Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Aŋguttara-Nikāya
III. Tikanipāta
VII. Mahā Vagga

Sutta 67

Kathāvatthu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][ati][bd] Tīṇ'īmāni bhikkhave kathāvatthuni.||
Katamāni tīni?|| ||

Atītaɱ vā bhikkhave addhānaɱ āhabbha kathaɱ katheyya||
— evaɱ ahosi atītam addhānan ti,||
anāgataɱ vā bikkhave addhānaɱ ārabbha kathaɱ katheyya||
— evaɱ bhavissati anāgatam addhānan ti,||
etarahi vā bhikkhave paccuppannaɱ ārabbha kathaɱ katheyya||
— evaɱ etarahi paccuppannan ti.|| ||

[2][pts][ati][bd] Kathā-sampayogena bhikkhave puggalo veditabbo, yadi vā kaccho yadi vā akaccho ti.|| ||

Sacāyaɱ bhikkhave puggalo pañhaɱ puṭṭho samāno
ekaɱsa-vyākaraṇīyaɱ pañhaɱ na ekaɱsena-vyākaroti,
vibhajja-vyākaraṇīyaɱ pañhaɱ na vibhajja-vyākaroti,
paṭipucchā-vyākaraṇīyaɱ pañhaɱ na paṭipucchā-vyākaroti,
ṭhapanīyaɱ pañhaɱ na ṭhapeti,
evaɱ santāyaɱ bhikkhave puggalo akacco hoti.|| ||

Sace panāyaɱ bhikkhave puggalo pañhaɱ puṭṭho samāno
ekaɱsa-vyākaraṇīyaɱ pañhaɱ ekaɱsena vyākaroti,
vibhajja-vyākaraṇīyaɱ pañhaɱ vibhajja-vyākaroti,
paṭipucchā-vyākaraṇīyaɱ pañhaɱ paṭipucchā-vyākaroti,
ṭhapanīyaɱ pañhaɱ ṭhapeti,
evaɱ santāyaɱ bhikkhave puggalo kaccho hoti.|| ||

[3][ati][pts][bd] Kathā-sampayogena bhikkhave puggalo veditabbe yadi vā kaccho, yadi vā akaccho ti.|| ||

Sacāyaɱ bhikkhave puggalo pañhaɱ puṭṭho samāno ṭhānāṭhāne na saṇṭhāti,
parikappe na saṇṭhāti,
aññavāde na [198] saṇṭhāti,
paṭipadāya na saṇṭhāti,
evaɱ santāyaɱ bikkhave puggalo akaccho hoti.|| ||

Sace panāyaɱ bikkhave puggalo pañhaɱ puṭṭho samāno ṭhānāṭhāne saṇṭhāti,
parikappe naṭhṭhāti,
aññavāde saṇṭhāti,
paṭipadāya saṇṭhāti
evaɱ santāyaɱ bhikkhave puggalo kaccho hoti.|| ||

[4][pts][ati][bd] Kathāsampayogena bhikkhave puggalo veditabbo yadi vā kaccho yadi vā akacchoti.|| ||

Sacāyaɱ bhikkhave puggalo pañhaɱ puṭṭho samāno aññenaññaɱ paṭicarati,
bahiddhā kathaɱ apanāmeti,
kopañ ca dosañ ca appaccayañ ca pātukaroti,
evaɱ santāyaɱ bhikkhave puggalo akaccho hoti.|| ||

Sace panāyaɱ bhikkhave puggalo pañhaɱ puṭṭho samāno nāññenāññaɱ paṭicarati.
Na bahiddhā kathaɱ apanāmeti,
na kopañ ca dosañ ca appaccayañ ca pātukaroti,
evaɱ santāyaɱ bhikkhave puggalo kaccho hoti.|| ||

[5][pts][ati][bd] Kathāsampayogena bikkhave puggalo veditabbo yadi vā kaccho, yadi vā akacchoti.|| ||

Sacāyaɱ bhikkhave puggalo pañhaɱ puṭṭho samāno||
abhiharati,||
abhimaddati,||
anupajagghati,||
khalitaɱ gaṇhāti,||
evaɱ santāyaɱ bhikkhave puggalo akacco hoti.|| ||

Sace panāyaɱ bhikkhave puggalo pañhaɱ puṭṭho samāno||
na abhiharati,||
na abhimaddati,||
na anupajagghati,||
na khalitaɱ gaṇhāti||
evaɱ santāyaɱ bhikkhave puggalo kaccho hoti.|| ||

[6][pts][ati][bd] Kathāsampayegena bhikkhave puggalo veditabbo yadi vā saupaniso yadipavā anupaniso ti.|| ||

Anohitasoto bhikkhave anupaniso hoti;||
Ahitasoto sa-upaniso hoti.|| ||

So sa-upaniso samāno abhijānāti ekaɱ dhammaɱ,||
parijānāti ekaɱ dhammaɱ,||
pajahati ekaɱ dhammaɱ,||
sacchikaroti ekaɱ dhammaɱ.|| ||

So abhijānanto ekaɱ dhammaɱ,||
parijānanto ekaɱ dhammaɱ,||
pajahanto ekaɱ dhammaɱ,||
sacchikaronto ekaɱ dhammaɱ,||
sammāvimuttiɱ phusati.|| ||

Etad atthā bikkhave kathā,
etad attā mantanā,
etad atthā upanisā,
etad atthaɱ sotāvadhānaɱ
yad idaɱ anupādā cittassa vimokkho ti.|| ||

[199] [7][pts][ati][bd] Ye viruddhā sallapanti viniviṭṭhā samussitā,||
Anariyaguṇam āsajja aññamañña viraresino.||
Dubbhāsitaɱ vikkhalitaɱ sampamohaɱ parājayaɱ,||
Aññamaññassābhinandanti tadariyo kathanācare.||
Sace c'assa kathākāmo kālam aññāya paṇḍto,||
Dhammaṭṭhapaṭisaɱyuttā yā ariyācaritā kathā.||
Taɱ kathaɱ kathaye dhīro avirāddho anussito,||
Anupādinnena manasā apa'āso asāhaso.||
Anusuyyāyamāno so sammadaññāya bhāsati,||
Subhāsitaɱ anumodeyya dubbhaṭṭhe nāvasādaye.||
Upārambhaɱ na sikkheyya khalitañ ca na gāhaye,||
Nābhihare nābhimadde na vācaɱ payutaɱ bhaṇe.||
Aññātatthaɱ pasādatthaɱ sataɱ ve hoti mantanā,||
Evaɱ kho ariyā mantenti esā ariyāna mantanā,||
Etad aññāya medhāvī na samusseyya mantayeti.|| ||

 


Contact:
E-mail
Copyright Statement   Webmaster's Page