Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Anguttara Nikaya:
Dukanipata

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

Suttas 140-149

XIII. Dāna Vagga

 


 

Sutta 140

[140][pts][bd] Dve'māni bhikkhave dānāni.|| ||

Katamāni dve?|| ||

Āmisa-dānañ ca,||
dhamma-dānañ ca.|| ||

Imāni kho bhikkhave dve dānāni.|| ||

Etad aggaɱ bhikkhave imesaɱ dvinnaɱ dānānaɱ yad idaɱ dhamma-dānan ti.|| ||

 

§

 

Sutta 141

[141][pts][bd] Dve'me bhikkhave yāgā.|| ||

Katamāni dve?|| ||

Āmisa-yāgo ca,||
dhamma-yāgo ca.|| ||

Ime kho bhikkhave dve yāgā.|| ||

Etad aggaɱ bhikkhave imesaɱ dvinnaɱ yāgānaɱ yad idaɱ dhamma-yāgo ti.|| ||

 

§

 

Sutta 142

[92][142][pts][bd] Dve'me bhikkhave cāgā.|| ||

Katamāni dve?|| ||

Āmisa-cāgo ca||
dhamma-cāgo ca.|| ||

Ime kho bhikkhave dve cāgā.|| ||

Etad aggaɱ bhikkhave imesaɱ dvinnaɱ cāgānaɱ yad idaɱ dhamma-cāgo ti.|| ||

 

§

 

Sutta 143

[143][pts][bd] Dve'me bhikkhave pariccāgā.|| ||

Katame dve?|| ||

Āmisa-pariccāgo ca||
dhamma-pariccāgo ca.|| ||

Ime kho bhikkhave dve pariccāgā.|| ||

Etad aggaɱ bhikkhave imesaɱ dvinnaɱ pariccāgānaɱ yad idaɱ dhamma-pariccāgo ti.|| ||

 

§

 

Sutta 144

[144][pts][bd] Dve'me bhikkhave bhogā.|| ||

Katamāni dve?|| ||

Āmisa-bhogo ca||
dhamma-bhogo ca.|| ||

Ime kho bhikkhave dve bhogā.|| ||

Etad aggaɱ bhikkhave imesaɱ dvinnaɱ bhogānaɱ yad idaɱ dhamma-bhogo ti.|| ||

 

§

 

Sutta 145

[145][pts][bd] Dve'me bhikkhave sambhogā.|| ||

Katamāni dve?|| ||

Āmisa-sambhogo ca||
dhamma-sambhogo ca.|| ||

Ime kho bhikkhave dve sambhogā.|| ||

Etad aggaɱ bhikkhave imesaɱ dvinnaɱ sambhogānaɱ yad idaɱ dhamma-sambhogo ti.|| ||

 

§

 

Sutta 146

[146][pts][bd] Dve'me bhikkhave saɱvibhāgā.|| ||

Katamāni dve?|| ||

Āmisa-saɱvibhāgo ca||
dhamma-saɱvibhāgo ca.|| ||

Ime kho bhikkhave dve saɱvibhāgā.|| ||

Etad aggaɱ bhikkhave imesaɱ dvinnaɱ saɱvibhāgānaɱ yad idaɱ dhamma-saɱvibhāgo ti.|| ||

 

§

 

Sutta 147

[147][pts][bd] Dve'me bhikkhave saŋgahā.|| ||

Katamāni dve?|| ||

Āmisa-saŋgaho ca||
dhamma-saŋgaho ca.|| ||

Ime kho bhikkhave dve saŋaghā.|| ||

Etad aggaɱ bhikkhave imesaɱ dvinnaɱ saŋaghānaɱ yad idaɱ dhamma-saŋgaho ti.|| ||

 

§

 

Sutta 148

[148][pts][bd] Dve'me bhikkhave anuggahā.|| ||

Katamāni dve?|| ||

Āmisānuggaho ca||
dhammānuggaho ca.|| ||

Ime kho bhikkhave dve anuggahā.|| ||

Etad aggaɱ bhikkhave imesaɱ dvinnaɱ anuggahānaɱ yad idaɱ dhammānuggaho ti.|| ||

 

§

 

Sutta 149

[149][pts][bd] Dve'me bhikkhave anukampā.|| ||

Katamā dve?|| ||

Āmisānukampā ca||
dhammānukampā ca.|| ||

Ime kho bhikkhave dve anukampā.|| ||

Etad aggaɱ bhikkhave imesaɱ dvinnaɱ anukampānaɱ yad idaɱ dhammānukampā ti.|| ||

 

Dāna Vagga terasamo

 


Contact:
E-mail
Copyright Statement   Webmaster's Page