Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya:
Dukanipata

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

Suttas 129-139

XII. Āyācana Vagga

 


 

Sutta 129

[129][pts] Saddho bhikkhave Bhikkhu evaɱ sammā āyācamāno āyāceyya:||
tādiso homi,||
yādisā Sāriputta-Moggallānā ti.|| ||

Esā bhikkhave tulā,||
etaɱ pamāṇaɱ mama sāvakānaɱ bhikkhūnaɱ yad idaɱ Sāriputta-Moggallānā ti.|| ||

 

§

 

Sutta 130

[130][pts] Saddhā bhikkhave Bhikkhunī evaɱ sammā āyācamānā āyāceyya:||
tādisā homi,||
yādisā Khemā ca bhikkhunī Uppalavaṇṇā cā ti.|| ||

Esā bhikkhave tulā,||
etaɱ pamāṇaɱ mama sāvikānaɱ bhikkhūnīnaɱ||
yad idaɱ Khemā ca bhikkhunī Uppalavaṇṇā cā ti.|| ||

 

§

 

Sutta 131

[131][pts] Saddho bhikkhave upāsako evaɱ sammā āyācamāno āyāceyya:||
tādiso homi,||
yādiso Citto gahapati ca,||
Hatthako ca Ālavako ti.|| ||

Esā bhikkhave tulā,||
etaɱ pamāṇaɱ mama sāvakānaɱ upāsakānaɱ||
yad idaɱ Citto ca gahapati,||
Hatthako ca Ālavako ti.|| ||

 

§

 

Sutta 132

[132][pts] Saddhā bhikkhave upāsikā evaɱ sammā āyācamānā āyāceyya:||
tādisā homi,||
yādisā Khujjuttarā ca upāsikā,||
Velukaṇṭakiyā ca Nandamātā ti.|| ||

[89] Esā bhikkhave tulā,||
etaɱ pamāṇaɱ mama sāvikānaɱ upāsikānaɱ||
yad idaɱ Khujjuttarā ca upāsikā,||
Velukaṇaṭakiyā ca Nandamā ti.|| ||

 

§

 

Sutta 133

[133][pts] Dvīhi bhikkhave dhammehi samannāgato bālo avyatto asappuriso khataɱ upahataɱ attānaɱ pariharati,||
sāvajjo ca hoti sānuvajjo viññūnaɱ,||
bahuñ ca apuññaɱ pasavati.|| ||

Katamehi dvīhi?|| ||

Ananuvicca apariyogāhetvā avaṇṇārahassa vaṇṇaɱ bhāsati.|| ||

Ananuvicca apariyogāhetvā vaṇṇārahassa avaṇṇaɱ bhāsati.|| ||

Imehi kho bhikkhave dvīhi dhammehi samannāgato bālo avyatto asappuriso khataɱ upahataɱ attānaɱ pariharati,||
sāvajjo ca hoti sānuvajjo viññūnaɱ,||
bahuñ ca apuññaɱ pasavatī ti.|| ||

Dvīhi bhikkhave dhammehi samannāgato paṇḍito vyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuñ ca puññaɱ pasavati.|| ||

Katamehi dvīhi?|| ||

Anuvicca pariyogāhetvā avaṇṇārahassa avaṇṇaɱ bhāsati.|| ||

Anuvicca pariyogāhetvā vaṇṇārahassa vaṇṇaɱ bhāsati.|| ||

Imehi kho bhikkhave dvīhi dhammehi samannāgato paṇḍito vyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuñ ca puññaɱ pasavatī ti.|| ||

 

§

 

Sutta 134

[134][pts] Dvīhi bhikkhave dhammehi samannāgato bālo avyatto asappuriso khataɱ upahataɱ attānaɱ pariharati,||
sāvajjo ca hoti sānuvajjo viññūnaɱ,||
bahuñ ca apuññaɱ pasavati.|| ||

Katamehi dvīhi?|| ||

Ananuvicca apariyogāhetvā appasādaniye ṭhāne pasādaɱ upadaɱseti.|| ||

Ananuvicca apariyogāhetvā pasādaniye ṭhāne appāsādaɱ upadaɱseti.|| ||

Imehi kho bhikkhave dvīhi dhammehi samannāgato bālo avyatto asappuriso khataɱ upahataɱ attānaɱ pariharati,||
sāvajjo ca hoti sānuvajjo viññūnaɱ,||
bahuñ ca apuññaɱ pasavatī ti.|| ||

[90] Dvīhi bhikkhave dhammehi samannāgato paṇḍito vyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuñ ca puññaɱ pasavati.|| ||

Katamehi dvīhi?|| ||

Anuvicca pariyogāhetvā appasādaniye ṭhāne appasādaɱ upadaɱseti,||
anuvicca pariyogāhetvā pasādaniye ṭhāne pasādaɱ upadaɱseti.|| ||

Imehi kho bhikkhave dvīhi dhammehi samannāgato paṇḍito vyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuñ ca puññaɱ pasavatī ti.|| ||

 

§

 

Sutta 135

[135][pts] Dvīsu bhikkhave micchā paṭipajjamāno bālo avyatto asappuriso khataɱ upahataɱ attānaɱ pariharati,||
sāvajjo ca hoti sānuvajjo viññūnaɱ,||
bahuñ ca apuññaɱ pasavati.|| ||

Katamesu dvīsu?|| ||

Mātari ca,||
pitari ca.|| ||

Imesu kho bhikkhave dvīsu micchā paṭipajjamāno bālo avyatto asappuriso khataɱ upahataɱ attānaɱ pariharati,||
sāvajjo ca hoti sānuvajjo viññūnaɱ,||
bahuñ ca apuññaɱ pasavatī ti.|| ||

Dvīsu bhikkhave sammā paṭipajjamāno paṇḍito vyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuñ ca puññaɱ pasavati.|| ||

Katamesu dvīsu?|| ||

Mātari ca,||
pitari ca.|| ||

Imesu kho bhikkhave dvīsu sammā paṭipajjamāno paṇḍito vyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuñ ca puññaɱ pasavatī ti.|| ||

 

§

 

Sutta 136

[136][pts] Dvīsu bhikkhave micchā paṭipajjamāno bālo avyatto asappuriso khataɱ upahataɱ attānaɱ pariharati,||
sāvajjo ca hoti sānuvajjo viññūnaɱ,||
bahuñ ca apuññaɱ pasavati.|| ||

Katamesu dvīsu?|| ||

Tathāgate ca,||
Tathāgatasāvake ca.|| ||

Imesu kho bhikkhave dvīsu micchā paṭipajjamāno bālo avyatto asappuriso khataɱ upahataɱ attānaɱ pariharati,||
sāvajjo ca hoti sānuvajjo viññūnaɱ,||
bahuñ ca apuññaɱ pasavatī ti.|| ||

[91] Dvīsu bhikkhave sammā paṭipajjamāno paṇḍito vyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuñ ca puññaɱ pasavati.|| ||

Katamesu dvīsu?|| ||

Tathāgate ca,||
Tathāgatasāvake ca.|| ||

Imesu kho bhikkhave dvīsu sammā paṭipajjamāno paṇḍito vyatto sappuriso akkhataɱ anupahataɱ attānaɱ pariharati,||
anavajjo ca hoti ananuvajjo viññūnaɱ,||
bahuñ ca puññaɱ pasavatī ti.|| ||

 

§

 

Sutta 137

[137][pts] Dve'me bhikkhave dhammā.|| ||

Katame dve?|| ||

Sacittavodānañ ca,||
na ca kiñci loke upādiyati.|| ||

Ime kho bhikkhave dve dhammā ti.|| ||

 

§

 

Sutta 138

[138][pts] Dve'me bhikkhave dhammā.|| ||

Katame dve?|| ||

Kodho ca,||
upanāho ca.|| ||

Ime kho bhikkhave dve dhammā ti.|| ||

 

§

 

Sutta 139

[139][pts] Dve'me bhikkhave dhammā.|| ||

Katame dve?|| ||

Kodha-vinayo ca,||
upanāha-vinayo ca.|| ||

Ime kho bhikkhave dve dhammā ti.|| ||

 

Āyācana Vaggo dvādasamo

 


Contact:
E-mail
Copyright Statement   Webmaster's Page