Abhidhamma Pitaka


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Puggala-Paññatti
Edited by Richard Morris, M.A., LL.D.
Chapter 5: Pañca Puggalā

Ī 5.1
[pts]

Ō The Pali Text Society

 


 

Tatra yvāyaɱ puggalo ārabhati ca vippaṭisārī ca hoti tañ ca cetovimuttiɱ paññāvimuttiɱ yathābhūtaɱ nappajānāti yatth'assa te uppannā pāpakā akusalā dhammā aparisesā nirujjhanti, so evaɱ assa vacanīyo: - āyasmato kho ārambhajā āsavā saɱvijjanti vippaṭisārajā āsavā pavaḍḍhanti, sādhu vatāyasmā ārambhaje āsave pahāya vippaṭisāraje āsave paṭivinodetvā cittaɱ paññañ ca bhāvetu, evam āyasmā, amunā pañcamena puggalena samasamo bhavissatī ti.|| ||

Tatra yvāyaɱ puggalo ārabhati na vippaṭisārī hoti tañ ca cetovimuttiɱ paññāvimuttiɱ yathābhūtaɱ nappajānāti yatth'assa te uppannā pāpakā akusalā dhammā aparisesā nirujjhanti so evaɱ assa vacanīyo: - āyasmato kho ārambhajā āsavā samvijjanti vippaṭisārajā āsavā nappavaḍḍhanti, sādhu vatāyasmā ārambhajā āsave pahāya cittaɱ paññañ ca bhāvetu, evam āyasmā amunā pañcamena puggalena samasamo bhavissatī ti.|| ||

Tatra yvdyam puggalo na ārabhati vippaṭisārī hoti tañ ca cetovimuttiɱ paññāvimuttiɱ yathābhūtaɱ nappajānāti yatth'assa te uppannā pāpakā akusalā dhammā aparisesā nirujjhanti, so evaɱ assa vacanīyo: - āyasmato kho ārambhajā āsavā na samvijjanti vippaṭisārajā āsavā pavaḍḍhanti, sādhu vatāyasmā vippatisaraje āsave pativinodetva cittaɱ paññañ ca bhāvetu, evam āyasmā amunā pañcamena puggalena samasamo bhavissatī ti.|| ||

Tatra yvdyam puggalo na ārabhati na vippaṭisārī hoti tañ ca cetovimuttiɱ paññāvimuttiɱ yathābhūtaɱ nappajānāti yatth'assa te uppannā pāpakā akusalā dhammā aparisesā nirujjhanti, so evaɱ assa vacanīyo: - āyasmato kho ārambhajā āsavā na samvijjanti vippaṭisārajā āsavā nappavaḍḍhanti, sādhu vatāyasmā cittaɱ paññañ ca bhāvetu, evam āyasmā amunā pañcamena puggalena samasamo bhavissatī ti.|| ||

Ime cattaro puggala amunā pañcamena puggalena evaɱ ovadiyamānā evam anusasiyamānā anupubbena āsavānaɱ khayam pāpuṇanti.|| ||

 


Contact:
E-mail
Copyright Statement   Webmaster's Page