Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
V. Cūḷa Vagga

Sutta 47

Asaŋkhatalakkhaṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than][bodh][olds] Evaɱ me sutaɱ.|| ||

Evaɱ me sutaɱ ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Tīṇ'imāni bhikkhave saŋkhatassa saŋkhatalakkhaṇāni.|| ||

Katamāni tīṇi?|| ||

Uppādo paññāyati,||
vayo paññāyati,||
ṭhitassa aññathattaɱ paññāyati.|| ||

Imāni kho bhikkhave tīṇi saŋkhatassa saŋkhatalakkhaṇānī ti.|| ||

Tīṇ'imāni bhikkhave asaŋkhatassa asaŋkhatalakkhaṇāni.|| ||

Katamāni tīṇi?|| ||

Na uppādo paññāyati,||
na vayo paññāyati,||
na ṭhitassa añññathattaɱ paññāyati.|| ||

Imāni kho bhikkhave tīṇi asaŋkhatassa asaŋkhatalakkhaṇānī" ti.|| ||

 


Contact:
E-mail
Copyright Statement   Webmaster's Page