Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
IV. Devadūta Vagga

Sutta 33

Nidāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][wrrn][pts][than][olds][bodh] Evaɱ me sutaɱ|| ||

Ekaɱ samayaɱ Bhagavā Sāvatthiyaɱ viharati.|| ||

Tīṇ'imāni bhikkhave nidānāni kammānaɱ samudayāya.|| ||

Katamāni tīṇi?|| ||

Lobho nidānaɱ kammānaɱ samudayāya,||
doso nidānaɱ kammānaɱ samudayāya,||
moho nidānaɱ kammānaɱ samudayāya.

Yaɱ bhikkhave lobhapakataɱ kammaɱ||
lobhajaɱ lobhanidānaɱ lobhasamudayaɱ,||
yatth'assa attabhāvo nibbattati,||
tattha taɱ kammaɱ vipaccati.|| ||

Yattha taɱ kammaɱ vipaccati,||
tattha tassa kammassa vipākaɱ paṭisaŋvedeti diṭṭh'evā dhamme,||
upapajje vā pariyāye.

Yaɱ bhikkhave dosapakataɱ kammaɱ||
dosajaɱ dosanidānaɱ dosasamudayaɱ,||
yatth'assa attabhāvo nibbattati,||
tattha taɱ kammaɱ vipaccati.|| ||

Yattha taɱ kammaɱ vipaccati,||
tattha tassa kammassa vipākaɱ paṭisaŋvedeti diṭṭh'evā dhamme,||
upapajje vā pariyāye.

Yaɱ bhikkhave mohapakataɱ kammaɱ||
mohajaɱ mohanidānaɱ mohasamudayaɱ,||
yatth'assa attabhavo nibbattati,||
tattha taɱ kammaɱ vipaccati.|| ||

Yattha taɱ kammaɱ vipaccati,||
[135] tattha tassa kammassa vipākaɱ paṭisaŋvedeti diṭṭh'evā dhamme,||
upapajje vā pariyāye.

seyyathā pi, bhikkhave,||
bījāni akhaṇḍāni apūtīni avātātapahatāni sārādāni sukhasayitāni sukhette suparikammakatāya bhumiyā nikkhittāni||
devo ca sammā dhāraɱ anuppaveccheyya,||
ev'assu tāni bhikkhave bījāni vuḍḍhiɱ virū'hiɱ vepullaɱ āpajjeyyuɱ.|| ||

Evam eva kho bhikkhave||
yaɱ lobhapakataɱ kammaɱ||
lobhajaɱ lobhanidānaɱ lobhasamudayaɱ,||
yatth'assa attabhāvo nibbattati,||
tattha taɱ kammaɱ vipaccati.|| ||

Yattha taɱ kammaɱ vipaccati,||
tattha tassa kammassa vipākaɱ paṭisaŋvedeti diṭṭh'evā dhamme,||
upapajje vā pariyāye.

Yaɱ dosapakataɱ kammaɱ||
dosajaɱ dosanidānaɱ dosasamudayaɱ,||
yatth'assa attabhāvo nibbattati,||
tattha taɱ kammaɱ vipaccati.|| ||

Yattha taɱ kammaɱ vipaccati,||
tattha tassa kammassa vipākaɱ paṭisaŋvedeti diṭṭh'evā dhamme,||
upapajje vā pariyāye.|| ||

Yaɱ mohapakataɱ kammaɱ||
mohajaɱ mohanidānaɱ mohasamudayaɱ,||
yatth'assa attabhavo nibbattati,||
tattha taɱ kammaɱ vipaccati.|| ||

Yattha taɱ kammaɱ vipaccati,||
tattha tassa kammassa vipākaɱ paṭisaŋvedeti diṭṭh'evā dhamme,||
upapajje vā pariyāye.

[33.2] Tīṇ'imāni bhikkhave nidānāni kammānaɱ samudāyāya.|| ||

Katamāni tīṇi?|| ||

Alobho nidānaɱ kammānaɱ samudayāya,||
adoso nidānaɱ kammānaɱ samudayāya,||
amoho nidānaɱ kammānaɱ samudayāya.

Yaɱ bhikkhave alobhapakataɱ kammaɱ||
alobhajaɱ alobhanidānaɱ alobhasamudayaɱ,||
lobhe vigate evaɱ taɱ kammaɱ pahīnaɱ hoti ucchinnamūlaɱ tāla-vatthu-kataɱ anabhāvakataɱ āyatiɱ anuppādadhammaɱ.

Yaɱ bhikkhave adosapakataɱ kammaɱ||
adosajaɱ adosanidānaɱ adosasamudayaɱ,||
dose vigate evaɱ taɱ kammaɱ pahīnaɱ hoti ucchinnamūlaɱ tāla-vatthu-kataɱ anabhāvakataɱ āyatiɱ anuppādadhammaɱ.

Yaɱ bhikkhave amohapakataɱ kammaɱ||
amohajaɱ amohanidānaɱ amohasamudayaɱ,||
mohe vigate evaɱ taɱ kammaɱ pahīnaɱ hoti ucchinnamūlaɱ tāla-vatthu-kataɱ anabhāvakataɱ āyatiɱ anuppādadhammaɱ.

seyyathā pi, bhikkhave, bījāni akhaṇḍāni apūtīni avātāta- [136] pahatāni sārādāni sukhasayitāni tāni puriso agginā daheyya agginā dahitvā masiɱ kareyya masiɱ karitvā mahāvāte vā opuneyya,||
nadiyā vā sīghasotāya pavāheyya ev'assu tāni bhikkhave bījāni ucchinnamūlāni tālāvatthukatāni anabhāvakatāni āyatiɱ anuppadadhammāni.|| ||

Evam'eva kho bhikkhave yaɱ alobhapakataɱ kammaɱ||
alobhajaɱ alobhanidānaɱ alobhasamudayaɱ,||
lobhe vigate evaɱ taɱ kammaɱ pahīnaɱ hoti ucchinnamūlaɱ tāla-vatthu-kataɱ anabhāvakataɱ āyatiɱ anuppādadhammaɱ.

Yaɱ adosapakataɱ kammaɱ||
adosajaɱ adosanidānaɱ adosasamudayaɱ,||
dose vigate evaɱ taɱ kammaɱ pahīnaɱ hoti ucchinnamūlaɱ tāla-vatthu-kataɱ anabhāvakataɱ āyatiɱ anuppādadhammaɱ.|| ||

Yaɱ amohapakataɱ kammaɱ||
amohajaɱ amohanidānaɱ amohasamudayaɱ,||
mohe vigate evaɱ taɱ kammaɱ pahīnaɱ hoti ucchinnamūlaɱ tāla-vatthu-kataɱ anabhāvakataɱ āyatiɱ anuppādadhammaɱ.|| ||

Imāni kho bhikkhave tīṇi nidānāni kammānaɱ samudayāyā ti.|| ||

Lobhajaɱ dosajaɱ c'eva mohajañ cāpi'viddasu,||
Yaɱ tena pakataɱ kammaɱ appaɱ vā yadi vā bahuɱ,||
Idh'eva taɱ vedanīyaɱ vatthu aññaɱ na vijjati.
Tasmā lobhaɱ ca dosaɱ ca mohajaɱ cāpi'viddasu,||
Vijjaɱ uppādayaɱ bhikkhu sabbā duggatiyo jahe ti.|| ||

 


Contact:
E-mail
Copyright Statement   Webmaster's Page