Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tika Nipāto
II. Rathakāra Vagga

Sutta 14

Cakkavatti Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][upal] Evaɱ me sutaɱ:

Evaɱ me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍakassa ārāme.|| ||

Yo pi so bhikkhave rājā cakkavattī dhammiko dhammarājā so pi na arājakaɱ cakkaɱ vattetī ti.|| ||

Evaɱ vutte aññataro bhikkhu Bhagavantaɱ etad avoca:|| ||

Ko pana bhante rañño cakkavattissa dhammikassa dhammarañño rājā ti?|| ||

Dhammo bhikkhū ti.|| ||

Bhagavā avoca:|| ||

Idha bhikkhu rājā cakkavattī dhammiko dhammarājā dhammaɱ yeva nissāya dhammaɱ sakkaronto dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati anto janasmiɱ.|| ||

Puna ca paraɱ bhikkhu rājā cakkavattī dhammiko dhammarājā dhammaɱ yeva nissāya dhammaɱ sakkaronto dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati khattiyesu anuyuttesu balakāyasmiɱ [110] brāhmaṇagahapatikesu,||
negamajānapadesu,||
samaṇabrāhmaṇesu,||
migapakkhīsu.|| ||

Sa kho so bhikkhu rājā cakkavattī dhammiko dhammarājā dhammaɱ yeva nissāya dhammaɱ sakkaronto dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo||
dhammikaɱ rakkhāvaraṇaguttiɱ saɱvidahitvā anto janasmiɱ,||
dhammikaɱ rakkhāvaraṇaguttiɱ saɱvidahitva khattiyesu anuyuttesu balakāyasmiɱ brāhmaṇagahapatikesu,||
negamajānapadesu,||
samaṇabrāhmaṇesu,||
migapakkhīsu dhammen'eva cakkaɱ pavatteti.|| ||

Taɱ hoti cakkaɱ appativattiyaɱ kenaci manussabhūtena paccatthikena pāṇinā.|| ||

Evam eva kho bhikkhu Tathāgato arahaɱ Sammā-sambuddho dhammiko dhammarājā dhammaɱ yeva nissāya dhammaɱ sakkaronto dhammaɱ garukarontā dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati kāyakammasmiɱ,||
evarūpaɱ kāyakammaɱ sevitabbaɱ,||
evarūpaɱ kāyakammaɱ na sevitabban ti.|| ||

Puna ca paraɱ bhikkhu Tathāgato arahaɱ Sammā-sambuddho dhammiko dhammarājā dhammaɱ yeva nissāya dhammaɱ sakkaronto dhammaɱ garukarontā dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati vacīkammasmiɱ,||
evarūpaɱ vacīkammaɱ sevitabbaɱ,||
evarūpaɱ vacīkammaɱ na sevitabban ti.|| ||

Puna ca paraɱ bhikkhu Tathāgato arahaɱ Sammā-sambuddho dhammiko dhammarājā dhammaɱ yeva nissāya dhammaɱ sakkaronto dhammaɱ garukarontā dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati manokammasmiɱ,||
evarūpaɱ manokammaɱ sevitabbaɱ,||
evarūpaɱ manokammaɱ na sevitabban ti.|| ||

Sa kho so bhikkhu Tathāgato arahaɱ Sammā-sambuddho dhammiko dhammarājā dhammaɱ yeva nissāya dhammaɱ sakkaronto dhammaɱ garukarontā dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahitvā kāyakammasmiɱ,||
dhammikaɱ rakkhāvaraṇaguttiɱ saɱvidahitvā vacīkammasmiɱ,||
dhammikaɱ rakkhāvaraṇaguttiɱ saɱvidahitvā manokammasmiɱ,||
dhammen'eva anuttaraɱ dhammacakkaɱ pavatteti.|| ||

Taɱ hoti cakkaɱ appativattiyaɱ samaṇena vā brahmaṇena vā devena vā Mārena vā Brahmuṇā vā kenaci vā lokasmin ti.|| ||

 


Contact:
E-mail
Copyright Statement   Webmaster's Page