Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya:
Dukanipata

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

Suttas 63-75

VII. Sukha Vagga

 


 

Sutta 63

[63][pts][bd] Dve'māni bhikkhave sukhāni.|| ||

Katamāni dve?|| ||

Gihī-sukhañ ca,||
pabbajjā-sukhañ ca.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ pabbajjā-sukhan ti.|| ||

 

§

 

Sutta 64

[64][pts][bd] Dve'māni bhikkhave sukhāni.|| ||

Katamāni dve?|| ||

Kāmasukhañ ca,||
nekkhammasukhañ ca.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ nekkhammasukhan ti.|| ||

 

§

 

Sutta 65

[65][pts][bd] Dve'māni bhikkhave sukhāni.|| ||

Katamāni dve?|| ||

Upadhisukhañ ca,||
nirupadhisukhañ ca.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ nirupadhisukhan ti.|| ||

 

§

 

Sutta 66

[66][pts][bd] Dve'māni bhikkhave sukhāni.|| ||

Katamāni dve?|| ||

[81] Sāsavañ ca sukhaɱ||
anāsavañ ca sukhaɱ.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ anāsavasukhan ti.|| ||

 

§

 

Sutta 67

[67][pts][bd] Dve'māni bhikkhave sukhāni.|| ||

Katamāni dve?|| ||

Sāmisañ ca sukhaɱ,||
nirāmisañ ca sukhaɱ.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ nirāmisasukhan ti.|| ||

 

§

 

Sutta 68

[68][pts][bd] Dve'māni bhikkhave sukhāni.|| ||

Katamāni dve?|| ||

Ariyasukhañ ca,||
anariyasukhañ ca.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ ariyasukhan ti.|| ||

 

§

 

Sutta 69

[69][pts][bd] Dve'māni bhikkhave sukhāni.|| ||

Katamāni dve?|| ||

Kāyikañ ca sukhaɱ||
cetasikañ ca sukhaɱ.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ cetasikaɱ sukhan ti.|| ||

 

§

 

Sutta 70

[70][pts][bd] Dve'māni bhikkhave sukhāni.|| ||

Katamāni dve?|| ||

Sappītikañ ca sukhaɱ||
nippītikañ ca sukhaɱ.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ nippītikaɱ sukhan ti.|| ||

 

§

 

Sutta 71

[71][pts][bd] Dve'māni bhikkhave sukhāni.|| ||

Katamāni dve?|| ||

Sātasukhañ ca||
upekkhāsukhañ ca.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ upekkhāsukhan ti.|| ||

 

§

 

Sutta 72

[72][pts][bd] Dve'māni bhikkhave sukhāni.|| ||

Katamāni dve?|| ||

Samādhisukhañ ca||
asamādhisukhañ ca.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ samādhisukhan ti.|| ||

 

§

 

Sutta 73

[73][pts][bd] Dve'māni bhikkhave sukhāni.|| ||

Katamāni dve?|| ||

Sappītikārammaṇañ ca sukhaɱ||
nippītikārammaṇañ ca sukhaɱ.|| ||

[82] Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ nippītikārammaṇaɱ sukhan ti.|| ||

 

§

 

Sutta 74

[74][pts][bd] Dve'māni bhikkhave sukhāni.|| ||

Katamāni dve?|| ||

Sātārammaṇañ ca sukhaɱ||
upekkhārammaṇañ ca sukhaɱ.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ upekkhārammaṇaɱ sukhan ti.|| ||

 

§

 

Sutta 75

[75][pts][bd] Dve'māni bhikkhave sukhāni.|| ||

Katamāni dve?|| ||

Rūpārammaṇañ ca sukhaɱ||
arūpārammaṇañ ca sukhaɱ.|| ||

Imāni kho bhikkhave dve sukhāni.|| ||

Etad aggaɱ bhikkhave imesaɱ dvinnaɱ sukhānaɱ yad idaɱ arūpārammaṇaɱ sukhan ti.|| ||

 

Sukha Vaggo sattamo

 


Contact:
E-mail
Copyright Statement   Webmaster's Page