Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tika Nipāto
II. Rathakāra Vagga

Sutta 18

Devaloka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][wrrn][pts][bodh][upal] Evaɱ me sutaɱ:

Evaɱ me sutaɱ ekaɱ samayaɱ Bhagavā Sāvatthiyaɱ viharati Jetavane Anāthapiṇḍakassa ārāme.|| ||

Sace vo bhikkhave aññatitthiyā paribbājakā evaɱ puccheyyuɱ:|| ||

Devalokūpapattiyā āvuso Samaṇo Gotamo brahmacariyaɱ vussatī ti?|| ||

Na nu tumhe bhikkhave evaɱ puṭṭhā aṭṭīyeyyātha,||
harāyeyyātha,||
jiguccheyyāthā ti?|| ||

Evaɱ bhante.|| ||

Iti kira tumhe bhikkhave dibbena āyunā aṭṭīyatha,||
harāyatha,||
jigucchatha.|| ||

Dibbena vaṇṇena -||
dibbena sukhena -||
dibbena yasena -||
dibbena ādhipateyyena,||
aṭṭiyatha,||
harāyatha,||
jigucchatha||
— pag eva kho pana bhikkhave tumhehi||
kāyaduccaritena aṭṭīyitabbaɱ, harāyitabbaɱ, jigucchitabbaɱ||
vacīduccaritena aṭṭīyitabbaɱ, harāyitabbaɱ, jigucchitabbaɱ||
manoducciritena aṭṭīyitabbaɱ, harāyitabbaɱ, jigucchitabbaɱ.|| ||

 


Contact:
E-mail
Copyright Statement   Webmaster's Page