Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara Nikāya
Eka-Nipātā

Suttas 585-654

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 

XXI

 

[PTS: XXI.43][olds] Yassa kassaci, bhikkhave,||
mahāsamuddo cetasā phuṭo antogadhā tassa kunnadiyo yā kāci samuddaṇgamā;||
evam eva, bhikkhave, yassa kassaci||
kāyagatā-sati||
bhāvitā bahulīkatā||
antogadhā tassa kusalā dhammā ye keci vijjābhāgiyāti.|| ||

[586][pts][olds] Ekadhammo, bhikkhave,||
bhāvito bahulīkato||
mahato saɱvegāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
mahato saɱvegāya saŋvattati ti.|| ||

[587][pts][olds] Ekadhammo, bhikkhave,||
bhāvito bahulīkato||
mahato atthāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
mahato atthāya saŋvattati ti.|| ||

[588][pts][olds] Ekadhammo, bhikkhave,||
bhāvito bahulīkato||
mahato yogakkhemāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
mahato yogakkhemāya saŋvattati ti.|| ||

[589][pts][olds] Ekadhammo, bhikkhave,||
bhāvito bahulīkato||
satisampajaññāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
satisampajaññāya saŋvattati ti.|| ||

[590][pts][olds] Ekadhammo, bhikkhave,||
bhāvito bahulīkato||
ñāṇadassanappaṭilābhāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
ñāṇadassanappaṭilābhāya saŋvattati ti.|| ||

[591][pts][olds] Ekadhammo, bhikkhave,||
bhāvito bahulīkato||
diṭṭha-dhamma-sukha-vihārāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
diṭṭha-dhamma-sukha-vihārāya saŋvattati ti.|| ||

[592][pts][olds] Ekadhammo, bhikkhave,||
bhāvito bahulīkato||
vijjā-vimutti-phala-sacchikiriyāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
vijjā-vimutti-phala-sacchikiriyāya saŋvattatī ti.|| ||

[593][pts][olds] Ekadhamme bhikkhave,||
bhāvite bahulīkate kāyo pi passambhati.|| ||

Katamasmiɱ ekadhamme?|| ||

Kāyagatāya-satiyā.|| ||

[44] Imasmiɱ kho, bhikkhave, ekadhamme||
bhāvite bahulīkate||
kāyo pi passambhati ti.|| ||

[594][pts][olds] Ekadhamme bhikkhave,||
bhāvite bahulīkate||
cittam pi passambhati.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
cittam pi passambhati ti.|| ||

[595][pts][olds] Ekadhamme bhikkhave,||
bhāvite bahulīkate||
vitakka-vicārā pi vūpasammanti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
vitakka-vicārā pi vūpasammanti ti.|| ||

[596][pts][olds] Ekadhamme bhikkhave,||
bhāvite bahulīkate||
kevalā pi vijjābhāgiyā dhammā bhāvanā-pāripūriɱ gacchanti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
kevalā pi vijjābhāgiyā dhammā bhāvanā-pāripūriɱ gacchantī ti.|| ||

[597][pts][olds] Ekadhamme, bhikkhave,||
bhāvite bahulīkate||
anuppannā c'eva akusalā dhammā n'uppajjanti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
anuppannā c'eva akusalā dhammā n'uppajjanti ti.|| ||

[598][pts][olds] Ekadhamme, bhikkhave,||
bhāvite bahulīkate||
uppannā va akusalā dhammā pahīyanti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
uppannā va akusalā dhammā pahīyantī ti.|| ||

[599][pts][olds] Ekadhamme bhikkhave,||
bhāvite bahulīkate||
anuppannā c'eva kusalā dhammā uppajjanti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
anuppannā c'eva kusalā dhammā uppajjanti ti.|| ||

[600][pts][olds] Ekadhamme bhikkhave,||
bhāvite bahulīkate||
uppannā va kusalā dhammā bhiyyo bhāvāya vepullāya saŋvattanti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
uppannā va kusalā dhammā bhiyyo bhāvāya vepullāya saŋvattantī ti.|| ||

[601][pts][olds] Ekadhamme, bhikkhave,||
bhāvite bahulīkate||
avijjā pahīyati.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
avijjā pahīyati ti.|| ||

[602][pts][olds] Ekadhamme, bhikkhave,||
bhāvite bahulīkate||
vijjā uppajjati.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme bhāvite bahulīkate||
vijjā uppajjati ti.|| ||

[603][pts][olds] Ekadhamme, bhikkhave,||
bhāvite bahulīkate||
asmimāno pahīyati.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
asmimāno pahīyati ti.|| ||

[604][pts][olds] Ekadhamme, bhikkhave,||
bhāvite bahulīkate||
anusayā samugghātaɱ gacchanti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
anusayā samugghātaɱ gacchanti ti.|| ||

[605][pts][olds] Ekadhamme, bhikkhave,||
bhāvite bahulīkate||
saññyojanā pahīyanti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
saññyojanā pahīyantī ti.|| ||

[606][pts][olds] Ekadhammo, bhikkhave,||
bhāvito bahulīkato||
paññāpabhedāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
paññāpabhedāya saŋvattati ti.|| ||

[607][pts][olds] Ekadhammo, bhikkhave,||
bhāvito bahulīkato||
anupādā-parinibbānāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
anupādā-parinibbānāya saŋvattatī ti.|| ||

[608][pts][olds] Ekadhamme bhikkhave,||
bhāvite bahulīkate||
anekadhātu-paṭivedho hoti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
anekadhātu-paṭivedho hoti ti.|| ||

[609][pts][olds] Ekadhamme bhikkhave,||
bhāvite bahulīkate||
nānādhātu-paṭivedho hoti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
nānādhātu-paṭivedho hoti ti.|| ||

[610][pts][olds] Ekadhamme bhikkhave,||
bhāvite bahulīkate||
anekadhātu-paṭisambhidā hoti.|| ||

Katamasmiɱ ekadhamme?|| ||

Kāyagatāya-satiyā.|| ||

Imasmiɱ kho, bhikkhave, ekadhamme||
bhāvite bahulīkate||
anekadhātu-paṭisambhidā hotī ti.|| ||

[611][pts][olds] Ekadhammo, bhikkhave,||
bhāvito bahulīkato||
sotāpatti-phala-sacchikiriyāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
sotāpatti-phala-sacchikiriyāya saŋvattati ti.|| ||

[612][pts][olds] Ekadhammo, bhikkhave,||
bhāvito bahulīkato||
sakadāgāmi-phala-sacchikiriyāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
sakadāgāmi-phala-sacchikiriyāya saŋvattat ti.|| ||

[613][pts][olds] Ekadhammo, bhikkhave,||
bhāvito bahulīkato||
anāgāmi-phala-sacchikiriyāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
anāgāmi-phala-sacchikiriyāya saŋvattati ti.|| ||

[45] [614][pts][olds] Ekadhammo, bhikkhave,||
bhāvito bahulīkato||
arahatta-phala-sacchikiriyāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
arahatta-phala-sacchikiriyāya saŋvattatī ti.|| ||

[615][pts][olds] Ekadhammo bhikkhave,||
bhāvito bahulīkato||
paññā-paṭilābhāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
paññā-paṭilābhāya saŋvattati ti.|| ||

[616][pts][olds] Ekadhammo bhikkhave,||
bhāvito bahulīkato||
paññā-vuddhiyā saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
paññā-vuddhiyā saŋvattati ti.|| ||

[617][pts][olds] Ekadhammo bhikkhave,||
bhāvito bahulīkato||
paññā-vepullāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
paññā-vepullāya saŋvattati ti.|| ||

[618][pts][olds] Ekadhammo bhikkhave,||
bhāvito bahulīkato||
mahāpaññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
mahāpaññatāya saŋvattati ti.|| ||

[619][pts][olds] Ekadhammo bhikkhave,||
bhāvito bahulīkato||
puthu-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
puthu-paññatāya saŋvattati ti.|| ||

[620][pts][olds] Ekadhammo bhikkhave,||
bhāvito bahulīkato||
vipula-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
vipula-paññatāya saŋvattati ti.|| ||

[621][pts][olds] Ekadhammo bhikkhave,||
bhāvito bahulīkato||
gambhīra-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
gambhīra-paññatāya saŋvattati ti.|| ||

[622][pts][olds] Ekadhammo bhikkhave,||
bhāvito bahulīkato||
asāmanta-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
asāmanta-paññatāya saŋvattati ti.|| ||

[623][pts][olds] Ekadhammo bhikkhave,||
bhāvito bahulīkato||
bhūri-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
bhūri-paññatāya saŋvattati ti.|| ||

[624][pts][olds] Ekadhammo bhikkhave,||
bhāvito bahulīkato||
paññā-bāhullāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
paññā-bāhullāya saŋvattati ti.|| ||

[625][pts][olds] Ekadhammo bhikkhave,||
bhāvito bahulīkato||
sīgha-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave,||
ekadhammo bhāvito bahulīkato||
sīgha-paññatāya saŋvattati ti.|| ||

[626][pts][olds] Ekadhammo bhikkhave,||
bhāvito bahulīkato||
lahu-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
lahu-paññatāya saŋvattati ti.|| ||

[627][pts][olds] Ekadhammo bhikkhave,||
bhāvito bahulīkato||
hāsu-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
hāsu-paññatāya saŋvattati ti.|| ||

[628][pts][olds] Ekadhammo bhikkhave,||
bhāvito bahulīkato||
javana-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
javana-paññatāya saŋvattati ti.|| ||

[629][pts][olds] Ekadhammo bhikkhave,||
bhāvito bahulīkato||
tikkha-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
tikkha-paññatāya saŋvattati ti.|| ||

[630][pts][olds] Ekadhammo bhikkhave,||
bhāvito bahulīkato||
nibbedhika-paññatāya saŋvattati.|| ||

Katamo ekadhammo?|| ||

Kāyagatā-sati.|| ||

Ayaɱ kho, bhikkhave, ekadhammo||
bhāvito bahulīkato||
nibbedhika-paññatāya saŋvattatī ti.|| ||

 

[Amatavaggo]

 

§

 

[631][pts][olds] Amatan te, bhikkhave,||
na paribhuñjanti ye kāyagatā-satiɱ na paribhuñjanti.|| ||

[632][pts][olds] Amatan te, bhikkhave,||
paribhuñjanti ye kāyagatā-satiɱ paribhuñjantī ti.|| ||

[633][pts][olds] Amatan tesaɱ, bhikkhave,||
aparibhuttaɱ yesaɱ kāyagatā-sati aparibhuttā.|| ||

[634][pts][olds] Amatan tesaɱ, bhikkhave,||
paribhuttaɱ yesaɱ kāyagatā-sati paribhuttā ti.|| ||

[635][pts][olds] Amatan tesaɱ, bhikkhave,||
parihīnaɱ yesaɱ kāyagatā-sati parihīnā.|| ||

[636][pts][olds] Amatan tesaɱ, bhikkhave,||
aparihīnaɱ yesaɱ kāyagatā-sati aparihīnā ti.|| ||

[637][pts][olds] Amatan tesaɱ, bhikkhave,||
viraddhaɱ yesaɱ kāyagatā- [46] sati viraddhā.|| ||

[638][pts][olds] Amatan tesaɱ, bhikkhave,||
āraddhaɱ yesaɱ kāyagatā-sati āraddhā ti.|| ||

[639][pts][olds] Amatan te, bhikkhave,||
pamādiɱsu ye kāyagatā-satiɱ pamādiɱsu.|| ||

[640][pts][olds] Amatan te, bhikkhave,||
na pamādiɱsu ye kāyagatā-satiɱ na pamādiɱsu ti.|| ||

[641][pts][olds] Amatan tesaɱ, bhikkhave,||
pammuṭṭhaɱ yesaɱ kāyagatā-sati pammuṭṭhā.|| ||

[642][pts][olds] Amatan tesaɱ, bhikkhave,||
appammuṭṭhaɱ yesaɱ kāyagatā-sati appammuṭṭhā ti.|| ||

[643][pts][olds] Amatan tesaɱ, bhikkhave,||
anāsevitaɱ yesaɱ kāyagatā-sati anāsevitā.|| ||

[644][pts][olds] Amatan tesaɱ, bhikkhave,||
āsevitaɱ yesaɱ kāyagatā-sati āsevitā ti.|| ||

[645][pts][olds] Amatan tesaɱ, bhikkhave,||
abhāvitaɱ yesaɱ kāyagatā-sati abhāvitā.|| ||

[646][pts][olds] Amatan tesaɱ, bhikkhave,||
bhāvitaɱ yesaɱ kāyagatā-sati bhāvitā ti.|| ||

[647][pts][olds] Amatan tesaɱ, bhikkhave,||
abahulīkataɱ yesaɱ kāyagatā-sati abahulīkatā|| ||

[648][pts][olds] Amatan tesaɱ, bhikkhave,||
bahulīkataɱ yesaɱ kāyagatā-sati bahulīkatā ti.|| ||

[649][pts][olds] Amatan tesaɱ, bhikkhave,||
anabhiññātaɱ yesaɱ kāyagatā-sati anabhiññātā.|| ||

[650][pts][olds] Amatan tesaɱ, bhikkhave,||
abhiññātaɱ yesaɱ kāyagatā-sati abhiññātā ti.|| ||

[651][pts][olds] Amatan tesaɱ, bhikkhave,||
apariññātaɱ yesaɱ kāyagatā-sati apariññātā.|| ||

[652][pts][olds] Amatan tesaɱ, bhikkhave,||
pariññātaɱ yesaɱ kāyagatā-sati pariññātā ti.|| ||

[653][pts][olds] Amatan tesaɱ, bhikkhave,||
asacchikataɱ yesaɱ kāyagatā-sati asacchikatā.|| ||

[654][pts][olds] Amatan tesaɱ, bhikkhave,||
sacchikataɱ yesaɱ kāyagatā-sati sacchikatā ti.|| ||

Damavoca Bhagavā.||
Attamanā te bhikkhū Bhagavato bhāsitaɱ abhinandunti.|| ||

Amatavaggo vīsatimo. Ekakanipatapāṇi niṭṭhitā

 


Index to Anguttara Nikaya I: The Ekanipata Suttas ]

 


Contact:
E-mail
Copyright Statement   Webmaster's Page