Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VII. Mahā Vagga

Sutta 64

Sarabha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh] Evaɱ me sutaɱ.|| ||

Ekaɱ samayaɱ Bhagavā Rājagahe viharati Gijjhakume pabbate tena kho pana samayena sarabho nāma paribbājako acirapakkanto hoti imasmā dhamma-vinayā.|| ||

So Rājagahe parisatiɱ evaɱ vācaɱ bhāsati:|| ||

"Aññāto mayā samaṇānaɱ Sakyaputtiyānaɱ dhammo.|| ||

Aññāya ca panāhaɱ samaṇānaɱ saka-puttiyānaɱ dhammaɱ evāhaɱ tasmā dhamma-vinayā apakkanto" ti.|| ||

Atha kho sambahulā bhikkhū pubbaṇhasamayaɱ nivāsetvā pattacīvaramādāya rāhagahaɱ piṇḍāya pavisuɱsu.|| ||

Assosuɱ ko te bhikkhu sarabhassa paribbājakassa Rājagahe parisatiɱ evaɱ vācaɱ bhāsamānassa:|| ||

"Aññāto mayā samaṇanaɱ Sakyaputtiyānaɱ dhammo.|| ||

Aññāya ca panāhaɱ samaṇānaɱ Sakyaputtiyānaɱ dhammaɱ evāhaɱ tasmā dhamma-vinayā apakkanto" ti.|| ||

Atha kho te bhikkhū Rājagahe piṇḍāya caritvā pacchābhattaɱ piṇḍapātapaṭikkantā yena Bhagavā ten'upasaŋkamiɱsu.|| ||

Upasaŋkamitvā Bhagavantaɱ abhivādetvā eka-m-antaɱ nisīdiɱsu.|| ||

Eka-m-antaɱ nisinnā kho te bhikkhu Bhagavantaɱ etad avocuɱ:|| ||

Sahabho nāma bhante paribbājako acirapakkanto imasmā dhamma-vinayā.|| ||

So Rājagahe parisatiɱ evaɱ vācaɱ bhāsati.|| ||

"Aññāto mayā samaṇānaɱ Sakyaputtiyānaɱ dhammo.|| ||

Aññāya ca panāhaɱ samaṇānaɱ Sakyaputtiyānaɱ dhammaɱ evāhaɱ tasmā dhamma-vinayā apakkantoti.|| ||

Sādhu bhante Bhagavā yena sappīnikātīraɱ yena paribbājakārāmo,||
yena sarabho paribbājako, ten'upasaŋkamatu anukampaɱ upādāyāti.|| ||

Adhivāsesi Bhagavā tuṇhibhāvena.|| ||

Atha kho Bhagavā sāyaṇhasamayaɱ patisallānā vuṭṭhito yena sappinikātīraja yena paribbājakārāmo yena sarabo paribbājako ten'upasaŋkami,||
upasaŋkamitvā paññātte āsane [186] nisīdi.|| ||

Nisajja kho Bhagavā Sahabhaɱ paribbājakaɱ etad avoca:|| ||

"Saccaɱ kira tvaɱ sarabha evaɱ vadesi:|| ||

"Aññato mayā samaṇānaɱ Sakyaputtiyānaɱ dhammo.|| ||

Aññāya ca panāhaɱ samaṇānaɱ Sakyaputtiyānaɱ dhammaɱ evāhaɱ tasmā dhamma-vinayā apakkanto" ti?|| ||

Evaɱ vutteSahabho paribbājako tuṇhī ahosi.|| ||

Dutiyam pi kho Bhagavā Sahabhaɱ paribbājakaɱ etad avoca:|| ||

"Vadehi Sahabha!|| ||

Kinti te aññato samaṇānaɱ Sakyaputtiyānaɱ dhammo;||
Sace te aparipūraɱ bhavissati,||
ahaɱ paripūressāmi,||
sace pana te paripūraɱ bhavissati.|| ||

Ahaɱ anumodissāmī ti.|| ||

Dutiyam pi kho Sahabho paribbājako tuṇhī ahosi.|| ||

Tatiyam pi kho Bhagavā Sahabhaɱ paribbājakaɱ etad avoca:|| ||

"Vadehi Sahabha!|| ||

Kinti te aññato samaṇānaɱ Sakyaputtiyānaɱ dhammo;||
Sace te aparipūraɱ bhavissati,||
ahaɱ paripūressāmi,||
sace pana te paripūraɱ bhavissati.|| ||

Ahaɱ anumodissāmī" ti.|| ||

Tatiyam pi kho Sahabho paribbājako tuṇhī ahosi.|| ||

Atha kho te paribbājakā sarabhaɱ paribbājakaɱ etad avocuɱ:|| ||

"Yadeva kho tvaɱ āvuso Sahabha,||
samaṇaɱ Gotamaɱ yāveyyāsi.|| ||

Tad eva te Samaṇo Gotamo pavāreti.|| ||

Vadehāvuso Sahabha,||
kinti te aññāto samaṇānaɱ Sakyaputtiyānaɱ dhammo,||
sace te aparipūraɱ bhavissati.|| ||

Samaṇo Gotamo paripūressatī.|| ||

Sace pana te paripūraɱ bhavissati.|| ||

Samaṇo Gotamo paripūressati.|| ||

Sace pana te paripūraɱ bhavissati.|| ||

Samaṇo Gotamo anumodissatī" ti.|| ||

Evaɱ vutte Sahabho paribbājako tuṇhībhūto maŋkubhūto pattakkhandho adhomukho pajjhāyanto appaṭibhāno nisīdu.|| ||

Atha kho Bhagavā Sahabhaɱ paribbājakaɱ tuṇhībhūtaɱ maŋkubhūtaɱ pattakkhandhaɱ adhomukhaɱ pajjhāyan taɱ appaṭibhānaɱ viditvā te paribbājake etad avoca:|| ||

"Yo kho maɱ paribbājakā evaɱ vadeyya.|| ||

Sammāsambuddhassa te paṭijānato ime dhammā anabhisambuddhāti,||
tamahaɱ tattha sādhukaɱ samanuyuñjeyyaɱ,||
samanugāheyyaɱ,||
samanubhāseyyaɱ.|| ||

[187] So vata mayā sādhukaɱ samanuyuñjiyemāno samanugāhiyamāno||
samanubhāsiyamāno||
aṭṭhāname taɱ anavakāso,||
yaɱ so tuṇṇaɱ ṭhānānaɱ nāññataraɱ ṭhānaɱ nigaccheyya aññena vā aññaɱ paṭicarissati,||
bahiddhā kathaɱ apanāmessati,||
kopañ ca||
dosañ ca||
appaccayañ ca pātukarissati.|| ||

Tuṇahībhūto vā maŋkubhūto pattakkhandho adhomukho pajajhāyanto appaṭibhāno nisīdissatī.|| ||

Seyyathā pi Sahabho paribbājako.|| ||

Yo kho maɱ paribbājakā evaɱ vadeyya:|| ||

Khīṇāsavassa te paṭijānato ime āsavā aparikkhīṇāti,||
tamahaɱ tattha sādhukaɱ samanuyuñjeyyaɱ||
samanugāheyyaɱ||
samanubhāseyyaɱ.|| ||

So vata mayā sādhukaɱ samanuyuñjiyamāno||
samanugāhiyamāno||
samanubhāsiyamāno||
aṭṭhāname taɱ anavakāso yaɱ so tiṇṇaɱ ṭhānānaɱ nāññataraɱ ṭhānaɱ nigaccheyya, aññena vā aññaɱ paṭivarissati,||
bahiddhā kathaɱ apanāmessati,||
kopañ ca||
dosañ ca||
appaccayañ ca pātukarissati.|| ||

Tuṇhībhūto vā maŋkubhūto pattakkhandho adhomukho pajjhāyanto appaṭibhāno nisīdissati,||
seyyathā pi Sahabho paribbājako.|| ||

Yo kho maɱ paribbājakā evaɱ vadeyya:|| ||

Yassa kho pana te atthāya dhammo desito,||
so na niyyāti takkarassa sammā dukkhakkhayāyā ti.|| ||

Taɱ ahaɱ tattha sādhukaɱ samuyuñkyyeɱ,||
samanugāheyyaɱ,||
samanubhāseyyaɱ.|| ||

So vata mayā sādhukaɱ samanuyuñjiyamāno||
samanugāhiyamāno||
samanubhāsiyamāno||
aṭṭhāname taɱ anavakāso yaɱ so tiṇṇaɱ ṭhānānaɱ nāññataraɱ ṭhānaɱ nigaccheyya,||
aññena vā aññaɱ paṭivarissati,||
bahiddhā kathaɱ apanāmessati,||
kopañ ca||
dosañ ca||
appaccayañ ca pātukarissati.|| ||

Tuṇhībhūto vā maŋkubhūto pattakkhandho adhomukho pajjhāyanto appaṭibhāno nisīdissati,||
seyyathā pi Sahabho paribbājako.|| ||

Atha kho Bhagavā sappinikātīre paribbājakārāme tikkhattuɱ sihanādaɱ nadītvā vehāsaɱ pakkāmi.|| ||

Atha kho te paribbājakā acirapakkantassa Bhagavato Sahabhaɱ paribbājakaɱ samantato vācāsattitodakena sañjambhariɱ akaɱsu:|| ||

Seyyathā pi āvuso Sahabha brahāraññe jarasigālo sīhanādaɱ nadissāmī ti segālakaɱ yeva nadati,||
bheraṇḍakaɱ yeva nadati.|| ||

Evam eva kho tvaɱ āvuso Sahabha aññatreva samaṇena Gotamena sihanādaɱ [188] nadissāmī ti segālakaɱ yeva nadasi,||
bheranḍakaɱ yeva nadasi.|| ||

Seyyathā pi āvuso Sahabha ambakamaddarī phussakaravitaɱ ravissāmī ti ambakamaddariravitaɱ yeva ravati.|| ||

Evam eva kho tvaɱ āvuso Sahabha aññatreva samaṇena Gotamena phussakaravitaɱ ravissāmī ti ambakamaddariravitaɱ yeva ravasi.|| ||

Seyyathā pi āvuso Sahabha usabho suññāya gosālāya gambhīraɱ naditabbaɱ maññati.|| ||

Evam eva kho tvaɱ āvuso Sahabha aññatreva samaṇena Gotamena gambhīraɱ naditabbaɱ maññasī ti.|| ||

Atha kho te paribbājakā Sahabhaɱ paribbājakaɱ samantato vācāsattitodakenasañjamhariɱ akaɱsū ti.|| ||

 


Contact:
E-mail
Copyright Statement   Webmaster's Page