Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VII. Mahā Vagga

Sutta 63

Venāgapura Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Kosalesu cārikaɱ caramāno mahatā bhikkhu-saŋkhena saddhiɱ yena Venāgapuraɱ nāma Kosalānaɱ brāhmaṇagāmo tad avasari.|| ||

Assosuɱ kho Venāgapurikā brāhmaṇagahapatikā:|| ||

Samaṇo khalu bho Gotamo Sakyaputto Sakyakulā pabbajito Venāgapuraɱ anuppatto.|| ||

Taɱ ko pana Bhavantaɱ Gotamaɱ evaɱ kalyāṇo kittisaddo abbhūggato:|| ||

"Iti pi so Bhagavā arahaɱ Sammā-sambuddho vijjā-caraṇa-sampanno sugato loka-vidū anuttaro purisadammasārathi satthā deva-manussānaɱ buddho Bhagavā.|| ||

So imaɱ lokaɱ sadevakaɱ samārakaɱ sabrahmakaɱ sassamaṇa-brāhmaṇiɱ pajaɱ sadeva-manussaɱ sayaɱ abhiññā sacchikatvā pavedeti.|| ||

So dhammaɱ deseti ādi kalyāṇaɱ majjhe kalyāṇaɱ pariyesāna kalyāṇaɱ sātthaɱ savyañjanaɱ kevalaparipuṇṇaɱ parisuddhaɱ brahmacariyaɱ pakāseti.|| ||

Sādhu kho pana tathārūpānaɱ arahataɱ dassanaɱ hotī" ti.|| ||

2. Atha kho Venāgapurikā brāhmaṇa-gahapatikā yena Bhagavā ten'upasaŋkamiɱsu.|| ||

Upasaŋkamitvā appekacce Bhagavantaɱ abhivādetvā eka-m-antaɱ nisīdiɱsu.|| ||

Appekacce Bhagavatā saddhiɱ sammodiɱsu.|| ||

Sammodanīyaɱ [181] kathaɱ sārāṇīyaɱ vītisāretvā eka-m-antaɱ nisīdiɱsu.|| ||

Appekacce yena Bhagavā ten'añjaliɱ paṇāmetvā eka-m-antaɱ nisīdiɱsu.|| ||

Appekacce nāmagottaɱ sāvetvā eka-m-antaɱ nisīdiɱsu.|| ||

Appekacce tuṇhībhūtā eka-m-antaɱ nisīdiɱsu.|| ||

Eka-m-antaɱ nisinno kho Venāgapuriko Vacchagotto brāhmaṇo Bhagavantaɱ etad avoca:|| ||

3. "Acchariyaɱ bho Gotama,||
abbhutaɱ bho Gotama,||
yāvañ c'idaɱ bhoto Gotamassa vippasannāni indriyāni,||
parisuddho chavivaṇṇo pariyodāto.|| ||

Seyyathā pi bho Gotama sāradaɱ badarapaṇḍuɱ parisuddhi hoti pariyodātaɱ.|| ||

Evam eva bhoto Gotamassa vippasannāni indriyāni,||
parisuddho chavivaṇṇo pariyodāto.|| ||

Seyyathā pi bho Gotama tālapakkaɱ sampati bandhanā muttaɱ parisuddhaɱ hoti pariyodātaɱ.|| ||

Evam eva bhoto Gotamassa vippasannāni indriyāni,||
parisuddho chavivaṇṇo pariyodāto.|| ||

"Seyyathā pi bho Gotama nekkhaɱ jambonadaɱ dakkhakammāraputtasuparikammakataɱ ukkāmukhesu kusalasampahaṭṭhaɱ paṇḍukambale nikkhittaɱ bhāsate ca tapate ca virocati ca.|| ||

Evam eva bhoto Gotamassa vippasannāni indriyāni,||
parisuddho chavivaṇṇo pariyedāto.|| ||

Yāni nūna tāni bho Gotama uccāsayanamahāsayanāni, seyyathīdaɱ:|| ||

Āsandi pallaŋko goṇako cittakā paṭikā paṭalikā tulikā vikatikā uddalomi ekantalomī kaṭṭhissaɱ koseyyaɱ kuttakaɱ hatthattharaɱ assattharaɱ rathattharaɱ ajinappaveṇi kādali-miga-pavara-pacc'attharaṇaɱ sa-uttara-cchadaɱ ubhato-lohita-kūpadhānaɱ,||
evarūpānaɱ nūna bhavaɱ Gotamo uccāsayana-mahāsayanānaɱ nikāmalābhī akicchalābhī akasiralābhī" ti.|| ||

4. "Yāni kho pana tāni brāhmaṇa uccāsayana-mahāsayanāni, seyyathīdaɱ:|| ||

Āsandi pallaŋko goṇako cittakā paṭikā paṭalikā tulikā vikatikā uddalomi ekantalomī kaṭṭhissaɱ koseyyaɱ kuttakaɱ hatthattharaɱ assattharaɱ rathattharaɱ ajinappaveṇi kādali-miga-pavara-pacc'attharaṇaɱ sa-uttara-cchadaɱ ubhato-lohita-kūpadhānaɱ,||
dullabhāni tāni pabbajitāniɱ,||
laddhā ca na kappanti.|| ||

Tīṇi kho imāni brāhmaṇa uccāsayana-mahāsayanāni,||
yesāhaɱ etarahi nikāmalābhī akicchalibhī akasiralābhī.|| ||

Katamāni tīṇi?|| ||

[182] Dibbaɱ uccā-sayana-mahā-sayanaɱ brahmaɱ||
uccā-sayana-mahā-sayanaɱ||
ariyaɱ uccā-sayana-mahā-sayanaɱ.|| ||

Imāni kho brāhmaṇa tīṇi uccāsayana-mahāsayanāni,||
yesāhaɱ etarahi nikāmalābhī akicchalābhī akasiralābhī" ti.|| ||

5. "Katamaɱ pana bho Gotama dibbaɱ uccā-sayana-mahā-sayanaɱ,||
yassa bhavaɱ Gotamo etarahi nikāmalābhī akicchalibhī akasiralābhī" ti?|| ||

"Idāhaɱ brāhmaṇa yaɱ gāmaɱ vā nigamaɱ vā upanissāya viharāmi,||
so pubbaṇhasamayaɱ nivāsetvā pattacīvaram ādāya tam eva gāmaɱ vā nigamaɱ vā piṇḍāya pavisāmi.|| ||

So pacchābhattaɱ piṇḍapātapaṭikkanto vanantaɱ yeva pavārayāmi.|| ||

So yad eva tattha honti tiṇāni vā paṇṇāni vā tāni ekajjhaɱ saɱharitvā nisīdāmi,||
pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā.|| ||

So vivicc'eva kāmehi vivicca akusalehi dhammehi savitakkaɱ savicāraɱ vivekajaɱ pīti-sukhaɱ paṭhamajjhānaɱ upasampajja viharāmi.|| ||

Vitakka-vicārānaɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhijaɱ pīti-sukhaɱ dutiyajjhānaɱ upasampajja viharāmi.|| ||

Pītiyā ca virāgā upekkhako ca viharati sato ca sampajāno sukhaɱ ca kāyena paṭisaŋvedeti,||
yaɱ taɱ ariyā ācikkhanti:|| ||

'Upekkhako satimā sukhavihāri' ti|| ||

tatiyajjhānaɱ upasampajja viharāmi.|| ||

Sukhassa ca pahāṇā dukkhassa ca pahāṇā pubb'eva somanassa-domanassānaɱ atthaŋgamā adukkaɱ asukhaɱ upekkhā-sati-pārisuddhiɱ catutthajjhānaɱ upasampajja viharāmi.|| ||

So ce ahaɱ brāhmaṇa evaɱ bhuto caŋkamāmi,||
dibbo me eso tasmiɱ samaye caŋkamo hoti.|| ||

So ce ahaɱ buhmaṇa, evaɱ bhūto tiṭṭhāmi,||
dibbaɱ me etaɱ tasmiɱ samaye mbānaɱ hoti.|| ||

So ce ahaɱ brāhmaṇa, evaɱ bhuto nisīdimi,||
dibbaɱ me etaɱ tasmiɱ samaye asānaɱ hoti.|| ||

So ce ahaɱ brāhmaṇa, evaɱ bhuto seyyaɱ kappemi,||
dibbaɱ me etaɱ tasmiɱ samaye uccā-sayana-mahā-sayanaɱ hoti.|| ||

Idaɱ kho taɱ brāhmaṇa [183] dubbaɱ uccā-sayana-mahā-sayanaɱ,||
yassāhaɱ etaraha nikāmālābhī akicchalābhī akasiralābhī" ti.|| ||

"Acchariyaɱ bho Gotama,||
abbhutaɱ bho Gotama.|| ||

Ko c'añño evarūpassa dibbassa uccā-sayana-mahā-sayanassa nikāmalābhī bhavissati akicchalābhī akasiralābhī aññata bhotā Gotamona?|| ||

6. Katamaɱ pana taɱ bho Gotama brahmaɱ uccā-sayana-mahā-sayanaɱ,||
yassa bhavaɱ Gotamo etarahi nikāmalābhī akicchalābhī akasiralābhī" ti?|| ||

"Idāhaɱ brāhmaṇa yaɱ gāmaɱ vā nigamaɱ vā upanissāya viharāmi,||
so pubbaṇhasamayaɱ nivāsetvā pattacīvaram ādāya tam eva gāmaɱ vā nigamaɱ vā piṇḍāya pavisāmi.|| ||

So pacchābhattaɱ piṇḍapātapaṭikkanto vanantaɱ yeva pavārayāmi.|| ||

So yad eva tattha honti tiṇāni vā paṇṇāni vā tāni ekajjhaɱ saɱharitvā nisīdāmi,||
pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā.|| ||

So mettā-sahagatena cetasā ekaɱ disaɱ pharitvā viharāmi.|| ||

Tathā dutiyaɱ||
tathā tatiyaɱ,||
tathā catutthiɱ.|| ||

Iti uddham-adho tiriyaɱ sabbadhi sabbattatāya sabbāvantaɱ lokaɱ mettā-sahagatena cetasā vipulena mahaggatena appamāṇena averena avyāpajjhena pharitvā viharāmi.|| ||

Karuṇā-sahagatena cetasā ekaɱ disaɱ pharitvā viharāmi.|| ||

Tathā dutiyaɱ||
tathā tatiyaɱ,||
tathā catutthiɱ.|| ||

Iti uddham-adho tiriyaɱ sabbadhi sabbattatāya sabbāvantaɱ lokaɱ karuṇā-sahagatena cetasā vipulena mahaggatena appamāṇena averena avyāpajjhena pharitvā viharāmi.|| ||

Muditā-sahagatena cetasā ekaɱ disaɱ pharitvā viharāmi.|| ||

Tathā dutiyaɱ||
tathā tatiyaɱ,||
tathā catutthiɱ.|| ||

Iti uddham-adho tiriyaɱ sabbadhi sabbattatāya sabbāvantaɱ lokaɱ muditā-sahagatena cetasā vipulena mahaggatena appamāṇena averena avyāpajjhena pharitvā viharāmi.|| ||

Upekkhā-sahagatena cetasā ekaɱ disaɱ pharitvā viharāmi.|| ||

Tathā dutiyaɱ||
tathā tatiyaɱ,||
tathā catutthiɱ.|| ||

Iti uddham-adho tiriyaɱ sabbadhi sabbattatāya sabbāvantaɱ lokaɱ upekkhā-sahagatena cetasā vipulena mahaggatena appamāṇena averena avyāpajjhena pharitvā viharāmi.|| ||

So ce ahaɱ brāhmaṇa evaɱ bhūto caŋkamāmi,||
brahmo me eso tasmiɱ samaye caŋkamo hoti.|| ||

So ce ahaɱ brāhmaṇa evaɱ bhūto tiṭṭhāmi,||
brahmo me eso tasmiɱ samaye caŋkamo hoti.|| ||

So ce ahaɱ brāhmaṇa evaɱ bhūto nisīdāmi,||
brahmo me eso tasmiɱ samaye caŋkamo hoti.|| ||

So ce ahaɱ brāhmaṇa evaɱ bhūto seyyaɱ kappemi,||
brahmaɱ me etaɱ tasmiɱ samaye uccā-sayana-mahā-sayanaɱ hoti.|| ||

Idaɱ kho taɱ brāhmaṇa brahmaɱ uccā-sayana-mahā-sayanaɱ,||
yassāhaɱ etarahi nikāmalābhī akicchalābhī akasiralābhī" ti.|| ||

[184] "Acchariyaɱ bho Gotama, abbhūtaɱ bho Gotama!|| ||

Ko c'añño evarūpassa brahmassa uccā-sayana-mahā-sayanassa nikāmalābhī bhavissati akacchalābhī akasiralābhī aññatra bhotā Gotamona?|| ||

7. Katamaɱ pana taɱ bho Gotama ariyaɱ uccā-sayana-mahā-sayanaɱ,||
yassa bhavaɱ Gotamo etarahi nikāmalābhī akicchalābhī akasiralābhī ti?"|| ||

"Idāhaɱ brāhmaṇa yaɱ gāmaɱ vā nigamaɱ vā upanissāya viharāmi,||
so pubbaṇhasamayaɱ nivāsetvā pattacīvaram ādāya tam eva gāmaɱ vā nigamaɱ vā piṇḍāya pavisāmi.|| ||

So pacchābhattaɱ piṇḍapātapaṭikkanto vanantaɱ yeva pavārayāmi.|| ||

So yad eva tattha honti tiṇāni vā paṇṇāni vā tāni ekajjhaɱ saɱharitvā nisīdāmi,||
pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā.|| ||

So evaɱ pajānāmi:|| ||

Rāgo me pahīṇo ucchinnamūlo tālāvatthukato anabhāvakato āyetiɱ anuppādadhammo.|| ||

Doso me pahīno ucchinnamulo tālāvatthukato anabhāvakato āyatiɱ anuppādadhammo.|| ||

Moho me pahīno ucchinnamūlo tālāvatthukato anabhāvakato āyatiɱ anuppādadhammo|| ||

So ce ahaɱ brāmhaṇa evaɱbhūto caŋkamāmi,||
ariyo me eso tasmiɱ samaye caŋkamo hoti.|| ||

So ce ahaɱ brāhmaṇa evaɱbhūto tiṭṭhāmi,||
ariyo me eso tasmiɱ samaye caŋkamo hoti.|| ||

So ce ahaɱ brāhmaṇa evaɱbhūto nisīdāmi,||
ariyo me eso tasmiɱ samaye caŋkamo hoti.|| ||

So ce ahaɱ brāhmaṇa evaɱbhūto seyyaɱ kappemi,||
ariyaɱ me etaɱ tasmiɱ samaye uccā-sayana-mahā-sayanaɱ hoti.|| ||

Idaɱ kho taɱ brāhmaṇa ariyaɱ uccā-sayana-mahā-sayanaɱ,||
yassāhaɱ etarahi nikāmalābhī akicchalābhī akasiralābhī" ti.|| ||

"Acchariyaɱ bho Gotama,||
abbhūtaɱ bho Gotama!|| ||

Ko cañño evarūpassa brahmassa uccā-sayana-mahā-sayanassa nikāmalābhī bhavissati akacchalābhī akasiralābhī aññatra bhotā Gotamona?|| ||

Abhikkantaɱ bho Gotama,||
abhikkantaɱ bho Gotama!|| ||

Seyyathā pi bho Gotama nikkujjitaɱ vā ukkujjiteɱ vā ukkujjeyya,||
paṭicchannaɱ vā vivareyya,||
mūḷhassavā maggaɱ ācikkheyya,||
andhakāre vā telapajjotaɱ dhāreyya,||
cakkhumanto rūpāni dakkhintī ti.|| ||

Evaɱ evaɱ bhotā Gotamona aneka-pariyāyena dhammo pakāsito.|| ||

Ete mayaɱbhante bhavantaɱ Gotamaɱ [185] saraṇaɱ gacchāma,||
dhammañ ca||
bhikkhu-saŋghañ ca.|| ||

Upāsake no bhavaɱ Gotamo dharetu ajjatagge pāṇupete saraṇaɱgatan" ti.|| ||

 


Contact:
E-mail
Copyright Statement   Webmaster's Page