Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya:
Dukanipata

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

Suttas 117-128

XI. Āsā Vagga

 


 

Sutta 117

[117][pts][bd] Dve'mā bhikkhave āsā duppajahā.|| ||

Katamā dve?|| ||

Lābhāsā ca,||
jīvitāsā ca.|| ||

Imā kho bhikkhave dve āsā duppajahā ti.|| ||

 

§

 

Sutta 118

[87] [118][pts][ati][bd] Dve'me bhikkhave puggalā dullabhā lokasmiɱ.|| ||

Katame dve?|| ||

Yo ca pubbakārī,||
yo ca kataññūkatavdī.|| ||

Ime kho bhikkhave dve puggalā dullabhā lokasmin ti.|| ||

 

§

 

Sutta 119

[119][pts][bd] Dve'me bhikkhave puggalā dullabhā lokasmiɱ.|| ||

Katame dve?|| ||

Titto va,||
tappetā ca.|| ||

Ime kho bhikkhave dve puggalā dullabhā lokasmin ti.|| ||

 

§

 

Sutta 120

[120][pts][bd] Dve'me bhikkhave puggalā duttappayā.|| ||

Katame dve?|| ||

Yo ca laddhaɱ laddhaɱ nikkhipati,||
yo ca laddhaɱ laddhaɱ vissajjeti.|| ||

Ime kho bhikkhave dve puggalā duttappayā ti.|| ||

 

§

 

Sutta 121

[121][pts][bd] Dve'me bhikkhave puggalā sutappayā.|| ||

Katame dve?|| ||

Yo ca laddhaɱ laddhaɱ na nikkhipati,||
yo ca laddhaɱ laddhaɱ na vissajjeti.|| ||

Ime kho bhikkhave dve puggalā sutappayā ti.|| ||

 

§

 

Sutta 122

[122][pts][bd] Dve'me bhikkhave paccayā rāgassa uppādāya.|| ||

Katame dve?|| ||

Subhanimittañ ca,||
ayoniso ca manasikāro.|| ||

Ime kho bhikkhave dve paccayā rāgassa uppādāya ti.|| ||

 

§

 

Sutta 123

[123][pts][bd] Dve'me bhikkhave paccayā dosassa uppādāya.|| ||

Katame dve?|| ||

Paṭigha-nimittañ ca,||
ayoniso ca manasikāro.|| ||

Ime kho bhikkhave dve paccayā dosassa uppādāya ti.|| ||

 

§

 

Sutta 124

[124][pts][bd][ati] Dve'me bhikkhave paccayā micchādiṭṭhiyā uppādāya.|| ||

Katame dve?|| ||

Parato ca ghoso,||
ayoniso ca manasikāro.|| ||

Ime kho bhikkhave dve paccayā micchādiṭṭhiyā uppādāya ti.|| ||

 

§

 

Sutta 125

[125][pts][ati][bd] Dve'me bhikkhave paccayā sammādiṭṭhiyā uppādāya.|| ||

Katame dve?|| ||

Parato ca ghoso,||
yoniso ca manasikāro.|| ||

Ime kho bhikkhave dve paccayā sammādiṭṭhiyā uppādāya ti.|| ||

 

§

 

Sutta 126

[126][pts][bd] Dve'mā bhikkhave āpattiyo.|| ||

Katamā dve?|| ||

[88] Lahukā ca āpatti,||
garukā ca āpatti.|| ||

Imā kho bhikkhave dve āpattiyo ti.|| ||

 

§

 

Sutta 127

[127][pts][bd] Dve'mā bhikkhave āpattiyo.|| ||

Katamā dve?|| ||

Duṭṭhullā ca āpatti,||
aduṭṭhullā ca āpatti.|| ||

Imā kho bhikkhave dve āpattiyo ti.|| ||

 

§

 

Sutta 128

[128][pts][bd] Dve'mā bhikkhave āpattiyo.|| ||

Katamā dve?|| ||

Sāvasesā ca āpatti,||
anavasesā ca āpatti.|| ||

Imā kho bhikkhave dve āpattiyo ti.|| ||

 

Āsā Vaggo ekādasamo

 


Contact:
E-mail
Copyright Statement   Webmaster's Page