Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya:
Dukanipata

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

V. Parisa Vagga

[41][pts] [70] Dve'mā bhikkhave parisā.|| ||

Katamā dve?|| ||

Uttānā ca parisā gambhīrā ca parisā.|| ||

Katamā ca bhikkhave uttānā parisā?|| ||

Idha, bhikkhave, yassaɱ parisāyaɱ bhikkhū uddhatā honti unnalā capalā mukharā vikiṇṇa-vācā muṭṭhassatī asampajānā asamāhitā vibbhanta-cittā pākatindriyā.|| ||

Ayaɱ vuccati bhikkhave uttānā parisā.|| ||

Katamā ca bhikkhave gambhīrā parisā?|| ||

Idha, bhikkhave, yassaɱ parisāyaɱ bhikkhū anuddhatā honti anunnalā acapalā amukharā avikinṇa-vācā upaṭṭhitasatī sampajānā samāhitā ekagga-cittā saɱvutindriyā.|| ||

Ayaɱ vuccati bhikkhave gambhīrā parisā.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ gambhīrā parisā ti.|| ||

 

§

 

[42][pts] Dve'mā bhikkhave parisā.|| ||

Katamā dve?|| ||

Vaggā ca parisā, samaggā ca parisā.|| ||

Katamā ca bhikkhave vaggā parisā?|| ||

Idha, bhikkhave, yassaɱ parisāyaɱ bhikkhū bhaṇḍanajātā kalaha-jātā vivādāpannā aññamaññaɱ mukha-sattīhi vitudantā viharanti.|| ||

Ayaɱ vuccati bhikkhave vaggā parisā.|| ||

Katamā ca bhikkhave samaggā parisā?|| ||

Idha, bhikkhave, yassaɱ parisāyaɱ bhikkhū samaggā sammodamānā avivadamanā khīrodakībhūtā aññamaññaɱ piyacakkhūhi sampassantā viharanti.|| ||

Ayaɱ vuccati bhikkhave samaggā parisā.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ samaggā parisā ti.|| ||

 

§

 

[43][pts] Dve'mā bhikkhave parisā.|| ||

Katamā dve?|| ||

Anaggavatī ca parisā, aggavatī ca parisā.[1]|| ||

[71] Katamā ca bhikkhave anaggavatī parisā?|| ||

Idha, bhikkhave, yassaɱ parisāyaɱ therā bhikkhū bāhulīkā honti sāthalikā vokkamane pubbaŋgamā paviveke nikkhitta-dhurā,||
na viriyaɱ ārabhanti appattassa pattiyā anadhigatassa adhigamāya asacchikatassa sacchikiriyāya,||
tesaɱ pacchimā janatā diṭṭhānugatiɱ āpajjati.|| ||

Sā pi hoti bāhulikā sāthalikā vokkamane pubbaŋgamā paviveke nikkhitta-dhurā,||
na viriyaɱ ārabhati appattassa pattiyā anadhigatassa adhigamāya asacchikatassa sacchikiriyāya.|| ||

Ayaɱ vuccati bhikkhave anaggavatī parisā.|| ||

Katamā ca bhikkhave aggavatī parisā?|| ||

Idha, bhikkhave, yassaɱ parisāyaɱ therā bhikkhū na bāhulikā honti na sāthalikā,||
vokkamane nikkhitta-dhurā paviveke pubbaŋgamā viriyaɱ ārabhanti,||
appattassa pattiyā anadhigatassa adhigamāya asacchikatassa sacchikiriyāya.|| ||

Tesaɱ pacchimā janatā diṭṭhānugatiɱ āpajjati.|| ||

Sā pi hoti na bāhulikā na sāthalikā,||
vokkamane nikkhitta-dhurā paviveke pubbaŋgamā,||
viriyaɱ ārabhati appattassa pattiyā anadhigatassa adhigamāya asacchikatassa sacchikiriyāya.|| ||

Ayaɱ vuccati bhikkhave aggavatī parisā.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ aggavatī parisā ti.|| ||

 

§

 

[44][pts] Dve'mā bhikkhave parisā.|| ||

Katamā dve?|| ||

Anariyā ca parisā, ariyā ca parisā.[2]|| ||

Katamā ca bhikkhave anariyā parisā?|| ||

Idha, bhikkhave, yassaɱ parisāyaɱ bhikkhū idaɱ dukkhan ti yathābhūtaɱ nappajānanti,||
ayaɱ dukkhasamudayo ti yathābhūtaɱ nappajānanti,||
ayaɱ dukkhanirodho ti yathābhūtaɱ nappajānanti,||
ayaɱ dukkhanirodha-gāminī paṭipadā ti yathābhūtaɱ nappajānanti,||
ayaɱ vuccati bhikkhave anariyā parisā.|| ||

Katamā ca bhikkhave ariyā parisā?|| ||

Idha, bhikkhave, yassaɱ parisāyaɱ bhikkhū idaɱ dukkhan ti yathābhūtaɱ pajānanti,||
ayaɱ dukkhasamudayo ti yathābhūtaɱ [72] pajānanti,||
ayaɱ dukkhanarodho ti yathābhūtaɱ pajānanti,||
ayaɱ dukkhanirodha-gāminī paṭipadā ti yathābhūtaɱ pajānanti.|| ||

Ayaɱ vuccati bhikkhave ariyā parisā.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ ariyā parisāti.|| ||

 

§

 

[45][pts] Dve'mā bhikkhave parisā.|| ||

Katamā dve?|| ||

Parisa-kasaṭo ca parisa-maṇḍo ca.|| ||

Katamo ca bhikkhave parisa-kasaṭo?|| ||

Idha, bhikkhave, yassaɱ parisāyaɱ bhikkhū chandāgatiɱ gacchanti,||
dosāgatiɱ gacchanti,||
mohāgatiɱ gacchanti,||
bhayāgatiɱ gacchanti.|| ||

Ayaɱ vuccati bhikkhave parisa-kasaṭo.|| ||

Katamo ca bhikkhave parisa-maṇḍo?|| ||

Idha, bhikkhave, yassaɱ parisāyaɱ bhikkhū na chandāgatiɱ gacchanti,||
na dosāgatiɱ gacchanti,||
na mohāgatiɱ gacchanti,||
na bhayāgatiɱ gacchanti.|| ||

Ayaɱ vuccati bhikkhave parisa-maṇḍo.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ parisa-maṇḍo ti.|| ||

 

§

 

Sutta 46

[46.1][pts][ati] Dve'mā bhikkhave parisā.|| ||

Katamā dve?|| ||

Ukkācita-vinītā parisā no paṭipucchā-vinītā,||
paṭipucchā-vinītā parisā no ukkācita-vinītā.|| ||

Katamā ca bhikkhave ukkācita-vinītā parisā no paṭipucchā-vinītā?|| ||

Idha, bhikkhave, yassaɱ parisāyaɱ bhikkhū ye te suttantā Tathāgatabhāsitā gambhīrā gambhīratthā lokuttarā suññatā-paṭisaññuttā.|| ||

Tesu bhaññamānesu na sussūsanti na sotaɱ odahanti,||
na aññā-cittaɱ upaṭṭhapenti,||
na ca te dhamme uggahetabbaɱ pariyāpuṇitabbaɱ maññanti.|| ||

Ye pana te suttantā kavikatā kāveyyā cittakkharā citta-vyañjanā bāhirakā sāvaka-bhāsitā.|| ||

Tesu bhaññamānesu sussūsanti,||
sotaɱ odahanti,||
aññā-cittaɱ upaṭṭhapenti,||
te ca dhamme uggahetabbaɱ pariyāpuṇitabbaɱ maññanti.|| ||

Te taɱ dhammaɱ pariyāpuṇitvā na c'eva aññamaññaɱ paṭipucchanti,||
na paṭiviva- [73] ranti idaɱ kathaɱ imassa kvattho ti?|| ||

Te avivaṭañ c'eva na vivaranti,||
anuttānīkatañ ca na uttānī-karontī ti.|| ||

Anekavihitesu ca kaŋkhaṭṭhānīyesu dhammesu kaŋakhaɱ na paṭivinodenti.|| ||

Ayaɱ vuccati bhikkhave ukkācita-vinītā parisā no paṭipucchā-vinītā.|| ||

Katamā ca bhikkhave paṭipucchā-vinītā parisā no ukkācita-vinītā?|| ||

Idha, bhikkhave, yassaɱ parisāyaɱ bhikkhū ye te suttantā,||
kavikatā kāveyyā cittakkharā citta-vyañjanā bāhirakā sāvaka-bhāsitā,||
tesu bhaññamānesu na sussūsanti,||
na sotaɱ odahanti,||
na aññā-cittaɱ upaṭṭhapenti,||
na ca te dhamme uggahetabbaɱ pariyāpuṇitabbaɱ maññanti.|| ||

Ye pana te suttantā Tathāgatabhasitā gambhīrā gambhiratthā lokuttarā suññatā-paṭisaññuttā,||
tesu bhaññamānesu sussūsanti,||
sotaɱ odahanti,||
aññā-cittaɱ upaṭṭhapenti,||
te ca dhamme uggahetabbaɱ pariyāpuṇitabbaɱ maññanti.|| ||

Te taɱ dhammaɱ pariyāpuṇitvā aññamaññaɱ paṭipucchanti,||
paṭivivaranti,||
idaɱ kathaɱ:|| ||

Imassa kvattho ti?||
Te avivaṭañ c'eva vivaranti?|| ||

Anuttānīkatañ ca uttānīɱ karonti,||
anekavihitesu ca kaŋkhaṭṭhānīyesu dhammesu kaŋkhaɱ paṭivinodenti.|| ||

Ayaɱ vuccati bhikkhave paṭipucchā-vinītā parisā no ukkācita-vinītā.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ paṭipucchā-vinītā parisā no ukkācita-vinītā ti.|| ||

 

§

 

[47][pts] Dve'mā bhikkhave parisā.|| ||

Katamā dve?|| ||

Āmisagaru parisā no saddhammagaru,||
saddhammagaru parisā no āmisagaru.|| ||

Katamā ca bhikkhave āmisagaru parisā no saddhammagaru?|| ||

Idha, bhikkhave, yassaɱ parisāyaɱ bhikkhū gihīnaɱ odātavasanānaɱ sammukhā aññamaññassa vaṇṇaɱ bhāsanti,||
asuko Bhikkhu ubhato-bhāga-vimutto,||
asuko paññā- [74] vimutto,||
asuko kāyasakkhi,||
asuko diṭṭhappatto,||
asuko saddhāvimutto,||
asuko dhammānusārī,||
asuko saddhānusārī||
asuko sīlavā kalyāṇadhammo,||
asuko dussīlo pāpadhammo ti.|| ||

Te tena lābhaɱ labhanti.|| ||

Te taɱ lābhaɱ labhitvā gathitā mucchitā ajjhopannā anādīnavadassāvino anissaraṇapaññā paribhuñjanti.|| ||

Ayaɱ vuccati bhikkhave āmisagaru parisā no saddhammagaru.|| ||

Katamā ca bhikkhave saddhammagaru parisā no āmisagaru?|| ||

Idha, bhikkhave, yassaɱ parisāyaɱ bhikkhū na gihīnaɱ odātavasanānaɱ sammukhā aññamaññassa vaṇṇaɱ bhāsanti,||
asuko Bhikkhu ubhato-bhāga-vimutto,||
asuko paññāvimutto,||
asuko kāyasakkhi,||
asuko diṭṭhappatto,||
asuko saddhāvimutto,||
asuko dhammānusārī,||
asuko saddhānusārī,||
asuko sīlavā ka'yāṇadhammo,||
asuko dussīlo pāpadhammo ti.|| ||

Te tena lābhaɱ labhanti.|| ||

Taɱ lābham pi labhitvā agathitā amucchitā anajjhopannā ādīnavadassāvino nissaraṇapaññā paribhuñjanti.|| ||

Ayaɱ vuccati bhikkhave saddhammagaru parisā no āmisagaru.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ saddhammagaru parisā no āmisagaruti.|| ||

 

§

 

[48][pts] Dve'mā bhikkhave parisā.

Katamā dve?|| ||

Visamā ca parisā,||
samā ca parisā.|| ||

Katamā ca bhikkhave visamā parisā?|| ||

Idha, bhikkhave, yassaɱ parisāyaɱ adhammakammāni pavattanni,||
dhammakammāni nappavattanti.|| ||

Avinayakammāni pavattanti,||
vinayakammāni nappavattanti.|| ||

Adhammakammāni dippanti,||
dhammakammāni na dippanti.|| ||

Avinayakammāni dippanti,||
vinayakammāni na dippanti.|| ||

Ayaɱ vuccati bhikkhave visamā parisā.|| ||

Visamattā bhikkhave parisāya adhammakammāni pavattanti,||
dhammakammāni nappa- [75] vattanti avinayakammāni pavattanti,||
vinayakammāni nappavattanti.|| ||

Adhammakammāni dippanti,||
dhammakammāni na dippanti.|| ||

Avinayakammāni dippanti,||
vinayakammāni na dippanti.|| ||

Katamā ca bhikkhave samā parisā?|| ||

Idha, bhikkhave, yassaɱ parisāyaɱ dhammakammāni pavattanti,||
adhammakammāni nappavattanti.|| ||

Vinayakammāni pavattanti,||
avinayakammāni nappavattanti.|| ||

Dhammakammāni dippanti,||
adhammakammāni na dippanti.|| ||

Vinayakammāni dippanti,||
avinayakammāni na dippanti.|| ||

Ayaɱ vuccati bhikkhave samā parisā.|| ||

Samattā bhikkhave parisāya dhammakammāni pavattanti,||
adhammakammāni nappavattanti.|| ||

Vinayakammāni pavattanti,||
avinayakammāni nappavattanti.|| ||

Dhammakammāni dippanti,||
adhammakammāni na dippanti.|| ||

Vinayakammāni dippanti,||
avinayakammāni na dippanti.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ samā parisā ti.|| ||

 

§

 

[49][pts] Dve'mā bhikkhave parisā.|| ||

Katamā dve, adhammikā ca parisā, dhammikā ca parisā.|| ||

Katamā ca bhikkhave adhammikā parisā?|| ||

Idha, bhikkhave, yassaɱ parisāyaɱ adhammakammāni pavattanti,||
dhammakammāni nappavattanti.|| ||

Avinayakammāni pavattanti,||
vinayakammāni nappavattanti.|| ||

Adhammakammāni dippanti,||
dhammakammāni na dippanti.|| ||

Avinayakammāni dippanti,||
vinayakammāni na dippanti.|| ||

Ayaɱ vuccati bhikkhave adhammikā parisā.|| ||

Adhammikattā bhikkhave parisāya adhammakammāni pavattanti,||
dhammakammāni nappavattanti.|| ||

Avinayakammāni pavattanti,||
vinayakammāni nappavattanti.|| ||

Adhammakammāni dippanti,||
dhammakammāni na dippanti.|| ||

Avinayakammāni dippanti,||
vinayakammāni na dippanti.|| ||

Katamā ca bhikkhave dhammikā ca parisā.|| ||

Idha, bhikkhave, yassaɱ parisāyaɱ dhammakammāni pavattanti,||
adhammakammāni nappavattanti.|| ||

Vinayakammāni pavattanti,||
avinayakammāni nappavattanti.|| ||

Dhammakammāni dippanti,||
adhammakammāni na dippanti.|| ||

Vinayakammāni dippanti,||
avinayakammāni na dippanti.|| ||

Ayaɱ vuccati bhikkhave dhammikā parisā.|| ||

Dhammikattā bhikkhave parisāya dhammakammāni pavattanti,||
adhammakammāni nappavattanti.|| ||

Vinayakammāni pavattanti,||
avinayakammāni nappavattanti.|| ||

Dhammakammāni dippanti,||
adhammakammāni na dippanti.|| ||

Vinayakammāni dippanti,||
avinayakammāni na dippanti.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ dhammikā parisāti.|| ||

 

§

 

[50][pts] Dve'mā bhikkhave parisā.|| ||

Katamā dve?|| ||

Adhammavādinī ca parisā,||
dhammavādinī ca parisā.|| ||

Katamā ca bhikkhave adhammavādinī parisā?|| ||

Idha, bhikkhave, yassaɱ parisāyaɱ bhikkhū adhikaraṇaɱ ādiyanti dhammikaɱ vā adhammikaɱ vā.|| ||

Te taɱ adhikaraṇaɱ ādiyitvā na c'eva aññamaññaɱ saññāpentī,||
na ca saññattiɱ upagacchanti,||
na ca nijjhāpenti,||
na ca nijjhattiɱ upagacchanti.|| ||

Te asaññattibalā anijjhattibalā appaṭinissagga- [76] mantino tam eva adhikaraṇaɱ thāmasā parāmassa abhinivissa voharanti,||
idam eva saccaɱ mogham aññan ti.|| ||

Ayaɱ vuccati bhikkhave adhammavādinī parisā.|| ||

Katamā ca bhikkhave dhammavādinī parisā?|| ||

Idha, bhikkhave, yassaɱ parisāyaɱ bhikkhū adhikaraṇaɱ ādiyanti,||
dhammikaɱ vā adhammikaɱ vā.|| ||

Te taɱ adhikaraṇaɱ ādiyitvā aññamaññaɱ saññāpenti c'eva saññattiñ ca upagacchanti,||
nijjhāpenti c'eva nijjhattiñ ca upagacchanti.|| ||

Te saññattibalā nijjhattibalā paṭinissaggamantino na tam eva adhikaraṇaɱ thāmasā parāmassa abhinivissa voharanti,||
idam eva saccaɱ mogham aññan ti.|| ||

Ayaɱ vuccati bhikkhave dhammavādinī parisā.|| ||

Imā kho bhikkhave dve parisā.|| ||

Etad aggaɱ bhikkhave imāsaɱ dvinnaɱ parisānaɱ yad idaɱ dhammavādinī parisā ti.|| ||

 

Parisavaggo pañcamo

Paṭhamo paṇṇāsako samatto

 


[1] The order is reversed in PTS with the explanations as in the order here. The usual order of lists in the Pali goes from worst to best.

[2] The order is reversed in PTS with the explanations as in the order here.

 


Contact:
E-mail
Copyright Statement   Webmaster's Page