Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikāya
Sattaka Nipāta

Sutta 59a

Māpuññabhāyi Suttaṃ

Be Not Afraid of Good Deeds

Translated from the Pali by Michael Olds

 


 

[1][pts] I HEAR TELL:

Once upon a time Bhavaga, Bhagga-land revisiting,
Mount Crocodile, Deer Park.

There he said this to the beggars gathered round:

Mā bhikkhave, puññānaṃ bhayittha.|| ||

Sukhassetaṃ bhikkhave,||
adhivacanaṃ yad idaṃ puññanti.|| ||

1. Abhijānāmi kho panāhaṃ bhikkhave, dīgha-rattaṃ katānaṃ puññānaṃ dīgha-rattaṃ iṭṭhaṃ kantaṃ manāpaṃ vipākaṃ paccanubhūtaṃ.|| ||

Sattavassāni mettaṃ cittaṃ bhāvesiṃ.|| ||

Sattavassāni mettaṃ cittaṃ bhāvetvā sattasaṃvaṭṭhavivaṭṭakappe nayimaṃ lokaṃ punarāgamāsiṃ. Saṃvaṭṭamānassudāhaṃ bhikkhave,||
loke ābhassarūpago homi.|| ||

Vivaṭṭamāne loke suññaṃ Brahma-vimānaṃ upapajjāmi.|| ||

Tatra sudaṃ bhikkhave,||
(sattakkhattuṃ) Brahmā homi Mahā-Brahmā abhibhū anabhibhūto aññadatthu daso vasavattī.|| ||

Chattiṃsakkhattuṃ kho panāhaṃ bhikkhave Sakko ahosiṃ devānamindo.|| ||

Anekasatakkhattuṃ rājā ahosiṃ cakkavatti dhammiko dhammarājā cāturanto vijitāvi janapadatthāvariyappatto sattaratanasamannāgato.|| ||

Tassa mayhaṃ bhikkhave,||
imāni sattaratanānī ahesuṃ.|| ||

Seyyathīdaṃ:||
cakkaratanaṃ hatthiratanaṃ assaratanaṃ maṇiratanaṃ itthiratanaṃ gahapatiratanaṃ parināyakaratanameva sattamaṃ.|| ||

Parosahassaṃ kho pana me bhikkhave,||
puttā ahesuṃ sūrā vīraŋgarūpā parasenappamaddanā.|| ||

Sohaṃ imaṃ paṭhaviṃ sāgarapariyan taṃ adaṇḍena asatthena dhammena ahivijiya ajjhāvasinti.|| ||

 

Passa puññānaṃ vipākaṃ kusalānaṃ sukhesino||
Mettaṃ cittaṃ vībhāvetvā sattavassāni bhikkhave,||
Satta saṃvaṭṭa- vivaṭṭakappe nayimaṃ lokaṃ punāgamaṃ.|| ||

Saṃvaṭṭamāne lokambhi homi ābhassarūpago,||
Vivaṭṭamāne lokambhi suññaṃ brahmūpago ahuṃ.|| ||

Sattakkhattuṃ Mahā-Brahmā vasavatti tadā ahuṃ.||
Chattiṃsakkhattuṃ devindo devarajjamakārayiṃ|| ||

Cakkavatti ahuṃ rājā jambudīpassa issaro||
Muddhāvasitto khattiyo manussādhipatī ahuṃ.|| ||

Adaṇḍena asatthena vijeyya paṭhaviṃ imaṃ||
Asāhasena dhammena samena anusāsiyaṃ.|| ||

Dhammena rajjaṃ kāretvā asmiṃ paṭhavimaṇḍale||
Mahaddhane mahābhoge aḍḍhe ajāyisaṃ kule|| ||

Sabbakāmehi sampanno ratanehi ca sattahi,||
Buddhā saŋgāhakā loke tehi etaṃ1 sudesitaṃ.|| ||

Esa hetumahantassa pathavyo yena vuccati.||
Pahūtavittūpakaraṇo rājā homi patāpavā|| ||

Iddhimā yasavā homi jambusaṇḍassa issaro.||
Ko sutvā nappasīdeyya api kaṇhābhijātiyo.|| ||

Tasmā hi atthakāmena mahattamabhikaŋkhatā||
Saddhammo garukātabbo saraṃ buddhāna sāsanaṃ.|| ||

 


Contact:
E-mail
Copyright Statement   Webmaster's Page