Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Velthuis (aaiiuu.m'n~n.t.d.n.l) ]

 

Aŋguttara Nikāya
Eka-Nipātā

Suttas 1-97

Adapted from the 1995 edition of the digital version of the Sri Lanka Buddha Jayanti Tripitaka Series and proofed against the Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[1]

Namo tassa Bhagavato arahato sammā sambuddhassa

I

 

[1] [PTS: I] [olds][upal] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Nāhaɱ, bhikkhave, aññaɱ eka-rūpam pi samanupassāmi||
yaɱ evaɱ purisassa cittaɱ pariyādāya tiṭṭhati||
yathayidaɱ, bhikkhave, itthi-rūpaɱ.|| ||

Itthi-rūpaɱ, bhikkhave, purisassa cittaɱ pariyādāya tiṭṭhatī" ti.|| ||

[2][pts][olds][upal] "Nāhaɱ, bhikkhave, aññaɱ eka-saddam pi samanupassāmi||
yaɱ evaɱ purisassa cittaɱ pariyādāya tiṭṭhati||
yathayidaɱ, bhikkhave, itthi-saddo.|| ||

Itthi-saddo, bhikkhave, purisassa cittaɱ pariyādāya tiṭṭhatī" ti.|| ||

[3][pts][olds][upal] "Nāhaɱ, bhikkhave, aññaɱ eka-gandham pi samanupassāmi||
yaɱ evaɱ purisassa cittaɱ pariyādāya tiṭṭhati||
yathayidaɱ, bhikkhave, itthi-gandho.|| ||

Itthi-gandho, bhikkhave, purisassa cittaɱ pariyādāya tiṭṭhatī" ti.|| ||

[2] [4][pts][olds][upal] "Nāhaɱ bhikkhave, aññaɱ eka-rasam pi samanupassāmi||
yaɱ evaɱ purisassa cittaɱ pariyādāya tiṭṭhati||
yathayidaɱ, bhikkhave, itthi-raso.|| ||

Itthi-raso, bhikkhave, purisassa cittaɱ pariyādāya tiṭṭhatī" ti.|| ||

[5][pts][olds][upal] "Nāhaɱ bhikkhave, aññaɱ eka-phoṭṭhabbam pi samanupassāmi||
yaɱ evaɱ purisassa cittaɱ pariyādāya tiṭṭhati yathayidaɱ,||
bhikkhave, itthi-phoṭṭhabbaɱ.|| ||

Itthi-phoṭṭhabbaɱ, bhikkhave, purisassa cittaɱ pariyādāya tiṭṭhatī" ti.|| ||

[6][pts][olds][upal] "Nāhaɱ, bhikkhave, aññaɱ eka-rūpam pi samanupassāmi||
yaɱ evaɱ itthiyā cittaɱ pariyādāya tiṭṭhati||
yathayidaɱ, bhikkhave, purisa-rūpaɱ.|| ||

Purisa-rūpaɱ, bhikkhave, itthiyā cittaɱ pariyādāya tiṭṭhatī" ti.|| ||

[7][pts][olds][upal] "Nāhaɱ, bhikkhave, aññaɱ eka-saddam pi samanupassāmi||
yaɱ evaɱ itthiyā cittaɱ pariyādāya tiṭṭhati||
yathayidaɱ bhikkhave, purisa-saddo.|| ||

Purisa-saddo, bhikkhave, itthiyā cittaɱ pariyādāya tiṭṭhatī" ti.|| ||

[8][pts][olds][upal] "Nāhaɱ, bhikkhave, aññaɱ eka-gandham pi samanupassāmi||
yaɱ evaɱ itthiyā cittaɱ pariyādāya tiṭṭhati||
yathayidaɱ bhikkhave, purisa-gandho.|| ||

Purisa-gandho, bhikkhave, itthiyā cittaɱ pariyādāya tiṭṭhatī" ti.|| ||

[9][pts][olds][upal] "Nāhaɱ, bhikkhave, aññaɱ eka-rasam pi samanupassāmi||
yaɱ evaɱ itthiyā cittaɱ pariyādāya tiṭṭhati||
yathayidaɱ, bhikkhave, purisa-raso.|| ||

Purisa-raso, bhikkhave, itthiyā cittaɱ pariyādāya tiṭṭhatī" ti.|| ||

[10][pts][olds][upal] "Nāhaɱ, bhikkhave, aññaɱ eka-phoṭṭhabbam pi samanupassāmi||
yaɱ evaɱ itthiyā cittaɱ pariyādāya tiṭṭhati||
yathayidaɱ bhikkhave, purisa-phoṭṭhabbaɱ.|| ||

Purisa-phoṭṭhabbaɱ, bhikkhave, itthiyā cittaɱ pariyādāya tiṭṭhatī" ti.|| ||

 

[Rūpadi-vaggo paṭhamo]

 

§

 

II

 

[3] [11][PTS II][olds] "Nāhaɱ bhikkhave, aññaɱ eka-dhammam pi samanupassāmi||
yena anuppanno vā kāmacchando uppajjati||
uppanno vā kāmacchando bhiyyo bhāvāya vepullāya saŋvattati||
yathayidaɱ bhikkhave, subha-nimittaɱ.|| ||

Subha-nimittaɱ, bhikkhave,||
ayoniso manasikaroto||
anuppanno c'eva kāmacchando uppajjati||
uppanno ca kāmacchando bhiyyo bhāvāya vepullāya saŋvattatī" ti.|| ||

[12][pts][olds] "Nāhaɱ bhikkhave, aññaɱ eka-dhammam pi samanupassāmi||
yena anuppanno vā vyāpādo uppajjati||
uppanno vā vyāpādo bhiyyo bhāvāya vepullāya saŋvattati||
yathayidaɱ, bhikkhave, paṭigha-nimittaɱ.|| ||

Paṭigha-nimittaɱ, bhikkhave,||
ayoniso manasikaroto||
anuppanno c'eva vyāpādo uppajjati||
uppanno ca vyāpādo bhiyyo bhāvāya vepullāya saŋvattatī" ti.|| ||

[13][pts][olds] "Nāhaɱ, bhikkhave, aññaɱ eka-dhammam pi samanupassāmi||
yena anuppannaɱ vā thīna-middhaɱ uppajjati||
uppannaɱ vā thīna-middhaɱ bhiyyo bhāvāya vepullāya saŋvattati||
yathayidaɱ bhikkhave, aratī-tandī-vijambhikā bhatta-sammado cetaso ca līnattaɱ.|| ||

Līna-cittassa, bhikkhave,||
anuppannaɱ c'eva thīna-middhaɱ uppajjati||
uppannañ ca thīna-middhaɱ bhiyyo bhāvāya vepullāya saŋvattatī" ti.|| ||

[14][pts][olds] "Nāhaɱ, bhikkhave, aññaɱ eka-dhammam pi samanupassāmi||
yena anuppannaɱ vā uddhacca-kukkuccaɱ uppajjati||
uppannaɱ vā uddhacca-kukkuccaɱ bhiyyo bhāvāya vepullāya saŋvattati||
yathayidaɱ bhikkhave, cetaso avūpasamo.|| ||

Avūpasanta-cittassa, bhikkhave,||
anuppannaɱ c'eva uddhacca-kukkuccaɱ uppajjati||
uppannañ ca uddhacca-kukkuccaɱ bhiyyo bhāvāya vepullāya saŋvattatī" ti.|| ||

[4] [15][pts][olds] "Nāhaɱ bhikkhave, aññaɱ eka-dhammam pi samanupassāmi||
yena anuppannā vā vicikicchā uppajjati||
uppannā vā vicikicchā bhiyyo bhāvāya vepullāya saŋvattati||
yathayidaɱ bhikkhave, ayoniso-manasikāro.|| ||

Ayoniso, bhikkhave, manasikaroto||
anuppannā c'eva vicikicchā uppajjati||
uppannā ca vicikicchā bhiyyo bhāvāya vepullāya saŋvattatī" ti.|| ||

[16][pts][olds] "Nāhaɱ, bhikkhave, aññaɱ eka-dhammam pi samanupassāmi||
yena anuppanno vā kāmacchando n'uppajjati||
uppanno vā kāmacchando pahīyati||
yathayidaɱ, bhikkhave, asubha-nimittaɱ.|| ||

Asubha-nimittaɱ, bhikkhave,||
yoniso-manasikaroto||
anuppanno c'eva kāmacchando n'uppajjati||
uppanno ca kāmacchando pahīyatī" ti.|| ||

[17][pts][olds] "Nāhaɱ, bhikkhave, aññaɱ eka-dhammam pi samanupassāmi||
yena anuppanno vā vyāpādo n'uppajjati||
uppanno vā vyāpādo pahīyati||
yathayidaɱ bhikkhave, mettā ceto-vimutti.|| ||

Mettaɱ, bhikkhave, ceto-vimuttiɱ||
yoniso manasikaroto||
anuppanno c'eva vyāpādo n'uppajjati||
uppanno ca vyāpādo pahīyatī" ti.|| ||

[18][pts][olds] "Nāhaɱ, bhikkhave, aññaɱ eka-dhammam pi samanupassāmi||
yena anuppannaɱ vā thīna-middhaɱ n'uppajjati||
uppannaɱ vā thīna-middhaɱ pahīyati||
yathayidaɱ bhikkhave, ārambha-dhātu nikkama-dhātu parakkama-dhātu.|| ||

Āraddha-vīriyassa, bhikkhave,||
anuppannaɱ c'eva thīna-middhaɱ n'uppajjati||
uppannañ ca thīna-middhaɱ pahīyatī" ti.|| ||

[19][pts][olds] "Nāhaɱ, bhikkhave, aññaɱ eka-dhammam pi samanupassāmi||
yena anuppannaɱ vā uddhacca-kukkuccaɱ n'uppajjati||
uppannaɱ vā uddhacca-kukkuccaɱ pahīyati||
yathayidaɱ bhikkhave, cetaso vūpasamo.|| ||

Vūpasanta-cittassa, bhikkhave,||
anuppannaɱ c'eva uddhacca-kukkuccaɱ n'uppajjati||
uppannañ ca uddhacca-kukkuccaɱ pahīyatī" ti.|| ||

[20][pts][olds] "Nāhaɱ, bhikkhave, aññaɱ eka-dhammam pi samanu- [5] passāmi||
yena anuppannā vā vicikicchā n'uppajjati||
uppannā vā vicikicchā pahīyati||
yathayidaɱ bhikkhave, yoniso manasikāro.|| ||

Yoniso, bhikkhave, manasikaroto||
anuppannā c'eva vicikicchā n'uppajjati||
uppannā ca vicikicchā pahīyatī" ti.|| ||

 

[Nīvaraṇa-pahāna-vaggo dutiyo]

 

§

 

III

 

[21][PTS III][than][olds] "Nāhaɱ bhikkhave, aññaɱ eka-dhammam pi samanupassāmi||
yaɱ evaɱ abhāvitaɱ||
akammanīyaɱ hoti||
yathayidaɱ cittaɱ.|| ||

Cittaɱ, bhikkhave, abhāvitaɱ||
akammanīyaɱ hotī" ti.|| ||

[22][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ bhāvitaɱ||
kammanīyaɱ hoti||
yathayidaɱ cittaɱ.|| ||

Cittaɱ, bhikkhave, bhāvitaɱ||
kammanīyaɱ hotī" ti.|| ||

[23][pts][than][olds] "Nāhaɱ bhikkhave, aññaɱ eka-dhammam pi samanupassāmi||
yaɱ evaɱ abhāvitaɱ||
mahato anatthāya saŋvattati||
yathayidaɱ cittaɱ.|| ||

Cittaɱ, bhikkhave, abhāvitaɱ||
mahato anatthāya saŋvattatī" ti.|| ||

[24][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ bhāvitaɱ||
mahato atthāya saŋvattati||
yathayidaɱ cittaɱ.|| ||

Cittaɱ, bhikkhave, bhāvitaɱ||
mahato atthāya saŋvattatī" ti.|| ||

[25][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ abhāvitaɱ||
apātubhūtaɱ||
mahato anatthāya saŋvattati||
yathayidaɱ cittaɱ.|| ||

Cittaɱ, bhikkhave, abhāvitaɱ||
mahato anatthāya saŋvattatī" ti.|| ||

[26][pts][than][olds] "Nāhaɱ, bhikkhave, aññaɱ eka-dhammam pi samanu- [6] passāmi||
yaɱ evaɱ bhāvitaɱ||
pātubhūtaɱ||
mahato atthāya saŋvattati||
yathayidaɱ cittaɱ.|| ||

Cittaɱ, bhikkhave, bhāvitaɱ||
mahato atthāya saŋvattatī" ti.|| ||

[27][pts][than][olds] "Nāhaɱ, bhikkhave, aññaɱ eka-dhammam pi samanupassāmi yaɱ evaɱ abhāvitaɱ||
abahulīkataɱ||
mahato anatthāya saŋvattati||
yathayidaɱ cittaɱ.|| ||

Cittaɱ, bhikkhave, abhāvitaɱ||
mahato anatthāya saŋvattatī" ti.|| ||

[28][pts][than][olds] "Nāhaɱ bhikkhave, aññaɱ eka-dhammam pi samanupassāmi||
yaɱ evaɱ bhāvitaɱ||
bahulīkataɱ||
mahato atthāya saŋvattati||
yathayidaɱ cittaɱ.|| ||

Cittaɱ, bhikkhave, bhāvitaɱ||
mahato atthāya saŋvattatī" ti.|| ||

[29][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ abhāvitaɱ||
abahulīkataɱ||
dukkhādhivahaɱ hoti||
yathayidaɱ cittaɱ.|| ||

Cittaɱ, bhikkhave, abhāvitaɱ||
abahulīkataɱ||
dukkhādhivahaɱ hotī" ti.|| ||

[30][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ bhāvitaɱ||
bahulīkataɱ||
sukhādhivahaɱ hoti||
yathayidaɱ cittaɱ.|| ||

Cittaɱ, bhikkhave, bhāvitaɱ||
bahulīkataɱ sukhādhivahaɱ hotī" ti.|| ||

 

[Akammaniya-vaggo tatiyo]

 

§

 

IV

 

[31][[PTS IV]][than][olds] "Nāhaɱ bhikkhave, aññaɱ eka-dhammam pi samanupassāmi||
yaɱ evaɱ adantaɱ||
mahato anatthāya saŋvattati||
yathayidaɱ cittaɱ.|| ||

Cittaɱ, bhikkhave, adantaɱ||
mahato anatthāya saŋvattatī" ti.|| ||

[32][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ dantaɱ||
mahato atthāya saŋvattati||
yathayidaɱ cittaɱ.|| ||

Cittaɱ, bhikkhave, dantaɱ||
mahato atthāya saŋvattatī" ti.|| ||

[33][pts][than][olds] "Nāhaɱ, bhikkhave, aññaɱ eka-dhammam pi samanu- [7] passāmi||
yaɱ evaɱ aguttaɱ||
mahato anatthāya saŋvattati||
yathayidaɱ cittaɱ.|| ||

Cittaɱ, bhikkhave, aguttaɱ||
mahato anatthāya saŋvattatī" ti.|| ||

[34][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ guttaɱ||
mahato atthāya saŋvattati||
yathayidaɱ cittaɱ.|| ||

Cittaɱ, bhikkhave, guttaɱ||
mahato atthāya saŋvattatī" ti.|| ||

[35][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ arakkhitaɱ||
mahato anatthāya saŋvattati||
yathayidaɱ cittaɱ.|| ||

Cittaɱ, bhikkhave, arakkhitaɱ||
mahato anatthāya saŋvattatī" ti.|| ||

[36][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ rakkhitaɱ||
mahato atthāya saŋvattati||
yathayidaɱ cittaɱ.|| ||

Cittaɱ, bhikkhave, rakkhitaɱ||
mahato atthāya saŋvattatī" ti.|| ||

[37][pts][than][olds] "Nāhaɱ bhikkhave, aññaɱ eka-dhammam pi samanupassāmi||
yaɱ evaɱ asaɱvutaɱ||
mahato anatthāya saŋvattati||
yathayidaɱ cittaɱ.|| ||

Cittaɱ, bhikkhave, asaɱvutaɱ||
mahato anatthāya saŋvattatī" ti.|| ||

[38][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ saɱvutaɱ||
mahato atthāya saŋvattati||
yathayidaɱ cittaɱ.|| ||

Cittaɱ, bhikkhave, saɱvutaɱ||
mahato atthāya saŋvattatī" ti.|| ||

[39][pts][than][olds] "Nāhaɱ bhikkhave, aññaɱ eka-dhammam pi samanupassāmi||
yaɱ evaɱ adantaɱ||
aguttaɱ||
arakkhitaɱ||
asaɱvutaɱ||
mahato anatthāya saŋvattati||
yathayidaɱ cittaɱ.|| ||

Cittaɱ, bhikkhave, adantaɱ||
aguttaɱ||
arakkhitaɱ||
asaɱvutaɱ||
mahato anatthāya saŋvattatī" ti.|| ||

[40][pts][than][olds] "Nāhaɱ, bhikkhave, aññaɱ eka-dhammam pi samanupassāmi||
yaɱ evaɱ dantaɱ||
guttaɱ||
rakkhitaɱ||
saɱvutaɱ||
mahato atthāya saŋvattati||
yathayidaɱ cittaɱ.|| ||

Cittaɱ, bhikkhave, dantaɱ||
guttaɱ||
rakkhitaɱ||
saɱvutaɱ||
mahato atthāya saŋvattatī" ti.|| ||

 

[Adanta-vaggo catuttho]

 

§

[8]

V

 

[41][PTS V][olds] "Seyyathā pi, bhikkhave,||
sālisūkaɱ vā||
yavasūkaɱ vā||
micchā paṇihitaɱ —||
'Hatthena vā||
pādena vā||
akkantaɱ hatthaɱ vā||
pādaɱ vā||
bhecchati lohitaɱ vā uppādessatī' ti?|| ||

N'etaɱ ṭhānaɱ vijjati.|| ||

Taɱ kissa hetu?|| ||

Micchā-paṇihitattā, bhikkhave, sālisūkassa.|| ||

Evam eva kho, bhikkhave,||
so vata bhikkhu micchā-paṇihitena cittena —||
'Avijjaɱ bhecchati,||
vijjaɱ uppādessati,||
Nibbānaɱ sacchikarissatī' ti?|| ||

N'etaɱ ṭhānaɱ vijjati.|| ||

Taɱ kissa hetu?|| ||

Micchā-paṇihitattā, bhikkhave, cittassā" ti.|| ||

[42][pts][olds] Seyyathā pi, bhikkhave,||
sālisūkaɱ vā||
yavasūkaɱ vā||
sammā-paṇihitaɱ hatthena vā||
pādena vā||
akkantaɱ hatthaɱ vā||
pādaɱ vā||
bhecchati lohitaɱ vā uppādessatī' ti?|| ||

Ṭhānam etaɱ vijjati.|| ||

Taɱ kissa hetu?|| ||

Sammā-paṇihitattā, bhikkhave, sālisūkassa.|| ||

Evam eva kho, bhikkhave,||
so vata bhikkhu sammā-paṇihitena cittena||
'Avijjaɱ bhecchati,||
vijjaɱ uppādessati,||
nibbānaɱ sacchikarissatī' ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihitattā, bhikkhave, cittassā" ti.|| ||

[43][pts][olds] "Idhāhaɱ, bhikkhave, ekaccaɱ puggalaɱ||
paduṭṭha-cittaɱ||
evaɱ cetasā ceto paricca pajānāmi.|| ||

Imamhi ce ayaɱ samaye puggalo kālaɱ kareyya,||
yathābhataɱ nikkhitto evaɱ niraye.|| ||

Taɱ kissa hetu?|| ||

Cittaɱ hi'ssa bhikkhave, paduṭṭhaɱ.|| ||

Ceto-padosa-hetucca pana, bhikkhave,||
evam idh'ekacce sattā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjantī" ti.|| ||

[44][pts][olds] "Idhāhaɱ, bhikkhave, ekaccaɱ puggalaɱ pasanna-cittaɱ||
evaɱ cetasā ceto paricca pajānāmi.|| ||

Imamhi ce [9] ayaɱ samaye puggalo kālaɱ kareyya,||
yathābhataɱ nikkhitto evaɱ sagge.|| ||

Taɱ kissa hetu?|| ||

Cittaɱ hi'ssa, bhikkhave, pasannaɱ.|| ||

Ceto-pasāda-hetucca pana, bhikkhave,||
evam idh'ekacce sattā kāyassa bhedā param maraṇā sugatiɱ saggaɱ lokaɱ upapajjantī" ti.|| ||

[45][pts][than][olds] Seyyathā pi, bhikkhave, udakarahado||
āvilo||
luḷito||
kalalībhūto||
tattha cakkhumā puriso tīre ṭhito na passeyya||
sippisambukam pi||
sakkharakaṭhalam pi||
maccha-gumbam pi||
carantam pi||
tiṭṭhantam pi.|| ||

Taɱ kissa hetu?|| ||

Āvilattā, bhikkhave, udakassa.|| ||

Evam eva kho, bhikkhave,||
so vata bhikkhu āvilena cittena||
attatthaɱ vā||
ñassati paratthaɱ vā||
ñassati ubhayatthaɱ vā||
ñassati uttariɱ vā||
manussa-dhammā alamariya-ñāṇa-dassanavisesaɱ sacchikarissatī ti.|| ||

N'etaɱ ṭhānaɱ vijjati.|| ||

Taɱ kissa hetu?|| ||

Āvilattā, bhikkhave, cittassā" ti.|| ||

[46][pts][than][olds] Seyyathā pi, bhikkhave,||
udakarahado||
accho||
vippasanno||
anāvilo||
tattha cakkhumā puriso tīre Āhito passeyya||
sippisambukam pi||
sakkhara-kaṭhalam pi||
macchagumbam pi||
carantam pi||
tiṭṭhantam pi.|| ||

Taɱ kissa hetu?|| ||

Anāvilattā, bhikkhave, udakassa.|| ||

Evam eva kho, bhikkhave,||
so vata bhikkhu anāvilena cittena attatthaɱ vā||
ñassati paratthaɱ vā||
ñassati ubhayatthaɱ vā||
ñassati uttariɱ vā||
manussa-dhammā alamariya-ñāṇa-dassanavisesaɱ sacchikarissatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Anāvilattā, bhikkhave, cittassā" ti.|| ||

[47][pts][than][olds] Seyyathā pi, bhikkhave, yāni kānici rukkhajātāni||
candano tesaɱ aggam akkhāyati||
yad idaɱ mudutāya kammaññatāya||
evaɱ eva kho ahaɱ, bhikkhave na āññaɱ eka-dhammam pi samanupassāmi||
yaɱ evaɱ bhāvitaɱ||
bahulīkataɱ mudu ca hoti||
kammaññañ ca||
yathayidaɱ cittaɱ.|| ||

Cittaɱ, bhikkhave, bhāvitaɱ||
bahulīkataɱ mudu ca hoti||
kammaññañ ca" ti.|| ||

[10] [48][pts][than][olds] "Nāhaɱ bhikkhave, aññaɱ eka-dhammam pi samanupassāmi||
yaɱ evaɱ lahuparivattaɱ||
yathayidaɱ cittaɱ||
yāvañ c'idaɱ, bhikkhave, upamā pi na sukarā||
yāva lahuparivattaɱ cittan" ti.|| ||

[49][pts][than][olds] "Pabhassaram idaɱ, bhikkhave, cittaɱ||
tañ ca kho āgantukehi upakkilesehi upakkiliṭṭhan" ti.|| ||

[50][pts][than][olds] "Pabhassaram idaɱ, bhikkhave, cittaɱ||
tañ ca kho āgantukehi upakkilesehi vippamuttan" ti.|| ||

 

[Paṇihita-acchavaggo pañcamo]

 

§

 

VI

 

[51][PTS VI][than][olds] "Pabhassaram idaɱ bhikkhave, cittaɱ||
tañ ca kho āgantukehi upakkilesehi upakkiliṭṭhaɱ.|| ||

Taɱ assutavā puthujjano yathābhūtaɱ nappajānāti.|| ||

Tasmā assutavato puthujjanassa citta-bhāvanā n'atthī ti vadāmī" ti.|| ||

[52][pts][than][olds] "Pabhassaram idaɱ bhikkhave, cittaɱ||
tañ ca kho āgantukehi upakkilesehi vippamuttaɱ.|| ||

Taɱ sutavā ariyasāvako yathābhūtaɱ pajānāti.|| ||

Tasmā sutavato ariyasāvakassa citta-bhāvanā atthī ti vadāmī" ti.|| ||

[53][pts][olds] "Accharā-saŋghāta-mattam pi ce, bhikkhave,||
bhikkhu mettā-cittaɱ āsevati||
ayaɱ vuccati, bhikkhave bhikkhu.|| ||

Arittajjhāno viharati satthu sāsanakaro ovādapatikaro,||
amoghaɱ raṭṭhapiṇḍaɱ bhuñjati.|| ||

Ko pana vādo ye naɱ bahulīkarontī ti?|| ||

[54][pts][olds] Accharā-saŋghāta-mattam pi ce, bhikkhave,||
bhikkhu mettā-cittaɱ bhāveti;||
ayaɱ vuccati, bhikkhave bhikkhu.|| ||

Arittajjhāno viharati satthu sāsanakaro ovādapatikaro,||
amoghaɱ raṭṭhapiṇḍaɱ bhuñjati.|| ||

Ko pana vādo ye naɱ bahulīkarontī ti?|| ||

[11] [55][pts][olds] Accharā-saŋghāta-mattam pi ce, bhikkhave,||
bhikkhu mettācittaɱ manasikaroti;||
ayaɱ vuccati, bhikkhave bhikkhu.||
Arittajjhāno viharati satthu sāsanakaro ovādapatikaro amoghaɱ raṭṭhapiṇḍaɱ bhuñjati.|| ||

Ko pana vādo ye naɱ bahulīkarontī ti?|| ||

[56][pts][olds] Ye keci, bhikkhave,||
dhammā akusalā akusalabhāgiyā akusalapakkhikā sabbe te manopubbaṅgamā.|| ||

Mano tesaɱ dhammānaɱ paṭhamaɱ uppajjati,||
anvad eva akusalā dhammā ti.|| ||

[57][pts][olds] Ye keci, bhikkhave,||
dhammā kusalā kusalabhāgiyā kusalapakkhikā,||
sabbe te manopubbaṅgamā.|| ||

Mano tesaɱ dhammānaɱ paṭhamaɱ uppajjati,||
anvad eva kusalā dhammā ti.|| ||

[58][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaɱ,||
bhikkhave, pamādo.|| ||

Pamattassa, bhikkhave,||
anuppannā c'eva akusalā dhammā uppajjanti uppannā ca kusalā dhammā parihāyantī ti.|| ||

[59][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaɱ,||
bhikkhave, appamādo.|| ||

Appamattassa, bhikkhave, anuppannā c'eva kusalā dhammā uppajjanti uppannā ca akusalā dhammā parihāyantī ti.|| ||

[60][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaɱ,||
bhikkhave, kosajjaɱ.|| ||

Kusītassa, bhikkhave,||
anuppannā c'eva akusalā dhammā uppajjanti uppannā ca kusalā dhammā parihāyantī ti.|| ||

 

[Accharā-saŋghāta-vaggo chaṭṭho]

 

§

[12]

VII

 

[61][PTS VII][olds] Nāhaɱ bhikkhave,||
aññaɱ eka-dhammam pi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaɱ,||
bhikkhave, vīriyārambho.|| ||

Āraddhavīriyassa, bhikkhave,||
anuppannā c'eva kusalā dhammā uppajjanti uppannā ca akusalā dhammā parihāyantī ti.|| ||

[62][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaɱ,||
bhikkhave, mahicchatā.|| ||

Mahicchassa, bhikkhave,||
anuppannā c'eva akusalā dhammā uppajjanti uppannā ca kusalā dhammā parihāyantī ti.|| ||

[63][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaɱ,||
bhikkhave, appicchatā.|| ||

Appicchassa, bhikkhave,||
anuppannā c'eva kusalā dhammā uppajjanti uppannā ca akusalā dhammā parihāyantī ti.|| ||

[64][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaɱ, bhikkhave, asantuṭṭhitā.|| ||

Asantuṭṭhassa, bhikkhave,||
anuppannā c'eva akusalā dhammā uppajjanti uppannā ca kusalā dhammā parihāyantī ti.|| ||

[65][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaɱ,||
bhikkhave, santuṭṭhitā.|| ||

Santuṭṭhassa, bhikkhave,||
anuppannā c'eva kusalā dhammā uppajjanti uppannā ca akusalā dhammā parihāyantī ti.|| ||

[13] [66][pts][olds] Nāhaɱ bhikkhave,||
aññaɱ eka-dhammam pi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaɱ,||
bhikkhave, ayoniso manasikāro.|| ||

Ayoniso, bhikkhave,||
manasikaroto anuppannā c'eva akusalā dhammā uppajjanti uppannā ca kusalā dhammā parihāyantī ti.|| ||

[67][pts][olds] Nāhaɱ bhikkhave,||
aññaɱ eka-dhammam pi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaɱ,||
bhikkhave, yoniso manasikāro.|| ||

Yoniso, bhikkhave,||
manasikaroto anuppannā c'eva kusalā dhammā uppajjanti uppannā ca akusalā dhammā parihāyantī ti.|| ||

[68][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaɱ,||
bhikkhave, asampajaññaɱ.|| ||

Asampajānassa, bhikkhave,||
anuppannā c'eva akusalā dhammā uppajjanti uppannā ca kusalā dhammā parihāyantī ti.|| ||

[69][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaɱ,||
bhikkhave, sampajaññaɱ.|| ||

Sampajānassa, bhikkhave,||
anuppannā c'eva kusalā dhammā uppajjanti uppannā ca akusalā dhammā parihāyantī ti.|| ||

[70][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaɱ,||
bhikkhave, pāpamittatā.|| ||

Pāpamittassa, bhikkhave,||
anuppannā c'eva akusalā dhammā uppajjanti uppannā ca kusalā dhammā parihāyantī ti.|| ||

 

[Vīriyārambhādi-vaggo-sattamo]

 

§

[14]

VIII

 

[71][PTS VIII][olds] Nāhaɱ bhikkhave,||
aññaɱ eka-dhammam pi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaɱ,||
bhikkhave, kalyāṇamittatā.|| ||

Kalyāṇamittassa, bhikkhave,||
anuppannā c'eva kusalā dhammā uppajjanti uppannā ca akusalā dhammā parihāyantī ti.|| ||

[72][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaɱ,||
bhikkhave, anuyogo akusalānaɱ dhammānaɱ,||
ananuyogo kusalānaɱ dhammānaɱ.|| ||

Anuyogā, bhikkhave,||
akusalānaɱ dhammānaɱ,||
ananuyogā kusalānaɱ dhammānaɱ anuppannā c'eva akusalā dhammā uppajjanti uppannā ca kusalā dhammā parihāyantī ti.|| ||

[73][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaɱ,||
bhikkhave, anuyogo kusalānaɱ dhammānaɱ,||
ananuyogo akusalānaɱ dhammānaɱ.|| ||

Anuyogā, bhikkhave,||
kusalānaɱ dhammānaɱ,||
ananuyogā akusalānaɱ dhammānaɱ anuppannā c'eva kusalā dhammā uppajjanti uppannā ca akusalā dhammā parihāyantī ti.|| ||

[74][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā bojjhaṅgā n'uppajjanti uppannā vā bojjhaṅgā na bhāvanā-pāripūriɱ gacchanti yathayidaɱ,||
bhikkhave, ayoniso manasikāro.|| ||

Ayoniso, bhikkhave,||
manasikaroto anuppannā c'eva bojjhaṅgā n'uppajjanti uppannā ca bojjhaṅgā na bhāvanā-pāripūriɱ gacchantī ti.|| ||

[75][pts][olds] Nāhaɱ, bhikkhave,||
aññaɱ eka-dhammam pi samanupassāmi yena anuppannā vā bojjhaṅgā uppajjanti uppannā vā bojjhaṅgā bhāvanā-pāripūriɱ gacchanti yathayidaɱ,||
bhikkhave, yoniso manasikāro.|| ||

[15] Yoniso bhikkhave,||
manasikaroto anuppannā c'eva bojjhaṅgā uppajjanti uppannā ca bojjhaṅgā bhāvanā-pāripūriɱ gacchantī ti.|| ||

[76][pts][olds] Appamattikā esā, bhikkhave, parihāni yad idaɱ ñātiparihāni.|| ||

Etaɱ patikiṭṭhaɱ, bhikkhave,||
parihānīnaɱ yad idaɱ paññā-parihānī ti.|| ||

[77][pts][olds] Appamattikā esā, bhikkhave,||
vuddhi yad idaɱ ñātivuddhi.|| ||

Etad aggaɱ vuddhīnaɱ yad idaɱ paññā-vuddhi.|| ||

Tasmāt iha, bhikkhave,||
evaɱ sikkhitabbaɱ paññā-vuddhiyā vaḍḍhissāmā ti evaɱ hi vo,||
bhikkhave sikkhitabban ti.|| ||

[78][pts][olds] Appamattikā esā, bhikkhave,||
parihāni yad idaɱ bhogaparihāni.|| ||

Etaɱ patikiṭṭhaɱ, bhikkhave,||
parihānīnaɱ yad idaɱ paññā-parihānī ti.|| ||

[79][pts][olds] Appamattikā esā, bhikkhave,||
vuddhi yad idaɱ bhogavuddhi.|| ||

Etad aggaɱ, bhikkhave,||
vuddhīnaɱ yad idaɱ paññā-vuddhi.|| ||

Tasmāt iha, bhikkhave,||
evaɱ sikkhitabbaɱ paññā-vuddhiyā vaḍḍhissāmā ti evaɱ hi vo,||
bhikkhave, sikkhitabban ti.|| ||

[80][pts][olds] Appamattikā esā, bhikkhave,||
parihāni yad idaɱ yasoparihāni.|| ||

Etaɱ patikiṭṭhaɱ, bhikkhave,||
parihānīnaɱ yad idaɱ paññā-parihānī ti.|| ||

 

[Kalyā'amittādi-vaggo aṭṭhamo]

 

§

 

IX

 

[81][PTS IX][olds] Appamattikā esā, bhikkhave,||
vuddhi yad idaɱ yasovuddhi.|| ||

Etad aggaɱ, bhikkhave,||
vuddhīnaɱ yad idaɱ paññā-vuddhi.|| ||

Tasmāt iha, bhikkhave,||
evaɱ sikkhitabbaɱ paññā-vuddhiyā vaḍḍhissāmā ti evaɱ hi vo,||
bhikkhave, sikkhitabban ti.|| ||

[16] [82][pts][olds] Nāhaɱ bhikkhave,||
aññaɱ eka-dhammam pi samanupassāmi yo evaɱ mahato anatthāya saŋvattati yathayidaɱ,||
bhikkhave, pamādo.|| ||

Pamādo, bhikkhave,||
mahato anatthāya saŋvattatī ti.|| ||

[83][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato atthāya saŋvattati yathayidaɱ,||
bhikkhave, appamādo.|| ||

Appamādo, bhikkhave,||
mahato atthāya saŋvattatī ti.|| ||

[84][pts][olds] Nāhaɱ bhikkhave,||
aññaɱ eka-dhammam pi samanupassāmi yo evaɱ mahato anatthāya saŋvattati yathayidaɱ,||
bhikkhave, kosajjaɱ.|| ||

Kosajjaɱ, bhikkhave,||
mahato anatthāya saŋvattatī ti.|| ||

[85][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato atthāya saŋvattati yathayidaɱ,||
bhikkhave, vīriyārambho.|| ||

Vīriyārambho, bhikkhave,||
mahato atthāya saŋvattatī ti.|| ||

[86][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato anatthāya saŋvattati yathayidaɱ,||
bhikkhave, mahicchatā.|| ||

Mahicchatā, bhikkhave,||
mahato anatthāya saŋvattatī ti.|| ||

[87][pts][olds] Nāhaɱ bhikkhave,||
aññaɱ eka-dhammam pi samanupassāmi yo evaɱ mahato atthāya saŋvattati yathayidaɱ,||
bhikkhave, appicchatā.|| ||

Appicchatā, bhikkhave,||
mahato atthāya saŋvattatī ti.|| ||

[88][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato anatthāya saŋvattati yathayidaɱ,||
bhikkhave, asantuṭṭhitā.|| ||

Asantuṭṭhitā, bhikkhave,||
mahato anatthāya saŋvattatī ti.|| ||

[89][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato atthāya saŋvattati yathayidaɱ,||
bhikkhave, santuṭṭhitā.|| ||

Santuṭṭhitā, bhikkhave,||
mahato atthāya saŋvattatī ti.|| ||

[90][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato anatthāya saŋvattati yathayidaɱ,||
bhikkhave, ayoniso manasikāro.|| ||

Ayoniso manasikāro bhikkhave,||
mahato anatthāya saŋvattatī ti.|| ||

[91][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato atthāya saŋvattati yathayidaɱ,||
bhikkhave, yoniso manasikāro.|| ||

Yoniso manasikāro, bhikkhave,||
mahato atthāya saŋvattatī ti.|| ||

[92][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato anatthāya saŋvattati yathayidaɱ,||
bhikkhave, asampajaññaɱ.|| ||

Asampajaññaɱ, bhikkhave,||
mahato anatthāya saŋvattatī ti.|| ||

[93][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato atthāya saŋvattati yathayidaɱ,||
bhikkhave, sampajaññaɱ.|| ||

Sampajaññaɱ, bhikkhave,||
mahato atthāya saŋvattatī ti.|| ||

[94][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato anatthāya saŋvattati yathayidaɱ,||
bhikkhave, pāpamittatā.|| ||

Pāpamittatā, bhikkhave,||
mahato anatthāya saŋvattatī ti.|| ||

[95][pts][olds] Nāhaɱ bhikkhave,||
aññaɱ eka-dhammam pi samanupassāmi yo evaɱ mahato atthāya saŋvattati yathayidaɱ,||
bhikkhave, kalyāṇamittatā.|| ||

Kalyāṇamittatā,||
bhikkhave, mahato atthāya saŋvattatī ti.|| ||

[96][pts][olds] Nāhaɱ, bhikkhave,||
aññaɱ eka-dhammam pi samanupassāmi yo evaɱ mahato anatthāya saŋvattati yathayidaɱ,||
bhikkhave, anuyogo akusalānaɱ dhammānaɱ,||
ananuyogo kusalānaɱ dhammānaɱ.|| ||

Anuyogo, bhikkhave,||
akusalānaɱ dhammānaɱ,||
ananuyogo kusalānaɱ dhammānaɱ mahato anatthāya saŋvattatī ti.|| ||

[97][pts][olds] Nāhaɱ bhikkhave,||
aññaɱ eka-dhammam pi samanupassāmi yo evaɱ mahato atthāya saŋvattati yathayidaɱ,||
bhikkhave, anuyogo kusalānaɱ dhammānaɱ,||
ananuyogo akusalānaɱ dhammānaɱ.|| ||

Anuyogo, bhikkhave,||
kusalānaɱ dhammānaɱ,||
ananuyogo akusalānaɱ dhammānaɱ mahato atthāya saŋvattatī ti.|| ||

 

[Pamādādi-vaggo navamo]

 


Index to Anguttara Nikaya I: The Ekanipata Suttas ]

 


Contact:
E-mail
Copyright Statement