repeat from p. 85, l.30 to p. 87, l.26, with Mahanama substituted for bhikkhave) ... Ayam Mahanama kamanam adinavo samparayiko dukkhakkhandho kamahetu kamanidanam kamadhikaranam kamanam-eva hetu.

Ekam-idaham Mahanama samayam Rajagahe viharami Gijjhakute pabbate. Tena kho pana samayena sambahula nigantha Isigilipasse Kalasilayam ubbhatthaka honti asanapatikkhitta, opakkamika dukkha tippa katuka vedana vediyanti. Atha kho 'ham Mahanama sayanhasamayam patisallana vutthito yena Isigilipassam Kalasila yena te nigantha ten' upasankamim, upasankamitva te niganthe etad-avocam:

Kin-nu tumhe avuso nigantha ubbhatthaka asanapatikkhitta opakkamika dukkha tippa katuka vedana vediyathati. Evam vutte Mahanama te nigantha mam etad-avocum: Nigantho avuso Nathaputto sabbannu sabbadassavi aparisesam nanadassanam patijanati: carato ca me titthato ca suttassa ca jagarassa ca satatam samitam nanadassanam paccupatthitan-ti;

[page 093]

so evam-aha: Atthi kho vo nigantha pubbe papam kammam katam. tam imaya katukaya dukkarakarikaya nijjaretha; yam pan' ettha etarahi kayena samvuta vacaya samvuta manasa samvuta tam ayatim papassa kammassa akaranam; iti purananam kammanam tapasa byantibhava navanam kammanam akarana ayatim anavassavo, ayatim anavassava kammakkhayo, kammakkhaya dukkhakkhayo, dukkhakkhaya vedanakkhayo, vedanakkhaya sabbam dukkham nijjinnam bhavissatiti. Tan-ca pan' amhakam ruccati c' eva khamati ca.

tena c' amha attamana ti.

Evam vutte aham Mahanama te niganthe etad-avocam:

Kim-pana tumhe avuso nigantha janatha: ahuvam' eva mayam pubbe, na nahuvamhati. - No h' idam avuso. -Kim-pana tumhe avuso nigantha janatha: akaram' eva mayam pubbe papam kammam, na nakaramhati. No h' idam avuso. - Kim-pana tumhe avuso nigantha janatha: evarupam va evarupam va papam kammam akaramhati. - No h' idam avuso. - Kim-pana tumhe avuso nigantha janatha:

ettakam va dukkham nijjinnam, ettakam va dukkham nijjaretabbam, ettakamhi va dukkhe nijjinne sabbam dukkham nijjinnam bhavissatiti. - No h' idam avuso. - Kim-pana tumhe avuso nigantha janatha ditthe va dhamme akusalanam dhammanam pahanam, kusalanam dhammanam upasampadan-ti. - No h' idam avuso. - Iti kira tumhe avuso nigantha na janatha: ahuvam' eva mayam pubbe na nahuvamhati, na janatha: akaram eva mayam pubbe papam kammam na nakaramhati, na janatha: evarupam va evarupam va papam kammam akaramhati, na janatha: ettakam va dukkham nijjinnam ettakam va dukkham nijjaretabbam ettakamhi va dukkhe nijjinne sabbam dukkham nijjinnam bhavissatiti, na janatha ditthe va dhamme akusulanam dhammanam pahanam kusalanam dhammanam upasampadam.

Evam sante avuso nigantha ye loke ludda lohitapanino kurarakammanta manussesu paccajata te niganthesu pabbajantiti. - Na kho avuso Gotama sukhena sukham adhigantabbam, dukkhena kho sukham adhigantabbam. Sukhena ca avuso Gotama sukham adhigantabbam abhavissa,

[page 094]

raja Magadho Seniyo Bimbisaro sukham adhigaccheyya, raja Magadho S. B. sukhaviharitaro ayasmata Gotamenati. - Addhayasmantehi niganthehi sahasa appatisankha vaca bhasita: na kho avuso Gotama sukhena sukham adhigantabbam, dukkhena kho sukham adhigantabbam; sukhena ca avuso Gotama sukham adhigantabbam abhavissa, raja Magadho S. B.

sukham adhigaccheyya, raja Magadho S. B. sukhaviharitaro ayasmata Gotamenati. Api ca aham-eva tattha patipucchitabbo: ko nu kho ayasmantanam sukhaviharitaro, raja va Magadho S. B. ayasma va Gotamo ti - Addhavuso Gotama amhehi sahasa appatisankha vaca bhasita: na kho avuso Gotama sukhena sukham adhigantabbam, dukkhena kho sukham adhigantabbam; sukhena ca avuso Gotama sukham adhigantabbam abhavissa, raja Magadho S. B. sukham adhigaccheyya, raja Magadho S. B. sukhaviharitaro ayasmata Gotamenati. Api ca titthat' etam, idani pi mayam ayasmantam Gotamam pucchama: Ko nu kho ayasmantanam sukhaviharitaro, raja va Magadho S. B. ayasma va Gotamo ti. - Tena h' avuso nigantha tumhe va tattha patipucchissami, yatha vo khameyya tatha nam byakareyyatha. Tam kim-mannath' avuso {nigantha}: pahoti raja Magadho S. B.

aninjamano kayena abhasamano vacam satta rattindivani ekantasukhapatisamvedi viharitun-ti. - No h' idam avuso.

-- Tam kim-mannath' avuso nigantha: pahoti raja Magadho S. B. aninjamano kayena abhasamano vacam cha rattindivani panca r. cattari r. tini r. dve r. ekam rattindivam ekantasukhapatisamvedi viharitun-ti - No h' idam avuso. - Aham kho avuso nigantha pahomi aninjamano kayena abhasamano vacam ekam rattindivam ekantasukhapatisamvedi viharitum. Aham kho avuso nigantha pahomi aninjamano kayena abhasamano vacam dve rattindivani tini r. cattari r. panca r. cha r. satta rattindivani ekantasukhapatisamvedi viharitum. Tam kim-mannath' avuso nigantha: evam sante ko sukhaviharitaro, raja va Magadho Seniyo Bimbisaro aham va ti. - Evam sante ayasma va Gotamo sukhaviharitaro ranna Magadhena Seniyena Bimbisarenati.

[page 095]

Idam-avoca Bhagava. Attamano Mahanamo Sakko Bhagavato bhasitam abhinanditi.

CULADUKKHAKKHANDHASUTTAM CATUTTHAM.

 


 

XV. Anumana Suttam

Evam-me sutam. Ekam samayam ayasma Mahamoggallano Bhaggesu viharati Sumsumaragire. Bhesakalavane migadaye. Tatra kho ayasma Mahamoggallano bhikkhu amantesi: Avuso bhikkhavo ti. Avuso ti kho te bhikkhu ayasmato Mahamoggallanassa paccassosum. Ayasma Mahamoggallano etad-avoca:

Pavareti ce pi avuso bhikkhu: Vadantu mam ayasmanto, vacaniyo 'mhi ayasmantehiti, so ca hoti dubbaco dovacassakaranehi dhammehi samannagato akkhamo appadakkhinaggahi anusasanim, atha kho nam sabrahmacari na c' eva vattabbam nannanti na ca anusasitabbam mannanti na ca tasmim puggale vissasam apajjitabbam mannanti. Katame c' avuso dovacassakarana dhamma: Idh' avuso bhikkhu papiccho hoti papikanam icchanam vasamgato; yam-p' avuso bhikkhu papiccho hoti papikanam icchanam vasamgato ayam-pi dhammo dovacassakarano. Puna ca param avuso bhikkhu attukkamsako hoti paravambhi; yam -p' avuso bhikkhu a. h.p.

ayam-pi dh. d. Puna ca param avuso bhikkhu kodhano hoti kodhabhibhuto; yam-p' avuso ... dh. d. Puna ca param avuso bhikkhu kodhano hoti kodhahetu upanahi; yam-p' avuso ... dh. d. Puna ca param avuso bhikkhu kodhano hoti kodhahetu abhisangi; yam-p' avuso ... dhd. Puna ca param avuso bhikkhu kodhano hoti kodhasamantam vacam nicchareta; yam-p' avuso ... dh. d. Puna ca param avuso bhikkhu cudito codakena codakam patippharati; yam-p' avuso ... dhd. Puna ca param avuso bhikkhu cudito codakena codakam apasadeti; yam-p' avuso ... dh. d. Puna ca param avuso bhikkhu cudito codakena codakassa paccaropeti;

[page 096]

yam-p' avuso ... dh. d. Puna ca param avuso bhikkhu cudito codakena annen' annam paticarati, bahiddha katham apanameti, kopan-ca dosan-ca appaccayan-ca patukaroti; yam-p' avuso ... dhd. Puna ca param avuso bhikkhu cudito codakena apadane na sampayati; yam-p' avuso ... dh. d. Puna ca param avuso bhikkhu makkhi hoti palasi; yam-p' avuso ... dh. d. Puna ca param avuso bhikkhu issuki hoti macchari; yam-p' avuso ... dh. d. Puna ca param avuso bhikkhu satho hoti mayavi; yam-p' avuso ... dh. d. Puna ca param avuso bhikkhu thaddho hoti atimani; yam-p' avuso ... dhd. Puna ca param avuso bhikkhu sanditthiparamasi hoti adhanagahi duppatinissaggi; yam-p' avuso bhikkhu sanditthiparamasi hoti adhanagahi duppatinissaggi ayam-pi dhammo dovacassakarano. Ime vuccant' avuso dovacassakarana dhamma.

No ce pi avuso bhikkhu pavareti: Vadantu mam ayasmanto, vacaniyo 'mhi ayasmantehiti, so ca hoti suvaco sovacassakaranehi dhammehi samannagato khamo padakkhinaggahi anusasanim, atha kho nam sabrahmacari vattabban-c' eva mannanti anusasitabban-ca mannanti tasmin-ca puggale vissasam apajjitabbam mannanti. Katame c' avuso sovacassakarana dhamma: Idh' avuso bhikkhu na papiccho hoti na papikanam icchanam vasamgato; yam-p' avuso bhikkhu na papiccho hoti na papikanam icchanam vasamgato ayam-pi dhammo sovacassakarano. Puna ca param avuso bhikkhu anattukkamsako hoti aparavambhi; yam-p' avuso ... dh. s.

Puna ca param avuso bhikkhu na kodhano hoti na kodhabhibhuto; yam-p' avuso ... dh. s. Puna ca param avuso bhikkhu na kodhano hoti na kodhahetu upanahi; yam-p' avuso ... dh. s. Puna ca param avuso bhikkhu na kodhano hoti na kodhahetu abhisangi; yam-p' avuso ... dh. s. Puna ca param avuso bhikkhu na kodhano hoti na kodhasamantam vacam nicchareta; yam-p' avuso ... dh. s. Puna ca param avuso bhikkhu cudito codakena codakam na patippharati; yam-p' avuso ... dh. s. Puna ca param avuso bhikkhu cudito codakena codakam na apasadeti; yam-p' avuso ... .

[page 097]

dh. s. Puna ca param avuso bhikkhu cudito codakena codakassa na paccaropeti; yam-p' avuso ... dh. s. Puna ca param avuso bhikkhu cudito codakena na annen' annam paticarati, na bahiddha katham apanameti, na kopan-ca dosan-ca appaccayan-ca patukaroti; yam-p' avuso ... dh. s.

Puna ca param avuso bhikkhu cudito codakena na apadane na sampayati; yam-p' avuso ... dh. s. Puna ca param avuso bhikkhu amakkhi hoti apalasi; yam-p' avuso ... dhṣ.

Puna ca param avuso bhikkhu anissuki hoti amacchari; yam-p' avuso ... dh. s. Puna ca param avuso bhikkhu asatho hoti amayavi; yam-p' avuso ... dh. s. Puna ca param avuso bhikkhu atthaddho hoti anatimani; yam-p' avuso ... dhṣ. Puna ca param avuso bhikkhu asanditthiparamasi hoti anadhanagahi suppatinissaggi; yam-p' avuso bhikkhu asanditthiparamasi hoti anadhanagahi suppatinissaggi ayam-pi dhammo sovacassakarano. Ime vuccant' avuso sovacassakarana dhamma.

Tatr' avuso bhikkhuna attana va attanam evam anuminitabbam: Yo khvayam puggalo papiccho papikanam icchanam vasamgato ayam-me puggalo appiyo amanapo; ahan-c' eva kho pan' assam papiccho papikanam icchanam vasamgato aham-p' assam paresam appiyo amanapo ti.

Evam jananten' avuso bhikkhuna: Na papiccho bhavissami na papikanam icchanam vasamgato ti cittam uppadetabbam.

Yo khvayam puggalo attukkamsako paravambhi ayam-me puggalo appiyo amanapo, ahan-c' eva kho pan' assam attukkamsako paravambhi aham-p' assam paresam appiyo amanapo ti. Evam jananten' avuso bhikkhuna: Anattukkamsako bhavissami aparavambhi ti cittam uppadetabbam. Yo khvayam puggalo kodhano kodhabhibhuto ayam-me ... na ko.

dhano bhavissami na kodhabhibhuto ti c. u. Yo khvayam puggalo kodhano kodhahetu upanahi ayam-me ... na k.

bh. na k. upanahi ti c.u. Yo khvayam puggalo kodhano kodhahetu abhisangi ayam-me ... c. u. Yo khvayam puggalo kodhano kodhasamantam vacam nicchareta ayam-me ... na k. bh. na k. v. niccharessamiti c. u. Yo khvayam puggalo cudito codakena codakam patippharati ayam-me ... patipphareyyam

[page 098]

... cudito codakena codakam na patippharissamiti c. u. Yo khvayam puggalo cudito codakena codakam apasadeti ayam-me ... apasadeyyam ... na apasadessamiti c. u.

Yo khvayam puggalo cudito codakena codakassa paccaropeti ayam-me ... paccaropeyyam ... na paccaropessamiti c. u. Yo khvayam puggalo cudito codakena annen' annam paticarati, bahiddha katham apanameti, kopan-ca dosan-ca appaccayan-ca patukaroti, ayam-me ... paticareyyam ... apanameyyam ... patukareyyam ... na annen' annam paticarissami, na b. k. apanamessami, na ... patukarissamiti c. u. Yo khvayam puggalo cudito codakena apadane na sampayati ayam-me ... apadane na sampayeyyam ... na apadane na sampayissamiti c. u.

Yo khvayam puggalo makkhi palasi ayam-me ... amakkhi bhavissami apalasi ti c. u. Yo khvayam puggalo issuki macchari ayam-me ... anissuki bh. amacchari ti c. u. Yo khvayam puggalo satho mayavi ayam-me ... asatho bh. amayavi ti c. u. Yo khvayam puggalo thaddho atimani ayamme ... atthaddho bh. anatimani ti c. u. Yo khvayam puggalo sanditthiparamasi adhanagahi duppatinissaggi ayam-me puggalo appiyo amanapo; ahan-c' eva kho pan' assam sanditthiparamasi adhanagahi duppatinissaggi aham-p' assam paresam appiyo amanapo ti. Evam jananten' avuso bhikkhuna: Asanditthiparamasi bhavissami anadhanagahi suppatinissaggi ti cittam uppadetabbam.

Tatr' avuso bhikkhuna attana va attanam evam paccavekkhitabbam: Kin-nu kho 'mhi papiccho papikanam icchanam vasamgato ti. Sace avuso bhikkhu paccavekkhamano evam janati: Papiccho kho 'mhi papikanam icchanam vasamgato ti, ten' avuso bhikkhuna tesam yeva papakanam akusalanam dhammanam pahanaya vayamitabbam. Sace pan' avuso bhikkhu paccavekkhamano evam janati: Na kho 'mhi papiccho na papikanam icchanam vasamgato ti, ten' avuso bhikkhuna ten' eva pitipamujjena vihatabbam ahorattanusikkhina kusalesu dhammesu. Puna ca param avuso bhikkhuna attana va attanam evam paccavekkhitabbam: Kin-nu kho 'mhi attukkamsako paravambhi ti. Sace ... attukkamsako kho 'mhi paravambhi ti ... vayamitabbam. Sace pan' avuso ... anattukkamsako kho 'mhi aparavambhi ti

[page 099]

... kusalesu dhammesu. Puna ca param ... kin-nu kho 'mhi kodhano kodhabhibhuto ti ... na kho 'mhi kodhano kodhabhibhuto ti ... k. dh. Puna ca param ... kin-nu kho 'mhi kodhano kodhahetu upanahi ti ... na kho 'mhi kodhano kodhahetu upanahi ti ... k. dh. Puna ca param ... kin-nu kho 'mhi kodhano kodhahetu abhisangi ti ... na kho 'mhi kodhano kodhahetu abhisangi ti ... k. dh. Puna ca param ... kin-nu kho 'mhi kodhano kodhasamantam vacam nicchareta ti ... na kho 'mhi kodhano kodhasamantam vacam nicchareta ti ... k. dh. Puna ca param ... kin-nu kho 'mhi cudito codakena codakam patippharamiti ... cudito kho 'mhi codakena codakam patippharamiti ... cudito kho 'mhi codakena codakam na patippharamiti ... k. dh. Puna ca param ... kin-nu kho 'mhi cudito codakena codakam apasademiti ... cudito kho 'mhi codakena codakam na apasademiti ... k. dh. Puna ca param ... kin-nu kho 'mhi cudito codakena codakassa paccaropemiti ... cudito kho 'mhi codakena codakassa na paccaropemiti ... k. dh. Puna ca param ... kin-nu kho 'mhi cudito codakena annen' annam paticarami, bahiddha katham apanamemi, kopan-ca dosan-ca appaccayan-ca patukaromiti ... cudito kho 'mhi codakena na annen' annam paticarami, na bahiddha katham apanamemi, na kopan-ca dosan-ca appaccayan-ca patukaromiti ... k. dh. Puna ca param ... kin-nu kho 'mhi cudito codakena apadane na sampayamiti ... cudito kho 'mhi codakena na apadane na sampayamiti ... k. dh. Puna ca param ... kin-nu kho 'mhi makkhi palasi ti ... amakkhi kho 'mhi apalasi ti ... k. dh. Puna ca param ... kin-nu kho 'mhi issuki macchari ti ... anissuki kho 'mhi amacchari ti ... k. dh. Puna ca param ... kin-nu kho 'mhi satho mayavi ti ... asatho kho 'mhi amayavi ti ... k. dh. Puna ca param ... kinnu kho 'mhi thaddho atimani ti ... atthaddho kho 'mhi anatimani ti ... k. dh. Puna ca param avuso bhikkhuna attana va attanam evam paccavekkhitabbam: Kin-nu kho 'mhi sanditthiparamasi adhanagahi duppatinissaggi ti. Sace avuso bhikkhu paccavekkhamano evam janati: Sanditthiparamasi.

kho 'mhi adhanagahi duppatinissaggi ti, ten' avuso bhikkhuna tesam yeva papakanam akusalanam dhammanam pahanaya vayamitabbam.

[page 100]

Sace pan' avuso bhikkhu paccavekkhamano evam janati: Asanditthiparamasi kho 'mhi anadhanagahi suppatinissaggi ti, ten' avuso bhikkhuna ten' eva pitipamujjena vihatabbam ahorattanusikkhina kusalesu dhammesu. Sace avuso bhikkhu paccavekkhamano sabbe p' ime papake akusale dhamme appahine attani samanupassati, ten' avuso bhikkhuna sabbesam yeva imesam papakanam akusalanam dhammanam pahanaya vayamitabbam. Sace pan' avuso bhikkhu paccavekkhamano sabbe p' ime papake akusale dhamme pahine attani samanupassati, ten' avuso bhikkhuna ten' eva pitipamujjena vihatabbam ahorattanusikkhina kusalesu dhammesu. Seyyatha pi avuso itthi va puriso va daharo yuva mandanakajatiko adase va parisuddhe pariyodate acche va udapatte sakam mukhanimittam paccavekkhamano, sace tattha passati rajam va anganam va tass' eva rajassa va anganassa va pahanaya vayamati, no ce tattha passati rajam va anganam va ten' eva attamano hoti: labha vata me, parisuddham vata me ti; evameva kho avuso sace bhikkhu paccavekkhamano sabbe p' ime papake akusale dhamme appahine attani samanupassati, ten' avuso bhikkhuna sabbesam yeva imesam papakanam akusalanam dhammanam pahanaya vayamitabbam; sace pan' avuso bhikkhu paccavekkhamano sabbe p' ime papake akusale dhamme pahine attani samanupassati, ten' avuso bhikkhuna ten' eva pitipamujjena vihatabbam ahorattanusikkhina kusalesu dhammesuti.

Idam-avoca ayasma Mahamoggallano. Attamana te bhikkhu ayasmato Mahamoggallanassa bhasitam abhinandun-ti.

ANUMANASUTTAM PANCAMAM.

[page 101]

 


 

XVI. Ceto-Khila Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Yassa kassaci bhikkhave bhikkhuno panca cetokhila appahina, panca cetaso vinibandha asamucchinna, so vat' imasmim dhammavinaye vuddhim virulhim vepullam apajjissatiti n' etam thanam vijjati. Katam' assa panca cetokhila appahina honti: Idha bhikkhave bhikkhu Satthari kankhati vicikicchati nadhimuccati na sampasidati. Yo so bhikkhave bhikkhu Satthari kankhati vicikicchati nadhimuccati na sampasidati tassa cittam na namati atappaya anuyogaya sataccaya padhanaya, yassa cittam na namati atappaya anuyogaya sataccaya padhanaya evam-assayam pathamo cetokhilo appahino hoti. Puna ca param bhikkhave bhikkhu dhamme kankhati ... na sampasidati - pe - sanghe kankhati ... na sampasidati - sikkhaya kankhati ... na sampasidati. Yo so bhikkhave bhikkhu sikkhaya kankhati ... na sampasidati tassa cittam na namati atappaya a. s. p., yassa cittam na namati atappaya a. s. p. evam-assayam catuttho cetokhilo appahino hoti. Puna ca param bhikkhave bhikkhu sabrahmacarisu kupito hoti anattamano ahatacitto khilajato. Yo so bhikkhave bhikkhu sabrahmacarisu kupito hoti a. a. kh. tassa cittam na namati atappaya a. s. p., yassa cittam na namati atappaya a. s. p. evam-assayam pancamo cetokhilo appahino hoti. Im' assa panca cetokhila appahina honti.

Katam' assa panca cetaso vinibandha asamucchinna honti:

Idha bhikkhave bhikkhu kame avitarago hoti avigatachando avigatapemo avigatapipaso avigataparilaho avigatatanho. Yo so bhikkhave bhikkhu kame avitarago hoti ... avigatatanho tassa cittam na namati atappaya anuyogaya sataccaya padhanaya, yassa cittam na namati atappaya a. s. p. evam-assayam pathamo cetaso vinibandho asamucchinno hoti. Puna ca param bhikkhave bhikkhu kaye avitarago hoti --pe-evam-assayam dutiyo cetaso vinibandho asamucchinno hoti.

[page 102]

Puna ca param bhikkhave bhikkhu rupe avitarago hoti -pe - evam-assayam tatiyo cetaso vinibandho asamucchinno hoti. Puna ca param bhikkhave bhikkhu yavadattham udaravadehakam bhunjitva seyyasukham passasukham middhasukham anuyutto viharati. Yo so bhikkhave bhikkhu yavadattham ... viharati tassa cittam na namati atappaya a. s. p., yassa cittam na namati atappaya a. s. p. evam-assayam catuttho cetaso vinibandho asamucchinno hoti. Puna ca param bhikkhave bhikkhu annataram devanikayam panidhaya brahmacariyam carati: imina 'ham silena va vatena va tapena va brahmacariyena va devo va bhavissami devannataro va ti.

Yo so bhikkhave bhikkhu annataram ... devannataro va ti, tassa cittam na namati atappaya a. s. p., yassa cittam na namati atappaya a. s. p. evam-assayam pancamo cetaso vinibandho asamucchinno hoti. Im' assa panca cetaso vinibandha asamucchinna honti. Yassa kassaci bhikkhave bhikkhuno ime panca cetokhila appahina, ime panca cetaso vinibandha asamucchinna, so vat' imasmim dhammavinaye vuddhim virulhim vepullam apajjissatiti n' etam thanam vijjati.

Yassa kassaci bhikkhave bhikkhuno panca cetokhila pahina, panca cetaso vinibandha susamucchinna, so vat' imasmim dhammavinaye vuddhim virulhim vepullam apajjissatiti thanam-etam vijjati. Katam' assa panca cetokhila pahina honti: Idha bhikkhave bhikkhu Satthari na kankhati na vicikicchati, adhimuccati sampasidati. Yo so bhikkhave bhikkhu Satthari na kankhati ... sampasidati tassa cittam namati atappaya anuyogaya sataccaya padhanaya, yassa cittam namati atappaya a. s. p. evam-assayam pathamo cetokhilo pahino hoti. Puna ca param bhikkhave bhikkhu dhamme na kankhati ... sampasidati - pe - sanghe - sikkhaya na kankhati ... sampasidati. Yo so bhikkhave bhikkhu sikkhaya na kankhati ... sampasidati tassa cittam namati atappaya a. s. p., yassa cittam namati atappaya a. s. p. evam-assayam catuttho cetokhilo pahino hoti. Puna ca param bhikkhave bhikkhu sabrahmacarisu na kupito hoti, attamano anahatacitto akhilajato. Yo so bhikkhave bhikkhu sabrahmacarisu na kupito hoti, attamano a. a., tassa cittam namati atappaya

[page 103]

a. s. p. yassa cittam namati atappaya a. s. p. evamassayam pancamo cetokhilo pahino hoti. Im' assa panca cetokhila pahina honti.

Katam' assa panca cetaso vinibandha susamucchinna honti: Idha bhikkhave bhikkhu kame vitarago hoti vigatachando vigatapemo vigatapipaso vigataparilaho vigatatanho.

Yo so bhikkhave bhikkhu kame vitarago hoti ... vigatatanho tassa cittam namati atappaya a. s. p., yassa cittam namati atappaya a. s. p. evam-assayam pathamo cetaso vinibandho susamucchinno hoti. Puna ca param bhikkhave bhikkhu kaye vitarago hoti - pe - rupe vitarago hoti - pe - na yavadattham udaravadehakam bhunjitva seyyasukham passasukham middhasukham anuyutto viharati. Yo so bhikkhave bhikkhu na yavadattham ... viharati tassa cittam namati atappaya a. s. p., yassa cittam namati atappaya a. s. p. evamassayam catuttho cetaso vinibandho susamucchinno hoti.

Puna ca param bhikkhave bhikkhu na annataram devanikayam panidhaya brahmacariyam carati: imina 'ham silena va vatena va tapena va brahmacariyena va devo va bhavissami devannataro va ti. Yo so bhikkhave bhikkhu na annataram devanikayam panidhaya brahmacariyam carati: imina 'ham silena va vatena va tapena va brahmacariyena va devo va bhavissami devannataro va ti, tassa cittam namati atappaya anuyogaya sataccaya padhanaya, yassa cittam namati atappaya anuyogaya sataccaya padhanaya evam-assayam pancamo cetaso vinibandho susamucchinno hoti. Im' assa panca cetaso vinibandha susamucchinna honti. Yassa kassaci bhikkhave bhikkhuno ime panca cetokhila pahina; ime panca cetaso vinibandha susamucchinna, so vat' imasmim dhammavinaye vuddhim virulhim vepullam apajjissatiti thanam-etam vijjati.

So chanda-samadhipadhanasankharasamannagatam iddhipadam bhaveti, viriya-samadhipadhanasankharasamannagatam iddhipadam bhaveti, citta-samadhipadhanasankharasamannagatam iddhipadam bhaveti, vimamsa-samadhipadhanasankharasamannagatam iddhipadam bhaveti, ussolhi yeva pancami. Sa kho so bhikkhave evam ussolhipannarasangasamannagato bhikkhu bhabbo abhinibbhidaya,

[page 104]

bhabbo sambodhaya, bhabbo anuttarassa yogakkhemassa adhigamaya.

Seyyatha pi bhikkhave kukkutiya andani attha va dasa va dvadasa va, tan' assu kukkutiya samma adhisayitani samma pariseditani samma paribhavitani, kincapi tassa kukkutiya na evam iccha uppajjeyya: aho vata me kukkutapotaka padanakhasikhaya va mukhatundakena va andakosam-padaletva sotthina abhinibbhijjeyyun-ti, atha kho bhabba va te kukkutapotaka padanakhasikhaya va mukhatundakena va andakosam-padaletva sotthina abhinibbhijjitum; evam-eva kho bhikkhave evam ussolhipannarasangasamannagato bhikkhu bhabbo abhinibbhidaya, bhabbo sambodhaya, bhabbo anuttarassa yogakkhemassa adhigamayati.

Idam-avoca Bhagava. Attamana te bhikkhu Bhagavato bhasitam abhinandun-ti.

CETOKHILASUTTAM CHATTHAM.

 


 

XVII. Vana-Pattha Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Vanapatthapariyayam vo bhikkhave desissami, tam sunatha, sadhukam manasikarotha, bhasissamiti. Evam-bhante ti kho te bhikkhu Bhagavato paccassosum. Bhagava etad-avoca:

Idha bhikkhave bhikkhu annataram vanapattham upanissaya viharati; tassa tam vanapattham upanissaya viharato anupatthita c' eva sati na upatthati, asamahitan-ca cittam na samadhiyati, aparikkhina ca asava na parikkhayam gacchanti, ananuppattan-ca anuttaram yogakkhemam nanupapunati, ye c' ime pabbajitena jivitaparikkhara samudanetabba, civara-pindapata-senasana-gilanapaccayabhesajjaparikkhara, te kasirena samudagacchanti. Tena bhikkhave bhikkhuna iti patisancikkhitabbam:

[page 105]

Aham kho imam vanapattham upanissaya viharami; tassa me imam vanapattham upanissaya viharato anupatthita c' eva sati na upatthati, asamahitan-ca cittam na samadhiyati, aparikkhina ca asava na parikkhayam gacchanti, ananuppattan-ca anuttaram yogakkhemam nanupapunami. ye c' ime pabbajitena jivitaparikkhara samudanetabba, civara-pindapata-senasana-gilanapaccayabhesajjaparikkhara, te kasirena samudagacchantiti. Tena bhikkhave bhikkhuna rattibhagam va divasabhagam va tamha vanapattha pakkamitabbam, na vatthabbam.

Idha pana bhikkhave bhikkhu annataram vanapattham upanissaya viharati; tassa tam vanapattham upanissaya viharato anupatthita c' eva sati na upatthati, asamahitan-ca cittam na samadhiyati, aparikkhina ca asava na parikkhayam gacchanti, ananuppattan-ca anuttaram yogakkhemam nanupapunati, ye ca kho ime pabbajitena jivitaparikkhara samudanetabba, civara-pindapata-senasana-gilanapaccayabhesajjaparikkhara, te appakasirena samudagacchanti. Tena bhikkhave bhikkhuna iti patisancikkhitabbam: Aham kho imam vanapattham upanissaya viharami, tassa me imam vanapattham upanissaya viharato anupatthita c' eva sati na upatthati ... nanupapunami, ye ca kho ime ... te appakasirena samudagacchanti; na kho panaham civarahetu agarasma anagariyam pabbajito, na pindapatahetu - pe - na sanasanahetu - na gilanapaccayabhesajjaparikkharahetu agarasma anagariyam pabbajito; atha ca pana me imam vanapattham upanissaya viharato anupatthita c' eva sati na upatthati ... yogakkhemam nanupapunamiti. Tena bhikkhave bhikkhuna sankha pi tamha vanapattha pakkamitabbam, na vatthabbam.

Idha bhikkhave bhikkhu annataram vanapattham upanissaya viharati; tassa tam vanapattham upanissaya viharato anupatthita c' eva sati upatthati, asamahitan-ca cittam samadhiyati, aparikkhina ca asava parikkhayam gacchanti, ananuppattan-ca anuttaram yogakkhemam anupapunati, ye ca kho ime pabbajitena jivitaparikkhara samudanetabba, civarapindapata-senasana-gilanapaccayabhesajjaparikkhara, te kasirena samudagacchanti. Tena bhikkhave bhikkhuna iti patisancikkhitabbam:

[page 106]

Aham kho imam vanapattham upanissaya viharami; tassa me imam vanapattham upanissaya viharato anupatthita c' eva sati upatthati ... anupapunami, ye ca kho ime ... te kasirena samudagacchanti; na kho panaham civarahetu agarasma anagariyam pabbajito, na pindapatahetu --pe-na senasanahetu - na gilanapaccayabhesajjaparikkharahetu agarasma anagariyam pabbajito, atha ca pana me imam vanapattham upanissaya viharato anupatthita c' eva sati upatthati ... yogakkhemam anupapunamiti. Tena bhikkhave bhikkhuna sankha pi tasmim vanapatthe vatthabbam, na pakkamitabbam.

Idha pana bhikkhave bhikkhu annataram vanapattham upanissaya viharati; tassa tam vanapattham upanissaya viharato anupatthita c' eva sati upatthati ... anupapunati, ye c' ime ... te appakasirena samudagacchanti. Tena bhikkhave bhikkhuna iti patisancikkhitabbam: Aham kho imam vanapattham upanissaya viharami; tassa me imam vanapattham upanissaya viharato anupatthita c' eva sati upatthati ... anupapunami, ye c' ime ... te appakasirena samudagacchantiti. Tena bhikkhave bhikkhuna yavajivam-pi tasmim vanapatthe vatthabbam, na pakkamitabbam.

Idha bhikkhave bhikkhu annataram gamam upanissaya viharati - pe - annataram nigamam upanissaya viharati -pe - annataram nagaram upanissaya viharati - pe - annataram janapadam upanissaya viharati - pe - annataram puggalam upanissaya viharati; tassa tam puggalam upanissaya viharato anupatthita c' eva sati na upatthati ... nanupapunati, ye c' ime ... te kasirena samudagacchanti. Tena bhikkhave bhikkhuna iti patisancikkhitabbam: Aham kho mam puggalam upanissaya viharami, tassa me imam puggalam upanissaya viharato anupatthita c' eva sati na upatthati ... nanupapunami, ye c' ime ... te kasirena samudagacchantiti. Tena bhikkhave bhikkhuna rattibhagam va divasabhagam va so puggalo anapuccha pakkamitabbo, nanubandhitabbo.

Idha pana bhikkhave bhikkhu annataram puggalam upanissaya viharati; tassa tam puggalam upanissaya viharato anupatthita c' eva sati na upatthati

[page 107]

... nanupapunati, ye ca kho ime ... te appakasirena samudagacchanti. Tena bhikkhave bhikkhuna iti patisancikkhitabbam: Aham kho imam puggalam upanissaya viharami, tassa me imam puggalam upanissaya viharato anupatthita c' eva sati na upatthati ... nanupapunami, ye ca kho ime ... te appakasirena samudagacchanti; na kho panaham civarahetu agarasma anagariyam pabbajito - na pindapatahetu - na senasanahetu - na gilanapaccayabhesajjaparikkharahetu agarasma anagariyam pabbajito, atha ca pana me imam puggalam upanissaya viharato anupatthita c' eva sati na upatthati ... yogakkhemam nanupapunamiti. Tena bhikkhave bhikkhuna sankha pi so puggalo anapuccha pakkamitabbo, nanubandhitabbo.

Idha bhikkhave bhikkhu annataram puggalam upanissaya viharati; tassa tam puggalam upanissaya viharato anupatthita c' eva sati upatthati ... anupapunati, ye ca kho ime ... te kasirena samudagacchanti. Tena bhikkhave bhikkhuna iti patisancikkhitabbam: Aham kho imam puggalam upanissaya viharami, tassa me imam puggalam upanissaya viharato anupatthita c' eva sati upatthati ... anupapunami, ye ca kho ime ... te kasirena samudagacchanti; na kho panaham civarahetu agarasma anagariyam pabbajito - na pindapatahetu - na senasanahetu - na gilanapaccayabhesajjaparikkharahetu agarasma anagariyam pabbajito, atha ca pana me imam puggalam upanissaya viharato anupatthita c' eva sati upatthati ... yogakkhemam anupapunamiti. Tena bhikkhave bhikkhuna sankha pi so puggalo anubandhitabbo, na pakkamitabbam.

Idha pana bhikkhave bhikkhu annataram puggalam upanissaya viharati, tassa tam puggalam upanissaya viharato anupatthita c' eva sati upatthati, asamahitan-ca cittam samadhiyati, aparikkhina ca asava parikkhayam gacchanti, ananuppattan-ca anuttaram yogakkhemam anupapunati, ye c' ime pabbajitena jivitaparikkhara samudanetabba, civarapindapata-senasana-gilanapaccayabhesajjaparikkhara, te appakasirena samudagacchanti. Tena bhikkhave bhikkhuna iti patisancikkhitabbam: Aham kho imam puggalam upanissaya viharami,

[page 108]

tassa me imam puggalam upanissaya viharato anupatthita c' eva sati upatthati, asamahitan-ca cittam samadhiyati, aparikkhina ca asava parikkhayam gacchanti, ananuppattan-ca anuttaram yogakkhemam anupapunami, ye c' ime pabbajitena jivitaparikkhara samudanetabba, civarapindapata-senasana-gilanapaccayabhesajjaparikkhara, te appakasirena samudagacchantiti. Tena bhikkhave bhikkhuna yavajivam-pi so puggalo anubandhitabbo, na pakkamitabbam, api panujjamanena piti.

Idam-avoca Bhagava. Attamana te bhikkhu Bhagavato bhasitam abhinandun-ti.

VANAPATTHASUTTAM SATTAMAM.

 


 

XVIII. Madhu-Pindika Suttam

Evam-me sutam. Ekam samayam Bhagava Sakkesu viharati Kapilavatthusmim Nigrodharame. Atha kho Bhagava pubbanhasamayam nivasetva pattacivaram-adaya Kapilavatthum pindaya pavisi. Kapilavatthusmim pindaya caritva pacchabhattam pindapatapatikkanto yena Mahavanam ten' upasankami divaviharaya, Mahavanam ajjhogahitva beluvalatthikaya mule divaviharam nisidi. Dandapani pi kho Sakko janghaviharam anucankamamano anuvicaramano yena Mahavanam ten' upasankami, Mahavanam ajjhogahitva yena beluvalatthika yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva dandam-olubbha ekamantam atthasi. Ekamantam thito kho Dandapani Sakko Bhagavantam etadavoca: Kimvadi samano kimakkhayi ti. - Yathavadi kho avuso sadevake loke samarake sabrahmake sassamanabrahmaniya pajaya sadevamanussaya na kenaci loke viggayha titthati, yatha ca pana kamehi visamyuttam viharantam tam brahmanam akathamkathim chinnakukkuccam bhavabhave vitatanham sanna nanusenti, evamvadi kho aham avuso evamakkhayi ti. Evam vutte Dandapani Sakko sisam okampetva jivham nillaletva tivisakham nalatikam nalate vutthapetva dandam-olubbha pakkami.

[page 109]

Atha kho Bhagava sayanhasamayam patisallana vutthito yena Nigrodharamo ten' upasankami, upasankamitva pannatte asane nisidi. Nisajja kho Bhagava bhikkhu amantesi: Idhaham bhikkhave pubbanhasamayam nivasetva pattacivaram adaya Kapilavatthum pindaya pavisim. Kapilavatthusmim pindaya caritva pacchabhattam pindapatapatikkanto yena Mahavanam ten' upasankamim divaviharaya, Mahavanam ajjhogahitva beluvalatthikaya mule divaviharam nisidim.

Dandapani pi kho bhikkhave Sakko janghaviharam anucankamamano anuvicaramano yena Mahavanam ten' upasankami, Mahavanam ajjhogahitva yena beluvalatthika yenaham ten' upasankami, upasankamitva mama saddhim sammodi, sammodaniyam katham saraniyam vitisaretva dandam-olubbha ekamantam atthasi. Ekamantam thito kho bhikkhave Dandapani Sakko mam etad-avoca: Kimvadi samano kimakkhayi ti. Evam vutte aham bhikkhave Dandapanim Sakkam etadavocam: Yathavadi kho avuso sadevake loke samarake sabrahmake sassamanabrahmaniya pajaya sadevamanussaya na kenaci loke viggayha titthati, yatha ca pana kamehi visamyuttam viharantam tam brahmanam akathamkathim chinnakukkuccam bhavabhave vitatanham sanna nanusenti, evamvadi kho aham avuso evamakkhayi ti. Evam vutte bhikkhave Dandapani Sakko sisam okampetva jivham nillaletva tivisakham nalatikam nalate vutthapetva dandam-olubbha pakkamiti.

Evam vutte annataro bhikkhu Bhagavantam etad-avoca:

Kimvadi pana bhante Bhagava sadevake loke samarake sabrahmake sassamanabrahmaniya pajaya sadevamanussaya na kenaci loke viggayha titthati, kathan-ca pana bhante Bhagavantam kamehi visamyuttam viharantam tam brahmanam akathamkathim chinnakukkuccam bhavabhave vitatanham sanna nanusentiti. - Yatonidanam bhikkhu purisam papancasannasankha samudacaranti, ettha ce na-tthi abhinanditabbam abhivaditabbam ajjhositabbam, es' ev' anto raganusayanam, es' ev' anto patighanusayanam, es' ev' anto ditthanusayanam,

[page 110]

es' ev' anto vicikicchanusayanam, es' ev' anto mananusayanam, es' ev' anto bhavaraganusayanam, es' ev' anto avijjanusayanam, es' ev' anto dandadana-satthadanakalaha-viggaha-vivada-tuvantuva-pesunna-musavadanam, etth' ete papaka akusala dhamma aparisesa nirujjhantiti.

Idam-avoca Bhagava, idam vatva Sugato utthay' asana viharam pavisi. Atha kho tesam bhikkhunam acirapakkantassa Bhagavato etad-ahosi: Idam kho no avuso Bhagava sankhittena uddesam uddisitva vittharena attham avibhajitva utthay' asana viharam pavittho: Yatonidanam bhikkhu purisam - pe - aparisesa nirujjhantiti. Ko nu kho imassa Bhagavata sankhittena uddesassa udditthassa vittharena attham avibhattassa vittharena attham vibhajeyyati. Atha kho tesam bhikkhunam etad-ahosi: Ayam kho ayasma Mahakaccano Satthu c' eva samvannito sambhavito ca vinnunam sabrahmacarinam, pahoti c' ayasma Mahakaccano imassa Bhagavata sankhittena uddesassa udditthassa vittharena attham avibhattassa vittharena attham vibhajitum. Yan-nuna mayam yen' ayasma Mahakaccano ten' upasankameyyama, upasankamitva ayasmantam Mahakaccanam etam-attham patipuccheyyamati.

Atha kho te bhikkhu yen' ayasma Mahakaccano ten' upasankamimsu, upasankamitva ayasmata Mahakaccanena saddhim sammodimsu, sammodaniyam katham saraniyam vitisaretva ekamantam nisidimsu. Ekamantam nisinna kho te bhikkhu ayasmantam Mahakaccanam etad-avocum: Idam kho no avuso Kaccana Bhagava sankhittena uddesam uddisitva vittharena attham avibhajitva utthay' asana viharam pavittho: Yatonidanam bhikkhu purisam - pe - aparisesa nirujjhantiti. Tesam no avuso Kaccana amhakam acirapakkantassa Bhagavato etad-ahosi: Idam kho no avuso Bhagava sankhittena uddesam uddisitva ... viharam pavittho:

Yatonidanam bhikkhu purisam - pe - aparisesa nirujjhantiti; ko nu kho imassa Bhagavata sankhittena uddesassa udditthassa ... attham vibhajeyyati. Tesam no avuso Kaccana amhakam etad-ahosi: Ayam kho ayasma Mahakaccano Satthu c' eva samvannito sambhavito ca vinnunam sabrahmacarinam,

[page 111]

pahoti c' ayasma Mahakaccano imassa Bhagavata sankhittena uddesassa udditthassa ... attham vibhajitum; yan-nuna mayam yen' ayasma Mahakaccano ten' upasankameyyama, upasankamitva ayasmantam Mahakaccanam etam-attham patipuccheyyamati. Vibhajat' ayasma Mahakaccano ti.

Seyyatha pi avuso puriso saratthiko saragavesi sarapariyesanam caramano mahato rukkhassa titthato saravato atikkamm' eva mulam atikkamma khandham sakhapalase saram pariyesitabbam manneyya, evamsampadam-idam ayasmantanam, Satthari sammukhibhute tam Bhagavantam atisitva amhe etam-attham patipucchitabbam mannetha. So h' avuso Bhagava janam janati passam passati, cakkhubhuto nanabhuto dhammabhuto brahmabhuto, vatta pavatta, atthassa ninneta amatassa data, dhammassami Tathagato. So c' eva pan' etassa kalo ahosi yam Bhagavantam yeva etamattham patipuccheyyatha; yatha no Bhagava byakareyya tatha nam dhareyyathati. - Addhavuso Kaccana Bhagava janam janati passam passati, cakkhubhuto nanabhuto dhammabhuto brahmabhuto, vatta pavatta, atthassa ninneta amatassa data, dhammassami Tathagato. So c' eva pan' etassa kalo ahosi yam Bhagavantam yeva etam-attham patipuccheyyama, yatha no Bhagava byakareyya tatha nam dhareyyama. Api c' ayasma Mahakaccano Satthu c' eva samvannito sambhavito ca vinnunam sabrahmacarinam, pahoti c' ayasma Mahakaccano imassa Bhagavata sankhittena uddesassa udditthassa ... attham vibhajitum. Vibhajat' ayasma Mahakaccano agarukaritva ti. - Tena h' avuso sunatha, sadhukam manasikarotha, bhasissamiti. Evam-avuso ti kho te bhikkhu ayasmato Mahakaccanassa paccassosum. Ayasma Mahakaccano etad-avoca:

Yam kho no avuso Bhagava sankhittena uddesam uddisitva ... viharam pavittho: Yatonidanam bhikkhu purisam -pe - aparisesa nirujjhantiti, imassa kho aham avuso Bhagavata sankhittena uddesassa udditthassa vittharena attham avibhattassa evam vittharena attham ajanami: Cakkhun-c' avuso paticca rupe ca uppajjati cakkhuvinnanam, tinnam sangati phasso, phassapaccaya vedana, yam vedeti tam sanjanati,

[page 112]

yam sanjanati tam vitakketi, yam vitakketi tam papanceti, yam papanceti tatonidanam purisam papancasannasankha samudacaranti atitanagatapaccuppannesu cakkhuvinneyyesu rupesu. Sotan-c' avuso paticca sadde ca uppajjati sotavinnanam - pe - ghanan-c' avuso paticca gandhe ca uppajjati ghanavinnanam - jivhan-c' avuso paticca rase ca uppajjati jivhavinnanam - kayan-c' avuso paticca photthabbe ca uppajjati kayavinnanam - manan-c' avuso paticca dhamme ca uppajjati manovinnanam, tinnam sangati phasso, phassapaccaya vedana, yam vedeti tam sanjanati, yam sanjanati tam vitakketi, yam vitakketi tam papanceti, yam papanceti tatonidanam purisam papancasannasankha samudacaranti atitanagatapaccuppannesu manovinneyyesu dhammesu.

So vat' avuso cakkhusmim sati rupe sati cakkhuvinnane sati phassapannattim pannapessatiti thanam etam vijjati, phassapannattiya sati vedanapannattim pannapessatiti thanam-etam vijjati, vedanapannattiya sati sannapannattim pannapessatiti thanam-etam vijjati, sannapannattiya sati vitakkapannattim pannapessatiti thanam-etam vijjati, vitakkapannattiya sati papancasannasankhasamudacaranapannattim pannapessatiti thanam-etam vijjati. So vat' avuso sotasmim sati sadde sati -pe - ghanasmim sati gandhe sati - jivhaya sati rase sati -kayasmim sati photthabbe sati - manasmim sati dhamme sati manovinnane sati phassapannattim pannapessatiti ... thanam-etam vijjati. So vat' avuso cakkhusmim asati rupe asati cakkhuvinnane asati phassapannattim pannapessatiti n' etam thanam vijjati, phassapannattiya asati vedanapannattim pannapessatiti n' etam thanam vijjati, vedanapannattiya asati sannapannattim pannapessatiti n' etam thanam vijjati, sannapannattiya asati vitakkapannattim pannapessatiti n' etam thanam vijjati, vitakkapannattiya asati papancasannasankhasamudacaranapannattim pannapessatiti n' etam thanam vijjati. So vat' avuso sotasmim asati sadde asati - pe - ghanasmim asati gandhe asati - jivhaya asati rase asati - kayasmim asati photthabbe asati - manasmim asati dhamme asati manovinnane asati phassapannattim pannapessatiti ... n' etam thanam vijjati. Yam kho no avuso Bhagava sankhittena uddesam uddisitva

[page 113]

... viharam pavittho: Yatonidanam bhikkhu purisam - pe - aparisesa nirujjhantiti, imassa kho aham avuso Bhagavata sankhittena uddesassa udditthassa vittharena attham avibhattassa evam vittharena attham ajanami. Akankhamana ca pana tumhe ayasmanto Bhagavantam yeva upasankamitva etam-attham patipuccheyyatha, yatha no Bhagava byakaroti tatha nam dhareyyathati.

Atha kho te bhikkhu ayasmato Mahakaccanassa bhasitam abhinanditva anumoditva utthay' asana yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinna kho te bhikkhu Bhagavantam etad-avocum: Idam kho no bhante Bhagava sankhittena uddesam uddisitva ... viharam pavittho:

Yatonidanam bhikkhu purisam - pe - aparisesa nirujjhantiti.

Tesam no bhante amhakam acirapakkantassa Bhagavato etadahosi: Idam kho no avuso Bhagava sankhittena uddesam uddisitva vittharena attham avibhajitva utthay' asana viharam pavittho: Yatonidanam bhikkhu purisam papancasannasankha samudacaranti, ettha ce na-tthi abhinanditabbam abhivaditabbam ajjhositabbam, es' ev' anto raganusayanam, es' ev' anto patighanusayanam, es' ev' anto ditthanusayanam, es' ev' anto vicikicchanusayanam, es' ev' anto mananusayanam, es' ev' anto bhavaraganusayanam, es' ev' anto avijjanusayanam, es' ev' anto dandadana-satthadana-kalaha-viggaha-vivadatuvantuva-pesunna-musavadanam, etth' ete papaka akusala dhamma aparisesa nirujjhantiti. Ko nu kho imassa Bhagavata sankhittena uddesassa udditthassa vittharena attham avibhattassa vittharena attham vibhajeyyati. Tesam no bhante amhakam etad-ahosi: Ayam kho ayasma Mahakaccano Satthu c' eva samvannito sambhavito ca vinnunam sabrahmacarinam, pahoti c' ayasma Mahakaccano imassa Bhagavata sankhittena uddesassa udditthassa vittharena attham avibhattassa vittharena attham vibhajitum. Yan-nuna mayam yen' ayasma Mahakaccano ten' upasankameyyama, upasankamitva ayasmantam Mahakaccanam etam-attham patipuccheyyamati. Atha kho mayam bhante yan' ayasma Mahakaccano ten' upasankamimha, upasankamitva ayasmantam Mahakaccanam etam-attham patipucchimha.

[page 114]

Tesam no bhante ayasmata Mahakaccanena imehi akarehi imehi padehi imehi byanjanehi attho vibhatto ti. - Pandito bhikkhave Mahakaccano, mahapanno bhikkhave Mahakaccano, Man-ce pi tumhe bhikkhave etam-attham patipuccheyyatha, aham-pi tam evam-evam byakareyyam yatha tam Mahakaccanena byakatam, eso c' ev' etassa attho, evan-ca nam dharethati.

Evam vutte ayasma Anando Bhagavantam etad-avoca:

Seyyatha pi bhante puriso jighacchadubbalyapareto madhupindikam adhigaccheyya, so yato yato sayeyya labhetha sadum rasam asecanakam, evam-eva kho bhante cetaso bhikkhu dabbajatiko yato yato imassa dhammapariyayassa pannaya attham upaparikkheyya labheth' eva attamanatam, labhetha cetaso pasadam. Konamo ayam bhante dhammapariyayo ti. - Tasmatiha tvam Ananda imam dhammapariyayam Madhupindikapariyayo t' eva nam dharehiti.

Idam-avoca Bhagava. Attamano ayasma Anando Bhagavato bhasitam abhinanditi.

MADHUPINDIKASUTTAM ATTHAMAM.

 


 

XIX. Dvedha-Vitakka Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Pubbe va me bhikkhave sambodha anabhisambuddhassa bodhisattass' eva sato etad-ahosi: Yan-nunaham dvidha katva dvidha katva vitakke vihareyyan-ti. So kho aham bhikkhave yo cayam kamavitakko yo ca byapadavitakko yo ca vihimsavitakko imam ekabhagam-akasim, yo cayam nekkhammavitakko yo ca abyapadavitakko yo ca avihimsavitakko imam dutiyam bhagam-akasim. Tassa mayham bhikkhave evam appamattassa atapino pahitattassa viharato uppajjati kamavitakko,

[page 115]

so evam pajanami: Uppanno kho me ayam kamavitakko, so ca kho attabyabadhaya pi samvattati, parabyabadhaya pi samvattati, ubhayabyabadhaya pi samvattati, pannanirodhiko vighatapakkhiko anibbanasamvattaniko. Attabyabadhaya samvattatiti pi me bhikkhave patisancikkhato abbhattham gacchati, parabyabadhaya samvattatiti pi me bhikkhave patisancikkhato abbhattham gacchati, ubhayabyabadhaya samvattatiti pi me bhikkhave patisancikkhato abbhattham gacchati, pannanirodhiko vighatapakkhiko anibbanasamvattaniko ti pi me bhikkhave patisancikkhato abbhattham gacchati. So kho aham bhikkhave uppannuppannam kamavitakkam pajaham' eva vinodem' eva, byant' eva nam akasim. Tassa mayham bhikkhave evam appamattassa atapino pahitattassa viharato uppajjati byapadavitakko - pe - uppajjati vihimsavitakko, so evam pajanami: Uppanno kho me ayam vihimsavitakko ... anibbanasamvattaniko. Attabyabadhaya samvattatiti pi me ... anibbanasamvattaniko ti pi me bhikkhave patisancikkhato abbhattham gacchati. So kho aham bhikkhave uppannuppannam vihimsavitakkam pajaham' eva vinodem' eva, byant' eva nam akasim. Yan-nad-eva bhikkhave bhikkhu bahulam-anuvitakketi anuvicareti tatha tatha nati hoti cetaso. Kamavitakkam ce bhikkhave bhikkhu bahulam-anuvitakketi anuvicareti, pahasi nekkhammavitakkam, kamavitakkam bahulamakasi, tassa tam kamavitakkaya cittam namati. Byapadavitakkam ce ... Vihimsavitakkam ce bhikkhave bhikkhu bahulam-anuvitakketi anuvicareti, pahasi avihimsavitakkam, vihimsavitakkam bahulam-akasi, tassa tam vihimsavitakkaya cittam namati. Seyyatha pi bhikkhave vassanam pacchime mase saradasamaye kitthasambadhe gopalako gavo rakkheyya, so ta gavo tato tato dandena akoteyya patikoteyya sannirundheyya sannivareyya, tam kissa hetu: passati hi so bhikkhave gopalako tatonidanam vadham va bandham va janim va garaham va; evam-eva kho aham bhikkhave addasam akusalanam dhammanam adinavam okaram sankilesam, kusalanam dhammanam nekkhamme anisamsam vodanapakkham.

[page 116]

Tassa mayham bhikkhave evam appamattassa atapino pahitattassa viharato upajjati nekkhammavitakko, so evam pajanami: Uppanno kho me ayam nekkhammavitakko, so ca kho n' ev' attabyabadhaya samvattati, na parabyabadhaya samvattati, na ubhayabyabadhaya samvattati, pannavuddhiko avighatapakkhiko nibbanasamvattaniko. Rattin-ce pi nam bhikkhave anuvitakkeyyam anuvicareyyam n' eva tatonidanam bhayam samanupassami, divasan-ce pi nam bhikkhave anuvitakkeyyam anuvicareyyam n' eva tatonidanam bhayam samanupassami, rattindivan-ce pi nam bhikkhave anuvitakkeyyam anuvicareyyam n' eva tatonidanam bhayam samanupassami. Api ca kho me aticiram anuvitakkayato anuvicarayato kayo kilameyya, kaye kilante cittam uhanneyya, uhate citte ara cittam samadhimha ti. So kho aham bhikkhave ajjhattam-eva cittam santhapemi sannisademi ekodikaromi samadahami, tam kissa hetu: ma me cittam uhaniti. Tassa mayham bhikkhave evam appamattassa atapino pahitattassa viharato uppajjati abyapadavitakko - pe - uppajjati avihimsavitakko, so evam pajanami: Uppanno kho me ayam avihimsavitakko, so ca kho n' ev' attabyabadhaya samvattati, na parabyabadhaya samvattati, na ubhayabyabadhaya samvattati, pannavuddhiko avighatapakkhiko nibbanasamvattaniko. Rattin-ce pi nam ... samanupassami. Api ca kho me aticiram anuvitakkayato anuvicarayato kayo kilameyya, kaye kilante cittam uhanneyya, uhate citte ara cittam samadhimha ti. So kho aham bhikkhave ajjhattam-eva cittam santhapemi sannisademi ekodikaromi samadahami, tam kissa hetu: ma me cittam uhaniti. Yannad-eva bhikkhave bhikkhu bahulam-anuvitakketi anuvicareti tatha tatha nati hoti cetaso. Nekkhammavitakkam ce bhikkhave bhikkhu bahulam-anuvitakketi anuvicareti, pahasi kamavitakkam, nekkhammavitakkam bahulam-akasi, tassa tam nekkhammavitakkaya cittam namati. Abyapadavitakkam ce ... Avihimsavitakkam ce bhikkhave bhikkhu bahulam-anuvitakketi anuvicareti, pahasi vihimsavitakkam, avihimsavitakkam bahulam-akasi, tassa tam avihimsavitakkaya cittam namati. Seyyatha pi bhikkhave gimhanam pacchime mase sabbasassesu gamantasambhatesu gopalako gavo rakkheyya,

[page 117]

tassa rukkhamulagatassa va abbhokasagatassa va satikaraniyam-eva hoti: eta gavo ti; evam-eva kho bhikkhave satikaraniyam-eva ahosi: ete dhamma ti.

Araddham kho pana me bhikkhave viriyam ahosi asallinam, upatthita sati asammuttha, passaddho kayo asaraddho, samahitam cittam ekaggam. So kho aham bhikkhave vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja vihasim. Vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja vihasim. Pitiya ca viraga upekhako ca vihasim sato ca sampajano, sukhan-ca kayena patisamvedesim yan-tam ariya acikkhanti: upekhako satima sukhavihari ti tatiyam jhanam upasampajja vihasim.

Sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja vihasim.

So evam samahite citte ... (repeat from p. 22, 1.9. to p. 23, 1.25) ... Ayam kho me bhikkhave rattiya pacchime yame tatiya vijja adhigata, avijja vihata vijja uppanna, tamo vihato aloko uppanno, yatha tam appamattassa atapino pahitattassa viharato.

Seyyatha pi bhikkhave aranne pavane mahantam ninnam pallalam, tam-enam maha migasangho upanissaya vihareyya, tassa kocid-eva puriso uppajjeyya anatthakamo ahitakamo ayogakkhemakamo, so yvassa maggo khemo sovatthiko pitigamaniyo tam maggam pidaheyya, vivareyya kummaggam, odaheyya okacaram, thapeyya okacarikam; evam hi so bhikkhave maha migasangho aparena samayena anayabyasanam tanuttam apajjeyya. Tass' eva kho pana bhikkhave mahato migasanghassa kocid-eva puriso uppajjeyya atthakamo hitakamo-yogakkhemakamo, so yvassa maggo khemo sovatthiko pitigamaniyo tam maggam vivareyya, pidaheyya kummaggam, uhaneyya okacaram, naseyya okacarikam; evam hi so bhikkhave maha migasangho aparena samayena vuddhim virulhim vepullam apajjeyya.

Upama kho me ayam bhikkhave kata atthassa vinnapanaya,

[page 118]

ayan-c' ev' ettha attho: Mahantam ninnam pallalan-ti kho bhikkhave kamanam-etam adhivacanam. Maha migasangho ti kho bhikkhave sattanam-etam adhivacanam.

Puriso anatthakamo ahitakamo ayogakkhemakamo ti kho bhikkhave Marass' etam papimato adhivacanam. Kummaggo ti kho bhikkhave atthangikass' etam micchamaggassa adhivacanam, seyyathidam: micchaditthiya micchasankappassa micchavacaya micchakammantassa micchaajivassa micchavayamassa micchasatiya micchasamadhissa. Okacaro ti kho bhikkhave nandiragass' etam adhivacanam. Okacarika ti kho bhikkhave avijjay' etam adhivacanam. Puriso atthakamo hitakamo yogakkhemakamo ti kho bhikkhave Tathagatass' etam adhivacanam arahato sammasambuddhassa.

Khemo maggo sovatthiko pitigamaniyo ti kho bhikkhave ariyass' etam atthangikassa maggassa adhivacanam, seyyathidam: sammaditthiya sammasankappassa sammavacaya sammakammantassa sammaajivassa sammavayamassa sammasatiya sammasamadhissa. Iti kho bhikkhave vivato maya khemo maggo sovatthiko pitigamaniyo, pihito kummaggo, uhato okacaro, nasita okacarika. Yam bhikkhave satthara karaniyam savakanam hitesina anukampakena anukampam upadaya, katam vo tam maya. Etani bhikkhave rukkhamulani, etani sunnagarani. Jhayatha bhikkhave, ma pamadattha, ma paccha vippatisarino ahuvattha; ayam vo amhakam anusasani ti.

Idam-avoca Bhagava. Attamana te bhikkhu Bhagavato bhasitam abhinandun-ti.

DVEDHAVITAKKASUTTAM NAVAMAM.

 


 

XX. Vitakka-Santhana Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum.

[page 119]

Bhagava etadavoca:

Adhicittam-anuyuttena bhikkhave bhikkhuna panca nimittani kalena kalam manasikatabbani, katamani panca:

Idha bhikkhave bhikkhuno yam nimittam agamma yam nimittam manasikaroto uppajjanti papaka akusala vitakka chandupasamhita pi dosupasamhita pi mohupasamhita pi, tena bhikkhave bhikkhuna tamha nimitta annam nimittam manasikatabbam kusalupasamhitam; tassa tamha nimitta annam nimittam manasikaroto kusalupasamhitam ye papaka akusala vitakka chandupasamhita pi dosupasamhita pi mohupasamhita pi te pahiyanti te abbhattham gacchanti, tesam pahana ajjhattam-eva cittam santitthati sannisidati ekodihoti samadhiyati. Seyyatha pi bhikkhave dakkho palagando va palagandantevasi va sukhumaya aniya olarikam anim abhinihaneyya abhinihareyya abhinivajjeyya, evam-eva kho bhikkhave bhikkhuno yam nimittam agamma yam nimittam manasikaroto uppajjanti papaka akusala vitakka chandupasamhita pi dosupasamhita pi mohupasamhita pi, tena bhikkhave bhikkhuna tamha nimitta annam nimittam manasikatabbam kusalupasamhitam; tassa tamha nimitta annam nimittam manasikaroto kusalupasamhitam ye papaka akusala vitakka chandupasamhita pi dosupasamhita pi mohupasamhita pi te pahiyanti te abbhattham gacchanti, tesam pahana ajjhattam-eva cittam santitthati sannisidati ekodihoti samadhiyati.

Tassa ce bhikkhave bhikkhuno tamha nimitta annam nimittam manasikaroto kusalupasamhitam uppajjant' eva papaka akusala vitakka ch. pi d. pi m. pi, tena bhikkhave bhikkhuna tesam vitakkanam adinavo upaparikkhitabbo: iti p' ime vitakka akusala, iti p' ime vitakka savajja, iti p' ime vitakka dukkhavipaka ti; tassa tesam vitakkanam adinavam upaparikkhato ye papaka akusala vitakka ch. pi d. pi m. pi te pahiyanti te abbhattham gacchanti, tesam pahana ajjhattam-eva cittam santitthati sannisidati ekodihoti samadhiyati.

Seyyatha pi bhikkhave itthi va puriso va daharo yuva mandanakajatiko ahikunapena va kukkurakunapena va manussakunapena va kanthe asattena attiyeyya harayeyya jiguccheyya,

[page 120]

evam-eva kho bhikkhave tassa ce bhikkhuno tamha nimitta ... samadhiyati.

Tassa ce bhikkhave bhikkhuno tesam-pi vitakkanam adinavam upaparikkhato uppajjant' eva papaka akusala vitakka ch. pi d. pi m. pi, tena bhikkhave bhikkhuna tesam vitakkanam asati-amanasikaro apajjitabbo; tassa tesam vitakkanam asati-amanasikaram apajjato ye papaka akusala vitakka ch. pi d. pi m. pi te pahiyanti te abbhattham gacchanti, tesam pahana ... samadhiyati. Seyyatha pi bhikkhave cakkhuma puriso apathagatanam rupanam adassanakamo assa, so nimileyya va annena va apalokeyya, evam-eva kho bhikkhave tassa ce bhikkhuno tesam-pi vitakkanam ... samadhiyati.

Tassa ce bhikkhave bhikkhuno tesam-pi vitakkanam asati-amanasikaram apajjato uppajjant' eva papaka akusala vitakka ch. pi d. pi m. pi, tena bhikkhave bhikkhuna tesam vitakkanam vitakkasankharasanthanam manasikatabbam; tassa tesam vitakkanam vitakkasankharasanthanam manasikaroto ye papaka akusala vitakka ch. pi d. pi m. pi te pahiyanti te abbhattham gacchanti, tesam pahana ... samadhiyati.

Seyyatha pi bhikkhave puriso sigham gaccheyya, tassa evamassa: kin-nu kho aham sigham gacchami, yan-nunaham sanikam gaccheyyan-ti, so sanikam gaccheyya, tassa evamassa: kin-nu kho aham sanikam gacchami, yan-nunaham tittheyyan-ti, so tittheyya, tassa evam-assa: kin-nu kho aham thito, yan-nunaham nisideyyan-ti, so nisideyya, tassa evam-assa: kin-nu kho aham nisinno, yan-nunaham nipajjeyyan-ti, so nipajjeyya, evam hi so bhikkhave puriso olarikam olarikam iriyapatham abhinivajjetva sukhumam sukhumam iriyapatham kappeyya; evam-eva kho bhikkhave tassa ce bhikkhuno tesam-pi vitakkanam ... samadhiyati.

Tassa ce bhikkhave bhikkhuno tesam-pi vitakkanam vitakkasankharasanthanam manasikaroto uppajjant' eva papaka akusala vitakka ch. pi d. pi m. pi, tena bhikkhave bhikkhuna dantehi danta-m-adhaya jivhaya talum ahacca cetasa cittam abhinigganhitabbam abhinippiletabbam abhisantapetabbam;

[page 121]

tassa dantehi danta-m-adhaya jivhaya talum ahacca cetasa cittam abhinigganhato abhinippilayato abhisantapayato ye papaka akusala vitakka ch. pi d. pi m.

pi te pahiyanti te abbhattham gacchanti, tesam pahana ... samadhiyati. Seyyatha pi bhikkhave balava puriso dubbalataram purisam sise va gahetva khandhe va gahetva abhinigganheyya abhinippileyya abhisantapeyya, evam-eva kho bhikkhave tassa ce bhikkhuno tesam-pi vitakkanam vitakkasankharasanthanam manasikaroto uppajjant' eva papaka akusala vitakka ch. pi d. pi m. pi, tena bhikkhave bhikkhuna dantehi danta-m-adhaya jivhaya talum ahacca cetasa cittam abhinigganhitabbam abhinippiletabbam abhisantapetabbam, tassa dantehi danta-m-adhaya jivhaya talum ahacca cetasa cittam abhinigganhato abhinippilayato abhisantapayato ye papaka akusala vitakka ch. pi d. pi m. pi te pahiyanti te abbhattham gacchanti, tesam pahana ajjhattam-eva cittam santitthati sannisidati ekodihoti samadhiyati.

Yato kho bhikkhave bhikkhuno yam nimittam agamma yam nimittam manasikaroto uppajjanti papaka akusala dhamma ch. pi d. pi m. pi, tassa tamha nimitta annam nimittam manasikaroto kusalupasamhitam ye papaka akusala vitakka ch. pi d. pi m. pi te pahiyanti te abbhattham gacchanti, tesam pahana ajjhattam-eva cittam santitthati sannisidati ekodihoti samadhiyati; tesam-pi vitakkanam adinavam upaparikkhato ye papaka akusala vitakka ch. pi d. pi m. pi te pahiyanti te abbhattham gacchanti, tesam pahana ... samadhiyati; tesam-pi vitakkanam asati-amanasikaram apajjato ye papaka akusala vitakka ch. pi d. pi m. pi te pahiyanti te abbhattham gacchanti, tesam pahana ... samadhiyati; tesam-pi vitakkanam vitakkasankharasanthanam manasikaroto ye papaka akusala vitakka ch. pi d. pi m. pi te pahiyanti te abbhattham gacchanti, tesam pahana ... samadhiyati; dantehi danta-m-adhaya jivhaya talum ahacca cetasa cittam abhinigganhato abhinippilayato abhisantapayato ye papaka akusala vitakka chandupasamhita pi dosupasamhita pi mohupasamhita pi te pahiyanti te abbhattham gacchanti, tesam pahana ajjhattam-eva cittam santitthati sannisidati ekodihoti samadhiyati;

[page 122]

ayam vuccati bhikkhave bhikkhu vasi vitakkapariyayapathesu, yam vitakkam akankhissati tam vitakkam vitakkessati, yam vitakkam n' akankhissati na tam vitakkam vitakkessati; acchecchi tanham, vavattayi samyojanam, samma manabhisamaya antam-akasi dukkhassati.

Idam-avoca Bhagava. Attamana te bhikkhu Bhagavato bhasitam abhinandun-ti.

VITAKKASANTHANASUTTAM DASAMAM

SIHANADAVAGGO DUTIYO.

 


 

Tatiya Vagga

XXI. Kakacupama Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tena kho pana samayena ayasma Moliyaphagguno bhikkhunihi saddhim ativelam samsattho viharati. Evam samsattho ayasma Moliyaphagguno bhikkhunihi saddhim viharati: sace koci bhikkhu ayasmato Moliyaphaggunassa sammukha tasam bhikkhuninam avannam bhasati ten' ayasma Moliyaphagguno kupito anattamano adhikaranam-pi karoti, sace pana koci bhikkhu tasam bhikkhuninam sammukha ayasmato Moliyaphaggunassa avannam bhasati tena ta bhikkhuniyo kupita anattamana adhikaranam-pi karonti. Evam samsattho ayasma Moliyaphagguno bhikkhunihi saddhim viharati. Atha kho annataro bhikkhu yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho so bhikkhu Bhagavantam etad-avoca:

Ayasma bhante Moliyaphagguno bhikkhunihi saddhim ativelam samsattho viharati; evam samsattho bhante ayasma Moliyaphagguno bhikkhunihi saddhim viharati: sace koci bhikkhu ... adhikaranam-pi karonti; evam samsattho bhante ayasma Moliyaphagguno bhikkhunihi saddhim viharatiti.

Atha kho Bhagava annataram bhikkhum amantesi: Ehi tvam bhikkhu mama vacanena Moliyaphaggunam bhikkhum amantehi:

[page 123]

Sattha tam avuso Phagguna amantetiti. Evambhante ti kho so bhikkhu Bhagavato patissutva yan' ayasma Moliyaphagguno ten' upasankami, upasankamitva ayasmantam Moliyaphaggunam etad-avoca: Sattha tam avuso Phagguna amantetiti. Evam-avuso ti kho ayasma Moliyaphagguno tassa bhikkhuno patissutva yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinnam kho ayasmantam Moliyaphaggunam Bhagava etad-avoca:

Saccam kira tvam Phagguna bhikkhunihi saddhim ativelam samsattho viharasi; evam samsattho kira tvam Phagguna bhikkhunihi saddhim viharasi: sace koci bhikkhu tuyham sammukha tasam bhikkhuninam avannam bhasati tena tvam kupito anattamano adhikaranam-pi karosi, sace pana koci bhikkhu tasam bhikkhuninam sammukha tuyham avannam bhasati tena ta bhikkhuniyo kupita anattamana adhikaranam-pi karonti; evam samsattho kira tvam Phagguna bhikkhunihi saddhim viharasiti. - Evam-bhante. - Nanu tvam Phagguna kulaputto saddha agarasma anagariyam pabbajito ti. - Evam-bhante. - Na kho te etam Phagguna patirupam kulaputtassa saddha agarasma anagariyam pabbajitassa yan-tvam bhikkhunihi saddhim ativelam samsattho vihareyyasi. Tasmatiha Phagguna tava ce pi koci sammukha tasam bhikkhuninam avannam bhaseyya tatrapi tvam Phagguna ye gahasita chanda ye gehasita vitakka te pajaheyyasi; tatrapi te Phagguna evam sikkhitabbam: Na c' eva me cittam viparinatam bhavissati na ca papikam vacam niccharessami hitanukampi ca viharissami mettacitto na dosantaro ti, evam hi te Phagguna sikkhitabbam. Tasmatiha Phagguna tava ce pi koci sammukha tasam bhikkhuninam panina paharam dadeyya ledduna paharam dadeyya dandena paharam dadeyya satthena paharam dadeyya, tatrapi tvam ... sikkhitabbam. Tasmatiha Phagguna tava ce pi koci sammukha avannam bhaseyya tatrapi tvam ... sikkhitabbam Tasmatiha Phagguna tava ce pi koci panina paharam dadeyya ledduna paharam dadeyya dandena paharam dadeyya satthena paharam dadeyya,

[page 124]

tatrapi tvam Phagguna ye gehasita chanda ye gehasita vitakka te pajaheyyasi; tatrapi te Phagguna evam sikkhitabbam: Na c' eva me cittam viparinatam bhavissati na ca papikam vacam niccharessami hitanukampi ca viharissami mettacitto na dosantaro ti, evam hi te Phagguna sikkhitabban-ti.

Atha kho Bhagava bhikkhu amantesi: Aradhayimsu vata me bhikkhave bhikkhu ekam samayam cittam. Idhaham bhikkhave bhikkhu amantesim: Aham kho bhikkhave ekasanabhojanam bhunjami; ekasanabhojanam kho aham bhikkhave bhunjamano appabadhatan-ca sanjanami appatankatan-ca lahutthanan-ca balan-ca phasuviharan-ca. Etha tumhe pi bhikkhave ekasanabhojanam bhunjatha; ekasanabhojanam kho bhikkhave tumhe pi bhunjamana appabadhatan-ca sanjanissatha appatankatan-ca lahutthanan-ca balan-ca phasuviharan-cati. Na me bhikkhave tesu bhikkhusu anusasani karaniya ahosi; satuppadakaraniyam-eva me bhikkhave tesu bhikkhusu ahosi. Seyyatha pi bhikkhave subhumiyam catummahapathe ajannaratho yutto assa thito odhastapatodo, tam-enam dakkho yoggacariyo assadammasarathi abhiruhitva vamena hatthena rasmiyo gahetva dakkhinena hatthena patodam gahetva yenicchakam yadicchakam sareyya pi paccasareyya pi, evam-eva kho bhikkhave na me tesu {bhikkhusu} anusasani karaniya ahosi, satuppadakaraniyam-eva me bhikkhave tesu {bhikkhusu} ahosi. Tasmatiha bhikkhave tumhe akusalam pajahatha kusalesu dhammesu ayogam karotha, evam hi tumhe pi imasmim dhammavinaye vuddhim virulhim vepullam apajjissatha. Seyyatha pi bhikkhave gamassa va nigamassa va avidure mahantam salavanam, tan-c' assa elandehi sanchannam, tassa kocid-eva puriso uppajjeyya atthakamo hitakamo yogakkhemakamo, so ya ta salalatthiyo kutila ojapaharaniyo ta tacchetva bahiddha nihareyya antovanam suvisodhitam visodheyya, ya pana ta salalatthiyo ujuka sujata ta samma parihareyya, evam h' etam bhikkhave salavanam aparena samayena vuddhim virulhim vepullam apajjeyya; evam-eva kho bhikkhave tumhe akusalam pajahatha kusalesu dhammesu ayogam karotha, evam hi tumhe pi imasmim dhammavinaye vuddhim virulhim vepullam apajjissatha.

[page 125]

Bhutapubbam bhikkhave imissa yeva Savatthiya Vedehika nama gahapatani ahosi. Vedehikaya bhikkhave gahapataniya evam kalyano kittisaddo abbhuggato: sorata Vedehika gahapatani, nivata Vedehika gahapatani, upasanta Vedehika gahapatani ti. Vedehikaya kho pana bhikkhave gahapataniya Kali nama dasi ahosi, dakkha analasa susamvihitakammanta. Atha kho bhikkhave Kaliya dasiya etadahosi: Mayham kho ayyaya evam kalyano kittisaddo abbhuggato: sorata Vedehika gahapatani, nivata Vedehika gahapatani, upasanta Vedehika gahapatani ti; kin-nu kho me ayya santam yeva nu kho ajjhattam kopam na patukaroti udahu asantam, udahu mayh' ev' ete kammanta susamvihita yena me ayya santam yeva ajjhattam kopam na patukaroti na asantam; yannunaham ayyam vimamseyyan-ti. Atha kho bhikkhave Kali dasi diva utthasi. Atha kho bhikkhave Vedehika gahapatani Kalim dasim etad-avoca: He je Kali. - Kim ayye. - Kim je diva utthasiti. - Na kho ayye kinci. - No vata re kinci papi dasi, diva utthasiti kupita anattamana bhukutim akasi.

Atha kho bhikkhave Kaliya dasiya etad-ahosi: Santam yeva kho me ayya ajjhattam kopam na patukaroti no asantam, mayh' ev' ete kammanta susamvihita yena me ayya santam yeva ajjhattam kopam na patukaroti no asantam; yan-nunaham bhiyyosomattaya ayyam vimamseyyan-ti.

Atha kho bhikkhave Kali dasi divataram utthasi. Atha kho bhikkhave Vedehika gahapatani Kalim dasim etadavoca: He je Kali. - Kim ayye. - Kim je diva utthasiti. - Na kho ayye kinci. - No vata re kinci papi dasi, diva utthasiti kupita anattamana anattamanavacam niccharesi. Atha kho bhikkhave Kaliya dasiya etad-ahosi: Santam yeva kho me ayya ajjhattam kopam na patukaroti no asantam, mayh' ev' ete kammanta susamvihita yena me ayya santam yeva ajjhattam kopam na patukaroti no asantam; yan-nunaham bhiyyosomattaya ayyam vimamseyyan-ti.

Atha kho bhikkhave Kali dasi divataram yeva utthasi.

Atha kho bhikkhave Vedehika gahapatani Kalim dasim etad-avoca:

[page 126]

He je Kali. - Kim ayye. - Kim je diva utthasiti. - Na kho ayye kinci. - No vata re kinci papi dasi, diva utthasiti kupita anattamana aggalasucim gahetva sise paharam adasi, sisam vobhindi. Atha kho bhikkhave Kali dasi bhinnena sisena lohitena galantena pativissakanam ujjhapesi: Passath' ayye sorataya kammam, passath' ayye nivataya kammam, passath' ayye upasantaya kammam, katham hi nama ekadasikaya: diva utthasiti kupita anattamana aggalasucim gahetva sise paharam dassati sisam vobhindissatiti. Atha kho bhikkhave Vedehikaya gahapataniya aparena samayena evam papako kittisaddo abbhugganchi:

candi Vedehika gahapatani, anivata Vedehika gahapatani, anupasanta Vedehika gahapatani ti. Evam-eva kho bhikkhave idh' ekacco bhikkhu tavad-eva soratasorato hoti nivatanivato hoti upasantupasanto hoti yava na amanapa vacanapatha phusanti; yato ca kho bhikkhave bhikkhum amanapa vacanapatha phusanti atha kho bhikkhu sorato ti veditabbo nivato ti veditabbo upasanto ti veditabbo. Nahan-tam bhikkhave bhikkhum suvaco ti vadami yo civara-pindapata-senasana-gilanapaccayabhesajjaparikkharahetu suvaco hoti sovacassatam apajjati, tam kissa hetu: tam hi so bhikkhave bhikkhu civara-pindapata-senasana-gilanapaccayabhesajjaparikkharam alabhamano na suvaco hoti na sovacassatam apajjati. Yo ca kho bhikkhave bhikkhu dhammam yeva sakkaronto dhammam garukaronto dhammam apacayamano suvaco hoti sovacassatam apajjati tam-aham suvaco ti vadami. Tasmatiha bhikkhave:

Dhammam yeva sakkaronto dhammam garukaronto dhammam apacayamana suvaca bhavissama sovacassatam apajjissamati evam hi vo bhikkhave sikkhitabbam.

Panc' ime bhikkhave vacanapatha yehi vo pare vadamana vadeyyum: kalena va akalena va, bhutena va abhutena va, sanhena va pharusena va, atthasamhitena va anatthasamhitena va, mettacitta va dosantara va. Kalena va bhikkhave pare vadamana vadeyyum akalena va; bhutena va bhikkhave pare vadamana vadeyyum abhutena va; sanhena va bhikkhave pare vadamana vadeyyum pharusena va; atthasamhitena va bhikkhave pare vadamana vadeyyum anatthasamhitena va;

[page 127]

mettacitta va bhikkhave pare vadamana vadeyyum dosantara va. Tatrapi kho bhikkhave evam sikkhitabbam: Na c' eva no cittam viparinatam bhavissati na ca papikam vacam niccharessama hitanukampi ca viharissama mettacitta na dosantara, tan-ca puggalam mettasahagatena cetasa pharitva viharissama, tadarammanan-ca sabbavantam lokam mettasahagatena cetasa vipulena mahaggatena appamanena averena abyabajjhena pharitva viharissamati. Evam hi vo bhikkhave sikkhitabbam.

Seyyatha pi bhikkhave puriso agaccheyya kuddalapitakam adaya, so evam vadeyya: Aham imam mahapathavim apathavim karissamiti, so tatra tatra khaneyya, tatra tatra vikireyya, tatra tatra otthubheyya, tatra tatra omutteyya: apathavi bhavasi, apathavi bhavasiti. Tam kim-mannatha bhikkhave: Api nu so puriso imam mahapathavim apathavim kareyyati. - No h' etam bhante, tam kissa hetu: ayam hi bhante mahapathavi gambhira appameyya, sa na sukara apathavi katum, yavad-eva ca pana so puriso kilamathassa vighatassa bhagi assati. - Evam-eva kho bhikkhave panc' ime vacanapatha yehi vo pare vadamana vadeyyum: kalena va ... dosantara va. Kalena va bhikkhave pare vadamana vadeyyum ... dosantara va. Tatrapi kho bhikkhave evam sikkhitabbam: Na c' eva no cittam viparinatam bhavissati na ca papikam vacam niccharessama hitanukampi ca viharissama mettacitta na dosantara, tan-ca puggalam mettasahagatena cetasa pharitva viharissama, tadarammanan-ca sabbavantam lokam pathavisamena cetasa vipulena mahaggatena appamanena averena abyabajjhena pharitva viharissamati. Evam hi vo bhikkhave sikkhitabbam.

Seyyatha pi bhikkhave puriso agaccheyya lakham va haliddim va nilam va manjittham va adaya, so evam vadeyya; Aham imasmim akase rupani likhissami rupapatubhavam karissamiti. Tam kim-mannatha bhikkhave: Api nu so puriso imasmim akase rupam likheyya rupapatubhavam kareyyati. - No h' etam bhante, tam kissa hetu:

ayam hi bhante akaso arupi anidassano, tattha na sukaram rupam likhitum rupapatubhavam katum, yavad-eva ca pana so puriso kilamathassa vighatassa bhagi assati.

[page 128]

- Evameva kho bhikkhave panc' ime vacanapatha yehi vo pare vadamana vadeyyum: kalena va akalena va - pe - tadarammanan-ca sabbavantam lokam akasasamena cetasa vipulena mahaggatena appamanena averena abyabajjhena pharitva viharissamati. Evam hi vo bhikkhave sikkhitabbam.

Seyyatha pi bhikkhave puriso agaccheyya adittam tinukkam adaya, so evam vadeyya: Aham imaya adittaya tinukkaya Gangam nadim santapessami samparitapessamiti. Tam kim-mannatha bhikkhave: Api nu so puriso adittaya tinukkaya Gangam nadim santapeyya samparitapeyyati. - No h' etam bhante, tam kissa hetu: Ganga hi bhante nadi gambhira appameyya, sa na sukara adittaya tinukkaya santapetum samparitapetum, yavad-eva ca pana so puriso kilamathassa vighatassa bhagi assati. - Evam-eva kho bhikkhave panc' ime vacanapatha yehi vo pare vadamana vadeyyum: kalena va akalena va - pe - tadarammanan-ca sabbavantam lokam Gangasamena cetasa vipulena mahaggatena appamanena averena abyabajjhena pharitva viharissamati. Evam hi vo bhikkhave sikkhitabbam.

Seyyatha pi bhikkhave bilarabhasta maddita sumaddita suparimaddita muduka tulini chinnasassara chinnababbhara, atha puriso agaccheyya kattham va kathalam va adaya, so evam vadeyya: Aham imam bilarabhastam madditam sumadditam suparimadditam mudukam tulinim chinnasassaram chinnababbharam katthena va kathalena va sarasaram karissami bharabharam karissamiti. Tam kim-mannatha bhikkhave:

Api nu so puriso amum bilarabhastam madditam sumadditam suparimadditam mudukam tulinim chinnasassaram chinnababbharam katthena va kathalena va sarasaram kareyya bharabharam kareyyati. - No h' etam bhante, tam kissa hetu: asu hi bhante {bilabhasta} maddita sumaddita suparimaddita muduka tulini chinnasassara chinnababbhara, sa na sukara katthena va kathalena va sarasaram katum bharabharam katum, yavad-eva ca pana so puriso kilamathassa vighatassa bhagi assati. - Evam-eva kho bhikkhave panc' ime vacanapatha yehi vo pare vadamana vadeyyum: kalena va akalena va bhutena va abhutena va sanhena va pharusena va atthasamhitena va anatthasamhitena va mettacitta va dosantara va.

[page 129]

Kalena va bhikkhave pare vadamana vadeyyum akalena va; bhutena va ... abhutena va; sanhena va ... pharusena va; atthasamhitena va ... anatthasamhitena va; mettacitta va bhikkhave pare vadamana vadeyyum dosantara va. Tatrapi kho bhikkhave evam sikkhitabbam: Na c' eva no cittam viparinatam bhavissati na ca papikam vacam niccharessama hitanukampi ca viharissama mettacitta na dosantara, tan-ca puggalam mettasahagatena cetasa pharitva viharissama, tadarammanan-ca sabbavantam lokam bilarabhastasamena cetasa vipulena mahaggatena appamanena averena abyabajjhena pharitva viharissamati. Evam hi vo bhikkhave sikkhitabbam.

Ubhatodandakena ce pi bhikkhave kakacena cora ocaraka angamangani okanteyyum, tatrapi yo mano paduseyya na me so tena sasanakaro. Tatrapi kho bhikkhave evam sikkhitabbam:

Na c' eva no cittam viparinatam bhavissati na ca papikam vacam niccharessama hitanukampi ca viharissama mettacitta na dosantara, tan-ca puggalam mettasahagatena cetasa pharitva viharissama, tadarammanan-ca sabbavantam lokam mettasahagatena cetasa vipulena mahaggatena appamanena averena abyabajjhena pharitva viharissamati. Evam hi vo bhikkhave sikkhitabbam.

Iman-ca tumhe bhikkhave kakacupamam ovadam abhikkhanam manasikareyyatha, passatha no tumhe bhikkhave tam vacanapatham anum va thulam va yam tumhe nadhivaseyyathati. - No h' etam bhante. - Tasmatiha bhikkhave imam kakacupamam ovadam abhikkhanam manasikarotha, tam vo bhavissati digharattam hitaya sukhayati.

Idam-avoca Bhagava. Attamana te bhikkhu Bhagavato bhasitam abhinandun-ti.

KAKACUPAMASUTTAM PATHAMAM.

[page 130]

 


 

XXII. Alagaddupama Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tena kho pana samayena Aritthassa nama bhikkhuno gaddhabadhipubbassa evarupam papakam ditthigatam uppannam hoti:

Tatha 'ham Bhagavata dhammam desitam ajanami yatha ye 'me antarayika dhamma vutta Bhagavata te patisevato nalam antarayayati. Assosum kho sambahula bhikkhu: Aritthassa kira nama bhikkhuno gaddhabadhipubbassa evarupam papakam ditthigatam uppannam: Tatha 'ham Bhagavata dhammam desitam ajanami yatha ye 'me antarayika dhamma vutta Bhagavata te patisevato nalam antarayayati. Atha kho te bhikkhu yena Arittho bhikkhu gaddhabadhipubbo ten' upasankamimsu, upasankamitva Arittham bhikkhum gaddhabadhipubbam etad-avocum: Saccam kira te avuso Arittha evarupam papakam ditthigatam uppannam: Tatha 'ham Bhagavata ... antarayayati. - Evam bya kho aham avuso Bhagavata ... antarayayati. Atha kho te bhikkhu Arittham bhikkhum gaddhabadhipubbam etasma papaka ditthigata vivecetukama samanuyunjanti samanugahanti samanubhasanti:

Ma evam avuso Arittha avaca, ma Bhagavantam abbhacikkhi, na hi sadhu Bhagavato abbhakkhanam, na hi Bhagava evam vadeyya. Anekapariyayena h' avuso Arittha antarayika dhamma vutta Bhagavata, alan-ca pana te patisevato antarayaya. Appassada kama vutta Bhagavata bahudukkha bahupayasa, adinavo ettha bhiyyo; atthikankalupama kama vutta Bhagavata - mamsapesupama kama vutta Bhagavata - tinukkupama ... angarakasupama ... supinakupama ... yacitakupama ... rukkhaphalupama ... asisunupama ... sattisulupama ... sappasirupama kama vutta Bhagavata bahudukkha bahupayasa, adinavo ettha bhiyyo ti. Evam-pi kho Arittho bhikkhu gaddhabadhipubbo tehi bhikkhuhi samanuyunjiyamano samanugahiyamano samanubhasiyamano tad-eva papakam ditthigatam thamasa paramassa abhinivissa voharati:

Evam bya kho aham avuso Bhagavata ... antarayayati.

Yato kho te bhikkhu nasakkhimsu Arittham bhikkhum gaddhabadhipubbam etasma papaka ditthigata vivecetum,

[page 131]

atha yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinna kho te bhikkhu Bhagavantam etad-avocum: Aritthassa nama bhante bhikkhuno gaddhabadhipubbassa evarupam papakam ditthigatam uppannam: Tatha 'ham Bhagavata ... antarayayati. Assumha kho mayam bhante: Aritthassa kira nama bhikkhuno gaddhabadhipubbassa evarupam papakam ditthigatam uppannam: Tatha 'ham Bhagavata ... antarayayati. Atha kho mayam bhante yena Arittho bhikkhu gaddhabadhipubbo ten' upasankamimha, upasankamitva Arittham bhikkhum gaddhabadhipubbam etad-avocumha:

Saccam kira te avuso Arittha evarupam papakam ditthigatam uppannam: Tatha 'ham Bhagavata ... antarayayati.

Evam vutte bhante Arittho bhikkhu gaddhabadhipubbo amhe etad-avoca: Evam bya kho aham avuso Bhagavata ... antarayayati. Atha kho mayam bhante Arittham bhikkhum gaddhabadhipubbam etasma papaka ditthigata vivecetukama samanuyunjimha samanugahimha samanubhasimha: Ma evam avuso Arittha avaca, ma Bhagavantam abbhacikkhi, na hi sadhu Bhagavato abbhakkhanam, na hi Bhagava evam vadeyya. Anekapariyayena h' avuso Arittha antarayika dhamma vutta Bhagavata, alan-ca pana te patisevato antarayaya.

Appassada kama vutta Bhagavata bahudukkha bahupayasa, adinavo ettha bhiyyo; atthikankalupama kama vutta Bhagavata - pe - sappasirupama kama vutta Bhagavata bahudukkha bahupayasa, adinavo ettha bhiyyo ti. Evam-pi kho bhante Arittho bhikkhu gaddhabadhipubbo amhehi samanuyunjiyamano samanugahiyamano samanubhasiyamano tad-eva papakam ditthigatam thamasa paramassa abhinivissa voharati:

Evam bya kho aham avuso Bhagavata ... antarayayati. Yato kho mayam bhante nasakkhimha Arittham bhikkhum gaddhabadhipubbam etasma papaka ditthigata vivecetum atha mayam etam-attham Bhagavato arocemati.

Atha kho Bhagava annataram bhikkhum amantesi: Ehi tvam bhikkhu mama vacanena Arittham bhikkhum gaddhabadhipubbam amantehi: Sattha tam avuso Arittha amantetiti.

[page 132]

Evam-bhante ti kho so bhikkhu Bhagavato patissutva yena Arittho bhikkhu gaddhabadhipubbo ten' upasankami, upasankamitva Arittham bhikkhum gaddhabadhipubbam etadavoca: Sattha tam avuso Arittha amantetiti. Evam-avuso ti kho Arittho bhikkhu gaddhabadhipubbo tassa bhikkhuno patissutva yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinnam kho Arittham bhikkhum gaddhabadhipubbam Bhagava etad-avoca: Saccam kira te Arittha evarupam papakam ditthigatam uppannam: Tatha 'ham Bhagavata ... antarayayati. - Evam bya kho aham bhante Bhagavata ... antarayayati. - Kassa kho nama tvam moghapurisa maya evam dhammam desitam ajanasi. Nanu maya moghapurisa anekapariyayena antarayika dhamma vutta, alan-ca pana te patisevato antarayaya. Appassada kama vutta maya bahudukkha bahupayasa, adinavo ettha bhiyyo; atthikankalupama kama vutta maya - mamsapesupama kama vutta maya -tinukkupama ... angarakasupama ... supinakupama ... yacitakupama ... rukkhaphalupama ... asisunupama ... sattisulupama ... sappasirupama kama vutta maya bahudukkha bahupayasa, adinavo ettha bhiyyo. Atha ca pana tvam moghapurisa attana duggahitena amhe c' eva abbhacikkhasi attanan-ca khanasi bahun-ca apunnam pasavasi. Tam hi te moghapurisa bhavissati digharattam ahitaya dukkhayati. Atha kho Bhagava bhikkhu amantesi: Tam kim-mannatha bhikkhave:

Api nayam Arittho bhikkhu gaddhabadhipubbo usmikato pi imasmim dhammavinaye ti. - Kim hi siya bhante, no h' etam bhante ti. Evam vutte Arittho bhikkhu gaddhabadhipubbo tunhibhuto mankubhuto pattakkhandho adhomukho pajjhayanto appatibhano nisidi. Atha kho Bhagava Arittham bhikkhum gaddhabadhipubbam tunhibhutam mankubhutam pattakkhandham adhomukham pajjhayantam appatibhanam viditva Arittham bhikkhum gaddhabadhipubbam etad-avoca: Pannayissasi kho tvam moghapurisa etena sakena papakena ditthigatena, idhaham bhikkhu patipucchissamiti.

Atha kho Bhagava bhikkhu amantesi: Tumhe pi me bhikkhave evam dhammam desitam ajanatha yatha 'yam Arittho bhikkhu gaddhabadhipubbo attana duggahitena amhe c' eva abbhacikkhati attanan-ca khanati bahun-ca apunnam pasavatiti.

[page 133]

- No h' etam bhante, anekapariyayena hi no bhante antarayika dhamma vutta Bhagavata, alan-ca pana te patisevato antarayaya. Appassada kama vutta Bhagavata bahudukkha bahupayasa, adinavo ettha bhiyyo, atthikankalupama kama vutta Bhagavata - pe - sappasirupama kama vutta Bhagavata bahudukkha bahupayasa, adinavo ettha bhiyyo ti. - Sadhu bhikkhave, sadhu kho me tumhe bhikkhave evam dhammam desitam ajanatha. Anekapariyayena hi vo bhikkhave antarayika dhamma vutta maya, alan-ca pana te patisevato antarayaya. Appassada kama vutta maya bahudukkha bahupayasa, adinavo ettha bhiyyo, atthikankalupama kama vutta maya - pe - sappasirupama kama vutta maya bahudukkha bahupayasa, adinavo ettha bhiyyo. Atha ca panayam Arittho bhikkhu gaddhabadhipubbo attana duggahitena amhe c' eva abbhacikkhati attanan-ca khanati bahun-ca apunnam pasavati, tam hi tassa moghapurisassa bhavissati digharattam ahitaya dukkhaya. So vata bhikkhave annatr' eva kamehi annatra kamasannaya annatra kamavitakkehi kame patisevissatiti n' etam thanam vijjati.

Idha bhikkhave ekacce moghapurisa dhammam pariyapunanti, suttam geyyam veyyakaranam gatham udanam itivuttakam jatakam abbhutadhammam vedallam; te tam dhammam pariyapunitva tesam dhammanam pannaya attham na upaparikkhanti, tesam te dhamma pannaya attham anupaparikkhatam na nijjhanam khamanti, te uparambhanisamsa c' eva dhammam pariyapunanti itivadappamokkhanisamsa ca, yassa c' atthaya dhammam pariyapunanti tan-c' assa attham nanubhonti, tesam te dhamma duggahita digharattam ahitaya dukkhaya samvattanti, tam kissa hetu: duggahitatta bhikkhave dhammanam. Seyyatha pi bhikkhave puriso alagaddatthiko alagaddagavesi alagaddapariyesanam caramano, so passeyya mahantam alagaddam, tam-enam bhoge va nangutthe va ganheyya, tassa so alagaddo patiparivattitva hatthe va bahaya va annatarasmim va angapaccange daseyya, so tatonidanam maranam va nigaccheyya maranamattam va dukkham,

[page 134]

tam kissa hetu: duggahitatta bhikkhave alagaddassa; evameva kho bhikkhave idh' ekacce moghapurisa dhammam pariyapunanti ... duggahitatta bhikkhave dhammanam.

Idha pana bhikkhave ekacce kulaputta dhammam pariyapunanti, suttam geyyam veyyakaranam gatham udanam itivuttakam jatakam abbhutadhammam vedallam, te tam dhammam pariyapunitva tesam dhammanam pannaya attham upaparikkhanti, tesam te dhamma pannaya attham upaparikkhatam nijjhanam khamanti, te na c' eva uparambhanisamsa dhammam pariyapunanti na itivadappamokkhanisamsa, yassa c' atthaya dhammam pariyapunanti tan-c' assa attham anubhonti, tesam te dhamma suggahita digharattam hitaya sukhaya samvattanti, tam kissa hetu: suggahitatta bhikkhave dhammanam. Seyyatha pi bhikkhave puriso alagaddatthiko alagaddagavesi alagaddapariyesanam caramano, so passeyya mahantam alagaddam, tam-enam ajapadena dandena suniggahitam nigganheyya, ajapadena dandena suniggahitam niggahetva givaya suggahitam ganheyya; kincapi so bhikkhave alagaddo tassa purisassa hattham va baham va annataram va angapaccangam bhogehi palivetheyya, atha kho so n' eva tatonidanam maranam va nigaccheyya maranamattam va dukkham, tam kissa hetu: suggahitatta bhikkhave alagaddassa; evam-eva kho bhikkhave idh' ekacce kulaputta dhammam pariyapunanti ... suggahitatta bhikkhave dhammanam. Tasmatiha bhikkhave yassa me bhasitassa attham ajaneyyatha tatha nam dhareyyatha, yassa ca pana me bhasitassa attham na ajaneyyatha aham vo tattha patipucchitabbo ye va pan' assu viyatta bhikkhu.

Kullupamam vo bhikkhave dhammam desissami nittharanatthaya no gahanatthaya, tam sunatha, sadhukam manasikarotha, bhasissamiti. Evam-bhante ti kho te bhikkhu Bhagavato paccassosum. Bhagava etad-avoca: Seyyatha pi bhikkhave puriso addhanamaggapatipanno, so passeyya mahantam udakannavam, oriman-tiram sasankam sappatibhayam pariman-tiram khemam appatibhayam, na cassa nava santarani uttarasetu va apara param gamanaya; tassa evamassa:

[page 135]

Ayam kho maha udakannavo, oriman-ca tiram sasankam sappatibhayam pariman-tiram khemam appatibhayam, na-tthi ca nava santarani uttarasetu va apara param gamanaya, yan-nunaham tina-kattha-sakha-palasam sankaddhitva kullam bandhitva tam kullam nissaya hatthehi ca padehi ca vayamamano sotthina param uttareyyan-ti. Atha kho so bhikkhave puriso tina-kattha-sakha-palasam sankaddhitva kullam bandhitva tam kullam nissaya hatthehi ca padehi ca vayamamano sotthina param uttareyya; tassa tinnassa parangatassa evam-assa: Bahukaro kho me ayam kullo, imaham kullam nissaya hatthehi ca padehi ca vayamamano sotthina param uttinno, yan-nunaham imam kullam sise va aropetva khandhe va uccaretva yenakamam pakkameyyan-ti. Tam kim-mannatha bhikkhave: api nu so puriso evamkari tasmim kulle kiccakari assati. - No h' etam-bhante. - Kathamkari ca so bhikkhave puriso tasmim kulle kiccakari assa: Idha bhikkhave tassa purisassa tinnassa parangatassa evam-assa: Bahukaro kho me ayam kullo, imaham kullam nissaya hatthehi ca padehi ca vayamamano sotthina param uttinno, yan-nunaham imam kullam thale va ussadetva udake va {upalapetva} yenakamam pakkameyyan-ti.

Evamkari kho so bhikkhave puriso tasmim kulle kiccakari assa. Evam-eva kho bhikkhave kullupamo maya dhammo desito nittharanatthaya no gahanatthaya. Kullupamam vo bhikkhave ajanantehi dhamma pi vo pahatabba, pag-eva adhamma.

Cha-y-imani bhikkhave ditthitthanani, katamani cha:

Idha bhikkhave assutava puthujjano ariyanam adassavi ariyadhammassa akovido ariyadhamme avinito, sappurisanam adassavi sappurisadhammassa akovido sappurisadhamme avinito, rupam: etam mama, eso 'ham-asmi, eso me atta ti samanupassati, vedanam: etam mama ... ti samanupassati, sannam:

etam mama ... ti samanupassati, sankhare: etam mama ... ti samanupassati, yam-p' idam dittham sutam mutam vinnatam pattam pariyesitam anuvicaritam manasa tam-pi. etam mama ... ti samanupassati, yam-p' idam ditthitthanam: so loko so atta, so pecca bhavissami nicco dhuvo sassato aviparinamadhammo,

[page 136]

sassatisamam tath' eva thassamiti, tam-pi: etam mama, eso 'ham-asmi, eso me atta ti samanupassati. Sutava ca kho bhikkhave ariyasavako ariyanam dassavi ariyadhammassa kovido ariyadhamme suvinito, sappurisanam dassavi sappurisadhammassa kovido sappurisadhamme suvinito, rupam: n' etam mama, n' eso 'ham-asmi, na {me^so} atta ti samanupassati, vedanam: n' etam mama ... ti samanupassati, sannam: n' etam mama ... ti samanupassati, sankhare: n' etam mama ... ti samanupassati, yam-p' idam dittham sutam mutam vinnatam pattam pariyesitam anuvicaritam manasa tam-pi: n' etam mama ... ti samanupassati, yam-p' idam ditthitthanam: so loko so atta, so pecca bhavissami nicco dhuvo sassato aviparinamadhammo, sassatisamam tath' eva thassamiti, tam-pi: n' etam mama, n' eso 'ham-asmi, na {me^so} atta ti samanupassati. So evam samanupassanto asati na paritassatiti.

Evam vutte annataro bhikkhu Bhagavantam etad-avoca:

Siya nu kho bhante bahiddha asati paritassana ti. - Siya bhikkhuti Bhagava avoca. Idha bhikkhu ekaccassa evam hoti: Ahu vata me, tam vata me na-tthi, siya vata me, tam vataham na labhamiti. So socati kilamati paridevati, urattalim kandati, sammoham apajjati. Evam kho bhikkhu bahiddha asati paritassana hotiti. - Siya pana bhante bahiddha asati aparitassana ti. - Siya bhikkhuti Bhagava avoca. Idha bhikkhu ekaccassa na evam hoti: Ahu vata me, tam vata me na-tthi, siya vata me, tam vataham na labhamiti. So na socati na kilamati na paridevati, na urattalim kandati, na sammoham apajjati. Evam kho bhikkhu bahiddha asati aparitassana hotiti. - Siya nu kho bhante ajjhattam asati paritassana ti. - Siya bhikkhuti Bhagava avoca. Idha bhikkhu ekaccassa evam ditthi hoti: So loko so atta, so pecca bhavissami nicco dhuvo sassato aviparinamadhammo, sassatisamam tath' eva thassamiti. So sunati Tathagatassa va Tathagatasavakassa va sabbesam ditthitthanadhitthana-pariyutthanabhinivesanusayanam samugghataya sabbasankharasamathaya sabbupadhipatinissaggaya tanhakkhayaya viragaya nirodhaya nibbanaya dhammam desentassa. Tassa evam hoti:

[page 137]

Ucchijjissami nama su, vinassissami nama su, na su nama bhavissamiti. So socati kilamati paridevati, urattalim kandati, sammoham apajjati. Evam kho bhikkhu ajjhattam asati paritassana hotiti. - Siya pana bhante ajjhattam asati aparitassana ti. - Siya bhikkhuti Bhagava avoca. Idha bhikkhu ekaccassa na evam ditthi hoti: So loko so atta, so pecca bhavissami nicco dhuvo sassato aviparinamadhammo, sassatisamam tath' eva thassamiti. So sunati Tathagatassa va Tathagatasavakassa va sabbesam ditthitthanadhitthana-pariyutthanabhinivesanusayanam samugghataya sabbasankharasamathaya sabbupadhipatinissaggaya tanhakkhayaya viragaya nirodhaya nibbanaya dhammam desentassa. Tassa na evam hoti: Ucchijjissami nama su, vinassissami nama su, na su nama bhavissamiti. So na socati na kilamati na paridevati, na urattalim kandati, na sammoham apajjati. Evam kho bhikkhu ajjhattam asati aparitassana hoti.

Tam bhikkhave pariggaham pariganheyyatha yvassa pariggaho nicco dhuvo sassato aviparinamadhammo, sassatisamam tath' eva tittheyya. Passatha no tumhe bhikkhave tam pariggaham yvassa pariggaho ... tath' eva tittheyyati.

-- No h' etam-bhante. - Sadhu bhikkhave, aham-pi kho tam bhikkhave pariggaham na samanupassami yvassa pariggaho nicco dhuvo sassato aviparinamadhammo, sassatisamam tath' eva tittheyya. Tam bhikkhave attavadupadanam upadiyetha yam-sa attavadupadanam upadiyato na uppajjeyyum sokaparidevadukkhadomanassupayasa. Passatha no tumhe bhikkhave tam attavadupadanam yam-sa ... sokaparidevadukkhadomanassupayasa ti. - No h' etam-bhante. - Sadhu bhikkhave, aham-pi kho tam bhikkhave attavadupadanam na samanupassami yam-sa attavadupadanam upadiyato na uppajjeyyum sokaparidevadukkhadomanassupayasa. Tam bhikkhave ditthinissayam nissayetha yam-sa ditthinissayam nissayato na uppajjeyyum sokaparidevadukkhadomanassupayasa.

Passatha no tumhe bhikkhave tam ditthinissayam yam-sa ... sokaparidevadukkhadomanassupayasa ti. - No h' etambhante. - Sadhu bhikkhave, aham-pi kho tam bhikkhave ditthinissayam na samanupassami yam-sa ditthinissayam nissayato na uppajjeyyum sokaparidevadukkhadomanassupayasa.

[page 138]

Attani va bhikkhave sati attaniyam-me ti assati. -Evam-bhante. - Attaniye va bhikkhave sati atta me ti assati. - Evam-bhante. - Attani ca bhikkhave attaniye ca saccato thetato anupalabbhamane yam-p' idam ditthitthanam: so loko so atta, so pecca bhavissami nicco dhuvo sassato aviparinamadhammo, sassatisamam tath' eva thassamiti, nanayam bhikkhave kevalo paripuro baladhammo ti. - Kim hi no siya bhante kevalo paripuro baladhammo ti. - Tam kim-mannatha bhikkhave: rupam niccam va aniccam va ti.

-- Aniccam bhante. - Yam pananiccam dukkham va tam sukham va ti. - Dukkham bhante. - Yam pananiccam dukkham viparinamadhammam kallan-nu tam samanupassitum: etam mama. eso 'ham-asmi, eso me atta ti. - No h' etam-bhante. - Tam kim-mannatha bhikkhave: vedana nicca va anicca va ti. - Anicca bhante. - Yam pananiccam dukkham va tam sukham va ti. - Dukkham bhante.

-- Yam pananiccam dukkham viparinamadhammam kallannu tam samanupassitum: etam mama ... atta ti. - No h' etam-bhante. - Tam kim-mannatha bhikkhave: sanna nicca va anicca va ti. - Anicca bhante. - Yam pananiccam dukkham va tam sukham va ti. - Dukkham bhante. -Yam pananiccam dukkham viparinamadhammam kallan-nu tam samanupassitum: etam mama ... atta ti. - No h' etambhante. - Tam kim-mannatha bhikkhave: sankhara nicca va anicca va ti. - Anicca bhante. - Yam pananiccam dukkham va tam sukham va ti. - Dukkham bhante. - Yam pananiccam dukkham viparinamadhammam kallan-nu tam samanupassitum: etam mama ... atta ti. - No h' etam-bhante.

-- Tam kim-mannatha bhikkhave: vinnanam niccam va aniccam va ti. - Aniccam bhante. - Yam pananiccam dukkham va tam sukham va ti. - Dukkham bhante. - Yam pananiccam dukkham viparinamadhammam kallan-nu tam samanupassitum: etam mama, eso 'ham-asmi, eso me atta ti. - No h' etam-bhante. - Tasmatiha bhikkhave yam kinci rupam atitanagatapaccuppannam, ajjhattam va bahiddha va,

[page 139]

olarikam va sukhumam va, hinam va panitam va, yam dure santike va, sabbam rupam: n' etam mama, n' eso 'ham-asmi, na {me^so} atta ti evam-etam yathabhutam sammappannaya datthabbam, Ya kaci vedana - pe - ya kaci sanna - ye keci sankhara - yam kinci vinnanam atitanagatapaccuppannam, ajjhattam va bahiddha va, olarikam va sukhumam va, hinam va panitam va, yam dure santike va, sabbam vinnanam: n' etam mama, n' eso 'hamasmi, na {me^so} atta ti evam-etam yathabhutam sammappannaya datthabbam.

Evam passam bhikkhave sutava ariyasavako rupasmim nibbindati, vedanaya nibbindati, sannaya nibbindati, sankharesu nibbindati, vinnanasmim nibbindati; nibbindam virajjati, viraga vimuccati, vimuttasmim vimuttam-iti nanam hoti; khina jati, vusitam brahmacariyam, katam karaniyam naparam itthattayati pajanati. Ayam vuccati bhikkhave bhikkhu ukkhittapaligho iti pi, sankinnaparikho iti pi, abbulhesiko iti pi, niraggalo iti pi, ariyo pannaddhajo pannabharo visamyutto iti pi. Kathan-ca bhikkhave bhikkhu ukkhittapaligho hoti: Idha bhikkhave bhikkhuno avijja pahina hoti ucchinnamula talavatthukata anabhavakata ayatim anuppadadhamma. Evam kho bhikkhave bhikkhu ukkhittapaligho hoti. Kathan-ca bhikkhave bhikkhu sankinnaparikho hoti:

Idha bhikkhave bhikkhuno ponobhaviko jatisamsaro pahino hoti ucchinnamulo talavatthukato anabhavakato ayatim anuppadadhammo. Evam kho bhikkhave bhikkhu sankinnaparikho hoti. Kathan-ca bhikkhave bhikkhu abbulhesiko hoti: Idha bhikkhave bhikkhuno tanha pahina hoti ucchinnamula talavatthukata anabhavakata ayatim anuppadadhamma.

Evam kho bhikkhave bhikkhu abbulhesiko hoti. Kathan-ca bhikkhave bhikkhu niraggalo hoti: Idha bhikkhave bhikkhuno panc' orambhagiyani samyojanani pahinani honti ucchinnamulani talavatthukatani anabhavakatani ayatim anuppadadhammani. Evam kho bhikkhave bhikkhu niraggalo hoti.

Kathan-ca bhikkhave bhikkhu ariyo pannaddhajo pannabharo visamyutto hoti: Idha bhikkhave bhikkhuno asmimano pahino hoti ucchinnamulo talavatthukato anabhavakato ayatim anuppadadhammo.

[page 140]

Evam kho bhikkhave bhikkhu ariyo pannaddhajo pannabharo visamyutto hoti.

Evam vimuttacittam kho bhikkhave bhikkhum sa-Inda deva sa-Brahmaka sa-Pajapatika anvesam nadhigacchanti:

idam nissitam tathagatassa vinnanan-ti, tam kissa hetu:

Ditthe vaham bhikkhave dhamme tathagatam ananuvejjo ti vadami. Evamvadim kho mam bhikkhave evamakkhayim eke samanabrahmana asata tuccha musa abhutena abbhacikkhanti:

Venayiko samano Gotamo, sato sattassa ucchedam vinasam vibhavam pannapetiti. Yatha vaham bhikkhave na, yatha caham na vadami, tatha mam te bhonto samanabrahmana asata tuccha musa abhutena abbhacikkhanti: Venayiko samano Gotamo, sato sattassa ucchedam vinasam vibhavam pannapetiti. Pubbe caham bhikkhave etarahi ca dukkhan-c' eva pannapemi dukkhassa ca nirodham. Tatra ce bhikkhave pare Tathagatam akkosanti paribhasanti rosenti, tatra bhikkhave Tathagatassa na hoti aghato na appaccayo na cetaso anabhiraddhi. Tatra ce bhikkhave pare Tathagatam sakkaronti garukaronti manenti pujenti, tatra bhikkhave Tathagatassa na hoti anando na somanassam na cetaso ubbillavitattam. Tatra ce bhikkhave pare Tathagatam sakkaronti garukaronti manenti pujenti, tatra bhikkhave Tathagatassa evam hoti: Yam kho idam pubbe parinnatam tattha me evarupa kara kariyantiti. Tasmatiha bhikkhave tumhe ce pi pare akkoseyyum paribhaseyyum roseyyum, tatra tumhehi na aghato na appaccayo na cetaso anabhiraddhi karaniya.

Tasmatiha bhikkhave tumhe ce pi pare sakkareyyum garukareyyum maneyyum pujeyyum, tatra tumhehi na anando na somanassam na cetaso ubbillavitattam karaniyam. Tasmatiha bhikkhave tumhe ce pi pare sakkareyyum garukareyyum maneyyum pujeyyum, tatra tumhakam evam-assa: Yam kho idam pubbe parinnatam tattha no evarupa kara kariyantiti.

Tasmatiha bhikkhave yam na tumhakam tam pajahatha, tam vo pahinam digharattam hitaya sukhaya bhavissati.

Kin-ca bhikkhave na tumhakam: Rupam bhikkhave na tumhakam, tam pajahatha, tam vo pahinam digharattam hitaya sukhaya bhavissati. Vedana bhikkhave na tumhakam, tam pajahatha,

[page 141]

sa vo pahina d. h. s. bhavissati. Sanna bhikkhave na tumhakam, tam pajahatha, sa vo pahina d. h. s.

bhavissati. Sankhara bhikkhave na tumhakam, te pajahatha, te vo pahina d. h. s. bhavissanti. Vinnanam bhikkhave na tumhakam. tam pajahatha, tam vo pahinam digharattam hitaya sukhaya bhavissati. Tam kim-mannatha bhikkhave:

yam imasmim Jetavane tina-kattha-sakha-palasam tam jano hareyya va daheyya va yathapaccayam va kareyya; api nu tumhakam evam-assa: Amhe jano harati va dahati va yathapaccayam va karotiti. - No h' etam-bhante, tam kissa hetu: na hi no etam-bhante atta va attaniyam va ti. -Evam-eva kho bhikkhave yam na tumhakam tam pajahatha, tam vo pahinam digharattam hitaya sukhaya bhavissati.

Kin-ca bhikkhave na tumhakam: Rupam bhikkhave na tumhakam, tam pajahatha, tam vo pahinam digharattam hitaya sukhaya bhavissati. Vedana bhikkhave - pe - sanna bhikkhave - sankhara bhikkhave - vinnanam bhikkhave na tumhakam, tam pajahatha, tam vo pahinam digharattam hitaya sukhaya bhavissati.

Evam svakkhato bhikkhave maya dhammo, uttano vivato pakasito chinnapilotiko; evam svakkhate bhikkhave maya dhamme, uttane vivate pakasite chinnapilotike, ye te bhikkhu arahanto khinasava vusitavanto katakaraniya ohitabhara anuppattasadattha parikkhinabhavasamyojana samma-d-anna vimutta, vattam tesam na-tthi pannapanaya. Evam svakkhato bhikkhave maya dhammo ... chinnapilotiko; evam svakkhate bhikkhave maya dhamme ... chinnapilotike, yesam bhikkhunam panc' orambhagiyani samyojanani pahinani sabbe te opapatika tattha parinibbayino anavattidhamma tasma loka.

Evam svakkhato bhikkhave maya dhammo ... chinnapilotiko; evam svakkhate bhikkhave maya dhamme ... chinnapilotike, yesam bhikkhunam tini samyojanani pahinani ragadosamoha tanubhuta sabbe te sakadagamino, sakid-eva imam lokam agantva dukkhass' antam karissanti. Evam svakkhato bhikkhave maya dhammo ... chinnapilotiko, evam svakkhate bhikkhave maya dhamme ... chinnapilotike, yesam bhikkhunam tini samyojanani pahinani sabbe te sotapanna avinipatadhamma niyata sambodhiparayana.

[page 142]

Evam svakkhato bhikkhave maya dhammo ... chinnapilotiko; evam svakkhate bhikkhave maya dhamme ... chinnapilotike, ye te bhikkhu dhammanusarino saddhanusarino sabbe te sambodhiparayana.

Evam svakkhato bhikkhave maya dhammo, uttano vivato pakasito chinnapilotiko; evam svakkhate bhikkhave maya dhamme, uttane vivate pakasite chinnapilotike, yesam mayi saddhamattam pemamattam sabbe te saggaparayana ti.

Idam-avoca Bhagava. Attamana te bhikkhu Bhagavato bhasitam abhinandun-ti.

ALAGADDUPAMASUTTAM DUTIYAM.

 


 

XXIII. Vammika Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tena kho pana samayena ayasma Kumarakassapo Andhavane viharati. Atha kho annatara devata abhikkantaya rattiya abhikkantavanna kevalakappam Andhavanam obhasetva yen' ayasma Kumarakassapo ten' upasankami, upasankamitva ekamantam atthasi.

Ekamantam thita kho sa devata ayasmantam Kumarakassapam etad-avoca: Bhikkhu bhikkhu, ayam vammiko rattim dhumayati diva pajjalati. Brahmano evam-aha: Abhikkhana sumedha sattham adayati. Abhikkhananto sumedho sattham adaya addasa langim: langi bhadante ti. Brahmano evamaha: Ukkhipa langim, abhikkhana sumedha sattham adayati.

Abhikkhananto sumedho sattham adaya addasa uddhumayikam: uddhumayika bhadante ti. Brahmano evam-aha: Ukkhipa uddhumayikam, abhikkhana sumedha sattham adayati.

Abhikkhananto sumedho sattham adaya addasa dvidhapatham: dvidhapatho bhadante ti. Brahmano evam-aha:

Ukkhipa dvidhapatham, abhikkhana sumedha sattham adayati. Abhikkhananto sumedho sattham adaya addasa cangavaram: cangavaram bhadante ti. Brahmano evam-aha:

[page 143]

Ukkhipa cangavaram, abhikkhana sumedha sattham adayati.

Abhikkhananto sumedho sattham adaya addasa kummam:

kummo bhadante ti. Brahmano evam-aha: Ukkhipa kummam, abhikkhana sumedha sattham adayati. Abhikkhananto sumedho sattham adaya addasa asisunam: asisuna bhadante ti.

Brahmano evam-aha: Ukkhipa asisunam, abhikkhana sumedha sattham adayati. Abhikkhananto sumedho sattham adaya addasa mamsapesim: mamsapesi bhadante ti. Brahmano evam-aha: Ukkhipa mamsapesim, abhikkhana sumedha sattham adayati. Abhikkhananto sumedho sattham adaya addasa nagam: nago bhadante ti. Brahmano evam-aha:

Titthatu nago, ma nagam ghattesi, namo karohi nagassati.

Ime kho tvam bhikkhu panhe Bhagavantam upasankamitva puccheyyasi, yatha te Bhagava byakaroti tatha nam dhareyyasi. Nahan-tam bhikkhu passami sadevake loke samarake sabrahmake sassamanabrahmaniya pajaya sadevamanussaya yo imesam panhanam veyyakaranena cittam aradheyya annatra Tathagatena va Tathagatasavakena va ito va pana sutva ti. Idam-avoca sa devata, idam vatva tatth' eva antaradhayi.

Atha kho ayasma Kumarakassapo tassa rattiya accayena yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho ayasma Kumarakassapo Bhagavantam etad-avoca: Imam bhante rattim annatara devata abhikkantaya rattiya abhikkantavanna kevalakappam Andhavanam obhasetva yenaham ten' upasankami, upasankamitva ekamantam atthasi. Ekamantam thita kho bhante sa devata mam etad-avoca: Bhikkhu bhikkhu, ayam vammiko rattim dhumayati diva pajjalati.

Brahmano evam-aha: Abhikkhana sumedha sattham adayati. Abhikkhananto sumedho sattham adaya - pe - ito va pana sutva ti. Idam-avoca bhante sa devata, idam vatva tatth' eva antaradhayi. Ko nu kho bhante vammiko, ka rattim dhumayana, ka diva pajjalana, ko brahmano, ko sumedho, kim sattham, kim abhikkhanam, ka langi, ka uddhumayika, ko dvidhapatho, kim cangavaram, ko kummo, ka asisuna, ka mamsapesi, ko nago ti.

[page 144]

Vammiko ti kho bhikkhu imass' etam catummahabhutikassa kayassa adhivacanam matapettikasambhavassa odanakummasupacayassa aniccucchadana-parimaddana-bhedana-viddhamsanadhammassa. Yam kho bhikkhu diva kammante arabbha rattim anuvitakketi anuvicarati ayam rattim dhumayana. Yam kho bhikkhu rattim anuvitakketva anuvicaretva diva kammante payojeti kayena vacaya manasa ayam diva pajjalana. Brahmano ti kho bhikkhu Tathagatass' etam adhivacanam arahato sammasambuddhassa. Sumedho ti kho bhikkhu sekhass' etam bhikkhuno adhivacanam. Satthan-ti kho bhikkhu ariyay' etam pannaya adhivacanam. Abhikkhanan-ti kho bhikkhu viriyarambhass' etam adhivacanam.

Langi ti kho bhikkhu avijjay' etam adhivacanam; ukkhipa langim, pajaha avijjam, abhikkhana sumedha sattham adayati ayam-etassa attho. Uddhumayika ti kho bikkhu kodhupayasass' etam adhivacanam; ukkhipa uddhumayikam, pajaha kodhupayasam, abhikkhana sumedha sattham adayati ayametassa attho. Dvidhapatho ti kho bhikkhu vicikicchay' etam adhivacanam; ukkhipa dvidhapatham, pajaha vicikiccham, abhikkhana sumedha sattham adayati ayam-etassa attho.

Cangavaran-ti kho bhikkhu pancann' etam nivarananam adhivacanam: kamacchandanivaranassa byapadanivaranassa thinamiddhanivaranassa uddhaccakukkuccanivaranassa vicikicchanivaranassa; ukkhipa cangavaram, pajaha panca nivarane, abhikkhana sumedha sattham adayati ayam-etassa attho. Kummo ti kho bhikkhu pancann' etam upadanakkhandhanam adhivacanam, seyyathidam: rupupadanakkhandhassa vedanupadanakkhandhassa sannupadanakkhandhassa sankharupadanakkhandhassa vinnanupadanakkhandhassa; ukkhipa kummam, pajaha panc' upadanakkhandhe, abhikkhana sumedha sattham adayati ayam-etassa attho. Asisuna ti kho bhikkhu pancann' etam kamagunanam adhivacanam:

cakkhuvinneyyanam rupanam itthanam kantanam manapanam piyarupanam kamupasamhitanam rajaniyanam, sotavinneyyanam saddanam - pe - ghanavinneyyanam gandhanam - jivhavinneyyanam rasanam - kayavinneyyanam photthabbanam itthanam kantanam manapanam piyarupanam kamupasamhitanam rajaniyanam;

[page 145]

ukkhipa asisunam, pajaha panca kamagune, abhikkhana sumedha sattham adayati ayam-etassa attho. Mamsapesiti kho bhikkhu nandiragass' etam adhivacanam; ukkhipa mamsapesim, pajaha nandiragam, abhikkhana sumedha sattham adayati ayam-etassa attho. Nago ti kho bhikkhu khinasavass' etam bhikkhuno adhivacanam; titthatu nago, ma nagam ghattesi, namo karohi nagassati ayam-etassa attho ti.

Idam-avoca Bhagava. Attamano ayasma Kumarakassapo Bhagavato bhasitam abhinanditi.

VAMMIKASUTTAM TATIYAM.

 


 

XXIV. Ratha-Vinita Suttam

Evam-me sutam. Ekam samayam Bhagava Rajagahe viharati Veluvane Kalandakanivape. Atha kho sambahula jatibhumaka bhikkhu jatibhumiyam vassam vuttha yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinne kho te bhikkhu Bhagava etad-avoca: Ko nu kho bhikkhave jatibhumiyam. jatibhumakanam bhikkhunam sabrahmacarinam evam sambhavito: Attana ca appiccho appicchakathan-ca bhikkhunam katta, attana ca santuttho santutthikathan-ca bhikkhunam katta, attana ca pavivitto pavivekakathan-ca bhikkhunam katta, attana ca asamsattho asamsaggakathan-ca bhikkhunam katta, attana ca araddhaviriyo viriyarambhakathan-ca bhikkhunam katta, attana ca silasampanno silasampadakathan-ca bhikkhunam katta, attana ca samadhisampanno samadhisampadakathan-ca bhikkhunam katta, attana ca pannasampanno pannasampadakathan-ca bhikkhunam katta, attana ca vimuttisampanno vimuttisampadakathan-ca bhikkhunam katta, attana ca vimuttinanadassanasampanno vimuttinanadassanasampadakathan-ca bhikkhunam katta, ovadako vinnapako sandassako samadapako samuttejako sampahamsako sabrahmacarinan-ti.

[page 146]

- Punno nama bhante ayasma Mantaniputto jatibhumiyam jatibhumakanam bhikkhunam sabrahmacarinam evam sambhavito: Attana ca appiccho appicchakathan-ca bhikkhunam katta ... sampahamsako sabrahmacarinan-ti.

Tena kho pana samayena ayasma Sariputto Bhagavato avidure nisinno hoti. Atha kho ayasmato Sariputtassa etadahosi: Labha ayasmato Punnassa Mantaniputtassa, suladdhalabha ayasmato Punnassa Mantaniputtassa, yassa vinnu sabrahmacari Satthu sammukha anumassa anumassa vannam bhasanti, tan-ca Sattha abbhanumodati; app-eva ca nama mayam kadaci karahaci ayasmata Punnena Mantaniputtena saddhim samagaccheyyama, app-eva nama siya kocid-eva kathasallapo ti.

Atha kho Bhagava Rajagahe yathabhirantam viharitva yena Savatthi tena carikam pakkami; anupubbena carikam caramano yena Savatthi tad-avasari. Tatra sudam Bhagava Savatthiyam viharati Jetavane Anathapindikassa arame.

Assosi kho ayasma Punno Mantaniputto: Bhagava kira Savatthim anuppatto Savatthiyam viharati Jetavane Anathapindikassa arame ti. Atha kho ayasma Punno Mantaniputto senasanam samsametva pattacivaram adaya yena Savatthi tena carikam pakkami, anupubbena carikam caramano yena Savatthi Jetavanam Anathapindikassa aramo yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinnam kho ayasmantam Punnam Mantaniputtam Bhagava dhammiya kathaya sandassesi samadapesi samuttejesi sampahamsesi. Atha kho ayasma Punno Mantaniputto Bhagavata dhammiya kathaya sandassito samadapito samuttejito sampahamsito Bhagavato bhasitam abhinanditva anumoditva utthay' asana Bhagavantam abhivadetva padakkhinam katva yena Andhavanam tena pakkami divaviharaya.

Atha kho annataro bhikkhu yen' ayasma Sariputto ten' upasankami, upasankamitva ayasmantam Sariputtam etadavoca: Yassa kho tvam avuso Sariputta Punnassa nama bhikkhuno Mantaniputtassa abhinham kittayamano hoti so Bhagavata dhammiya kathaya sandassito samadapito samuttejito sampahamsito Bhagavato bhasitam abhinanditva anumoditva utthay' asana Bhagavantam abhivadetva padakkhinam katva yena Andhavanam tena pakkanto divaviharayati.

[page 147]

Atha kho ayasma Sariputto taramanarupo nisidanam adaya ayasmantam Punnam Mantaniputtam pitthito pitthito anubandhi sisanuloki. Atha kho ayasma Punno Mantaniputto Andhavanam ajjhogahitva annatarasmim rukkhamule divaviharam nisidi. Ayasma pi kho Sariputto Andhavanam ajjhogahitva annatarasmim rukkhamule divaviharam nisidi.

Atha kho ayasma Sariputto sayanhasamayam patisallana vutthito yen' ayasma Punno Mantaniputto ten' upasankami, upasankamitva ayasmata Punnena Mantaniputtena saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho ayasma Sariputto ayasmantam Punnam Mantaniputtam etad-avoca: Bhagavati no avuso brahmacariyam vussatiti. - Evam-avuso ti. - Kin-nu kho avuso silavisuddhattham Bhagavati brahmacariyam vussatiti. - No h' idam avuso. - Kim-pan' avuso cittavisuddhattham Bhagavati brahmacariyam vussatiti. - No h' idam avuso. - Kin-nu kho avuso ditthivisuddhattham Bhagavati brahmacariyam vussatiti. - No h' idam avuso. - Kimpan' avuso kankhavitaranavisuddhattham Bhagavati brahmacariyam vussatiti. - No h' idam avuso. - Kin-nu kho avuso maggamaggananadassanavisuddhattham Bhagavati brahmacariyam vussatiti. - No h' idam avuso. - Kim-pan' avuso patipadananadassanavisuddhattham Bhagavati brahmacariyam vussatiti. - No h' idam avuso. - Kin-nu kho avuso nanadassanavisuddhattham Bhagavati brahmacariyam vussatiti. -No h' idam avuso. - Kin-nu kho avuso silavisuddhattham Bhagavati brahmacariyam vussatiti iti puttho samano: no h' idam avuso ti vadesi, kim-pan' avuso {cittavisuddhattham} Bhagavati brahmacariyam vussatiti iti puttho samano: no h' idam avuso ti vadesi; Kin-nu kho avuso ditthivisuddhattham Bhagavati - pe - kin-nu kho avuso nanadassanavisuddhattham Bhagavati brahmacariyam vussatiti iti puttho samano: no h' idam avuso ti vadesi. Kimatthan-carah' avuso Bhagavati brahmacariyam vussatiti.

[page 148]

- Anupada parinibbanattham kho avuso Bhagavati brahmacariyam vussatiti. - Kin-nu kho avuso silavisuddhi anupada parinibbanan-ti. - No h' idam avuso. - Kim-pan' avuso cittavisuddhi anupada parinibbanan-ti. - No h' idam avuso. - Kin-nu kho avuso ditthivisuddhi anupada parinibbanan-ti. - No h' idam avuso.

-- Kim-pan' avuso kankhavitaranavisuddhi anupada parinibbanan-ti. - No h' idam avuso.- Kin-nu kho avuso maggamaggananadassanavisuddhi anupada parinibbanan-ti.

No h' idam avuso. - Kim-pan' avuso patipadananadassanavisuddhi anupada parinibbanan-ti. - No h' idam avuso. -Kin-nu kho avuso nanadassanavisuddhi anupada parinibbanan-ti. - No h' idam avuso. - Kim-pan' avuso annatra imehi dhammehi anupada parinibbanan-ti. - No h' idam avuso. - Kin-nu kho avuso silavisuddhi anupada parinibbanan-ti iti puttho samano: no h' idam avuso ti vadesi, kim-pan' avuso cittavisuddhi anupada parinibbanan-ti iti puttho samano: no h' idam avuso ti vadesi; kin-nu kho avuso ditthivisuddhi anupada parinibbanan-ti - pe - kin-nu kho avuso nanadassanavisuddhi anupada parinibbanan-ti iti puttho samano: no h' idam avuso ti vadesi, kim-pan' avuso annatra imehi dhammehi anupada parinibbanan-ti iti puttho samano: no h' idam avuso ti vadesi. Yathakatham pan' avuso imassa bhasitassa attho datthabbo ti.

Silavisuddhin-ce avuso Bhagava anupada parinibbanam pannapessa, sa-upadanam yeva samanam anupada parinibbanam pannapessa. Cittavisuddhin-ce avuso ... Ditthivisuddhin-ce avuso ... Kankhavitaranavisuddhin-ce avuso ... Maggamaggananadassanavisuddhin-ce avuso ... Patipadananadassanavisuddhin-ce avuso ... Nanadassanavisuddhin-ce avuso Bhagava anupada parinibbanam pannapessa, sa-upadanam yeva samanam anupada parinibbanam pannapessa.

Annatra ca avuso imehi dhammehi anupada parinibbanam abhavissa, puthujjano parinibbayeyya, puthujjano hi avuso annatra imehi dhammehi. Tena h' avuso upaman-te karissami, upamaya p' idh' ekacce vinnu purisa bhasitassa attham ajananti.

Seyyatha pi avuso ranno Pasenadissa Kosalassa Savatthiyam pativasantassa Sakete kincid-eva accayikam karaniyam uppajjeyya,

[page 149]

tassa antara ca Savatthim antara ca Saketam satta rathavinitani upatthapeyyum. Atha kho avuso raja Pasenadi Kosalo Savatthiya nikkhamitva antepuradvara pathamam rathavinitam abhiruheyya, pathamena rathavinitena dutiyam rathavinitam papuneyya; pathamam rathavinitam vissajjeyya dutiyam rathavinitam abhiruheyya, dutiyena rathavinitena tatiyam rathavinitam papuneyya; dutiyam ... papuneyya; tatiyam ... papuneyya; catuttham ... papuneyya; pancamam rathavinitam vissajjeyya chattham rathavinitam abhiruheyya, chatthena rathavinitena sattamam rathavinitam papuneyya; chattham rathavinitam vissajjeyya sattamam rathavinitam abhiruheyya, sattamena rathavinitena Saketam anupapuneyya antepuradvaram. Tam-enam antepuradvaragatam samanam mittamacca natisalohita evam puccheyyum: Imina tvam maharaja rathavinitena Savatthiya Saketam anuppatto antepuradvaranti. Katham byakaramano nu kho avuso raja Pasenadi Kosalo samma byakaramano byakareyyati. - Evam byakaramano kho avuso raja Pasenadi Kosalo samma byakaramano byakareyya: Idha me Savatthiyam pativasantassa Sakete kincid-eva accayikam karaniyam uppajji. Tassa me antara ca Savatthim antara ca Saketam satta rathavinitani upatthapesum. Atha khvaham Savatthiya nikkhamitva antepuradvara pathamam rathavinitam abhiruhim, pathamena rathavinitena dutiyam rathavinitam papunim; pathamam rathavinitam nissajim dutiyam rathavinitam abhiruhim, dutiyena rathavinitena tatiyam rathavinitam papunim; dutiyam ... papunim; tatiyam ... papunim; catuttham ... papunim; pancamam rathavinitam nissajim chattham rathavinitam abhiruhim, chatthena rathavinitena sattamam rathavinitam papunim; chattham rathavinitam nissajim sattamam rathavinitam abhiruhim, sattamena rathavinitena Saketam anuppatto antepuradvaran-ti. Evam byakaramano kho avuso raja Pasenadi Kosalo samma byakaramano byakareyyati. -Evam-eva kho avuso silavisuddhi yavad-eva cittavisuddhattha, cittavisuddhi yavad-eva ditthivisuddhattha, ditthivisuddhi yavad-eva kankhavitaranavisuddhattha, kankhavitaranavisuddhi yavad-eva maggamaggananadassanavisuddhattha,

[page 150]

maggamaggananadassanavisuddhi yavad-eva patipadananadassanavisuddhattha, patipadananadassanavisuddhi yavad-eva nanadassanavisuddhattha, nanadassanavisuddhi yavad-eva anupada parinibbanattha. Anupada parinibbanattham kho avuso Bhagavati brahmacariyam vussatiti.

Evam vutte ayasma Sariputto ayasmantam Punnam Mantaniputtam etad-avoca: Konamo ayasma kathan-ca pan' ayasmantam sabrahmacari janantiti. - Punno ti kho me avuso namam, Mantaniputto ti ca pana mam sabrahmacari janantiti. - Acchariyam avuso abbhutam avuso, yatha tam sutavata savakena samma-d-eva Satthusasanam ajanantena evam-evam ayasmata Punnena Mantaniputtena gambhira gambhira panha anumassa anumassa byakata. Labha sabrahmacarinam suladdhalabha sabrahmacarinam ye ayasmantam Punnam Mantaniputtam labhanti dassanaya labhanti payirupasanaya. Celandukena ce pi sabrahmacari ayasmantam Punnam Mantaniputtam muddhana pariharanta labheyyum dassanaya labheyyum payirupasanaya, tesam-pi labha tesampi suladdham. Amhakam-pi labha amhakam-pi suladdham ye mayam ayasmantam Punnam Mantaniputtam labhama dassanaya labhama payirupasanayati.

Evam vutte ayasma Punno Mantaniputto ayasmantam Sariputtam etad-avoca: Konamo ayasma kathan-ca pana ayasmantam sabrahmacari janantiti. - Upatisso ti kho me avuso namam. Sariputto ti ca pana mam sabrahmacari janantiti. - Satthukappena vata kira bho savakena saddhim mantayamana na janimha: ayasma Sariputto ti; sace hi mayam janeyyama: ayasma Sariputto ti, ettakam-pi no na-ppatibhaseyya. Acchariyam avuso abbhutam avuso, yatha tam sutavata savakena samma-d-eva Satthusasanam ajanantena evam-evam ayasmata Sariputtena gambhira gambhira panha anumassa anumassa pucchita. Labha sabrahmacarinam suladdhalabha sabrahmacarinam ye ayasmantam Sariputtam labhanti dassanaya labhanti payirupasanaya. Celandukena ce pi sabrahmacari ayasmantam Sariputtam muddhana pariharanta labheyyum dassanaya labheyyum payirupasanaya, tesam-pi labha tesam-pi suladdham.

[page 151]

Amhakam-pi labha amhakam-pi suladdham ye mayam ayasmantam Sariputtam labhama dassanaya labhama payirupasanayati.

Itiha te ubho mahanaga annamannassa subhasitam samanumodimsuti.

RATHAVINITASUTTAM CATUTTHAM.

 


 

XXV. Nivapa Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Na bhikkhave nevapiko nivapam nivapati migajatanam:

imam me nivapam nivuttam migajata paribhunjanta dighayuka vannavanto ciram digham-addhanam yapentuti. Evanca kho bhikkhave nevapiko nivapam nivapati migajatanam:

imam me nivapam nivuttam migajata anupakhajja mucchita bhojanani bhunjissanti, anupakhajja mucchita bhojanani bhunjamana madam apajjissanti, matta samana pamadam apajjissanti, pamatta samana yathakamakaraniya bhavissanti imasmim nivape ti.

Tatra bhikkhave pathama migajata amum nivapam nivuttam nevapikassa anupakhajja mucchita bhojanani bhunjimsu, te tattha anupakhajja mucchita bhojanani bhunjamana madam apajjimsu, matta samana pamadam apajjimsu, pamatta samana yathakamakaraniya ahesum nevapikassa amusmim nivape. Evam hi te bhikkhave pathama migajata na parimuccimsu nevapikassa iddhanubhava.

Tatra bhikkhave dutiya migajata evam samacintesum:

Ye kho te pathama migajata amum nivapam nivuttam nevapikassa anupakhajja mucchita bhojanani bhunjimsu, te tattha anupakhajja mucchita bhojanani bhunjamana madam apajjimsu, matta samana pamadam apajjimsu, pamatta samana yathakamakaraniya ahesum nevapikassa amusmim nivape;

[page 152]

evam hi te pathama migajata na parimuccimsu nevapikassa iddhanubhava. Yan-nuna mayam sabbaso nivapabhojana pativirameyyama, bhayabhoga pativirata arannayatanani ajjhogahitva vihareyyamati. Te sabbaso nivapabhojana pativiramimsu, bhayabhoga pativirata arannayatanani ajjhogahitva viharimsu. Tesam gimhanam pacchime mase tinodakasankhaye adhimattakasimanam patto kayo hoti, tesam adhimattakasimanam pattakayanam balaviriyam parihayi, balaviriye parihine tam-eva nivapam nivuttam nevapikassa paccagamimsu. Te tattha anupakhajja mucchita bhojanani bhunjimsu, te tattha anupakhajja mucchita bhojanani bhunjamana madam apajjimsu, matta samana pamadam apajjimsu, pamatta samana yathakamakaraniya ahesum nevapikassa amusmim nivape. Evam hi te bhikkhave dutiya pi migajata na parimuccimsu nevapikassa iddhanubhava.

Tatra bhikkhave tatiya migajata evam samacintesum:

Ye kho te pathama migajata amum nivapam nivuttam nevapikassa - pe - evam hi te pathama migajata na parimuccimsu nevapikassa iddhanubhava. Ye pi te dutiya migajata evam samacintesum: ye kho te pathama migajata amum nivapam nivuttam nevapikassa - pe - evam hi te pathama migajata na parimuccimsu nevapikassa iddhanubhava; yan-nuna mayam sabbaso nivapabhojana pativirameyyama, bhayabhoga pativirata arannayatanani ajjhogahitva vihareyyamati; te sabbaso nivapabhojana pativiramimsu, bhayabhoga pativirata arannayatanani ajjhogahitva viharimsu; tesam gimhanam pacchime mase tinodakasankhaye adhimattakasimanam patto kayo hoti, tesam adhimattakasimanam pattakayanam balaviriyam parihayi, balaviriye parihine tam-eva nivapam nivuttam nevapikassa paccagamimsu; te tattha anupakhajja mucchita bhojanani bhunjimsu, te tattha anupakhajja mucchita bhojanani bhunjamana madam apajjimsu, matta samana pamadam apajjimsu, pamatta samana yathakamakaraniya ahesum nevapikassa amusmim nivape; evam hi te dutiya pi migajata na parimuccimsu nevapikassa iddhanubhava.

Yan-nuna mayam amum nivapam nivuttam nevapikassa upanissaya asayam kappeyyama,

[page 153]

tatr' asayam kappetva amum nivapam nivuttam nevapikassa ananupakhajja amucchita bhojanani bhunjissama, ananupakhajja amucchita bhojanani bhunjamana na madam apajjissama, amatta samana na-ppamadam apajjissama, appamatta samana na yathakamakaraniya bhavissama nevapikassa amusmim nivape ti. Te amum nivapam nivuttam nevapikassa upanissaya asayam kappayimsu, tatr' asayam kappetva amum nivapam nivuttam nevapikassa ananupakhajja amucchita bhojanani bhunjimsu, te tattha ananupakhajja amucchita bhojanani bhunjamana na madam apajjimsu, amatta samana na-ppamadam apajjimsu, appamatta samana na yathakamakaraniya ahesum nevapikassa amusmim nivape.

Tatra bhikkhave nevapikassa ca nevapikaparisaya ca etad-ahosi: Satha-ssu nam' ime tatiya migajata ketubhino, iddhimantas-su nam' ime tatiya migajata parajana, iman-ca nama nivapam nivuttam paribhunjanti na ca nesam janama agatim va gatim va; yan-nuna mayam imam nivapam nivuttam mahatihi dandavakarahi samanta sappadesam anuparivareyyama, app-eva nama tatiyanam migajatanam asayam passeyyama yattha te gaham gaccheyyun-ti. Te amum nivapam nivuttam mahatihi dandavakarahi samanta sappadesam anuparivaresum. Addasasum kho bhikkhave nevapiko ca nevapikaparisa ca tatiyanam migajatanam asayam yattha te gaham agamamsu. Evam hi te bhikkhave tatiya pi migajata na parimuccimsu nevapikassa iddhanubhava.

Tatra bhikkhave catuttha migajata evam samacintesum:

Ye kho te pathama migajata amum nivapam nivuttam nevapikassa - pe - evam hi te pathama migajata na parimuccimsu nevapikassa iddhanubhava. Ye pi te dutiya migajata evam samacintesum: ye kho te pathama migajata amum nivapam nivuttam nevapikassa - pe - evam hi te pathama migajata na parimuccimsu nevapikassa iddhanubhava; yan-nuna mayam - pe - evam hi te dutiya pi migajata na parimuccimsu nevapikassa iddhanubhava. Ye pi te tatiya migajata evam samacintesum: ye kho te pathama migajata

[page 154]

- pe - evam hi te pathama migajata na parimuccimsu nevapikassa iddhanubhava; ye pi te dutiya migajata evam samacintesum: ye kho te pathama migajata -pe - evam hi te pathama migajata na parimuccimsu nevapikassa iddhanubhava; yan-nuna mayam - pe - evam hi te dutiya pi migajata na parimuccimsu nevapikassa iddhanubhava; yannuna mayam amum nivapam nivuttam nevapikassa upanissaya asayam kappeyyama, tatr' asayam kappetva amum nivapam nivuttam nevapikassa ananupakhajja amucchita bhojanani bhunjissama, ananupakhajja amucchita bhojanani bhunjamana na madam apajjissama, amatta samana na-ppamadam apajjissama, appamatta samana na yathakamakaraniya bhavissama nevapikassa amusmim nivape ti; te amum nivapam nivuttam nevapikassa upanissaya asayam kappayimsu, tatr' asayam kappetva amum nivapam nivuttam nevapikassa ananupakhajja amucchita bhojanani bhunjimsu, te tattha ananupakhajja amucchita bhojanani bhunjamana na madam apajjimsu, amatta samana na-ppamadam apajjimsu, appamatta samana na yathakamakaraniya ahesum nevapikassa amusmim nivape. Tatra nevapikassa ca nevapikaparisaya ca etadahosi: Satha-ssu nam' ime tatiya migajata ketubhino, iddhimantas-su nam' ime tatiya migajata parajana, iman-ca nama nivapam nivuttam paribhunjanti na ca nesam janama agatim va gatim va, yan-nuna mayam imam nivapam nivuttam mahatihi dandavakarahi samanta sappadesam anuparivareyyama, appeva nama tatiyanam migajatanam asayam passeyyama yattha te gaham gaccheyyun-ti. Te amum nivapam nivuttam mahatihi dandavakarahi samanta sappadesam anuparivaresum.

Addasasum kho nevapiko ca nevapikaparisa ca tatiyanam migajatanam asayam yattha te gaham agamamsu; evam hi te tatiya pi migajata na parimuccimsu nevapikassa iddhanubhava.

Yan-nuna mayam yattha agati nevapikassa ca nevapikaparisaya ca tatr' asayam kappeyyama, tatr' asayam kappetva amum nivapam nivuttam nevapikassa ananupakhajja amucchita bhojanani bhunjeyyama, ananupakhajja amucchita bhojanani bhunjamana na madam apajjissama, amatta samana na-ppamadam apajjissama, appamatta samana na yathakamakaraniya bhavissama nevapikassa amusmim nivape ti.

[page 155]

Te yattha agati nevapikassa ca nevapikaparisaya ca tatr' asayam kappayimsu, tatr' asayam kappetva amum nivapam nivuttam nevapikassa ananupakhajja amucchita bhojanani bhunjimsu, te tattha ananupakhajja amucchita bhojanani bhunjamana na madam apajjimsu, amatta samana na-ppamadam apajjimsu, appamatta samana na yathakamakaraniya ahesum nevapikassa amusmim nivape.

Tatra bhikkhave nevapikassa ca nevapikaparisaya ca etad-ahosi: Satha-ssu nam' ime catuttha migajata ketubhino, iddhimantas-su nam' ime catuttha migajata parajana, iman-ca nama nivapam nivuttam paribhunjanti na ca nesam janama agatim va gatim va; yan-nuna mayam imam nivapam nivuttam mahatihi dandavakarahi samanta sappadesam anuparivareyyama, app-eva nama catutthanam migajatanam asayam passeyyama yattha te gaham gaccheyyun-ti. Te amum nivapam nivuttam mahatihi dandavakarahi samanta sappadesam anuparivaresum. N' eva kho bhikkhave addasasum nevapiko ca nevapikaparisa ca catutthanam migajatanam asayam yattha te gaham gaccheyyum. Tatra bhikkhave nevapikassa ca nevapikaparisaya ca etad-ahosi: Sace kho mayam catutthe migajate ghattessama te ghattita anne ghattessanti, te ghattita anne ghattessanti, evam imam nivapam nivuttam sabbaso migajata rincissanti, yan-nuna mayam catutthe migajate ajjhupekkheyyamati. Ajjhupekkhimsu kho bhikkhave nevapiko ca nevapikaparisa ca catutthe migajate.

Evam hi te bhikkhave catuttha migajata parimuccimsu nevapikassa iddhanubhava.

Upama kho me ayam bhikkhave kata atthassa vinnapanaya, ayam c' ev' ettha attho: Nivapo ti kho bhikkhave pancann' etam kamagunanam adhivacanam. Nevapiko ti kho bhikkhave Marass' etam papimato adhivacanam. Nevapikaparisa ti kho bhikkhave Maraparisay' etam adhivacanam.

Migajata ti kho bhikkhave samanabrahmanan' etam adhivacanam.

Tatra bhikkhave pathama samanabrahmana amum nivapam nivuttam Marassa amuni ca lokamisani anupakhajja mucchita bhojanani bhunjimsu,

[page 156]

te tattha anupakhajja mucchita bhojanani bhunjamana madam apajjimsu, matta samana pamadam apajjimsu, pamatta samana yathakamakaraniya ahesum Marassa amusmim nivape amusmin-ca lokamise.

Evam hi te bhikkhave pathama samanabrahmana na parimuccimsu Marassa iddhanubhava. Seyyatha pi te bhikkhave pathama migajata tathupame aham ime pathame samanabrahmane vadami.

Tatra bhikkhave dutiya samanabrahmana evam samacintesum: Ye kho te pathama samanabrahmana amum nivapam nivuttam Marassa amuni ca lokamisani anupakhajja mucchita bhojanani bhunjimsu, te tattha anupakhajja mucchita bhojanani bhunjamana madam apajjimsu, matta samana pamadam apajjimsu, pamatta samana yathakamakaraniya ahesum Marassa amusmim nivape amusmin-ca lokamise, evam hi te pathama samanabrahmana na parimuccimsu Marassa iddhanubhava. Yan-nuna mayam sabbaso nivapabhojana lokamisa pativirameyyama, bhayabhoga pativirata arannayatanani ajjhogahitva vihareyyamati. Te sabbaso nivapabhojana lokamisa pativiramimsu, bhayabhoga pativirata arannayatanani ajjhogahitva viharimsu, te tattha sakabhakkha pi ahesum, samakabhakkha pi ahesum, nivarabhakkha pi ahesum, daddulabhakkha pi ahesum, hatabhakkha pi ahesum, kanabhakkha pi ahesum, acamabhakkha pi ahesum, pinnakabhakkha pi ahesum, tinabhakkha pi ahesum, gomayabhakkha pi ahesum, vanamulaphalahara yapesum pavattaphalabhoji. Tesam gimhanam pacchime mase tinodakasankhaye adhimattakasimanam patto kayo hoti, tesam adhimattakasimanam pattakayanam balaviriyam parihayi, balaviriye parihine cetovimutti parihayi, cetovimuttiya parihinaya tam-eva nivapam nivuttam Marassa paccagamamsu tani ca lokamisani. Te tattha anupakhajja mucchita bhojanani bhunjimsu, te tattha anupakhajja mucchita bhojanani bhunjamana madam apajjimsu, matta samana pamadam apajjimsu, pamatta samana yathakamakaraniya ahesum Marassa amusmim nivape amusmin-ca lokamise. Evam hi te bhikkhave dutiya pi samanabrahmana na parimuccimsu Marassa iddhanubhava.

[page 157]

Seyyatha pi te bhikkhave dutiya migajata tathupame aham ime dutiye samanabrahmane vadami.

Tatra bhikkhave tatiya samanabrahmana evam samacintesum: Ye kho te pathama samanabrahmana amum nivapam nivuttam Marassa amuni ca lokamisani - pe - evam hi te pathama samanabrahmana na parimuccimsu Marassa iddhanubhava. Ye pi te dutiya samanabrahmana evam samacintesum: ye kho te pathama samanabrahmana amum nivapam nivuttam Marassa amuni ca lokamisani - pe - evam hi te pathama samanabrahmana na parimuccimsu Marassa iddhanubhava; yan-nuna mayam sabbaso nivapabhojana ... vihareyyamati; te sabbaso nivapabhojana ... viharimsu; te tattha sakabhakkha pi ahesum ... pavattaphalabhoji; tesam gimhanam pacchime mase ... tani ca lokamisani; te tattha anupakhajja ... amusmin-ca lokamise, evam hi te dutiya pi samanabrahmana na parimuccimsu Marassa iddhanubhava.

Yan-nuna mayam amum nivapam nivuttam Marassa amuni ca lokamisani upanissaya asayam kappeyyama, tatr' asayam kappetva amum nivapam nivuttam Marassa amuni ca lokamisani ananupakhajja amucchita bhojanani bhunjissama, ananupakhajja amucchita bhojanani bhunjamana na madam apajjissama, amatta samana na-ppamadam apajjissama, appamatta samana na yathakamakaraniya bhavissama Marassa amusmim nivape amusmin-ca lokamise ti. Te amum nivapam nivuttam Marassa amuni ca lokamisani upanissaya asayam kappayimsu, tatr' asayam kappetva amum nivapam nivuttam Marassa amuni ca lokamisani ananupakhajja amucchita bhojanani bhunjimsu, te tattha ananupakhajja amucchita bhojanani bhunjamana na madam apajjimsu, amatta samana na-ppamadam apajjimsu, appamatta samana na yathakamakaraniya ahesum Marassa amusmim nivape amusmin-ca lokamise. Api ca kho evamditthika ahesum: Sassato loko iti pi, asassato loko iti pi, antava loko iti pi, anantava loko iti pi, tam jivam tam sariram iti pi, annam jivam annam sariram iti pi, hoti tathagato param-marana iti pi, na hoti tathagato param-marana iti pi, hoti ca na ca hoti tathagato parammarana iti pi, n' eva hoti na na hoti tathagato param-marana iti pi.

[page 158]

Evam hi te bhikkhave tatiya pi samanabrahmana na parimuccimsu Marassa iddhanubhava. Seyyatha pi te bhikkhave tatiya migajata tathupame aham ime tatiye samanabrahmane vadami.

Tatra bhikkhave catuttha samanabrahmana evam samacintesum: Ye kho te pathama samanabrahmana amum nivapam nivuttam Marassa - pe - evam hi te pathama samanabrahmana na parimuccimsu Marassa iddhanubhava. Ye pi te dutiya samanabrahmana evam samacintesum: ye kho te pathama samanabrahmana - pe - evam hi te pathama samanabrahmana na parimuccimsu Marassa iddhanubhava; yan-nuna mayam sabbaso nivapabhojana- pe - evam hi te dutiya pi samanabrahmana na parimuccimsu Marassa iddhanubhava. Ye pi te tatiya samanabrahmana evam samacintesum: ye kho te pathama samanabrahmana - pe - evam hi te pathama samanabrahmana na parimuccimsu Marassa iddhanubhava; ye pi te dutiya samanabrahmana evam samacintesum: ye kho te pathama samanabrahmana - pe - evam hi te pathama samanabrahmana na parimuccimsu Marassa iddhanubhava; yan-nuna mayam sabbaso nivapabhojana -pe - evam hi te dutiya pi samanabrahmana na parimuccimsu Marassa iddhanubhava; yan-nuna mayam amum nivapam nivuttam Marassa amuni ca lokamisani upanissaya asayam kappeyyama ... amusmin-ca lokamise ti; te amum nivapam ... amusmin-ca lokamise; api ca kho evamditthika ahesum:

sassato loko iti pi - pe - n' eva hoti na na hoti tathagato param-marana iti pi; evam hi te tatiya pi samanabrahmana na parimuccimsu Marassa iddhanubhava. Yan-nuna mayam yattha agati Marassa ca Maraparisaya ca tatr' asayam kappeyyama, tatr' asayam kappetva amum nivapam nivuttam Marassa amuni ca lokamisani ananupakhajja amucchita bhojanani bhunjissama, ananupakhajja amucchita bhojanani bhunjamana na madam apajjissama, amatta samana nappamadam apajjissama, appamatta samana na yathakamakaraniya bhavissama Marassa amusmim nivape amusmin-ca lokamise ti. Te yattha agati Marassa ca Maraparisaya ca tatr' asayam kappayimsu; tatr' asayam kappetva amum nivapam nivuttam Marassa amuni ca lokamisani ananupakhajja amucchita bhojanani bhunjimsu,

[page 159]

te tattha ananupakhajja amucchita bhojanani bhunjamana na madam apajjimsu, amatta samana na-ppamadam apajjimsu, appamatta samana na yathakamakaraniya ahesum Marassa amusmim nivape amusmin-ca lokamise. Evam hi te bhikkhave catuttha samanabrahmana parimuccimsu Marassa iddhanubhava. Seyyatha pi te bhikkhave catuttha migajata tathupame aham ime catutthe samanabrahmane vadami.

Kathan-ca bhikkhave agati Marassa ca Maraparisaya ca: Idha bhikkhave bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. Ayam vuccati bhikkhave bhikkhu: andham-akasi Maram, apadam vadhitva Maracakkhum adassanam gato papimato. Puna ca param bhikkhave bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati.

Ayam vuccati bhikkhave bhikkhu: andham-akasi Maram, apadam vadhitva Maracakkhum adassanam gato papimato.

Puna ca param bhikkhave bhikkhu pitiya ca viraga upekhako ca viharati sato ca sampajano, sukhan-ca kayena patisamvedeti yan-tam ariya acikkhanti: upekhako satima sukhavihari ti tatiyam jhanam upasampajja viharati. Ayam vuccati bhikkhave ... papimato. Puna ca param bhikkhave bhikkhu sukhassa ca pahana dukkhassa ca pahana pubbe va somanassadomanassanam atthagama adukkhamasukham upekhasatiparisuddhim catuttham jhanam upasampajja viharati. Ayam vuccati bhikkhave ... papimato.

Puna ca param bhikkhave bhikkhu sabbaso rupasannanam samatikkama patighasannanam atthagama nanattasannanam amanasikara ananto akaso ti akasanancayatanam upasampajja viharati. Ayam vuccati bhikkhave ... papimato. Puna ca param bhikkhave bhikkhu sabbaso akasanancayatanam samatikkamma anantam vinnanan-ti vinnanancayatanam upasampajja viharati. Ayam vuccati bhikkhave ... papimato.

Puna ca param bhikkhave bhikkhu sabbaso vinnanancayatanam samatikkamma na-tthi kinciti akincannayatanam upasampajja viharati.

[page 160]

Ayam vuccati bhikkhave ... papimato. Puna ca param bhikkhave bhikkhu sabbaso akincannayatanam samatikkamma nevasannanasannayatanam upasampajja viharati.

Ayam vuccati bhikkhave bhikkhu: andham-akasi Maram, apadam vadhitva Maracakkhum adassanam gato papimato.

Puna ca param bhikkhave bhikkhu sabbaso nevasannanasannayatanam samatikkamma sannavedayitanirodham upasampajja viharati, pannaya c' assa disva asava parikkhina honti. Ayam vuccati bhikkhave bhikkhu: andham-akasi Maram, apadam vadhitva Maracakkhum adassanam gato papimato, tinno loke visattikan-ti.

Idam-avoca Bhagava. Attamana te bhikkhu Bhagavato bhasitam abhinandun-ti.

NIVAPASUTTAM PANCAMAM.

 


 

XXVI. Ariya-Pariyesana Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho Bhagava pubbanhasamayam nivasetva pattacivaram adaya Savatthim pindaya pavisi. Atha kho sambahula bhikkhu yen' ayasma Anando ten' upasankamimsu, upasankamitva ayasmantam Anandam etad-avocum: Cirassuta no avuso Ananda Bhagavato sammukha dhammi katha, sadhu mayam avuso Ananda labheyyama Bhagavato sammukha dhammikam katham savanayati. - Tena h' ayasmanto yena Rammakassa brahmanassa assamo ten' upasankamatha, app-eva nama labheyyatha Bhagavato sammukha dhammikam katham savanayati. - Evam-avuso ti kho te bhikkhu ayasmato Anandassa paccassosum. Atha kho Bhagava Savatthiyam pindaya caritva pacchabhattam pindapatapatikkanto ayasmantam Anandam amantesi: Ayam' Ananda yena Pubbaramo Migaramatu pasado ten' upasankamissama divaviharayati.

Evam bhante ti kho ayasma Anando Bhagavato paccassosi.

[page 161]

Atha kho Bhagava ayasmata Anandena saddhim yena Pubbaramo Migaramatu pasado ten' upasankami divaviharaya.

Atha kho Bhagava sayanhasamayam patisallana vutthito ayasmantam Anandam amantesi: Ayam' Ananda yena Pubbakotthako ten' upasankamissama gattani parisincitun-ti.

Evam-bhante ti kho ayasma Anando Bhagavato paccassosi.

Atha kho Bhagava ayasmata Anandena saddhim yena Pubbakotthako ten' upasankami gattani parisincitum; Pubbakotthake gattani parisincitva paccuttaritva ekacivaro atthasi gattani pubbapayamano. Atha kho ayasma Anando Bhagavantam etad-avoca: Ayam bhante Rammakassa brahmanassa assamo avidure; ramaniyo bhante Rammakassa brahmanassa assamo, pasadiko bhante Rammakassa brahmanassa assamo; sadhu bhante Bhagava yena Rammakassa brahmanassa assamo ten' upasankamatu anukampam upadayati. Adhivasesi Bhagava tunhibhavena. Atha kho Bhagava yena Rammakassa brahmanassa assamo ten' upasankami. Tena kho pana samayena sambahula bhikkhu Rammakassa brahmanassa assame dhammiya kathaya sannisinna honti. Atha kho Bhagava bahidvarakotthake atthasi kathapariyosanam agamayamano. Atha kho Bhagava kathapariyosanam viditva ukkasitva aggalam akotesi; vivarimsu kho te bhikkhu Bhagavato dvaram. Atha kho Bhagava Rammakassa brahmanassa assamam pavisitva pannatte asane nisidi. Nisajja kho Bhagava bhikkhu amantesi: Kaya nu ' ttha bhikkhave etarahi kathaya sannisinna, ka ca pana vo antarakatha vippakata ti.

Bhagavantam-eva kho no bhante arabbha dhammi katha vippakata, atha Bhagava anuppatto ti. Sadhu bhikkhave, etam kho bhikkhave tumhakam patirupam kulaputtanam saddha agarasma anagariyam pabbajitanam yam tumhe dhammiya kathaya sannisideyyatha. Sannipatitanam vo bhikkhave dvayam karaniyam: dhammi va katha ariyo va tunhibhavo.

Dve 'ma bhikkhave pariyesana: ariya ca pariyesana anariya ca pariyesana. Katama ca bhikkhave anariya pariyesana: Idha bhikkhave ekacco attana jatidhammo samano jatidhamman-neva pariyesati, attana jaradhammo samano jaradhamman-neva pariyesati,

[page 162]

attana byadhidhammo ... attana maranadhammo ... attana sokadhammo ... attana sankilesadhammo samano sankilesadhamman-neva pariyesati.

Kin-ca bhikkhave jatidhammam vadetha: Puttabhariyam bhikkhave jatidhammam, dasidasam jatidhammam, ajelakam jatidhammam, kukkutasukaram jatidhammam, hatthigavassavalavam jatidhammam, jataruparajatam jatidhammam. Jatidhamma h' ete bhikkhave upadhayo, etthayam gathito mucchito ajjhopanno attana jatidhammo samano jatidhammanneva pariyesati. Kin-ca bhikkhave jaradhammam vadetha:

Puttabhariyam bhikkhave jaradhammam, dasidasam j., ajelakam j., kukkutasukaram j., hatthigavassavalavam j., jataruparajatam jaradhammam. Jaradhamma h' ete bhikkhave upadhayo, etthayam gathito mucchito ajjhopanno attana jaradhammo samano jaradhamman-neva pariyesati. Kin-ca bhikkhave byadhidhammam vadetha: Puttabhariyam bhikkhave byadhidhammam, dasidasam by., ajelakam by., kukkutasukaram by., hatthigavassavalavam byadhidhammam. Byadhidhamma h' ete ... byadhidhamman-neva pariyesati. Kin-ca bhikkhave maranadhammam vadetha: Puttabhariyam bhikkhave maranadhammam, dasidasam m., ajelakam m., kukkutasukaram m., hatthigavassavalavam maranadhammam. Maranadhamma h' ete ... maranadhamman-neva pariyesati.

Kin-ca bhikkhave sokadhammam vadetha: Puttabhariyam bhikkhave sokadhammam, dasidasam s., ajelakam s., kukkutasukaram s., hatthigavassavalavam sokadhammam. Sokadhamma h' ete ... sokadhamman-neva pariyesati. Kin-ca bhikkhave sankilesadhammam vadetha: Puttabhariyam bhikkhave sankilesadhammam, dasidasam sankilesadhammam, ajelakam sankilesadhammam, kukkutasukaram sankilesadhammam, hatthigavassavalavam sankilesadhammam, jataruparajatam sankilesadhammam. Sankilesadhamma h' ete bhikkhave upadhayo, etthayam gathito mucchito ajjhopanno attana sankilesadhammo samano sankilesadhamman-neva pariyesati. Ayam bhikkhave anariya pariyesana.

Katama ca bhikkhave ariya pariyesana: Idha bhikkhave ekacco attana jatidhammo samano jatidhamme adinavam viditva ajatam anuttaram yogakkhemam nibbanam pariyesati,

[page 163]

attana jaradhammo samano jaradhamme adinavam viditva ajaram anuttaram yogakkhemam nibbanam pariyesati, attana byadhidhammo samano ... abyadhim ... ., attana maranadhammo samano ... amatam ... ., attana sokadhammo samano ... asokam ... ., attana sankilesadhammo samano sankilesadhamme adinavam viditva asankilittham anuttaram yogakkhemam nibbanam pariyesati. Ayam bhikkhave ariya pariyesana.

Aham-pi sudam bhikkhave pubbe va sambodha anabhisambuddho bodhisatto va samano attana jatidhammo samano jatidhamman-neva pariyesami, attana jaradhammo samano jaradhamman-neva pariyesami, attana byadhidhammo ... ., attana maranadhammo ... ., attana sokadhammo ... ., attana sankilesadhammo samano sankilesadhamman-neva pariyesami.

Tassa mayham bhikkhave etad-ahosi: Kin-nu kho aham attana jatidhammo samano jatidhamman-neva pariyesami, attana jaradhammo samano - pe - attana sankilesadhammo samano sankilesadhamman-neva pariyesami; yan-nunaham attana jatidhammo samano jatidhamme adinavam viditva ajatam anuttaram yogakkhemam nibbanam pariyeseyyam, attana jaradhammo ... ajaram ... pariyeseyyam, attana byadhidhammo ... abyadhim ... pariyeseyyam, attana maranadhammo ... amatam ... pariyeseyyam, attana sokadhammo ... asokam ... pariyeseyyam, attana sankilesadhammo samano sankilesadhamme adinavam viditva asankilittham anuttaram yogakkhemam nibbanam pariyeseyyan-ti.

So kho aham bhikkhave aparena samayena daharo va samano susu kalakeso bhadrena yobbanena samannagato pathamena vayasa akamakanam matapitunnam assumukhanam rudantanam kesamassum oharetva kasayani vatthani acchadetva agarasma anagariyam pabbajim. So evam pabbajito samano kimkusalagavesi anuttaram santivarapadam pariyesamano yena Alaro Kalamo ten' upasankamim, upasankamitva Alaram Kalamam etad-avocam: Iccham' aham avuso Kalama imasmim dhammavinaye brahmacariyam caritun-ti. Evam vutte bhikkhave Alaro Kalamo mam etadavoca: Viharat' ayasma, tadiso ayam dhammo yattha vinnu puriso nacirass' eva sakam acariyakam sayam abhinna sacchikatva upasampajja vihareyyati.

[page 164]

So kho aham bhikkhave nacirass' eva khippam-eva tam dhammam pariyapunim. So kho aham bhikkhave tavataken' eva otthapahatamattena lapitalapanamattena nanavadan-ca vadami theravadan-ca, janami passamiti ca patijanami ahan-c' eva anne ca. Tassa mayham bhikkhave etad-ahosi: Na kho Alaro Kalamo imam dhammam kevalam saddhamattakena: sayam abhinna sacchikatva upasampajja viharamiti pavedeti, addha Alaro Kalamo imam dhammam janam passam viharatiti. Atha khvaham bhikkhave yena Alaro Kalamo ten' upasankamim, upasankamitva Alaram Kalamam etad-avocam: Kittavata no avuso Kalama imam dhammam sayam abhinna sacchikatva upasampajja pavedesiti. Evam vutte bhikkhave Alaro Kalamo akincannayatanam pavedesi. Tassa mayham bhikkhave etadahosi: Na kho Alarass' eva Kalamassa atthi saddha, mayham p' atthi saddha; na kho Alarass' eva Kalamassa atthi viriyam, mayham p' atthi viriyam; na kho Alarass' eva Kalamassa atthi sati, mayham p' atthi sati; na kho Alarass' eva Kalamassa atthi samadhi, mayham p' atthi samadhi; na kho Alarass' eva Kalamassa atthi panna, mayham p' atthi panna; yan-nunaham yam dhammam Alaro Kalamo: sayam abhinna sacchikatva upasampajja viharamiti pavedeti tassa dhammassa sacchikiriyaya padaheyyan-ti. So kho aham bhikkhave nacirass' eva khippam-eva tam dhammam sayam abhinna sacchikatva upasampajja vihasim. Atha khvaham bhikkhave yena Alaro Kalamo ten' upasankamim, upasankamitva Alaram Kalamam etad-avocam: Ettavata no avuso Kalama imam dhammam sayam abhinna sacchikatva upasampajja pavedesiti. - Ettavata kho aham avuso imam dhammam sayam abhinna sacchikatva upasampajja pavedemiti. - Aham-pi kho avuso ettavata imam dhammam sayam abhinna sacchikatva upasampajja viharamiti. - Labha no avuso, suladdham no avuso, ye mayam ayasmantam tadisam sabrahmacarim passama. Iti yaham dhammam sayam abhinna sacchikatva upasampajja pavedemi tam tvam dhammam sayam abhinna sacchikatva upasampajja viharasi, yam tvam dhammam sayam abhinna sacchikatva upasampajja viharasi tam-aham dhammam sayam abhinna sacchikatva upasampajja pavedemi.

[page 165]

Iti yaham dhammam janami tam tvam dhammam janasi, yam tvam dhammam janasi tam-aham dhammam janami. Iti yadiso aham tadiso tuvam, yadiso tuvam tadiso aham. Ehi dani avuso, ubho va santa imam ganam pariharamati. Iti kho bhikkhave Alaro Kalamo acariyo me samano antevasim mam samanam attano samasamam thapesi ularaya ca mam pujaya pujesi. Tassa mayham bhikkhave etad-ahosi: Nayam dhammo nibbidaya na viragaya na nirodhaya na upasamaya na abhinnaya na sambodhaya na nibbanaya samvattati, yavad-eva akincannayatanupapattiya ti. So kho aham bhikkhave tam dhammam analankaritva tasma dhamma nibbijjapakkamim.

So kho aham bhikkhave kimkusalagavesi anuttaram santivarapadam pariyesamano yena Uddako Ramaputto ten' upasankamim, upasankamitva Uddakam Ramaputtam etad-avocam:

Iccham' aham avuso imasmim dhammavinaye brahmacariyam caritun-ti. Evam vutte bhikkhave Uddako Ramaputto mam etad-avoca: Viharat' ayasma, tadiso ayam dhammo yattha vinnu puriso nacirass' eva sakam acariyakam sayam abhinna sacchikatva upasampajja vihareyyati. So kho aham bhikkhave nacirass' eva khippam-eva tam dhammam pariyapunim. So kho aham bhikkhave tavataken' eva otthapahatamattena lapitalapanamattena nanavadan-ca vadami theravadan-ca, janami passamiti ca patijanami ahan-c' eva anne ca. Tassa mayham bhikkhave etad-ahosi: Na kho Ramo imam dhammam kevalam saddhamattakena: sayam abhinna sacchikatva upasampajja viharamiti pavedesi, addha Ramo imam dhammam janam passam vihasiti. Atha khvaham bhikkhave yena Uddako Ramaputto ten' upasankamim, upasankamitva Uddakam Ramaputtam etad-avocam: Kittavata no avuso Ramo imam dhammam sayam abhinna sacchikatva upasampajja pavedesiti. Evam vutte bhikkhave Uddako Ramaputto nevasannanasannayatanam pavedesi. Tassa mayham bhikkhave etad-ahosi: Na kho Ramass' eva ahosi saddha, mayham p' atthi saddha; na kho Ramass' eva ahosi viriyam,

[page 166]

mayham p' atthi viriyam; na kho Ramass' eva ahosi sati, mayham p' atthi sati; na kho Ramass' eva ahosi samadhi, mayham p' atthi samadhi; na kho Ramass' eva ahosi panna, mayham p' atthi panna; yan-nunaham yam dhammam Ramo: sayam abhinna sacchikatva upasampajja viharamiti pavedesi tassa dhammassa sacchikiriyaya padaheyyan-ti.

So kho aham bhikkhave nacirass' eva khippam-eva tam dhammam sayam abhinna sacchikatva upasampajja vihasim.

Atha khvaham bhikkhave yena Uddako Ramaputto ten' upasankamim, upasankamitva Uddakam Ramaputtam etad-avocam: Ettavata no avuso Ramo imam dhammam sayam abhinna sacchikatva upasampajja pavedesiti. - Ettavata kho avuso Ramo imam dhammam sayam abhinna sacchikatva upasampajja pavedesiti. - Aham-pi kho avuso ettavata imam dhammam sayam abhinna sacchikatva upasampajja viharamiti. - Labha no avuso, suladdham no avuso, ye mayam ayasmantam tadisam sabrahmacarim passama. Iti yam dhammam Ramo sayam abhinna sacchikatva upasampajja pavedesi tam tvam dhammam sayam abhinna sacchikatva upasampajja viharasi, yam tvam dhammam sayam abhinna sacchikatva upasampajja viharasi tam dhammam Ramo sayam abhinna sacchikatva upasampajja pavedesi. Iti yam dhammam Ramo annasi tam tvam dhammam janasi, yam tvam dhammam janasi tam dhammam Ramo annasi. Iti yadiso Ramo ahosi tadiso tuvam, yadiso tuvam tadiso Ramo ahosi. Ehi dani avuso, tvam imam ganam pariharati. Iti kho bhikkhave Uddako Ramaputto sabrahmacari me samano acariyatthane ca mam thapesi ularaya ca mam pujaya pujesi. Tassa mayham bhikkhave etad-ahosi: Nayam dhammo nibbidaya na viragaya na nirodhaya na upasamaya na abhinnaya na sambodhaya na nibbanaya samvattati, yavad-eva nevasannanasannayatanupapattiya ti. So kho aham bhikkhave tam dhammam analankaritva tasma dhamma nibbijjapakkamim.

So kho aham bhikkhave kimkusalagavesi anuttaram santivarapadam pariyesamano Magadhesu anupubbena carikam caramano yena Uruvela senanigamo tad-avasarim.

[page 167]

Tatth' addasam ramaniyam bhumibhagam pasadikan-ca vanasandam, nadin-ca sandantim setakam supatittham ramaniyam, samanta ca gocaragamam. Tassa mayham bhikkhave etad-ahosi: Ramaniyo vata bho bhumibhago pasadiko ca vanasando, nadi ca sandati setaka supatittha ramaniya, samanta ca gocaragamo; alam vat' idam kulaputtassa padhanatthikassa padhanayati. So kho aham bhikkhave tatth' eva nisidim: alam-idam padhanayati.

So kho aham bhikkhave attana jatidhammo samano jatidhamme adinavam viditva ajatam anuttaram yogakkhemam nibbanam pariyesamano ajatam anuttaram yogakkhemam nibbanam ajjhagamam, attana jaradhammo samano jaradhamme adinavam viditva ajaram anuttaram yogakkhemam nibbanam pariyesamano ajaram anuttaram yogakkhemam nibbanam ajjhagamam, attana byadhidhammo samano byadhidhamme adinavam viditva abyadhim anuttaram yogakkhemam nibbanam pariyesamano abyadhim anuttaram yogakkhemam nibbanam ajjhagamam, attana maranadhammo samano maranadhamme adinavam viditva amatam anuttaram yogakkhemam nibbanam pariyesamano amatam anuttaram yogakkhemam nibbanam ajjhagamam, attana sokadhammo samano sokadhamme adinavam viditva asokam anuttaram yogakkhemam nibbanam pariyesamano asokam anuttaram yogakkhemam nibbanam ajjhagamam, attana sankilesadhammo samano sankilesadhamme adinavam viditva asankilittham anuttaram yogakkhemam nibbanam pariyesamano asankilittham anuttaram yogakkhemam nibbanam ajjhagamam. Nanan-ca pana me dassanam udapadi: Akuppa me vimutti, ayam-antima jati, na-tthi dani punabbhavo ti.

Tassa mayham bhikkhave etad-ahosi: Adhigato kho me ayam dhammo gambhiro duddaso duranubodho santo panito atakkavacaro nipuno panditavedaniyo. Alayarama kho panayam paja alayarata alayasammudita. Alayaramaya kho pana pajaya alayarataya alayasammuditaya duddasam idam thanam yadidam idappaccayata paticcasamuppado, idam-pi kho thanam duddasam yadidam sabbasankharasamatho sabbupadhipatinissaggo tanhakkhayo virago nirodho nibbanam.

[page 168]

Ahan-c' eva kho pana dhammam deseyyam pare ca me na ajaneyyum, so mam' assa kilamatho, sa mam' assa vihesa ti.

Api-ssu mam bhikkhave ima anacchariya gatha patibhamsu pubbe assutapubba:

Kicchena me adhigatam, halan-dani pakasitum,
ragadosaparetehi nayam dhammo susambudho.

Patisotagamim nipunam gambhiram duddasam anum
ragaratta na dakkhinti tamokkhandhena avata ti.

Itiha me bhikkhave patisancikkhato appossukkataya cittam namati, no dhammadesanaya. Atha kho bhikkhave Brahmuno Sahampatissa mama cetasa cetoparivitakkhamannaya etad-ahosi: Nassati vata bho loko, vinassati vata bho loko, yatra hi nama Tathagatassa arahato sammasambuddhassa appossukkataya cittam namati, no dhammadesanayati. Atha kho bhikkhave Brahma Sahampati seyyatha pi nama balava puriso saminjitam va baham pasareyya pasaritam va baham saminjeyya evam-evam Brahmaloke antarahito mama purato paturahosi. Atha kho bhikkhave Brahma Sahampati ekamsam uttarasangam karitva yenaham ten' anjalim-panametva mam etad-avoca: Desetu bhante Bhagava dhammam, desetu Sugato dhammam, santi satta apparajakkhajatika assavanata dhammassa parihayanti, bhavissanti dhammassa annataro ti. Idam-avoca bhikkhave Brahma Sahampati, idam vatva athaparam etad-avoca:

Paturahosi Magadhesu pubbe
dhammo asuddho samalehi cintito;
apapur' etam amatassa dvaram, sunantu dhammam vimalenanubuddham.
Sele yatha pabbatamuddhani-tthito
yatha pi passe janatam samantato,
tathupamam dhammamayam sumedha
pasadam-aruyha samantacakkhu
sokavatinnam janatam-apetasoko
avekkhassu jatijarabhibhutam.

[page 169]

Utthehi vira vijitasangama,
satthavaha anana, vicara loke,
desassu Bhagava dhammam,
annataro bhavissanti ti.

Atha khvaham bhikkhave Brahmuno ca ajjhesanam viditva sattesu ca karunnatam paticca Buddhacakkhuna lokam volokesim. Addasam kho aham bhikkhave Buddhacakkhuna lokam volokento satte apparajakkhe maharajakkhe, tikkhindriye mudindriye, svakare dvakare, suvinnapaye duvinnapaye, app-ekacce paralokavajjabhayadassavine viharante. Seyyatha pi nama uppaliniyam va paduminiyam va pundarikiniyam va app-ekaccani uppalani va padumani va pundarikani va udake jatani udake samvaddhani udaka 'nuggatani antonimuggaposini, app-ekaccani uppalani va padumani va pundarikani va udake jatani udake samvaddhani samodakam thitani, app-ekaccani uppalani va padumani va pundarikani va udake jatani udake samvaddhani udaka accuggamma titthanti anupalittani udakena, evam-eva kho aham bhikkhave Buddhacakkhuna lokam volokento addasam satte apparajakkhe maharajakkhe, tikkhindriye mudindriye, svakare dvakare, suvinnapaye duvinnapaye, app-ekacce paralokavajjabhayadassavine viharante. Atha khvaham bhikkhave Brahmanam Sahampatim gathaya paccabhasim:

Aparuta tesam amatassa dvara [Brahme]
ye sotavanto, pamuncantu saddham;
vihimsasanni pagunam na bhasim
dhammam panitam manujesu Brahme ti.

Atha kho bhikkhave Brahma Sahampati: katavakaso kho 'mhi Bhagavata dhammadesanayati mam abhivadetva padakkhinam katva tatth' ev' antaradhayi.

Tassa mayham bhikkhave etad-ahosi: Kassa nu kho aham pathamam dhammam deseyyam, ko imam dhammam khippam-eva ajanissatiti. Tassa mayham bhikkhave etadahosi: Ayam kho Alaro Kalamo pandito viyatto medhavi, digharattam apparajakkhajatiko, yan-nunaham Alarassa Kalamassa pathamam dhammam deseyyam,

[page 170]

so imam dhammam khippam-eva ajanissatiti. Atha kho mam bhikkhave devata upasankamitva etad-avocum: Sattahakalakato bhante Alaro Kalamo ti. Nanan-ca pana me dassanam udapadi:

Sattahakalakato Alaro Kalamo ti. Tassa mayham bhikkhave etad-ahosi: Mahajaniyo kho Alaro Kalamo, sace hi so imam dhammam suneyya khippam-eva ajaneyyati. Tassa mayham bhikkhave etad-ahosi: Kassa nu kho aham pathamam dhammam deseyyam, ko imam dhammam khippam-eva ajanissatiti. Tassa mayham bhikkhave etad-ahosi: Ayam kho Uddako Ramaputto pandito viyatto medhavi, digharattam apparajakkhajatiko, yan-nunaham Uddakassa Ramaputtassa pathamam dhammam deseyyam, so imam dhammam khippam-eva ajanissatiti. Atha kho mam bhikkhave devata upasankamitva etad-avocum: Abhidosakalakato bhante Uddako Ramaputto ti. Nanan-ca pana me dassanam udapadi: Abhidosakalakato Uddako Ramaputto ti. Tassa mayham bhikkhave etad-ahosi: Mahajaniyo kho Uddako Ramaputto, sace hi so imam dhammam suneyya khippam-eva ajaneyyati. Tassa mayham bhikkhave etad-ahosi: Kassa nu kho aham pathamam dhammam deseyyam, ko imam dhammam khippam-eva ajanissatiti. Tassa mayham bhikkhave etad-ahosi: Bahukara kho me pancavaggiya bhikkhu ye mam padhanapahitattam upatthahimsu; yan-nunaham pancavaggiyanam bhikkhunam pathamam dhammam deseyyan-ti. Tassa mayham bhikkhave etad-ahosi:

Kahan-nu kho etarahi pancavaggiya bhikkhu viharantiti.

Addasam kho aham bhikkhave dibbena cakkhuna visuddhena atikkantamanusakena pancavaggiye bhikkhu Baranasiyam viharante Isipatane migadaye. Atha khvaham bhikkhave Uruvelayam yathabhirantam viharitva yena Baranasi tena carikam pakkamim.

Addasa kho mam bhikkhave Upako ajiviko antara ca Gayam antara ca bodhim addhanamaggapatipannam, disvana mam etad-avoca: Vippasannani kho te avuso indriyani, parisuddho chavivanno pariyodato; kam si tvam avuso uddissa pabbajito, ko va te sattha, kassa va tvam dhammam rocesiti.

[page 171]

Evam vutte aham bhikkhave Upakam ajivikam gathahi ajjhabhasim:

Sabbabhibhu sabbavidu 'ham-asmi,
sabbesu dhammesu anupalitto,
sabbamjaho tanhakkhaye vimutto,
sayam abhinnaya kam-uddiseyyam.

Na me acariyo atthi, sadiso me na vijjati,
sadevakasmim lokasmim na-tthi me patipuggalo.

Aham hi araha loke, aham sattha anuttaro,
eko 'mhi sammasambuddho, sitibhuto 'smi nibbuto.

Dhammacakkam pavattetum gacchami Kasinam puram,
andhabhutasmim lokasmim ahancham amatadundubhin-ti.

-- Yatha kho tvam avuso patijanasi arahasi anantajino ti. --

Madisa ve jina honti ye patta asavakkhayam,
jita me papaka dhamma, tasma 'ham Upaka jino ti.

Evam vutte bhikkhave Upako ajiviko: Huveyya p' avuso ti vatva sisam okampetva ummaggam gahetva pakkami.

Atha khvaham bhikkhave anupubbena carikam caramano yena Baranasi Isipatanam migadayo yena pancavaggiya bhikkhu ten' upasankamim. Addasasum kho mam bhikkhave pancavaggiya bhikkhu durato va agacchantam, disvana annamannam santhapesum: Ayam avuso samano Gotamo agacchati, bahuliko padhanavibbhanto avatto bahullaya, so n' eva abhivadetabbo na paccutthatabbo, nassa pattacivaram patiggahetabbam, api ca kho asanam thapetabbam, sace akankhissati nisidissatiti. Yatha yatha kho aham bhikkhave upasankamami tatha tatha pancavaggiya bhikkhu nasakkhimsu sakaya katikaya santhatum; app-ekacce mam paccuggantva pattacivaram patiggahesum, app-ekacce asanam pannapesum, app-ekacce padodakam upatthapesum, api ca kho mam namena ca avusovadena ca samudacaranti.

Evam vutte aham bhikkhave pancavaggiye bhikkhu etadavocam: Ma bhikkhave Tathagatam namena ca avusovadena ca samudacarittha. Araham bhikkhave Tathagato sammasambuddho.

[page 172]

Odahatha bhikkhave sotam, amatam-adhigatam, aham-anusasami, aham dhammam desemi, yathanusittham tatha patipajjamana nacirass' eva yass' atthaya kulaputta samma-d-eva agarasma anagariyam pabbajanti tad-anuttaram brahmacariyapariyosanam ditthe va dhamme sayam abhinna sacchikatva upasampajja viharissathati. Evam vutte bhikkhave pancavaggiya bhikkhu mam etad-avocum: Taya pi kho tvam avuso Gotama iriyaya taya patipadaya taya dukkarakarikaya najjhagama uttarim manussadhamma alamariyananadassanavisesam, kim-pana tvam etarahi bahuliko padhanavibbhanto avatto bahullaya adhigamissasi uttarim manussadhamma alamariyananadassanavisesan-ti. Evam vutte aham bhikkhave pancavaggiye bhikkhu etad-avocam:

Na bhikkhave Tathagato bahuliko na padhanavibbhanto na avatto bahullaya. Araham bhikkhave Tathagato sammasambuddho. Odahatha bhikkhave sotam, amatam-adhigatam, aham-anusasami, aham dhammam desemi, yathanusittham tatha patipajjamana nacirass' eva yass' atthaya kulaputta samma-d-eva agarasma anagariyam pabbajanti tad-anuttaram brahmacariyapariyosanam ditthe va dhamme sayam abhinna sacchikatva upasampajja viharissathati. Dutiyam-pi kho bhikkhave pancavaggiya bhikkhu mam etad-avocum:

Taya pi kho tvam avuso Gotama iriyaya ... alamariyananadassanavisesan-ti. Dutiyam-pi kho aham bhikkhave pancavaggiye bhikkhu etad-avocam: Na bhikkhave Tathagato bahuliko ... upasampajja viharissathati. Tatiyam-pi kho bhikkhave pancavaggiya bhikkhu mam etad-avocum: Taya pi kho tvam avuso Gotama iriyaya ... alamariyananadassanavisesan-ti. Evam vutte aham bhikkhave pancavaggiye bhikkhu etad-avocam: Abhijanatha me no tumhe bhikkhave ito pubbe evarupam {cross}vabbhacitam-etan-ti. - No h' etam-bhante.

-- Araham bhikkhave Tathagato sammasambuddho. Odahatha bhikkhave sotam, amatam-adhigatam, aham-anusasami, aham dhammam desemi, yathanusittham tatha patipajjamana nacirass' eva yass' atthaya kulaputta samma-d-eva agarasma anagariyam pabbajanti tad-anuttaram brahmacariyapariyosanam ditthe va dhamme sayam abhinna sacchikatva upasampajja viharissathati.

[page 173]

Asakkhim kho aham bhikkhave pancavaggiye bhikkhu sannapetum. Dve pi sudam bhikkhave bhikkhu ovadami, tayo bhikkhu pindaya caranti, yam tayo bhikkhu pindaya caritva aharanti tena chabbaggo yapema. Tayo pi sudam bhikkhave bhikkhu ovadami, dve bhikkhu pindaya caranti, yam dve bhikkhu pindaya caritva aharanti tena chabbaggo yapema. Atha kho bhikkhave pancavaggiya bhikkhu maya evam ovadiyamana evam anusasiyamana attana jatidhamma samana jatidhamme adinavam viditva ajatam anuttaram yogakkhemam nibbanam pariyesamana ajatam anuttaram yogakkhemam nibbanam ajjhagamamsu, attana jaradhamma samana ... ajaram ... ., attana byadhidhamma samana ... abyadhim ... ., attana maranadhamma samana ... amatam ... ., attana sokadhamma samana ... asokam ... ., attana sankilesadhamma samana sankilesadhamme adinavam viditva asankilittham anuttaram yogakkhemam nibbanam pariyesamana asankilittham anuttaram yogakkhemam nibbanam ajjhagamamsu. Nanan-ca pana nesam dassanam udapadi: Akuppa no vimutti, ayam-antima jati, na-tthi dani punabbhavo ti.

Panc' ime bhikkhave kamaguna, katame panca: cakkhuvinneyya rupa ittha kanta manapa piyarupa kamupasamhita rajaniya, sotavinneyya sadda - pe - ghanavinneyya gandha - jivhavinneyya rasa - kayavinneyya photthabba ittha kanta manapa piyarupa kamupasamhita rajaniya. Ime kho bhikkhave panca kamaguna. Ye hi keci bhikkhave samana va brahmana va ime panca kamagune gathita mucchita ajjhopanna anadinavadassavino anissaranapanna paribhunjanti te evam-assu veditabba: anayam-apanna byasanam-apanna yathakamakaraniya papimato. Seyyatha pi bhikkhave arannako mago baddho pasarasim adhisayeyya, so evam-assa veditabbo: anayam-apanno byasanam-apanno yathakamakaraniyo luddassa, agacchante ca ludde na yenakamam pakkamissatiti; evam-eva kho bhikkhave ye hi keci samana va brahmana va ... yathakamakaraniya papimato. Ye ca kho keci bhikkhave samana va brahmana va ime panca kamagune agathita amucchita anajjhopanna adinavadassavino nissaranapanna paribhunjanti te evam-assu veditabba:

[page 174]

na anayam-apanna na byasanam-apanna na yathakamakaraniya papimato. Seyyatha pi bhikkhave arannako mago abaddho pasarasim adhisayeyya, so evam-assa veditabbo: na anayamapanno na byasanam-apanno na yathakamakaraniyo luddassa, agacchante ca pana ludde yenakamam pakkamissatiti; evam-eva kho bhikkhave ye hi keci samana va brahmana va ... na yathakamakaraniya papimato.

Seyyatha pi bhikkhave arannako mago aranne pavane caramano vissattho gacchati vissattho titthati vissattho nisidati vissattho seyyam kappeti, tam kissa hetu: anapathagato bhikkhave luddassa; evam-eva kho bhikkhave bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. Ayam vuccati bhikkhave bhikkhu: andhamakasi Maram, apadam vadhitva Maracakkhum adassanam gato papimato. Puna ca param bhikkhave bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati. Ayam vuccati ... papimato.

Puna ca param bhikkhave bhikkhu pitiya ca viraga upekhako ca viharati sato ca sampajano, sukhan-ca kayena patisamvedeti yan-tam ariya acikkhanti: upekhako satima sukhavihari ti tatiyam jhanam upasampajja viharati. Ayam vuccati ... papimato. Puna ca param bhikkhave bhikkhu sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharati. Ayam vuccati ... papimato. Puna ca param bhikkhave bhikkhu sabbaso rupasannanam samatikkama patighasannanam atthagama nanattasannanam amanasikara ananto akaso ti akasanancayatanam upasampajja viharati. Ayam vuccati ... papimato. Puna ca param bhikkhave bhikkhu sabbaso akasanancayatanam samatikkamma anantam vinnanan-ti vinnanancayatanam upasampajja viharati - pe - sabbaso vinnanancayatanam samatikkamma na-tthi kinciti akincannayatanam upasampajja viharati - sabbaso akincannayatanam samatikkamma nevasannanasannayatanam upasampajja viharati

[page 175]

- sabbaso nevasannanasannayatanam samatikkamma sannavedayitanirodham upasampajja viharati, pannaya c' assa disva asava parikkhina honti. Ayam vuccati bhikkhave bhikkhu: andham-akasi Maram, apadam vadhitva Maracakkhum adassanam gato papimato, tinno loke visattikam.

So vissattho gacchati vissattho titthati vissattho nisidati vissattho seyyam kappeti, tam kissa hetu: anapathagato bhikkhave papimato ti.

Idam-avoca Bhagava. Attamana te bhikkhu Bhagavato bhasitam abhinandun-ti.

ARIYAPARIYESANASUTTAM CHATTHAM.

 


 

XXVII. Cula Hatthi-Padopama Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tena kho pana samayena Janussoni brahmano sabbasetena valabhirathena Savatthiya niyyati diva divassa. Addasa kho Janussoni brahmano Pilotikam paribbajakam durato va agacchantam, disvana Pilotikam paribbajakam etad-avoca: Handa kuto nu bhavam Vacchayano agacchati diva divassati. - Ito hi kho aham bho agacchami samanassa Gotamassa santika ti.

-- Tam kim-mannati bhavam Vacchayano: samanassa Gotamassa pannaveyyattiyam, pandito mannati. - Ko caham bho ko ca samanassa Gotamassa pannaveyyattiyam janissami; so pi nun' assa tadiso va yo samanassa Gotamassa pannaveyyattiyam janeyyati. - Ularaya khalu bhavam Vacchayano samanam Gotamam pasamsaya pasamsatiti. - Ko caham bho ko ca samanam Gotamam pasamsissami, pasatthapasattho va so bhavam Gotamo, settho devamanussanan-ti. - Kampana bhavam Vacchayano atthavasam sampassamano samane Gotame evam abhippasanno ti. - Seyyatha pi bho kusalo nagavaniko nagavanam paviseyya, so passeyya nagavane mahantam hatthipadam dighato ca ayatam tiriyan-ca vitthatam,

[page 176]

so nittham gaccheyya: maha vata bho nago ti; evam-eva kho aham bho yato addasam samane Gotame cattari padani athaham nittham-agamam: sammasambuddho Bhagava, svakkhato Bhagavata dhammo, supatipanno sangho ti; katamani cattari:

Idhaham bho passami ekacce khattiyapandite nipune kataparappavade valavedhirupe, vobhindanta manne caranti pannagatena ditthigatani; te sunanti: samano khalu bho Gotamo amukam nama gamam va nigamam va osarissatiti.

Te panham abhisankharonti: imam mayam panham samanam Gotamam upasankamitva pucchissama; evan-ca no puttho evam byakarissati evam-assa mayam vadam aropessama, evan-ce pi no puttho evam byakarissati evam pi 'ssa mayam vadam aropessamati. Te sunanti: samano khalu bho Gotamo amukam nama gamam va nigamam va osato ti; te yena samano Gotamo ten' upasankamanti. Te samano Gotamo dhammiya kathaya sandasseti samadapeti samuttejeti sampahamseti; te samanena Gotamena dhammiya kathaya sandassita samadapita samuttejita sampahamsita na c' eva samanam Gotamam panham pucchanti, kut' assa vadam aropessanti, annadatthu samanass' eva Gotamassa savaka sampajjanti. Yada 'ham bho samane Gotame imam pathamam padam addasam athaham nittham-agamam: sammasambuddho Bhagava, svakkhato Bhagavata dhammo, supatipanno sangho ti.

Puna ca paraham bho passami idh' ekacce brahmanapandite nipune kataparappavade valavedhirupe, vobhindanta manne caranti pannagatena ditthigatani; te sunanti ... samanass' eva Gotamassa savaka sampajjanti. Yada 'ham bho samane Gotame imam dutiyam padam addasam athaham nittham-agamam: sammasambuddho Bhagava, svakkhato Bhagavata dhammo, supatipanno sangho ti.

Puna ca paraham bho passami idh' ekacce gahapatipandite - pe - samanapandite nipune kataparappavade valavedhirupe, vobhindanta manne caranti pannagatena ditthigatani; te sunanti: samano khalu bho Gotamo amukam nama gamam va nigamam va osarissatiti.

[page 177]

Te panham abhisankharonti: imam mayam panham samanam Gotamam upasankamitva pucchissama; evan-ce no puttho evam byakarissati evam-assa mayam vadam aropessama, evan-ce pi no puttho evam byakarissati evam-pi 'ssa mayam vadam aropessamati. Te sunanti: samano khalu bho Gotamo amukam nama gamam va nigamam va osato ti; te yena samano Gotamo ten' upasankamanti. Te samano Gotamo dhammiya kathaya sandasseti samadapeti samuttejeti sampahamseti, te samanena Gotamena dhammiya kathaya sandassita samadapita samuttejita sampahamsita na c' eva samanam Gotamam panham pucchanti, kut' assa vadam aropessanti, annadatthu samanan-neva Gotamam okasam yacanti agarasma anagariyam pabbajjaya, te samano Gotamo pabbajeti. Te tatha pabbajita samana eke vupakattha appamatta atapino pahitatta viharanta nacirass' eva yass' atthaya kulaputta samma-d-eva agarasma anagariyam pabbajanti tad-anuttaram brahmacariyapariyosanam ditthe va dhamme sayam abhinna sacchikatva upasampajja viharanti. Te evam-ahamsu: Manam vata bho anassama, manam vata bho panassama, mayam hi pubbe assamana va samana saman' amhati patijanimha, abrahmana va samana brahman' amhati patijanimha. anarahanto va samana arahant' amhati patijanimha; idani kho 'mha samana, idani kho 'mha brahmana, idani kho 'mha arahanto ti. Yada 'ham bho samane Gotame imam catuttham padam addasam athaham nittham-agamam: sammasambuddho Bhagava, svakkhato Bhagavata dhammo, supatipanno sangho ti. Yato kho aham bho samane Gotame imani cattari padani addasam athaham nittham-agamam:

sammasambuddho Bhagava, svakkhato Bhagavata dhammo, supatipanno sangho ti.

Evam vutte Janussoni brahmano sabbaseta valabhiratha orohitva ekamsam uttarasangam karitva yena Bhagava ten' anjalim-panametva tikkhattum udanam udanesi: Namo tassa Bhagavato arahato sammasambuddhassa, namo tassa Bhagavato arahato sammasambuddhassa, namo tassa Bhagavato arahato sammasambuddhassa; app-eva nama mayam kadaci karahaci tena bhota Gotamena saddhim samagaccheyyama,

[page 178]

app-eva nama siya kocid-eva kathasallapo ti. Atha kho Janussoni brahmano yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho Janussoni brahmano yavatako ahosi Pilotikaya paribbajakena saddhim kathasallapo tam sabbam Bhagavato arocesi. Evam vutte Bhagava Janussonim brahmanam etadavoca: Na kho brahmana ettavata hatthipadopamo vittharena paripuro hoti. Api ca brahmana yatha hatthipadopamo vittharena paripuro hoti tam sunahi, sadhukam manasikarohi, bhasissamiti. Evam bho ti kho Janussoni brahmano Bhagavato paccassosi. Bhagava etad-avoca:

Seyyatha pi brahmana nagavaniko nagavanam paviseyya, so passeyya nagavane mahantam hatthipadam dighato ca ayatam tiriyan-ca vitthatam; yo hoti kusalo nagavaniko n' eva tava nittham gacchati: maha vata bho nago ti, tam kissa hetu: Santi hi brahmana nagavane vamanika nama hatthiniyo mahapada, tasam-p' etam padam assati. So tam-anugacchati, tam-anugacchanto passati nagavane mahantam hatthipadam dighato ca ayatam tiriyan-ca vittatam ucca ca nisevitam; yo hoti kusalo nagavaniko n' eva tava nittham gacchati: maha vata bho nago ti, tam kissa hetu: Santi hi brahmana nagavane uccakalarika nama hatthiniyo mahapada, tasam-p' etam padam assati. So tam-anugacchati, tamanugacchanto passati nagavane mahantam hatthipadam dighato ca ayatam tiriyan-ca vitthatam ucca ca nisevitam ucca ca dantehi aranjitani; yo hoti kusalo nagavaniko n' eva tava nittham gacchati: maha vata bho nago ti, tam kissa hetu: Santi hi brahmana nagavane uccakaneruka nama hatthiniyo mahapada, tasam-p' etam padam assati. So tamanugacchati, tam-anugacchanto passati nagavane mahantam hatthipadam dighato ca ayatam tiriyan-ca vitthatam ucca ca nisevitam ucca ca dantehi aranjitani ucca ca sakhabhangam, tan-ca nagam passati rukkhamulagatam va abbhokasagatam va, gacchantam va thitam va nisinnam va nipannam va; so nittham gacchati: ayam va so mahanago ti. Evam-eva kho brahmana idha Tathagato loke uppajjati araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava.

[page 179]

So imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti. So dhammam deseti adikalyanam majjhekalyanam pariyosanakalyanam sattham sabyanjanam, kevalaparipunnam parisuddham brahmacariyam pakaseti. Tam dhammam sunati gahapati va gahapatiputto va annatarasmim va kule paccajato. So tam dhammam sutva Tathagate saddham patilabhati. So tena saddhapatilabhena samannagato iti patisancikkhati: Sambadho gharavaso rajapatho, abbhokaso pabbajja, na-y-idam sukaram agaram ajjhavasata ekantaparipunnam ekantaparisuddham sankhalikhitam brahmacariyam caritum, yan-nunaham kesamassum oharetva kasayani vatthani acchadetva agarasma anagariyam pabbajeyyanti. So aparena samayena appam va bhogakkhandham pahaya mahantam va bhogakkhandham pahaya, appam va natiparivattham pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati.

So evam pabbajito samano bhikkhunam sikkhasajivasamapanno panatipatam pahaya panatipata pativirato hoti, nihitadando nihitasattho lajji dayapanno sabbapanabhutahitanukampi viharati. Adinnadanam pahaya adinnadana pativirato hoti, dinnadayi dinnapatikankhi athenena sucibhutena attana viharati. Abrahmacariyam pahaya brahmacari hoti aracari, virato methuna gamadhamma. Musavadam pahaya musavada pativirato hoti, saccavadi saccasandho theto paccayiko avisamvadako lokassa. Pisunam vacam pahaya pisunaya vacaya pativirato hoti, ito sutva na amutra akkhata imesam bhedaya amutra va sutva na imesam akkhata amusam bhedaya, iti bhinnanam va sandhata sahitanam va anuppadata, samaggaramo samaggarato samagganandi samaggakaranim vacam bhasita hoti. Pharusam vacam pahaya pharusaya vacaya pativirato hoti, ya sa vaca nela kannasukha pemaniya hadayamgama pori bahujanakanta bahujanamanapa tatharupim vacam bhasita hoti.

[page 180]

Samphappalapam pahaya samphappalapa pativirato hoti, kalavadi bhutavadi atthavadi dhammavadi vinayavadi, nidhanavatim vacam bhasita kalena sapadesam pariyantavatim atthasamhitam. So bijagamabhutagamasamarambha pativirato hoti. Ekabhattiko hoti rattuparato, virato vikalabhojana. Nacca-gita-vadita-visukadassana pativirato hoti. Mala-gandha-vilepanadharana-mandana-vibhusanatthana pativirato hoti. Uccasayana-mahasayana pativirato hoti. Jataruparajatapatiggahana pativirato hoti. Amakadhannapatiggahana pativirato hoti. Amakamamsapatiggahana pativirato hoti. Itthikumarikapatiggahana pativirato hoti. Dasidasapatiggahana pativirato hoti. Ajelakapatiggahana pativirato hoti. Kukkutasukarapatiggahana pativirato hoti. Hatthi-gavassa-valavapatiggahana pativirato hoti. Khettavatthupatiggahana pativirato hoti. Duteyyapahinagamananuyoga pativirato hoti. Kayavikkaya pativirato hoti. Tulakuta-kamsakuta-manakuta pativirato hoti. Ukkotana-vancana-nikati-saciyoga pativirato hoti. Chedana-vadhabandhana-viparamosa-alopa-sahasakara pativirato hoti. So santuttho hoti kayapariharikena civarena kucchipariharikena pindapatena, yena yen' eva pakkamati samaday' eva pakkamati. Seyyatha pi nama pakkhi sakuno yena yen' eva deti sapattabharo va deti, evam-evam bhikkhu santuttho hoti kayapariharikena civarena kucchipariharikena pindapatena, yena yen' eva pakkamati samaday' eva pakkamati. So imina ariyena silakkhandhena samannagato ajjhattam anavajjasukham patisamvedeti. So cakkhuna rupam disva na nimittaggahi hoti nanubyanjanaggahi; yatvadhikaranam-enam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati, rakkhati cakkhundriyam, cakkhundriye samvaram apajjati. Sotena saddam sutva - pe - ghanena gandham ghayitva - jivhaya rasam sayitva - kayena photthabbam phusitva - manasa dhammam vinnaya na nimittaggahi hoti nanubyanjanaggahi; yatvadhikaranam-enam manindriyam asamvutam viharantam abhijjhadomanassa papaka akusala dhamma anvassaveyyum, tassa samvaraya patipajjati, rakkhati manindriyam,

[page 181]

manindriye samvaram apajjati. So imina ariyena indriyasamvarena samannagato ajjhattam abyasekasukham patisamvedeti. So abhikkante patikkante sampajanakari hoti, alokite vilokite sampajanakari hoti, saminjite pasarite sampajanakari hoti, sanghatipattacivaradharane sampajanakari hoti, asite pite khayite sayite sampajanakari hoti, uccarapassavakamme sampajanakari hoti, gate thite nisinne sutte jagarite bhasite tunhibhave sampajanakari hoti.

So imina ca ariyena silakkhandhena samannagato imina ca ariyena indriyasamvarena samannagato imina ca ariyena satisampajannena samannagato vivittam senasanam bhajati, arannam rukkhamulam pabbatam kandaram giriguham susanam vanapattham abbhokasam palalapunjam. So pacchabhattam pindapatapatikkanto nisidati pallankam abhujitva, ujum kayam panidhaya, parimukham satim upatthapetva.

So abhijjham loke pahaya vigatabhijjhena cetasa viharati, abhijjhaya cittam parisodheti; byapadapadosam pahaya abyapannacitto viharati, sabbapanabhutahitanukampi byapadapadosa cittam parisodheti; thinamiddham pahaya vigatathinamiddho viharati, alokasanni sato sampajano thinamiddha cittam parisodheti; uddhaccakukkuccam pahaya anuddhato viharati, ajjhattam vupasantacitto uddhaccakukkucca cittam parisodheti; vicikiccham pahaya tinnavicikiccho viharati, akathamkathi kusalesu dhammesu vicikicchaya cittam parisodheti.

So ime panca nivarane pahaya cetaso upakkilese pannaya dubbalikarane vivicc' eva kamehi vivicca akusalehi dhammehi savitakkham savicaram vivekajam pitisukham pathamam jhanam upasampajja viharati. Idam-pi vuccati brahmana Tathagatapadam iti pi, Tathagatanisevitam iti pi, Tathagataranjitam iti pi. Na tv-eva tava ariyasavako nittham gacchati: sammasambuddho Bhagava, svakkhato Bhagavata dhammo, supatipanno sangho ti. Puna ca param brahmana bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati. Idam-pi vuccati brahmana Tathagatapadam iti pi, Tathagatanisevitam iti pi, Tathagataranjitam iti pi. Na tv-eva tava ariyasavako nittham gacchati:

[page 182]

sammasambuddho Bhagava, svakkhato Bhagavata dhammo, supatipanno sangho ti. Puna ca param brahmana bhikkhu pitiya ca viraga upekhako ca viharati sato ca sampajano, sukhan-ca kayena patisamvedeti yan-tam ariya acikkhanti: upekhako satima sukhavihari ti tatiyam jhanam upasampajja viharati. Idam-pi vuccati brahmana Tathagatapadam iti pi, Tathagatanisevitam iti pi, Tathagataranjitam iti pi. Na tv-eva tava ariyasavako nittham gacchati: sammasambuddho Bhagava, svakkhato Bhagavata dhammo, supatipanno sangho ti. Puna ca param brahmana bhikkhu sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharati. Idam-pi vuccati brahmana Tathagatapadam iti pi, Tathagatanisevitam iti pi, Tathagataranjitam iti pi. Na tv-eva tava ariyasavako nittham gacchati: sammasambuddho Bhagava, svakkhato Bhagavata dhammo, supatipanno sangho ti.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhininnameti. So anekavihitam pubbenivasam anussarati, seyyathidam ekam-pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim-pi jatiyo timsam-pi jatiyo cattarisam-pi jatiyo pannasam-pi jatiyo jatisatam-pi jatisahassam-pi jatisatasahassam-pi aneke pi samvattakappe aneke pi vivattakappe aneke pi samvattavivattakappe; amutr' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto amutra uppadim, tatra p' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto idhupapanno ti. Iti sakaram sauddesam anekavihitam pubbenivasam anussarati. Idam-pi vuccati brahmana Tathagatapadam iti pi, Tathagatanisevitam iti pi, Tathagataranjitam iti pi. Na tv-eva tava ariyasavako nittham gacchati: sammasambuddho Bhagava, svakkhato Bhagavata dhammo, supatipanno sangho ti.

[page 183]

So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnameti. So dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate yathakammupage satte pajanati: ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana, te kayassa bheda param-marana apayam duggatim vinipatam nirayam upapanna; ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana, te kayassa bheda param-marana sugatim saggam lokam upapanna ti. Iti dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate yathakammupage satte pajanati. Idam-pi vuccati brahmana Tathagatapadam iti pi, Tathagatanisevitam iti pi, Tathagataranjitam iti pi. Na tv-eva tava ariyasavako nittham gacchati: sammasambuddho Bhagava, svakkhato Bhagavata dhammo, supatipanno sangho ti.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhininnameti. So: idam dukkhan-ti yathabhutam pajanati, ayam dukkhasamudayo ti yathabhutam pajanati, ayam dukkhanirodho ti yathabhutam pajanati, ayam dukkhanirodhagamini patipada ti yathabhutam pajanati; ime asava ti yathabhutam pajanati, ayam asavasamudayo ti yathabhutam pajanati, ayam asavanirodho ti yathabhutam pajanati, ayam asavanirodhagamini patipada ti yathabhutam pajanati. Idam-pi vuccati brahmana Tathagatapadam iti pi, Tathagatanisevitam iti pi, Tathagataranjitam iti pi. Na tv-eva tava ariyasavako nittham gato hoti, api ca kho nittham gacchati: sammasambuddho Bhagava, svakkhato Bhagavata dhammo, supatipanno sangho ti. Tassa evam janato evam passato kamasava pi cittam vimuccati,

[page 184]

bhavasava pi cittam vimuccati, avijjasava pi cittam vimuccati, vimuttasmim vimuttam-iti nanam hoti; khina jati, vusitam brahmacariyam. katam karaniyam naparam itthattayati pajanati. Idam vuccati brahmana Tathagatapadam iti pi, Tathagatanisevitam iti pi, Tathagataranjitam iti pi.

Ettavata kho brahmana ariyasavako nittham gato hoti:

sammasambuddho Bhagava, svakkhato Bhagavata dhammo, supatipanno sangho ti. Ettavata kho brahmana hatthipadopamo vittharena paripuro hotiti.

Evam vutte Janussoni brahmano Bhagavantam etadavoca: Abhikkantam bho Gotama, abhikkantam bho Gotama.

Seyyatha pi bho Gotama nikujjitam va ukkujjeyya. paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam bhota Gotamena anekapariyayena dhammo pakasito. Esaham bhavantam Gotamam saranam gacchami dhamman-ca bhikkhusanghan-ca. Upasakam mam bhavam Gotamo dharetu ajjatagge panupetam saranagatan-ti.

CULAHATTHIPADOPAMASUTTAM SATTAMAM.

 


 

XXVIII. Maha Hatthi-Padopama Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho ayasma Sariputto bhikkhu amantesi: Avuso bhikkhavo ti.

Avuso ti kho te bhikkhu ayasmato Sariputtassa paccassosum. Ayasma Sariputto etad-avoca:

Seyyatha pi avuso yani kanici jangamanam pananam padajatani sabbani tani hatthipade samodhanam gacchanti, hatthipadam tesam aggam-akkhayati yadidam mahantattena, evam-eva kho avuso ye keci kusala dhamma sabbe te catusu ariyasaccesu sangaham gacchanti, katamesu catusu: dukkhe ariyasacce,

[page 185]

dukkhasamudaye ariyasacce, dukkhanirodhe ariyasacce, dukkhanirodhagaminiya patipadaya ariyasacce.

Kataman-c' avuso dukkham ariyasaccam: jati pi dukkha, jara pi dukkha, maranam-pi dukkham, sokaparidevadukkhadomanassupayasa pi dukkha, yam-p' iccham na labhati tam-pi dukkham, sankhittena panc' upadanakkhandha dukkha. Katame c' avuso panc' upadanakkhandha: seyyathidam rupupadanakkhandho vedanupadanakkhandho sannupadanakkhandho sankharupadanakkhandho vinnanupadanakkhandho. Katamo c' avuso rupupadanakkhandho: cattari ca mahabhutani catunnan-ca mahabhutanam upadaya rupam.

Katame c' avuso cattaro mahabhuta: pathavidhatu apodhatu tejodhatu vayodhatu.

Katama c' avuso pathavidhatu: pathavidhatu siya ajjhattika siya bahira. Katama c' avuso ajjhattika pathavidhatu:

yam ajjhattam paccattam kakkhalam kharigatam upadinnam, seyyathidam kesa loma nakha danta taco mamsam naharu atthi atthiminja vakkam hadayam yakanam kilomakam pihakam papphasam antam antagunam udariyam karisam, yam va pan' annam-pi kinci ajjhattam paccattam kakkhalam kharigatam upadinnam, ayam vuccat' avuso ajjhattika pathavidhatu. Ya c' eva kho pana ajjhattika pathavidhatu ya ca bahira pathavidhatu pathavidhatur-ev' esa. Tam: n' etam mama, n' eso 'ham-asmi, na {me^so} atta ti evam-etam yathabhutam sammappannaya datthabbam. Evam-etam yathabhutam sammappannaya disva pathavidhatuya nibbindati, pathavidhatuya cittam virajeti. Hoti kho so avuso samayo yam bahira apodhatu pakuppati, antarahita tasmim samaye bahira pathavidhatu hoti. Tassa hi nama avuso bahiraya pathavidhatuya tava mahallikaya aniccata pannayissati, khayadhammata pannayissati, vayadhammata pannayissati, viparinamadhammata pannayissati, kim pan' imassa mattatthakassa kayassa tanhupadinnassa ahan-ti va mamanti va asmiti va, atha khvassa no t' ev' ettha hoti. Tan-ce avuso bhikkhum pare akkosanti paribhasanti rosenti vihesenti, so evam pajanati: Uppanna kho me ayam sotasamphassaja dukkha vedana, sa ca kho paticca no appaticca, kim paticca:

[page 186]

phassam paticca. So: phasso anicco ti passati, vedana anicca ti passati, sanna anicca ti passati, sankhara anicca ti passati, vinnanam aniccan-ti passati. Tassa dhatarammanam-eva cittam pakkhandati pasidati santitthati adhimuccati.

Tan-ce avuso bhikkhum pare anitthehi akantehi amanapehi samudacaranti, panisamphassena pi leddusamphassena pi dandasamphassena pi satthasamphassena pi, so evam pajanati:

Tathabhuto kho ayam kayo yathabhutasmim kaye panisamphassa pi kamanti, leddusamphassa pi kamanti, dandasamphassa pi kamanti, satthasamphassa pi kamanti. Vuttam kho pan' etam Bhagavata Kakacupamovade: Ubhatodandakena ce pi bhikkhave kakacena cora ocaraka angamangani okanteyyum, tatra pi yo mano padoseyya na me so tena sasanakaro ti. Araddham kho pana me viriyam bhavissati asallinam, upatthita sati asammuttha, passaddho kayo asaraddho, samahitam cittam ekaggam. Kamam dani imasmim kaye panisamphassa pi kamantu, leddusamphassa pi kamantu, dandasamphassa pi kamantu, satthasamphassa pi kamantu, kariyati h' idam buddhanam sasanan-ti. Tassa ce avuso bhikkhuno evam Buddham anussarato evam dhammam anussarato evam sangham anussarato upekha kusalanissita na santhati, so tena samvijjati samvegam apajjati: Alabha vata me na vata me labha, dulladdham vata me na vata me suladdham, yassa me evam Buddham anussarato evam dhammam anussarato evam sangham anussarato upekha kusalanissita na santhatiti. Seyyatha pi avuso sunisa sasuram disva samvijjati samvegam apajjati, evam-eva kho avuso tassa ce bhikkhuno evam Buddham anussarato evam dhammam anussarato evam sangham anussarato upekha kusalanissita na santhati, so tena samvijjati samvegam apajjati:

Alabha vata me na vata me labha, dulladdham vata me na vata me suladdham, yassa me evam Buddham anussarato evam dhammam anussarato evam sangham anussarato upekha kusalanissita; na santhatiti. Tassa ce avuso bhikkhuno evam Buddham anussarato evam dhammam anussarato evam sangham anussarato upekha kusalanissita santhati, so tena attamano hoti.

[page 187]

Ettavata pi kho avuso bhikkhuno bahu katam hoti.

Katama c' avuso apodhatu: apodhatu siya ajjhattika siya bahira. Katama c' avuso ajjhattika apodhatu: yam ajjhattam paccattam apo apogatam upadinnam, seyyathidam pittam semham pubbo lohitam sedo medo assu vasa khelo singhanika lasika muttam, yam va pan' annam-pi kinci ajjhattam paccattam apo apogatam upadinnam, ayam vuccat' avuso ajjhattika apodhatu. Ya c' eva kho pana ajjhattika apodhatu ya ca bahira apodhatu apodhatur-ev' esa. Tam:

n' etam mama, n' eso 'ham-asmi, na {me^so} atta ti evametam yathabhutam sammappannaya datthabbam. Evam-etam yathabhutam sammappannaya disva apodhatuya nibbindati, apodhatuya cittam virajeti. Hoti kho so avuso samayo yam bahira apodhatu pakuppati, sa gamam-pi vahati, nigamampi vahati, nagaram-pi vahati, janapadam-pi vahati, janapadapadesam-pi vahati. Hoti kho so avuso samayo yam mahasamudde yojanasatikani pi udakani ogacchanti, dviyojanasatikani pi udakani ogacchanti, tiyojanasatikani pi udakani ogacchanti, catuyojanasatikani pi udakani ogacchanti, pancayojanasatikani pi udakani ogacchanti, chayojanasatikani pi udakani ogacchanti, sattayojanasatikani pi udakani ogacchanti.

Hoti kho so avuso samayo yam mahasamudde sattatalam-pi udakam santhati, chatalam-pi udakam santhati, pancatalam-pi udakam santhati, catutalam-pi udakam santhati, titalam-pi udakam santhati, dvitalam-pi udakam santhati, talamattampi udakam santhati. Hoti kho so avuso samayo yam mahasamudde sattaporisam-pi udakam santhati, chaporisam-pi udakam santhati, pancaporisam-pi udakam santhati, catuporisam-pi udakam santhati, tiporisam-pi udakam santhati, dviporisam-pi udakam santhati, porisamattam-pi udakam santhati. Hoti kho so avuso samayo yam mahasamudde addhaporisam-pi udakam santhati, katimattam-pi udakam santhati, jannumattam-pi udakam santhati, gopphamattam-pi udakam santhati. Hoti kho so avuso samayo yam mahasamudde angulipabbatemanamattam-pi udakam na hoti.

Tassa hi nama avuso bahiraya apodhatuya tava mahallikaya aniccata pannayissati

[page 188]

- pe - upekha kusalanissita santhati, so tena attamano hoti. Ettavata pi kho avuso bhikkhuno bahu katam hoti.

Katama c' avuso tejodhatu: tejodhatu siya ajjhattika siya bahira. Katama c' avuso ajjhattika tejodhatu: yam ajjhattam paccattam tejo tejogatam upadinnam, seyyathidam yena ca santappati yena ca jiriyati yena ca paridayhati yena ca asitapitabhayitasayitam samma parinamam gacchati, yam va pan' annam-pi kinci ajjhattam paccattam tejo tejogatam upadinnam, ayam vuccat' avuso ajjhattika tejodhatu. Ya c' eva kho pana ajjhattika tejodhatu ya ca bahira tejodhatu tejodhatur-ev' esa. Tam: n' etam mama, n' eso 'hamasmi, na {me^so} atta ti evam-etam yathabhutam sammappannaya datthabbam. Evam-etam yathabhutam sammappannaya disva tejodhatuya nibbindati, tejodhatuya cittam virajeti. Hoti kho so avuso samayo yam bahira tejodhatu pakuppati. Sa gamam-pi dahati, nigamam-pi dahati, nagaram-pi dahati, janapadam-pi dahati, janapadapadesampi dahati. Sa haritantam va panthantam va selantam va udakantam va ramaniyam va bhumibhagam agamma anahara nibbayati. Hoti kho so avuso samayo yam kukkutapattena pi naharudaddulena pi aggim gavesanti. Tassa hi nama avuso bahiraya tejodhatuya tava mahallikaya aniccata pannayissati - pe - upekha kusalanissita santhati, so tena attamano hoti. Ettavata pi kho avuso bhikkhuno bahu katam hoti.

Katama c' avuso vayodhatu: vayodhatu siya ajjhattika siya bahira. Katama c' avuso ajjhattika vayodhatu: yam ajjhattam paccattam vayo vayogatam upadinnam, seyyathidam uddhamgama vata, adhogama vata,kucchisaya vata. kotthasaya vata, angamanganusarino vata, assaso passaso, iti va, yam va pan' annam-pi kinci ajjhattam paccattam vayo vayogatam upadinnam, ayam vuccat' avuso ajjhattika vayodhatu. Ya c' eva kho pana ajjhattika vayodhatu ya ca bahira vayodhatu vayodhatur-ev' esa. Tam: n' etam mama, n' eso 'ham-asmi, na {me^so} atta ti evam-etam yathabhutam sammappannaya datthabbam. Evam-etam yathabhutam sammappannaya disva vayodhatuya nibbindati, vayodhatuya cittam virajeti.

[page 189]

Hoti kho so avuso samayo yam bahira vayodhatu pakuppati, sa gamam-pi vahati, nigamam-pi vahati, nagaram-pi vahati, janapadam-pi vahati, janapadapadesam-pi vahati.

Hoti kho so avuso samayo yam gimhanam pacchime mase talavantena pi vidhupanena pi vatam pariyesanti, ossavane pi tinani na icchanti. Tassa hi nama avuso bahiraya vayodhatuya tava mahallikaya aniccata pannayissati, khayadhammata pannayissati, vayadhammata pannayissati, viparinamadhammata pannayissati, kim pan' imassa mattatthakassa kayassa tanhupadinnassa ahan-ti va maman-ti va asmiti va, atha khvassa no t' ev' ettha hoti. Tan-ce avuso bhikkhum pare akkosanti paribhasanti rosenti vihesenti, so evam pajanati:

Uppanna kho me ayam sotasamphassaja dukkha vedana, sa ca kho paticca no appaticca, kim paticca: phassam paticca.

So: phasso anicco ti passati, vedana anicca ti passati, sanna anicca ti passati, sankhara anicca ti passati, vinnanam aniccan-ti passati. Tassa dhatarammanam-eva cittam pakkhandati pasidati santitthati adhimuccati. Tan-ce avuso bhikkhum pare anitthehi akantehi amanapehi samudacaranti, panisamphassena pi leddusamphassena pi dandasamphassena pi satthasamphassena pi, so evam pajanati: Tathabhuto kho ayam kayo yathabhutasmim kaye panisamphassa pi kamanti, leddusamphassa pi kamanti, dandasamphassa pi kamanti, satthasamphassa pi kamanti. Vuttam kho pan' etam Bhagavata Kakacupamovade: Ubhatodandakena ce pi bhikkhave cora ocaraka angamangani okanteyyum, tatra pi yo mano padoseyya na me so tena sasanakaro ti. Araddham kho pana me viriyam bhavissati asallinam, upatthita sati asammuttha, passaddho kayo asaraddho, samahitam cittam ekaggam. Kamam dani imasmim kaye panisamphassa pi kamantu, leddusamphassa pi kamantu, dandasamphassa pi kamantu, satthasamphassa pi kamantu, kariyati h' idam buddhanam sasanan-ti. Tassa ce avuso bhikkhuno evam Buddham anussarato evam dhammam anussarato evam sangham anussarato upekha kusalanissita na santhati, so tena samvijjati samvegam apajjati: Alabha vata me na vata me labha, dulladdham vata me na vata me suladdham, yassa me evam Buddham anussarato evam dhammam anussarato evam sangham anussarato upekha kusalanissita na santhatiti.

[page 190]

Seyyatha pi avuso sunisa sasuram disva samvijjati samvegam apajjati. evam-eva kho avuso tassa ce bhikkhuno evam Buddham anussarato evam dhammam anussarato evam sangham anussarato upekha kusalanissita na santhati, so tena samvijjati samvegam apajjati: Alabha vata me na vata me labha, dulladdham vata me na vata me suladdham. Yassa me evam Buddham anussarato evam dhammam anussarato evam sangham anussarato upekha kusalanissita na santhatiti.

Tassa ce avuso bhikkhuno evam Buddham anussarato evam dhammam anussarato evam sangham anussarato upekha kusalanissita santhati, so tena attamano hoti. Ettavata pi kho avuso bhikkhuno bahu katam hoti.

Seyyatha pi avuso katthan-ca paticca vallin-ca paticca tinan-ca paticca mattikan-ca paticca akaso parivarito agaran-t' eva sankham gacchati, evam-eva kho avuso atthim ca paticca naharun-ca paticca mamsan-ca paticca camman-ca paticca akaso parivarito rupan-t' eva sankham gacchati.

Ajjhattikan-ce avuso cakkhum aparibhinnam hoti bahira ca rupa na apatham agacchanti no ca tajjo samannaharo hoti, n' eva tava tajjassa vinnanabhagassa patubhavo hoti.

Ajjhattikan-ce avuso cakkhum aparibhinnam hoti bahira ca rupa apatham agacchanti no ca tajjo samannaharo hoti, n' eva tava tajjassa vinnanabhagassa patubhavo hoti. Yato ca kho avuso ajjhattikan-c' eva cakkhum aparibhinnam hoti bahira ca rupa apatham agacchanti tajjo ca samannaharo hoti, evam tajjassa vinnanabhagassa patubhavo hoti. Yam tathabhutassa rupam tam rupupadanakkhandhe sangaham gacchati, ya tathabhutassa vedana sa vedanupadanakkhandhe sangaham gacchati, ya tathabhutassa sanna sa sannupadanakkhandhe sangaham gacchati, ye tathabhutassa sankhara te sankharupadanakkhandhe sangaham gacchanti, yam tathabhutassa vinnanam tam vinnanupadanakkhandhe sangaham gacchati. So evam pajanati: Evam kira 'mesam pancannam upadanakkhandhanam sangaho sannipato samavayo hotiti.

Vuttam kho pan' etam Bhagavata: Yo paticcasamuppadam passati so dhammam passati,

[page 191]

yo dhammam passati so paticcasamuppadam passatiti. Paticcasamuppanna kho pan' ime yadidam panc' upadanakkhandha. Yo imesu pancas' upadanakkhandhesu chando alayo anunayo ajjhosanam so dukkhasamudayo, yo imesu pancas' upadanakkhandhesu chandaragavinayo chandaragapahanam so dukkhanirodho. Ettavata pi kho avuso bhikkhuno bahu katam hoti. Ajjhattikance avuso sotam aparibhinnam hoti - pe - ghanam aparibhinnam hoti - jivha aparibhinna hoti. - kayo aparibhinno hoti - mano aparibhinno hoti bahira ca dhamma na apatham agacchanti no ca tajjo samannaharo hoti, n' eva tava tajjassa vinnanabhagassa patubhavo hoti. Ajjhattiko ce avuso mano aparibhinno hoti bahira ca dhamma apatham agacchanti no ca tajjo samannaharo hoti, n' eva tava tajjassa vinnanabhagassa patubhavo hoti. Yato ca kho avuso ajjhattiko c' eva mano aparibhinno hoti bahira ca dhamma apatham agacchanti tajjo ca samannaharo hoti, evam tajjassa vinnanabhagassa patubhavo hoti. Yam tathabhutassa rupam tam rupupadanakkhandhe sangaham gacchati, ya tathabhutassa vedana sa vedanupadanakkhandhe sangaham gacchati, ya tathabhutassa sanna sa sannupadanakkhandhe sangaham gacchati, ye tathabhutassa sankhara te sankharupadanakkhandhe sangaham gacchanti, yam tathabhutassa vinnanam tam vinnanupadanakkhandhe sangaham gacchati. So evam pajanati: Evam kira 'mesam pancannam upadanakkhandhanam sangaho sannipato samavayo hotiti. Vuttam kho pan' etam Bhagavata: Yo paticcasamuppadam passati so dhammam passati, yo dhammam passati so paticcasamuppadam passatiti. Paticcasamuppanna kho pan' ime yadidam panc' upadanakkhandha. Yo imesu pancas' upadanakkhandhesu chando alayo anunayo ajjhosanam so dukkhasamudayo, yo imesu pancas' upadanakkhandhesu chandaragavinayo chandaragappahanam so dukkhanirodho. Ettavata pi kho avuso bhikkhuno bahu katam hotiti.

Idam-avoca ayasma Sariputto. Attamana te bhikkhu ayasmato Sariputtassa bhasitam abhinandun-ti.

MAHAHATTHIPADOPAMASUTTAM ATTHAMAM.

[page 192]

 


 

XXIX. Maha Saropama Suttam

Evam-me sutam. Ekam samayam Bhagava Rajagahe viharati Gijjhakute pabbate acirapakkante Devadatte. Tatra kho Bhagava Devadattam arabbha bhikkhu amantesi:

Idha bhikkhave ekacco kulaputto saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti. So tena labhasakkarasilokena attamano hoti paripunnasankappo. So tena labhasakkarasilokena attan' ukkamseti param vambheti: ahamasmi labhi silokava ime pan' anne bhikkhu appannata appesakkha ti. So tena labhasakkarasilokena majjati pamajjati pamadam apajjati, pamatto samano dukkham viharati. Seyyatha pi bhikkhave puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum atikkamma tacam atikkamma papatikam sakhapalasam chetva adaya pakkameyya saran-ti mannamano; tam-enam cakkhuma puriso disva evam vadeyya: Na vatayam bhavam puriso annasi saram na annasi pheggum na annasi tacam na annasi papatikam na annasi sakhapalasam, tatha h' ayam bhavam puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum atikkamma tacam atikkamma papatikam sakhapalasam chetva adaya pakkanto saran-ti mannamano, yanc' assa sarena sarakaraniyam tan-c' assa attam nanubhavissatiti. Evam-eva kho bhikkhave idh' ekacco kulaputto saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti.

So tena labhasakkarasilokena attamano hoti paripunnasankappo. So tena labhasakkarasilokena attan' ukkamseti param vambheti:

[page 193]

aham-asmi labhi silokava, ime pan' anne bhikkhu appannata appesakkha ti. So tena labhasakkarasilokena majjati pamajjati pamadam apajjati, pamatto samano dukkham viharati. Ayam vuccati bhikkhave bhikkhu sakhapalasam aggahesi brahmacariyassa, tena ca vosanam apadi.

Idha pana bhikkhave ekacco kulaputto saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti. So tena labhasakkarasilokena na attamano hoti na paripunnasankappo, so tena labhasakkarasilokena na attan' ukkamseti na param vambheti, so tena labhasakkarasilokena na majjati nappamajjati na-ppamadam apajjati, appamatto samano silasampadam aradheti. So taya silasampadaya attamano hoti paripunnasankappo. So taya silasampadaya attan' ukkamseti param vambheti: aham-asmi silava kalyanadhammo, ime pan' anne bhikkhu dussila papadhamma ti. So taya silasampadaya majjati pamajjati pamadam apajjati, pamatto samano dukkham viharati. Seyyatha pi bhikkhave puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum atikkamma tacam papatikam chetva adaya pakkameyya saran-ti mannamano; tam-enam cakkhuma puriso disva evam vadeyya: Na vatayam bhavam puriso annasi saram na annasi pheggum na annasi tacam na annasi papatikam na annasi sakhapalasam; tatha h' ayam bhavam puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum atikkamma tacam papatikam chetva adaya pakkanto saran-ti mannamano, yan-c' assa sarena sarakaraniyam tan-c' assa attham nanubhavissatiti. Evam-eva kho bhikkhave idh' ekacco kulaputto saddha agarasma anagariyam pabbajito hoti ... So taya silasampadaya majjati pamajjati pamadam apajjati, pamatto samano dukkham viharati.

[page 194]

Ayam vuccati bhikkhave bhikkhu papatikam aggahesi brahmacariyassa, tena ca vosanam apadi.

Idha pana bhikkhave ekacco kulaputto saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti. So tena labhasakkarasilokena na attamano hoti na paripunnasankappo, so tena labhasakkarasilokena na attan' ukkamseti na param vambheti, so tena labhasakkarasilokena na majjati nappamajjati na-ppamadam apajjati, appamatto samano silasampadam aradheti. So taya silasampadaya attamano hoti no ca kho paripunnasankappo, so taya silasampadaya na attan' ukkamseti na param vambheti, so taya silasampadaya na majjati na-ppamajjati na-ppamadam apajjati, appamatto samano samadhisampadam aradheti. So taya samadhisampadaya attamano hoti paripunnasankappo. So taya samadhisampadaya attan' ukkamseti param vambheti: aham-asmi samahito ekaggacitto, ime pan' anne bhikkhu asamahita vibbhantacitta ti. So taya samadhisampadaya majjati pamajjati pamadam apajjati, pamatto samano dukkham viharati. Seyyatha pi bhikkhave puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum tacam chetva adaya pakkameyya saran-ti mannamano; tam-enam cakkhuma puriso disva evam vadeyya: Na vatayam bhavam puriso annasi saram na annasi pheggum na annasi tacam na annasi papatikam na annasi sakhapalasam, tatha h' ayam bhavam puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum tacam chetva adaya pakkanto saran-ti mannamano, yan-c' assa sarena sarakaraniyam tan-c' assa attham nanubhavissatiti. Evam-eva kho bhikkhave idh' ekacco kulaputto saddha agarasma anagariyam pabbajito hoti ... So taya samadhisampadaya majjati pamajjati pamadam apajjati, pamatto samano dukkham viharati. Ayam vuccati bhikkhave bhikkhu tacam aggahesi brahmacariyassa,

[page 195]

tena ca vosanam apadi.

Idha pana bhikkhave ekacco kulaputto saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti. So tena labhasakkarasilokena na attamano hoti na paripunnasankappo, so tena labhasakkarasilokena na attan' ukkamseti na param vambheti, so tena labhasakkarasilokena na majjati na-ppamajjati na-ppamadam apajjati, appamatto samano silasampadam aradheti. So taya silasampadaya attamano hoti no ca kho paripunnasankappo, so taya silasampadaya na attan' ukkamseti na param vambheti, so taya silasampadaya na majjati na-ppamajjati na-ppamadam apajjati, appamatto samano samadhisampadam aradheti. So taya samadhisampadaya attamano hoti no ca kho paripunnasankappo, so taya samadhisampadaya na attan' ukkamseti na param vambheti, so taya samadhisampadaya na majjati na-ppamajjati na-ppamadam apajjati, appamatto samano nanadassanam aradheti.

So tena nanadassanena attamano hoti paripunnasankappo.

So tena nanadassanena attan' ukkamseti param vambheti:

aham-asmi janam passam viharami, ime pan' anne bhikkhu ajanam apassam viharantiti. So tena nanadassanena majjati pamajjati pamadam apajjati, pamatto samano dukkham viharati. Seyyatha pi bhikkhave puriso saratthiko saragavesi sarapariyesanam caramano mahato rukkhassa titthato saravato atikkamm' eva saram pheggum chetva adaya pakkameyya saran-ti mannamano; tam-enam cakkhuma puriso disva evam vadeyya: Na vatayam bhavam puriso annasi saram na annasi pheggum na annasi tacam na annasi papatikam na annasi sakhapalasam, tatha h' ayam bhavam puriso saratthiko saragavesi sarapariyesanam caramano mahato rukkhassa titthato saravato atikkamm' eva saram pheggum chetva adaya pakkanto saran-ti mannamano, yan-c' assa sarena sarakaraniyam tan-c' assa attam nanubhavissatiti.

[page 196]

Evam-eva kho bhikkhave idh' ekacco kulaputto saddha agarasma anagariyam pabbajito hoti ... So tena nanadassanena majjati pamajjati pamadam apajjati, pamatto samano dukkham viharati. Ayam vuccati bhikkhave bhikkhu pheggum aggahesi brahmacariyassa, tena ca vosanam apadi.

Idha pana bhikkhave ekacco kulaputto saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti. So tena labhasakkarasilokena na attamano hoti na paripunnasankappo, so tena labhasakkarasilokena na attan' ukkamseti na param vambheti, so tena labhasakkarasilokena na majjati na-ppamajjati na-ppamadam apajjati, appamatto samano silasampadam aradheti. So taya silasampadaya attamano hoti no ca kho paripunnasankappo, so tava silasampadaya na attan' ukkamseti na param vambheti, so taya silasampadaya na majjati na-ppamajjati na-ppamadam apajjati, appamatto samano samadhisampadam aradheti. So taya samadhisampadaya attamano hoti no ca kho paripunnasankappo, so taya samadhisampadaya na attan' ukkamseti na param vambheti, so taya samadhisampadaya na majjati na-ppamajjati na-ppamadam apajjati, appamatto samano nanadassanam aradheti. So tena nanadassanena attamano hoti no ca kho paripunnasankappo, so tena nanadassanena na attan' ukkamseti na param vambheti, so tena nanadassanena na majjati na-ppamajjati na-ppamadam apajjati, appamatto samano samayavimokham aradheti. Thanam kho pan' etam bhikkhave vijjati yam so bhikkhu taya samayavimuttiya parihayetha. Seyyatha pi bhikkhave puriso saratthiko saragavesi sarapariyesanam caramano mahato rukkhassa titthato saravato saran-neva chetva adaya pakkameyya saran-ti janamano; tam-enam cakkhuma puriso disva evam vadeyya: Annasi vatayam bhavam puriso saram annasi pheggum annasi tacam annasi papatikam annasi sakhapalasam, tatha h' ayam bhavam puriso saratthiko saragavesi sarapariyesanam caramano mahato rukkhassa titthato saravato saran-neva chetva adaya pakkanto saran-ti janamano,

[page 197]

yan-c' assa sarena sarakaraniyam tan-c' assa attham anubhavissatiti. Evam-eva kho bhikkhave idh' ekacco kulaputto saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti. So tena labhasakkarasilokena na attamano hoti na paripunnasankappo, so tena labhasakkarasilokena na attan' ukkamseti na param vambheti, so tena labhasakkarasilokena na majjati na-ppamajjati na-ppamadam apajjati, appamatto samano silasampadam aradheti. So taya silasampadaya attamano hoti no ca kho paripunnasankappo, so taya silasampadaya na attan' ukkamseti na param vambheti, so taya silasampadaya na majjati na-ppamajjati na-ppamadam apajjati, appamatto samano samadhisampadam aradheti. So taya samadhisampadaya attamano hoti no ca kho paripunnasankappo, so taya samadhisampadaya na attan' ukkamseti na param vambheti, so taya samadhisampadaya na majjati na-ppamajjati nappamadam apajjati, appamatto samano nanadassanam aradheti. So tena nanadassanena attamano hoti no ca kho paripunnasankappo, so tena nanadassanena na attan' ukkamseti na param vambheti, so tena nanadassanena na majjati na-ppamajjati na-ppamadam apajjati, appamatto samano asamayavimokham aradheti. Atthanam-etam bhikkhave anavakaso yam so bhikkhu taya asamayavimuttiya parihayetha.

Iti kho bhikkhave na-y-idam brahmacariyam labhasakkarasilokanisamsam, na silasampadanisamsam, na samadhisampadanisamsam, na nanadassananisamsam. Ya ca kho ayam bhikkhave akuppa cetovimutti, etadattham-idam bhikkhave brahmacariyam etamsaram etampariyosanan-ti.

Idam-avoca Bhagava. Attamana te bhikkhu Bhagavato bhasitam abhinandun-ti.

MAHASAROPAMASUTTAM NAVAMAM.

[page 198]

 


 

XXX. Cula Saropama Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho Pingalakoccho brahmano yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho Pingalakoccho brahmano Bhagavantam etadavoca: Ye 'me bho Gotama samanabrahmana sanghino ganino ganacariya nata yasassino titthakara sadhusammata bahujanassa, seyyathidam Purano Kassapo, Makkhali Gosalo, Ajito Kesakambali, Pakudho Kaccayano, Sanjayo Belatthaputto, Nigantho Nataputto, sabbe te sakaya patinnaya abbhannamsu sabbe va nabbhannamsu, udahu ekacce abbhannamsu ekacce na abbhannamsuti. - Alam brahmana, titthat' etam: sabbe te sakaya patinnaya abbhannamsu sabbe va nabbhannamsu, udahu ekacce abbhannamsu ekacce na abbhannamsu. Dhamman-te brahmana desessami, tam sunahi, sadhukam manasikarohi, bhasissamiti. Evam-bho ti kho Pingalakoccho brahmano Bhagavato paccassosi. Bhagava etad-avoca:

Seyyatha pi brahmana puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum atikkamma tacam atikkamma papatikam sakhapalasam chetva adaya pakkameyya saran-ti mannamano; tam-enam cakkhuma puriso disva evam vadeyya: Na vatayam bhavam puriso annasi saram na annasi pheggum na annasi tacam na annasi papatikam na annasi sakhapalasam, tatha h' ayam bhavam puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum atikkamma tacam atikkamma papatikam sakhapalasam chetva adaya pakkanto saran-ti mannamano, yan-c' assa sarena sarakaraniyam tan-c' assa attham nanubhavissatiti.

Seyyatha pi va pana brahmana puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum atikkamma tacam papatikam chetva adaya pakkameyya saran-ti mannamano;

[page 199]

tam-enam cakkhuma puriso disva evam vadeyya:

Na vatayam bhavam puriso annasi saram na annasi pheggum na annasi tacam na annasi papatikam na annasi sakhapalasam, tatha h' ayam bhavam puriso s. s. s. c. mahato rukkhassa t. s. atikkamm' eva saram atikkamma pheggum atikkamma tacam papatikam chetva adaya pakkanto saran-ti mannamano, yan-c' assa sarena sarakaraniyam tan-c' assa attham nanubhavissatiti.

Seyyatha pi va pana brahmana puriso s. s. s. c. mahato rukkhassa t. s. atikkamm' eva saram atikkamma pheggum tacam chetva adaya pakkameyya saran-ti mannamano; tamenam cakkhuma puriso disva evam vadeyya: Na vatayam bhavam puriso annasi saram na annasi pheggum na annasi tacam na annasi papatikam na annasi sakhapalasam, tatha h' ayam bhavam puriso s. s. s. c. mahato rukkhassa t. s.

atikkamm' eva saram atikkamma pheggum tacam chetva adaya pakkanto saran-ti mannamano, yan-c' assa sarena sarakaraniyam tan-c' assa attham nanubhavissatiti.

Seyyatha pi va pana brahmana puriso s. s. s. c. mahato rukkhassa t. s. atikkamm' eva saram pheggum chetva adaya pakkameyya saran-ti mannamano; tam-enam cakkhuma puriso evam vadeyya: Na vatayam bhavam puriso annasi saram na annasi pheggum na annasi tacam na annasi papatikam na annasi sakhapalasam, tatha h' ayam bhavam puriso s. s. s. c. mahato rukkhassa t. s. atikkamm' eva saram pheggum chetva adaya pakkanto saran-ti mannamano, yan-c' assa sarena sarakaraniyam tan-c' assa attham nanubhavissatiti.

Seyyatha pi va pana brahmana puriso saratthiko saragavesi sarapariyesanam caramano mahato rukkhassa titthato saravato saran-neva chetva adaya pakkameyya saran-ti janamano; tam-enam cakkhuma puriso disva evam vadeyya:

Annasi vatayam bhavam puriso saram annasi pheggum annasi tacam annasi papatikam annasi sakhapalasam, tatha h' ayam bhavam puriso saratthiko saragavesi sarapariyesanam caramano mahato rukkhassa titthato saravato saram yeva chetva adaya pakkanto saran-ti janamano,

[page 200]

yan-c' assa sarena sarakaraniyam tan-c' assa attham anubhavissatiti.

Evam-eva kho brahmana idh' ekacco puggalo saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti, so tena labhasakkarasilokena attamano hoti paripunnasankappo, so tena labhasakkarasilokena attan' ukkamseti param vambheti: aham-asmi labhi silokava, ime pan' anne bhikkhu appannata appesakkha ti; labhasakkarasilokena ca ye anne dhamma uttaritara ca panitatara ca tesam dhammanam sacchikiriyaya na chandam janeti na vayamati, olinavuttiko ca hoti sathaliko. Seyyatha pi so brahmana puriso saratthiko saragavesi sarapariyesanam caramano mahato rukkhassa titthato saravato atikkamm' eva saram atikkamma pheggum atikkamma tacam atikkamma papatikam sakhapalasam chetva adaya pakkamanto saran-ti mannamano, yan-c' assa sarena sarakaraniyam tan-c' assa attham nanubhavissati, tathupamaham brahmana imam puggalam vadami.

Idha pana brahmana ekacco puggalo saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti, so tena labhasakkarasilokena na attamano hoti na paripunnasankappo, so tena labhasakkarasilokena na attan' ukkamseti na param vambheti, labhasakkarasilokena ca ya anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko.

So silasampadam aradheti, so taya silasampadaya attamano hoti paripunnasankappo, so taya silasampadaya attan' ukkamseti param vambheti: aham-asmi silava kalyanadhammo, ime pan' anne bhikkhu dussila papadhamma ti; silasampadaya ca ye anne dhamma uttaritara ca panitatara ca tesam dhammanam sacchikiriyaya na chandam janeti na vayamati,

[page 201]

olinavuttiko ca hoti sathaliko. Seyyatha pi so brahmana puriso s. s. s. c. mahato rukkhassa t. s. atikkamm' eva saram atikkamma pheggum atikkamma tacam papatikam chetva adaya pakkamanto saran-ti mannamano, yan-c' assa ... nanubhavissati, tathupamaham brahmana imam puggalam vadami.

Idha pana brahmana ekacco puggalo saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti, so tena labhasakkarasilokena na attamano hoti na paripunnasankappo, so tena labhasakkarasilokena na attan' ukkamseti na param vambheti, labhasakkarasilokena ca ye anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko.

So silasampadam aradheti, so taya silasampadaya attamano hoti no ca kho paripunnasankappo, so taya silasampadaya na attan' ukkamseti na param vambheti, silasampadaya ca ye anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko. So samadhisampadam aradheti, so taya samadhisampadaya attamano hoti paripunnasankappo, so taya samadhisampadaya attan' ukkamseti param vambheti:

aham-asmi samahito ekaggacitto, ime pan' anne bhikkhu asamahita vibbhantacitta ti; samadhisampadaya ca ye anne dhamma uttaritara ca panitatara ca tesam dhammanam sacchikiriyaya na chandam janeti na vayamati, olinavuttiko ca hoti sathaliko. Seyyatha pi so brahmana puriso s. s. s. c.

mahato rukkhassa t. s. atikkamm' eva saram atikkamma pheggum tacam chetva adaya pakkamanto saran-ti mannamano, yan-c' assa ... nanubhavissati, tathupamaham brahmana imam puggalam vadami.

Idha pana brahmana ekacco puggalo saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi.

[page 202]

dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti, so tena labhasakkarasilokena na attamano hoti na paripunnasankappo, so tena labhasakkarasilokena na attan' ukkamseti na param vambheti, labhasakkarasilokena ca ye anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko.

So silasampadam aradheti, so taya silasampadaya attamano hoti no ca kho paripunnasankappo. So taya silasampadaya na attan' ukkamseti na param vambheti, silasampadaya ca ye anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko. So samadhisampadam aradheti, so taya samadhisampadaya attamano hoti no ca kho paripunnasankappo, so taya samadhisampadaya na attan' ukkamseti na param vambheti, samadhisampadaya ca ye anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko.

So nanadassanam aradheti, so tena nanadassanena attamano hoti paripunnasankappo, so tena nanadassanena attan' ukkamseti param vambheti: aham-asmi janam passam viharami, ime pan' anne bhikkhu ajanam. apassam viharantiti; nanadassanena ca ye anne dhamma uttaritara ca panitatara ca tesam dhammanam sacchikiriyaya na chandam janeti na vayamati, olinavuttiko ca hoti sathaliko. Seyyatha pi so brahmana puriso s. s. s. c. mahato rukkhassa t. s. atikkamm' eva saram pheggum chetva adaya pakkamanto saran-ti mannamano, yan-c' assa sarena sarakaraniyam tan-c' assa attham nanubhavissati, tathupamaham brahmana imam puggalam vadami.

Idha pana brahmana ekacco puggalo saddha agarasma anagariyam pabbajito hoti: otinno 'mhi jatiya jaramaranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano labhasakkarasilokam abhinibbatteti,

[page 203]

so tena labhasakkarasilokena na attamano hoti na paripunnasankappo, so tena labhasakkarasilokena na attan' ukkamseti na param vambheti, labhasakkarasilokena ca ye anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko.

So silasampadam aradheti, so taya silasampadaya attamano hoti no ca kho paripunnasankappo, so taya silasampadaya na attan' ukkamseti na param vambheti, silasampadaya ca ye anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko. So samadhisampadam aradheti, so taya samadhisampadaya attamano hoti no ca kho paripunnasankappo, so taya samadhisampadaya na attan' ukkamseti na param vambheti, samadhisampadaya ca ye anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko.

So nanadassanam aradheti. So tena nanadassanena attamano hoti no ca kho paripunnasankappo, so tena nanadassanena na attan' ukkamseti na param vambheti, nanadassanena ca ye anne dhamma uttaritara ca panitatara ca tesam dhammanam sacchikiriyaya chandam janeti vayamati, anolinavuttiko ca hoti asathaliko.

Katame ca brahmana dhamma nanadassanena uttaritara ca panitatara ca: Idha brahmana bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati.

Ayam-pi kho brahmana dhammo nanadassanena uttaritaro ca panitataro ca. Puna ca param brahmana bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati. Ayam-pi kho brahmana dhammo nanadassanena uttaritaro ca panitataro ca.

Puna ca param brahmana bhikkhu pitiya ca viraga upekhako ca viharati sato ca sampajano, sukhan-ca kayena patisamvedeti yan-tam ariya acikkhanti: upekhako satima sukhavihari ti tatiyam jhanam upasampajja viharati. Ayam-pi kho brahmana dhammo nanadassanena uttaritaro ca panitataro ca.

[page 204]

Puna ca param brahmana bhikkhu sukhassa ca pahana dukkhassa ca pahana pubbe va somanassadomanassanam atthagama adukkham-asukham upekhasatiparisuddhim catuttham jhanam upasampajja viharati. Ayam-pi kho brahmana dhammo nanadassanena uttaritaro ca panitataro ca. Puna ca param brahmana bhikkhu sabbaso rupasannanam samatikkama patighasannanam atthagama nanattasannanam amanasikara ananto akaso ti akasanancayatanam upasampajja viharati. Ayam-pi kho brahmana dhammo nanadassanena uttaritaro ca panitataro ca. Puna ca param brahmana bhikkhu sabbaso akasanancayatanam samatikkamma anantam vinnanan-ti vinnanancayatanam upasampajja viharati. Ayam-pi kho brahmana dhammo nanadassanena uttaritaro ca panitataro ca. Puna ca param brahmana bhikkhu sabbaso vinnanancayatanam samatikkamma na-tthi kinciti akincannayatanam upasampajja viharati. Ayam-pi kho brahmana dhammo nanadassanena uttaritaro ca panitataro ca. Puna ca param brahmana bhikkhu sabbaso akincannayatanam samatikkamma nevasannanasannayatanam upasampajja viharati. Ayam-pi kho brahmana dhammo nanadassanena uttaritaro ca panitataro ca. Puna ca param brahmana bhikkhu sabbaso nevasannanasannayatanam samatikkamma sannavedayitanirodham upasampajja viharati, pannaya c' assa disva asava parikkhina honti.

Ayam-pi kho brahmana dhammo nanadassanena uttaritaro ca panitataro ca. Ime kho brahmana dhamma nanadassanena uttaritara ca panitatara ca.

Seyyatha pi so brahmana puriso saratthiko saragavesi sarapariyesanam caramano mahato rukkhassa titthato saravato saram yeva chetva adaya pakkamanto saran-ti janamano, yan-c' assa sarena sarakaraniyam tan-c' assa attham anubhavissati, tathupamaham brahmana imam puggalam vadami.

Iti kho brahmana na-y-idam brahmacariyam labhasakkarasilokanisamsam na silasampadanisamsam na samadhisampadanisamsam na nanadassananisamsam. Ya ca kho ayam brahmana akuppa cetovimutti,

[page 205]

etadattham-idam brahmana brahmacariyam etamsaram etampariyosanan-ti.

Evam vutte Pingalakoccho brahmano Bhagavantam etad-avoca: Abhikkantam bho Gotama, abhikkantam bho Gotama. Seyyatha pi bho Gotama nikujjitam va ukkujjeyya, paticchannam va vivareyya. mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-eva kho bhota Gotamena anekapariyayena dhammo pakasito. Esaham bhavantam Gotamam saranam gacchami dhamman-ca bhikkhusanghan-ca. Upasakam mam bhavam Gotamo dharetu ajjatagge panupetam saranagatan-ti.

CULASAROPAMASUTTAM DASAMAM.

VAGGO TATIYO.

 


 

Maha Yamaka Vagga

XXXI. Cula Gosinga Suttam

Evam-me sutam. Ekam samayam Bhagava Nadike viharati Ginjakavasathe. Tena kho pana samayena ayasma ca Anuruddho ayasma ca Nandiyo ayasma ca Kimbilo Gosingasalavanadaye viharanti. Atha kho Bhagava sayanhasamayam patisallana vutthito yena Gosingasalavanadayo ten' upasankami. Addasa kho dayapalo Bhagavantam durato va agacchantam, disvana Bhagavantam etad-avoca: Ma samana etam dayam pavisi, sant' ettha tayo kulaputta attakamarupa viharanti, ma tesam aphasum-akasiti. Assosi kho ayasma Anuruddho dayapalassa Bhagavata saddhim mantayamanassa, sutvana dayapalam etad-avoca: Mavuso dayapala Bhagavantam varesi, sattha no Bhagava anuppatto ti. Atha kho ayasma Anuruddho yen' ayasma ca Nandiyo ayasma ca Kimbilo ten' upasankami, upasankamitva ayasmantan-ca Nandiyam ayasmantan-ca Kimbilam etad-avoca: Abhikkamath' ayasmanto, abhikkamath' ayasmanto, sattha no Bhagava anuppatto ti.

[page 206]

Atha kho ayasma ca Anuruddho ayasma ca Nandiyo ayasma ca Kimbilo Bhagavantam paccuggantva eko Bhagavato pattacivaram patiggahesi eko asanam pannapesi eko padodakam upatthapesi. Nisidi Bhagava pannatte asane, nisajja kho Bhagava pade pakkhalesi. Te pi kho ayasmanto Bhagavantam abhivadetva ekamantam nisidimsu.

Ekamantam nisinnam kho ayasmantam Anuruddham Bhagava etad-avoca:

Kacci vo Anuruddha khamaniyam, kacci yapaniyam, kacci pindakena na kilamathati. - Khamaniyam Bhagava, yapaniyam Bhagava, na ca mayam bhante pindakena kilamamati. - Kacci pana vo Anuruddha samagga sammodamana avivadamana khirodakibhuta annamannam piyacakkhuhi sampassanta viharathati. - Taggha mayam bhante samagga sammodamana avivadamana khirodakibhuta annamannam piyacakkhuhi sampassanta viharamati. - Yathakatham pana tumhe Anuruddha samagga sammodamana avivadamana khirodakibhuta annamannam piyacakkhuhi sampassanta viharathati. - Idha mayham bhante evam hoti: Labha vata me, suladdham vata me, yo 'ham evarupehi sabrahmacarihi saddhim viharamiti. Tassa mayham bhante imesu ayasmantesu mettam kayakammam paccupatthitam avi c' eva raho ca, mettam vacikammam paccupatthitam avi c' eva raho ca, mettam manokammam paccupatthitam avi c' eva raho ca.

Tassa mayham bhante evam hoti: Yan-nunaham sakam cittam nikkhipitva imesam yeva ayasmantanam cittassa vasena vatteyyan-ti. So kho aham bhante sakam cittam nikkhipitva imesam yeva ayasmantanam cittassa vasena vattami. Nana hi kho no bhante kaya ekan-ca pana manne cittan-ti.

Ayasma pi kho Nandiyo - pe - ayasma pi kho Kimbilo Bhagavantam etad-avoca: Mayham-pi kho bhante evam hoti: Labha vata me, suladdham vata me, yo 'ham evarupehi sabrahmacarihi saddhim viharamiti. Tassa mayham bhante imesu ayasmantesu mettam kayakammam paccupatthitam avi c' eva raho ca, mettam vacikammam paccupatthitam avi c' eva raho ca, mettam manokammam paccupatthitam avi c' eva raho ca. Tassa mayham bhante evam hoti: Yan-nunaham sakam cittam nikkhipitva imesam yeva ayasmantanam cittassa vasena vatteyyan-ti.

[page 207]

So kho aham bhante sakam cittam nikkhipitva imesam yeva ayasmantanam cittassa vasena vattami. Nana hi kho no bhante kaya ekan-ca pana manne cittan-ti.

Evam kho mayam bhante samagga sammodamana avivadamana khirodakibhuta annamannam piyacakkhuhi sampassanta viharamati. - Sadhu sadhu Anuruddha. Kacci pana vo Anuruddha appamatta atapino pahitatta viharathati.

-- Taggha mayam bhante appamatta atapino pahitatta viharamati. - Yathakatham pana tumhe Anuruddha appamatta atapino pahitatta viharathati. - Idha bhante amhakam yo pathamam gamato pindaya patikkamati, so asanani pannapeti, paniyam paribhojaniyam upatthapeti, avakkarapatim upatthapeti. Yo paccha gamato pindaya patikkamati, sace hoti bhuttavaseso sace akankhati bhunjati, no ce akankhati appaharite va chaddeti appanake va udake opilapeti. So asanani patisameti, paniyam paribhojaniyam patisameti, avakkarapatim patisameti, bhattaggam sammajjati. Yo passati paniyaghatam va paribhojaniyaghatam va vaccaghatam va rittam tuccham so upatthapeti; sacassa hoti avisayham hatthavikarena dutiyam amantetva hatthavilangakena upatthapema, na tv-eva mayam bhante tappaccaya vacam bhindama.

Pancahikam kho pana mayam bhante sabbarattiya dhammiya kathaya sannisidama. Evam kho mayam bhante appamatta atapino pahitatta viharamati.

Sadhu sadhu Anuruddha. Atthi pana vo Anuruddha evam appamattanam atapinam pahitattanam viharatam uttarim manussadhamma alamariya [nanadassana] viseso adhigato phasuviharo ti. - Kim hi no siya bhante. Idha mayam bhante yavad-e akankhama vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharama. Ayam kho no bhante amhakam appamattanam atapinam pahitattanam viharatam uttarim manussadhamma alamariya [nanadassana]viseso adhigato phasuviharo ti. - Sadhu sadhu Anuruddha.

Etassa pana vo Anuruddha viharassa samatikkamaya etassa viharassa patippassaddhiya atth' anno uttarim manussadhamma alamariya [nanadassana] viseso adhigato phasuviharo ti.

[page 208]

- Kim hi no siya bhante. Idha mayam bhante yavad-e akankhama vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharama.

Etassa bhante viharassa samatikkamaya etassa viharassa patippassaddhiya ayam-anno uttarim manussadhamma alamariya [nanadassana] viseso adhigato phasuviharo ti. - Sadhu sadhu Anuruddha. Etassa pana vo Anuruddha viharassa samatikkamaya etassa viharassa patippassaddhiya atth' anno uttarim manussadhamma alamariya [nanadassana] viseso adhigato phasuviharo ti. - Kim hi no siya bhante. Idha mayam bhante yavad-e akankhama pitiya ca viraga upekhaka ca viharama sata ca sampajana, sukhan-ca kayena patisamvedema yan-tam ariya acikkhanti: upekhako satima sukhavihari ti tatiyam jhanam upasampajja viharama. Etassa bhante viharassa samatikkamaya etassa viharassa patippassaddhiya ayam-anno uttarim manussadhamma alamariya [nanadassana] viseso adhigato phasuviharo ti. - Sadhu sadhu Anuruddha. Etassa pana vo Anuruddha viharassa samatikkamaya etassa viharassa patippassaddhiya atth' anno uttarim manussadhamma alamariya [nanadassana] viseso adhigato phasuviharo ti. - Kim hi no siya bhante. Idha mayam bhante yavad-e akankhama sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharama. Etassa bhante viharassa samatikkamaya etassa viharassa patippassaddhiya ayam-anno uttarim manussadhamma alamariya [nanadassana] viseso adhigato phasuviharo ti. - Sadhu sadhu Anuruddha. Etassa pana vo Anuruddha viharassa samatikkamaya etassa viharassa patippassaddhiya atth' anno uttarim manussadhamma alamariya [nanadassana] viseso adhigato phasuviharo ti. - Kim hi no siya bhante. Idha mayam bhante yavad-e akankhama sabbaso rupasannanam samatikkama patighasannanam atthagama nanattasannanam amanasikara ananto akaso ti akasanancayatanam upasampajja viharama.

[page 209]

Etassa bhante viharassa samatikkamaya etassa viharassa patippassaddhiya ayam-anno uttarim manussadhamma alamariya [nanadassana] viseso adhigato phasuviharo ti. - Sadhu sadhu Anuruddha. Etassa pana vo Anuruddha viharassa samatikkamaya etassa viharassa patippassaddhiya atth' anno uttarim manussadhamma alamariya [nanadassana] viseso adhigato phasuviharo ti. - Kim hi no siya bhante. Idha mayam bhante yavad-e akankhama sabbaso akasanancayatanam samatikkamma anantam vinnanan-ti vinnanancayatanam upasampajja viharama - pe - sabbaso vinnanancayatanam samatikkamma na-tthi kinciti akincannayatanam upasampajja viharama - sabbaso akincannayatanam samatikkamma nevasannanasannayatanam upasampajja viharama. Etassa bhante viharassa samatikkamaya etassa viharassa patippassaddhiya ayam-anno uttarim manussadhamma alamariyaviseso adhigato phasuviharo ti. -Sadhu sadhu Anuruddha. Etassa pana vo Anuruddha viharassa samatikkamaya etassa viharassa patippassaddhiya atth' anno uttarim manussadhamma alamariyananadassanaviseso adhigato phasuviharo ti. - Kim hi no siya bhante.

Idha mayam bhante yavad-e akankhama sabbaso nevasannanasannayatanam samatikkamma sannavedayitanirodham upasampajja viharama, pannaya ca no disva asava parikkhina honti. Etassa bhante viharassa samatikkamaya etassa viharassa patippassaddhiya ayam-anno uttarim manussadhamma alamariyananadassanaviseso adhigato phasuviharo. Imasma ca mayam bhante phasuvihara annam phasuviharam uttaritaram va panitataram va na samanupassamati. - Sadhu sadhu Anuruddha. Etasma Anuruddha phasuvihara anno phasuviharo uttaritaro va panitataro va na-tthiti.

Atha kho Bhagava ayasmantan-ca Anuruddham ayasmantan-ca Nandiyam ayasmantan-ca Kimbilam dhammiya kathaya sandassetva samadapetva samuttejetva sampahamsetva utthay' asana pakkami. Atha kho ayasma ca Anuruddho ayasma ca Nandiyo ayasma ca Kimbilo Bhagavantam anusamyayitva tato patinivattitva ayasma ca Nandiyo ayasma ca Kimbilo ayasmantam Anuruddham etadavocum:

[page 210]

Kin-nu kho mayam ayasmato Anuruddhassa evamarocimha: imasan-ca imasan-ca viharasamapattinam mayam labhino ti, yam no ayasma Anuruddho Bhagavato sammukha yava asavanam khaya pakasesiti. - Na kho me ayasmanto evam-arocesum: imasan-ca imasan-ca viharasamapattinam mayam labhino ti. Api ca me ayasmantanam cetasa ceto paricca vidito: imasan-ca imasan-ca viharasamapattinam ime ayasmanto labhino ti. Devata pi me etam-attham arocesum: imasan-ca imasan-ca viharasamapattinam ime ayasmanto labhino ti. Tam-enam Bhagavata panhabhiputthena byakatan-ti.

Atha kho Digho parajano yakkho yena Bhagava ten' upasankami, upasankamitva Bhagavantam abhivadetva ekamantam atthasi. Ekamantam thito kho Digho parajano yakkho Bhagavantam etad-avoca: Labha bhante Vajjinam, suladdhalabha Vajjipajaya, yatha Tathagato viharati araham sammasambuddho, ime ca tayo kulaputta, ayasma ca Anuruddho ayasma ca Nandiyo ayasma ca Kimbilo ti. Dighassa parajanassa yakkhassa saddam sutva bhumma deva saddamanussavesum: Labha vata bho Vajjinam, suladdhalabha Vajjipajaya, yattha Tathagato viharati araham sammasambuddho, ime ca tayo kulaputta, ayasma ca Anuruddho ayasma ca Nandiyo ayasma ca Kimbilo ti. Bhummanam devanam saddam sutva Catummaharajika deva - pe - Tavatimsa deva - Yama deva - Tusita deva - Nimmanarati deva - Paranimmitavasavattino deva - Brahmakayika deva saddamanussavesum: Labha vata bho Vajjinam, suladdhalabha Vajjipajaya, yattha Tathagato viharati araham sammasambuddho, ime ca tayo kulaputta, ayasma ca Anuruddho ayasma ca Nandiyo ayasma ca Kimbilo ti. Itiha te ayasmanto tena khanena tena muhuttena yava Brahmaloka vidita ahesum.

Evam-etam Digha, evam-etam Digha. Yasma pi Digha kula ete tayo kulaputta agarasma anagariyam pabbajita, tan-ca pi kulam ete tayo kulaputte pasannacittam anussareyya tassa p' assa kulassa digharattam hitaya sukhaya.

Yasma pi Digha kulaparivatta ete tayo kulaputta agarasma anagariyam pabbajita,

[page 211]

so ce pi kulaparivatto ete tayo kulaputte pasannacitto anussareyya tassa p' assa kulaparivattassa digharattam hitaya sukhaya. Yasma pi Digha gama ete tayo kulaputta agarasma anagariyam pabbajita, so ce pi gamo ete tayo kulaputte pasannacitto anussareyya tassa p' assa gamassa digharattam hitaya sukhaya. Yasma pi Digha nigama ete tayo kulaputta agarasma anagariyam pabbajita, so ce pi nigamo ete tayo kulaputte pasannacitto anussareyya tassa p' assa nigamassa digharattam hitaya sukhaya. Yasma pi Digha nagara ete tayo kulaputta agarasma anagariyam pabbajita, tan-ce pi nagaram ete tayo kulaputte pasannacittam anussareyya tassa p' assa nagarassa digharattam hitaya sukhaya. Yasma pi Digha janapada ete ayo kulaputta agarasma anagariyam pabbajita, so ce pi janapado ete tayo kulaputte pasannacitto anussareyya tassa p' assa janapadassa digharattam hitaya sukhaya. Sabbe ce pi Digha khattiya ete tayo kulaputte pasannacitta anussareyyum sabbesanam p' assa khattiyanam digharattam hitaya sukhaya. Sabbe ce pi Digha brahmana ete tayo kulaputte pasannacitta anussareyyum sabbesanam p' assa brahmananam digharattam hitaya sukhaya. Sabbe ce pi Digha vessa ete tayo kulaputte pasannacitta anussareyyum sabbesanam p' assa vessanam digharattam hitaya sukhaya. Sabbe ce pi Digha sudda ete tayo kulaputta pasannacitta anussareyyum sabbesanam p' assa suddanam digharattam hitaya sukhaya.

Sadevako ce pi Digha loko samarako sabrahmako sassamanabrahmani paja sadevamanussa ete tayo kulaputte pasannacitta anussareyya sadevakassa p' assa lokassa samarakassa sabrahmakassa sassamanabrahmaniya pajaya sadevamanussaya digharattam hitaya sukhaya. Passa Digha yava c' ete tayo kulaputta bahujanahitaya patipanna bahujanasukhaya lokanukampaya, atthaya hitaya sukhaya devamanussanan-ti.

Idam-avoca Bhagava. Attamano Digho parajano yakkho Bhagavato bhasitam abhinanditi.

CULAGOSINGASUTTAM PATHAMAM.

[page 212]

 


 

XXXII. Maha Gosinga Suttam

Evam-me sutam. Ekam samayam Bhagava Gosingasalavanadaye viharati sambahulehi abhinnatehi abhinnatehi therehi savakehi saddhim, ayasmata ca Sariputtena ayasmata ca Mahamoggallanena ayasmata ca Mahakassapena ayasmata ca Anuruddhena ayasmata ca Revatena ayasmata ca Anandena, annehi ca abhinnatehi abhinnatehi therehi savakehi saddhim. Atha kho ayasma Mahamoggallano sayanhasamayam patisallana vutthito yen' ayasma Mahakassapo ten' upasankami, upasankamitva ayasmantam Mahakassapam etadavoca: Ayam' avuso Kassapa yen' ayasma Sariputto ten' upasankamissama dhammasavanayati. Evam-avuso ti kho ayasma Mahakassapo ayasmato Mahamoggallanassa paccassosi. Atha kho ayasma ca Mahamoggallano ayasma ca Mahakassapo ayasma ca Anuruddho yen' ayasma Sariputto ten' upasankamimsu dhammasavanaya. Addasa kho ayasma Anando ayasmantan-ca Mahamoggallanam ayasmantan-ca Mahakassapam ayasmantan-ca Anuruddham yen' ayasma Sariputto ten' upasankamante dhammasavanaya, disvana yen' ayasma Revato ten' upasankami, upasankamitva ayasmantam Revatam etad-avoca: Upasankamanta kho amu avuso Revata sappurisa yen' ayasma Sariputto tena dhammasavanaya, ayam' avuso Revata yen' ayasma Sariputto ten' upasankamissama dhammasavanayati. Evam-avuso ti kho ayasma Revato ayasmato Anandassa paccassosi. Atha kho ayasma ca Revato ayasma ca Anando yen' ayasma Sariputto ten' upasankamimsu dhammasavanaya.

Addasa kho ayasma Sariputto ayasmantan-ca Revatam ayasmantan-ca Anandam durato va agacchante, disvana ayasmantam Anandam etad-avoca: Etu kho ayasma Anandas-sagatam ayasmato Anandassa Bhagavato upatthakassa Bhagavato santikavacarassa. Ramaniyam avuso Ananda Gosingasalavanam, dosina ratti, sabbaphaliphulla sala, dibba manne gandha sampavanti. Kathamrupena avuso Ananda bhikkhuna Gosingasalavanam sobheyyati. - Idh' avuso Sariputta bhikkhu bahussuto hoti sutadharo sutasannicayo,

[page 213]

ye te dhamma adikalyana majjhekalyana pariyosanakalyana sattha sabyanjana kevalaparipunnam parisuddham brahmacariyam abhivadanti tatharupa 'ssa dhamma bahussuta honti dhata, vacasa paricita, manasa 'nupekkhita, ditthiya suppatividdha; so catunnam parisanam dhammam deseti parimandalehi padabyanjanehi appabaddhehi anusayasamugghataya. Evarupena kho avuso Sariputta bhikkhuna Gosingasalavanam sobheyyati.

Evam vutte ayasma Sariputto ayasmantam Revatam etad-avoca: Byakatam kho avuso Revata ayasmata Anandena yatha sakam patibhanam. Tattha dani mayam ayasmantam Revatam pucchama: Ramaniyam avuso Revata Gosingasalavanam ... Kathamrupena avuso Revata bhikkhuna Gosingasalavanam sobheyyati. - Idh' avuso Sariputta bhikkhu patisallanaramo hoti patisallanarato, ajjhattam cetosamathamanuyutto, anirakatajjhano, vipassanaya samannagato, bruheta sunnagaranam. Evarupena kho avuso Sariputta bhikkhuna Gosingasalavanam sobheyyati.

Evam vutte ayasma Sariputto ayasmantam Anuruddham etad-avoca: Byakatam kho avuso Anuruddha ayasmata Revatena yatha sakam patibhanam. Tattha dani mayam ayasmantam Anuruddham pucchama: Ramaniyam avuso Anuruddha Gosingasalavanam ... Kathamrupena avuso Anuruddha bhikkhuna Gosingasalavanam sobheyyati. - Idh' avuso Sariputta bhikkhu dibbena cakkhuna visuddhena atikkantamanusakena sahassam lokanam voloketi. Seyyatha pi avuso Sariputta cakkhuma puriso uparipasadavaragato sahassam nemimandalanam volokeyya, evam-eva kho avuso Sariputta bhikkhu dibbena cakkhuna visuddhena atikkantamanusakena sahassam lokanam voloketi. Evarupena kho avuso Sariputta Gosingasalavanam sobheyyati.

Evam vutte ayasma Sariputto ayasmantam Mahakassapam etad-avoca: Byakatam kho avuso Kassapa ayasmata Anuruddhena yatha sakam patibhanam. Tattha dani mayam ayasmantam Mahakassapam pucchama: Ramaniyam avuso Kassapa Gosingasalavanam ... Kathamrupena avuso Kassapa bhikkhuna Gosingasalavanam sobheyyati.

[page 214]

- Idh' avuso Sariputta bhikkhu attana ca arannako hoti arannakattassa ca vannavadi, attana ca pindapatiko hoti pindapatikattassa ca vannavadi, attana ca pamsukuliko hoti pamsukulikattassa ca vannavadi, attana ca tecivariko hoti tecivarikattassa ca vannavadi, attana ca appiccho hoti appicchataya ca vannavadi, attana ca santuttho hoti santutthiya ca vannavadi, attana ca pavivitto hoti pavivekassa ca vannavadi, attana ca asamsattho hoti asamsaggassa ca vannavadi, attana ca araddhaviriyo hoti viriyarambhassa ca vannavadi, attana ca silasampanno hoti silasampadaya ca vannavadi, attana ca samadhisampanno hoti samadhisampadaya ca vannavadi, attana ca pannasampanno hoti pannasampadaya ca vannavadi, attana ca vimuttisampanno hoti vimuttisampadaya ca vannavadi, attana ca vimuttinanadassanasampanno hoti vimuttinanadassanasampadaya ca vannavadi. Evarupena kho avuso Sariputta bhikkhuna Gosingasalavanam sobheyyati.

Evam vutte ayasma Sariputto ayasmantam Mahamoggallanam etad-avoca: Byakatam kho avuso Moggallana ayasmata Mahakassapena yatha sakam patibhanam. Tattha dani mayam ayasmantam Mahamoggallanam pucchama: Ramaniyam avuso Moggallana Gosingasalavanam ... Kathamrupena avuso Moggallana bhikkhuna Gosingasalavanam sobheyyati.

-- Idh' avuso Sariputta dve bhikkhu abhidhammakatham kathenti, te annamannam panham pucchanti, annamannassa panham puttha vissajjenti no ca samsadenti, dhammi ca nesam katha pavattani hoti. Evarupena kho avuso Sariputta bhikkhuna Gosingasalavanam sobheyyati.

Atha kho ayasma Mahamoggallano ayasmantam Sariputtam etad-avoca: Byakatam kho avuso Sariputta amhehi sabbeh' eva yatha sakam patibhanam. Tattha dani mayam ayasmantam Sariputtam pucchama: Ramaniyam avuso Sariputta Gosingasalavanam, dosina ratti, sabbaphaliphulla sala, dibba manne gandha sampavanti. Kathamrupena avuso Sariputta Gosingasalavanam sobheyyati. - Idh' avuso Moggallana bhikkhu cittam vasam vatteti, no ca bhikkhu cittassa vasena vattati; so yaya viharasamapattiya akankhati pubbanhasamayam viharitum taya viharasamapattiya pubbanhasamayam viharati,

[page 215]

yaya viharasamapattiya akankhati majjhantikam samayam viharitum taya viharasamapattiya majjhantikam samayam viharati, yaya viharasamapattiya akankhati sayanhasamayam viharitum taya viharasamapattiya sayanhasamayam viharati. Seyyatha pi avuso Moggallana ranno va rajamahamattassa va nanarattanam dussanam dussakarandako puro assa, so yan-nad-eva dussayugam akankheyya pubbanhasamayam parupitum tan-tad-eva dussayugam pubbanhasamayam parupeyya, yan-nad-eva dussayugam akankheyya majjhantikam samayam parupitum tan-tad-eva dussayugam majjhantikam samayam parupeyya, yan-nad-eva dussayugam akankheyya sayanhasamayam parupitum tan-tad-eva dussayugam sayanhasamayam parupeyya; evam-eva kho avuso Moggallana bhikkhu cittam vasam vatteti, no ca bhikkhu cittassa vasena vattati; so yaya viharasamapattiya akankhati pubbanhasamayam viharitum taya viharasamapattiya pubbanhasamayam viharati, yaya viharasamapattiya akankhati majjhantikam samayam viharitum taya viharasamapattiya majjhantikam samayam viharati, yaya viharasamapattiya akankhati sayanhasamayam viharitam taya viharasamapattiya sayanhasamayam viharati. Evarupena kho avuso Moggallana bhikkhuna Gosingasalavanam sobheyyati.

Atha kho ayasma Sariputto te ayasmante etad-avoca:

Byakatam kho avuso amhehi sabbeh' eva yatha sakam patibhanam. Ayam' avuso yena Bhagava ten' upasankamissama, upasankamitva etam-attham Bhagavato arocessama, yatha no Bhagava byakarissati tatha nam dharessamati. Evamavuso ti kho te ayasmanto ayasmato Sariputtassa paccassosum. Atha kho te ayasmanto yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinno kho ayasma Sariputto Bhagavantam etad-avoca: Idha bhante ayasma ca Revato ayasma ca Anando yenaham ten' upasankamimsu dhammasavanaya.

Addasam kho aham bhante ayasmantan-ca Revatam ayasmantan-ca Anandam durato va agacchante, disvana ayasmantam Anandam etad-avocam:

[page 216]

Etu kho ayasma Anando, sagatam ayasmato Anandassa Bhagavato upatthakassa Bhagavato santikavacarassa. Ramaniyam avuso Ananda Gosingasalavanam, dosina ratti, sabbaphaliphulla sala, dibba manne gandha sampavanti. Kathamrupena avuso Ananda bhikkhuna Gosingasalavanam sobheyyati. Evam vutte bhante ayasma Anando mam etad-avoca: Idh' avuso Sariputta bhikkhu bahussuto hoti sutadharo sutasannicayo, ye te dhamma adikalyana majjhekalyana pariyosanakalyana sattha sabyanjana kevalaparipunnam parisuddham brahmacariyam abhivadanti tatharupa 'ssa dhamma bahussuta honti dhata, vacasa paricita, manasa 'nupekkhita, ditthiya suppatividdha; so catunnam parisanam dhammam deseti parimandalehi padabyanjanehi appabaddhehi anusayasamugghataya. Evarupena kho avuso Sariputta bhikkhuna Gosingasalavanam sobheyyati. - Sadhu sadhu Sariputta, yatha tam Anando va samma byakaramano byakareyya. Anando hi Sariputta bahussuto sutadharo sutasannicayo, ye te dhamma adikalyana majjhekalyana pariyosanakalyana sattha sabyanjana kevalaparipunnam parisuddham brahmacariyam abhivadanti tatharupa 'ssa dhamma bahussuta honti dhata, vacasa paricita, manasa 'nupekkhita, ditthiya suppatividdha; so catunnam parisanam dhammam deseti parimandalehi padabyanjanehi appabaddhehi anusayasamugghatayati.

Evam vutte aham bhante ayasmantam Revatam etadavocam: Byakatam kho avuso Revata ayasmata Anandena yatha sakam patibhanam. Tattha dani mayam ayasmantam Revatam pucchama: Ramaniyam avuso Revata ... sobheyyati.

Evam vutte bhante ayasma Revato mam etad-avoca: Idh' avuso Sariputta bhikkhu patisallanaramo hoti patisallanarato, ajjhattam cetosamatham-anuyutto, anirakatajjhano, vipassanaya samannagato, bruheta sunnagaranam. Evarupena kho avuso Sariputta bhikkhuna Gosingasalavanam sobheyyati. -Sadhu sadhu Sariputta, yatha tam Revato va samma byakaramano byakareyya. Revato hi Sariputta patisallanaramo patisallanarato, ajjhattam cetosamatham-anuyutto, anirakatajjhano, vipassanaya samannagato, bruheta sunnagaranan-ti.

[page 217]

Evam vutte aham bhante ayasmantam Anuruddham etad-avocam: Byakatam kho avuso Anuruddha ayasmata Revatena yatha sakam patibhanam. Tattha dani mayam ayasmantam Anuruddham pucchama: Ramaniyam avuso Anuruddha ... sobheyyati. Evam vutte bhante ayasma Anuruddho mam etad-avoca: Idh' avuso Sariputta bhikkhu dibbena cakkhuna visuddhena atikkantamanusakena sahassam lokanam voloketi. Seyyatha pi avuso Sariputta cakkhuma puriso uparipasadavaragato sahassam nemimandalanam volokeyya, evam-eva kho avuso Sariputta bhikkhu dibbena cakkhuna visuddhena atikkantamanusakena sahassam lokanam voloketi. Evarupena kho avuso Sariputta bhikkhuna Gosingasalavanam sobheyyati. - Sadhu sadhu Sariputta, yatha tam Anuruddho va samma byakaramano byakareyya. Anuruddho hi Sariputta dibbena cakkhuna visuddhena atikkantamanusakena sahassam lokanam voloketiti.

Evam vutte aham bhante ayasmantam Mahakassapam etadavocam: Byakatam kho avuso Kassapa ayasmata Anuruddhena yatha sakam patibhanam. Tattha dani mayam ayasmantam Mahakassapam pucchama: Ramaniyam avuso Kassapa ... sobheyyati. Evam vutte bhante ayasma Mahakassapo mam etad-avoca: Idh' avuso Sariputta bhikkhu attana ca arannako hoti arannakattassa ca vannavadi, attana ca pindapatiko hoti pindapatikattassa ca vannavadi, attana ca pamsukuliko hoti pamsukulikattassa ca vannavadi, attana ca tecivariko hoti tecivarikattassa ca vannavadi, attana ca appiccho hoti appicchataya ca vannavadi, attana ca santuttho hoti santutthiya ca vannavadi, attana ca pavivitto hoti pavivekassa ca vannavadi, attana ca asamsattho hoti asamsaggassa ca vannavadi, attana ca araddhaviriyo hoti viriyarambhassa ca vannavadi, attana ca silasampanno hoti silasampadaya ca vannavadi, attana ca samadhisampanno hoti samadhisampadaya ca vannavadi, attana ca pannasampanno hoti pannasampadaya ca vannavadi, attana ca vimuttisampanno hoti vimuttisampadaya ca vannavadi, attana ca vimuttinanadassanasampanno hoti vimuttinanadassanasampadaya ca vannavadi.

Evarupena kho avuso Sariputta bhikkhuna Gosingasalavanam sobheyyati.

[page 218]

- Sadhu sadhu Sariputta, yatha tam Kassapo va samma byakaramano byakareyya. Kassapo hi Sariputta attana ca arannako arannakattassa ca vannavadi ... attana ca vimuttinanadassanasampanno vimuttinanadassanasampadaya ca vannavadi ti.

Evam vutte aham bhante ayasmantam Mahamoggallanam etad-avocam: Byakatam kho avuso Moggallana ayasmata Mahakassapena yatha sakam patibhanam. Tattha dani mayam ayasmantam Mahamoggallanam pucchama: Ramaniyam avuso Moggallana ... sobheyyati. Evam vutte bhante ayasma Mahamoggallano mam etad-avoca: Idh' avuso Sariputta dve bhikkhu abhidhammakatham kathenti, te annamannam panham pucchanti, annamannassa panham puttha vissajjenti no ca samsadenti, dhammi ca nesam katha pavattani hoti. Evarupena kho avuso Sariputta bhikkhuna Gosingasalavanam sobheyyati. - Sadhu sadhu Sariputta, yatha tam Moggallano va samma byakaramano byakareyya.

Moggallano hi Sariputta dhammakathiko ti.

Evam vutte ayasma Mahamoggallano Bhagavantam etadavoca: Atha khvaham bhante ayasmantam Sariputtam etadavocam: Byakatam kho avuso Sariputta amhehi sabbeh' eva yatha sakam patibhanam. Tattha dani mayam ayasmantam Sariputtam pucchama: Ramaniyam avuso Sariputta Gosingasalavanam, dosina ratti, sabbaphaliphulla sala, dibba manne gandha sampavanti. Kathamrupena avuso Sariputta Gosingasalavanam sobheyyati. Evam vutte bhante ayasma Sariputto mam etad-avoca: Idh' avuso Moggallana bhikkhu cittam vasam vatteti, no ca bhikkhu cittassa vasena vattati; so yaya viharasamapattiya akankhati pubbanhasamayam viharitum taya viharasamapattiya pubbanhasamayam viharati, yaya viharasamapattiya akankhati majjhantikam samayam viharitum taya viharasamapattiya majjhantikam samayam viharati, yaya viharasamapattiya akankhati sayanhasamayam viharitum taya viharasamapattiya sayanhasamayam viharati.

Seyyatha pi avuso Moggallana ranno va rajamahamattassa va nanarattanam dussanam dussakarandako puro assa, so yan-nad-eva dussayugam akankheyya pubbanhasamayam parupitum tan-tad-eva dussayugam pubbanhasamayam parupeyya,

[page 219]

yan-nad-eva dussayugam akankheyya majjhantikam samayam parupitum tan-tad-eva dussayugam majjhantikam samayam parupeyya, yan-nad-eva dussayugam akankheyya sayanhasamayam parupitum tan-tad-eva dussayugam sayanhasamayam parupeyya; evam-eva kho avuso Moggallana bhikkhu cittam vasam vatteti, no ca bhikkhu cittassa vasena vattati; so yaya viharasamapattiya akankhati pubbanhasamayam viharitum taya viharasamapattiya pubbanhasamayam viharati, yaya viharasamapattiya akankhati majjhantikam samayam viharitum taya viharasamapattiya majjhantikam samayam viharati, yaya viharasamapattiya akankhati sayanhasamayam viharitum taya viharasamapattiya sayanhasamayam viharati. Evarupena kho avuso Moggallana bhikkhuna Gosingasalavanam sobheyyati. - Sadhu sadhu Moggallana, yatha tam Sariputto va samma byakaramano byakareyya. Sariputto hi Moggallana cittam vasam vatteti, no ca Sariputto cittassa vasena vattati; so yaya viharasamapattiya akankhati pubbanhasamayam viharitum taya viharasamapattiya pubbanhasamayam viharati, yaya viharasamapattiya akankhati majjhantikam samayam viharitum taya viharasamapattiya majjhantikam samayam viharati, yaya viharasamapattiya akankhati sayanhasamayam viharitum taya viharasamapattiya sayanhasamayam viharatiti.

Evam vutte ayasma Sariputto Bhagavantam etad-avoca:

Kassa nu kho bhante subhasitan-ti. - Sabbesam vo Sariputta subhasitam pariyayena. Api ca mama pi sunatha yatharupena bhikkhuna Gosingasalavanam sobheyya. Idha Sariputta bhikkhu pacchabhattam pindapatapatikkanto nisidati pallankam abhujitva ujum kayam panidhaya parimukham satim upatthapetva: na tavaham imam pallankam bhindissami yava me nanupadaya asavehi cittam vimuccissatiti. Evarupena kho Sariputta bhikkhuna Gosingasalavanam sobheyyati.

Idam-avoca Bhagava. Attamana te ayasmanto Bhagavato bhasitam abhinandun-ti.

MAHAGOSINGASUTTAM DUTIYAM

[page 220]

 


 

XXXIII. Maha Gopalaka Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Ekadasahi bhikkhave angehi samannagato gopalako abhabbo goganam pariharitum phatikattum, katamehi ekadasahi: Idha bhikkhave gopalako na rupannu hoti, na lakkhanakusalo hoti, na asatikam sateta hoti, na vanam paticchadeta hoti, na dhumam katta hoti, na tittham janati, na pitam janati, na vithim janati, na gocarakusalo hoti, anavasesadohi ca hoti, ye te usabha gopitaro goparinayaka te na atirekapujaya pujeta hoti. Imehi kho bhikkhave ekadasahi angehi samannagato gopalako abhabbo goganam pariharitum phatikattum. Evam-eva kho bhikkhave ekadasahi dhammehi samannagato bhikkhu abhabbo imasmim dhammavinaye vuddhim virulhim vepullam apajjitum, katamehi ekadasahi: Idha bhikkhave bhikkhu na rupannu hoti, na lakkhanakusalo hoti, na asatikam sateta hoti, na vanam paticchadeta hoti, na dhumam katta hoti, na tittham janati, na pitam janati, na vithim janati, na gocarakusalo hoti, anavasesadohi ca hoti, ye te bhikkhu thera rattannu cirapabbajita sanghapitaro sanghaparinayaka te na atirekapujaya pujeta hoti.

Kathan-ca bhikkhave bhikkhu na rupannu hoti: Idha bhikkhave bhikkhu yam kinci rupam sabbam rupam cattari mahabhutani catunnan-ca mahabhutanam upadaya rupan-ti yathabhutam na-ppajanati. Evam kho bhikkhave bhikkhu na rupannu hoti. Kathan-ca bhikkhave bhikkhu na lakkhanakusalo hoti: Idha bhikkhave bhikkhu: kammalakkhano balo, kammalakkhano pandito ti yathabhutam na-ppajanati.

Evam kho bhikkhave bhikkhu na lakkhanakusalo hoti. Kathan-ca bhikkhave bhikkhu na asatikam sateta hoti: Idha bhikkhave bhikkhu uppannam kamavitakkam adhivaseti nappajahati na vinodeti na byantikaroti na anabhavam gameti, uppannam byapadavitakkam - pe - uppannam vihimsavitakkam - uppannuppanne papake akusale dhamme adhivaseti na-ppajahati na vinodeti na byantikaroti na anabhavam gameti.

[page 221]

Evam kho bhikkhave bhikkhu na asatikam sateta hoti.

Kathan-ca bhikkhave bhikkhu na vanam paticchadeta hoti:

Idha bhikkhave bhikkhu cakkhuna rupam disva nimittaggahi hoti anubyanjanaggahi, yatvadhikaranam-enam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya na patipajjati, na rakkhati cakkhundriyam, cakkhundriye na samvaram apajjati.

Sotena saddam sutva - pe - ghanena gandham ghayitva - jivhaya rasam sayitva - kayena photthabbam phusitva -manasa dhammam vinnaya nimittaggahi hoti anubyanjanaggahi, yatvadhikaranam-enam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya na patipajjati, na rakkhati manindriyam, manindriye na samvaram apajjati. Evam kho bhikkhave bhikkhu na vanam paticchadeta hoti. Kathan-ca bhikkhave bhikkhu na dhumam katta hoti: Idha bhikkhave bhikkhu yathasutam yathapariyattam dhammam na vittharena paresam deseta hoti. Evam kho bhikkhave bhikkhu na dhumam katta hoti. Kathan-ca bhikkhave bhikkhu na tittham janati:

Idha bhikkhave bhikkhu ye te bhikkhu bahussuta agatagama dhammadhara vinayadhara matikadhara te kalena kalam upasankamitva na paripucchati na paripanhati: idam bhante katham, imassa ko atho ti. Tassa te ayasmanto avivatan-c' eva na vivaranti, anuttanikatan-ca na uttanikaronti, anekavihitesu ca kankhathaniyesu dhammesu kankham na pativinodenti. Evam kho bhikkhave bhikkhu na tittham janati.

Kathan-ca bhikkhave bhikkhu na pitam janati: Idha bhikkhave bhikkhu Tathagatappavedite dhammavinaye desiyamane na labhati atthavedam, na labhati dhammavedam, na labhati dhammupasamhitam pamujjam. Evam kho bhikkhave bhikkhu na pitam janati. Kathan-ca bhikkhave bhikkhu na vithim janati: Idha bhikkhave bhikkhu ariyam atthangikam maggam yathabhutam na-ppajanati. Evam kho bhikkhave bhikkhu na vithim janati. Kathan-ca bhikkhave bhikkhu na gocarakusalo hoti: Idha bhikkhave bhikkhu cattaro satipatthane yathabhutam na-ppajanati. Evam kho bhikkhave bhikkhu na gocarakusalo hoti.

[page 222]

Kathan-ca bhikkhave bhikkhu anavasesadohi hoti: Idha bhikkhave bhikkhum saddha gahapatika abhihatthum pavarenti civara-pindapata-senasana-gilanapaccayaparikkharehi. tatra bhikkhu mattam na janati patiggahanaya. Evam kho bhikkhave bhikkhu anavasesadohi hoti. Kathan-ca bhikkhave bhikkhu ye te bhikkhu thera rattannu cirapabbajita sanghapitaro sanghaparinayaka te na atirekapujaya pujeta hoti: Idha bhikkhave bhikkhu ye te bhikkhu thera rattannu cirapabbajita sanghapitaro sanghaparinayaka tesu na mettam kayakammam paccupatthapeti avi c' eva raho ca, na mettam vacikammam paccupatthapeti avi c' eva raho ca, na mettam manokammam paccupatthapeti avi c' eva raho ca. Evam kho bhikkhave bhikkhu ye te bhikkhu thera rattannu cirapabbajita sangapitaro sanghaparinayaka te na atirekapujaya pujeta hoti.

Imehi kho bhikkhave ekadasahi dhammehi samannagato bhikkhu abhabbo imasmim dhammavinaye vuddhim virulhim vepullam apajjitum.

Ekadasahi bhikkhave angehi samannagato gopalako bhabbo goganam pariharitum phatikattum, katamehi ekadasahi: Idha bhikkhave gopalako rupannu hoti, lakkhanakusalo hoti, asatikam sateta hoti, vanam paticchadeta hoti, dhumam katta hoti, tittham janati, pitam janati, vithim janati, gocarakusalo hoti, savasesadohi ca hoti, ye te usabha gopitaro goparinayaka te atirekapujaya pujeta hoti. Imehi kho bhikkhave ekadasahi angehi samannagato gopalako bhabbo goganam pariharitum phatikattum. Evam-eva kho bhikkhave ekadasahi dhammehi samannagato bhikkhu bhabbo imasmim dhammavinaye vuddhim virulhim vepullam apajjitum, katamehi ekadasahi: Idha bhikkhave bhikkhu rupannu hoti, lakkhanakusalo hoti, asatikam sateta hoti, vanam paticchadeta hoti, dhumam katta hoti, tittham janati, pitam janati, vithim janati, gocarakusalo hoti, savasesadohi ca hoti, ye te bhikkhu thera rattannu cirapabbajita sanghapitaro sanghaparinayaka te atirekapujaya pujeta hoti.

Kathan-ca bhikkhave bhikkhu rupannu hoti: Idha bhikkhave bhikkhu yam kinci rupam sabbam rupam cattari mahabhutani catunnan-ca mahabhutanam upadaya rupan-ti yathabhutam pajanati.

[page 223]

Evam kho bhikkhave bhikkhu rupannu hoti. Kathan-ca bhikkhave bhikkhu lakkhanakusalo hoti:

Idha bhikkhave bhikkhu: kammalakkhano balo, kammalakkhano pandito ti yathabhutam pajanati. Evam kho bhikkhave bhikkhu lakkhanakusalo hoti. Kathan-ca bhikkhave bhikkhu asatikam sateta hoti: Idha bhikkhave bhikkhu uppannam kamavitakkam nadhivaseti, pajahati vinodeti byantikaroti anabhavam gameti, uppannam byapadavitakkam - pe - uppannam vihimsavitakkam - uppannuppanne papake akusale dhamme nadhivaseti, pajahati vinodeti byantikaroti anabhavam gameti. Evam kho bhikkhave bhikkhu asatikam sateta hoti. Kathan-ca bhikkhave bhikkhu vanam paticchadeta hoti: Idha bhikkhave bhikkhu cakkhuna rupam disva na nimittaggahi hoti nanubyanjanaggahi, yatvadhikaranam-enam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati, rakkhati cakkhundriyam, cakkhundriye samvaram apajjati. Sotena saddam sutva - pe - ghanena gandham ghayitva - jivhaya rasam sayitva - kayena photthabbam phusitva - manasa dhammam vinnaya na nimittaggahi hoti nanubyanjanaggahi, yatvadhikaranam-enam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati, rakkhati manindriyam, manindriye samvaram apajjati. Evam kho bhikkhave bhikkhu vanam paticchadeta hoti. Kathan-ca bhikkhave bhikkhu dhumam katta hoti: Idha bhikkhave bhikkhu yathasutam yathapariyattam dhammam vittharena paresam deseta hoti. Evam kho bhikkhave bhikkhu dhumam katta hoti. Kathan-ca bhikkhave bhikkhu tittham janati:

Idha bhikkhave bhikkhu ye te bhikkhu bahussuta agatagama dhammadhara vinayadhara matikadhara te kalena kalam upasankamitva paripucchati paripanhati: idam bhante katham, imassa ko attho ti. Tassa te ayasmanto avivatan-c' eva vivaranti, anuttanikatan-ca uttanikaronti, anekavihitesu ca kankhathaniyesu dhammesu kankham pativinodenti. Evam kho bhikkhave bhikkhu tittham janati. Kathan-ca bhikkhave bhikkhu pitam janati:

[page 224]

Idha bhikkhave bhikkhu Tathagatappavedite dhammavinaye desiyamane labhati atthavedam, labhati dhammavedam, labhati dhammupasamhitam pamujjam. Evam kho bhikkhave bhikkhu pitam janati. Kathan-ca bhikkhave bhikkhu vithim janati: Idha bhikkhave bhikkhu ariyam atthangikam maggam yathabhutam pajanati. Evam kho bhikkhave bhikkhu vithim janati. Kathan-ca bhikkhave bhikkhu gocarakusalo hoti: Idha bhikkhave bhikkhu cattaro satipatthane yathabhutam pajanati. Evam kho bhikkhave bhikkhu gocarakusalo hoti. Kathan-ca bhikkhave bhikkhu savasesadohi hoti: Idha bhikkhave bhikkhum saddha gahapatika abhihatthum pavarenti civara-pindapatasenasana-gilanapaccayabhesajjaparikkharehi, tatra bhikkhu mattam janati patiggahanaya. Evam kho bhikkhave bhikkhu savasesadohi hoti. Kathan-ca bhikkhave bhikkhu ye te bhikkhu thera rattannu cirapabbajita sanghapitaro sanghaparinayaka te atirekapujaya pujeta hoti: Idha bhikkhave bhikkhu ye te bhikkhu thera rattannu cirapabbajita sanghapitaro sanghaparinayaka tesu mettam kayakammam paccupatthapeti avi c' eva raho ca, mettam vacikammam paccupatthapeti avi c' eva raho ca, mettam manokammam paccupatthapeti avi c' eva raho ca. Evam kho bhikkhave bhikkhu ye te bhikkhu thera rattannu cirapabbajita sanghapitaro sanghaparinayaka te atirekapujaya pujeta hoti. Imehi kho bhikkhave ekadasahi dhammehi samannagato bhikkhu bhabbo imasmim dhammavinaye vuddhim virulhim vepullam apajjitun-ti.

Idam-avoca Bhagava. Attamana te bhikkhu Bhagavato bhasitam abhinandun-ti.

MAHAGOPALAKASUTTAM TATIYAM

[page 225]

 


 

XXXIV. Cula Gopalaka Suttam

Evam-me sutam. Ekam samayam Bhagava Vajjisu viharati Ukkacelayam Gangaya nadiya tire. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Bhutapubbam bhikkhave Magadhako gopaloko duppannajatiko vassanam pacchime mase saradasamaye asamavekkhitva Gangaya nadiya oriman-tiram asamavekkhitva parimantiram atitthen' eva gavo pataresi uttaran-tiram Suvidehanam.

Atha kho bhikkhave gavo majjhe Gangaya nadiya sote amandaliyam karitva tatth' eva anayabyasanam apajjimsu; tam kissa hetu: Tatha hi so bhikkhave Magadhako gopalako duppannajatiko vassanam pacchime mase saradasamaye asamavekkhitva Gangaya nadiya oriman-tiram asamavekkhitva pariman-tiram atitthen' eva gavo pataresi uttaran-tiram Suvidehanam. Evam-eva kho bhikkhave ye hi keci samana va brahmana va akusala imassa lokassa akusala parassa lokassa, akusala Maradheyyassa akusala a-Maradheyyassa, akusala Maccudheyyassa akusala a-Maccudheyyassa, tesam ye sotabbam saddahatabbam mannissanti tesam tam bhavissati digharattam ahitaya dukkhaya.

Bhutapubbam bhikkhave Magadhako gopalako sappannajatiko vassanam pacchime mase saradasamaye samavekkhitva Gangaya nadiya oriman-tiram samavekkhitva pariman-tiram titthen' eva gavo pataresi uttaran-tiram Suvidehanam. So pathamam pataresi ye te usabha gopitaro goparinayaka, te tiriyam Gangaya sotam chetva sotthina param agamamsu; athapare pataresi balavagave dammagave, te pi tiriyam Gangaya sotam chetva sotthina param agamamsu; athapare pataresi vacchatare vacchatariyo, te pi tiriyam Gangaya sotam chetva sotthina param agamamsu; athapare pataresi vacchake kisabalake, te pi tiriyam Gangaya sotam {chetva} sotthina param agamamsu. Bhutapubbam bhikkhave vacchako tarunako tavad-eva jatako matu goravakena vuyhamano so pi tiriyam Gangaya sotam chetva sotthina param agamasi; tam kissa hetu: Tatha hi so bhikkhave Magadhako gopaloko sappannajatiko vassanam pacchime mase saradasamaye samavekkhitva Gangaya nadiya oriman-tiram samavekkhitva pariman-tiram titthen' eva gavo pataresi uttaran-tiram Suvidehanam.

[page 226]

Evam-eva kho bhikkhave ye hi keci samana va brahmana va kusala imassa lokassa kusala parassa lokassa, kusala Maradheyyassa kusala a-Maradheyyassa, kusala Maccudheyyassa kusala a-Maccudheyyassa, tesam ye sotabbam saddahatabbam mannissanti tesam tam bhavissati digharattam hitaya sukhaya.

Seyyatha pi bhikkhave ye te usabha gopitaro goparinayaka te tiriyam Gangaya sotam chetva sotthina param agamamsu, evam-eva kho bhikkhave ye te bhikkhu arahanto khinasava vusitavanto katakaraniya ohitabhara anuppattasadattha parikkhinabhavasamyojana samma-d-anna vimutta, te pi tiriyam Marassa sotam chetva sotthina param gata.

Seyyatha pi te bhikkhave balavagava dammagava tiriyam Gangaya sotam chetva sotthina param agamamsu, evam-eva kho bhikkhave ye te bhikkhu pancannam orambhagiyanam samyojananam parikkhaya opapatika tatthaparinibbayino anavattidhamma tasma loka, te pi tiriyam Marassa sotam chetva sotthina param gamissanti. Seyyatha pi te bhikkhave vacchatara vacchatariyo tiriyam Gangaya sotam chetva sotthina param agamamsu, evam-eva kho bhikkhave ye te bhikkhu tinnam samyojananam parikkhaya ragadosamohanam tanutta sakadagamino sakid-eva imam lokam agantva dukkhass' antam karissanti, te pi tiriyam Marassa sotam chetva sotthina param gamissanti. Seyyatha pi te bhikkhave vacchaka kisabalaka tiriyam Gangaya sotam chetva sotthina param agamamsu, evam-eva kho bhikkhave ye te bhikkhu tinnam samyojananam parikkhaya sotapanna avinipatadhamma niyata sambodhiparayana, te pi tiriyam Marassa sotam chetva sotthina param gamissanti. Seyyatha pi so bhikkhave vacchako tarunako tavad-eva jatako matu goravakena vuyhamano tiriyam Gangaya sotam chetva sotthina param agamasi, evam-eva kho bhikkhave ye te bhikkhu dhammanusarino saddhanusarino, te pi tiriyam Marassa sotam chetva sotthina param gamissanti. Aham kho pana bhikkhave kusalo imassa lokassa kusalo parassa lokassa,

[page 227]

kusalo Maradheyyassa kusalo a-Maradheyyassa, kusalo Maccudheyyassa kusalo a-Maccudheyyassa. Tassa mayham bhikkhave ye sotabbam saddahatabbam mannissanti tesam tam bhavissati digharattam hitaya sukhayati.

Idam-avoca Bhagava, idam vatva Sugato athaparam etad-avoca Sattha:

Ayam loko paraloko janata suppakasito,
yan-ca Marena sampattam appattam yan-ca Maccuna.

Sabbam lokam abhinnaya sambuddhena pajanata
vivatam amatadvaram khemam nibbanapattiya.

Chinnam papimato sotam viddhastam vinalikatam,
pamujjabahula hotha, khemam patt' attha bhikkhavo ti.

CULAGOPALAKASUTTAM CATUTTHAM.

 


 

XXXV. Cula Saccaka Suttam

Evam-me sutam. Ekam samayam Bhagava Vesaliyam viharati Mahavane Kutagarasalayam. Tena kho pana samayena Saccako Niganthaputto Vesaliyam pativasati, bhassappavadiko panditavado sadhusammato bahujanassa. So Vesaliyam parisatim evam vacam bhasati: Nahan-tam passami samanam va brahmanam va sanghim ganim ganacariyam, api arahantam sammasambuddham patijanamanam, yo maya vadena vadam samaraddho na sankampeyya na sampakampeyya na sampavedheyya, yassa na kacchehi seda mucceyyum; thunan-ce p' aham acetanam vadena vadam samarabheyyam sa pi maya vadena vadam samaraddha sankampeyya sampakampeyya sampavedheyya, ko pana vado manussabhutassati.

Atha kho ayasma Assaji pubbanhasamayam nivasetva pattacivaram adaya Vesalim pindaya pavisi. Addasa kho Saccako Niganthaputto Vesaliyam janghaviharam anucankamamano anuvicaramano ayasmantam Assajim durato va agacchantam,

[page 228]

disvana yen' ayasma Assaji ten' upasankami, upasankamitva ayasmata Assajina saddhim sammodi, sammodaniyam katham saraniyam vitisaretva ekamantam atthasi. Ekamantam thito kho Saccako Niganthaputto ayasmantam Assajim etad-avoca:

Katham pana bho Assaji samano Gotamo savake vineti, kathambhaga ca pana samanassa Gotamassa savakesu anusasani bahula pavattatiti. - Evam kho Aggivessana Bhagava savake vineti, evambhaga ca pana Bhagavato savakesu anusasani bahula pavattati: Rupam bhikkhave aniccam, vedana anicca, sanna anicca, sankhara anicca, vinnanam aniccam; rupam bhikkhave anatta, vedana anatta, sanna anatta, sankhara anatta, vinnanam anatta; sabbe sankhara anicca, sabbe dhamma anatta ti. Evam kho Aggivessana Bhagava savake vineti, evambhaga ca pana Bhagavato savakesu anusasani bahula pavattatiti. - Dussutam vata bho Assaji assumha ye mayam evamvadim samanam Gotamam assumha; app-eva ca nama mayam kadaci karahaci tena bhota Gotamena saddhim samagaccheyyama, app-eva nama siya kocid-eva kathasallapo, app-eva nama tasma papaka ditthigata viveceyyamati.

Tena kho pana samayena pancamattani Licchavisatani santhagare sannipatitani honti kenacid-eva karaniyena. Atha kho Saccako Niganthaputto yena te Licchavi ten' upasankami, upasankamitva te Licchavi etad-avoca: Abhikkamantu bhonto Licchavi, abhikkamantu bhonto Licchavi, ajja me samanena Gotamena saddhim kathasallapo bhavissati. Sace me samano Gotamo tatha patitthissati yatha 'ssa me natannatarena savakena Assajina nama bhikkhuna patitthitam, seyyatha pi nama balava puriso dighalomikam elakam lomesu gahetva akaddheyya parikaddheyya samparikaddheyya, evam-evaham samanam Gotamam vadena vadam akaddhissami parikaddhissami samparikaddhissami; seyyatha pi nama balava sondikakammakaro mahantam sondikakilanjam gambhire udakarahade pakkhipitva kanne gahetva akaddheyya parikaddheyya samparikaddheyya, evam-evaham samanam Gotamam vadena vadam akaddhissami parikaddhissami samparikaddhissami; seyyatha pi nama balava sondikadhutto valam kanne gahetva odhuneyya niddhuneyya nicchadeyya,

[page 229]

evam-evaham samanam Gotamam vadena vadam odhunissami niddhunissami nicchadessami; seyyatha pi nama kunjaro satthihayano gambhiram pokkharanim ogahitva sanadhovikam nama kilitajatam kilati, evam-evaham samanam Gotamam sanadhovikam manne kilitajatam kilissami. Abhikkamantu bhonto Licchavi, abhikkamantu bhonto Licchavi, ajja me samanena Gotamena saddhim kathasallapo bhavissatiti. Tatr' ekacce Licchavi evam-ahamsu: Kim samano Gotamo Saccakassa Niganthaputtassa vadam aropessati, atha kho Saccako Niganthaputto samanassa Gotamassa vadam aropessatiti.

Ekacce Licchavi evam-ahamsu: Kim so bhavamano Saccako Niganthaputto Bhagavato vadam aropessati, atha kho Bhagava Saccakassa Niganthaputtassa vadam aropessatiti. Atha kho Saccako Niganthaputto pancamattehi Licchavisatehi parivuto yena Mahavanam Kutagarasala ten' upasankami.

Tena kho pana samayena sambahula bhikkhu abbhokase cankamanti. Atha kho Saccako Niganthaputto yena te bhikkhu ten' upasankami, upasankamitva te bhikkhu etad-avoca: Kahannu kho bho etarahi so bhavan-Gotamo viharati, dassanakama hi mayan-tam bhavantam Gotaman-ti. - Es' Aggivessana Bhagava Mahavanam ajjhogahitva annatarasmim rukkhamule divaviharam nisinno ti. Atha kho Saccako Niganthaputto mahatiya Licchaviparisaya saddhim Mahavanam ajjhogahitva yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam nisidi. Te pi kho Licchavi app-ekacce Bhagavantam abhivadetva ekamantam nisidimsu, app-ekacce Bhagavata saddhim sammodimsu, sammodaniyam katham saraniyam vitisaretva ekamantam nisidimsu, app-ekacce yena Bhagava ten' anjalim-panametva ekamantam nisidimsu, appekacce Bhagavato santike namagottam savetva ekamantam nisidimsu, app-ekacce tunhibhuta ekamantam nisidimsu.

Ekamantam nisinno kho Saccako Niganthaputto Bhagavantam etad-avoca: Puccheyyaham bhavantam Gotamam kancid-eva desam, sace me bhavan-Gotamo okasam karoti panhassa veyyakaranayati. - Pucch' Aggivessana yadakankhasiti.

[page 230]

- Katham pana bhavan-Gotamo savake vineti, kathambhaga ca pana bhoto Gotamassa savakesu anusasani bahula pavattatiti. - Evam kho aham Aggivessana savake vinemi, evambhaga ca pana me savakesu anusasani bahula pavattati: Rupam bhikkhave aniccam, vedana anicca, sanna anicca, sankhara anicca, vinnanam aniccam; rupam bhikkhave anatta, vedana anatta, sanna anatta, sankhara anatta, vinnanam anatta; sabbe sankhara anicca, sabbe dhamma anatta ti.

Evam kho aham Aggivessana savake vinemi, evambhaga ca pana me savakesu anusasani bahula pavattatiti. - Upama mam bha Gotama patibhatiti. - Patibhatu tam Aggivessanati Bhagava avoca. - Seyyatha pi bho Gotama ye kec' ime bijagamabhutagama vuddhim virulhim vepullam apajjanti, sabbe te pathavim nissaya pathaviyam patitthaya evam-ete bijagamabhutagama vuddhim virulhim vepullam apajjanti; seyyatha pi va pana bho Gotama ye kec' ime balakaraniya kammanta kariyanti, sabbe te pathavim nissaya pathaviyam patitthaya evam-ete balakaraniya kammanta kariyanti; evam-eva kho bho Gotama rupatta 'yam purisapuggalo, rupe patitthaya punnam va apunnam va pasavati; vedanatta 'yam purisapuggalo, vedanaya patitthaya punnam va apunnam va pasavati; sannatta 'yam purisapuggalo, sannaya patitthaya punnam va apunnam va pasavati; sankharatta 'yam purisapuggalo, sankharesu patitthaya punnam va apunnam va pasavati; vinnanatta 'yam purisapuggalo, vinnane patitthaya punnam va apunnam va pasavatiti. - Nanu tvam Aggivessana evam vadesi: Rupam-me atta, vedana me atta, sanna me atta, sankhara me atta, vinnanam-me atta ti. -Aham hi bho Gotama evam vadami: Rupam-me atta, vedana me atta, sanna me atta, sankhara me atta, vinnanam-me atta ti, ayan-ca mahati janata ti. - Kim hi te Aggivessana mahati janata karissati, ingha tvam Aggivessana sakam yeva vadam nibbethehiti. - Aham hi bho Gotama evam vadami: Rupam-me atta, vedana me atta, sanna me atta, sankhara me atta, vinnanam-me atta ti.

Tena hi Aggivessana tam yev' ettha patipucchissami, yatha te khameyya tatha nam byakareyyasi. Tam kimmannasi Aggivessana:

[page 231]

Vatteyya ranno khattiyassa muddhavasittassa sakasmim vijite vaso ghatetayam va ghatetum japetayam va japetum pabbajetayam va pabbajetum, seyyatha pi ranno Pasenadissa Kosalassa, seyyatha pi va pana ranno Magadhassa Ajatasattussa Vedehiputtassati. - Vatteyya bho Gotama ranno khattiyassa muddhavasittassa sakasmim vijite vaso ghatetayam va ghatetum japetayam va japetum pabbajetayam va pabbajetum, seyyatha pi ranno Pasenadissa Kosalassa, seyyatha pi va pana ranno Magadhassa Ajatasattussa Vedehiputtassa. Imesam-pi hi bho Gotama sanghanam gananam, seyyathidam Vajjinam Mallanam, vattati sakasmim vijite vaso ghatetayam va ghatetum japetayam va japetum pabbajetayam va pabbajetum, kim pana ranno khattiyassa muddhavasittassa, seyyatha pi ranno Pasenadissa Kosalassa, seyyatha pi va pana ranno Magadhassa Ajatasattussa Vedehiputtassa. Vatteyya bho Gotama, vattitun-ca-marahatiti. - Tam kim-mannasi Aggivessana: Yam tvam evam vadesi: rupam-me atta ti, vattati te tasmim rupe vaso: evam-me rupam hotu, evam-me rupam ma ahositi.

Evam vutte Saccako Niganthaputto tunhi ahosi. Dutiyampi kho Bhagava Saccakam Niganthaputtam etad-avoca:

Tam kim-mannasi Aggivessana: Yam tvam evam vadesi:

rupam-me atta ti, vattati te tasmim rupe vaso: evam-me rupam hotu, evam-me rupam ma ahositi. Dutiyam-pi kho Saccako Niganthaputto tunhi ahosi. Atha kho Bhagava Saccakam Niganthaputtam etad-avoca: Byakarohi dani Aggivessana, na dani te tunhibhavassa kalo. Yo koci Aggivessana Tathagatena yava tatiyam sahadhammikam panham puttho na byakaroti etth' ev' assa sattadha muddha phalatiti.

Tena kho pana samayena vajirapani yakkho ayasam vajiram adaya adittam sampajjalitam sajotibhutam Saccakassa Niganthaputtassa upari vehasam thito hoti: Sacayam Saccako Niganthaputto Bhagavata yava tatiyam sahadhammikam panham puttho na byakarissati etth' ev' assa sattadha muddham phalessamiti. Tam kho pana vajirapanim yakkham Bhagava c' eva passati Saccako ca Niganthaputto. Atha kho Saccako Niganthaputto bhito samviggo lomahatthajato Bhagavantam yeva tanamgavesi Bhagavantam yeva lenamgavesi Bhagavantam yeva saranamgavesi Bhagavantam etad-avoca:

[page 232]

Pucchatu mam bhavam Gotamo, byakarissamiti.

Tam kim-mannasi Aggivessana: Yam tvam evam vadesi: rupam-me atta ti, vattati te tasmim rupe vaso: evam me rupam hotu, evam-me rupam ma ahositi. - No h' idam bho Gotama. - Manasikarohi Aggivessana, manasikaritva kho Aggivessana byakarohi, na kho te sandhiyati purimena va pacchimam pacchimena va purimam. Tam kimmannasi Aggivessana: Yam tvam evam vadesi: vedana me atta ti, vattati te taya vedanaya vaso: evam-me vedana hotu, evam-me vedana ma ahositi. - No h' idam bho Gotama. - Manasikarohi Aggivessana, manasikaritva kho Aggivessana byakarohi, na kho te sandhiyati purimena va pacchimam pacchimena va purimam. Tam kim-mannasi Aggivessana: Yam tvam evam vadesi: sanna me atta ti, vattati te taya sannaya vaso: evam-me sanna hotu, evam-me sanna ma ahositi. - No h' idam bho Gotama. - Manasikarohi Aggivessana, manasikaritva kho Aggivessana byakarohi, na kho te sandhiyati purimena va pacchimam pacchimena va purimam. Tam kim-mannasi Aggivessana: Yam tvam evam vadesi: sankhara me atta ti, vattati te tesu sankharesu vaso: evam-me sankhara hontu, evam-me sankhara ma ahesun-ti. - No h' idam bho Gotama. - Manasikarohi Aggivessana, manasikaritva kho Aggivessana byakarohi, na kho te sandhiyati purimena va pacchimam pacchimena va purimam. Tam kim-mannasi Aggivessana: Yam tvam evam vadesi: vinnanam-me atta ti, vattati te tasmim vinnane vaso: evam-me vinnanam hotu, evam-me vinnanam ma ahositi. - No h' idam bho Gotama. - Manasikarohi Aggivessana, manasikaritva kho Aggivessana byakarohi, na kho te sandhiyati purimena va pacchimam pacchimena va purimam. Tam kim-mannasi Aggivessana: rupam niccam va aniccam va ti. - Aniccam bho Gotama. - Yam pananiccam dukkham va tam sukham va ti. - Dukkham bho Gotama. - Yam pananiccam dukkham viparinamadhammam kallan-nu tam samanupassitum: etam-mama, eso 'ham-asmi, eso me atta ti.

[page 233]

- No h' idam bho Gotama. - Tam kimmannasi Aggivessana: vedana - pe - sanna - sankhara -tam kim-mannasi Aggivessana: vinnanam niccam va aniccam va ti. - Aniccam bho Gotama. - Yam pananiccam dukkham va tam sukham va ti. - Dukkham bho Gotama.

-- Yam pananiccam dukkham viparinamadhammam kallannu tam samanupassitum: etam-mama, eso 'ham-asmi, eso me atta ti. - No h' idam bho Gotama. - Tam kim-mannasi Aggivessana: Yo nu kho dukkham allino dukkham upagato dukkham ajjhosito dukkham: etam-mama, eso 'ham-asmi, eso me atta ti samanupassati, api nu kho so samam va dukkham parijaneyya dukkham va parikkhepetva vihareyyati. - Kim hi siya bho Gotama, no h' idam bho Gotamati.

Seyyatha pi Aggivessana puriso saratthiko saragavesi sarapariyesanam caramano tinham kutharim adaya vanam paviseyya, so tattha passeyya mahantam kadalikkhandham ujum navam akukkukajatam; tam-enam mule chindeyya, mule chetva agge chindeyya, agge chetva pattavattim vinibbhujeyya, so tattha pattavattim vinibbhujanto pheggumpi nadhigaccheyya, kuto saram; evam-eva kho tvam Aggivessana maya sakasmim vade samanuyunjiyamano samanugahiyamano samanubhasiyamano ritto tuccho aparaddho.

Bhasita kho pana te esa Aggivessana Vesaliyam parisatim vaca: Nahan-tam passami samanam va brahmanam va sanghim ganim ganacariyam, api arahantam sammasambuddham patijanamanam, yo maya vadena vadam samaraddho na sankampeyya na sampakampeyya na sampavedheyya, yassa na kacchehi seda mucceyyum; thunan-ce p' aham acetanam vadena vadam samarabheyyam sa pi maya vadena vadam samaraddha sankampeyya sampakampeyya sampavedheyya, ko pana vado manussabhutassati. Tuyham kho pan' Aggivessana app-ekaccani sedaphusitani nalata muttani uttarasangam vinibhinditva bhumiyam patitthitani. Mayham kho pan' Aggivessana na-tthi etarahi kayasmim sedo ti. Iti Bhagava tasmim parisatim suvannavannam kayam vivari.

[page 234]

Evam vutte Saccako Niganthaputto tunhibhuto mankubhuto pattakkhandho adhomukho pajjhayanto appatibhano nisidi.

Atha kho Dummukho Licchaviputto Saccakam Niganthaputtam tunhibhutam mankubhutam pattakkhandham adhomukham pajjhayantam appatibhanam viditva Bhagavantam etad-avoca: Upama mam Bhagava patibhatiti. - Patibhatu tam Dummukhati Bhagava avoca. - Seyyatha pi bhante gamassa va nigamassa va avidure pokkharani, tatr' assa kakkatako. Atha kho bhante sambahula kumaraka va kumarika va tamha gama va nigama va nikkhamitva yena sa pokkharani ten' upasankameyyum, upasankamitva tam pokkharanim ogahitva kakkatakam udaka uddharitva thale patitthapeyyum.

{Yan-nad-eva} hi so bhante kakkatako alam abhininnameyya tam tad-eva te kumaraka va kumarika va katthena va kathalena va sanchindeyyum sambhanjeyyum sampalibhanjeyyum. Evam hi so bhante kakkatako sabbehi alehi sanchinnehi sambhaggehi sampalibhaggehi abhabbo tam pokkharanim puna otaritum seyyatha pi pubbe. Evam-eva kho bhante yani Saccakassa Niganthaputtassa visukayitani visevitani vipphanditani kanici kanici tani Bhagavata sanchinnani sambhaggani sampalibhaggani, abhabbo ca dani bhante Saccako Niganthaputto puna Bhagavantam upasankamitum yadidam vadadhippayo ti. Evam vutte Saccako Niganthaputto Dummukham Licchaviputtam etad-avoca: Agamehi tvam Dummukha, agamehi tvam Dummukha, na mayam taya saddhim mantema, idha mayam bhota Gotamena saddhim mantema.

Titthat' esa bho Gotama amhakan-c' eva annesan-ca puthusamanabrahmananam vaca, vilapam vilapitam manne.

Kittavata ca nu kho bhoto Gotamassa savako sasanakaro hoti ovadapatikaro tinnavicikiccho vigatakathamkatho vesarajjappatto aparappaccayo satthusasane viharatiti. - Idha Aggivessana mama savako yam kinci rupam atitanagatapaccuppannam, ajjhattam va bahiddha va, olarikam va sukhumam va, hinam va panitam va, yam dure santike va, sabbam rupam: n' etam mama, n' eso 'ham-asmi, na {me^so} atta ti evametam yathabhutam sammappannaya passati.

[page 235]

Ya kaci vedana - pe - ya kaci sanna - ye keci sankhara - yam kinci vinnanam atitanagatapaccuppannam, ajjhattam va bahiddha va, olarikam va sukhumam va, hinam va panitam va, yam dure santike va, sabbam vinnanam: n' etam mama, n' eso 'ham-asmi, na {me^so} atta ti evam-etam yathabhutam sammappannaya passati. Ettavata kho Aggivessana mama savako sasanakaro hoti ovadapatikaro tinnavicikiccho vigatakathamkatho vesarajjappatto aparappaccayo satthusasane viharatiti. -Kittavata pana bho Gotama bhikkhu araham hoti khinasavo vusitava katakaraniyo ohitabharo anuppattasadattho parikkhinabhavasamyojano samma-d-anna vimutto ti. - Idh' Aggivessana bhikkhu yam kinci rupam atitanagatapaccuppannam, ajjhattam va bahiddha va, olarikam va sukhumam va, hinam va panitam va, yam dure santike va, sabbam rupam: n' etam mama, n' eso 'ham-asmi, na {me^so} atta ti evam-etam yathabhutam sammappannaya disva anuppada vimutto hoti. Ya kaci vedana - pe - ya kaci sanna - ye keci sankhara -yam kinci vinnanam atitanagatapaccuppannam, ajjhattam va bahiddha va, olarikam va sukhumam va, hinam va panitam va, yam dure santike va, sabbam vinnanam: n' etam mama, n' eso 'ham-asmi, na {me^so} atta ti evam-etam yathabhutam sammappannaya disva anuppada vimutto hoti.

Ettavata kho Aggivessana bhikkhu araham hoti khinasavo vusitava katakaraniyo ohitabharo anuppattasadattho parikkhinabhavasamyojano samma-d-anna vimutto. Evam vimuttacitto kho Aggivessana bhikkhu tihi anuttariyehi samannagato hoti: dassananuttariyena patipadanuttariyena vimuttanuttariyena. Evam vimutto kho Aggivessana bhikkhu Tathagatan-neva sakkaroti garukaroti maneti pujeti: buddho so Bhagava bodhaya dhammam deseti, danto so Bhagava damathaya dhammam deseti, santo so Bhagava samathaya dhammam deseti, tinno so Bhagava taranaya dhammam deseti, parinibbuto so Bhagava parinibbanaya dhammam desetiti.

Evam vutte Saccako Niganthaputto Bhagavantam etadavoca:

[page 236]

Mayam-eva bho Gotama dhamsi, mayam pagabbha, ye mayam bhavantam Gotamam vadena vadam asadetabbam amannimha. Siya hi bho Gotama hatthippabhinnam asajja purisassa sotthibhavo, na tv-eva bhavantam Gotamam asajja siya purisassa sotthibhavo. Siya hi bho Gotama jalantam aggikkhandham asajja purisassa sotthibhavo, na tv-eva bhavantam Gotamam asajja siya purisassa sotthibhavo. Siya hi bho Gotama asivisam ghoravisam asajja purisassa sotthibhavo, na tv-eva bhavantam Gotamam asajja siya purisassa sotthibhavo. Mayam-eva bho Gotama dhamsi, mayam pagabbha, ye mayam bhavantam Gotamam vadena vadam asadetabbam amannimha. Adhivasetu ca me bhavam Gotamo svatanaya bhattam saddhim bhikkhusanghenati. Adhivasesi Bhagava tunhibhavena.

Atha kho Saccako Niganthaputto Bhagavato adhivasanam viditva te Licchavi amantesi: Sunantu me bhonto Licchavi: samano Gotamo nimantito svatanaya bhattam saddhim bhikkhusanghena, yena me abhihareyyatha yamassa patirupam manneyyathati. Atha kho te Licchavi tassa rattiya accayena Saccakassa Niganthaputtassa pancamattani thalipakasatani bhattabhiharam abhiharimsu. Atha kho Saccako Niganthaputto sake arame panitam khadaniyam bhojaniyam patiyadapetva Bhagavato kalam arocapesi: Kalo bho Gotama, nitthitam bhattan-ti. Atha kho Bhagava pubbanhasamayam nivasetva pattacivaram adaya yena Saccakassa Niganthaputtassa aramo ten' upasankami, upasankamitva pannatte asane nisidi saddhim bhikkhusanghena. Atha kho Saccako Niganthaputto Buddhapamukham bhikkhusangham panitena khadaniyena bhojaniyena sahattha santappesi sampavaresi. Atha kho Saccako Niganthaputto Bhagavantam bhuttavim onitapattapanim annataram nicam asanam gahetva ekamantam nisidi. Ekamantam nisinno kho Saccakho Niganthaputto Bhagavantam etad-avoca: Yamidam bho Gotama dane punnan-ca punnamahi ca tam dayakanam sukhaya hotuti. - Yam kho Aggivessana tadisam dakkhineyyam agamma avitaragam avitadosam avitamoham tam dayakanam bhavissati.

[page 237]

Yam kho Aggivessana madisam dakkhineyyam agamma vitaragam vitadosam vitamoham tam tuyham bhavissatiti.

CULASACCAKASUTTAM PANCAMAM.

 


 

XXXVI. Maha Saccaka Suttam

Evam-me sutam. Ekam samayam Bhagava Vesaliyam viharati Mahavane Kutagarasalayam. Tena kho pana samayena Bhagava pubbanhasamayam sunivattho hoti pattacivaram adaya Vesalim pindaya pavisitukamo. Atha kho Saccako Niganthaputto janghaviharam anucankamamano anuvicaramano yena Mahavanam Kutagarasala ten' upasankami.

Addasa kho ayasma Anando Saccakam Niganthaputtam durato va agacchantam, disvana Bhagavantam etad-avoca:

Ayam bhante Saccako Niganthaputto agacchati bhassappavadiko panditavado, sadhusammato bahujanassa. Eso kho bhante avannakamo Buddhassa, avannakamo dhammassa, avannakamo sanghassa. Sadhu bhante Bhagava muhuttam nisidatu anukampam upadayati. Nisidi Bhagava pannatte asane. Atha kho Saccako Niganthaputto yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho Saccako Niganthaputto Bhagavantam etad-avoca:

Santi bho Gotama eke samanabrahmana kayabhavananuyogam-anuyutta viharanti no cittabhavanam. Phusanti hi bho Gotama saririkam dukkham vedanam. Bhutapubbam bho Gotama saririkaya dukkhaya vedanaya phutthassa sato urukkhambho pi nama bhavissati, hadayam-pi nama phalissati.

unham-pi lohitam mukhato uggamissati, ummadam-pi papunissati cittakkhepam. Tassa kho etam bho Gotama kayanvayam cittam hoti, kayassa vasena vattati, tam kissa hetu:

[page 238]

abhavitatta cittassa. Santi pana bho Gotama eke samanabrahmana cittabhavananuyogam-anuyutta viharanti no kayabhavanam. Phusanti hi bho Gotama cetasikam dukkham vedanam. Bhutapubbam bho Gotama cetasikaya dukkhaya vedanaya phutthassa sato urukkhambho pi nama bhavissati, hadayam-pi nama phalissati, unham-pi lohitam mukhato uggamissati, ummadam-pi papunissati cittakkhepam. Tassa kho eso bho Gotama cittanvayo kayo hoti, cittassa vasena vattati, tam kissa hetu: abhavitatta kayassa. Tassa mayham bho Gotama evam hoti: Addha bhoto Gotamassa savaka cittabhavananuyogam-anuyutta viharanti no kayabhavanan-ti.

Kinti pana te Aggivessana kayabhavana suta ti. - Seyyathidam Nando Vaccho, Kiso Sankicco, Makkhali Gosalo, ete hi bho Gotama acelaka muttacara hatthapalekhana, na ehibhadantika na titthabhadantika, na abhihatam na uddissakatam na nimantanam sadiyanti. te na kumbhimukha patiganhanti, na kalopimukha patiganhanti, na elakamantaram na dandamantaram na musalamantaram, na dvinnam bhunjamananam, na gabbhiniya na payamanaya na purisantaragataya, na sankittisu, na yattha sa upatthito hoti, na yattha makkhika sandasandacarini, na maccham na mamsam na suram na merayam na thusodakam pipanti. Te ekagarika va honti ekalopika, dvagarika va honti dvalopika, sattagarika va honti sattalopika. Ekissa pi dattiya yapenti, dvihi pi dattihi yapenti, sattahi pi dattihi yapenti. Ekahikam-pi aharam aharenti, dvihikam-pi aharam aharenti, sattahikampi aharam aharenti, iti evarupam addhamasikam-pi pariyayabhattabhojananuyogam-anuyutta viharantiti. - Kim pana te Aggivessana tavataken' eva yapentiti. - No h' idam bho Gotama. App-ekada bho Gotama ularani ularani khadaniyani khadanti, ularani ularani bhojanani bhunjanti, ularani ularani sayaniyani sayanti, ularani ularani panani pivanti; te imehi kayam balam gahenti nama bruhenti nama medenti namati. - Yam kho te Aggivessana purimam pahaya paccha upacinanti, evam imassa kayassa acayapacayo hoti. Kinti pana te Aggivessana cittabhavana suta ti. cittabhavanaya kho Saccako Niganthaputto Bhagavata puttho samano na sampayasi.

[page 239]

Atha kho Bhagava Saccakam Niganthaputtam etadavoca: Ya pi kho te esa Aggivessana purima kayabhavana bhasita sa pi ariyassa vinaye no dhammika kayabhavana.

Kayabhavanam hi kho tvam Aggivessana na annasi, kuto pana tvam cittabhavanam janissasi. Api ca Aggivessana yatha abhavitakayo ca hoti abhavitacitto ca, bhavitakayo ca bhavitacitto ca, tam sunahi, sadhukam manasikarohi, bhasissamiti. - Evam bho ti kho Saccako Niganthaputto Bhagavato paccassosi. Bhagava etad-avoca:

Kathan-ca Aggivessana abhavitakayo ca hoti abhavitacitto ca: Idha Aggivessana assutavato puthujjanassa uppajjati sukha vedana, so sukhaya vedanaya phuttho samano sukhasaragi ca hoti sukhasaragitan-ca apajjati, tassa sa sukha vedana nirujjhati, sukhaya vedanaya nirodha uppajjati dukkha vedana, so dukkhaya vedanaya phuttho samano socati kilamati paridevati, urattalim kandati, sammoham apajjati.

Tassa kho esa Aggivessana uppanna pi sukha vedana cittam pariyadaya titthati abhavitatta kayassa, uppanna pi dukkha vedana cittam pariyadaya titthati abhavitatta cittassa. Yassa kassaci Aggivessana evam ubhatopakkham uppanna pi sukha vedana cittam pariyadaya titthati abhavitatta kayassa, uppanna pi dukkha vedana cittam pariyadaya titthati abhavitatta cittassa, evam kho Aggivessana abhavitakayo ca hoti abhavitacitto ca. Kathan-ca Aggivessana bhavitakayo ca hoti bhavitacitto ca: Idha Aggivessana sutavato ariyasavakassa uppajjati sukha vedana, so sukhaya vedanaya phuttho samano no sukhasaragi hoti na sukhasaragitam apajjati, tassa sa sukha vedana nirujjhati, sukhaya vedanaya nirodha uppajjati dukkha vedana, so dukkhaya vedanaya phuttho samano na socati na kilamati na paridevati, na urattalim kandati, na sammoham apajjati. Tassa kho esa Aggivessana uppanna pi sukha vedana cittam na pariyadaya titthati bhavitatta kayassa. uppanna pi dukkha vedana cittam na pariyadaya titthati bhavitatta cittassa. Yassa kassaci Aggivessana evam ubhatopakkham uppanna pi sukha vedana cittam na pariyadaya titthati bhavitatta kayassa,

[page 240]

uppanna pi dukkha vedana cittam na pariyadaya titthati bhavitatta cittassa, evam kho Aggivessana bhavitakayo ca hoti bhavitacitto cati.

Evam pasanno aham bhoto Gotamassa: bhavam hi Gotamo bhavitakayo ca bhavitacitto cati. - Addha kho te ayam Aggivessana asajja upaniya vaca bhasita, api ca te aham byakarissami. Yato kho aham Aggivessana kesamassum oharetva kasayani vatthani acchadetva agarasma anagariyam pabbajito, tam vata me uppanna va sukha vedana cittam pariyadaya thassati, uppanna va dukkha vedana cittam pariyadaya thassatiti n' etam kho thanam vijjatiti. - Na ha nuna bhoto Gotamassa uppajjati tatharupa sukha vedana yatharupa uppanna sukha vedana cittam pariyadaya tittheyya, na ha nuna bhoto Gotamassa uppajjati tatharupa dukkha vedana yatharupa uppanna dukkha vedana cittam pariyadaya tittheyyati.

Kim hi no siya Aggivessana. Idha me Aggivessana pubbe va sambodha anabhisambuddhassa bodhisattass' eva sato etad-ahosi: Sambadho gharavaso rajapatho, abbhokaso pabbajja, na-y-idam sukaram agaram ajjhavasata ekantaparipunnam ekantaparisuddham sankhalikhitam brahmacariyam caritum, yan-nunaham kesamassum oharetva kasayani vatthani acchadetva agarasma anagariyam pabbajeyyan-ti.

So kho aham Aggivessana aparena samayena daharo va samano susu kalakeso ... (repeat from p. 163, l.28 to p. 167, l.8; for bhikkhave substitute Aggivessana) ... alam-idam padhanayati.

Api-ssu mam Aggivessana tisso upama patibhamsu anacchariya pubbe assutapubba: Seyyatha pi Aggivessana allam kattham sasneham udake nikkhittam, atha puriso agaccheyya uttararanim adaya: aggim abhinibbattessami, tejo patukarissamiti. Tam kim-mannasi Aggivessana: api nu so puriso amum allam kattham sasneham udake nikkhittam uttararanim adaya abhimanthento aggim abhinibbatteyya tejo patukareyyati. - No h' idam bho Gotama, tam kissa hetu:

adum hi bho Gotama allam kattham sasneham, tan-ca pana udake nikkhittam,

[page 241]

yavad-eva ca pana so puriso kilamathassa vighatassa bhagi assati. - Evam-eva kho Aggivessana ye hi keci samana va brahmana va kayena c' eva kamehi avupakattha viharanti, yo ca nesam kamesu kamacchando kamasneho kamamuccha kamapipasa kamaparilaho so ca ajjhattam na suppahino hoti na suppatippassaddho, opakkamika ce pi te bhonto samanabrahmana dukkha tippa katuka vedana vediyanti abhabba va te nanaya dassanaya anuttaraya sambodhaya, no ce pi te bhonto samanabrahmana opakkamika dukkha tippa katuka vedana vediyanti abhabba va te nanaya dassanaya anuttaraya sambodhaya. Ayam kho mam Aggivessana pathama upama patibhasi anacchariya pubbe assutapubba.

Apara pi kho mam Aggivessana dutiya upama patibhasi anacchariya pubbe assutapubba: Seyyatha pi Aggivessana allam kattham sasneham araka udaka thale nikkhittam, atha puriso agaccheyya uttararanim adaya: aggim abhinibbattessami, tejo patukarissamiti. Tam kim-mannasi Aggivessana: api nu so puriso amum allam kattham sasneham araka udaka thale nikkhittam uttararanim adaya abhimanthento aggim abhinibbatteyya, tejo patukareyyati. -No h' idam bho Gotama, tam kissa hetu: adum hi bho Gotama allam kattham sasneham, kincapi araka udaka thale nikkhittam, yavad-eva ca pana so puriso kilamathassa vighatassa bhagi assati. - Evam-eva kho Aggivessana ye hi keci samana va brahmana va kayena c' eva kamehi avupakattha viharanti, yo ca nesam kamesu kamacchando kamasneho kamamuccha kamapipasa kamaparilaho so ca ajjhattam na suppahino hoti na suppatippassaddho, opakkamika ce pi te bhonto samanabrahmana dukkha tippa katuka vedana vediyanti abhabba va te nanaya dassanaya anuttaraya sambodhaya, no ce pi te bhonto samanabrahmana opakkamika dukkha tippa katuka vedana vediyanti abhabba va te nanaya dassanaya anuttaraya sambodhaya. Ayam kho mam Aggivessana dutiya upama patibhasi anacchariya pubbe assutapubba.

Apara pi kho mam Aggivessana tatiya upama patibhasi anacchariya pubbe assutapubba:

[page 242]

Seyyatha pi Aggivessana sukkham kattham kolapam araka udaka thale nikkhittam, atha puriso agaccheyya uttararanim adaya: aggim abhinibbattessami, tejo patukarissamiti. Tam kim-mannasi Aggivessana: api nu so puriso amum sukkham kattham kolapam araka udaka thale nikkhittam uttararanim adaya abhimanthento aggim abhinibbatteyya, tejo patukareyyati. - Evam bho Gotama, tam kissa hetu: adum hi bho Gotama sukkham kattham kolapam, tan-ca pana araka udaka thale nikkhittan-ti. - Evam-eva kho Aggivessana ye hi keci samana va brahmana va kayena c' eva kamehi vupakattha viharanti, yo ca nesam kamesu kamacchando kamasneho kamamuccha kamapipasa kamaparilaho so ca ajjhattam suppahino hoti suppatippassaddho, opakkamika ce pi te bhonto samanabrahmana dukkha tippa katuka vedana vediyanti bhabba va te nanaya dassanaya anuttaraya sambodhaya, no ce pi te bhonto samanabrahmana opakkamika dukkha tippa katuka vedana vediyanti bhabba va te nanaya dassanaya anuttaraya sambodhaya. Ayam kho mam Aggivessana tatiya upama patibhasi anacchariya pubbe assutapubba. Ima kho mam Aggivessana tisso upama patibhamsu anacchariya pubbe assutapubba.

Tassa mayham Aggivessana etad-ahosi: Yan-nunaham dantehi danta-m-adhaya jivhaya talum ahacca cetasa cittam abhinigganheyyam abhinippileyyam abhisantapeyyan-ti. So kho aham Aggivessana dantehi danta-m-adhaya jivhaya talum ahacca cetasa cittam abhinigganhami abhinippilemi abhisantapemi. Tassa mayham Aggivessana dantehi danta-madhaya jivhaya talum ahacca cetasa cittam abhinigganhato abhinippilayato abhisantapayato kacchehi seda muccanti.

Seyyatha pi Aggivessana balava puriso dubbalataram purisam sise va gahetva khandhe va gahetva abhinigganheyya abhinippileyya abhisantapeyya, evam-eva kho me Aggivessana dantehi danta-m-adhaya jivhaya talum ahacca cetasa cittam abhinigganhato abhinippilayato abhisantapayato kacchehi seda muccanti. Araddham kho pana me Aggivessana viriyam hoti asallinam, upatthita sati asammuttha, saraddho ca pana me kayo hoti appatippassaddho ten' eva dukkhappadhanena padhanabhitunnassa sato.

[page 243]

Evarupa pi kho me Aggivessana uppanna dukkha vedana cittam na pariyadaya titthati.

Tassa mayham Aggivessana etad-ahosi: Yan-nunaham appanakam jhanam jhayeyyan-ti. So kho aham Aggivessana mukhato ca nasato ca assasapassase uparundhim. Tassa mayham Aggivessana mukhato ca nasato ca assasapassasesu uparuddhesu kannasotehi vatanam nikkhamantanam adhimatto saddo hoti. Seyyatha pi nama kammaragaggariya dhamamanaya adhimatto saddo hoti, evam-eva kho me Aggivessana mukhato ca nasato ca assasapassasesu uparuddhesu kannasotehi vatanam nikkhamantanam adhimatto saddo hoti.

Araddham kho pana me Aggivessana viriyam hoti asallinam, upatthita sati asammuttha, saraddho ca pana me kayo hoti appatippassaddho ten' eva dukkhappadhanena padhanabhitunnassa sato. Evarupa pi kho me Aggivessana uppanna dukkha vedana cittam na pariyadaya titthati.

Tassa mayham Aggivessana etad-ahosi: Yan-nunaham appanakam yeva jhanam jhayeyyan-ti. So kho aham Aggivessana mukhato ca nasato ca kannato ca assasapassase uparundhim. Tassa mayham Aggivessana mukhato ca nasato ca kannato ca assasapassasesu uparuddhesu adhimatta vata muddhanam uhananti. Seyyatha pi Aggivessana balava puriso tinhena sikharena muddhanam abhimantheyya, evameva kho me Aggivessana mukhato ca nasato ca kannato ca assasapassasesu uparuddhesu adhimatta vata muddhanam uhananti. Araddham kho pana me Aggivessana viriyam hoti asallinam, upatthita sati asammuttha, saraddho ca pana me kayo hoti appatippassaddho ten' eva dukkhappadhanena padhanabhitunnassa sato. Evarupa pi kho me Aggivessana uppanna dukkha vedana cittam na pariyadaya titthati.

Tassa mayham Aggivessana etad-ahosi: Yan-nunaham appanakam yeva jhanam jhayeyyan-ti. So kho aham Aggivessana mukhato ca nasato ca kannato ca assasapassase uparundhim. Tassa mayham Aggivessana mukhato ca nasato ca kannato ca assasapassasesu uparuddhesu adhimatta sise sisavedana honti. Seyyatha pi Aggivessana balava puriso dalhena varattakhandena sise sisavetham dadeyya,

[page 244]

evam-eva kho me Aggivessana mukhato ca nasato ca kannato ca assasapassasesu uparuddhesu adhimatta sise sisavedana honti.

Araddham kho pana me Aggivessana viriyam hoti asallinam, upatthita sati asammuttha, saraddho ca pana me kayo hoti appatippassaddho ten' eva dukkhappadhanena padhanabhitunnassa sato. Evarupa pi kho me Aggivessana uppanna dukkha vedana cittam na pariyadaya titthati.

Tassa mayham Aggivessana etad-ahosi: Yan-nunaham appanakam yeva jhanam jhayeyyan-ti. So kho aham Aggivessana mukhato ca nasato ca kannato ca assasapassase uparundhim. Tassa mayham Aggivessana mukhato ca nasato ca kannato ca assasapassasesu uparuddhesu adhimatta vata kucchim parikantanti. Seyyatha pi Aggivessana dakkho goghatako va goghatakantevasi va tinhena govikantanena kucchim parikanteyya, evam-eva kho me Aggivessana adhimatta vata kucchim parikantanti. Araddham kho pana me Aggivessana viriyam hoti asallinam, upatthita sati asammuttha, saraddho ca pana me kayo hoti appatippassaddho ten' eva dukkhappadhanena padhanabhitunnassa sato. Evarupa pi kho me Aggivessana uppanna dukkha vedana cittam na pariyadaya titthati.

Tassa mayham Aggivessana etad-ahosi: Yan-nunaham appanakam yeva jhanam jhayeyyan-ti. So kho aham Aggivessana mukhato ca nasato ca kannato ca assasapassase uparundhim. Tassa mayham Aggivessana mukhato ca nasato ca kannato ca assasapassasesu uparuddhesu adhimatto kayasmim daho hoti. Seyyatha pi Aggivessana dve balavanto purisa dubbalataram purisam nanabahasu gahetva angarakasuya santapeyyum samparitapeyyum, evam-eva kho me Aggivessana mukhato ca nasato ca kannato ca assasapassasesu uparuddhesu adhimatto kayasmim daho hoti. Araddham kho pana me Aggivessana viriyam hoti asallinam, upatthita sati asammuttha, saraddho ca pana me kayo hoti appatippassaddho ten' eva dukkhappadhanena padhanabhitunnassa sato.

Evarupa pi kho me Aggivessana uppanna dukkha vedana cittam na pariyadaya titthati. Api-ssu mam Aggivessana devata disva evam-ahamsu:

[page 245]

kalakato samano Gotamo ti.

Ekacca devata evam-ahamsu: na kalakato samano Gotamo, api ca kalam karotiti. Ekacca devata evam-ahamsu: na kalakato samano Gotamo na pi kalam karoti, araham samano Gotamo, viharo tv-eva so arahato evarupo hotiti.

Tassa mayham Aggivessana etad-ahosi: Yan-nunaham sabbaso aharupacchedaya patipajjeyyan-ti. Atha kho mam Aggivessana devata upasankamitva etad-avocum: Ma kho tvam marisa sabbaso aharupacchedaya patipajji, sace kho tvam marisa sabbaso aharupacchedaya patipajjissasi tassa te mayam dibbam ojam lomakupehi ajjhoharissama, taya tvam yapessasiti. Tassa mayham Aggivessana etad-ahosi: Ahanc' eva kho pana sabbaso ajaddhukam patijaneyyam ima ca me devata dibbam ojam lomakupehi ajjhohareyyum taya caham yapeyyam, tam mama assa musa ti. So kho aham Aggivessana ta devata paccacikkhami, halan-ti vadami.

Tassa mayham Aggivessana etad-ahosi: Yan-nunaham thokam thokam aharam ahareyyam pasatam pasatam, yadi va muggayusam yadi va kulatthayusam yadi va kalayayusam yadi va harenukayusan-ti. So kho aham Aggivessana thokam thokam aharam aharesim pasatam pasatam, yadi va muggayusam yadi va kulatthayusam yadi va kalayayusam yadi va harenukayusam. Tassa mayham Aggivessana thokam thokam aharam aharayato pasatam pasatam, yadi va muggayusam yadi va kulatthayusam yadi va kalayayusam yadi va harenukayusam, adhimattakasimanam patto kayo hoti. Seyyatha pi nama asitikapabbani va kalapabbani va evam-evassu me angapaccangani bhavanti tay' ev' appaharataya, seyyatha pi nama otthapadam evam-eva-ssu me anisadam hoti tay' ev' appaharataya, seyyatha pi nama vattanavali evam eva-ssu me pitthikantako unnatavanato hoti tay' ev' appaharataya, seyyatha pi nama jarasalaya gopanasiyo oluggavilugga bhavanti evam-eva ssu me phasuliyo oluggavilugga bhavanti tay' ev' appaharataya, seyyatha pi nama gambhire udapane udakataraka gambhiragata okkhayika dissanti evameva-ssu me akkhikupesu akkhitaraka gambhiragata okkhayika dissanti tay' ev' appaharataya, seyyatha pi nama tittakalabu amakacchinno vatatapena samputito hoti sammilato evam-eva-ssu me sisacchavi samputita hoti sammilata tay' ev' appaharataya.

[page 246]

So kho aham Aggivessana: udaracchavim parimasissamiti pitthikantakam yeva pariganhami, pitthikantakam parimasissamiti udaracchavim yeva pariganhami.

Yava-ssu me Aggivessana udaracchavi pitthikantakam allina hoti tay' ev' appaharataya. So kho aham Aggivessana:

vaccam va muttam va karissamiti tatth' eva avakujjo papatami tay' ev' appaharataya. So kho aham Aggivessana imam-eva kayam assasento panina gattani anomajjami. Tassa mayham Aggivessana panina gattani anomajjato putimulani lomani kayasma papatanti tay' ev' appaharataya. Api-ssu mam Aggivessana manussa disva evam-ahamsu: kalo samano Gotamo ti. Ekacce manussa evam-ahamsu: na kalo samano Gotamo, samo samano Gotamo ti. Ekacce manussa evam-ahamsu: na kalo samano Gotamo na pi samo, manguracchavi samano Gotamo ti. Yava-ssu me Aggivessana tava parisuddho chavivanno pariyodato upahato hoti tay' ev' appaharataya.

Tassa mayham Aggivessana etad-ahosi: Ye kho keci atitam-addhanam samana va brahmana va opakkamika dukkha tippa katuka vedana vedayimsu, etavaparamam nay-ito bhiyyo; ye pi hi keci anagatam-addhanam samana va brahmana va opakkamika dukkha tippa katuka vedana vedayissanti, etavaparamam na-y-ito bhiyyo; ye pi hi keci etarahi samana va brahmana va opakkamika dukkha tippa katuka vedana vediyanti, etavaparamam na-y-ito bhiyyo.

Na kho panaham imaya katukaya dukkarakarikaya adhigacchami uttarim manussadhamma alamariyananadassanavisesam, siya nu kho anno maggo bodhayati. Tassa mayham Aggivessana etad-ahosi: Abhijanami kho panaham pitu Sakkassa kammante sitaya jambucchayaya nisinno vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharita, siya nu kho eso maggo bodhayati. Tassa mayham Aggivessana satanusari vinnanam ahosi: eso va maggo bodhayati. Tassa mayham Aggivessana etad-ahosi: Kin-nu kho aham tassa sukhassa bhayami yan-tam sukham annatr' eva kamehi annatra akusalehi dhammehiti.

[page 247]

Tassa mayham Aggivessana etad-ahosi: Na kho aham tassa sukhassa bhayami yan-tam sukham annatr' eva kamehi annatra akusalehi dhammehiti.

Tassa mayham Aggivessana etad-ahosi: Na kho tam sukaram sukham adhigantum evam adhimattakasimanam pattakayena, yan-nunaham olarikam aharam ahareyyam odanakummasan-ti. So kho aham Aggivessana olarikam aharam aharesim odanakummasam. Tena kho pana mam Aggivessana samayena panca bhikkhu paccupatthita honti: yanno samano Gotamo dhammam adhigamissati tan-no arocessatiti. Yato kho aham Aggivessana olarikam aharam aharesim {odanakummasam}, atha me te panca bhikkhu nibbijjapakkamimsu: bahuliko samano Gotamo padhanavibbhanto avatto bahullayati.

So kho aham Aggivessana olarikam aharam aharetva balam gahetva vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja vihasim. Evarupa pi kho me Aggivessana uppanna sukha vedana cittam na pariyadaya titthati. Vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja vihasim. Evarupa pi kho me Aggivessana uppanna sukha vedana cittam na pariyadaya titthati. Pitiya ca viraga upekhako ca vihasim sato ca sampajano, sukhan-ca kayena patisamvedesim yan-tam ariya acikkhanti: upekhako satima sukhavihari ti tatiyam jhanam upasampajja vihasim. Evarupa pi kho me Aggivessana uppanna sukha vedana cittam na pariyadaya titthati. Sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja vihasim. Evarupa pi kho me Aggivessana uppanna sukha vedana cittam na pariyadaya titthati.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhininnamesim.

[page 248]

So anekavihitam pubbenivasam anussarami, seyyathidam: ekam-pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim-pi jatiyo timsam-pi jatiyo cattarisam-pi jatiyo pannasam-pi jatiyo jatisatam-pi jatisahassam-pi jatisatasahassam-pi, aneke pi samvattakappe aneke pi vivattakappe aneke pi samvattavivattakappe; amutr' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto amutra uppadim, tatrap' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto idhupapanno ti. Iti sakaram sauddesam anekavihitam pubbenivasam anussarami. Ayam kho me Aggivessana rattiya pathame yame pathama vijja adhigata, avijja vihata vijja uppanna, tamo vihato aloko uppanno, yatha tam appamattassa atapino pahitattassa viharato. Evarupa pi kho me Aggivessana uppanna sukha vedana cittam na pariyadaya titthati.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnamesim. So dibbena cakkhuna visuddhena atikkantamanusakena satte passami cavamane upapajjamane, hine panite suvanne dubbanne sugate duggate yathakammupage satte pajanami: ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana, te kayassa bheda param-marana apayam duggatim vinipatam nirayam upapanna; ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana, te kayassa bheda param-marana sugatim saggam lokam upapanna ti. Iti dibbena cakkhuna visuddhena atikkantamanusakena satte passami cavamane upapajjamane, hine panite suvanne dubbanne sugate duggate yathakammupage satte pajanami. Ayam kho me Aggivessana rattiya majjhime yame dutiya vijja adhigata, avijja vihata vijja uppanna, tamo vihato aloko uppanno,

[page 249]

yatha tam appamattassa atapino pahitattassa viharato. Evarupa pi kho me Aggivessana uppanna sukha vedana cittam na pariyadaya titthati.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhininnamesim. So: idam dukkhan-ti yathabhutam abbhannasim, ayam dukkhasamudayo ti yathabhutam abbhannasim, ayam dukkhanirodho ti yathabhutam abbannasim, ayam dukkhanirodhagamini patipada ti yathabhutam abbhannasim; ime asava ti yathabhutam abbhannasim. ayam asavasamudayo ti yathabhutam abbhannasim, ayam asavanirodho ti yathabhutam abbhannasim, ayam asavanirodhagamini patipada ti yathabhutam abbhannasim.

Tassa me evam janato evam passato kamasava pi cittam vimuccittha, bhavasava pi cittam vimuccittha, avijjasava pi cittam vimuccittha, vimuttasmim vimuttam-iti nanam ahosi; khina jati, vusitam brahmacariyam, katam karaniyam naparam itthattayati abbhannasim. Ayam kho me Aggivessana rattiya pacchime yame tatiya vijja adhigata, avijja vihata vijja uppanna, tamo vihato aloko uppanno, yatha tam appamattassa atapino pahitattassa viharato. Evarupa pi kho me Aggivessana uppanna sukha vedana cittam na pariyadaya titthati.

Abhijanami kho panaham Aggivessana anekasataya parisaya dhammam deseta. api-ssu mam ekameko evam mannati:

mam-ev' arabbha samano Gotamo dhammam desesiti. Na kho pan' etam Aggivessana evam datthabbam, yavad-eva vinnapanatthaya Tathagato paresam dhammam deseti. So kho aham Aggivessana tassa yeva kathaya pariyosane tasmim yeva purimasmim samadhinimitte ajjhattam-eva cittam santhapemi sannisademi ekodikaromi samadahami, yena sudam niccakappam niccakappam viharamiti. - Okappaniyam-etam bhoto Gotamassa yatha tam arahato sammasambuddhassa.

Abhijanati pana bhavam Gotamo diva supita ti. - Abhijanam' aham Aggivessana gimhanam pacchime mase pacchabhattam pindapatapatikkanto catuggunam sanghatim pannapetva dakkhinena passena sato sampajano niddam okkamita ti. - Etam kho bho Gotama eke samanabrahmana sammohaviharasmim vadantiti.

[page 250]

- Na kho Aggivessana ettavata sammulho va hoti asammulho va. Api ca Aggivessana yatha sammulho ca hoti asammulho ca, tam sunahi, sadhukam manasikarohi, bhasissamiti. - Evam bho ti kho Saccako Niganthaputto Bhagavato paccassosi. Bhagava etad-avoca:

Yassa kassaci Aggivessana ye asava sankilesika ponobhavika sadara dukkhavipaka ayatim jatijaramaraniya appahina, tam-aham sammulho ti vadami. Asavanam hi Aggivessana appahana sammulho hoti. Yassa kassaci Aggivessana ye asava sankilesika ponobhavika sadara dukkhavipaka ayatim jatijaramaraniya pahina, tam-aham asammulho ti vadami. Asavanam hi Aggivessana pahana asammulho hoti.

Tathagatassa kho Aggivessana ye asava sankilesika ponobhavika sadara dukkhavipaka ayatim jatijaramaraniya pahina ucchinnamula talavatthukata anabhavakata ayatim anuppadadhamma. Seyyatha pi Aggivessana talo matthakacchinno abhabbo puna virulhiya, evam-eva kho Aggivessana Tathagatassa ye asava sankilesika ponobhavika sadara dukkhavipaka ayatim jatijaramaraniya pahina ucchinnamula talavatthukata anabhavakata ayatim anuppadadhamma ti.

Evam vutte Saccako Niganthaputto Bhagavantam etadavoca: Acchariyam bho Gotama, abbhutam bho Gotama, yavan-c' idam bhoto Gotamassa evam asajja asajja vuccamanassa upanitehi vacanapathehi samudacariyamanassa chavivanno c' eva pariyodayati mukhavanno ca vippasidati, yatha tam arahato sammasambuddhassa. Abhijanam' aham bho Gotama Puranam Kassapam vadena vadam samarabhita, so pi maya vadena vadam samaraddho annen' annam paticari, bahiddha katham apanamesi, kopan-ca dosan-ca appaccayan-ca patvakasi. Bhoto pana Gotamassa evam asajja asajja vuccamanassa upanitehi vacanapathehi samudacariyamanassa chavivanno c' eva pariyodayati mukhavanno ca vippasidati, yatha tam araharo sammasambuddhassa. Abhijanam' aham bho Gotama Makkhalim Gosalam - Ajitam Kesakambalam - Pakudham Kaccayanam - Sanjayam Belatthaputtam - Nigantham Nathaputtam vadena vadam samarabhita, so pi maya vadena vadam samaraddho annen' annam paticari,

[page 251]

bahiddha katham apanamesi, kopan-ca dosanca appaccayan-ca patvakasi. Bhoto pana Gotamassa evam asajja asajja vuccamanassa upanitehi vacanapathehi samudacariyamanassa chavivanno c' eva pariyodayati mukhavanno ca vippasidati, yatha tam arahato sammasambuddhassa.

Handa ca dani mayam bho Gotama gacchama, bahukicca mayam bahukaraniya ti. - Yassa dani tvam Aggivessana kalam mannasiti.

Atha kho Saccako Niganthaputto Bhagavato bhasitam abhinanditva anumoditva utthay' asana pakkamiti.

MAHASACCAKASUTTAM CHATTHAM.

 


 

XXXVII. Cula Tanha Sankhaya Suttam

Evam-me sutam. Ekam samayam Bhagava Savatthiyam viharati Pubbarame Migaramatu pasade. Atha kho Sakko devanam-indo yena Bhagava ten' upasankami, upasankamitva Bhagavantam abhivadetva ekamantam atthasi. Ekamantam thito kho Sakko devanam-indo Bhagavantam etad-avoca:

Kittavata nu kho bhante bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussanan-ti.

Idha devanam-inda bhikkhuno sutam hoti: sabbe dhamma nalam abhinivesayati. Evan-ca tam devanam-inda bhikkhuno sutam hoti: sabbe dhamma nalam abhinivesayati, so sabbam dhammam abhijanati, sabbam dhammam abhinnaya sabbam dhammam parijanati, sabbam dhammam parinnaya yam kanci vedanam vedeti, sukham va dukkham va adukkhamasukham va, so tasu vedanasu aniccanupassi viharati, viraganupassi viharati, nirodhanupassi viharati, patinissagganupassi viharati; so tasu vedanasu aniccanupassi viharanto, viraganupassi viharanto, nirodhanupassi viharanto, patinissagganupassi viharanto na kinci loke upadiyati, anupadiyam na paritassati, aparitassam paccattan-neva parinibbayati;

[page 252]

khina jati, vusitam brahmacariyam, katam karaniyam naparam itthattayati pajanati. Ettavata kho devanaminda bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussanan-ti. Atha kho Sakko devanamindo Bhagavato bhasitam abhinanditva anumoditva Bhagavantam abhivadetva padakkhinam katva tatth' ev' antaradhayi.

Tena kho pana samayena ayasma Mahamoggallano Bhagavato avidure nisinno hoti. Atha kho ayasmato Mahamoggallanassa etad-ahosi: Kin-nu kho so yakkho Bhagavato bhasitam abhisamecca anumodi udahu no; yan-nunaham tam yakkham janeyyam yadi va so yakkho Bhagavato bhasitam abhisamecca anumodi yadi va no ti. Atha kho ayasma Mahamoggallano seyyatha pi nama balava puriso saminjitam va baham pasareyya pasaritam va baham saminjeyya evam-eva Pubbarame Migaramatu pasade antarahito devesu Tavatimsesu paturahosi. Tena kho pana samayena Sakko devanam-indo ekapundarike uyyane dibbehi pancahi turiyasatehi samappito samangibhuto paricareti. Addasa kho Sakko devanam-indo ayasmantam Mahamoggallanam durato va agacchantam, disvana tani dibbani panca turiyasatani patippanametva yen' ayasma Mahamoggallano ten' upasankami, upasankamitva ayasmantam Mahamoggallanam etadavoca: Ehi kho marisa Moggallana, sagatam marisa Moggallana, cirassam kho marisa Moggallana imam pariyayamakasi yadidam idh' agamanaya, nisida marisa Moggallana, idam-asanam pannattan-ti. Nisidi kho ayasma Mahamoggallano pannatte asane. Sakko pi kho devanam-indo annataram nicam asanam gahetva ekamantam nisidi. Ekamantam nisinnam kho Sakkam devanam-indam ayasma Mahamoggallano etad-avoca:

Yathakatham pana te Kosiya Bhagava sankhittena tanhasankhayavimuttim abhasi, sadhu mayam-pi etissa kathaya bhagino assama savanayati. - Mayam kho marisa Moggallana bahukicca, mayam bahukaraniya, app-eva sakena karaniyena api ca devanam yeva Tavatimsanam karaniyena.

Api ca marisa Moggallana sussutam yeva hoti suggahitam sumanasikatam supadharitam yan-no khippam-eva antaradhayati.

[page 253]

Bhutapubbam marisa Moggallana devasurasangamo samupabbulho ahosi. Tasmim kho pana marisa Moggallana sangame deva jinimsu, asura parajinimsu. So kho aham marisa Moggallana tam sangamam abhivijinitva vijitasangamo tato patinivattitva Vejayantam nama pasadam mapesim.

Vejayantassa kho pana marisa Moggallana pasadassa ekasatam niyyuham, ekamekasmim niyyuhe satta satta kutagarasatani, ekamekasmim kutagare satta satta accharayo, ekamekissa accharaya satta satta paricarikayo. Iccheyyasi no tvam marisa Moggallana Vejayantassa pasadassa ramaneyyakam datthun-ti. Adhivasesi kho ayasma Mahamoggallano tunhibhavena.

Atha kho Sakko ca devanam-indo Vessavano ca maharaja ayasmantam Mahamoggallanam purakkhatva yena Vejayanto pasado ten' upasankamimsu. Addasasum kho Sakkassa devanam-indassa paricarikayo ayasmantam Mahamoggallanam durato va agacchantam, disvana ottapamana hiriyamana sakam sakam ovarakam pavisimsu. Seyyatha pi nama sunisa sasuram disva ottapati hiriyati, evam-evam Sakkassa devanam-indassa paricarikayo ayasmantam Mahamoggallanam disva ottapamana hiriyamana sakam sakam ovarakam pavisimsu. Atha kho Sakko ca devanam-indo Vessavano ca maharaja ayasmantam Mahamoggallanam Vejayante pasade anucankamapenti anuvicarapenti: idam-pi marisa Moggallana passa Vejayantassa pasadassa ramaneyyakam, idam-pi marisa Moggallana passa Vejayantassa pasadassa ramaneyyakan-ti. - Sobhat' idam ayasmato Kosiyassa yatha tam pubbe katapunnassa, manussa pi kincid-eva ramaneyyakam dittha evam-ahamsu: sobhati vata bho devanam Tavatimsanan-ti, ta-y-idam ayasmato Kosiyassa sobhati yatha tam pubbe katapunnassati. Atha kho ayasmato Mahamoggallanassa etad-ahosi: Atibalham kho ayam yakkho pamatto viharati, yan-nunaham imam yakkham samvejeyyan-ti. Atha kho ayasma Mahamoggallano tatharupam iddhabhisankharam abhisankhasi yatha Vejayantam pasadam padangutthakena sankampesi sampakampesi sampavedhesi.

[page 254]

Atha kho Sakko ca devanam-indo Vessavano ca maharaja deva ca Tavatimsa acchariyabbhutacittajata ahesum:

Acchariyam vata bho abbhutam vata bho samanassa mahiddhikata mahanubhavata, yatra hi nama dibbam bhavanam padangutthakena sankampessati sampakampessati sampavedhessatiti. Atha kho ayasma Mahamoggallano Sakkam devanam-indam samviggam lomahatthajatam viditva Sakkam devanam-indam etad-avoca:

Yathakatham pana te Kosiya Bhagava sankhittena tanhasankhayavimuttim abhasi, sadhu mayam-pi etissa kathaya bhagino assama savanayati. - Idhaham marisa Moggallana yena Bhagava ten' upasankamim, upasankamitva Bhagavantam abhivadetva ekamantam atthasim. Ekamantam thito kho aham marisa Moggallana Bhagavantam etad-avocam: Kittavata nu kho bhante bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussanan-ti. Evam vutte marisa Moggallana Bhagava mam etad-avoca: Idha devanam-inda bhikkhuno sutam hoti: sabbe dhamma nalam abhinivesayati. Evan-ce tam devanam-inda bhikkhuno sutam hoti: sabbe dhamma nalam abhinivesayati, so sabbam dhammam abhijanati, sabbam dhammam abhinnaya sabbam dhammam parijanati, sabbam dhammam parinnaya yam kanci vedanam vedeti, sukham va dukkham va adukkhamasukham va, so tasu vedanasu aniccanupassi viharati, viraganupassi viharati, nirodhanupassi viharati, patinissagganupassi viharati; so tasu vedanasu aniccanupassi viharanto, viraganupassi viharanto, nirodhanupassi viharanto, patinissagganupassi viharanto na kinci loke upadiyati, anupadiyam na paritassati, aparitassam paccattan-neva parinibbayati; khina jati, vusitam brahmacariyam, katam karaniyam naparam itthattayati pajanati. Ettavata kho devanam-inda bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussanan-ti. Evam kho me marisa Moggallana Bhagava sankhittena tanhasankhayavimuttim abhasiti. Atha kho ayasma Mahamoggallano Sakkassa devanam-indassa bhasitam abhinanditva anumoditva seyyatha pi nama balava puriso saminjitam va baham pasareyya pasaritam va baham saminjeyya evam-evam devesu Tavatimsesu antarahito Pubbarame Migaramatu pasade paturahosi.

[page 255]

Atha kho Sakkassa devanam-indassa paricarikayo acirapakkante ayasmante Mahamoggallane Sakkam devanam-indam etad-avocum:

Eso nu te marisa so Bhagava sattha ti. - Na kho me marisa so Bhagava sattha, sabrahmacari me eso. ayasma Mahamoggallano ti. - Labha te marisa yassa te sabrahmacari evam mahiddhiko evam mahanubhavo, aho nuna te so Bhagava sattha ti.

Atha kho ayasma Mahamoggallano yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho ayasma Mahamoggallano Bhagavantam etad-avoca: Abhijanati no bhante Bhagava ahu tan-neva annatarassa mahesakkhassa yakkhassa sankhittena tanhasankhayavimuttim abhasitthati. - Abhijanam' aham Moggallana: idha Sakko devanam-indo yenaham ten' upasankami, upasankamitva mam abhivadetva ekamantam atthasi. Ekamantam thito kho Moggallana Sakko devanam-indo mam etad-avoca: Kittavata nu kho bhante bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussanan-ti. Evam vutte aham Moggallana Sakkam devanam-indam etad-avocam: Idha devanaminda bhikkhuno sutam hoti: sabbe dhamma nalam abhinivesayati. Evan-ce tam devanam-inda bhikkhuno sutam hoti: sabbe dhamma nalam abhinivesayati, so sabbam dhammam abhijanati, sabbam dhammam abhinnaya sabbam dhammam parijanati, sabbam dhammam parinnaya yam kanci vedanam vedeti, sukham va dukkham va adukkhamasukham va, so tasu vedanasu aniccanupassi viharati, viraganupassi viharati, nirodhanupassi viharati, patinissagganupassi viharati; so tasu vedanasu aniccanupassi viharanto, viraganupassi viharanto, nirodhanupassi viharanto, patinissagganupassi viharanto na kinci loke upadiyati, anupadiyam na paritassati, aparitassam paccattan-neva parinibbayati; khina jati, vusitam brahmacariyam,

[page 256]

katam karaniyam naparam itthattayati pajanati.

Ettavata kho devanam-inda bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussananti. Evam kho aham Moggallana abhijanami Sakkassa devanam-indassa sankhittena tanhasankhayavimuttim bhasita ti.

Idam-avoca Bhagava. Attamano ayasma Mahamoggallano Bhagavato bhasitam abhinanditi.

CULATANHASANKHAYASUTTAM SATTAMAM.

 


 

XXXVIII. Maha Tanha Sankhaya Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tena kho pana samayena Satissa nama bhikkhuno kevattaputtassa evarupam papakam ditthigatam uppannam hoti: Tatha 'ham Bhagavata dhammam desitam ajanami yatha tad-ev' idam vinnanam sandhavati samsarati, anannan-ti. Assosum kho sambahula bhikkhu: Satissa kira nama bhikkhuno kevattaputtassa evarupam papakam ditthigatam uppannam: Tatha 'ham Bhagavata dhammam desitam ajanami yatha tad-ev' idam vinnanam sandhavati samsarati, anannan-ti. Atha kho te bhikkhu yena Sati bhikkhu kevattaputto ten' upasankamimsu, upasankamitva Satim bhikkhum kevattaputtam etadavocum: Saccam kira te avuso Sati evarupam papakam ditthigatam uppannam: Tatha 'ham Bhagavata ... anannanti. - Evam bya kho aham avuso Bhagavata dhammam desitam ajanami yatha tad-ev' idam vinnanam sandhavati samsarati, anannan-ti. Atha kho te bhikkhu Satim bhikkhum kevattaputtam etasma papaka ditthigata vivecetukama samanuyunjanti samanugahanti samanubhasanti: Ma evam avuso Sati avaca, ma Bhagavantam abbhacikkhi, na hi sadhu Bhagavato abbhakkhanam, na hi Bhagava evam vadeyya.

Anekapariyayena h' avuso Sati paticcasamuppannam vinnanam vuttam Bhagavata:

[page 257]

annatra paccaya na-tthi vinnanassa sambhavo ti. Evam-pi kho Sati bhikkhu kevattaputto tehi bhikkhuhi samanuyunjiyamano samanugahiyamano samanubhasiyamano tad-eva papakam ditthigatam thamasa paramassa abhinivissa voharati: Evam bya kho aham avuso Bhagavata ... anannan-ti.

Yato kho te bhikkhu nasakkhimsu Satim bhikkhum kevattaputtam etasma papaka ditthigata vivecetum atha yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinna kho te bhikkhu Bhagavantam etad-avocum: Satissa nama bhante bhikkhuno kevattaputtassa evarupam papakam ditthigatam uppannam: Tatha 'ham Bhagavata ... anannan-ti. Assumha kho mayam bhante: Satissa kira nama bhikkhuno kevattaputtassa evarupam papakam ditthigatam uppannam: Tatha 'ham Bhagavata ... anannan-ti. Atha kho mayam bhante yena Sati bhikkhu kevattaputto ten' upasankamimha, upasankamitva Satim bhikkhum kevattaputtam etad-avocumha:

Saccam kira te avuso Sati evarupam papakam ditthigatam uppannam: Tatha 'ham Bhagavata ... anannan-ti. Evam vutte bhante Sati bhikkhu kevattaputto amhe etad-avoca:

Evam bya kho aham avuso Bhagavata ... anannan-ti. Atha kho mayam bhante Satim bhikkhum kevattaputtam etasma papaka ditthigata vivecetukama samanuyunjimha samanugahimha samanubhasimha: Ma evam avuso Sati avaca, ma Bhagavantam abbhacikkhi, na hi sadhu Bhagavato abbhakkhanam, na hi Bhagava evam vadeyya. Anekapariyayena h' avuso Sati paticcasamuppannam vinnanam vuttam Bhagavata: annatra paccaya na-tthi vinnanassa sambhavo ti.

Evam-pi kho bhante Sati bhikkhu kevattaputto amhehi samanuyunjiyamano samanugahiyamano samanubhasiyamano tad-eva papakam ditthigatam thamasa paramassa abhinivissa voharati: Evam bya kho aham avuso Bhagavata ... anannan-ti. Yato kho mayam bhante nasakkhimha Satim bhikkhum kevattaputtam etasma papaka ditthigata vivecetum atha mayam etam-attham Bhagavato arocemati.

Atha kho Bhagava annataram bhikkhum amantesi: Ehi{tvam} bhikkhu mama vacanena Satim bhikkhum kevattaputtam amantehi:

[page 258]

Sattha tam avuso Sati amantetiti. Evam bhante ti kho so bhikkhu Bhagavato patissutva yena Sati bhikkhu kevattaputto ten' upasankami, upasankamitva Satim bhikkhum kevattaputtam etad-avoca: Sattha tam avuso Sati amantetiti. Evam-avuso ti kho Sati bhikkhu kevattaputto tassa bhikkhuno patissutva yena Bhagava ten' upasankami.

upasankamitva Bhagavantam abhivadetva ekamantam nisidi.

Ekamantam nisinnam kho Satim bhikkhum kevattaputtam Bhagava etad-avoca: Saccam kira te Sati evarupam papakam ditthigatam uppannam: Tatha 'ham Bhagavata dhammam desitam ajanami yatha tad-ev' idam vinnanam sandhavati samsarati, anannan-ti. - Evam bya kho aham bhante Bhagavata dhammam desitam ajanami yatha tad-ev' idam vinnanam sandhavati samsarati, anannan-ti. - Kataman-tam Sati vinnanan-ti. - Yvayam bhante vado vedeyyo tatra tatra kalyanapapakanam kammanam vipakam patisamvedetiti. -Kassa nu kho nama tvam moghapurisa maya evam dhammam desitam ajanasi. Nanu maya moghapurisa anekapariyayena paticcasamuppannam vinnanam vuttam. annatra paccaya natthi vinnanassa sambhavo ti. Atha ca pana tvam moghapurisa attana duggahitena amhe c' eva abbhacikkhasi attanan-ca khanasi bahun-ca apunnam pasavasi. Tam hi te moghapurisa bhavissati digharattam ahitaya dukkhayati.

Atha kho Bhagava bhikkhu amantesi: Tam kim-mannatha bhikkhave: api nayam Sati bhikkhu kevattaputto usmikato pi imasmim dhammavinaye ti. - Kim hi siya bhante, no h' etam bhante ti. Evam vutte Sati bhikkhu kevattaputto tunhibhuto mankubhuto pattakkhandho adhomukho pajjhayanto appatibhano nisidi. Atha kho Bhagava Satim bhikkhum kevattaputtam tunhibhutam mankubhutam pattakkhandham adhomukham pajjhayantam appatibhanam viditva Satim bhikkhum kevattaputtam etad-avoca: Pannayissasi kho tvam moghapurisa etena sakena papakena ditthigatena, idhaham bhikkhu patipucchissamiti. Atha kho Bhagava bhikkhu amantesi: Tumhe pi me bhikkhave evam dhammam desitam ajanatha yatha 'yam Sati bhikkhu kevattaputto attana duggahitena amhe c' eva abbhacikkhati attanan-ca khanati bahun-ca apunnam pasavatiti.

[page 259]

- No h' etam bhante, anekapariyayena hi no bhante paticcasamuppannam vinnanam vuttam Bhagavata: annatra paccaya natthi vinnanassa sambhavo ti. - Sadhu bhikkhave, sadhu kho me tumhe bhikkhave evam dhammam desitam ajanatha.

Anekapariyayena hi vo bhikkhave paticcasamuppannam vinnanam vuttam maya: annatra paccaya na-tthi vinnanassa sambhavo ti. Atha ca panayam Sati bhikkhu kevattaputto attana duggahitena amhe c' eva abbhacikkhati attanan-ca khanati bahun-ca apunnam pasavati. Tam hi tassa moghapurisassa bhavissati digharattam ahitaya dukkhaya.

Yan-nad-eva bhikkhave paccayam paticca uppajjati vinnanam tena ten' eva sankham gacchati: cakkhun-ca paticca rupe ca uppajjati vinnanam, cakkhuvinnanan-t' eva sankham gacchati; sotan-ca paticca sadde ca uppajjati vinnanam, sotavinnanan-t' eva sankham gacchati; ghanan-ca paticca gandhe ca uppajjati vinnanam, ghanavinnanan-t' eva sankham gacchati; jivhan-ca paticca rase ca uppajjati vinnanam, jivhavinnanan-t' eva sankham gacchati; kayan-ca paticca photthabbe ca uppajjati vinnanam, kayavinnanan-t' eva sankham gacchati; manan-ca paticca dhamme ca uppajjati vinnanam, manovinnanan-t' eva sankham gacchati.

Seyyatha pi bhikkhave {yan-nad-eva} paccayam paticca aggi jalati tena ten' eva sankham gacchati: katthan-ca paticca aggi jalati, katthaggi t' eva sankham gacchati; sakalikan-ca paticca aggi jalati, sakalikaggi t' eva sankham gacchati; tinan-ca paticca aggi jalati, tinaggi t' eva sankham gacchati; gomayan-ca paticca aggi jalati, gomayaggi t' eva sankham gacchati; thusan-ca paticca aggi jalati, thusaggi t' eva sankham gacchati; sankaran-ca paticca aggi jalati, sankaraggi t' eva sankham gacchati; evam-eva kho bhikkhave yan-nadeva paccayam paticca uppajjati vinnanam tena ten' eva sankham gacchati: cakkhun-ca paticca rupe ca uppajjati vinnanam, cakkhuvinnanan-t' eva sankham gacchati; sotan-ca paticca sadde ca uppajjati vinnanam, sotavinnanan-t' eva sankham gacchati; ghanan-ca paticca gandhe ca uppajjati vinnanam,

[page 260]

ghanavinnanan-t' eva sankham gacchati; jivhanca paticca rase ca uppajjati vinnanam, jivhavinnanan-t' eva sankham gacchati; kayan-ca paticca photthabbe ca uppajjati vinnanam, kayavinnanan-t' eva sankham gacchati; mananca paticca dhamme ca uppajjati vinnanam, manovinnanan-t' eva sankham gacchati.

Bhutam-idan-ti bhikkhave passathati. - Evam-bhante.

-- Tadaharasambhavan-ti bhikkhave passathati. - Evambhante. - Tadaharanirodha yam bhutam tam nirodhadhamman-ti bhikkhave passathati. - Evam-bhante. - Bhutamidam no-ssuti bhikkhave kankhato uppajjati vicikiccha ti.

-- Evam-bhante. - Tadaharasambhavam no-ssuti bhikkhave kankhato uppajjati vicikiccha ti. - Evam-bhante. - Tadaharanirodha yam bhutam tam nirodhadhammam no-ssuti kankhato uppajjati vicikiccha ti. - Evam-bhante. - Bhutam-idan-ti bhikkhave yathabhutam sammappannaya passato ya vicikiccha sa pahiyatiti. - Evam-bhante. - Tadaharasambhavan-ti bhikkhave yathabhutam sammappannaya passato ya vicikiccha sa pahiyatiti. - Evam-bhante. - Tadaharanirodha yam bhutam tam nirodhadhamman-ti bhikkhave yathabhutam sammappannaya passato ya vicikiccha sa pahiyatiti. - Evam-bhante. - Bhutam-idan-ti bhikkhave iti pi vo ettha nivicikiccha ti. - Evam-bhante. - Tadaharasambhavan-ti bhikkhave iti pi vo ettha nivicikiccha ti. - Evambhante. - Tadaharanirodha yam bhutam tam nirodhadhamman-ti bhikkhave iti pi vo ettha nivicikiccha ti. - Evambhante. - Bhutam-idan-ti bhikkhave yathabhutam sammappannaya suditthan-ti.- Evam-bhante. - Tadaharasambhavan-ti bhikkhave yathabhutam sammappannaya suditthanti. - Evam-bhante. - Tadaharanirodha yam bhutam tam nirodhadhamman-ti bhikkhave yathabhutam sammappannaya suditthan-ti. - Evam-bhante. - Imam ce tumhe bhikkhave ditthim evam parisuddham evam pariyodatam alliyetha kelayetha dhanayetha mamayetha, api nu tumhe bhikkhave kullupamam dhammam desitam ajaneyyatha nittharanatthaya no gahanatthayati. - No h' etam bhante. - Imam ce tumhe bhikkhave ditthim evam parisuddham evam pariyodatam na alliyetha na kelayetha na dhanayetha na mamayetha,

[page 261]

api nu tumhe bhikkhave kullupamam dhammam desitam ajaneyyatha nittharanatthaya no gahanatthayati. -Evam-bhante.

Cattaro 'me bhikkhave ahara bhutanam va sattanam thitiya sambhavesinam va anuggahaya, katame cattaro: kabalimkaro aharo olariko va sukhumo va, phasso dutiyo, manosancetana tatiya, vinnanam catuttham. Ime ca bhikkhave cattaro ahara kimnidana kimsamudaya kimjatika kimpabhava:

ime cattaro ahara tanhanidana tanhasamudaya tanhajatika tanhapabhava. Tanha cayam bhikkhave kimnidana k. k.

kimpabhava: tanha vedananidana v. v. vedanapabhava.

Vedana cayam bhikkhave kimnidana k. k. kimpabhava: vedana phassanidana ph. ph. phassapabhava. Phasso cayam bhikkhave kimnidano k. k. kimpabhavo: phasso salayatananidano s. s. salayatanapabhavo. Salayatanan-c' idam bhikkhave kimnidanam k. k. kimpabhavam: salayatanam namarupanidanam n. n. namarupapabhavam. Namarupan-c' idam bhikkhave kimnidanam k. k. kimpabhavam: namarupam vinnananidanam v. v. vinnanapabhavam. Vinnanan-c' idam bhikkhave kimnidanam k. k. kimpabhavam: vinnanam sankharanidanam s. s.

sankharapabhavam. Sankhara c' ime bhikkhave kimnidana kimsamudaya kimjatika kimpabhava: sankhara avijjanidana avijjasamudaya avijjajatika avijjapabhava. Iti kho bhikkhave avijjapaccaya sankhara, sankharapaccaya vinnanam, vinnanapaccaya namarupam, namarupapaccaya salayatanam, salayatanapaccaya phasso, phassapaccaya vedana, vedanapaccaya tanha, tanhapaccaya upadanam, upadanapaccaya bhavo, bhavapaccaya jati, jatipaccaya jaramaranam sokaparidevadukkhadomanassupayasa sambhavanti, evam-etassa kevalassa dukkhakkhandhassa samudayo hoti.

Jatipaccaya jaramaranan-ti iti kho pan' etam vuttam; jatipaccaya nu kho bhikkhave jaramaranam no va, katham va ettha hotiti. - Jatipaccaya bhante jaramaranam, evam no ettha hoti: jatipaccaya jaramaranan-ti. - Bhavapaccaya jatiti iti kho pan' etam vuttam; bhavapaccaya nu kho bhikkhave jati no va, katham va ettha hotiti. - Bhavapaccaya bhante jati,

[page 262]

evam no ettha hoti: bhavapaccaya jatiti. -Upadanapaccaya bhavo ti iti kho pan' etam vuttam; upadanapaccaya nu kho bhikkhave bhavo no va, katham va ettha hotiti. - Upadanapaccaya bhante bhavo, evam no ettha hoti: upadanapaccaya bhavo ti. - Tanhapaccaya upadanan-ti iti kho pan' etam vuttam; tanhapaccaya nu kho bhikkhave upadanam no va, katham va ettha hotiti. -Tanhapaccaya bhante upadanam, evam no ettha hoti: tanhapaccaya upadanan-ti. - Vedanapaccaya tanha ti iti kho pan' etam vuttam; vedanapaccaya nu kho bhikkhave tanha no va, katham va ettha hotiti. - Vedanapaccaya bhante tanha, evam no ettha hoti: vedanapaccaya tanha ti. - Phassapaccaya vedana ti iti kho pan' etam vuttam; phassapaccaya nu kho bhikkhave vedana no va, katham va ettha hotiti. -Phassapaccaya bhante vedana, evam no ettha hoti: phassapaccaya vedana ti. - Salayatanapaccaya phasso ti iti kho pan' etam vuttam; salayatanapaccaya nu kho bhikkhave phasso no va, katham va ettha hotiti. - Salayatanapaccaya bhante phasso, evam no ettha hoti: salayatanapaccaya phasso ti. - Namarupapaccaya salayatanan-ti iti kho pan' etam vuttam; namarupapaccaya nu kho bhikkhave salayatanam no va, katham va ettha hotiti. - Namarupapaccaya bhante salayatanam, evam no ettha hoti. - namarupapaccaya salayatanan-ti. - Vinnanapaccaya namarupan-ti iti kho pan' etam vuttam; vinnanapaccaya nu kho bhikkhave namarupam no va, katham va ettha hotiti. - Vinnanapaccaya bhante namarupam, evam no ettha hoti: vinnanapaccaya namarupanti. - Sankharapaccaya vinnanan-ti iti kho pan' etam vuttam; sankharapaccaya nu kho bhikkhave vinnanam no va, katham va ettha hotiti. - Sankharapaccaya bhante vinnanam, evam no ettha hoti: sankharapaccaya vinnanan-ti. - Avijjapaccaya sankhara ti iti kho pan' etam vuttam; avijjapaccaya nu kho bhikkhave sankhara no va, katham va ettha hotiti.

-- Avijjapaccaya bhante sankhara, evam no ettha hoti:

avijjapaccaya sankhara ti.

Sadhu bhikkhave. Iti kho bhikkhave tumhe pi evam vadetha aham-pi evam vadami: [Iti] imasmim sati idam hoti, imass' uppada idam uppajjati,

[page 263]

yadidam avijjapaccaya sankhara, sankharapaccaya vinnanam. vinnanapaccaya namarupam, namarupapaccaya salayatanam, salayatanapaccaya phasso, phassapaccaya vedana, vedanapaccaya tanha, tanhapaccaya upadanam, upadanapaccaya bhavo, bhavapaccaya jati, jatipaccaya jaramaranam sokaparidevadukkhadomanassupayasa sambhavanti, evam-etassa kevalassa dukkhakkhandhassa samudayo hoti. Avijjaya tv-eva asesaviraganirodha sankharanirodho, sankharanirodha vinnananirodho, vinnananirodha namarupanirodho, namarupanirodha salayatananirodho, salayatananirodha phassanirodho, phassanirodha vedananirodho, vedananirodha tanhanirodho, tanhanirodha upadananirodho, upadananirodha bhavanirodho, bhavanirodha jatinirodho, jatinirodha jaramaranam sokaparidevadukkhadomanassupayasa nirujjhanti, evam-etassa kevalassa dukkhakkhandhassa nirodho hoti.

Jatinirodha jaramarananirodho ti iti kho pan' etam vuttam; jatinirodha nu kho bhikkhave jaramarananirodho no va, katham va ettha hotiti. - Jatinirodha bhante jaramarananirodho, evam no ettha hoti: jatinirodha jaramarananirodho ti. - Bhavanirodha jatinirodho ti iti kho pan' etam vuttam; bhavanirodha nu kho bhikkhave jatinirodho no va, katham va ettha hotiti. - Bhavanirodha bhante jatinirodho, evam no ettha hoti: bhavanirodha jatinirodho ti. - Upadananirodha bhavanirodho ti iti kho pan' etam vuttam; upadananirodha nu kho bhikkhave bhavanirodho no va, katham va ettha hotiti. - Upadananirodha bhante bhavanirodho, evam no ettha hoti: upadananirodha bhavanirodho ti. - Tanhanirodha upadananirodho ti iti kho pan' etam vuttam; tanhanirodha nu kho bhikkhave upadananirodho no va, katham va ettha hotiti. - Tanhanirodha bhante upadananirodho, evam no ettha hoti: tanhanirodha upadananirodho ti. - Vedananirodha tanhanirodho ti iti kho pan' etam vuttam; vedananirodha nu kho bhikkhave tanhanirodho no va, katham va ettha hotiti. - Vedananirodha bhante tanhanirodho, evam no ettha hoti: vedananirodha tanhanirodho ti. - Phassanirodha vedananirodho ti iti kho pan' etam vuttam; phassanirodha nu kho bhikkhave vedananirodho no va,

[page 264]

katham va ettha hotiti. - Phassanirodha bhante vedananirodho, evam no ettha hoti: phassanirodha vedananirodho ti. - Salayatananirodha phassanirodho ti iti kho pan' etam vuttam; salayatananirodha nu kho bhikkhave phassanirodho no va, katham va ettha hotiti. - Salayatananirodha bhante phassanirodho, evam no ettha hoti: salayatananirodha phassanirodho ti. -Namarupanirodha salayatananirodho ti iti kho pan' etam vuttam; namarupanirodha nu kho bhikkhave salayatananirodho no va, katham va ettha hotiti. - Namarupanirodha bhante salayatananirodho, evam no ettha hoti: namarupanirodha salayatananirodho ti. - Vinnananirodha namarupanirodho ti iti kho pan' etam vuttam; vinnananirodha nu kho bhikkhave namarupanirodho no va, katham va ettha hotiti.

-- Vinnananirodha bhante namarupanirodho, evam no ettha hoti: vinnananirodha namarupanirodho ti. - Sankharanirodha vinnananirodho ti iti kho pan' etam vuttam, sankharanirodha nu kho bhikkhave vinnananirodho no va, katham va ettha hotiti. - Sankharanirodha bhante vinnananirodho, evam no ettha hoti: sankharanirodha vinnananirodho ti. - Avijjanirodha sankharanirodho ti iti kho pan' etam vuttam; avijjanirodha nu kho bhikkhave sankharanirodho no va, katham va ettha hotiti. - Avijjanirodha bhante sankharanirodho, evam no ettha hoti: avijjanirodha sankharanirodho ti.

Sadhu bhikkhave. Iti kho bhikkhave tumhe pi evam vadetha aham-pi evam vadami: Imasmim asati idam na hoti, imassa nirodha idam nirujjhati, yadidam avijjanirodha sankharanirodho, sankharanirodha vinnananirodho, vinnananirodha namarupanirodho, namarupanirodha salayatananirodho, salayatananirodha phassanirodho, phassanirodha vedananirodho, vedananirodha tanhanirodho, tanhanirodha upadananirodho, upadananirodha bhavanirodho, bhavanirodha jatinirodho, jatinirodha jaramaranam sokaparidevadukkhadomanassupayasa nirujjhanti, evam-etassa kevalassa dukkhakkhandhassa nirodho hoti.

Api nu tumhe bhikkhave evam jananta evam passanta pubbantam va patidhaveyyatha:

[page 265]

ahesumha nu kho mayam atitam-addhanam, na nu kho ahesumha atitam-addhanam, kin-nu kho ahesumha atitam-addhanam, kathan-nu kho ahesumha atitam-addhanam, kim hutva kim ahesumha nu kho mayam atitam-addhanan-ti. - No h' etam bhante. -Api nu tumhe bhikkhave evam jananta evam passanta aparantam va adhaveyyatha: Bhavissama nu kho mayam anagatam-addhanam, na nu kho bhavissama anagatam-addhanam, kin-nu kho bhavissama anagatam-addhanam, kathannu kho bhavissama anagatam-addhanam, kim hutva kim bhavissama nu kho mayam anagatam-addhanan-ti. - No h' etam bhante. - Api nu tumhe bhikkhave evam jananta evam passanta etarahi va paccuppannam-addhanam ajjhattam kathamkathi assatha: Ahan-nu kho 'smi, no nu kho 'smi, kin-nu kho 'smi, kathan-nu kho 'smi, ayam nu kho satto kuto agato, so kuhimgami bhavissatiti. - No h' etam bhante.

-- Api nu tumhe bhikkhave evam jananta evam passanta evam vadeyyatha: Sattha no garu, satthugaravena ca mayam vademati. - No h' etam bhante. - Api nu tumhe bhikkhave evam jananta evam passanta evam vadeyyatha: Samano no evam-aha samana ca, na ca mayam evam vademati. -No h' etam bhante. - Api nu tumhe bhikkhave evam jananta evam passanta annam sattharam uddiseyyathati. - No h' etam bhante. - Api nu tumhe bhikkhave evam jananta evam passanta yani tani puthusamanabrahmananam vatakotuhalamangalani tani sarato paccagaccheyyathati. - No h' etam bhante. - Nanu bhikkhave yad-eva tumhakam samam natam samam dittham samam viditam tad-eva tumhe vadethati. -Evam-bhante. - Sadhu bhikkhave. Upanita kho me tumhe bhikkhave imina sanditthikena dhammena akalikena ehipassikena opanayikena paccattam veditabbena vinnuhi. Sanditthiko ayam bhikkhave dhammo akaliko ehipassiko opanayiko paccattam veditabbo vinnuhiti iti yan-tam vuttam idam-etam paticca vuttam.

Tinnam kho pana bhikkhave sannipata gabbhassavakkanti hoti: Idha matapitaro ca sannipatita honti, mata ca na utuni hoti, gandhabbo ca na paccupatthito hoti, n' eva tava gabbhassavakkanti hoti.

[page 266]

Idha matapitaro ca sannipatita honti, mata ca utuni hoti, gandhabbo ca na paccupatthito hoti, n' eva tava gabbhassavakkhanti hoti. Yato ca kho bhikkhave matapitaro ca sannipatita honti, mata ca utuni hoti, gandhabbo ca paccupatthito hoti, evam tinnam sannipata gabbhassavakkanti hoti. Tam-enam bhikkhave mata nava va dasa va mase gabbham kucchina pariharati mahata samsayena garum-bharam. Tam-enam bhikkhave mata navannam va dasannam va masanam accayena vijayati mahata samsayena garum-bharam. Tam-enam jatam samanam sakena lohitena poseti. Lohitam h' etam bhikkhave ariyassa vinaye yadidam matuthannam. Sa kho so bhikkhave kumaro vuddhim-anvaya indriyanam paripakam-anvaya yani tani kumarakanam kilapanakani tehi kilati, seyyathidam vankakam ghatikam mokkhacikam cingulakam pattalhakam rathakam dhanukam. Sa kho so bhikkhave kumaro vuddhim-anvaya indriyanam paripakam-anvaya pancahi kamagunehi samappito samangibhuto paricareti, cakkhuvinneyyehi rupehi itthehi kantehi manapehi piyarupehi kamupasamhitehi rajaniyehi, sotavinneyyehi saddehi - ghanavinneyyehi gandhehi - jivhavinneyyehi rasehi - kayavinneyyehi photthabbehi itthehi kantehi manapehi piyarupehi kamupasamhitehi rajaniyehi.

So cakkhuna rupam disva piyarupe rupe sarajjati, appiyarupe rupe byapajjati, anupatthitakayasati ca viharati parittacetaso, tan-ca cetovimuttim pannavimuttim yathabhutam na-ppajanati yatth' assa te papaka akusala dhamma aparisesa nirujjhanti. So evam anurodhavirodham samapanno yam kanci vedanam vedeti, sukham va dukkham va adukkhamasukham va, so tam vedanam abhinandati abhivadati ajjhosaya titthati. Tassa tam vedanam abhinandato abhivadato ajjhosaya titthato uppajjati nandi, ya vedanasu nandi tad-upadanam, tass' upadanapaccaya bhavo, bhavapaccaya jati, jatipaccaya jaramaranam sokaparidevadukkhadomanassupayasa sambhavanti, evam-etassa kevalassa dukkhakkhandhassa samudayo hoti. Sotena saddam sutva --pe-ghanena gandham ghayitva - jivhaya rasam sayitva - kayena photthabbam phusitva - manasa dhammam vinnaya piyarupe dhamme sarajjati,

[page 267]

appiyarupe dhamme byapajjati, anupatthitakayasati ca viharati parittacetaso, tan-ca cetovimuttim pannavimuttim yathabhutam na-ppajanati yatth' assa te papaka akusala dhamma aparisesa nirujjhanti. So evam anurodhavirodham samapanno yam kanci vedanam vedeti, sukham va dukkham va adukkhamasukham va, so tam vedanam abhinandati abhivadati ajjhosaya titthati. Tassa tam vedanam abhinandato abhivadato ajjhosaya titthato uppajjati nandi, ya vedanasu nandi tad-upadanam, tass' upadanapaccaya bhavo, bhavapaccaya jati, jatipaccaya jaramaranam sokaparidevadukkhadomanassupayasa sambhavanti, evametassa kevalassa dukkhakkhandhassa samudayo hoti.

Idha bhikkhave Tathagato loke uppajjati araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava. So imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti. So dhammam deseti adikalyanam majjhekalyanam pariyosanakalyanam sattham sabyanjanam, kevalaparipunnam parisuddham brahmacariyam pakaseti.

Tam dhammam sunati gahapati va gahapatiputto va annatarasmim va kule paccajato. So tam dhammam sutva Tathagate saddham patilabhati. So tena saddhapatilabhena samannagato iti patisancikkhati: Sambadho gharavaso rajapatho, abbhokaso pabbajja; na-y-idam sukaram agaram ajjhavasata ekantaparipunnam ekantaparisuddham sankhalikhitam brahmacariyam caritum; yan-nunaham kesamassum oharetva kasayani vatthani acchadetva agarasma anagariyam pabbajeyyan-ti. So aparena samayena appam va bhogakkhandham pahaya mahantam va bhogakkhandham pahaya, appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati.

So evam pabbajito samano bhikkhunam sikkhasajivasamapanno panatipatam pahaya panatipata pativirato hoti, nihitadando nihitasattho lajji dayapanno sabbapanabhutahitanukampi viharati. Adinnadanam pahaya adinnadana pativirato hoti,

[page 268]

dinnadayi dinnapatikankhi athenena sucibhutena attana viharati. Abrahmacariyam pahaya brahmacari hoti aracari, virato methuna gamadhamma. Musavadam pahaya musavada pativirato hoti, saccavadi saccasandho theto paccayiko avisamvadako lokassa. Pisunam vacam pahaya pisunaya vacaya pativirato hoti, ito sutva na amutra akkhata imesam bhedaya amutra va sutva na imesam akkhata amusam bhedaya, iti bhinnanam va sandhata sahitanam va anuppadata, samaggaramo samaggarato samagganandi samaggakaranim vacam bhasita hoti. Pharusam vacam pahaya pharusaya vacaya pativirato hoti, ya sa vaca nela kannasukha pemaniya hadayangama pori bahujanakanta bahujanamanapa tatharupim vacam bhasita hoti. Samphappalapam pahaya samphappalapa pativirato hoti, kalavadi bhutavadi atthavadi dhammavadi vinayavadi, nidhanavatim vacam bhasita kalena sapadesam pariyantavatim atthasamhitam. So bijagamabhutagamasamaramoha pativirato hoti. Ekabhattiko hoti rattuparato, virato vikalabhojana. Nacca-gita-vaditavisukadassana pativirato hoti. Mala-gandha-vilepana-dharanamandana-vibhusanatthana pativirato hoti. Uccasayana-mahasayana pativirato hoti. Jataruparajatapatiggahana pativirato hoti. Amakadhannapatiggahana pativirato hoti. Amakamamsapatiggahana pativirato hoti. Itthikumarikapatiggahana pativirato hoti. Dasidasapatiggahana pativirato hoti. Ajelakapatiggahana pativirato hoti. Kukkutasukarapatiggahana pativirato hoti. Hatthi-gavassa-valavapatiggahana pativirato hoti. Khettavatthupatiggahana pativirato hoti. Duteyyapahinagamananuyoga pativirato hoti. Kayavikkaya pativirato hoti. Tulakuta-kamsakuta-manakuta pativirato hoti. Ukkotana-vancana-nikati-saciyoga pativirato hoti Chedana-vadhabandhana-viparamosa-alopa-sahasakara pativirato hoti. So santuttho hoti kayapariharikena civarena kucchipariharikena pindapatena, yena yen' eva pakkamati samaday' eva pakkamati. Seyyatha pi nama pakkhi sakuno yena yan' eva deti sapattabharo va deti, evam-evam bhikkhu santuttho hoti kayapariharikena civarena, kucchipariharikena pindapatena, yena yen' eva pakkamati samaday' eva pakkamati. So imina ariyena silakkhandhena samannagato ajjhattam anavajjasukham patisamvedeti.

[page 269]

So cakkhuna rupam disva na nimittaggahi hoti nanubyanjanaggahi; yatvadhikaranam-enam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati, rakkhati cakkhundriyam, cakkhundriye samvaram apajjati. Sotena saddam sutva - pe - ghanena gandham ghayitva - jivhaya rasam sayitva - kayena photthabbam phusitva - manasa dhammam vinnaya na nimittaggahi hoti namubyanjanaggahi; yatvadhikaranam-enam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati, rakkhati manindriyam, manindriye samvaram apajjati. So imina ariyena indriyasamvarena samannagato ajjhattam abyasekasukham patisamvedeti. So abhikkante patikkante sampajanakari hoti, alokite vilokite sampajanakari hoti, saminjite pasarite sampajanakari hoti, sanghatipattacivaradharane sampajanakari hoti, asite pite khayite sayite sampajanakari hoti, uccarapassavakamme sampajanakari hoti, gate thite nisinne sutte jagarite bhasite tunhibhave sampajanakari hoti.

So imina ca ariyena silakkhandhena samannagato imina ca ariyena indriyasamvarena samannagato imina ca ariyena satisampajannena samannagato vivittam senasanam bhajati, arannam rukkhamulam pabbatam kandaram giriguham susanam vanapattham abbhokasam palalapunjam. So pacchabhattam pindapatapatikkanto nisidati pallankam abhujitva, ujum kayam panidhaya, parimukham satim upatthapetva.

So abhijjham loke pahaya vigatabhijjhena cetasa viharati, abhijjhaya cittam parisodheti; byapadapadosam pahaya abyapannacitto viharati, sabbapanabhutahitanukampi byapadapadosa cittam parisodheti; thinamiddham pahaya vigatathinamiddho viharati, alokasanni sato sampajano thinamiddha cittam parisodheti; uddhaccakukkuccam pahaya anuddhato viharati, ajjhattam vupasantacitto uddhaccakukkucca cittam parisodheti; vicikiccham pahaya tinnavicikiccho viharati, akathamkathi kusalesu dhammesu vicikicchaya cittam parisodheti.

[page 270]

So ime panca nivarane pahaya cetaso upakkilese pannaya dubbalikarane vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. Puna ca param bhikkhave bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam - pe - tatiyam jhanam - catuttham jhanam upasampajja viharati.

So cakkhuna rupam disva piyarupe rupe na sarajjati, appiyarupe rupe na byapajjati, upatthitakayasati ca viharati appamanacetaso, tan-ca cetovimuttim pannavimuttim yathabhutam pajanati yatth' assa te papaka akusala dhamma aparisesa nirujjhanti. So evam anurodhavirodhavippahino yam kanci vedanam vedeti, sukham va dukkham va adukkhamasukham va, so tam vedanam nabhinandati nabhivadati najjhosaya titthati. Tassa tam vedanam anabhinandato anabhivadato anajjhosaya titthato ya vedanasu nandi sa nirujjhati, tassa nandinirodha upadananirodho, upadananirodha bhavanirodho, bhavanirodha jatinirodho, jatinirodha jaramaranam sokaparidevadukkhadomanassupayasa nirujjhanti, evam-etassa kevalassa dukkhakkhandhassa nirodho hoti. Sotena saddam sutva - ghanena gandham ghayitva - jivhaya rasam sayitva - kayena photthabbam phusitva - manasa dhammam vinnaya piyarupe dhamme na sarajjati, appiyarupe dhamme na byapajjati, upatthitakayasati ca viharati appamanacetaso, tan-ca cetovimuttim pannavimuttim yathabhutam pajanati yatth' assa te papaka akusala dhamma aparisesa nirujjhanti.

So evam anurodhavirodhavippahino yam kanci vedanam vedeti, sukham va dukkham va adukkhamasukham va, so tam vedanam nabhinandati nabhivadati najjhosaya titthati.

Tassa tam vedanam anabhinandato anabhivadato anajjhosaya titthato ya vedanasu nandi sa nirujjhati, tassa nandinirodha upadananirodho, upadananirodha bhavanirodho, bhavanirodha jatinirodho, jatinirodha jaramaranam sokaparidevadukkhadomanassupayasa nirujjhanti, evam-etassa kevalassa dukkhakkhandhassa nirodho hoti. Imam kho me tumhe bhikkhave sankhittena tanhasankhayavimuttim dharetha, Satim pana bhikkhum kevattaputtam mahatanhajala-tanhasanghatapatimukkan-ti.

[page 271]

idam-avoca Bhagava. Attamana te bhikkhu Bhagavato bhasitam abhinandun-ti.

MAHATANHASANKHAYASUTTAM ATTHAMAM.

 


 

XXXIX. Maha-Assapura Suttam

Evam-me sutam. Ekam samayam Bhagava Angesu viharati; Assapuram nama Anganam nigamo. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Samana samana ti vo bhikkhave jano sanjanati, tumhe ca pana: ke tumhe ti puttha samana: saman' amhati patijanatha. Tesam vo bhikkhave evamsamannanam satam evampatinnanam satam: Ye dhamma samanakarana ca brahmanakarana ca te dhamme samadaya vattissama, evan-no ayam amhakam samanna ca sacca bhavissati patinna ca bhuta, yesan-ca mayam civara-pindapata-senasana-gilanapaccayabhesajjaparikkharam paribhunjama tesan-te kara amhesu mahapphala bhavissanti mahanisamsa, amhakan-c' evayam pabbajja avanjha bhavissati saphala sa-udraya ti evam hi vo bhikkhave sikkhitabbam.

Katame ca bhikkhave dhamma samanakarana ca brahmanakarana ca: Hirottappena samannagata bhavissamati evam hi vo bhikkhave sikkhitabbam. Siya kho pana bhikkhave tumhakam evam-assa: Hirottappen' amha samannagata; alam-ettavata katam-ettavata, anuppatto no samannattho, na-tthi no kinci uttarim karaniyan-ti tavataken' eva tutthim apajjeyyatha. Arocayami vo bhikkhave, pativedayami vo bhikkhave: ma vo samannatthikanam satam samannattho parihayi sati uttarim karaniye.

Kin-ca bhikkhave uttarim karaniyam: Parisuddho no kayasamacaro bhavissati uttano vivato na ca chiddava samvuto ca,

[page 272]

taya ca pana parisuddhakayasamacarataya n' ev' attan' ukkamsissama na param vambhissamati evam hi vo bhikkhave sikkhitabbam. Siya kho pana bhikkhave tumhakam evam-assa: Hirottappen' amha samannagata, parisuddho no kayasamacaro; alam-ettavata katam-ettavata, anuppatto no samannattho, na-tthi no kinci uttarim karaniyan-ti tavataken' eva tutthim apajjeyyatha. Arocayami vo bhikkhave, pativedayami vo bhikkhave: ma vo samannatthikanam satam samannattho parihayi sati uttarim karaniye.

Kin-ca bhikkhave uttarim karaniyam: Parisuddho no vacisamacaro bhavissati uttano vivato na ca chiddava samvuto ca, taya ca pana parisuddhavacisamacarataya n' ev' attan' ukkamsissama na param vambhissamati evam hi vo bhikkhave sikkhitabbam. Siya kho pana bhikkhave tumhakam evam-assa: Hirottappen' amha samannagata, parisuddho no kayasamacaro, parisuddho vacisamacaro; alamettavata ... tavataken' eva tutthim apajjeyyatha. Arocayami vo bhikkhave ... sati uttarim karaniye.

Kin-ca bhikkhave uttarim karaniyam: Parisuddho no manosamacaro bhavissati uttano vivato na ca chiddava samvuto ca, taya ca pana parisuddhamanosamacarataya n' ev' attan' ukkamsissama na param vambhissamati evam hi vo bhikkhave sikkhitabbam. Siya kho pana bhikkhave tumhakam evam-assa: Hirottappen' amha samannagata, parisuddho no kayasamacaro, parisuddho vacisamacaro, parisuddho manosamacaro; alam-ettavata ... tavataken' eva tutthim apajjeyyatha. Arocayami vo bhikkhave ... sati uttarim karaniye.

Kin-ca bhikkhave uttarim karaniyam: Parisuddho no ajivo bhavissati uttano vivato na ca chiddava samvuto ca, taya ca pana parisuddhajivataya n' ev' attan' ukkamsissama na param vambhissamati evam hi vo bhikkhave sikkhitabbam.

Siya kho pana bhikkhave tumhakam evam-assa: Hirottappen' amha samannagata, parisuddho no kayasamacaro, parisuddho vacisamacaro, parisuddho manosamacaro, parisuddho ajivo; alam-ettavata

[page 273]

... tavataken' eva tutthim apajjeyyatha.

Arocayami vo bhikkhave ... sati uttarim karaniye.

Kin-ca bhikkhave uttarim karaniyam: Indriyesu guttadvara bhavissama, cakkhuna rupam disva na nimittaggahi nanubyanjanaggahi, yatvadhikaranam-enam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjissama, rakkhissama cakkhundriyam, cakkhundriye samvaram apajjissama. Sotena saddam sutva - pe - ghanena gandham ghayitva - jivhaya rasam sayitva - kayena photthabbam phusitva - manasa dhammam vinnaya na nimittaggahi nanubyanjanaggahi, yatvadhikaranam-enam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjissama, rakkhissama manindriyam, manindriye samvaram apajjissamati evam hi vo bhikkhave sikkhitabbam. Siya kho pana bhikkhave tumhakam evam-assa: Hirottappen' amha samannagata, parisuddho no kayasamacaro, parisuddho vacisamacaro, parisuddho manosamacaro, parisuddho ajivo, indriyesu 'mha guttadvara; alam-ettavata ... tavataken' eva tutthim apajjeyyatha. Arocayami vo bhikkhave ... sati uttarim karaniye.

Kin-ca bhikkhave uttarim karaniyam: Bhojane mattannuno bhavissama, patisankha yoniso aharam aharissama, n' eva davaya na madaya na mandanaya na vibhusanaya, yavad-eva imassa kayassa thitiya yapanaya, vihimsuparatiya brahmacariyanuggahaya: iti puranan-ca vedanam patihankhami navan-ca vedanam na uppadessami, yatra ca me bhavissati anavajjata ca phasuviharo cati evam hi vo bhikkhave sikkhitabbam. Siya kho pana bhikkhave tumhakam evam-assa: Hirottappen' amha samannagata, parisuddho no kayasamacaro, parisuddho vacisamacaro, parisuddho manosamacaro, parisuddho ajivo, indriyesu 'mha guttadvara, bhojane mattannuno; alam-ettavata ... tavataken' eva tutthim apajjeyyatha. Arocayami vo bhikkhave ... sati uttarim karaniye.

Kin-ca bhikkhave uttarim karaniyam: Jagariyam anuyutta bhavissama, divasam cankamena nisajjaya avaraniyehi dhammehi cittam parisodhessama, rattiya pathamam yamam cankamena nisajjaya avaraniyehi dhammehi cittam parisodhessama,

[page 274]

rattiya majjhimam yamam dakkhinena passena sihaseyyam kappessama pade padam accadhaya sata sampajana utthanasannam manasikaritva, rattiya pacchimam yamam paccutthaya cankamena nisajjaya avaraniyehi dhammehi cittam parisodhessamati evam hi vo bhikkhave sikkhitabbam.

Siya kho pana bhikkhave tumhakam evam-assa: Hirottappen' amha samannagata, parisuddho no kayasamacaro, parisuddho vacisamacaro, parisuddho manosamacaro, parisuddho ajivo, indriyesu 'mha guttadvara, bhojane mattannuno, jagariyam anuyutta; alam-ettavata ... tavataken' eva tutthim apajjeyyatha. Arocayami vo bhikkhave ... sati uttarim karaniye.

Kin-ca bhikkhave uttarim karaniyam: Satisampajannena samannagata bhavissama, abhikkante patikkante sampajanakari, alokite vilokite sampajanakari, saminjite pasarite sampajanakari, sanghatipattacivaradharane sampajanakari, asite pite khayite sayite sampajanakari, uccarapassavakamme sampajanakari, gate thite nisinne sutte jagarite bhasite tunhibhave sampajanakari ti evam hi vo bhikkhave sikkhitabbam. Siya kho pana bhikkhave tumhakam evam-assa:

Hirottappen' amha samannagata, parisuddho no kayasamacaro, parisuddho vacisamacaro, parisuddho manosamacaro, parisuddho ajivo, indriyesu 'mha guttadvara, bhojane mattannuno, jagariyam anuyutta, satisampajannena samannagata; alam-ettavata katam-ettavata, anuppatto no samannattho, na-tthi no kinci uttarim karaniyan-ti tavataken' eva tutthim apajjeyyatha. Arocayami vo bhikkhave, pativedayami vo bhikkhave: ma vo samannatthikanam satam samannattho parihayi sati uttarim karaniye.

Kin-ca bhikkhave uttarim karaniyam: Idha bhikkhave bhikkhu vivittam senasanam bhajati, arannam rukkhamulam pabbatam kandaram giriguham susanam vanapattham abbhokasam palalapunjam; so pacchabhattam pindapatapatikkanto nisidati pallankam abhujitva, ujum kayam panidhaya, parimukham satim upatthapetva. So abhijjham loke pahaya vigatabhijjhena cetasa viharati, abhijjhaya cittam parisodheti.

Byapadapadosam pahaya abyapannacitto viharati, sabbapanabhutahitanukampi byapadapadosa cittam parisodheti.

[page 275]

Thinamiddham pahaya vigatathinamiddho viharati, alokasanni sato sampajano thinamiddha cittam parisodheti. Uddhaccakukkuccam pahaya anuddhato viharati. ajjhattam. vupasantacitto uddhaccakukkucca cittam parisodheti. Vicikiccham pahaya tinnavicikiccho viharati, akathamkathi kusalesu dhammesu vicikicchaya cittam parisodheti.

Seyyatha pi bhikkhave puriso inam adaya kammante payojeyya, tassa te kammanta samijjheyyum, so yani ca poranani inamulani tani ca byantikareyya, siya c' assa uttarim avasittham darabharanaya; tassa evam-assa: Aham kho pubbe inam adaya kammante payojesim, tassa me te kammanta samijjhimsu, so aham yani ca poranani inamulani tani ca byantiakasim, atthi ca me uttarim avasittham darabharanayati. So tatonidanam labhetha pamujjam, adhigacche somanassam. Seyyatha pi bhikkhave puriso abadhiko assa dukkhito balhagilano, bhattan-c' assa na-cchadeyya, na c' assa kaye balamatta, so aparena samayena tamha abadha mucceyya, bhattan-c' assa chadeyya, siya c' assa kaye balamatta; tassa evam-assa: Aham kho pubbe abadhiko ahosim dukkhito balhagilano, bhattan-ca me nacchadesi, na ca me asi kaye balamatta; so mhi etarahi tamha abadha mutto, bhattan-ca me chadeti, atthi ca me kaye balamatta ti. So tatonidanam labhetha pamujjam, adhigacche somanassam. Seyyatha pi bhikkhave puriso bandhanagare baddho assa, so aparena samayena tamha bandhana mucceyya sotthina abyayena, na c' assa kinci bhoganam vayo; tassa evam-assa: Aham kho pubbe bandhanagare baddho ahosim, so 'mhi etarahi tamha bandhana mutto sotthina abyayena, na-tthi ca me kinci bhoganam vayo ti. So tatonidanam labhetha pamujjam, adhigacche somanassam. Seyyatha pi bhikkhave puriso daso assa anattadhino paradhino na yenakamangamo, so aparena samayena tamha dasabya mucceyya attadhino aparadhino bhujisso yenakamangamo; tassa evam-assa: Aham kho pubbe daso ahosim anattadhino paradhino na yenakamangamo, so 'mhi etarahi tamha dasabya mutto attadhino aparadhino bhujisso yenakamangamo ti.

[page 276]

So tatonidanam labhetha pamujjam, adhigacche somanassam. Seyyatha pi bhikkhave puriso sadhano sabhogo kantaraddhanamaggam patipajjeyya, so aparena samayena tamha kantara nitthareyya sotthina abyayena, na c' assa kinci bhoganam vayo; tassa evam-assa: Aham kho pubbe sadhano sabhogo kantaraddhanamaggam patipajjim, so 'mhi etarahi tamha kantara nitthinno sotthina abyayena, na-tthi ca me kinci bhoganam vayo ti. So tatonidanam labhetha pamujjam, adhigacche somanassam. Evam-eva kho bhikkhave bhikkhu yatha inam yatha rogam yatha bandhanagaram yatha dasabyam yatha kantaraddhanamaggam ime panca nivarane appahine attani samanupassati. Seyyatha pi bhikkhave ananyam yatha arogyam yatha bandhana mokkham yatha bhujissam yatha khemantabhumim evam-evam bhikkhu ime panca nivarane pahine attani samanupassati.

So ime panca nivarane pahaya cetaso upakkilese pannaya dubbalikarane vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. So imam-eva kayam vivekajena pitisukhena abhisandeti parisandeti paripureti parippharati, nassa kinci sabbavato kayassa vivekajena pitisukhena apphutam hoti. Seyyatha pi bhikkhave dakkho nahapako va nahapakantevasi va kamsathale nahaniyacunnani akiritva udakena paripphosakam paripphosakam sanneyya, sa 'ssa nahaniyapindi snehanugata snehapareta, santarabahira phuta snehena, na ca paggharani; evam-eva kho bhikkhave bhikkhu imam-eva kayam vivekajena pitisukhena abhisandeti parisandeti paripureti parippharati, nassa kinci sabbavato kayassa vivekajena pitisukhena apphutam hoti.

Puna ca param bhikkhave bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati. So imam-eva kayam samadhijena pitisukhena abhisandeti parisandeti paripureti parippharati, nassa kinci sabbavato kayassa samadhijena pitisukhena apphutam hoti. Seyyatha pi bhikkhave udakarahado ubbhidodako,

[page 277]

tassa n' ev' assa puratthimaya disaya udakass' ayamukham, na pacchimaya disaya udakass' ayamukham, na uttaraya disaya udakass' ayamukham, na dakkhinaya disaya udakass' ayamukham, devo ca na kalena kalam samma dharam anuppaveccheyya; atha kho tamha va udakarahada sita varidhara ubbhijjitva tam-eva udakarahadam sitena varina abhisandeyya parisandeyya paripureyya paripphareyya, nassa kinci sabbavato udakarahadassa sitena varina apphutam assa; evam-eva kho bhikkhave bhikkhu imam-eva kayam samadhijena pitisukhena abhisandeti parisandeti paripureti parippharati, nassa kinci sabbavato kayassa samadhijena pitisukhena apphutam hoti.

Puna ca param bhikkhave bhikkhu pitiya ca viraga upekhako ca viharati sato ca sampajano, sukhan-ca kayena patisamvedeti yan-tam ariya acikkhanti: upekhako satima sukhavihari ti tatiyam jhanam upasampajja viharati. So imam-eva kayam nippitikena sukhena abhisandeti parisandeti paripureti parippharati, nassa kinci sabbavato kayassa nippitikena sukhena apphutam hoti. Seyyatha pi bhikkhave uppaliniyam va paduminiyam va pundarikiniyam va appekaccani uppalani va padumani va pundarikani va udake jatani udake samvaddhani udaka 'nuggatani antonimuggaposini, tani yava c' agga yava ca mula sitena varina abhisannani parisannani paripurani paripphutani, nassa kinci sabbavatam uppalanam va padumanam va pundarikanam va sitena varina apphutam assa; evam-eva kho bhikkhave bhikkhu imameva kayam nippitikena sukhena abhisandeti parisandeti paripureti parippharati, nassa kinci sabbavato kayassa nippitikena sukhena apphutam hoti.

Puna ca param bhikkhave bhikkhu sukhassa ca pahana dukkhassa ca pahana pubbe va somanassadomanassanam atthagama adukkham-asukham upekhasatiparisuddhim catuttham jhanam upasampajja viharati. So imam-eva kayam parisuddhena cetasa pariyodatena pharitva nisinno hoti, nassa kinci sabbavato kayassa parisuddhena cetasa pariyodatena apphutam hoti. Seyyatha pi bhikkhave puriso odatena vatthena sasisam parupitva nisinno assa, nassa kinci sabbavato kayassa odatena vatthena apphutam assa;

[page 278]

evam-eva kho bhikkhave bhikkhu imam-eva kayam parisuddhena cetasa pariyodatena pharitva nisinno hoti, nassa kinci sabbavato kayassa parisuddhena cetasa pariyodatena apphutam hoti.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhininnameti. So anekavihitam pubbenivasam anussarati, seyyathidam: ekam-pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim-pi jatiyo timsam-pi jatiyo cattarisam-pi jatiyo pannasam-pi jatiyo jatisatam-pi jatisahassam-pi jatisatasahassam-pi, aneke pi samvattakappe aneke pi vivattakappe aneke pi samvattavivattakappe, amutr' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto amutra udapadim, tatra p' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto idhupapanno ti. Iti sakaram sauddesam anekavihitam pubbenivasam anussarati. Seyyatha pi bhikkhave puriso sakamha gama annam gamam gaccheyya, tamha pi gama annam gamam gaccheyya, so tamha gama sakam yeva gamam paccagaccheyya, tassa evam-assa: Aham kho sakamha gama amum gamam aganchim, tatra evam atthasim evam nisidim, evam abhasim evam tunhi ahosim; tamha pi gama amum gamam aganchim, tatra pi evam atthasim evam nisidim, evam abhasim evam tunhi ahosim, so 'mhi tamha gama sakam yeva gamam paccagato ti; evameva kho bhikkhave bhikkhu anekavihitam pubbenivasam anussarati, seyyathidam: ekam-pi jatim dve pi jatiyo --pe--.

Iti sakaram sa-uddesam anekavihitam pubbenivasam anussarati.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnameti. So dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate yathakammupage satte pajanati: ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana,

[page 279]

te kayassa bheda param-marana apayam duggatim vinipatam nirayam upapanna; ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana, te kayassa bheda param-marana sugatim saggam lokam upapanna ti. Iti dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate yathakammupage satte pajanati. Seyyatha p' assu bhikkhave dve agara sadvara, tattha cakkhuma puriso majjhe thito passeyya manusse geham pavisante pi nikkhamante pi anusancarante pi anuvicarante pi; evam-eva kho bhikkhave bhikkhu dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate yathakammupage - pe - satte pajanati.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhininnameti. So: idam dukkhan-ti yathabhutam pajanati, ayam dukkhasamudayo ti yathabhutam pajanati, ayam dukkhanirodho ti yathabhutam pajanati, ayam dukkhanirodhagamini patipada ti yathabhutam pajanati; ime asava ti yathabhutam pajanati, ayam asavasamudayo ti yathabhutam pajanati, ayam asavanirodho ti yathabhutam pajanati, ayam asavanirodhagamini patipada ti yathabhutam pajanati. Tassa evam janato evam passato kamasava pi cittam vimuccati, bhavasava pi cittam vimuccati, avijjasava pi cittam vimuccati, vimuttasmim vimuttam-iti nanam hoti; khina jati, vusitam brahmacariyam, katam karaniyam naparam itthattayati pajanati. Seyyatha pi bhikkhave pabbatasankhepe udakarahado accho vippasanno anavilo, tattha cakkhuma puriso tire thito passeyya sippisambukam-pi sakkharakathalam-pi macchagumbam-pi ca rantam-pi titthantam-pi; tassa evam-assa: Ayam kho udakarahado accho vippasanno anavilo, tatr' ime sippisambuka pi sakkharakathala pi macchagumba pi caranti pi titthanti piti;

[page 280]

evam-eva kho bhikkhave bhikkhu: idam dukkhan-ti yathabhutam pajanati ... ayam asavanirodhagamini patipada ti yathabhutam pajanati. Tassa evam janato evam passato kamasava pi cittam vimuccati, bhavasava pi cittam vimuccati, avijjasava pi cittam vimuccati, vimuttasmim vimuttam-iti nanam hoti; khina jati, vusitam brahmacariyam, katam karaniyam naparam itthattayati pajanati.

Ayam vuccati bhikkhave bhikkhu samano iti pi, brahmano iti pi, nahatako iti pi, vedagu iti pi, sottiyo iti pi, ariyo iti pi, araham iti pi. Kathan-ca bhikkhave bhikkhu samano hoti: samita 'ssa honti papaka akusala dhamma sankilesika ponobhavika sadara dukkhavipaka ayatim jatijaramaraniya. Evam kho bhikkhave bhikkhu samano hoti.

Kathan-ca bhikkhave bhikkhu brahmano hoti: bahita 'ssa honti papaka akusala dhamma sankilesika ponobhavika sadara dukkhavipaka ayatim jatijaramaraniya. Evam kho bhikkhave bhikkhu brahmano hoti. Kathan-ca bhikkhave bhikkhu nahatako hoti: nahata 'ssa honti papaka akusala dhamma s. p. s. d. ayatim jatijaramaraniya. Evam kho bhikkhave bhikkhu nahatako hoti. Kathan-ca bhikkhave bhikkhu vedagu hoti: vidita 'ssa honti papaka akusala dhamma s. p.

s. d. ayatim jatijaramaraniya. Evam kho bhikkhave bhikkhu vedagu hoti. Kathan-ca bhikkhave bhikkhu sottiyo hoti:

nissuta 'ssa honti papaka akusala dhamma s. p. s. d. ayatim jatijaramaraniya. Evam kho bhikkhave bhikkhu sottiyo hoti.

Kathan-ca bhikkhave bhikkhu ariyo hoti: araka 'ssa honti papaka akusala dhamma s. p. s. d. ayatim jatijaramaraniya.

Evam kho bhikkhave bhikkhu ariyo hoti. Kathan-ca bhikkhave bhikkhu araham hoti: araka 'ssa honti papaka akusala dhamma sankilesika ponobhavika sadara dukkhavipaka ayatim jatijaramaraniya. Evam kho bhikkhave bhikkhu araham hotiti.

Idam-avoca Bhagava. Attamana te bhikkhu Bhagavato bhasitam abhinandun-ti.

MAHAASSAPURASUTTAM NAVAMAM.

[page 281]

 


 

XL. Cula-Assapura Suttam

Evam-me sutam. Ekam samayam Bhagava Angesu viharati; Assapuram nama Anganam nigamo. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Samana samana ti vo bhikkhave jano sanjanati, tumhe ca pana: ke tumhe ti puttha samana: saman' amhati patijanatha. Tesam vo bhikkhave evamsamannanam satam evampatinnanam sattam: Ya samanasamicipatipada tam patipadam patipajjissama, evam no ayam amhakam samanna ca sacca bhavissati patinna ca bhuta, yesan-ca mayam civarapindapata-senasana-gilanapaccayabhesajjaparikkharam paribhunjama tesan-te kara amhesu mahapphala bhavissanti mahanisamsa, amhakam c' evayam pabbajja avanjha bhavissati saphala sa-udraya ti evam hi vo bhikkhave sikkhitabbam.

Kathan-ca bhikkhave bhikkhu na samanasamicipatipadam patipanno hoti: Yassa kassaci bhikkhave bhikkhuno abhijjhalussa abhijjha appahina hoti, byapannacittassa byapado appahino hoti, kodhanassa kodho appahino hoti, upanahissa upanaho appahino hoti, makkhissa makkho appahino hoti, palasissa palaso appahino hoti, issukissa issa appahina hoti, maccharissa macchariyam appahinam hoti, sathassa satheyyam appahinam hoti, mayavissa maya appahina hoti, papicchassa papika iccha appahina hoti, micchaditthissa micchaditthi appahina hoti, imesam kho aham bhikkhave samanamalanam samanadosanam samanakasatanam apayikanam thananam duggativedaniyanam appahana na samanasamicipatipadam patipanno ti vadami. Seyyatha pi bhikkhave matajan-nama avudhajatam ubhatodharam pitanisitam, tad-assa sanghatiya samparutam sampalivethitam, tathupamaham bhikkhave imassa bhikkhuno pabbajjam vadami.

Naham bhikkhave sanghatikassa sanghatidharanamattena samannam vadami. Naham bhikkhave acelakassa acelakamattena samannam vadami. Naham bhikkhave rajojallikassa rajojallikamattena s. v. Naham bhikkhave udakorohakassa udakorohakamattena s. v. Naham bhikkhave rukkhamulikassa rukkhamulikamattena

[page 282]

s. v. Naham bhikkhave abbhokasikassa abbhokasikamattena s. v. Naham bhikkhave ubbhatthakassa ubbhatthakamattena s. v. Naham bhikkhave pariyayabhattikassa pariyayabhattikamattena s. v. Naham bhikkhave mantajjhayakassa mantajjhayakamattena s. v. Naham bhikkhave jatilakassa jatadharanamattena samannam vadami.

Sanghatikassa ce bhikkhave sanghatidharanamattena abhijjhalussa abhijjha pahiyetha, byapannacittassa byapado pahiyetha, kodhanassa kodho p., upanahissa upanaho p., makkhissa makkho p., palasissa palaso p., issukissa issa p., maccharissa macchariyam p., sathassa satheyyam p., mayavissa maya p., papicchassa papika iccha p., micchaditthikassa micchaditthi pahiyetha, tam-enam mittamacca natisalohita jatam-eva nam sanghatikam {kareyyum} sanghatikattam-eva samadapeyyum: Ehi tvam bhadramukha sanghatiko hoti, sanghatikassa te sato sanghatidharanamattena abhijjhalussa abhijjha pahiyissati, byapannacittassa byapado pahiyissati, kodhanassa kodho p., upanahissa upanaho p., makkhissa makkho p., palasissa palaso p., issukissa issa p., maccharissa macchariyam p., sathassa satheyyam p., mayavissa maya p., papicchassa papika iccha p., micchaditthikassa micchaditthi pahiyissatiti. Yasma ca kho aham bhikkhave sanghatikam-pi idh' ekaccam passami abhijjhalum byapannacittam kodhanam upanahim makkhim palasim issukim maccharim satham mayavim papiccham micchaditthim, tasma na sanghatikassa sanghatidharanamattena samannam vadami.

Acelakassa ce bhikkhave - pe - rajojallikassa ce bhikkhave - udakorohakassa ce bhikkhave - rukkhamulikassa ce bhikkhave - abbhokasikassa ce bhikkhave - ubbhatthakassa ce bhikkhave - pariyayabhattikassa ce bhikkhave - mantajjhayakassa ce bhikkhave - jatilakassa ce bhikkhave jatadharanamattena abhijjhalussa abhijjha pahiyetha, byapannacittassa byapado pahiyetha - pe - micchaditthikassa micchaditthi pahiyetha, tam-enam mittamacca natisalohita jatam-eva nam jatilakam kareyyum jatilakattam-eva samadapeyyum: Ehi tvam bhadramukha jatilako hohi, jatilakassa te sato jatadharanamattena abhijjhalussa abhijjha pahiyissati. byapannacittassa byapado pahiyissati

[page 283]

- pe - micchaditthikassa micchaditthi pahiyissatiti. Yasma ca kho aham bhikkhave jatilakam-pi idh' ekaccam passami abhijjhalum byapannacittam kodhanam upanahim makkhim palasim issukim maccharim satham mayavim papiccham micchaditthim, tasma na jatilakassa jatadharanamattena samannam vadami.

Kathan-ca bhikkhave bhikkhu samanasamicipatipadam patipanno hoti: Yassa kassaci bhikkhave bhikkhuno abhijjhalussa abhijjha pahina hoti, byapannacittassa byapado pahino hoti, kodhanassa kodho pahino hoti, upanahissa upanaho pahino hoti, makkhissa makkho pahino hoti, palasissa palaso pahino hoti, issukissa issa pahina hoti, maccharissa macchariyam pahinam hoti, sathassa satheyyam pahinam hoti, mayavissa maya pahina hoti, papicchassa papika iccha pahina hoti, micchaditthikassa micchaditthi pahina hoti, imesam kho aham bhikkhave samanamalanam samanadosanam samanakasatanam apayikanam thananam duggativedaniyanam pahana samanasamicipatipadam patipanno ti vadami. So sabbehi imehi papakehi akusalehi dhammehi visuddhamattanam samanupassati, vimuttam-attanam samanupassati.

Tassa sabbehi imehi papakehi akusalehi dhammehi visuddham-attanam samanupassato vimuttam-attanam samanupassato pamujjam jayati, pamuditassa piti jayati, pitimanassa kayo passambhati, passaddhakayo sukham vedeti, sukhino cittam samadhiyati. So mettasahagatena cetasa ekam disam pharitva viharati, tatha dutiyam, tatha tatiyam, tatha catutthim, uddham-adho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyabajjhena pharitva viharati. Karunasahagatena cetasa - pe - pharitva viharati. Muditasahagatena cetasa - pe - pharitva viharati. Upekhasahagatena cetasa ekam disam pharitva viharati, tatha dutiyam, tatha tatiyam, tatha catutthim, uddham-adho tiriyam sabbadhi sabbattataya sabbavantam lokam upekhasahagatena cetasa vipulena mahaggatena appamanena averena abyabajjhena pharitva viharati. Seyyatha pi bhikkhave pokkharani acchodaka satodaka sitodaka setaka supatittha ramaniya; puratthimaya ce pi puriso agaccheyya ghammabhitatto ghammapareto kilanto tasito pipasito,

[page 284]

so tam pokkharanim agamma vineyya udakapipasam, vineyya ghammaparilaham; pacchimaya ce pi disaya puriso agaccheyya - uttaraya ce pi disaya puriso agaccheyya - dakkhinaya ce pi disaya puriso agaccheyya - yato kuto ce pi nam puriso agaccheyya ghammabhitatto ghammapareto kilanto tasito pipasito, so tam pokkharanim agamma vineyya udakapipasam, vineyya ghammaparilaham; evam-eva kho bhikkhave khattiyakula ce pi agarasma anagariyam pabbajito hoti, so ca Tathagatappaveditam dhammavinayam agamma evam mettam karunam muditam upekham bhavetva labhati ajjhattam vupasamam, ajjhattam vupasama samanasamicipatipadam patipanno ti vadami. Brahmanakula ce pi - pe - vessakula ce pi - suddakula ce pi - yasma kasma ce pi kula agarasma anagariyam pabbajito hoti, so ca Tathagatappaveditam dhammavinayam agamma evam mettam karunam muditam upekham bhavetva labhati ajjhattam vupasamam, ajjhattam vupasama samanasamicipatipadam patipanno ti vadami. Khattiyakula ce pi agarasma anagariyam pabbajito hoti, so ca asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharati, asavanam khaya samano hoti. Brahmanakula ce pi - vessakula ce pi - suddakula ce pi - yasma kasma ce pi kula agarasma anagariyam pabbajito hoti, so ca asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharati, asavanam khaya samano hotiti.

Idam-avoca Bhagava. Attamana te bhikkhu Bhagavato bhasitam abhinandun-ti.

CULASSAPURASUTTAM DASAMAM.

MAHAYAMAKAVAGGO CATUTTHO.

[page 285]

 


 

5. Cula Yamaka Vagga

XLI. Saleyyaka Suttam

Evam-me sutam. Ekam samayam Bhagava Kosalesu carikam caramano mahata bhikkhusanghena saddhim yena Sala nama Kosalanam brahmanagamo tad-avasari. Assosum kho Saleyyaka brahmanagahapatika: Samano khalu bho Gotamo Sakyaputto Sakyakula pabbajito Kosalesu carikam caramano mahata bhikkhusanghena saddhim Salam anuppatto; tam kho pana bhavantam Gotamam evam kalyano kittisaddo abbhuggato: Iti pi so Bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava. So imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti. So dhammam deseti adikalyanam majjhekalyanam pariyosanakalyanam sattham sabyanjanam, kevalaparipunnam parisuddham brahmacariyam pakaseti.

Sadhu kho pana tatharupanam arahatam dassanam hotiti.

Atha kho Saleyyaka brahmanagahapatika yena Bhagava ten' upasankamimsu, upasankamitva app-ekacce Bhagavantam abhivadetva ekamantam nisidimsu, app-ekacce Bhagavata saddhim sammodimsu, sammodaniyam katham saraniyam vitisaretva ekamantam nisidimsu, app-ekacce yena Bhagava ten' anjalim-panametva ekamantam nisidimsu, app-ekacce Bhagavato santike namagottam savetva ekamantam nisidimsu, app-ekacce tunhibhuta ekamantam nisidimsu. Ekamantam nisinna kho Saleyyaka brahmanagahapatika Bhagavantam etad-avocum: Ko nu kho bho Gotama hetu ko paccayo yena-m-idh' ekacce satta kayassa bheda parammarana apayam duggatim vinipatam nirayam upapajjanti; ko pana bho Gotama hetu ko paccayo yena-m-idh' ekacce satta kayassa bheda param-marana sugatim saggam lokam upapajjantiti. - Adhammacariya-visamacariyahetu kho gahapatayo evam-idh' ekacce satta kayassa bheda param-marana apayam duggatim vinipatam nirayam upapajjanti; dhammacariya-samacariyahetu kho gahapatayo evam-idh' ekacce satta kayassa bheda param-marana sugatim saggam lokam upapajjantiti.

[page 286]

- Na kho mayam imassa bhoto Gotamassa sankhittena bhasitassa vittharena attham avibhattassa vittharena attham ajanama; sadhu no bhavan-Gotamo tatha dhammam desetu yatha mayam imassa bhoto Gotamassa sankhittena bhasitassa vittharena attham avibhattassa vittharena attham ajaneyyamati. - Tena hi gahapatayo sunatha, sadhukam manasikarotha, bhasissamiti. Evam bho ti kho Saleyyaka brahmanagahapatika Bhagavato paccassosum.

Bhagava etad-avoca:

Tividham kho gahapatayo kayena adhammacariya-visamacariya hoti, catubbidham vacaya adhammacariya-visamacariya hoti, tividham manasa adhammacariya-visamacariya hoti. Kathan-ca gahapatayo tividham kayena adhammacariya-visamacariya hoti: Idha gahapatayo ekacco panatipati hoti luddo lohitapani hatapahate nivittho adayapanno panabhutesu. Adinnadayi kho pana hoti, yan-tam parassa paravittupakaranam gamagatam va arannagatam va tam adinnam theyyasankhatam adata hoti. Kamesu micchacari kho pana hoti, ya ta maturakkhita piturakkhita [matapiturakkhita] bhaturakkhita bhaginirakkhita natirakkhita sassamika saparidanda, antamaso malagunaparikkhitta pi, tatharupasu carittam apajjita hoti. Evam kho gahapatayo tividham kayena adhammacariya-visamacariya hoti. Kathan-ca gahapatayo catubbidham vacaya adhammacariya-visamacariya hoti: Idha gahapatayo ekacco musavadi hoti, sabhagato va parisagato va natimajjhagato va pugamajjhagato va rajakulamajjhagato va abhinito sakkhiputtho: evam bho purisa yam janasi tam vadehiti, so ajanam va aha: janamiti, janam va aha: na janamiti, apassam va aha: passamiti, passam va aha: na passamiti; iti attahetu va parahetu va amisakincikkhahetu va sampajanamusa bhasita hoti. Pisunavaco kho pana hoti, ito sutva amutra akkhata imesam bhedaya amutra va sutva imesam akkhata amusam bhedaya, iti samagganam va bhetta bhinnanam va anuppadata, vaggaramo vaggarato vagganandi vaggakaranim vacam bhasita hoti.

Pharusavaco kho pana hoti, ya sa vaca andaka kakkasa parakatuka parabhisajjani kodhasamanta asamadhisamvattanika,

[page 287]

tatharupim vacam bhasita hoti. Samphappalapi kho pana hoti, akalavadi abhutavadi anatthavadi adhammavadi avinayavadi, anidhanavatim vacam bhasita akalena anapadesam apariyantavatim anatthasamhitam. Evam kho gahapatayo catubbidham vacaya adhammacariya-visamacariya hoti. Kathan-ca gahapatayo tividham manasa adhammacariya-visamacariya hoti: Idha gahapatayo ekacco abhijjhalu hoti, yan-tam parassa paravittupakaranam tam abhijjhata hoti: aho vata yam parassa tam mama assati. Byapannacitto kho pana hoti padutthamanasankappo: ime satta hannantu va vajjhantu va ucchijjantu va vinassantu va ma va ahesum iti va ti. Micchaditthi kho pana hoti viparitadassano: na-tthi dinnam na-tthi yittham na-tthi hutam, na-tthi sukatadukkatanam kammanam phalam vipako, natthi ayam loko na-tthi paro loko, na-tthi mata na-tthi pita na-tthi satta opapatika, na-tthi loke samanabrahmana sammaggata sammapatipanna ye iman-ca lokam paran-ca lokam sayam abhinna sacchikatva pavedentiti. Evam kho gahapatayo tividham manasa adhammacariya-visamacariya hoti. Evam adhammacariya-visamacariyahetu kho gahapatayo evam-idh' ekacce satta kayassa bheda param-marana apayam duggatim vinipatam nirayam upapajjanti.

Tividham kho gahapatayo kayena dhammacariya-samacariya hoti, catubbidham vacaya dhammacariya-samacariya hoti, tividham manasa dhammacariya-samacariya hoti.

Kathan-ca gahapatayo tividham kayena dhammacariya-samacariya hoti: Idha gahapatayo ekacco panatipatam pahaya panatipata pativirato hoti, nihitadando nihitasattho lajji dayapanno sabbapanabhutahitanukampi viharati. Adinnadanam pahaya adinnadana pativirato hoti, yan-tam parassa paravittupakaranam gamagatam va arannagatam va tam nadinnam theyyasankhatam adata hoti. Kamesu micchacaram pahaya kamesu micchacara pativirato hoti, ya ta maturakkhita piturakkhita [matapiturakkhita] bhaturakkhita bhaginirakkhita natirakkhita sassamika saparidanda, antamaso malagunaparikkhitta pi, tatharupasu na carittam apajjita hoti. Evam kho gahapatayo tividham kayena dhammacariyasamacariya hoti.

[page 288]

Kathan-ca gahapatayo catubbidham vacaya dhammacariya-samacariya hoti: Idha gahapatayo ekacco musavadam pahaya musavada pativirato hoti, sabhagato va parisagato va natimajjhagato va pugamajjhagato va rajakulamajjhagato va abhinito sakkhiputtho: evam bho purisa yam janasi tam vadehiti, so ajanam va aha: na janamiti, janam va aha: janamiti, apassam va aha: na passamiti, passam va aha: passamiti; iti attahetu va parahetu va amisakincikkhahetu va na sampajanamusa bhasita hoti.

Pisunam vacam pahaya pisunaya vacaya pativirato hoti, ito sutva na amutra akkhata imesam bhedaya amutra va sutva na imesam akkhata amusam bhedaya, iti bhinnanam va sandhata sahitanam va anuppadata, samaggaramo samaggarato samagganandi samaggakaranim vacam bhasita hoti. Pharusam vacam pahaya pharusaya vacaya pativirato hoti, ya sa vaca nela kannasukha pemaniya hadayangama pori bahujanakanta bahujanamanapa tatharupim vacam bhasita hoti.

Samphappalapam pahaya samphappalapa pativirato hoti, kalavadi bhutavadi atthavadi dhammavadi vinayavadi, nidhanavatim vacam bhasita kalena sapadesam pariyantavatim atthasamhitam. Evam kho gahapatayo catubbidham vacaya dhammacariya-samacariya hoti. Kathan-ca gahapatayo tividham manasa dhammacariya-samacariya hoti:

Idha gahapatayo ekacco anabhijjhalu hoti, yan-tam parassa paravittupakaranam tam nabhijjhata hoti: aho vata yam parassa tam mama assati. Abyapannacitto kho pana hoti appadutthamanasankappo: ime satta avera abyabajjha anigha sukhi attanam pariharantuti. Sammaditthi kho pana hoti aviparitadassano: atthi dinnam atthi yittham atthi hutam, atthi sukatadukkatanam kammanam phalam vipako, atthi ayam loko atthi paro loko, atthi mata atthi pita atthi satta opapatika, atthi loke samanabrahmana sammaggata sammapatipanna ye iman-ca lokam paran-ca lokam sayam abhinna sacchikatva pavedentiti. Evam kho gahapatayo tividham manasa dhammacariya-samacariya hoti. Evam dhammacariyasamacariyahetu kho gahapatayo evam-idh' ekacce satta kayassa bheda param-marana sugatim saggam lokam upapajjanti.

[page 289]

Akankheyya ce gahapatayo dhammacari samacari: aho vataham kayassa bheda param-marana khattiyamahasalanam sahabyatam upapajjeyyan-ti, thanam kho pan' etam vijjati yam so kayassa bheda param-marana khattiyamahasalanam sahabyatam upapajjeyya; tam kissa hetu: tatha hi so dhammacari samacari. Akankheyya ce gahapatayo dhammacari samacari: aho vataham kayassa bheda param-marana brahmanamahasalanam - pe - gahapatimahasalanam sahabyatam upapajjeyyam, thanam kho pan' etam vijjati yam so kayassa bheda param-marana gahapatimahasalanam sahabyatam upapajjeyya; tam kissa hetu: tatha hi so dhammacari samacari. Akankheyya ce gahapatayo dhammacari samacari: aho vataham kayassa bheda param-marana Catummaharajikanam devanam - pe - Tavatimsanam devanam - Yamanam devanam - Tusitanam devanam - Nimmanaratinam devanam - Paranimmitavasavattinam devanam - Brahmakayikanam devanam - Abhanam devanam -Parittabhanam devanam - Appamanabhanam devanam -Abhassaranam devanam - Subhanam devanam - Parittasubhanam devanam - Appamanasubhanam devanam -Subhakinnanam devanam - Vehapphalanam devanam -Avihanam devanam - Atappanam devanam - Sudassanam devanam - Sudassinam devanam - Akanitthanam devanam - akasanancayatanupaganam devanam - Vinnanancayatanupaganam devanam - akincannayatanupaganam devanam -nevasannanasannayatanupaganam devanam sahabyatam upapajjeyyan-ti, thanam kho pan' etam vijjati yam so kayassa bheda param-marana nevasannanasannayatanupaganam devanam sahabyatam upapajjeyya; tam kissa hetu: tatha hi so dhammacari samacari. Akankheyya ce gahapatayo dhammacari samacari: aho vataham asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja vihareyyan-ti, thanam kho pan' etam vijjati yam so asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja vihareyya, tam kissa hetu: tatha hi so dhammacari samacari ti.

[page 290]

Evam vutte Saleyyaka brahmanagahapatika Bhagavantam etad-avocum: Abhikkantam bho Gotama, abhikkantam bho Gotama. Seyyatha pi bho Gotama nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam bhota Gotamena anekapariyayena dhammo pakasito. Ete mayam bhavantam Gotamam saranam gacchama dhamman-ca bhikkhusanghanca. Upasake no bhavan-Gotamo dharetu ajjatagge panupete saranagate ti.

SALEYYAKASUTTAM PATHAMAM.

 


 

XLII. Veranjaka Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tena kho pana samayena Veranjaka brahmanagahapatika Savatthiyam pativasanti kenacid-eva karaniyena. Assosum kho Veranjaka brahmanagahapatika: Samano khalu kho Gotamo Sakyaputto Sakyakula pabbajito Savatthiyam viharati Jetavane Anathapindikassa arame; tam kho pana bhavantam Gotamam evam kalyano kittisaddo abbhuggato: Iti pi so Bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava. So imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti. So dhammam deseti adikalyanam majjhekalyanam pariyosanakalyanam sattham sabyanjanam, kevalaparipunnam parisuddham brahmacariyam pakaseti. Sadhu kho pana tatharupanam arahatam dassanam hotiti. Atha kho Veranjaka brahmanagahapatika yena Bhagava ten' upasankamimsu, upasankamitva appekacce Bhagavantam abhivadetva ekamantam nisidimsu, appekacce Bhagavata saddhim sammodimsu, sammodaniyam katham saraniyam vitisaretva ekamantam nisidimsu,

[page 291]

appekacce yena Bhagava ten' anjalim-panametva ekamantam nisidimsu, app-ekacce Bhagavato santike namagottam savetva ekamantam nisidimsu, app-ekacce tunhibhuta ekamantam nisidimsu. Ekamantam nisinna kho Veranjaka brahmanagahapatika Bhagavantam etad-avocum: Ko nu kho bho Gotama hetu ko paccayo yena-m-idh' ekacce satta kayassa bheda param-marana apayam duggatim vinipatam nirayam upapajjanti; ko pana bho Gotama hetu ko paccayo yena-m-idh' ekacce satta kayassa bheda param-marana sugatim saggam lokam upapajjantiti. - Adhammacariya-visamacariyahetu kho gahapatayo evam-idh' ekacce satta kayassa bheda param-marana apayam duggatim vinipatam nirayam upapajjanti; dhammacariya-samacariyahetu kho gahapatayo evam-idh' ekacce satta kayassa bheda param-marana sugatim saggam lokam upapajjantiti. - Na kho mayam imassa bhoto Gotamassa sankhittena bhasitassa vittharena attham avibhattassa vittharena attham ajanama; sadhu no bhavanGotamo tatha dhammam desetu yatha mayam imassa bhoto Gotamassa sankhittena bhasitassa vittharena attham avibhattassa vittharena attham ajaneyyamati. - Tena hi gahapatayo sunatha, sadhukam manasikarotha, bhasissamiti. -Evam bho ti kho Veranjaka brahmanagahapatika Bhagavato paccassosum. Bhagava etad-avoca:

Tividham kho gahapatayo kayena adhammacari visamacari hoti, catubbidham vacaya ... (repeat from p. 286 1.11 to p. 290 1.9; for adhammacariya-visamacariya hoti, for dhammacariya-samacariya hoti, and for Saleyyaka substitute adhammacari visamacari hoti, dhammacari samacari hoti, and Veranjaka, respectively) ... ajjatagge panupete saranagate ti.

VERANJAKASUTTAM DUTIYAM.

[page 292]

 


 

XLIII. Maha Vedalla Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho ayasma Mahakotthito sayanhasamayam patisallana vutthito yen' ayasma Sariputto ten' upasankami, upasankamitva ayasmata Sariputtena saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho ayasma Mahakotthito ayasmantam Sariputtam etad-avoca:

Duppanno duppanno ti avuso vuccati. Kittavata nu kho avuso duppanno ti vuccatiti. - Na-ppajanati nappajanatiti kho avuso, tasma duppanno ti vuccati, kim nappajanati: idam dukkhan-ti na-ppajanati, ayam dukkhasamudayo ti na-ppajanati, ayam dukkhanirodho ti na-ppajanati, ayam dukkhanirodhagamini patipada ti na-ppajanati.

Na-ppajanati na-ppajanatiti kho avuso, tasma duppanno ti vuccatiti. Sadh' avuso ti kho ayasma Mahakotthito ayasmato Sariputtassa bhasitam abhinanditva anumoditva ayasmantam Sariputtam uttarim panham apucchi: Pannava pannava ti avuso vuccati. Kittavata nu kho avuso pannava ti vuccatiti. - Pajanati pajanatiti kho avuso, tasma pannava ti vuccati, kin-ca pajanati: idam dukkhan-ti pajanati, ayam dukkhasamudayo ti pajanati, ayam dukkhanirodho ti pajanati, ayam dukkhanirodhagamini patipada ti pajanati. Pajanati pajanatiti kho avuso, tasma pannava ti vuccatiti. - Vinnanam vinnanan-ti avuso vuccati. Kittavata nu kho avuso vinnanan-ti vuccatiti. - Vijanati vijanatiti kho avuso, tasma vinnanan-ti vuccati, kin-ca vijanati: sukhan-ti pi vijanati, dukkhan-ti pi vijanati, adukkhamasukhan-ti pi vijanati.

Vijanati vijanatiti kho avuso, tasma vinnanan-ti vuccatiti.

-- Ya c' avuso panna yan-ca vinnanam ime dhamma samsattha udahu visamsattha, labbha ca pan' imesam dhammanam vinibbhujitva vinibbhujitva nanakaranam pannapetun-ti. -Ya c' avuso panna yan-ca vinnanam ime dhamma samsattha no visamsattha, na ca labbha imesam dhammanam vinibbhujitva vinibbhujitva nanakaranam pannapetum. Yam h' avuso pajanati tam vijanati, yam vijanati tam pajanati, tasma ime dhamma samsattha no visamsattha,

[page 293]

na ca labbha imesam dhammanam vinibbhujitva vinibbhujitva nanakaranam pannapetun-ti. - Ya c' avuso panna yan-ca vinnanam imesam dhammanam samsatthanam no visamsatthanam kim nanakaranan-ti. - Ya c' avuso panna yan-ca vinnanam imesam dhammanam samsatthanam no visamsatthanam panna bhavetabba vinnanam parinneyyam, idam nesam nanakaranan-ti.

Vedana vedana ti avuso vuccati. Kittavata nu kho avuso vedana ti vuccatiti. - Vedeti vedetiti kho avuso, tasma vedana ti vuccati, kin-ca vedeti: sukham-pi vedeti, dukkham-pi vedeti, adukkhamasukham-pi vedeti. Vedeti vedetiti kho avuso, tasma vedana ti vuccatiti. - Sanna sanna ti avuso vuccati. Kittavata nu kho avuso sanna ti vuccatiti. - Sanjanati sanjanatiti kho avuso, tasma sanna ti vuccati, kin-ca sanjanati: nilakam-pi sanjanati, pitakampi sanjanati, lohitakam-pi sanjanati, odatam-pi sanjanati.

Sanjanati sanjanatiti kho avuso, tasma sanna ti vuccatiti. -Ya c' avuso vedana ya ca sanna yan-ca vinnanam ime dhamma samsattha udahu visamsattha, labbha ca pan' imesam dhammanam vinibbhujitva vinibbhujitva nanakaranam pannapetun-ti. - Ya c' avuso vedana ya ca sanna yan-ca vinnanam ime dhamma samsattha no visamsattha, na ca labbha imesam dhammanam vinibbhujitva vinibbhujitva nanakaranam pannapetum. Yam h' avuso vedeti tam sanjanati, yam sanjanati tam vijanati, tasma ime dhamma samsattha no visamsattha, na ca labbha imesam dhammanam vinibbhujitva vinibbhujitva nanakaranam pannapetun-ti.

Nissatthena h' avuso pancahi indriyehi parisuddhena manovinnanena kim neyyan-ti. - Nissatthena h' avuso pancahi indriyehi parisuddhena manovinnanena ananto akaso ti akasanancayatanam neyyam, anantam vinnanan-ti vinnanancayatanam neyyam, na-tthi kinciti akincannayatanam neyyan-ti. - Neyyam pan' avuso dhammam kena pajanatiti.

-- Neyyam kho avuso dhammam pannacakkhuna pajanatiti.

-- Panna pan' avuso kimatthiya ti. - Panna kho avuso abhinnattha parinnattha pahanattha ti.

[page 294]

Kati pan' avuso paccaya sammaditthiya uppadayati. -Dve kho avuso paccaya sammaditthiya uppadaya: parato ca ghoso yoniso ca manasikaro. Ime kho avuso dve paccaya sammaditthiya uppadayati. - Katihi pan' avuso angehi anuggahita sammaditthi cetovimuttiphala ca hoti cetovimuttiphalanisamsa ca, pannavimuttiphala ca hoti pannavimuttiphalanisamsa cati. - Pancahi kho avuso angehi anuggahita sammaditthi cetovimuttiphala ca hoti cetovimuttiphalanisamsa ca pannavimuttiphala ca hoti pannavimuttiphalanisamsa ca: Idh' avuso sammaditthi silanuggahita ca hoti sutanuggahita ca hoti sakacchanuggahita ca hoti samathanuggahita ca hoti vipassananuggahita ca hoti. Imehi kho avuso pancahi angehi anuggahita sammaditthi cetovimuttiphala ca hoti cetovimuttiphalanisamsa ca, pannavimuttiphala ca hoti pannavimuttiphalanisamsa cati.

Kati pan' avuso bhava ti. - Tayo 'me avuso bhava:

kamabhavo rupabhavo arupabhavo ti. - Katham pan' avuso ayatim punabbhavabhinibbatti hotiti. - Avijjanivarananam kho avuso sattanam tanhasamyojananam tatratatrabhinandana evam ayatim punabbhavabhinibbatti hotiti. - Katham pan' avuso ayatim punabbhavabhinibbatti na hotiti. - Avijjaviraga kho avuso vijjuppada tanhanirodha evam ayatim punabbhavabhinibbatti na hotiti.

Katamam pan' avuso pathamam jhanan-ti. - Idh' avuso bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati, idam vuccat' avuso pathamam jhanan-ti. - Pathamam pan' avuso jhanam katangikan-ti.

-- Pathamam kho avuso jhanam pancangikam: Idh' avuso pathamam jhanam samapannassa bhikkhuno vitakko ca vattati vicaro ca piti ca sukhan-ca cittekaggata ca. Pathamam kho avuso jhanam evam pancangikan-ti. - Pathamam pan' avuso jhanam katangavippahinam katangasamannagatanti. - Pathamam kho avuso jhanam pancangavippahinam pancangasamannagatam: Idh' avuso pathamam jhanam samapannassa bhikkhuno kamacchando pahino hoti, byapado pahino hoti, thinamiddham pahinam hoti, uddhaccakukkuccam pahinam hoti,

[page 295]

vicikiccha pahina hoti, vitakko ca vattati vicaro ca piti ca sukhan-ca cittekaggata ca. Pathamam kho avuso jhanam evam pancangavippahinam pancangasamannagatan-ti.

Panc' imani avuso indriyani nanavisayani nanagocarani, na annamannassa gocaravisayam paccanubhonti, seyyathidam cakkhundriyam sotindriyam ghanindriyam jivhindriyam kayindriyam. Imesam kho avuso pancannam indriyanam nanavisayanam nanagocaranam na annamannassa gocaravisayam paccanubhontanam kim patisaranam, ko ca nesam gocaravisayam paccanubhotiti. - Panc' imani avuso indriyani nanavisayani nanagocarani, na annamannassa gocaravisayam paccanubhonti, seyyathidam cakkhundriyam sotindriyam ghanindriyam jivhindriyam kayindriyam. Imesam kho avuso pancannam indriyanam nanavisayanam nanagocaranam na annamannassa gocaravisayam paccanubhontanam mano patisaranam, mano ca nesam gocaravisayam paccanubhotiti.

Panc' imani avuso indriyani, seyyathidam cakkhundriyam sotindriyam ghanindriyam jivhindriyam kayindriyam.

Imani kho avuso panc' indriyani kim paticca titthantiti. -Panc' imani avuso indriyani, seyyathidam cakkhundriyam sotindriyam ghanindriyam jivhindriyam kayindriyam. Imani kho avuso panc' indriyani ayum paticca titthantiti. - Ayu pan' avuso kim paticca titthatiti. - Ayu usmam paticca titthatiti. - Usma pan' avuso kim paticca titthatiti. - Usma ayum paticca titthatiti. - Idan' eva kho mayam avuso ayasmato Sariputtassa bhasitam evam ajanama: ayu usmam paticca titthatiti, idan' eva kho mayam ayasmato Sariputtassa bhasitam evam ajanama: usma ayum paticca titthatiti.

Yathakatham pan' avuso imassa bhasitassa attho datthabbo ti. - Tena h' avuso upaman-te karissami, upamaya p' idh' ekacce vinnu purisa bhasitassa attham ajananti. Seyyatha pi avuso telappadipassa jhayato accim paticca abha pannayati, abham paticca acci pannayati, evam-eva kho avuso ayu usmam paticca titthati, usma ca ayum paticca titthatiti.

Te va nu kho avuso ayusankhara te vedaniya dhamma, udahu anne ayusankhara anne vedaniya dhamma ti. - Na kho avuso te va ayusankhara te vedaniya dhamma.

[page 296]

Te ca avuso ayusankhara abhavimsu te vedaniya dhamma, na-y-idam sannavedayitanirodham samapannassa bhikkhuno vutthanam pannayetha. Yasma ca kho avuso anne ayusankhara anne vedaniya dhamma, tasma sannavedayitanirodham samapannassa bhikkhuno vutthanam pannayatiti. - Yada nu kho avuso imam kayam kati dhamma jahanti athayam kayo ujjhito avakkhitto seti yatha kattham acetanan-ti. -Yada kho avuso imam kayam tayo dhamma jahanti: ayu usma ca vinnanam, athayam kayo ujjhito avakkhitto seti yatha kattham acetanan-ti. - Yvayam avuso mato kalakato yo cayam bhikkhu sannavedayitanirodham samapanno, imesam kim nanakaranan-ti. - Yvayam avuso mato kalakato, tassa kayasankhara niruddha patippassaddha, vacisankhara niruddha patippassaddha, cittasankhara niruddha patippassaddha, ayu parikkhino, usma vupasanta, indriyani viparibhinnani; yo cayam bhikkhu sannavedayitanirodham samapanno, tassa pi kayasankhara niruddha patippassaddha, vacisankhara niruddha patippassaddha, cittasankhara niruddha patippassaddha, ayu aparikkhino, usma avupasanta, indriyani vippasannani. Yvayam avuso mato kalakato yo cayam bhikkhu sannavedayitanirodham samapanno, idam tesam nanakaranan-ti.

Kati pan' avuso paccaya adukkhamasukhaya cetovimuttiya samapattiya ti. - Cattaro kho avuso paccaya adukkhamasukhaya cetovimuttiya samapattiya: Idh' avuso bhikkhu sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharati. Ime kho avuso cattaro paccaya adukkhamasukhaya cetovimuttiya samapattiya ti. - Kati pan' avuso paccaya animittaya cetovimuttiya samapattiya ti. - Dve kho avuso paccaya animittaya cetovimuttiya samapattiya: sabbanimittanan-ca amanasikaro, animittaya ca dhatuya manasikaro. Ime kho avuso dve paccaya animittaya cetovimuttiya samapattiya ti.

-- Kati pan' avuso paccaya animittaya cetovimuttiya thitiya ti. - Tayo kho avuso paccaya animittaya cetovimuttiya thitiya:

[page 297]

sabbanimittanan-ca amanasikaro, animittaya ca dhatuya manasikaro, pubbe ca abhisankharo. Ime kho avuso tayo paccaya animittaya cetovimuttiya thitiya ti. -Kati pan' avuso paccaya animittaya cetovimuttiya vutthanayati. - Dve kho avuso paccaya animittaya cetovimuttiya vutthanaya: sabbanimittanan-ca manasikaro, animittaya ca dhatuya amanasikaro. Ime kho avuso dve paccaya animittaya cetovimuttiya vutthanayati.

Ya cayam avuso appamana cetovimutti ya ca akincanna cetovimutti ya ca sunnata cetovimutti ya ca animitta cetovimutti, ime dhamma nanattha c' eva nanabyanjana ca, udahu ekattha, byanjanam-eva nanan-ti. - Ya cayam avuso appamana cetovimutti ya ca akincanna cetovimutti ya ca sunnata cetovimutti ya ca animitta cetovimutti, atthi kho avuso pariyayo yam pariyayam agamma ime dhamma nanattha c' eva nanabyanjana ca, atthi ca kho avuso pariyayo yam pariyayam agamma ime dhamma ekattha, byanjanameva nanam. Katamo c' avuso pariyayo yam pariyayam agamma ime dhamma nanattha c' eva nanabyanjana ca:

Idh' avuso bhikkhu mettasahagatena cetasa ekam disam pharitva viharati, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyabajjhena pharitva viharati. Karunasahagatena cetasa - pe - muditasahagatena cetasa - upekhasahagatena cetasa ekam disam pharitva viharati, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam upekhasahagatena cetasa vipulena mahaggatena appamanena averena abyabajjhena pharitva viharati. Ayam vuccat' avuso appamana cetovimutti. Katama c' avuso akincanna cetovimutti: Idh' avuso bhikkhu sabbaso vinnanancayatanam samatikkamma na-tthi kinciti akincannayatanam upasampajja viharati. Ayam vuccat' avuso akincanna cetovimutti. Katama c' avuso sunnata cetovimutti: Idh' avuso bhikkhu arannagato va rukkhamulagato va sunnagaragato va iti patisancikkhati: sunnam-idam attena va attaniyena va ti.

[page 298]

Ayam vuccat' avuso sunnata cetovimutti. Katama c' avuso animitta cetovimutti: Idh' avuso bhikkhu sabbanimittanam amanasikara animittam cetosamadhim upasampajja viharati.

Ayam vuccat' avuso animitta cetovimutti. Ayam kho avuso pariyayo yam pariyayam agamma ime dhamma nanattha c' eva nanabyanjana ca. Katamo c' avuso pariyayo yam pariyayam agamma ime dhamma ekattha, byanjanam-eva nanam: Rago kho avuso pamanakarano, doso pamanakarano, moho pamanakarano; te khinasavassa bhikkhuno pahina ucchinnamula talavatthukata anabhavakata ayatim anuppadadhamma. Yavata kho avuso appamana cetovimuttiyo akuppa tasam cetovimutti aggam-akkhayati, sa kho panakuppa cetovimutti sunna ragena sunna dosena sunna mohena. Rago kho avuso kincano, doso kincano, moho kincano, te khinasavassa bhikkhuno pahina ucchinnamula talavatthukata anabhavakata ayatim anuppadadhamma. Yavata kho avuso akincanna cetovimuttiyo akuppa tasam cetovimutti aggam-akkhayati, sa kho panakuppa cetovimutti sunna ragena sunna dosena sunna mohena. Rago kho avuso nimittakarano, doso nimittakarano, moho nimittakarano, te khinasavassa bhikkhuno pahina ucchinnamula talavatthukata anabhavakata ayatim anuppadadhamma. Yavata kho avuso animitta cetovimuttiyo akuppa tasam cetovimutti aggam-akkhayati, sa kho panakuppa cetovimutti sunna ragena sunna dosena sunna mohena. Ayam kho avuso pariyayo yam pariyayam agamma ime dhamma ekattha, byanjanam-eva nanan-ti.

Idam-avoc' ayasma Sariputto. Attamano ayasma Mahakotthito ayasmato Sariputtassa bhasitam abhinanditi.

MAHAVEDALLASUTTAM TATIYAM.

[page 299]

 


 

XLIV. Cula Vedalla Suttam

Evam-me sutam. Ekam samayam Bhagava Rajagahe viharati Veluvane Kalandakanivape. Atha kho Visakho upasako yena Dhammadinna bhikkhuni ten' upasankami, upasankamitva Dhammadinnam bhikkhunim abhivadetva ekamantam nisidi. Ekamantam nisinno kho Visakho upasako Dhammadinnam bhikkhunim etad-avoca:

Sakkayo sakkayo ti ayye vuccati. Katamo nu kho ayye sakkayo vutto Bhagavata ti. - Panca kho ime avuso Visakha upadanakkhandha sakkayo vutto Bhagavata, seyyathidam rupupadanakkhandho vedanupadanakkhandho sannupadanakkhandho sankharupadanakkhandho vinnanupadanakkhandho. Ime kho avuso Visakha panc' upadanakkhandha sakkayo vutto Bhagavata ti. Sadh' ayye ti kho Visakho upasako Dhammadinnaya bhikkhuniya bhasitam abhinanditva anumoditva Dhammadinnam bhikkhunim uttarim panham apucchi: Sakkayasamudayo sakkayasamudayo ti ayye vuccati.

Katamo nu kho ayye sakkayasamudayo vutto Bhagavata ti.

-- Ya 'yam avuso Visakha tanha ponobhavika nandiragasahagata tatratatrabhinandini, seyyathidam kamatanha bhavatanha vibhavatanha, ayam kho avuso Visakha sakkayasamudayo vutto Bhagavata ti. - Sakkayanirodho sakkayanirodho ti ayye vuccati. Katamo nu kho ayye sakkayanirodho vutto Bhagavata ti. - Yo kho avuso Visakha tassa yeva tanhaya asesaviraganirodho cago patinissaggo mutti analayo, ayam kho avuso Visakha sakkayanirodho vutto Bhagavata ti. -Sakkayanirodhagamini patipada sakkayanirodhagamini patipada ti ayye vuccati. Katama nu kho ayye sakkayanirodhagamini patipada vutta Bhagavata ti. - Ayam-eva kho avuso Visakha ariyo atthangiko maggo sakkayanirodhagamini patipada vutta Bhagavata, seyyathidam sammaditthi sammasankappo sammavaca sammakammanto sammaajivo sammavayamo sammasati sammasamadhiti. - Tan-neva nu kho ayye upadanam te panc' upadanakkhandha, udahu annatra pancah' upadanakkhandhehi upadanan-ti. - Na kho avuso Visakha tan-neva upadanam te panc' upadanakkhandha, na pi annatra pancah' upadanakkhandhehi upadanam.

[page 300]

Yo kho avuso Visakha pancas' upadanakkhandhesu chandarago tam tattha upadanan-ti.

Katham pan' ayye sakkayaditthi hotiti. - Idh' avuso Visakha assutava puthujjano ariyanam adassavi ariyadhammassa akovido ariyadhamme avinito, sappurisanam adassavi sappurisadhammassa akovido sappurisadhamme avinito, rupam attato samanupassati, rupavantam va attanam, attani va rupam, rupasmim va attanam; vedanam attato samanupassati. vedanavantam va attanam, attani va vedanam, vedanaya ya attanam; sannam attato samanupassati, sannavantam va attanam, attani va sannam, sannaya va attanam; sankhare attato samanupassati, sankharavantam va attanam, attani va sankhare. sankharesu va attanam; vinnanam attato samanupassati, vinnanavantam va attanam, attani va vinnanam, vinnanasmim va attanam. Evam kho avuso Visakha sakkayaditthi hotiti. - Katham pan' ayye sakkayaditthi na hotiti. - Idh' avuso Visakha sutava ariyasavako ariyanam dassavi ariyadhammassa kovido ariyadhamme suvinito, sappurisanam dassavi sappurisadhammassa kovido sappurisadhamme suvinito, na rupam attato samanupassati, na rupavantam attanam, na attani rupam, na rapasmim attanam; na vedanam attato samanupassati, na vedanavantam attanam, na attani vedanam, na vedanaya attanam; na sannam attato samanupassati, na sannavantam attanam, na attani sannam, na sannaya attanam; na sankhare attato samanupassati, na sankharavantam attanam, na attani sankhare, na sankharesu attanam; na vinnanam attato samanupassati, na vinnanavantam attanam, na attani vinnanam, na vinnanasmim attanam. Evam kho avuso Visakha sakkayaditthi na hotiti.

Katamo pan' ayye ariyo atthangiko maggo ti. - Ayameva kho avuso Visakha ariyo atthangiko maggo, seyyathidam sammaditthi sammasankappo sammavaca sammakammanto sammaajivo sammavayamo sammasati sammasamadhiti. -Ariyo pan' ayye atthangiko maggo sankhato udahu asankhato ti. - Ariyo kho avuso Visakha atthangiko maggo sankhato ti.

[page 301]

- Ariyena nu kho ayye atthangikena maggena tayo khandha sangahita, udahu tihi khandhehi ariyo atthangiko maggo sangahito ti. - Na kho avuso Visakha ariyena atthangikena maggena tayo khandha sangahita, tihi ca kho avuso Visakha khandhehi ariyo atthangiko maggo sangahito.

Ya c' avuso Visakha sammavaca yo ca sammakammanto yo ca sammaajivo, ime dhamma silakkhandhe sangahita; yo ca sammavayamo ya ca sammasati yo ca sammasamadhi, ime dhamma samadhikkhandhe sangahita; ya ca sammaditthi yo ca sammasankappo, ime dhamma pannakkhandhe sangahita ti. - Katamo pan' ayye samadhi, katame samadhinimitta, katame samadhiparikkhara, katama samadhibhavana ti. -Ya kho avuso Visakha cittassa ekaggata ayam samadhi, cattaro satipatthana samadhinimitta, cattaro sammappadhana samadhiparikkhara, ya tesam yeva dhammanam asevana bhavana bahulikammam ayam tattha samadhibhavana ti.

Kati pan' ayye sankhara ti. - Tayo 'me avuso Visakha sankhara: kayasankharo vacisankharo cittasankharo ti. -Katamo pan' ayye kayasankharo, katamo vacisankharo, katamo cittasankharo ti. - Assasapassasa kho avuso Visakha kayasankharo, vitakkavicara vacisankharo, sanna ca vedana ca cittasankharo ti. - Kasma pan' ayye assasapassasa kayasankharo, kasma vitakkavicara vacisankharo, kasma sanna ca vedana ca cittasankharo ti. - Assasapassasa kho avuso Visakha kayika ete dhamma kayapatibaddha, tasma assasapassasa kayasankharo. Pubbe kho avuso Visakha vitakketva vicaretva paccha vacam bhindati, tasma vitakkavicara vacisankharo. Sanna ca vedana ca cetasika ete dhamma cittapatibaddha, tasma sanna ca vedana ca cittasankharo ti.

Kathan-ca pan' ayye sannavedayitanirodhasamapatti hotiti. - Na kho avuso Visakha sannavedayitanirodham samapajjantassa bhikkhuno evam hoti: aham sannavedayitanirodham samapajjissan-ti va, aham sannavedayitanirodham samapajjamiti va, aham sannavedayitanirodham samapanno ti va, atha khvassa pubbe va tatha cittam bhavitam hoti yan-tam tathattaya upanetiti. - Sannavedayitanirodham samapajjantassa pan' ayye bhikkhuno katame dhamma pathamam nirujjhanti,

[page 302]

yadi va kayasankharo yadi va vacisankharo yadi va cittasankharo ti. - Sannavedayitanirodham samapajjantassa kho avuso Visakha bhikkhuno pathamam nirujjhati vacisankharo, tato kayasankharo, tato cittasankharo ti.

-- Katham pan' ayye sannavedayitanirodhasamapattiya vutthanam hotiti. - Na kho avuso Visakha sannavedayitanirodhasamapattiya vutthahantassa bhikkhuno evam hoti: aham sannavedayitanirodhasamapattiya vutthahissan-ti va, aham sannavedayitanirodhasamapattiya vutthahamiti va, aham sannavedayitanirodhasamapattiya vutthito ti va, atha khvassa pubbe va tatha cittam bhavitam hoti yan-tam tathattaya upanetiti. - Sannavedayitanirodhasamapattiya vutthahantassa pan' ayye bhikkhuno katame dhamma pathamam uppajjanti, yadi va kayasankharo yadi va vacisankharo yadi va cittasankharo ti. - Sannavedayitanirodhasamapattiya vutthahantassa kho avuso Visakha bhikkhuno pathamam uppajjati cittasankharo, tato kayasankharo, tato vacisankharo ti. - Sannavedayitanirodhasamapattiya vutthitam pan' ayye bhikkhum kati phassa phusantiti. - Sannavedayitanirodhasamapattiya vutthitam kho avuso Visakha bhikkhum tayo phassa phusanti:

sunnato phasso, animitto phasso. appanihito phasso ti. -Sannavedayitanirodhasamapattiya vutthitassa pan' ayye bhikkhuno kimninnam cittam hoti kimponam kimpabbharan-ti. -Sannavedayitanirodhasamapattiya vutthitassa kho avuso Visakha bhikkhuno vivekaninnam cittam hoti vivekaponam vivekapabbharan-ti.

Kati pan' ayye vedana ti. - Tisso kho ima avuso Visakha vedana: sukha vedana, dukkha vedana, adukkhamasukha vedana ti. - Katama pan' ayye sukha vedana, katama dukkha vedana, katama adukkhamasukha vedana ti. -Yam kho avuso Visakha kayikam va cetasikam va sukham satam vedayitam ayam sukha vedana. Yam kho avuso Visakha kayikam va cetasikam va dukkham asatam vedayitam ayam dukkha vedana. Yam kho avuso Visakha kayikam va cetasikam va n' eva satam nasatam vedayitam ayam adukkhamasukha vedana ti.

[page 303]

- Sukha pan' ayye vedana kimsukha kimdukkha, dukkha vedana kimdukkha kimsukha, adukkhamasukha vedana kimsukha kimdukkha ti. - Sukha kho avuso Visakha vedana thitisukha viparinamadukkha, dukkha vedana thitidukkha viparinamasukha, adukkhamasukha vedana nanasukha annanadukkha ti. - Sukhaya pan' ayye vedanaya {kimanusayo} anuseti, dukkhaya vedanaya {kimanusayo} anuseti, adukkhamasukhaya vedanaya {kimanusayo} anusetiti. - Sukhaya kho avuso Visakha vedanaya raganusayo anuseti, dukkhaya vedanaya patighanusayo anuseti, adukkhamasukhaya vedanaya avijjanusayo anusetiti. - Sabbaya nu kho ayye sukhaya vedanaya raganusayo anuseti, sabbaya dukkhaya vedanaya patighanusayo anuseti, sabbaya adukkhamasukhaya vedanaya avijjanusayo anusetiti. - Na kho avuso Visakha sabbaya sukhaya vedanaya raganusayo anuseti, na sabbaya dukkhaya vedanaya patighanusayo anuseti, na sabbaya adukkhamasukhaya vedanaya avijjanusayo anusetiti. - Sukhaya pan' ayye vedanaya kim pahatabbam, dukkhaya vedanaya kim pahatabbam, adukkhamasukhaya vedanaya kim pahatabban-ti. - Sukhaya kho avuso Visakha vedanaya raganusayo pahatabbo, dukkhaya vedanaya patighanusayo pahatabbo, adukkhamasukhaya vedanaya avijjanusayo pahatabbo ti. - Sabbaya nu kho ayye sukhaya vedanaya raganusayo pahatabbo, sabbaya dukkhaya vedanaya patighanusayo pahatabbo, sabbaya adukkhamasukhaya vedanaya avijjanusayo pahatabbo ti. - Na kho avuso Visakha sabbaya sukhaya vedanaya raganusayo pahatabbo, na sabbaya dukkhaya vedanaya patighanusayo pahatabbo, na sabbaya adukkhamasukhaya vedanaya avijjanusayo pahatabbo.

Idh' avuso Visakha bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati, ragan-tena pajahati, na tattha raganusayo anuseti. Idh' avuso Visakha bhikkhu iti patisancikkhati: kuda-ssu namaham tad-ayatanam upasampajja viharissami yad-ariya etarahi ayatanam upasampajja viharantiti, iti anuttaresu vimokhesu piham upatthapayato uppajjati pihapaccaya domanassam,

[page 304]

patighantena pajahati, na tattha patighanusayo anuseti. Idh' avuso Visakha bhikkhu sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharati, avijjan-tena pajahati, na tattha avijjanusayo anusetiti.

Sukhaya pan' ayye vedanaya kim patibhago ti. - Sukhaya kho avuso Visakha vedanaya dukkha vedana patibhago ti. - Dukkhaya pan' ayye vedanaya kim patibhago ti. - Dukkhaya kho avuso Visakha vedanaya sukha vedana patibhago ti. - Adukkhamasukhaya pan' ayye vedanaya kim patibhago ti. - Adukkhamasukhaya kho avuso Visakha vedanaya avijja patibhago ti. - Avijjaya pan' ayye kim patibhago ti. - Avijjaya kho avuso Visakha vijja patibhago ti.

-- Vijjaya pan' ayye kim patibhago ti. - Vijjaya kho avuso Visakha vimutti patibhago ti. - Vimuttiya pan' ayye kim patibhago ti. - Vimuttiya kho avuso Visakha nibbanam patibhago ti. - Nibbanassa pan' ayye kim patibhago ti. -Accasaravuso Visakha panham, nasakkhi panhanam pariyantam gahetum. Nibbanogadham hi avuso Visakha brahmacariyam nibbanaparayanam nibbanapariyosanam. Akankhamano ca tvam avuso Visakha Bhagavantam upasankamitva etam-attham puccheyyasi, yatha ca te Bhagava byakaroti tatha nam dhareyyasiti.

Atha kho Visakho upasako Dhammadinnaya bhikkhuniya bhasitam abhinanditva anumoditva utthay' asana Dhammadinnam bhikkhunim abhivadetva padakkhinam katva yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho Visakho upasako yavatako ahosi Dhammadinnaya bhikkhuniya saddhim kathasallapo tam sabbam Bhagavato arocesi. Evam vutte Bhagava Visakham upasakam etad-avoca: Pandita Visakha Dhammadinna bhikkhuni, mahapanna Visakha Dhammadinna bhikkhuni. Maman-ce pi tvam Visakha etamattham puccheyyasi, aham-pi tam evam-evam byakareyyam yatha tam Dhammadinnaya bhikkhuniya byakatam,

[page 305]

eso c' ev' etassa attho, evam-etam dharehiti.

Idam-avoca Bhagava. Attamano Visakho upasako Bhagavato bhasitam abhinanditi.

CULAVEDALLASUTTAM CATUTTHAM.

 


 

XLV. Cula Dhamma-Samadana Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Cattar' imani bhikkhave dhammasamadanani, katamani cattari: Atthi bhikkhave dhammasamadanam paccuppannasukham ayatim dukkhavipakam. Atthi bhikkhave dhammasamadanam paccuppannadukkhan-c' eva ayatin-ca dukkhavipakam. Atthi bhikkhave dhammasamadanam paccuppannadukkham ayatim sukhavipakam. Atthi bhikkhave dhammasamadanam paccuppannasukhan-c' eva ayatin-ca sukhavipakam.

Kataman-ca bhikkhave dhammasamadanam paccuppannasukham ayatim dukkhavipakam: Santi bhikkhave eke samanabrahmana evamvadino evamditthino: na-tthi kamesu doso ti. Te kamesu patabyatam apajjanti. te kho molibaddhahi paribbajikahi paricarenti, te evam-ahamsu: Kim su nama te bhonto samanabrahmana kamesu anagatabhayam sampassamana kamanam pahanam-ahamsu kamanam parinnam pannapenti; sukho imissa paribbajikaya tarunaya mudukaya lomasaya bahaya samphasso ti te kamesu patabyatam apajjanti. Te kamesu patabyatam apajjitva kayassa bheda param-marana apayam duggatim vinipatam nirayam upapajjanti.

Te tattha dukkha tippa katuka vedana vediyanti. Te evamahamsu: Idam kho te bhonto samanabrahmana kamesu anagatabhayam sampassamana kamanam pahanam-ahamsu kamanam parinnam pannapenti, ime hi mayam kamahetu kamanidanam dukkha tippa katuka vedana vediyamati.

[page 306]

Seyyatha pi bhikkhave gimhanam pacchime mase maluvasipatika phaleyya, atha kho tam bhikkhave maluvabijam annatarasmim salamule nipateyya. Atha kho bhikkhave ya tasmim sale adhivattha devata sa bhita samvigga santasam apajjeyya.

Atha kho bhikkhave tasmim sale adhivatthaya devataya mittamacca natisalohita, aramadevata vanadevata rukkhadevata, osadhitinavanaspatisu adhivattha devata, sangamma samagamma evam samassaseyyum: Ma bhavam bhayi. ma bhavam bhayi, app-eva nam' etam maluvabijam moro va gileyya mago va khadeyya davadaho va daheyya vanakammika va uddhareyyum upacika va udrabheyyum, abijam va pan' assati.

Atha kho tam bhikkhave maluvabijam n' eva moro gileyya na mago khadeyya na davadaho daheyya na vanakammika uddhareyyum na upacika udrabheyyum, bijam pan' assa. Tam pavussakena meghena abhippavattam samma-d-eva viruheyya, sa 'ssa maluvalata taruna muduka lomasa vilambini, sa tam salam upaniseveyya. Atha kho bhikkhave tasmim sale adhivatthaya devataya evam-assa: Kim su nama te bhonto mittamacca natisalohita, aramadevata vanadevata rukkhadevata, osadhitinavanaspatisu adhivattha devata, maluvabije anagatabhayam sampassamana sangamma samagamma evam samassasesum: ma bhavam bhayi, ma bhavam bhayi, app-eva nam' etam maluvabijam moro va gileyya mago va khadeyya davadaho va daheyya vanakammika va uddhareyyum upacika va udrabheyyum, abijam va pan' assati; sukho imissa maluvalataya tarunaya mudukaya lomasaya vilambiniya samphasso ti. Sa tam salam anuparihareyya, sa tam salam anupariharitva upari vitabhim kareyya, upari vitabhim karitva oghanam janeyya, oghanam janetva ye tassa salassa mahanta mahanta khandha te padaleyya. Atha kho bhikkhave tasmim sale adhivatthaya devataya evam-assa:

Idam kho te bhonto mittamacca natisalohita, aramadevata vanadevata rukkhadevata, osadhitinavanaspatisu adhivattha devata, maluvabije anagatabhayam sampassamana sangamma samagamma evam samassasesum: ma bhavam bhayi, ma bhavam bhayi, app-eva nam' etam maluvabijam moro va gileyya mago va khadeyya davadaho va daheyya vanakammika va uddhareyyum upacika va {udrabheyyum},

[page 307]

abijam va pan' assati, yan-caham maluvabijahetu dukkha tippa katuka vedana vediyamiti. Evam-eva kho bhikkhave santi eke samanabrahmana evamvadino evamditthino: na-tthi kamesu doso ti. Te kamesu patabyatam apajjanti, te molibaddhahi paribbajikahi paricarenti; te evam-ahamsu: Kim su nama te bhonto samanabrahmana kamesu anagatabhayam sampassamana kamanam pahanam-ahamsu kamanam parinnam pannapenti; sukho imissa paribbajikaya tarunaya mudukaya lomasaya bahaya samphasso ti te kamesu patabyatam apajjanti.

Te kamesu patabyatam apajjitva kayassa bheda parammarana apayam duggatim vinipatam nirayam upapajjanti.

Te tattha dukkha tippa katuka vedana vediyanti. Te evamahamsu: Idam kho te bhonto samanabrahmana kamesu anagatabhayam sampassamana kamanam pahanam-ahamsu kamanam parinnam pannapenti, ime hi mayam kamahetu kamanidanam dukkha tippa katuka vedana vediyamati. Idam vuccati bhikkhave dhammasamadanam paccuppannasukham ayatim dukkhavipakam.

Kataman-ca bhikkhave dhammasamadanam paccuppannadukkhan-c' eva ayatin-ca dukkhavipakam: Idha bhikkhave ekacco acelako hoti muttacaro hatthapalekhano, na ehibhadantiko na titthabhadantiko, na abhihatam na uddissakatam na nimantanam sadiyati; so na kumbhimukha patiganhati na kalopimukha patiganhati, na elakamantaram na dandamantaram na musalamantaram, na dvinnam bhunjamananam, na gabbhiniya na payamanaya na purisantaragataya, na sankittisu, na yattha sa upatthito hoti, na yattha makkhika sandasandacarini, na maccham na mamsam na suram na merayam na thusodakam pibati. So ekagariko va hoti ekalopiko, dvagariko va hoti dvalopiko - sattagariko va hoti sattalopiko; ekissa pi dattiya yapeti, dvihi pi dattihi yapeti - sattahi pi dattihi yapeti; ekahikam-pi aharam ahareti, dvihikam-pi aharam ahareti - sattahikam-pi aharam ahareti, iti evarupam addhamasikam-pi pariyayabhattabhojananuyogam-anuyutto viharati. So sakabhakkho va hoti samakabhakkho va hoti nivarabhakkho va hoti daddulabhakkho va hoti hatabhakkho va hoti kanabhakkho va hoti acamabhakkho va hoti pinnakabhakkho va hoti tinabhakkho va hoti gomayabhakkho va hoti,

[page 308]

vanamulaphalaharo yapeti pavattaphalabhoji. So sanani pi dhareti masanani pi dhareti chavadussani pi dhareti pamsukulani pi dhareti tiritani pi dhareti ajinani pi dhareti ajinakkhipam-pi dhareti kusaciram-pi dhareti vakaciram-pi dhareti phalakaciram-pi dhareti kesakambalam-pi dhareti valakambalam-pi dhareti ulukapakkham-pi dhareti; kesamassulocako pi hoti kesamassulocananuyogam-anuyutto, ubbhatthako pi hoti asanapatikkhitto, ukkutiko pi hoti ukkutikappadhanam-anuyutto, kantakapassayiko pi hoti kantakapassaye seyyam kappeti, sayatatiyakam-pi udakorohananuyogam-anuyutto viharati.

Iti evarupam anekavihitam kayassa atapanaparitapananuyogam-anuyutto viharati. So kayassa bheda param-marana apayam duggatim vinipatam nirayam upapajjati. Idam vuccati bhikkhave dhammasamadanam paccuppannadukkhan-c' eva ayatin-ca dukkhavipakam.

Kataman-ca bhikkhave dhammasamadanam paccupannadukkham ayatim sukhavipakam: Idha bhikkhave ekacco pakatiya tibbaragajatiko hoti, so abhikkhanam ragajam dukkham domanassam patisamvedeti; pakatiya tibbadosajatiko hoti, so abhikkhanam dosajam dukkham domanassam patisamvedeti; pakatiya tibbamohajatiko hoti, so abhikkhanam mohajam dukkham domanassam patisamvedeti. So sahapi dukkhena sahapi domanassena assumukho pi rudamano paripunnam parisuddham brahmacariyam carati. So kayassa bheda param-marana sugatim saggam lokam upapajjati.

Idam vuccati bhikkhave dhammasamadanam paccuppannadukkham ayatim sukhavipakam.

Kataman-ca bhikkhave dhammasamadanam paccuppannasukhan-c' eva ayatin-ca sukhavipakam: Idha bhikkhave ekacco pakatiya na tibbaragajatiko hoti, so na abhikkhanam ragajam dukkham domanassam patisamvedeti; pakatiya na tibbadosajatiko hoti, so na abhikkhanam dosajam dukkham domanassam patisamvedeti; pakatiya na tibbamohajatiko hoti,

[page 309]

so na abhikkhanam mohajam dukkham domanassam patisamvedeti. So vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. Vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati. Pitiya ca viraga upekhako ca viharati sato ca sampajano, sukhan-ca kayena patisamvedeti yan-tam ariya acikkhanti: upekhako satima sukhavihari ti tatiyam jhanam upasampajja viharati. Sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharati. So kayassa bheda param-marana sugatim saggam lokam upapajjati. Idam vuccati bhikkhave dhammasamadanam paccuppannasukhan-c' eva ayatin-ca sukhavipakam. Imani kho bhikkhave cattari dhammasamadananiti.

Idam-avoca Bhagava. Attamana te bhikkhu Bhagavato bhasitam abhinandun-ti.

CULADHAMMASAMADANASUTTAM PANCAMAM.

 


 

XLVI. Maha Dhamma-Samadana Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Yebhuyyena bhikkhave satta evamkama evamchanda evamadhippaya: aho vata anittha akanta amanapa dhamma parihayeyyum, ittha kanta manapa dhamma abhivaddheyyunti. Tesam bhikkhave sattanam evamkamanam evamchandanam evamadhippayanam anittha akanta amanapa dhamma abhivaddhanti, ittha kanta manapa dhamma parihayanti.

Tatra tumhe bhikkhave kam hetum paccethati. - Bhagavammulaka no bhante dhamma Bhagavamnettika Bhagavampatisarana.

[page 310]

Sadhu vata bhante Bhagavantam yeva patibhatu etassa bhasitassa attho, Bhagavato sutva bhikkhu dharessantiti. - Tena hi bhikkhave sunatha, sadhukam manasikarotha, bhasissamiti. Evam-bhante ti kho te bhikkhu Bhagavato paccassosum. Bhagava etad-avoca:

Idha bhikkhave assutava puthujjano ariyanam adassavi ariyadhammassa akovido ariyadhamme avinito, sappurisanam adassavi sappurisadhammassa akovido sappurisadhamme avinito, sevitabbe dhamme na janati asevitabbe dhamme na janati, bhajitabbe dhamme na janati abhajitabbe dhamme na janati. So sevitabbe dhamme ajananto asevitabbe dhamme ajananto, bhajitabbe dhamme ajananto abhajitabbe dhamme ajananto, asevitabbe dhamme sevati sevitabbe dhamme na sevati, abhajitabbe dhamme bhajati bhajitabbe dhamme na bhajati. Tassa asevitabbe dhamme sevato sevitabbe dhamme asevato, abhajitabbe dhamme bhajato bhajitabbe dhamme abhajato, anittha akanta amanapa dhamma abhivaddhanti, ittha kanta manapa dhamma parihayanti, tam kissa hetu:

Evam h' etam bhikkhave hoti yatha tam aviddasuno. Sutava ca kho bhikkhave ariyasavako ariyanam dassavi ariyadhammassa kovido ariyadhamme suvinito, sappurisanam dassavi sappurisadhammassa kovido sappurisadhamme suvinito, sevitabbe dhamme pajanati asevitabbe dhamme pajanati, bhajitabbe dhamme pajanati abhajitabbe dhamme pajanati.

So sevitabbe dhamme pajananto asevitabbe dhamme pa jananto, bhajitabbe dhamme pajananto abhajitabbe dhamme pajananto, asevitabbe dhamme na sevati sevitabbe dhamme sevati, abhajitabbe dhamme na bhajati bhajitabbe dhamme bhajati. Tassa asevitabbe dhamme asevato sevitabbe dhamme sevato, abhajitabbe dhamme abhajato bhajitabbe dhamme bhajato, anittha akanta amanapa dhamma parihayanti, ittha kanta manapa dhamma abhivaddhanti, tam kissa hetu: Evam h' etam bhikkhave hoti yatha tam viddasuno.

Cattar' imani bhikkhave dhammasamadanani, katamani cattari: Atthi bhikkhave dhammasamadanam paccuppannadukkhan-c' eva ayatin-ca dukkhavipakam. Atthi bhikkhave dhammasamadanam paccuppannasukham ayatim dukkhavipakam.

[page 311]

Atthi bhikkhave dhammasamadanam paccuppannadukkham ayatim sukhavipakam. Atthi bhikkhave dhammasamadanam paccuppannasukhan-c' eva ayatin-ca sukhavipakam.

Tatra bhikkhave yam-idam dhammasamadanam paccuppannadukkhan-c' eva ayatin-ca dukkhavipakam, tam avidva avijjagato yathabhutam na-ppajanati: idam kho dhammasamadanam paccuppannadukkhan-c' eva ayatin-ca dukkhavipakan-ti. Tam avidva avijjagato yathabhutam appajananto tam sevati, tam na parivajjeti; tassa tam sevato tam aparivajjayato anittha akanta amanapa dhamma abhivaddhanti, ittha kanta manapa dhamma parihayanti, tam kissa hetu:

Evam h' etam bhikkhave hoti yatha tam aviddasuno. Tatra bhikkhave yam-idam dhammasamadanam paccuppannasukham ayatim dukkhavipakam, tam avidva avijjagato yathabhutam na-ppajanati: idam kho dhammasamadanam paccuppannasukham ayatim dukkhavipakan-ti. Tam avidva avijjagato yathabhutam appajananto tam sevati, tam na parivajjeti; tassa tam sevato tam aparivajjayato anittha akanta amanapa dhamma abhivaddhanti, ittha kanta manapa dhamma parihayanti, tam kissa hetu: Evam h' etam bhikkhave hoti yatha tam aviddasuno. Tatra bhikkhave yam-idam dhammasamadanam paccuppannadukkham ayatim sukhavipakam, tam avidva avijjagato yathabhutam na-ppajanati: idam kho dhammasamadanam paccuppannadukkham ayatim sukhavipakan-ti. Tam avidva avijjagato yathabhutam appajananto tam na sevati, tam parivajjeti; tassa tam asevato tam parivajjayato anittha akanta amanapa dhamma abhivaddhanti, ittha kanta manapa dhamma parihayanti, tam kissa hetu:

Evam h' etam bhikkhave hoti yatha tam aviddasuno. Tatra bhikkhave yam-idam dhammasamadanam paccuppannasukhan-c' eva ayatin-ca sukhavipakam, tam avidva avijjagato yathabhutam na-ppajanati: idam kho dhammasamadanam paccuppannasukhan-c' eva ayatin-ca sukhavipakanti. Tam avidva avijjagato yathabhutam appajananto tam na sevati, tam parivajjeti; tassa tam asevato tam parivajjayato anittha akanta amanapa dhamma abhivaddhanti,

[page 312]

ittha kanta manapa dhamma parihayanti, tam kissa hetu: Evam h' etam bhikkhave hoti yatha tam aviddasuno.

Tatra bhikkhave yam-idam dhammasamadanam paccuppannadukkhan-c' eva ayatin-ca dukkhavipakam, tam vidva vijjagato yathabhutam pajanati: idam kho dhammasamadanam paccuppannadukkhan-c' eva ayatin-ca dukkhavipakanti. Tam vidva vijjagato yathabhutam pajananto tam na sevati, tam parivajjeti; tassa tam asevato tam parivajjayato anittha akanta amanapa dhamma parihayanti, ittha kanta manapa dhamma abhivaddhanti, tam kissa hetu: Evam h' etam bhikkhave hoti yatha tam viddasuno. Tatra bhikkhave yam-idam dhammasamadanam paccuppannasukham ayatim dukkhavipakam, tam vidva vijjagato yathabhutam pajanati:

idam kho dhammasamadanam paccuppannasukham ayatim dukkhavipakan-ti. Tam vidva vijjagato yathabhutam pajananto tam na sevati, tam parivajjeti; tassa tam asevato tam parivajjayato anittha akanta amanapa dhamma parihayanti, ittha kanta manapa dhamma abhivaddhanti, tam kissa hetu: Evam h' etam bhikkhave hoti yatha tam viddasuno. Tatra bhikkhave yam-idam dhammasamadanam paccuppannadukkham ayatim sukhavipakam, tam vidva vijjagato yathabhutam pajanati: idam kho dhammasamadanam paccuppannadukkham ayatim sukhavipakan-ti. Tam vidva vijjagato yathabhutam pajananto tam sevati, tam na parivajjeti; tassa tam sevato tam aparivajjayato anittha akanta amanapa dhamma parihayanti, ittha kanta manapa dhamma abhivaddhanti, tam kissa hetu: Evam h' etam bhikkhave hoti yatha tam viddasuno. Tatra bhikkhave yam-idam dhammasamadanam paccuppannasukhan-c' eva ayatin-ca sukhavipakam, tam vidva vijjagato yathabhutam pajanati: idam kho dhammasamadanam paccuppannasukhan-c' eva ayatin-ca sukhavipakan-ti. Tam vidva vijjagato yathabhutam pajananto tam sevati, tam na parivajjeti; tassa tam sevato tam aparivajjayato anittha akanta amanapa dhamma parihayanti, ittha kanta manapa dhamma abhivaddhanti, tam kissa hetu:

Evam h' etam bhikkhave hoti yatha tam viddasuno.

[page 313]

Kataman-ca bhikkhave dhammasamadanam paccuppannadukkhan-c' eva ayatin-ca dukkhavipakam: Idha bhikkhave ekacco sahapi dukkhena sahapi domanassena panatipati hoti panatipatapaccaya ca dukkham domanassam patisamvedeti, sahapi dukkhena sahapi domanassena adinnadayi hoti adinnadanapaccaya ca dukkham domanassam patisamvedeti, sahapi dukkhena sahapi domanassena kamesu micchacari hoti kamesu micchacarapaccaya ca dukkham domanassam patisamvedeti, sahapi dukkhena sahapi domanassena musavadi hoti musavadapaccaya ca dukkham domanassam patisamvedeti, sahapi dukkhena sahapi domanassena pisunavaco hoti pisunavacapaccaya ca dukkham domanassam patisamvedeti, sahapi dukkhena sahapi domanassena pharusavaco hoti pharusavacapaccaya ca dukkham domanassam patisamvedeti, sahapi dukkhena sahapi domanassena samphappalapi hoti samphappalapapaccaya ca dukkham domanassam patisamvedeti, sahapi dukkhena sahapi domanassena abhijjhalu hoti abhijjhapaccaya ca dukkham domanassam patisamvedeti, sahapi dukkhena sahapi domanassena byapannacitto hoti byapadapaccaya ca dukkham domanassam patisamvedeti, sahapi dukkhena sahapi domanassena micchaditthi hoti micchaditthipaccaya ca dukkham domanassam patisamvedeti. So kayassa bheda param-marana apayam duggatim vinipatam nirayam upapajjati. Idam vuccati bhikkhave dhammasamadanam paccuppannadukkhan-c' eva ayatin-ca dukkhavipakam.

Kataman ca bhikkhave dhammasamadanam paccuppannasukham ayatim dukkhavipakam: Idha bhikkhave ekacco sahapi sukhena sahapi somanassena panatipati hoti panatipatapaccaya ca sukham somanassam patisamvedeti, sahapi sukhena sahapi somanassena adinnadayi hoti adinnadanapaccaya ca sukham somanassam patisamvedeti, sahapi sukhena sahapi somanassena kamesu micchacari hoti kamesu micchacarapaccaya ca sukham somanassam patisamvedeti, sahapi sukhena sahapi somanassena musavadi hoti musavadapaccaya ca sukham somanassam patisamvedeti, sahapi sukhena sahapi somanassena pisunavaco hoti pisunavacapaccaya ca sukham somanassam patisamvedeti,

[page 314]

sahapi sukhena sahapi somanassena pharusavaco hoti pharusavacapaccaya ca sukham somanassam patisamvedeti, sahapi sukhena sahapi somanassena samphappalapi hoti samphappalapapaccaya ca sukham somanassam patisamvedeti, sahapi sukhena sahapi somanassena abhijjhalu hoti abhijjhapaccaya ca sukham somanassam patisamvedeti, sahapi sukhena sahapi somanassena byapannacitto hoti byapadapaccaya ca sukham somanassam patisamvedeti, sahapi sukhena sahapi somanassena micchaditthi hoti micchaditthipaccaya ca sukham somanassam patisamvedeti. So kayassa bheda param-marana apayam duggatim vinipatam nirayam upapajjati. Idam vuccati bhikkhave dhammasamadanam paccuppannasukham ayatim dukkhavipakam.

Kataman-ca bhikkhave dhammasamadanam paccuppannadukkham ayatim sukhavipakam: Idha bhikkhave ekacco sahapi dukkhena sahapi domanassena panatipata pativirato hoti panatipata veramanipaccaya ca dukkham domanassam patisamvedeti, sahapi dukkhena sahapi domanassena adinnadana pativirato hoti adinnadana veramanipaccaya ca dukkham domanassam patisamvedeti, sahapi dukkhena sahapi domanassena kamesu micchacara pativirato hoti kamesu micchacara veramanipaccaya ca dukkham domanassam patisamvedeti, sahapi dukkhena sahapi domanassena musavada pativirato hoti musavada veramanipaccaya ca dukkham domanassam patisamvedeti, sahapi dukkhena sahapi domanassena pisunaya vacaya pativirato hoti pisunaya vacaya veramanipaccaya ca dukkham domanassam patisamvedeti, sahapi dukkhena sahapi domanassena pharusaya vacaya pativirato hoti pharusaya vacaya veramanipaccaya ca dukkham domanassam patisamvedeti, sahapi dukkhena sahapi domanassena samphappalapa pativirato hoti samphappalapa veramanipaccaya ca dukkham domanassam patisamvedeti, sahapi dukkhena sahapi domanassena anabhijjhalu hoti anabhijjhapaccaya ca dukkham domanassam patisamvedeti, sahapi dukkhena sahapi domanassena abyapannacitto hoti abyapadapaccaya ca dukkham domanassam patisamvedeti, sahapi dukkhena sahapi domanassena sammaditthi hoti sammaditthipaccaya ca dukkham domanassam patisamvedeti.

[page 315]

So kayassa bheda param-marana sugatim saggam lokam upapajjati. Idam vuccati bhikkhave dhammasamadanam paccuppannadukkham ayatim sukhavipakam.

Kataman-ca bhikkhave dhammasamadanam paccuppannasukhan-c' eva ayatin-ca sukhavipakam: Idha bhikkhave ekacco sahapi sukhena sahapi somanassena panatipata pativirato hoti panatipata veramanipaccaya ca sukham somanassam patisamvedeti, sahapi sukhena sahapi somanassena adinnadana pativirato hoti adinnadana veramanipaccaya ca sukham somanassam patisamvedeti, sahapi sukhena sahapi somanassena kamesu micchacara pativirato hoti kamesu micchacara veramanipaccaya ca sukham somanassam patisamvedeti, sahapi sukhena sahapi somanassena musavada pativirato hoti musavada veramanipaccaya ca sukham somanassam patisamvedeti, sahapi sukhena sahapi somanassena pisunaya vacaya pativirato hoti pisunaya vacaya veramanipaccaya ca sukham somanassam patisamvedeti, sahapi sukhena sahapi somanassena pharusaya vacaya pativirato hoti pharusaya vacaya veramanipaccaya ca sukham somanassam patisamvedeti, sahapi sukhena sahapi somanassena samphappalapa pativirato hoti samphappalapa veramanipaccaya ca sukham somanassam patisamvedeti, sahapi sukhena sahapi somanassena anabhijjhalu hoti anabhijjhapaccaya ca sukham somanassam patisamvedeti, sahapi sukhena sahapi somanassena abyapannacitto hoti abyapadapaccaya ca sukham somanassam patisamvedeti, sahapi sukhena sahapi somanassena sammaditthi hoti sammaditthipaccaya ca sukham somanassam patisamvedeti. So kayassa bheda param-marana sugatim saggam lokam upapajjati.

Idam vuccati bhikkhave dhammasamadanam paccuppannasukhan-c' eva ayatin-ca sukhavipakam. Imani kho bhikkhave cattari dhammasamadanani.

Seyyatha pi bhikkhave tittakalabu visena samsattho, atha puriso agaccheyya jivitukamo amaritukamo, sukhakamo dukkhapatikkulo, tam-enam evam vadeyyum: Ambho purisa, ayam tittakalabu visena samsattho, sace akankhasi pipa, tassa te pipato c' eva na-cchadessati vannena pi gandhena pi rasena pi,

[page 316]

pitva ca pana maranam va nigacchasi maranamattam va dukkhan-ti. So tam apatisankhaya pipeyya, nappatinissajeyya; tassa tam pipato c' eva na-cchadeyya vannena pi gandhena pi rasena pi, pitva ca pana maranam va nigaccheyya maranamattam va dukkham. Tathupamaham bhikkhave imam dhammasamadanam vadami yam-idam dhammasamadanam paccuppannadukkhan-c' eva ayatin-ca dukkhavipakam.

Seyyatha pi bhikkhave apaniyakamso vannasampanno gandhasampanno rasasampanno, so ca kho visena samsattho, atha puriso agaccheyya jivitukamo amaritukamo, sukhakamo dukkhapatikkulo, tam-enam evam vadeyyum: Ambho purisa, ayam apaniyakamso vannasampanno gandhasampanno rasasampanno, so ca kho visena samsattho, sace akankhasi pipa, tassa te pipato hi kho chadessati vannena pi gandhena pi rasena pi, pitva ca pana maranam va nigacchasi maranamattam va dukkhan-ti. So tam apatisankhaya pipeyya, nappatinissajeyya; tassa tam pipato hi kho chadeyya vannena pi gandhena pi rasena pi, pitva ca pana maranam va nigaccheyya maranamattam va dukkham. Tathupamaham bhikkhave imam dhammasamadanam vadami yam-idam dhammasamadanam paccuppannasukham ayatim dukkhavipakam.

Seyyatha pi bhikkhave putimuttam nanabhesajjehi samsattham, atha puriso agaccheyya pandurogi, tam-enam evam vadeyyum: Ambho purisa, idam putimuttam nanabhesajjehi samsattham, sace akankhasi pipa, tassa te pipato hi kho nacchadessati vannena pi gandhena pi rasena pi, pitva ca pana sukhi bhavissasiti. So tam patisankhaya pipeyya, nappatinissajeyya; tassa tam pipato hi kho na-cchadeyya vannena pi gandhena pi rasena pi, pitva ca pana sukhi assa.

Tathupamaham bhikkhave imam dhammasamadanam vadami yam-idam dhammasamadanam paccuppannadukkham ayatim sukhavipakam.

Seyyatha pi bhikkhave dadhin-ca madhun-ca sappinca phanitan-ca ekajjham samsattham, atha puriso agaccheyya lohitapakkhandiko, tam-enam evam vadeyyum: Ambho purisa, idam dadhin-ca madhun-ca sappin-ca phanitan-ca ekajjham samsattham,

[page 317]

hh sace akankhasi pipa, tassa te pipato c' eva chadessati vannena pi gandhena pi rasena pi, pitva ca pana sukhi bhavissasiti. So tam patisankhaya pipeyya, nappatinissajeyya; tassa tam pipato c' eva chadeyya vannena pi gandhena pi rasena pi, pitva ca pana sukhi assa. Tathupamaham bhikkhave imam dhammasamadanam vadami yamidam dhammasamadanam paccuppannasukhan-c' eva ayatinca sukhavipakam. Seyyatha pi bhikkhave vassanam pacchime mase saradasamaye viddhe vigatavalahake deve adicco nabham abbhussakkamano sabbam akasagatam tamagatam abhivihacca bhasati ca tapati ca virocati ca, evam-eva kho bhikkhave yam-idam dhammasamadanam paccuppannasukhanc' eva ayatin-ca sukhavipakam tad-anne puthusamanabrahmana (nam) parappavade abhivihacca bhasati ca tapati ca virocati cati.

Idam-avoca Bhagava. Attamana te bhikkhu Bhagavato bhasitam abhinandun-ti.

MAHADHAMMASAMADANASUTTAM CHATTHAM.

 


 

XLVII. Vimamsaka Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Vimamsakena bhikkhave bhikkhuna parassa cetopariyayam ajanantena Tathagate samannesana katabba, sammasambuddho va no va iti vinnanayati. - Bhagavammulaka no bhante dhamma Bhagavamnettika Bhagavampatisarana.

Sadhu vata bhante Bhagavantam yeva patibhatu etassa bhasitassa attho, Bhagavato sutva bhikkhu dharessantiti. -Tena hi bhikkhave sunatha, sadhukam manasikarotha, bhasissamiti.

[page 318]

Evam-bhante ti kho te bhikkhu Bhagavato paccassosum. Bhagava etad-avoca:

Vimamsakena bhikkhave bhikkhuna parassa cetopariyayam ajanantena dvisu dhammesu Tathagato samannesitabbo, cakkhusotavinneyyesu dhammesu: ye sankilittha cakkhusotavinneyya dhamma samvijjanti va te Tathagatassa no va ti.

Tam-enam samannesamano evam janati: ye sankilittha cakkhusotavinneyya dhamma na te Tathagatassa samvijjantiti.

Yato nam samannesamano evam janati: ye sankilittha cakkhusotavinneyya dhamma na te Tathagatassa samvijjantiti, tato nam uttarim samannesati: ye vitimissa cakkhusotavinneyya dhamma samvijjanti va te Tathagatassa no va ti. Tamenam samannesamano evam janati: ye vitimissa cakkhusotavinneyya dhamma na te Tathagatassa samvijjantiti. Yato nam samannesamano evam janati: ye vitimissa cakkhusotavinneyya dhamma na te Tathagatassa samvijjantiti, tato nam uttarim samannesati: ye vodata cakkhusotavinneyya dhamma samvijjanti va te Tathagatassa no va ti. Tam-enam samannesamano evam janati: ye vodata cakkhusotavinneyya dhamma samvijjanti te Tathagatassati. Yato nam samannesamano evam janati: ye vodata cakkhusotavinneyya dhamma samvijjanti te Tathagatassati, tato nam uttarim samannesati:

digharattam samapanno ayam-ayasma imam kusalam dhammam udahu ittarasamapanno ti. Tam-enam samannesamano evam janati: digharattam samapanno ayam-ayasma imam kusalam dhammam, nayam-ayasma ittarasamapanno ti. Yato nam samannesamano evam janati: digharattam samapanno ayam-ayasma imam kusalam dhammam, nayam-ayasma ittarasamapanno ti, tato nam uttarim samannesati: nattajjhapanno ayam-ayasma bhikkhu yasam-patto, samvijjant' assa idh' ekacce adinava ti. Na tava bhikkhave bhikkhuno idh' ekacce adinava samvijjanti yava na nattajjhapanno hoti yasam-patto.

Yato ca kho bhikkhave bhikkhu nattajjhapanno hoti yasampatto ath' assa idh' ekacce adinava samvijjanti. Tam-enam samannesamano evam janati: nattajjhapanno ayam-ayasma bhikkhu yasam-patto, nassa idh' ekacce adinava samvijjantiti. Yato nam samannesamano evam janati: nattajjhapanno ayam-ayasma bhikkhu yasam-patto,

[page 319]

nassa idh' ekacce adinava samvijjantiti, tato nam uttarim samannesati: abhayuparato ayam-ayasma, nayam-ayasma bhayuparato, vitaragatta kame na sevati khaya ragassati. Tam-enam samannesamano evam janati: abhayuparato ayam-ayasma, nayam-ayasma bhayuparato, vitaragatta kame na sevati khaya ragassati. Tance bhikkhave bhikkhum pare evam puccheyyum: Ke pan' ayasmato akara ke anvaya yen' ayasma evam vadesi: abhayuparato ayam-ayasma, nayam-ayasma bhayuparato, vitaragatta kame na sevati khaya ragassati, samma byakaramano bhikkhave bhikkhu evam byakareyya: Tatha hi pana ayamayasma sanghe va viharanto eko va viharanto ye ca tattha sugata ye ca tattha duggata ye ca tattha ganam-anusasanti ye ca idh' ekacce amisesu sandissanti ye ca idh' ekacce amisena anupalitta, nayam-ayasma tam tena avajanati; sammukha kho pana metam Bhagavato sutam sammukha patiggahitam: Abhayuparato 'ham-asmi, naham-asmi bhayuparato, vitaragatta kame na sevami khaya ragassati.

Tatra bhikkhave Tathagato va uttarim patipucchitabbo:

Ye sankilittha cakkhusotavinneyya dhamma samvijjanti va te Tathagatassa no va ti. Byakaramano bhikkhave Tathagato evam byakareyya: Ye sankilittha cakkhusotavinneyya dhamma na te Tathagatassa samvijjantiti. Ye vitimissa cakkhusotavinneyya dhamma samvijjanti va te Tathagatassa no va ti. Byakaramano bhikkhave Tathagato evam byakareyya: Ye vitimissa cakkhusotavinneyya dhamma na te Tathagatassa samvijjantiti. Ye vodata cakkhusotavinneyya dhamma samvijjanti va te Tathagatassa no va ti. Byakaramano bhikkhave Tathagato evam byakareyya: Ye vodata cakkhusotavinneyya dhamma samvijjanti te Tathagatassa; etapatho 'ham-asmi etagocaro, no ca tena tammayo ti.

Evamvadim kho bhikkhave sattharam arahati savako upasankamitum dhammasavanaya, tassa sattha dhammam deseti uttaruttarim panitapanitam kanhasukkasappatibhagam. Yatha yatha kho bhikkhave bhikkhuno sattha dhammam deseti uttaruttarim panitapanitam kanhasukkasappatibhagam, tatha tatha so tasmim dhamme abhinnaya idh' ekaccam dhammam dhammesu nittham gacchati,

[page 320]

satthari pasidati: sammasambuddho Bhagava, svakkhato Bhagavata dhammo, supatipanno sangho ti. Tan-ce bhikkhave bhikkhum pare evam puccheyyum: Ke pan' ayasmato akara ke anvaya yen' ayasma evam vadesi: sammasambuddho Bhagava, svakkhato Bhagavata dhammo, supatipanno sangho ti, samma byakaramano bhikkhave bhikkhu evam byakareyya: Idhaham avuso yena Bhagava ten' upasankamim dhammasavanaya, tassa me Bhagava dhammam deseti uttaruttarim panitapanitam kanhasukkasappatibhagam. Yatha yatha me avuso Bhagava dhammam deseti uttaruttarim panitapanitam kanhasukkasappatibhagam, tatha tatha 'ham tasmim dhamme abhinnaya idh' ekaccam dhammam dhammesu nittham-agamam, satthari pasidim: sammasambuddho Bhagava, svakkhato Bhagavata dhammo, supatipanno sangho ti.

Yassa kassaci bhikkhave imehi akarehi imehi padehi imehi byanjanehi Tathagate saddha nivittha hoti mulajata patitthita, ayam vuccati bhikkhave akaravati saddha dassanamulika dalha, asamhariya samanena va brahmanena va devena va Marena va Brahmuna va kenaci va lokasmim. Evam kho bhikkhave Tathagate dhammasamannesana hoti, evan-ca pana Tathagato dhammata susamannittho hotiti.

Idam-avoca Bhagava. Attamana te bhikkhu Bhagavato bhasitam abhinandun-ti.

VIMAMSAKASUTTAM SATTAMAM.

 


 

XLVIII. Kosambiya Suttam

Evam-me sutam. Ekam samayam Bhagava Kosambiyam viharati Ghositarame. Tena kho pana samayena Kosambiyam bhikkhu bhandanajata kalahajata vivadapanna annamannam mukhasattihi vitudanta viharanti; te na c' eva annamannam sannapenti na ca sannattim upenti, na ca annamannam nijjhapenti na ca nijjhattim upenti. Atha kho annataro bhikkhu yena Bhagava ten' upasankami,

[page 321]

upasankamitva Bhagavantam abhivadetva ekamantam nisidi. Ekamantam nisinno kho so bhikkhu Bhagavantam etad-avoca:

Idha bhante Kosambiyam bhikkhu bhandanajata kalahajata vivadapanna annamannam mukhasattihi vitudanta viharanti; te na c' eva annamannam sannapenti na ca sannattim upenti, na ca annamannam nijjhapenti na ca nijjhattim upentiti.

Atha kho Bhagava annataram bhikkhum amantesi: Ehi tvam bhikkhu mama vacanena te bhikkhu amantehi: satthayasmante amantetiti. Evam-bhante ti kho so bhikkhu Bhagavato patissutva yena te bhikkhu ten' upasankami, upasankamitva te bhikkhu etad-avoca: Satthayasmante amantetiti. Evam-avuso ti kho te bhikkhu tassa bhikkhuno patissutva yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinne kho te bhikkhu Bhagava etad-avoca: Saccam kira tumhe bhikkhave bhandanajata kalahajata vivadapanna annamannam mukhasattihi vitudanta viharatha; te na c' eva annamannam sannapetha na ca sannattim upetha, na ca annamannam nijjhapetha na ca nijjhattim upethati. - Evambhante. - Tam kim-mannatha bhikkhave: yasmim tumhe samaye bhandanajata kalahajata vivadapanna annamannam mukhasattihi vitudanta viharatha, api nu tumhakam tasmim samaye mettam kayakammam paccupatthitam hoti sabrahmacarisu avi c' eva raho ca, mettam vacikammam paccupatthitam hoti sabrahmacarisu avi c' eva raho ca, mettam manokammam paccupatthitam hoti sabrahmacarisu avi c' eva raho cati. -No h' etam-bhante. - Iti kira bhikkhave yasmim tumhe samaye bhandanajata kalahajata vivadapanna annamannam mukhasattihi vitudanta viharatha, n' eva tumhakam tasmim samaye mettam kayakammam paccupatthitam hoti sabrahmacarisu avi c' eva raho ca, na mettam vacikammam paccupatthitam hoti sabrahmacarisu avi c' eva raho ca, na mettam manokammam paccupatthitam hoti sabrahmacarisu avi c' eva raho ca. Atha kin-carahi tumhe moghapurisa kim jananta kim passanta bhandanajata kalahajata vivadapanna annamannam mukhasattihi vitudanta viharatha;

[page 322]

te na c' eva anna mannam sannapetha na ca sannattim upetha, na ca annamannam nijjhapetha na ca nijjhattim upetha. Tam hi tumhakam moghapurisa bhavissati digharattam ahitaya dukkhayati.

Atha kho Bhagava bhikkhu amantesi: Cha h' ime bhikkhave dhamma saraniya piyakarana garukarana sangahaya avivadaya samaggiya ekibhavaya samvattanti, katame cha: Idha bhikkhave bhikkhuno mettam kayakammam paccupatthitam hoti sabrahmacarisu avi c' eva raho ca. Ayam-pi dhammo saraniyo piyakarano garukarano sangahaya avivadaya samaggiya ekibhavaya samvattati. Puna ca param bhikkhave bhikkhuno mettam vacikammam p. h. ... raho ca. Ayam-pi dhammo ... ekibhavaya samvattati. Puna ca param bhikkhave bhikkhuno mettam manokammam p. h. ... .raho ca.

Ayam-pi dhammo ... ekibhavaya samvattati. Puna ca param bhikkhave bhikkhu ye te labha dhammika dhammaladdha, antamaso pattapariyapannamattam-pi, tatharupehi labhehi appativibhattabhogi hoti silavantehi sabrahmacarihi sadharanabhogi. Ayam-pi dhammo ... ekibhavaya samvattati. Puna ca param bhikkhave bhikkhu yani tani silani akhandani acchiddani asabalani akammasani bhujissani vinnuppasatthani aparamatthani samadhisamvattanikani, tatharupesu silesu silasamannagato viharati sabrahmacarihi avi c' eva raho ca.

Ayam-pi dhammo ... ekibhavaya samvattati. Puna ca param bhikkhave bhikkhu ya 'yam ditthi ariya niyyanika niyyati takkarassa sammadukkhakkhayaya, tatharupaya ditthiya ditthisamannagato viharati sabrahmacarihi avi c' eva raho ca. Ayam-pi dhammo saraniyo piyakarano garukarano sangahaya avivadaya samaggiya ekibhavaya samvattati. Ime kho bhikkhave cha saraniya dhamma piyakarana garukarana sangahaya avivadaya samaggiya ekibhavaya samvattanti. Imesam kho bhikkhave channam saraniyanam dhammanam etam aggam etam sangahikam etam sanghatanikam yadidam ya 'yam ditthi ariya niyyanika niyyati takkarassa sammadukkhakkhayaya.

Seyyatha pi bhikkhave kutagarassa etam aggam etam sangahikam etam sanghatanikam yadidam kutam, evam-eva kho bhikkhave imesam channam saraniyanam dhammanam

[page 323]

--pe-sammadukkhakkhayaya.

Kathan-ca bhikkhave ya 'yam ditthi ariya niyyanika niyyati takkarassa sammadukkhakkhayaya: Idha bhikkhave bhikkhu arannagato va rukkhamulagato va sunnagaragato va iti patisancikkhati: Atthi nu kho me tam pariyutthanam ajjhattam appahinam yenaham pariyutthanena pariyutthitacitto yathabhutam na janeyyam na passeyyan-ti. Sace bhikkhave bhikkhu kamaragapariyutthito hoti pariyutthitacitto va hoti.

Sace bhikkhave bhikkhu byapadapariyutthito hoti pariyutthitacitto va hoti. Sace bhikkhave bhikkhu thinamiddhapariyutthito hoti pariyutthitacitto va hoti. Sace bhikkhave bhikkhu uddhaccakukkuccapariyutthito hoti pariyutthitacitto va hoti.

Sace bhikkhave bhikkhu vicikicchapariyutthito hoti pariyutthitacitto va hoti. Sace bhikkhave bhikkhu idhalokacintaya pasuto hoti pariyutthitacitto va hoti. Sace bhikkhave bhikkhu paralokacintaya pasuto hoti pariyutthitacitto va hoti. Sace bhikkhave bhikkhu bhandanajato kalahajato vivadapanno mukhasattihi vitudanto viharati pariyutthitacitto va hoti.

So evam pajanati: Na-tthi kho me tam pariyutthanam ajjhattam appahinam yenaham pariyutthanena pariyutthitacitto yathabhutam na janeyyam na passeyyam, suppanihitam me manasam saccanam bodhayati. Idam-assa pathamam nanam adhigatam hoti ariyam lokuttaram asadharanam puthujjanehi.

Puna ca param bhikkhave ariyasavako iti patisancikkhati:

Imam nu kho aham ditthim asevanto bhavento bahulikaronto labhami paccattam samatham, labhami paccattam nibbutin-ti.

So evam pajanati: Imam kho aham ditthim asevanto bhavento bahulikaronto labhami paccattam samatham, labhami paccattam nibbutin-ti. Idam-assa dutiyam nanam adhigatam hoti ariyam lokuttaram asadharanam puthujjanehi.

Puna ca param bhikkhave ariyasavako iti patisancikkhati:

Yatharupayaham ditthiya samannagato atthi nu kho ito bahiddha anno samano va brahmano va tatharupaya ditthiya samannagato ti. So evam pajanati: Yatharupayaham ditthiya samannagato na-tthi ito bahiddha anno samano va brahmano va tatharupaya ditthiya samannagato ti.

[page 324]

Idam-assa tatiyam nanam adhigatam hoti ariyam lokuttaram asadharanam puthujjanehi.

Puna ca param bhikkhave ariyasavako iti patisancikkhati:

Yatharupaya dhammataya ditthisampanno puggalo samannagato aham-pi tatharupaya dhammataya samannagato ti. Kathamrupaya ca bhikkhave dhammataya ditthisampanno puggalo samannagato: Dhammata esa bhikkhave ditthisampannassa puggalassa: kincapi tatharupim apattim apajjati yatharupaya apattiya vutthanam pannayati, atha kho nam khippam-eva satthari va vinnusu va sabrahmacarisu deseti {vivarati} uttanikaroti, desetva vivaritva uttanikatva ayatim samvaram apajjati.

Seyyatha pi bhikkhave daharo kumaro mando uttanaseyyako hatthena va padena va angaram akkamitva khippam-eva patisamharati, evam-eva kho bhikkhave dhammata esa ditthisampannassa puggalassa - pe - samvaram apajjati. So evam pajanati: Yatharupaya dhammataya ditthisampanno puggalo samannagato aham-pi tatharupaya dhammataya samannagato ti. Idam-assa catuttham nanam adhigatam hoti ariyam lokuttaram asadharanam puthujjanehi.

Puna ca param bhikkhave ariyasavako iti patisancikkhati:

Yatharupaya dhammataya ditthisampanno puggalo samannagato aham-pi tatharupaya dhammataya samannagato ti. Kathamrupaya ca bhikkhave dhammataya ditthisampanno puggalo samannagato: Dhammata esa bhikkhave ditthisampannassa puggalassa: kincapi yani tani sabrahmacarinam uccavacani kimkaraniyani tattha ussukkam apanno hoti, atha khvassa tibbapekha hoti adhisilasikkhaya adhicittasikkhaya adhipannasikkhaya. Seyyatha pi bhikkhave gavi tarunavaccha thamban-ca alumpati vacchakan-ca apavinati, evam-eva kho bhikkhave dhammata esa ditthisampannassa puggalassa --pe-adhipannasikkhaya. So evam pajanati: Yatharupaya dhammataya ditthisampanno puggalo samannagato aham-pi tatharupaya dhammataya samannagato ti. Idam-assa pancamam nanam adhigatam hoti ariyam lokuttaram asadharanam puthujjanehi.

[page 325]

Puna ca param bhikkhave ariyasavako iti patisancikkhati:

Yatharupaya balataya ditthisampanno puggalo samannagato aham-pi tatharupaya balataya samannagato ti. Kathamrupaya ca bhikkhave balataya ditthisampanno puggalo samannagato:

Balata esa bhikkhave ditthisampannassa puggalassa yam Tathagatappavedite dhammavinaye desiyamane atthikatva manasikatva sabbacetaso samannaharitva ohitasoto dhammam sunati. So evam pajanati: Yatharupaya balataya ditthisampanno puggalo samannagato aham-pi tatharupaya balataya samannagato ti. Idam-assa chattham nanam adhigatam hoti ariyam lokuttaram asadharanam puthujjanehi.

Puna ca param bhikkhave ariyasavako iti patisancikkhati:

Yatharupaya balataya ditthisampanno puggalo samannagato aham-pi tatharupaya balataya samannagato ti. Kathamrupaya ca bhikkhave balataya ditthisampanno puggalo samannagato: Balata esa bhikkhave ditthisampannassa puggalassa yam Tathagatappavedite dhammavinaye desiyamane labhati atthavedam, labhati dhammavedam, labhati dhammupasamhitam pamujjam. So evam pajanati: Yatharupaya balataya ditthisampanno puggalo samannagato aham-pi tatharupaya balataya samannagato ti. Idam-assa sattamam nanam adhigatam hoti ariyam lokuttaram asadharanam puthujjanehi.

Evam sattangasamannagatassa kho bhikkhave ariyasavakassa dhammata susamannittha hoti sotapattiphalasacchikiriyaya. Evam sattangasamannagato kho bhikkhave ariyasavako sotapattiphalasamannagato hotiti.

Idam-avoca Bhagava. Attamana te bhikkhu Bhagavato bhasitam abhinandun-ti.

KOSAMBIYASUTTAM ATTHAMAM.

[page 326]

 


 

XLIX. Brahma Nimantanika Suttam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Ekam-idaham bhikkhave samayam Ukkatthayam viharami Subhagavane salarajamule. Tena kho pana bhikkhave samayena Bakassa brahmuno evarupam papakam ditthigatam uppannam hoti: Idam niccam idam dhuvam idam sassatam idam kevalam idam acavanadhammam, idam hi na jayati na jiyati na miyati na cavati na upapajjati, ito ca pan' annam uttarim nissaranam na-tthiti. Atha khvaham bhikkhave Bakassa brahmuno cetasa cetoparivitakkam-annaya seyyatha pi nama balava puriso saminjitam va baham pasareyya pasaritam va baham saminjeyya evam-evam Ukkatthayam Subhagavane salarajamule antarahito tasmim brahmaloke paturahosim. Addasa kho mam bhikkhave Bako brahma durato va agacchantam, disvana mam etad-avoca: Ehi kho marisa, sagatam marisa, cirassam kho marisa imam pariyayam-akasi yadidam idh' agamanaya.

Idam hi marisa niccam idam dhuvam idam sassatam idam kevalam idam acavanadhammam, idam hi na jayati na jiyati na miyati na cavati na upapajjati, ito ca pan' annam uttarim nissaranam na-tthiti. Evam vutte aham-bhikkhave Bakam brahmanam etad-avocam: Avijjagato vata bho Bako brahma, avijjagato vata bho Bako brahma, yatra hi nama aniccam yeva samanam niccan-ti vakkhati, addhuvam yeva samanam dhuvanti vakkhati, asassatam yeva samanam sassatan-ti vakkhati, akevalam yeva samanam kevalan-ti vakkhati, cavanadhammam yeva samanam acavanadhamman-ti vakkhati, yattha ca pana jayati ca jiyati ca miyati ca cavati ca upapajjati ca tam tatha vakkhati: idam hi na jayati na jiyati na miyati na cavati na upapajjatiti, santan-ca pan' annam uttarim nissaranam: na-tth' annam uttarim nissaranan-ti vakkhatiti.

Atha kho bhikkhave Maro papima annataram Brahmaparisajjam anvavisitva mam etad-avoca: Bhikkhu bhikkhu, metam-asado, metam-asado, eso hi bhikkhu brahma Mahabrahma abhibhu anabhibhuto annadatthudaso vasavatti issaro katta nimmata settho sanjita vasi pita bhutabhabyanam.

[page 327]

Ahesum kho bhikkhu taya pubbe samanabrahmana lokasmim pathavigarahaka pathavijigucchaka, apagarahaka apajigucchaka, tejagarahaka tejajigucchaka vayagarahaka vayajigucchaka, bhutagarahaka bhutajigucchaka, devagarahaka devajigucchaka, Pajapatigarahaka Pajapatijigucchaka, Brahmagarahaka Brahmajigucchaka, te kayassa bheda panupaccheda hine kaye patitthita. Ahesum pana bhikkhu taya pubbe samanabrahmana lokasmim pathavipasamsaka pathavabhinandino, apapasamsaka apabhinandino, tejapasamsaka tejabhinandino, vayapasamsaka vayabhinandino, bhutapasamsaka bhutabhinandino, devapasamsaka devabhinandino, Pajapatipasamsaka Pajapatabhinandino, Brahmapasamsaka Brahmabhinandino, te kayassa bheda panupaccheda panite kaye patitthita. Tan-taham bhikkhu evam vadami: Ingha tvam marisa yad-eva te Brahma aha tad-eva tvam karohi, ma tvam Brahmuno vacanam upativattittho. Sace kho tvam bhikkhu Brahmuno vacanam upativattissasi, seyyatha pi nama puriso sirim agacchantim dandena patippanameyya, seyyatha pi va pana bhikkhu puriso narakappapate papatanto hatthehi ca padehi ca pathavim virageyya, evamsampadamidam bhikkhu tuyham bhavissati. Ingha tvam marisa yadeva te Brahma aha tad-eva tvam karohi, ma tvam Brahmuno vacanam upativattittho. Nanu tvam bhikkhu passasi brahmim parisam sannisinnan-ti. Iti kho mam bhikkhave Maro papima brahmim parisam upanesi. Evam vutte aham bhikkhave Maram papimantam etad-avocam: Janami kho taham papima, ma tvam mannittho: na mam janatiti. Maro tvam-asi papima, yo c' eva papima Brahma ya ca Brahmaparisa ye ca Brahmaparisajja sabbe va tava hatthagata, sabbe va tava vasagata. Tuyham hi papima evam hoti: Eso pi me assa hatthagato, eso pi me assa vasagato ti. Aham kho pana papima n' eva tava hatthagato, n' eva tava vasagato ti

Evam vutte bhikkhave Bako brahma mam etad-avoca:

Aham hi marisa niccam yeva samanam niccan-ti vadami, dhuvam yeva samanam dhuvan-ti vadami,

[page 328]

sassatam yeva samanam sassatan-ti vadami, kevalam yeva samanam kevalan-ti vadami, acavanadhammam yeva samanam acavanadhamman-ti vadami, yattha ca pana na jayati na jiyati na miyati na cavati na upapajjati tad-evaham vadami:

idam hi na jayati na jiyati na miyati na cavati na upapajjati, asantan-ca pan' annam uttarim nissaranam: na-tth' annam uttarim nissaranan-ti vadami. Ahesum kho bhikkhu taya pubbe samanabrahmana lokasmim, yavatakam tuyham kasinam ayu tavatakam tesam tapokammam-eva ahosi, te kho evam janeyyum: santam va annam uttarim nissaranam: atth' annam uttarim nissaranan-ti, asantam va annam uttarim nissaranam:

na-tth' annam uttarim nissaranan-ti. Tan-taham bhikkhu evam vadami: Na c' ev' annam uttarim nissaranam dakkhissasi, yavad-eva ca pana kilamathassa vighatassa bhagi bhavissasi.

Sace kho tvam bhikkhu pathavim ajjhosissasi opasayiko me bhavissasi vatthusayiko yathakamakaraniyo bahiteyyo, sace apam - tejam - vayam - bhute - deve - Pajapatim - Brahmam ajjhosissasi opasayiko me bhavissasi vatthusayiko yathakamakaraniyo bahiteyyo ti. - Aham-pi kho etam Brahme janami:

sace pathavim ajjhosissami opasayiko te bhavissami vatthusayiko yathakamakaraniyo bahiteyyo, sace apam - tejam - vayam -bhute - deve - Pajapatim - Brahmam ajjhosissami opasayiko te bhavissami vatthusayiko yathakamakaraniyo bahiteyyo. Api ca te aham Brahme gatin-ca pajanami jutin-ca pajanami: evam mahiddhiko Bako brahma, evam mahanubhavo Bako brahma, evam mahesakkho Bako brahma ti. - Yathakatham pana me tvam marisa gatin-ca pajanasi jutin-ca pajanasi: evam mahiddhiko Bako brahma, evam mahanubhavo Bako brahma, evam mahesakkho Bako brahma ti. --

Yavata candimasuriya pariharanti disa bhanti virocana
tava sahassadha loko, ettha te vattati vaso.

Paroparan-ca janasi atho ragaviraginam,
itthabhavannathabhavam sattanam agatim gatin-ti.

Evam kho te aham Brahme gatin-ca pajanami jutin-ca pajanami: evam mahiddhiko Bako brahma, evam mahanubhavo Bako brahma,

[page 329]

evam mahesakkho Bako brahma ti. Atthi kho Brahme anne tayo kaya, tattha tvam na janasi na passasi, tyaham janami passami. Atthi kho Brahme Abhassara nama kayo yato tvam cuto idhupapanno, tassa te aticiranivasena sa sati muttha, tena tam tvam na janasi na passasi, tam-aham janami passami. Evam-pi kho aham Brahme n' eva te samasamo abhinnaya, kuto niceyyam. atha kho aham-eva taya bhiyyo. Atthi kho Brahme Subhakinna nama kayo -Vehapphala nama kayo, tam tvam na janasi na passasi, tam-aham janami passami. Evam-pi kho aham Brahme n' eva te samasamo abhinnaya, kuto niceyyam, atha kho aham-eva taya bhiyyo. Pathavim kho aham Brahme pathavito abhinnaya yavata pathaviya pathavattena ananubhutam tadabhinnaya pathavi nahosi, pathaviya nahosi, pathavito nahosi, pathavi me ti nahosi, pathavim nabhivadim. Evam-pi kho aham Brahme n' eva te samasamo abhinnaya, kuto niceyyam, atha kho aham-eva taya bhiyyo. Apam kho aham Brahme - tejam kho aham Brahme - vayam kho aham Brahme - bhute kho aham Brahme - deve kho aham Brahme -Pajapatim kho aham Brahme - Brahmam kho aham Brahme -Abhassare kho aham Brahme - Subhakinnekho aham Brahme -Vehapphale kho aham Brahme - Abhibhum kho aham Brahme - sabbam kho aham Brahme sabbato abhinnaya yavata sabbassa sabbattena ananubhutam tad-abhinnaya sabbam nahosi, sabbasmim nahosi, sabbato nahosi, sabbamme ti nahosi, sabbam nabhivadim. Evam-pi kho aham Brahme n' eva te samasamo abhinnaya, kuto niceyyam, atha kho aham-eva taya bhiyyo ti. - Sace kho te marisa sabbassa sabbattena ananubhutam, ma h' eva te rittakam-eva ahosi tucchakam-eva ahosi. Vinnanam anidassanam anantam sabbatopabham, tam pathaviya pathavattena ananubhutam, apassa apattena ananubhutam, tejassa tejattena ananubhutam, vayassa vayattena ananubhutam, bhutanam bhutattena ananubhutam, devanam devattena ananubhutam, Pajapatissa Pajapatattena ananubhutam, brahmanam brahmattena ananubhutam, Abhassaranam Abhassarattena ananubhutam, Subhakinnanam Subhakinnattena ananubhutam, Vehapphalanam Vehapphalattena ananubhutam,

[page 330]

Abhibhussa Abhibhattena ananubhutam, sabbassa sabbattena ananubhutam. Handa ca hi te marisa antaradhayamiti. - Handa ca hi me tvam Brahme antaradhayassu sace visahasiti. Atha kho bhikkhave Bako brahma: antaradhayissami samanassa Gotamassa, antaradhayissami samanassa Gotamassati n' eva-ssu me sakkoti antaradhayitum. Evam vutte aham bhikkhave Bakam brahmanam etad-avocam: Handa ca hi te Brahme antaradhayamiti. - Handa ca hi me tvam marisa antaradhayassu sace visahasiti. Atha khvaham bhikkhave tatharupam iddhabhisankharam abhisankhasim: ettavata Brahma ca Brahmaparisa ca Brahmaparisajja ca saddan-ca me sossanti na ca mam dakkhintiti antarahito imam gatham abhasim:

Bhave vaham bhayam disva bhavan-ca vibhavesinam
bhavam nabhivadim kanci nandin-ca na upadiyin-ti.

Atha kho bhikkhave Brahma ca Brahmaparisa ca Brahmaparisajja ca acchariyabbhutacittajata ahesum: Acchariyam vata bho, abbhutam vata bho samanassa Gotamassa mahiddhikata mahanubhavata, na vata no ito pubbe dittho va suto va anno samano va brahmano va evam mahiddhiko evam mahanubhavo yatha 'yam samano Gotamo Sakyaputto Sakyakula pabbajito. Bhavaramaya vata bho pajaya bhavarataya bhavasammuditaya samulam bhavam udabbahiti.

Atha kho bhikkhave Maro papima annataram Brahmaparisajjam anvavisitva mam etad-avoca: Sace kho tvam marisa evam janasi, sace tvam evam-anubuddho, ma savake upanesi ma pabbajite, ma savakanam dhammam desesi ma pabbajitanam, ma savakesu gedhim-akasi ma pabbajitesu.

Ahesum kho bhikkhu taya pubbe samanabrahmana lokasmim arahanto sammasambuddha patijanamana, te savake upanesum pabbajite, savakanam dhammam desesum pabbajitanam, savakesu gedhim-akamsu pabbajitesu. Te savake upanetva pabbajite, savakanam dhammam desetva pabbajitanam, savakesu gedhikatacitta pabbajitesu, kayassa bheda panupaccheda hine kaye patitthita. Ahesum pana bhikkhu taya pubbe samanabrahmana lokasmim arahanto sammasambuddha patijanamana,

[page 331]

te na savake upanesum na pabbajite, na savakanam dhammam desesum na pabbajitanam, na savakesu gedhim-akamsu na pabbajitesu. Te na savake upanetva na pabbajite, na savakanam dhammam desetva na pabbajitanam, na savakesu gedhikatacitta na pabbajitesu, kayassa bheda panupaccheda panite kaye patitthita. Tan-taham bhikkhu evam vadami: Ingha tvam marisa appossukko ditthadhammasukhaviharam anuyutto viharassu, anakkhatam kusalam hi marisa, ma param ovadahiti. Evam vutte aham bhikkhave Maram papimantam etad-avocam: Janami kho taham papima, ma tvam mannittho: na mam janatiti, Maro tvam-asi papima, na mam tvam papima hitanukampi evam vadesi, ahitanukampi mam tvam papima evam vadesi, tuyham hi papima evam hoti: yesam samano Gotamo dhammam desissati te me visayam upativattissantiti. Asammasambuddha ca pana te papima samanabrahmana samana: sammasambuddh' amhati patijanimsu. Aham kho pana papima sammasambuddho va samano:

sammasambuddho 'mhiti patijanami. Desento pi hi papima Tathagato savakanam dhammam tadiso va, adesento pi hi papima Tathagato savakanam dhammam tadiso va; upanento pi hi papima Tathagato savake tadiso va, anupanento pi hi papima Tathagato savake tadiso va; tam kissa hetu: Tathagatassa papima ye asava sankilesika ponobhavika sadara dukkhavipaka ayatim jatijaramaraniya te pahina ucchinnamula talavatthukata anabhavakata ayatim anuppadadhamma.

Seyyatha pi papima talo matthakacchinno abhabbo puna virulhiya, evam-eva kho papima Tathagatassa ye asava sankilesika ponobhavika sadara dukkhavipaka ayatim jatijaramaraniya te pahina ucchinnamula talavatthukata anabhavakata ayatim anuppadadhamma ti.

Itih' idam Marassa ca analapanataya Brahmuno ca abhinimantanataya tasma imassa veyyakaranassa Brahmanimantanikan-t' eva adhivacanan-ti.

BRAHMANIMANTANIKASUTTAM NAVAMAM.

[page 332]

 


 

L. Mara Tajjaniya Suttam

Evam-me sutam. Ekam samayam ayasma Mahamoggallano Bhaggesu viharati Sumsumaragire Bhesakalavane migadaye.

Tena kho pana samayena ayasma Mahamoggallano abbhokase cankamati. Tena kho pana samayena Maro papima ayasmato Mahamoggallanassa kucchigato hoti kotthamanupavittho. Atha kho ayasmato Mahamoggallanassa etadahosi: Kin-nu kho me kucchi garugaru viya masacitam manne ti. Atha kho ayasma Mahamoggallano cankama orohitva viharam pavisitva pannatte asane nisidi. Nisajja kho ayasma Mahamoggallano paccattam yoniso manasikasi.

Addasa kho ayasma Mahamoggallano Maram papimantam kucchigatam kottham-anupavittham, disvana Maram papimantam etad-avoca: Nikkhama papima, nikkhama papima, ma Tathagatam vihesesi ma Tathagatasavakam, ma te ahosi digharattam ahitaya dukkhayati. Atha kho Marassa papimato etad-ahosi: Ajanam-eva kho mam ayam samano apassam evam-aha: nikkhama papima, nikkhama papima, ma Tathagatam vihesesi ma Tathagatasavakam, ma te ahosi digharattam ahitaya dukkhayati. Yo pi 'ssa so sattha so pi mam n' eva khippam janeyya, kuto pana mam ayam savako janissatiti. Atha kho ayasma Mahamoggallano Maram papimantam etad-avoca: Evam-pi kho taham papima janami, ma tvam mannittho: na mam janatiti, Maro tvamasi papima. Tuyham hi papima evam hoti: ajanam-eva kho mam ayam samano apassam evam-aha: nikkhama papima, nikkhama papima, ma Tathagatam vihesesi ma Tathagatasavakam, ma te ahosi digharattam ahitaya dukkhayati; yo pi 'ssa so sattha so pi mam n' eva khippam janeyya, kuto pana mam ayam savako janissatiti. Atha kho Marassa papimato etad-ahosi: Janam-eva kho mam ayam samano passam evam-aha: nikkhama papima, nikkhama papima, ma Tathagatam vihesesi ma Tathagatasavakam, ma te ahosi digharattam ahitaya dukkhayati. Atha kho Maro papima ayasmato Mahamoggallanassa mukhato uggantva paccaggale atthasi.

[page 333]

Addasa kho ayasma Mahamoggallano Maram papimantam paccaggale thitam, disvana Maram papimantam etadavoca: Ettha pi kho taham papima passami, ma tvam mannittho: na mam passatiti, eso tvam papima paccaggale thito. Bhutapubbaham papima Dusi nama maro ahosim, tassa me Kali nama bhagini, tassa tvam putto, so me tvam bhagineyyo hosi. Tena kho pana papima samayena Kakusandho bhagava araham sammasambuddho loke uppanno hoti.

Kakusandhassa kho pana papima bhagavato arahato sammasambuddhassa Vidhura-Sanjivam nama savakayugam ahosi aggam bhaddayugam. Yavata kho pana papima Kakusandhassa bhagavato arahato sammasambuddhassa savaka nassu 'dha koci ayasmata Vidhurena samasamo hoti yadidam dhammadesanaya.

Imina kho etam papima pariyayena ayasmato Vidhurassa Vidhuro Vidhuro t' eva samanna udapadi. Ayasma pana papima Sanjivo arannagato pi rukkhamulagato pi sunnagaragato pi appakasiren' eva sannavedayitanirodham samapajjati. Bhutapubbam papima ayasma Sanjivo annatarasmim rukkhamule sannavedayitanirodham samapanno nisinno hoti. Addasasum kho papima gopalaka pasupalaka kassaka pathavino ayasmantam Sanjivam annatarasmim rukkhamule sannavedayitanirodham samapannam nisinnam, disvana nesam etadahosi: Acchariyam vata bho, abbhutam vata bho, ayam samano nisinnako va kalakato, handa nam dahamati. Atha kho te papima gopalaka pasupalaka kassaka pathavino tinan-ca katthan-ca gomayan-ca sankaddhitva ayasmato Sanjivassa kaye upacinitva aggim datva pakkamimsu. Atha kho papima ayasma Sanjivo tassa rattiya accayena taya samapattiya vutthahitva civarani papphotetva pubbanhasamayam nivasetva pattacivaram adaya gamam pindaya pavisi. Addasasum kho te papima gopalaka pasupalaka kassaka pathavino ayasmantam Sanjivam pindaya carantam, disvana nesam etad-ahosi: Acchariyam vata bho, abbhutam vata bho, ayam samano nisinnako va kalakato, svayam patisanjivito ti.

[page 334]

Imina kho etam papima pariyayena ayasmato Sanjivassa Sanjivo Sanjivo t' eva samanna udapadi.

Atha kho papima Dusissa marassa etad-ahosi: Imesam kho aham bhikkhunam silavantanam kalyanadhammanam n' eva janami agatim va gatim va, yan-nunaham brahmanagahapatike anvaviseyyam: etha tumhe bhikkhu silavante kalyanadhamme akkosatha paribhasatha rosetha vihesetha, app eva nama tumhehi akkosiyamananam paribhasiyamananam rosiyamananam vihesiyamananam siya cittassa annathattam yatha nam Dusi maro labhetha otaran-ti. Atha kho te papima Dusi maro brahmanagahapatike anvavisi: Etha tumhe bhikkhu silavante - pe - annathattam yatha nam Dusi maro labhetha otaran-ti. Atha kho te papima brahmanagahapatika anvavittha Dusina marena bhikkhu silavante kalyanadhamme akkosanti paribhasanti rosenti vihesenti: Ime pana mundaka samanaka ibbha kinha bandhupadapacca: jhayino 'sma jhayino 'sma ti pattakkhandha adhomukha madhurakajata jhayanti pajjhayanti nijjhayanti apajjhayanti. Seyyatha pi nama uluko rukkhasakhayam musikam magayamano jhayati pajjhayati nijjhayati apajjhayati, evam-ev' ime mundaka samanaka iboha kinha bandhupadapacca:

jhayino 'sma jhayino 'sma ti pattakkhandha adhomukha madhurakajata jhayanti pajjhayanti nijjhayanti apajjhayanti.

Seyyatha pi nama kotthu naditire macche magayamano jhayati pajjhayati nijjhayati apajjhayati, evam-ev' ime mundaka - pe - apajjhayanti. Seyyatha pi nama bilaro sandhisamalasankatire musikam magayamano jhayati pajjhayati nijjhayati apajjhayati, evam-ev' ime mundaka - pe - apajjhayanti. Seyyatha pi nama gadrabho vahacchinno sandhisamalasankatire jhayati pajjhayati nijjhayati apajjhayati, evam-ev' ime mundaka samanaka ibbha kinha bandhupadapacca: jhayino 'sma jhayino 'sma ti pattakkhandha adhomukha madhurakajata jhayanti pajjhayanti nijjhayanti apajjhayanti. Ye kho pana papima tena samayena manussa kalam karonti yebhuyyena kayassa bheda param-marana apayam duggatim vinipatam nirayam upapajjanti.

[page 335]

Atha kho papima Kakusandho bhagava araham sammasambuddho bhikkhu amantesi: Anvavittha kho bhikkhave brahmanagahapatika Dusina marena: etha tumhe bhikkhu silavante kalyanadhamme akkosatha paribhasatha rosetha vihesetha, app-eva nama tumhehi akkosiyamananam paribhasiyamananam rosiyamananam vihesiyamananam siya cittassa annathattam yatha nam Dusi maro labhetha otaran-ti. Etha tumhe bhikkhave mettasahagatena cetasa ekam disam pharitva viharatha, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyabajjhena pharitva viharatha; karunasahagatena cetasa - pe - muditasahagatena cetasa - upekhasahagatena cetasa ekam disam pharitva viharatha, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam upekhasahagatena cetasa vipulena mahaggatena appamanena averena abyabajjhena pharitva viharathati. Atha kho te papima bhikkhu Kakusandhena bhagavata arahata sammasambuddhena evam ovadiyamana evam anusasiyamana arannagata pi rukkhamulagata pi sunnagaragata pi mettasahagatena cetasa ekam disam pharitva viharimsu, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyabajjhena pharitva viharimsu, karunasahagatena cetasa - pe - muditasahagatena cetasa - upekhasahagatena cetasa ekam disam pharitva viharimsu, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam upekhasahagatena cetasa vipulena mahaggatena appamanena averena abyabajjhena pharitva viharimsu.

Atha kho papima Dusissa marassa etad-ahosi: Evampi kho aham karonto imesam bhikkhunam silavantanam kalyanadhammanam n' eva janami agatim va gatim va, yannunaham brahmanagahapatike anvaviseyyam: etha tumhe bhikkhu silavante kalyanadhamme sakkarotha garukarotha manetha pujetha,

[page 336]

app-eva nama tumhehi sakkariyamananam garukariyamananam maniyamananam pujiyamananam siya cittassa annathattam yatha nam Dusi maro labhetha otaran-ti. Atha kho te papima Dusi maro brahmanagahapatike anvavisi: Etha tumhe bhikkhu silavante kalyanadhamme sakkarotha garukarotha manetha pujetha, app-eva nama tumhehi sakkariyamananam garukariyamananam maniyamananam pujiyamananam siya cittassa annathattam yatha nam Dusi maro labhetha otaran-ti. Atha kho te papima brahmanagahapatika anvavittha Dusina marena bhikkhu silavante kalyanadhamme sakkaronti garukaronti manenti pujenti.

Ye kho pana papima tena samayena manussa kalam karonti yebhuyyena kayassa bheda param-marana sugatim saggam lokam upapajjanti.

Atha kho papima Kakusandho bhagava araham sammasambuddho bhikkhu amantesi: Anvavittha kho bhikkhave brahmanagahapatika Dusina marena: etha tumhe bhikkhu silavante kalyanadhamme sakkarotha garukarotha manetha pujetha, app-eva nama tumhehi sakkariyamananam garukariyamananam maniyamananam pujiyamananam siya cittassa annathattam yatha nam Dusi maro labhetha otaranti. Etha tumhe bhikkhave asubhanupassi kaye viharatha, ahare patikkulasannino, sabbaloke anabhiratasannino, sabbasankharesu aniccanupassino ti. Atha kho te papima bhikkhu Kakusandhena bhagavata arahata sammasambuddhena evam ovadiyamana evam anusasiyamana arannagata pi rukkhamulagata pi sunnagaragata pi asubhanupassi kaye viharimsu, ahare patikkulasannino, sabbaloke anabhiratasannino, sabbasankharesu aniccanupassino.

Atha kho papima Kakusandho bhagava araham sammasambuddho pubbanhasamayam nivasetva pattacivaram adaya ayasmata Vidhurena pacchasamanena gamam pindaya pavisi.

Atha kho papima Dusi maro annataram kumaram anvavisitva sakkharam gahetva ayasmato Vidhurassa sise paharam adasi, sisam vobhindi. Atha kho papima ayasma Vidhuro bhinnena sisena lohitena galantena Kakusandham yeva bhagavantam arahantam sammasambuddham pitthito pitthito anubandhi.

[page 337]

Atha kho papima Kakusandho bhagava araham sammasambuddho nagapalokitam apalokesi: na vayam Dusi maro mattam-annasiti. Sahapalokanaya ca pana papima Dusi maro tamha ca thana cavi mahanirayan-ca upapajji.

Tassa kho pana papima mahanirayassa tayo namadheyya honti: chaphassayataniko iti pi, sankusamahato iti pi, paccattavedaniyo iti pi. Atha kho mam papima nirayapala upasankamitva etad-avocum: Yada kho te marisa sankuna sanku hadaye samagaccheyya, atha nam ajaneyyasi:

vassasahassam-me niraye paccamanassati. So kho aham papima bahuni vassani bahuni vassasatani bahuni vassasahassani tasmim mahaniraye apaccim, dasa vassasahassani tass' eva mahanirayassa ussade apaccim vutthanimam nama vedanam vediyamano. Tassa mayham papima evarupo kayo hoti seyyatha pi manussassa, evarupam sisam hoti seyyatha pi macchassa.

Kidiso nirayo asi yattha Dusi apaccatha
Vidhuram savakam-asajja Kakusandhan-ca brahmanam.
Satam asi ayosanku, sabbe paccattavedana,
idiso nirayo asi yattha Dusi apaccatha
Vidhuram savakam-asajja Kakusandhan-ca brahmanam.
Yo etam-abhijanati bhikkhu Buddhassa savako,
tadisam bhikkhum-asajja Kanha dukkham nigacchasi.
Majjhe sarassa titthanti vimana kappathayino,
veluriyavanna rucira accimanto pabhassara,
acchara tattha naccanti puthu nanattavanniyo.
Yo etam-abhijanati bhikkhu Buddhassa savako,
tadisam bhikkhum-asajja Kanha dukkham nigacchasi.
Yo ve Buddhena cudito bhikkhusanghassa pekkhato
Migaramatu pasadam padangutthena kampayi,
Yo etam-abhijanati bhikkhu Buddhassa savako,
tadisam bhikkhum-asajja Kanha dukkham nigacchasi.
Yo Vejayantam pasadam padangutthena kampayi
iddhibalen' upatthaddho samvejesi ca devata,

[page 338]

Yo etam-abhijanati bhikkhu Buddhassa savako,
tadisam bhikkhum-asajja Kanha dukkham nigacchasi.
Yo Vejayante pasade Sakkam so paripucchati:
api avuso janasi tanhakkhayavimuttiyo,
tassa Sakko viyakasi panham puttho yathatatham,
Yo etam-abhijanati bhikkhu Buddhassa savako,
tadisam bhikkhum-asajja Kanha dukkham nigacchasi.
Yo Brahmanam paripucchati Sudhammayam abhitosabham:
ajjapi te avuso ditthi ya te ditthi pure ahu,
passasi vitivattantam Brahmaloke pabhassaram,
Tassa Brahma viyakasi anupubbam yathatatham:
na me marisa sa ditthi ya me ditthi pure ahu,
Passami vitivattantam Brahmaloke pabhassaram,
so 'ham ajja katham vajjam: aham nicco 'mhi sassato,
Yo etam-abhijanati bhikkhu Buddhassa savako,
tadisam bhikkhum-asajja Kanha dukkham nigacchasi.
Yo Mahaneruno kutam vimokhena aphassayi,
vanam Pubbavidehanam, ye ca bhumisaya nara,
Yo etam-abhijanati bhikkhu Buddhassa savako,
tadisam bhikkhum-asajja Kanha dukkham nigacchasi.
Na ve aggi cetayati: aham balam dahami ti,
balo ca jalitam aggim asajjana sa dayhati.
Evam-eva tuvam Mara asajjana Tathagatam
sayam dahissasi attanam, balo aggim va samphusam.
Apunnam pasavi Maro asajjana Tathagatam;
kin-nu mannasi papima: na me papam vipaccati.
Karoto ciyati papam cirarattaya Antaka;
Mara nibbinda Buddhamha, asam-ma kasi {bhikkhusu}.
Iti Maram aghattesi bhikkhu Bhesakalavane, tato so dummano yakkho tatth' ev' antaradhayathati.

MARATAJJANIYASUTTAM DASAMAM.

CULAYAMAKAVAGGO PANCAMO.

MULAPANNASAM NITTHITAM.

[page 339]

II. 1. 1. KANDARAKASUTTAM. (51) 339

 


 

Majjhima-Pannasa-Pali

1. Gahapati Vagga

LI. Kandaraka Suttantam

Evam-me sutam. Ekam samayam Bhagava Campayam viharati Gaggaraya pokkharaniya tire mahata bhikkhusanghena saddhim. Atha kho Pesso ca hattharohaputto Kandarako ca paribbajako yena Bhagava ten' upasankamimsu, upasankamitva Pesso hattharohaputto Bhagavantam abhivadetva ekamantam nisidi, Kandarako pana paribbajako Bhagavata saddhim sammodi, sammodaniyam katham saraniyam vitisaretva ekamantam atthasi. Ekamantam thito kho Kandarako paribbajako tunhibhutam tunhibhutam bhikkhusangham anuviloketva Bhagavantam etad-avoca: Acchariyam bho Gotama, abbhutam bho Gotama, yavan-c' idam bhota Gotamena samma bhikkhusangho patipadito; ye pi te bho Gotama ahesum atitam-addhanam arahanto sammasambuddha te pi bhagavanto etaparamam yeva samma bhikkhusangham patipadesum seyyatha pi etarahi bhota Gotamena samma bhikkhusangho patipadito; ye pi te bho Gotama bhavissanti anagatam-addhanam arahanto sammasambuddha te pi bhagavanto etaparamam yeva samma bhikkhusangham patipadessanti seyyatha pi etarahi bhota Gotamena samma bhikkhusangho patipadito ti. - Evam-etam Kandaraka.

evam-etam Kandaraka: ye pi te kandaraka ahesum atitam-addhanam arahanto sammasambuddha te pi bhagavanto etaparamam yeva samma bhikkhusangham patipadesum seyyatha pi etarahi maya samma bhikkhusangho patipadito; ye pi te Kandaraka bhavissanti anagatam-addhanam arahanto sammasambuddha te pi bhagavanto etaparamam yeva samma bhikkhusangham patipadessanti seyyatha pi etarahi maya samma bhikkhusangho patipadito. Santi hi Kandaraka bhikkhu imasmim bhikkhusanghe arahanto khinasava vusitavanto katakaraniya ohitabhara anuppattasadattha parikkhinabhavasamyojana samma-d-anna vimutta. Santi pana Kandaraka bhikkhu imasmim bhikkhusanghe sekha santatasila santatavuttino nipaka nipakavuttino, te catusu satipatthanesu supatthitacitta viharanti, katamesu catusu: Idha Kandaraka bhikkhu kaye kayanupassi viharati atapi sampajano satima vineyya loke abhijjhadomanassam,

[page 340]

vedanasu vedananupassi viharati atapi sampajano satima vineyya loke abhijjhadomanassam, citte cittanupassi viharati atapi sampajano satima vineyya loke abhijjhadomanassam, dhammesu dhammanupassi viharati atapi sampajano satima vineyya loke abhijjhadomanassan-ti.

Evam vutte Pesso hattharohaputto Bhagavantam etadavoca: Acchariyam bhante, abbhutam bhante, yava supannatta c' ime bhante Bhagavata cattaro satipatthana sattanam visuddhiya sokapariddavanam samatikkamaya dukkhadomanassanam atthagamaya nayassa adhigamaya nibbanassa sacchikiriyaya. Mayam-pi hi bhante gihi odatavasana kalena kalam imesu catusu satipatthanesu supatthitacitta viharama:

idha mayam bhante kaye kayanupassi viharama atapino sampajana satimanto vineyya loke abhijjhadomanassam, vedanasu vedananupassi viharama atapino sampajana satimanto vineyya loke abhijjhadomanassam, citte cittanupassi viharama atapino sampajana satimanto vineyya loke abhijjhadomanassam, dhammesu dhammanupassi viharama atapino sampajana satimanto vineyya loke abhijjhadomanassam. Acchariyam bhante, abbhutam bhante, yavan-c' idam bhante Bhagava evam manussagahane evam manussakasate evam manussasatheyye vattamane sattanam hitahitam janati. Gahanam h' etam bhante yadidam manussa, uttanakam h' etam bhante yadidam pasavo. Aham hi bhante pahomi hatthidhammam saretum, yavatakena antarena Campam gatagatam karissati sabbani tani satheyyani kuteyyani vankeyyani jimheyyani patukarissati. Amhakam pana bhante dasa ti va pessa ti va kammakara ti va annatha ca kayena samudacaranti annatha vacaya annatha ca nesam cittam hoti. Acchariyam bhante, abbhutam bhante, yavan-c' idam bhante Bhagava evam manussagahane evam manussakasate evam manussasatheyye vattamane sattanam hitahitam janati. Gahanam h' etam bhante yadidam manussa, uttanakam h' etam bhante yadidam pasavo ti. - Evam-etam Pessa, evam-etam Pessa, gahanam h' etam Pessa yadidam manussa,

[page 341]

uttanakam h' etam Pessa yadidam pasavo. Cattaro 'me Pessa puggala santo samvijjamana lokasmim, katame cattaro: Idha Pessa ekacco puggalo attantapo hoti attaparitapananuyogamanuyutto, idha pana Pessa ekacco puggalo parantapo hoti paraparitapananuyogam-anuyutto. Idha Pessa ekacco puggalo attantapo ca hoti attaparitapananuyogam-anuyutto parantapo ca paraparitapananuyogam-anuyutto, idha pana Pessa ekacco puggalo n' ev' attantapo hoti nattaparitapananuyogam-anuyutto na parantapo na paraparitapananuyogamanuyutto, so anattantapo aparantapo ditthe va dhamme nicchato nibbuto sitibhuto sukhapatisamvedi brahmabhutena attana viharati. Imesam Pessa catunnam puggalanam katamo te puggalo cittam aradhetiti.

Yvayam bhante puggalo attantapo attaparitapananuyogam-anuyutto ayam me puggalo cittam n' aradheti. Yo payam bhante puggalo parantapo paraparitapananuyogamanuyutto ayam-pi me puggalo cittam n' aradheti. Yo payam bhante puggalo attantapo ca attaparitapananuyogamanuyutto parantapo ca paraparitapananuyogam-anuyutto ayam-pi me puggalo cittam n' aradheti. Yo ca kho ayam bhante puggalo n' ev' attantapo nattaparitapananuyogam-anuyutto na parantapo na paraparitapananuyogamanuyutto, so anattantapo aparantapo ditthe va dhamme nicchato nibbuto sitibhuto sukhapatisamvedi brahmabhutena attana viharati, ayam me puggalo cittam aradhetiti. -Kasma pana te Pessa ime tayo puggala cittam n' aradhentiti. - Yvayam bhante puggalo attantapo attaparitapananuyogam-anuyutto so attanam sukhakamam dukkhapatikkhulam atapeti paritapeti, imina me ayam puggalo cittam n' aradheti.

Yo payam bhante puggalo parantapo paraparitapananuyogamanuyutto so param sukhakamam dukkhapatikkulam atapeti paritapeti, imina me ayam puggalo cittam n' aradheti. Yo payam bhante puggalo attantapo ca attaparitapananuyogamanuyutto parantapo ca paraparitapananuyogam-anuyutto so attanan-ca paran-ca sukhakame dukkhapatikkule atapeti paritapeti, imina me ayam puggalo cittam n' aradheti. Yo ca kho ayam bhante puggalo n' ev' attantapo nattaparitapananuyogam-anuyutto na parantapo na paraparitapananuyogam-anuyutto,

[page 342]

so anattantapo aparantapo ditthe va dhamme nicchato nibbuto sitibhuto sukhapatisamvedi brahmabhutena attana viharati, imina me ayam puggalo cittam aradheti.

Handa ca dani mayam bhante gacchama, bahukicca mayam bahukaraniya ti. - Yassa dani tvam Pessa kalam mannasiti. Atha kho Pesso hattharohaputto Bhagavato bhasitam abhinanditva anumoditva utthay' asana Bhagavantam abhivadetva padakkhinam katva pakkami.

Atha kho Bhagava acirapakkante Pesse hattharohaputte bhikkhu amantesi: Pandito bhikkhave Pesso hattharohaputto, mahapanno bhikkhave Pesso hattharohaputto; sace bhikkhave Pesso hattharohaputto muhuttam nisideyya yav' assaham ime cattaro puggale vittharena vibhajami, mahata atthena samyutto agamissa. Api ca bhikkhave ettavata pi Pesso hattharohaputto mahata atthena samyutto ti. - Etassa Bhagava kalo, etassa Sugata kalo, yam Bhagava ime cattaro puggale vittarena vibhajeyya, Bhagavato sutva bhikkhu dharessantiti. - Tena hi bhikkhave sunatha sadhukam manasikarotha, bhasissamiti. Evam bhante ti kho te bhikkhu Bhagavato paccassosum. Bhagava etad-avoca:

Katamo ca bhikkhave puggalo attantapo attaparitapananuyogam-anuyutto: Idha bhikkhave ekacco puggalo acelako hoti muttacaro hatthapalekhano, na ehibhadantiko na titthabhadantiko, nabhihatam na uddissakatam na nimantanam sadiyati; so na kumbhimukha patiganhati na kalopimukha patiganhati, na elakamantaram na dandamantaram na musalamantaram, na dvinnam bhunjamananam, na gabbhiniya na payamanaya na purisantaragataya, na sankittisu, na yattha sa upatthito hoti, na yattha makkhika sandasandacarini, na maccham na mamsam na suram na merayam na thusodakam pibati. So ekagariko va hoti ekalopiko, dvagariko va hoti dvalopiko - sattagariko va hoti sattalopiko; ekissa pi dattiya yapeti, dvihi pi dattihi yapeti -sattahi pi dattihi yapeti; ekahikam-pi aharam ahareti, dvihikam-pi aharam ahareti

[page 343]

- sattahikam-pi aharam ahareti, iti evarupam addhamasikam-pi pariyayabhattabhojananuyogamanuyutto viharati. So sakabhakkho va hoti samakabhakkho va hoti nivarabhakkho va hoti daddulabhakkho va hoti hatabhakkho va hoti kanabhakkho va hoti acamabhakkho va hoti pinnakabhakkho va hoti tinabhakkho va hoti gomayabhakkho va hoti; vanamulaphalaharo yapeti pavattaphalabhoji. So sanani pi dhareti masanani pi dhareti chavadussani pi dhareti pamsukulani pi dhareti tiritani pi dhareti ajinani pi dhareti ajinakkhipam-pi dhareti kusaciram-pi dhareti vakaciram-pi dhareti phalakaciram-pi dhareti kesakambalam-pi dhareti valakambalam-pi dhareti ulukapakkham-pi dhareti. Kesamassulocako pi hoti kesamassulocananuyogam-anuyutto, ubbhatthako pi hoti asanapatikkhitto, ukkutiko pi hoti ukkutikappadhanam-anuyutto, kantakapassayiko pi hoti kantakapassaye seyyam kappeti, sayatatiyakam-pi udakorohananuyogam-anuyutto viharati. Iti evarupam anekavihitam kayassa atapanaparitapananuyogam-anuyutto viharati. Ayam vuccati bhikkhave puggalo attantapo attaparitapananuyogam-anuyutto.

Katamo ca bhikkhave puggalo parantapo paraparitapananuyogam-anuyutto: Idha bhikkhave ekacco puggalo orabbhiko hoti sukariko sakuntiko magaviko luddo macchaghatako coro coraghatako bandhanagariko, ye va pan' anne pi keci kururakammanta. Ayam vuccati bhikkhave puggalo parantapo paraparitapananuyogam-anuyutto.

Katamo ca bhikkhave puggalo attantapo ca attaparitapananuyogam-anuyutto parantapo ca paraparitapananuyogamanuyutto: Idha bhikkhave ekacco puggalo raja va hoti khattiyo muddhavasitto brahmano va mahasalo. So puratthimena nagarassa navam santhagaram karapetva kesamassum oharetva kharajinam nivasetva sappitelena kayam abbhanjitva magavisanena pitthim kanduvamano santhagaram pavisati saddhim mahesiya brahmanena ca purohitena. So tattha anantarahitaya bhumiya haritupattaya seyyam kappeti.

Ekissa gaviya sarupavacchaya yam ekasmim thane khiram hoti tena {raja} yapeti,

[page 344]

yam dutiyasmim thane khiram hoti tena mahesi yapeti, yam tatiyasmim thane khiram hoti tena brahmano purohito yapeti, yam catutthasmim thane khiram hoti tena aggim {juhanti}, avasesena vacchako yapeti. So evam-aha: Ettaka usabha hannantu yannatthaya, ettaka vacchatara hannantu yannatthaya, ettika vacchatariyo hannantu yannatthaya, ettaka aja hannantu yannatthaya, ettaka urabbha hannantu yannatthaya, ettaka rukkha chijjantu yupatthaya, ettaka dabbha luyantu barihisatthayati. Ye pi 'ssa te honti dasa ti va pessa ti va kammakara ti va te pi dandatajjita bhayatajjita assumukha rudamana parikammani karonti. Ayam vuccati bhikkhave puggalo attantapo ca attaparitapananuyogam-anuyutto parantapo ca paraparitapananuyogam-anuyutto.

Katamo ca bhikkhave puggalo n' ev' attantapo nattaparitapananuyogam-anuyutto na parantapo na paraparitapananuyogam-anuyutto, so anattantapo aparantapo ditthe va dhamme nicchato nibbuto sitibhuto sukhapatisamvedi brahmabhutena attana viharati: Idha bhikkhave Tathagato loke uppajjati araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava. So imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti. So dhammam deseti adikalyanam majjhekalyanam pariyosanakalyanam sattham sabyanjanam, kevalaparipunnam parisuddham brahmacariyam pakaseti. Tam dhammam sunati gahapati va gahapatiputto va annatarasmim va kule paccajato. So tam dhammam sutva Tathagate saddham patilabhati. So tena saddhapatilabhena samannagato iti patisancikkhati: Sambadho gharavaso rajapatho, abbhokaso pabbajja, na-y-idam sukaram agaram ajjhavasata ekantaparipunnam ekantaparisuddham sankhalikhitam brahmacariyam caritum, yan-nunaham kesamassum oharetva kasayani vatthani acchadetva agarasma anagariyam pabbajeyyan-ti. So aparena samayena appam va bhogakkhandham pahaya mahantam va bhogakkhandham pahaya, appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati.

[page 345]

So evam pabbajito samano bhikkhunam sikkhasajivasamapanno panatipatam pahaya panatipata pativirato hoti, nihitadando nihitasattho lajji dayapanno sabbapanabhutahitanukampi viharati. Adinnadanam pahaya adinnadana pativirato hoti, dinnadayi dinnapatikankhi athenena sucibhutena attana viharati. Abrahmacariyam pahaya brahmacari hoti aracari, virato methuna gamadhamma. Musavadam pahaya musavada pativirato hoti, saccavadi saccasandho theto paccayiko avisamvadako lokassa. Pisunam vacam pahaya pisunaya vacaya pativirato hoti, ito sutva na amutra akkhata imesam bhedaya amutra va sutva na imesam akkhata amusam bhedaya, iti bhinnanam va sandhata sahitanam va anuppadata, samaggaramo samaggarato samagganandi samaggakaranim vacam bhasita hoti. Pharusam vacam pahaya pharusaya vacaya pativirato hoti, ya sa vaca nela kannasukha pemaniya hadayangama pori bahujanakanta bahujanamanapa tatharupim vacam bhasita hoti. Samphappalapam pahaya samphappalapa pativirato hoti, kalavadi bhutavadi atthavadi dhammavadi vinayavadi, nidhanavatim vacam bhasita kalena sapadesam pariyantavatim atthasamhitam. So bijagamabhutagamasamarambha pativirato hoti.

Ekabhattiko hoti rattuparato, virato vikalabhojana. Naccagita-vadita-visukadassana pativirato hoti. Mala-gandha-vilepanadharana-mandana-vibhusanatthana pativirato hoti. Uccasayana-mahasayana pativirato hoti. Jataruparajatapatiggahana pativirato hoti. Amakadhannapatiggahana pativirato hoti. Amakamamsapatiggahana pativirato hoti. Itthikumarikapatiggahana pativirato hoti. Dasidasapatiggahana pativirato hoti. Ajelakapatiggahana pativirato hoti. Kukkutasukarapatiggahana pativirato hoti. Hatthi-gavassa-valavapatiggahana pativirato hoti. Khettavatthupatiggahana pativirato hoti. Duteyyapahinagamananuyoga pativirato hoti.

Kayavikkaya pativirato hoti. Tulakuta-kamsakuta-manakuta pativirato hoti.

[page 346]

Ukkotana-vancana-nikati-saciyoga pativirato hoti. Chedana-vadha-bandhana-viparamosa-alopa-sahasakara pativirato hoti. So santuttho hoti kayapariharikena civarena kucchipariharikena pindapatena, yena yen' eva pakkamati samaday' eva pakkamati. Seyyatha pi nama pakkhi sakuno yena yen' eva deti sapattabharo va deti, evam-evam bhikkhu santuttho hoti kayapariharikena civarena kucchipariharikena pindapatena, yena yen' eva pakkamati samaday' eva pakkamati. So imina ariyena silakkhandhena samannagato ajjhattam anavajjasukham patisamvedeti. So cakkhuna rupam disva na nimittaggahi hoti nanubyanjanaggahi; yatvadhikaranam-enam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati, rakkhati cakkhundriyam, cakkhundriye samvaram apajjati. Sotena saddam sutva --pe-ghanena gandham ghayitva - jivhaya rasam sayitva - kayena photthabbam phusitva - manasa dhammam vinnaya na nimittaggahi hoti nanubyanjanaggahi; yatvadhikaranamenam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati, rakkhati manindriyam, manindriye samvaram apajjati. So imina ariyena indriyasamvarena samannagato ajjhattam abyasekasukham patisamvedeti. So abhikkante patikkante sampajanakari hoti, alokite vilokite sampajanakari hoti, saminjite pasarite sampajanakari hoti, sanghatipattacivaradharane sampajanakari hoti, asite pite khayite sayite sampajanakari hoti, uccarapassavakamme sampajanakari hoti gate thite nisinne sutte jagarite bhasite tunhibhave sampajanakari hoti.

So imina ca ariyena silakkhandhena samannagato imina ca ariyena indriyasamvarena samannagato imina ca ariyena satisampajannena samannagato vivittam senasanam bhajati, arannam rukkhamulam pabbatam kandaram giriguham susanam vanapattham abbhokasam palalapunjam. So pacchabhattam pindapatapatikkanto nisidati pallankam abhujitva, ujum kayam panidhaya, parimukham satim upatthapetva, So abhijjham loke pahaya vigatabhijjhena cetasa viharati,

[page 347]

abhijjhaya cittam parisodheti; byapadapadosam pahaya abyapannacitto viharati, sabbapanabhutahitanukampi byapadapadosa cittam parisodheti; thinamiddham pahaya vigatathinamiddho viharati, alokasanni sato sampajano thinamiddha cittam parisodheti; uddhaccakukkuccam pahaya anuddhato viharati, ajjhattam vupasantacitto uddhaccakukkucca cittam parisodheti; vicikiccham pahaya tinnavicikiccho viharati, akathamkathi kusalesu dhammesu vicikicchaya cittam parisodheti.

So ime panca nivarane pahaya cetaso upakkilese pannaya dubbalikarane vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. Vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati. Pitiya ca viraga upekhako ca viharati sato ca sampajano sukhan-ca kayena patisamvedeti yan-tam ariya acikkhanti: upekhako satima sukhavihari ti tatiyam jhanam upasampajja viharati. Sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharati.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhininnameti.

So anekavihitam pubbenivasam anussarati, seyyathidam ekam-pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim-pi jatiyo timsam-pi jatiyo cattarisam-pi jatiyo pannasam-pi jatiyo jatisatam-pi jatisahassam-pi jatisatasahassam-pi aneke pi samvattakappe aneke pi vivattakappe aneke pi samvattavivattakappe: amutr' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto amutra uppadim, tatrap' asim evamnamo evamgotto evamvanno evamaharo evam sukhadukkhapatisamvedi evamayupariyanto,

[page 348]

so tato cuto idhupapanno ti. Iti sakaram sauddesam anekavihitam pubbenivasam anussarati.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnameti. So dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate yathakammupage satte pajanati: ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana, te kayassa bheda param-marana apayam duggatim vinipatam nirayam upapanna; ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana, te kayassa bheda param-marana sugatim saggam lokam upapanna ti. Iti dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate yathakammupage satte pajanati.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhininnameti. So: idam dukkhan-ti yathabhutam pajanati, ayam dukkhasamudayo ti yathabhutam pajanati, ayam dukkhanirodho ti yathabhutam pajanati, ayam dukkhanirodhagamini patipada ti yathabhutam pajanati; ime asava ti yathabhutam pajanati, ayam asavasamudayo ti yathabhutam pajanati, ayam asavanirodho ti yathabhutam pajanati, ayam asavanirodhagamini patipada ti yathabhutam pajanati. Tassa evam janato evam passato kamasava pi cittam vimuccati, bhavasava pi cittam vimuccati, avijjasava pi cittam vimuccati, vimuttasmim vimuttam-iti nanam hoti; khina jati, vusitam brahmacariyam, katam karaniyam naparam itthattayati pajanati.

Ayam vuccati bhikkhave puggalo n' ev' attantapo nattaparitapananuyogam-anuyutto na parantapo na paraparitapananuyogam-anuyutto,

[page 349]

so anattantapo aparantapo ditthe va dhamme nicchato nibbuto sitibhuto sukhapatisamvedi brahmabhutena attana viharatiti.

Idam-avoca Bhagava, Attamana te bhikkhu Bhagavato bhasitam abhinandun-ti.

KANDARAKASUTTANTAM PATHAMAM.

 


 

LII. Atthaka-Nagara Suttantam

Evam-me sutam. Ekam samayam ayasma Anando Vesaliyam viharati Beluvagamake. Tena kho pana samayena Dasamo gahapati Atthakanagaro Pataliputtam anuppatto hoti kenacid-eva karaniyena. Atha kho Dasamo gahapati Atthakanagaro yena Kukkutaramo yena annataro bhikkhu ten' upasankami, upasankamitva tam bhikkhum abhivadetva ekamantam nisidi. Ekamantam nisinno kho Dasamo gahapati Atthakanagaro tam bhikkhum etad-avoca:

Kahan-nu kho bhante ayasma Anando etarahi viharati, dassanakama hi mayan-tam ayasmantam Anandan-ti. Eso gahapati ayasma Anando Vesaliyam viharati Beluvagamake ti. Atha kho Dasamo gahapati Atthakanagaro Pataliputte tam karaniyam tiretva yena Vesali Beluvagamako yen' ayasma Anando ten' upasankami, upasankamitva ayasmantam Anandam abhivadetva ekamantam nisidi. Ekamantam nisinno kho Dasamo gahapati Atthakanagaro ayasmantam Anandam etad-avoca:

Atthi nu kho bhante Ananda tena Bhagavata janata passata arahata sammasambuddhena ekadhammo akkhato yattha bhikkhuno appamattassa atapino pahitattassa viharato avimuttam va cittam vimuccati aparikkhina va asava parikkhayam gacchanti ananuppattam va anuttaram yogakkhemam anupapunatiti. - Atthi kho gahapati tena Bhagavata janata passata arahata sammasambuddhena ekadhammo akkhato yattha bhikkhuno appamattassa atapino pahitattassa viharato avimuttan-c' eva cittam vimuccati aparikkhina ca asava parikkhayam gacchanti ananuppattan-ca anuttaram yogakkhemam anupapunatiti.

[page 350]

- Katamo pana bhante Ananda tena Bhagavata janata passata arahata sammasambuddhena ekadhammo akkhato yattha bhikkhuno appamattassa atapino pahitattassa viharato avimuttan-c' eva cittam vimuccati aparikkhina ca asava parikkhayam gacchanti ananuppattan-ca anuttaram yogakkhemam anupapunatiti.

Idha gahapati bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. So iti patisancikkhati: Idam-pi kho pathamam jhanam abhisankhatam abhisancetayitam, yam kho pana kinci abhisankhatam abhisancetayitam tad-aniccam nirodhadhamman-ti pajanati. So tattha thito asavanam khayam papunati; no ce asavanam khayam papunati ten' eva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka. Ayam-pi kho gahapati tena Bhagavata janata passata arahata sammasambuddhena ekadhammo akkhato yattha bhikkhuno appamattassa atapino pahitattassa viharato avimuttan-c' eva cittam vimuccati aparikkhina ca asava parikkhayam gacchanti ananuppattan-ca anuttaram yogakkhemam anupapunati.

Puna ca param gahapati bhikkhu vitakkavicaranam vupasama ajjhattam sampasadanam - pe - dutiyam jhanam upasampajja viharati. So iti patisancikkhati: Idam-pi kho dutiyam jhanam abhisankhatam abhisancetayitam, yam kho pana kinci abhisankhatam abhisancetayitam tad-aniccam nirodhadhamman-ti pajanati. So tattha thito asavanam khayam papunati; no ce asavanam khayam papunati ten' eva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka. Ayam-pi kho gahapati tena Bhagavata janata passata arahata sammasambuddhena ekadhammo akkhato yattha bhikkhuno appamattassa atapino pahitattassa viharato avimuttan-c' eva cittam vimuccati aparikkhina ca asava parikkhayam gacchanti ananuppattan-ca anuttaram yogakkhemam anupapunati.

[page 351]

Puna ca param gahapati bhikkhu pitiya ca viraga --pe-tatiyam jhanam upasampajja viharati. So iti patisancikkhati:

Idam-pi kho tatiyam jhanam abhisankhatam abhisancetayitam, yam kho pana kinci abhisankhatam abhisancetayitam tad-aniccam nirodhadhamman-ti pajanati. So tattha thito - pe - anuttaram yogakkhemam anupapunati.

Puna ca param gahapati bhikkhu sukhassa ca pahana dukkhassa ca pahana - pe - catuttham jhanam upasampajja viharati. So iti patisancikkhati: Idam-pi kho catuttham jhanam abhisankhatam abhisancetayitam, yam kho pana kinci abhisankhatam abhisancetayitam tad-aniccam nirodhadhamman-ti pajanati. So tattha thito - pe - anuttaram yogakkhemam anupapunati.

Puna ca param gahapati bhikkhu mettasahagatena cetasa ekam disam pharitva viharati, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyabajjhena pharitva viharati. So iti patisancikkhati: Ayam-pi kho metta cetovimutti abhisankhata abhisancetayita, yam kho pana kinci abhisankhatam abhisancetayitam tad-aniccam nirodhadhamman-ti pajanati. So tattha thito - pe - anuttaram yogakkhemam anupapunati.

Puna ca param gahapati bhikkhu karunasahagatena cetasa - pe - muditasahagatena cetasa - pe - upekhasahagatena cetasa ekam disam pharitva viharati, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam upekhasahagatena cetasa vipulena mahaggatena appamanena averena abyabajjhena pharitva viharati. So iti patisancikkhati: Ayam-pi kho upekha cetovimutti abhisankhata abhisancetayita, yam kho pana kinci abhisankhatam abhisancetayitam tad-aniccam nirodhadhamman-ti pajanati.

[page 352]

So tattha thito - pe - anuttaram yogakkhemam anupapunati.

Puna ca param gahapati bhikkhu sabbaso rupasannanam samatikkama patighasannanam atthagama nanattasannanam amanasikara ananto akaso ti akasanancayatanam upasampajja viharati. So iti patisancikkhati: Ayam-pi kho akasanancayatanasamapatti abhisankhata abhisancetayita, yam kho pana kinci abhisankhatam abhisancetayitam tad-aniccam nirodhadhamman-ti pajanati. So tattha thito - pe - anuttaram yogakkhemam anupapunati.

Puna ca param gahapati bhikkhu sabbaso akasanancayatanam samatikkamma anantam vinnanan-ti vinnanancayatanam upasampajja viharati. So iti patisancikkhati:

Ayam-pi kho vinnanancayatanasamapatti abhisankhata abhisancetayita, yam kho pana kinci abhisankhatam abhisancetayitam tad-aniccam nirodhadhamman-ti pajanati. So tattha thito - pe - anuttaram yogakkhemam anupapunati.

Puna ca param gahapati bhikkhu sabbaso vinnanancayatanam samatikkamma na-tthi kinciti akincannayatanam upasampajja viharati. So iti patisancikkhati: Ayam-pi kho akincannayatanasamapatti abhisankhata abhisancetayita, yam kho pana kinci abhisankhatam abhisancetayitam tad-aniccam nirodhadhamman-ti pajanati. So tattha thito asavanam khayam papunati; no ce asavanam khayam papunati ten' eva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka. Ayam kho gahapati tena Bhagavata janata passata arahata sammasambuddhena ekadhammo akkhato yattha bhikkhuno appamattassa atapino pahitattassa viharato avimuttan-c' eva cittam vimuccati aparikkhina ca asava parikkhayam gacchanti ananuppattan-ca anuttaram yogakkhemam anupapunatiti.

Evam vutte Dasamo gahapati Atthakanagaro ayasmantam Anandam etad-avoca: Seyyatha pi bhante Ananda puriso ekam nidhimukham gavesanto sakid-eva ekadasa nidhimukhani adhigaccheyya,

[page 353]

evam-eva kho aham bhante ekam amatadvaram gavesanto sakid-eva ekadasa amatadvarani alattham savanaya. Seyyatha pi bhante purisassa agaram ekadasadvaram, so tasmim agare aditte ekamekena pi dvarena sakkuneyya attanam sotthim katum, evam-eva kho aham bhante imesam ekadasannam amatadvaranam ekamekena pi amatadvarena sakkunissami attanam sotthim katum. Ime hi nama bhante annatitthiya acariyassa acariyadhanam pariyesissanti, kim panaham ayasmato Anandassa pujam na karissamiti. Atha kho Dasamo gahapati Atthakanagaro Pataliputtakan-ca Vesalikan-ca bhikkhusangham sannipatapetva panitena khadaniyena bhojaniyena sahattha santappesi sampavaresi ekamekan-ca bhikkhum paccekadussayugena acchadesi, ayasmantam Anandam ticivarena acchadesi ayasmato ca Anandassa pancasatam viharam karapesiti.

ATTHAKANAGARASUTTANTAM DUTIYAM.

 


 

LIII. Sekha Suttantam

Evam-me sutam. Ekam samayam Bhagava Sakkesu viharati Kapilavatthusmim Nigrodharame. Tena kho pana samayena Kapilavatthavanam Sakyanam navam santhagaram acirakaritam hoti anajjhavuttham samanena va brahmanena va kenaci va manussabhutena. Atha kho Kapilavatthava Sakya yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinna kho Kapilavatthava Sakya Bhagavantam etad-avocum: Idha bhante Kapilavatthavanam Sakyanam navam santhagaram acirakaritam anajjhavuttham samanena va brahmanena va kenaci va manussabhutena. Tam bhante Bhagava pathamam paribhunjatu, Bhagavata pathamam paribhuttam paccha Kapilavatthava Sakya paribhunjissanti, tadassa Kapilavatthavanam Sakyanam digharattam hitaya sukhayati.

[page 354]

Adhivasesi Bhagava tunhibhavena. Atha kho Kapilavatthava Sakya Bhagavato adhivasanam viditva utthay' asana Bhagavantam abhivadetva padakkhinam katva yena santhagaram ten' upasankamimsu, upasankamitva sabbasantharim santhagaram santharitva asanani pannapetva udakamanikam patitthapetva telappadipam aropetva yena Bhagava ten' upasankamimsu, upasankamitva Bhagavantam abhivadetva ekamantam atthamsu. Ekamantam thita kho Kapilavatthava Sakya Bhagavantam etad-avocum: Sabbasantharim santhatam bhante santhagaram, asanani pannattani, udakamaniko patitthapito, telappadipo aropito; yassa dani bhante Bhagava kalam mannatiti. Atha kho Bhagava nivasetva pattacivaram adaya saddhim bhikkhusanghena yena santhagaram ten' upasankami, upasankamitva pade pakkhaletva santhagaram pavisitva majjhimam thambham nissaya puratthabhimukho nisidi. Bhikkhusangho pi kho pade pakkhaletva santhagaram pavisitva pacchimam bhittim nissaya puratthabhimukho nisidi Bhagavantam yeva purakkhatva.

Kapilavatthava pi kho Sakya pade pakkhaletva santhagaram pavisitva puratthimam bhittim nissaya pacchamukha nisidimsu Bhagavantam yeva purakkhatva. Atha kho Bhagava Kapilavatthave Sakke bahu-d-eva rattim dhammiya kathaya sandassetva samadapetva samuttejetva sampahamsetva ayasmantam Anandam amantesi: Patibhatu tam Ananda Kapilavatthavanam Sakyanam sekho patipado; pitthim-me agilayati, tam-aham ayamissamiti. Evam bhante ti kho ayasma Anando Bhagavato paccassosi. Atha kho Bhagava catuggunam sanghatim pannapetva dakkhinena passena sihaseyyam kappesi pade padam accadhaya sato sampajano utthanasannam manasikaritva.

Atha kho ayasma Anando Mahanamam Sakyam amantesi: Idha Mahanama ariyasavako silasampanno hoti, indriyesu guttadvaro hoti, bhojane mattannu hoti, jagariyam anuyutto hoti, sattahi saddhammehi samannagato hoti, catunnam jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi. Kathan-ca Mahanama ariyasavako silasampanno hoti:

[page 355]

Idha Mahanama ariyasavako silava hoti, patimokkhasamvarasamvuto viharati acaragocarasampanno, anumattesu vajjesu bhayadassavi, samadaya sikkhati sikkhapadesu. Evam kho Mahanama ariyasavako silasampanno hoti. Kathan-ca Mahanama ariyasavako indriyesu guttadvaro hoti: Idha Mahanama ariyasavako cakkhuna rupam disva na nimittaggahi hoti nanubyanjanaggahi, yatvadhikaranam-enam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati, rakkhati cakkhundriyam, cakkhundriye samvaram apajjati. Sotena saddam sutva - pe - ghanena gandham ghayitva - jivhaya rasam sayitva - kayena photthabbam phusitva - manasa dhammam vinnaya na nimittaggahi hoti nanubyanjanaggahi, yatvadhikaranam-enam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati, rakkhati manindriyam, manindriye samvaram apajjati. Evam kho Mahanama ariyasavako indriyesu guttadvaro hoti. Kathan-ca Mahanama ariya savako bhojane mattannu hoti: Idha Mahanama ariyasavako patisankha yoniso aharam ahareti, n' eva davaya na madaya na mandanaya na vibhusanaya, yavad-eva imassa kayassa thitiya yapanaya, vihimsuparatiya brahmacariyanuggahaya:

iti puranan-ca vedanam patihankhami navan-ca vedanam na uppadessami, yatra ca me bhavissati anavajjata ca phasuviharo cati. Evam kho Mahanama ariyasavako bhojane mattannu hoti. Kathan-ca Mahanama ariyasavako jagariyam anuyutto hoti: Idha Mahanama ariyasavako divasam cankamena nisajjaya avaraniyehi dhammehi cittam parisodheti, rattiya pathamam yamam cankamena nisajjaya avaraniyehi dhammehi cittam parisodheti, rattiya majjhimam yamam dakkhinena passena sihaseyyam kappeti pade padam accadhaya sato sampajano utthanasannam manasikaritva, rattiya pacchimam yamam paccutthaya cankamena nisajjaya avaraniyehi dhammehi cittam parisodheti. Evam kho Mahanama ariyasavako jagariyam anuyutto hoti. Kathan-ca Mahanama ariyasavako sattahi saddhammehi samannagato hoti:

[page 356]

Idha Mahanama ariyasavako saddho hoti, saddahati Tathagatassa bodhim: iti pi so Bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava ti. Hirima hoti, hiriyati kayaduccaritena vaciduccaritena manoduccaritena, hiriyati papakanam akusalanam dhammanam samapattiya.

Ottapi hoti, ottapati kayaduccaritena vaciduccaritena manoduccaritena, ottapati papakanam akusalanam dhammanam samapattiya. Bahussuto hoti sutadharo sutasannicayo, ye te dhamma adikalyana majjhekalyana pariyosanakalyana sattha sabyanjana kevalaparipunnam parisuddham brahmacariyam abhivadanti tatharupa 'ssa dhamma bahussuta honti dhata vacasa paricita manasa 'nupekkhita ditthiya suppatividdha.

Araddhaviriyo viharati akusalanam dhammanam pahanaya kusalanam dhammanam upasampadaya, thamava dalhaparakkamo anikkhittadhuro kusalesu dhammesu. Satima hoti paramena satinepakkena samannagato, cirakatam-pi cirabhasitam-pi sarita anussarita. Pannava hoti udayatthagaminiya pannaya samannagato ariyaya nibbedhikaya sammadukkhakkhayagaminiya. Evam kho Mahanama ariyasavako sattahi saddhammehi samannagato hoti. Kathan-ca Mahanama ariyasavako catunnam jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi: Idha Mahanama ariyasavako vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. Vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam - pe - tatiyam jhanam - catuttham jhanam upasampajja viharati. Evam kho Mahanama ariyasavako catunnam jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi.

Yato kho Mahanama ariyasavako evam silasampanno hoti, evam indriyesu guttadvaro hoti, evam bhojane mattannu hoti, evam jagariyam anuyutto hoti, evam sattahi saddhammehi samannagato hoti,

[page 357]

evam catunnam jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi, ayam vuccati Mahanama ariyasavako sekho patipado apuccandataya samapanno bhabbo abhinibbhidaya bhabbo sambodhaya bhabbo anuttarassa yogakkhemassa adhigamaya. Seyyatha pi Mahanama kukkutiya andani attha va dasa va dvadasa va, tan' assu kukkutiya samma adhisayitani samma pariseditani samma paribhavitani; kincapi tassa kukkutiya na evam iccha uppajjeyya: aho vata me kukkutapotaka padanakhasikhaya va mukhatundakena va andakosam padaletva sotthina abhinibbhijjeyyun-ti, atha kho bhabba va te kukkutapotaka padanakhasikhaya va mukhatundakena va andakosam padaletva sotthina abhinibbhijjitum. Evam-eva kho Mahanama yato ariyasavako evam silasampanno hoti, evam indriyesu guttadvaro hoti, evam bhojane mattannu hoti, evam jagariyam anuyutto hoti, evam sattahi saddhammehi samannagato hoti, evam catunnam jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi, ayam vuccati Mahanama ariyasavako sekho patipado apuccandataya samapanno bhabbo abhinibbhidaya bhabbo sambodhaya bhabbo anuttarassa yogakkhemassa adhigamaya. Sa kho so Mahanama ariyasavako imam yeva anuttaram upekhasatiparisuddhim agamma anekavihitam pubbenivasam anussarati, seyyathidam ekam-pi jatim dve pi jatiyo - pe - iti sakaram sauddesam anekavihitam pubbenivasam anussarati; ayam-assa pathama 'bhinibbhida hoti {kukkutacchapakasse^va} andakosamha. Sa kho so Mahanama ariyasavako imam yeva anuttaram upekhasatiparisuddhim agamma dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate - pe - yathakammupage satte pajanati; ayam-assa dutiya 'bhinibbhida hoti {kukkutacchapakasse^va} andakosamha. Sa kho so Mahanama ariyasavako imam yeva anuttaram upekhasatiparisuddhim agamma asavanam bhaya anasavam cetovimuttim pannavimuttim ditthe va dhamme sayam abhinna sacchikatva upasampajja viharati;

[page 358]

ayam-assa tatiya 'bhinibbhida hoti {kukkutacchapakasse^va} andakosamha.

Yam-pi Mahanama ariyasavako silasampanno hoti idam-pi 'ssa hoti caranasmim. Yam-pi Mahanama ariyasavako indriyesu guttadvaro hoti idam-pi 'ssa hoti caranasmim. Yam-pi Mahanama ariyasavako bhojane mattannu hoti idam-pi 'ssa hoti caranasmim. Yam-pi Mahanama ariyasavako jagariyam anuyutto hoti idam-pi 'ssa hoti caranasmim. Yam-pi Mahanama ariyasavako sattahi saddhammehi samannagato hoti idam-pi 'ssa hoti caranasmim.

Yam-pi Mahanama ariyasavako catunnam jhananam abhicetasikanam ditthadhammasukhaviharanam nikamalabhi hoti akicchalabhi akasiralabhi idam-pi 'ssa hoti caranasmim.

Yan-ca kho Mahanama ariyasavako anekavihitam pubbenivasam anussarati, seyyathidam ekam-pi jatim dve pi jatiyo - pe - iti sakaram sauddesam anekavihitam pubbenivasam anussarati, idam-pi 'ssa hoti vijjaya. Yam-pi Mahanama ariyasavako dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate - pe - yathakammupage satte pajanati, idam-pi 'ssa hoti vijjaya. Yam-pi Mahanama ariyasavako asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharati, idam-pi 'ssa hoti vijjaya.

Ayam vuccati Mahanama ariyasavako vijjasampanno iti pi, caranasampanno iti pi, vijjacaranasampanno iti pi. Brahmuna p' esa Mahanama Sanankumarena gatha bhasita:

Khattiyo settho jane tasmim ye gottapatisarino,
vijjacaranasampanno so settho devamanuse ti.

Sa kho pan' esa Mahanama Brahmuna Sanankumarena gatha sugita na duggita, subhasita na dubbhasita, atthasamhita no anatthasamhita, anumata Bhagavata ti.

Atha kho Bhagava utthahitva ayasmantam Anandam amantesi: Sadhu sadhu Ananda, sadhu kho tvam Ananda Kapilavatthavanam Sakyanam sekham patipadam abhasiti.

[page 359]

Idam-avoca ayasma Anando, samanunno sattha ahosi.

Attamana Kapilavatthava Sakya ayasmato Anandassa bhasitam abhinandun-ti.

SEKHASUTTANTAM TATIYAM.

 


 

LIV. Potaliya Suttantam

Evam-me sutam. Ekam samayam Bhagava Anguttarapesu viharati; Apanam nama Anguttarapanam nigamo.

Atha kho Bhagava pubbanhasamayam nivasetva pattacivaram adaya Apanam pindaya pavisi. Apane pindaya caritva pacchabhattam pindapatapatikkanto yen' annataro vanasando ten' upasankami divaviharaya, tam vanasandam ajjhogahitva annatarasmim rukkhamule nisidi. Potaliyo pi kho gahapati sampannanivasapavurano chattupahanahi janghaviharam anucankamamano anuvicaramano yena so vanasando ten' upasankami, tam vanasandam ajjhogahitva yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam atthasi. Ekamantam thitam kho Potaliyam gahapatim Bhagava etad-avoca: Samvijjante kho gahapati asanani, sace akankhasi nisidati. Evam vutte Potaliyo gahapati: gahapativadena mam samano Gotamo samudacaratiti kupito anattamano tunhi ahosi. Dutiyam-pi kho Bhagava Potaliyam gahapatim etad-avoca: Samvijjante kho gahapati asanani, sace akankhasi nisidati. Dutiyam-pi kho Potaliyo gahapati:

gahapativadena mam samano Gotamo samudacaratiti kupito anattamano tunhi ahosi. Tatiyam-pi kho Bhagava Potaliyam gahapatim etad-avoca: Samvijjante kho gahapati asanani, sace akankhasi nisidati. Evam vutte Potaliyo gahapati: gahapativadena mam samano Gotamo samudacaratiti kupito anattamano Bhagavantam etad-avoca: Ta-y-idam bho Gotama na-cchannam,

[page 360]

ta-y-idam na-ppatirupam, yam mam tvam gahapativadena samudacarasiti. - Te hi te gahapati akara te linga te nimitta yatha tam gahapatissati. -Tatha hi pana me bho Gotama sabbe kammanta patikkhitta sabbe vohara samucchinna ti. - Yathakatham pana te gahapati sabbe kammanta patikkhitta sabbe vohara samucchinna ti. - Idha me bho Gotama yam ahosi dhanam va dhannam va rajatam va jatarupam va sabban-tam puttanam dayajjam niyyatam, tatthaham anovadi anupavadi ghasacchadanaparamo viharami. Evam kho me bho Gotama sabbe kammanta patikkhitta sabbe vohara samucchinna ti. -Annatha kho tvam gahapati voharasamucchedam vadasi annatha ca pana ariyassa vinaye voharasamucchedo hotiti. -Yathakatham pana bhante ariyassa vinaye voharasamucchedo hoti. Sadhu me bhante Bhagava tatha dhammam desetu yatha ariyassa vinaye voharasamucchedo hotiti. - Tena hi gahapati sunahi sadhukam manasikarohi, bhasissamiti. Evam bhante ti kho Potaliyo gahapati Bhagavato paccassosi. Bhagava etad-avoca:

Attha kho ime gahapati dhamma ariyassa vinaye voharasamucchedaya samvattanti, katame attha: Apanatipatam nissaya panatipato pahatabbo, dinnadanam nissaya adinnadanam pahatabbam, saccam vacam nissaya musavado pahatabbo, apisunam vacam nissaya pisuna vaca pahatabba, agiddhilobham nissaya giddhilobho pahatabbo, anindarosam nissaya nindaroso pahatabbo, akodhupayasam nissaya kodhupayaso pahatabbo, anatimanam nissaya atimano pahatabbo. Ime kho gahapati attha dhamma sankhittena vutta vittharena avibhatta ariyassa vinaye voharasamucchedaya samvattantiti. - Ye 'me bhante Bhagavata attha dhamma sankhittena vutta vittharena avibhatta ariyassa vinaye voharasamucchedaya samvattanti, sadhu me bhante Bhagava ime attha dhamme vittharena vibhajatu anukampam upadayati. -Tena hi gahapati sunahi sadhukam manasikarohi, bhasissamiti. Evam bhante ti kho Potaliyo gahapati Bhagavato paccassosi. Bhagava etad-avoca:

[page 361]

Apanatipatam nissaya panatipato pahatabbo ti iti kho pan' etam vuttam, kin-c' etam paticca vuttam: Idha gahapati ariyasavako iti patisancikkhati: Yesam kho aham samyojananam hetu panatipati assam tesaham samyojananam pahanaya samucchedaya patipanno; ahan-c' eva kho pana panatipati assam, atta pi mam upavadeyya panatipatapaccaya, anuvicca vinnu garaheyyum panatipatapaccaya, kayassa bheda param-marana duggati patikankha panatipatapaccaya. Etadeva kho pana samyojanam etam nivaranam yadidam panatipato, ye ca panatipatapaccaya uppajjeyyum asava vighataparilaha panatipata pativiratassa evam-sa te asava vighataparilaha na honti. Apanatipatam nissaya panatipato pahatabbo ti iti yan-tam vuttam idam-etam paticca vuttam.

Dinnadanam nissaya adinnadanam pahatabban-ti iti kho pan' etam vuttam, kin-c' etam paticca vuttam: Idha gahapati ariyasavako iti patisancikkhati: Yesam kho aham samyojananam hetu adinnadayi assam tesaham samyojananam pahanaya samucchedaya patipanno; ahan-c' eva kho pana adinnadayi assam, atta pi mam upavadeyya adinnadanapaccaya, anuvicca vinnu garaheyyum adinnadanapaccaya, kayassa bheda param-marana duggati patikankha adinnadanapaccaya. Etad-eva kho pana samyojanam etam nivaranam yadidam adinnadanam, ye ca adinnadanapaccaya uppajjeyyum asava vighataparilaha adinnadana pativiratassa evam-sa te asava vighataparilaha na honti. Dinnadanam nissaya adinnadanam pahatabban-ti iti yan-tam vuttam idam-etam paticca vuttam.

Saccam vacam nissaya musavado pahatabbo ti iti kho pan' etam vuttam, kin-c' etam paticca vuttam: Idha gahepati ariyasavako iti patisancikkhati: Yesam kho aham samyojananam hetu musavadi assam tesaham samyojananam pahanaya samucchedaya patipanno; ahan-c' eva kho pana musavadi assam, atta pi mam upavadeyya musavadapaccaya, anuvicca vinnu garaheyyum musavadapaccaya, kayassa bheda param-marana duggati patikankha musavadapaccaya. Etadeva kho pana samyojanam etam nivaranam yadidam musavado,

[page 362]

ye ca musavadapaccaya uppajjeyyum asava vighataparilaha musavada pativiratassa evam-sa te asava vighataparilaha na honti. Saccam vacam nissaya musavado pahatabbo ti iti yan-tam vuttam idam-etam paticca vuttam.

Apisunam vacam nissaya pisuna vaca pahatabba ti iti kho pan' etam vuttam, kin-c' etam paticca vuttam: Idha gahapati ariyasavako iti patisancikkhati: Yesam kho aham samyojananam hetu pisunavaco assam tesaham samyojananam pahanaya samucchedaya patipanno; ahan-c' eva kho pana pisunavaco assam, atta pi mam upavadeyya pisunavacapaccaya, anuvicca vinnu garaheyyum pisunavacapaccaya, kayassa bheda param-marana duggati patikankha pisunavacapaccaya. Etadeva kho pana samyojanam etam nivaranam yadidam pisuna vaca, ye ca pisunavacapaccaya uppajjeyyum asava vighataparilaha pisunaya vacaya pativiratassa evam-sa te asava vighataparilaha na honti. Apisunam vacam nissaya pisuna vaca pahatabba ti iti yan-tam vuttam idam-etam paticca vuttam.

Agiddhilobham nissaya giddhilobho pahatabbo ti iti kho pan' etam vuttam, kin-c' etam paticca vuttam: Idha gahapati ariyasavako iti patisancikkhati: Yesam kho aham samyojananam hetu giddhilobhi assam tesaham samyojananam pahanaya samucchedaya patipanno; ahan-c' eva kho pana giddhilobhi assam, atta pi mam upavadeyya giddhilobhapaccaya, anuvicca vinnu garaheyyum giddhilobhapaccaya, kayassa bheda param-marana duggati patikankha giddhilobhapaccaya. Etad-eva kho pana samyojanam etam nivaranam yadidam giddhilobho, ye ca giddhilobhapaccaya uppajjeyyum asava vighataparilaha agiddhilobhissa evam-sa te asava vighataparilaha na honti. Agiddhilobham nissaya giddhilobho pahatabbo ti iti yan-tam vuttam idam-etam paticca vuttam.

Anindarosam nissaya nindaroso pahatabbo ti iti kho pan' etam vuttam, kin-c' etam paticca vuttam: Idha gahapati ariyasavako iti patisancikkhati: Yesam kho aham samyojananam hetu nindarosi assam tesaham samyojananam pahanaya samucchedaya patipanno;

[page 363]

ahan-c' eva kho pana nindarosi assam, atta pi mam upavadeyya nindarosapaccaya, anuvicca vinnu garaheyyum nindarosapaccaya, kayassa bheda param-marana duggati patikankha nindarosapaccaya. Etadeva kho pana samyojanam etam nivaranam yadidam nindaroso, ye ca nindarosapaccaya uppajjeyyum asava vighataparilaha anindarosissa evam-sa te asava vighataparilaha na honti. Anindarosam nissaya nindaroso pahatabbo ti iti yantam vuttam idam-etam paticca vuttam.

Akodhupayasam nissaya kodhupayaso pahatabbo ti iti kho pan' etam vuttam, kin-c' etam paticca vuttam: Idha gahapati ariyasavako iti patisancikkhati: Yesam kho aham samyojananam hetu kodhupayasi assam tesaham samyojananam pahanaya samucchedaya patipanno; ahan-c' eva kho pana kodhupayasi assam, atta pi mam upavadeyya kodhupayasapaccaya, anuvicca vinnu garaheyyum kodhupayasapaccaya, kayassa bheda param-marana duggati patikankha kodhupayasapaccaya. Etad-eva kho pana samyojanam etam nivaranam yadidam kodhupayaso, ye ca kodhupayasapaccaya uppajjeyyum asava vighataparilaha akodhupayasissa evam-sa te asava vighataparilaha na honti. Akodhupayasam nissaya kodhupayaso pahatabbo ti iti yan-tam vuttam idametam paticca vuttam.

Anatimanam nissaya atimano pahatabbo ti iti kho pan' etam vuttam, kin-c' etam paticca vuttam: Idha gahapati ariyasavako iti patisancikkhati: Yesam kho aham samyojananam hetu atimani assam tesaham samyojananam pahanaya samucchedaya patipanno; ahan-c' eva kho pana atimani assam, atta pi mam upavadeyya atimanapaccaya, anuvicca vinnu garaheyyum atimanapaccaya, kayassa bheda param-marana duggati patikankha atimanapaccaya. Etadeva kho pana samyojanam etam nivaranam yadidam atimano, ye ca atimanapaccaya uppajjeyyum asava vighataparilaha anatimanissa evam-sa te asava vighataparilaha na honti.

Anatimanam nissaya atimano pahatabbo ti iti yan-tam vuttam idam-etam paticca vuttam.

[page 364]

Ime kho gahapati attha dhamma sankhittena vutta vittharena vibhatta ye ariyassa vinaye voharasamucchedaya samvattanti, na tv-eva tava ariyassa vinaye sabbena sabbam sabbatha sabbam voharasamucchedo hotiti. - Yathakatham pana bhante ariyassa vinaye sabbena sabbam sabbatha sabbam voharasamucchedo hoti. Sadhu me bhante Bhagava tatha dhammam desetu yatha ariyassa vinaye sabbena sabbam sabbatha sabbam voharasamucchedo hotiti. - Tena hi gahapati sunahi sadhukam manasikarohi, bhasissamiti.

Evam bhante ti kho Potaliyo gahapati Bhagavato paccassosi.

Bhagava etad-avoca:

Seyyatha pi gahapati kukkuro jighacchadubbalyapareto goghatakasunam paccupatthito assa, tam-enam dakkho goghatako va goghatakantevasi va atthikankalam sunikantam nikantam nimmamsam lohitamakkhitam upacchubheyya; tam kimmannasi gahapati: api nu so kukkuro amum atthikankalam sunikantam nikantam nimmamsam lohitamakkhitam palikhadanto jighacchadubbalyam pativineyyati. - No h' etam bhante, tam kissa hetu: adum hi bhante atthikankalam sunikantam nikantam nimmamsam lohitamakkhitam, yavad-eva ca pana so kukkuro kilamathassa vighatassa bhagi assati. - Evam-eva kho gahapati ariyasavako iti patisancikkhati: Atthikankalupama kama vutta Bhagavata bahudukkha bahupayasa, adinavo ettha bhiyyo ti evam-etam yathabhutam sammappannaya disva ya 'yam upekha nanatta nanattasita tam abhinivajjetva ya 'yam upekha ekatta ekattasita yattha sabbaso lokamisupadana aparisesa nirujjhanti tam-ev' upekham bhaveti.

Seyyatha pi gahapati gijjho va kanko va kulalo va mamsapesim adaya uddayeyya, tam-enam gijjha pi kanka pi kulala pi anupatitva anupatitva vitaccheyyum virajeyyum; tam kim-mannasi gahapati: sace so gijjho va kanko va kulalo va tam mamsapesim na khippam-eva patinissajeyya so tatonidanam maranam va nigaccheyya maranamattam va dukkhan-ti. - Evam bhante. - Evam-eva kho gahapati ariyasavako iti patisancikkhati: Mamsapesupama kama vutta Bhagavata bahudukkha bahupayasa, adinavo ettha bhiyyo ti evam-etam yathabhutam sammappannaya disva ya 'yam upekha nanatta nanattasita tam abhinivajjetva ya 'yam upekha ekatta ekattasita yattha sabbaso lokamisupadana aparisesa nirujjhanti tam-ev' upekham bhaveti.

[page 365]

Seyyatha pi gahapati puriso adittam tinukkam adaya pativatam gaccheyya; tam kim-mannasi gahapati: sace so puriso tam adittam tinukkam na khippam-eva patinissajeyya tassa sa aditta tinukka hattham va daheyya baham va daheyya annataram va angapaccangam daheyya, so tatonidanam maranam va nigaccheyya maranamattam va dukkhan-ti. -Evam bhante. - Evam-eva kho gahapati ariyasavako iti patisancikkhati: Tinukkupama kama vutta Bhagavata bahudukkha bahupayasa, adinavo ettha bhiyyo ti evam-etam yathabhutam sammappannaya disva - pe - tam-ev' upekham bhaveti.

Seyyatha pi gahapati angarakasu sadhikaporisa pura angaranam vitaccikanam vitadhumanam, atha puriso agaccheyya jivitukamo amaritukamo sukhakamo dukkhapatikkulo, tam-enam dve balavanto purisa nanabahasu gahetva angarakasum upakaddheyyum; tam kim-mannasi gahapati: api nu so puriso iti c' iti c' eva kayam sannameyyati.

-- Evam bhante, tam kissa hetu: viditam hi bhante tassa purisassa: iman-ca aham angarakasum papatissami tatonidanam maranam va nigacchami maranamattam va dukkhan-ti.

-- Evam-eva kho gahapati ariyasavako iti patisancikkhati:

Angarakasupama kama vutta Bhagavata bahudukkha bahupayasa, adinavo ettha bhiyyo ti evam-etam yathabhutam sammappannaya disva - pe - tam-ev' upekham bhaveti.

Seyyatha pi gahapati puriso supinakam passeyya, aramaramaneyyakam vanaramaneyyakam bhumiramaneyyakam pokkharaniramaneyyakam, so patibuddho na kinci passeyya, evam-eva kho gahapati ariyasavako iti patisancikkhati:

Supinakupama kama vutta Bhagavata bahudukkha bahupayasa, adinavo ettha bhiyyo ti evam-etam yathabhutam sammappannaya disva - pe - tam-ev' upekham bhaveti.

Seyyatha pi gahapati puriso yacitakam bhogam yacitva yanam poroseyyam pavaramanikundalam so tehi yacitakehi bhogehi purakkhato parivuto antarapanam patipajjeyya,

[page 366]

tamenam jano disva evam vadeyya: bhogi vata bho puriso, evamkira bhogino bhogani bhunjantiti, tam-enam samika yattha yatth' eva passeyyum tattha tatth' eva sani hareyyum; tam kim-mannasi gahapati: alan-nu kho tassa purisassa annathattayati. - Evam bhante, tam kissa hetu: samino hi bhante sani harantiti. - Evam-eva kho gahapati ariyasavako iti patisancikkhati: Yacitakupama kama vutta Bhagavata bahudukkha bahupayasa, adinavo ettha bhiyyo ti evam-etam yathabhutam sammappannaya disva - pe - tamev' upekham bhaveti.

Seyyatha pi gahapati gamassa va nigamassa va avidure tibbo vanasando, tatr' assa rukkho sampannaphalo ca upapannaphalo ca, na cassu kanici phalani bhumiyam patitani, atha puriso agaccheyya phalatthiko phalagavesi phalapariyesanam caramano, so tam vanasandam ajjhogahitva tam rukkham passeyya sampannaphalan-ca upapannaphalan-ca, tassa evam-assa: ayam kho rukkho sampannaphalo ca upapannaphalo ca, na-tthi ca kanici phalani bhumiyam patitani, janami kho panaham rukkham arohitum, yan-nunaham imam rukkham arohitva yavadatthan-ca khadeyyam ucchangan-ca pureyyan-ti; so tam rukkham arohitva yavadatthan-ca khadeyya ucchangan-ca pureyya. Atha dutiyo puriso agaccheyya phalatthiko phalagavesi phalapariyesanam caramano tinham kutharim adaya, so tam vanasandam ajjhogahitva tam rukkham passeyya sampannaphalan-ca upapannaphalanca, tassa evam-assa: ayam kho rukkho sampannaphalo ca upapannaphalo ca, na-tthi ca kanici phalani bhumiyam patitani, na kho panaham janami rukkham arohitum, yan-nunaham imam rukkham mulato chetva yavadatthan-ca khadeyyam ucchangan-ca pureyyan-ti; so tam rukkham mulato chindeyya.

Tam kim-mannasi gahapati: asu yo so puriso pathamam rukkham arulho sace so na khippam-eva oroheyya tassa so rukkho papatanto hattham va bhanjeyya padam va bhanjeyya annataram va angapaccangam bhanjeyya, so tatonidanam maranam va nigaccheyya maranamattam va dukkhanti.

[page 367]

- Evam bhante. - Evam-eva kho gahapati ariyasavako iti patisancikkhati: Rukkhaphalupama kama vutta Bhagavata bahudukkha bahupayasa, adinavo ettha bhiyyo ti evametam yathabhutam sammappannaya disva ya 'yam upekha nanatta nanattasita tam abhinivajjetva ya 'yam upekha ekatta ekattasita yattha sabbaso lokamisupadana aparisesa nirujjhanti tam-ev' upekham bhaveti.

Sa kho so gahapati ariyasavako imam yeva anuttaram upekhasatiparisuddhim agamma anekavihitam pubbenivasam anussarati, seyyathidam ekam-pi jatim dve pi jatiyo tisso pi jatiyo - pe - iti sakaram sauddesam anekavihitam pubbenivasam anussarati. Sa kho so gahapati ariyasavako imam yeva anuttaram upekhasatiparisuddhim agamma dibbena cakkhuna visuddhena atikkantamanusakena satte passati cavamane upapajjamane, hine panite suvanne dubbanne sugate duggate - pe - yathakammupage satte pajanati. Sa kho so gahapati ariyasavako imam yeva anuttaram upekhasatiparisuddhim agamma asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharati.

Ettavata kho gahapati ariyassa vinaye sabbena sabbam sabbatha sabbam voharasamucchedo hoti. Tam kim-mannasi gahapati: yatha ariyassa vinaye sabbena sabbam sabbatha sabbam voharasamucchedo hoti, api nu tvam evarupam voharasamucchedam attani samanupassasiti. - Ko caham bhante ko ca ariyassa vinaye sabbena sabbam sabbatha sabbam voharasamucchedo. Araka 'ham bhante ariyassa vinaye sabbena sabbam sabbatha sabbam voharasamuccheda.

Mayam hi bhante pubbe annatitthiye paribbajake anajaniye va samane ajaniya ti amannimha, anajaniye va samane ajaniyabhojanam bhojimha, anajaniye va samane ajaniyatthane thapimha; bhikkhu pana-mayam bhante ajaniye va samane anajaniya ti amannimha, ajaniye va samane anajaniyabhojanam bhojimha, ajaniye va samane anajaniyatthane thapimha. Idani pana mayam bhante annatitthiye paribbajake anajaniye va samane anajaniya ti janissama,

[page 368]

anajaniye va samane anajaniyabhojanam bhojissama, anajaniye va samane anajaniyatthane thapissama; bhikkhu pana mayam bhante ajaniye va samane ajaniya ti janissama, ajaniye va samane ajaniyabhojanam bhojissama, ajaniye va samane ajaniyatthane thapissama. Ajanesi vata me bhante Bhagava samanesu samanapemam, samanesu samanappasadam, samanesu samanagaravam. Abhikkantam bhante, abhikkantam bhante. Seyyatha pi bhante nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam Bhagavata anekapariyayena dhammo pakasito. Esaham bhante Bhagavantam saranam gacchami dhamman-ca bhikkhusanghan-ca. Upasakam-mam Bhagava dharetu ajjatagge panupetam saranagatan-ti.

POTALIYASUTTANTAM CATUTTHAM.

 


 

LV. Jivaka Suttantam

Evam-me sutam. Ekam samayam Bhagava Rajagahe viharati Jivakassa Komarabhaccassa ambavane. Atha kho Jivako Komarabhacco yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho Jivako Komarabhacco Bhagavantam etad-avoca: Sutam-{metam} bhante: samanam Gotamam uddissa panam arabhanti, tam samano Gotamo janam uddissakatam mamsam paribhunjati paticcakamman-ti Ye te bhante evam-ahamsu: samanam Gotamam uddissa panam arabhanti, tam samano Gotamo janam uddissakatam mamsam paribhunjati paticcakamman-ti, kacci te bhante Bhagavato vuttavadino, na ca Bhagavantam abhutena abbhacikkhanti, dhammassa canudhammam byakaronti, na ca koci sahadhammiko vadanuvado garayham thanam agacchatiti. --

[page 369]

Ye te Jivaka evam-ahamsu: samanam Gotamam uddissa panam arabhanti, tam samano Gotamo janam uddissakatam mamsam paribhunjati paticcakamman-ti, na me te vuttavadino abbhacikkhanti ca pana man-te asata abhutena. Tihi kho aham Jivaka thanehi mamsam aparibhogan-ti vadami:

dittham sutam parisankitam. Imehi kho aham Jivaka tihi thanehi mamsam aparibhogan-ti vadami. Tihi kho aham Jivaka thanehi mamsam paribhogan-ti vadami: adittham asutam aparisankitam. Imehi kho aham Jivaka tihi thanehi mamsam paribhogan-ti vadami.

idha Jivaka bhikkhu annataram gamam va nigamam va upanissaya viharati. So mettasahagatena cetasa ekam disam pharitva viharati, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyabajjhena pharitva viharati. Tam-enam gahapati va gahapatiputto va upasankamitva svatanaya bhattena nimanteti. Akankhamano va Jivaka bhikkhu adhivaseti. So tassa rattiya accayena pubbanhasamayam nivasetva pattacivaram-adaya yena tassa gahapatissa va gahapatiputtassa va nivesanam ten' upasankamati, upasankamitva pannatte asane nisidati, tam-enam so gahapati va gahapatiputto va panitena pindapatena parivisati. Tassa na evam hoti: sadhu vata mayam gahapati va gahapatiputto va panitena pindapatena parivisati, aho vata mayam gahapati va gahapatiputto va ayatim-pi evarupena panitena pindapatena pariviseyyati, evam pi 'ssa na hoti.

So tam pindapatam agathito amucchito anajjhopanno adinavadassavi nissaranapanno paribhunjati. Tam kim-mannasi Jivaka: api nu so bhikkhu tasmim samaye attabyabadhaya va ceteti parabyabadhaya va ceteti ubhayabyabadhaya va cetetiti. - No h' etam bhante. - Nanu so Jivaka bhikkhu tasmim samaye anavajjam yeva aharam aharetiti. - Evam bhante. Sutam {metam} bhante: Brahma mettavihari ti.

Tam-me idam bhante Bhagava sakkhi dittho, Bhagava hi bhante mettavihari ti. - Yena kho Jivaka ragena yena dosena yena mohena byapadava assa so rago so doso so moho Tathagatassa pahino ucchinnamulo talavatthukato anabhavakato ayatim anuppadadhammo.

[page 370]

Sace kho te Jivaka idam sandhaya bhasitam anujanami te etan-ti. - Etad-eva kho pana me bhante sandhaya bhasitam.

Idha Jivaka bhikkhu annataram gamam va nigamam va upanissaya viharati. So karunasahagatena cetasa --pe-muditasahagatena cetasa - pe - upekhasahagatena cetasa ekam disam pharitva viharati, tatha dutiyam tatha tatiyam tatha catutthim, iti uddham-adho tiriyam sabbadhi sabbattataya sabbavantam lokam upekhasahagatena cetasa vipulena mahaggatena appamanena averena abyabajjhena pharitva viharati. Tam-enam gahapati va gahapatiputto va upasankamitva svatanaya bhattena nimanteti. Akankhamano va Jivaka bhikkhu adhivaseti. So tassa rattiya accayena pubbanhasamayam nivasetva pattacivaram-adaya yena tassa gahapatissa va gahapatiputtassa va nivesanam ten' upasankamati, upasankamitva pannatte asane nisidati, tam-enam so gahapati va gahapatiputto va panitena pindapatena parivisati. Tassa na evam hoti: sadhu vata mayam gahapati va gahapatiputto va panitena pindapatena parivisati, aho vata mayam gahapati va gahapatiputto va ayatim-pi evarupena panitena pindapatena pariviseyyati, evam pi 'ssa na hoti.

So tam pindapatam agathito amucchito anajjhopanno adinavadassavi nissaranapanno paribhunjati. Tam kim-mannasi Jivaka: api nu so bhikkhu tasmim samaye attabyabadhaya va ceteti parabyabadhaya va ceteti ubhayabyabadhaya va cetetiti. - No h' etam bhante. - Nanu so Jivaka bhikkhu tasmim samaye anavajjam yeva aharam aharetiti. - Evam bhante. Sutam metam bhante: Brahma upekhavihari ti.

Tam-me idam bhante Bhagava sakkhi dittho, Bhagava hi bhante upekhavihari ti. - Yena kho Jivaka ragena yena dosena yena mohena vihesava assa arativa assa patighava assa so rago so doso so moho Tathagatassa pahino ucchinnamulo talavatthukato anabhavakato ayatim anuppadadhammo.

Sace kho te Jivaka idam sandhaya bhasitam anujanami te etan-ti.

[page 371]

- Etad-eva kho pana me bhante sandhaya bhasitam.

Yo kho Jivaka Tathagatam va Tathagatasavakam va uddissa panam arabhati so pancahi thanehi bahum apunnam pasavati: Yam-pi so evam-aha: gacchatha amukam nama panam anethati, imina pathamena thanena bahum apunnam pasavati; yam-pi so pano galappavedhakena aniyamano dukkham domanassam patisamvedeti, imina dutiyena thanena bahum apunnam pasavati; yam-pi so evam-aha: gacchatha imam panam arabhathati, imina tatiyena thanena bahum apunnam pasavati; yam-pi so pano arabhiyamano dukkham domanassam patisamvedeti, imina catutthena thanena bahum apunnam pasavati; yam-pi so Tathagatam va Tathagatasavakam va akappiyena asadeti, imina pancamena thanena bahum apunnam pasavati. Yo kho Jivaka Tathagatam va Tathagatasavakam va uddissa panam arabhati so imehi pancahi thanehi bahum apunnam pasavatiti. Evam vutte Jivako Komarabhacco Bhagavantam etad-avoca: Acchariyam bhante, abbhutam bhante. Kappiyam vata bhante bhikkhu aharam aharenti, anavajjam vata bhante bhikkhu aharam aharenti.

Abhikkantam bhante, abhikkantam bhante - pe - upasakam mam Bhagava dharetu ajjatagge panupetam saranagatan-ti.

JIVAKASUTTANTAM PANCAMAM.

 


 

LVI. Upali Suttantam

Evam-me sutam. Ekam samayam Bhagava Nalandayam viharati Pavarikambavane. Tena kho pana samayena Nigantho Nataputto Nalandayam pativasati mahatiya niganthaparisaya saddhim. Atha kho Dighatapassi nigantho Nalandayam pindaya caritva pacchabhattam pindapatapatikkanto yena Pavarikambavanam yena Bhagava ten' upasankami, upasankamitva Bhagavata saddhim sammodi,

[page 372]

sammodaniyam katham saraniyam vitisaretva ekamantam atthasi. Ekamantam thitam kho Dighatapassim nigantham Bhagava etad-avoca:

Samvijjante kho Tapassi asanani, sace akankhasi nisidati.

Evam vutte Dighatapassi nigantho annataram nicam asanam gahetva ekamantam nisidi. Ekamantam nisinnam kho Dighatapassim nigantham Bhagava etad-avoca:

Kati pana Tapassi Nigantho Nataputto kammani pannapeti papassa kammassa kiriyaya papassa kammassa pavattiya ti. - Na kho avuso Gotama acinnam Niganthassa Nataputtassa kammam kamman-ti pannapetum, dandam dandanti kho avuso Gotama acinnam Niganthassa Nataputtassa pannapetun-ti - Kati pana Tapassi Nigantho Nataputto dandani pannapeti papassa kammassa kiriyaya papassa kammassa pavattiya ti. - Tini kho avuso Gotama Nigantho Nataputto dandani pannapeti papassa kammassa kiriyaya papassa kammassa pavattiya, seyyathidam kayadandam vacidandam manodandan-ti. - Kim pana Tapassi annad-eva kayadandam annam vacidandam annam manodandan-ti. -Annad-eva avuso Gotama kayadandam annam vacidandam annam manodandan-ti. - Imesam pana Tapassi tinnam dandanam evam pativibhattanam evam pativisitthanam katamam dandam Nigantho Nataputto mahasavajjataram pannapeti papassa kammassa kiriyaya papassa kammassa pavattiya, yadi va kayadandam yadi va vacidandam yadi va manodandan-ti. - Imesam kho avuso Gotama tinnam dandanam evam pativibhattanam evam pativisitthanam kayadandam Nigantho Nataputto mahasavajjataram pannapeti papassa kammassa kiriyaya papassa kammassa pavattiya, no tatha vacidandam no tatha manodandan-ti. - Kayadandan-ti Tapassi vadesi. - Kayadandan-ti avuso Gotama vadami. -Kayadandan-ti Tapassi vadesi. - Kayadandan-ti avuso Gotama vadami. - Kayadandan-ti Tapassi vadesi. -Kayadandan-ti avuso Gotama vadamiti. Itiha Bhagava Dighatapassim nigantham imasmim kathavatthusmim yavatatiyakam patitthapesi.

[page 373]

Evam vutte Dighatapassi nigantho Bhagavantam etadavoca: Tvam pan' avuso Gotama kati dandani pannapesi papassa kammassa kiriyaya papassa kammassa pavattiya ti.

-- Na kho Tapassi acinnam Tathagatassa dandam dandan-ti pannapetum, kammam kamman-ti kho Tapassi acinnam Tathagatassa pannapetun-ti. - Tvam pan' avuso Gotama kati kammani pannapesi papassa kammassa kiriyaya papassa kammassa pavattiya ti. - Tini kho aham Tapassi kammani pannapemi papassa kammassa kiriyaya papassa kammassa pavattiya, seyyathidam kayakammam vacikammam manokamman-ti. - Kim pan' avuso Gotama annad-eva kayakammam annam vacikammam annam manokamman-ti. -Annad-eva Tapassi kayakammam annam vacikammam annam manokamman-ti. - Imesam pan' avuso Gotama tinnam kammanam evam pativibhattanam evam pativisitthanam katamam kammam mahasavajjataram pannapesi papassa kammassa kiriyaya papassa kammassa pavattiya, yadi va kayakammam yadi va vacikammam yadi va manokamman-ti. -Imesam kho aham Tapassi tinnam kammanam evam pativibhattanam evam pativisitthanam manokammam mahasavajjataram pannapemi papassa kammassa kiriyaya papassa kammassa pavattiya, no tatha kayakammam no tatha vacikamman-ti. - Manokamman-ti avuso Gotama vadesi. -Manokamman-ti Tapassi vadami --pe--. Manokamman-ti avuso Gotama vadesi. - Manokamman-ti Tapassi vadamiti.

Itiha Dighatapassi nigantho Bhagavantam imasmim kathavatthusmim yavatatiyakam patitthapetva utthay' asana yena Nigantho Nataputto ten' upasankami.

Tena kho pana samayena Nigantho Nataputto mahatiya mahatiya gihiparisaya saddhim nisinno hoti balakiniya Upalipamukhaya. Addasa kho Nigantho Nataputto Dighatapassim nigantham durato va agacchantam, disvana Dighatapassim nigantham etad-avoca: Handa kuto nu tvam Tapassi agacchasi diva divassati. - Ito hi kho aham bhante agacchami samanassa Gotamassa santika ti. - Ahu pana te Tapassi samanena Gotamena saddhim kocid-eva kathasallapo

[page 374]

ti. - Ahu kho me bhante samanena Gotamena saddhim kocid-eva kathasallapo ti. - Yathakatham pana te Tapassi ahu samanena Gotamena saddhim kocid-eva kathasallapo ti. Atha kho Dighatapassi nigantho yavatako ahosi Bhagavata saddhim kathasallapo tam sabbam Niganthassa Nataputtassa arocesi. Evam vutte Nigantho Nataputto Dighatapassim nigantham etad-avoca: Sadhu sadhu Tapassi, yatha tam sutavata savakena samma-d-eva satthu sasanam ajanantena evam-evam Dighatapassina niganthena samanassa Gotamassa byakatam; kim hi sobhati chavo manodando imassa evam olarikassa kayadandassa upanidhaya, atha kho kayadando va mahasavajjataro papassa kammassa kiriyaya papassa kammassa pavattiya, no tatha vacidando no tatha manodando ti.

Evam vutte Upali gahapati Nigantham Nataputtam etad-avoca: Sadhu sadhu bhante Tapassi, yatha tam sutavata savakena samma-d-eva satthu sasanam ajanantena evam-evam bhadantena Tapassina samanassa Gotamassa byakatam; kim hi sobhati chavo manodando imassa evam olarikassa kayadandassa upanidhaya, atha kho kayadando va mahasavajjataro papassa kammassa kiriyaya papassa kammassa pavattiya, no tatha vacidando no tatha manodando.

Handa caham bhante gacchami samanassa Gotamassa imasmim kathavatthusmim vadam aropessami. Sace me samano Gotamo tatha patitthissati yatha bhadantena Tapassina patitthapitam, seyyatha pi nama balava puriso dighalomikam elakam lomesu gahetva akaddheyya parikaddheyya samparikaddheyya evam-evaham samanam Gotamam vadena vadam akaddhissami parikaddhissami samparikaddhissami; seyyatha pi nama balava sondikakammakaro mahantam sondikakilanjam gambhire udakarahade pakkhipitva kanne gahetva akaddheyya parikaddheyya samparikaddheyya evam-evaham samanam Gotamam vadena vadam akaddhissami parikaddhissami samparikaddhissami; seyyatha pi nama balava sondikadhutto valam kanne gahetva odhuneyya niddhuneyya nicchadeyya evam-evaham samanam Gotamam vadena vadam odhunissami niddhunissami nicchadessami;

[page 375]

seyyatha pi nama kunjaro satthihayano gambhiram pokkharanim ogahitva sanadhovikam nama kilitajatam kilati evam-evaham samanam Gotamam sanadhovikam manne kilitajatam kilissami. Handa caham bhante gacchami samanassa Gotamassa imasmim kathavatthusmim vadam aropessamiti. - Gaccha tvam gahapati samanassa Gotamassa imasmim kathavathusmim vadam aropehi; aham va hi gahapati samanassa Gotamassa vadam aropeyyam Dighatapassi va nigantho tvam va ti.

Evam vutte Dighatapassi nigantho Nigantham Nataputtam etad-avoca: Na kho metam bhante ruccati yam Upali gahapati samanassa Gotamassa vadam aropeyya; samano hi bhante Gotamo mayavi, avattanim mayam janati yaya annatitthiyanam savake avattetiti. - Atthanam kho etam Tapassi anavakaso yam Upali gahapati samanassa Gotamassa savakattam upagaccheyya, thanan-ca kho etam vijjati yam samano Gotamo Upalissa gahapatissa savakattam upagaccheyya. Gaccha tvam gahapati samanassa Gotamassa imasmim kathavatthusmim vadam aropehi; aham va hi gahapati samanassa Gotamassa vadam aropeyyam Dighatapassi va nigantho tvam va ti. Dutiyam-pi kho - pe - tatiyampi kho Dighatapassi nigantho Nigantham Nataputtam etadavoca: Na kho metam bhante ruccati yam Upali gahapati samanassa Gotamassa vadam aropeyya, samano hi bhante Gotamo mayavi, avattanim mayam janati yaya annatitthiyanam savake avattetiti. - Atthanam kho etam Tapassi anavakaso yam Upali gahapati samanassa Gotamassa savakattam upagaccheyya, thanan-ca kho etam vijjati yam samano Gotamo Upalissa gahapatissa savakattam upagaccheyya.

Gaccha tvam gahapati samanassa Gotamassa imasmim kathavatthusmim vadam aropehi; aham va hi gahapati samanassa Gotamassa vadam aropeyyam Dighatapassi va nigantho tvam va ti.

Evam bhante ti kho Upali gahapati Niganthassa Nataputtassa patissutva utthay' asana Nigantham Nataputtam abhivadetva padakkhinam katva yena Pavarikambavanam yena Bhagava ten' upasankami,

[page 376]

upasankamitva Bhagavantam abhivadetva ekamantam nisidi. Ekamantam nisinno kho Upali gahapati Bhagavantam etad-avoca: Agama nu khv-idha bhante Dighatapassi nigantho ti. - Agama khv-idha gahapati Dighatapassi nigantho ti. - Ahu pana te bhante Dighatapassina niganthena saddhim kocid-eva kathasallapo ti.

-- Ahu kho me gahapati Dighatapassina niganthena saddhim kocid-eva kathasallapo ti. - Yathakatham pana te bhante ahu Dighatapassina niganthena saddhim kocid-eva kathasallapo ti. Atha kho Bhagava yavatako ahosi Dighatapassina niganthena saddhim kathasallapo tam sabbam Upalissa gahapatissa arocesi. Evam vutte Upali gahapati Bhagavantam etad-avoca: Sadhu sadhu bhante Tapassi, yatha tam sutavata savakena samma-d-eva satthu sasanam ajanantena evam-evam Dighatapassina niganthena Bhagavato byakatam, kim hi sobhati chavo manodando imassa evam olarikassa kayadandassa upanidhaya, atha kho kayadando va mahasavajjataro papassa kammassa kiriyaya papassa kammassa pavattiya, no tatha vacidando no tatha manodando ti. - Sace kho tvam gahapati sacce patitthaya manteyyasi siya no ettha kathasallapo ti. - Sacce aham bhante patitthaya mantessami, hotu no ettha kathasallapo ti.

Tam kim-mannasi gahapati: idh' assa nigantho abadhiko dukkhito balhagilano sitodakapatikkhitto unhodakapatisevi, so sitodakam alabhamano kalam kareyya. Imassa pana gahapati Nigantho Nataputto katthupapattim pannapetiti. - Atthi bhante Manosatta nama deva, tattha so upapajjati, tam kissa hetu: asu hi bhante manopatibaddho kalam karotiti. - Gahapati gahapati, manasikaritva kho gahapati byakarohi, na kho te sandhiyati purimena va pacchimam pacchimena va purimam. Bhasita kho pana te gahapati esa vaca: sacce aham bhante patitthaya mantessami, hotu no ettha kathasallapo ti. - Kincapi bhante Bhagava evam-aha, atha kho kayadando va mahasavajjataro papassa kammassa kiriyaya papassa kammassa pavattiya, no tatha vacidando no tatha manodando ti. - Tam kim-mannasi gahapati:

[page 377]

idh' assa nigantho catuyamasamvarasamvuto sabbavarivarito sabbavariyuto sabbavaridhuto sabbavariphuto, so abhikkamanto patikkamanto bahu khuddake pane sanghatam apadeti. Imassa pana gahapati Nigantho Nataputto kam vipakam pannapetiti. - Asancetanikam bhante Nigantho Nataputto no mahasavajjam pannapetiti. - Sace pana gahapati cetetiti. - Mahasavajjam bhante hotiti. - Cetanam pana gahapati Nigantho Nataputto kismim pannapetiti. -Manodandasmim bhante ti. - Gahapati gahapati, manasikaritva kho gahapati byakarohi, na kho te sandhiyati purimena va pacchimam pacchimena va purimam. Bhasita kho pana te gahapati esa vaca: sacce aham bhante patitthaya mantessami, hotu no ettha kathasallapo ti. - Kincapi bhante Bhagava evam-aha, atha kho kayadando va mahasavajjataro papassa kammassa kiriyaya papassa kammassa pavattiya, no tatha vacidando no tatha manodando ti.

Tam kim-mannasi gahapati: ayam Nalanda iddha c' eva phita ca, bahujana akinnamanussa ti. - Evam bhante, ayam Nalanda iddha c' eva phita ca, bahujana akinnamanussa ti. - Tam kim-mannasi gahapati: idha puriso agaccheyya ukkhittasiko, so evam vadeyya: Aham yavatika imissa Nalandaya pana te ekena khanena ekena muhuttena ekamamsakhalam ekamamsapunjam karissamiti. Tam kimmannasi gahapati: pahoti nu kho so puriso yavatika imissa Nalandaya pana te ekena khanena ekena muhuttena ekamamsakhalam ekamamsapunjam katun-ti. - Dasa pi bhante purisa visatim-pi purisa timsam-pi purisa cattarisam-pi purisa pannasam-pi purisa na-ppahonti yavatika imissa Nalandaya pana te ekena khanena ekena muhuttena ekamamsakhalam ekamamsapunjam katum, kim hi sobhati eko chavo puriso ti. - Tam kim-mannasi gahapati: idh' agaccheyya samano va brahmano va iddhima cetovasippatto, so evam vadeyya: Aham imam Nalandam ekena manopadosena bhasmam karissamiti. Tam kim-mannasi gahapati: pahoti nu kho so samano va brahmano va iddhima cetovasippatto imam Nalandam ekena manopadosena bhasmam katun-ti.

[page 378]

- Dasa pi bhante Nalanda visatim-pi Nalanda timsam-pi Nalanda cattarisam-pi Nalanda pannasam-pi Nalanda pahoti so samano va brahmano va iddhima cetovasippatto ekena manopadosena bhasmam katum, kim hi sobhati eka chava Nalanda ti. - Gahapati gahapati, manasikaritva kho gahapati byakarohi, na kho te sandhiyati purimena va pacchimam pacchimena va purimam. Bhasita kho pana te gahapati esa vaca: sacce aham bhante patitthaya mantessami, hotu no ettha kathasallapo ti. - Kincapi bhante Bhagava evam-aha, atha kho kayadando va mahasavajjataro papassa kammassa kiriyaya papassa kammassa pavattiya, no tatha vacidando no tatha manodando ti. - Tam kim-mannasi gahapati: sutan-te: Dandakarannam Kalingarannam Mejjharannam Matangarannam arannam arannabhutan-ti. - Evam bhante, sutam me: Dandakarannam Kalingarannam Mejjharannam Matangarannam arannam arannabhutan-ti.- Tam kim-mannasi gahapati: kinti te sutam: kena tam Dandakarannam Kalingarannam Mejjharannam Matangarannam arannam arannabhutan-ti. - Sutam metam bhante: isinam manopadosena tam Dandakarannam Kalingarannam Mejjharannam Matangarannam arannam arannabhutan-ti. - Gahapati gahapati, manasikaritva kho gahapati byakarohi, na kho te sandhiyati purimena va pacchimam pacchimena va purimam. Bhasita kho pana te gahapati esa vaca: sacce aham bhante patitthaya mantessami, hotu no ettha kathasallapo ti.

Purimen' evaham bhante opammena Bhagavato attamano abhiraddho, api caham imani Bhagavato vicitrani panhapatibhanani sotukamo evaham Bhagavantam paccanikatabbam amannissam. Abhikkantam bhante, abhikkantam bhante. Seyyatha pi bhante nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam Bhagavata anekapariyayena dhammo pakasito. Esaham bhante Bhagavantam saranam gacchami dhamman-ca bhikkhusanghan-ca,

[page 379]

upasakam mam Bhagava dharetu ajjatagge panupetam saranagatan-ti.

Anuviccakaram kho gahapati karohi, anuviccakaro tumhadisanam natamanussanam sadhu hotiti. - Imina p' aham bhante Bhagavato bhiyyosomattaya attamano abhiraddho yam mam Bhagava evam-aha: Anuviccakaram kho gahapati karohi, anuviccakaro tumhadisanam natamanussanam sadhu hotiti. Mam hi bhante annatitthiya savakam labhitva kevalakappam Nalandam patakam parihareyyum: Upal' amhakam gahapati savakattupagato ti. Atha ca pana mam Bhagava evam-aha: Anuviccakaram kho gahapati karohi, anuviccakaro tumhadisanam natamanussanam sadhu hotiti.

Esaham bhante dutiyam-pi Bhagavantam saranam gacchami dhamman-ca bhikkhusanghan-ca, upasakam mam Bhagava dharetu ajjatagge panupetam saranagatan-ti.

Digharattam kho te gahapati niganthanam opanabhutam kulam, yena nesam upagatanam pindakam databbam manneyyasiti. - Imina p' aham bhante Bhagavato bhiyyosomattaya attamano abhiraddho yam mam Bhagava evam-aha: Digharattam kho te gahapati niganthanam opanabhutam kulam, yena nesam upagatanam pindakam databbam manneyyasiti. Sutam metam bhante: Samano Gotamo evam-aha: mayham-eva danam databbam na annesam danam databbam, mayhameva savakanam danam databbam na annesam savakanam danam databbam, mayham-eva dinnam mahapphalam na annesam dinnam mahapphalam, mayham-eva savakanam dinnam mahapphalam na annesam savakanam dinnam mahapphalan-ti. Atha ca pana mam Bhagava niganthesu pi dane samadapeti. Api ca bhante mayam-ettha kalam janissama. Esaham bhante tatiyam-pi Bhagavantam saranam gacchami dhamman-ca bhikkhusanghan-ca, upasakam mam Bhagava dharetu ajjatagge panupetam saranagatan ti.

Atha kho Bhagava Upalissa gahapatissa anupubbikatham kathesi, seyyathidam danakatham silakatham saggakatham, kamanam adinavam okaram sankilesam, nekkhamme anisamsam pakasesi. Yada Bhagava annasi Upalim gahapatim kallacittam muducittam vinivaranacittam udaggacittam pasannacittam atha ya buddhanam samukkamsika dhammadesana tam pakasesi:

[page 380]

dukkham samudayam nirodham maggam. Seyyatha pi nama suddham vattham apagatakalakam samma-d-eva rajanam patiganheyya, evam-evam Upalissa gahapatissa tasmim yeva asane virajam vitamalam dhammacakkhum udapadi: yam kinci samudayadhammam sabban-tam nirodhadhamman-ti.

Atha kho Upali gahapati ditthadhammo pattadhammo viditadhammo pariyogalhadhammo tinnavicikiccho vigatakathamkatho vesarajjappatto aparappaccayo satthusasane Bhagavantam etad-avoca: Handa ce dani mayam bhante gacchama, bahukicca mayam bahukaraniya ti. - Yassa dani tvam gahapati kalam mannasiti.

Atha kho Upali gahapati Bhagavato bhasitam abhinanditva anumoditva utthay' asana Bhagavantam abhivadetva padakkhinam katva yena sakam nivesanam ten' upasankami, upasankamitva dovarikam amantesi: Ajjatagge samma dovarika avarami dvaram ni anthanam niganthinam, anavatam dvaram Bhagavato bhikkhunam bhikkhuninam upasakanam upasikanam; sace koci nigantho agacchati tam-enam tvam evam vadeyyasi: tittha bhante, ma pavisi, ajjatagge Upali gahapati samanassa Gotamassa savakattam upagato, avatam dvaram niganthanam niganthinam, anavatam dvaram Bhagavato bhikkhunam bhikkhuninam upasakanam upasikanam; sace te bhante pindakena attho etth' eva tittha, etth' eva te aharissantiti. Evam bhante ti kho dovariko Upalissa gahapatissa paccassosi.

Assosi kho Dighatapassi nigantho: Upali kira gahapati samanassa Gotamassa savakattam upagato ti. Atha kho Dighatapassi nigantho yena Nigantho Nataputto ten' upasankami, upasankamitva Nigantham Nataputtam etad-avoca:

Sutam metam bhante: Upali kira gahapati samanassa Gotamassa savakattam upagato ti. - Atthanam kho etam Tapassi anavakaso yam Upali gahapati samanassa Gotamassa savakattam upagaccheyya, thanan-ca kho etam vijjati yam samano Gotamo Upalissa gahapatissa savakattam upagaccheyyati.

[page 381]

Dutiyam-pi kho - pe - tatiyam-pi kho Dighatapassi nigantho Nigantham Nataputtam etad-avoca: Sutam metam bhante: Upali kira gahapati samanassa Gotamassa savakattam upagato ti. - Atthanam kho etam Tapassi anavakaso yam Upali gahapati samanassa Gotamassa savakattam upagaccheyya, thanan-ca kho etam vijjati yam samano Gotamo Upalissa gahapatissa savakattam upagaccheyyati. - Handaham bhante gacchami yava janami yadi va Upali gahapati samanassa Gotamassa savakattam upagato yadi va no ti. - Gaccha tvam Tapassi janahi yadi va Upali gahapati samanassa Gotamassa savakattam upagato yadi va no ti.

Atha kho Dighatapassi nigantho yena Upalissa gahapatissa nivesanam ten' upasankami. Addasa kho dovariko Dighatapassim nigantham durato va agacchantam, disvana Dighatapassim nigantham etad-avoca: Tittha bhante, ma pavisi, ajjatagge Upali gahapati samanassa Gotamassa savakattam upagato, avatam dvaram niganthanam niganthinam, anavatam dvaram Bhagavato bhikkhunam bhikkhuninam upasakanam upasikanam; sace te bhante pindakena attho etth' eva tittha. etth' eva te aharissantiti. Na me avuso pindakena attho ti vatva tato patinivattitva yena Nigantho Nataputto ten' upasankami, upasankamitva Nigantham Nataputtam etad-avoca: Saccam yeva kho bhante yam Upali gahapati samanassa Gotamassa savakattam upagato. Etam kho te aham bhante nalattham: na kho metam bhante ruccati yam Upali gahapati samanassa Gotamassa vadam aropeyya, samano hi bhante Gotamo mayavi, avattanim mayam janati yaya annatitthiyanam savake avattetiti. Avatto kho te bhante Upali gahapati samanena Gotamena avattaniya mayayati. - Atthanam kho etam Tapassi anavakaso yam Upali gahapati samanassa Gotamassa savakattam upagaccheyya, thanan-ca kho etam vijjati yam samano Gotamo Upalissa gahapatissa savakattam upagaccheyyati. Dutiyampi kho - pe - tatiyam-pi kho Dighatapassi nigantho Nigantham Nataputtam etad-avoca: Saccam yeva kho bhante yam Upali gahapati samanassa Gotamassa savakattam upagato.

[page 382]

Etam kho te aham bhante nalattham: na kho metam bhante ruccati yam Upali gahapati samanassa Gotamassa vadam aropeyya, samano hi bhante Gotamo mayavi, avattanim mayam janati yaya annatitthiyanam savake avattetiti.

Avatto kho te bhante Upali gahapati samanena Gotamena avattaniya mayayati. - Atthanam kho etam Tapassi anavakaso yam Upali gahapati samanassa Gotamassa savakattam upagaccheyya, thanan-ca kho etam vijjati yam samano Gotamo Upalissa gahapatissa savakattam upagaccheyya.

Handa caham Tapassi gacchami yava samam yeva janami yadi va Upali gahapati samanassa Gotamassa savakattam upagato yadi va no ti.

Atha kho Nigantho Nataputto mahatiya niganthaparisaya saddhim yena Upalissa gahapatissa nivesanam ten' upasankami. Addasa kho dovariko Nigantham Nataputtam durato va agacchantam, disvana Nigantham Nataputtam etad-avoca:

Tittha bhante, ma pavisi, ajjatagge Upali gahapati samanassa Gotamassa savakattam upagato, avatam dvaram niganthanam niganthinam, anavatam dvaram Bhagavato bhikkhunam bhikkhuninam upasakanam upasikanam; sace te bhante pindakena attho etth' eva tittha, etth' eva te aharissantiti.

-- Tena hi samma dovarika yena Upali gahapati ten' upasankama, upasankamitva Upalim gahapatim evam vadehi:

Nigantho bhante Nataputto mahatiya niganthaparisaya saddhim bahidvarakotthake thito, so te dassanakamo ti. Evam bhante ti kho dovariko Niganthassa Nataputtassa patissutva yena Upali gahapati ten' upasankami, upasankamitva Upalim gahapatim etad-avoca: Nigantho bhante Nataputto mahatiya niganthaparisaya saddhim bahidvarakotthake thito, so te dassanakamo ti. - Tena hi samma dovarika majjhimaya dvarasalaya asanani pannapehiti. Evam bhante ti kho dovariko Upalissa gahapatissa patissutva majjhimaya dvarasalaya asanani pannapetva yena Upali gahapati ten' upasankami, upasankamitva Upalim gahapatim etad-avoca:

Pannattani kho te bhante majjhimaya dvarasalaya asanani, yassa dani kalam mannasiti. Atha kho Upali gahapati yena majjhima dvarasala ten' upasankami,

[page 383]

upasankamitva yam tattha asanam aggan-ca setthan-ca uttaman-ca panitan-ca tattha nisiditva dovarikam amantesi: Tena hi samma dovarika yena Nigantho Nataputto ten' upasankama, upasankamitva Nigantham Nataputtam evam vadehi: Upali bhante gahapati evam-aha: Pavisa kira bhante sace akankhasiti.

Evam bhante ti kho dovariko Upalissa gahapatissa patissutva yena Nigantho Nataputto ten' upasankami, upasankamitva Nigantham Nataputtam etad-avoca: Upali bhante gahapati evam-aha: Pavisa kira bhante sace akankhasiti. Atha kho Nigantho Nataputto mahatiya niganthaparisaya saddhim yena majjhima dvarasala ten' upasankami.

Atha kho Upali gahapati yam sudam pubbe va yato passati Nigantham Nataputtam durato va agacchantam disvana tato paccuggantva yam tattha asanam aggan-ca setthan-ca uttaman-ca panitan-ca tam uttarasangena pamajjitva pariggahetva nisidapeti, so dani yam tattha asanam aggan-ca setthan-ca uttaman-ca panitan-ca tattha samam nisiditva Nigantham Nataputtam etad-avoca: Samvijjante kho bhante asanani, sace akankhasi nisidati. Evam vutte Nigantho Nataputto Upalim gahapatim etad-avoca: Ummatto si tvam gahapati, datto si tvam gahapati: gaccham' aham bhante samanassa Gotamassa vadam aropessamiti gantva mahata si vadasanghatena patimukko agato. Seyyatha pi gahapati puriso andaharako gantva ubbhatehi andehi agaccheyya, seyyatha va pana gahapati puriso akkhikaharako gantva ubbhatehi akkhihi agaccheyya, evam-eva kho tvam gahapati: gaccham' aham bhante samanassa Gotamassa vadam aropessamiti gantva mahata si vadasanghatena patimukko agato. Avatto si kho tvam gahapati samanena Gotamena avattaniya mayayati.

Bhaddika bhante avattani maya, kalyani bhante avattani maya. Piya me bhante natisalohita imaya avattaniya avatteyyum piyanam-pi me assa natisalohitanam digharattam hitaya sukhaya. Sabbe ce pi bhante khattiya imaya avattaniya avatteyyum sabbesanam p' assa khattiyanam digharattam hitaya sukhaya.

[page 384]

Sabbe ce pi bhante brahmana - pe - vessa - pe - sudda imaya avattaniya avatteyyum sabbesanam p' assa suddanam digharattam hitaya sukhaya. Sadevako ce pi bhante loko samarako sabrahmako sassamanabrahmani paja sadevamanussa imaya avattaniya avatteyya sadevakassa p' assa lokassa samarakassa sabrahmakassa sassamanabrahmaniya pajaya sadevamanussaya digharattam hitaya sukhaya. Tena hi bhante upaman-te karissami, upamaya p' idh' ekacce vinnu purisa bhasitassa attham ajananti.

Bhutapubbam bhante annatarassa brahmanassa jinnassa vuddhassa mahallakassa dahara manavika pajapati ahosi gabbhini upavijanna. Atha kho bhante sa manavika tam brahmanam etad-avoca: Gaccha tvam brahmana apana makkatacchapakam kinitva anehi yo me kumarakassa kilapanako bhavissatiti. Evam vutte bhante so brahmano tam manavikam etad-avoca: Agamehi tava bhoti yava vijayasi; sace tvam bhoti kumarakam vijayissasi tassa te aham apana makkatacchapakam kinitva anissami yo te kumarakassa kilapanako bhavissati; sace pana tvam bhoti kumarikam vijayissasi tassa te aham apana makkatacchapikam kinitva anissami ya te kumarikaya kilapanika bhavissatiti. Dutiyam-pi kho bhante sa manavika tam brahmanam etad-avoca: Gaccha tvam brahmana apana makkatacchapakam kinitva anehi yo me kumarakassa kilapanako bhavissatiti. Dutiyam-pi kho bhante so brahmano tam manavikam etad-avoca: Agamehi tava bhoti yava vijayasi; sace tvam bhoti kumarakam vijayissasi tassa te aham apana makkatacchapakam kinitva anissami yo te kumarakassa kilapanako bhavissati; sace pana tvam bhoti kumarikam vijayissasi tassa te aham apana makkatacchapikam kinitva anissami ya te kumarikaya kilapanika bhavissatiti.

Tatiyam-pi kho bhante sa manavika tam brahmanam etadavoca: Gaccha tvam brahmana apana makkatacchapakam kinitva anehi yo me kumarakassa kilapanako bhavissatiti.

Atha kho bhante so brahmano tassa manavikaya saratto patibaddhacitto apana makkatacchapakam kinitva anetva tam manavikam etad-avoca: Ayan-te bhoti apana makkatacchapako kinitva anito yo te kumarakassa kilapanako bhavissatiti.

[page 385]

Evam vutte bhante sa manavika tam brahmanam etad-avoca: Gaccha tvam brahmana imam makkatacchapakam adaya yena Rattapani rajakaputto ten' upasankama, upasankamitva Rattapanim rajakaputtam evam vadehi:

Iccham' aham samma Rattapani imam makkatacchapakam pitavalepanam nama rangajatam ranjitam akotitapaccakotitam ubhatobhagavimatthan-ti. Atha kho bhante so brahmano tassa manavikaya saratto patibaddhacitto tam makkatacchapakam adaya yena Rattapani rajakaputto ten' upasankami, upasankamitva Rattapanim rajakaputtam etad-avoca: Iccham' aham samma Rattapani imam makkatacchapakam pitavalepanam nama rangajatam ranjitam akotitapaccakotitam ubhatobhagavimatthan-ti. Evam vutte bhante Rattapani rajakaputto tam brahmanam etad-avoca: Ayam kho te bhante makkatacchapako rangakkhamo hi kho, no akotanakkhamo no vimajjanakkhamo ti. Evam-eva kho bhante balanam niganthanam vado rangakkhamo hi kho balanam no panditanam, no anuyogakkhamo no vimajjanakkhamo. Atha kho bhante so brahmano aparena samayena navam dussayugam adaya yena Rattapani rajakaputto ten' upasankami, upasankamitva Rattapanim rajakaputtam etad-avoca: Iccham' aham samma Rattapani imam navam dussayugam pitavalepanam nama rangajatam ranjitam akotitapaccakotitam ubhatobhagavimatthan-ti. Evam vutte bhante Rattapani rajakaputto tam brahmanam etad-avoca: Idam kho te bhante navam dussayugam rangakkhaman-c' eva akotanakkhamanca vimajjanakkhaman-cati. Evam-eva kho bhante tassa Bhagavato vado arahato sammasambuddhassa rangakkhamo c' eva panditanam no balanam anuyogakkhamo ca vimajjanakkhamo cati.

Sarajika kho tam gahapati parisa evam janati: Upali gahapati Niganthassa Nataputtassa savako ti; kassa tam gahapati savakam dharemati. Evam vutte Upali gahapati utthay' asana ekamsam uttarasangam karitva yena Bhagava ten' anjalim-panametva Nigantham Nataputtam etad-avoca:

[page 386]

Tena hi bhante sunohi yassaham savako:

Dhirassa vigatamohassa pabhinnakhilassa vijitavijayassa
anighassa susamacittassa vuddhasilassa sadhupannassa
vessantarassa vimalassa Bhagavato tassa savako 'ham-asmi.
Akathamkathissa tusitassa vantalokamisassa muditassa
katasamanassa manujassa antimasarirassa narassa
anopamassa virajassa Bhagavato tassa savako 'ham-asmi.
Asamsayassa kusalassa venayikassa sarathivarassa
anuttarassa ruciradhammassa nikkankhassa pabhasakarassa
manacchidassa virassa Bhagavato tassa savako 'ham-asmi.
Nisabhassa appameyyassa gambhirassa monapattassa
khemamkarassa vedassa dhammatthassa samvutattassa
sangatigassa muttassa Bhagavato tassa savako 'ham-asmi.
Nagassa pantasenassa khinasamyojanassa muttassa
patimantakassa dhonassa pannadhajassa vitaragassa
dantassa nippapancassa Bhagavato tassa savako 'ham-asmi.
Isisattamassa akuhassa tevijjassa brahmapattassa
nahatakassa padakassa passaddhassa viditavedassa
purindadassa sakkassa Bhagavato tassa savako 'ham-asmi.
Ariyassa bhavitattassa pattipattassa veyyakaranassa
satimato vipassissa anabhinatassa no apanatassa
anejassa vasippattassa Bhagavato tassa savako 'ham-asmi.
Sammaggatassa jhayissa ananugatantarassa suddhassa
asitassa appahinassa pavivittassa aggapattassa
tinnassa tarayantassa Bhagavato tassa savako 'ham-asmi.
Santassa bhuripannassa mahapannassa vitalobhassa
tathagatassa sugatassa appatipuggalassa asamassa
visaradassa nipunassa Bhagavato tassa savako 'ham-asmi.
Tanhacchidassa buddhassa vitadhumassa anupalittassa
ahuneyyassa yakkhassa uttamapuggalassa atulassa
mahato yasaggapattassa Bhagavato tassa savako 'ham-asmiti.

Kada sannulha pana te gahapati ime samanassa Gotamassa vanna ti. - Seyyatha pi bhante nanapupphanam maha puppharasi,

[page 387]

tam-enam dakkho malakaro va malakarantevasi va vicitram malam gantheyya, evam-eva kho bhante so Bhagava anekavanno anekasatavanno. Ko hi bhante vannarahassa vannam na karissatiti.

Atha kho Niganthassa Nataputtassa Bhagavato sakkaram asahamanassa tatth' eva unham lohitam mukhato ugganchiti.

UPALISUTTANTAM CHATTHAM.

 


 

LVII. Kukkura-Vatika Suttantam

Evam-me sutam. Ekam samayam Bhagava Koliyesu viharati; Haliddavasanam nama Koliyanam nigamo. Atha kho Punno ca Koliyaputto govatiko acelo ca Seniyo kukkuravatiko yena Bhagava ten' upasankamimsu, upasankamitva Punno Koliyaputto govatiko Bhagavantam abhivadetva ekamantam nisidi, acelo pana Seniyo kukkuravatiko Bhagavata saddhim sammodi, sammodaniyam katham saraniyam vitisaretva kukkuro va palikujjitva ekamantam nisidi. Ekamantam nisinno kho Punno Koliyaputto govatiko Bhagavantam etad-avoca: Ayam bhante acelo Seniyo kukkuravatiko dukkarakarako, chamanikkhittam bhunjati, tassa tam kukkuravatam digharattam samattam samadinnam, tassa ka gati ko abhisamparayo ti. - Alam Punna, titthat' etam, ma mam etam pucchiti. - Dutiyam-pi kho - pe - tatiyam-pi kho Punno Koliyaputto govatiko Bhagavantam etadavoca: Ayam bhante acelo Seniyo kukkuravatiko dukkarakarako, chamanikkhittam bhunjati, tassa tam kukkuravatam digharattam samattam samadinnam, tassa ka gati ko abhisamparayo ti. - Addha kho te aham Punna na labhami:

alam Punna, titthat' etam, ma mam etam pucchiti, api ca te aham byakarissami. Idha Punna ekacco kukkuravatam bhaveti paripunnam abbokinnam, kukkurasilam {bhaveti} paripunnam abbokinnam, kukkuracittam bhaveti paripunnam abbokinnam,

[page 388]

kukkurakappam bhaveti paripunnam abbokinnam. So kukkuravatam bhavetva paripunnam abbokinnam, kukkurasilam bhavetva paripunnam abbokinnam, kukkuracittam bhavetva paripunnam abbokinnam, kukkurakappam bhavetva paripunnam abbokinnam, kayassa bheda parammarana kukkuranam sahabyatam upapajjati. Sace kho pan' assa evam ditthi hoti: imina 'ham silena va vatena va tapena va brahmacariyena va devo va bhavissami devannataro va ti.

sa 'ssa hoti micchaditthi. Micchaditthissa kho aham Punna dvinnam gatinam annataram gatim vadami: nirayam va tiracchanayonim va. Iti kho Punna sampajjamanam kukkuravatam kukkuranam sahabyatam upaneti, vipajjamanam nirayan-ti.

Evam vutte acelo Seniyo kukkuravatiko parodi assuni pavattesi. Atha kho Bhagava Punnam Koliyaputtam govatikam etad-avoca: Etam kho te aham Punna nalattham:

alam Punna, titthat' etam, ma mam etam pucchiti. -Naham bhante etam rodami yam mam Bhagava evam-aha.

Api ca me idam bhante kukkuravatam digharattam samattam samadinnam. Ayam bhante Punno Koliyaputto govatiko, tassa tam govatam digharattam samattam samadinnam, tassa ka gati ko abhisamparayo ti. - Alam Seniya, titthat' etam, ma mam etam pucchiti. Dutiyam-pi kho - pe - tatiyampi kho acelo Seniyo kukkuravatiko Bhagavantam etad-avoca:

Ayam bhante Punno Koliyaputto govatiko, tassa tam govatam digharattam samattam samadinnam, tassa ka gati ko abhisamparayo ti. - Addha kho te aham Seniya na labhami:

alam Seniya, titthat' etam, ma mam etam pucchiti, api ca te aham byakarissami. Idha Seniya ekacco govatam bhaveti paripunnam abbokinnam, gosilam bhaveti paripunnam abbokinnam, gocittam bhaveti paripunnam abbokinnam, gavakappam bhaveti paripunnam abbokinnam. So govatam bhavetva paripunnam abbokinnam, gosilam bhavetva paripunnam abbokinnam, gocittam bhavetva paripunnam abbokinnam, gavakappam bhavetva paripunnam abbokinnam, kayassa bheda param-marana gunnam sahabyatam upapajjati. Sace kho pan' assa evam ditthi hoti:

[page 389]

imina 'ham silena va vatena va tapena va brahmacariyena va devo va bhavissami devannataro va ti, sa 'ssa hoti micchaditthi. Micchaditthissa kho aham Seniya dvinnam gatinam annataram gatim vadami:

nirayam va tiracchanayonim va. Iti kho Seniya sampajjamanam govatam gunnam sahabyatam upaneti, vipajjamanam nirayan-ti.

Evam vutte Punno Koliyaputto govatiko parodi assuni pavattesi. Atha kho Bhagava acelam Seniyam kukkuravatikam etad-avoca: Etam kho te aham Seniya nalattham:

alam Seniya, titthat' etam, ma mam etam pucchiti. - Naham bhante etam rodami yam mam Bhagava evam-aha. api ca me idam bhante govatam digharattam samattam samadinnam.

Evam pasanno aham bhante Bhagavati: pahoti Bhagava tatha dhammam desetum yatha ahan-c' ev' imam govatam pajaheyyam ayan-ca acelo Seniyo kukkuravatiko tam kukkuravatam pajaheyyati. - Tena hi Punna sunahi sadhukam manasikarohi. bhasissamiti. Evam-bhante ti kho Punno Koliyaputto govatiko Bhagavato paccassosi. Bhagava etadavoca:

Cattar' imani Punna kammani maya sayam abhinna sacchikatva paveditani, katamani cattari: Atthi Punna kammam kanham kanhavipakam, atthi Punna kammam sukkam sukkavipakam, atthi Punna kammam kanhasukkam kanhasukkavipakam, atthi Punna kammam akanham asukkam akanhasukkavipakam kammam kammakkhayaya samvattati.

Kataman-ca Punna kammam kanham kanhavipakam: Idha Punna ekacco sabyabajjham kayasankharam abhisankharoti sabyabajjham vacisankharam abhisankharoti sabyabajjham manosankharam abhisankharoti. So sabyabajjham kayasankharam abhisankharitva sabyabajjham vacisankharam abhisankharitva sabyabajjham manosankharam abhisankharitva sabyabajjham lokam upapajjati. Tam-enam sabyabajjham lokam upapannam samanam sabyabajjha phassa phusanti. So sabyabajjhehi phassehi phuttho samano sabyabajjham vedanam vedeti ekantadukkham seyyatha pi satta nerayika.

[page 390]

Iti kho Punna bhuta bhutassa upapatti hoti, yam karoti tena upapajjati, upapannam-enam phassa phusanti.

Evam p' aham Punna: kammadayada satta ti vadami. Idam vuccati Punna kammam kanham kanhavipakam. Katamanca Punna kammam sukkam sukkavipakam: Idha Punna ekacco abyabajjham kayasankharam abhisankharoti abyabajjham vacisankharam abhisankharoti abyabajjham manosankharam abhisankharoti. So abyabajjham kayasankharam abhisankharitva abyabajjham vacisankharam abhisankharitva abyabajjham manosankharam abhisankharitva abyabajjham lokam upapajjati. Tam-enam abyabajjham lokam upapannam samanam abyabajjha phassa phusanti. So abyabajjhehi phassehi phuttho samano abyabajjham vedanam vedeti ekantasukham seyyatha pi deva Subhakinna. Iti kho Punna bhuta bhutassa upapatti hoti, yam karoti tena upapajjati, upapannam-enam phassa phusanti. Evam p' aham Punna:

kammadayada satta ti vadami. Idam vuccati Punna kammam sukkam sukkavipakam. kataman-ca Punna kammam kanhasukkam kanhasukkavipakam: idha Punna ekacco sabyabajjham-pi abyabajjham-pi kayasankharam abhisankharoti sabyabajjham-pi abyabajjham-pi vacisankharam abhisankharoti sabyabajjham-pi abyabajjham-pi manosankharam abhisankharoti. So sabyabajjham-pi abyabajjham-pi kayasankharam abhisankharitva sabyabajjham-pi abyabajjham-pi vacisankharam abhisankharitva sabyabajjham-pi abyabajjhampi manosankharam abhisankharitva sabyabajjham-pi abyabajjham-pi lokam upapajjati. Tam-enam sabyabajjham-pi abyabajjham-pi lokam upapannam samanam sabyabajjha pi abyabajjha pi phassa phusanti. So sabyabajjhehi pi abyabajjhehi pi phassehi phuttho samano sabyabajjham-pi abyabajjham-pi vedanam vedeti vokinnam sukhadukkham seyyatha pi manussa ekacce ca deva ekacce ca vinipatika. iti kho Punna bhuta bhutassa upapatti hoti, yam karoti tena upapajjati, upapannam-enam phassa phusanti. Evam p' aham Punna: kammadayada satta ti vadami. Idam vuccati Punna kammam kanhasukkam kanhasukkavipakam. Kataman-ca Punna kammam akanham asukkam akanhasukkavipakam kammam kammakkhayaya samvattati:

[page 391]

Tatra Punna yam-idam kammam kanham kanhavipakam tassa pahanaya ya cetana, yam-p' idam kammam sukkam sukkavipakam tassa pahanaya ya cetana, yam-p' idam kammam kanhasukkam kanhasukkavipakam tassa pahanaya ya cetana, idam vuccati Punna kammam akanham asukkam akanhasukkavipakam kammam kammakkhayaya samvattati. Imani kho Punna cattari kammani maya sayam abhinna sacchikatva paveditaniti.

Evam vutte Punno Koliyaputto govatiko Bhagavantam etad-avoca: Abhikkantam bhante, abhikkantam bhante.

Seyyatha pi bhante - pe - upasakam-mam Bhagava dharetu ajjatagge panupetam saranagatan-ti. Acelo pana Seniyo kukkuravatiko Bhagavantam etad-avoca: Abhikkantam bhante, abhikkantam bhante. Seyyatha pi bhante nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya:

cakkhumanto rupani dakkhintiti, evam-evam Bhagavata anekapariyayena dhammo pakasito. Esaham bhante Bhagavantam saranam gacchami dhamman-ca bhikkhusanghan-ca.

Labheyyaham bhante Bhagavato santike pabbajjam labheyyam upasampadan-ti. - Yo kho Seniya annatitthiyapubbo imasmim dhammavinaye akankhati pabbajjam akankhati upasampadam so cattaro mase parivasati, catunnam masanam accayena araddhacitta bhikkhu pabbajenti upasampadenti bhikkhubhavaya; api ca m' ettha puggalavemattata vidita ti.

-- Sace bhante annatitthiyapubba imasmim dhammavinaye akankhanta pabbajjam akankhanta upasampadam cattaro mase parivasanti, catunnam masanam accayena araddhacitta bhikkhu pabbajenti upasampadenti bhikkhubhavaya, aham cattari vassani parivasissami, catunnam mam vassanam accayena araddhacitta bhikkhu pabbajentu upasampadentu bhikkhubhavayati. Alattha kho acelo Seniyo kukkuravatiko Bhagavato santike pabbajjam alattha upasampadam. Acirupasampanno kho pan' ayasma Seniyo eko vupakattho appamatto atapi pahitatto viharanto nacirass' eva yass' atthaya kulaputta samma-d-eva agarasma anagariyam pabbajanti tad-anuttaram brahmacariyapariyosanam ditthe va dhamme sayam abhinna sacchikatva upasampajja vihasi;

[page 392]

khina jati, vusitam brahmacariyam, katam karaniyam naparam itthattayati abbhannasi. Annataro kho pan' ayasma Seniyo arahatam ahositi.

KUKKURAVATIKASUTTANTAM SATTAMAM.

 


 

LVIII. Abhaya-Raja-Kumara Suttantam

Evam-me sutam. Ekam samayam Bhagava Rajagahe viharati Veluvane Kalandakanivape. Atha kho Abhayo rajakumaro yena Nigantho Nataputto ten' upasankami, upasankamitva Nigantham Nataputtam abhivadetva ekamantam nisidi. Ekamantam nisinnam kho Abhayam rajakumaram Nigantho Nataputto etad-avoca: Ehi tvam rajakumara samanassa Gotamassa vadam aropehi, evam te kalyano kittisaddo abbhugganchiti: Abhayena rajakumarena samanassa Gotamassa evam mahiddhikassa evam mahanubhavassa vado aropito ti. - Yathakatham panaham bhante samanassa Gotamassa evam mahiddhikassa evam mahanubhavassa vadam aropessamiti. - Ehi tvam rajakumara yena samano Gotamo ten' upasankama, upasankamitva samanam Gotamam evam vadehi: Bhaseyya nu kho bhante Tathagato tam vacam ya sa vaca paresam appiya amanapa ti. Sace te samano Gotamo evam puttho evam byakaroti: Bhaseyya rajakumara Tathagato tam vacam ya sa vaca paresam appiya amanapa ti, tam-enam tvam evam vadeyyasi: Atha kin-carahi te bhante puthujjanena nanakaranam, puthujjano pi hi tam vacam bhaseyya ya sa vaca paresam appiya amanapa ti. Sace pana te samano Gotamo evam puttho evam byakaroti: Na rajakumara Tathagato tam vacam bhaseyya ya sa vaca paresam appiya amanapa ti,

[page 393]

tam-enam tvam evam vadeyyasi:

Atha kin-carahi te bhante Devadatto byakato: apayiko Devadatto, nerayiko Devadatto, kappattho Devadatto, atekiccho Devadatto ti, taya ca pana te vacaya Devadatto kupito ahosi anattamano ti. Imam kho te rajakumara samano Gotamo ubhatokotikam panham puttho samano n' eva sakkhiti uggilitum n' eva sakkhiti ogilitum. Seyyatha pi nama purisassa ayosinghatakam kanthe vilaggam, so n' eva sakkuneyya uggilitum n' eva sakkuneyya ogilitum, evam-eva kho te rajakumara samano Gotamo imam ubhatokotikam panham puttho samano n' eva sakkhiti uggilitum n' eva sakkhiti ogilitun-ti.

Evam-bhante ti kho Abhayo rajakumaro Niganthassa Nataputtassa patissutva utthay' asana Nigantham Nataputtam abhivadetva padakkhinam katva yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinnassa kho Abhayassa rajakumarassa suriyam oloketva etad-ahosi: Akalo kho ajja Bhagavato vadam aropetum, sve danaham sake nivesane Bhagavato vadam aropessamiti Bhagavantam etad-avoca: Adhivasetu me bhante Bhagava svatanaya attacatuttho bhattan-ti.

Adhivasesi Bhagava tunhibhavena. Atha kho Abhayo rajakumaro Bhagavato adhivasanam viditva utthay' asana Bhagavantam abhivadetva padakkhinam katva pakkami. Atha kho Bhagava tassa rattiya accayena pubbanhasamayam nivasetva pattacivaram adaya yena Abhayassa rajakumarassa nivesanam ten' upasankami, upasankamitva pannatte asane nisidi. Atha kho Abhayo rajakumaro Bhagavantam panitena khadaniyena bhojaniyena sahattha santappesi sampavaresi. Atha kho Abhayo rajakumaro Bhagavantam bhuttavim onitapattapanim annataram nicam asanam gahetva ekamantam nisidi.

Ekamantam nisinno kho Abhayo rajakumaro Bhagavantam etad-avoca: Bhaseyya nu kho bhante Tathagato tam vacam ya sa vaca paresam appiya amanapa ti. - Na kho 'ttha rajakumara ekamsenati. - Ettha bhante anassum nigantha ti. - Kim pana tvam rajakumara evam vadesi:

[page 394]

ettha bhante anassum nigantha ti. - Idhaham bhante yena Nigantho Nataputto ten' upasankamim, upasankamitva Nigantham Nataputtam abhivadetva ekamantam nisidim. Ekamantam nisinnam kho mam bhante Nigantho Nataputto etad-avoca: Ehi tvam rajakumara samanassa Gotamassa vadam aropehi, evam te kalyano kittisaddo abbhugganchiti:

Abhayena rajakumarena samanassa Gotamassa evam mahiddhikassa evam mahanubhavassa vado aropito ti. Evam vutte aham bhante Nigantham Nataputtam etad-avocam: Yathakatham panaham bhante samanassa Gotamassa evam mahiddhikassa evam mahanubhavassa vadam aropessamiti. Ehi tvam rajakumara yena samano Gotamo ten' upasankama, upasankamitva samanam Gotamam evam vadehi: Bhaseyya nu kho bhante Tathagato tam vacam ya sa vaca paresam appiya amanapa ti. Sace te samano Gotamo evam puttho evam byakaroti: Bhaseyya rajakumara Tathagato tam vacam ya sa vaca paresam appiya amanapa ti, tam-enam tvam evam vadeyyasi: Atha kin-carahi te bhante puthujjanena nanakaranam, puthujjano pi hi tam vacam bhaseyya ya sa vaca paresam appiya amanapa ti. Sace pana te samano Gotamo evam puttho evam byakaroti: Na rajakumara Tathagato tam vacam bhaseyya ya sa vaca paresam appiya amanapa ti. tam-enam tvam evam vadeyyasi: Atha kin-carahi te bhante Devadatto byakato: apayiko Devadatto, nerayiko Devadatto, kappattho Devadatto, atekiccho Devadatto ti, taya ca pana te vacaya Devadatto kupito ahosi anattamano ti. Imam kho te rajakumara samano Gotamo ubhatokotikam panham puttho samano n' eva sakkhiti uggilitum n' eva sakkhiti ogilitum. Seyyatha pi nama purisassa ayosinghatakam kanthe vilaggam, so n' eva sakkuneyya uggilitum n' eva sakkuneyya ogilitum, evam-eva kho te rajakumara samano Gotamo imam ubhatokotikam panham puttho samano n' eva sakkhiti uggilitum n' eva sakkhiti ogilitun-ti.

Tena kho pana samayena daharo kumaro mando uttanaseyyako Abhayassa rajakumarassa anke nisinno hoti. Atha kho Bhagava Abhayam rajakumaram etad-avoca: Tam kimmannasi rajakumara:

[page 395]

sacayam kumaro tuyham va pamadamanvaya dhatiya va pamadam-anvaya kattham va kathalam va mukhe ahareyya, kinti nam kareyyasiti. - Ahareyy' assaham bhante. Sace aham bhante na sakkuneyyam adiken' eva ahattum, vamena hatthena sisam pariggahetva dakkhinena hatthena vankangulim karitva salohitam-pi ahareyyam, tam kissa hetu: atthi me bhante kumare anukampa ti. - Evameva kho rajakumara yam Tathagato vacam janati abhutam ataccham anatthasamhitam, sa ca paresam appiya amanapa, na tam Tathagato vacam bhasati; yam-pi Tathagato vacam janati bhutam taccham anatthasamhitam, sa ca paresam appiya amanapa, tam-pi Tathagato vacam na bhasati; yanca kho Tathagato vacam janati bhutam taccham atthasamhitam, sa ca paresam appiya amanapa, tatra kalannu Tathagato hoti tassa vacaya veyyakaranaya. Yam Tathagato vacam janati abhutam ataccham anatthasamhitam, sa ca paresam piya manapa, na tam Tathagato vacam bhasati; yampi Tathagato vacam janati bhutam taccham anatthasamhitam, sa ca paresam piya manapa, tam-pi Tathagato vacam na bhasati; yan-ca kho Tathagato vacam janati bhutam taccham atthasamhitam, sa ca paresam piya manapa, tatra kalannu Tathagato hoti tassa vacaya veyyakaranaya, tam kissa hetu:

Atthi rajakumara Tathagatassa sattesu anukampa ti.

Ye 'me bhante khattiyapandita pi brahmanapandita pi gahapatipandita pi samanapandita pi panham abhisankharitva Tathagatam upasankamitva pucchanti, pubbe va nu kho etam bhante Bhagavato cetaso parivitakkitam hoti: ye mam upasankamitva evam pucchissanti tesaham evam puttho evam byakarissamiti, udahu thanaso v' etam Tathagatam patibhatiti. - Tena hi rajakumara tan-nev' ettha patipucchissami, yatha te khameyya tatha nam byakareyyasi. Tam kim-mannasi rajakumara: kusalo tvam rathassa angapaccanganan-ti. - Evam bhante, kusalo aham rathassa angapaccanganan-ti. - Tam kim-mannasi rajakumara: ye tam upasankamitva evam paccheyyum: kin-nam' idam rathassa angapaccangan-ti, pubbe va nu kho te etam cetaso parivitakkitam assa:

[page 396]

ye mam upasankamitva evam pucchissanti tesaham evam byakarissamiti, udahu thanaso v' etam tam patibhaseyyati. - Aham hi bhante rathiko sannato kusalo rathassa angapaccanganam, sabbani me rathassa angapaccangani suviditani, thanaso v' etam mam patibhaseyyati. -Evam-eva kho rajakumara ye te khattiyapandita pi brahmanapandita pi gahapatipandita pi samanapandita pi panham abhisankharitva Tathagatam upasankamitva pucchanti, thanaso v' etam Tathagatam patibhati, tam kissa hetu: Sa hi rajakumara Tathagatassa dhammadhatu suppatividdha yassa dhammadhatuya suppatividdhatta thanaso v' etam Tathagatam patibhatiti.

Evam vutte Abhayo rajakumaro Bhagavantam etadavoca: Abhikkantam bhante, abhikkantam bhante. Seyyatha pi bhante nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam Bhagavata anekapariyayena dhammo pakasito.

Esaham bhante Bhagavantam saranam gacchami dhammanca bhikkhusanghan-ca. Upasakam mam Bhagava dharetu ajjatagge panupetam saranagatan-ti.

ABHAYARAJAKUMARASUTTANTAM ATTHAMAM.

 


 

LIX. Bahu-Vedaniya Suttantam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho Pancakango thapati yen' ayasma Udayi ten' upasankami, upasankamitva ayasmantam Udayim abhivadetva ekamantam nisidi. Ekamantam nisinno kho Pancakango thapati ayasmantam Udayim etad-avoca: Kati nu kho bhante Udayi vedana vutta Bhagavata ti. - Tisso kho gahapati vedana vutta Bhagavata: sukha vedana, dukkha vedana, adukkhamasukha vedana.

[page 397]

Ima kho gahapati tisso vedana vutta Bhagavata ti. - Na kho bhante Udayi tisso vedana vutta Bhagavata, dve vedana vutta Bhagavata: sukha vedana, dukkha vedana. Ya 'yam bhante adukkhamasukha vedana, santasmim esa panite sukhe vutta Bhagavata ti. Dutiyam-pi kho ayasma Udayi Pancakangam thapatim etad-avoca: Na kho gahapati dve vedana vutta Bhagavata, tisso vedana vutta Bhagavata: sukha vedana, dukkha vedana, adukkhamasukha vedana. Ima kho gahapati tisso vedana vutta Bhagavata ti. Dutiyam-pi kho Pancakango thapati ayasmantam Udayim etad-avoca: Na kho bhante Udayi tisso vedana vutta Bhagavata, dve vedana vutta Bhagavata: sukha vedana, dukkha vedana. Ya 'yam bhante adukkhamasukha vedana, santasmim esa panite sukhe vutta Bhagavata ti. Tatiyam-pi kho ayasma Udayi Pancakangam thapatim etad-avoca: Na kho gahapati dve vedana vutta Bhagavata, tisso vedana vutta Bhagavata: sukha vedana, dukkha vedana, adukkhamasukha vedana. Ima kho gahapati tisso vedana vutta Bhagavata ti. Tatiyam-pi kho Pancakango thapati ayasmantam Udayim etad-avoca: Na kho bhante Udayi tisso vedana vutta Bhagavata, dve vedana vutta Bhagavata: sukha vedana, dukkha vedana. Ya 'yam bhante adukkhamasukha vedana, santasmim esa panite sukhe vutta Bhagavata ti. N' eva kho asakkhi ayasma Udayi Pancakangam thapatim sannapetum na panasakkhi Pancakango thapati ayasmantam Udayim sannapetum.

Assosi kho ayasma Anando ayasmato Udayissa Pancakangena thapatina saddhim imam kathasallapam. Atha kho ayasma Anando yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho ayasma Anando yavatako ahosi ayasmato Udayissa Pancakangena thapatina saddhim kathasallapo tam sabbam Bhagavato arocesi. Evam vutte Bhagava ayasmantam Anandam etad-avoca: Santam yeva kho Ananda pariyayam Pancakango thapati Udayissa nabbhanumodi, santam yeva ca pana pariyayam Udayi Pancakangassa thapatissa nabbhanumodi. Dve p' Ananda vedana vutta maya pariyayena,

[page 398]

tisso pi vedana vutta maya pariyayena, panca pi vedana vutta maya pariyayena, cha pi vedana vutta maya pariyayena, atthadasa pi vedana vutta maya pariyayena, chattimsapi vedana vutta maya pariyayena, atthasatam vedanasatam-pi vuttam maya pariyayena. Evam pariyayadesito kho Ananda maya dhammo. Evam pariyayadesite kho Ananda maya dhamme ye annamannassa subhasitam sulapitam na samanujanissanti na samanumannissanti na samanumodissanti tesam-etam patikankham: bhandanajata kalahajata vivadapanna annamannam mukhasattihi vitudanta viharissanti. Evam pariyayadesito kho Ananda maya dhammo.

Evam pariyayadesite kho Ananda maya dhamme ye annamannassa subhasitam sulapitam samanujanissanti samanumannissanti samanumodissanti tesam-etam patikankham:

samagga sammodamana avivadamana khirodakibhuta annamannam piyacakkhuhi sampassanta viharissanti.

Panca kho ime Ananda kamaguna, katame panca:

cakkhuvinneyya rupa ittha kanta manapa piyarupa kamupasamhita rajaniya, sotavinneyya sadda - ghanavinneyya gandha - jivhavinneyya rasa - kayavinneyya photthabba ittha kanta manapa piyarupa kamupasamhita rajaniya. Ime kho Ananda panca kamaguna. Yam kho Ananda ime panca kamagune paticca uppajjati sukham somanassam idam vuccati kamasukham.

Yo kho Ananda evam vadeyya: Etaparamam satta sukham somanassam patisamvedentiti, idam-assa nanujanami, tam kissa hetu: Atth' Ananda etamha sukha annam sukham abhikkantataran-ca panitataran-ca. Kataman-c' Ananda etamha sukha annam sukham abhikkantataran-ca panitataran-ca: Idh' Ananda bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. Idam kho Ananda etamha sukha annam sukham abhikkantataran-ca panitataran-ca.

Yo kho Ananda evam vadeyya: Etaparamam satta sukham somanassam patisamvedentiti, idam-assa nanujanami, tam kissa hetu:

[page 399]

Atth' Ananda etamha sukha annam sukham abhikkantataran-ca panitataran-ca. Kataman-c' Ananda etamha sukha annam sukham abhikkantataran-ca panitataran-ca: Idh' Ananda bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati. Idam kho Ananda etamha sukha annam sukham abhikkantataran-ca panitataran-ca.

Yo kho Ananda - pe - panitataran-ca: Idh' Ananda bhikkhu pitiya ca viraga upekhako ca viharati sato ca sampajano, sukhan-ca kayena patisamvedeti yan-tam ariya acikkhanti: upekhako satima sukhavihari ti tatiyam jhanam upasampajja viharati. Idam kho Ananda etamha sukha annam sukham abhikkantataran-ca panitataran-ca.

Yo kho Ananda - pe - panitataran-ca: Idh' Ananda bhikkhu sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharati. Idam kho Ananda etamha sukha annam sukham abhikkantataran-ca panitataran-ca.

Yo kho Ananda - pe - panitataran-ca: Idh' Ananda bhikkhu sabbaso rupasannanam samatikkama patighasannanam atthagama nanattasannanam amanasikara: ananto akaso ti akasanancayatanam upasampajja viharati. Idam kho Ananda etamha sukha annam sukham abhikkantataran-ca panitataran-ca.

Yo ho Ananda - pe - panitataran-ca: Idh' Ananda bhikkhu sabbaso akasanancayatanam samatikkamma: anantam vinnanan-ti vinnanancayatanam upasampajja viharati. Idam kho Ananda etamha sukha annam sukham abhikkantataranca panitataran-ca.

Yo kho Ananda - pe - panitataran-ca: Idh' Ananda bhikkhu sabbaso vinnanancayatanam samatikkamma: na-tthi kinciti akincannayatanam upasampajja viharati. Idam kho Ananda etamha sukha annam sukham abhikkantataran-ca panitataran-ca.

[page 400]

Yo kho Ananda - pe - panitataran-ca: Idh' Ananda bhikkhu sabbaso akincannayatanam samatikkamma nevasannanasannayatanam upasampajja viharati. Idam kho Ananda etamha sukha annam sukham abhikkantataran-ca panitataran-ca.

Yo kho Ananda evam vadeyya: Etaparamam satta sukham somanassam patisamvedentiti, idam-assa nanujanami, tam kissa hetu: Atth' Ananda etamha sukha annam sukham abhikkantataran-ca panitataran-ca. Kataman-c' Ananda etamha sukha annam sukham abhikkantataran-ca panitataran-ca: Idh' Ananda bhikkhu sabbaso nevasannanasannayatanam samatikkamma sannavedayitanirodham upasampajja viharati. Idam kho Ananda etamha sukha annam sukham abhikkantataran-ca panitataran-ca.

Thanam kho pan' etam Ananda vijjati yam annatitthiya paribbajaka evam vadeyyum: Sannavedayitanirodham samano Gotamo aha tan-ca sukhasmim pannapeti, ta-y-idam kim su, ta-y-idam katham suti. Evamvadino {Ananda} annatitthiya paribbajaka evam-assu vacaniya: Na kho avuso Bhagava sukham yeva vedanam sandhaya sukhasmim pannapeti, api c' avuso yattha yattha sukham upalabbhati yahim yahim tantam Tathagato sukhasmim pannapetiti.

Idam-avoca Bhagava. Attamano ayasma Anando Bhagavato bhasitam abhinanditi.

BAHUVEDANIYASUTTANTAM NAVAMAM.

 


 

LX. Apannaka Suttantam

Evam-me sutam. Ekam samayam Bhagava Kosalesu carikam caramano mahata bhikkhusanghena saddhim yena Sala nama Kosalanam brahmanagamo tad-avasari. Assosum kho Saleyyaka brahmanagahapatika: Samano khalu bho Gotamo Sakyaputto Sakyakula pabbajito Kosalesu carikam caramano mahata bhikkhusanghena saddhim Salam anupatto.

[page 401]

Tam kho pana bhavantam Gotamam evam kalyano kittisaddo abbhuggato: Iti pi so Bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava. So imam lokam sadevakam samarakam sabrahmakam sassamanabrahmanim pajam sadevamanussam sayam abhinna sacchikatva pavedeti. So dhammam deseti adikalyanam majjhekalyanam pariyosanakalyanam sattham sabyanjanam, kevalaparipunnam parisuddham brahmacariyam pakaseti. Sadhu kho pana tatharupanam arahatam dassanam hotiti. Atha kho Saleyyaka brahmanagahapatika yena Bhagava ten' upasankamimsu, upasankamitva app-ekacce Bhagavantam abhivadetva ekamantam nisidimsu, app-ekacce Bhagavata saddhim sammodimsu, sammodaniyam katham saraniyam vitisaretva ekamantam nisidimsu, app-ekacce yena Bhagava ten' anjalim-panametva ekamantam nisidimsu, app-ekacce Bhagavato santike namagottam savetva ekamantam nisidimsu, app-ekacce tunhibhuta ekamantam nisidimsu. Ekamantam nisinne kho Saleyyake brahmanagahapatike Bhagava etadavoca: Atthi pana vo gahapatayo koci manapo sattha yasmim vo akaravati saddha patiladdha ti. - Na-tthi kho no bhante koci manapo sattha yasmim no akaravati saddha patiladdha ti. - Manapam vo gahapatayo sattharam alabhantehi ayam apannako dhammo samadaya vattitabbo. Apannako hi gahapatayo dhammo samatto samadinno so vo bhavissati digharattam hitaya sukhaya. Katamo ca gahapatayo apannako dhammo:

Santi gahapatayo eke samanabrahmana evamvadino evamditthino: Na-tthi dinnam na-tthi yittham na-tthi hutam, na-tthi sukatadukkatanam kammanam phalam vipako, na-tthi ayam loko na-tthi paro loko, na-tthi mata na-tthi pita, na-tthi satta opapatika, na-tthi loke samanabrahmana sammaggata sammapatipanna ye iman-ca lokam paran-ca lokam sayam abhinna sacchikatva pavedentiti.

Tesam yeva kho gahapatayo samanabrahmananam eke samanabrahmana ujuvipaccanikavada,

[page 402]

te evam-ahamsu: Atthi dinnam atthi yittham atthi hutam, atthi sukatadukkatanam kammanam phalam vipako, atthi ayam loko atthi paro loko, atthi mata atthi pita, atthi satta opapatika, atthi loke samanabrahmana sammaggata sammapatipanna ye iman-ca lokam paran-ca lokam sayam abhinna sacchikatva pavedentiti.

Tam kim-mannatha gahapatayo: nanu 'me samanabrahmana annamannassa ujuvipaccanikavada ti. - Evam bhante.

Tatra gahapatayo ye te samanabrahmana evamvadino evamditthino: Na-tthi dinnam na-tthi yittham na-tthi hutam, na-tthi sukatadukkatanam kammanam phalam vipako, na-tthi ayam loko na-tthi paro loko, na-tthi mata natthi pita, na-tthi satta opapatika, na-tthi loke samanabrahmana sammaggata sammapatipanna ye iman-ca lokam paran-ca lokam sayam abhinna sacchikatva pavedentiti, tesam-etam patikankham: yam-idam kayasucaritam vacisucaritam manosucaritam ime tayo kusale dhamme abhinivajjetva yam-idam kayaduccaritam vaciduccaritam manoduccaritam ime tayo akusale dhamme samadaya vattissati, tam kissa hetu: Na hi te bhonto samanabrahmana passanti akusalanam dhammanam adinavam okaram sankilesam, kusalanam dhammanam nekkhamme anisamsam vodanapakkham.

Santam yeva kho pana param lokam: na-tthi paro loko ti 'ssa ditthi hoti, sa 'ssa hoti micchaditthi. Santam yeva kho pana param lokam: na-tthi paro loko ti sankappeti, svassa hoti micchasankappo. Santam yeva kho pana param lokam: natthi paro loko ti vacam bhasati, sa 'ssa hoti micchavaca.

Santam yeva kho pana param lokam: na-tthi paro loko ti aha, ye te arahanto paralokaviduno tesam-ayam paccanikam karoti. Santam yeva kho pana param lokam: na-tthi paro loko ti param sannapeti, sa 'ssa hoti asaddhammasannatti, taya ca pana asaddhammasannattiya attan' ukkamseti param vambheti. Iti pubbe va kho pan' assa susilyam pahinam hoti, dussilyam paccupatthitam; ayan-ca micchaditthi micchasankappo micchavaca ariyanam paccanikata asaddhammasannatti attukkamsana paravambhana evam-s' ime aneke papaka akusala dhamma sambhavanti micchaditthipaccaya.

[page 403]

Tatra gahapatayo vinnu puriso iti patisancikkhati: Sace kho na-tthi paro loko evam-ayam bhavam purisapuggalo kayassa bheda sotthim-attanam karissati, sace kho atthi paro loko evam-ayam bhavam purisapuggalo kayassa bheda param-marana apayam duggatim vinipatam nirayam upapajjissati. Kamam kho pana ma 'hu paro loko, hotu nesam bhavatam samanabrahmananam saccam vacanam, atha ca panayam bhavam purisapuggalo ditthe va dhamme vinnunam garayho: dussilo purisapuggalo micchaditthi natthikavado ti.

Sace kho atth' eva paro loko evam imassa bhoto purisapuggalassa ubhayattha kaliggaho: yan-ca ditthe va dhamme vinnunam garayho, yan-ca kayassa bheda param-marana apayam duggatim vinipatam nirayam upapajjissati. Evamassayam apannako dhammo dussamatto samadinno ekamsam pharitva titthati, rincati kusalam thanam.

Tatra gahapatayo ye te samanabrahmana evamvadino evamditthino: Atthi dinnam atthi yittham atthi hutam, atthi sukatadukkatanam kammanam phalam vipako, atthi ayam loko atthi paro loko, atthi mata atthi pita, atthi satta opapatika, atthi loke samanabrahmana sammaggata sammapatipanna ye iman-ca lokam paran-ca lokam sayam abhinna sacchikatva pavedentiti, tesam-etam patikankham: yam-idam kayaduccaritam vaciduccaritam manoduccaritam ime tayo akusale dhamme abhinivajjetva yam-idam kayasucaritam vacisucaritam manosucaritam ime tayo kusale dhamme samadaya vattissanti, tam kissa hetu: Passanti hi te bhonto samanabrahmana akusalanam dhammanam adinavam okaram sankilesam, kusalanam dhammanam nekkhamme anisamsam vodanapakkham. Santam yeva kho pana param lokam: atthi paro loko ti 'ssa ditthi hoti, sa 'ssa hoti sammaditthi. Santam yeva kho pana param lokam: atthi paro loko ti sankappeti, svassa hoti sammasankappo. Santam yeva kho pana param lokam: atthi paro loko ti vacam bhasati, sa 'ssa hoti sammavaca.

Santam yeva kho pana param lokam: atthi paro loko ti aha, ye te arahanto paralokaviduno tesam-ayam na paccanikam karoti.

Santam yeva kho pana param lokam: atthi paro loko ti param sannapeti,

[page 404]

sa 'ssa hoti saddhammasannatti, taya ca pana saddhammasannattiya n' ev' attan' ukkamseti na param vambheti. Iti pubbe va kho pan' assa dussilyam pahinam hoti, susilyam paccupatthitam; ayan-ca sammaditthi sammasankappo sammavaca ariyanam apaccanikata saddhammasannatti anattukkamsana aparavambhana evam-s' ime aneke kusala dhamma sambhavanti sammaditthipaccaya.

Tatra gahapatayo vinnu puriso iti patisancikkhati: Sace kho atthi paro loko evam-ayam bhavam purisapuggalo kayassa bheda param-marana sugatim saggam lokam upapajjissati. Kamam kho pana ma 'hu paro loko, hotu nesam bhavatam samanabrahmananam saccam vacanam, atha ca panayam bhavam purisapuggalo ditthe va dhamme vinnunam pasamso: silava purisapuggalo sammaditthi atthikavado ti.

Sace kho atth' eva paro loko evam imassa bhoto purisapuggalassa ubhayattha kataggaho: yan-ca ditthe va dhamme vinnunam pasamso, yan-ca kayassa bheda param-marana sugatim saggam lokam upapajjissati. Evam-assayam apannako dhammo susamatto samadinno ubhayamsam pharitva titthati, rincati akusalam thanam.

Santi gahapatayo eke samanabrahmana evamvadino evamditthino: Karato karayato chindato chedapayato pacato pacayato socayato kilamayato phandato phandapayato panamatimapayato adinnam adiyato sandhim chindato nillopam harato ekagarikam karoto paripanthe titthato paradaram gacchato musa bhanato, karato na kariyati papam; khurapariyantena ce pi cakkena yo imissa pathaviya pane ekamamsakhalam ekamamsapunjam kareyya, na-tthi tatonidanam papam, na-tthi papassa agamo; dakkhinan-ce pi Gangaya tiram gaccheyya hananto ghatento chindanto chedapento pacanto pacento, na-tthi tatonidanam papam, na-tthi papassa agamo; uttaran-ce pi Gangaya tiram gaccheyya {dadanto} dapento yajanto yajento, na-tthi tatonidanam punnam, {na-tthi} punnassa agamo; danena damena samyamena saccavajjena na-tthi punnam, na-tthi punnassa agamo ti. Tesam yeva kho gahapatayo samanabrahmananam eke samanabrahmana ujuvipaccanikavada,

[page 405]

te evam-ahamsu: Karato karayato chindato chedapayato pacato pacayato socayato kilamayato phandato phandapayato panam-atimapayato adinnam adiyato sandhim chindato nillopam harato ekagarikam karoto paripanthe titthato paradaram gacchato musa bhanato, karato kariyati papam; khurapariyantena ce pi cakkena yo imissa pathaviya pane ekamamsakhalam ekamamsapunjam kareyya, atthi tatonidanam papam, atthi papassa agamo; dakkhinance pi Gangaya tiram gaccheyya hananto ghatento chindanto chedapento pacanto pacento, atthi tatonidanam papam, atthi papassa agamo; uttaran-ce pi Gangaya tiram gaccheyya dadanto dapento yajanto yajento, atthi tatonidanam punnam, atthi punnassa agamo; danena damena samyamena saccavajjena atthi punnam, atthi punnassa agamo ti. Tam kimmannatha gahapatayo: nanu 'me samanabrahmana annamannassa ujuvipaccanikavada ti. - Evam bhante.

Tatra gahapatayo ye te samanabrahmana evamvadino evamditthino: Karato karayato - pe - na-tthi punnassa agamo ti, tesam-etam patikankham: yam-idam kayasucaritam vacisucaritam manosucaritam ime tayo kusale dhamme abhinivajjetva yam-idam kayaduccaritam vaciduccaritam manoduccaritam ime tayo akusale dhamme samadaya vattissanti, tam kissa hetu: Na hi te bhonto samanabrahmana passanti akusalanam dhammanam adinavam okaram sankilesam, kusalanam dhammanam nekkhamme anisamsam vodanapakkham. Santam yeva kho pana kiriyam: na-tthi kiriya ti 'ssa ditthi hoti, sa 'ssa hoti micchaditthi. Santam yeva kho pana kiriyam: na-tthi kiriya ti sankappeti, svassa hoti micchasankappo. Santam yeva kho pana kiriyam: na-tthi kiriya ti vacam bhasati, sa 'ssa hoti micchavaca. Santam yeva kho pana kiriyam: na-tthi kiriya ti aha, ye te arahanto kiriyavada tesam-ayam paccanikam karoti. Santam yeva kho pana kiriyam: na-tthi kiriya ti param sannapeti, sa 'ssa hoti asaddhammasannatti, taya ca pana asaddhammasannattiya attan' ukkamseti param vambheti. Iti pubbe va kho pan' assa susilyam pahinam hoti, dussilyam paccupatthitam; ayanca micchaditthi micchasankappo micchavaca ariyanam paccanikata asaddhammasannatti attukkamsana paravambhana evams' ime aneke papaka akusala dhamma sambhavanti micchaditthipaccaya.

[page 406]

Tatra gahapatayo vinnu puriso iti patisancikkhati: Sace kho na-tthi kiriya evam-ayam bhavam purisapuggalo kayassa bheda sotthim-attanam karissati, sace kho atthi kiriya evam-ayam bhavam purisapuggalo kayassa bheda parammarana apayam duggatim vinipatam nirayam upapajjissati.

Kamam kho pana ma 'hu kiriya, hotu nesam bhavatam samanabrahmananam saccam vacanam, atha ca panayam bhavam purisapuggalo ditthe va dhamme vinnunam garayho:

dussilo purisapuggalo micchaditthi akiriyavado ti. Sace kho atth' eva kiriya evam imassa bhoto purisapuggalassa ubhayattha kaliggaho: yan-ca ditthe va dhamme vinnunam garayho, yan-ca kayassa bheda param-marana apayam duggatim vinipatam nirayam upapajjissati. Evam-assayam apannako dhammo dussamatto samadinno ekamsam pharitva titthati, rincati kusalam thanam.

Tatra gahapatayo ye te samanabrahmana evamvadino evamditthino: Karato karayato - pe - atthi punnassa agamo ti, tesam-etam patikankham: yam-idam kayaduccaritam vaciduccaritam manoduccaritam ime tayo akusale dhamme abhinivajjetva yam-idam dayasucaritam vacisucaritam manosucaritam ime tayo kusale dhamme samadaya vattissanti, tam kissa hetu: Passanti hi te bhonto samanabrahmana akusalanam dhammanam adinavam okaram sankilesam, kusalanam dhammanam nekkhamme anisamsam vodanapakkham. Santam yeva kho pana kiriyam: atthi kiriya ti 'ssa ditthi hoti, sa ssa hoti sammaditthi. Santam yeva kho pana kiriyam:

atthi kiriya ti sankappeti, svassa hoti sammasankappo. Santam yeva kho pana kiriyam: atthi kiriya ti vacam bhasati, sa 'ssa hoti sammavaca. Santam yeva kho pana kiriyam:

atthi kiriya ti aha, ye te arahanto kiriyavada tesam-ayam na paccanikam karoti. Santam yeva kho pana kiriyam: atthi kiriya ti param sannapeti, sa 'ssa hoti saddhammasannatti, taya ca pana saddhammasannattiya n' ev' attan' ukkamseti na param vambheti.

[page 407]

Iti pubbe va kho pan' assa dussilyam pahinam hoti, susilyam paccupatthitam; ayan-ca sammaditthi sammasankappo sammavaca ariyanam apaccanikata saddhammasannatti anattukkamsana aparavambhana {evam}-s' ime aneke kusala dhamma sambhavanti sammaditthipaccaya.

Tatra gahapatayo vinnu puriso iti patisancikkhati: Sace kho atthi kiriya evam-ayam bhavam purisapuggalo kayassa bheda param-marana sugatim saggam lokam upapajjissati.

Kamam kho pana ma 'hu kiriya, hotu nesam bhavatam samanabrahmananam saccam vacanam, atha ca panayam bhavam purisapuggalo ditthe va dhamme vinnunam pasamso:

silava purisapuggalo sammaditthi kiriyavado ti. Sace kho atth' eva kiriya evam imassa bhoto purisapuggalassa ubhayattha kataggaho: yan-ca ditthe va dhamme vinnunam pasamso, yan-ca kayassa bheda param-marana sugatim saggam lokam upapajjissati. Evam-assayam apannako dhammo susamatto samadinno ubhayamsam pharitva titthati, rincati akusalam thanam.

Santi gahapatayo eke samanabrahmana evamvadino evamditthino: Na-tthi hetu na-tthi paccayo sattanam sankilesaya, ahetu appaccaya satta sankilissanti; na-tthi hetu na-tthi paccayo sattanam visuddhiya, ahetu appaccaya satta visujjhanti; na-tthi balam na-tthi viriyam na-tthi purisatthamo na-tthi purisaparakkamo, sabbe satta sabbe panasabbe bhuta sabbe jiva avasa abala aviriya niyatisangatibhavaparinata chass-evabhijatisu sukhadukkham patisamvedentiti. Tesam yeva kho gahapatayo samanabrahmananam eke samanabrahmana ujuvipaccanikavada, te evam-ahamsu:

Atthi hetu atthi paccayo sattanam sankilesaya, sahetu sappaccaya satta sankilissanti; atthi hetu atthi paccayo sattanam visuddhiya, sahetu sappaccaya satta visujjhanti; atthi balam atthi viriyam atthi purisatthamo atthi purisaparakkamo, na sabbe satta sabbe pana sabbe bhuta sabbe jiva avasa abala aviriya niyatisangatibhavaparinata chass-evabhijatisu sukhadukkham patisamvedentiti. Tam kim-mannatha gahapatayo:

[page 408]

nanu 'me samanabrahmana annamannassa ujuvipaccanikavada ti. - Evam bhante.

Tatra gahapatayo ye te samanabrahmana evamvadino evamditthino: Na-tthi hetu na-tthi paccayo - pe - sukhadukkham patisamvedentiti, tesam-etam patikankham: yamidam kayasucaritam vacisucaritam manosucaritam ime tayo kusale dhamme abhinivajjetva yam-idam kayaduccaritam vaciduccaritam manoduccaritam ime tayo akusale dhamme samadaya vattissanti, tam kissa hetu: Na hi te bhonto samanabrahmana passanti akusalanam dhammanam adinavam okaram sankilesam, kusalanam dhammanam nekkhamme anisamsam vodanapakkham. Santam yeva kho pana hetum:

na-tthi hetu ti 'ssa ditthi hoti, sa 'ssa hoti micchaditthi.

Santam yeva kho pana hetum: na-tthi hetuti sankappeti, svassa hoti micchasankappo. Santam yeva kho pana hetum:

na-tthi hetuti vacam bhasati, sa 'ssa hoti micchavaca.

Santam yeva kho pana hetum: na-tthi hetuti aha, ye te arahanto hetuvada tesam-ayam paccanikam karoti. Santam yeva kho pana hetum: na-tthi hetuti param sannapeti, sa 'ssa hoti asaddhammasannatti, taya ca pana asaddhammasannattiya attan' ukkamseti param vambheti. Iti pubbe va kho pan' assa susilyam pahinam hoti, dussilyam paccupatthitam; ayan-ca micchaditthi micchasankappo micchavaca ariyanam paccanikata asaddhammasannatti attukkamsana paravambhana evam-s' ime aneke papaka akusala dhamma sambhavanti micchaditthipaccaya.

Tatra gahapatayo vinnu puriso iti patisancikkhati: Sace kho na-tthi hetu evam-ayam bhavam purisapuggalo kayassa bheda sotthim-attanam karissati, sace kho atthi hetu evam-ayam bhavam purisapuggalo kayassa bheda parammarana apayam duggatim vinipatam nirayam upapajjissati.

Kamam kho pana ma 'hu hetu, hotu nesam bhavatam samanabrahmananam saccam vacanam, atha ca panayam bhavam purisapuggalo ditthe va dhamme vinnunam garayho:

dussilo purisapuggalo micchaditthi ahetuvado ti. Sace kho atth' eva hetu evam imassa bhoto purisapuggalassa ubhayattha kaliggaho:

[page 409]

yan-ca ditthe va dhamme vinnunam garayho, yan-ca kayassa bheda param-marana apayam duggatim vinipatam nirayam upapajjissati. Evam-assayam apannako dhammo dussamatto samadinno ekamsam pharitva titthati, rincati kusalam thanam.

Tatra gahapatayo ye te samanabrahmana evamvadino evamditthino: Atthi hetu atthi paccayo - pe - sukhadukkham patisamvedentiti, tesam-etam patikankham: yam-idam kayaduccaritam vaciduccaritam manoduccaritam ime tayo akusale dhamme abhinivajjetva yam-idam kayasucaritam vacisucaritam manosucaritam ime tayo kusale dhamme samadaya vattissanti, tam kissa hetu: Passanti hi te bhonto samanabrahmana akusalanam dhammanam adinavam okaram sankilesam, kusalanam dhammanam nekkhamme anisamsam vodanapakkham. Santam yeva kho pana hetum: atthi hetu ti 'ssa ditthi hoti, sa 'ssa hoti sammaditthi. Santam yeva kho pana hetum: atthi hetuti sankappeti, svassa hoti sammasankappo. Santam yeva kho pana hetum: atthi hetuti vacam bhasati, sa 'ssa hoti sammavaca. Santam yeva kho pana hetum: atthi hetuti aha, ye te arahanto hetuvada tesam-ayam na paccanikam karoti. Santam yeva kho pana hetum: atthi hetuti param sannapeti, sa 'ssa hoti saddhammasannatti, taya ca pana saddhammasannattiya n' ev' attan' ukkamseti na param vambheti. Iti pubbe va kho pan' assa dussilyam pahinam hoti, susilyam paccupatthitam; ayan-ca sammaditthi sammasankappo sammavaca ariyanam apaccanikata saddhammasannatti anattukkamsana aparavambhana evam-s' ime aneke kusala dhamma sambhavanti sammaditthipaccaya.

Tatra gahapatayo vinnu puriso iti patisancikkhati: Sace kho atthi hetu evam-ayam bhavam parisapuggalo kayassa bheda param-marana sugatim saggam lokam upapajjissati.

Kamam kho pana ma 'hu hetu, hotu nesam bhavatam samanabrahmananam saccam vacanam, atha ca panayam bhavam purisapuggalo ditthe va dhamme vinnunam pasamso: silava purisapuggalo sammaditthi hetuvado ti. Sace kho atth' eva hetu evam imassa bhoto purisapuggalassa ubhayattha kataggaho:

[page 410]

yan-ca ditthe va dhamme vinnunam pasamso, yan-ca kayassa bheda param-marana sugatim saggam lokam upapajjissati. Evam-assayam apannako dhammo susamatto samadinno ubhayamsam pharitva titthati, rincati akusalam thanam.

Santi gahapatayo eke samanabrahmana evamvadino evamditthino: Na-tthi sabbaso aruppa ti. Tesam yeva kho gahapatayo samanabrahmananam eke samanabrahmana ujuvipaccanikavada, te evam-ahamsu: Atthi sabbaso aruppa ti. Tam kim-mannatha gahapatayo: nanu 'me samanabrahmana annamannassa ujuvipaccanikavada ti. - Evam bhante. - Tatra gahapatayo vinnu puriso iti patisancikkhati:

Ye kho te bhonto samanabrahmana evamvadino evamditthino: na-tthi sabbaso aruppa ti, idam-me adittham; ye pi te bhonto samanabrahmana evamvadino evamditthino:

atthi sabbaso aruppa ti, idam-me aviditam. Ahan-c' eva kho pana ajananto apassanto ekamsena adaya vohareyyam:

idam-eva saccam, mogham-annan-ti, na me tam assa patirupam. Ye kho te bhonto samanabrahmana evamvadino evamditthino: na-tthi sabbaso aruppa ti, sace tesam bhavatam samanabrahmananam saccam vacanam thanam-etam vijjati ye te deva rupino manomaya apannakam-me tatrupapatti bhavissati; ye pana te bhonto samanabrahmana evamvadino evamditthino: atthi sabbaso aruppa ti, sace tesam bhavatam samanabrahmananam saccam vacanam thanam-etam vijjati ye te deva arupino sannamaya apannakam-me tatrupapatti bhavissati. Dissante kho pana rupadhikaranam dandadana-satthadana-kalaha-viggaha-vivada-tuvamtuvapesunna-musavada, na-tthi kho pan' etam sabbaso arupe ti.

So iti patisankhaya rupanam yeva nibbidaya viragaya nirodhaya patipanno hoti.

Santi gahapatayo eke samanabrahmana evamvadino evamditthino: Na-tthi sabbaso bhavanirodho ti. Tesam yeva kho gahapatayo samanabrahmananam eke samanabrahmana ujuvipaccanikavada, te evam-ahamsu: Atthi sabbaso bhavanirodho ti.

[page 411]

Tam kim-mannatha gahapatayo:

nanu 'me samanabrahmana annamannassa ujuvipaccanikavada ti. - Evam bhante. - Tatra gahapatayo vinnu puriso iti patisancikkhati: Ye kho te bhonto samanabrahmana evamvadino evamditthino: na-tthi sabbaso bhavanirodho ti, idamme adittham; ye pi te bhonto samanabrahmana evamvadino evamditthino: atthi sabbaso bhavanirodho ti, idam-me aviditam. Ahan-c' eva kho pana ajananto apassanto ekamsena adaya vohareyyam: idam-eva saccam, mogham-annan-ti, na me tam assa patirupam. Ye kho te bhonto samanabrahmana evamvadino evamditthino: na-tthi sabbaso bhavanirodho ti, sace tesam bhavatam samanabrahmananam saccam vacanam thanam-etam vijjati ye te deva arupino sannamaya apannakam-me tatrupapatti bhavissati; ye pana te bhonto samanabrahmana evamvadino evamditthino: atthi sabbaso bhavanirodho ti, sace tesam bhavatam samanabrahmananam saccam vacanam thanam-etam vijjati yam ditthe va dhamme parinibbayissami. Ye kho te bhonto samanabrahmana evamvadino evamditthino: na-tthi sabbaso bhavanirodho ti, tesam-ayam ditthi saragaya santike samyogaya santike abhinandanaya santike ajjhosanaya santike upadanaya santike; ye pana te bhonto samanabrahmana evamvadino evamditthino: atthi sabbaso bhavanirodho ti, tesam-ayam ditthi asaragaya santike asamyogaya santike anabhinandanaya santike anajjhosanaya santike anupadanaya santike ti. So iti patisankhaya bhavanam yeva nibbidaya viragaya nirodhaya patipanno hoti.

Cattaro 'me gahapatayo puggala santo samvijjamana lokasmim, katame cattaro: Idha gahapatayo ekacco puggalo attantapo hoti attaparitapananuyogam anuyutto. Idha gahapatayo ekacco puggalo parantapo hoti paraparitapananuyogam anuyutto. Idha gahapatayo ekacco puggalo attantapo ca hoti attaparitapananuyogam anuyutto parantapo ca paraparitapananuyogam anuyutto. Idha gahapatayo ekacco puggalo n' ev' attantapo hoti nattaparitapananuyogam anuyutto na parantapo na paraparitapananuyogam anuyutto, so anattantapo aparantapo ditthe ve dhamme nicchato nibbuto sitibhuto sukhapatisamvedi brahmabhutena attana viharati.

[page 412]

Katamo ca gahapatayo puggalo attantapo attaparitapananuyogam anuyutto: Idha gahapatayo ekacco puggalo acelako hoti muttacaro hatthapalekhano - yatha Kandarakasuttantam tatha vittharo - iti evarupam anekavihitam kayassa atapanaparitapananuyogam anuyutto viharati. Ayam vuccati gahapatayo puggalo attantapo attaparitapananuyogam anuyutto.

Katamo ca gahapatayo puggalo parantapo paraparitapananuyogam anuyutto: Idha gahapatayo ekacco puggalo orabbhiko hoti sukariko - pe - ye va pan' anne pi keci kururakammanta. Ayam vuccati gahapatayo puggalo parantapo paraparitapananuyogam anuyutto. Katamo ca gahapatayo puggalo attantapo ca attaparitapananuyogam anuyutto parantapo ca paraparitapananuyogam anuyutto: Idha gahapatayo ekacco puggalo raja va hoti khattiyo muddhavasitto --pe-te pi dandatajjita bhayatajjita assumukha rudamana parikammani karonti. Ayam vuccati gahapatayo puggalo attantapo ca attaparitapananuyogam anuyutto parantapo ca paraparitapananuyogam anuyutto. Katamo ca gahapatayo puggalo n' ev' attantapo nattaparitapananuyogam anuyutto na parantapo na paraparitapananuyogam anuyutto, so anattantapo aparantapo ditthe va dhamme nicchato nibbuto sitibhuto sukhapatisamvedi brahmabhutena attana viharati:

Idha gahapatayo Tathagato loke uppajjati araham sammasambuddho --pe--. So ime panca nivarane pahaya cetaso upakkilese pannaya dubbalikarane vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam - dutiyam jhanam - tatiyam jhanam - catuttham jhanam upasampajja viharati. So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhininnameti. So anekavihitam pubbenivasam anussarati, seyyathidam: ekam-pi jatim dve pi jatiyo - pe - iti sakaram sauddesam anekavihitam pubbenivasam anussarati. So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnameti.

[page 413]

So dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate - pe - yathakammupage satte pajanati. So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayannanaya cittam abhininnameti. So: idam dukkhan-ti yathabhutam pajanati - pe - ayam asavanirodhagamini patipada ti yathabhutam pajanati. Tassa evam janato evam passato kamasava pi cittam vimuccati, bhavasava pi cittam vimuccati, avijjasava pi cittam vimuccati; vimuttasmim vimuttam-iti nanam hoti; khina jati, vusitam brahmacariyam, katam karaniyam naparam itthattayati pajanati. Ayam vuccati gahapatayo puggalo n' ev' attantapo nattaparitapananuyogam anuyutto na parantapo na paraparitapananuyogam anuyutto, so anattantapo aparantapo ditthe va dhamme nicchato nibbuto sitibhuto sukhapatisamvedi brahmabhutena attana viharatiti.

Evam vutte Saleyyaka brahmanagahapatika Bhagavantam etad-avocum: Abhikkantam bho Gotamo, abhikkantam bho Gotama. Seyyatha pi bho Gotama nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam bhota Gotamena anekapariyayena dhammo pakasito. Ete mayam bhavantam Gotamam saranam gacchama dhamman-ca bhikkhusanghan-ca. Upasake no bhavam Gotamo dharetu ajjatagge panupete saranagate ti.

APANNAKASUTTANTAM DASAMAM.

GAHAPATIVAGGO PATHAMO.

[page 414]

 


 

2. Bhikkhu Vagga

LXI. Ambalatthika-Rahul'ovada Suttantam

Evam-me sutam. Ekam samayam Bhagava Rajagahe viharati Veluvane Kalandakanivape. Tena kho pana samayena ayasma Rahulo Ambalatthikayam viharati. Atha kho Bhagava sayanhasamayam patisallana vutthito yen' Ambalatthika yen' ayasma Rahulo ten' upasankami. Addasa kho ayasma Rahulo Bhagavantam durato va agacchantam, disvana asanam pannapesi udakan-ca padanam. Nisidi Bhagava pannatte asane, nisajja pade pakkhalesi. Ayasma pi kho Rahulo Bhagavantam abhivadetva ekamantam nisidi.

Atha kho Bhagava parittam udakavasesam udakadhane thapetva ayasmantam Rahulam amantesi: Passasi no tvam Rahula imam parittam udakavasesam udakadhane thapitanti. - Evam-bhante. - Evam parittam kho Rahula tesam samannam yesam na-tthi sampajanamusavade lajja ti. Atha kho Bhagava tam parittam udakavasesam chaddetva ayasmantam Rahulam amantesi: Passasi no tvam Rahula tam parittam udakavasesam chadditan-ti. - Evam-bhante. -Evam chadditam kho Rahula tesam samannam yesam natthi sampajanamusavade lajja ti. Atha kho Bhagava tam udakadhanam nikujjitva ayasmantam Rahulam amantesi:

Passasi no tvam Rahula imam udakadhanam nikujjitan-ti.

-- Evam-bhante. - Evam nikujjitam kho Rahula tesam samannam yesam na-tthi sampajanamusavade lajja ti. Atha kho Bhagava tam udakadhanam ukkujjitva ayasmantam Rahulam amantesi: Passasi no tvam Rahula imam udakadhanam rittam tucchan-ti. - Evam-bhante. - Evam rittam tuccham kho Rahula tesam samannam yesam na-tthi sampajanamusavade lajja.

Seyyatha pi Rahula ranno nago isadanto ubbulhava 'bhijato sangamavacaro, so sangamagato purimehi pi padehi kammam karoti pacchimehi pi padehi kammam karoti, purimena pi kayena kammam karoti pacchimena pi kayena kammam karoti, sisena pi kammam karoti, kannehi pi kammam karoti, dantehi pi kammam karoti, nangutthena pi kammam karoti,

[page 415]

rakkhat' eva sondam; tattha hattharohassa evam hoti: Ayam kho ranno nago isadanto ubbulhava 'bhijato sangamavacaro sangamagato purimehi pi padehi kammam karoti pacchimehi pi padehi kammam karoti purimena pi kayena kammam karoti pacchimena pi kayena kammam karoti, sisena pi kammam karoti, kannehi pi kammam karoti, dantehi pi kammam karoti, nangutthena pi kammam karoti, rakkhat' eva sondam; apariccattam kho ranno nagassa jivitan-ti.

Yato kho Rahula ranno nago isadanto ubbulhava 'bhijato sangamavacaro sangamagato - pe - nangutthena pi kammam karoti, sondaya pi kammam karoti; tattha hattharohassa evam hoti: Ayam kho ranno nago isadanto ubbulhava 'bhijato sangamavacaro sangamagato - pe - nangutthena pi kammam karoti, sondaya pi kammam karoti; pariccattam kho ranno nagassa jivitam, na-tthi dani kinci ranno nagassa akaraniyan-ti. Evam-eva kho Rahula yassa kassaci sampajanamusavade na-tthi lajja nahan-tassa kinci papam akaraniyan-ti vadami. Tasmatiha te Rahula: hassa pi na musa bhanissamiti evam hi te Rahula sikkhitabbam.

Tam kim-mannasi Rahula: kimatthiyo adaso ti. -paccavekkhanattho bhante ti. - Evam-eva kho Rahula paccavekkhitva paccavekkhitva kayena kammam kattabbam, paccavekkhitva paccavekkhitva vacaya kammam kattabbam, paccavekkhitva paccavekkhitva manasa kammam kattabbam.

Yad-eva tvam Rahula kayena kammam kattukamo hosi tad-eva te kayakammam paccavekkhitabbam: Yam nu kho aham idam kayena kammam kattukamo idam-me kayakammam attabyabadhaya pi samvatteyya parabyabadhaya pi samvatteyya ubhayabyabadhaya pi samvatteyya, akusalam idam kayakammam dukkhudrayam dukkhavipakan-ti. Sace tvam Rahula paccavekkhamano evam janeyyasi: Yam kho aham idam kayena kammam kattukamo idam-me kayakammam attabyabadhaya pi samvatteyya parabyabadhaya pi samvatteyya ubhayabyabadhaya pi samvatteyya, akusalam idam kayakammam dukkhudrayam dukkhavipakan-ti, evarupan-te Rahula kayena kammam sasakkam na karaniyam.

[page 416]

Sace pana tvam Rahula paccavekkhamano evam janeyyasi:

Yam kho aham idam kayena kammam kattukamo idam-me kayakammam n' ev' attabyabadhaya samvatteyya na parabyabadhaya samvatteyya na ubhayabyabadhaya samvatteyya, kusalam idam kayakammam sukhudrayam sukhavipakan-ti, evarupan-te Rahula kayena kammam karaniyam. Karontena pi te Rahula kayena kammam tad-eva te kayakammam paccavekkhitabbam: Yam nu kho aham idam kayena kammam karomi idam-me kayakammam attabyabadhaya pi samvattati parabyabadhaya pi samvattati ubhayabyabadhaya pi samvattati, akusalam idam kayakammam dukkhudrayam dukkhavipakan-ti. Sace tvam Rahula paccavekkhamano evam janeyyasi: Yam kho aham idam kayena kammam karomi idam-me kayakammam attabyabadhaya pi samvattati parabyabadhaya pi samvattati ubhayabyabadhaya pi samvattati, akusalam idam kayakammam dukkhudrayam dukkhavipakan-ti, patisamhareyyasi tvam Rahula evarupam kayakammam. Sace pana tvam Rahula paccavekkhamano evam janeyyasi: Yam kho aham idam kayena kammam karomi idam-me kayakammam n' ev' attabyabadhaya samvattati na parabyabadhaya samvattati na ubhayabyabadhaya samvattati, kusalam idam kayakammam sukhudrayam sukhavipakan-ti, anupadajjeyyasi tvam Rahula evarupam kayakammam. Katva pi te Rahula kayena kammam tad-eva te kayakammam paccavekkhitabbam: Yam nu kho aham idam kayena kammam akasim idam-me kayakammam attabyabadhaya pi samvatti parabyabadhaya pi samvatti ubhayabyabadhaya pi samvatti, akusalam idam kayakammam dukkhudrayam dukkhavipakan-ti. Sace tvam Rahula paccavekkhamano evam janeyyasi: Yam kho aham idam kayena kammam akasim idam-me kayakammam attabyabadhaya pi samvatti parabyabadhaya pi samvatti ubhayabyabadhaya pi samvatti, akusalam idam kayakammam dukkhudrayam dukkhavipakan-ti, evarupan-te Rahula kayakammam satthari va vinnusu va sabrahmacarisu desetabbam vivaritabbam uttanikatabbam, desetva vivaritva uttanikatva ayatim samvaram apajjitabbam.

[page 417]

Sace pana tvam Rahula paccavekkhamano evam janeyyasi: Yam kho aham idam kayena kammam akasim idam-me kayakammam n' ev' attabyabadhaya samvatti na parabyabadhaya samvatti na ubhayabyabadhaya samvatti, kusalam idam kayakammam sukhudrayam sukhavipakan-ti, ten' eva tvam Rahula pitipamujjena vihareyyasi ahorattanusikkhi kusalesu dhammesu.

Yad-eva tvam Rahula vacaya kammam kattukamo hosi tad-eva te vacikammam paccavekkhitabbam: Yam nu kho aham idam vacaya kammam kattukamo idam-me vacikammam attabyabadhaya pi samvatteyya parabyabadhaya pi samvatteyya ubhayabyabadhaya pi samvatteyya, akusalam idam vacikammam dukkhudrayam dukkhavipakan-ti. Sace tvam Rahula paccavekkhamano evam janeyyasi: Yam kho aham idam vacaya kammam kattukamo idam-me vacikammam - pe - ubhayabyabadhaya pi samvatteyya, akusalam idam vacikammam dukkhudrayam dukkhavipakan-ti, evarupan-te Rahula vacaya kammam sasakkam na karaniyam. Sace pana tvam Rahula paccavekkhamano evam janeyyasi: Yam kho aham idam vacaya kammam kattukamo idam-me vacikammam n' ev' attabyabadhaya - pe - na ubhayabyabadhaya samvatteyya, kusalam idam vacikammam sukhudrayam sukhavipakan-ti, evarupan-te Rahula vacaya kammam karaniyam.

Karontena pi te Rahula vacaya kammam tad-eva te vacikammam paccavekkhitabbam: Yam nu kho aham idam vacaya kammam karomi idam-me vacikammam attabyabadhaya pi samvattati parabyabadhaya pi samvattati ubhayabyabadhaya pi samvattati, akusalam idam vacikammam dukkhudrayam dukkhavipakan-ti. Sace tvam Rahula paccavekkhamano evam janeyyasi: Yam kho aham idam vacaya kammam karomi idam-me vacikammam - pe - ubhayabyabadhaya pi samvattati, akusalam idam vacikammam dukkhudrayam dukkhavipakan-ti, patisamhareyyasi tvam Rahula evarupam vacikammam. Sace pana tvam Rahula paccavekkhamano evam janeyyasi: Yam kho aham idam vacaya kammam karomi idam-me vacikammam n' ev' attabyabadhaya --pe--

[page 418]

na ubhayabyabadhaya samvattati, kusalam idam vacikammam sukhudrayam sukhavipakan-ti, anupadajjeyyasi tvam Rahula evarupam vacikammam. Katva pi te Rahula vacaya kammam tad-eva te vacikammam paccavekkhitabbam: Yam nu kho aham idam vacaya kammam akasim idam-me vacikammam attabyabadhaya pi samvatti parabyabadhaya pi samvatti ubhayabyabadhaya pi samvatti, akusalam idam vacikammam dukkhudrayam dukkhavipakan-ti. Sace tvam Rahula paccavekkhamano evam janeyyasi: Yam kho aham idam vacaya kammam akasim idam-me vacikammam --pe-ubhayabyabadhaya pi samvatti, akusalam idam vacikammam dukkhudrayam dukkhavipakan-ti, evarupan-te Rahula vacikammam satthari va vinnusu va sabrahmacarisu desetabbam vivaritabbam uttanikatabbam, desetva vivaritva uttanikatva ayatim samvaram apajjitabbam. Sace pana tvam Rahula paccavekkhamano evam janeyyasi: Yam kho aham idam vacaya kammam akasim idam-me vacikammam n' ev' attabyabadhaya - pe - na ubhayabyabadhaya samvatti, kusalam idam vacikammam sukhudrayam sukhavipakan-ti, ten' eva tvam Rahula pitipamujjena vihareyyasi ahorattanusikkhi kusalesu dhammesu.

Yad-eva tvam Rahula manasa kammam kattukamo hosi tad-eva te manokammam paccavekkhitabbam: Yam nu kho aham idam manasa kammam kattukamo idam-me manokammam attabyabadhaya pi samvatteyya parabyabadhaya pi samvatteyya ubhayabyabadhaya pi samvatteyya, akusalam idam manokammam dukkhudrayam dukkhavipakan-ti. Sace tvam Rahula paccavekkhamano evam janeyyasi: Yam kho aham idam manasa kammam kattukamo idam-me manokammam - pe - ubhayabyabadhaya pi samvatteyya, akusalam idam manokammam dukkhudrayam dukkhavipakan-ti, evarupan-te Rahula manasa kammam sasakkam na karaniyam.

Sace pana tvam Rahula paccavekkhamano evam janeyyasi:

Yam kho aham idam manasa kammam kattukamo idam-me vacikammam n' ev' attabyabadhaya - pe - na ubhayabyabadhaya samvatteyya, kusalam idam manokammam sukhudrayam sukhavipakan-ti,

[page 419]

evarupan-te Rahula manasa kammam karaniyam. Karontena pi te Rahula manasa kammam tad-eva te manokammam paccavekkhitabbam: Yam nu kho aham idam manasa kammam karomi idam-me manokammam attabyabadhaya pi samvattati parabyabadhaya pi samvattati ubhayabyabadhaya pi samvattati, akusalam idam manokammam dukkhudrayam dukkhavipakan-ti. Sace tvam Rahula paccavekkhamano evam janeyyasi: Yam kho aham idam manasa kammam karomi idam-me manokammam --pe-ubhayabyabadhaya pi samvattati, akusalam idam manokammam dukkhudrayam dukkhavipakan-ti, patisamhareyyasi tvam Rahula evarupam manokammam. Sace pana tvam Rahula paccavekkhamano evam janeyyasi: Yam kho aham idam manasa kammam karomi idam-me manokammam n' ev' attabyabadhaya - pe - na ubhayabyabadhaya samvattati, kusalam idam manokammam sukhudrayam sukhavipakan-ti, anupadajjeyyasi tvam Rahula evarupam manokammam.

Katva pi te Rahula manasa kammam tad-eva te manokammam paccavekkhitabbam: Yam nu kho aham idam manasa kammam akasim idam-me manokammam attabyabadhaya pi samvatti parabyabadhaya pi samvatti ubhayabyabadhaya pi samvatti, akusalam idam manokammam dukkhudrayam dukkhavipakan-ti. Sace tvam Rahula paccavekkhamano evam janeyyasi: Yam kho aham idam manasa kammam akasim idam-me manokammam - pe - ubhayabyabadhaya pi samvatti, akusalam idam manokammam dukkhudrayam dukkhavipakan-ti, evarupe te Rahula manokamme attiyitabbam harayitabbam jigucchitabbam, attiyitva harayitva jigucchitva ayatim samvaram apajjitabbam. Sace pana tvam Rahula paccavekkhamano evam janeyyasi: Yam kho aham idam manasa kammam akasim idam-me manokammam n' ev' attabyabadhaya samvatti na parabyabadhaya samvatti na ubhayabyabadhaya samvatti, kusalam idam manokammam sukhudrayam sukhavipakan-ti, ten' eva tvam Rahula pitipamujjena vihareyyasi ahorattanusikkhi kusalesu dhammesu.

[page 420]

Ye hi keci Rahula atitam-addhanam samana va brahmana va kayakammam parisodhesum vacikammam parisodhesum manokammam parisodhesum, sabbe te evam-evam paccavekkhitva paccavekkhitva kayakammam parisodhesum, paccavekkhitva paccavekkhitva vacikammam parisodhesum, paccavekkhitva paccavekkhitva manokammam parisodhesum.

Ye hi pi keci Rahula anagatam-addhanam samana va brahmana va kayakammam parisodhessanti vacikammam parisodhessanti manokammam parisodhessanti, sabbe te evam-evam paccavekkhitva paccavekkhitva kayakammam parisodhessanti, paccavekkhitva paccavekkhitva vacikammam parisodhessanti, paccavekkhitva paccavekkhitva manokammam parisodhessanti.

Ye hi pi keci Rahula etarahi samana va brahmana va kayakammam parisodhenti vacikammam parisodhenti manokammam parisodhenti, sabbe te evam-evam paccavekkhitva paccavekkhitva kayakammam parisodhenti, paccavekkhitva paccavekkhitva vacikammam parisodhenti, paccavekkhitva paccavekkhitva manokammam parisodhenti. Tasmatiha Rahula:

paccavekkhitva paccavekkhitva kayakammam parisodhessama, paccavekkhitva paccavekkhitva vacikammam parisodhessama, paccavekkhitva paccavekkhitva manokammam parisodhessamati.

evam hi vo Rahula sikkhitabban-ti.

Idam-avoca Bhagava. Attamano ayasma Rahulo Bhagavato bhasitam abhinanditi.

AMBALATTHIKA-RAHULOVADASUTTANTAM PATHAMAM.

 


 

LXII. Maha-Rahul'ovada Suttantam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho Bhagava pubbanhasamayam nivasetva pattacivaram adaya Savatthim pindaya pavisi. Ayasma pi kho Rahulo pubbanhasamayam nivasetva pattacivaram adaya Bhagavantam pitthito pitthito anubandhi.

[page 421]

Atha kho Bhagava apaloketva ayasmantam Rahulam amantesi: Yam kinci Rahula rupam atitanagatapaccuppannam, ajjhattam va bahiddha va, olarikam va sukhumam va, hinam va panitam va, yam dure santike va, sabbam rupam: n' etam mama, n' eso 'ham-asmi, na {me^so} atta ti evam-etam yathabhutam sammappannaya datthabbanti. - Rupam-eva nu kho Bhagava, rupam-eva nu kho Sugatati. - Rupam-pi Rahula, vedana pi Rahula, sanna pi Rahula, sankhara pi Rahula, vinnanam-pi Rahulati.

Atha kho ayasma Rahulo: ko n' ajja Bhagavata sammukha ovadena ovadito gamam pindaya pavisissatiti tato patinivattitva annatarasmim rukkhamule nisidi pallankam abhujitva ujum kayam panidhaya parimukham satim upatthapetva. Addasa kho ayasma Sariputto ayasmantam Rahulam annatarasmim rukkhamule nisinnam pallankam abhujitva ujum kayam panidhaya parimukham satim upatthapetva, disvana ayasmantam Rahulam amantesi: Anapanasatim Rahula bhavanam bhavehi, anapanasati Rahula bhavita bahulikata mahapphala hoti mahanisamsa ti. Atha kho ayasma Rahulo sayanhasamayam patisallana vutthito yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho ayasma Rahulo Bhagavantam etad-avoca: Katham bhavita nu kho bhante anapanasati katham bahulikata mahapphala hoti mahanisamsa ti.

Yam kinci Rahula ajjhattam paccattam kakkhalam kharigatam upadinnam, seyyathidam kesa loma nakha danta taco mamsam naharu atthi atthiminja vakkam hadayam yakanam kilomakam pihakam papphasam antam antagunam udariyam karisam, yam va pan' annam-pi kinci ajjhattam paccattam kakkhalam kharigatam upadinnam, ayam vuccati Rahula ajjhattika pathavidhatu. Ya c' eva kho pana ajjhattika pathavidhatu ya ca bahira pathavidhatu pathavidhatur-ev' esa. Tam: n' etam mama, n' eso ham-asmi, na {me^so} atta ti evam-etam yathabhutam sammappannaya datthabbam.

[page 422]

Evam-etam yathabhutam sammappannaya disva pathavidhatuya nibbindati, pathavidhatuya cittam virajeti.

Katama ca Rahula apodhatu: apodhatu siya ajjhattika siya bahira. Katama ca Rahula ajjhattika apodhatu: yam ajjhattam paccattam apo apogatam upadinnam, seyyathidam pittam semham pubbo lohitam sedo medo assu vasa khelo singhanika lasika muttam, yam va pan' annam-pi kinci ajjhattam paccattam apo apogatam upadinnam, ayam vuccati Rahula ajjhattika apodhatu. Ya c' eva kho pana ajjhattika apodhatu ya ca bahira apodhatu apodhatur-ev' esa Tam:

n' etam mama, n' eso 'ham-asmi, na {me^so} atta ti evametam yathabhutam sammappannaya datthabbam. Evam-etam yathabhutam sammappannaya disva apodhatuya nibbindati, apodhatuya cittam virajeti.

Katama ca Rahula tejodhatu: tejodhatu siya ajjhattika siya bahira. Katama ca Rahula ajjhattika tejodhatu: yam ajjhattam paccattam tejo tejogatam upadinnam, seyyathidam yena ca santappati yena ca jiriyati yena ca paridayhati yena ca asitapitakhayitasayitam samma parinamam gacchati, yam va pan' annam-pi kinci ajjhattam paccattam tejo tejogatam upadinnam, ayam vuccati Rahula ajjhattika tejodhatu. Ya c' eva kho pana ajjhattika tejodhatu ya ca bahira tejodhatu tejodhatur-ev' esa. Tam: n' etam mama, n' eso 'ham-asmi, na {me^so} atta ti evam-etam yathabhutam sammappannaya datthabbam. Evam-etam yathabhutam sammappannaya disva tejodhatuya nibbindati, tejodhatuya cittam virajeti.

Katama ca Rahula vayodhatu: vayodhatu siya ajjhattika siya bahira. Katama ca Rahula ajjhattika vayodhatu: yam ajjhattam paccattam vayo vayogatam upadinnam, seyyathidam uddhangama vata, adhogama vata, kucchisaya vata, kotthasaya vata, angamanganusarino vata, assaso passaso iti, yam va pan' annam-pi kinci ajjhattam paccattam vayo vayogatam upadinnam, ayam vuccati Rahula ajjhattika vayodhatu. Ya c' eva kho pana ajjhattika vayodhatu ya ca bahira vayodhatu vayodhatur-ev' esa. Tam: n' etam mama, n' eso 'ham-asmi, na {me^so} atta ti evam-etam yathabhutam sammappannaya datthabbam.

[page 423]

Evam-etam yathabhutam sammappannaya disva vayodhatuya nibbindati, vayodhatuya cittam virajeti.

Katama ca Rahula akasadhatu: akasadhatu siya ajjhattika siya bahira. Katama ca Rahula ajjhattika akasadhatu: yam ajjhattam paccattam akasam akasagatam upadinnam, seyyathidam kannacchiddam nasacchiddam mukhadvaram, yena ca asitapitakhayitasayitam ajjhoharati, yattha ca asitapitakhayitasayitam santitthati, yena ca asitapitakhayitasayitam adhobhaga nikkhamati, yam va pan' annam-pi kinci ajjhattam paccattam akasam akasagatam upadinnam, ayam vuccati Rahula ajjhattika akasadhatu. Ya c' eva kho pana ajjhattika akasadhatu ya ca bahira akasadhatu akasadhatur-ev' esa.

Tam: n' etam mama, n' eso 'ham-asmi, na {me^so} atta ti evam-etam yathabhutam sammappannaya datthabbam. Evametam yathabhutam sammappannaya disva akasadhatuya nibbindati, akasadhatuya cittam virajeti.

Pathavisamam Rahula bhavanam bhavehi, pathavisamam hi te Rahula bhavanam bhavayato uppanna manapamanapa phassa cittam na pariyadaya thassanti. Seyyatha pi Rahula pathaviya sucim-pi nikkhipanti asucim-pi nikkhipanti guthagatam-pi nikkhipanti muttagatam-pi nikkhipanti khelagatam-pi nikkhipanti pubbagatam-pi nikkhipanti lohitagatam-pi nikkhipanti, na ca tena pathavi attiyati va harayati va jigucchati va, evam-eva kho tvam Rahula pathavisamam bhavanam bhavehi, pathavisamam hi te Rahula bhavanam bhavayato uppanna manapamanapa phassa cittam na pariyadaya thassanti.

Aposamam Rahula bhavanam bhavehi, aposamam hi te Rahula bhavanam bhavayato uppanna manapamanapa phassa cittam na pariyadaya thassanti. Seyyatha pi Rahula apasmim sucim-pi dhovanti asucim-pi dhovanti guthagatam-pi dhovanti muttagatam-pi dhovanti khelagatam-pi dhovanti pubbagatam-pi dhovanti lohitagatam-pi dhovanti, na ca tena apo attiyati va harayati va jigucchati va, evam-eva kho tvam Rahula aposamam bhavanam bhavehi --pe-thassanti.

[page 424]

Tejosamam Rahula bhavanam bhavehi, tejosamam hi te Rahula bhavanam bhavayato uppanna manapamanapa phassa cittam na pariyadaya thassanti. Seyyatha pi Rahula tejo sucim-pi dahati asucim-pi dahati guthagatam-pi dahati muttagatam-pi dahati khelagatam-pi dahati pubbagatam-pi dahati lohitagatam-pi dahati, na ca tena tejo attiyati va harayati va jigucchati va, evam-eva kho tvam Rahula tejosamam bhavanam bhavehi - pe - thassanti.

Vayosamam Rahula bhavanam bhavehi, vayosamam hi te Rahula cittam bhavayato uppanna manapamanapa phassa cittam na pariyadaya thassanti. Seyyatha pi Rahula vayo sucim-pi upavayati asucim-pi upavayati guthagatam-pi upavayati muttagatam-pi upavayati khelagatam-pi upavayati pubbagatam-pi upavayati lohitagatam-pi upavayati, na ca tena vayo attiyati va harayati va jigucchati va, evameva kho tvam Rahula vayosamam bhavanam bhavehi --pe-thassanti.

Akasasamam Rahula bhavanam bhavehi, akasasamam hi te Rahula bhavanam bhavayato uppanna manapamanapa phassa cittam na pariyadaya thassanti. Seyyatha pi Rahula akaso na katthaci patitthito, evam-eva kho tvam Rahula akasasamam bhavanam bhavehi, akasasamam hi te Rahula bhavanam bhavayato uppanna manapamanapa phassa cittam na pariyadaya thassanti.

Mettam Rahula bhavanam bhavehi, mettam hi te Rahula bhavanam bhavayato yo byapado so pahiyissati. Karunam Rahula bhavanam bhavehi, karunam hi te Rahula bhavanam bhavayato ya vihesa sa pahiyissati. Muditam Rahula bhavanam bhavehi, muditam hi te Rahula bhavanam bhavayato ya arati sa pahiyissati. Upekkham Rahula bhavanam bhavehi upekkham hi te Rahula bhavanam bhavayato yo patigho so pahiyissati. Asubham Rahula bhavanam bhavehi, asubham hi te Rahula bhavanam bhavayato yo rago so pahiyissati. Aniccasannam Rahula bhavanam bhavehi, aniccasannam hi te Rahula bhavanam bhavayato yo asmimano so pahiyissati.

[page 425]

Anapanasatim Rahula bhavanam bhavehi, anapanasati Rahula bhavita bahulikata mahapphala hoti mahanisamsa.

Katham bhavita ca Rahula anapanasati katham bahulikata mahapphala hoti mahanisamsa: Idha Rahula bhikkhu arannagato va rukkhamulagato va sunnagaragato va nisidati pallankam abhujitva ujum kayam panidhaya parimukham satim upatthapetva. So sato va assasati, sato passasati.

Digham va assasanto: digham assasamiti pajanati, digham va passasanto: digham passasamiti pajanati; rassam va assasanto: rassam assasamiti pajanati, rassam va passasanto:

rassam passasamiti pajanati. Sabbakayapatisamvedi assasissamiti sikkhati, sabbakayapatisamvedi passasissamiti sikkhati. Passambhayam kayasankharam assasissamiti sikkhati, passambhayam kayasankharam passasissamiti sikkhati. Pitipatisamvedi assasissamiti sikkhati, pitipatisamvedi passasissamiti sikkhati. Sukhapatisamvedi assasissamiti sikkhati, sukhapatisamvedi passasissamiti sikkhati. Cittasankharapatisamvedi assasissamiti sikkhati, cittasankharapatisamvedi passasissamiti sikkhati. Passambhayam cittasankharam assasissamiti sikkhati, passambhayam cittasankharam passasissamiti sikkhati. Cittapatisamvedi assasissamiti sikkhati, cittapatisamvedi passasissamiti sikkhati. Abhippamodayam cittam assasissamiti sikkhati, abhippamodayam cittam passasissamiti sikkhati. Samadaham cittam assasissamiti sikkhati, samadaham cittam passasissamiti sikkhati. Vimocayam cittam assasissamiti sikkhati, vimocayam cittam passasissamiti sikkhati. Aniccanupassi assasissamiti sikkhati, aniccanupassi passasissamiti sikkhati. Viraganupassi assasissamiti sikkhati, viraganupassi passasissamiti sikkhati. Nirodhanupassi assasissamiti sikkhati, nirodhanupassi passasissamiti sikkhati. Patinissagganupassi assasissamiti sikkhati, patinissagganupassi passasissamiti sikkhati. Evam bhavita kho Rahula anapanasati evam bahulikata mahapphala hoti mahanisamsa. Evam bhavitaya kho Rahula anapanasatiya evam bahulikataya ye pi te carimaka assasapassasa te pi vidita va nirujjhanti no avidita ti.

[page 426]

Idam-avoca Bhagava. Attamano ayasma Rahulo Bhagavato bhasitam abhinanditi.

MAHA-RAHULOVADASUTTANTAM DUTIYAM.

 


 

LXIII. Cula Malunkya Suttantam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho ayasmato Malunkyaputtassa rahogatassa patisallinassa evam cetaso parivitakko udapadi: Yan' imani ditthigatani Bhagavata abyakatani thapitani patikkhittani: Sassato loko iti pi, asassato loko iti pi, antava loko iti pi, anantava loko iti pi, tam jivam tam sariram iti pi, annam jivam annam sariram iti pi, hoti tathagato param-marana iti pi, na hoti tathagato param-marana iti pi, hoti ca na ca hoti tathagato param-marana iti pi, n' eva hoti na na ho tathagato param-marana iti pi, tani me Bhagava na byakaroti; yani me Bhagava na byakaroti tam-me na ruccati, tam-me na khamati, so 'ham Bhagavantam upasankamitva etam-attham pucchissami. Sace me Bhagava byakarissati: Sassato loko ti va, asassato loko ti va, antava loko ti va, anantava loko ti va, tam jivam tam sariran-ti va, annam jivam annam sariran-ti va, hoti tathagato param-marana ti va, na hoti tathagato param-marana ti va, hoti ca na ca hoti tathagato param-marana ti va, n' eva hoti na na hoti tathagato param-marana ti va, evaham Bhagavati brahmacariyam carissami. No ce me Bhagava byakarissati: Sassato loko ti va, asassato loko ti va - pe - n' eva hoti na na hoti tathagato param-marana ti va, evaham sikkham paccakkhaya hinay' avattissamiti.

[page 427]

Atha kho ayasma Malunkyaputto sayanhasamayam patisallana vutthito yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho ayasma Malunkyaputto Bhagavantam etadavoca: Idha mayham bhante rahogatassa patisallinassa evam cetaso parivitakko udapadi: Yan' imani ditthigatani Bhagavata abyakatani thapitani patikkhittani: Sassato loko iti pi, asassato loko iti pi - pe - n' eva hoti na na hoti tathagato param-marana iti pi, tani me Bhagava na byakaroti; yani me Bhagava na byakaroti tam-me na ruccati, tam-me na khamati, so 'ham Bhagavantam upasankamitva etam-attham pucchissami; sace me Bhagava byakarissati: Sassato loko ti va, asassato loko ti va - pe - n' eva hoti na na hoti tathagato param-marana ti va, evaham Bhagavati brahmacariyam carissami; no ce me Bhagava byakarissati: Sassato loko ti va, asassato loko ti va - pe - n' eva hoti na na hoti tathagato param-marana ti va, evaham sikkham paccakkhaya hinay' avattissamiti. Sace Bhagava janati: sassato loko ti, sassato loko ti me Bhagava byakarotu; sace Bhagava janati: asassato loko ti, asassato loko ti me Bhagava byakarotu. No ce Bhagava janati: sassato loko ti va asassato loko ti va, ajanato kho pana apassato etad-eva ujukam hoti yadidam: na janami na passamiti. Sace Bhagava janati:

antava loko ti, antava loko ti me Bhagava byakarotu; sace Bhagava janati: anantava loko ti, anantava loko ti me Bhagava byakarotu. No ca Bhagava janati: antava loko ti va anantava loko ti va, ajanato kho pana apassato etad-eva ujukam hoti yadidam: na janami na passamiti. Sace Bhagava janati: tam jivam tam sariran-ti, tam jivam tam sariran-ti me Bhagava byakarotu; sace Bhagava janati: annam jivam annam sariran-ti, annam jivam annam sariran-ti me Bhagava byakarotu. No ce Bhagava janati: tam jivam tam sariran-ti va annam jivam annam sariran-ti va, ajanato kho pana apassato etad-eva ujukam hoti yadidam: na janami na passamiti. Sace Bhagava janati: hoti tathagato param-marana ti, hoti tathagato param-marana ti me Bhagava byakarotu;

[page 428]

sace Bhagava janati: na hoti tathagato param-marana ti, na hoti tathagato param-marana ti me Bhagava byakarotu. No ce Bhagava janati: hoti tathagato param-marana ti va na hoti tathagato param-marana ti va. ajanato kho pana apassato etad-eva ujukam hoti yadidam: na janami na passamiti. Sace Bhagava janati:

hoti ca na ca hoti tathagato param-marana ti, hoti ca na ca hoti tathagato param-marana ti me Bhagava byakarotu; sace Bhagava janati: n' eva hoti na na hoti tathagato param-marana ti, n' eva hoti na na hoti tathagato parammarana ti me Bhagava byakarotu. No ce Bhagava janati:

hoti ca na ca hoti tathagato param-marana ti va n' eva hoti na na hoti tathagato param-marana ti va, ajanato kho pana apassato etad-eva ujukam hoti yadidam: na janami na passamiti.

Kin-nu taham Malunkyaputta evam avacam: ehi tvam Malunkyaputta mayi brahmacariyam cara, aham te byakarissami: sassato loko ti va asassato loko ti va - pe - n' eva hoti na na hoti tathagato param-marana ti va ti. - No h' etam bhante. - Tvam va pana mam evam avaca: aham bhante Bhagavati brahmacariyam carissami, Bhagava me byakarissati: sassato loko ti va asassato loko ti va --pe-n' eva hoti na na hoti tathagato param-marana ti va ti. -No h' etam bhante. - Iti kira Malunkyaputta n' evahantam vadami: ehi tvam Malunkyaputta mayi brahmacariyam cara, aham te byakarissami: sassato loko ti va asassato loko ti va - pe - n' eva hoti na na hoti tathagato parammarana ti va ti; na pi kira mam tvam vadesi: aham bhante Bhagavati brahmacariyam carissami, Bhagava me byakarissati: sassato loko ti va asassato loko ti va - pe - n' eva hoti na na hoti tathagato param-marana ti va ti. Evam sante moghapurisa ko santo kam paccacikkhasi.

Yo kho Malunkyaputta evam vadeyya: Na tavaham Bhagavati brahmacariyam carissami yava me Bhagava na byakarissati: sassato loko ti va asassato loko ti va --pe-n' eva hoti na na hoti tathagato param-marana ti va ti; abyakatam-eva tam Malunkyaputta Tathagatena assa atha so puggalo kalam kareyya.

[page 429]

Seyyatha pi Malunkyaputta puriso sallena viddho assa savisena galhapalepanena, tassa mittamacca natisalohita bhisakkam sallakattam upatthapeyyum. So evam vadeyya: na tavaham imam sallam aharissami yava na tam purisam {janami} yen' amhi {viddho}:

khattiyo va brahmano va vesso va suddo va ti. So evam vadeyya: na tavaham imam sallam aharissami yava na tam purisam janami yen' amhi viddho: evamnamo evamgotto iti va ti. So evam vadeyya: na tavaham imam sallam aharissami yava na tam purisam janami yen' amhi viddho:

digho va rasso va majjhimo va ti. So evam vadeyya: na tavaham imam sallam aharissami yava na tam purisam janami yen' amhi viddho: kalo va samo va manguracchavi va ti. So evam vadeyya: na tavaham imam sallam aharissami yava na tam purisam janami yen' amhi viddho:

asukasmim game va nigame va nagare va ti. So evam vadeyya: na tavaham imam sallam aharissami yava na tam dhanum janami yen' amhi viddho yadi va capo yadi va kodando ti. So evam vadeyya: na tavaham imam sallam aharissami yava na tam jiyam janami yay' amhi viddho yadi va akkassa yadi va santhassa yadi va naharussa yadi va maruvaya yadi va khirapannino ti. So evam vadeyya: na tavaham imam sallam aharissami yava na tam kandam janami yen' amhi viddho yadi va kaccham yadi va ropimanti. So evam vadeyya: na tavaham imam sallam aharissami yava na tam kandam janami yen' amhi viddho yassa pattehi vajitam, yadi va gijjhassa yadi va kankassa yadi va kulalassa yadi va morassa yadi va sithilahanuno ti. So evam vadeyya: na tavaham imam sallam aharissami yava na tam kandam janami yen' amhi viddho yassa naharuna parikkhittam, yadi va gavassa yadi va mahisassa yadi va roruvassa yadi va semharassati. So evam vadeyya: na tavaham imam sallam aharissami yava na tam sallam janami yen' amhi viddho yadi va sallam yadi va khurappam yadi va vekandam yadi va naracam yadi va vacchadantam yadi va karavirapattan-ti.

[page 430]

Annatam-eva tam Malunkyaputta tena purisena assa atha so puriso kalam kareyya. Evam-eva kho Malunkyaputta yo evam vadeyya: Na tavaham Bhagavati brahmacariyam carissami yava me Bhagava na byakarissati: sassato loko ti va asassato loko ti va - pe - n' eva hoti na na hoti tathagato param-marana ti va ti, abyakatam-eva tam Malunkyaputta Tathagatena assa atha so puggalo kalam kareyya.

Sassato loko ti Malunkyaputta ditthiya sati brahmacariyavaso abhavissati evam no. Asassato loko ti Malunkyaputta ditthiya sati brahmacariyavaso abhavissati evam-pi no. Sassato loko ti Malunkyaputta ditthiya sati asassato loko ti va ditthiya sati atth' eva jati atthi jara atthi maranam santi sokaparidevadukkhadomanassupayasa yesaham ditthe va dhamme nighatam pannapemi. Antava loko ti Malunkyaputta ditthiya sati brahmacariyavaso abhavissati evam no.

Anantava loko ti Malunkyaputta ditthiya sati brahmacariyavaso abhavissati evam-pi no. Antava loko ti Malunkyaputta ditthiya sati anantava loko ti va ditthiya sati atth' eva jati atthi jara atthi maranam santi sokaparidevadukkhadomanassupayasa yesaham ditthe va dhamme nighatam pannapemi. Tam jivam tam sariran-ti Malunkyaputta ditthiya sati brahmacariyavaso abhavissati evam no. Annam jivam annam sariran-ti Malunkyaputta ditthiya sati brahmacariyavaso abhavissati evam-pi no. Tam jivam tam sariran-ti Malunkyaputta ditthiya sati annam jivam annam sariran-ti va ditthiya sati atth' eva jati atthi jara atthimaranam santi sokaparidevadukkhadomanassupayasa yesaham ditthe va dhamme nighatam pannapemi. Hoti tathagato param-marana ti Malunkyaputta ditthiya sati brahmacariyavaso abhavissati evam no. Na hoti tathagato parammarana ti Malunkyaputta ditthiya sati brahmacariyavaso abhavissati evam-pi no. Hoti tathagato param-marana ti Malunkyaputta ditthiya sati na hoti tathagato param-marana ti va ditthiya sati atth' eva jati atthi jara atthi maranam santi sokaparidevadukkhadomanassupayasa yesaham ditthe va dhamme nighatam pannapemi.

[page 431]

Hoti ca na ca hoti tathagato param-marana ti Malunkyaputta ditthiya sati brahmacariyavaso abhavissati evam no. N' eva hoti na na hoti tathagato param-marana ti Malunkyaputta ditthiya sati brahmacariyavaso abhavissati evam-pi no. Hoti ca na ca hoti tathagato param-marana ti Malunkyaputta ditthiya sati n' eva hoti na na hoti tathagato param-marana ti va ditthiya sati atth' eva jati atthi jara atthi maranam santi sokaparidevadukkhadomanassupayasa yesaham ditthe va dhamme nighatam pannapemi.

Tasmatiha Malunkyaputta abyakatan-ca me abyakatato dharetha, byakatan-ca me byakatato dharetha. Kin-ca Malunkyaputta maya abyakatam: Sassato loko ti Malunkyaputta maya abyakatam, asassato loko ti maya abyakatam, antava loko ti maya abyakatam, anantava loko ti maya abyakatam, tam jivam tam sariran-ti maya abyakatam, annam jivam annam sariran-ti maya abyakatam, hoti tathagato param-marana ti maya abyakatam, na hoti tathagato param-marana ti maya abyakatam, hoti ca na ca hoti tathagato param-marana ti maya abyakatam, n' eva hoti na na hoti tathagato param-marana ti maya abyakatam. Kasma c' etam Malunkyaputta maya abyakatam:

Na h' etam Malunkyaputta atthasamhitam n' adibrahmacariyikam, na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati, tasma tam maya abyakatam. Kin-ca Malunkyaputta maya byakatam: Idam dukkhan-ti Malunkyaputta maya byakatam, ayam dukkhasamudayo ti maya byakatam, ayam dukkhanirodho ti maya byakatam, ayam dukkhanirodhagamini patipada ti maya byakatam. Kasma c' etam Malunkyaputta maya byakatam: Etam hi Malunkyaputta atthasamhitam, etam adibrahmacariyikam, etam nibbidaya viragaya nirodhaya upasamaya abhinnaya sambodhaya nibbanaya samvattati, tasma tam maya byakatam. Tasmatiha Malunkyaputta abyakatan-ca me abyakatato dharetha,

[page 432]

byakatan-ca me byakatato dharethati.

Idam-avoca Bhagava. Attamano ayasma Malunkyaputto Bhagavato bhasitam abhinanditi.

CULA-MALUNKYASUTTANTAM TATIYAM.

 


 

LXIV. Maha Malunkya Suttantam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca:

Dharetha no tumhe bhikkhave maya desitani panc' orambhagiyani samyojananiti. Evam vutte ayasma Malunkyaputto Bhagavantam etad-avoca: Aham kho bhante dharemi Bhagavata desitani panc' orambhagiyani samyojananiti. -Yathakatham pana tvam Malunkyaputta dharesi maya desitani panc' orambhagiyani samyojananiti. - Sakkayaditthim kho aham bhante Bhagavata orambhagiyam samyojanam desitam dharemi. Vicikiccham kho aham bhante Bhagavata orambhagiyam samyojanam desitam dharemi. Silabbataparamasam kho aham bhante Bhagavata orambhagiyam samyojanam desitam dharemi. Kamacchandam kho aham bhante Bhagavata orambhagiyam samyojanam desitam dharemi. Byapadam kho aham bhante Bhagavata orambhagiyam samyojanam desitam dharemi. Evam kho aham bhante dharemi Bhagavata desitani panc' orambhagiyani samyojananiti.

Kassa kho nama tvam Malunkyaputta maya evam panc' orambhagiyani samyojanani desitani dharesi. Nanu Malunkyaputta annatitthiya paribbajaka imina tarunupamena uparambhena {uparambhissanti}: Daharassa hi Malunkyaputta kumarassa mandassa uttanaseyyakassa sakkayo ti pi na hoti, kuto pan' assa uppajjissati sakkayaditthi;

[page 433]

anuseti tv-ev' assa sakkayaditthanusayo. Daharassa hi Malunkyaputta kumarassa mandassa uttanaseyyakassa dhamma ti pi na hoti, kuto. pan' assa uppajjissati dhammesu vicikiccha; anuseti tv-ev' assa vicikicchanusayo. Daharassa hi Malunkyaputta kumarassa mandassa uttanaseyyakassa sila ti pi na hoti, kuto pan' assa uppajjissati silesu silabbataparamaso; anuseti tv-ev' assa silabbataparamasanusayo. Daharassa hi Malunkyaputta kumarassa mandassa uttanaseyyakassa kama ti pi na hoti, kuto pan' assa uppajjissati kamesu kamacchando; anuseti tv-ev' assa kamaraganusayo. Daharassa hi Malunkyaputta kumarassa mandassa uttanaseyyakassa satta ti pi na hoti, kuto pan' assa uppajjissati sattesu byapado; anuseti tvev' assa byapadanusayo. Nanu Malunkyaputta annatitthiya paribbajaka imina tarunupamena uparambhena uparambhissantiti. Evam vutte ayasma Anando Bhagavantam etad-avoca: Etassa Bhagava kalo, etassa Sugata kalo, yam Bhagava panc' orambhagiyani samyojanani deseyya, Bhagavato sutva bhikkhu dharessantiti. - Tena h' Ananda sunohi sadhukam manasikarohi, bhasissamiti. Evam bhante ti kho ayasma Anando Bhagavato paccassosi. Bhagava etad-avoca:

Idh' Ananda assutava puthujjano ariyanam adassavi ariyadhammassa akovido ariyadhamme avinito, sappurisanam adassavi sappurisadhammassa akovido sappurisadhamme avinito, sakkayaditthipariyutthitena cetasa viharati sakkayaditthiparetena, uppannaya ca sakkayaditthiya nissaranam yathabhutam na-ppajanati; tassa sa sakkayaditthi thamagata appativinita orambhagiyam samyojanam. Vicikicchapariyutthitena cetasa viharati vicikicchaparetena, uppannaya ca vicikicchaya nissaranam yathabhutam na-ppajanati; tassa sa vicikiccha thamagata appativinita orambhagiyam samyojanam. Silabbataparamasapariyutthitena cetasa viharati silabbataparamasaparetena, uppannassa ca silabbataparamasassa nissaranam yathabhutam na-ppajanati; tassa so silabbataparamaso thamagato appativinito orambhagiyam samyojanam. Kamaragapariyutthitena cetasa viharati kamaragaparetena,

[page 434]

uppannassa ca kamaragassa nissaranam yathabhutam na-ppajanati; tassa so kamarago thamagato appativinito orambhagiyam samyojanam. Byapadapariyutthitena cetasa viharati byapadaparetena, uppannassa ca byapadassa nissaranam yathabhutam na-ppajanati; tassa so byapado thamagato appativinito orambhagiyam samyojanam. Sutava ca kho Ananda ariyasavako ariyanam dassavi ariyadhammassa kovido ariyadhamme suvinito, sappurisanam dassavi sappurisadhammassa kovido sappurisadhamme suvinito, na sakkayaditthipariyutthitena cetasa viharati na sakkayaditthiparetena, uppannaya ca sakkayaditthiya nissaranam yathabhutam pajanati; tassa sa sakkayaditthi sanusaya pahiyati. Na vicikicchapariyutthitena cetasa viharati na vicikicchaparetena, uppannaya ca vicikicchaya nissaranam yathabhutam pajanati; tassa sa vicikiccha sanusaya pahiyati. Na silabbataparamasapariyutthitena cetasa viharati na silabbataparamasaparetena, uppannassa ca silabbataparamasassa nissaranam yathabhutam pajanati; tassa so silabbataparamaso {sanusayo} pahiyati. Na kamaragapariyutthitena cetasa viharati na kamaragaparetena, uppannassa ca kamaragassa nissaranam yathabhutam pajanati; tassa so kamarago sanusayo pahiyati. Na byapadapariyutthitena cetasa viharati na byapadaparetena, uppannassa ca byapadassa nissaranam yathabhutam pajanati; tassa so byapado sanusayo pahiyati.

Yo Ananda maggo ya patipada pancannam orambhagiyanam samyojananam pahanaya tam maggam tam patipadam anagamma panc' orambhagiyani samyojanani nassati va dakkhiti va pajahissati va ti n' etam thanam vijjati. Seyyatha pi Ananda mahato rukkhassa titthato saravato tacam acchetva pheggum acchetva saracchedo bhavissatiti n' etam thanam vijjati, evam-eva kho Ananda yo maggo ya patipada pancannam orambhagiyanam samyojananam pahanaya tam maggam tam patipadam anagamma panc' orambhagiyani samyojanani nassati va dakkhiti va pajahissati va ti n' etam thanam vijjati. Yo ca kho Ananda maggo ya patipada pancannam orambhagiyanam samyojananam pahanaya tam maggam tam patipadam agamma panc' orambhagiyani samyojanani nassati va dakkhiti va pajahissati va ti thanametam vijjati.

[page 435]

Seyyatha pi Ananda mahato rukkhassa titthato saravato tacam chetva pheggum chetva saracchedo bhavissatiti thanam-etam vijjati, evam-eva kho Ananda yo maggo ya patipada pancannam orambhagiyanam samyojananam pahanaya tam maggam tam patipadam agamma panc' orambhagiyani samyojanani nassati va dakkhiti va pajahissati va ti thanam-etam vijjati. Seyyatha pi Ananda Ganga nadi pura udakassa samatittika kakapeyya, atha dubbalako puriso agaccheyya: aham imissa Gangaya nadiya tiriyam bahaya sotam chetva sotthina param gacchamiti, so na sakkuneyya Gangaya nadiya tiriyam bahaya sotam chetva sotthina param gantum, evam-eva kho Ananda yassa kassaci sakkayanirodhaya dhamme desiyamane cittam na pakkhandati na-ppasidati na santitthati na vimuccati seyyatha pi so dubbalako puriso evam-ete datthabba. Seyyatha pi Ananda Ganga nadi pura udakassa samatittika kakapeyya, atha balava puriso agaccheyya: aham imissa Gangaya nadiya tiriyam bahaya sotam chetva sotthina param gacchamiti, so sakkuneyya Gangaya nadiya tiriyam bahaya sotam chetva sotthina param gantum, evam-eva kho Ananda yassa kassaci sakkayanirodhaya dhamme desiyamane cittam pakkhandati pasidati santitthati vimuccati seyyatha pi so balava puriso evam-ete datthabba.

Katamo c' Ananda maggo katama patipada pancannam orambhagiyanam samyojananam pahanaya: Idh' Ananda bhikkhu upadhiviveka akusalanam dhammanam pahana sabbaso kayadutthullanam patippassaddhiya vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. So yad-eva tattha hoti rupagatam vedanagatam sannagatam sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati. So tehi dhammehi cittam pativapeti, so tehi dhammehi cittam pativapetva amataya dhatuya cittam upasamharati:

[page 436]

etam santam etam panitam yadidam sabbasankharasamatho sabbupadhipatinissaggo tanhakkhayo virago nirodho nibbanan-ti. So tatha-tthito asavanam khayam papunati; no ce asavanam khayam papunati ten' eva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka. Ayam-pi kho Ananda maggo ayam patipada pancannam orambhagiyanam samyojananam pahanaya.

Puna ca param Ananda bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam - tatiyam jhanam - catuttham jhanam upasampajja viharati.

So yad-eva tattha hoti rupagatam vedanagatam sannagatam sankharagatam vinnanagatam - pe - anavattidhammo tasma loka. Ayam-pi kho Ananda maggo ayam patipada pancannam orambhagiyanam samyojananam pahanaya.

Puna ca param Ananda bhikkhu sabbaso rupasannanam samatikkama patighasannanam atthagama nanattasannanam amanasikara ananto akaso ti akasanancayatanam upasampajja viharati. So yad-eva tattha hoti vedanagatam sannagatam sankharagatam vinnanagatam - pe - anavattidhammo tasma loka. Ayam-pi kho Ananda maggo ayam patipada pancannam orambhagiyanam samyojananam pahanaya.

Puna ca param Ananda bhikkhu sabbaso akasanancayatanam samatikkamma anantam vinnanan-ti vinnanancayatanam upasampajja viharati - pe - sabbaso vinnanancayatanam samatikkamma na-tthi kinciti akincannayatanam upasampajja viharati. So yad-eva tattha hoti vedanagatam sannagatam sankharagatam vinnanagatam te dhamme aniccato dukkhato rogato gandato sallato aghato abadhato parato palokato sunnato anattato samanupassati. So tehi dhammehi cittam pativapeti, so tehi dhammehi cittam pativapetva amataya dhatuya cittam upasamharati: etam santam etam panitam yadidam sabbasankharasamatho sabbupadhipatinissaggo tanhakkhayo virago nirodho nibbanan-ti. So tattha-tthito asavanam khayam papunati;

[page 437]

no ce asavanam khayam papunati ten' eva dhammaragena taya dhammanandiya pancannam orambhagiyanam samyojananam parikkhaya opapatiko hoti tatthaparinibbayi anavattidhammo tasma loka. Ayam kho Ananda maggo ayam patipada pancannam orambhagiyanam samyojananam pahanayati.

Eso ce bhante maggo esa patipada pancannam orambhagiyanam samyojananam pahanaya, atha kin-carahi idh' ekacce bhikkhu cetovimuttino ekacce pannavimuttino ti. -Ettha kho tesaham Ananda indriyavemattatam vadamiti.

Idam-avoca Bhagava. Attamano ayasma Anando Bhagavato bhasitam abhinanditi.

MAHA-MALUNKYASUTTANTAM CATUTTHAM.

 


 

LXV. Bhaddali Suttantam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Tatra kho Bhagava bhikkhu amantesi: Bhikkhavo ti. Bhadante ti te bhikkhu Bhagavato paccassosum. Bhagava etad-avoca: Aham kho bhikkhave ekasanabhojanam bhunjami; ekasanabhojanam kho aham bhikkhave bhunjamano appabadhatan-ca sanjanami appatankatan-ca lahutthanan-ca balan-ca phasuviharan-ca.

Etha tumhe pi bhikkhave ekasanabhojanam bhunjatha; ekasanabhojanam kho bhikkhave tumhe pi bhunjamana appabadhatan-ca sanjanissatha appatankatan-ca lahutthanan-ca balan-ca phasuviharan-cati. Evam vutte ayasma Bhaddali Bhagavantam etad-avoca: Aham kho bhante na ussahami ekasanabhojanam bhunjitum; ekasanabhojanam hi me bhante bhunjato siya kukkuccam siya vippatisaro ti. -Tena hi tvam Bhaddali yattha nimantito assasi tattha ekadesam bhunjitva ekadesam niharitva pi bhunjeyyasi; evam-pi kho tvam Bhaddali bhunjamano yapessasiti.

[page 438]

- Evam-pi kho aham bhante na ussahami bhunjitum; evam-pi hi me bhante bhunjato siya kukkuccam siya vippatisaro ti. Atha kho ayasma Bhaddali Bhagavata sikkhapade pannapiyamane bhikkhusanghe sikkham samadiyamane anussaham pavedesi.

Atha kho ayasma Bhaddali sabban-tam temasam na Bhagavato sammukhibhavam adasi yatha tam satthusasane sikkhaya aparipurakari.

Tena kho pana samayena sambahula bhikkhu Bhagavato civarakammam karonti: nitthitacivaro Bhagava temasaccayena carikam pakkamissatiti. Atha kho ayasma Bhaddali yena te bhikkhu ten' upasankami, upasankamitva tehi bhikkhuhi saddhim sammodi, sammodaniyam katham saraniyam vitisaretva ekamantam nisidi. Ekamantam nisinnam kho ayasmantam Bhaddalim te bhikkhu etad-avocam: Idam kho avuso Bhaddali Bhagavato civarakammam kariyati: nitthitacivaro Bhagava temasaccayena carikam pakkamissatiti.

Ingh' avuso Bhaddali etam desakam sadhukam manasikarohi, ma te paccha dukkarataram ahositi. Evam-avuso ti kho ayasma Bhaddali tesam bhikkhunam patissutva yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho ayasma Bhaddali Bhagavantam etad-avoca: Accayo mam bhante accagama yatha balam yatha mulham yatha akusalam, yo 'ham Bhagavata sikkhapade pannapiyamane bhikkhusanghe sikkham samadiyamane anussaham pavedesim. Tassa me bhante Bhagava accayam accayato patiganhatu ayatim samvarayati. - Taggha tvam Bhaddali accayo accagama yatha balam yatha mulham yatha akusalam, yam tvam maya sikkhapade pannapiyamane bhikkhusanghe sikkham samadiyamane anussaham pavedesi.

Samayo pi kho te Bhaddali appatividdho ahosi: Bhagava kho Savatthiyam viharati, Bhagava pi mam janissati:

Bhaddali nama bhikkhu satthusasane sikkhaya aparipurakari ti. Ayam-pi kho te Bhaddali samayo appatividdho ahosi.

Samayo pi kho te Bhaddali appatividdho ahosi: sambahula kho bhikkhu Savatthiyam vassam upagata,

[page 439]

te pi mam janissanti: Bhaddali nama bhikkhu satthusasane-sikkhaya aparipurakari ti. Ayam-pi kho te Bhaddali samayo appatividdho ahosi. Samayo pi kho te Bhaddali appatividdho ahosi: sambahula kho bhikkhuniyo Savatthiyam vassam upagata, ta pi mam janissati - pe - sambahula kho upasaka Savatthiyam pativasanti, te pi mam janissanti - sambahula kho upasika Savatthiyam pativasanti, ta pi mam janissanti:

Bhaddali nama bhikkhu satthusasane sikkhaya aparipurakari ti. Ayam-pi kho te Bhaddali samayo appatividdho ahosi.

Samayo pi kho te Bhaddali appatividdho ahosi: sambahula kho nanatitthiya samanabrahmana Savatthiyam vassam upagata, te pi mam janissanti: Bhaddali nama bhikkhu samanassa Gotamassa savako therannataro satthu sasane sikkhaya aparipurakari ti. Ayam-pi kho te Bhaddali samayo appatividdho ahositi. - Accayo mam bhante Accagama yatha balam yatha mulham yatha akusalam, yo 'ham Bhagavata sikkhapade pannapiyamane bhikkhusanghe sikkham samadiyamane anussaham pavedesim. Tassa me bhante Bhagava accayam accayato patiganhatu ayatim samvarayati. -Taggha tvam Bhaddali accayo accagama yatha balam yatha mulham yatha akusalam, yam tvam maya sikkhapade pannapiyamane bhikkhusanghe sikkham samadiyamane anussaham pavedesi.

Tam kim-mannasi Bhaddali: idh' assa bhikkhu ubhatobhagavimutto, tam-aham evam vadeyyam: Ehi me tvam bhikkhu panke sankamo hohiti. Api nu so sankameyya va, annena va kayam sannameyya, no ti va vadeyyati. -No h' etam bhante. - Tam kim-mannasi Bhaddali:

idh' assa bhikkhu pannavimutto - kayasakkhi - ditthippatto - saddhavimutto - dhammanusari - saddhanusaritam-aham evam vadeyyam: Ehi me tvam bhikkhu panke sankamo hohiti. Api nu so sankameyya va, annena va kayam sannameyya, no ti va vadeyyati. - No h' etam bhante. - Tam kim-mannasi Bhaddali: api nu tvam Bhaddali tasmim samaye ubhatobhagavimutto va hosi pannavimutto va kayasakkhi va ditthippatto va saddhavimutto va dhammanusari va saddhanusari va ti.

[page 440]

- No h' etam bhante.

-- Nanu tvam Bhaddali tasmim samaye ritto tuccho aparaddho ti. - Evam bhante. Accayo mam bhante accagama yatha balam yatha mulham yatha akusalam, yo 'ham Bhagavata sikkhapade pannapiyamane bhikkhusanghe sikkham samadiyamane anussaham pavedesim. Tassa me bhante Bhagava accayam accayato patiganhatu ayatim samvarayati.

-- Taggha tvam Bhaddali accayo accagama yatha balam yatha mulham yatha akusalam, yam tvam maya sikkhapade pannapiyamane bhikkhusanghe sikkham samadiyamane anussaham pavedesi. Yato ca kho tvam Bhaddali accayam accayato disva yathadhammam patikarosi, tam te mayam patiganhama. Vuddhi h' esa Bhaddali ariyassa vinaye yo accayam accayato disva yathadhammam patikaroti ayatim samvaram apajjati.

Idha Bhaddali ekacco bhikkhu satthusasane aparipurakari hoti; tassa evam hoti: yan-nunaham vivittam senasanam bhajeyyam, arannam rukkhamulam pabbatam kandaram giriguham susanam vanapattham abbhokasam palalapunjam app-eva namaham uttarim manussadhamma alamariyananadassanavisesam sacchikareyyan-ti. So vivittam senasanam bhajati, arannam rukkhamulam pabbatam kandaram giriguham susanam vanapattham abbhokasam palalapunjam. Tassa tatha vupakatthassa viharato sattha pi upavadati, anuvicca vinnu sabrahmacari upavadanti, devata pi upavadanti, atta pi attanam upavadati. So satthara pi upavadito anuvicca vinnuhi sabrahmacarihi upavadito devatahi pi upavadito attana pi attanam upavadito na uttarim manussadhamma alamariyananadassanavisesam sacchikaroti; tam kissa hetu:

Evam h' etam Bhaddali hoti yatha tam satthusasane sikkhaya aparipurakarissa.

Idha pana Bhaddali ekacco bhikkhu satthusasane sikkhaya paripurakari hoti; tassa evam hoti: yan-nunaham vivittam senasanam bhajeyyam, arannam rukkhamulam pabbatam kandaram giriguham susanam vanapattham abbhokasam palalapunjam,

[page 441]

app-eva namaham uttarim manussadhamma alamariyananadassanavisesam sacchikareyyan-ti. So vivittam senasanam bhajati, arannam rukkhamulam pabbatam kandaram giriguham susanam vanapattham abbhokasam palalapunjam. Tassa tatha vupakatthassa viharato sattha pi na upavadati, anuvicca vinnu sabrahmacari na upavadanti, devata pi na upavadanti, atta pi attanam na upavadati. So satthara pi anupavadito anuvicca vinnuhi sabrahmacarihi anupavadito devatahi pi anupavadito attana pi attanam anupavadito uttarim manussadhamma alamariyananadassanavisesam sacchikaroti. So vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati; tam kissa hetu: Evam h' etam Bhaddali hoti yatha tam satthusasane sikkhaya paripurakarissa. Puna ca param Bhaddali bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati; tam kissa hetu: Evam h' etam Bhaddali hoti yatha tam satthusasane sikkhaya paripurakarissa.

Puna ca param Bhaddali bhikkhu pitiya ca viraga upekhako ca viharati sato ca sampajano sukhan-ca kayena patisamvedeti yan-tam ariya acikkhanti: upekhako satima sukhavihari ti tatiyam jhanam upasampajja viharati; tam kissa hetu: Evam h' etam Bhaddali hoti yatha tam satthusasane sikkhaya paripurakarissa. Puna ca param Bhaddali bhikkhu sukhassa ca pahana dukkhassa ca pahana pubbe va somanassadomanassanam atthagama adukkham asukham upekhasatiparisuddhim catuttham jhanam upasampajja viharati; tam kissa hetu: Evam h' etam Bhaddali hoti yatha tam satthusasane sikkhaya paripurakarissa.

So evam samahite citte parisuddhe pariyodate anangane vigatupakkilese mudubhute kammaniye thite anejjappatte pubbenivasanussatinanaya cittam abhininnameti. So anekavihitam pubbenivasam anussarati, seyyathidam ekam-pi jatim dve pi jatiyo - pe - iti sakaram sauddesam anekavihitam pubbenivasam anussarati; tam kissa hetu: Evam h' etam Bhaddali hoti yatha tam satthusasane sikkhaya paripurakarissa.

[page 442]

So evam samahite citte parisuddhe pariyodate anangane vigatupakkilese mudubhute kammaniye thite anejjappatte sattanam cutupapatananaya cittam abhininnameti. So dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate - pe - yathakammupage satte pajanati; tam kissa hetu: Evam h' etam Bhaddali hoti yatha tam satthusasane sikkhaya paripurakarissa. So evam samahite citte parisuddhe pariyodate anangane vigatupakkilese mudubhute kammaniye thite anejjappatte asavanam khayananaya cittam abhininnameti. So: idam dukkhan-ti yathabhutam pajanati - pe - ayam dukkhanirodhagamini patipada ti yathabhutam pajanati; ime asava ti yathabhutam pajanati - pe - ayam asavanirodhagamini patipada ti yathabhutam pajanati. Tassa evam janato evam passato kamasava pi cittam vimuccati, bhavasava pi cittam vimuccati, avijjasava pi cittam vimuccati, vimuttasmim vimuttam-iti nanam hoti; khina jati, vusitam brahmacariyam, katam karaniyam naparam itthattayati pajanati. Tam kissa hetu: Evam h' etam Bhaddali hoti yatha tam satthusasane sikkhaya paripurakarissati.

Evam vutte ayasma Bhaddali Bhagavantam etad-avoca:

Ko nu kho bhante hetu ko paccayo yena-m-idh' ekaccam bhikkhum pavayha pavayha karanam karonti; ko pana bhante hetu ko paccayo yena-m-idh' ekaccam bhikkhum no tatha pavayha pavayha karanam karontiti. - Idha Bhaddali ekacco bhikkhu abhinhapattiko hoti apattibahulo, so bhikkhuhi vuccamano annen' annam paticarati, bahiddha katham apanameti, kopan-ca dosan-ca appaccayan-ca patukaroti, na samma vattati, na lomam pateti, na nittharam vattati, yena sangho attamano hoti tam karomiti n' aha. Tatra Bhaddali bhikkhunam evam hoti: Ayam kho avuso bhikkhu abhinhapattiko apattibahulo, so bhikkhuhi vuccamano annen' annam paticarati, bahiddha katham apanameti, kopan-ca dosan-ca appaccayan-ca patukaroti, na samma vattati, na lomam pateti, na nittharam vattati, yena sangho attamano hoti tam karomiti n' aha.

[page 443]

Sadhu vat' ayasmanto imassa bhikkhuno tatha tatha upaparikkhatha yatha 'ss' idam adhikaranam na khippam-eva vupasammeyyati. Tassa kho etam Bhaddali bhikkhuno bhikkhu tatha tatha upaparikkhanti yatha 'ss' idam adhikaranam na khippam-eva vupasammati.

Idha pana Bhaddali ekacco bhikkhu abhinhapattiko hoti apattibahulo, so bhikkhuhi vuccamano nannen' annam paticarati, na bahiddha katham apanameti, na kopan-ca dosanca appaccayan-ca patukaroti, samma vattati, lomam pateti, nittharam vattati, yena sangho attamano hoti tam karomiti aha. Tatra Bhaddali bhikkhunam evam hoti: Ayam kho avuso bhikkhu abhinhapattiko apattibahulo, so bhikkhuhi vuccamano nannen' annam paticarati, na bahiddha katham apanameti, na kopan-ca dosan-ca appaccayan-ca patukaroti, samma vattati, lomam pateti, nittharam vattati, yena sangho attamano hoti tam karomiti aha. Sadhu vat' ayasmanto imassa bhikkhuno tatha tatha upaparikkhatha yatha 'ss' idam adhikaranam khippam-eva vupasammeyyati. Tassa kho etam Bhaddali bhikkhuno bhikkhu tatha tatha upaparikkhanti yatha 'ss' idam adhikaranam khippam-eva vupasammati.

Idha Bhaddali ekacco bhikkhu adhiccapattiko hoti anapattibahulo, so bhikkhuhi vuccamano annen' annam paticarati, bahiddha katham apanameti, kopan-ca dosan-ca appaccayan-ca patukaroti, na samma vattati, na lomam pateti, na nittharam vattati, yena sangho attamano hoti tam karomiti n' aha. Tatra Bhaddali bhikkhunam evam hoti:

Ayam kho avuso bhikkhu adhiccapattiko anapattibahulo, so bhikkhuhi vuccamano annen' annam paticarati, bahiddha katham apanameti, kopan-ca dosan-ca appaccayan-ca patukaroti, na samma vattati, na lomam pateti, na nittharam vattati, yena sangho attamano hoti tam karomiti n' aha.

Sadhu vat' ayasmanto imassa bhikkhuno tatha tatha upaparikkhatha yatha 'ss' idam adhikaranam na khippam-eva vupasammeyyati. Tassa kho etam Bhaddali bhikkhuno bhikkhu tatha tatha upaparikkhanti yatha 'ss' idam adhikaranam na khippam-eva vupasammati.

[page 444]

Idha pana Bhaddali ekacco bhikkhu adhiccapattiko hoti anapattibahulo, so bhikkhuhi vuccamano nannen' annam paticarati, na bahiddha katham apanameti, na kopan-ca dosan-ca appaccayan-ca patukaroti, samma vattati, lomam pateti, nittharam vattati, yena sangho attamano hoti tam karomiti aha. Tatra Bhaddali bhikkhunam evam hoti: Ayam kho avuso bhikkhu adhiccapattiko anapattibahulo, so bhikkhuhi vuccamano nannen' annam paticarati, na bahiddha katham apanameti, na kopan-ca dosan-ca appaccayan-ca patukaroti, samma vattati, lomam pateti, nittharam vattati, yena sangho attamano hoti tam karomiti aha. Sadhu vat' ayasmanto imassa bhikkhuno tatha tatha upaparikkhatha yatha 'ss' idam adhikaranam khippam-eva vupasammeyyati. Tassa kho etam Bhaddali bhikkhuno bhikkhu tatha tatha upaparikkhanti yatha 'ss' idam adhikaranam khippam-eva vupasammati.

Idha Bhaddali ekacco bhikkhu saddhamattakena vahati pemamattakena. Tatra Bhaddali bhikkhunam evam hoti:

Ayam kho avuso bhikkhu saddhamattakena vahati pemamattakena; sace mayam imam bhikkhum pavayha pavayha karanam karissama, ma yam pi 'ssa tam saddhamattakam pemamattakam tamha pi parihayiti. Seyyatha pi Bhaddali purisassa ekam cakkhum, tassa mittamacca natisalohita tam ekam cakkhum rakkheyyum: ma yam pi 'ssa tam ekam cakkhum tamha pi parihayiti; evam-eva kho Bhaddali idh' ekacco bhikkhu saddhamattakena vahati pemamattakena; tatra Bhaddali bhikkhunam evam hoti: Ayam kho avuso bhikkhu saddhamattakena vahati pemamattakena; sace mayam imam bhikkhum pavayha pavayha karanam karissama, ma yam pi 'ssa tam saddhamattakam pemamattakam tamha pi parihayiti.

Ayam kho Bhaddali hetu ayam paccayo yena-m-idh' ekaccam bhikkhum pavayha pavayha karanam karonti; ayam pana Bhaddali hetu ayam paccayo yena-m idh' ekaccam bhikkhum no tatha pavayha pavayha karanam karontiti.

Ko nu kho bhante hetu ko paccayo yena pubbe appatarani c' eva sikkhapadani ahesum bahutara ca bhikkhu annaya santhahimsu;

[page 445]

ko pana bhante hetu ko paccayo yen' etarahi bahutarani c' eva sikkhapadani honti appatara ca bhikkhu annaya santhahantiti. - Evam h' etam Bhaddali hoti: sattesu hayamanesu saddhamme antaradhayamane bahutarani c' eva sikkhapadani honti appatara ca bhikkhu annaya santhahanti. Na tava Bhaddali sattha savakanam sikkhapadam pannapeti yava na idh' ekacce asavatthaniya dhamma sanghe patubhavanti. Yato ca kho Bhaddali idh' ekacce asavatthaniya dhamma sanghe patubhavanti, atha sattha savakanam sikkhapadam pannapeti tesam yeva asavatthaniyanam dhammanam patighataya. Na tava Bhaddali idh' ekacce asavatthaniya dhamma sanghe patubhavanti yava na sangho mahattam patto hoti. Yato ca kho Bhaddali sangho mahattam patto hoti atha idh' ekacce asavatthaniya dhamma sanghe patubhavanti, atha sattha savakanam sikkhapadam pannapeti tesam yeva asavatthaniyanam dhammanam patighataya. Na tava Bhaddali idh' ekacce asavatthaniya dhamma sanghe patubhavanti yava na sangho labhaggam patto hoti - pe - yasaggam patto hoti - bahusaccam patto hoti - rattannutam patto hoti. Yato ca kho Bhaddali sangho rattannutam patto hoti atha idh' ekacce asavatthaniya dhamma sanghe patubhavanti, atha sattha savakanam sikkhapadam pannapeti tesam yeva asavatthaniyanam dhammanam patighataya.

Appaka kho tumhe Bhaddali tena samayena ahuvattha yada vo aham ajaniyasusupamam dhammapariyayam desesim; sarasi tvam Bhaddaliti. - No h' etam bhante. - Tatra Bhaddali kam hetum paccesiti. - So hi nunaham bhante digharattam satthusasane sikkhaya aparipurakari ahosin-ti.

-- Na kho Bhaddali es' eva hetu esa paccayo; api ca me tvam Bhaddali digharattam cetasa ceto paricca vidito: na vayam moghapuriso maya dhamme desiyamane atthikatva manasikatva sabbacetaso samannaharitva ohitasoto dhammam sunatiti. Api ca te aham Bhaddali ajaniyasusupamam dhammapariyayam desissami, tam sunahi sadhukam manasikarohi,

[page 446]

bhasissamiti. Evam bhante ti kho ayasma Bhaddali Bhagavato paccassosi. Bhagava etad-avoca:

Seyyatha pi Bhaddali dakkho assadamako bhadram assajaniyam labhitva pathamen' eva mukhadhane karanam kareti, tassa mukhadhane karanam kariyamanassa honti yeva visukayitani visevitani vipphanditani kanici kanici yatha tam akaritapubbam karanam kariyamanassa, so abhinhakarana anupubbakarana tasmim thane parinibbayati. Yato kho Bhaddali bhadro assajaniyo abhinhakarana anupubbakarana tasmim thane parinibbuto hoti, tam-enam assadamako uttarim karanam kareti yugadhane, tassa yugadhane karanam kariyamanassa honti yeva visukayitani visevitani vipphanditani kanici kanici yatha tam akaritapubbam karanam kariyamanassa, so abhinhakarana anupubbakarana tasmim thane parinibbayati. Yato kho Bhaddali bhadro assajaniyo abhinhakarana anupubbakarana tasmim thane parinibbuto hoti, tamenam assadamako uttarim karanam kareti anukkame mandale khurakaye dhave ravatthe rajagune rajavamse uttame jave uttame haye uttame sakhalye, tassa uttame jave uttame haye uttame sakhalye karanam kariyamanassa honti yeva visukayitani visevitani vipphanditani kanici kanici yatha tam akaritapubbam karanam kariyamanassa, so abhinhakarana anupubbakarana tasmim thane parinibbayati. Yato ca kho Bhaddali bhadro assajaniyo abhinhakarana anupubbakarana tasmim thane parinibbuto hoti, tam-enam assadamako uttarim vanniyan-ca valiyan-ca anuppavecchati. Imehi kho Bhaddali dasah' angehi samannagato bhadro assajaniyo rajaraho hoti rajabhoggo ranno angan-t' eva sankham gacchati.

Evam-eva kho Bhaddali dasahi dhammehi samannagato bhikkhu ahuneyyo hoti pahuneyyo dakkhineyye anjalikaraniyo anuttaram punnakkhettam lokassa; katamehi dasahi: Idha Bhaddali bhikkhu asekhaya sammaditthiya samannagato hoti, asekhena sammasankhappena samannagato hoti, asekhaya sammavacaya samannagato hoti, asekhena sammakammantena samannagato hoti, asekhena sammaajivena samannagato hoti, asekhena sammavayamena samannagato hoti, asekhaya sammasatiya samannagato hoti,

[page 447]

asekhena sammasamadhina samannagato hoti, asekhena sammananena samannagato hoti, asekhaya sammavimuttiya samannagato hoti. Imehi kho Bhaddali dasahi dhammehi samannagato bhikkhu ahuneyyo hoti pahuneyyo dakkhineyyo anjalikaraniyo anuttaram punnakkhettam lokassati.

Idam-avoca Bhagava. Attamano ayasma Bhaddali Bhagavato bhasitam abhinanditi.

BHADDALISUTTANTAM PANCAMAM.

 


 

LXVI. Latukikopama Suttantam

Evam-me sutam. Ekam samayam Bhagava Anguttarapesu viharati; Apanam nama Anguttarapanam nigamo.

Atha kho Bhagava pubbanhasamayam nivasetva pattacivaram adaya Apanam pindaya pavisi, Apane pindaya caritva pacchabhattam pindapatapatikkanto yen' annataro vanasando ten' upasankami divaviharaya, tam vanasandam ajjhogahitva annatarasmim rukkhamule divaviharam nisidi. Ayasma pi kho Udayi pubbanhasamayam nivasetva pattacivaram adaya Apanam pindaya pavisi, Apane pindaya caritva pacchabhattam pindapatapatikkanto yena so vanasando ten' upasankami divaviharaya, tam vanasandam ajjhogahitva annatarasmim rukkhamule divaviharam nisidi. Atha kho ayasmato Udayissa rahogatassa patisallinassa evam cetaso parivitakko udapadi: Bahunnam vata no Bhagava dukkhadhammanam apahatta, bahunnam vata no Bhagava sukhadhammanam upahatta; bahunnam vata no Bhagava akusalanam dhammanam apahatta, bahunnam vata no Bhagava kusalanam dhammanam upahatta ti. Atha kho ayasma Udayi sayanhasamayam patisallana vutthito yena Bhagava ten' upasankami, upasankamitva Bhagavantam abhivadetva ekamantam nisidi.

[page 448]

Ekamantam nisinno kho ayasma Udayi Bhagavantam etad-avoca:

Idha mayham bhante rahogatassa patisallinassa evam cetaso parivitakko udapadi: bahunnam vata no Bhagava ... kusalanam dhammanam upahatta ti. Mayam hi bhante pubbe sayan-c' eva bhunjama pato ca diva ca vikale. Ahu kho so bhante samayo yam Bhagava bhikkhu amantesi:

Ingha tumhe bhikkhave etam diva vikalabhojanam pajahathati. Tassa mayham bhante ahud-eva annathattam ahu domanassam: yam-pi no saddha gahapatika diva vikale panitam khadaniyam bhojaniyam denti, tassa pi no Bhagava pahanam-aha, tassa pi no Sugato patinissaggam-ahati.

Te mayam bhante Bhagavati peman-ca garavan-ca hirinca ottappan-ca sampassamana evan-tam diva vikalabhojanam pajahimha. Te mayam bhante sayan-c' eva bhunjama pato ca. Ahu kho so bhante samayo yam Bhagava bhikkhu amantesi: Ingha tumhe bhikkhave etam rattim vikalabhojanam pajahathati. Tassa mayham bhante ahud-eva annathattam ahu domanassam: yam-pi no imesam dvinnam bhattanam panitasankhatataram, tassa pi no Bhagava pahanamaha, tassa pi no Sugato patinissaggam-ahati. Bhutapubbam bhante annataro puriso diva supeyyam labhitva evam-aha:

Handa ca imam nikkhipatha, sayam sabbe va samagga bhunjissamati. Ya kaci bhante sankhatiyo sabba ta rattim, appa diva. Te mayam bhante Bhagavati peman-ca garavanca hirin-ca ottappan-ca sampassamana evan-tam rattim vikalabhojanam pajahimha. Bhutapubbam bhante bhikkhu rattandhakaratimisayam pindaya caranta candanikam-pi pavisanti, oligalle pi papatanti, kantakavattam-pi arohanti, suttam-pi gavim arohanti, manavehi pi samagacchanti katakammehi pi akatakammehi pi, matugamo pi te asaddhammena nimanteti. Bhutapubbaham bhante rattandhakaratimisayam pindaya carami. Addasa kho mam bhante annatara itthi vijjantarikaya bhajanam dhovanti, disva mam bhita vissaramakasi: Abbhum me, pisaco vata man-ti. Evam vutte aham bhante tam itthim etad-avocam: Na bhagini pisaco, bhikkhu pindaya thito ti.

[page 449]

Bhikkhussa atu mari, bhikkhussa matu mari, varan-te bhikkhu tinhena govikattanena kucchi parikatto na tv-eva ya rattandhakaratimisayam kucchihetu pindaya carasa ti. Tassa mayham bhante tad-anussarato evam hoti:

Bahunnam vata no Bhagava dukkhadhammanam apahatta, bahunnam vata no Bhagava sukhadhammanam upahatta; bahunnam vata no Bhagava akusalanam dhammanam apahatta, bahunnam vata no Bhagava kusalanam dhammanam upahatta ti.

Evam-eva pan' Udayi idh' ekacce moghapurisa: idam pajahathati maya vuccamana te evam-ahamsu: Kim pan' imassa appamattakassa oramattakassa, adhisallikhat' evayam samano ti; te tan-c' eva na-ppajahanti mayi ca appaccayam upatthapenti ye ca bhikkhu sikkhakama. Tesan-tam Udayi hoti balavam bandhanam dalham bandhanam thiram bandhanam aputikam bandhanam thulo kalingaro. Seyyatha pi Udayi latukika sakunika putilataya bandhanena baddha tatth' eva vadham va bandham va maranam va agameti; yo nu kho Udayi evam vadeyya: yena sa latukika sakunika putilataya bandhanena baddha tatth' eva vadham va bandham va maranam va agameti, tam hi tassa abalam bandhanam dubbalam bandhanam putikam bandhanam asarakam bandhanan-ti, samman-nu kho so Udayi vadamano vadeyyati.

-- No h' etam bhante. Yena sa bhante latukika sakunika putilataya bandhanena baddha tatth' eva vadham va bandham va maranam va agameti, tam hi tassa balavam bandhanam dalham bandhanam thiram bandhanam aputikam bandhanam thulo kalingaro ti. - Evam-eva kho Udayi idh' ekacce moghapurisa: idam pajahathati maya vuccamana te evam-ahamsu: Kim pan' imassa appamattakassa oramattakassa, adhisallikhat' evayam samano ti; te tan-c' eva nappajahanti mayi ca appaccayam upatthapenti ye ca bhikkhu sikkhakama. Tesan-tam Udayi hoti balavam bandhanam dalham bandhanam thiram bandhanam aputikam bandhanam thulo kalingaro.

Idha pan' Udayi ekacce kulaputta: idam pajahathati maya vuccamana te evam-ahamsu:

[page 450]

Kim pan' imassa appamattakassa oramattakassa 'pahatabbassa yassa no Bhagava pahanam-aha, yassa no Sugato patinissaggam-ahati; te tan-c' eva pajahanti mayi ca na appaccayam upatthapenti ye ca bhikkhu sikkhakama. Te tam pahaya appossukka pannaloma paradavutta migabhutena cetasa viharanti. Tesantam Udayi hoti abalam bandhanam dubbalam bandhanam putikam bandhanam asarakam bandhanam. Seyyatha pi Udayi ranno nago isadanto ubbulhava 'bhijato sangamavacaro dalhehi varattehi bandhanehi baddho isakam yeva kayam sannametva tani bandhanani sanchinditva sampadaletva yenakamam pakkamati; yo nu kho Udayi evam vadeyya:

yehi so ranno nago isadanto ubbulhava 'bhijato sangamavacaro dalhehi varattehi bandhanehi baddho isakam yeva kayam sannametva tani bandhanani sanchinditva sampadaletva yenakamam pakkamati, tam hi tassa balavam bandhanam dalham bandhanam thiram bandhanam aputikam bandhanam thulo kalingaro ti, samman-nu kho su Udayi vadamano vadeyyati. - No h' etam bhante. Yehi so bhante ranno nago isadanto ubbulhava 'bhijato sangamavacaro dalhehi varattehi bandhanehi baddho isakam yeva kayam sannametva tani bandhanani sanchinditva sampadaletva yenakamam pakkamati, tam hi tassa abalam bandhanam dubbalam bandhanam putikam bandhanam asarakam bandhananti. - Evam-eva kho Udayi idh' ekacce kulaputta: idam pajahathati maya vuccamana te evam-ahamsu: Kim pan' imassa appamattakassa oramattakassa pahatabbassa yassa no Bhagava pahanam-aha, yassa no Sugato patinassaggamahati; te tan-c' eva pajahanti mayi ca na appaccayam upatthapenti ye ca bhikkhu sikkhakama. Te tam pahaya appossukka pannaloma paradavutta migabhutena cetasa viharanti. Tesan-tam Udayi hoti abalam bandhanam dubbalam bandhanam putikam bandhanam asarakam bandhanam.

Seyyatha pi Udayi puriso daliddo assako analhiyo, tass' assa ekam agarakam oluggaviluggam kakatidayim na paramarupam, eka khatopika oluggavilugga na paramarupa, ekissa kumbhiya dhannasamavapakam na paramarupam,

[page 451]

eka jayika na paramarupa; so aramagatam bhikkhum passeyya sudhotahatthapadam manunnam bhojanam bhuttavim sitaya chayaya nisinnam adhicitte yuttam. Tassa evam-assa: Sukham vata bho samannam, arugyam vata bho samannam; so vat' assam yo 'ham kesamassum oharetva kasayani vatthani acchadetva agarasma anagariyam pabbajeyyan-ti. So na sakkuneyya ekam agarakam oluggaviluggam kakatidayim na paramarupam pahaya ekam khatopikam oluggaviluggam na paramarupam pahaya ekissa kumbhiya dhannasamavapakam na paramarupam pahaya ekam jayikam na paramarupam pahaya kesamassum oharetva kasayani vatthani acchadetva agarasma anagariyam pabbajitum. Yo nu kho Udayi evam vadeyya:

yehi so puriso bandhanehi baddho na sakkoti ekam agarakam oluggaviluggam ... ekam jayikam na paramarupam pahaya kesamassum oharetva kasayani vatthani acchadetva agarasma anagariyam pabbajitum, tam hi tassa abalam bandhanam dubbalam bandhanam putikam bandhanam asarakam bandhanan-ti, samman-nu kho so Udayi vadamano vadeyyati.

-- No h' etam bhante. Yehi so bhante puriso bandhanehi baddho na sakkoti ekam agarakam oluggaviluggam kakatidayim na paramarupam pahaya ekam khatopikam oluggaviluggam na paramarupam pahaya ekissa kumbhiya dhannasamavapakam na paramarupam pahaya ekam jayikam na paramarupam pahaya kesamassum oharetva kasayani vatthani acchadetva agarasma anagariyam pabbajitum, tam hi tassa balavam bandhanam dalham bandhanam thiram bandhanam aputikam bandhanam thulo kalingaro ti. - Evam-eva kho Udayi idh' ekacce moghapurisa: idam pajahathati maya vuccamana te evam-ahamsu: Kim pan' imassa appamattakassa oramattakassa, adhisallikhat' evayam samano ti; te tan-c' eva na-ppajahanti mayi ca appaccayam upatthapenti ye ca bhikkhu sikkhakama. Tesan-tam Udayi hoti balavam bandhanam dalham bandhanam thiram bandhanam aputikam bandhanam thulo kalingaro.

Seyyatha pi Udayi gahapati va gahapatiputto va addho mahaddhano mahabhogo,

[page 452]

nekanam nikkhagananam cayo nekanam dhannagananam cayo nekanam khettagananam cayo nekanam vatthugananam cayo nekanam bhariyagananam cayo nekanam dasagananam cayo nekanam dasigananam cayo; so aramagatam bhikkhum passeyya sudhotahatthapadam manunnam bhojanam bhuttavim sitaya chayaya nisinnam adhicitte yuttam. Tassa evam-assa: Sukham vata bho samannam, arugyam vata bho samannam; so vat' assam yo 'ham kesamassum oharetva kasayani vatthani acchadetva agarasma anagariyam pabbajeyyan-ti. So sakkuneyya nekani nikkhaganani pahaya nekani dhannaganani pahaya nekani khettaganani pahaya nekani vatthuganani pahaya nekani bhariyaganani pahaya nekani dasaganani pahaya nekani dasiganani pahaya kesamassum oharetva kasayani vatthani acchadetva agarasma anagariyam pabbajitum. Yo nu kho Udayi evam vadeyya: yehi so gahapati va gahapatiputto va bandhanehi baddho sakkoti nekani nikkhaganani pahaya ... nekani dasiganani pahaya kesamassum oharetva kasayani vatthani acchadetva agarasma anagariyam pabbajitum, tam hi tassa balavam bandhanam dalham bandhanam thiram bandhanam aputikam bandhanam thulo kalingaro ti, samman-nu kho so Udayi vadamano vadeyyati. - No h' etam bhante. Yehi so bhante gahapati va gahapatiputto va bandhanehi baddho sakkoti nekani nikkhaganani pahaya nekani dhannaganani pahaya nekani khettaganani pahaya nekani vatthuganani pahaya nekani bhariyaganani pahaya nekani dasaganani pahaya nekani dasiganani pahaya kesamassum oharetva kasayani vatthani acchadetva agarasma anagariyam pabbajitum, tam hi tassa abalam bandhanam dubbalam bandhanam putikam bandhanam asarakam bandhanan-ti. - Evam-eva kho Udayi idh' ekacce kulaputta:

idam pajahathati maya vuccamana te evam-ahamsu: Kim pan' imassa appamattakassa oramattakassa pahatabbassa yassa no Bhagava pahanam-aha, yassa no Sugato patinissaggam-ahati; te tan-c' eva pajahanti mayi ca na appaccayam upatthapenti ye ca bhikkhu sikkhakama. Te tam pahaya appossukka pannaloma paradavutta migabhutena cetasa viharanti.

[page 453]

Tesan-tam Udayi hoti abalam bandhanam dubbalam bandhanam putikam bandhanam asarakam bandhanam.

Cattaro 'me Udayi puggala santo samvijjamana lokasmim, katame cattaro: Idh' Udayi ekacco puggalo upadhipahanaya patipanno hoti upadhipatinissaggaya, tam-enam upadhipahanaya patipannam upadhipatinissaggaya upadhipatisamyutta sarasankappa samudacaranti, so te adhivaseti, na-ppajahati na vinodeti na byantikaroti nanabhavam gameti. Imam kho aham Udayi puggalam samyutto ti vadami no visamyutto, tam kissa hetu: Indriyavemattata hi me Udayi imasmim puggale vidita. Idha pan' Udayi ekacco puggalo upadhipahanaya patipanno hoti upadhipatinissaggaya, tam-enam upadhipahanaya patipannam upadhipatinissaggaya upadhipatisamyutta sarasankappa samudacaranti, so te nadhivaseti, pajahati vinodeti byantikaroti anabhavam gameti. Imam-pi kho aham Udayi puggalam samyutto ti vadami no visamyutto, tam kissa hetu: Indriyavemattata hi me Udayi imasmim puggale vidita. Idha pan' Udayi ekacco puggalo upadhipahanaya patipanno hoti upadhipatinissaggaya, tam-enam upadhipahanaya patipannam upadhipatinissaggaya kadaci karahaci satisammosa upadhipatisamyutta sarasankappa samudacaranti. Dandho Udayi satuppado, atha kho nam khippam-eva pajahati vinodeti byantikaroti anabhavam gameti. Seyyatha pi Udayi puriso divasasantatte ayokatahe dve va tini va udakaphusitani nipateyya; dandho Udayi udakaphusitanam nipato, atha kho nam khippam-eva parikkhayam pariyadanam gaccheyya. Evam-eva kho Udayi idh' ekacco puggalo upadhipahanaya patipanno hoti upadhipatinissaggaya, tam-enam upadhipahanaya patipannam upadhipatinissaggaya kadaci karahaci satisammosa upadhipatisamyutta sarasankappa samudacaranti. Dandho Udayi satuppado, atha kho nam khippam-eva pajahati vinodeti byantikaroti anabhavam gameti. Imam-pi kho aham Udayi puggalam samyutto ti vadami no visamyutto, tam kissa hetu:

[page 454]

Indriyavemattata hi me Udayi imasmim puggale vidita. Idha pan' Udayi ekacco puggalo: upadhi dukkhassa mulan-ti iti viditva nirupadhi hoti upadhisankhaye vimutto. Imam kho aham Udayi puggalam visamyutto ti vadami no samyutto, tam kissa hetu: Indriyavemattata hi me Udayi imasmim puggale vidita.

Panca kho ime Udayi kamaguna, katame panca: cakkhuvinneyya rupa ittha kanta manapa piyarupa kamupasamhita rajaniya, sotavinneyya sadda - ghanavinneyya gandha -jivhavinneyya rasa - kayavinneyya photthabba ittha kanta manapa piyarupa kamupasamhita rajaniya. Ime kho Udayi panca kamaguna. Yam kho Udayi ime panca kamagune paticca uppajjati sukham somanassam idam vuccati kamasukham milhasukham puthujjanasukham anariyasukham; na asevitabbam na bhavetabbam na bahulikatabbam, bhayitabbam etassa sukhassati vadami. Idh' Udayi bhikkhu vivicc' eva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati. Vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam - pe - tatiyam jhanam - catuttham jhanam upasampajja viharati. Idam vuccati nekkhammasukham pavivekasukham upasamasukham sambodhasukham; asevitabbam bhavetabbam bahulikatabbam, na bhayitabbam etassa sukhassati vadami.

Idh' Udayi bhikkhu vivicc' eva kamehi - pe - pathamam jhanam upasampajja viharati. Idam kho aham Udayi injitasmim vadami, kin-ca tattha injitasmim: yad-eva tattha vitakkavicara aniruddha honti idam tattha injitasmim. Idh' Udayi bhikkhu vitakkavicaranam vupasama - pe - dutiyam jhanam upasampajja viharati. Idam-pi kho aham Udayi injitasmim vadami, kin-ca tattha injitasmim: yad-eva tattha pitisukham aniruddham hoti idam tattha injitasmim. Idh' Udayi bhikkhu pitiya ca viraga - pe - tatiyam jhanam upasampajja viharati. Idam-pi kho aham Udayi injitasmim vadami, kin-ca tattha injitasmim: yad-eva tattha upekhasukham aniruddham hoti idam tattha injitasmim.

[page 455]

Idh' Udayi bhikkhu sukhassa ca pahana dukkhassa ca pahana --pe-catuttham jhanam upasampajja viharati. Idam kho aham Udayi aninjitasmim vadami.

Idh' Udayi bhikkhu vivicc' eva kamehi - pe - pathamam jhanam upasampajja viharati. Idam kho aham Udayi analan-ti vadami, pajahathati vadami, samatikkamathati vadami; ko ca tassa samatikkamo: Idh' Udayi bhikkhu vitakkavicaranam vupasama - pe - dutiyam jhanam upasampajja viharati, ayam tassa samatikkamo. Idam-pi kho aham Udayi analan-ti vadami, pajahathati vadami, samatikkamathati vadami; ko ca tassa samatikkamo: Idh' Udayi bhikkhu pitiya ca viraga - pe - tatiyam jhanam upasampajja viharati, ayam tassa samatikkamo. Idam-pi kho aham Udayi analan-ti vadami, pajahathati vadami, samatikkamathati vadami; ko ca tassa samatikkamo: Idh' Udayi bhikkhu sukhassa ca pahana - pe - catuttham jhanam upasampajja viharati, ayam tassa samatikkamo. Idam-pi kho aham Udayi analan-ti vadami, pajahathati vadami, samatikkamathati vadami; ko ca tassa samatikkamo: Idh' Udayi bhikkhu sabbaso rupasannanam samatikkama patighasannanam atthagama nanattasannanam amanasikara ananto akaso ti akasanancayatanam upasampajja viharati, ayam tassa samatikkamo. Idam-pi kho aham Udayi analan-ti vadami, pajahathati vadami, samatikkamathati vadami; ko ca tassa samatikkamo: Idh' Udayi bhikkhu sabbaso akasanancayatanam samatikkamma anantam vinnanan-ti vinnanancayatanam upasampajja viharati, ayam tassa samatikkamo. Idampi kho aham Udayi analan-ti vadami, pajahathati vadami, samatikkamathati vadami; ko ca tassa samatikkamo: Idh' Udayi bhikkhu sabbaso vinnanancayatanam samatikkamma na-tthi kinciti akincannayatanam upasampajja viharati, ayam tassa samatikkamo. Idam-pi kho aham Udayi analan-ti vadami, pajahathati vadami, samatikkamathati vadami; ko ca tassa samatikkamo: Idh' Udayi bhikkhu sabbaso akincannayatanam samatikkamma nevasannanasannayatanam upasampajja viharati,

[page 456]

ayam tassa samatikkamo. Idam-pi kho aham Udayi analan-ti vadami, pajahathati vadami, samatikkamathati vadami; ko ca tassa samatikkamo: Idh' Udayi bhikkhu sabbaso nevasannanasannayatanam samatikkamma sannavedayitanirodham upasampajja viharati, ayam tassa samatikkamo. Iti kho aham Udayi nevasannanasannayatanassa pi pahanam vadami. Passasi no tvam Udayi tam samyojanam anum va thulam va yassaham no pahanam vadamiti. - No h' etam bhante ti.

Idam-avoca Bhagava. Attamano ayasma Udayi Bhagavato bhasitam abhinanditi.

LATUKIKOPAMASUTTANTAM CHATTHAM.

 


 

LXVII. Catuma Suttantam

Evam-me sutam. Ekam samayam Bhagava Catumayam viharati amalakivane. Tena kho pana samayena SariputtaMoggallanapamukhani pancamattani bhikkhusatani Catumam anuppattani honti Bhagavantam dassanaya, te ca agantuka bhikkhu nevasikehi bhikkhuhi saddhim patisammodamana senasanani pannapayamana pattacivarani patisamayamana uccasadda mahasadda ahesum. Atha kho Bhagava ayasmantam Anandam amantesi: Ke pan' ete Ananda uccasadda mahasadda kevatta manne macchavilope ti. - Etani bhante Sariputta-Moggallanapamukhani pancamattani bhikkhusatani Catumam anuppattani Bhagavantam dassanaya, te agantuka bhikkhu nevasikehi bhikkhuhi saddhim patisammodamana senasanani pannapayamana pattacivarani patisamayamana uccasadda mahasadda ti. - Tena h' Ananda mama vacanena te bhikkhu amantehi: satthayasmante amantetiti. Evambhante ti kho ayasma Anando Bhagavato patissutva yena te bhikkhu ten' upasankami, upasankamitva te bhikkhu etadavoca: Satthayasmante amantetiti. Evam-avuso ti kho te bhikkhu ayasmato Anandassa patissutva yena Bhagava ten' upasankamimsu,

[page 457]

upasankamitva Bhagavantam abhivadetva ekamantam nisidimsu. Ekamantam nisinne kho te bhikkhu Bhagava etad-avoca: Kin-nu tumhe bhikkhave uccasadda mahasadda kevatta manne macchavilope ti. - Imani bhante Sariputta-Moggallanapamukhani pancamattani bhikkhusatani Catumam anuppattani Bhagavantam dassanaya, te 'me agantuka bhikkhu nevasikehi bhikkhuhi saddhim patisammodamana senasanani pannapayamana pattacivarani patisamayamana uccasadda mahasadda ti. - Gacchatha bhikkhave panamemi vo, na vo mama santike vatthabban-ti. Evam-bhante ti kho te bhikkhu Bhagavato patissutva utthay' asana Bhagavantam abhivadetva padakkhinam katva senasanam samsametva pattacivaram adaya pakkamimsu.

Tena kho pana samayena Catumeyyaka Sakya santhagare sannipatita honti kenacid-eva karaniyena. Addasasum kho Catumeyyaka Sakya te bhikkhu durato va gacchante, disvana yena te bhikkhu ten' upasankamimsu, upasankamitva te bhikkhu etad-avocum: Handa kaham pana tumhe ayasmanto gacchathati. - Bhagavata kho avuso bhikkhusangho panamito ti. - Tena h' ayasmanto muhuttam nisidatha, app-eva nama mayam sakkuneyyama Bhagavantam pasadetun-ti. Evam-avuso ti kho te bhikkhu Catumeyyakanam Sakyanam paccassosum. Atha kho Catumeyyaka Sakya yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinna kho Catumeyyaka Sakya Bhagavantam etad-avocum:

Abhinandatu bhante Bhagava bhikkhusangham, abhivadatu bhante Bhagava bhikkhusangham. Seyyatha pi bhante Bhagavata pubbe bhikkhusangho anuggahito evam-evam Bhagava etarahi anuganhatu bhikkhusangham. Sant' ettha bhante bhikkhu nava acirapabbajita adhunagata imam dhammavinayam, tesam Bhagavantam dassanaya alabhantanam siya annathattam siya viparinamo. Seyyatha pi bhante bijanam tarunanam udakam alabhantanam siya annathattam siya viparinamo, evam-eva kho bhante sant' ettha bhikkhu nava acirapabbajita adhunagata imam dhammavinayam,

[page 458]

tesam Bhagavantam dassanaya alabhantanam siya annathattam siya viparinamo. Seyyatha pi bhante vacchassa tarunassa mataram apassantassa siya annathattam siya viparinamo, evam-eva kho bhante sant' ettha bhikkhu nava acirapabbajita adhunagata imam dhammavinayam, tesam Bhagavantam apassantanam siya annathattam siya viparinamo.

Abhinandatu bhante Bhagava bhikkhusangham, abhivadatu bhante Bhagava bhikkhusangham. Seyyatha pi bhante Bhagavata pubbe bhikkhusangho anuggahito evam-evam Bhagava etarahi anuganhatu bhikkhusanghan-ti.

Atha kho Brahma Sahampati Bhagavato cetasa cetoparivitakkam-annaya seyyatha pi nama balava puriso saminjitam va baham pasareyya pasaritam va baham saminjeyya evam-evam Brahmaloke antarahito Bhagavato purato paturahosi. Atha kho Brahma Sahampati ekamsam uttarasangam karitva yena Bhagava ten' anjalim-panametva Bhagavantam etad-avoca: Abhinandatu bhante Bhagava bhikkhusangham, abhivadatu bhante Bhagava bhikkhusangham.

Seyyatha pi bhante Bhagavata pubbe bhikkhusangho anuggahito evam-evam Bhagava etarahi anuganhatu bhikkhusangham. Sant' ettha bhante bhikkhu nava acirapabbajita adhunagata imam dhammavinayam, tesam Bhagavantam dassanaya alabhantanam siya annathattam siya viparinamo.

Seyyatha pi bhante bijanam tarunanam udakam alabhantanam siya annathattam siya viparinamo, evam-eva kho bhante sant' ettha bhikkhu nava acirapabbajita adhunagata imam dhammavinayam, tesam Bhagavantam dassanaya alabhantanam siya annathattam siya viparinamo. Seyyatha pi bhante vacchassa tarunassa mataram apassantassa siya annathattam siya viparinamo, evam-eva kho bhante sant' ettha bhikkhu nava acirapabbajita adhunagata imam dhammavinayam, tesam Bhagavantam apassantanam siya annathattam siya viparinamo. Abhinandatu bhante Bhagava bhikkhusangham, abhivadatu bhante Bhagava bhikkhusangham. Seyyatha pi bhante Bhagavata pubbe bhikkhusangho anuggahito evam-evam Bhagava etarahi anuganhatu bhikkhusanghan-ti.

[page 459]

Asakkhimsu kho Catumeyyaka ca Sakya Brahma ca Sahampati Bhagavantam pasadetum bijupamena ca tarunupamena ca. Atha kho ayasma Mahamoggallano bhikkhu amantesi: Utthahath' avuso, ganhatha pattacivaram, pasadito Bhagava Catumeyyakehi ca Sakkehi Brahmuna ca Sahampatina bijupamena ca tarunupamena cati. Evamavuso ti kho te bhikkhu ayasmato Mahamoggallanassa patissutva utthay' asana pattacivaram-adaya yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinnam kho ayasmantam Sariputtam Bhagava etad-avoca: Kinti te Sariputta ahosi maya bhikkhusanghe panamite ti. - Evam kho me bhante ahosi Bhagavata bhikkhusanghe panamite: Appossukko dani Bhagava ditthadhammasukhaviharam anuyutto viharissati, mayam-pi dani appossukka ditthadhammasukhaviharam anuyutta viharissamati. - Agamehi tvam Sariputta, agamehi tvam Sariputta, na kho te Sariputta puna pi evarupam cittam uppadetabban-ti. Atha kho Bhagava ayasmantam Mahamoggallanam amantesi: Kinti te Moggallana ahosi maya bhikkhusanghe panamite ti. - Evam kho me bhante ahosi Bhagavata bhikkhusanghe panamite: Appossukko dani Bhagava ditthadhammasukhaviharam anuyutto viharissati, ahan-ca dani ayasma ca Sariputto bhikkhusangham pariharissamati. - Sadhu sadhu Moggallana, aham va hi Moggallana bhikkhusangham parihareyyam Sariputta-Moggallana va ti.

Atha kho Bhagava bhikkhu amantesi: Cattar' imani bhikkhave bhayani udak' orohante patikankhitabbani, katamani cattari: umibhayam kumbhilabhayam avattabhayam susukabhayam. Imani kho bhikkhave cattari bhayani udak' orohante patikankhitabbani. Evam-eva kho bhikkhave cattar' imani bhayani idh' ekacce puggale imasmim dhammavinaye agarasma anagariyam pabbajite patikankhitabbani, katamani cattari:

[page 460]

umibhayam kumbhilabhayam avattabhayam susukabhayam

Kataman-ca bhikkhave umibhayam: Idha bhikkhave ekacco kulaputto saddha agarasma anagariyam pabbajito hoti: otinno 'mhi jatiya jaraya maranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. Tam-enam tatha pabbajitam samanam sabrahmacari ovadanti anusasanti: Evan-te abhikkamitabbam evan-te patikkamitabbam, evan-te aloketabbam evan-te viloketabbam, evan-te saminjitabbam evan-te pasaretabbam, evan-te sanghatipattacivaram dharetabban-ti. Tassa evam hoti: Mayam kho pubbe agariyabhuta samana anne ovadama pi anusasama pi, ime pan' amhakam puttamatta manne nattamatta manne amhe ovaditabbam anusasitabbam mannantiti; so sikkham paccakkhaya hinay' avattati. Ayam vuccati bhikkhave umibhayassa bhito sikkham paccakkhaya hinay' avatto. Umibhayan-ti kho bhikkhave kodhupayasass' etam adhivacanam.

Kataman-ca bhikkhave kumbhilabhayam: Idha bhikkhave ekacco kulaputto saddha agarasma anagariyam pabbajito hoti: otinno 'mhi jatiya jaraya maranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. Tam-enam tatha pabbajitam samanam sabrahmacari ovadanti anusasanti: Idan-te khaditabbam idan-te na khaditabbam, idan-te bhunjitabbam idan-te na bhunjitabbam, idan-te sayitabbam idan-te na sayitabbam, idan-te patabbam idan-te na patabbam; kappiyan-te khaditabbam akappiyan-te na khaditabbam, kappiyan-te bhunjitabbam akappiyan-te na bhunjitabbam, kappiyan-te sayitabbam akappiyan-te na sayitabbam, kappiyan-te patabbam akappiyan-te na patabbam; kale te khaditabbam vikale te na khaditabbam, kale te bhunjitabbam vikale te na bhunjitabbam, kale te sayitabbam vikale te na sayitabbam, kale te patabbam vikale te na patabban-ti. Tassa evam hoti:

[page 461]

Mayam kho pubbe agariyabhuta samana yam icchama tam khadama yam na icchama na tam khadama, yam icchama tam bhunjama yam na icchama na tam bhunjama, yam icchama tam sayama yam na icchama na tam sayama, yam icchama tam pipama yam na icchama na tam pipama; kappiyam-pi khadama akappiyam-pi khadama, kappiyam-pi bhunjama akappiyam-pi bhunjama, kappiyampi sayama akappiyam-yi sayama, kappiyam-pi pipama akappiyam-pi pipama; kale pi khadama vikale pi khadama, kale pi bhunjama vikale pi bhunjama, kale pi sayama vikale pi sayama, kale pi pipama vikale pi pipama. Yam-pi no saddha gahapatika diva vikale panitam khadaniyam bhojaniyam denti, tattha p' ime mukhavaranam manne karontiti.

So sikkham paccakkhaya hinay' avattati. Ayam vuccati bhikkhave kumbhilabhayassa bhito sikkham paccakkhaya hinay' avatto. Kumbhilabhayan-ti kho bhikkhave odarikattass' etam adhivacanam.

Kataman-ca bhikkhave avattabhayam: Idha bhikkhave {ekacco} kulaputto saddha agarasma anagariyam pabbajito hoti: otinno 'mhi jatiya jaraya maranena sokehi {paridevehi} dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano pubbanhasamayam nivasetva pattacivaram adaya gamam va nigamam va pindaya pavisati arakkhiten' eva kayena arakkhitaya vacaya anupatthitaya satiya asamvutehi indriyehi. So tattha passati gahapatim va gahapatiputtam va pancahi kamagunehi samappitam samangibhutam paricarayamanam. Tassa evam hoti: Mayam kho pubbe agariyabhuta samana pancahi kamagunehi samappita samangibhuta paricarimha; samvijjante kho kule bhoga, sakka bhoge ca bhunjitum punnani ca katun-ti. So sikkham paccakkhaya hinay' avattati.

Ayam vuccati bhikkhave avattabhayassa bhito sikkham paccakkhaya hinay' avatto. Avattabhayan-ti kho bhikkhave pancann' etam kamagunanam adhivacanam.

Kataman-ca bhikkhave susukabhayam: Idha bhikkhave ekacco kulaputto saddha agarasma anagariyam pabbajito hoti:

[page 462]

otinno 'mhi jatiya jaraya maranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati. So evam pabbajito samano pubbanhasamayam nivasetva pattacivaram adaya gamam va nigamam va pindaya pavisati arakkhiten' eva kayena arakkhitaya vacaya anupatthitaya satiya asamvutehi indriyehi. So tattha passati matugamam dunnivattham va dupparutam va. Tassa matugamam disva dunnivattham va dupparutam va rago cittam anuddhamseti, so raganuddhastena cittena sikkham paccakkhaya hinay' avattati. Ayam vuccati bhikkhave susukabhayassa bhito sikkham paccakkhaya hinay' avatto.

Susukabhayan-ti kho bhikkhave matugamass' etam adhivacanam.

Imani kho bhikkhave cattari bhayani idh' ekacce puggale imasmim dhammavinaye agarasma anagariyam pabbajite patikankhitabbaniti.

Idam-avoca Bhagava. Attamana te bhikkhu Bhagavato bhasitam abhinandun-ti.

CATUMASUTTANTAM SATTAMAM.

 


 

LXVIII. Nalakapana Suttantam

Evam-me sutam. Ekam samayam Bhagava Kosalesu viharati Nalakapane palasavane. Tena kho pana samayena sambahula abhinnata abhinnata kulaputta Bhagavantam uddissa saddha agarasma anagariyam pabbajita honti, ayasma ca Anuruddho ayasma ca Nandiyo ayasma ca Kimbilo ayasma ca Bhagu ayasma ca Kundadhano ayasma ca Revato ayasma ca Anando, anne ca abhinnata abhinnata kulaputta. Tena kho pana samayena Bhagava bhikkhusanghaparivuto abbhokase nisinno hoti.

[page 463]

Atha kho Bhagava te kulaputte arabbha bhikkhu amantesi: Ye te bhikkhave kulaputta mamam uddissa saddha agarasma anagariyam pabbajita, kacci te bhikkhave bhikkhu abhirata brahmacariye ti. Evam vutte te bhikkhu tunhi ahesum. Dutiyam-pi kho - pe - tatiyam-pi kho Bhagava te kulaputte arabbha bhikkhu amantesi: Ye te bhikkhave kulaputta mamam uddissa saddha agarasma anagariyam pabbajita kacci te bhikkhave bhikkhu abhirata brahmacariye ti. Tatiyam-pi kho te bhikkhu tunhi ahesum.

Atha kho Bhagavato etad-ahosi: Yan-nunaham te va kulaputte puccheyyan-ti. Atha kho Bhagava ayasmantam Anuruddham amantesi: Kacci tumhe Anuruddha abhirata brahmacariye ti. - Taggha mayam bhante abhirata brahmacariye ti. - Sadhu sadhu Anuruddha. Etam kho Anuruddha tumhakam patirupam kulaputtanam saddha agarasma anagariyam pabbajitanam yam tumhe abhirameyyatha brahmacariye. Yena tumhe Anuruddha bhadrena yobbanena samannagata pathamena vayasa susukalakesa kame paribhunjeyyatha, tena tumhe Anuruddha bhadrena yobbanena samannagata pathamena vayasa susukalakesa agarasma anagariyam pabbajita. Te kho pana tumhe Anuruddha n' eva rajabhinita agarasma anagariyam pabbajita, na corabhinita agarasma anagariyam pabbajita, na inatta ... na bhayatta ... na ajivikapakata agarasma anagariyam pabbajita; api ca kho 'mhi otinno jatiya jaraya maranena sokehi paridevehi dukkhehi domanassehi upayasehi, dukkhotinno dukkhapareto, app-eva nama imassa kevalassa dukkhakkhandhassa antakiriya pannayethati, nanu tumhe Anuruddha evam saddha agarasma anagariyam pabbajita ti. - Evambhante. - Evam pabbajitena ca pana Anuruddha kulaputtena kim-assa karaniyam: Vivekam Anuruddha kamehi vivekam akusalehi dhammehi pitisukham nadhigacchati annam va tato santataram, tassa abhijjha pi cittam pariyadaya titthati, byapado pi cittam pariyadaya titthati, thinamiddham-pi ... uddhaccakukkuccam-pi ... vicikiccha pi ... arati pi

[page 464]

... tandi pi cittam pariyadaya titthati. Vivekam Anuruddha kamehi vivekam akusalehi dhammehi pitisukham nadhigacchati annam va tato santataram. Vivekam Anuruddha kamehi vivekam akusalehi dhammehi pitisukham adhigacchati annan-ca tato santataram, tassa abhijjha pi cittam na pariyadaya titthati, byapado pi cittam na pariyadaya titthati, thinamiddham-pi ... uddhaccakukkuccam-pi ... vicikiccha pi ... arati pi ... tandi pi cittam na pariyadaya titthati. Vivekam Anuruddha kamehi vivekam akusalehi dhammehi pitisukham adhigacchati annan-ca tato santataram.

Kinti vo Anuruddha mayi hoti: ye asava sankilesika ponobhavika sadara dukkhavipaka ayatim jatijaramaraniya appahina te Tathagatassa, tasma Tathagato sankhay' ekam patisevati sankhay' ekam adhivaseti, sankhay' ekam parivajjeti sankhay' ekam vinodetiti. - Na kho no bhante Bhagavati evam hoti: ye asava sankilesika ponobhavika sadara dukkhavipaka ayatim jatijaramaraniya appahina te Tathagatassa, tasma Tathagato sankhay' ekam patisevati sankhay' ekam adhivaseti, sankhay' ekam parivajjeti sankhay' ekam vinodetiti. Evam kho no bhante Bhagavati hoti: ye asava sankilesika ponobhavika sadara dukkhavipaka ayatim jatijaramaraniya pahina te Tathagatassa, tasma Tathagato sankhay' ekam patisevati sankhay' ekam adhivaseti, sankhay' ekam parivajjeti sankhay' ekam vinodetiti. - Sadhu sadhu Anuruddha. Tathagatassa Anuruddha ye asava sankilesika ponobhavika sadara dukkhavipaka ayatim jatijaramaraniya pahina ucchinnamula talavatthukata anabhavakata ayatim anuppadadhamma. Seyyatha pi Anuruddha talo matthakacchinno abhabbo puna virulhiya, evam-eva kho Anuruddha Tathagatassa ye asava sankilesika - pe - anuppadadhamma; tasma Tathagato sankhay' ekam patisevati sankhay' ekam adhivaseti, sankhay' ekam parivajjeti sankhay' ekam vinodeti.

Tam kim-mannasi Anuruddha: kam atthavasam sampassamano Tathagato savake abbhatite kalakate upapattisu byakaroti: asu amutra upapanno, asu amutra upapanno ti. --

[page 465]

Bhagavammulaka no bhante dhamma Bhagavamnettika Bhagavampatisarana. Sadhu vata bhante Bhagavantam yeva patibhatu etassa bhasitassa attho, Bhagavato sutva bhikkhu dharessantiti. - Na kho Anuruddha Tathagato janakuhanattham na janalapanattham na labhasakkarasilokanisamsattham, na: iti mam jano janatuti savake abbhatite kalakate upapattisu byakaroti: asu amutra upapanno, asu amutra upapanno ti. Santi ca kho Anuruddha kulaputta saddha ularaveda ularapamujja, te tam sutva tathattaya cittam upasamharanti. Tesan-tam Anuruddha hoti digharattam hitaya sukhaya.

Idhanuruddha bhikkhu sunati: itthannamo bhikkhu kalakato, so Bhagavata byakato: annaya santhahiti. So kho pan' assa ayasma samam dittho va hoti anussavasuto va evamsilo so ayasma ahosi iti pi, evamdhammo so ayasma ahosi iti pi, evampanno so ayasma ahosi iti pi, evamvihari so ayasma ahosi iti pi, evam vimutto so ayasma ahosi iti piti. So tassa saddhan-ca silan-ca sutan-ca cagan-ca pannan-ca anussaranto tathattaya cittam upasamharati. Evam-pi kho Anuruddha bhikkhuno phasuviharo hoti. Idhanuruddha bhikkhu sunati: itthannamo bhikkhu kalakato, so Bhagavata byakato: pancannam orambhagiyanam samyojananam parikkhaya opapatiko tatthaparinibbayi anavattidhammo tasma loka ti. So kho pan' assa ayasma samam dittho va hoti anussavasuto va: evamsilo so ayasma ahosi iti pi, evamdhammo - pe - evampanno - evamvihari - evam vimutto so ayasma ahosi iti piti. So tassa saddhan-ca --pe-pannan-ca anussaranto tathattaya cittam upasamharati.

Evam-pi kho Anuruddha bhikkhuno phasuviharo hoti.

Idhunuruddha bhikkhu sunati: itthannamo bhikkhu kalakato, so Bhagavata byakato: tinnam samyojananam parikkhaya ragadosamohanam tanutta sakadagami, sakid-eva imam, lokam agantva dukkhass' antam karissatiti. So kho pan' assa ayasma samam dittho va hoti anussavasuto va: evamsilo ... evam vimutto so ayasma ahosi iti piti. So tassa saddhan-ca - pe - pannan-ca anussaranto tathattaya cittam upasamharati.

[page 466]

Evam-pi kho Anuruddha bhikkhuno phasuviharo hoti. Idhanuruddha bhikkhu sunati: itthannamo bhikkhu kalakato, so Bhagavata byakato: tinnam samyojananam parikkhaya sotapanno avinipatadhammo niyato sambodhiparayano ti. So kho pan' assa ayasma samam dittho va hoti anussavasuto va: evamsilo ... evam vimutto so ayasma ahosi iti piti. So tassa saddhan-ca - pe - pannanca anussaranto tathattaya cittam upasamharati. Evam-pi kho Anuruddha bhikkhuno phasuviharo hoti.

Idhanuruddha bhikkhuni sunati: itthannama bhikkhuni kalakata, sa Bhagavata byakata: annaya santhahiti. Sa kho pan' assa bhagini samam dittha va hoti anussavasuta va:

evamsila sa bhagini ahosi iti pi, evamdhamma - pe - evampanna - evamviharini - evam vimutta sa bhagini ahosi iti piti. Sa tassa saddhan-ca - pe - pannan-ca anussaranti tathattaya cittam upasamharati. Evam-pi kho Anuruddha bhikkhuniya phasuviharo hoti. Idhanuruddha bhikkhuni sunati: itthannama bhikkhuni kalakata, sa Bhagavata byakata: pancannam orambhagiyanam samyojananam parikkhaya opapatika tatthaparinibbayini anavattidhamma tasma loka ti.

Sa kho pan' assa bhagini samam dittha va hoti anussavasuta va: evamsila ... evam vimutta sa bhagini ahosi iti piti.

Sa tassa saddhan-ca - pe - pannan-ca anussaranti tathattaya cittam upasamharati. Evam-pi kho Anuruddha bhikkhuniya phasuviharo hoti. Idhanuruddha bhikkhuni sunati: itthannama bhikkhuni kalakata, sa Bhagavata byakata: tinnam samyojananam parikkhaya ragadosamohanam tanutta sakadagamini, sakid-eva imam lokam agantva dukkhass' antam karissatiti. Sa kho pan' assa bhagini samam dittha va hoti anussavasuta va: evamsila ... evam vimutta sa bhagini ahosi iti piti. Sa tassa saddhan-ca --pe-pannan-ca anussaranti tathattaya cittam upasamharati.

Evam-pi kho Anuruddha bhikkhuniya phasuviharo hoti.

Idhanuruddha bhikkhuni sunati: itthannama bhikkhuni kalakata, sa Bhagavata byakata: tinnam samyojananam parikkhaya sotapanna avinipatadhamma niyata sambodhiparayana

[page 467]

ti. Sa kho pan' assa bhagini samam dittha va hoti anussavasuta va: evamsila ... evam vimutta sa bhagini ahosi iti piti. Sa tassa saddhan-ca - pe - pannan-ca anussaranti tathattaya cittam upasamharati. Evam-pi kho Anuruddha bhikkhuniya phasuviharo hoti.

Idhanuruddha upasako sunati: itthannamo upasako kalakato, so Bhagavata byakato: pancannam orambhagiyanam samyojananam parikkhaya opapatiko tatthaparinibbayi anavattidhammo tasma loka ti. So kho pan' assa ayasma samam dittho va hoti anussavasuto va: evamsilo so ayasma ahosi iti pi, evamdhammo - pe - evampanno - evamvihari - evam vimutto so ayasma ahosi iti piti. So tassa saddhan-ca - pe - pannan-ca anussaranto tathattaya cittam upasamharati. Evam-pi kho Anuruddha upasakassa phasuviharo hoti. Idhanuruddha upasako sunati: itthannamo upasako kalakato, so Bhagavata byakato: tinnam samyojananam parikkhaya ragadosamohanam tanutta sakadagami, sakid-eva imam lokam agantva dukkhass' antam karissatiti.

So kho pan' assa ayasma samam dittho va hoti anussavasuto va: evamsilo ... evam vimutto so ayasma ahosi iti piti. So tassa saddhan-ca - pe - pannan-ca anussaranto tathattaya cittam upasamharati. Evam-pi kho Anuruddha upasakassa phasuviharo hoti. Idhanuruddha upasako sunati:

itthannamo upasako kalakato, so Bhagavata byakato: tinnam samyojananam parikkhaya sotapanno avinipatadhammo niyato sambodhiparayano ti. So kho pan' assa ayasma samam dittho va hoti anussavasuto va: evamsilo ... evam vimutto so ayasma ahosi iti piti. So tassa saddhan-ca --pe-pannan-ca anussaranto tathattaya cittam upasamharati.

Evam-pi kho Anuruddha upasakassa phasuviharo hoti.

Idhanuruddha upasika sunati: itthannama upasika kalakata, sa Bhagavata byakata: pancannam orambhagiyanam samyojananam parikkhaya opapatika tatthaparinibbayini anavattidhamma tasma loka ti. Sa kho pan' assa bhagini samam dittha va hoti anussavasuta va: evamsila sa bhagini ahosi iti pi, evamdhamma - pe - evampanna - evamviharini

[page 468]

-- evam vimutta sa bhagini ahosi iti piti. Sa tassa saddhan-ca - pe - pannan-ca anussaranti tathattaya cittam upasamharati. Evam-pi kho Anuruddha upasikaya phasuviharo hoti. Idhanuruddha upasika sunati: itthannama upasika kalakata, sa Bhagavata byakata: tinnam samyojananam parikkhaya ragadosamohanam tanutta sakadagamini, sakideva imam lokam agantva dukkhass' antam karissatiti. Sa kho pan' assa bhagini samam dittha va hoti anussavasuta va: evamsila ... evam vimutta sa bhagini ahosi iti piti. Sa tassa saddhan-ca - pe - pannan-ca anussaranti tathattaya cittam upasamharati. Evam-pi kho Anuruddha upasikaya phasuviharo hoti. Idhanuruddha upasika sunati: itthannama upasika kalakata, sa Bhagavata byakata: tinnam samyojananam parikkhaya sotapanna avinipatadhamma niyata sambodhiparayana ti. Sa kho pan' assa bhagini samam dittha va hoti anussavasuta va: evamsila sa bhagini ahosi iti pi, evamdhamma sa bhagini ahosi iti pi, evampanna sa bhagini ahosi iti pi, evamviharini sa bhagini ahosi iti pi, evam vimutta sa bhagini ahosi iti piti. Sa tassa saddhan-ca silan-ca sutan-ca cagan-ca pannan-ca anussaranti tathattaya cittam upasamharati. Evam-pi kho Anuruddha upasikaya phasuviharo hoti.

Iti kho Anuruddha Tathagato na janakuhanattham na janalapanattham na labhasakkarasilokanisamsattham, na: iti mam jano janatuti savake abbhatite kalakate upapattisu byakaroti: asu amutra upapanno, asu amutra upapanno ti.

Santi ca kho Anuruddha kulaputta saddha ularaveda ularapamujja, te tam sutva tathattaya cittam upasamharanti.

Tesan-tam Anuruddha hoti digharattam hitaya sukhayati.

Idam-avoca Bhagava. Attamano ayasma Anuruddho Bhagavato bhasitam abhinanditi.

NALAKAPANASUTTANTAM ATTHAMAM.

[page 469]

 


 

LXIX. Gulissani Suttantam

Evam-me sutam. Ekam samayam Bhagava Rajagahe viharati Veluvane Kalandakanivape. Tena kho pana samayena Gulissani nama bhikkhu arannako padarasamacaro sanghamajjhe osato hoti kenacid-eva karaniyena. Tatra kho ayasma Sariputto Gulissanim bhikkhum arabbha bhikkhu amantesi:

Arannaken' avuso bhikkhuna sanghagatena sanghe viharantena sabrahmacarisu sagaravena bhavitabbam sappatissena. Sace avuso arannako bhikkhu sanghagato sanghe viharanto sabrahmacarisu agaravo hoti appatisso tassa bhavanti vattaro: kim-pan' imass' ayasmato arannakassa ekassaranne seriviharena yo ayam-ayasma sabrahmacarisu agaravo appatisso ti 'ssa bhavanti vattaro, tasma arannakena bhikkhuna sanghagatena sanghe viharantena sabrahmacarisu sagaravena bhavitabbam sappatissena.

Arannaken' avuso bhikkhuna sanghagatena sanghe viharantena asanakusalena bhavitabbam: iti there ca bhikkhu nanupakhajja nisidissami nave ca bhikkhu na asanena patibahissamiti. Sace avuso arannako bhikkhu sanghagato sanghe viharanto na asanakusalo hoti tassa bhavanti vattaro:

kim-pan' imass' ayasmato arannakassa ekassaranne seriviharena yo ayam-ayasma abhisamacarikam-pi dhammam na janati ti 'ssa bhavanti vattaro, tasma arannakena bhikkhuna sanghagatena sanghe viharantena asanakusalena bhavitabbam.

Arannaken' avuso bhikkhuna s. s. viharantena natikalena gamo pavisitabbo na diva patikkamitabbam. Sace avuso arannako bhikkhu s. s. viharanto atikalena gamam pavisati diva patikkamati tassa bhavanti vattaro: kim-pan' imass' ayasmato arannakassa ekassaranne seriviharena yo ayamayasma atikalena gamam pavisati diva patikkamati ti 'ssa bhavanti vattaro, tasma arannakena bhikkhuna s. s. viharantena natikalena gamo pavisitabbo na diva patikkamitabbam.

Arannaken' avuso bhikkhuna s. s. viharantena na purebhattam pacchabhattam kulesu carittam apajjitabbam.

[page 470]

Sace avuso arannako bhikkhu s. s. viharanto purebhattam pacchabhattam kulesu carittam apajjati tassa bhavanti vattaro:

ayam nun' imass' ayasmato arannakassa ekassaranne seriviharena viharato vikalacariya bahulikata, tam-enam sanghagatam-pi samudacarati ti 'ssa bhavanti vattaro, tasma arannakena bhikkhuna s. s. viharantena na purebhattam pacchabhattam kulesu carittam apajjitabbam.

Arannaken' avuso bhikkhuna s. s. viharantena anuddhatena bhavitabbam acapalena. Sace avuso arannako bhikkhu s. s. viharanto uddhato hoti capalo tassa bhavanti vattaro:

idam nun' imass' ayasmato arannakassa ekassaranne seriviharena viharato uddhaccam capalyam bahulikatam, tamenam sanghagatam-pi samudacarati ti 'ssa bhavanti vattaro, tasma arannakena bhikkhuna s. s. viharantena anuddhatena bhavitabbam acapalena.

Arannaken' avuso bhikkhuna s. s. viharantena amukharena bhavitabbam avikinnavacena. Sace avuso arannako bhikkhu s. s. viharanto mukharo hoti vikinnavaco tassa bhavanti vattaro: kim-pan' imass' ayasmato arannakassa ekassaranne seriviharena yo ayam-ayasma mukharo vikinnavaco ti 'ssa bhavanti vattaro, tasma arannakena bhikkhuna s. s. viharantena amukharena bhavitabbam avikinnavacena.

Arannaken' avuso bhikkhuna sanghagatena sanghe viharantena suvacena bhavitabbam kalyanamittena. Sace avuso arannako bhikkhu sanghagato sanghe viharanto dubbaco hoti papamitto tassa bhavanti vattaro: kim-pan' imass' ayasmato arannakassa ekassaranne seriviharena yo ayam-ayasma dubbaco papamitto ti 'ssa bhavanti vattaro, tasma arannakena bhikkhuna sanghagatena sanghe viharantena suvacena bhavitabbam kalyanamittena.

Arannaken' avuso bhikkhuna indriyesu guttadvarena bhavitabbam. Sace avuso arannako bhikkhu indriyesu aguttadvaro hoti tassa bhavanti vattaro: kim-pan' imass' ayasmato arannakassa ekassaranne seriviharena yo ayamayasma indriyesu aguttadvaro ti 'ssa bhavanti vattaro,

[page 471]

tasma arannakena bhikkhuna indriyesu guttadvarena bhavitabbam.

Arannaken' avuso bhikkhuna bhojane mattannuna bhavitabbam. Sace avuso arannako bhikkhu bhojane amattannu hoti tassa bhavanti vattaro: kim-pan' imass' ayasmato arannakassa ekassaranne seriviharena yo ayam-ayasma bhojane amattannu ti 'ssa bhavanti vattaro, tasma arannakena bhikkhuna bhojane mattannuna bhavitabbam.

Arannaken' avuso bhikkhuna jagariyam anuyuttena bhavitabbam. Sace avuso arannako bhikkhu jagariyam ananuyutto hoti tassa bhavanti vattaro: kim-pan' imass' ayasmato arannakassa ekassaranne seriviharena yo ayamayasma jagariyam ananuyutto ti 'ssa bhavanti vattaro, tasma arannakena bhikkhuna jagariyam anuyuttena bhavitabbam.

Arannaken' avuso bhikkhuna araddhaviriyena bhavitabbam. Sace avuso arannako bhikkhu kusito hoti tassa bhavanti vattaro: kim-pan' imass' ayasmato arannakassa ekassaranne seriviharena yo ayam-ayasma kusito ti 'ssa bhavanti vattaro, tasma arannakena bhikkhuna araddhaviriyena bhavitabbam.

Arannaken' avuso bhikkhuna upatthitasatina bhavitabbam. Sace avuso arannako bhikkhu mutthassati hoti tassa bhavanti vattaro: kim-pan' imass' ayasmato arannakassa ekassaranne seriviharena yo ayam-ayasma mutthassati ti 'ssa bhavanti vattaro, tasma arannakena bhikkhuna upatthitasatina bhavitabbam

Arannaken' avuso bhikkhuna samahitena bhavitabbam.

Sace avuso arannako bhikkhu asamahito hoti tassa bhavanti vattaro: kim-pan' imass' ayasmato arannakassa ekassaranne seriviharena yo ayam-ayasma asamahito ti 'ssa bhavanti vattaro, tasma arannakena bhikkhuna samahitena bhavitabbam.

Arannaken' avuso bhikkhuna pannavata bhavitabbam.

Sace avuso arannako bhikkhu duppanno hoti tassa bhavanti vattaro:

[page 472]

kim-pan' imass' ayasmato arannakassa ekassaranne seriviharena yo ayam-ayasma duppanno ti 'ssa bhavanti vattaro, tasma arannakena bhikkhuna pannavata bhavitabbam.

Arannaken' avuso bhikkhuna abhidhamme abhivinaye yogo karaniyo. Sant' avuso arannakam bhikkhum abhidhamme abhivinaye panham pucchitaro. Sace avuso arannako bhikkhu abhidhamme abhivinaye panham puttho na sampayati tassa bhavanti vattaro: kim-pan' imass' ayasmato arannakassa ekassaranne seriviharena yo ayam-ayasma abhidhamme abhivinaye panham puttho na sampayati ti 'ssa bhavanti vattaro, tasma arannakena bhikkhuna abhidhamme abhivinaye yogo karaniyo.

Arannaken' avuso bhikkhuna ye te santa vimokha atikkamma rupe aruppa tattha yogo karaniyo. Sant' avuso arannakam bhikkhum ye te santa vimokha atikkamma rupe aruppa tattha panham pucchitaro. Sace avuso arannako bhikkhu ye te santa vimokha atikkamma rupe aruppa tattha panham puttho na sampayati tassa bhavanti vattaro: kimpan' imass' ayasmato arannakassa ekassaranne seriviharena yo ayam-ayasma ye te santa vimokha atikkamma rupe aruppa tattha panham puttho na sampayati ti 'ssa bhavanti vattaro, tasma arannakena bhikkhuna ye te santa vimokha atikkamma rupe aruppa tattha yogo karaniyo.

Arannaken' avuso bhikkhuna uttarimanussadhamme yogo karaniyo. Sant' avuso arannakam bhikkhum uttarimanussadhamme panham pucchitaro. Sace avuso arannako bhikkhu uttarimanussadhamme panham puttho na sampayati tassa bhavanti vattaro: kim-pan' imass' ayasmato arannakassa ekassaranne seriviharena yo ayam-ayasma yassa p' atthaya pabbajito tam p' attham na janati ti 'ssa bhavanti vattaro, tasma arannakena bhikkhuna uttarimanussadhamme yogo karaniyo ti.

Evam vutte ayasma Mahamoggallano ayasmantam Sariputtam etad-avoca: Arannaken' eva nu kho avuso Sariputta bhikkhuna ime dhamma samadaya vattitabba udahu gamantaviharina piti.

[page 473]

- Arannakenapi kho avuso Moggallana bhikkhuna ime dhamma samadaya vattitabba, pag-eva gamantaviharina ti.

GULISSANISUTTANTAM NAVAMAM.

 


 

LXX. Kitagiri Suttantam

Evam-me sutam. Ekam samayam Bhagava Kasisu carikam carati mahata bhikkhusanghena saddhim. Tatra kho Bhagava bhikkhu amantesi: Aham kho bhikkhave annatr' eva rattibhojana bhunjami, annatra kho panaham bhikkhave rattibhojana bhunjamano appabadhatan-ca sanjanami appatankatan-ca lahutthanan-ca balan-ca phasuviharan-ca. Etha tumhe pi bhikkhave annatr' eva rattibhojana bhunjatha, annatra kho pana bhikkhave tumhe pi rattibhojana bhunjamana appabadhatan-ca sanjanissatha appatankatan-ca lahutthanan-ca balan-ca phasuviharancati. Evam-bhante ti kho te bhikkhu Bhagavato paccassosum. Atha kho Bhagava Kasisu anupubbena carikam caramano yena Kitagiri nama Kasinam nigamo tad-avasari.

Tatra sudam Bhagava Kitagirismim viharati Kasinam nigame.

Tena kho pana samayena Assaji-Punabbasuka nama bhikkhu Kitagirismim avasika honti. Atha kho sambahula bhikkhu yena Assaji-Punabbasuka bhikkhu ten' upasankamimsu, upasankamitva Assaji-Punabbasuke bhikkhu etad-avocum:

Bhagava kho avuso annatr' eva rattibhojana bhunjati bhikkhusangho ca, annatra kho pan' avuso rattibhojana bhunjamana appabadhatan-ca sanjananti appatankatan-ca lahutthanan-ca balan-ca phasuviharan-ca; etha tumhe pi avuso annatr' eva rattibhojana bhunjatha, annatra kho pan' avuso tumhe pi rattibhojana bhunjamana appabadhatan-ca sanjanissatha appatankatan-ca lahutthanan-ca balan-ca phasuviharancati.

[page 474]

Evam vutte Assaji-Punabbasuka bhikkhu te bhikkhu etad-avocum: Mayam kho avuso sayan-c' eva bhunjama pato ca diva ca vikale, te mayam sayan-c' eva bhunjamana pato ca diva ca vikale appabadhatan-ca sanjanama appatankatan-ca lahutthanan-ca balan-ca phasuviharan-ca, te mayam kim sanditthikam hitva kalikam anudhavissama, sayan-c' eva mayam bhunjissama pato ca diva ca vikale ti.

Yato kho te bhikkhu nasakkhimsu Assaji-Punabbasuke bhikkhu sannapetum atha yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinna kho te bhikkhu Bhagavantam etad-avocum: Idha mayam bhante yena Assaji-Punabbasuka bhikkhu ten' upasankamimha, upasankamitva Assaji-Punabbasuke bhikkhu etad avocumha: Bhagava kho avuso annatr' eva rattibhojana bhunjati - pe - phasuviharan cati. Evam vutte bhante Assaji-Punabbasuka bhikkhu amhe etad-avocum:

Mayam kho avuso - pe - diva ca vikale ti. Yato kho mayam bhante nasakkhimha Assaji-Punabbasuke bhikkhu sannapetum atha mayam etam-attham Bhagavato arocemati.

Atha kho Bhagava annataram bhikkhum amantesi: Ehi tvam bhikkhu mama vacanena Assaji-Punabbasuke bhikkhu amantehi: satthayasmante amantetiti. Evam-bhante ti kho so bhikkhu Bhagavato patissutva yena Assaji-Punabbasuka bhikkhu ten' upasankami, upasankamitva Assaji-Punabbasuke bhikkhu etad-avoca: Satthayasmante amantetiti. Evamavuso ti kho Assaji-Punabbasuka bhikkhu tassa bhikkhuno patissutva yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinne kho Assaji-Punabbasuke bhikkhu Bhagava etadavoca: Saccam kira bhikkhave sambahula bhikkhu tumhe upasankamitva etad-avocum: Bhagava kho avuso annatr' eva rattibhojana bhunjati bhikkhusangho ca, annatra kho pan' avuso rattibhojana bhunjamana appabadhatan-ca sanjananti appatankatan-ca lahutthanan-ca balan-ca phasuviharan-ca; etha tumhe pi avuso annatra rattibhojana bhunjatha, annatra kho pan' avuso tumhe pi rattibhojana bhunjamana appabadhatan-ca sanjanissatha appatankatan-ca lahutthanan-ca balan ca phasuviharan-cati.

[page 475]

Evam vutte kira bhikkhave tumhe te bhikkhu evam avacuttha: Mayam kho avuso sayan-c' eva bhunjama pato ca diva ca vikale, te mayam sayan-c' eva bhunjamana pato ca diva ca vikale appabadhatan-ca sanjanama appatankatan-ca lahutthananca balan-ca phasuviharan-ca, te mayam kim sanditthikam hitva kalikam anudhavissama, sayan-c' eva mayam bhunjissama pato ca diva ca vikale ti. - Evam bhante.

Kin-nu me tumhe bhikkhave evam dhammam desitam ajanatha: Yam kincayam purisapuggalo patisamvedeti sukham va dukkham va adukkhamasukham va, tassa akusala dhamma parihayanti kusala dhamma abhivaddhantiti. - No h' etam bhante. - Nanu me tumhe bhikkhave evam dhammam desitam ajanatha: Idh' ekaccassa evarupam sukham vedanam vediyato akusala dhamma abhivaddhanti kusala dhamma parihayanti, idha pan' ekaccassa evarupam sukham vedanam vediyato akusala dhamma parihayanti kusala dhamma abhivaddhanti; idh' ekaccassa evarupam dukkham vedanam vediyato akusala dhamma abhivaddhanti kusala dhamma parihayanti, idha pan' ekaccassa evarupam dukkham vedanam vediyato akusala dhamma parihayanti kusala dhamma abhivaddhanti; idh' ekaccassa evarupam adukkhamasukham vedanam vediyato akusala dhamma abhivaddhanti kusala dhamma parihayanti, idha pan' ekaccassa evarupam adukkhamasukham vedanam vediyato akusala dhamma parihayanti kusala dhamma abhivaddhantiti. - Evam-bhante.

Sadhu bhikkhave. Maya c' etam bhikkhave annatam abhavissa adittham aviditam asacchikatam aphassitam pannaya:

idh' ekaccassa evarupam sukham vedanam vediyato akusala dhamma abhivaddhanti kusala dhamma parihayantiti, evamaham ajananto: evarupam sukham vedanam pajahathati vadeyyam, api nu me etam bhikkhave patirupam abhavissati.

-- No h' etam bhante. - Yasma ca kho etam bhikkhave maya natam dittham viditam sacchikatam phassitam pannaya:

idh' ekaccassa evarupam sukham vedanam vediyato akusala dhamma abhivaddhanti kusala dhamma parihayantiti,

[page 476]

tasma 'ham: evarupam sukham vedanam pajahathati vadami. Maya c' etam bhikkhave annatam abhavissa adittham aviditam asacchikatam aphassitam pannaya: idh' ekaccassa evarupam sukham vedanam vediyato akusala dhamma parihayanti kusala dhamma abhivaddhantiti, evam-aham ajananto: evarupam sukham vedanam upasampajja viharathati vadeyyam, api nu me etam bhikkhave patirupam abhavissati. - No h' etam bhante. - Yasma ca kho etam bhikkhave maya natam dittham viditam sacchikatam phassitam pannaya: idh' ekaccassa evarupam sukham vedanam vediyato akusala dhamma parihayanti kusala dhamma abhivaddhantiti, tasma 'ham:

evarupam sukham vedanam upasampajja viharathati vadami.

Maya c' etam bhikkhave annatam abhavissa adittham aviditam asacchikatam aphassitam pannaya: idh' ekaccassa evarupam dukkham vedanam - pe - evarupam adukkhamasukham vedanam vediyato akusala dhamma abhivaddhanti kusala dhamma parihayantiti, evam-aham ajananto: evarupam adukkhamasukham vedanam pajahathati vadeyyam, api nu me etam bhikkhave patirupam abhavissati. - No h' etam bhante. - Yasma ca kho etam bhikkhave maya natam dittham viditam sacchikatam phassitam pannaya: idh' ekaccassa evarupam adukkhamasukham vedanam vediyato akusala dhamma abhivaddhanti kusala dhamma parihayantiti, tasma 'ham: evarupam adukkhamasukham vedanam pajahathati vadami. Maya c' etam bhikkhave annatam abhavissa adittham aviditam asacchikatam aphassitam pannaya: idh' ekaccassa evarupam adukkhamasukham vedanam vediyato akusala dhamma parihayanti kusala dhamma abhivaddhantiti, evam-aham ajananto: evarupam adukkhamasukham vedanam upasampajja viharathati vadeyyam, api nu me etam bhikkhave patirupam abhavissati. - No h' etam bhante. -Yasma ca kho etam bhikkhave maya natam dittham viditam sacchikatam phassitam pannaya: idh' ekaccassa evarupam adukkhamasukham vedanam vediyato akusala dhamma parihayanti kusala dhamma abhivaddhantiti, tasma 'ham: evarupam adukkhamasukham vedanam upasampajja viharathati vadami.

[page 477]

Naham bhikkhave sabbesam yeva bhikkhunam appamadena karaniyan-ti vadami; na panaham bhikkhave sabbesam yeva bhikkhunam na appamadena karaniyan-ti vadami.

Ye te bhikkhave bhikkhu arahanto khinasava vusitavanto katakaraniya ohitabhara anuppattasadattha parikkhinabhavasamyojana samma-d-anna vimutta, tatharupanaham bhikkhave bhikkhunam na appamadena karaniyan-ti vadami; tam kissa hetu: katan-tesam appamadena, abhabba te pamajjitum. Ye ca kho te bhikkhave bhikkhu sekha appattamanasa anuttaram yogakkhemam patthayamana viharanti, tatharupanaham bhikkhave bhikkhunam appamadena karaniyan-ti vadami, tam kissa hetu: app-eva nam' ime ayasmanto anulomikani senasanani patisevamana kalyanamitte bhajamana indriyani samannanayamana yass' atthaya kulaputta samma-d-eva agarasma anagariyam pabbajanti tadanuttaram brahmacariyapariyosanam ditthe va dhamme sayam abhinna sacchikatva upasampajja vihareyyun-ti, imam kho aham bhikkhave imesam bhikkhunam appamadaphalam sampassamano appamadena karaniyan-ti vadami.

Satt' ime bhikkhave puggala santo samvijjamana lokasmim, katame satta: ubhatobhagavimutto pannavimutto kayasakkhi ditthippatto saddhavimutto dhammanusari saddhanusari.

Katamo ca bhikkhave puggalo ubhatobhagavimutto:

Idha bhikkhave ekacco puggalo ye te santa vimokha atikkamma rupe aruppa te kayena phassitva viharati, pannaya c' assa disva asava parikkhina honti. Ayam vuccati bhikkhave puggalo ubhatobhagavimutto. Imassa kho aham bhikkhave bhikkhuno na appamadena karaniyan-ti vadami, tam kissa hetu: katan-tassa appamadena, abhabbo so pamajjitum.

Katamo ca bhikkhave puggalo pannavimutto: Idha bhikkhave ekacco puggalo ye te santa vimokha atikkamma rupe aruppa te na kayena phassitva viharati, pannaya c' assa disva asava parikkhina honti. Ayam vuccati bhikkhave puggalo pannavimutto.

[page 478]

Imassa pi kho aham bhikkhave bhikkhuno na appamadena karaniyan-ti vadami, tam kissa hetu: katan-tassa appamadena, abhabbo so pamajjitum.

Katamo ca bhikkhave puggalo kayasakkhi: Idha bhikkhave ekacco puggalo ye te santa vimokha atikkamma rupe aruppa te kayena phassitva viharati, pannaya c' assa disva ekacce asava parikkhina honti. Ayam vuccati bhikkhave puggalo kayasakkhi. Imassa kho aham bhikkhave bhikkhuno appamadena karaniyan-ti vadami, tam kissa hetu:

app-eva nama ayam-ayasma anulomikani senasanani patisevamano kalyanamitte bhajamano indriyani samannanayamano yass' atthaya kulaputta samma-d-eva agarasma anagariyam pabbajanti tad-anuttaram brahmacariyapariyosanam ditthe va dhamme sayam abhinna sacchikatva upasampajja vihareyyati, imam kho aham bhikkhave imassa bhikkhuno appamadaphalam sampassamano appamadena karaniyan-ti vadami.

Katamo ca bhikkhave puggalo ditthippatto: Idha bhikkhave ekacco puggalo ye te santa vimokha atikkamma rupe aruppa te na kayena phassitva viharati, pannaya c' assa disva ekacce asava parikkhina honti, Tathagatappavedita c' assa dhamma pannaya vodittha honti vocarita. Ayam vuccati bhikkhave puggalo ditthippatto. Imassa pi kho aham bhikkhave bhikkhuno appamadena karaniyan-ti vadami, tam kissa hetu: app-eva nama ayam-ayasma anulomikani senasanani patisevamano - pe - upasampajja vihareyyati, imam kho aham bhikkhave imassa bhikkhuno appamadaphalam sampassamano appamadena karaniyan-ti vadami.

Katamo ca bhikkhave puggalo saddhavimutto: Idha bhikkhave ekacco puggalo ye te santa vimokha atikkamma rupe aruppa te na kayena phassitva viharati, pannaya c' assa disva ekacce asava parikkhina honti, Tathagate c' assa saddha nivittha hoti mulajata patitthita. Ayam vuccati bhikkhave puggalo saddhavimutto. Imassa pi kho aham bhikkhave bhikkhuno appamadena karaniyan-ti vadami, tam kissa hetu: app-eva nama ayam-ayasma anulomikani senasanani patisevamano

[page 479]

- pe - upasampajja vihareyyati, imam kho aham bhikkhave imassa bhikkhuno appamadaphalam sampassamano appamadena karaniyan-ti vadami.

Katamo ca bhikkhave puggalo dhammanusari: Idha bhikkhave ekacco puggalo ye te santa vimokha atikkamma rupe aruppa te na kayena phassitva viharati, pannaya c' assa disva asava aparikkhina honti, Tathagatappavedita c' assa dhamma pannaya mattaso nijjhanam khamanti, api c' assa ime dhamma honti seyyathidam saddhindriyam viriyindriyam satindriyam samadhindriyam pannindriyam. Ayam vuccati bhikkhave puggalo dhammanusari. Imassa pi kho aham bhikkhave bhikkhuno appamadena karaniyan-ti vadami, tam kissa hetu: app-eva nama ayam-ayasma anulomikani senasanani patisevamano - pe - upasampajja vihareyyati, imam kho aham bhikkhave imassa bhikkhuno appamadaphalam sampassamano appamadena karaniyan-ti vadami.

Katamo ca bhikkhave puggalo saddhanusari: Idha bhikkhave ekacco puggalo ye te santa vimokha atikkamma rupe aruppa te na kayena phassitva viharati, pannaya c' assa disva asava aparikkhina honti, Tathagate c' assa saddhamattam hoti pemamattam, api c' assa ime dhamma honti seyyathidam saddhindriyam viriyindriyam satindriyam samadhindriyam pannindriyam. Ayam vuccati bhikkhave puggalo saddhanusari. Imassa pi kho aham bhikkhave bhikkhuno appamadena karaniyan-ti vadami, tam kissa hetu: app-eva nama ayam-ayasma anulomikani senasanani patisevamano kalyanamitte bhajamano indriyani samannanayamano yass' atthaya kulaputta samma-d-eva agarasma anagariyam pabbajanti tad-anuttaram brahmacariyapariyosanam ditthe va dhamme sayam abhinna sacchikatva upasampajja vihareyyati, imam kho aham bhikkhave imassa bhikkhuno appamadaphalam sampassamano appamadena karaniyan-ti vadami.

Naham bhikkhave adiken' eva annaradhanam vadami, api ca bhikkhave anupubbasikkha anupubbakiriya anupubbapatipada annaradhana hoti.

[page 480]

Kathan-ca bhikkhave anupubbasikkha anupubbakiriya anupubbapatipada annaradhana hoti: Idha bhikkhave saddhajato upasankamati, upasankamanto payirupasati, payirupasanto sotam odahati, ohitasoto dhammam sunati, sutva dhammam dhareti, dhatanam dhammanam attham upaparikkhati, attham upaparikkhato dhamma nijjhanam khamanti, dhammanijjhanakhantiya sati chando jayati, chandajato ussahati, ussahitva tuleti, tulayitva padahati, pahitatto samano kayena c' eva paramam saccam sacchikaroti pannaya ca nam ativijjha passati. Sa pi nama bhikkhave saddha nahosi, tam-pi nama bhikkhave upasankamanam nahosi, sa pi nama bhikkhave payirupasana nahosi, tam-pi nama bhikkhave sotavadhanam nahosi, tam-pi nama bhikkhave dhammasavanam nahosi, sa pi nama bhikkhave dhammadharana nahosi, sa pi nama bhikkhave atthupaparikkha nahosi, sa pi nama bhikkhave dhammanijjhanakhanti nahosi, so pi nama bhikkhave chando nahosi, so pi nama bhikkhave ussaho nahosi, sa pi nama bhikkhave tulana nahosi, tam-pi nama bhikkhave padhanam nahosi. Vippatipanna 'ttha bhikkhave, micchapatipanna 'ttha bhikkhave. Kiva dure v' ime bhikkhave moghapurisa apakkanta imasma dhammavinaya.

Atthi bhikkhave catuppadam veyyakaranam yass' udditthassa vinnu puriso nacirass' eva pannay' attham ajaneyya.

Uddisissami vo bhikkhave, ajanissatha {me^tan-ti}. - Ke ca mayam bhante ke ca dhammassa annataro ti. - Yo pi so bhikkhave sattha amisagaru amisadayado amisehi samsattho viharati, tassa p' ayam evarupi panopanavidha na upeti:

evan-ca no assa atha nam kareyyama, na ca no ev' assa na nam kareyyamati; kim-pana bhikkhave yam Tathagato sabbaso amisehi visamsattho viharati. Saddhassa bhikkhave savakassa satthu sasane pariyogaya vattato ayam-anudhammo hoti: sattha Bhagava, savako 'ham-asmi; janati Bhagava, {naham} janamiti. Saddhassa bhikkhave savakassa satthu sasane pariyogaya vattato rumhaniyam satthu sasanam hoti ojavantam. Saddhassa bhikkhave savakassa satthu sasane pariyogaya vattato ayam-anudhammo hoti:

[page 481]

kamam taco ca naharu ca atthi ca avasissatu, sarire upasussatu mamsalohitam, yan-tam purisatthamena purisaviriyena purisaparakkamena pattabbam na tam apapunitva viriyassa santhanam bhavissatiti. Saddhassa bhikkhave savakassa satthu sasane pariyogaya vattato dvinnam phalanam annataram phalam patikankham: ditthe va dhamme anna, sati va upadisese anagamita ti.

Idam-avoca Bhagava. Attamana te bhikkhu Bhagavato bhasitam abhinandun-ti.

KITAGIRISUTTANTAM DASAMAM.

BHIKKHUVAGGO DUTIYO.

 


 

3. Paribbajaka Vagga

LXXI. Tevijja-Vacchagotta Suttantam

Evam-me sutam. Ekam samayam Bhagava Vesaliyam viharati Mahavane Kutagarasalayam. Tena kho pana samayena Vacchagotto paribbajako Ekapundarike paribbajakarame pativasati. Atha kho Bhagava pubbanhasamayam nivasetva pattacivaram adaya Vesalim pindaya pavisi. Atha kho Bhagavato etadahosi: Atippago kho tava Vesaliyam pindaya caritum, yannunaham yena Ekapundariko paribbajakaramo yena Vacchagotto paribbajako ten' upasankameyyan-ti. Atha kho Bhagava yena Ekapundariko paribbajakaramo yena Vacchagotto paribbajako ten' upasankami. Addasa kho Vacchagotto paribbajako Bhagavantam durato va agacchantam, disvana Bhagavantam etad-avoca: Etu kho bhante Bhagava, sagatam bhante Bhagavato, cirassam kho bhante Bhagava imam pariyayam-akasi yadidam idh' agamanaya, nisidatu bhante Bhagava, idam-asanam pannattan-ti. Nisidi Bhagava pannatte asane, Vacchagotto pi kho paribbajako annataram nicam asanam gahetva ekamantam nisidi.

[page 482]

Ekamantam nisinno kho Vacchagotto paribbajako Bhagavantam etadavoca:

Sutam metam bhante: samano Gotamo sabbannu sabbadassavi, aparisesam nanadassanam patijanati: carato ca me titthato ca suttassa ca jagarassa ca satatam samitam nanadassanam paccupatthitan-ti. Ye te bhante evam-ahamsu:

samano Gotamo sabbannu sabbadassavi, aparisesam nanadassanam patijanati: carato ca me titthato ca suttassa ca jagarassa ca satatam samitam nanadassanam paccupatthitanti, kacci te bhante Bhagavato vuttavadino na ca Bhagavantam abhutena abbhacikkhanti dhammassa canudhammam byakaronti, na ca koci sahadhammiko vadanuvado garayham thanam agacchatiti. - Ye te Vaccha evam-ahamsu: samano Gotamo sabbannu sabbadassavi, aparisesam nanadassanam patijanati: carato ca me titthato ca suttassa ca jagarassa ca satatam samitam nanadassanam paccupatthitan-ti, na me te vuttavadino, abbhacikkhanti ca pana man-te asata abhutenati.

Katham byakaramana pana mayam bhante vuttavadino c' eva Bhagavato assama na ca Bhagavantam abhutena abbhacikkheyyama dhammassa canudhammam byakareyyama, na ca koci sahadhammiko vadanuvado garayham thanam agaccheyyati. - Tevijjo samano Gotamo ti kho Vaccha byakaramano vuttavadi c' eva me assa na ca mam abhutena abbhacikkheyya dhammassa canudhammam byakareyya, na ca koci sahadhammiko vadanuvado garayham thanam agaccheyya.

Aham hi Vaccha yavad-e akankhami anekavihitam pubbenivasam anussarami, seyyathidam ekam-pi jatim dve pi jatiyo - pe - iti sakaram sauddesam anekavihitam pubbenivasam anussarami. Aham hi Vaccha yavad-e akankhami dibbena cakkhuna visuddhena atikkantamanusakena satte passami cavamane upapajjamane, hine panite suvanne dubbanne sugate duggate - pe - yathakammupage satte pajanami. Aham hi Vaccha asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharami. Tevijjo samano Gotamo ti kho Vaccha byakaramano vuttavadi c' eva me assa na ca mam abhutena abbhacikkheyya dhammassa canudhammam byakareyya,

[page 483]

na ca koci sahadhammiko vadanuvado garayham thanam agaccheyyati.

Evam vutte Vacchagotto paribbajako Bhagavantam etadavoca: Atthi nu kho bho Gotama koci gihi gihisamyojanam appahaya kayassa bheda dukkhass' antamkaro ti. - Na-tthi kho Vaccha koci gihi gihisamyojanam appahaya kayassa bheda dukkhass' antamkaro ti. - Atthi pana bho Gotama koci gihi gihisamyojanam appahaya kayassa bheda saggupago ti. - Na kho Vaccha ekam yeva satam na dve satani na tini satani na cattari satani na panca satani, atha kho bhiyyo va ye gihi gihisamyojanam appahaya kayassa bheda saggupaga ti. - Atthi nu kho bho Gotama koci ajivako kayassa bheda dukkhass' antamkaro ti. - Na-tthi kho Vaccha koci ajivako kayassa bheda dukkhass' antamkaro ti.

-- Atthi pana bho Gotama koci ajivako kayassa bheda saggupago ti. - Ito kho so Vaccha ekanavuto kappo yamaham anussarami, nabhijanami kanci ajivakam saggupagam annatra ekena, so p' asi kammavadi kiriyavadi ti. - Evam sante bho Gotama sunnam adun-titthayatanam antamaso saggupagena piti. - Evam sante Vaccha sunnam aduntitthayatanam antamaso saggupagena piti.

Idam-avoca Bhagava. Attamano Vacchagotto paribbajako Bhagavato bhasitam abinanditi.

TEVIJJA-VACCHAGOTTASUTTANTAM PATHAMAM.

 


 

LXXII. Aggi-Vacchagotta Suttantam

Evam-me sutam. Ekam samayam Bhagava Savatthiyam viharati Jetavane Anathapindikassa arame. Atha kho Vacchagotto paribbajako yena Bhagava ten' upasankami, upasankamitva Bhagavata saddhim sammodi,

[page 484]

sammodaniyam katham saraniyam vitisaretva ekamantam nisidi. Ekamantam nisinno kho Vacchagotto paribbajako Bhagavantam etad-avoca:

Kin-nu kho bho Gotama: sassato loko, idam-eva saccam, mogham-annan-ti evamditthi bhavam Gotamo ti. -Na kho aham Vaccha evamditthi: sassato loko, idam-eva saccam, mogham-annan-ti. - Kim pana bho Gotama:

asassato loko, idam-eva saccam, mogham-annan-ti evamditthi bhavam Gotamo ti. - Na kho aham Vaccha evamditthi: asassato loko, idam-eva saccam, mogham-annan-ti.

-- Kin-nu kho bho Gotama: antava loko, idam-eva saccam, mogham-annan-ti evamditthi bhavam Gotamo ti. -Na kho aham Vaccha evamditthi: antava loko, idam-eva saccam, mogham-annan-ti. - Kim pana bho Gotama: anantava loko, idam-eva saccam, mogham-annan-ti evamditthi bhavam Gotamo ti. - Na kho aham Vaccha evamditthi:

anantava loko, idam-eva saccam, mogham-annan-ti. - Kin-nu kho bho Gotama: tam jivam tam sariram, idam-eva saccam, mogham-annan-ti evamditthi bhavam Gotamo ti. - Na kho aham Vaccha evamditthi: tam jivam tam sariram, idam-eva saccam, mogham-annan-ti. - Kim pana bho Gotama:

annam jivam annam sariram, idam-eva saccam, moghamannan-ti evamditthi bhavam Gotamo ti. - Na kho aham Vaccha evamditthi: annam jivam annam sariram, idam-eva saccam, mogham-annan-ti. - Kin-nu kho bho Gotama:

hoti tathagato param-marana, idam-eva saccam, moghamannan-ti evamditthi bhavam Gotamo ti. - Na kho aham Vaccha evamditthi: hoti tathagato param-marana, idam-eva saccam, mogham-annan-ti. - Kim pana bho Gotama: na hoti tathagato param-marana, idam-eva saccam, moghamannan-ti evamditthi bhavam Gotamo ti. - Na kho aham Vaccha evamditthi: na hoti tathagato param-marana, idameva saccam, mogham-annan-ti. - Kin-nu kho bho Gotama: hoti ca na ca hoti tathagato param-marana, idameva saccam, mogham-annan-ti evamditthi bhavam Gotamo

[page 485]

ti. - Na kho aham Vaccha evamditthi: hoti ca na ca hoti tathagato param-marana, idam-eva saccam, mogham-annan-ti. - Kim pana bho Gotama: n' eva hoti na na hoti tathagato param-marana, idam-eva saccam, mogham-annanti evamditthi bhavam Gotamo ti. - Na kho aham Vaccha evamditthi: n' eva hoti na na hoti tathagato param-marana, idam-eva saccam, mogham-annan-ti.

Kin-nu kho bho Gotama: sassato loko, idam-eva saccam, mogham-annan-ti evamditthi samano Gotamo ti iti puttho samano: na kho aham Vaccha evamditthi: sassato loko, idam-eva saccam, mogham-annan-ti vadesi. Kim pana bho Gotama: asassato loko, idam-eva saccam, moghamannan-ti evamditthi samano Gotamo ti iti puttho samano:

na kho aham Vaccha evamditthi: asassato loko, idam-eva saccam, mogham-annan-ti vadesi --pe--. Kin-nu kho bho Gotama: hoti ca na ca hoti tathagato param-marana, idam-eva saccam, mogham-annan-ti evamditthi samano Gotamo ti iti puttho samano: na kho aham Vaccha evamditthi: hoti ca na ca hoti tathagato param-marana, idameva saccam, mogham-annan-ti vadesi. Kim pana bho Gotama: n' eva hoti na na hoti tathagato param-marana, idam-eva saccam, mogham-annan-ti evamditthi samano Gotamo ti iti puttho samano: na kho aham Vaccha evamditthi: n' eva hoti na na hoti tathagato param-marana, idam-eva saccam, mogham-annan-ti vadesi. Kim pana bhavam Gotamo adinavam sampassamano evam imani sabbaso ditthigatani anupagato ti.

Sassato loko ti kho Vaccha ditthigatam-etam ditthigahanam ditthikantaram ditthivisukam ditthivipphanditam ditthisamyojanam, sadukkham savighatam saupayasam saparilaham, na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati. Asassato loko ti kho Vaccha - pe - antava loko ti kho Vaccha - anantava loko ti kho Vaccha - tam jivam tam sariran-ti kho Vaccha - annam jivam annam sariranti kho Vaccha - hoti tathagato param-marana ti kho Vaccha

[page 486]

- na hoti tathagato param-marana ti kho Vaccha - hoti ca na ca hoti tathagato param-marana ti kho Vaccha - n' eva hoti na na hoti tathagato param-marana ti kho Vaccha ditthigatam-etam ditthigahanam ditthikantaram ditthivisukam ditthivipphanditam ditthisamyojanam, sadukkham savighatam saupayasam saparilaham, na nibbidaya na viragaya na nirodhaya na upasamaya na abhinnaya na sambodhaya na nibbanaya samvattati. Imam kho aham Vaccha adinavam sampassamano evam imani sabbaso ditthigatani anupagato ti. - Atthi pana bhoto Gotamassa kinci ditthigatan-ti. -Ditthigatan-ti kho Vaccha apanitam-etam Tathagatassa.

Dittham h' etam Vaccha Tathagatena: iti rupam, iti rupassa samudayo, iti rupassa atthagamo; iti vedana, iti ve, danaya samudayo, iti vedanaya atthagamo; iti sanna, iti sannaya samudayo, iti sannaya atthagamo; iti sankhara, iti sankharanam samudayo, iti sankharanam atthagamo; iti vinnanam, iti vinnanassa samudayo, iti vinnanassa atthagamo ti. Tasma Tathagato sabbamannitanam sabbamathitanam sabba-ahimkara-mamimkara-mananusayanam khaya viraga nirodha caga patinissagga anupada vimutto ti vadamiti.

Evam vimuttacitto pana bho Gotama bhikkhu kuhim upapajjatiti. - Upapajjatiti kho Vaccha na upeti. - Tena hi bho Gotama na upapajjatiti. - Na upapajjatiti kho Vaccha na upeti. - Tena hi bho Gotama upapajjati ca na ca upapajjatiti. - Upapajjati ca na ca upapajjatiti kho Vaccha na upeti. - Tena hi bho Gotama n' eva upapajjati na na upapajjatiti. - N' eva upapajjati na na upapajjatiti kho Vaccha na upeti.

Evam vimuttacitto pana bho Gotama bhikkhu kuhim upapajjatiti iti puttho samano: upapajjatiti kho Vaccha na upetiti vadesi. Tena hi bho Gotama na upapajjatiti iti puttho samano: na upapajjatiti kho Vaccha na upetiti vadesi.

Tena hi bho Gotama upapajjati ca na ca upapajjatiti iti puttho samano: upapajjati ca na ca upapajjatiti kho Vaccha na upetiti vadesi. Tena hi bho Gotama n' eva upapajjati na na upapajjatiti iti puttho samano: n' eva upapajjati na na upapajjatiti kho Vaccha na upetiti vadesi.

[page 487]

Etthaham bho Gotama annanam-apadim, ettha sammoham-apadim, ya pi me esa bhoto Gotamassa purimena kathasallapena ahu pasadamatta sa pi me etarahi antarahita ti.

Alam hi te Vaccha annanaya alam sammohaya. Gambhiro h' ayam Vaccha dhammo duddaso duranubodho santo panito atakkavacaro nipuno panditavedaniyo, so taya dujjano annaditthikena annakhantikena annarucikena annatrayogena annathacariyakena. Tena hi Vaccha tam yev' ettha patipucchissami, yatha te khameyya tatha nam byakareyyasi.

Tam kim-mannasi Vaccha: sace te purato aggi jaleyya janeyyasi tvam: ayam me purato aggi jalatiti. - Sace me bho Gotama purato aggi jaleyya janeyyaham: ayam me purato aggi jalatiti. - Sace pana tam Vaccha evam puccheyya: yo te ayam purato aggi jalati ayam aggi kim paticca jalatiti, evam puttho tvam Vaccha kinti byakareyyasiti. -Sace mam bho Gotama evam puccheyya: yo te ayam purato aggi jalati ayam aggi kim paticca jalatiti, evam puttho aham bho Gotama evam byakareyyam: yo me ayam purato aggi jalati ayam aggi tinakatthupadanam paticca jalatiti. - Sace te Vaccha purato so aggi nibbayeyya janeyyasi tvam: ayam me purato aggi nibbuto ti. - Sace me bho Gotama purato so aggi nibbayeyya janeyyaham: ayam me purato aggi nibbuto ti. - Sace pana tam Vaccha evam puccheyya: yo te ayam purato aggi nibbuto so aggi ito katamam disam gato, puratthimam va pacchimam va uttaram va dakkhinam va ti, evam puttho tvam Vaccha kinti byakareyyasiti. - Na upeti bho Gotama. Yam hi so bho Gotama aggi tinakatthupadanam paticca ajali, tassa ca pariyadana annassa ca anupahara anaharo nibbuto t' eva sankham gacchatiti.

Evam-eva kho Vaccha yena rupena tathagatam pannapayamano pannapeyya tam rupam tathagatassa pahinam ucchinnamulam talavatthukatam anabhavakatam ayatim anuppadadhammam; rupasankhavimutto kho Vaccha tathagato, gambhiro appameyyo duppariyogaho seyyatha pi mahasamuddo, upapajjatiti na upeti, na upapajjatiti na upeti, upapajjati ca na ca upapajjatiti na upeti,

[page 488]

n' eva upapajjati na na upapajjatiti na upeti. Yaya vedanaya tathagatam pannapayamano pannapeyya sa vedana tathagatassa pahina ucchinnamula talavatthukata anabhavakata ayatim anuppadadhamma; vedanasankhavimutto kho Vaccha tathagato, gambhiro appameyyo duppariyogaho seyyatha pi mahasamuddo, upapajjatiti na upeti, na upapajjatiti na upeti, upapajjati ca na ca upapajjatiti na upeti, n' eva upapajjati na na upapajjatiti na upeti. Yaya sannaya tathagatam pannapayamano pannapeyya sa sanna tathagatassa pahina ucchinnamula talavatthukata anabhavakata ayatim anuppadadhamma; sannasankhavimutto kho Vaccha tathagato, gambhiro appameyyo ... n' eva upapajjati na na upapajjatiti na upeti.

Yehi sankharehi tathagatam pannapayamano pannapeyya te sankhara tathagatassa pahina ucchinnamula talavatthukata anabhavakata ayatim anuppadadhamma; sankharasankhavimutto kho Vaccha tathagato, gambhiro appameyyo ... n' eva upapajjati na na upapajjatiti na upeti. Yena vinnanena tathagatam pannapayamano pannapeyya tam vinnanam tathagatassa pahinam ucchinnamulam talavatthukatam anabhavakatam ayatim anuppadadhammam; vinnanasankhavimutto kho Vaccha tathagato, gambhiro appameyyo duppariyogaho seyyatha pi mahasamuddo, upapajjatiti na upeti, na upapajjatiti na upeti, upapajjati ca na ca upapajjatiti na upeti, n' eva upapajjati na na upapajjatiti na upetiti.

Evam vutte Vacchagotto paribbajako Bhagavantam etadavoca: Seyyatha pi bho Gotama gamassa va nigamassa va avidure maha salarukkho, tassa aniccata sakhapalasam palujjeyya, tacapapatika palujjeyyum, pheggu palujjeyya, so aparena samayena apagatasakhapalaso apagatatacapapatiko apagataphegguko suddho assa sare patitthito, evam-ev' idam bhoto Gotamassa pavacanam apagatasakhapalasam apagatatacapapatikam apagatapheggukam suddham sare patitthitam.

Abhikkantam bho Gotama, abhikkantam bho Gotama. Seyyatha pi bho Gotama nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya:

[page 489]

cakkhumanto rupani dakkhintiti, evam-evam bhota Gotamena anekapariyayena dhammo pakasito. Esaham bhavantam Gotamam saranam gacchami dhamman-ca bhikkhusanghan-ca. Upasakam-mam bhavam Gotamo dharetu ajjatagge panupetam saranagatan-ti.

AGGI-VACCHAGOTTASUTTANTAM DUTIYAM.

 


 

LXXIII. Maha Vacchagotta Suttantam

Evam-me sutam. Ekam samayam Bhagava Rajagahe viharati Veluvane Kalandakanivape. Atha kho Vacchagotto paribbajako yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam nisidi. Ekamantam nisinno kho Vacchagotto paribbajako Bhagavantam etad-avoca: Digharattaham bhota Gotamena sahakathi. Sadhu me bhavam Gotamo sankhittena kusalakusalam desetuti. - Sankhittena pi kho te aham Vaccha kusalakusalam deseyyam, vittharena pi kho te aham Vaccha kusalakusalam deseyyam, api ca te aham Vaccha sankhittena kusalakusalam desessami, tam sunahi sadhukam manasikarohi, bhasissamiti. Evam bho ti kho Vacchagotto paribbajako Bhagavato paccassosi. Bhagava etad-avoca:

Lobho kho Vaccha akusalam, alobho kusalam. Doso kho Vaccha akusalam, adoso kusalam. Moho kho Vaccha akusalam, amoho kusalam. Iti kho Vaccha ime tayo dhamma akusala, tayo dhamma kusala. Panatipato kho Vaccha akusalam, panatipata veramani kusalam. Adinnadanam kho Vaccha akusalam, adinnadana veramani kusalam.

Kamesu micchacaro kho Vaccha akusalam, kamesu micchacara veramani kusalam. Musavado kho Vaccha akusalam, musavada veramani kusalam. Pisuna vaca kho Vaccha akusalam,

[page 490]

pisunaya vacaya veramani kusalam. Pharusa vaca kho Vaccha akusalam, pharusaya vacaya veramani kusalam.

Samphappalapo kho Vaccha akusalam, samphappalapa veramani kusalam. Abhijjha kho Vaccha akusalam, anabhijjha kusalam. Byapado kho Vaccha akusalam, abyapado kusalam.

Micchaditthi kho Vaccha akusalam, sammaditthi kusalam. Iti kho Vaccha ime dasa dhamma akusala, dasa dhamma kusala. Yato kho Vaccha bhikkhuno tanha pahina hoti ucchinnamula talavatthukata anabhavakata ayatim anuppadadhamma, so hoti bhikkhu araham khinasavo vusitava katakaraniyo ohitabharo anuppattasadattho parikkhinabhavasamyojano samma-d-anna vimutto ti.

Titthatu bhavam Gotamo, atthi pana bhoto Gotamassa ekabhikkhu pi savako asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharatiti. - Na kho Vaccha ekam yeva satam na dve satani na tini satani na cattari satani na panca satani, atha kho bhiyyo va ye bhikkhu mama savaka asavanam khaya anasavam cetovimuttim pannavimuttim ditthe va dhamme sayam abhinna sacchikatva viharantiti. - Titthatu bhavam Gotamo, titthantu bhikkhu, atthi pana bhoto Gotamassa ekabhikkhuni pi savika asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharatiti. - Na kho Vaccha ekam yeva satam na dve satani na tini satani na cattari satani na panca satani, atha kho bhiyyo va ya bhikkhuniyo mama savika asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja viharantiti. - Titthatu bhavam Gotamo, titthantu bhikkhu, titthantu bhikkhuniyo, atthi pana bhoto Gotamassa ekupasako pi savako gihi odatavasano brahmacari pancannam orambhagiyanam samyojananam parikkhaya opapatiko tatthaparinibbayi anavattidhammo tasma loka ti. -Na kho Vaccha ekam yeva satam ... na panca satani, atha kho bhiyyo va ye upasaka mama savaka gihi odatavasana brahmacarino pancannam orambhagiyanam samyojananam parikkhaya opapatika tatthaparinibbayino anavattidhamma tasma loka ti.

[page 491]

- Titthatu bhavam Gotamo, titthantu bhikkhu, titthantu bhikkhuniyo, titthantu upasaka gihi odatavasana brahmacarino, atthi pana bhoto Gotamassa ekupasako pi savako gihi odatavasano kamabhogi sasanakaro ovadapatikaro tinnavicikiccho vigatakathamkatho vesarajjappatto aparappaccayo satthusasane viharatiti. - Na kho Vaccha ekam yeva satam ... na panca satani, atha kho bhiyyo va ye upasaka mama savaka gihi odatavasana kamabhogino sasanakara ovadapatikara tinnavicikiccha vigatakathamkatha vesarajjappatta aparappaccaya satthusasane viharantiti. - Titthatu bhavam Gotamo, titthantu bhikkhu, titthantu bhikkhuniyo, titthantu upasaka gihi odatavasana brahmacarino, titthantu upasaka gihi odatavasana kamabhogino, atthi pana bhoto Gotamassa ekupasika pi savika gihi odatavasana brahmacarini pancannam orambhagiyanam samyojananam parikkhaya opapatika tatthaparinibbayini anavattidhamma tasma loka ti.

-- Na kho Vaccha ekam yeva satam ... na panca satani, atha kho bhiyyo va ya upasika mama savika gihi odatavasana brahmacariniyo pancannam orambhagiyanam samyojananam parikkhaya opapatika tatthaparinibbayiniyo anavattidhamma tasma loka ti. - Titthatu bhavam Gotamo, titthantu bhikkhu, titthantu bhikkhuniyo, titthantu upasaka gihi odatavasana brahmacarino, titthantu upasaka gihi odatavasana kamabhogino, titthantu upasika gihi odatavasana brahmacariniyo, atthi pana bhoto Gotamassa ekupasika pi savika gihi odatavasana kamabhogini sasanakara ovadapatikara tinnavicikiccha vigatakathamkatha vesarajjappatta aparappaccaya satthusasane viharatiti. - Na kho Vaccha ekam yeva satam na dve satani na tini satani na cattari satani na panca satani, atha kho bhiyyo va ya upasika mama savika gihi odatavasana kamabhoginiyo sasanakara ovadapatikara tinnavicikiccha vigatakathamkatha vesarajjappatta aparappaccaya satthusasane viharantiti.

Sace hi bho Gotama imam dhammam bhavam yeva Gotamo aradhako abhavissa no ca kho bhikkhu aradhaka abhavimsu,

[page 492]

evam-idam brahmacariyam aparipuram abhavissa ten' angena; yasma ca kho bho Gotama imam dhammam bhavan-c' eva Gotamo aradhako bhikkhu ca aradhaka, evamidam brahmacariyam paripuram ten' angena. Sace hi bho Gotama imam dhammam bhavan-c' eva Gotamo aradhako abhavissa bhikkhu ca aradhaka abhavimsu, no ca kho bhikkhuniyo aradhika abhavimsu, evam-idam brahmacariyam aparipuram abhavissa ten' angena; yasma ca kho bho Gotama imam dhammam bhavan-c' eva Gotamo aradhako bhikkhu ca aradhaka bhikkhuniyo ca aradhika, evam-idam brahmacariyam paripuram ten' angena. Sace hi bho Gotama imam dhammam bhavan-c' eva Gotamo aradhako abhavissa bhikkhu ca aradhaka abhavimsu bhikkhuniyo ca aradhika abhavimsu, no ca kho upasaka gihi odatavasana brahmacarino aradhaka abhavimsu, evam-idam brahmacariyam aparipuram abhavissa ten' angena; yasma ca kho bho Gotama imam dhammam bhavan-c' eva Gotamo aradhako bhikkhu ca aradhaka bhikkhuniyo ca aradhika upasaka ca gihi odatavasana brahmacarino aradhaka, evam-idam brahmacariyam paripuram ten' angena. Sace hi bho Gotama imam dhammam bhavan-c' eva Gotamo aradhako abhavissa bhikkhu ca aradhaka abhavimsu bhikkhuniyo ca aradhika abhavimsu upasaka ca gihi odatavasana brahmacarino aradhaka abhavimsu, no ca kho upasaka gihi odatavasana kamabhogino aradhaka abhavimsu, evam-idam brahmacariyam aparipuram abhavissa ten' angena; yasma ca kho bho Gotama imam dhammam bhavan-c' eva Gotamo aradhako bhikkhu ca aradhaka bhikkhuniyo ca aradhika upasaka ca gihi odatavasana brahmacarino aradhaka upasaka ca gihi odatavasana kamabhogino aradhaka, evam-idam brahmacariyam paripuram ten' angena. Sace hi bho Gotama imam dhammam bhavan-c' eva Gotamo aradhako abhavissa bhikkhu ca aradhaka abhavimsu bhikkhuniyo ca aradhika abhavimsu upasaka ca gihi odatavasana brahmacarino aradhaka abhavimsu {upasaka} ca gihi odatavasana kamabhogino aradhaka abhavimsu, no ca kho upasika gihi odatavasana brahmacariniyo aradhika abhavimsu.

[page 493]

evam-idam brahmacariyam aparipuram abhavissa ten' angena; yasma ca kho bho Gotama imam dhammam bhavan-c' eva Gotamo aradhako bhikkhu ca aradhaka bhikkhuniyo ca aradhika upasaka ca gihi odatavasana brahmacarino aradhaka upasaka ca gihi odatavasana kamabhogino aradhaka upasika ca gihi odatavasana brahmacariniyo aradhika, evam-idam brahmacariyam paripuram ten' angena. Sace hi bho Gotama imam dhammam bhavan-c' eva Gotamo aradhako abhavissa bhikkhu ca aradhaka abhavimsu bhikkhuniyo ca aradhika abhavimsu upasaka ca gihi odatavasana brahmacarino aradhaka abhavimsu upasaka ca gihi odatavasana kamabhogino aradhaka abhavimsu upasika ca gihi odatavasana brahmacariniyo aradhika abhavimsu, no ca kho upasika gihi odatavasana kamabhoginiyo aradhika abhavimsu, evam-idam brahmacariyam aparipuram abhavissa ten' angena; yasma ca kho bho Gotama imam dhammam bhavan-c' eva Gotamo aradhako bhikkhu ca aradhaka bhikkhuniyo ca aradhika upasaka ca gihi odatavasana brahmacarino aradhaka upasaka ca gihi odatavasana kamabhogino aradhaka upasika ca gihi odatavasana brahmacariniyo aradhika upasika ca gihi odatavasana kamabhoginiyo aradhika, evam-idam brahmacariyam paripuram ten' angena.

Seyyatha pi bho Gotama Ganga nadi samuddaninna samuddapona samuddapabbhara samuddam ahacca titthati, evam-evayam bhoto Gotamassa parisa sagahatthapabbajita nibbananinna nibbanapona nibbanapabbhara nibbanam ahacca titthati. Abhikkantam bho Gotama, abhikkantam bho Gotama.

Seyyatha pi bho Gotama nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam bhota Gotamena anekapariyayena dhammo pakasito. Esaham bhavantam Gotamam saranam gacchami dhamman-ca bhikkhusanghan-ca. Labheyyaham bhoto Gotamassa santike pabbajjam, labheyyam upasampadanti.

[page 494]

- Yo kho Vaccha annatitthiyapubbo imasmim dhammavinaye akankhati pabbajjam akankhati upasampadam, so cattaro mase parivasati, catunnam masanam accayena araddhacitta bhikkhu pabbajenti upasampadenti bhikkhubhavaya; api ca m' ettha puggalavemattata vidita ti. -Sace bhante annatitthiyapubba imasmim dhammavinaye akankhanta pabbajjam akankhanta upasampadam cattaro mase parivasanti, catunnam masanam accayena araddhacitta bhikkhu pabbajenti upasampadenti bhikkhubhavaya, aham cattari vassani parivasissami, catunnam mam vassanam accayena araddhacitta bhikkhu pabbajentu upasampadentu bhikkhubhavayati. Alattha kho Vacchagotto paribbajako Bhagavato santike pabbajjam alattha upasampadam.

Acirupasampanno kho pan' ayasma Vacchagotto addhamasupasampanno yena Bhagava ten' upasankami, upasankamitva Bhagavantam abhivadetva ekamantam nisidi. Ekamantam nisinno kho ayasma Vacchagotto Bhagavantam etad-avoca:

Yavatakam bhante sekhena nanena sekhaya vijjaya pattabbam anuppattam tam maya, uttarim me Bhagava dhammam desetuti. - Tena hi tvam Vaccha dve dhamme uttarim bhavehi, samathan-ca vipassanan-ca. Ime kho te Vaccha dve dhamma uttarim bhavita, samatho ca vipassana ca, anekadhatupativedhaya samvattissanti.

So tvam Vaccha yavad-e akankhissasi: anekavihitam iddhividham paccanubhaveyyam, eko pi hutva bahudha assam, bahudha pi hutva eko assam, avibhavam tirobhavam tirokuddam tiropakaram tiropabbatam asajjamano gaccheyyam seyyatha pi akase, pathaviya pi ummujjanimujjam kareyyam seyyatha pi udake, udake pi abhijjamane gaccheyyam seyyatha pi pathaviyam, akase pi pallankena kameyyam seyyatha pi pakkhi sakuno, ime pi candimasuriye evam mahiddhike evam mahanubhave panina parimaseyyam parimajjeyyam, yava Brahmaloka pi kayena vasam vatteyyan-ti, tatra tatr' eva sakkhibhabbatam papunissasi sati sati ayatane.

So tvam Vaccha yavad-e akankhissasi: dibbaya sotadhatuya visuddhaya atikkantamanusikaya ubho sadde suneyyam,

[page 495]

dibbe ca manuse ca, ye dure santike cati, tatra tatr' eva sakkhibhabbatam papunissasi sati sati ayatane.

So tvam Vaccha yavad-e akankhissasi: parasattanam parapuggalanam cetasa ceto paricca pajaneyyam, saragam va cittam saragam cittan-ti pajaneyyam, vitaragam va cittam vitaragam cittan-ti pajaneyyam, sadosam va cittam sadosam cittan-ti pajaneyyam, vitadosam va cittam vitadosam cittan-ti pajaneyyam, samoham va cittam samoham cittan-ti pajaneyyam, vitamoham va cittam vitamoham cittan-ti pajaneyyam, sankhittam va cittam sankhittam cittan-ti pajaneyyam, vikkhittam va cittam vikkhittam cittan-ti pajaneyyam, mahaggatam va cittam mahaggatam cittan-ti pajaneyyam, amahaggatam va cittam amahaggatam cittan-ti pajaneyyam, sauttaram va cittam sauttaram cittanti pajaneyyam, anuttaram va cittam anuttaram cittan-ti pajaneyyam, samahitam va cittam samahitam cittan-ti pajaneyyam, asamahitam va cittam asamahitam cittan-ti pajaneyyam, vimuttam va cittam vimuttam cittan-ti pajaneyyam, avimuttam va cittam avimuttam cittan-ti pajaneyyan-ti, tatra tatr' eva sakkhibhabbatam papunissasi sati sati ayatane.

So tvam Vaccha yavad-e akankhissasi: anekavihitam pubbenivasam anussareyyam, seyyathidam ekam-pi jatim dve pi jatiyo tisso pi jatiyo catasso pi jatiyo panca pi jatiyo dasa pi jatiyo visatim-pi jatiyo timsam-pi jatiyo cattarisam-pi jatiyo pannasam-pi jatiyo jatisatam-pi jatisahassampi jatisatasahassam-pi aneke pi samvattakappe aneke pi vivattakappe aneke pi samvattavivattakappe: amutr' asim evamnamo evamgotto evamvanno evamaharo evam sukhadukkhapatisamvedi evamayupariyanto; so tato cuto amutra uppadim, tatra p' asim evamnamo evamgotto evamvanno evamaharo evam sukhadukkhapatisamvedi evamayupariyanto, so tato cuto idhupapanno ti, iti sakaram sauddesam anekavihitam pubbenivasam anussareyyan-ti, tatra tatr' eva sakkhibhabbatam papunissasi sati sati ayatane.

[page 496]

So tvam Vaccha yavad-e akankhissasi: dibbena cakkhuna visuddhena atikkantamanusakena satte passeyyam cavamane upapajjamane, hine panite suvanne dubbanne sugate duggate yathakammupage satte pajaneyyam: ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana, te kayassa bheda param-marana apayam duggatim vinipatam nirayam upapanna, ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana, te kayassa bheda param-marana sugatim saggam lokam upapanna ti, iti dibbena cakkhuna visuddhena atikkantamanusakena satte passeyyam cavamane upapajjamane, hine panite suvanne dubbanne sugate duggate yathakammupage satte pajaneyyan-ti, tatra tatr' eva sakkhibhabbatam papunissasi sati sati ayatane.

So tvam Vaccha yavad-e akankhissasi: asavanam khaya anasavam cetovimuttim pannavimuttim ditthe va dhamme sayam abhinna sacchikatva upasampajja vihareyyanti, tatra tatr' eva sakkhibhabbatam papunissasi sati sati ayatane ti.

Atha kho ayasma Vacchagotto Bhagavato bhasitam abhinanditva anumoditva utthay' asana Bhagavantam abhivadetva padakkhinam katva pakkami. Atha kho ayasma Vacchagotto eko vupakattho appamatto atapi pahitatto viharanto nacirass' eva yass' atthaya kulaputta samma-d-eva agarasma anagariyam pabbajanti tad-anuttaram brahmacariyapariyosanam ditthe va dhamme sayam abhinna sacchikatva upasampajja vihasi; khina jati, vusitam brahmacariyam, katam karaniyam naparam itthattayati abbhannasi. Annataro kho pan' ayasma Vacchagotto arahatam ahosi.

Tena kho pana samayena sambahula bhikkhu Bhagavantam dassanaya gacchanti. Addasa kho ayasma Vacchagotto te bhikkhu durato va gacchante, disva yena te bhikkhu ten' upasankami, upasankamitva te bhikkhu etadavoca:

[page 497]

Handa kaham pana tumhe ayasmanto gacchathati. -Bhagavantam kho mayam avuso dassanaya gacchamati. -Tena h' ayasmanto mama vacanena Bhagavato pade sirasa vandatha: Vacchagotto bhante bhikkhu Bhagavato pade sirasa vandati evan-ca vadeti: paricinno me Bhagava, paricinno me Sugato ti. Evam-avuso ti kho te bhikkhu ayasmato Vacchagottassa paccassosum. Atha kho te bhikkhu yena Bhagava ten' upasankamimsu, upasankamitva Bhagavantam abhivadetva ekamantam nisidimsu. Ekamantam nisinna kho te bhikkhu Bhagavantam etad-avocum: Ayasma bhante Vacchagotto Bhagavato pade sirasa vandati evan-ca vadeti:

paricinno me Bhagava, paricinno me Sugato ti. - Pubbe va me bhikkhave Vacchagotto bhikkhu cetasa ceto paricca vidito: tevijjo Vacchagotto bhikkhu mahiddhiko mahanubhavo ti. Devata pi me etam-attham arocesum: tevijjo bhante Vacchagotto bhikkhu mahiddhiko mahanubhavo ti.

Idam-avoca Bhagava. Attamana te bhikkhu Bhagavato bhasitam abhinandun-ti.

MAHA-VACCHAGOTTASUTTANTAM TATIYAM.

 


 

LXXIV. Dighanakha Suttantam

Evam-me sutam. Ekam samayam Bhagava Rajagahe viharati Gijjhakute Sukarakhatayam. Atha kho Dighanakho paribbajako yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam atthasi. Ekamantam thito kho Dighanakho paribbajako Bhagavantam etad-avoca: Aham hi bho Gotama evamvadi evamditthi: sabbam me na khamatiti. - Ya pi kho te esa Aggivessana ditthi: sabbam me na khamatiti, esa pi te ditthi na khamatiti. - Esa ce me bho Gotama ditthi khameyya tam p' assa tadisam-eva, tam p' assa tadisam-evati.

[page 498]

- Ato kho te Aggivessana bahuhi bahutara lokasmim ye evam-ahamsu: tam p' assa tadisameva, tam p' assa tadisam-evati, te tan-c' eva ditthim nappajahanti annan-ca ditthim upadiyanti. Ato kho te Aggivessana tanuhi tanutara lokasmim ye evam-ahamsu: tam p' assa tadisam-eva, tam p' assa tadisam-evati, te tan-c' eva ditthim pajahanti annan-ca ditthim na upadiyanti.

Sant' Aggivessana eke samanabrahmana evamvadino evamditthino: sabbam me khamatiti. Sant' Aggivessana eke samanabrahmana evamvadino evamditthino: sabbam me na khamatiti. Sant' Aggivessana eke samanabrahmana evamvadino evamditthino: ekaccam me khamati, ekaccam me na khamatiti. Tatr' Aggivessana ye te samanabrahmana evamvadino evamditthino: sabbam me khamatiti, tesam-ayam ditthi saragaya santike samyogaya santike abhinandanaya santike ajjhosanaya santike upadanaya santike. Tatr' Aggivessana ye te samanabrahmana evamvadino evamditthino:

sabbam me na khamatiti, tesam-ayam ditthi asaragaya santike asamyogaya santike anabhinandanaya santike anajjhosanaya santike anupadanaya santike ti. Evam vutte Dighanakho paribbajako Bhagavantam etad-avoca: Ukkamsati me bhavam Gotamo ditthigatam, samukkamsati me bhavam Gotamo ditthigatan-ti. - Tatr' Aggivessana ye te samanabrahmana evamvadino evamditthino: ekaccam me khamati, ekaccam me na khamatiti, ya hi kho nesam khamati sa 'yam ditthi saragaya santike samyogaya santike abhinandanaya santike ajjhosanaya santike upadanaya santike, ya hi kho nesam na khamati sa 'yam ditthi asaragaya santike asamyogaya santike anabhinandanaya santike anajjhosanaya santike anupadanaya santike.

Tatr' Aggivessana ye te samanabrahmana evamvadino evamditthino: sabbam me khamatiti, tattha vinnu puriso iti patisancikkhati: Ya kho me ayam ditthi: sabbam me khamatiti, iman-ce aham ditthim thamasa paramassa abhinivissa vohareyyam: idam-eva saccam, mogham-annan-ti, dvihi me assa viggaho, yo cayam samano va brahmano va evamvadi evamditthi:

[page 499]

sabbam me na khamatiti, yo cayam samano va brahmano va evamvadi evamditthi: ekaccam me khamati, ekaccam me na khamatiti, imehi me assa dvihi viggaho, iti viggahe sati vivado, vivade sati vighato, vighate sati vihesa.

Iti so viggahan-ca vivadan-ca vighatan-ca vihesan-ca attani sampassamano tan-c' eva ditthim pajahati annan-ca ditthim na upadiyati; evam-etasam ditthinam pahanam hoti, evam-etasam ditthinam patinissaggo hoti. Tatr' Aggivessana ye te samanabrahmana evamvadino evamditthino: sabbam me na khamatiti, tattha vinnu puriso iti patisancikkhati: Ya kho me ayam ditthi: sabbam me na khamatiti, iman-ce aham ditthim thamasa paramassa abhinivissa vohareyyam:

idam-eva saccam, mogham-annan-ti, dvihi me assa viggaho, yo cayam samano va brahmano va evamvadi evamditthi: sabbam me khamatiti, yo cayam samano va brahmano va evamvadi evamditthi: ekaccam me khamati, ekaccam me na khamatiti, imehi me assa dvihi viggaho, iti viggahe sati vivado, vivade sati vighato, vighate sati vihesa.

Iti so viggahan-ca vivadan-ca vighatan-ca vihesan-ca attani sampassamano tan-c' eva ditthim pajahati annan-ca ditthim na upadiyati; evam-etasam ditthinam pahanam hoti, evam-etasam ditthinam patinissaggo hoti. Tatr' Aggivessana ye te samanabrahmana evamvadino evamditthino: ekaccam me khamati, ekaccam me na khamatiti, tattha vinnu puriso iti patisancikkhati: Ya kho me ayam ditthi: ekaccam me khamati, ekaccam me na khamatiti, iman-ce aham ditthim thamasa paramassa abhinivissa vohareyyam: idam-eva saccam, mogham-annan-ti, dvihi me assa viggaho, yo cayam samano va brahmano va evamvadi evamditthi: sabbam me khamatiti, yo cayam samano va brahmano va evamvadi evamditthi: sabbam me na khamatiti, imehi me assa dvihi viggaho, iti viggahe sati vivado, vivade sati vighato, vighate sati vihesa.

Iti so viggahan-ca vivadan-ca vighatan-ca vihesan-ca attani sampassamano tan-c' eva ditthim pajahati annan-ca ditthim na upadiyati; evam-etasam ditthinam pahanam hoti, evam-etasam ditthinam patinissaggo hoti.

[page 500]

Ayam kho pan' Aggivessana kayo rupi catummahabhutiko matapettikasambhavo odanakummasupacayo aniccucchadanaparimaddana-bhedana-viddhamsanadhammo aniccato dukkhato rogato gandato sallato aghato abadhato parato palokato sunnato anattato samanupassitabbo. Tass' imam kayam aniccato dukkhato rogato gandato sallato aghato abadhato parato palokato sunnato anattato samanupassato yo kayasmim kayachando kayasneho kayanvayata sa pahiyati.

Tisso kho ima Aggivessana vedana: sukha vedana dukkha vedana adukkhamasukha vedana. Yasmim Aggivessana samaye sukham vedanam vedeti n' eva tasmim samaye dukkham vedanam vedeti na adukkhamasukham vedanam vedeti, sukham yeva tasmim samaye vedanam vedeti. Yasmim Aggivessana samaye dukkham vedanam vedeti, n' eva tasmim samaye sukham vedanam vedeti na adukkhamasukham vedanam vedeti, dukkham yeva tasmim samaye vedanam vedeti.

Yasmim Aggivessana samaye adukkhamasukham vedanam vedeti, n' eva tasmim samaye sukham vedanam vedeti na dukkham vedanam vedeti, adukkhamasukham yeva tasmim samaye vedanam vedeti. Sukha pi kho Aggivessana vedana anicca sankhata paticcasamuppanna khayadhamma vayadhamma viragadhamma nirodhadhamma. Dukkha pi kho Aggivessana vedana anicca sankhata paticcasamuppanna khayadhamma vayadhamma viragadhamma nirodhadhamma.

Adukkhamasukha pi kho Aggivessana vedana anicca sankhata paticcasamuppanna khayadhamma vayadhamma viragadhamma nirodhadhamma. Evam passam Aggivessana sutava ariyasavako sukhaya pi vedanaya nibbindati, dukkhaya pi vedanaya nibbindati, adukkhamasukhaya pi vedanaya nibbindati, nibbindam virajjati, viraga vimuccati, vimuttasmim vimuttam-iti nanam hoti; khina jati, vusitam brahmacariyam, katam karaniyam naparam itthattayati pajanati. Evam vimuttacitto kho Aggivessana bhikkhu na kenaci samvadati na kenaci vivadati, yan-ca loke vuttam tena voharati aparamasan-ti.

Tena kho pana samayena ayasma Sariputto Bhagavato pitthito thito hoti Bhagavantam vijamano.

[page 501]

Atha kho ayasmato Sariputtassa etad-ahosi: Tesam tesam kira no Bhagava dhammanam abhinna pahanam-aha, tesam tesam kira no Sugato dhammanam abhinna patinissaggam-ahati. Itih' idam ayasmato Sariputtassa patisancikkhato anupadaya asavehi cittam vimucci. Dighanakhassa pana paribbajakassa virajam vitamalam dhammacakkhum udapadi: yam kinci samudayadhammam sabban-tam nirodhadhamman-ti. Atha kho Dighanakho paribbajako ditthadhammo pattadhammo viditadhammo pariyogalhadhammo tinnavicikiccho vigatakatham katho vesarajjappatto aparappaccayo satthusasane Bhaga vantam etad-avoca: Abhikkantam bho Gotama, abhikkantam bho Gotama. Seyyatha pi bho Gotama nikujjitam va ukkujjeyya, paticchannam va vivareyya, mulhassa va maggam acikkheyya, andhakare va telapajjotam dhareyya: cakkhumanto rupani dakkhintiti, evam-evam bhota Gotamena anekapariyayena dhammo pakasito. Esaham bhavantam Gotamam saranam gacchami dhamman-ca bhikkhusanghanca. Upasakam-mam bhavam Gotamo dharetu ajjatagge panupetam saranagatan-ti.

DIGHANAKHASUTTANTAM CATUTTHAM.

 


 

LXXV. Magandiya Suttantam

Evam-me sutam. Ekam samayam Bhagava Kurusu viharati - Kammassadhamman-nama Kurunam nigamo -Bharadvajagottassa brahmanassa agyagare tinasantharake.

Atha kho Bhagava pubbanhasamayam nivasetva pattacivaram adaya Kammassadhammam pindaya pavisi, Kammassadhamme pindaya caritva pacchabhattam pindapatapatikkanto yen' annataro vanasando ten' upasankami divaviharaya, tam vanasandam ajjhogahitva annatarasmim rukkhamule divaviharam nisidi.

[page 502]

Atha kho Magandiyo paribbajako janghaviharam anucankamamano anuvicaramano yena Bharadvajagottassa brahmanassa agyagaram ten' upasankami. Addasa kho Magandiyo paribbajako Bharadvajagottassa brahmanassa agyagare tinasantharakam pannattam, disvana Bharadvajagottam brahmanam etad-avoca: Kassa nv-ayam bhoto Bharadvajassa agyagare tinasantharako pannatto, samanaseyyarupam manne ti. - Atthi bho Magandiya samano Gotamo Sakyaputto Sakyakula pabbajito, tam kho pana bhavantam Gotamam evam kalyano kittisaddo abbhuggato: Iti pi so Bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava ti. Tass' esa bhoto Gotamassa seyya pannatta ti. - Duddittham vata bho Bharadvaja addasama ye mayam tassa bhoto Gotamassa bhunahuno seyyam addasamati. - Rakkhass' etam Magandiya vacam, rakkhass' etam Magandiya vacam, bahu hi tassa bhoto Gotamassa khattiyapandita pi brahmanapandita pi gahapatipandita pi samanapandita pi abhippasanna vinita ariye naye dhamme kusale ti. - Sammukha ce pi mayam bho Bharadvaja tam bhavantam Gotamam passeyyama sammukha pi nam vadeyyama:

bhunahu samano Gotamo ti, tam kissa hetu: evam hi no sutte ocaratiti. - Sace tam bhoto Magandiyassa agaru aroceyyam-etam samanassa Gotamassati. - Appossukko bhavam Bharadvajo vutto va nam vadeyyati.

Assosi kho Bhagava dibbaya sotadhatuya visuddhaya atikkantamanusikaya Bharadvajagottassa brahmanassa Magandiyena paribbajakena saddhim imam kathasallapam.

Atha kho Bhagava sayanhasamayam patisallana vutthito yena Bharadvajagottassa brahmanassa agyagaram ten' upasankami, upasankamitva nisidi pannatte va tinasantharake. Atha kho Bharadvajagotto brahmano yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam nisidi. Ekamantam nisinnam kho Bharadvajagottam brahmanam Bhagava etadavoca: Ahu pana te Bharadvaja Magandiyena paribbajakena saddhim imam yeva tinasantharakam arabbha kocid-eva kathasallapo ti.

[page 503]

Evam vutte Bharadvajo brahmano samviggo lomahatthajato Bhagavantam etad-avoca: Etad-eva kho pana mayam bhoto Gotamassa arocetukama, atha ca pana bhavam Gotamo anakkhanam yeva akasiti. Ayan-ca h' idam Bhagavato Bharadvajagottena brahmanena saddhim antarakatha vippakata hoti atha Magandiyo paribbajako janghaviharam anucankamamano anuvicaramano yena Bharadvajagottassa brahmanassa agyagaram yena Bhagava ten' upasankami, upasankamitva Bhagavata saddhim sammodi, sammodaniyam katham saraniyam vitisaretva ekamantam nisidi. Ekamantam nisinnam kho Magandiyam paribbajakam Bhagava etad-avoca:

Cakkhum kho Magandiya ruparamam ruparatam rupasammuditum, tam Tathagatassa dantam guttam rakkhitam samvutam, tassa ca samvaraya dhammam deseti. Idan-nu te etam Magandiya sandhaya bhasitam: bhunahu samano Gotamo ti. - Etad-eva kho pana me bho Gotama sandhaya bhasitam: bhunahu samano Gotamo ti, tam kissa hetu: evam hi no sutte ocaratiti. - Sotam kho Magandiya saddaramam - pe - ghanam kho Magandiya gandharamam - jivha kho Magandiya rasarama rasarata rasasammudita, sa Tathagatassa danta gutta rakkhita samvuta, tassa ca samvaraya dhammam deseti. Idan-nu te etam Magandiya sandhaya bhasitam: bhunahu samano Gotamo ti. - Etadeva kho pana me bho Gotama sandhaya bhasitam: bhunahu samano Gotamo ti, tam kissa hetu: evam hi no sutte ocaratiti. - Kayo kho Magandiya photthabbaramo - pe - mano kho Magandiya dhammaramo dhammarato dhammasammudito, so Tathagatassa danto gutto rakkhito samvuto, tassa ca samvaraya dhammam deseti. Idan-nu te etam Magandiya sandhaya bhasitam: bhunahu samano Gotamo ti. -Etad-eva kho pana me bho Gotama sandhaya bhasitam:

bhunahu samano Gotamo ti, tam kissa hetu: evam hi no sutte ocaratiti.

Tam kim-mannasi Magandiya: idh' ekacco cakkhuvinneyyehi rupehi paricaritapubbo assa itthehi kantehi manapehi piyarupehi kamupasamhitehi rajaniyehi,

[page 504]

so aparena samayena rupanam yeva samudayan-ca atthagaman-ca assadanca adinavan-ca nissaranan-ca yathabhutam viditva rupatanham pahaya rupaparilaham pativinodetva vigatapipaso ajjhattam vupasantacitto vihareyya. Imassa pana te Magandiya kim-assa vacaniyan-ti. - Na kinci bho Gotama. -Tam kim-mannasi Magandiya: idh' ekacco sotavinneyyehi saddehi - pe - ghanavinneyyehi gandhehi - jivhavinneyyehi rasehi - kayavinneyyehi photthabbehi paricaritapubbo assa itthehi kantehi manapehi piyarupehi kamupasamhitehi rajaniyehi, so aparena samayena photthabbanam yeva samudayanca atthagaman-ca assadan-ca adinavan-ca nissaranan-ca yathabhutam viditva photthabbatanham pahaya photthabbaparilaham pativinodetva vigatapipaso ajjhattam vupasantacitto vihareyya. Imassa pana te Magandiya kim-assa vacaniyan-ti. - Na kinci bho Gotama.

Aham kho pana Magandiya pubbe agariyabhuto samano pancahi kamagunehi samappito samangibhuto paricaresim, cakkhuvinneyyehi rupehi itthehi kantehi manapehi piyarupehi kamupasamhitehi rajaniyehi, sotavinneyyehi saddehi --pe-ghanavinneyyehi gandhehi - jivhavinneyyehi rasehi - kayavinneyyehi photthabbehi itthehi kantehi manapehi piyarupehi kamupasamhitehi rajaniyehi. Tassa mayham Magandiya tayo pasada ahesum, eko vassiko eko hemantiko eko gimhiko. So kho aham Magandiya vassike pasade vassike cattaro mase nippurisehi turiyehi paricariyamano na hetthapasadam orohami. So aparena samayena kamanam yeva samudayan-ca atthagaman-ca assadan-ca adinavanca nissaranan-ca yathabhutam viditva kamatanham pahaya kamaparilaham pativinodetva vigatapipaso ajjhattam vupasantacitto viharami. So anne satte passami kamesu avitarage kamatanhahi khajjamane kamaparilahena paridayhamane kame patisevante; so tesam na pihemi, na tattha abhiramami, tam kissa hetu: Ya h' ayam Magandiya rati annatr' eva kamehi annatra akusalehi dhammehi api dibbam sukham samadhiggayha titthati taya ratiya ramamano hinassa na pihemi,

[page 505]

na tattha abhiramami.

Seyyatha pi Magandiya gahapati va gahapatiputto va addho mahaddhano mahabhogo pancahi kamagunehi samappito samangibhuto paricareyya, cakkhuvinneyyehi rupehi itthehi kantehi manapehi piyarupehi kamupasamhitehi rajaniyehi, sotavinneyyehi saddehi - pe - ghanavinneyyehi gandhehi - jivhavinneyyehi rasehi - kayavinneyyehi photthabbehi itthehi kantehi manapehi piyarupehi kamupasamhitehi rajaniyehi. So kayena sucaritam caritva vacaya sucaritam caritva manasa sucaritam caritva kayassa bheda parammarana sugatim saggam lokam upapajjeyya devanam Tavatimsanam sahabyatam. So tattha Nandane vane accharasanghaparivuto dibbehi pancahi kamagunehi samappito samangibhuto paricareyya. So passeyya gahapatim va gahapatiputtam va pancahi kamagunehi samappitam samangibhutam paricarayamanam. Tam kim-mannasi Magandiya api nu so devaputto Nandane vane accharasanghaparivuto dibbehi pancahi kamagunehi samappito samangibhuto paricarayamano amussa gahapatissa va gahapatiputtassa va piheyya manusakanam va pancannam kamagunanam, manusakehi va kamehi avatteyyati. - No h' idam bho Gotama, tam kissa hetu: Manusakehi bho Gotama kamehi dibba kama abhikkantatara ca panitatara cati. -Evam-eva kho aham Magandiya pubbe agariyabhuto samano pancahi kamagunehi samappito samangibhuto paricaresim, cakkhuvinneyyehi rupehi itthehi kantehi manapehi piyarupehi kamupasamhitehi rajaniyehi, sotavinneyyehi saddehi --pe-ghanavinneyyehi gandhehi - jivhavinneyyehi rasehi - kayavinneyyehi photthabbehi itthehi kanehi manapehi piyarupehi kamupasamhitehi rajaniyehi. So aparena samayena kamanam yeva samudayan-ca atthagaman-ca assadan-ca adinavan-ca nissaranan-ca yathabhutam viditva kamatanham pahaya kamaparilaham pativinodetva vigatapipaso ajjhattam vupasantacitto viharami. So anne satte passami kamesu avitarage kamatanhahi khajjamane kamaparilahena paridayhamane kame patisevante;

[page 506]

so tesam na pihemi, na tattha abhiramami, tam kissa hetu: Ya h' ayam Magandiya rati annatr' eva kamehi annatra akusalehi dhammehi api dibbam sukham samadhiggayha titthati taya ratiya ramamano hinassa na pihemi, na tattha abhiramami.

Seyyatha pi Magandiya kutthi puriso arugatto pakkagatto kimihi khajjamano nakhehi vanamukhani vippatacchamano angarakasuya kayam paritapeyya, tassa mittamacca natisalohita bhisakkam sallakattam upatthapeyyum, tassa so bhisakko sallakatto bhesajjam kareyya, so tam bhesajjam agamma kutthehi parimucceyya, arogo assa sukhi seri sayamvasi yenakamangamo. So annam kutthim purisam passeyya arugattam pakkagattam kimihi khajjamanam nakhehi vanamukhani vippatacchamanam angarakasuya kayam paritapentam. Tam kim-mannasi Magandiya: api nu so puriso amussa kutthissa purisassa piheyya angarakasuya va bhesajjapatisevanaya va ti. - No h' idam bho Gotama, tam kissa hetu: Roge hi bho Gotama sati bhesajjena karaniyam hoti, roge asati bhesajjena karaniyam na hotiti. - Evameva kho aham Magandi