Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
V. Cūḷa Vagga

Sutta 43

Atthavasa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh][olds] Evaɱ me sutaɱ.|| ||

Evaɱ me sutaɱ ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

"Tayo'me bhikkhave atthavase sampassamānena alam eva paresaɱ dhammaɱ desetuɱ.|| ||

Katame tayo?|| ||

Yo dhammaɱ deseti,||
so atthapaṭisaŋvedī ca hoti dhammapaṭisaŋvedī ca.|| ||

Yo dhammaɱ suṇāti,||
so atthapaṭisaŋvedī ca hoti dhammapaṭisaŋvedī ca.|| ||

Yo c'eva dhammaɱ deseti,||
yo ca dhammaɱ suṇāti,||
ubho atthapaṭisaŋvedino ca honti dhammapaṭisaŋvedino ca.|| ||

Ime kho bhikkhave tayo atthavase sampassamānena alam eva paresaɱ dhammaɱ desetun" ti.|| ||

 


Contact:
E-mail
Copyright Statement   Webmaster's Page