Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Eka-Nipātā

Suttas 188-295

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 

XIV

 

[188] [PTS XIV] [bd] Etad aggaṃ bhikkhave,||
mama sāvakānaṃ bhikkhūnaṃ||
rattaññūnaṃ yad idaṃ Aññākoṇḍañño.|| ||

[189] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
mahāpaññānaṃ yad idaṃ Sāriputto.|| ||

[190] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
iddhimantānaṃ yad idaṃ Mahā Moggallāno.|| ||

[191] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
dhutavādānaṃ yad idaṃ Mahā-Kassapo.|| ||

[192] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
dibbacakkhukānaṃ yad idaṃ Anuruddho.|| ||

[193] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
uccākulikānaṃ yad idaṃ Bhaddiyo Kāḷigodhāyaputto.|| ||

[194] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
mañjussarānaṃ yad idaṃ Lakuṇḍaka Bhaddiyo.|| ||

[195] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
sīhanādikānaṃ yad idaṃ Piṇḍola-Bhāradvājo.|| ||

[196] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
dhammakathikānaṃ yad idaṃ Puṇṇo Mantāḷi-putto.|| ||

[197] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
saŋkhittena bhāsitassa vitthārena atthaṃ vibhajantānaṃ yad idaṃ Mahā Kaccāno ti.|| ||

 

[Vaggo paṭhamo]

 

[198] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
manomayaṃ kāyaṃ abhinimminantānaṃ yad idaṃ Cūḷa-Panthako.|| ||

[199] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
ceto-vivaṭṭa-kusalānaṃ yad idaṃ Cūḷa-Panthako.|| ||

[200] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
saññā-vivaṭṭa-kusalānaṃ yad idaṃ Mahāpanthako.|| ||

[201] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
araṇavihārīnaṃ yad idaṃ Subhūti.|| ||

[202] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
dakkhiṇeyyānaṃ yad idaṃ Subhūti.|| ||

[203] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
āraññakānaṃ yad idaṃ Revato Khadiravaniyo.|| ||

[204] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
jhāyīnaṃ yad idaṃ Kaṅkhā-revato.|| ||

[205] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
āraddha-vīriyānaṃ yad idaṃ Soṇo Koḷiviso.|| ||

[206] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
kalyāṇavākkaraṇānaṃ yad idaṃ Soṇo Kuṭikaṇṇo.|| ||

[207] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
lābhīnaṃ yad idaṃ Sīvali.|| ||

[208] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
saddhādhimuttānaṃ yad idaṃ Vakkalī ti.|| ||

 

[Vaggo dutiyo]

 

[209] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
sikkhākāmānaṃ yad idaṃ Rāhulo.|| ||

[210] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
saddhāpabbajitānaṃ yad idaṃ Raṭṭhapālo.|| ||

[211] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
paṭhamaṃ salākaṃ gaṇhantānaṃ yad idaṃ Kuṇḍadhāno.|| ||

[212] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
paṭibhānavantānaṃ yad idaṃ Vaṅgīso.|| ||

[213] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
samantapāsādikānaṃ yad idaṃ Upaseno Vaṅganta-putto.|| ||

[214] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
senāsanapaññāpakānaṃ yad idaṃ Dabbo Mallaputto.|| ||

[215] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
devatānaṃ piyamanāpānaṃ yad idaṃ Pilinda-vaccho.|| ||

[216] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
khippābhiññānaṃ yad idaṃ Bāhiyo Dārucīriyo.|| ||

[217] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
cittakathikānaṃ yad idaṃ Kumāra-Kassapo.|| ||

[218] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
paṭisambhidāppattānaṃ yad idaṃ Mahākoṭṭhito ti.|| ||

 

[Vaggo tatiyo]

 

[219] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
bahussutānaṃ yad idaṃ Ānando.|| ||

[220] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
satimantānaṃ yad idaṃ Ānando.|| ||

[25] [221] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
gatimantānaṃ yad idaṃ Ānando.|| ||

[222] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
dhitimantānaṃ yad idaṃ Ānando.|| ||

[223] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
upaṭṭhākānaṃ yad idaṃ Ānando.|| ||

[224] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
mahāparisānaṃ yad idaṃ Uruvela Kassapo.|| ||

[225] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
kulappasādakānaṃ yad idaṃ Kāḷudāyī.|| ||

[226] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
appābādhānaṃ yad idaṃ Bākkulo.|| ||

[227] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
pubbenivāsaṃ anussarantānaṃ yad idaṃ Sobhito.|| ||

[228] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
vinayadharānaṃ yad idaṃ Upāli.|| ||

[229] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
bhikkhun'ovādakānaṃ yad idaṃ Nandako.|| ||

[230] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
indriyesu-gutta-dvārānaṃ yad idaṃ Nando.|| ||

[231] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
bhikkhu-ovādakānaṃ yad idaṃ Mahā Kappino.|| ||

[232] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
tejo-dhātukusalānaṃ yad idaṃ Sāgato.|| ||

[233] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
paṭibhāneyyakānaṃ yad idaṃ Rādho.|| ||

[234] [pts] [bd] Etad aggaṃ bhikkhave,||
mama sāvakānaṃ bhikkhūnaṃ||
lūkhacīvara-dharānaṃ yad idaṃ Mogharājā ti.|| ||

 

[Vaggo catuttho]

 

[235] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
rattaññūnaṃ yad idaṃ Mahā Pajāpati Gotamī.|| ||

[236] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
mahāpaññānaṃ yad idaṃ Khemā.|| ||

[237] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
iddhimantānaṃ yad idaṃ Uppalavaṇṇā.|| ||

[238] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
vinayadharānaṃ yad idaṃ PaĀācārā.|| ||

[239] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
dhammakathikānaṃ yad idaṃ Dhammadinnā.|| ||

[240] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
jhāyīnaṃ yad idaṃ Nandā.|| ||

[241] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
āraddhavīriyānaṃ yad idaṃ Soṇā.|| ||

[242] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
dibbacakkhukānaṃ yad idaṃ Sakulā.|| ||

[243] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
khippābhiññānaṃ yad idaṃ Bhaddā Kuṇḍalakesā.|| ||

[244] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
pubbenivāsaṃ anussarantīnaṃ yad idaṃ Bhaddā Kāpilānī.|| ||

[245] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
mahābhiññappattānaṃ yad idaṃ Bhaddā Kaccānā.|| ||

[246] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
lūkhacīvaradharānaṃ yad idaṃ Kisāgotamī.|| ||

[247] [pts] [bd] Etad aggaṃ bhikkhave,||
mama sāvikānaṃ bhikkhunīnaṃ||
saddhādhimuttānaṃ yad idaṃ Sigālamātā ti.|| ||

 

[Vaggo pañcamo]

 

[248] [pts] [bd] Etad aggaṃ bhikkhave,||
mama sāvakānaṃ upāsakānaṃ||
paṭhamaṃ saraṇaṃ gacchantānaṃ [26] yad idaṃ Tapussu-Bhallikā Vāṇijā.|| ||

[249] [pts] [bd] Etad aggaṃ bhikkhave,||
mama sāvakānaṃ upāsakānaṃ||
dāyakānaṃ yad idaṃ Sudatto Gahapati Anāthapiṇḍiko.|| ||

[250] [pts] [bd] Etad aggaṃ bhikkhave,||
mama sāvakānaṃ upāsakānaṃ||
dhammakathikānaṃ yad idaṃ Citto Gahapati Macchikāsaṇḍiko.|| ||

[251] [pts] [bd] Etad aggaṃ bhikkhave,||
mama sāvakānaṃ upāsakānaṃ||
catūhi saṅgaha vatthūhi parisaṃ saṅgaṇhantānaṃ yad idaṃ Haṭṭhako Āḷavako.|| ||

[252] [pts] [bd] Etad aggaṃ bhikkhave,||
mama sāvakānaṃ upāsakānaṃ||
paṇītadāyakānaṃ yad idaṃ Mahānāmo Sakko.|| ||

[253] [pts] [bd] Etad aggaṃ bhikkhave,||
mama sāvakānaṃ upāsakānaṃ||
manāpadāyakānaṃ yad idaṃ Uggo Gahapati Vesāliko.|| ||

[254] [pts] [bd] Etad aggaṃ bhikkhave,||
mama sāvakānaṃ upāsakānaṃ||
saṅghupaṭṭhākānaṃ yad idaṃ Uggato Gahapati.|| ||

[255] [pts] [bd] Etad aggaṃ bhikkhave,||
mama sāvakānaṃ upāsakānaṃ||
aveccappasannānaṃ yad idaṃ Sūro Ambaṭṭho.|| ||

[256] [pts] [bd] Etad aggaṃ bhikkhave,||
mama sāvakānaṃ upāsakānaṃ||
puggalappasannānaṃ yad idaṃ Jīvako Komārabhacco.|| ||

[257] [pts] [bd] Etad aggaṃ bhikkhave,||
mama sāvakānaṃ upāsakānaṃ||
vissāsakānaṃ yad idaṃ Nakulapitā Gahapatī ti.|| ||

 

[Vaggo chaṭṭho]

 

[258] [pts] [bd] Etad aggaṃ bhikkhave,||
mama sāvikānaṃ upāsikānaṃ||
paṭhamaṃ saranaṃ gacchantīnaṃ yad idaṃ Sujātā Senānidhītā.|| ||

[259] [pts] [bd] Etad aggaṃ bhikkhave,||
mama sāvikānaṃ upāsikānaṃ||
dāyikānaṃ yad idaṃ Visākhā Migāramātā.|| ||

[260] [pts] [bd] Etad aggaṃ bhikkhave,||
mama sāvikānaṃ upāsikānaṃ||
bahussutānaṃ yad idaṃ Khujjuttarā.|| ||

[261] [pts] [bd] Etad aggaṃ bhikkhave,||
mama sāvikānaṃ upāsikānaṃ||
mettāvihārīnaṃ yad idaṃ Sāmāvatī.|| ||

[262] [pts] [bd] Etad aggaṃ bhikkhave,||
mama sāvikānaṃ upāsikānaṃ||
jhāyīnaṃ yad idaṃ Uttarā Nandamātā.|| ||

[263] [pts] [bd] Etad aggaṃ bhikkhave,||
mama sāvikānaṃ upāsikānaṃ||
paṇītadāyikānaṃ yad idaṃ Suppavāsā Koḷiyadhītā.|| ||

[264] [pts] [bd] Etad aggaṃ bhikkhave,||
mama sāvikānaṃ upāsikānaṃ||
gilānūpaṭṭhākīnaṃ yad idaṃ Suppiyā Upāsikā.|| ||

[265] [pts] [bd] Etad aggaṃ bhikkhave,||
mama sāvikānaṃ upāsikānaṃ||
aveccappasannānaṃ yad idaṃ Kātiyānī.|| ||

[266] [pts] [bd] Etad aggaṃ bhikkhave,||
mama sāvikānaṃ upāsikānaṃ||
vissāsikānaṃ yad idaṃ Nakulamātā Gahapatānī.|| ||

[267] [pts] [bd] Etad aggaṃ bhikkhave,||
mama sāvikānaṃ upāsikānaṃ||
anussavappasannānaṃ yad idaṃ Kāḷī Upāsikā Kurara-gharikā ti.|| ||

 

[Vaggo sattamo. Etad-agga-vaggo cuddasamo]

 

§

 

XV

 

[268] [PTS XV] [bd] Aṭṭhānam etaṃ bhikkhave,||
anavakāso yaṃ diṭṭhi-sampanno puggalo kañci saŋkhāraṃ niccato upagaccheyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
[27] vijjati yaṃ puthujjano kañci saŋkhāraṃ niccato upagaccheyya ṭhānam etaṃ vijjatī ti.|| ||

[269] [pts] [bd] Aṭṭhānam etaṃ bhikkhave,||
anavakāso yaṃ diṭṭhi-sampanno puggalo kañci saŋkhāraṃ sukhato upagaccheyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puthujjano kañci saŋkhāraṃ sukhato upagaccheyya ṭhānam etaṃ vijjatī ti.|| ||

[270] [pts] [bd] Aṭṭhānam etaṃ bhikkhave,||
anavakāso yaṃ diṭṭhi-sampanno puggalo kañci dhammaṃ attato upagaccheyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puthujjano kañci dhammaṃ attato upagaccheyya ṭhānam etaṃ vijjatī ti.|| ||

[271] [pts] [bd] Aṭṭhānam etaṃ bhikkhave,||
anavakāso yaṃ diṭṭhi-sampanno puggalo mātaraṃ jīvitā voropeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puthujjano mātaraṃ jīvitā voropeyya ṭhānam etaṃ vijjatī ti.|| ||

[272] [pts] [bd] Aṭṭhānam etaṃ bhikkhave||
anavakāso yaṃ diṭṭhi-sampanno puggalo pitaraṃ jīvitā voropeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puthujjano pitaraṃ jīvitā voropeyya ṭhānam etaṃ vijjatī ti.|| ||

[273] [pts] [bd] Aṭṭhānam etaṃ bhikkhave,||
anavakāso yaṃ diṭṭhi-sampanno puggalo arahantaṃ jīvitā voropeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,
vijjati yaṃ puthujjano arahantaṃ jīvitā voropeyya ṭhānam etaṃ vijjatī ti.|| ||

[274] [pts] [bd] Aṭṭhānam etaṃ bhikkhave,||
anavakāso yaṃ diṭṭhi-sampanno puggalo Tathāgatassa duṭṭhena cittena lohitaṃ uppādeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puthujjano Tathāgatassa duṭṭhena cittena lohitaṃ uppādeyya ṭhānaṃ etaṃ vijjatī ti.|| ||

[275] [pts] [bd] Aṭṭhānam etaṃ bhikkhave,||
anavakāso yaṃ diṭṭhi-sampanno puggalo saŋghaṃ bhindeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puthujjano saŋghaṃ bhindeyya ṭhānam etaṃ vijjatī ti.|| ||

[276] [pts] [bd] Aṭṭhānam etaṃ bhikkhave,||
anavakāso yaṃ diṭṭhi-sampanno puggalo aññaṃ satthāraṃ uddiseyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puthujjano aññaṃ satthāraṃ uddiseyya ṭhānam etaṃ vijjatī ti.

[277] [pts] [bd] Aṭṭhānam etaṃ bhikkhave,||
anavakāso yaṃ ekissā loka-dhātuyā dve arahanto Sammā-sambuddhā apubbaṃ [28] acarimaṃ uppajjeyyuṃ n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ ekissā loka-dhātuyā eko arahaṃ Sammā-sambuddho uppajjeyya ṭhānam etaṃ vijjatī ti.|| ||

[278] [pts] [bd] Aṭṭhānam etaṃ bhikkhave,||
anavakāso yaṃ ekissā loka-dhātuyā dve rājāno cakkavattī apubbaṃ acarimaṃ uppajjeyyuṃ n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ ekissā loka-dhātuyā eko rājā cakkavattī uppajjeyya ṭhānam etaṃ vijjatī ti.|| ||

[279] [pts] [bd] Aṭṭhānam etaṃ bhikkhave,||
anavakāso yaṃ itthī arahaṃ assa Sammā-sambuddho n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puriso arahaṃ assa Sammā-sambuddho ṭhānam etaṃ vijjatī ti.|| ||

[280] [pts] [bd] Aṭṭhānam etaṃ bhikkhave,||
anavakāso yaṃ itthī rājā assa cakkavattī n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puriso rājā assa cakkavattī ṭhānam etaṃ vijjatī ti.|| ||

[281] [pts] [bd] Aṭṭhānam etaṃ bhikkhave,||
anavakāso yaṃ itthī Sakkattaṃ kāreyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puriso Sakkattaṃ kāreyya ṭhānam etaṃ vijjatī ti.|| ||

[282] [pts] [bd] Aṭṭhānam etaṃ bhikkhave,||
anavakāso yaṃ itthī Mārattaṃ kāreyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puriso Mārattaṃ kāreyya ṭhānam etaṃ vijjatī ti.|| ||

[283] [pts] [bd] Aṭṭhānam etaṃ bhikkhave,||
anavakāso yaṃ itthī Brahmattaṃ kāreyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ puriso Brahmattaṃ kāreyya ṭhānam etaṃ vijjatī ti.|| ||

[284] [pts] [bd] Aṭṭhānam etaṃ bhikkhave,||
anavakāso yaṃ kāyaduccaritassa iṭṭho kanto manāpo vipāko nibbatteyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ kāyaduccaritassa aniṭṭho akanto amanāpo vipāko nibbatteyya ṭhānam etaṃ vijjatī ti.|| ||

[285] [pts] [bd] Aṭṭhānam etaṃ bhikkhave,||
anavakāso yaṃ vacīduccaritassa iṭṭho kanto manāpo vipāko nibbatteyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ vacīduccaritassa aniṭṭho akanto amanāpo vipāko nibbatteyya ṭhānam etaṃ vijjatī ti.|| ||

[286] [pts] [bd] Aṭṭhānam etaṃ bhikkhave,||
anavakāso yaṃ manoduccaritassa iṭṭho kanto manāpo vipāko nibbatteyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ manoduccaritassa aniṭṭho akanto amanāpo vipāko nibbatteyya ṭhānam etaṃ vijjatī ti.|| ||

[287] [pts] [bd] Aṭṭhānam etaṃ bhikkhave,||
anavakāso yaṃ kāyasucaritassa aniṭṭho akanto amanāpo vipāko nibbatteyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ kāyasucaritassa iṭṭho kanto manāpo vipāko nibbatteyya ṭhānam etaṃ vijjatī ti.|| ||

[29] [288] [pts] [bd] Aṭṭhānam etaṃ bhikkhave,||
anavakāso yaṃ vacīsucaritassa aniṭṭho akanto amanāpo vipāko nibbatteyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ vacīsucaritassa iṭṭho kanto manāpo vipāko nibbatteyya ṭhānam etaṃ vijjatī ti.|| ||

[289] [pts] [bd] Aṭṭhānam etaṃ bhikkhave,||
anavakāso yaṃ manosucaritassa aniṭṭho akanto amanāpo vipāko nibbatteyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ manosucaritassa iṭṭho kanto manāpo vipāko nibbatteyya ṭhānam etaṃ vijjatī ti.|| ||

[290] [pts] [bd] Aṭṭhānam etaṃ bhikkhave,||
anavakāso yaṃ kāyaduccaritasamaṅgī tannidānā tappaccayā kāyassa bhedā param maraṇā sugatiṃ saggaṃ lokaṃ upapajjeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ kāyaduccaritasamaṅgī tannidānā tappaccayā kāyassa bhedā param maraṇā apāyaṃ duggatiṃ vinipātaṃ Nirayaṃ upapajjeyya ṭhānam etaṃ vijjatī ti.|| ||

[291] [pts] [bd] Aṭṭhānam etaṃ bhikkhave,||
anavakāso yaṃ vacīduccaritasamaṅgī tannidānā tappaccayā kāyassa bhedā param maraṇā sugatiṃ saggaṃ lokaṃ upapajjeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ vacīduccaritasamaṅgī tannidānā tappaccayā kāyassa bhedā param maraṇā apāyaṃ duggatiṃ vinipātaṃ Nirayaṃ upapajjeyya ṭhānam etaṃ vijjatī ti.|| ||

[292] [pts] [bd] Aṭṭhānam etaṃ bhikkhave,||
anavakāso yaṃ manoduccaritasamaṅgī tannidānā tappaccayā kāyassa bhedā param maraṇā sugatiṃ saggaṃ lokaṃ upapajjeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave, vijjati yaṃ manoduccaritasamaṅgī tannidānā tappaccayā kāyassa bhedā param maraṇā apāyaṃ duggatiṃ vinipātaṃ Nirayaṃ upapajjeyya ṭhānam etaṃ vijjatī ti.|| ||

[293] [pts] [bd] Aṭṭhānam etaṃ bhikkhave,||
anavakāso yaṃ kāyasucaritasamaṅgī tannidānā tappaccayā kāyassa bhedā param maraṇā apāyaṃ duggatiṃ vinipātaṃ Nirayaṃ upapajjeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ kāyasucaritasamaṅgī tannidānā tappaccayā kāyassa bhedā param maraṇā sugatiṃ saggaṃ lokaṃ upapajjeyya ṭhānam etaṃ vijjatī ti.|| ||

[294] [pts] [bd] Aṭṭhānam etaṃ bhikkhave,||
anavakāso yaṃ vacīsucaritasamaṅgī tannidānā tappaccayā kāyassa bhedā param maraṇā apāyaṃ duggatiṃ vinipātaṃ Nirayaṃ upapajjeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati yaṃ vacīsucaritasamaṅgī tannidānā tappaccayā kāyassa bhedā param maraṇā sugatiṃ saggaṃ lokaṃ upapajjeyya ṭhānam etaṃ vijjatī ti.|| ||

[295] [pts] [bd] Aṭṭhānam etaṃ bhikkhave,||
anavakāso yaṃ manosucaritasamaṅgī tannidānā tappaccayā kāyassa bhedā param maraṇā apāyaṃ duggatiṃ vinipātaṃ Nirayaṃ upapajjeyya n'etaṃ ṭhānaṃ vijjati.|| ||

Ṭhānañ ca kho etaṃ bhikkhave,||
vijjati [30] yaṃ manosucaritasamaṅgī tannidānā tappaccayā kāyassa bhedā param maraṇā sugatiṃ saggaṃ lokaṃ upapajjeyya ṭhānam etaṃ vijjatī ti.|| ||

[Aṭṭhānavaggo]

 


Index to Anguttara Nikaya I: The Ekanipata Suttas ]

 


Contact:
E-mail
Copyright Statement   Webmaster's Page