Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Eka-Nipātā

Suttas 296-393

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 

XVI

 

[296] [PTS XVI] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Buddhānussati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

[297] [pts] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Dhammānussati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

[298] [pts] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Saŋghānussati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

[299] [pts] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Sīlānussati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

[300] [pts] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Cāgānussati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

[301] [pts] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Devatānussati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

[302] [pts] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Ānāpānassati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

[303] [pts] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Maraṇassati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

[304] [pts] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Kāyagatāsati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

[305] [pts] [olds] Ekadhammo bhikkhave,||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattati.

Katamo ekadhammo?

Upasamānussati.

Ayaɱ kho, bhikkhave, ekadhammo||
bhāvito bahulīkato||
ekantanibbidāya virāgāya nirodhāya upasamāya abhiññāya sambodhāya nibbānāya saŋvattatī ti.

 

§

XVII

 

[306] [pts] [olds] Nāhaɱ, bhikkhave, aññaɱ eka-dhammam||
pi samanupassāmi yena anuppannā vā akusalā dhammā uppajjanti uppannā vā akusalā dhammā bhiyyo bhāvāya vepullāya saŋvattanti||
yathayidaɱ, bhikkhave, micchādiṭṭhi.

Micchādiṭṭhikassa, bhikkhave,||
anuppannā c'eva akusalā dhammā uppajjanti uppannā ca akusalā dhammā bhiyyo bhāvāya vepullāya saŋvattantī ti.

[307] [pts] [olds] Nāhaɱ, bhikkhave, aññaɱ eka-dhammam||
pi samanupassāmi yena anuppannā vā kusalā dhammā uppajjanti uppannā vā kusalā dhammā bhiyyo bhāvāya vepullāya saŋvattanti||
yathayidaɱ bhikkhave, sammādiṭṭhi.

[31] Sammādiṭṭhikassa bhikkhave,||
anuppannā c'eva kusalā dhammā uppajjanti uppannā ca kusalā dhammā bhiyyo bhāvāya vepullāya saŋvattantī ti.

[308] [pts] [olds] Nāhaɱ bhikkhave, aññaɱ eka-dhammam||
pi samanupassāmi yena anuppannā vā kusalā dhammā n'uppajjanti uppannā vā kusalā dhammā parihāyanti||
yathayidaɱ, bhikkhave, micchādiṭṭhi.

Micchādiṭṭhikassa, bhikkhave,||
anuppannā c'eva kusalā dhammā n'uppajjanti uppannā ca kusalā dhammā parihāyantī ti.

[309] [pts] [olds] Nāhaɱ, bhikkhave, aññaɱ eka-dhammam||
pi samanupassāmi yena anuppannā vā akusalā dhammā n'uppajjanti uppannā vā akusalā dhammā parihāyanti||
yathayidaɱ, bhikkhave, sammādiṭṭhi.

Sammādiṭṭhikassa, bhikkhave,||
anuppannā c'eva akusalā dhammā n'uppajjanti uppannā ca akusalā dhammā parihāyantī ti.

[310] [pts] [olds] Nāhaɱ, bhikkhave, aññaɱ eka-dhammam||
pi samanupassāmi yena anuppannā vā micchādiṭṭhi uppajjati uppannā vā micchādiṭṭhi pavaḍḍhati||
yathayidaɱ, bhikkhave, ayoniso manasikāro.

Ayoniso, bhikkhave, manasikaroto||
anuppannā c'eva micchādiṭṭhi uppajjati uppannā ca micchādiṭṭhi pavaḍḍhatī ti.

[311] [pts] [olds] Nāhaɱ, bhikkhave, aññaɱ eka-dhammam||
pi samanupassāmi yena anuppannā vā sammādiṭṭhi uppajjati uppannā vā sammādiṭṭhi pavaḍḍhati||
yathayidaɱ, bhikkhave, yoniso manasikāro.

Yoniso, bhikkhave, manasikaroto||
anuppannā c'eva sammādiṭṭhi uppajjati uppannā ca sammādiṭṭhi pavaḍḍhatī ti.

[312] [pts] [olds] Nāhaɱ bhikkhave, aññaɱ eka-dhammam||
pi samanupassāmi yen'evaɱ sattā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjanti||
yathayidaɱ, bhikkhave, micchādiṭṭhi.

Micchādiṭṭhiyā, bhikkhave,||
samannāgatā sattā kāyassa bhedā param maraṇā apāyaɱ duggatiɱ vinipātaɱ Nirayaɱ upapajjantī ti.

[313][pts][olds] Nāhaɱ bhikkhave, aññaɱ eka-dhammam||
pi samanupassā- [32] mi yen'evaɱ sattā kāyassa bhedā param maraṇā sugatiɱ saggaɱ lokaɱ upapajjanti||
yathayidaɱ, bhikkhave, sammādiṭṭhi.

Sammādiṭṭhiyā, bhikkhave,||
samannāgatā sattā kāyassa bhedā param maraṇā sugatiɱ saggaɱ lokaɱ upapajjantī ti.

[314][pts][olds] Micchādiṭṭhikassa, bhikkhave,||
purisapuggalassa yañ c'eva kāya-kammaɱ yathādiṭṭhi samattaɱ samādinnaɱ;||
yañ ca vacīkammaɱ yathādiṭṭhi samattaɱ samādinnaɱ;||
yañ ca mano-kammaɱ yathādiṭṭhi samattaɱ samādinnaɱ;||
yā ca cetanā,||
yā ca patthanā,||
yo ca paṭidhi,||
ye ca sankhārā,||
sabbe te dhammā aniṭṭhāya akantāya amanāpāya ahitāya dukkhāya saŋvattanti.

Taɱ kissa hetu?

Diṭṭhi hi, bhikkhave, pāpikā ti.

seyyathā pi, bhikkhave||
nimba-bījaɱ vā kosātaki-bījaɱ vā tittaka-lābu-bījaɱ vā allāya paṭhaviyā nikkhittaɱ yañ c'eva paṭhavi-rasaɱ upādiyati yañ ca āporasaɱ upādiyati sabban taɱ tittakattāya kaṭukattāya asātattāya saŋvattati.

Taɱ kissa hetu?

Bījaɱ hi, bhikkhave, pāpakaɱ.

Evam eva kho, bhikkhave,||
micchādiṭṭhikassa purisapuggalassa yañ c'eva kāya-kammaɱ yathādiṭṭhi samattaɱ samādinnaɱ||
yañ ca vacīkammaɱ yathādiṭṭhi samattaɱ samādinnaɱ;||
yañ ca mano-kammaɱ yathādiṭṭhi samattaɱ samādinnaɱ;||
yā ca cetanā,||
yā ca patthanā,||
yo ca paṭidhi,||
ye ca sankhārā,||
sabbe te dhammā aniṭṭhāya akantāya amanāpāya ahitāya dukkhāya saŋvattanti.

Taɱ kissa hetu?

Diṭṭhi hi, bhikkhave, pāpikā ti.

[315][pts][olds] Sammādiṭṭhikassa, bhikkhave,||
purisapuggalassa yañ c'eva kāya-kammaɱ yathādiṭṭhi samattaɱ samādinnaɱ||
yañ ca vacīkammaɱ yathādiṭṭhi samattaɱ samādinnaɱ;||
yañ ca mano-kammaɱ yathādiṭṭhi samattaɱ samādinnaɱ;||
yā ca cetanā,||
yā ca patthanā,||
yo ca paṭidhi,||
ye ca sankhārā,||
sabbe te dhammā iṭṭhāya kantāya manāpāya hitāya sukhāya saŋvattanti.

Taɱ kissa hetu?

Diṭṭhi hi, bhikkhave, bhaddikā ti.

seyyathā pi, bhikkhave,||
ucchu-bījaɱ vā sālibījaɱ vā muddikā-bījaɱ vā allāya paṭhaviyā nikkhittaɱ||
yañ c'eva paṭhavi-rasaɱ upādiyati||
yañ ca āporasaɱ upādiyati sabban taɱ madhurattāya sātattāya asecanakattāya saŋvattati.

Taɱ kissa hetu?

Bījaɱ hi'ssa, bhikkhave, bhaddakaɱ.

Evam eva kho, bhikkhave,||
sammādiṭṭhikassa purisapuggalassa||
yañ c'eva kāya-kammaɱ yathādiṭṭhi samattaɱ samādinnaɱ||
yañ ca vacīkammaɱ yathādiṭṭhi samattaɱ samādinnaɱ;||
yañ ca manokammaɱ yathādiṭṭhi samattaɱ samādinnaɱ;||
yā ca cetanā,||
yā ca patthanā,||
yo ca paṭidhi,||
ye ca sankhārā,||
sabbe te dhammā iṭṭhāya kantāya manāpāya hitāya sukhāya saŋvattanti.

Taɱ kissa hetu?

Diṭṭhi hi, bhikkhave, bhaddikā ti.

 

[Bīja-vaggo]

 

§

[33]

XVIII

 

[316][PTS: XVIII.33][olds] Ekapuggalo bhikkhave,||
loke uppajjamāno uppajjati bahujanāhitāya bahujanāsukhāya,||
bahuno janassa anatthāya ahitāya dukkhāya deva-manussānaɱ.

Katamo ekapuggalo?

Micchādiṭṭhiko hoti viparītadassano so bahujanaɱ saddhammā vuṭṭhāpetvā asaddhamme patiṭṭhāpeti.

Ayaɱ kho, bhikkhave, ekapuggalo||
loke uppajjamāno uppajjati bahujanāhitāya bahujanāsukhāya,||
bahuno janassa anatthāya ahitāya dukkhāya deva-manussānan ti.

[317][pts][olds] Ekapuggalo, bhikkhave,||
loke uppajjamāno uppajjati bahujanāhitāya bahujanāsukhāya,||
bahuno janassa atthāya hitāya sukhāya deva-manussānaɱ.

Katamo ekapuggalo?

Sammādiṭṭhiko hoti aviparītadassano so bahujanaɱ asaddhammā vuṭṭhāpetvā saddhamme patiṭṭhāpeti.

Ayaɱ kho, bhikkhave, ekapuggalo||
loke upapajjamāno uppajjati bahujanāhitāya bahujanāsukhāya,||
bahuno janassa atthāya hitāya sukhāya deva-manussānan ti.

[318][pts][olds] Nāhaɱ, bhikkhave, aññaɱ eka-dhammam||
pi samanupassāmi evaɱ mahāsāvajjaɱ yathayidaɱ,||
bhikkhave, micchādiṭṭhi.

Micchādiṭṭhiparamāni, bhikkhave, mahāsāvajjānī ti.

[319][pts][olds] Nāhaɱ, bhikkhave, aññaɱ ekapuggalam||
pi samanupassāmi yo evaɱ bahujanāhitāya paṭipanno bahujanāsukhāya,||
bahuno janassa anatthāya ahitāya dukkhāya deva-manussānaɱ yathayidaɱ,||
bhikkhave, Makkhali moghapuriso.

seyyathā pi, bhikkhave,||
nadī-mukhe khipaɱ uḍḍeyya bahūnnaɱ macchānaɱ ahitāya dukkhāya anayāya vyasanāya;||
evam eva kho, bhikkhave Makkhali moghapuriso||
manussa-khipaɱ maññe loke uppanno bahūnaɱ sattānaɱ ahitāya dukkhāya anayāya vyasanāyā ti.

[34] [320][pts][olds] Durakkhāte bhikkhave,||
dhamma-vinaye yo ca samādapeti||
yañ ca samādapeti yo ca samādapito tathattāya paṭipajjati sabbe te bahuɱ apuññaɱ pasavanti.

Taɱ kissa hetu?

Durakkhātattā, bhikkhave, dhammassā ti.

[321][pts][olds] Svākkhāte bhikkhave,||
dhamma-vinaye yo ca samādapeti||
yañ ca samādapeti yo ca samādapito tathattāya paṭipajjati sabbe te bahuɱ puññaɱ pasavanti.

Taɱ kissa hetu?

Svākkhātattā, bhikkhave, dhammassā ti.

[322][pts][olds] Durakkhāte, bhikkhave,||
dhamma-vinaye dāyakena mattā jānitabbā,||
no paṭiggāhakena.|| ||

Taɱ kissa hetu?

Durakkhātattā, bhikkhave, dhammassā ti.

[323][pts][olds] Svākkhāte, bhikkhave,||
dhamma-vinaye paṭiggāhakena mattā jānitabbā,||
no dāyakena.|| ||

Taɱ kissa hetu?

Svākkhātattā, bhikkhave, dhammassā ti.

[324][pts][olds] Durakkhāte, bhikkhave,||
dhamma-vinaye yo āraddhavīriyo so dukkhaɱ viharati.

Taɱ kissa hetu?

Durakkhātattā, bhikkhave, dhammassā ti.

[325][pts][olds] Svākkhāte, bhikkhave,||
dhamma-vinaye yo kusīto so dukkhaɱ viharati.

Taɱ kissa hetu?

Svākkhātattā, bhikkhave, dhammassā ti.

[326][pts][olds] Durakkhāte, bhikkhave,||
dhamma-vinaye yo kusīto so sukhaɱ viharati.

Taɱ kissa hetu?

Durakkhātattā, bhikkhave, dhammassā ti.

[327][pts][olds] Svākkhāte, bhikkhave,||
dhamma-vinaye yo āraddhavīriyo so sukhaɱ viharati.

Taɱ kissa hetu?

Svākkhātattā, bhikkhave, dhammassā ti.

[328][pts][olds] seyyathā pi, bhikkhave,||
appamattako pi gūtho duggandho hoti;||
evam eva kho ahaɱ, bhikkhave,||
appamattakam pi bhavaɱ na vaṇṇemi,||
antamaso accharā-saŋghāta-mattam pi ti.

[329][pts][olds] seyyathā pi, bhikkhave,||
appamattakam pi muttaɱ duggandhaɱ hoti;||
evam eva kho ahaɱ, bhikkhave,||
appamattakam pi bhavaɱ na vaṇṇemi,||
antamaso accharā-saŋghāta-mattam pi ti.

[330][pts][olds] seyyathā pi, bhikkhave,||
appamattako pi khe'o duggandho hoti;||
evam eva kho ahaɱ, bhikkhave,||
appamattakam pi bhavaɱ na vaṇṇemi,||
antamaso accharā-saŋghāta-mattam pi ti.

[331][pts][olds] seyyathā pi, bhikkhave,||
appamattako pi pubbo duggandho hoti;||
evam eva kho ahaɱ, bhikkhave,||
appamattakam pi bhavaɱ na vaṇṇemi,||
antamaso accharā-saŋghāta-mattam pi ti.

[35] [332][pts][olds] seyyathā pi, bhikkhave,||
appamattakam pi lohitaɱ duggandhaɱ hoti;||
evam eva kho ahaɱ, bhikkhave,||
appamattakam pi bhavaɱ na vaṇṇemi,||
antamaso accharā-saŋghāta-mattam pi ti.

 

§

XIX

 

[333][pts XIX][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye thalajā,||
atha kho ete va sattā bahutarā ye odakā.

[334][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye manussesu paccājāyanti;||
atha kho ete va sattā bahutarā ye aññatra manussehi paccājāyanti;

[335][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye majjhimesu janapadesu paccājāyanti;||
atha kho ete va sattā bahutarā ye paccantimesu janapadesu paccājāyanti aviññātāresu milakkhesu.

[336][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye paññavanto aja'ā ane'amūgā paṭibalā subhāsita-dubbhāsitassa atthaɱ aññātuɱ;||
atha kho ete va sattā bahutarā ye duppaññā ja'ā e'amūgā na paṭibalā subhāsita-dubbhāsitassa atthaɱ aññātuɱ.

[337][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye ariyena paññācakkhunā samannāgatā;||
atha kho ete va sattā bahutarā ye avijjāgatā sammū'hā.

[338][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye labhanti Tathāgataɱ dassanāya;||
atha kho ete va sattā bahutarā ye na labhanti Tathāgataɱ dassanāya.

[339][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye labhanti Tathāgatappaveditaɱ dhamma-vinayaɱ savanāya;||
atha kho [36] ete va sattā bahutarā ye na labhanti Tathāgatappaveditaɱ dhamma-vinayaɱ savanāya.

[340][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye sutvā dhammaɱ dhārenti;||
atha kho ete va sattā bahutarā ye sutvā dhammaɱ na dhārenti.

[341][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye dhātānaɱ dhammānaɱ atthaɱ upaparikkhanti;||
atha kho ete va sattā bahutarā ye dhātānaɱ dhammānaɱ atthaɱ na upaparikkhanti.

[342][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye attham aññāya dhammam aññāya dhammānudhammaɱ paṭipajjanti;||
atha kho ete va sattā bahutarā ye attham aññāya dhammam aññāya dhammānudhammaɱ na paṭipajjanti.

[343][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye saɱvejanīyesu ṭhānesu saɱvijjanti;||
atha kho ete va sattā bahutarā ye saɱvejanīyesu ṭhānesu na saɱvijjanti.

[344][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye saɱviggā yoniso padahanti;||
atha kho ete va sattā bahutarā ye saɱviggā yoniso na padahanti.

[345][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye vavassaggārammaṇaɱ karitvā labhanti samādhiɱ labhanti cittass'ekaggataɱ;||
atha kho ete va sattā bahutarā ye vavassaggārammaṇaɱ karitvā na labhanti samādhiɱ na labhanti cittass'ekaggataɱ.

[346][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye annagga-rasaggānaɱ lābhino;||
atha kho ete va sattā bahutarā ye annagga-rasaggānaɱ na lābhino,||
uñchena kapālābhatena yāpenti.

[347][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāmaṇeyyakaɱ vanarāmaṇeyyakaɱ bhūmirāmaṇeyyakaɱ pokkharaṇirāmaṇeyyakaɱ;||
atha kho etad eva bahutaraɱ yad idaɱ ukkūla-vikūlaɱ nadī-viduggaɱ khāṇukaṇṭakādhānaɱ pabbata-visamaɱ|| ||

Evam eva kho, bhikkhave,||
appakā te sattā ye attha-rasassa dhamma-rasassa vimutti-rasassa lābhino;||
atha kho ete va sattā bahutarā ye attharasassa dhammarasassa vimuttirasassa na lābhino.|| ||

Tasmāt iha, bhikkhave||
evaɱ sikkhitabbaɱ attharasassa dhammarasassa vimuttirasassa lābhino bhavissāmāti.|| ||

Evaɱ hi vo, bhikkhave, sikkhitabban ti.

[37] [348][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye manussā cutā manussesu paccājāyanti,||
atha kho ete va sattā bahutarā ye manussā cutā niraye paccājāyanti.

[349][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye manussā cutā devesu paccājāyanti atha kho ete va sattā bahutarā ye manussā cutā niraye paccājāyanti
tiracchānayoniyā paccājāyanti
pettivisaye paccājāyanti.

[350][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye manussā cutā devesu paccājāyanti atha kho ete va sattā bahutarā ye manussā cutā pettivisaye paccājāyanti.

[351][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye manussā cutā devesu paccājāyanti;||
atha kho ete va sattā bahutarā ye manussā cutā niraye paccājāyanti.

[352][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye manussā cutā devesu paccājāyanti;||
atha kho ete va sattā bahutarā ye manussā cutā tiracchānayoniyā paccājāyanti.

[353][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye manussā cutā devesu paccājāyanti;||
atha kho ete va sattā bahutarā ye manussā cutā pettivisaye paccājāyanti.

[354][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye devā cutā devesu paccājāyanti;||
atha kho ete va sattā bahutarā ye devā cutā niraye paccājāyanti.

[355][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye devā cutā devesu paccājāyanti;||
atha kho ete va sattā bahutarā ye devā cutā tiracchānayoniyā paccājāyanti.

[356][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye devā cutā devesu paccājāyanti;||
atha kho ete va sattā bahutarā ye devā cutā pettivisaye paccājāyanti.

[357][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye devā cutā manussesu paccājāyanti;||
atha kho ete va sattā bahutarā ye devā cutā niraye paccājāyanti.

[358][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye devā cutā manussesu paccājāyanti;||
atha kho ete va sattā bahutarā ye devā cutā tiracchānayoniyā paccājāyanti.

[359][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye devā cutā manussesu paccājāyanti;||
atha kho ete va sattā bahutarā ye devā cutā pettivisaye paccājāyanti.

[360][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye nirayā cutā manussesu paccājāyanti;||
atha kho ete va sattā bahutarā ye nirayā cutā niraye paccājāyanti.

[361][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye nirayā cutā manussesu paccājāyanti;||
atha kho ete va sattā bahutarā ye nirayā cutā tiracchānayoniyā paccājāyanti.

[362][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye nirayā cutā manussesu paccājāyanti;||
atha kho ete va sattā bahutarā ye nirayā cutā pettivisaye paccājāyanti.

[363][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye nirayā cutā devesu paccājāyanti;||
atha kho ete va sattā bahutarā ye nirayā cutā niraye paccājāyanti.

[364][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye nirayā cutā devesu paccājāyanti;||
atha kho ete va sattā bahutarā ye nirayā cutā tiracchānayoniyā paccājāyanti.

[365][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye nirayā cutā devesu paccājāyanti;||
atha kho ete va sattā bahutarā ye nirayā cutā pettivisaye paccājāyanti.

[366][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye tiracchānayoniyā cutā manussesu paccājāyanti;||
atha kho ete va sattā bahutarā ye tiracchānayoniyā cutā niraye paccājāyanti.

[367][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye tiracchānayoniyā cutā manussesu paccājāyanti;||
atha kho ete va sattā bahutarā ye tiracchānayoniyā cutā tiracchānayoniyā paccājāyanti.

[368][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye tiracchānayoniyā cutā manussesu paccājāyanti;||
atha kho ete va sattā bahutarā ye tiracchānayoniyā cutā pettivisaye paccājāyanti.

[369][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye tiracchānayoniyā cutā devesu paccājāyanti;||
atha kho ete va sattā bahutarā [38] ye tiracchānayoniyā cutā niraye paccājāyanti.

[370][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye tiracchānayoniyā cutā devesu paccājāyanti;||
atha kho ete va sattā bahutarā ye tiracchānayoniyā cutā tiracchānayoniyā paccājāyanti.

[371][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye tiracchānayoniyā cutā devesu paccājāyanti;||
atha kho ete va sattā bahutarā ye tiracchānayoniyā cutā pettivisaye paccājāyanti.

[372][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye pettivisayā cutā manussesu paccājāyanti;||
atha kho ete va sattā bahutarā ye pettivisayā cutā niraye paccājāyanti.

[373][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye pettivisayā cutā manussesu paccājāyanti;||
atha kho ete va sattā bahutarā ye pettivisayā cutā tiracchānayoniyā paccājāyanti.

[374][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye pettivisayā cutā manussesu paccājāyanti;||
atha kho ete va sattā bahutarā ye pettivisayā cutā pettivisaye paccājāyanti.

[375][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye pettivisayā cutā devesu paccājāyanti||
atha kho ete va sattā bahutarā ye pettivisayā cutā niraye paccājāyanti.

[376][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye pettivisayā cutā devesu paccājāyanti||
atha kho ete va sattā bahutarā ye pettivisayā cutā tiracchānayoniyā paccājāyanti.

[377][pts][olds] seyyathā pi, bhikkhave,||
appamattakaɱ imasmiɱ Jambudīpe ārāmarāma'eyyakaɱ vanarāma'eyyakaɱ bhūmirāma'eyyakaɱ pokkhara'irāma'eyyakaɱ;||
atha kho etad eva bahutaraɱ yad idaɱ ukkūlavikūlaɱ nadī-viduggaɱ khāṇukaṇṭakadhānaɱ pabbatavisamaɱ.|| ||

Evam eva kho, bhikkhave,||
appakā te sattā ye pettivisayā cutā devesu paccājāyanti||
atha kho ete va sattā bahutarā ye pettivisayā cutā pettivisaye paccājāyanti.

 

[Vaggo catuttho. Jambudīpapeyyālo niṭṭhito. Ekadhammapāli soṇasamo. Pasādakaradhammavaggo]

 

§

XX

 

[378][PTS XX][olds] Addham idaɱ bhikkhave,||
lābhānaɱ yad idaɱ āraññikattaɱ ti.

[379][pts][olds] Addham idaɱ bhikkhave,||
lābhānaɱ yad idaɱ piṇḍapātikattaɱ ti.

[380][pts][olds] Addham idaɱ bhikkhave,||
lābhānaɱ yad idaɱ paɱsukūlikattaɱ ti.

[381][pts][olds] Addham idaɱ bhikkhave,||
lābhānaɱ yad idaɱ tecīvarikattaɱ ti.

[382][pts][olds] Addham idaɱ bhikkhave,||
lābhānaɱ yad idaɱ dhammakathikattaɱ ti.

[383][pts][olds] Addham idaɱ bhikkhave,||
lābhānaɱ yad idaɱ vinayadharakattaɱ ti.

[384][pts][olds] Addham idaɱ bhikkhave,||
lābhānaɱ yad idaɱ bāhusaccaɱ ti.

[385][pts][olds] Addham idaɱ bhikkhave,||
lābhānaɱ yad idaɱ thāvareyyaɱ ti.

[386][pts][olds] Addham idaɱ bhikkhave,||
lābhānaɱ yad idaɱ ākappa-sampadā ti.

[387][pts][olds] Addham idaɱ bhikkhave,||
lābhānaɱ yad idaɱ parivāra-sampadā ti.

[388][pts][olds] Addham idaɱ bhikkhave,||
lābhānaɱ yad idaɱ mahāparivāratā ti.

[389][pts][olds] Addham idaɱ bhikkhave,||
lābhānaɱ yad idaɱ kolaputti ti.

[390][pts][olds] Addham idaɱ bhikkhave,||
lābhānaɱ yad idaɱ vaṇṇa-pokkharatā ti.

[391][pts][olds] Addham idaɱ bhikkhave,||
lābhānaɱ yad idaɱ kalyāṇavākkaraṇatā ti.

[392][pts][olds] Addham idaɱ bhikkhave,||
lābhānaɱ yad idaɱ appicchatā ti.

[393][pts][olds] Addham idaɱ bhikkhave,||
lābhānaɱ yad idaɱ appābādhatā ti.

[Pasādakaradhammavaggo sattarasamo. Apara-accharāsaŋghātavaggo]

 


Index to Anguttara Nikaya I: The Ekanipata Suttas ]

 


Contact:
E-mail
Copyright Statement   Webmaster's Page