Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VII. Mahā Vagga

Sutta 62

Bhaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][than][olds][bodh] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Tīṇ'imāni bhikkhave amātāputtikāni bhayānī ti assutavā puthujjano bhāsati.|| ||

Katamāni tīṇī?|| ||

Hoti so bhikkhave samayo,||
yaɱ mahā-aggiŋāho vuṭṭhāti.|| ||

Mahā-aggiḍāhe kho pana bhikkhave vuṭṭhite tena||
gāmā pi ḍayhanti||
nigamā pi ḍayhanti,||
nagarā pi ḍayhanti.|| ||

Gāmesu pi ḍayhamānesu||
nigamesu pi ḍayhamānesu||
nagaresu pi ḍayhamānesu||
tattha mātā pi puttaɱ na paṭilabhati,||
putto pi mātaraɱ na paṭilabhati.|| ||

Idaɱ, bhikkhave, paṭhamaɱ||
amātāputtikaɱ bhayan ti||
assutavā puthujjano bhāsati.|| ||

2. Puna ca paraɱ bhikkhave hoti so samayo||
yaɱ mahā-megho vuṭṭhāti.|| ||

Mahā-meghe ko pana bhikkave vuṭṭhite mahā-udakavāhako sañjāyati.|| ||

Mahā-udakavāhake sañjāte tena||
gāmā pi vuyhanti,||
nigamā pi vuyhanti,||
nagarā pi vuyhanti.|| ||

Gāmesu pi vuyhamānesu||
nigamesu pi vuyhamānesu||
nagaresu pi vuyahmānesu tattha ||
mātā pi puttaɱ na paṭilabhati,||
pitto pi mātaraɱ na paṭilabhati.|| ||

Idaɱ bhikkhave dutiyaɱ||
amātāputtikaɱ bhayan ti||
assutavā puthujjano bhasati.|| ||

3. Puna ca paraɱ bhikkhave hoti so samayo,||
yaɱ bhayaɱ hoti aṭavi-sankopo cakkasamārūḷhā jānapadā pariyāyanti.|| ||

Bhaye kho pana bhikkhave sati aṭavi-sankope cakakasamārūḷhesu jānapadesu pariyāyantesu tattha||
mātā pi puttaɱ na paṭilabhati,||
putto pi mātaraɱ na paṭilabhati|| ||

Idaɱ bhikkhave tatiyaɱ||
amātāputtikaɱ bhayan ti||
assutavā puthujjano bhasati.|| ||

Imāni kho bhikkhave||
tīṇi amātāputtikāni bhayānī ti||
assutavā puthujjano bhāsati.|| ||

4. Tāni kho pan'imāni bhikkhave tīṇi samātāputtikāni yeva bhayāni||
amātāputtikāni bhayānī ti||
assutavā puphujjano bhāsati.|| ||

Katamāni tīṇi?|| ||

Hoti so bhikkhave samayo,||
yaɱ mahā-aggiḍāho vuṭṭhāti.|| ||

Mahā-aggiḍāhe kho pana bhikkhave vuṭṭhite tena||
gāmā pi ḍayhanti||
nigamā pi ḍayhanti,||
nagarā pi ḍayhanti.|| ||

Gāmesu pi ḍayhamānesu||
nigamesu pi ḍayhamānesu||
nagaresupi ḍayhamānesu||
hoti so samayo,||
yaɱ kadici karahaci mātā pi [179] puttaɱ paṭilabhati,||
putto pi mātaraɱ paṭilabhati.|| ||

Idaɱ, bhikkhave, paṭhamaɱ||
samātāputtikaɱ yeva bhayaɱ||
amātāputtikaɱ bhayan ti||
assutavā puthujjano bhāsati.|| ||

Puna cā paraɱ bhikkhave hoti so samayo,||
yaɱ mahā-megho vuṭṭhāti.|| ||

Mahā-meghe ko pana bhikkave vuṭṭhite mahā-udakavāhako sañjāyati.|| ||

Mahā-udakavāhake sañjāte tena||
gāmā pi vuyhanti,||
nigamā pi vuyhanti,||
nagarā pi vuyhanti.|| ||

Gāmesu pi vuyhamānesu||
nigamesu pi vuyhamānesu||
nagaresu pi vuyahmānesu hoti so samayo,||
yaɱ kadāci karahaci||
mātā pi puttaɱ paṭilabhati,||
putto pi mātahaɱ paṭilabhati|| ||

Idaɱ bhikkhave dutiyaɱ||
samātāputtikaɱ yeva bhayaɱ||
amātāputtikaɱ bhayan ti||
assutavā puthujjano bhasati.|| ||

Puna ca paraɱ bhikkhave hoti so samayo,||
yaɱ bhayaɱ hoti aṭavisankopo,||
cakkasamārūḷhā jānapadā pariyāyanti.|| ||

Bhaye kho pana bhikkhave sati aṭavisankope cakkasamārūḷhesu jānapadesu pariyāyantesu||
hoti so samayo,||
yaɱ kadāci karahaci||
mātā pi puttaɱ paṭilabhati||
putto pi mātaraɱ paṭilabhati.|| ||

Idaɱ, bhikkhave, tatiyaɱ||
samātāputtikaɱ yeva bhayaɱ||
amātāputtikaɱ bhayan ti||
assutavā puthujjano bhāsati.|| ||

Imāni kho bhikkhave tīṇi||
samātāputtikāni yeva bhayāni||
amātāputtikāni bhayānī ti||
assutavā puchujjano bhasati.|| ||

 


 

5. Tīṇ'imāni bhinkhave amātāputtikāni bhayāni.|| ||

Katamāni tīṇi?|| ||

Jarābhayaɱ,||
vyādhibhayaɱ,||
maraṇabhayaɱ.|| ||

Na bhikkhave mātā puttaɱ||
jīramānaɱ evaɱ labhati:|| ||

"Ahaɱ jīrāmi,||
mā me putto jiri" ti.|| ||

Putto vā pana mātaraɱ||
jīramānaɱ na evaɱ labhati:|| ||

"Ahaɱ jīrāmi,||
mā me mātā jirī" ti.|| ||

Na bhikkhave mātā puttaɱ||
vyādiyamānaɱ evaɱ labhati:|| ||

"Ahaɱ vyādiyāmi,||
mā me putto vyādiyī" ti.|| ||

Putto va pana mātaraɱ||
vyādhiyamānaɱ evaɱ labhati:|| ||

"Ahaɱ vyādhiyāmi,||
mā me mātā vyādhiyi" ti.|| ||

Na bhikkhave mātā puttaɱ||
mīyamānaɱ evaɱ labhati:|| ||

"Ahaɱ mīyāmi,||
mā me putto mīyī"ti.|| ||

Putto vā pana mātaraɱ||
mīyamānaɱ na evaɱ labhiti:|| ||

"Ahaɱ mīyāmi,||
mā me mātā mīyi" ti.|| ||

Imāni kho bhikkhave tīṇi||
amātāputtikāni bhayānī ti.|| ||

[180] Atthi bhikkhave maggo,||
atthi paṭipadā,||
imesañ ca tiṇṇaɱ samātāputtikānaɱ bhayānaɱ,||
imesañ ca tiṇṇaɱ amātāputtikānaɱ bhayānaɱ||
pahāṇāya samatikkamāya saɱvattati.|| ||

Katamo ca bhikkhave maggo?|| ||

Katamā ca paṭipadā?|| ||

Imesañ ca tiṇṇaɱ samātāputtikānaɱ bhayānaɱ,||
imesañ ca tiṇṇaɱ amātāputtikānaɱ bhayānaɱ||
pahāṇāya samatikkamāya saɱvattati?|| ||

Ayam eva ariyo aṭṭhaŋgiko maggo,||
seyyath'idaɱ:|| ||

Sammā-diṭṭhi||
sammā-saŋkappo||
sammā-vācā||
sammā-kammanto||
sammā-ājivo||
sammā-vāyāmo||
sammā-sati||
sammā-samādhi.|| ||

Ayaɱ kho bhikkhave maggo,||
ayaɱ paṭipadā,||
imesañ ca tiṇṇaɱ samātāputtikānaɱ bhayānaɱ,||
imesañ ca tiṇṇaɱ amātāputtikānaɱ bhayānaɱ||
pahāṇāya samatikkamāya saɱvattatī ti.|| ||

 


Contact:
E-mail
Copyright Statement   Webmaster's Page